[عبير الحرية]

المشاركة الأصلية كتبت بواسطة مريم13

السلام عليكن
حبيباتي حيت نسال اللي راهم في التاسع والا اللي حملن من قبل انا درك في الاسبوع 31 واربع ايام مشكلتي البيبي هابط ومتخد الوضعية الصحيحة للولادة والكول محلول 2 اصابع راني عندي وحد السطر ما يتحملش من الجيهة اليسرى للرحم لتحت خلاص تقريب بين الرحم والرجل اليسرى ساعات ما نقدرش نمشي و ساعات كي نكون جالسة ونوض تصعابلي و المشكل حتى كي نكون طالقة روحي طي نجي نغير الوضعي ما نقدرش خلاص هل هدا عادي؟؟؟
2/ البيبي نحسو كي يتحرك بصح راجلي ما يلاحظش هاد الشيء كيما نشوفو في اليوتوب نلقاو الكرش تزعزع تاعي لالا بصح الطبيب قالي البيبي راه داير للظهر
3/ عود ولالي الحريق بالاخص في الليل يقتلني هل عادي الحريق يدير في هاد الشهر لاني قرات انو يدير في الشهر 6 مع العلم دارلي شوية برك في 6 و حبس
جاوبوني من فظلكم راني تقلقت

مريومة الكول نتاعك مفتوح على خاطر والدة من قبل نقصد مفارقة في 6اشهر يعني البيبي كبير

لازمك شوية الراحة على الاقل تفوتي 34 اسبوع لاكتمال الجهاز التنفسي

رجلي هذاك من الثقل نتاع البيبي ضرك تزيد عليك شوفي كي تحبي تبدلي حركة مثلا باه

وقفي و الا في السرير تتقلبي اجلسي و من بعد بدلي الوضعية احسن حل

نقصي من الوقفة بزاف و القعدة بزاف ارقدي على الجانب الايسر

البيبي يتحرك نورمال ساعات يرفس ماشي محتم زي الي في اليوتوب

انا بنتي كانت دايرة للظهر عادي

الحريق اشربي الحليب او كلي الجزر دايما هذا حجم البيبي كي يكبر حجم الرحم يضغط على

الحجاب الحاجز و المعدة و بذلك تولي تدير الحريق انا بقاتلي حتى ولدت

ربي يسلك وحلك ووحل كل البنات على خير ياااارب

كسرتلك راسك بالهدرة الله غالب غضتيني