وردة رح اشتئلك كتير كتير ديري بالك على حالك امانة وتوكلي على الله ولاتزعلي اللي كاتبه ربنا بده يصير والله يشفيلك أختك والله زعلت عليها سلمي على كل أهلك وانا رح اطمن عليك وطمن البنات ولايهمك ويارب ترجعي بأقرب وقت لهون عالتجمع ونرجع نحكي مع بعض
أم ملاك ياقلبي الله يثبت حملك إن شاء الله خير بس لازم تروحي تلحقي حالك وتطمني على الجنين أنا عم استناكي طمنينا
هدولة كيفك ياعسل وكيفه الحمل معك لسا ماعرفتي جنس الجنين يالله شو ماكان حلو لأنو أول ولد الله يتمملك على خير
جوووووري وينك تعي قولينا ليش حردانة وغايبة عنا الله يهدي النفوس وإن شاء الله خير
هايدي كيفك وكيفه هنودة العسل وكيفها جامعتك عندك امتحانات وا لسا الله يوفقك على كل حال وتتخرجي وتطلعي أحلى دكتورة
سرووءة كيفك وكيفها جود الأمورة الله يحميها يارب أنتي زعلانة مننا شي دائما بتدخلي بتكتبي مشاركة وحدة ومابتسألي عن باقي البنات
عبورة إن شاء الله تكون بخير هي وابنها وان شاء الله تدخل طمننا عليها
رنوومة ماشاء الله بناتك متل القمر الله يحميهن ويبعتلهن ايام عسسل متلهن يارب وعقبال ماتجبيلهن اخ يارب
سيلا كيفك يا حلووة وكيفه البيبي معك
راما ياهلا فيكي نورتي خلينا نشوفك على طول
ام عائشة عنجد بالي مشغول عليها كتير يارب تكون بالف خير
مع الله وبانو وحمصية وبيبي سكر شو وينكن وين عم تروحوا؟
ان شاء الله ماكون نسيت حدا
انا امبارحة عملت محشي باللبن وعم امون جبنة لاول مرة هههههه كل مرة حماتي هي بتمون النا بس هالمرة قلت انا بدي اتعلم لحالي واهلي بدهن ياني انزل على حلب وانا بصراحة خايفة من الطريق كتير كتير كتير لذلك بجوز هالشهر انزل بس راجعة مارح ضل بحلب رح انزل اشوف اهلي والله قلبي فرط عليهن