دردشة بنات مصر , دردشة حوامل مصر , تجمع بنات مصر

[om arwa]

http://forum.hwaml.com/imgcache2/hwaml.com_1329670526_981.gif (http://www.sweetim.com/s.asp?im=gen&lpver=3&ref=10)http://forum.hwaml.com/imgcache2/hwaml.com_1329670526_981.gif (http://www.sweetim.com/s.asp?im=gen&lpver=3&ref=10)





http://content.sweetim.com/tbsig/sig.asp?img=ad1 (http://www.sweetim.com/s.asp?im=gen&lpver=3&ref=12)

[ام انس المصريه]

انا قاعده مطرشقه من جنابى
اووووووووووووف
الغتت الرخم عماد جه قعد من المغرب عند الست والدته اخوه برضو كان معاه اخوه قعد شويه مع الست والدته وعماد الدلدول فضل قاعد معاها طب اشمعنى اخوه طلع يعنى بيحب مراته طبعا اكتر ما عماد بيحبنى
مع ان سلفتى دى استغفر الله مش عاوزه اغتبها اوووووووووووف
بجد اتخنقت
نفسى اعرف نعمه سلفتى دى بتعمل ايه لجوزها مخلياه هيموت عليها كده وبيحبها وعمره ماوقع لها كلمه
مع انى اقسم بالله احلى منها بكتير اووووووووووى ومش بوقع الدنيا فى بعضها ومش كل ماحد يجيب حاجه اقول اشمعنى فلانه عندها لازم تجبلى وعمرى مابفتن ولا بكدب ولا بنقل كلام
ليه بقى جوزى مش هيموت نفسو عليه كده
استغفرك ربى واتوب اليك
اووووووووووووووووووف

[ام انس المصريه]

http://forum.hwaml.com/imgcache2/hwaml.com_1329670526_981.gif
انا كمان ياسمااااااااااااا
عامله كده
..
كلمونى احسن افجر المكان من كتر منا متغاظه

[ام انس المصريه]

ااااااااااااه لو شوفتونى ونا مركبه الوش الخشب مش عارفه حتى اصتنع ام الضحكه
وقاعده متبشنقه بالطرحه ولابسه عبايه كوحلى قطيفه
شكله هتبقى ليلته زى وشه النهارده عماد بن حميدو

[ام انس المصريه]

معرفش مين اللى بيرن ام الجرس مش هرد
انس نايم فى اوضه البلكونه ومش هفتح عليه
..
انس النهارده بدا يعطس وعندو زكام ورشحححححححححح
اعمل ايه بقى يعنى اطلع من النزله المعويه ادخل فى دور برد
رحمتك ياااااااااااااااااارب

[ام انس المصريه]

اوووووووووووووووووووووووووف

[ام انس المصريه]

ساره لما بيتحط رز ع الشفانخ
بيبقىعامل زى الطراش ههههههههههههههههههه يعععععع الترجيع يعنى
انتى تجيبى معلقه لسان العصفور تحمريهم فى السمنه وتحطيهم ع الشفانخ كده بيبقى احلى واجملللللللللللل بكتير

[ام انس المصريه]

اوووووووووووووووووووووووووووووووف
ماشى يابن حميدوووووووووو

[ام انس المصريه]

اهو سلفى جه من صلاة العشا وطلع اهو والزفت لسه ملطوع جمب امه
ماشىىىىىىىىىىىىىىىى

[om arwa]

معلش يا شوشو ربنا يهدية برد استقبلية كويس عشان هو غايب بقالة كتيررررررررر

[om arwa]

كمان استقبلية عشان خاطر ربنا مش عشان خاطرة هو وكبررررررى

انتى عارفة انى لاحظت موضوع ان فى ستات بيبقوا مش حلوين خالص طبعهم وحش وجوازهم هيتهبلوا عليهم
مش عارفة ليييييييييييييييه
فعلا سبحانك يارب

[مصريه وافتخر]

يخرب عقلك ياشوشو كل الكلام على زوجك ايه دا يابنتى دا دا يحقله انو مسطلعلكيش نهائى
يابت اضحكى عليه قومى البسى الحته اللى هيا وقوليلو مامتك عامله ايه واخبارها وازاى اخوك يطلع ويسيبها دا اللى ملوش خير فى امه ملوش خير فى مراته حبيبتو اللى بتموت فيه هوا وامه وحركات واعد معايا شويه اصلاك بتوحثنى ياختى اتقطمى اتقطمى وادلعى لكن لو طلع ولاقيكى بالمنظر دا وحس انك موش عايزاه يعد مع مامته هيعاند ومامته تكسب ولو مكسبتش الصراحه ماحترموش اعرفى انو انسان محترم وهيحافظ عليكى

[مصريه وافتخر]

ياجماعه انا عايزه اساميكو على الفيس علشان اتعرف عليكو اكتر ياريت تبعتوهالى ووالله انا واحده

[om arwa]

ازيك ياام جووووودى وازاى النونو

[مصريه وافتخر]

الحمد لله ام اروى
جوجو راحت الحضانه قلبى بيتقطع عليها بس هيا بدات تنسجم
والنونو مقطعلى بطنى من الشد

[العليــــــــــاء]

مصرية برافو عليكى انا كنت هاقلها كدا بالظبط
شيماء ما تخليش زعلك يخليكى تبعدى عن الحق عارفة ان الموضوع يدايق بس برده انتى قومى البسى واتزوقى كدا وحضرى عشوة حلوة ولما يطلع اسأليه عليها وهيا عاملة ايه وكدا وانت ابن بار وربنا يخليك ليا ويجمعنا فى الجنة ببرك وحبك لامك زى الدنيا وكدا يعنى انا نفسى انس يحبنى كدا لما يكبر و و و و انتى عارفة بقى
فهمتى

[العليــــــــــاء]

معلش ملحقتش اسلم ازيكم يا بنات كلكم عاملين ايه

الف سلامة على جودى ربنا يردهالك بالسلامة يا رب وسلامة قلبك يا حبيبتى

[om arwa]

طي بكويس ان الحضانة عجبتها ربنا يهددى

[om arwa]

مبروك التامن يا علياء

[العليــــــــــاء]

الله يبارك فيكى يا ام اروى بس والله حاسة انى تعبانة اوى سبحان مين هيقدرنى ادعولى

[om arwa]

ربنا يعينك واى تعب
وهنا على وهن

[aymae]

سلام يبنات ازيوكم

[ام انس المصريه]

لا حول ولا قوة الا بالله
انس تعبان اوووووووى ماصدقت انه بدا يفوق من النزله المعويه جالو دور برد
قاعد يعطس ورشح جامد وعينه بتدمع ويكح
ادعولو ربنا يشفيه ويعافيه بالله عليكم

[سلام علي النبيين]

ساره لما بيتحط رز ع الشفانخ
بيبقىعامل زى الطراش ههههههههههههههههههه يعععععع الترجيع يعنى
انتى تجيبى معلقه لسان العصفور تحمريهم فى السمنه وتحطيهم ع الشفانخ كده بيبقى احلى واجملللللللللللل بكتير
يع يا شيماء يع حرام عليكي دانا لسه كنت باكلها بردو بفطر بيها
ليه تقوليلي كده قرفتيني دانا لما صدقت اكلها اصل كنت قبل الطبخة دي مكنتش بحبها خالص
واول محبها تقوليلي طراش ترجيع يع يا شوشو يع و اياف

[سلام علي النبيين]

ربنا يشفي انس و يعافيه
بس ايه دا كله يا بسمة و الله برافو عليكو بس انا مقدرش و مبعرفش ابقا كده بس الحق ان هو ده الصح و هو ده اللي يخلي الواحدة تكسب قلب جوزها و حبه و احترامه ربنا يهدينا

[om arwa]

الف سلامة ع انس
ربنا يشفية ويعافية يااااااااااااااااااااااااارب

[بنوته عسل]

صبااااااااااااااحو
عاملين ايه يا حبايبى واخبار النونات اللى برا واللى جوا ؟

[مصريه وافتخر]

الف سلامه على انوس يا شوشوو انتى يابت شكلك اللى تعباه روقى وخلى بالك من ابنك
والجو انعدل وبقى جميل والشموسثه طالعه وزى العسل اومى وخليه شويه تحت الشموسه

ام اروى ربنا يخليكى ويخليلك اروى وانتى مفيش بوادر ولاده عندك ولا ايه النظام
سلام على النبيين والله حبيبتى صحيح بتبقى صعبه والغيره وشوية حاجات كدا بتخلى الواحده متعملشى كدا وتقول متقدرشى بس جربوها والله هتحسو انكو راضيانيين عن نفسكو قبل اى حاجه
وكمان الام مهما ان عملت فيكى هتفضل امه اللى عمرى مارضى انو يزعلها علشان خخاطرى ماهما زعلتنى او عملت فيا لانى مارضاش ان اخواتى يعملو كدا فى امى ولا اولادى يعملو فيا كدا

[مصريه وافتخر]

بنوته عسل
الحمد لله البرا راحو الحضانه ربنا يهديهم واللى جوا شكلهم نايمين دلوقتى لا ادانى ركله صاحىيين وبيخانقو جوا

[om arwa]

لا والله ياام جودى مغص خفيف ويختفى
وافرازات كتير زهقتنى
انتى كنتى والدة جودى ايه ؟

امولة صباح الفل
خفيتى شوية من البرد

[مصريه وافتخر]

والده جودى طبيعى
انتى ايه نظامك ط ولاق

[مصريه وافتخر]

انا موجوده هلف لفه فى الشقه اوضب وكل شويه هطل طله عليكو
اصلى وديت بنتى الحضانه علشان وجع القلب وبقيت بصحى من الساعه 5 ارق وموش بنام تانى

[om arwa]

لا كانت طبيعى الحمدلله
بس من اول التاسع راسها فى الحوض ع اليوم التاسع العلامة نزلت
ال 13 ولدت
اللى جوة بقى ولا الهوووووا ولا اى حاجة
ودماغها كبيرة
مش عارفة هتنفع طبيعى ولا لا
الدكتورة مديانى فرصتى وربنا يسهل

[بنوته عسل]

ربنا يباركلك فيهم يا ام جودى وتقومى بالسلامه

[بنوته عسل]

صباح العسل يا سيمو
ازيك وارويتا واسوله عاملين ايه ؟
الحمدلله النهارده احسن وربنا يهون
ربنا يسهلك الولاده وتشوفى النونه بصحه وعافيه

[om arwa]

يارب يا املابقى احكيلنا عملتى ايه فى الكورس فى اول يوم كدة

[توتة السيد]

صباح الخيرات يامزز عاملين ايه وحشتوني

[مصريه وافتخر]

ام اروى استنيلك يومين ياختى اتهنى فيهم قبل ماتشوفيش النوم
وخليه فى بطنك مريح على راى اجداد
نا فى البطون اريح من الحضون

[مصريه وافتخر]

توتا ازيك انتى وازى بنوتك والبامبينو بتاعك اخباره جوا ايه

[توتة السيد]

الحمد لله يابسمة بخير تسلمي نور بخير والبامبينو مقضيها تايكندو وجمباز اخر حلاوة لما خلاص جبت اخري وعايزة اولد من دلوقتي

[بنوته عسل]

سيمو الكورس هيبتدى النهارده ان شاء الله ربنا يسهل بقى واكيد طبعا اول ما ارجع هحكيلكوا بالتفصيل ادعولى انتوا ربنا يخليكوا

[بنوته عسل]

ازيك يا نودى واخبار نورى والنونه ؟

[om arwa]

بت يا توتة بتكتبى كلمة وتجرى
هتيجى السبت الجاى ان شاء اله صح
ماتعمليش زى دعاء وتختفى بقى
ابقى اتطمنى عليا زلطت ولا مخللة اعاااااااااااااا

[دودى مجدى]

صباح الخير يا عيال ازييكو
سما فقستى ولا لسة ؟

[om arwa]

اكيد لسة ههههههههههههههه

[دودى مجدى]

ازيك يا سماسم عاملة اية مش انا روحت للدكتورة امبارح بس بصراحة نكدت علياوعلى اهلى قاستلى الضغط لقيتو عالى وكمان زدت 6 كيلو فى شهر قالتلى كدة مش كويس قولتلها انا مش باكل كتير قالتلى انتى المية محبوسة فى جسمك وكتبتلى على الدوميت اخد مرة الصبح ومرة بالليل وقالتلى امشى كل يوم ساعة
ربنا يستر بقى والضغط دة يتظبط احسن بجد متنكدة اوى من امبارح
اما اقوم اغسل المواعين وابقى ارجع تانى

[بنوته عسل]

صباح الورد يا دودى
ازيك وشيكو عامل ايه ؟

[دودى مجدى]

صباح الفل يا امولة ازييك عاملة اية واخبار البرد النهاردة اية
الحمد لله انا وشيكو تمام

[بنوته عسل]

الحمدلله ربنا يهون ويسلم

[om arwa]

حبيبتى يا دينا
سلامتك انا كان على شوية بردو
بس انتى مع التوريم ده يقلق شية
بردو بليز اعملى تحليل بول
وماتقلقيش
خلاص هانت قربتى تولدى ان شاء الله
وقللى الملح خالص والمخللات
انا اصلى قبل مايعلى كنت واكلةزيتون وكدة
فاتلميت خالص قللت الملح فى الاكل

[دودى مجدى]

عملت تحليل بول يا سما ومطلعش فية حاجة وانا مش باكل مخلل كتير والله بس اول امبارح كلت جزرتين مخللتين بصراحة لكن النهاردة اتلميت اهو ومقللة الملح فى الاكل خالص وعمالة اكل تمر واشرب مية لكن ناس كتير عمالة تخوفنى من البرشام خصوصا انو مرتين فى اليوم مش عارفة اعمل اية والله

[om arwa]

اشربى ميا كتيرررررررررر
هتنزل اى ملح فى جسمكايه اللى يخوف من الدوا
ده كل الحوامل اللى ضغطهم بيعلى بياخدوه
مفيهوش ضرر ماتقلقيش

مقالتلكيش اى حاجة ع الولادة

[سلام علي النبيين]

ازيكو يا حلوين
سما لو سمحتك
بسأل علي حقنة التيتانوس هيا ينفع تتاخد ف التاسع و لا اخر حاجة السابع و انا بفكر كتير و بيتهيألي حاجات فاخدها دلوقتي ف السابع و لا بلاش اخدها خالص

[Rany]

بصي يا حبيبتي الحقنة دي بتتاخد للامان فقط , لانك متضمنيش هتولدي فين ولا امتى, وحفاظا ليكي وعلى الجنين من التلوث الخارجي , بتتاخد مرتين اثناء الحمل وبين المرة الاولى والتانية شهر , انا اخدتها في السابع وهاخدها في اخر التامن كدة ان شاء الله , مع اني ضامنة اني هولد مع دكتورةوفي مستشفى نضيفة , لكن بردو للحرص والامان مش اكتر الواحد ميعرفش الظروف ايه ولا الادوات المستخدمة ممكن تكون متلوثة تلوث حتى و بسيط بردو زيادة امان اخوديها , بتتاخد في اي وحدة صحية بيدوها , لانها مش بتتباع في الصيدليات لان ليها درجة حرارة معينة بتتحفظ فيها , الافضل روحي اي وحدة صحية خوديها هناك .

[om arwa]

لا ماينفعش يا اووووخة

[احلى نونو]

السلام عليكم
ازيكم ياحبايبى
واحشنى فرداااا فردااااااااا



دينا ازيك
المره اللى فاتت ملحقتكييييييش
اشربى ميه كتير يابنتى
على فكره الدكتور كاتبلى دوا الضغط ده الدومييت
اشربى كركديه


سماسيموووووووو
ازيك يابنتى
اروى والنونه ازيهم
مردتيش عليا امبارح ليه ع الموبايل
انا قولت خلاص فقستى
طلعتى لسه


رانى
ازيك ياجميل وازى النونو

[ام انس المصريه]

الف سلامه على انوس يا شوشوو انتى يابت شكلك اللى تعباه روقى وخلى بالك من ابنك
والجو انعدل وبقى جميل والشموسثه طالعه وزى العسل اومى وخليه شويه تحت الشموسه

ام اروى ربنا يخليكى ويخليلك اروى وانتى مفيش بوادر ولاده عندك ولا ايه النظام
سلام على النبيين والله حبيبتى صحيح بتبقى صعبه والغيره وشوية حاجات كدا بتخلى الواحده متعملشى كدا وتقول متقدرشى بس جربوها والله هتحسو انكو راضيانيين عن نفسكو قبل اى حاجه
وكمان الام مهما ان عملت فيكى هتفضل امه اللى عمرى مارضى انو يزعلها علشان خخاطرى ماهما زعلتنى او عملت فيا لانى مارضاش ان اخواتى يعملو كدا فى امى ولا اولادى يعملو فيا كدا

ازيك يابسومه
ياوليه انا بحب حماتى اوى اوى اقسم بالله عمرى مازعلتها ابدااااااااا ولا غلطت فيها ودايما اقسم بالله بحنن قلب جوزى على امه
ولا غلط بدون قصد وحسيت ان امه زعلت بقوله لازم تصالحها يقولى انا مقصدش اقوله انت عارف ان امك حساسه
بس امبارح اتغظتتتتتتتتتتتتتتت اوى يعنى سلفى يطلع يسلم على مراته وجوزى مشوفش وشه غير بعد العشا بكل عشا
انا بس هموت واعرف نعمه سلفتى عامله ايه لجوزها مخلياه بيموت فيها كده
حظوظ سبحان الله

[احلى نونو]

سما انا برضه مفهمتش ردك
البنت تااااااااخد الحقن ولا لا؟؟

انا بصراحه خدت وحده ومخدتش التانيه

[om arwa]

كنتى فين يا بت يارانيا مختفية

[احلى نونو]

ساااره
ازيك عامله اييه
والنونو ازيه



شيمووووووووو
الف سلامه على انس
اخبارك ايه

[دودى مجدى]

قالتلى انها الاحد الجاى هتكشف عليا كشف نسا ومن خلالة هتحدد الولادة امتى وازاى بس لازم يكون الضغط نزل عشان اولد طبيعى ربنا يستر

[دودى مجدى]

دعاء ازييك يا حبيبتى عاملة اية وحشانى جدا وازى الين معنتيش بتدخلى كتير لية عاملة اية فى مصر وقاعدة عند مامتك ولا فى بيتك وجوزك هينزل امتى

[احلى نونو]

وانتى كمااان واحشانى كتيير يادودى
انا والين بخير الحمد لله
انتى عارفه انا شقتى فى نفس البيت مع ماما فطول اليوم عندها بس بطلع انام فى شقتى فوووق

جوزى هينزل مصر اول 4 ان شاااء الله
وانتى من يومين عماله تقولى الحمااااااااام كل شويه قولت انا من دلوقتى ومش ملاحقه اومال كمان شويه هعمل اييه


ان شااء الله ضغطك ينزل وتولدى طبيعى

[دودى مجدى]

طب اية اللى بيخليكى تنامى لوحدك يا بنتى متنامى معاهم احسن ربنا يجيبلك جوزك بالسلامة يا رب
اة الاخبار هنا احلى ولا السعودية؟
اة الحمام لا مقولكيش دة انا مبنامش بالليل من كتر المرواح والمجى على الحمام وساعات بيتهيالى انى مزنوقة م كتر ضغط الواد على مثانتى وادخل الحمام معملش حاجة يالا الحمد لله ربنا يجيبو بالسلامة بس وكلو يهون

[om arwa]

لا لو اتاخرت للتاسع مش هينفع
معلش يا دودو كنت فى نوبة الاكتئاب والعياط والغممان مش مركزة مع التليفون

[دودى مجدى]

مبروك على التامن يا دودو عقبال مالا تقومى بالسلامة ان شاء الله خلصتى حاجة نونتك ولا لسة

[احلى نونو]

يابنتى مش بعرف انام عند ماما
اتعودت انام فى شقتى وفى اوضتى والسرير بتاعى
واختى بتطلع تنام معايا

والله بطلع فى اكتر من عشر دقايق دورين بس بحب انام فوق

لااااااا يابنتى هنا فى مصر احسن طبعااا
ناقص تامر بس يجى

هترجعى السعوديه ولا هتفضلى هنا

[دودى مجدى]

لية يا سمسم متعيطيش بالله عليكى وسيبيها على الله ان شاء الله خير والى كاتبو ربنا مفيش احسن منو

[ام انس المصريه]

ازيك يا سماسم عاملة اية مش انا روحت للدكتورة امبارح بس بصراحة نكدت علياوعلى اهلى قاستلى الضغط لقيتو عالى وكمان زدت 6 كيلو فى شهر قالتلى كدة مش كويس قولتلها انا مش باكل كتير قالتلى انتى المية محبوسة فى جسمك وكتبتلى على الدوميت اخد مرة الصبح ومرة بالليل وقالتلى امشى كل يوم ساعة
ربنا يستر بقى والضغط دة يتظبط احسن بجد متنكدة اوى من امبارح
اما اقوم اغسل المواعين وابقى ارجع تانى

الف سلامه عليكى يا دينا شفاكى الله وعافاكى
انا برضو لما الضغط على عندى اتنكدت اخر نكد بس ربك رحيم
انا الدكتور كان بيدينى برضو الدوميت ده
ويااوختى بالنوسبه للتخن والفشوله انا فشولت فشوله محدش فشولها قبلى
انا كنت رايحه اولد انس ونا 102

[دودى مجدى]

لا يا دودو مش هرجع السعودية تانى بس معرفش بى هنستقر هنا ولا هنروح فى حتة تانى لان محمد بيدور على شغل بس فى بلد تانية بس انا بدعى يا رب ما يلاقى ونفضل قاعدين هنا انا كرهت الغربةوالقرف والله هنا حتى لو المرتب قليل بس كفايةانك نفسيتكمرتاحة ووسط اهلك مش عايشة وحيدة هو الواحد هيضيع عمرو فى الوحدة ربنا يهديك يا محمد

[احلى نونو]

سمسمه
متعيطيش ولا تكتأبى يابنتى
خيييييير ان شاااااااااء الله

[دودى مجدى]

الله يسلمك يا شيمو متحرمش منك ازييك وازى انس سلامتو وحمد الله على سلامة عماد
ما انا شكلى برضو هقفل المية قبل ما اولد بس اعمل اية بس ما انا كل حتة فى جسمى وارمة حتى وشى ربنا يستر بس والواد دة ييجى بالسلامة وبعد كدة كل حاجة تهون

[احلى نونو]

الله يبارك فيكى يادودى
ربنا يقومنا كلنا بالسلامه ان شااااااااااء الله

ربنا يهديلك محمد ويلاقى شغل هنا
طبعا هنا الواحدر فى وسط اهله والغربه وحشه بس المرتبات زى مابتقولى ضعييفه

ربنا يصلح الاحوال

[ام انس المصريه]

ازيك يادعاء عامله ايه مبروك ع التامن ربنا يقومك بالسلامه انتى والنونه يارب
عامله ايه من غير تموره ههههههههههه انا كنت من غير عمدتى مسواش بصله جه امبارح ونام من الساعه 9 ومن الصبح خرج ومدخلش الشقه
بقوله المفروض تقعد معايا حتى يوم يقولى الفسب عطلانه هصلحها
.
والنهارده يقولى ايه هو انا حنين عليكى قلت اقسم بالله انت منتهى الجفاء اتصدم زى مايكون مش عارف نفسه
بس هعمل ايه بتنيل بحبه برضووووووووووو هههههههههههههههههه
...
ازيك ياام زوربيححححححححح وحشانى والله
ياختى مديه رقمك لكل العيال ومستخصراه فيه ماشى يادزمه
.....
سما
متعيطيش ياحبيبتى ربنا كريم ربنا يجبلك ساعه سهله وتقومى بالسلامه يااااااااااارب وتولدى طبيعى يارب

[احلى نونو]

الله يبارك فيكى ياشيمووو
عقبال ماتخااااااااوى انوس ان شاء الله

والله ياختى ولا البصله ههههههههه
الراجل تعبان هناك وانا تعبااانه هنا
بيقولى كان عقلى فين لما طاوعتك وسيبتك تنزلى
عماله اقول يارب هون الوقت ويجى بسرعه

[ام انس المصريه]

معلش يادينا انا كمان كنت منفوخه اووووووووى بس الحمد لله فشيت بعد الولاده
ده مراخيرى لوحدها كانت كيلو ههههههههه
................
سما
الدكتور كاتب لانس دوا اسمه 123 ون تو ثرى
مكتوب عليه غلط ان اقل من 6 سنين ياخدوه وقالى مفيش دوا للاطفال الرضع للبرد وقالى اديه نص معلقه صغيره
عادى كده ولا ايه ..

[ام انس المصريه]

هسكت انس عندو زئطه مجننا ه

[دودى مجدى]

يعنى تفتكرى هفش يا شيماء ربنا يسهل ياااااااااااااااااارب
لا والله يا موزة وانا اقدر هبعتهولك فى رسالة اهو بس انا خطى موقوف الايام دى رنيلى وانا هسجل رقمك وابقى اكلمك اما الخط يرجع باذن الله

[احلى نونو]

دينا صحيح لو محمد وافق على الرقم زى ماشيمو بتقول ابقى ابعتيلى رقمك
اطمن عليكى لما تقومى بالسلامه ان شااء الله

[سلام علي النبيين]

السلام عليكم و رحمة الله و بركاته
ازيك يا دعاء و ازي ألين
ازيك تينا ربنا يقومك بالسلامة و الله يا دينا انا نفسي جوزي يلاقي شغل ف البلد فعلا و الله احسن من الغربة و الوحدة و الحبسة بين الشبابيك الحديد و الباب الحديد اللي هنا حتا نفرح بشقتنا اللي اعدنا فيها شهرين بس
ازيك يا شوشو و انس كويس دلوقت؟ شكلك مرحتيش المولد امبارح ههههههه
رانيا يا حبيبتي مرسي خالص انتي اقنعتيني ان شاء الله هروح الخميس اخدها و ابقا اخدها ف التامن كمان ان شاء الله

[سلام علي النبيين]

مبروك ع التامن يا دعاء عقبال ما تقومي بالسلامة و تشوفي ألين شبه البونية العسولة دي

[om arwa]

للاسف كل ادوية البرد بيتكتب عليها كدة
بس الدكاترة بيكتبوها عادى

[احلى نونو]

ازيك انتى ياساره
انا والين بخير الحمد لله
بتفكرينى لييييييييه بس بالشبابيك الحديد والحاجات دى
اصل عندى منها يابنتى
حاجه وجع قلب

[ام انس المصريه]

متمشووووووووووش
هصلى المغرب واجى ان شاء الله

[*رحمه*]

ازيكم يا بنااااااات عاملين ايه كلكم

شيماء
الف سلامه على انس ربنا يشفيه و يعافيه ، يا بنتي دفيه و خدي بالك منه و ربنا يطمنك عليه يارب


سماسيموووووو
اخبارك ايه ولدتي ولا لسه ؟؟؟

[احلى نونو]

الله يبارك فيكى ياساره

ربنا معانا ونقوم كلنا بالسلااااااااامه ونشوف النونات صبيان وبنات

يارب ياختى تطلع النونه حلوه كده

هتنزلى مصر ايمته ياساره

[سلام علي النبيين]

دينا انتي جبتي لبس للنونو من السعودية معاكي و لا لأ مامتي ملتني حاجات النونو و انا خايفة لتكون هنا المسميات مختلفة و معرفش اجيب او ملقيش الحاجات الشعبي المصرية بتاعتنا هنا بصي زي جلبية مفتوحة من ورا كافولة بافيته فانلة

[سلام علي النبيين]

ان شاء الله اول التاسع

[ام انس المصريه]

جزاكى الله خيرا ياسما طمنتينى
..........
ساره مقدرش اشوف كلامك واسكت بالنوسبه للمولد هههههههههههههه
انس كان تعبان اوى امبارح وبيعيط وعاوزنى شيلاه زى ميكون قلبه حاسس قلنا ماشى هنستنى انس ينام
قام ابو انس هو اللى نام بعد ماانس نام بقى ابو انس صحى يقولى عندى صداع هيفرتك دماغى
وبعدين انا كنت مكثوفه بقى فسكتتتتتت هههههههههههههههههه

[سلام علي النبيين]

ازيك انتى ياساره
انا والين بخير الحمد لله
بتفكرينى لييييييييه بس بالشبابيك الحديد والحاجات دى
اصل عندى منها يابنتى
حاجه وجع قلب
دي حاجة تجيب اكتئاب و الله لا تعرفي تبصي من شباك لا و كمان عملنلك الشبابيك عالية عشام متبصيش و جوزي مبيرضاش حتا انزل اجيب طلبات

[احلى نونو]

دينا انتي جبتي لبس للنونو من السعودية معاكي و لا لأ مامتي ملتني حاجات النونو و انا خايفة لتكون هنا المسميات مختلفة و معرفش اجيب او ملقيش الحاجات الشعبي المصرية بتاعتنا هنا بصي زي جلبية مفتوحة من ورا كافولة بافيته فانلة



ساره بصى انا جيبت كل حاجه النونه من السعوديه
الازواق عندك جمييله والاسعار برضه كويسه

انا عن نفسى مشوفتش جلبيه مفتوحه من ورا دى خالص

ولا الكافوله مش عارفه لسه حد بيلبسها دلوقتى

البافيته والفانلات موجودين

[دودى مجدى]

ايوة يا دعاء باركيلى اخيرا محمد وافق اديكو رقمى بس بعد ما ذلنى ذل السنين هبعتهولك اهو حالا بالا

[سلام علي النبيين]

دعاء انتي جبتي حاجة النونو من السعودية و لا لأ انتي كمان هههههه
عايزة اخد من خبراتكم اصلي شفت اطقم شيك كده في علب كبيرة فيها كوفرته و سالوبيت و لكلوك و كابيشو و تيشيرتات ان شاء الله هجبهم الوانهم جميلة و سعرهم معقول بس ماما قالتلي علي حاجات تانية كتيرة
ام جوري ازيك و ازي جوري حمدا لله علي سلامتها متورينا صورتها بقا

[احلى نونو]

وانا برضه ياساره كده
بس الشقه فيها شبابيك تبص ع الشارع بس هتبصى على ايه ياحسره
وفى عاليه متعرفيش تشوفى حااجه
كانك فى السجن
بس انا متعوده على كده لانى اتولدت وعيشت فى مكه



بصى كان فى موضوع هنا فى المنتدى جميييييل عن لبس البيبى والحاجات اللى تحتاجيها
انا قريته وكتبت اللى محتجاه ونزلت بقى المحلات وكل مااجيب حاجه احط جنبها علامه صح واشوف ايه اللى لسه فاضل

[دودى مجدى]

دندونة ازييك وحشانى جدا قريتى الكلا اللى كتبتهولك قبل كدة ولا لا ازييك وازى جورى يالا قبى بصورتها احسن لك

[سلام علي النبيين]

ساره بصى انا جيبت كل حاجه النونه من السعوديه
الازواق عندك جمييله والاسعار برضه كويسه

انا عن نفسى مشوفتش جلبيه مفتوحه من ورا دى خالص

ولا الكافوله مش عارفه لسه حد بيلبسها دلوقتى

البافيته والفانلات موجودين
قالتلي الكافولة بتتلبس فوق البامبرز بدل الاندر بس بردو قالتلي هاتي 12 اندر ههههههه

[*رحمه*]

ازيك يا ساره عامله ايه ، و ازاي النونو بتاعك ؟؟؟

انا و جوجو كويسين الحمد لله بس عندها فسافيس في وشها كتيره كده ، بنت خالتي بتقولي عشان الغازات اللي في بطنها هي اللي عملالها فسافيس

و عنيا اوريكم الصوره حاضر بس على الميل لاني بقلق من المنتدى

[سلام علي النبيين]

يعني يا دعاء انتي اعدة مع جوزك ف مكة و لا جدة

[احلى نونو]

دينا انا رنيت عليكى اهو
فودافون زيك
الرنه وصلتك ؟؟

[دودى مجدى]

سارة ايوة انا جيبت معظم حاجة النونو من السعودية جيبت من هناك الببرونات والبافتات وسالوبيتات بس كلو طبعا صيفى لانى عقبال ما اولد مش هاخد من الشتا كتير وكمان يبت السوستات والمخدة وفلنات بس كلها بنص ملقيتش كم ولا كت ولا اندرات خالص فى السعودية فجيت جيبتها هنا من مصر ارخص بكتييييييييييييييييييييييير
بالنسبة للجلابية المفتوحة من الضهر دى انصحك متجيبيهاش لانها قدمت جدا دلوقتى كلو بيلبس سالوبتات والكافولة دى كمان ولا ليها اى لزمةولا جيبتها انتى بس هاتى من عندك سالوبتات هتلاقى عليها عروض واسعارها حلوة بس ابقى استكبرى شوية عشان ينفعوكى وهاتى كمان حاجة الصيدلية ارخص من مصر بكتير والترمومتر بقى والفرشة والحبشتكنات دى انما الاقطان من مصر احسن

[دودى مجدى]

اة يا دودو وصلت اهى هسجلك

[ام انس المصريه]

دينا انتي جبتي لبس للنونو من السعودية معاكي و لا لأ مامتي ملتني حاجات النونو و انا خايفة لتكون هنا المسميات مختلفة و معرفش اجيب او ملقيش الحاجات الشعبي المصرية بتاعتنا هنا بصي زي جلبية مفتوحة من ورا كافولة بافيته فانلة

جلبيه مفتوحه من ورا ايه يابت ياساره الجلاليب دى موضتها قدمت
دلوقتى فى بيجامات صغنونه جميله اوى انا كنت جايبه لانس 6 بيجامات قطن كانو حلوين اوى
وخلاص معدتش حاجه اسمها كافوله هو انتى من القرون الوسطى ياوليه هههههههههههه
البامبرز بيغنى عن الكافوله والحجات دى

[سلام علي النبيين]

الف سلامة عليها و انا كمان بقلق من المنتدي ده ههههههههه الحيطان ليها ودان هههههه طيب ابعتيلي ميل الياهو ف رسالة عشان اضيفك

[سلام علي النبيين]

جلبيه مفتوحه من ورا ايه يابت ياساره الجلاليب دى موضتها قدمت
دلوقتى فى بيجامات صغنونه جميله اوى انا كنت جايبه لانس 6 بيجامات قطن كانو حلوين اوى
وخلاص معدتش حاجه اسمها كافوله هو انتى من القرون الوسطى ياوليه هههههههههههه
البامبرز بيغنى عن الكافوله والحجات دى
هههههههه
بس بس حسستوني اني من ايام الجاهلية

[احلى نونو]

يعني يا دعاء انتي اعدة مع جوزك ف مكة و لا جدة



ولامكه ولا جده
انا دلوقتى فى مصر نزلت اجازة
وقبل مااجى كنت فى الجنووب
بلد اسمها شروروه

[ام انس المصريه]

دينا معيش رصيدددددددددددد ارنلك هههههههههههههه
عماد هخليه يشحن لى بخمسه جنيه النهارده
اصلا هو عليه خمسه جنيه ليه هههههههههههههههههههههههههههههه

[*رحمه*]

ديناااااااااااااااا
ازيك يا بنتي عامله ايه ؟؟؟ و ازاي محمود يارب بخير دايما ، بقالك كتير قوي مش بتدخلي

و قرأت كلامك يا دينا
الله يبارك فيكي يا حبيبتي عقبال ما تقومي بالسلامه يارب و تبقى ولادتك سهله و ميسره

معلش ما عرفتش ارد عليكي وقتها عشان لما جوجو بتعيط بقوم


وهوريكي الصوره على الميل حاضر يا دينا

[*رحمه*]

بت يا سااااااره كافولة اييييييييييييييه

دي ماما بتقولي كانت بتلبسنا بامبرز يعني من 28 سنه الكلام ده
تقومي انتي تقولي كافوله

[دودى مجدى]

ايوة فعلا يا سارة ولا الجلاليب ولا الكوافيل دى تجيبيها هاتى اندرات احسن انا ماما جابتهوملى من هنا انما انا ملقيتش منهم فى السعودية خالص
شيمو مش مشكلة طب ابعتيلى رقمك فى رسالة وانا اسجلو مهو الحال من بعضو انا برضو مبتصلش اهىء اهىء

[ام انس المصريه]

ازيك يادينا وازى جورى
بتقلقى من المنتدى ليه يااااااااابت

[دودى مجدى]

الله يخليكى يا دندون متحرمش منك احنا كويسين الحمد لله بس علو الضغط دة هو اللى منكد عليا يا رب الاسبوع الجاى يكون اتظبط طب انا مش عارفة لية اميلك اتمسح من عندى ابعتيهولى بقى او ضيفينى او اتشقلبى اعملى اى حاجة وورينى الانتاج

[*رحمه*]

يا بنااااااااااات ماتنسوش تدعولي ان احمد ربنا ييسر له اموره في شغله ، عشان في مشاكل هناك و احتمال يسيب الشغل ربنا يسترررررررررررررر

و كمان عايزه اشوفه بقالي اكتر من 3 شهور ما شفتوش و قبليهم شهر و نص
اول مره ابعد عنه كده

وو لا هو عارف ينزل و لا انا اروح الا لما نشوف الشغل هيحصل فيه ايه : ((((((

حتى جوجو ما شفهااااااااش : (((((

[دودى مجدى]

ربنا ييسرلكو الامور يا دينا يا رب ويجمعكو على خير اللهم امين متخافيش انا هدعيلك باذن الله

[*رحمه*]

دينا انا ايميلك عندي استني كده ،افتح الميل و ابعتلك

[دودى مجدى]

من حق يا دينا بعد ما ولدتى خسيتى اد اية وهل الواحدة بتخس على طول يعنى قبل السبوع كدة اخسلى عشرة كيلو ولا حاجةولا هعدلى شهر عقبال ما اخس

[سلام علي النبيين]

ربنا ييسره اموره ف شغله
متوريه صورة جوري ع الياهو كلميه فديو كول عشان يشوفها

[دودى مجدى]

ماشى مستنية اهو بس انجزى عشان اقوم اصحى الراجل ينزل

[احلى نونو]

بت ياديناااااااااااا
هموتك يابت انتى
انتى مش شايفانى ولا اايييييه
هسال على جورى حبيبتى وانتى لااا

[سلام علي النبيين]

مش عارفة الولية دي مالها حتا قلتلها ابعتيلي ميلك ف رسالة و نفضت هههههه

[*رحمه*]

دينا افتحي الاميل بتااااااااااااااااااااااعك

[دودى مجدى]

يا عينى تلاقى البت واوات جمبها خليتها تسيب اللى فى ايديها وتقوم بكرةتلفوحوالين نفسيكو يا قمرات انتو كمان

[سلام علي النبيين]

دينا بتحسسيني انك ولدتي قبل كده هههههه

[دودى مجدى]

فتحتو يا دينا معلش مكنتش واخدة بالى
هههههههههههه لا هولد اهو خلاص يا سارة اصل انا سلفتى فى الشقة اللى جمبى ومعاها ولد عندو سنة مطلع عينها فانا حطاهم فى دماغى وعمالة اقول ربنا يستر عليا اخداهم صورة حية لايف ههههههههههههه

[*رحمه*]

دينا انا اصلي ما زدتش في الحمل كتير تقريبا 11 كيلو ، يعني كانت الزياده تقريبا في بطني ، وبعد ما ولدت كل ده نزل بس بطني لسه مترهله بققققققققى

دودو وحشاااني عامله ايه والله من قلة النوم بقيت مش مركزه خااااالص
عامله ايه انتي والين مبروووووك على التامن عقبال الولاده يارب


ساره انا بوريهاله على النت ، بس هو عايز يشوفها لايف هههههههههه ، احنا بقالنا 4 سنين مستنينها الحمد لله على كل حال

[سلام علي النبيين]

كل الامهات اليومين دول بيشتكو من شقاوة الولاد انا مش عارفة ايه اللي حصل للجيل الصاعد ده احنا مكناش زيهم كده

[احلى نونو]

ربنا يقويكى يادندووووووووون

هما العيال كده فى الاول بيكون نومهم مش مزبووووط
وانا برضه عاوزة اشووف جوووووورى وام جوورى
ربنا يصلح الحال لاحمد ويوفقه

[احلى نونو]

كله اختفى كده مره وحده


اقوممممم

[دودى مجدى]

انا كنت بصحى حمووووووووووووووووودى انتى لسة هنا يا دعاء ولا قومتى

[ام انس المصريه]

انا جييييييييييييييييييييييييييت

[دودى مجدى]

اهلا اهلا يا شيمووووووووو

[ام انس المصريه]

انتو هنا ولا هناااااااااااك

[ام انس المصريه]

ياتى ماشاء الله
انوس عنده 6 شهور ياحبيبى
معاده الحقنه جه وهو عنده برد شديد ينفع اجلها شويه ياعيل ؟؟؟؟؟؟؟؟؟؟؟؟

[samoka]

هاااااااااااااااااااااي عليكوا كلكم
انا عضوه جديده واتمني تقبلوني صديقه ليكم

[ام انس المصريه]

كلمووووووووووووووووووووووونى

[ام انس المصريه]

اهلا بيكى يا سموكه

[دودى مجدى]

احسن يا شيماء تستاهلى خليكى كدة كلمى نفسك عشان جيت اكلمك مشيتى وكمان انا نازلة اتمشى عشان ضغطى يتظبط يالا خليكى بقى لوحدكhwaml02hwaml02hwaml02hwaml02hwaml02hwaml02hwa ml02hwaml02hwaml02hwaml02

[om arwa]

صحيييييييييت
الواحد ينام يصحى من التعب
يصحى ينام من الاكتئاب

[om arwa]

اهلا سموكة عرفينا عليكى

[رنا خالد]

كل اما اخش ابص بصه اقول
زمان سما ودينا ولدوا الاقيهم لسه
عايزه افرح بيكوا بقي يلا
اولدوا عايزين نطمن عليكوا
انا فرحانه اوي بقالي كام يوم من ساعة ماعرفت ان جوجو حامل
ربنا يثبت حملك ياهاجر ياروح قلبي ويقومك بالسلامه ويفرح قلبك ان شاء الله
يلا ياسمااااااااااا شدي حيلك
يلا دينا ازلطي بقي حمودك ده
انتوا حامل في جمل ههههههههههههه

[om arwa]

رانااااااااااااااا
فينك يا بنتى
بليز ادخلى شوية
والله وحشتينا
ادعيلى يا راانا ربنا يفك كربى ويعملى اللى فيه الخيررررررررررررر

[بنوته عسل]

وحشتووووووووووووونى وحشة السنين
عاملين ايه والنونات اللى برا واللى جوا ؟
امبارح رحت للكورس واتلطعت انا والبنات لطعه محترمه مس الكلاس غايبه علشان ظروف المواصلات بجد اتقهرت رحت وانا تعبانه يعنى وانا على اخرى بس برده علشان اتعود ع المكان وربنا يسهل
وكمان شويه وهروح للمستشفى ادعوووولى

[بنوته عسل]

ربنا يفك كربك ويهون عليكى ويقومك بالسلامه يا سيمو انتى وكل حامل ويكرم المحرومين

[دودى مجدى]

رنونة ازييك عاملة اية يا حبيبتى وازى لوجى
شوفتى انا وسما مخللين لسة هههههههههههههه بس خلاص اهو ان شاء الله سمسم ربنا يهون عليها وتولد وانا وراها على طول ادعيلنا انتى بس

[بنوته عسل]

صباح العسل يا دودى
اخبارك ايه يا حبيبتى وشيكو عامل ايه ؟
ربنا يسهل عليكى وتفرحى بالنونو سليم معافى

[دودى مجدى]

صباح الفل يا امولة احنا تمام الحمد لله متحرمش منك يا حبيبتى كويس انكروحتى الكورس ونزلتى وغيرتى جو ان شاء الله المرة الجاية تبداو اتعرفى على البنات بقى واتصاحبى عليهم

[دودى مجدى]

يا ترى يا سمسم ولدتى ولا لسة يا رب يسهلها عليكى ويديكى ساعة سهلة اللهم امين

[Rany]

كلكم وحشتوني والله , انا هنا اهو بس لما لقيت نفسي بدخل كذا مرة ومحدش بيبقا موجود بقا يجيلي احباط واخرج وبعدين اتعودت اني مبلاقيش حد في الفترة اللي بدخل فيها , وحشتوني قوي يارب كلكم تبقوا بخير , انا دخلت التامن :)

[om arwa]

انسى يا موزة لزقالكم
كلة وجع فى الجناب ويروووووووووووح

[AyoyA]

السلاااااااااااااااااااااام عليكم
حد هنااااااااااااااااااااااااااااا
ولاالطبيعى صحرااااااااااااااااااااااااااااااااااااا


انا عنلت لحمه ومش عارفه اعمل جنبها ايه
استغفر الله العظيم يارب
زهقت من الطبيخ ياااااااااااااااااااه
عايزة اغير ايه بقا معرفش

[AyoyA]

ياااااااااااااااااااااااااااااااخراشى يا سما
لسه مخلله يااااااااااااااااااااااااااختى
هههههههههههه


ربنا يهون عليكى يااااااااااااااااارب
وتولدى بقا

[AyoyA]

عامله ايه ياختى واروى عامله ايه

شوفتى الدكتور بتاعى هيشلنى الراجل ده
عملت السونار وسئلت الوليه دكتورة السونار
هما وضعهم ازاى قالت راسهم لتحت
دوووووووووووووووووووووووم
دوووووووووووووووووووووووووم
ده صوت قلبى علشان قلت ان الدكتور هيقولى طبيعى ان شاء الله
ودخلنا للدكتور وماما سئلته هى الولاده بانت قالها غالبااااااااااااااااااااااااااااااا
قيصررررررررررررررررررررى اتصدمت hwaml03hwaml03ازاى تحت وازاى قيصرى
طبعا مردتش اقوله ان بتاعت السونار قالتالى انهم تحت علشان ميئزهاش
علشان مرة قولتله انها قالتالى حاجه كان هيمشيها

[AyoyA]

روحتى فين يا ست سمااااااااااااااااااااا

[*رحمه*]

بت يا آيه اعملي فته مع اللحمه

[AyoyA]

دينااااااااااااااااااااااااااا عامله ايه
وجورى العسولة عامله ايه



فكرة حلوة الفته هفكر تانى لو ملقتش حاجة تانيه هعملها

[دودى مجدى]

سما يا حبيبتى معلش ربنا ييسرلك الولادة يا رب ويسهلها عليكى بس انا عاوزة اسالك انتى مبتمشيش لية وكلى تمر كتيير عشان ربنا ييسر

[توتة السيد]

يابوووي هموت غسلت التلاجة وحاسة اني هموت لسه عايزة امسح الارضية بالفرشة ومش قادرة بكرة بقي

يارب هون دا الواحد باظ خالص

[دودى مجدى]

اية التؤام غالبا بيتولدو قيصرى بس انا مكنتش عاوزة اقولك كدة عشان متخافيش بس صدقينى دة الاحسن ليكى والدكتور بقى بيقولك غالبا قيصرى مع انو اكيد عارف ان راسهم لتحت دة لان ممكن تيجى تولدى طبيعى يولدك واحد والتانى يلف نفسو فهيضطر يفتح ويطلعو قيصرى وطبعا مفيش واحدة تستحمل تولد طبيعى وقيصرى مع بعض فالاحسن من الاول انك تولدى قيصرى وتريحى دماغك انما لو جت ساعتها طبيعى يبقى خير من عند ربنا وربنا ييسرلك ولادتك يا رب ويفرحك بكتاكيتك

[دودى مجدى]

مبروك على غسيل التلاجة يا توتى عقبال تلاجتى انا كمان اما تنضف ازييك يا بة عاملة اية وازى نور والنونة

[*رحمه*]

ازيك يا آيه اخبارك ايه ؟؟؟؟

و ادم و هنا عاملين ايه هتسميهم كده ولا غيرتي الاسامي


دينا ازيك عامله ايييييييه ؟؟ و محمود عامل ايه ؟؟؟ اتمشيتي امبارح ولا لا

على الفكره المشي مفيد جدا والله ، انا ما كنتش بمشي و عشان كده ولادتي كانت صعبه ربنا يهون عليكي يارب



توتا مبروك على التلاجه
انا مش متخيله نفسي هقدر اشتغل في البيت تاني نسييييت الحاجات دي خلاص
عامله ايه و نور و النونه ، هتنزلي مصر امتى

[الفرعونة]

أزيكم يا بنات وحشتوني خالص اصل بقالي كتير مش كلمتكم ازيك يا توتا عاملة اية وحشاني أنا بقالي 10 ايام تعبانة الدكتور فرحني وقالي ولد يا توتا اخيرا ولدhwaml7hwaml7hwaml7

[الفرعونة]

جوزي بقا يا بنات مصدقش وقعد حوالي 3 ايام متنح مش مصدق واما حمايا رد وقالي هو انتي اصلا حامل نيجي بقا علي سلايفي الكبيرة والصغيرة هي كل وحدة معاها ولدين وانا بنت وحدة لما عرفوا اني حامل في ولد مافيش وحدة نطقت بكلمة وقلبوا القعدة غم لان حماتي كانت مبسوطة جدا جدا ودا زعلهم جدا جدا

[الفرعونة]

عموما كل واحد ربنا يعطية انا كان نفسي بولد من 3 سنين وربنا كرمني بس الاسبوع اللي فات تعبت ورحت للدكتور وقالي المشيمة نازلة دا معناة ان الحمل مش هيكمل ولا اية يا بنات ردوا عليا لان زعلانة ملحقتش افرح

[دودى مجدى]

الحمد لله يا دندونة احنا تمام ايوة مشيت امبارح بس انا مش بقدر اكمل الساعة بمشى نص ساعة بس وبتعب بس اهو كويس يا رب فعلا يكون بيسهل الولادة ادينا بنعمل اللى علينا والباقى على ربنا

[دودى مجدى]

حبيبتى الفرعونة الاول الف مبروك على كتكوتك ربنا يجيبهولك بالسلامة يا رب ويفرحك بية
ثانيا انا سمعت ناس كتير بيكون عندهم المشيمة نازلة شوية وبيخلفو عادى انتى بس شوفى الدكتورة هتقولك ارتاحى ولا اية واسمعى كلامها وان شاء الله مفيش حاجة وتزعليش نفسك ولا حاجة باذن الله تقومى بالسلامةوتفرحى بابنك ان شاء الله

[نولارا]

بخخخخخخخخخخخخخخخخخخ
مين هناااااااااااااااااااااااااا

[دودى مجدى]

ازييك يا نورا وازى موكشة والنونو لسة معرفتيش البيضة فيها اية

[AyoyA]

يا وليه انتى وهى حد هنااااااااااااااااااااااااااااا

[نولارا]

دينا انتى لسه هنا
لسه يااوختى ما عرفتش البيضه فيها ايه
وادينى بدات الخامس اهوه
يارب تكون بنوته جميله ياااااااااااارب

المهم اخبارك ايه انتى وحوده

[*رحمه*]

http://forum.hwaml.com/imgcache2/hwaml.com_1329848910_738.gif

هههههههههههههههههههههههههههههههههههههههههههههههههه هههههههههه

[نولارا]

دينا
الف الف مبروك وحمد الله عالسلامه
البت جورى الاموره عامله اييييييه معاكى

[سلام علي النبيين]

ازيك نورا و دينا و دينا و آية عاملين ايه

[سلام علي النبيين]

راحو الناس هربو الناس
راحو الناس هربو الناس و انا هربت معاهم يا سيدي القاضي

[نولارا]

ساره اخبارك ايه انتى والنونه

[سلام علي النبيين]

الحمد لله بخير يا نولارا
انتي ازيك و ازي موكشة الشقي و النونة

[سلام علي النبيين]

دوزك هيسافر امتا

[om arwa]

السلام عليكم
انا جييييييييييييت كنت عند الدكتورة
خلاص عشان انتوا زهقتوا
هولد ان شاء الله بكرة الساعة 12 الظهر قيصرى
عشان دماغها كبيرة جدا ولسة فى البطن مهوبتش ناحية الحوووووووض
والميا بدات تعكررر

على فكرة يا دينا انا مشيت كتير جداااااااااااا
كنت بمشى الاسبع اللى فات ده بالساعتين
غير المشى فى الشغل
والطلوع والنزول
لكن هى دماغها مش مظبوطة فى الحوض مع ان حوضى واسع
بس الدكتورة شاكة ان الحبل السرى ممكن يكون هو اللى مانعها تنزل
بس تجربتى فى اروى المشى طبعا تحفة جدا امشى كتير اووووووى يا بنتى
انا كنت ع اليوم العاشر والدة
ربنا يكتبلك ولادة طبيعية

ادعولى يا عيال كتيرررررررررررر انا والنونة

[سلام علي النبيين]

ربنا يقومك بالسلامة و يجبلك اسيل بالسلامة

[*رحمه*]

رينا معاكي يا سماسيمو و تقومي بالسلامه انتي و النونه يارب

[احلى نونو]

السلام عليكم

ازيكم ياللى هناااااااااا

[احلى نونو]

سماسيموووووو
ربنا معاكى وتقوميلنا بالف سلامه انتى والنونه ان شااااااااااء الله


دينااااااا ام جورى
ازيك يابت
جوجو عامله ايييه


ساااااره
ازيك عامله ايه والنونو اخباره ايه

[احلى نونو]

بسم الله ماشاء الله
خبر جمييييييل لسه شايفاااه
محدش قالى لييييييييه ياعيال انتوا

هاااااجر حامل
الف مبروووووووك ياجوجو
ربنا يكملك على خيير ياااااااااااارب

[AyoyA]

مبرووووووووووك يا سماسيمو ومعلش ربنا كاتبالك الخير فى القيصرى
ربنا يقومك بالسلامة ياااااااااااااااااااااااااااااااااااااارب
وتشوفى اسيل بخير وتفرحى بيها
ويسهلها معاكى ياااااااااااااااااااااار ب

[سلام علي النبيين]

السلام عليكم
بنمسي

[سلام علي النبيين]

ازيك دعاء ايه اخبارك و اخبار الين

[om arwa]

الحمدلله اكيد القيصرى هو الخير لينا انا والنونة
الحمدلله ياربى
المهم تبقى سهلة علينااااااا
دعواتكوا بقى الوقت بيجرى بسرعة اووووووووى يا ماماا

[*رحمه*]

سما ما تنسيش تدعيلي بكره ان ربنا ييسر امور احمد في شغله و يجمعنا على خير يااااااااااااااارب

و هكلمك بكره اطمن عليكي

ربنا يقومك بالسلامه يا حبيبتي و تشوفي اسوله بالف خير يارب

[دودى مجدى]

سما يا حبيبة قلبى ان شاء الله خير متخافيش القيصرى مش صعب ولا حاجة ربع ساعة وان شاء الله تكونى والدة واكيد انتى عارفة ان الخياطة والحاجات دى اتطورت واتغيرت عن زمان فان شاء الله خير هدعيلك كتير جدا وانتى بالله عليكى ابقى ادعى لمحمد ربنا يكرمو بشغلانة حلوة هنا وينسى السفر دة خااااااااااااااااالص وهكلمك من تليفون مامتى يا سما عشان انا رايحالها النهاردة ابقى ردى عليا

[gogo]

يابنات حد كلم سما يطمن عليها

[*رحمه*]

يا بناااااااااااات حد كلم سما اطمن عليها ، انا اتصلت بيها مش بترد

[malak ahmed]

ياربي صبرني وقويني جوزي سااااااااااااااااااااااااااااااااااااااااااااااااا اافر النهارده الصبح

[العليــــــــــاء]

السلام عليكم ورحمة الله
ربنا يقومك بالسلامة يااااااااااارب يا سما ويكون يسرك امورك وتكونى انتى والنونة بخير

يا جماعة اللى معاه تيليفونها يطمنا عليها وحياة اغلى حاجة عندكم

مين موجود

[malak ahmed]

هي سما هتولد النهارده؟؟

يارب قومها بالسلامه يارب .. رقمها كان معايا بس التلفون لما اتصلح كل الارقام اتمسحت منه وطلبته منها تاني بس نسيت تبعته



واخبار توته ايه جت مصر ولا لسه يا تري

[malak ahmed]

قولولي سما هتولد امتي ومين قالكم

[malak ahmed]

يا بنات ردو عليا واللي معاها رقمها تبعتهولي

[العليــــــــــاء]

انا شفت الكلام هنا يا ملك
وعايزة اى حد يطمنى عليها
ازيك انتى وكل اللى عندك

[العليــــــــــاء]

والله انا زيك مش معايا الرقم وقلقانة خصوصا انها بتقول قيصرى ربنا يكرمها يا رب

[*رحمه*]

يا خلااااااااااااسو على توقيعك يا هاجر ، ربنا يكرمك يا حبيبتي و ييسر حملك وولادتك يااااااااااااارب


http://forum.hwaml.com/imgcache2/hwaml.com_1329939570_582.jpg

[*رحمه*]

ازيك يا نهاد عامله ايه و ملك عامله ايه ؟؟؟؟

سما هي اللي قالت امبارح انها هتولد النهارده قيصري ، بس بكلمها ما بتردش ، هحاول معاها تاني

[malak ahmed]

قيصريه ليييييييييييييه بس يا قلبي يا سمسم ربنا يقومك بالسلامه يارب انتي وكل واحده حامل يارب

اللي عندي سافرو يا علياء مبقاش فاضل غير ملك وعماله اهي تخربش فيا هرياني خربشه


دينا ازيك وازي جوري النهارده انا عاوزة اشوفهااااا .. ربنا يخليهالك يارب .. بقولك لو معاكي رقم سما ابعتيهولي ضروري

[نولارا]

ياترى فى حد ولا كلوا نايم

سما ربنا يطمنا عليها هى والبنوته بتاعتها يارب

لوكا جوزك سافر النهارده وانا جوزى مسافر بكره الصبح
تعالى نعيط سوا عاااااااااااااااااااااااااااااااااااااااا

[gogo]

انا هنا يانورا عامله ايه وموكشه عامل ايه
متفكرونيش انتوا اجوازكوا مسافرين وانا جوزى سافر بقاله 13 يوم ربنا يرجعهم بالسلامه يارب

[نولارا]

جوجو الف الف مبررررررررررررررروك ياحبيبتى فرحتلك خالص والله
كنت هباركلك عالفيس
بس توته قالتلى انك مخبيه
ربنا يتملك على خير ياقلبى وتفرحى بااحلى نونو

[gogo]

الله يبارك فيكى يانورا يارب كويس ان توته نبهتك الفيس محظور ههههههههههه
انتى عامله ايه

[AyoyA]

السلام عليكم
ازيك يا هاااااااااااااااااااااااجر والنونو عامل ايه
ربنا يفرح قلبك ياااااااااااااااااارب
نورا عامله ايه موكشة والنونة عامله ايه



حد كلم سما يطمناااااااااااااااااااااااااا
كنت هكلمها بس اكيد هتبقا تعبانة من البنج
فقولت اكلمها بكرة
ياااااااااااااااااااااااااااااااااارب يفرح قلبها باسيل

[gogo]

انا تمام الحمد لله والنونو كويس الحمد لله انتى عامله ايه
دينا بردوا كلمتها ومردتش شكلها مشغوله لو كلمتيها بكره طمنينا

[دودى مجدى]

انا كلمت سما يا بنات مامتها ردت عليا وبتقول انها ويسة ىهى والنونو الحمد لله بس طبعا تعبانة من الخياطة وكدة ادعولها ربنا يتم نفاسها على خير ويقومها بالسلامة هى وبنتها اللهم امين

[AyoyA]

الحمد لله قامت بالسلامة
ربنا يهون عليها ويخفف الامها ويفرحها ببنتها

عقبالك يا ام شيكو
عامله ايه وشيكو عامل ايه

[AyoyA]

الدور عليكى يا ديناااااااااااااااااااااااا
وبعدين انا ودعاء وبسمه يااااااااماااااااااااااااااااااااامااااااااااااا
وسارة وتوتة
ونورا وهاجر ياااااااااااااااااااارب يكملها على خير وتقوم بالسلامة
وعقباللك يا شوشو لما تخاوى نونوس

[AyoyA]

اتكلم مع نفسى
محدش هيجى


انا النهاردة اصتعبط اوووووووووووووووى
نزلت جبت حاجات من السوق وطلعت غيرت الملايه
ومسحت الشقه
وغسلت المواعين
وهممممممممممممممممممممممممممممممممموت
من الحموضة اعملها ايه
مش عارفه اكل حتى الفاكهه مش عارفه اكلها
البرشام ناقص من السوق
والبديل بتاعه بيشلنى عقبال ما يعمل مفعول
بعد ما اكون موت
من الساعه 4 لغايت 11بالليل
اه انا مجنوووووووووووووووووووووونة


تعبااااااااااااااااااااااااااااااااااااااااانة
وحاسة انهم اتحركوا من الوضع اللى كانوا فيه
ربنا يستررررررررررررررررررها يارب
واقوم بالسلامة كلناااااااااااااااااا
ياااااااااااااااااااااااااااااااااارب

[AyoyA]

اووووووووووووووووووووووووف عليكوا

حد هيجى ولا لاااااااااااااااااااااااااااااااا


تعبااااااااااااااااااااااااااااااااااااااااانة


هو فى اكل بيخفف الحموضه

[دودى مجدى]

اية متحرمش منك يا حبيبتى ايوة الدور خلاص عليا ربنا يستر دة انا مرعووووووووووووووووووووبة

[دودى مجدى]

بصى يا اية خدى فوار رانى هو دة اللى هيجيب معاكى من الاخر وامن خالص على الحمل بمجرد ما تاخدى الفوارة هتعمل معاكى مفعول على طول عن تجربة والله انا عايشة بية الايام دى

[دودى مجدى]

بصى يا اية متحطيش موضوع وضع النونو فى دماغك دى حاجة بتاعة ربنا والله يعنى سلفتى ابنها كان نازل فى الحوض من التامن ومع ذلك ولدت قيصرى وفى ناس العييل بينزل فى الحوض فى اخر لحظة فكل واحدة بقى ونصيبها لانى انا برضو تعبت من التفكيير فى موضوع الولادة دة وكمانموضوع سمامخوفنى اوى لان انا كمان ابنى دماغو كبيرة بس خلاص بقى اللى ربنا كاتبو خير وسواء طبيعى ولا قيصرى معادش فى حاجة صعبة الطب اتطور وربنا بيهون كل حاجة واهو فى الاخر تكفير ذنوب وعلى راى امى دى القطة بتولد والكلبةكمان بتولد هههههههههههههههههههه
ربنا يرزقنا بساعة سهلة ويخفف علينا الم الولادة ويجعلو فى ميزان حسناتنا اللهم امين

[دودى مجدى]

جوجو يا حبيبة قلبى الف مليون مبروك والله ما تعرفى الخبر الجميل دة فرحنى ازاى ربنا يكملك على خير يااااااااااارب ويرزقك بالذرية الصالحة ويقر عينك بيها اللهم امين

[*رحمه*]

دندووووووووون خلاص عليكي الدووووووووور يا جميييييييييييييييييييييييل

[بنوته عسل]

صباح الخير يا عساسيل
وحشتوووووووونى
عاملين ايه يا حبايبى والنونات اللى برا واللى جوا ؟

[بنوته عسل]

سيمو حبيبتى الف الحمدلله ع سلامتك انتى واسوله العسوله تتربى بعزك يارب وتفرحى بيها وارويتا وتشوفيهم زى ما تحبى

[بنوته عسل]

مبروك يا جوجو ربنا يتمم بخير وتقومى بالسلامه

[دودى مجدى]

يا لهووووووووووى ركبى بتخبط فى بعض متخوفينيش يا دينا اكتر ما انا خايفة ربنا يستر
صباح الخير يا امولة ازييك عاملة اية

[بنوته عسل]

صباح العسل يا حبيبتى
الحمدلله مبسوطه وفى احسن حال
عليكى الدوووووووووووووور يا موزه ههههههههههههههههههه ربنا يسهلك يا حبيبتى وتقومى انتى وشيكو بالسلامه

[مصريه وافتخر]

ام اروى الف حمدالله على السلامه وربنا يكملك نفاسك على خير وربنا يباركلك فى اسيل
بس ليه قيصرى ياقلبى الحمد لله على كل شىء
ازيكو يا كتاكيت وازيكو يا امهات الكتاكيت اخباركو ايه
والدور الدور الدور الدور موعوده يالى عليكى الدور
ربنا يكملنا على خير يارب
انا بطنى بتتقطع موش طايقاها
ايويا الخيار ياحبيبتى بيهدى الحموضه جدا
واللبن الرايب بيهديها لفتره وترجع تزيد جدا

[gogo]

الحمد لله على سلامه سما والنونه عقبال كل الى هيولدوا مايقوموا بالسلامه يارب
دودى الله يبارك فيكى يارب ومتعتليش هم الولاده على راى مامتك كله بيولد ربنا معاكى انتى متفكريش بس كتير
بنوته عسوله الله يبارك فيكى يارب
حد هنا بقى

[دودى مجدى]

ايوةيا هجورة ربنا يهون من عندو باذن الله

[malak ahmed]

جوجو يا حبيبتي وحشاني اوووووووووووووووووووى اوووووووووووووووووى

الف مبروك يا قلبي عالحمل ربنا يكملك علي خير يارب ويتمملك بخير وتشوفي النونو ف حضنك

استعدي يا جوجو بجد العيال مسئوليه صعبه مووووووووووووت وزن زن زن زن زن ...................................... الخ هههههههههههه

ربنا يقومك بالسلامه يارب والله فرحتلك اوى وحسيت ان قلبي كده ارتاح من جوة .... ابقي خلي بالك من نفسك بقي

[malak ahmed]

الف حمدلله علي سلامتك يا سما ربنا يتمم نفاسك علي خير ويقويكي يارب .. ربنا يباركلك في النونه ويحميها من كل شر


بت يا دينا يا ندله يا نص كم انتي وحشاااااااااااااااااااني انا كنت افتكرتك زلطتي لاني مكنتش بدخل لما كان بعللولتي هنا :(( ازيك يابت وازي الواد حوده

هانت اهي ربنا معاكي يارب ويرزقك ساعه سهله وبردو استعدي ههههههههههههه

[malak ahmed]

It’s been a while… I should say,
But still feels like yesterday…
When you held my hand and touched my face,
When you hugged me close in a warm embrace…
Sometimes I could still hear your laughter,
Ever so slowly, softened into a whisper…
At times, I could still feel your kiss,
As I reminisce the times I so often miss…
I miss our talks and our moments together,
The special times we thought would last forever…
But now you’re gone and I’m left feeling blue,
Can’t deny the fact that I’m missing you…
But as a tear falls from the corner of my eye,
I know I have to stop believing this lie…
Wherever you are, I hope you feel it too,
And know that for always, I’ll miss you…


اهئ اهئ اهئ

[سلام علي النبيين]

السلام عليكم
ازيكم يا حلوين
ازيك يا نهاد اخبارك
الف مبروك لهاجر

[سلام علي النبيين]

وظايف خالية
عايزين حد في المطبعة يقعد علي الورق عشان ميطرش

[سلام علي النبيين]

وظايف خالية
عايزين حد في صالة الاستقبال في المطار يقول هييييييييه الطيارة وصلت

[سلام علي النبيين]

وظايف خالية
عايزين واحد بلالة في البنك يفتح بقه و اللي بيعدوا الفلوس يبلو صباعهم في بقه

[سلام علي النبيين]

وظايف خالية
عايزين حد في المستشفي يقعد جنب المريض عشان كل ما يقول آه يقوله لأ

[malak ahmed]

الحمد لله يا ساره ازيك انتي والنونو

[سلام علي النبيين]

الحمد لله بخير
الله يكون في عونكhwaml15 دوزك سافر
احساااااااااس صعب و الله

[سلام علي النبيين]

انا جوزي سافر بعد اول شهرين جواز و اعدت اعيييييييييط

[malak ahmed]

نورا يا حبيبتي انتي كمان خالد سافر تعالي يختي نعيط سوا والله البيت ملوش طعم من غيرو ابداا رغم ان ملك معايا بس حاسه بوحده مميته

ربنا يحفظهم ويرجغهم بالسلامه

[سلام علي النبيين]

ازي ملك صحيح

[سلام علي النبيين]

انتي اعدة في شقتك؟ مش عند مامتك؟

[malak ahmed]

وانا كمان يا ساره اول ما اتجوزت جوزي سافر بعد شهرين بالظبطططططططططط وكنت بتعالج م الاكتئاب وخسيت وبقيت عامله زي الاشباح

بجد حاجه صعبه اوى ربنا ما يحرم حد من زوجه

[سلام علي النبيين]

ربنا يخليلنا اجوازنا و يحفظهم و إيانا

[malak ahmed]

ملك الحمد لله يا ساره بس تعبتني اوى مش بتبطل زن

لما كنت حامل كنت عند ماما دلوقتي ف شقتي

[سلام علي النبيين]

هما الاطفال بيزنو ليه

[بنوته عسل]

عاملين ايه يا بنانيت والنونات اللى برا واللى جوا ؟

[malak ahmed]

مش بيريحو نفسهم يا ساره ابداااااا ومتعرفيش عاوزين ايه

ساعات تقولي جعان تجبيلو ياكل ميرضاش تقولي عطشان تجبيلو يشرب ميرضاش تقولي عاوز ينام تيجي تنيميه يزيد في الزن الله المستعان بقي

[malak ahmed]

اموله ازيك يا قلبي عامله ايه وصحتك اخبارها ايه دلوقتي

[بنوته عسل]

الحمدلله كويسه ومبسوطه اوى
انتى اخبارك ايه يا قمر ولوكا العسل عامله ايه ؟
ربنا يهون عليكى غياب جوزك ويرجعهولك بالسلامه ياااااااااارب

[سلام علي النبيين]

طيب ما في احتمال انها بتبقا عايزاكي شايلاها علي طول في اطفال كده

[سلام علي النبيين]

ازيك امل مبروك ع الكورس

[بنوته عسل]

الحمدلله فل الفل وعال العال
انتى اخبارك ايه يا حبيبتى والنونو عامل ايه ؟
الله يبارك فيكى تسلميلى

[malak ahmed]

يارب يسمع منك يا امل

انا مليش نفس لحاجه ابدا من يوم ما سافر وهيسافر 10 شهور يااااااااااااااااااااااااااااااااااااااااااااااااا ااااااااااااااااااااااااااااااااااااه كتير اوى بردو بقولو لما تيجي ملوكه هي اللي هتفتحلك الباب وتقول هيييييييييييه بابا جه

[malak ahmed]

ايوة يا ساره ماهو ده ارخم حاجه ف العيال موضوع الشيل ده العيال بينزلو من البطن متعودين عالشيل اصلا

وبشيلها والله والهانم مش عاجبها عاوزاني اقف بيها بتقي شر زنها وصداعها وبقف بها عاوزاني افتح باب الشقه ومنزلش عاوزة تقعد عالسلم ههههههههه