اللهم اجرني في مصيبتي

[Fa6ema]

مساء الخير شخباركم
ارجع بعد غياب اشهر ..
تمنيت ارجع بخبر حلو بعد ما بشرتكم بحملي ..
اجي و ابشركم بخسارة حملي ..
عشت حالة نفسية جداً سيئة ، أحاول أرجع طبيعية ما قدرت اجهضت بالشهر الخامس بدون اي سبب يذكر
عشت ايام كئيبة محتارة وين جنيني؟ كنت احس بحركته ببطني وين راحت؟؟ وينك حبيبي ؟؟ وينك؟؟

حسيت روحي في حلم بعد ما ابتديت خطط اجهز بعد ماعرفت اني حامل بولد ..كنت مستانسه حدييي
وكنت ارسم و اخطط و افكر شلون بيطلع ولدي حبيبي
ماظنيت اني خلاص ماراح اجوفه ابد غير حزه ولادتي فيه ..

كنت اكتب بمذكرة خاصة للحوامل بكل صور اخليها لولدي على اسلس ان كبر يجوفه لكن ارادة الله فوق كلشي ياني طلق على بالي امساك الم ببطني اروح و ارجع الحمام شسالفه تو راجعه من المستشفي كلشي زين ؟؟
قعدت ابجي ياني احساس ان ولدي بيروح مني مافي فايدة قعدت واقفه مستغربة ابوي يهديني و امي تهديني و زوجي بعيد عني كان بدوامه ودوني الطوارئ و احس بخنقة بصدري .. بعد الفرحة بحملي الحزن صار زوجي يحاول يهديني ان شااء الله تعدي على خير بس قلبي ناغزني كان و تمر الساعات و ايون يجيكوني ؟؟ رحمي مفتوح باي لحظه بينزل الماي اجهاض مافي فايدة متوسعه توسع ولادة!! ليش شصاير ؟؟ استغربت مرة وحده صار جذي؟؟
شالسبب شالللي صار؟؟ ولدي يتحرك ببطني ليش تبون تذبحونه قعدت ايجي و ابجي لين ما خدروني حق اهدأ
و يوم اوتعيت لقيت زوجي و امي يمي هدئت نفسيتي و بعدها بشوي قالو ان بجهزوني لطلق صناعيوم ثاني الصبح ضروري ..و بعدين الصبح حسيت بامساك بطني ايابمني رحت الحمام اتعصر الا ماجوف الا الماي منبط اتخرعت حدييييي و صراخي لوين ويوونس النرسات دخلوني ولاده ارجنت و ولدت ولدي حبيبي شفته مرة يشبهني حبيبي بس مات لان مو مكتمل كتمت الضيق بصدري ماتخيلت ان يروح مني استغفر الله قمت اعاتب ربي ليش حرمني من ولدي حبيبي ؟؟ تعوذت من بليس و قمت اقرا قران هدئت بس كل مرة اتذكر احاول انسى ماقدر

و ظليت 4 شهور احاول احمل بس الله ما كتب للحين دعواتكم لي بان الله يعوضني بالولد الصالح