[بحــ العيون ــــــــر]

يقال انها حقيقية ------------------------------------------ هذي قصيده مؤثرة لأم تشكي حالها بعد ان أرسلها ولدها حمدان (الله يهديه) للمصحه (دار العجزه) أو كما يقال (دار النسيان) اترككم مع القصيدة: ويـن انــت يا حمدان امـك تناديـك .. وراك مـا تسمـع شكـايـا ونـدايـا يامسندي قلبي على الـدوم يطريـك .. ما غبت عن عيني وطيفك سمايـا هــاذي ثـلاث سنين والعيـن تبكيـك .. ما شفت زولــك زايــر يـا ضنايـا تـذكر حياتي يـوم اشيلـك واداريك . . والاعبـك دايــم وتـمـشـــي ورايــــا تـرقد على صوتي وحضني يدفيـك .. ما غـيـرك احـدٍ سـاكـن فـي حشايـا والـيـا مرضت اسهر بقربك واداريك .. ما ذوق طعم النوم صبـح ومسايـا يامـا عطيتك من حنانـي وبعطيـك .. تـكبـر وتـكبـر بالأمــل يـا مـنايــا لـكن خساره بعتني اليـوم وشفيـك .. واخـلصت للـزوجه وانـا لـي شقايـا انـا ادري انـهـا قاسيـه مـا تخليـك .. قـالـت عجـوزك مـا ابيهـا مـعـايـا خليتني وسط المصحه وانا ارجيك .. هذا جزا المعروف وهـذا جزايـا يـا ليتنـي خدامـة بيـن اياديـك .. من شـان اشوفـك كـل يوم برضايـا مشكور يا ولدي وتشكر مساعيـك .. وادعـي لـك الله دايــم بالـهـدايـا حمدان يا حمـدان امـك توصيـك .. اخاف من تلحق تشـوف الوصايـا اوصيت دكتور المصحه بيعطيـك .. رسالتـي واحروفهـا مـن بكايـا وان مت لا تبخل علـي بدعاويـك .. واطلب لي الغفران وهـذا رجايـا وامطر تراب القبر بدموع عينيـك .. ما عـاد ينفعـك النـدم والنعايـا (حسبي الله ونعم الوكيــــــــــــــل) اللهم اجعلنا بارين بوالدينا