قصة ولادتي الي قعدت يوومين اوولد :(

[weda]

السلاام عليكم ورحمة الله وبركااته..

كييف الكرووشاات ..

الحمدلله ولدت يوم 23 ذي الحجه يوم الخميس..ولادتي جات اول التاسع.. طبعاً انا بكرريه..

طبعا انا كنت مررره مستعجله على الولاده لااني خلالالالالاص طفشت سويت كل شي شربت خرووع ولا سوالي ولا شي غير انه نظف بطني وشربت قرفه وتمر وبررضه ماا سوت لي شي..

وهالشي غلط غلط غلط لاان سبحان الله ربي كاتب وقته والمفروض الوحده ماتسووي شي تغامر بنفسهاا وهي ماعندها طلق ولا رحم مفتوح <<علمي نفسسك

يووم الثلاثااء كان 21 ذي الحجه زوجي اشترالي مراميه يقولون تسهل الولاده وماصدق هو راح جابها لي
سويت لي كوب شربته وبعده جبت 7 تمرات وملعقتين قرفه مطحونه وغليتها بمويه وشربتها وبعدها خرجنا نتمشى مشيييييييييت عالبحر ورجعت البيت وصار في جماع احس شي يدف بس ما حطيت في بالي لان اقول لسى بدرري وانا بكريه شكلي حطوول..

هذاك اليووم نمممممت وزوجي راح الدوام..

على الساعه 11 الصبااح صحيت على مووووويه ملابسي كلها انعدمت والكنبه معدوومه جااتني فررحه وغصه بنفس الووقت..

حاولت اوقف ماقدرت احس رجولي مو شايلتني من الخوف رغم انو عادي اقدر امشي بس الفجعه اثرت عليا رحت بسسرعه جريت على الحمام الله يكرمكم ونزلت ملابسي واخذت جوالي وشغلت الشاور على الحاار لاان اسمع ان المويه الحاره تقوي الطلق طبعاً الموويه كثيييييييير نزلت وكل ما امشي تكب زياده ولما اخذت الشور برضو قاعده تنزل هاذا كله ولا حسيت بشي مو حاسه بـ الم اببببداً ولا حتى مغص دقيت على زوجي قلت تعال موويه نزلت مني وياحرااام جاا مفجووع ومربووش قاعد يعجلني وانا مرره فيا برود واضحك اقوله لسى مافيا الم وهوا مفجووع اخذت الشاور ومشيت الموس على جسسمي <<من زود البررود
وهو قاعد يخاااصم يلاا بسررعه عجلي كان هو الي بيولد وانا اقوله استنى مافي الم
عصب مني وراح كلم امه نزلت لي خرجوني من الحمام ودخلت الغرفه احط لووشن وامشط شعري واتعطر واحط الروج السحرري
ولبست بجاما خفيفه وهما ورا الباب كلهم اززعجوني احس ان هما الي فيهم ولاده مو انا ربي نزل عليا بروود فضيييييييييع حتى انا مستغربه من نفسي ..
لبست عبايتي وصليت ركعتين ودعيت ربي يسهل امري..وجبت شنطه صغيييره فيها بودره وروج السحري الخطييييير وبلاشر وردي ومسكرا ضد المويه وبودرة حواجب ودهن عود ومسك ومناكير والديوردنت ومشط لشعري<<ماتدري ايش وراهاا
حطيتها بشنطة اليد حقتي واخذت الخاتم السبحه وخرجت لقيت خالتي مسويتلي قرفه واشرربها خرجت اطالع في البيت واحس العبره خانقتني وبنفس الوقت مافي احساس اني بولد ركبنا السياره وحط تحتي زي المنشفه لاان المويه لسى تنزل وانا لاابسه كوتكس الله يكرمكم..
زوجي طااااير بالسياره اقوله لاتسرع مافيا شي لسى <<ليش رايحه المستشفى اجل
واتكلم معاهم واضحك يوم وصلت المستشفى وقف عن باب الطوارئ جاب الكرسي قلت لا انا ابغا امشي دخلت الين غرفة الفحص وشافو المويه على طول دخلوني طوارئ الولاده وجات وحده بتقيس الرحم قاست قالت مو مفتوح بس المويه كلها نززلت غلى طول جابت لي زي المغذي وواحد ثاني قالت هاذا يعوض المويه الي نزلت على البيبي بعدين جات دكتورتي شافتني قالت محا اقدر اخرجك لاان المويه كلها نزلت راح اعطيك تحميلة طلق انا فاتحه فمي مدري عنها قلت طيب يلاا حطيها
هاذا كله واهلي مايدرون الساعه 2 الظهر حطت لي التحميله بعدها بنص ساعه بدأ معايا الم بالظهر خفييييف وهما حاطين التخطيط حق البيبي والطلق كل ماحسيت بالالم الرقم والصوت حق النبض يزيد وكل شويا يقوى الالم الطلقه تجي بقووووه وتروح ارتاح لما تروح الساعه 7 المغرب جات الدكتوره وقاست قالت لسى مافتح الرحم والطلق بارررد مررره انا تحطمممت الالم ذا كله ولسى باررد !
قالت راح اعطيك تحميله ثانيه الصباح واستنى عليكي 12 ساعه عشان نبض الجنين لايضعف قلت طيب بعد 12 ساعه لو مافتح قالت عمليه !!
قلتلها خلاص سويلي عمليه قالت لا راح اصبر عليكي واتحملي وربي يؤجرك :(
طلعوني غرفتي فوق وعلى الساعه 2 الليل يوم االاربعاء جا الم ومغص يكتمني احس الطلقه تجي وتكتمني ما اقدر اتنفس منهاا فررحت واخت زوجي فرحت قالت بس خلاص فرجت.. جات دكتوره وقاست قالت مفتوح 2 سم فررررحت مرره قلت خلاص هانت .. نزلوني تحت قسم الولاده كان ملييييان ماشاء الله ولادات واسمع الحريم يصرخون ويبكون وانا اعصاابي تلفت مره بس ابكي صرت من الالم رجعو قاسو قالو تقفل !!
والساعه 8 الصباح يوم الخميس جات تعطيني تحميله ثانيه.. اخذتها وزاااااد الالم ظهري وبطني من قوة الالم اضغط على اسناني بقووووه من قوة الضغط احسها تتكسر جلست اليين بعد العصر المممممممم قوي ورا بعض كل 5 دقايق كل مايجون يقيسون لسى 1 سم والطلق باررد في الجهاز وانا بيذبحني..خلالاص تعبت ماصار فيني حيل حتى الحمام الله يكرمكم ماقدرت اروح من التعب اهلي شافوني كذا قالو خلاص عمليه لان من الاربعاء وانا منومه وجا العصر الخميس ولا ولدت كلمت الدكتوره قلت خلاص مافيا حيل ابغا عمليه تعبت مره قالت طيب العمليه لاازم بنج قلت طيب بنج نصفي قالت انتي عندك حساسيه من مادة المورفين والبنج النصفي فيه مورفين وانا ما اقدر اخاطر فيكي واعطيكي الماده ذي قلت طيب والحل..؟ قالت ابرة الظهر ترريحك ولا تحسي بشي قلت خلاص يلاا .. جو بيسون لي قصطره وقاست ولا صرررخت قالت مفتوح 5 سم
قالت استني بس نص ساااعه قررب الفرج وفعلا ماشاء الله كل ماتقيس يفتح و بسررعه نادو دكتور التخدير.. جاني وخلاني اجلس واعطيه ظهري وحط الابره ولا حسيت فيها صارت الطلقه لما تجي تجي خفيييفه بس احس بدف من تحت سارت النيرس تقولي دوونت بووش لاان الدكتوره لسى ماجات في الطريق.. الحمدلله جات وصررت ادف خالتي الله يجزاها بالخير كانت تقولي لاجيتي تدفين دفي من فوق كأنك تتبولين الله يكرمكم وسرت اسوي كذا الين الحمدلله سممعت صررخة البيبي وبعدها حطو لي ابره ماحسيت بشي كأني في حلم وخيطوني ولا حسيت بشي الحمدلله بس جلس مفعول البنج ربع ساعه وجابولي البيبي وصوروني معاه.. وخلوني في قسم الولاده ساعه ونص بعدين طلعت غرفتي لقيت زوجي ماخذ لي سويت ربي لايحرمني منه ولا من اهلي والغرفه كلها ورررد وتفتح النفس ولقيت اهلي واهل زوجي قدامي..

طبعا في غرفة الولاده كان معايا زوجي وماما وام زوجي واخوات زوجي كانو برا .. <<العيله كلها جات
بس الحمدلله الدكتوره ماكشفتني ولا كاان باين شي وهاذا الشي حلو في المستفى..

طبعاً انا ولدت في سليمان فقيه عند الدكتوره سحر ملودي الدكتوره ذي قمممه قممممه في الاخلاق والاحترام وجداً ممتازه وصبرت عليا كثيير لو غيرها على طول دخلتني عمليه وغير كذا جاتني من بيتها لاان ولادتي بوقت مو دوامها..

والمستشفى كمان جداً ممتاز والاهتمام والنظافه والتمريض تكفيك كل شويا داخلين عليا ممرضات يغيرون ليا ملابسي ومره يروشوني لدرجة حتى الكوتكس لبسوني هوا ..

الحمدلله ربي فرجها ليا وسلمني من العمليه صح تعذبت يومين بس شوفة البيبي وهو طيب تنسيك كل التعب والعذاب وغير كذا تحسين الولاده كأنها حلم راح تنشغلين معاه..

ولاتنسين انه الولاده تسااااااهيل من رب العالمين ووكلي امررك لربك وخلي لسانك بذكر الله حتى وقت الولاده لاتصرخين ولا تبكين انا كنت اسمع اصوات الحريم شي مررره محززن الطاقه كلها تروح في الصرااخ ماراح يفيدك شي ادعي ربك واذكري الله راح يسهلها لك ان شاء الله..


اتمنى اني ماطولت عليكم وربي يسسهل لكل ووحده حامل ويفرحها بالبيبي ويخرجها بالسلامه..

[نور على نور]

الحمدلله على سلامتك
مبروك ماجاك
يتربى في عزكم

[ح ـسسآيف]

الحممممد لله على سلامتك وسلامة النونو
يتربى بعزك ان شاء الله ....

[om aseel]

الحمد لله على سلآمتكم يااااارب


والف مبروك عليكى على يتربى بعزكم يارب...~

[شمس الربيع]

مبروووووووك النونو يتربى بعزكم بس ما قلتيلنا اذا بنوتة او ولد

بصراحة كل ما اقرا قصص ولادة اتذكر ولادتي ببنتي حبيبة ماما من شهرين تقريبا ما كتبتها بس ان شاء الله قريبا

مهما صعوبة الطلق و الالم وووو بس سبحان الله بعدين بتصير ذكريات حللللللوة و احلى ما فيها شوفة البيبي

[weda]

الله يباارك فيكم ويسلمكم يااارب..

شمس الربيع فعلا كلامك صح اصلا احس الولاده كأنها حلم واحلا حلم الحمدلله..

البيبي ولد وسميتو علي ^_^

[غزااال الشمااال]

الحمدلله على سلامتك والف مبروك ماجاكم يتربى بعزكم يارب والله يسهلها على كل الحوامل

[إبتسامة الحياة]

الحمدلله على سلامتتتك ..
الف الف مبرووك البيبي ..
عقبالي وعقبال البنوتات تساهيل بالولادة ..

[ام التوينز3]

الف سلامه عليك اجر وعافيه

[سالي العابد]

الف الف مبروووووووووووووووووووووووووووووك حبيبتي و عقبال كل الحوامل انشالله