بنات طمنوني على ابني اوديه افحصه ولا عادي

[اوم حمود]

السلام عليكم ورحمه الله وبركاتوو. بكتب لكمم استفساري عن ولدي انا وللله الحمد عندي ولدين محمد وعمره سنتين وسبع شهور وماجد عمره سنه وثلاث شهور فتعرفون دوم الام اللي عندها اكثر من طفل واحد دوم تقارن بين عيالها من ناحيه النمو والتطور ولدي حمود ماشاء الله بدى الكلام من بدري من عمر 9شهور كانويقول ماما وبابا وجدو وجدتي ويعرف عماته وخالاته لكنه تاخر بالمشي مشى علر سنه وشهرين وولدي ماجد اللي بسئلكم عنه ماشاء الله مشى من بدري ماشاء الله 9 شهور لكن لسه ما يتكلم حده يقول ديده حق جدته اللي هيا امي لما يشوفها ولا لما يبكي لاحضت عليه انه يموت بزارير الكهربهاء يطفي ويسكر فيها طول الوقت ومرات لما اناديه يطقع لي جنه ما يسمعني ومنتبه باللي يسويه اليوم شفته قاعد يحاول يمشي على اطراف اصابعه ما ادري ليه لكني قريت انها من سمات التوحد اللي يبعده عنه وعن عيالكم يارب والله انا محتارة وما اعرف شنو اسوي وللحين ما قلت حق ابوه لين اقرى عن هالموضوع اكثر لكني حبي استفسر عنه في المنتدى لاني سبحان الله احسكم زي خواتي وبتنصحوني بشنو اسوي ما اعني للحين ما اعرف اي وحده فيكم اسئل الله العظيم رب العرش العظيم ان يعطي كل وحده فيكم اللي تبيه وتتمناه ويعطي عيالنا الصحه والعافيه