نزول المشيمه بالشهر الرابع 》طمنوووني

[حبيبةة امها]

مرحبا كروشات ..

انا هالاسبوع تعبت مرررره خاصه من الاستفراغ وكمان انشغلت كثير و ايضا صار جماع كثير >> كل هذا خلال اسبوع بس اللي تعبني اكثر كثرة الاستفراغ .. جاني الم بعد الجماع وخفت منه كان بسيط وقوي واختفى بثواني بس رجع بعد ساعات واختفى بسرعه .. وانا الحمدلله حريصه على متابعة حملي حتى لو الم بسيط ع طول اطير للمستشفى ... اليوم رحت وسويت اشعه وقالوا لي ان المشيمه نازله بس قالوا نازله شوي مو مره بس انتبهي والدكتوره قالت لي طبيعي هالشي مع كل الحوامل بس بعضهم تنزل اكثر واذا بالشهور الاخيره تولد بعمليه عشان ننقذ الطفل واذا بالشهور الاولى او الوسطى بيصير اجهاض .. بصراحه خوفتني . انا ماني عارفه سبب نزولها وكيف ترتفع وهذا الشي طبيعي ولا لا

[حياتي توأمي]

لاتقلقي حبيبتي

انا لما كنت حامل في بنتي قبل كانت نازله وقالولي مع تقدم الحمل ولما يكبر الجنين بتبدأ ترتفع المشيمة من حالها والحمد لله و بموعدي بالشهر الخامس قالولي خلاص ارتفعت ،،. وهذي بنتي في حضني ربي يحفظها

فلاااتخافي


والدكاتره دايماً بيخوفوا الواحد

لاتاخذي بكلامهم بس كل اللي المفروض تسويه تلتزمي الراحة يعني تنامي على ظهرك بكل وقت فراغك وترفعي رجلك


وربي يتمملك على خير

[حبيبةة امها]

تسلمين اختي حياتي الله يطمنك

[bellamamita]

مثل مقالت حياتي المشيمة ترتفع مع تقدم الحمل لكن لايمنع التعامل معها بحذر يعني مجهود او تطلعي او تنزلي درج مافي داعي كمان اعتقد كثرة الجماع مامنو داعي الافضل تسألي عنو الدكتورة وبالنسبة لما قالته الدكتورة فهو مضاعفات نزول المشيمة وفعلا ماقالته صحيح لذلك طلبت منك تتعاملي مع الموضوع بجدية

[حكاية روح]

انا نفس الشي برابع ومنعتني الدكتوره من السفر الشهر هذا وقالت انشالله الشهر الجاي ترتفع مافيها خوف انشالله الله يتمم لك ع خير

[υм вtℓαα]

مع تقدم الحمل ترتفع بس انتبهي لانها تسبب نزيف
ابتعدي عن الجماع لين يتقدم الحمل وخليك نايمه ع ظهرك وارفعي رجولك

الله يتمملك ع خير

[ro_n]

ان شاء الله ترتفع لاتشغلي بالك وارتاحي وانتبهي على حالك

[حبيبةة امها]

مشكورات خواتي ماقصرتوا ربي يريح بالكم ويسسسعدكم ��