قصه ولادتي ♡♡

[حمووشه المطيري]

السلام عليكم


رجعت لكم عشان بقولكم قصه ولادتي المرعبه هههه
طبعا انا بكريه وحاسه بالبكريات وحبيت اقولكم قصتي بتفصيل


كان بيوم الثلاثاء تاريخ 15 اكتوبر

بدايه ما كنت متوقعه اني اولد بنص التاسع توقعت اني اكمل التاسع كله لاني بكررر ف خليتها ع الله
طبعا ما مشيت ولا سويت اي شي يعني ما كثرت جماع ولا رحت مشيت نص ساعه صامله كله نايمه ههه لاني قريت عن وحده تقول ماجاب الطلق غير النوم وفعلا كلامها صحيح قبل ولادتي باسبوع كنت احس بضغط بالحووض وكان بطني مرتفع والكل يقول راح تتاخرين بس ماسمع منهم وكان تجيني الام بظهرررري قويه تروح وتجي بين يوم ويومين المهم جا يوووم الرعب طبعا ما كنت حاسه بطلق وقته قعدت الساعه 2 الفجر شبعانه نوم انام العصر واقعد الفجر هذا نظامي قعدت اغتسلت بماااي حااار يعني غسلت من تحت تكرمون بماي حاااار وتحممت بماي دافي وبعدها اكلت اناناس طبيعي طبعا انا شقتي دور ثالث وطالعه ونازله ومرر الوقت وتغديت اكلت شبعت سبحان الله كني حاسه جت الساعه 3 العصر والحمدلله ان زوجي كان موجود والله بنات وانا قاعده فتحت النت وقعدت اقرا قصه ولاده من المنتديات وكانت تقول كل مراحل الولاده وانه لازم نتشجع جزاها الله خير والله سكرت جهازي ولا فجاااه الماااي ينزل حاار وغرق الفراش انا خفت مادري شنو اسوي ارسلت لاخت زوجي وخبرتها وراحت قالت لزوجي وبسرعه ركض للمستشفى والماي يكب ما حسيت بالم بدايه ودخلت ع طول لدكتور طبعا لبسوني الابيض وفحصني الدكتور ااااااااه يالفحص مت من الالم ايده كانت ثقيله وقعدت اصاارخ وزوجي يسمع قال مفتوح 2 سانتي ودخلوني لاني كب ماي وودوني غرفه الولاده وحطو جهاز النبض والتخطيط كانت الساعه 4 العصر وبدااا الالم يجي وكنت استغفر وادعي وخااايفه صج الولاده اصعب شي مر بحياتي وانا قاعده جا الدكتور وفحصني وشاف الجنين بسونار وقال عندج ولاده بس مطوله وراح والسستر عندي طلبت كمام لان الالم كان قووووي وحطت كمام وخف شوي ونمت بس كنت اقعد من شده الالم يجي ويروح •••••