[إحساس إمرأة]

حبيبى إحساس أنا سعيدة جدا لأنك ستزوريننى فى منزلى وسعيدة أكثر لأنك وافقتى على القدوم لتتعشى عندى وقدمتى لى الفرصة لأعرفك تقاليد بلدى الغالى فى الضيافة . سأصنع المهلبية لأنها تحتاج لوقت فى الثلاجة.. ثم سأبدأ فى تحضير العشاء .. سأصنع الوجبة الرئيسية أولا لأتركها على النار ثم أبدأ بعمل المقبلات والمشقشقات.. سيأخذ منى ذلك من 3 إلى 4 ساعات لأنى كما أخبرتك أريد أن أجعل من زيارتك لى زيارة لا تنسى بعد أن أخرج من المطبخ .. طبعا سيكون لدى بعض الوقت وليس الكثير حتى موعد قدومك يالغالية .. سأرتب المنزل والحمام وأعطر البيت بالبخور والعطور.. ثم سأتحمم وأتغندر .. وألبس فستان خفيف وجميل. ثم سأعود للمطبخ لأجهز السفرات. وسأتفقد العشاء وأعمل نظرة أخيرة على كل شىء وبعدها سأجلس لأنتظرك.. وماهى إلا لحظات .. ترررررررررن. طبعا زى العادة إحساس لما تحطى إيدك على الجرس تنسى نفسك .. ههههههههه.. ندخل أنا وإنتى لغرفة الجلوس .. طبعا بعد السلام والكلام والسؤال عن الحال.. وأول شىء من تقاليدنا نقدم مثرد الشوكلاطة .. وطبعا بنخليه جنبك اليوم إشبعى فى الشوكلاطة وطبعا إنسى الريجيم .. وبعده نقدم الرزاطة (عصير اللوز) والعبمبر.. وبعدين القهوة والكيك,, ومن ثم سننتقل لغرفة ألأكل لنأخذ راحتنا أكثر ومن ثم سنقدم العشاء ستكون الوجبة الرئيسية .. كسكى بالبصلة سيد ألأطباق الشعبية طبعا حبيبتى إحساس سبق وأن أخبرك إنى سأجعل من العشاء ساعات جميلة لأعرفك التقاليد ولتبادل الحكايات والسير ولنتسامر ونتحاكى ونتساير.. ولذلك فالكسكسى يعتبر سيد ألأطباق الريئسية فى بلدى.. وسنقدم معه المبطن والعصبان وطاجين الجبن والسلطات والمسير (مخلل فلفل ) وزيتون طبعا ماتطرينيش نحلف نبى السفرة نرجعها للمطبخ فاااااضية وبعد مانتعشو والحمد لله ناخذ رأيك.. شنو رأيك نطلعو نجلسو برا أحسن وأفضل وأحلى . وإنت توافقين على طول ههه.. ونجيب مثرد الفواكه ونحطه جنبك وكمان المهلبية ونبدأ فى الحكايا وماشاء الله عليك مابطلنا حكى لا أنا ولا إنتى .. ومن ثم سأجلب الشاى باللوز وصحن المكسرات عشان تقرمشى ياقرموشة وأكيد مش حنسى نذوقك من حلويات بلدى الليبية التقليدية وبعدها إنت خلااص عيونك صارو حيتغمضو شكلك يا إحساس ثقلتى ماشاء الله هههههههه وطلبتى إنك خلاص بتروحى طبعا أنا أقولك لا بس كمان شوية لحد ماخلاص حسيت إنك فعلا نعستى وتعبتى وطبعا ألأهم إنك إستمتعتى كثيرا طبعا أخر شىء من عاداتنا وإنت مروحة سأقدم لك البقلاوة كتحلية أخيرة.. هذه ا بس إنت كنت تعبانةمن كثر الضحك والحكى وألأكل وطلبت إنك ماتاكليها وتلفيها وتاخديها معك عالبيت وطبعا أنا زودت لك العدد عشان تاكليها أنت وباقى أسرتك ببيتك وتذكرينى ههه.. وطبعا لأنك أول مرة تزورينى وكمان هذه من عادتنا وتقاليدنا ضرووورى أقدم لك هدية .. لأننا عندما يزورنا أحد لأول مرة ضرورى نعطيه شىء للذكرى ..وإن شاء الله تعجبك وأخيرا سلمنا وودعتك عالباب .. وطبعا انت أخبرتيني إن ضيافتى وحكياتى وتقاليد بلدى عجبوك.. تحياتي ♥☺