اخباري بالشهر السادس + معاناتي المستمره مع الالتهاب

[حبيبةة امها]

مرحبا .. من زماااااان ماشكيت لكم ولا ازعجتكم مثل اول ههههههه

حاليا بالشهر السادس الحمدلله .. بس المشكله الالتهابات ..
يعني تخيلوا ماصمت رمضان الا يومين ونص لان باليوم الثالث
جاني هبوط فجأه و افطرت .. رحت للدكتوره سوت لي الفحوصات
اللازمه و لقت معي هبوط و التهابات زايده اكثر من اول
بالبداية اخذت مضاد خفيف ومانفع وعطوني مضاد قوته 500
ومافاد وعطوني قوته الف ومرتين باليوم وماااتحملته لانه قوي
وقالت مايصير تصومين لان معك هبوط مفاجئ ومعك الالتهابات
لازم تشربين ماء بكثره وتاخذين المضاد مرتين باليوم
و الله تعبت من الالتهاب ماعاد ارتاح و صرت اشيل هم النوم
لان ادري بصير رايحه جايه للحمام .. مافي شي الا جربته
ومع هذا ماراح و جنبي صار يوجعني وكرهت نفسي منه
يعني حتى مشوار طويل ماعاد اقدر اروح لان من اطلع
عشر دقايق ع طوووول ابي الحمام ومن ابيه مقدر اصبر
كأن ابيه من ساعاااات يعني معاه الم بالمثانه وضغط قوي
و مره كنت طالعه للسوق ومنعت نفسي اروح لان مافي الا بعيد
وصبرت ساعتين وشوي على مارجعت البيت وبعدها جاني شد
ببطني بالاسفل ومغص قوي مستمر كأن حجره و ضل يوجعني
يومين ومن يومها ماعاد امنع نفسي .. وحركة الجنين تصير اسفل
البطن يعني تحت حييييل وهالشي مخوفني بس الحمدلله
تطلع فوق ويتغير مكان الحركه بس اغلب شي تحت ..
مادري طبيعي او لا .. ووبس هذي اخر اخباري

[حياتي توأمي]

حبيبتي الله يسهل أمورك

غريب الالتهابات اللي عندك رغم قوة المضاد ومايروح !!

يعني انا مستغربه ليش ؟ طيب حاولي تغيري طبيبتك شوفي غيرها لأن الالتهابات اساساً مو زينه للجنين ولازم تتعالج قبل الولادة لأن لو ولادتك طبيعيه البيبي يتضرر من هالالتهابات بعيد الشر

وبخصوص حركة البيبي عااادي حبيبتي لاتخافي انا لما كنت حامل في بنت كان أغلب حركاتها تحت بالآخر كأنها تبي تطلع من تحت ههههههههه

لاتخافي
بس ضروري حل لهذي الالتهابات الله يعينك بصراحة

وربي يتمملك على خير

[حياتي توأمي]

بس عندي سؤال يمكن سبحان الله الالتهابات هذي من زوجك وهو ينقلها لك باستمرار وممكن يحتاج لعلاج
تأكدي اختي سبحان الله
كل شيء جايز

[حبيبةة امها]

حبيبتي حياتي تسلمين .. ايه انا حامل ببنت و مره اقول لزوجي مكانها كأن ابي اولد ههههههه
وبالنسبه للالتهابات والله تعبت من المضادات وكل ما اغير الدكتوره تعطيني مضاد اقوى .. وزوجي مايطيع يكشف دايم يقول مايحتاج ومافيني شي والخ ومره الدكتوره عطتني كريم مع المضاد وكذا .. وقالت لك و لزوجك خليه يحط بعد .. وقلت له قال ليه ؟ انا الحامل ولا انتي ؟ انتي اللي فيك التهاب مو انا هههههههههه اسلوبه يجلط و رفض يحط منه ..

[خلوني على صبري]

لازم زوجك يكشف مو عيب اذا ضلت الالتهاب موكويس لكي اولزوجك وبالنسبه للاعراض الثانيه عادي هذا الحمل ومشاكل اتحملي واصبري لحد مايفرجها الله وتولدي اما الالتهابات غيري دكتورتك ضروري يمكن غيرها يعطيكي علاج افضل

[romanci_ms22]

ربنا يعينك و يتمملنا علي خير
حركة الجنين بتتغير يعني شويه تحت و شويه فوق حسب وضعه و ممكن يكون ضاغط علي المثانه و ماثر علي دخول الحمام
الالتهابات لازم تتعالجي انتي و جوزك قوليله ان ده خطر عليه هو و ساعتها هيخاف علي نفسه

[مريمانه]

حبيبتي عاش من شافك مشتاقين وين هالغيبه
شوفي انا كمان معي التهاب واعطتني الطبيبه مضاد وبعد مخلص المضاد عدت التحليل كان خف حمدلله بس وصتني بشرب الماي بكثرره ونفس اعراضك لم اصم بسبب الهبوط الدائم والعطش والليل كله حتى النهار جايه رايحه ع الحمام صرت استحي انام حتى عد اهلي اروح الحمام كثير ومن عدا الالتهاب رافقتني حساسيه سعال وعطس ومن ضغط البيبي صرت مع السعال تتبلل ملابسي الداخليه واغير كل شويه كل هذا من ضغط البيبي وكله يهون بس نكمل ع خير يارب وبالتالي كله اجر اتحملي وربك كريم ويقومك بالسلامه انتي والبنوته بس ضرووري زوجك يتعالج كمان وحركة البيبي نفسك تمامآ لتخافي

[Um sara1]

سلامتك وماتشوفي شر


شوفي انا كمان عانيت من الالتهابات بداية حملي وماقد جاتني قبل كذا وتخف وترجعلي ربطت بينها وبين الجماع يعني كانت تنتقل لي من زوجي ولما استخدم معايا الغسول والكريم الحمدلله اختفت اقنعيه انها تنتقل عن طريق الرجل وانها تاثر على البيبي وبيخاف

[سوزان الرياض]

اشربي شعير بس اسالي قبل يناسب الحامل او لا
كولي زبادي

[Nawel2016]

سلامتك اختي
بس لازم تصرين على زوجك ياخد الدواء لنو خطر عليك والامر مؤلم جداا
الله يتمم بخير