دردشة بنات مصر , دردشة حوامل مصر , تجمع بنات مصر

[لارين يكن]

السلااااااااااااااااااااام عليكم حد هنا

توته الف الف مليون سلامه ع روفي ربنا يقومهاليكي بالف سلامه يارب


ياسو حبيبتي انا بخير الحمد لله شكرا ع سؤالك ياقمر وحشتيييييييييييييييييييني

ازيك يا لوكه انت وسيمبا

ازيك يا دودي وشيكو حبيبي عامل ايه ربنا معاه ويشفيه يارب

[ام البنوتة]

طيب انتي يا نهودة بتلبسيها شرابات دايما

[malak ahmed]

الله يسلمك يا دينا والف سلامه ع شيكو ربنا يشفيه ويحفظه دايما

الله يسلمك يا ملك ازي سيمبا واحشني اوى لا الفسافيس لونها ابيض زي ماتكون فيها ميه كده

لا يا مني مقلعاها الشراب بقالها كتير


مالها روفي يا سمر بتقولي سلامتها ليه

[malak ahmed]

يييييييييييييييييييييييه قصدي ايناس معلش بقي العتب عالنظر

دينا استعدي التقيل جاي بالذات القريفه اللي عالفاضي والمليان والخربشه يااااااااااااااااه

[ام البنوتة]

ماتقلقيش يا نهود دي مجرد فطريات والدكتور هيطمنك ويقولك اللي انا قولتهولك تنشفيلها كويس الميه وتدهني كريم للفطريات

[malak ahmed]

يارب يطمني يا ايناس وبردو يارب السنان تشق بسرعه لان ضراضيرها وارمين من زمان والبت تعبانه منهم اوى وتعباني معاها

[دودى مجدى]

الحمد لله يا سمر سالت عليكى العافية نهاد الله يطمنك انتى كمان وهو اصلا زنان على الفاضية والمليانة لوحدو

[دودى مجدى]

انا طلعت الصيفى يا عيال بس ليا انا بس لان الجو الصبح حر ناااااااااااااااار وانا اصلا مبخرجش بالليل علشان شيكو ومقفلة البيت كلو عشان بخاف علية من الهوا

[malak ahmed]

بنات تصبحو ع خير هروح لملك بتعيط

[دودى مجدى]

وانتى من اهل الخير يا نهاد ربنا يعينك عليها

[ام البنوتة]

انتي عملتي فرحك ف بورسعيد يا دودي

[دودى مجدى]

ايوة يا ايناس عملتو هنا وقعدت 20 يوم وبعدين سافرت السعودية وانتى عملتية فين

[ام البنوتة]

لا انا عملته في القاهرة
وكنتي عند كوافير ايه؟

[دودى مجدى]

انا روحت لسارة اللى هى جودى

[دودى مجدى]

يعنى اتمكيجتى هنا وبعدين سافرتى وعملتية فين فى مصر

[ام البنوتة]

يعنى اتمكيجتى هنا وبعدين سافرتى وعملتية فين فى مصر
ايوه لاني ماعرفش كوافيرة كويسة ومجربة فالقاهرة
فرحي كان في فندق الدفاع الجوي فالمنتزه

[دودى مجدى]

اة فعلا عندك حق هتروحى تلوشى هناك طب ومخوفتيش المكياج يبوظ فى الطريق وعلى كدة دة تلاقيكى خرجتى من الكوافير بدرى اوى
اسمع ان الفندق دة جميل

[ام البنوتة]

ده انا كان فرحي فشهر 7 عز الحر بس طلعت الساعة 4 العصر ركبت عربية عمي وفتحلي التكييف والكوافيرة كانت عاملة حسابها وتقلت المكياج عشان عقبال اما اوصل يخف شوية
اه بصراحة الفندق تحفة وكمان بيدوا للعرايس اوضة لتاني يوم

[دودى مجدى]

انا برضو فى فرحى اخدنا اوضة وكان يوم حلو اوى اوى بصراحة وتغيير مع ان ناس كتير قالتلى اتجوزى فى بيتك بس انا حبيت الفندق عشان عمرى ما هنسى اليوم دة

[لارين يكن]

هههههههههههههه
زيي يا دودي بس انا قعدت 18 يوم وفال19 سافرت لجوزي

يعني يانوسه انت مش روحتي شقتك يوم فرحك

[ام البنوتة]

عملتيه فين

[دودى مجدى]

سمر اختفيتى فين يا بة

[لارين يكن]

هو انا اجي انتو تختفوا ولا ايييييييييييييييييييييييييييييييييييييه؟

[دودى مجدى]

فى هلنان يا ايناس

[لارين يكن]

انا اهوووووووووووووووووووووووو

انا كمان عملت فرحي فقاعه وخلصت وطيرت ع اسكندريه كنا حاجزين ففندق
بس فعلا عندك حق كانت ايام جميله ونفسي ترجع
كل اما اقول لجوزي نفسي يوم الفرح يرجع يقولي بكره ييجي ايام احلي منه ان شاء الله
وانا كنت مروشه بعد الجواز كل شويه اطلع فيديو الفرح والحنه واقعد زي المجنونه اتفرج ع نفسي ههههههههههه مجنونه بقي

[ام البنوتة]

انتي اتجوزتي امتى يا دودي

[دودى مجدى]

ما احنا قدامك اهو انتى احوليتى ولا اية

[ام البنوتة]

فكرتوني بالايام دي وشهر العسل والسفر قبل ما نشيل الهم هههههههههههههه

[دودى مجدى]

من سنة يا ايناس 18-4-2011

[دودى مجدى]

اة فعلا كانت ايام متتعوضش
طب قضيتو شهر العسل فين
انا روحت شارم

[ام البنوتة]

دودي هو جوزك لسه مسافر ولا رجع معاكي

[لارين يكن]

معلش مش كنت عملت فرافيش للصفحه هههههههههه
اقولك انا يوم 18 الشهر ده كملت سنه


صح يا دودي ياحبيبتي كل سنه ونت طيبه معلش الحمل خلاني عندي زهايمر كامل هههههه

[لارين يكن]

ماانت مش لحقتي برده ياايناس عشان الحمل وسفر جوزك مش كده

[لارين يكن]

اسكتوا بقي انا شهر العسل بتاعي كان عجييييييييييييييييييييييييب ههههههههههه

[ام البنوتة]

انا لفيت كذا بلد
الاول قعد فالقاهرة اسبوع بعدين رحت بورسعيد اسبوع
وبعدين رحت الاقصر اسبوع وبعدين اسوان اسبوع
وكنت هروح مرسى مطروح بس لما عرفت اني حامل اتلغت اهيء اهيء

[ام البنوتة]

ماانت مش لحقتي برده ياايناس عشان الحمل وسفر جوزك مش كده
ما لحقتش ايه؟

[دودى مجدى]

لا الحمد لله رجع وربنا يهدية وميسافرش تانى
صح يا سمورة اية الشطارة دى عشرة من عشرة

[دودى مجدى]

انتى بتيجى بورسعيد كل اد اية يا ايناس

[لارين يكن]

اصلك كنتي بتقولي ايام حلوه فبقولك يعني ان الحمل اكيد تعبك ومش روحتي فحته
طب انت روحتي الاقصر كده ولا اهل جوزك هناك برده وروحتي ليه بور سعيد اسبوع كده بعد جوازك وعند اهله مستعجله ياختي
انا مش استفردت بجوزي الا اما جيت ايطاليا بات شهر العسل بجد هههههههههههههههه

[دودى مجدى]

طب سؤال تانى بس جاوبو علية بسرعة عشان عاوزة اقوم انام لانى رايحة للدكتورة بكرة
مين اللى ماسك مصروف البيت انتى ولا جوزك؟

[ام البنوتة]

جوزي .........

[ام البنوتة]

انا برضه هقوم انام
بس ليه السؤال ده يا دودي انتي عايزة تمسكي المصروف ولا ايه؟ههههههههههه

[دودى مجدى]

طب ومبيشتكيش من المصروف اصل احنا كل شهر خناقة على مصروف البيت فقررنا انى انا اللى همسك المصروف الشهر الجاى وحاسة ان محمد بيتلككلى علشان اطلع فاشلة ويفرح فيا

[ام البنوتة]

اكيد هتطلعي فاشلة ههههههههه
المصاريف بقت نار فكل حاجة انا عشان كده سيباه هو والمهم ان طلباتي تيجي وبس

[لارين يكن]

عشره ع عشره فايه
هههههههههههههه
استني عشان تشوفي صورتي قبل ماتنامي وتقولي رايك
عادي يعني انا بيبقي معايا فلوس اما بتخلص باخد من المحفظه
ودلوقتي طبعا ع الحمل ومش بقدر اخرج في طبعا فلوس معايا عشان لو احتجت حاجه وبخليه هو يجيب الحاجه اللي ناقصه وهو راجع
بس اوحش حاجه هنا انه الساعه تيجي 8 كله يقفل رسمي

[لارين يكن]

والله انتو رايقين
هتقومو تنامو وتسيبوني لوحدي
اهئ اهئ اهئ اهئ اعااااااااااااااااااااااااااا

[دودى مجدى]

اصل يا ايناس محمد بيضيع المرتب كلو فى مصروفو هو الشخصى فاحنا هنقسمو وكل واحد بقى ياخد منابو ويتصرف فية فانا بقى قاعدة اقرى دروس عن التدبير المنزلى عشان اثبتلو انى اشطر منو

[ام البنوتة]

ههههههههه ربنا معاكي يا دودي
طيب انا جوزي صارف الشهر ده بنزين بس 800 جنيه بس انا بقوله ماليش دعوى طلباتي انا وبنتي والبيت اهم حاجة واتصرف انت وبهددوا لما انا امسك المصروف ومصروفك هيكون 300 فالشهر هههههههههه

[دودى مجدى]

انا هقوم واشوفكو بكرة سلااااااااااااااام

[لارين يكن]

استنو صلو الفجر وادعو لينا وناموا بعد كده

[لارين يكن]

سلاااااااااااااااااااااااااااااااااااااااااام
نوم الهنا واحلام سعيده وتصبحي ع خير

وبوسيلي شيكو حبيبي
وطمنينا بكره عليه

[ام البنوتة]

ما هو ادن خلاص يا سمر

[لارين يكن]

ماشي صلو يالا وادعو لينا
احنا لسه فاضل كتير ع ما يأذن

[gogo]

حد هنا يابنات

[ام مريومة وسلومة]

حد هنا يابنات
اهلا جوجو انا ريهام اخبارك ايه؟
اسمك الحقيقى ايه؟

[ام مريومة وسلومة]

حد هنا يابنات
اهلا ياجماعة حد هنا ؟

[ام انس المصريه]

وحشتووووووووونى اوى ياعيال انا مقصره فى حقكم خالص ومش بدخل خالص مالص
انوسه عامله ايه
والبت دينا ام شيكو
وسموره ونهاد وتوته
كلكو كلكو وحشتوووووووووووووووونى
البت نورا مبشفهاش خالص وسما وملك بقالى كتير مكلمتش معاكو
.........
ااااه
نسيت اقول لكم انا خسيت لحد الان من يوم مابدات الريجيم 11 ك
ودلوقتى بقيت 68 ونص
يارب قوينى

[ام البنوتة]

http://forum.hwaml.com/imgcache2/hwaml.com_1335274910_573.gif

http://forum.hwaml.com/imgcache2/hwaml.com_1335274910_957.gif
شوشو مبروك على كل الكيلوات اللي راحت دي داهية لا ترجعها

بس فينك من زمان انا قلت انس طلع راجل وقتلك وريحنا منك هههههههههههههههههه
بهزر والله وحشتنا اوي وياسمين سألت عليكي امبارح

[ازهار الرحمه]

السلام عليكم
الدردشه دى للحوامل فقط ؟
انا لسه والده من شهرين عندى محمد
ممكن اشترك معاكم

[ام البنوتة]

اتفضلي حبيبتي ازهار تنوري
الدردشة مش للحوامل بس في منا عنده اولاد خلاص وفيه الحامل وفي اللي ربنا لسه مكرمهاش وفي الانسة اللي لسه ما تجوزتش ههههههههه
هنا تجدي جميع الاصناف والانواع هههههههه

[ام انس المصريه]

بنات الحقوني من شويه اكتشفت ف رجلين ملك حاجات عامله زي الفسافيس كده من عند صوابعها من تحت كده لقيتها اكتر من واحده من ساعتها وانا متضايقه ومش عارفه اعمل ايه ويمكن دول اللي مخليها مقريفه كده

محدش يعرف ده ايه او سببه ايه

تصدقى يا نهاد انس كمان طالع له فسافيس من دى
بس تحت ركبته شكلها غريبه كده مش حبوب ومدهنتش حاجه
بس انا عندى مرهم اسمه فيوسى وعندى كينا كومب
ممكن احط له كينا كومب

[ازهار الرحمه]

تسلمى ام البنوته
انا ازهار من مصر
قاعده فى القاهره
وعندى محمد شهرين
مفيش حد هنا؟

[ام انس المصريه]

سالت عليها العافيه ياانوسه ياسمين برضو وحشانى اوى والله
انتى عامله ايه ومبروك ع الاشراف يااوختى عقبال الاداره هههههههههههههه
..
انس مجننى والله وعندو اسهال ومقريف على طول ولو قعدتع الجهاز وطنشته بيعيط

[ازهار الرحمه]

انا لسه والده
وعندى بطن ولبست الحزام بتاع البطن
ومفيش فايده
اعمل ايه؟

[ام البنوتة]

الله يبارك فيكي يا شوشو
وهو لسه تعبان مش قلتي وديتيه لللكتور ايه العلاج ماجابش نتيجة ولا ايه

زهورة احنا موجودين انا ايناس وعايشة برضه فالقاهرة وعندي منى عندها سنة

[ام انس المصريه]

اهو بيعيط اهو ياانوسه
هنيمه بقى
سلام مؤقت ياحبى

[ام البنوتة]

انتي ولدتي طبيعي ولا قيصري يا زهورة

[ام البنوتة]

اوكى يا شوشو ربنا معاكي

[ازهار الرحمه]

لا طبيعى الحمد الله

[ام البنوتة]

بصي يا ازهار لو بترضعي طبيعي هتروح تدريجي باذن الله لان الرضاعة بتحرق الدهون انا فخلال 6شهور رجعت بطني زي الاول مع اني مارضعتش غير شهرين ونص وولدة قيصري بس هي هتاخد وقت شوية اصبري

[ازهار الرحمه]

طمنتينى ربنا يطمنك
كنت قلقانه من الموضوع ده

[ام البنوتة]

لا ولا يهمك
بس حاولي دايما تشفطي بطنك عشان العضلات تقوى وتشد زي الاول

[ازهار الرحمه]

هوه مفيش حد بيدخل الدردشه

[ازهار الرحمه]

عندى مشكله وكنت حابه اتكلم فيها
ممكن ؟

[ام البنوتة]

لا في بنات كتير بيدخلوا بس فاوقات مختلفة حسب ظروف كل واحدة

اتفضلي اتكلمي يا حبيبتي

[ازهار الرحمه]

انا فى بيت اهلى لانى فى مشاكل مع جوزى
من ساعه ماولدت
انا بحبه بس مش عارفه اذا كان بيحبنى ولالا
سعات احس انه بيحبنى وسعات لا
بس تعبت والله
انا فكرت انه ممكن يكون مريض نفسى وعايز يتعالج
بيشك فيا لدرجه لانحتمل ونا والله العظيم مابخرج من البيت
ومحافظه عليه فى غيبته
مش عارفه ارجعله ولالا
اخر حاجه قلهالى ان ابنه مش ابنه وهيعمله دى ان اي
شوفتى وصلت لاايه

[ازهار الرحمه]

انا والله تعبت نفسيا
وبقيت بكلم نفسى
من اللى بيحصلى
علشان مااستاهلش منه كل ده
وماحولش حتى يتصل بيا
بعد المهزله اللى اخواته عملوها
طردوا اهلى لما كانوا جاين ياخدونى

[ام البنوتة]

انا لو مكانك اقوله اعمل ولما تطلع النتيجة ويتكسف من نفسه وشكه حتى في ابنه ساعتها اعاتبه واضغط عليه شوية لان طبعا دي حاجة تجرح جدا وابعد عنه انا وابنه لحد مايحس بقيمتنا

بس اعذريني اكيد في حاجة خليته يوصل لدرجة انه يشك ان الولد مش ابنه انتي مثلا حكيتيله انك كنتي تعرفي حد قبله او حاجة زي كده

[ازهار الرحمه]

انا فعلا قلتله تعالى نعمله ونا اروح معاك
بس سكت ومرضش عليا

ابدا والله انا عمرى ماعرفت حد قبله وهوه اول واحد فى حياتى ودايما اقوله كده وهوه برضه مش مصدقنى
انا حتى لما كنت فى الجامعه ماكنش ليا اصحاب او زمايل ولاد
ولا حتى كنت برح كليتى وخروجى من البيت قليل اوى وهوه عارف كده
بس هوه كان ليه علاقات كتير قبل الجواز وماعرفش لسه ليه ولا لا
وبعد الخطوبه قالى انا مش بثق فى اى ست فى الدنيا
وللاسف مااخدتش بالى من كل ده

[ازهار الرحمه]

هوه لو مش متاكد من اخلاقى مكنش خلانى على زمته لحظه واحده
ونا ماشيه بقى يتحايل عليا علشان مااخربش البيت
قلتله انت اللى بتخربه مش انا
واخواته كملوا بطردهم لاهلى

[ام البنوتة]

طيب ما حدش ساله انتي او اهلك ايه سببب الشك ماهو مافيش حاجة مالهاش تبرير
وايه اللي دخل اهله فالموضوع هما كمان بيشكوا فيكي وبرضه ايه السبب

[ازهار الرحمه]

حاليا مش عايزه ارجعله ونفسيتى تعبانه من تصرفاته
وبقول ان شالله توصل للطلاق
اللى عايزه ربنا هيكون
بس زعلانه اوى ع نفسى
والله لسه مش مصدقه اللى بيحصل
تخيلى لما تكونى قاعده فى بيتك مبتعمليش اى حاجه وحشه ومقفول عليكى الباب بالمفتاح ويتشك فيكى
ايه شعورك؟
لما اهلك يجوا يزروكى يلاقوا الباب مقفول يتصلوا بجوزك علشان يجى يفتح الباب
ايه شعورك؟
لو جه من بره لقانى لابسه لبس حلو وحاطه برفان يقولى عمله لمين الحجات دى اقوله ليك ميصدقنيش
ايه شعورك؟
لما كل حاجه ميصدقنيش فيها احلفله ع المصحف ويقولى انتى كذابه وميصدقنيش
ايه شعورك؟
يااااااااااااااااااااااااااااااااه حجات كتيييييييير
اقسم بالله كل الناس بتقولى لو جبل مش هيستحمل كل ده
مع العلم كل ده وكنت مستحمله اقول بكره يثق فيا يمكن مش عرفنى لسه
علشان المركب تمشى وفى الاخر هوه اللى مش عجبه وقالى اتصلى باهلك علشان يجيبو القايمه واطلقك
وبعد مااهلى جهم علشان ياخدونى حلف طلاق تلاته لو خرجت هبقى طالق ومع ذلك اصريت انا واهلى انى اخرج لقيته هوه واهله مسكوا فينا ماتخربوش البيت ويتحايل عليا
طب منين قلتلى اتصل بيهم ومنين ماسك فيا هوه كلام عيال
مش عارفه تعبت مش حاسه انى متجوزه
انا عايزه اعيش زى اى واحده فى بيتها وبحب بيتى وبحبه
بس تصرفاته غريبه

[ام البنوتة]

ربنا معاكي والله احترت مش عارفة اقولك ايه بس

[gogo]

اده اده يابنتى كله الا الاعراض ده راجل عايز حد يفوقه اوعى تسكتى على كلامه ده
انا مش مع خراب البيوت بس الحجات دى فيها حياه او موت لو معكيش طفل كنت قلتلك سبيه ومتبوصيش ف وشه تانى
بس علشان خاطر ابنك بس اديله فرصه تانيه بس بعد ما اهلك يسوه على الجمبين ويحسسوه بالمصايب الى بيتكلم فيها دى وانه هيخسرك ويخسر ابنه لو مرجعش عن تفكيره ده ويحطوله شروط جامده علشان يفهم ان الكلام ده عواقبه صعبه
ربنا يهديه بس واضح انه فعلا نفسيا تعبان ومحتاج يظبط نفسه ولا زم يفهم كده انه عنده شك مرضى لو متعالجش منه هيخرب بيته بأيده

[AyoyA]

اولااااااااااا السلام عليكم
ثانيا ااااااااااااااااااااااااااه يااااااااااااااااااااااانى
تعبااااااااااااااااااااااااااااااانة اووووووووووووووووى
ده الطبيعى اصلااااااااااااااااا
انا مبخشش الا علشان افضفض واطلع اللى جويااااااااااااا
الولادة وبعدين الخراج اللى طلعالى وطلع عينى وكنت بعيط من
نغشيش قلبى وبعدين امبارح كانت ليلة ما يعلم بيها الا ربنا
روحت طعمت العيال وبعدين رجعت علشان انام وكنت مش نايمة ليلتها
نمت الساعة واحدة الضهر وصحيت على ترجيع واسهال ومغص فظيع
اووووووووووووووى فظيع ده كلمة قليلة وعياط وصويت واحاول اكل علشان هيغما عليا
اروح ارجع كل اللى كلته ومفيش دكتور كان الوقت متاخر وجت علاج من الصيدليه
والدكتور قال لجوزى ده نزلة معوية اااااااااااااااااااااااااااااه يااااااااااااااااااااااااااااااانى
وماما زهقتنى من الكلام كل ده حصلك من قلة الاكل ولو مكلتيش كويس هتتعبى بعد كده
متستهونيش بجمسك مفتح واى حاجة هتاثر عليكى بعد كده وهتبقى مخوخة
ههههههههههههههههههههههههه
انا خوخت من دلوقتى والله وبقيت ام العيال
عااااااااااااااااااااااااااااااااااااااااااااااااا ااا
يووووووووووووووووووووه ادم بيعيط

[ام انس المصريه]

ايه ده ياازهار ده انتى بتقولى حجات يابنتى محدش يستحملها
جوزك ده شكاك يمكن والله اعلم كان يعرف بنات قبل كده ومفكر كل البنات زى بعضها او مفكر ان ربنا بيعاقبه
وكما تدين تدان
عندى واحده صاحبتى بتشكى من نفس الكلام ده لان جوزها اعوز بالله بيعرف ستات فزى متقولى كده عقله الباطن بيوحى له ان زى مبتعمل فى بنات الناس هيتعمل فى مراتك
والله اعلم برضو
ربنا يصبرك يابنتى والله

[ام انس المصريه]

الف سلامه عليكى ياايه ياحبى شفاكى الله وعفاكى
خلى بالك من نفسك يابنتى
..
هنا وادم عاملين ايه يارب يكونو رضعو منك

[ام البنوتة]

انوس عامل ايه دلوقت يا شوشو

[ازهار الرحمه]

السلام عليكم

[ام البنوتة]

وعليكم السلام يا زهورة
البنات اللي دخلوا كلهم تعاطفوا مع حكايتك والله ربنا يكون فعونك

[ازهار الرحمه]

ربنا يخليكى ياام البنوته
انا اسفه انى ازعجتكم بحكايتى بس بصراحه مخنوقه وكنت عايزه افضفض

[ام البنوتة]

حبيبتي كلنا اخواتك
ونصيحتي لكي انك تصلي وتذكري الله كتير واستغفري ليجعل الله من كل هم مخرجا باذن الله

[ام انس المصريه]

واخيراااااااااااااااااااااااا
انس نام الحمد لله

[ام انس المصريه]

الحمد لله كويس ياانوسه
بقولك هو لو عمل مره او مرتين فى اليوم اسهال كده يبقى عادى ولا غلط انا لسه بديلو كابكت وسميكتا
بس بيبهدلنى لحد ماياخد الدوا فبديلو مره او مرتين فى اليوم
..
بس المفروض 3 مرات

[ازهار الرحمه]

ربنا يخليكى


ابنى لما جيت عند ماما كان بيرجع دم
قلقت ورحت ع الدكتور قالى نزله معويه
واديته حقن مضاد وشرب
وطلع فى الاخر صدرى هوه اللى بينزل دم ورضعه ورجعه تانى
حسبى الله ونعم الوكيل
نفسيتى زى الزفت
لسه دم النفاس اترفع من اسبوع قعد زياده عن 40 يوم
دكتوره قلتلى حاله نفسيه

[ام انس المصريه]

بصي يا ازهار لو بترضعي طبيعي هتروح تدريجي باذن الله لان الرضاعة بتحرق الدهون انا فخلال 6شهور رجعت بطني زي الاول مع اني مارضعتش غير شهرين ونص وولدة قيصري بس هي هتاخد وقت شوية اصبري

مين ده اللى قال ان الرضاعه بتحرق الدهون يااوختى
دنا كنت عامله زى الفشله ههههههههههههههه
وجسمى كله خسسسسس وبقي موزه ماعدا ام بطنى هى خست اه بس برضو مش الخسسان اللى عوزاه
ربنا يقوينى ع الريجيم لحد مااوصل ل70 ك
والهدف الاخير 60 ان شاء الله

[ام انس المصريه]

ياعينى عليكى ياازهار ياختى والله العظيم صعبتى عليا
انا مقدره والله انك عايزه تعيشى ومش عايزه تهدمى بيتك بس ان الزوج يتهم زوجته اتهام خطير زى ده
مش مستوعبه اصلااااااااا
يعنى ده لو الست شكت فى جوزها بتبقى هتموت من القهر والغيظ مابالك زوج بيشك فى زوجته
اعوز بالله ربنا يهدي والله

[ام البنوتة]

انا الدكتور قالي بدل الاسهال مش مرات كتيرة متقلقيش
وعلى فكرة الرضاعة فعلا بتحرق الدهون بس احنا اللي عندنا مفاهيم غلط يقعدوا يقولوا لللي بترضع كلي كلي وحاجات دسمة عشان اللبن يكتر ويتقل واللي بتتقل هي بس هههههههههههه والسوايل هى اللي اهم عشان الرضاعة

[ام انس المصريه]

لا اله الا انت سبحانك انى كنت من الظالمين

[ام انس المصريه]

صح ياانوسه الدكتور بيقولى اشربى ميه كتير على اد ماتقدرى
وسامح لى بشرب كوب عصير فى اليوم

[ام انس المصريه]

بقولك ياانوسه
هو المفروض انس يحبى امتى .؟هو عنده 8 شهور
والمفروض يمشى امتى
دى ماشاء الله بنت سلفتى مشت وهى عندها 9 شهور

[ازهار الرحمه]

ياعينى عليكى ياازهار ياختى والله العظيم صعبتى عليا
انا مقدره والله انك عايزه تعيشى ومش عايزه تهدمى بيتك بس ان الزوج يتهم زوجته اتهام خطير زى ده
مش مستوعبه اصلااااااااا
يعنى ده لو الست شكت فى جوزها بتبقى هتموت من القهر والغيظ مابالك زوج بيشك فى زوجته
اعوز بالله ربنا يهدي والله


انتى بتقولى فيها فعلا ليه علاقات وعارف بنات بعدد شعر راسه
وارقمهم ع موبايله وسعات بيكلمهم ويكلموه وقدامى كمان
ومحتفظ بصورهم كمان

[ام البنوتة]

حبيبتي ما تقارنيش طفل بالتاني لان كل طفل بيختلف عن التاني في بيسنن اول في بيمشي اول وفي بيتكلم اول
وعلى العموم الطبيعي الحبو بيكون ما بين 9 شهور لسنة وفي اطفال مش بتحبي خالص وبتمشي على طول والمشي بيكون ما بين سنة وسنة ونص

[ازهار الرحمه]

كل ده ومستحمله
والله ياجماعه ربنا هوه اللى عالم

[ام البنوتة]

شوشو ادخلي في الموضوع المضاف عندي بتاع علامات التطور لكل عمر هتلاقي فيه اللي بتسألي عليه

[ام البنوتة]

ازهار جوزك عايز قرصة ودن جامدة ومن حد شديد فاهمة حد يكون هو بيحترمه ويخاف منه عشان يتعدل ولا هو مالوش كبير

[ام انس المصريه]

عايزه اتصل بتوته اطمن على رفى هى قالت لى امبارح انها هتجبها النهارده من الحضانه
يارب تكون جبتها

[ازهار الرحمه]

لا ملوش كبير
والده متوفى وولدته متوفيه
وملوش غير اخواته

[ام انس المصريه]

انتى بتقولى فيها فعلا ليه علاقات وعارف بنات بعدد شعر راسه
وارقمهم ع موبايله وسعات بيكلمهم ويكلموه وقدامى كمان
ومحتفظ بصورهم كمان


يسلام ياختى ومع ذالك عايشه معاه
يالهوووووووووووووووووووى
دنا جوزى يوم مافكر انو يتجوز عليا وكان بيتجوز بسبب انى مكنتش خلفت
عملت عمايل وطلبت الطلاق واخدت فرش شقتى وخليت له شقته ع السراميك ولو طولت كنت خلعت السراميك كمان
وبقيت اقوله بكرهك كره العمى
مش متخيلاك تكون مع واحده غيرى وبقيت اصوووووووت واغمى عليا وجالى انهيار عصبى
وخسيت فى شهر واحد 25 ك والله من القهر والعياط مكنتش باكل خالص خالص خالص
كنت عامله اضراب
وفى الاخر لما لقانى هموت وروحت للبت اللى كان هيجوزها هددتها فى الشقه اللى كان واخدها لها
وكان جايب لها 3 اوض وجايب لها شبكه وعمل فرح
وروحت قلت لها مش جاى اقولك سيبهولى اشبعى بيه ويشبع بيكى انا جايه اقولك خليه يطلقنى قبل مايدخل عليكى بدل مااخلى عيشتك جحيم
ياخطافة الرجاله خطفتى جوزى لييييييييييه واصوووووووووت فى قلب الشقه
يالهوووووووووووووى دى كانت ايام مايعلم بيها ال ربنا
بس اقسم بالله ان الله مع الصابرين انا عملت كده اصلا لانى مكناش بشوف من جوزى يوم حلو
كان بيعاملى اسوء معامله
وكان بيعايرنى بقلة الخلفه
والحمد لله ربنا نصرنى عليه وخيب ظنه ورزقنى انس بعد 8 سنين والحمد لله

[ام انس المصريه]

انا من رايى تهدديه وتطلبى الطلاق
انا لو منك بعيد عنى يعنى
وجوزى بيتهمنى اتهام خطير زى ده اقسم بالله كنت تفيت فى وشه
وفرجت عليه الدنيا

[ام البنوتة]

انا اول مرة اعرف الكلام ده ياشوشو ده انا فكراكي متجوزة قريب زينا مش بتقولي عندك 26 سنة باين
وكل ده حصلك ده انا بقى ماكنتش هتصوت انا كنت قتلته ههههههههه

[ازهار الرحمه]

وعايز يتجوز والله
مع انى خلفته ولد زى القمر
بس تقولى ايه افترى
ربنا يسمحه

[ام انس المصريه]

هصلى العشا يابنات
واغسل المواعين
سلام مؤقت

[ام البنوتة]

انا من رايى تهدديه وتطلبى الطلاق
انا لو منك بعيد عنى يعنى
وجوزى بيتهمنى اتهام خطير زى ده اقسم بالله كنت تفيت فى وشه
وفرجت عليه الدنيا
يخرب بيتك الفاظك خليكي مهذبة معها دي اول مرة تدخل معنا النهاردة ماطلعيش المواهب مرة واحدة كده

[ام انس المصريه]

اصلى متجوزه ياانوسه ونا عندى 17 سنه ونص
انا 1-5 الجاى يبقى بقالى 9 سنين متجوزه
و25-6 الجاى يبقى عندى 27 سنه

[ام البنوتة]

ادعي ربنا وقولي ادعية ازالة الهم دايما وتوكلي على الله يا ازهار

[ام انس المصريه]

انا اقول الحق لو على رقبتى يابت ياايناس هههههههههههههههه
وبعدين انا بحكى على اللى هعملو انا مش بقولها اعملى كده
ولو انها لو عملت كده محدش يقدر يلومها
.............
بت ياايناس للاطلاع على قصة حياتى ادخلى على الرابط ده
الى كل اخت مهمومه وحزينه اليكم تجربتى لتعلموا ان مع العسر يسرا,

[ام انس المصريه]

يابت ياانوسه دنا شوفت بلاوى والله
كنت اقول سنى صغير اوى على كل اللى بيحصلى ده واستغفر ربنا واقول اللهم لا اعتراض
وكنت صابره اوى والله وكنت متاكده من فرجج ربنا وكنت قريبه من ربنا اوى
وكنت بستغفر ربنا كتير وكان لسانى دايما فيه الدعاء ده
اللهم انى شكو اليك ضعف قوتى وقلة حيلى وهوانى على عماد انت رب المستضعفين وانت ربى
الى اخر الدعاء
..
وكنت اقول اللهم انى اعوز بك من جهد البلاء ودرك الشقاء وسوء القضاء وشماتة الاعداء
ياااااااااااااه وكنت بقوم الليل واعيططططططط لحد مااحس انى عينى هتقع من كتر العياط
واعيط لربنا لحد ماعينى تورم
ياااااااااااااااااااااه على اد ما البلاء بيوجع اوى على اد ماحلاوة المنجاه لربنا بتبقى جميله
كنت بحس ان ربنا اقسم بالله منزل سكينه عليه ولله المثل الاعلى كان ربنا بيطبطب عليا اقسم بالله
............
فكرتينى باللذى مضى

[ام انس المصريه]

انا قايمه يارغايه اصلى واغسل المواعين

[ام البنوتة]

ههههههههه انا اللي رغاية
والله صعبتي عليا خالص يا بت ياشوشو بس بجد انتي حمولة
انا لو مكانك ماكنتش اتحملت ورحت فيها سبحان الله فعلا
لا يكلف الله نفسا الا وسعها

[ام انس المصريه]

يقول الشيخ محمد حسين... يعقوب فى كتابه "أصول الوصول " ..أنه كان فى خطبة جمعة وأخرج لهم جنيها ..قال هذا الجنيه أخذته من بقال ..أتدرون ما الذى مكتوب على هذا الجنيه ؟؟!!

"إلى حبيبتى فلانة يعلم الله أنك أحب شىء إلى قلبى ...والله لولا خوفى من الله لعبدتك "

يقول الشيخ معلقا إن هذا الشاب فيه خير لقوله " لولا خوفى من الله " ...ولكنه لوكان يخاف الله حقا ما قال مثل هذا الكلام ...ثم يقول إن ما أعجبنى هو تعليق البقال......





الذى قال بمنتهى السخرية والواقعية "انظر يا شيخ هو كان يريد أن يعبدها ويخسر دينه وهى باعته وصرفت الجنيه

[ازهار الرحمه]

طب اعمل ايه ياجماعه
انا خايفه يتجوز وفى نفس الوقت عايزاه يتادب

[ام انس المصريه]

كل حاجه بتعدى ياانوسه
من المحال دوام الحال وخير العباده انتظار الفرج الايام دول والدهر متقلب واليالى حبالى والغيب مستور
والحكيم كل يوم هو فى شان ولعل الله يحدث بعد ذالك امران وان مع العسر يسرااااا
دع المقادير تجرى فى اعمتها ولا تبيتن الا خالى البال
مابين غمضة عين وانتباهتها يغير الله من حال الى حال

[ام البنوتة]

رحتي فين يا ازهار
اعملي زي شوشو وتوكلي على الله وادعيه هو وحده اللي يقدر ينصرك ماتستنيش الحل من بني ادم الحل بايد ربنا عز وجل
وانا والله وعن تجربة عمري ما وقعت فمشكلة ولجئت لربنا وصليت ودعيت وبكيت وتوكلت على الله وربنا ردني ابدااااااااااا
كان سبحانه وتعالى دايما معايا وبييسرلي كل شيء

[ام البنوتة]

انتي طلعتي والله حكيمة وعاقلة يا شوشو
وانا ظلمتك من يوم ماعرفتك بقول عليكي مجنونة هههههه

[ازهار الرحمه]

معاكوا ياام البنوته

[ام البنوتة]

بصي يا ازهار هو لو شاريكي وحاول يرجعلك ادبيه فعلا وقوليله انا مش ممكن اعيش مع واحد اتهمني في شرفي وانا مش عارفة هقدر ابص فوشك تاني ازاي ودوخيه شوية وبعدين هدي عشان ابنك وارجعيله بس بعد ما تضمني حقك جامد
لكن لو مش همه رجوعك انتي وابنه فانا مع المثل اللي بيقول اللي يبيعك بيعه وبيعيه كمان ببلاش عشان يعرف انه رخيص عندك

[ازهار الرحمه]

معاكى حق ياام البنوته

[ازهار الرحمه]

بقالى شهر عند ماما
مافكرش حتى يسال على ابنه
تفتكرى كده خلاص مش عيزنى

[ام انس المصريه]

جوزى جه
سلام دلوقت

[ام البنوتة]

وتشرطي عليه كمان عشان ترجعي مافيش القرف اللي هو بيعمله ده ويعرف بنات والكلام الفارغ ده وقوليله انا لو سمعت حتى من بعيد انك تعرف واحدة هسيب البيت انا وابني وعمرك ما هتشوفنا تاني لاني انا بدي الفرصة وبسامح مرة واحدة وبس

[ام انس المصريه]

اما اقفل بدال مايشوف البلاوى اللى كتباها هنا دى هههههههههههه

[ام البنوتة]

بسرعة ياشوشو هههههههههههه

[ام البنوتة]

بصي ممكن يكون لسه عايزك بس عايزك انتي اللي ترجعي عشان ما تتشرطيش دي دماغ الرجالة فاصبري شوية ولو اتجوز اطلبي الطلاق طبعا

[ازهار الرحمه]

بقولك ياام البنوته ابنى بيسخن بس مش السخونيه اللى تخوف اديله برضه سيتال ولا اعمل كمادات وخلاص
وبعدين طول الليل عيزنى الف بيه فيه خطوه انى اتمشى بيه
علشان انا عرفت ان الهز غلط ونا كنت بهزه

[ازهار الرحمه]

ابنى لما جيت عند ماما كان بيرجع دم
قلقت ورحت ع الدكتور قالى نزله معويه
واديته حقن مضاد وشرب
وطلع فى الاخر صدرى هوه اللى بينزل دم ورضعه ورجعه تانى
حسبى الله ونعم الوكيل
نفسيتى زى الزفت
لسه دم النفاس اترفع من اسبوع قعد زياده عن 40 يوم
دكتوره قلتلى حاله نفسيه

[ام البنوتة]

اديله سيتال وكمادات ولو حرارته مرتفعة اديله لبوس

[ازهار الرحمه]

حتى لو مش عاليه اوى بدرجه تخوف

[ام البنوتة]

انتي عندك ميزان حرارة؟
لو 39 اواكتر اديله اللبوس
بس نص لبوسة بس عشان صغير

[ازهار الرحمه]

اسمه ايه اللبوس

[ام البنوتة]

دولفين بس يكون احسن لو الدكتور اللي يكتبهولك لان في اطفال عندهم حساسية

[ازهار الرحمه]

وبعدين طول الليل عيزنى الف بيه فيه خطوه انى اتمشى بيه
علشان انا عرفت ان الهز غلط ونا كنت بهزه

[ازهار الرحمه]

ابنى لما جيت عند ماما كان بيرجع دم
قلقت ورحت ع الدكتور قالى نزله معويه
واديته حقن مضاد وشرب
وطلع فى الاخر صدرى هوه اللى بينزل دم ورضعه ورجعه تانى
حسبى الله ونعم الوكيل
نفسيتى زى الزفت
لسه دم النفاس اترفع من اسبوع قعد زياده عن 40 يوم
دكتوره قلتلى حاله نفسيه

[ام البنوتة]

بس ما يكونش هز جامد

[ازهار الرحمه]

لا والله هز جامد ربنا يستر بقى
بس مابقتش اهزه دلوقتى

[ام البنوتة]

احسن بالتدريج هيتعود انك ماتهزهوش

[malak ahmed]

سلام عليكم ازيكم يا بنات

وديت ملك للدكتور النهارده قالي عالبقع اللي ف رجليها انها حساسيه م الحشرات يعني ناموسه بنت تيت قرصتها وعملت كده واكتشف ان فيه قرحه ف لسانها وممكن دي اللي تكون مخلياها مقريفه ووصفلي جيل ولقي ودنها ملتهبه شويه صغيرين وصفلي نقط .. الحمدلله بس القرحه اللي ف لسانها دي مخلياها متعرفش لا ترضع ولا تاكل وطول الوقت زن زن يارب اشفيها

مين هنا بقي

[malak ahmed]

كنت فاكره اكلم توته النهارده اطمن علي روفي بس اتلخمت بملك .. حد يعرف حاجه عنها وجابتها م الحضانه ولا لسه

[malak ahmed]

الي كل شااااب يحاااول ان يكدب ويضحك علي بنات الناس نترجاك تقرا القصة هدة .... ذات يوم كان شاب فاسد الأخلاق على موعد مع شابة تعرّف عليها حديثاً و قام بإستدراجها خطوة بخطوة و أوهمها بأنه يذوب من حبه لها وأن صدره لا يطيب إلا بوجودها بجانبه ونجح بالفعل في أن يخدعها .. ثم جاء الأوان لينفذ مبتغاه الحقيقي فطلب منها أن تحضر ...إلى بيته يوم السبت القادم الساعة الخامسة ليتكلم معها في مكان مغلق و في جو رومانسي و وافقت الشابة ، وجاء يوم المقابلة ، و هو ينتظرها في بيته فإتصل بأصدقاءه و قال لهم "لقد أتيت لكم بصيد جديد، إحضروا جميعاً" فحضر أصدقائه و أخبرهم بأمر الفتاة ، و قبل أن تدق الساعة الخامسة بدقائق، إتصلت أمه به وقالت له إحضر إلى المنزل والدك في حالة صحية خطِرة، فترك أصدقاءه، وقال لهم حينما تأتي الفتاة إفعلوا معها ما يحلوا لكم، سأذهب أنا لأرى أمر والدي وغادر البيت وترك أصدقاءه في بيته في إنتظار الفتاة . و دقت الساعة الخامسة وحضرت الفتاة ، وإغتصبوها هؤلاء الذئاب معدومي الضمير ثم تركوا المنزل، وذهبوا وتركوها في حالة إغماء , و بينما تدور هذه الأحداث كان الشاب مع والده ليتطمأن عليه، فجاءت إليه أمه وقالت له، ألم تأتي بأختك معك؟ قال لها اختي؟ تأتي معي من أين؟ قال لقد أرسناها لك لتحضرك، لأنك لم تكن تستجيب لمكالماتنا لك على الهاتف فخرج الشاب مسرعاً من بيت والده وفَر إلى بيته، فوجد أخته في بيته مُغتصبة مغشيُ عليها فها هو رتب، ونظم، وخادع، والضحية كانت أقرب إنسانة إليه إنها أخته تعلموا من قول رسول الله صلى الله عليه وسلم، إفعل يا إبن آدم ما شئت فكما تدين تُدآن فعاجلاً أو آجلاً سوف ترُد إليك المظالم فإتقي الله في أفعالك، فكلها ستعود إليك

[نولارا]

انا كلمتها يانهاد بس كانوا لسه مستنيين نتيجه التحليل وعلى اساسه هيعرفوا اذاككانوا هيروحوها معاهم ولا لاء
ان شاء الله بكره اكلمها تانى
الف الف سلامه على ملك خليكى متابعه على طول لانها دلوقتى لسه ما تقدرش تشتكى من اللى تاعبها فانتى علطول بصى فى ودانها وبوقها وشوفى اى حاجه غريبه اكشفى عليها

[malak ahmed]

ربنا يطمنا عليها يا رب ويرجعها بالسلامه لحضنها يارب


الله يسلمك يا نوري يا قلبي والله اديني بحاول اهو وربنا يستر

ازيك ف الحمل دلوقتي وازي احمد وخالد

[الآمل قرب]

مرحبا بنات ابي اسالكم شنو اكل بهالشهر مع العلم اني بالشهر الاول باديه ب2


والله يبارك فيكم حبايبي

[MALAK2010]

حد هناااااااااااااااااااا

[جيرا]

حد هنااااااااااااااااااااااا

[جيرا]

ملك انتى لسة هنا

[جيرا]

مرحبا بنات ابي اسالكم شنو اكل بهالشهر مع العلم اني بالشهر الاول باديه ب2


والله يبارك فيكم حبايبي
بيتهيألى كده تاكلى كل حاجة ياقمر وربنا يكملك على خير يااارب

[جيرا]

نفسى ادخل الاقيكم هنا عاوزة ارغى مع حد

[مامامشمشة]

السلام عليكم ياجماعة

[مامامشمشة]

حد موجود ولا زى كل مرة ادخل مش بلاقى حد

[مامامشمشة]

محدش جه برضه

[ازهار الرحمه]

حد هنااااااااااااااااااااااااااااااااا

[توتة السيد]

ازيكم يامزز عامليين ايه حابة اطمنكم الحمد لله رفرفتي حبيبتي جت بالسلامة الف الحمد لله

الكام يوم اللي فاتوا عدوا عليا بمعجزة كنت حاسة اني بمووووت والله احساس صعب اوووووي

كنت بعيط عياط يانهاري وسيد يتخانق معايا وانا ابدا برضه بسح الف الحمد لله ربنا يتم شفاها علي خير يارب

ومايوريني ولا يوريكم حاجة وحشة ابدا يارب

[نولارا]

حمدالله عالسلامه ياروفى
ربنا يبارك لك فيها هى واختها ياتوته
واحشانا ياحاجه اقعدى هنا شويه بقى نتحدث
ولا هتعملى فيها ام العيال بقى

[نولارا]

اين انتم
انتوا بتصحوا امتى بالضبط
ياعياااااااااااااااااااااااااااااااااااااااااااااا اااال

[gogo]

انا هنااااااااااااااااااااا
الفيس عندى بايظ خالص بقاله كام يوم مش عارفه اعمل فيه ايه
توته الحمد لله على سلامه روفى ربنا يباركلك فيها ويحفظها
نورا انا نفسى اعرف بطيختك فيها ايه بقى دنتى هتولدى ولسه عليها علامه استفهام هههههههه

[سلام علي النبيين]

الف حمدا لله علي سلامة روفان يا توتة ربنا يتم عليها نعمة الصحة و العافية هي و اختها و انتي و كل اخواتنا هنا و إيانا اللهم آمين



ايه يا جماعة محدش هيولد hwaml03

[لارين يكن]

السلاااااااااااااااااااااااااااااااااااااااااااااا ااااااام عليكم
حد هناااااااااااااااااااااااااااااااااااااااااااااااا ااااااااااااااا

[لارين يكن]

الف الف الف مليون سلامه ع روفي يا توته ربنا يطمنا دايما عليها وعلي نور وعليكي ويشفيها ويعفو عنها يارب وتشوفيها باحسن صوره هيا ونور دايما يارب


ساسو ازيك انت يا قمر اللي عليكي الدور وتولدي ربنا معاكي ويقومك بالسلامه ويطمنا عليكي

[دودى مجدى]

الف سلامة على روفان يا توتة ربنا يباركلك فيها ويحفظها بصى رضعيها كويس عشان الصفرة دى تروح واديها العلاج بانتظام وربنا الشافى

[malak ahmed]

حمدلله ع سلامه روفي يا توته ربنا يحميها ويباركلك فيها يار ب

شبعيها كويس اهم حاجه وربنا يشفيها بسرعه يارب

انا عارفه اني مقصره معاكي اوى بس انتي قلبك كبير ومش هتزعلي مش كده

[malak ahmed]

نفسيتي كل يوم ف الناااااااااااااااااااااااااااااااااااااازل

امبارح وزنت نفسي لقيتني 66 كيلو وانا اللي كنت مبقلش عن من 76 :79 كيلو ياااااااااااااه خسيت كل ده ولسه شكلي بقي مسخره اعمل ايه بس

[om arwa]

يابختك يا نونة اديكى كام كيلو
انتى طولك ايه؟؟؟؟؟؟؟؟؟؟؟؟؟؟؟؟

[لارين يكن]

ازيك يا نهاد عامله ايه وملك عامله ايه يابنتي مينفعش اللي انت فيه ده لو كل واحده بقت بعيد عن جوزها وحصلها كده هنختفي معلش انا حاسه بيكي لاني كجربه بس مش ينفع لازم تاكلي كويس لو مش عشانك يبقي عشان بنتك ملك حرام عليكي افرضي لاقدر الله حصلك حاجه وانت كمان قاعده لوحدك تقدري تقولي ايه اللي هيفد لازم تغصبي ع نفسك عشان خاطر بنتك ده حقها عليكي وعشان جوزك يرجع يلاقيكي مزه مش عصايه

[لارين يكن]

ازيك يا سمسم انت واروي واسيل يارب تكونو بخير يارب بقالك يومين مش بتدخلي
معلش يا سما عاوزه اسالك ع حاجه انا صحبتي فنص التامن دلوقتي ودكتورتها فالسعوديه قالتلها تبطل الكالسيوم فنص التامن والدكتوره اللي فمصر قالتلها لا تفضلي ماشيه ع حبوب الكالسيوم لحد ماتولدي مع العلم برده دكتوره السعوديه مصريه برده
وهيا مش عارفه تعمل ايه تبطله ولا تفضل عليه فقلت اسالك

[malak ahmed]

هاتي يا سما زي مانتي عاوزة

انا من النوع الطويل ممممممممم 175 سم كده

ازيك انتي والنونات


سموره ازيك انتي والنونو اعمل ايه ياسمر والله مش بايدي وملك التانيه تعباني اوى وجايبالي ملل من زنها ورخامتها

[لارين يكن]

معلش يا نودي ربنا يعينك بس عشان خاطرها وخاطر جوزك استحملي وفتره وهتعدي والايام بتجري بسرعه والله انا لسه بكلم نفسي وبقول يااااااااااااااااه بقالي 8 شهور مش شفت اهلي وكمان من 10 شهور ونص كده كنت نازله مصر ولوبصيتي هتلاقي الايام بتجري بسرعه بس حاولي تهدي اعصابك وتريحي بالك كتر التفكير هو اللي شاغلك حاولي تاخديها وتروحي تقعدي عند مامتك اسبوع او كام يوم احسن ليكي وليها اهو تغيير جو والتغيير برده كويس ليكي حبستك فشقتك هيا اللي بتعمل كده فيكي وربنا يعينك ان شاء الله

[لارين يكن]

معلش يانودي كان نفسي اقعد معاكي اكتر من كده ومش فتحتي ايميلك
انا هدخل انام مش عارفه جالي رشح وعينيا عماله تدمع وتوجعني من بدري ربنا يستر
تصبحي ع خير ياحبيبتي وربنا يعينك يارب وبوسيلي لوكه كتير
وصدقيني حاولي تخرجي تغيري جو وتروحي يومين عند مامتك هتفرق معاكي والله

[جيرا]

حمدالله على سلامة روفان ياتوتة
ربنا مايحرمكمش من بعض ابددددددددددددددا اللهم امين
ويبقوا احلى عرايس ان شاء الله

[لارين يكن]

صبااااااااااااااااااااااااااااااااااااح الخيييييييييييييييييييييييير كله يا قمرات

ايه يا بنات انتو مش بقيتوا تدخلو زي الاول ليه كده

[ام انس المصريه]

السلام عليكم وحشتوووووووووووووونى جدى
الحمد لله على سلامته روفى ياتوته ربنا يخليها ويبارك فيها ويشفيها يارب
الصفرا دى رخمه اوى ياعينى وهما غلابه صغيرين ياحبيبى
..
بت يانهاد وحشااااااااانى يادزمه عامله ايه يابختك ياختى خسيتىىىىىىىىى عقببااااااااااااااالى
يابت اتغذى وكولى كويس زمان شكلك عامل زى العصايه
عارفه بنت عمتى جات عند نفس الدكتور بتاع الريجيم بتاعى هو دكتور سمنه ونحافه
قالها تاكل كل ساعتين وتفطر عسل على قشطه ومربى وتاكل بطاطس مقليه كتير وتاكل سندوتشات همبرجر وسجق
وبفتيك اللى هى حجات تيك اواى بتبقى فيها سعرات حرايه كتير
وقالها كولى موز بلبن ده بيتخن جدا المنطقه اللى تحت الهانش والارداف يعنى
اعملى كده يابت وانتى تتخنى وتبقى موزه

[ام انس المصريه]

حد يجى يكلمنى بقى
اوف بقى

[ام انس المصريه]

مرة واحدة وحشه جدا جدا ما تنبلع متجوزه واحد بتكرهه جدا جدا .. وكل يوم الصبح توقف قدام المرايه وتشوف نفسها وتقول : أحسن يستاهل :

[Rania Negm]

ازيكوا يا عيال انتو لسه عايشين ؟ ههههههههههههههههههه والله فيكو الخير لسه بتحنوا لمكان التجمع الاصلى


وعشتووووووووووووووووووونى

ووعشنى الرغى فى مثل هذا المكان


بس موش عارفة ليه موش مستكنيصة من منظر التجمع كدا

كنت بحبه الاول من غير البمبى والزغاريط اللى فيه دى

[ام انس المصريه]

ياختى ابقى ادخلى طولى علينا من وقت لتانى لو صحيح بنوحشك تسالى علينا حتى لو التجمع وسط الزباله
بس تقولى ايه بقى مبقيناش فى الدماغ ياختى ههههههههههههه

[الطير الحزين]

مساء النوررررررررررررر اذيكو انا دخيله جديده عليكو بس حسيت انى فى وسط اصحاب اعرفهم من زمااااااااااااااان وخصوصا انى ماليش اصحاب حاجه تقرف قربت اكل ودنى من قله الكلام هههههههههههههه

[ام انس المصريه]

http://forum.hwaml.com/imgcache2/hwaml.com_1335468942_421.png
الحمد لله الذى عافانا
التخن ده مرررررررض

[ام انس المصريه]

منوره معانا يااوختى
اسمك ايه
معاكى شيماء 26 سنه
وعندى انس 8 شهور

[ام البنوتة]

شوووووووووكوووووووو
عاملة ايه يا قمررررررررر

[الطير الحزين]

ده نورك ياام انس ربنا يخليهولك
وانا فاطمه وعندى 29 سنه ولسه مافيش بانبينو ربنا يعوض عليا

[gogo]

السلام عليكم
جد هناااااااا

[malak ahmed]

كل يوم أصحي من النوم مستغرب جداا..

النهارده اليوم الوحيد اللي قمت فيه مش
مستغرب..
.
... .
.
.
... .
.
.
.
.
.
.
أستغربت أوووي ^_^ x d

[gogo]

نهاد عامله ايه وملوكه عامله ايه
سهرانه وخيده زى

[gogo]

اهلا بيكى يارضوى منوره

[دودى مجدى]

هاااااااااااااااااااجر ازييك عاملة اية وحشانى مووووووووووووووت

[دودى مجدى]

اشتقت اوى لايام السعودية اينعم كانت غربة وكان ماليش حد اعرفو غير جوزى بس الحرم وحشنى اووووووى كنت ىفى احسن بقاع الارض بس مكنتش راضية استغفر الله العظيم يارب اكتبلى زيارة بيتك الحرام مرة تانية قبل ما اموت

[دودى مجدى]

كل حاجة كانت غيييييييييير حتى محمد كان بيتعامل معايا احسن من دلوقتى بكتير بس انا اهلى كانو واحشننى جدا هو البنى ادم كدة مبيعرفش قيمة الحاجة الا لما تر وح منو

[سلام علي النبيين]

ازيكو
ازيك هاجر و دينا و نهاد
دينا .... السونار الرباعي بيتعمل بسونار بطن؟
و بليز حد يقولي وصفة تساعد علي الولادة ان شاء الله

[gogo]

دينا انتى كمان وحشانى عامله ايه يابنتى وشيكو عامل ايه تخن شويه
انا تمام الحمد لله كويسه

[سلام علي النبيين]

فين سما و توتة و شيمو وحشوني

[gogo]

انا كويسه الحمد لله انتى عامله ايه ياساره

[سلام علي النبيين]

يا جماعة بهرش هرش هستيري
في الخطوط الحمرا و كمان عندي جنبها كده زي قرصات النمل مش عارفة انا نمل قارصني فعلا و لا دي حاجات كده طالعة المهم بعد اهرش فيها جامد

[سلام علي النبيين]

الحمد لله يا هاجر
طمنيني عنك و عن النونو
عرفتي ولد و لا بنت؟

[gogo]

رضوى انتى دكتوره ايه اصل هان بنستغل دكاتره النسا هههههههههه
انا هاجر وف اول الرابع الحمد لله

[سلام علي النبيين]

هترشحو مين يا جماعة
ايه رأيكم في مرشح الاخوان مرسي؟

[دودى مجدى]

سارة ازييك انتى لسة مولدتيش انتى فى انهى اسبوع فى التاسع
ايوة السونار الرباعى بطنى

[دودى مجدى]

هاجر الحمد لله بس شيكو على طول تعبان مش عارفة لية بالله عليكى تدعيلو يخف ويبقى كويس

[سلام علي النبيين]

مرسي يا دينا
ان شاء الله ف الاسبوع التالت

[gogo]

بتهيقلى الهرش ده من التهاب الجلد بس ياساره معلش هانت اهى خلاص انا خايفه من موضوع الخطزط الحمرا دى اصلا شكلها مرعب
لسه معرفتش النوع انا ف اول الرابع لسه والدكتوره قالتلى اقلك على اخره ان شاء الله بس هى شكلها عارفه لان كل ما اسالها تضحك ضحكه خبيثه هههههههه وتقلى لسه شكلها مبتقل غير لما تتأكد

[دودى مجدى]

سارة كلى تمر بلبن كتييييييييييييييييييييير عشان تولدى وكمان اشربى قرفة

[gogo]

ربنا يشفيه يادينا ويباركلك فيه معلش هما الاطفال تعبهم كتير
انتوا مش راجعين السعوديه تانى ولا ايه

[gogo]

والله انا مبقتش عارفه ارشح مين الدميا بقت معكوكه مبقتش عارفه مين صح ومين غلط

[سلام علي النبيين]

ربنا يقومك بالسلامة يا هاجر انتي و النونو

[سلام علي النبيين]

ابدأ من ناو يا دينا ؟
ربنا يسلم
يا جوج الهيئة الشرعية للحقوق و الاصلاح بتاعت علماء السنة رشحوا محمد او محمود مرسي مرشح الاخوان و انا معاهم طبعا

[دودى مجدى]

لا يا هاجر مش راجعين وعلى قد ما انا فرحانة انى بين اهلى بس حاسة انى ضاع منى حاجة كبيرة اوى كفاية انى كنت فى اى وقت اعمل عمرة واصلى فى المسجد الحرام واما بكون مخنوقة بروح الكعبةواعد ادعى واكلم ربنا انا مش قادرة امسك دموعى بجد يا رب تكتبلى زيارة بيتك مرة تانية اللهم امين والله فعلا صدقت كلام اللى كانو بيقولو ان اللى بيروح مبيقدرش يبطل يا رب يكتبهالى ويكتبهالكو يا بنات اللهم امين

[سلام علي النبيين]

يا جبارة يا دينا
قدرتي تقنعي جوزك؟

[سلام علي النبيين]

و الف سلامة علي شيكو
صح هو اسمه احمد ؟

[دودى مجدى]

ايوة يا سارة دة من اول التاسع انا كنت باكل تمر باللبن كتير وفى الاخر ولدت قيصرى
بس انتى باذن الله تولدى طبيعى وبصى يا سارة نصيحة ابداى اشربى حلبة بلبن وشمر وكدة علشان اللبن ينزل للنونو بسرعة انا قعدت 3 ايام والله لحد ما نزل كان الواد خس ومبقاش يبطل عييط لحد ما صوتو اتنبح والله بس معلش الواحد مبيتعلمش ببلاش

[سلام علي النبيين]

دينا انا باكل التمر باللبن ده من اول الحمل اساسا لحد التامن
بس عايزة اشرب قرفة و حلبة

[gogo]

يارب انتى وانا وكل الحوامل يارب يقوموا بالسلامه
انا هقوم انام بقى لحسن دماغى تقلت تصبحوا على خيرررررررر
ويارب اقوم بكره الاقيكى قومتى بالسلامه انتى والنونو ياساره

[دودى مجدى]

ماقتعتوش زلا حاجة دة هو اللى حصلتلو مشاكل هناك فنزل سبحان الله دة امر ربنا
لاشيكو اسمو شيرين على اسم جدو

[دودى مجدى]

وانتى من اهل الخيير يا هجورة يا رب يقومكو بالسلامة ويفرحكو بولادكو يارب

[دودى مجدى]

انا نازلة لحماتى وكمان شوية وهطلع

[سلام علي النبيين]

تصبحي علي خير انتي كمان يا جوجو
سلام يا دينا

[om arwa]

ازيك يا سمسم انت واروي واسيل يارب تكونو بخير يارب بقالك يومين مش بتدخلي
معلش يا سما عاوزه اسالك ع حاجه انا صحبتي فنص التامن دلوقتي ودكتورتها فالسعوديه قالتلها تبطل الكالسيوم فنص التامن والدكتوره اللي فمصر قالتلها لا تفضلي ماشيه ع حبوب الكالسيوم لحد ماتولدي مع العلم برده دكتوره السعوديه مصريه برده
وهيا مش عارفه تعمل ايه تبطله ولا تفضل عليه فقلت اسالك
لا يا سمر ماتخليهاش تبطلة

[om arwa]

هاتي يا سما زي مانتي عاوزة

انا من النوع الطويل ممممممممم 175 سم كده

ازيك انتي والنونات


سموره ازيك انتي والنونو اعمل ايه ياسمر والله مش بايدي وملك التانيه تعباني اوى وجايبالي ملل من زنها ورخامتها
على فكرة انا 173 يا نونا
بس كدة 66 على طولك قليل اوى اوى اوى

بصى يا نونة سيبك من الزعل يا بنتى صحتك اهمحاجة
كلتى تمر بلبن كتير ودوبى فى اللبن كيس خميرة مجففة هتتخنى شك هيدور ويبيض
واهم حاجة نفسيتك اولا

[om arwa]

ضحكتينى يا دينا
ماهو كل الناس اللبن بينزلها تالت يوم
اول تلت ايام بيبقى فيه لبن السرسوب اللى هو نقط صفرا غالبا ما بتشوفيهاش اصلاااااااا
بينزل اللبن الابيض تتاالت يوم فى نفس الساعة اللى ولدتى فيها سبحان الله

[نولارا]

بخخخخخخخخخخخخخخخخخخخ
ايه رايكم فى التوقيع
لطشته من واحده هنا فى المنتدى
بس ياريت ما تزعلش منى لو شافته نياااااها نياااااااااااهااااااااا

[جيرا]

ازييكم ياقمرات حد هنا
طيب لو حد فيكم يعرف نظام ريجيم يكون للحوامل ياريت يقولهولى ضرورى جداااااااااااااا

[AyoyA]

ربنا يخليكي يا يويو ويخليهم ليكي يارب هما عندهم قد ايه دلوقتي

فعلا انا بشوف مشاركتكم الليي فاتت قبل ماتولدي بقعد اقول يااااااااااااه دلوقتي ايه بتدخل ترمي كلمه ومش بنشوفها تاني
انا لسه مستنيه ع اتعرف عليكي زي ما قلتي بس تفوقي بس الله يكون فعونك ياحبيبتي

انا اسمي سمر ع فكره ورودي ده اسم حركي




الله يخليكى يا عسل وتقومى بالسلامة وهما عندهم شهر و3ايام
شكلك هتستنى كتير علشان مش عارفة قعد حبة على بعضها ههههههههههههههه
عاشت الاسمى يا سمر

[اروى قلب ماما]

هااااااااااااااااااااااااى

[نولارا]

اسلالالالالالالالالالالالالالالالالالالالالالام
وحشتينى ياابنت الايييييييييييه
اخبارك انتى ومحمود واروى

[AyoyA]

الف سلامه عليكى ياايه ياحبى شفاكى الله وعفاكى
خلى بالك من نفسك يابنتى
..
هنا وادم عاملين ايه يارب يكونو رضعو منك

الله يسلمك يا حبيبت قلبى
وهنا وادم بيسلموا عليكى وعلى انس
وللاسف مرضعوش لسه وكل ده بيرضعوا ابتاميل 1
الحمد لله وعندى امل فى ربنا انهم يرضعوا



عامله ايه انتى وانس والريجيم ههههههههه
ياااااااااااااااااااااارب بخير دااااااااااااااايما

[AyoyA]

نوراااااااااااااا عامله ايه وموكشة والمجهول اللى فى بطنك ههههههه عاملين ايه
نورا لو معاكى رقم توتة ابعتاهولى فى رسالة بس دلوقتى علشان انا هقوم علشان بيعيطواااااا

[نولارا]

ايه هنا يامرحبا يامرحبا
بوسيلى ادم وهنونه وان شاء الله يرضعوا طبيعى قريب

[AyoyA]

الله يخليكى يا نورا
وهما كمان بيبوسواااااااا موكشةوالنونة وامهم بالمرة

[اروى قلب ماما]

نورااااااااااااااااااااااااااااااااااااااااااااااا ااااااااااا

[اروى قلب ماما]

أنا هموووووووووووووووووت من الزهق

[اروى قلب ماما]

انتى لسه يا نونه مش عارفه انتى حامل فى إيه
وتوته ولدت ولا لسه

[اروى قلب ماما]

يا عيال متجوا بدل ما امشى

[اروى قلب ماما]

ميييييييييييييييييييييييييييين

[اروى قلب ماما]

مفيش حد جه انتوا أحرار
صحيح اللى يشوف ياسمين ودينا وسمر وشوشو يسلملى عليهم

[اروى قلب ماما]

باااااااااااااااااااااى

[AyoyA]

سااااااااااااااااااااااااااارة وحشانى والله عامله ايه
لسه مفقستيش ربنا يقومك بالسلامة ياااااااااااااارب
وتفرحى بشوفت النونو
وكلى تمر كويس ليكى












انا بقا نفسى حد يقولى علىحاجة تكتر اللبن
يعنى هما مبيرضعوش بس عايزة اشفط وادلهم فى الببرونة بس اللبن
قليل ولما بشفط صدرى بيوجعنى اوى وكمان بعمل حبة صغيرة جدا
فاى حد يعرف حاجة يقولى عليها

[لارين يكن]

شكرا ياسمسم ياحبيبتي ربنا يخليكي لينا يارب ويخليلك رورو واسوله وتفرحي بيهم يارب


الله يسلمك يااسلام ياحبيبتي عامله ايه انت واروي وعامله ايه فالامتحانات ربنا معاكي ويقويكي يارب

[لارين يكن]

جيرا من عنيا الاتنين ان شاء الله انا هروح للدكتوره يوم الاتنين بأذن الله وهتكتبلي ع نظام امشي عليه هبقي اقولك عليه لو اديته ليا ان شاء الله

[جيرا]

دخل طفل صغير لمحل الحلاقة

فهمس الحلاق للزبون :هذا أغبى طفل في العالم ...انتظر و......أنا أثبت لك

وضع الحلاق جنية فى يد و25 قرشاً فى اليد الأخرى
... ...
نادى الولد وعرض عليه المبلغين أخذ الولد ال25 قرشاً ومشى

قال الحلاق: ألم أقل لك هذا الولد لا يتعلم أبدا...

وفي كل مرة يكرر نفس الامر

عندما خرج الزبون من المحل قابل الولد خارجاً من محل الحلوى

فدفعته الحيرة أن يسأل الولد، تقدم منه وسأله لماذا تأخذ ال25 قرشاً
كل مرة ولا تأخذ الجنيه ؟؟؟

قال الولد: لأنه فى اليوم الذي سآخذ فيه الجنيه سوف تنتهي اللعبة!!


أحيانا تعتقد أن بعض الناس أقل ذكاءاً كي يستحقوا تقديرك لحقيقة ما يفعلون ..

والواقع أنك تستصغرهم على جهل منك

فلا تحتقرن إنساناً ولا تستصغرن شخصاً ولا تعيب مخلوقاً

فالغبي فعلا هو من يظن أن الناس أغبياء!!

[om arwa]

ههههههههههههههه حلوة القصة دى اوى يا جيراااااااا

[om arwa]

فينكووووووووووووووووووووو

[جيرا]

ههههههههههههههه حلوة القصة دى اوى يا جيراااااااا
ياحبيبتى ربنا يخليكى انتى الاحلى عجبتنى اوى قولت اوريها لحبايبى
وازى اروى واسيل يارب يكونوا بخيير اللهم امييين

[جيرا]

جيرا من عنيا الاتنين ان شاء الله انا هروح للدكتوره يوم الاتنين بأذن الله وهتكتبلي ع نظام امشي عليه هبقي اقولك عليه لو اديته ليا ان شاء الله
مانحرمش منك ياقمر عامله ايه دلوقتى انشالله يارب تكونى احسن دلوقت