دردشة بنات مصر , دردشة حوامل مصر , تجمع بنات مصر [الأرشيف] - الصفحة 7

malak ahmed

01-19-2012, 08:07 PM

ظلمتك يا واد الحمد لله يا قلبي ازيك انتي ونور والنونه اللي جوة

دفايه ايه بس البت صحت وكانت ليله ما يعلم بيها الا ربنا امال انا عامله كده ليه النهارده

الفرعونة

01-19-2012, 08:08 PM

انا عوزة أسألكم علي حاجة يابنات أنا شوية بيكون نفسي أكل حاجة حلوة وشوية موالح يعني ممكن أكل شكولاتة وبعد 5 دقائق اكل حاجة مالحة جدا دا بيحصلي لية

om arwa

01-19-2012, 08:08 PM

معلش يا نونا كلهم ذاك الرجل
انتى صحى ملكة وه برة عشان تنام وهو مجود
ممكنت تستغلى دلوقتى تعملى اكل بكرة عشان تعرفى تقعدى معاه الصبح
وماتعقديش نفسك
هو كمان اكيد بيبقى محبوس هناك لا بيشوف قرايبة لاا صحابة يبقى عايز يعض دلوقتى معلش

om arwa

01-19-2012, 08:13 PM

اه شوفتى الحموم اللى خد يومين ده هههههههههه

ياسمين انا طول الحمل كدة

الفرعونة

01-19-2012, 08:17 PM

هاي ملوكة علي فكرة أنا عوزة أقولك أن جوزي بيجي من الشغل الساعة 1 صباحا وأحضر لة العشاء ويفضل قاعد يلعب علي بلا ي ستيشن حاجة زفت وبعد كدة يقوم ينام مبيكلمش معايا ولا كلمة واحدة وانا طول النهار لوحدي ولا بشوف حد ولا أعرف حد غير اروح عند حماتي وبس

om arwa

01-19-2012, 08:17 PM

ايه يا بنتى الفيديو مايتصدددقش
شكلة تمثييييييل اخر حاجة

malak ahmed

01-19-2012, 08:21 PM

ازيك يا ياسمين انتي حامل صح؟؟ ساعات بيحصل كده في الحمل ربنا يقومك بالسلامه

اعمل ايه بس يا سما اديني صابره ملك مش بتنام غير ع ايدي لو سبتها علي سريرها بتصحي وتعيط اوووووووى عاوزاني جنبها وغدا بكره مينفعش غير بكره

انا اللي غايظني اني مش بخرج ابدااااااااا ولا بتفسح ولا حتي بروح لحد من قرايبي ده انا امبارح روحت لماما بملك فضلت تعيط وتصوت عاوزة تروح مش عاوزة تقعد ووالله يا دوبك اقل من ربع ساعه ورجعت بيها تاني عشان تسكت .. البت عرفت البيت وبقت بتعيط لما بتروح لحد عماتها متضايقين منها بسبب موضوعها ده والنهارؤده العيله كلها حتي مامتي رايحين فرح ف راس البر وانا اللي عامله كده زي خيبتهم خايفه اخرج من ملك لانها مش بتهنيني علي خروجه ابدا

معلش يا بنات دوشتكم بس انا حاسه اني كده برتاح شويه

om arwa

01-19-2012, 08:25 PM

طب حالى تقوليلة يخرجكوا شوية
معلش العيال فى السن ده بتبقى مش عارفة تخرجى منهم من الزن والرضاعة والشيل
فكرتينى بالذى مضااااا

malak ahmed

01-19-2012, 08:27 PM

انا بقي مصدقاه يا سما فيه ناس كده فعلا

يا حبيبتي يا ياسمين معلش اصبرك ولا اصبر روحي الواحده بتبقي محتاجه لفتره نقاهه من شغل البيت وزن العيال واقل كلمه حلوة من زوجها بتفرحها اوى بكره لما تولدي البيبي هيملي حياتك .. اكبر مصيبه البلاي ستيشن انا بقي جوزى علطول فاتح علي قنوات الرياضه لما زهقت

انا بس بقولو شوف انت كنت هتخرجني كام مره ف الاسبوع واقعدهم معايا ف البيت مش عاوزة اخرج بجد حياتي قبل ملك حاجه وبعدها حاجه تانيه خاااااااااااااالص اللهم لك الحمد انا مش بتبتر علي نعمتك يارب والله بس فيه فرق جامد اوى الاول كنا نقعد مع بعض كتير اوى وحياتنا كانت مليانه حب كده ولهفه دلوقتي بقت زن زن زن ولا شئ غير الزززززززززززززززززن

om arwa

01-19-2012, 08:31 PM

ههههههههه
لا يا بنتى
فيه كمان ضحكة بنتك وقت الروقان بتبقى احلى من الزن
انا عارفة اول فترة فى الخلفة دى صعبة اى تيجى تقعدى مع جوزك تعيط تقومى ترضعى
تخلصى تقومى تغيرى
ترجع وتغيرى
تيجى تخرجى فى عز الخروجة زن عشان الرضاعة تدورى على حتة تغيرلها
غير وسطك اللى بيتقطم من الشيل
كل ده هيتنسى اما تكبر
ماتقلقيش

malak ahmed

01-19-2012, 08:35 PM

اللذي مضى ايه بس يا سما ده التقيل لسه جاي

اختي بعد ولادتها لقت ان اتنين اصعب من واحد بكتير واللي قال ان البنات تربيتهم اسهل وانهم اهدي من الولاد دول مبيفهموش وهي ناويه ان شاءالله بعد ما جوزها يسافر تيجي تقعد عند ماما ييجي شهر او اتنين تنظم فيهم حياتها وترتاح شويه مش بتعرف بردو تخرج من بنتها وراحت للدكتور عشان يوصفلها لبن صناعي رفض وقالها تجيب الشفاطه اللي ف الصيدليه وتشفط بيها اللبن من صدرها وتديه للنونه وهي برا اصلها بتروح مشاوير اليومين دول لاسكندريه عشان تعمل الباسبور بتاعها فمحتاجه تسيبها مع ماما

malak ahmed

01-19-2012, 08:39 PM

هههههههههههههههههه ايوة واغير وارضع واطبطب وادلع وياريت عاجب

يارب يا سما يتنسي زي ما نسيت ايام حملي سبحانك يارب الواحده وهي حامل بتكون الايام تقيله اوى اول ما بتولد بتنسي انها كانت حامل اصلا

هي البت توته راحت فين بت يا توته انتي متابعه بصمت ولا فين يا وليه

om arwa

01-19-2012, 08:58 PM

لا شكل نور كلتهااااااا

malak ahmed

01-19-2012, 09:08 PM

لا حرام عليكي يا شيخه دي هي اللي ام مفتريه

malak ahmed

01-19-2012, 09:12 PM

اروع 5 جمل
.
.........
.
.........
1_ لا تجادل الأحمق , فقد يخطئ الناس في التفريق بينكما
2_ المهزوم إذا ابتسم , افقد المنتصر لذة الفوز
3_ لا تتحدى إنساناً ليس لديه ما يخسره
4 _ يظل الرجل طفلاً , حتى تموت أمه , فإذا ماتت ، شاخ فجأة
5_ إذاطعنت من الخلف , فاعلم أنك في المقدمة

om arwa

01-19-2012, 09:13 PM

http://forums.fatakat.com/thread2262646

*رحمه*

01-19-2012, 10:20 PM

سما انتي و دينا انا باخد دواء حموضه حلو قووي كنت قلت عليه لمروه قبل ما تولد و عجبها قوي لما جربته لو عايزين اسمه اقول لكم عليه

رنا خالد

01-19-2012, 10:21 PM

ياعيني عليكي يانهاد امال لو معاكي 2 ولا 3 هاتعملي ايه يابنتي هههههههههه
حاولي تنظمي وقتك وتشبيعيها كويس عشان تنام كتير
المفروض ان بعد ال3 شهور الاولنين تتظبط
معلش ربنا يقويكي صعبتي عليا يااوختشي والله اهئ اهئ

منتظرة فرج الله

01-19-2012, 10:34 PM

مين من الحلوات موجود هنااااااااااااااااا.........؟؟

om arwa

01-19-2012, 10:42 PM

ايه هو يا دينا؟
انا باخد ميكوجيل بيهدى الحرقان
وفيه فوار رانى بس طعمة بيقرفنى
ايه هو الدوااااا

om arwa

01-19-2012, 10:44 PM

رانا واميرة ازيكووووووووو؟

منتظرة فرج الله

01-19-2012, 10:45 PM

ايه هو يا دينا؟
انا باخد ميكوجيل بيهدى الحرقان
وفيه فوار رانى بس طعمة بيقرفنى
ايه هو الدوااااا
ازيك يا سما الف سلامة ليكى من الحرقان
عاملة ايه اخيرا دخلت ولقيتك موجودة

منتظرة فرج الله

01-19-2012, 10:46 PM

ازيك يا رنا عاملة ايه

منتظرة فرج الله

01-19-2012, 10:47 PM

رانا واميرة ازيكووووووووو؟
الحمد لله يا سما بخير ربنا يخليكى
انتى عاملة ايه وبنوتك والنونه

منتظرة فرج الله

01-19-2012, 10:48 PM

اييييييييييييييييييييييييه يا جدعااااااااااااااااااااااااااااان انتوااااااااا روحتواااااا فين

om arwa

01-19-2012, 10:51 PM

الحمدلله يا اميرة
انا كل مرة بكلمك وانتى بتختفى
الواد ابنك عامل ايه
البرد خف؟

منتظرة فرج الله

01-19-2012, 10:51 PM

طيب على العموم لما حد يدخل ياااااااريت حد يرد عليا
الواد ابنى عنده زكااام مش راضى يخف منه ومناخيره يا عينى مش بيعرف يتنفس ولا ينام علشان فيها بلغم ومش عارفة اعمل ايه النقط اللى كتبها الدكتور مش نافعه معاه وخايفة البلغم ينزل على صدره لو حد عنده نصيحة ياااااااااريت ميبخلش عليا

منتظرة فرج الله

01-19-2012, 10:53 PM

الحمدلله يا اميرة
انا كل مرة بكلمك وانتى بتختفى
الواد ابنك عامل ايه
البرد خف؟
النت عندى يا سما خنيييييق كل شويه يفصل
والواد خنيق اكتر منه يكون نايم واول ما أقرب ع الكمبيوتر يقوم يصحى

منتظرة فرج الله

01-19-2012, 10:55 PM

يا سما اعمل ايه فى موضوع الزكام دة أكيد انتى عندك فكرة

om arwa

01-19-2012, 10:56 PM

يا بنتى مادام فيه بلغم يبقى لازم مضاد حيوووووووى
عشان ينشف هو عندة اد ايه؟

منتظرة فرج الله

01-19-2012, 10:57 PM

اللهم لا اله الا انت سبحانك انى كنت من الظالمين

*رحمه*

01-19-2012, 10:58 PM

بصي يا سما هو اسمه pantoloc-40
بتاخدي قرص قبل الفطار
بس بيفضل تأثيره كذا يوم من غير تعب جربيه كده و قوليلي

om arwa

01-19-2012, 10:59 PM

انتى بتديلة اتروفين بيبى سلاين

منتظرة فرج الله

01-19-2012, 10:59 PM

يا بنتى مادام فيه بلغم يبقى لازم مضاد حيوووووووى
عشان ينشف هو عندة اد ايه؟
هو لسة مكملش 3 شهور وبصراحة انا خايفة جدا من موضوع المضاد الحيوى
علشان لما كان بياخده ساعة الطهارة تعبه

om arwa

01-19-2012, 11:01 PM

طيب خيررررر هجربة يا دينا ان شاء الله

منتظرة فرج الله

01-19-2012, 11:01 PM

انتى بتديلة اتروفين بيبى سلاين
بالضبط كدة بس فى الاول كانت كويسة لكن الظاهر ان جسم الولد خد عليها خلاص مش بتعمل حاجة

om arwa

01-19-2012, 11:02 PM

متخافيش بس لازم ياخدة عشان ينشفة
وفى لبوس اسمة ريكتوبلكسيل للرضع ممن تديهولوة مع النقط والسوايل الدافية

توتة السيد

01-19-2012, 11:17 PM

ياباي نامت اتكفتت اتخمدت اف

توتة السيد

01-19-2012, 11:19 PM

من لسه قاعد ولا اتكفتوا انتوا كمان

رنا خالد

01-19-2012, 11:20 PM

توتة السيد

01-19-2012, 11:20 PM

بت يانهاد روحي كوليلك لقمة بلا ام مفترية قال انجري شوفيلك شغلة

رنا خالد

01-19-2012, 11:20 PM

نسيت اقولكوا عملت بسبوسه وطلعت حلوه اووووووووووووي
وطريه موت زي الجاهزه بالظبط
واخيرااااااااا يااااااااااه معاناه

توتة السيد

01-19-2012, 11:26 PM

انا اديت نور مضاد حيوي وهي 15 يوم بس جتلها نزلة معوية والدكتور قالي لازم وعادي والحمد لله لازم اصلي علان البيبي يخف بسرعة وان شاء الله مافيش ضرر

ازيكم بقي

اميرة ورنا وسمسم ودينا حاملين ايه

منتظرة فرج الله

01-19-2012, 11:27 PM

متخافيش بس لازم ياخدة عشان ينشفة
وفى لبوس اسمة ريكتوبلكسيل للرضع ممن تديهولوة مع النقط والسوايل الدافية
عارفة انا سمعت عن اللبوس دة قبل كدة بس مش عارفة ليه الدكتور مقلناش عليها برغم انه دكتور شاطر جدا

توتة السيد

01-19-2012, 11:28 PM

جيبي حته بقي ولا هاتي الصنية كلها مش مهم انت

عملت مشروع كرواسون بس فشل قلبته عيش فينو ههههههههههههههههههههه

ماهو اللي معاه نور لازم يكون فاشل ومتنيل بنيلة

om arwa

01-19-2012, 11:28 PM

هههههههههه
معلش يا توتة

منتظرة فرج الله

01-19-2012, 11:34 PM

عارفه ياسما بنتي كان عندها كحة ببلغم ادتها مضاد حيوي اسمه ايموكس 250 ورحت للدكتوره اكشف بنت التيييييييت قالتلي وقفي المضاد الحيوي انتي بتألفي
ووقفته بس مكنتش مقتنعه لقيت الكحه زادت رجعت ادهولها تاني نشف البلغم والبنت اتحسنت
معاكي حق جدااااااااا في موضوع المضاد الحيوي ده
دكتوره لاتفقه شئ وتقولي صغيره ع المضاد الحيوي
طب هو انا بديها الف ده 250
بجد نفسي اخنقها
لو عنده كحه اديله يااميره احسن يابنتي
ازيك يا رنا عاملة ايه
طيب انا ابنى معندهوش كحة الحمد لله بس البلغم متركز فةى منطقة المناخير والحلق تقريبا علشان هو دايما بحاول يرجعه بس مش بيعرف لكن انا خايفة ينزل على صدره
ادله مضاد حيوى كدة مع نفسى طيب انت عارفة انا معنديش خبرة ومعرفش حاجة

منتظرة فرج الله

01-19-2012, 11:36 PM

جيبي حته بقي ولا هاتي الصنية كلها مش مهم انت

عملت مشروع كرواسون بس فشل قلبته عيش فينو ههههههههههههههههههههه

ماهو اللي معاه نور لازم يكون فاشل ومتنيل بنيلة
طيب بزمتك لو حد من البلد سمعك وانتى بتقولى كرواسون مش يفهمك غلط
ازيك يا توته عاملة ايه غير الكرواسون

توتة السيد

01-19-2012, 11:38 PM

http://forum.hwaml.com/imgcache2/hwaml.com_1327005532_448.gif

منتظرة فرج الله

01-19-2012, 11:38 PM

بت يانهاد روحي كوليلك لقمة بلا ام مفترية قال انجري شوفيلك شغلة
تصورى انا كمان عملت كيك وطلعت اسفنجية وحلوة جدا برغم انى بقالى سنه بعملها على اساس انها اسفنجية مكانتش بتطلع حلوة سبحان الله
كل حاجة ماشية بالعكس

رنا خالد

01-19-2012, 11:38 PM

خلاص ياتوته فينو فينو اهو حتي ينفع نور تعمليهلها سندوتشات بيه لما تدخل المدرسه هههههههههه
الكرواسون صعب جدا في عمايله هو والباتيه والميل في
طريقتهم قريبه من بعض
والباتون ساليه محتاج فرن الي عشان بيعضم في الفرن العادي
خلينا في المضمون
كيكه بسبوسه جلاش كنافه والذي منه
انا كانت عقدتي البسبوسه عملتها مره وطلعت طوب حرمت
بس المره دي طلعت حلوه اوي
المشكله كلها في اكياس البسبوسه السايبه
زي الزفت
مافيش احلي من دقيق السميد
اخدت طريقتها من بنت علي فتكات
اخش اشكرها بقي

منتظرة فرج الله

01-19-2012, 11:40 PM

http://forum.hwaml.com/imgcache2/hwaml.com_1327005532_448.gif
مين دول بقى انتى وابو نور طبعا صح ....................
شوفتى انا شطورة وعرفتها لوحدى ازاى

رنا خالد

01-19-2012, 11:40 PM

معلش يااميره كلنا لها هههههههههه
علي عامل ايه وانتي مش بتباني ليه

توتة السيد

01-19-2012, 11:42 PM

هههههههههههههههههههههههه يافارك يااميرة يابت اسكتي ماباظ واللي كان كان

الحمد لله ياقمري بخير انت وعلوة عاملين ايه

منتظرة فرج الله

01-19-2012, 11:44 PM

معلش يااميره كلنا لها هههههههههه
علي عامل ايه وانتي مش بتباني ليه
كلنا كويسين الحمد لله ربنا يخليكى

منتظرة فرج الله

01-19-2012, 11:44 PM

هى سما راحت فين يا جماعة

توتة السيد

01-19-2012, 11:46 PM

باينه كده ياروني صعب مع ان طريقته بتقول انه سهل انا عندي كتاب حلويت حلو قوي

قعدت اقري فيه ولقيته يااختي سهل خدعوني وقلت اجربه عملت زي ماقالوا بس تقريبا

العجينة طريت مني جيت افردها لقيتها مايعة وقليلة ادب روحت قطعتها عيش فينو مدور

وحدف في الفرن علي رائيك خلينا في المضمون

om arwa

01-19-2012, 11:47 PM

جربيلة اللبوس الالو يا اميرة
كان بيجيب نتيجة حلوة مع اروى
لو مااستريحش بردو
نجرب المضاد
وماتقلقيش كل ده عادى فى الكيدززززززز

توتة السيد

01-19-2012, 11:47 PM

ههههههههههههههههههههههه لا شطورة يااميرة هو كده انا وسيدو

انا اقوله بحبك وهو يقولي خناقتيني ابو ام الحب اللي امبهدلنا يااختي

منتظرة فرج الله

01-19-2012, 11:47 PM

انا مش عارفة هو النت عندى انا اللى تقيل ولا عندكم انتوا ولا رحتوا تاكلوا الكرواسون بتاع توته .....................؟؟؟؟؟

منتظرة فرج الله

01-19-2012, 11:50 PM

جربيلة اللبوس الالو يا اميرة
كان بيجيب نتيجة حلوة مع اروى
لو مااستريحش بردو
نجرب المضاد
وماتقلقيش كل ده عادى فى الكيدززززززز
ان شاء اللة اجربه بس كنت عاوزة اسألك هو صحيح فى جهاز لشفط البلغم من المناخير
انا قريت عنه على النت بس مسمعتش عن حد جابه قبل كدة

ام انس المصريه

01-19-2012, 11:51 PM

السلام عليكم يانسوان
وحشتوووووووووووووووووووووووووونى اوى اوى
عاملين ايه انتو وعيالكو
..
عماد خرج فى سبيل الله والبت هاجر جات تقعد معايا
وطبعا مش هتخلينى اكلمكو وتقعد تقولى الله يرحم بقيتى بتعرفى تقعدى ع النت
اهى بتخيل عليا اهى وبتعملى اصوات ببوقها زى الظرطه ههههههههههههههههههههههههه اصل بيئه زى اختها
انا وهى بقى هنفضل نغتاب وننم ونضحك من هنا للصبح ونتريق على خلق الله
انا عمرى مابغتاب غير مع هاجر ههههههههههههههههههههه
يلا بقى سلام علشان قرفانى وعايزه تتفرج على كيداهم

رنا خالد

01-19-2012, 11:52 PM

عجبتيني ياتوته لقتيها مايعه قلبتيها فينو هههههههههه
انا برضه عندي كتاب الشيف حسن بس اي كلام
بيقول حجات عجيبه مش موجوده في كل بيت
سما ازيك انتي واروي عامله ايه
بتروحي فين تعالي لكي معانا

om arwa

01-19-2012, 11:54 PM

يااميرة اه فى جهاز بس ده تشفيط من المناخير من برة اوى
معتقدش يوصل للبلغم
جهاز التشفيط اللى يوضصل لحلقة بيبقى فى المستشفى ودكتور او ممرضة اللى بيشفطلة

منتظرة فرج الله

01-19-2012, 11:55 PM

الووووووووووووووووووووووو

om arwa

01-19-2012, 11:57 PM

الحمدلله يا رونى بخير
اصلى بعمل ترايفل وبعمل عشا
وانا جيبالك هدية للفرى ههههههه
جربى الكيكة دى شكلها وهمى
انا عايزة اعملها بردووو
http://alfrasha.maktoob.com/alfrasha31/thread1700441/

توتة السيد

01-19-2012, 11:58 PM

بت يااميرة اتلمي بتتمهزأقي بكرواسوني

منتظرة فرج الله

01-19-2012, 11:58 PM

يااميرة اه فى جهاز بس ده تشفيط من المناخير من برة اوى
معتقدش يوصل للبلغم
جهاز التشفيط اللى يوضصل لحلقة بيبقى فى المستشفى ودكتور او ممرضة اللى بيشفطلة
ايوة يا سما انا كنت بسأل بس لانه حتى لو موجود حاجة زى دى هتكون تمنها غالى طبعا
طيب هسألك على حاجة كمان مجرد سؤال يعنى
انا قريت مقال عن الزكام للرضع بيقول بعد وضع النقط يمكن شفط المخاط بالحقنه مش عارفه ازاى

توتة السيد

01-20-2012, 12:02 AM

هههههههههههههههههههههه مصيبة ياشيماء يابت اتلمي لديكي في سنانك المسوسة دي

روني هههههههههههههههههه امال الجيش قلك اتصرف ارميها يعني استخدمتها استخدام اخر

وانا عندي اسماء حاجات عجب العجاب

منتظرة فرج الله

01-20-2012, 12:02 AM

بت يااميرة اتلمي بتتمهزأقي بكرواسوني
هو انا اقدر اعمل كدة بردوا يا موناليزا انتى
بس هو انتى بتقلبى ليه بعد كدة
كهربا دى يا توتى ................؟

منتظرة فرج الله

01-20-2012, 12:05 AM

سما مقولتليش ايه موضوع الحقنه دة
معلش يا جماعة استحملونى اصلى مامى لأول مرة

منتظرة فرج الله

01-20-2012, 12:06 AM

ايه يا حلوييييييييييين انتوا روحتوا فين

توتة السيد

01-20-2012, 12:07 AM

جميلة قوي الكيكة دي شكلها جوعني

توتة السيد

01-20-2012, 12:08 AM

هههههههههههههههههههههههه بقلب من عمايل نور بنكش شعري وزبهل

رسالتي وصلت ليكي يابت

منتظرة فرج الله

01-20-2012, 12:08 AM

كل شويه هقووووووووول الوووو
يلا بقى نقول الكلمتين قبل ما بعلولتى يصحى

ام انس المصريه

01-20-2012, 12:08 AM

منتظرة فرج الله

01-20-2012, 12:09 AM

هههههههههههههههههههههههه بقلب من عمايل نور بنكش شعري وزبهل

رسالتي وصلت ليكي يابت
وصلت يا جميل بس انا لو قمت من على الجهاز كووووووووووم طلبات مستنسنى اعمله لحماتى
مستنيه اقوم بالمرة

ام انس المصريه

01-20-2012, 12:12 AM

سما وحشانى يادكتوره ازيك وازى اروى والنونه
.
توته الصوره بتاعك فطستنى من الضحك انا والبت هاجر المتخلفه اللى قاعده تتريق على كلامى معاكو وتخيل عليا ههههههههههههههههههههههههه

منتظرة فرج الله

01-20-2012, 12:12 AM

رنا وحشانى اوى ياموزتى والله عامله ايه انتى ولوجى وابو لوجى
..
توته ازيك ياشجرة المانجه هههههههههه يلا اجبر بخاطرك مره من نفسك
..
اميره الف سلامه على على شفاه الله وعافاه يابننتى متخرجيش بيه فى البرد القارص ده متطلعيش بيه من باب الشقه نهائى وربنا يعافيه ويخليه
ازيك يا شيماء عاملة ايه وازاى انس يا رب يكون بخير
والله يا شيماء احنا مش بنخرج خاااااااااااالص من البيت بس المشكله ان شقتنا ساقعة ورطوبه جدا جدا والله ومكلفتاه فى البت وكل اللى يشوفه يقولى خففى بس انا مش برضى بخاف عليه من البرد ومع كدة بردوا خد الدور بس بجد تاعبنى نفسيا وبيصعب عليا وهو نايم يفضل يلف بدماغه زى اللى بياخد بالقلم على وشه يا عينى

ام انس المصريه

01-20-2012, 12:14 AM

الله الكيكه دى جميله ياسماااااا هعملها ان شاء الله دى سهله
..

منتظرة فرج الله

01-20-2012, 12:15 AM

هو رابط الكيكة مش راضى يفتح عندى ليه يا جماعة

توتة السيد

01-20-2012, 12:16 AM

اهلا اهلا ياشجرة الصبار ههههههههههههههههههههه

احنا بخير الحمد لله انت وننوس عاملين ايه والبت هاجر عاملة ايه

منتظرة فرج الله

01-20-2012, 12:18 AM

معلش يا شوشو فى سؤال
هى مين هاجر
ايه دة هو انتى خلفتى تانى بعد انس
ما شاء الله بالسرعة دى

توتة السيد

01-20-2012, 12:29 AM

طيب تصبحوا علي خياخخخخخخخخخخخخخخخخخخخخخخخخخ

رنا خالد

01-20-2012, 12:32 AM

الله الله الله ياسما
ايه الحجات الجامده دي
انا عندي احساس بالذنب فظيييييييييع
البسبوسه بتخن مع انه فري بس برضه خايفه اكل
هاخدلي كام حته واسرب الباقي بقي
لحسن بجد ضميري مأنبني
انا خسيت 3 كيلو اهوه في اقل من اسبوعين الحمد لله
يامعييييييييييييين
بس الكيكه بصراحه لاتقاوم اهئ اهئ

om arwa

01-20-2012, 01:00 AM

يا بنتى تجيبى حقنة وتشيلى السرنجة وتحاولى تشفطى بيها

شوشو حشانى يا حبى
سلميلنا ع هاجر شكلها مجنناكى

رونى ايوة الكيكة فظيييييييييييييعة
وهصورلكوا الترايفل بتاعى ان شاء الله

om arwa

01-20-2012, 01:05 AM

الفرى مسموح باى حاجة اعتقد عشان اتعملى صدمة لجسمك يرجع يخس تانى
بس متافوررريش

malak ahmed

01-20-2012, 01:30 PM

سلام عليكم

بنات انا خايفه اوى ملك النهارده صاحيه بترجع غرقت السرير وهدومي ورجعت مرتين وهي نايمه وشكلها همدان اوى وملهاش نفس لحاجه وبتنهج اوى وبتطلع صوت وهي بترضع والنهارده الجمعه مفيش دكاتره فاتحين اعمل ايه بس ياربي ادعولها بالله عليكم

om arwa

01-20-2012, 01:38 PM

اديها موتينورم شرب
معلقة 3 مرات فى اليوووووم

اعشاب تدفى بطنها شية
وراقبى هيجيلها اسهال ولا لا؟

malak ahmed

01-20-2012, 02:01 PM

ازيك يا سما قوليلي دي اعراض ايه نزله دي ولا ايه
حرارتها قايمه تعلي اهي

om arwa

01-20-2012, 02:54 PM

ايوة شكلها نازلة معوووووووووية
اديها خافض سيتال لبوس لو مفيش اسهال
لو فى اديها خافض شرب
مع الموتينورم
ممكن بارمل ابيمول ميجافين سيتافين
اى حاجة
وغالبا هتحتاج مطهر معووووى

ام انس المصريه

01-20-2012, 03:14 PM

السلام عليكم
الف سلامه على ملك يانهاد شفاها الله وعفاها شكل البنت اخدت برد جامد فى معدتها الف سلامه عليها
طب ممكن تروحى بيها مستشفى خاصه بتكون شغاله على طول علشان تطمنى او تروحى لدكتور خصوصى فى قلب بيته عااااااااااادى
او تجيبى الدوا اللى سما كتبته
وربنا يعفى عنها
..........
سما ازيك عامله ايه واخبار التقل ايه ودخول الحمام ههههههههه
انا فى التامن كنت بنام فى الحمام من كتر ماكنت حاسه بتقل
يلا ربنا معاكى ويهون عليكى انتى وكل الحوامل المسلمات يارب

ام انس المصريه

01-20-2012, 03:17 PM

ياتى كميله ماشاء الله انس عنده النهارده 5 شهور
عقبال ال5 سنين ياقلب امك وال50 سنه

ام انس المصريه

01-20-2012, 03:21 PM

عيال انا هاقوم هاجر هتضربنى ههههههههههههههههه
........

اميره هاجر دى تبقى اختىىىىىىى

منتظرة فرج الله

01-20-2012, 04:27 PM

ياتى كميله ماشاء الله انس عنده النهارده 5 شهور
عقبال ال5 سنين ياقلب امك وال50 سنه
العمر الطويل ليك يا انس ربنا يحفظك يابنى انت وكل اللى زيك يا رب

منتظرة فرج الله

01-20-2012, 04:28 PM

عيال انا هاقوم هاجر هتضربنى ههههههههههههههههه
........

اميره هاجر دى تبقى اختىىىىىىى
ازيك يا شوشو عاملة ايه
عارفة يا شيخة ان هاجر اكيد هتكون اختك بس
انا كنت بهرج معاكم أوعى تكون هاجر زعلت منى يا بات

AyoyA

01-20-2012, 04:41 PM

منتظرة فرج الله

01-20-2012, 04:47 PM

السلام عليكم يا موزة انتى وهى
والله مضيقة جدا انى مش بعرف ادخل كتير
البرد مموتنى والتقل والتعب كتر اوووووووووووووووى الحمد لله

المهم انتو عاملين ايه
شووووووووووووووووووشووووووووووووووووو
عامله ايه ونونوس ربنا يبارك فيه
خمس شهور عقبال خمسين سنه فى الخير

اميرة يااااااااااااااااااااااااااااه
بقالك كتير مبتتخوليش
اخبارك ايه

سمسمه عامله ايه ياقمر واروى والنونة

نهاد الف سلامة على ملوكه
ربنا يشفيها ويعفيها
ازيك يا جميل والله واحشانى كتيييييير
عاملة ايه والف سلامة عليكى معلش استحملى هانت ربنا يكملك بخير انتى وكل اخواتنا الحوامل يا رب
انتى بالف عافية فى السابع
التقل يا حلوة ان شاء الله هتشوفيه فى التامن أرخم شهر فى الحمل
انا مش بخوفك والله بس من قلبى بدعيلك

الفرعونة

01-20-2012, 04:57 PM

الفرعونة

01-20-2012, 05:00 PM

عموما يابنات وحشتوني خالص

منتظرة فرج الله

01-20-2012, 05:25 PM

مفيش ولا واحدة بنت حلال تدخل تاخد بحسى
بدلhwaml4 ما انا قاعدة لوحدى زى القرد كدةhwaml4

AyoyA

01-20-2012, 05:38 PM

معلش يا اميرة كنت نفسى اخد بحسك
وااااااااااااااااااااااااااااااااااااااااء
بس عايزة حد ياخد بحسى انا
اولا
هروك الشقه وهلمعها على الماشى كده
وهعمل الغدا
وهستحما علشان عفنت
هههههههههههههههههههههه
وهشغل الغساله
وهغسل المواعين
عااااااااااااااااااااااااااااااااااااااااا
ااااااااااااااااااااااااااااااااااااااااااا
مش عارفه نسيت حاجه نسيتها
ولا ايه ههههههههههههههههههه

هخلص اللى ورايا واللى قودامى واجى
تااااااااااااااااااااانى

هه هه هه
وااااااااااااااااااااااااااااااااء

توتة السيد

01-20-2012, 07:41 PM

انت مش لوحدك يافواز انت مش وحدك بااخويا

انا جيت اهو ياتري لسه قاعده ولا فس

ام انس المصريه

01-20-2012, 07:50 PM

فرعونه او يسمين جوزك بيجى من القسم .؟؟ هو ضابط ولا امين شرطه ؟؟؟؟؟؟؟؟؟ ولا ايه ؟
......

اميره تعيشى ياحبيبتى عقبال ماتشوفى علوله وهو عنده 5 شهور ههههههههههههه
...

ايويا ازيك ياحبيبتى عامله ايه
ومبرووووووووووووووووووووك ع السابع ياقلبى عقبال الولاده

ام انس المصريه

01-20-2012, 07:54 PM

توته شجرة الحشيشه ههههههههههههههه وشجرة الافيونه ههههههههههه
عامله ايه النهارده
.
بت ياتوته هتنزلى مصر امتى يابت انتى ؟؟

ام انس المصريه

01-20-2012, 08:06 PM

عاوزه اعمل كيكة السيبسون دى اللى سما كانت حاطه الرابط بتاعها
وكل المقادير عندى ماعدا القشطه والجبن السايله دى معرفهاش اساسا ههههههههههههه

توتة السيد

01-20-2012, 08:50 PM

اه ياشجرة البانجو انت عاملة ايه يابت ظبطيها يابت ياهاجر وتريقي عليها

عشنا وشوفنا شيماء علي النت وبتعرف تنتنت وتفسفس علي الفيس

ههههههههههههههههه

الحمد لله ياحبي بخير تومام ان شاء الله هانزل اخر 2

توتة السيد

01-20-2012, 08:54 PM

انا كمان عجبتني وكنت عايزة اعملها بس برضه ماعنديش قشطة ولا جبنة وضيفي كمان ماعنديش قرفة ينفع يانسون كاكاو

om arwa

01-20-2012, 11:14 PM

أزيكم يابنات صباح الخير او مساء الخير حسب حالتكم أنا لية مش شايفة توتا ولا ملوكا أنتوا فين وحشتوني أوي من أمبارح وعلي فكرة يا سما أنا زعلانة منك خالص عشان بتقولي علي كلامي تمثيل أخر حاجة أنا عوزة أقولك أنا جوزي علي مابيجي من القسم بليل بيكون مش طايق يتكلم مع حد خالص
ههههههههههههههه
ايه يا ياسو
انا كنت بقول على الفيديو اللى نهاد حطاه
اللى اسمها ملك
اللى هو احد راكب تاكسى ومراتة منتقبة بيضربها بالقلم عشان اتكلمت وبيقولها مش عايز اسمع صوتك وهى عادى مش بتقولة حاجة بتاخد الالم وتسكت
وملك ردت عليا بتقووووووووووولى لا فى رجالة كدة
بس يبقى خدتى الكلام عليكى ليه
كمان اصلا استحالة اقول ان كلامك تمثيل لان عندى نسخة من جوزك بيرجع البيت نص ساعة ياكل وربع ساعة قدام التلفزيون او ع الكمبيوتر ويدخل ينام
لا بشوفة ولا بكلمة ولا بقعد معاه
يوم الجمعة بيخترررررررررررع اى مشاوير
انا مصدقاكى جدا هههههههههه

ام يحيي 2011

01-20-2012, 11:15 PM

حد هناااااااااااااااااااااااااااااااااااااااااااااااا اااااااااااااااااااااااااااااا

om arwa

01-20-2012, 11:19 PM

انا عايزة الد بقى انا حاسة انى قنبلة متحرررررررررركة
يا عيال ماكنتش كدة فى اررررررررررروى
اعااااااااااااااااااااا

ام يحيي 2011

01-20-2012, 11:23 PM

ازيك يا سمسم عمله ايه انتى واروى والنونو

توتى عمله ايه وحشتنى مووووووووت

شوشو يا ام لسان طويل انتى وانوس العسل عملين اييييييييييييه وحشتونى

الفرعونة

01-20-2012, 11:28 PM

معلش يا سما أنا أخدت الكلام عليا ويا جميل متزعلش مني أساسا أنا بنتي خنقتني من طلباتها طول النهار مش بتفصل ماما هاتي دا ودا ودا ودا لما زهقت وخصوصا بعد الحمل زي متكون فاهمة وبتعاقبني

ام يحيي 2011

01-20-2012, 11:30 PM

ايه العيال المطنشه دى

om arwa

01-20-2012, 11:34 PM

الحمدلله يا سارة بخيررررررر
الدنيا تلج عندنا وانتا بقى فى ايه اكتر من التلج ؟

om arwa

01-20-2012, 11:35 PM

ايوة ياياسو انا تعبت من الزن والله وربنا يعلم
ربنا يهدى العيال دووووووووووول

الفرعونة

01-20-2012, 11:35 PM

وكمان عوزة أقولك ان بنتي بقالها فترة مش بتلعب زي الأول علي طول ساكتة ولا بتجري وتتحرك زي الأول مش عارفة لية

ام يحيي 2011

01-20-2012, 11:36 PM

يحيي بردان وانا هموت من التعب والبرد عظمى رصاص فيه الحمد لله بفكر اطلع بطنيه كمان على البطنيه والحاف الى بنطغطى بيه الحمد لله ربنا يعدى شهور الشتا على خير

ام يحيي 2011

01-20-2012, 11:37 PM

ما تعرفونا يا جماعه انتى مين يا جميل

ام يحيي 2011

01-20-2012, 11:39 PM

نوره بتسلم عليكم اوووووووووووى وبتقلكم الرغى معاكم وحشها بس النت عندها مفصول وبتسلم عليكم واحده واحده نونو نونو

om arwa

01-20-2012, 11:39 PM

يمكن غيرانة ياياسو
حاولى تلاعبيها تهتمى بيها العيال بتحس

سارة الله يكون فى عنكوا يا حبيبتى معللللللش

ام يحيي 2011

01-20-2012, 11:41 PM

نوره بتقلكم ادعولها بذمه وضمير النت يرجع عشان انتم وحشتوها اوووووى

om arwa

01-20-2012, 11:42 PM

نورا وحشتنى اوووووووووى

ام يحيي 2011

01-20-2012, 11:42 PM

يلا احلمد لله ربنا يجعله فى مزانا يااااااااارب

ام يحيي 2011

01-20-2012, 11:45 PM

بتسلم عليكى يا سمسم انتى واروى والنونو وقلتلها تدعيلك تولدى عشان بقتى كوبه ههههههههههه

ام يحيي 2011

01-20-2012, 11:48 PM

بترحوااااااااااااااااااااا فيبن

om arwa

01-21-2012, 12:07 AM

ايوة هى الدعوة دى اللى انا عيزاها
انتى ولدتى يويو ايه؟

ام انس المصريه

01-21-2012, 12:13 AM

اووووووف النت فاصل بقالو يجى 3 ساعات
الله يكون فى عون نورااا اللى النت فاصل عندها بقالو كتير
..
ساره ازيك عامله ايه فى التلججججججج ده احنا عندنا برد قارص اومال انتو تعملو ايه

ام يحيي 2011

01-21-2012, 12:19 AM

قيصرى ربنا يكرمك انتى بالطبيعى يا حبيبتى نزلت المايه وما كنش فى طلق ولا حتى دخل الحوض

شوشو نحمد الله اتعودنا وحشتنى اوى انوس عامل ايه دلوقت

الفرعونة

01-21-2012, 12:23 AM

سما قوليلي سنك ودراستك وشغلك وساكنة فين وكدة يعني

MALAK2010

01-21-2012, 12:29 AM

يامين ينايمنى عاوزة اناااااااااااااااااااااااااااااااااااااااااااام

om arwa

01-21-2012, 01:25 AM

هههههههه
انتى عايزة السى فى بقى ياياسووووو
بصى اناا 24 ونص
ساكنة فى فيصل فى الجيزة
بشتغل دكتورة للاسف هههههه

قليلى ولدتى جاسمين ايه؟

om arwa

01-21-2012, 01:29 AM

ملك وحشانى

AyoyA

01-21-2012, 01:30 AM

السلام عليكم
اه اه اه تعباااااااااااااااااااااااااااااااااانة
اه ياوسطى اه يا كتفى اه يا دماغى
اه يا بطنى اه يارجلى اه يا قلبى

تقريبا نسيت حاجه
اه من البرد ياااااااااااااااااااااااانى
هههههههههههههه
سما عامله ايه يا قمر واروى والنونة عاملين ايه

MALAK2010

01-21-2012, 01:33 AM

عاوزه اناااااااااااااااااااام
سما حبيبتى وحشاااااااااااااااااااااانى والله اروى السكر عامله ايييييه
ايه ازيك يا جمييييييييييييييييييييييل الف سلامه عليكى ربنا يكملك على خير

om arwa

01-21-2012, 01:34 AM

ايوية وحشانى
انا بشاركك نفس الاهات هههههههههه

رجعتوا النت ؟

AyoyA

01-21-2012, 01:42 AM

ملك الله يخليكى يا حبيبتى
سيمبا عامله ايه

سما انتى اكتر يا قمر
للاسف لأ
ده فلاشة ولاب جوزى سايبه النهارده

دمعه حائره

01-21-2012, 04:08 PM

يا جماعه حد يطمنى انا حامل فى الشهر الخامس والدكتور قال لى ان وضع الجنين بالمقعده

*رحمه*

01-21-2012, 04:39 PM

انتوا فييييييييييييييييييييييييييييييييين ؟؟؟؟؟؟؟؟؟؟؟؟؟؟؟؟؟؟

ام انس المصريه

01-21-2012, 04:45 PM

السلام عليكن ايتها النسوه
مال المنتجع بينششششش كده ليه
..
دينا عامله ايه ياقلبى ربنا معاااااااااااااااااااكى وتقومى بالسلامه
والله حامله همك يادينا وربنا يعلم ربنا يقومك بالسلامه انتى وجورى ويجيب جوزك بالسلامه

ام انس المصريه

01-21-2012, 04:58 PM

انا هقووووووووووم معملتش الاكل والدنيا زريبه

*رحمه*

01-21-2012, 05:07 PM

ربنا يخليكي يا شوشو
انا الحمد لله تمام و جوري كويسه
انتي عامله ايه و انس اخباره ايه ؟؟؟

نيهال

01-21-2012, 07:04 PM

يا بنات تزكرتوني أنا آلاء

ام انس المصريه

01-21-2012, 08:06 PM

الحمد لله يادينا انا وانوس كويسين
هتفقسى امتى يابنتى انا حاسه انك حامل من زماااااااااااااااااان هههههههههههههههههه يجى من سنه كده
..
ازيك ياالاء عامله ايه طبعا متذكراكى

منتظرون عودة الخلافة

01-21-2012, 08:14 PM

السلام عليكم
ازيكم يا ستات

*رحمه*

01-21-2012, 08:25 PM

الحمد لله يا شوشو انك بخيررر
و انا هفقس لما ربنا يريد ادعييييييييييييييييييييييييلي
انا اصلا نفسي اولد بس مش عايزه استعجل اكيد كل ما البنت تفضل جوه احسن ليها ان شاء الله ربنا يهوووووووون الباقي يارب

ازيك يا آلاء عامله ايه ؟؟؟؟

توتة السيد

01-21-2012, 08:30 PM

اللهي تنشكوا في حواجبكم يابت انت وهيا اتكسحتوا جالكم تصلب في الصوابع

مابتدخلوش ليه ايه ده دا انتوا تخنقوا

*رحمه*

01-21-2012, 08:39 PM

ازيك يا توتا عامله ايه معرفش هما فيييييييييييين ده انا اللي مش بدخل بقيت ادخل اكتر منهم
انتي عامله ايه اخبارك ايه و نور و النونه

توتة السيد

01-21-2012, 08:51 PM

الحمد لله يادينا بخير انت عاملة ايه انت وجوري

ماعرفش ايه جرالهم شكلنا اخدنا عين وحشة او حد عملنا عمل

توتة السيد

01-21-2012, 08:54 PM

معلش اتاخرت في الرد مزغوده المزاغيد بتفصل النت

*رحمه*

01-21-2012, 08:59 PM

ههههههههههههههه حرام عليكي يا توتا ما تقوليش عليها كده شكلها اميره

و حجزتي للنزول ولا لسه يا توتا ؟؟؟

توتة السيد

01-21-2012, 09:05 PM

اميرة قولي غفيرة عسكري هههههههههههههههه

لا لسه ياقمري ماباقي شهر ربنا يسهل انا هنزل علي اخر 2 ان شاء الله

العليــــــــــاء

01-21-2012, 09:10 PM

السلام عليكم ..........مساااااااء الخير

اوعى تقولوا مفيش حد هنا

توتة السيد

01-21-2012, 09:15 PM

اهلا ياعلياء ياقمر عاملة ايه

*رحمه*

01-21-2012, 09:18 PM

ربنا يخليهالك يا توتا و هااااااانت اهي ان شاء الله تنزلي بالسلامه
و انتي ميعاد ولادتك امتى ان شاء الله

ازيك يا علياء عامله ايه ؟؟؟

توتة السيد

01-21-2012, 09:21 PM

يارب ربنا يخليكي يادينا ويقومك بالف سلامة يارب

الله يسلمك يارب الدكتورة قالتلي 1\5 ان شاء الله

وعندي امل افقس قبل المعاد ده كفاية نص التاسع وبالشفا

*رحمه*

01-21-2012, 09:29 PM

على خير يا توتا
انا بقى مش عارفه هولد امتى :((((

توتة السيد

01-21-2012, 09:35 PM

يارب ازاي مافيش معاد

ام يحيي 2011

01-21-2012, 09:38 PM

فى حد هناااااااااااااااااااااااااااا

وحشتونى اوووووووووووووووووى

توتة السيد

01-21-2012, 09:39 PM

انا هنا هنا اهو ازيك ياسو وحشاني انت ويويو عاملين ايش

*رحمه*

01-21-2012, 09:39 PM

يعني الله واعلم
هو المفروض اخر التاسع 6-2

بس مش حاسه باي اعرااااااااااااض للولاده

سووووووور ازيك انتي و يحيى عاملين ايه

ام يحيي 2011

01-21-2012, 09:40 PM

توتى ودودو هناااااااااااااااا ولا مشيتوااااااااااااااااااااا

منتظرون عودة الخلافة

01-21-2012, 09:41 PM

ايه اللي انتي حاطاه دا يا توتة!!!!!!!!!

توتة السيد

01-21-2012, 09:41 PM

لا مش شرط يادينا انا ماحستش باي حاجة غير يوم الولاده

توتة السيد

01-21-2012, 09:42 PM

هههههههههههههههههههه ازيك ياسارة ياقمر ايه رائيك في الموناليزا المتكهربة

ام يحيي 2011

01-21-2012, 09:42 PM

الحمد لله يا حبايبى وحشتونى خااااااااااااااالص والله يحيي تعبان خااااااالص انا وهو والله الحمد لله برد على تسنين على تعب فى عنايه ومقفله وحمراااااااااا اوى

دودو انتى معى اختى بالضبط ولسه ما ولدتش برده آخر التاسع يوم 7 ذيك تقريبا تمام

منتظرون عودة الخلافة

01-21-2012, 09:44 PM

دي الموناليزا الغوريلا و الله الصورة خوفتني
ازيك يا بت يا توتة عاملة ايه

ام يحيي 2011

01-21-2012, 09:44 PM

دى فظيعه ده انا ضحكت عليها موت اول ما شفتها والبطه دى عثل اوى كمان ام بقى

توتى وحشنى الرغى معكى وكلكم والله هنا حاجات كتير نفسى اقولهالكم

منتظرون عودة الخلافة

01-21-2012, 09:45 PM

توتة صورة الوزة و عيالها رووووووووووووووووعة

منتظرون عودة الخلافة

01-21-2012, 09:46 PM

ازيك ام يحيي , يحيي عسول خالص و امور
انا ساررور

ام يحيي 2011

01-21-2012, 09:48 PM

ازيك يا جميل انتى اسمك ايه

العليــــــــــاء

01-21-2012, 09:51 PM

معلش معلش عديت عليكم وبعدين انشغلت فى المنتدى انتو عاملين ايه واخباركم ايه بسرعة

منتظرون عودة الخلافة

01-21-2012, 09:51 PM

بصو كل اللي شاف بطني قالي بطنك مش كبيرة و صغيرة ع السادس قمت رحت للدكتورة و قلتلها قالتلي النونو جاي بالعرض فهمتو حاجة؟؟

توتة السيد

01-21-2012, 09:51 PM

الف الف سلامة عليكوا ياسوسو خدي بالك من نفسك الجو عذاااب ربنا يصلحه من عنده

احكي ياقلبي داانا جاني تنميل في ايدي من قلة الكتابة هنا البنات انقردوا

منتظرون عودة الخلافة

01-21-2012, 09:52 PM

سارة و انتي؟

توتة السيد

01-21-2012, 09:53 PM

هههههههههههههههههههههههه غوريلا هوووووووووو

الحمد لله ياقمر بخير تسلمي انت والنونو عاملين ايه

*رحمه*

01-21-2012, 09:53 PM

الف سلامه على يحيى يا ساره ، خدي بالك منه لان الجو وحش قوي الايام دي

و ربنا مع اختك ان شاء الله ومعانا كلنا
هي حامل في ولد ولا في بنت ؟؟؟

منتظرون عودة الخلافة

01-21-2012, 09:54 PM

عارفين انا بطني متفرقش كتير عن قبل الجواز عشان قبل الجواز كنت بكرش بردو

توتة السيد

01-21-2012, 09:54 PM

يسعدك ربي ياسوسو دايما انت وحشتيني اكتر بس ايه رائيكم في البطة رمز الامومة والكفاح ههههههههههههههههههه

منتظرون عودة الخلافة

01-21-2012, 09:55 PM

الحمد لله كويسين يا توتة و نور عاملة ايه و النونو
هي ام يحيي اسمها سارة؟

توتة السيد

01-21-2012, 09:56 PM

البيبي جاي بالعرض ياسارة يعني وضعه بالعرض نايم بالعرض ربنا ييسرلك ويقلب علشان تولدي طبيعي

منتظرون عودة الخلافة

01-21-2012, 09:56 PM

و الله يا توتة سبحان الله علي الوزة دي ازاي شايلة عيالها كده جواها ف الماية

ام يحيي 2011

01-21-2012, 09:57 PM

طبعا عادى واحسن بيبقى مش باين اوى ربنا يتملك على خير يا جميل

منوره يا علياء الحمد لله تمام انتى عمله ايه طمننا عنك

منتظرون عودة الخلافة

01-21-2012, 09:58 PM

يا رب اولد طبيعي انا بخاف اوي من القيصرية دي اصلي شفتها ع اليوتيوب من سنة و نص و اتفزعت من التقطيع لكل طبقة ده

العليــــــــــاء

01-21-2012, 09:58 PM

انا كمان قالولى بطنك صغيرة على السادس والدكتور قالتلى زيك كدا بس اهى ابتدت تكبر من اول السابع وخايفة اوى تكون منفوشة اووووووووووى

منتظرون عودة الخلافة

01-21-2012, 10:00 PM

ام يحيي اسمك ايه؟

توتة السيد

01-21-2012, 10:01 PM

الحمد لله بخير ياوزة اه ام يحي اسمها سارة اعملولنا ماس بقي وكهربونا

منتظرون عودة الخلافة

01-21-2012, 10:02 PM

النونو حبيبي ده شكله طالع هادي و محترم بيتحرك بلطف و حنية كل فترة

توتة السيد

01-21-2012, 10:03 PM

الامبوبة اه قصدي الامومة بقي ياسارة

ربنا يكرمك بالطبيعي ان شاء الله وكلنا يااارب

منتظرون عودة الخلافة

01-21-2012, 10:03 PM

كل مرة اروح للدكتورة الاقيه ساجد
الحمد لله
يا رب يطلع متدين

رنا خالد

01-21-2012, 10:04 PM

اخيرا صحيتوا من شهر النوم ده ياجداعان

رنا خالد

01-21-2012, 10:04 PM

هأكل لوجي وجايه ماتمشوش بقي

منتظرون عودة الخلافة

01-21-2012, 10:05 PM

والله مستغربة الامبوبة دي يا بت يا توتةههههههه
اصلي معنديش مسؤلية كده و تصرفاتي مش رزينة
و ساعات بستغرب اني حامل
الحمد لله رب العالمين

توتة السيد

01-21-2012, 10:05 PM

قلبك ابيض ياسارة هادي مين اصبري يااوختي وهتلاقي الشلاليت والبوكسات ولا جون سينا

ام يحيي 2011

01-21-2012, 10:07 PM

انا اسمى ساره زيك يا سوسو كلنا ذاك الرجل بكرررررررررش هههههههههه

رنوش منور يا وزتى وحشتنى موووووووووووووووووووووووووووت

دندن فى ولد بأذن الله زياد ربنا يطمنا عليكم ويقومكم بالسلامه ياااااااااارب

توتة السيد

01-21-2012, 10:07 PM

ما شاء الله ربنا يجعله ليكي خير ذرية

العليــــــــــاء

01-21-2012, 10:09 PM

يا بنات حلمت انى اختى جالها عريس حلو اوى اوى بس انا اللى قابلته وكلمته وقعدت معاه هى قدمت الحاجة وخرجت وانا فضلت مع بابا وماما وجوزى نتكلم معاه هو واخته بس كان حلو اوى وامور وعجبنى جدا رايكم ايه فى الحلم ده

منتظرون عودة الخلافة

01-21-2012, 10:09 PM

هههههههههههههه
لا انا بستغرب لما بيقولولي مش هيخليكي تنامي و الحقي ناميلك دلوقتي انا حاسة النونو حبيبي ده هيريحني و مش هيبقا شرير ان شاء الله
انا قريت مزكرات ماما لاقيتها كاتبة عني: " و كانت سارة هادئة الطبع " تقصد من يوم ما ولدتني هههههه بس طبعا دي بتتناسب عكسيا مع مرور العمر

توتة السيد

01-21-2012, 10:10 PM

مستنينك ياغزال

ههههههههههههههههه كلنا كنا كده ياسارة مستغربين ومتكهربين وحالة بس مع الوقت بقي

هتتغيري وتتحملي المسؤلية وتتروشي زينا

ام يحيي 2011

01-21-2012, 10:11 PM

هو مين يا توتى

منتظرون عودة الخلافة

01-21-2012, 10:11 PM

اهلا بيكي يا ساررور

العليــــــــــاء

01-21-2012, 10:12 PM

يا حبيبتى انا كان هادى لدرجة انه احيانا مش كنت باحس بيه خالص وعملت موضوع قلت الحقونى بعد كدا اشتغل ضرب وتفعيص مش عارفة انام منه اصبرى بس وفعلا الحقى نامى شوية

منتظرون عودة الخلافة

01-21-2012, 10:13 PM

فين رنا دي
وحشتني البت دي

العليــــــــــاء

01-21-2012, 10:13 PM

ايه يا بنات محدش عارف يفسر الحلم

منتظرون عودة الخلافة

01-21-2012, 10:14 PM

هههههههه
حرام عليكي يا علياء بددتي احلامي

توتة السيد

01-21-2012, 10:14 PM

حلم جميل بس موش عارفة افسره يمكن هتجيبي ولد انت حامل في ايه

توتة السيد

01-21-2012, 10:15 PM

هو مين اللي مين ياسوسو

منتظرون عودة الخلافة

01-21-2012, 10:16 PM

بصي يا علياء الشيخ بتاع تفسير الاحلام علي قناة الناس كذا مرة اسمع واحدة اتصلت تحكي رؤية شبه رؤيتك و يسألها هي غير متزوجة فتقول ايوه يقولها يبقا ان شاء بشري من الله ليكي هيتقدملك واحد بالصفة دي ان شاء الله بس دا طبعا مش ليكي يا علياء اكيد ان شاء الله لأختك و الله اعلم

توتة السيد

01-21-2012, 10:16 PM

هاأوأو ياسارة قال هاديموش شرير يابنتي الجيل ده بينزل يقول ياشر اشتر

نأمل ذلك وتدينا امل في بكرة بس ماوعدكيش الحقيقة

ام يحيي 2011

01-21-2012, 10:17 PM

تسلمى يا سوسو

عيال افتحوا موضوع اتنقشوا فيه عشان عندى اكتئاب وعايزه اتكلم كتيررررررررررررررر

توتة السيد

01-21-2012, 10:17 PM

رنا راحت تاكل لوجي وجاية

منتظرون عودة الخلافة

01-21-2012, 10:18 PM

hwaml14حد فيكو عامل اكونت ع اليوتيوب؟

توتة السيد

01-21-2012, 10:19 PM

نفتح موضوع اممممممممممم افتحوا انتوا انا مامعييش مقص افتح بيه هههههههههههههههه

العليــــــــــاء

01-21-2012, 10:20 PM

يا رب يرزقها بعريس حلو يا رب زى اللى شفته يا توتة
وانا لسه ما شفتش نوع البيبى ومش عايزة اعرفه اصله اول فرحة وعايزاها تيجى مرة واحدة كدا خبر مفاجأ يعنى
عقل عيال صح

منتظرون عودة الخلافة

01-21-2012, 10:20 PM

ههههههههه
حرام عليكي انتي التانية بوظتو الصورة اللي كانت في خيالي

AyoyA

01-21-2012, 10:21 PM

السلام عليكم
عاملين ايه يا بطابيط
انا بردانه همووووووووووووووووووت
الجو بارد اووووووى السنادى

ام يحيي 2011

01-21-2012, 10:22 PM

توتى ما فهمتش الصوره بتاعه التفاحه دى

منتظرون عودة الخلافة

01-21-2012, 10:22 PM

ازيك يا آية عاملة ايه يا عسل
وحشتينا

منتظرون عودة الخلافة

01-21-2012, 10:23 PM

السنة دي برد خالص في مصر

العليــــــــــاء

01-21-2012, 10:23 PM

الجو مش برد الجو تللللللللللللللللللللللللللج انا رجليه متلجة وادفى فيها والبس شراب وتحت الغطا وبرده مفيش فاااااااااااااااااااايدة هاموت من البرد

منتظرون عودة الخلافة

01-21-2012, 10:24 PM

لو حصل لا قدر الله شغب يوم 25 يبقا الحل انهم يرشو عليهم تلج و هتلقوهم جريو

منتظرون عودة الخلافة

01-21-2012, 10:25 PM

محدش فيكو عامل اكونت ع اليوتيوب؟

العليــــــــــاء

01-21-2012, 10:26 PM

انا مش عندى اكونت على اليوتيوب

ام يحيي 2011

01-21-2012, 10:27 PM

اهلين يا يوته منوره المنتجع

بس ايه الصحوه الى انتوا فيها النهارده دى

ايه رايكم نتكلم عن الثقه بالله او الدعاء يعنى كل واحد يحكى موقف حصله ودعى ربنا فيه او وثق فى ربنا اوى فيه واتحقق حتى لو من زمااااااااااااااان

*رحمه*

01-21-2012, 10:28 PM

يا عياااااااال اللي ولدوا قبل كده
هو بداية تعب الولاده بيبقى الم في الظهر ولا في البطن

om arwa

01-21-2012, 10:30 PM

سلبام عليكم

العليــــــــــاء

01-21-2012, 10:30 PM

ونعم بالله يا أم يحيى بصراحة انا ربنا وقف معايا كتير تقريبا فى كل خطوة من خطوات حياتى

om arwa

01-21-2012, 10:31 PM

االاغلب بيبقى مغص بيريود مسمع فى الظهرررررر
انا كان عندى مغص بيريود مسمع فى رجللللللى

العليــــــــــاء

01-21-2012, 10:32 PM

وعليكم السلام ورحمة الله وبركاته
ازيك ياام اروى اخبارك ايه

منتظرون عودة الخلافة

01-21-2012, 10:32 PM

و الله يا سارة رحت عمرة اول رمضان دعيت ربنا ب 3 دعوات كلها استجابت بالظبط زي ما طلبت من ربي
الحمد لله رب العالمين
في اول مرة ازور الله في بيته و دعيته باللي انا عايزاه لم يخذلني فهو الكريم

ام يحيي 2011

01-21-2012, 10:33 PM

وانا كمان مش عندى اكونت على اليرتيوب عندى على الفيس

منوره يا سمسم

طب قولى موقف واحد حتى منهم عشان كلنا نستفاد يلا ابدأى بدل ما كلامنا كله يبقى على الفضى

منتظرون عودة الخلافة

01-21-2012, 10:33 PM

ازيك يا سما و ازي اروي

منتظرون عودة الخلافة

01-21-2012, 10:37 PM

و الله الحمد لله في حياتي كلها في اي موقف حصل او حاجة دعيت الله فيها و الله افتكر ان اي دعوة و طلب طلبته من ربنا اداهولي و الحمد لله مش حاسة دلوقتي اني محتاجة حاجة غير الطلبات اليومية من ربنا انه يغفرلي و الرحمة و الهداية و الحفظ و التسليم و طول العمر مع طاعة الله لي و لكل اللي بحبهم و للمسلمين و المسلمات

منتظرون عودة الخلافة

01-21-2012, 10:38 PM

توتة انتي و آية روحتو فين

ام يحيي 2011

01-21-2012, 10:39 PM

سبحان الله فعلا ربنا اقرب الأقربين لينا ربنا يجعل كل دعائنا مجاب يااااااااااااارب

العليــــــــــاء

01-21-2012, 10:39 PM

عن اذنكم شوية كدا وارجع

ام يحيي 2011

01-21-2012, 10:40 PM

شكلهم تاهوا يلا يا ولاد عشان جوعانه وعايزه اقوم آآآآآآآآآآآآكل

ام يحيي 2011

01-21-2012, 10:41 PM

اتفضلى يا جميل

توتة السيد

01-21-2012, 10:41 PM

يارب يكرمها بالزوج الصالح ياقمر

بالعكس ده كده عين العقل خليها مفاجاة وربنا يكرمك باللي تتمنيه ياعلياء يارب

سوسو يابت في لاب توب اسمة ابل ده غالي قووي بيبقي مرسوم عليه تفاحة

فهو وفر وحط تفاحة علي اي لاب وقال هتبقي ابل بقي ههههههههههههههههه

سارة بنصحيكي من الاوهام ياامي والاحلام الخيالية بدال ماتتنصدمي بالواقع