كيف اقدر احافظ على الحليب بصدري لمده اسبوع بدون رضاعه ؟؟

[أم مؤيد بإذن الله]

السلام عليكم اخواتي

انا والدة من 22 يوم
وامس بنتي تنومت بالمستشفى
بالعنايه المركزه .. الله يشفيها ويحفظها لي

اليوم زرتها وماقدرت ارضعها لان عليها اجهزه
وراح تجلس في المستشفى بين 5 الى 7 بإذن الله

ودحين صدري يآلمني وينزل منه حليب وبدأ يتحجر
اخاف يتعبني وترتفع درجه حرارتي منه

كيف اقدر انزل الحليب وما اخليه يروح

اخاف بعد خمس ايام ينشف اللي بصدري

جربت في بنتي الاولى الشفاطه وما عجبتني تجرحني


كيف اقدر احافظ على الحليب لمده اسبوع بدون رضاعه ؟؟

[ام ياسمين*]

اتوقع ما في حل غير انك تشفطي
هادا هو الحل مشان ماينشف الحليب من صدرك
او مافهمت عليك كيف بتجرحك
كنت استعمل الشفاطة في بنت وعاااادي
او مشان التحجر استعمل الكمادات سخنة على صدرك

الله يشفيها يااارب ويحفظها من كل شر

[أم حمودي وعبودي]

لازم تشفطين
أو اعصريه بيدك
بس بالأول خذي حمام دافي عشان التحجر
المفروض المستشفى يسمحوا بالحليب المشفوط

[أم مؤيد بإذن الله]

جزاكم الله خير
للاسف الحليب نشف بصدري ��

[أنوار الولاية]

يتراوى لي اذا رضعتينها بيرجع شوي شوي

انا ما جربت بس هذا الي اسمعه

الحمد لله على سلاامة بنوتتك

واذا بترضعينها سواء صناعي او طبيعي ارفعي راسها لا تخلينه في مستوى جسمها هالنصيحة دايماً كانت الدكتوره تقولي بيها لأن اذا كان راسهم بمستوى جسمهم يأثر على أذنهم فيصيدهم التهابات

[أم مؤيد بإذن الله]

حياتي توأمي
الله يخليك حبيبتي
الحمدلله افضل بكثييييير ياربي لك الحمد والشكر
والله اني مره متضايقه عشان الحليب
دحين الاحظه ينزل الحمدلله بس قليل وما يشبعها
قبل لا تدخل المستشفى كانت تشبع منه


انوار الولايه
جزاك الله خير حبيبتي
انا ع بالي ان هذي الوضعيه تسبب دخول الغازات

الله يسعدك ويعطيك العافيه