هلا اشرطه اختبار الحمل مضموووونه ----جاوبوني لاني شاكه اني حامل ادخلو واعرفوا السالفه

[ام دهشان]

هلا متزوجات

انا طبعا ولامرة حملت من تزوجت يمكن صار لي سنه ونص

المهم الاسبوع الي راح كنت معزومه على حفله واكلت كثير وشربت بيببسي قليل

المهم اليوم الثاني بديت احس بالم في بطني غازات محتبسه يلا شوي شوي
تطلع

واخراجي ( البراز ) صاير مثل السائل انتو بكرامه
وصار لي غثيات ودوخه ومومشتهيه اكل
قلت يمكن من البلع الي اكلته اليوم الي فات

وهذا الكلام من كذا يوم


الدورة طبعا انا تجي له احيانا تاريخ 12 واحياتا 15 واحيانا 16

ولليوم ماجت لي اليوم تقريبا التاريخ 19 يوم الاحد

قلت يمكن متاخرة
وقلت يمكن حامل وافرح

رحت الصيدليه اليوم شريت شريط حمل
وحطيته مع البول طلع خط واحد يعني مو حامل

بس مدري ليش قلبي يقول اني حامل ربي لك الحمد ياما قلت كذا هع


حبيت اسئل هل هالاشرطه مضمونه واطلع النتايج صحيحه




وهل ممكن احتمال تكون نتيجه خاطىه واطلع عكس بعدين


على العموم احتمال اللعينه الدورة تنزل وتفاجىني وتهدم احلامي كلها

[~LaDy~]

ام دهشان..

يياعسل الله يرزقك من واسع فضله ويفرحك بالذريه الصالحه..

تحليل الب و ل .. مايبين اذا كان الحمل ضعيف يعني ببدايته .. بس انتي تاخرت الدوره عليك يعني فترة الدوره عديتيها..

فاذا في حمل المفروض يبين بالشريط ..هذا الي يصير معاي بحملي..والله اعلم..

والافضل انتضري 5 ايام زياده وعيدي التحليل واذا مستعجله روحي اي مستوصف وحللي دم ..

وادعي واستغفري والله يبشرك بالحمل عاجلا غير اجل..

[اقحوانة]

حبيبتي الغالية ام دهشان
انا بالنسبة لي مااقتنع بالاشرطة لان اذا كان الحمل ضعيف مايبان بسهولة
انا بالحمل الاول مابان بالشريط الا بعد 26 يوم من موعد الدورة وطبعا بان خط خفيف جدا
الافضل انتظري هالكم يوم وبعدها عيدي التحليل او حتى تقطعي الشك حللي تحليل الدم يكون اضبط
وحطي الاحتمالين على بالك يعني موجود حمل او غير موجود حتى لاتتعبي ياعمري
ويارب تطلعي حامل وتفرحينا امين ياالله ياكريم

[**لولا**]

ممكن مايبان استني كمان اسبوع وعيدي التحليل ولو نزلت معوووووووووووضة
انا بحملي بعد شهر بين بالبول وكان خفيف مرررررة,,فالاحسن تستني

[صافو]

أهلين
نسبة نتيجة تست الحمل 99 بالمئة حبيبتي
انا باولادي ما حللت دم عرفت أني حامل من التحليل المنزلي فقط
بس لازم يعدي موعد دورتك كذا يوم
لانه اذا الحمل ببدايته ما يظهر بالشريط إلا اذا الحمل أسبوعين أو أكثر
حللي دم لتطمئني والله يبشرك بالخير وتفرحي يا رب

[ريما مراد]

حبيبتي الحال من بعضه انا كمان الي سنة ونص متزوجة ولهلأ ما عندي شي
الله كريم وبيعوضنا ان شاء الله وبيعطينا
انا بعرف انه الاختبار بيبان اولها بحالة كان هرمون الحمل عندك مرتفع يعني مو شرط يعطي نتيجة صحيحة أولها
استني شو وحاولي ترجعي تعملي فحص او روحي الدكتورة تفحصلك سونار لانه ممكن يبين معها الحمل
وان شالله تبشرينا بالحمل

[الفردوس المفقود]

عسى يااااارب تكوني حااااااامل
ويفرحك

[neeevooo]

عيدي التحليل والافضل يكون دم
وان شا الله تكون حامل

[ام دهشان]

ان شاء الله ربي يسمع منكم انا بننظر لين نهايه هالشهر بشوف يمكن تنزل الدورة
واذا مانزلت بروح احلل في المستشفى وابشركم

يارب يفرحني يارب

ويفرحكم كلكم ويرزقكم بالي تحبووووووة

[ريوف2011]

الله يرزقك باللي تتمني يارب وبالحمل السليم المعافئ عاجلا غير آجل
بس حبيت انبهك اختي مايجوز تقولي اللعينه ع الدوره هذي رحمه من الله بالنسبه لنا والله قدرها علينا لو نعرف سبحان ايش يخرج مع الدوره من السموم سبحان الله كان حمدنا الله وشكرناه سبحانه لها فوائد عظيمه
يكفي ان الله هو اللي كتبها على بنات حواء

والله مايكتب شي الا فيه خير لنا
استغفري الله اخيه
واحمديه على كل حال والله يطمن قلبك ان شاء الله لاتزعلي من كلامي حبيبتي
بس حبيت اوضحلك عشان ما توقعي بالغلط وتأثمي وانتي ماتدري *