تجمع حوامل المدينة المنورة

[أم ماهر]

كيفك المتوكله ...

[دف القمر]

هلا والله بام ماهر
المتوكله اعذريني والله مشغوله مع بنتي بس تلعب في الكيبورد مااقدر اكتب
اشتريت ام العلب طقم كامل من سنتر بوينت ب 30 ريال مرة رخيص

[المتوكله على ربها]

الله يعين عندنا وعندكم خيرحتى انا ولدى كل شوى يبى يحط العاب

[دف القمر]

وام العلاقه الي فيها بربتوز وقبعه وشراب للخرجه مرة لونو حلو برتقالي وتاني مثلو اصفر
و3 بربتوز تجيكي مع بعض حلوة وسعرها حلو وطقم ملابس دخليه فيه 6 منها مع بعض
كلها عرض في سنتر بوينت
بس ماادري تكفي او اشتري كمان

[دف القمر]

انتي اشتريتي للنونو

[أم ماهر]

اهلين دف القمر اخبااااارك ياعسل ....

[المتوكله على ربها]

لاوالله ماشتريت الدكتوره مانعتنى من الحركه حاليا بس ان شاء ابدا قضى ع الثامن

[المتوكله على ربها]

ام ماهر انا الدكتوره قالتى ولد وناويه اسميه ايااد ان شاء الله

[عذبوكـ ياقلبي]

مرحبا بنات
لسه مااشتريتو للبيبي
انا خلصت بس بشتريلي مشد ومالي خلق اروح السوق مره
سايره ثقيله واخلاقي بخشمي

[عذبوكـ ياقلبي]

ظهري واجعني مره
الصبح مسكني غثيان فضيع ودحين ظهري احسو زي الم الدوره
ياربي انا من امس مو كويسه
لايكون طلق بس ..؟

[دف القمر]

هلا والله فيك ام ماهر
وسلامتك المتوكله ماتشوفي شر
عذبوك المشد من الصيدليه اشتريت

[دف القمر]

عذبوك سلامات ماتشوفي شر
اذا دخلتي التاسع ربي يسهلك ويسرلك امرك وهونلك طلقك
يالله ترتاحي انشاء الله

[المتوكله على ربها]

الله يسلمك بس تقولى الدكتوره معاك تقلصات شديده ممكن تكون ولاده مبكره عشان كدا لازم ارتاح

[أم ماهر]

سلامتك عذبوك ماتشوفي شر طيب ليه ماتروحي المستشفى لاتهملي نفسك...

[دف القمر]

سلاماتك ياقلبي ماتشوفي شر
بس ايش سبب التقلصات

[أم ماهر]

عذبوك لاتهملين نفسك اخت زوجي كان عندها استفراغ وحرقه وهي بااول التاسع وخلت نفسها وخلاص ماصارت تستحمل راحت الطوارى وولدت بالطوارى تخيلي الدكتوره عصبت عليها قالت اي الام تجي بالشهر التاسع توقعي انها ولاده انت بتولد بالسيااارهـ لاتهملين نفس ولاتولدين بالبيت ماهو بالسياره ترى طلق عن طلق يختلف وربي يسهل لك ...

[أم ماهر]

المتوكله ربي يعين وماتشوفي شـــر جربت التقلصات والله يعنـــك ارتاحي ولاتتعبين نفسك....

[عذبوكـ ياقلبي]

ام ماهر والله خوفتيني
بروح ايوم اجل لان احس ظهري بيخرج مني من الالم

[المتوكله على ربها]

ماادرى بس ممكن من الالتهابات والدكتوره عملتلى تحاليل وكتبتلى مثبت واعطتنى موعد بعد عشر ايام المشكله الاالم احسهامن شهر بس مش لهدالدرجه الى وصلتها هد اليومين والدار الى بالتصوير وساره بالالمانى يقولو المشيمه متقدمه ورحت لعطيات قالت وضغ المشيمه فوق بس هد تقلصات وتبين بالتصوير زى حجم المشيمه بجد دكتورات جاهلات سبحان الله خيره انى رحت لعطياات

[المتوكله على ربها]

الله يسلمك ياارب

[أم ماهر]

اعذريني عذبوك والله ماهو قصدي اخوفك ربي يسهلك ...

[عذبوكـ ياقلبي]

لالا بالعكس الله يجزاك خير

[أم ماهر]

طيب بسالكم الهيل مضر لاني صايرهـ مجنونه هيل تخيلوو اطحنه لمى يصير ناعم واكله...

[عذبوكـ ياقلبي]

لا ام ماهر انتبهي الهيل يكسر الحديد ويسبب فقر دم
وانا بنت وصل دمي 7
والسبب الهيل اكثرو بالقهوه
دحين والله انا رجعت للقهوه بعد مااتوحمت عليها
وسرت اعشق اكثر الهيل فيها بس مااطاوع نفسي

[المتوكله على ربها]

عدبوك وين ناويه تولدى

[عذبوكـ ياقلبي]

بالمدينة الوطني ان شاء الله

[أم ماهر]

مشكوره ياقلبي وجزاكي الله خيــــر مااقدر اقاوم وش اسوي بس احاول ...

وطمنيني عنــــــــــــكـ..

[عذبوكـ ياقلبي]

والله ظهري بيشرد مني

[المتوكله على ربها]

الله يقومك بالسلامه عند اى دكتوره

[سيناتورة]

بنات كيفكم وحشتوني
باركولي دخلت التاسع ربي يسهل بس وربي خايفه وزبحتني الالتهابات

[أم ماهر]

الف مبرووك وربي يتمم لك على خيــــــــــــــر..

[سيناتورة]

امين ربي يسمع منك
ربي يسعدك ياقلبي ام ماهر

[عذبوكـ ياقلبي]

انا اراجع عند دكتوره عبير

[عذبوكـ ياقلبي]

بنات انا مو عارفه اللي فيه طلق ولالا
بس ايش اشرب عشان لو طلق يحمي ..؟

[عذبوكـ ياقلبي]

بنات الم الظهر فقط ومتواصل بس فترات يقوى
يكون طلق ولالا ..؟

[بذخ~]

السلام عليكم ..

كيفكم ؟
حبيبتي روحي اكشفي عند الدكتورة احسن عشان تعرفي لو قربت ولادتك ...

ربي يعطيك السلامة

[ايس كريم]

السلام عليكم
الاخت عذبوك ياقلبي انصحك تمشي كثير وتاكلي تمر واذا حسيتي ان الالم زاد روحي المستشفى وربنا يسهل ويهون عليك ولادتك

بنات ربي يسعدكم ابغى احسن دكتورة تعمل سونار وثقة وياليت تقولون لي هي فين وبكم
الله يخليكم ردوا علي

[ايس كريم]

انا سمعت عن الدكتور ياسر في المدينة الطبي بس بصراحه ما اعرف اذا هو ممتاز وتحديدا بمعرفه جنس الجنين والا لا
انا ابغى اروح على طول لثقة يديني كلام اكيد

[بذخ~]

هلا ايس كريم ..
حتى انا سمعت عنو ودحين يعمل الرباعية كمان ..
فيه كمان ايمان بدير في العقالي سونارها حلو تكلمك عن كل حاجة وهيا بتفرجك ..

[ايس كريم]

هلا فيك يا بذخ كيفك انا من زمان متابعه الملف بس كنت عالصامت هههههههههههه
طيب بكم الكشفية وهل بتعمل سونار والا لازم سعر ثاني ؟
وربنا يعطيك العافية

[بذخ~]

الحمد لله انا بخيرات ..
كيفك وكيف الحمل معاك ؟

ممكن تعمل لك السونار بدون كشفيه وسعر الاشعة الرباعيه 350 ..

[ايس كريم]

الحمد لله بخير
بس انا ما ابغى اشعه رباعية ابغى العادية ماعندك خلفية تسويها بكم
شكلي ثقلت عليك بالاسئلة سامحيني ياعسل

[دف القمر]

ســــــــــــــــــــــلام عليكم
ايس كريم
التصوير العادي ب 200 والكشف 100
والرباعي 350 بدون السيدي وبالسيدي 500

عذبوك
سلامات ماتشوفي شر ربنا يسهلك ياعسل بس اتوقع الي معاك طلق
لان اختي مثلك الم في الضهر

سيناتورة
مبروووووووك ياعسل ربنا يسهلك ويسرلك

[همس الكلام]

سلام ياحلوات في احد موجود؟

[بذخ~]

هلا همس الكلام
كيفك ياعسل ؟

[توتهـ]

مرحبا ياحلواتـ اخباركم وش مسوين

[دف القمر]

الحمد لله تمام
انتي كيفك ياقمر؟؟؟؟؟؟؟؟؟؟؟

[دف القمر]

اليوم مافي برد
الجو حلوو

[توتهـ]

ايوه معتدل الجو يمكن امشي شوييات
بس خايفه يدخلني هوا او برد

[ايس كريم]

مشكورة دف القمر الله يجزاك خير ياعسل

[دف القمر]

توته
امشي في بيتك افضل
ايس كريم
لا عادي احنا خوات

[دف القمر]

صبــــــــــــــــــاح الخير
موجووووود احد ؟؟؟؟؟؟؟؟؟؟؟؟؟

[دف القمر]

وينكم بنات احشتوني
راما وحلا المدينه
من زمان مااشوفكم

[دف القمر]

سلالالالالالالالالالالام عليكم

[توتهـ]

هلا والله دف
كيفك انتي فيهـ بنات كثير ماصارو يدخلو يمكن
ولدو بالسلامه

[سناالقمر]

صباح الخير

بنات وش رايكمـ
بدكتوره صفاء اللي بالرحمه

ياليت تقولون رايكم فيها

[Raama]

السلام عليكم ورحمة الله

ووحشتوني كلكم ياكروشاااات

والله مره تعبااانه سخونه وزكام ولوز كحه

بس حبيت اسلم عليكم


دعواااااتكم ياعسولااااات

[سناالقمر]

الله يشفيك يارب

حتى انا مزكمه وحالتي حاله

[توتهـ]

سنا القمر وراما سلامتكم ماتشوفو شر
ان شاء الله

[دف القمر]

صباح الخيــــــــــر
سلامات راما وسنا القمر ماتشوفو شر

بنات والله انا صايرة عصبيه مرة حتى بنتي عمرها سنه الله يخليها ليا ماسلمت
من ضربي والله لمن اشوفها نايمه اشوفها صغيرة اجلس اتندم اني ضربتها
والله خايفه تتعقد مني وتكرهني
واذا ضربتها اقولها اسفه يا ماما وبعض احيان ابكي
والله طفشت من نفسي ماكنت كدا

[دف القمر]

بنات وينكممم؟؟؟؟؟؟

[سيناتورة]

صباااااااااااااااااااااااااحو ع الحلوين

[عذبوكـ ياقلبي]

صباح الخير بنات

[سيناتورة]

كيفك مع الحمل والبرد عذبوك

[عذبوكـ ياقلبي]

الحمدالله البرد ساعه البرد وساعه احتر
وامس مسكني طلق فظهري كل 10 دقايق وبعدين صار كل 5 دقايق
لمده ساعتين قلت اتحمل واروح العصر المستشفى بس بعدين خف ونمت
وبعد المغرب رجع الالم مع استفراغ الله يكرمك بس الم ظهر مستمر
وكشفت خدامتنا عليه قالت مفتوح 1 سم والراس مره تحت
اليوم في الم بس بارد ومستمر يعني مايجي ويروح
ومو عارفه اروح اليوم المستشفى ولا اخليها بكره

[دف القمر]

ربنا يسهلك ويسرلك
بس خدمتكم ممرضه ؟؟؟؟ مستغربه اول مرة اسمع

[دف القمر]

روحي شوفي ايش يقولولك عشان تتطمني

[سيناتورة]

عذبوك بجد انا نفس الامك بس شوي بروح للدكتوره ان شاء الله مايكون طلق لاني بعد بكره نازله المدينه
وحبيبتي روحي اليوم المستشفى لاتستهونين

[دف القمر]

ربنا يسهلك سيناتورة

[عذبوكـ ياقلبي]

لا الله مو ممرضه بس خبره ماشاء الله
امكن اروح الدكتره اليم دوام دكترتي من 3 الى 11 الليل
اروح بعد العشاء ان شاء الله

سيناتورة الله يسهلك وان شاء الله تولدي بالمدينة

[أم ماهر]

ماتشوفين شر عذبوكـ والله يسهلك يارب ولاتنسينى من دعاويك ..

[عذبوكـ ياقلبي]

الله يسلمك ام ماهر
وان شاء الله بدعيلكم كلكم

[أم ماهر]

ربي يسلمك ياااارب بسالك الدكتورهـ متى حددت موعد ولادتك وانتي بكريه..

[عذبوكـ ياقلبي]

موعد ولادتي 21/2
بس تقلي اتوقع قبل لأنو الطفل مرره نازل
والله اعلم الله يسهلها بس
ايوه بكريه

[أم ماهر]

ربي يسهل لك طيب اجلسي بماء دافي ....

[بذخ~]

السلااام عليكم ..
ياااالله بنات ربي يعطيكم السلامة انا كمان دخلت التاسع بس لسى منى حاسة بشئ ..

واصلا شكل بطني مرفوعة لسى ما نزلت ..
إهئ إهئ الله يستر لا أطول /:

[ايس كريم]

بذخ انصحك تاكلي تمر كل يوم على الريق وتمشي كثييير وان شاء الله راح ينزل البيبي وما تطولي وربنا يسهل عليك وعلينا وعلى كل الحوامل يارب

[توتهـ]

السلام عليكم ورحمة الله وبركاته
مساء الخيرات
كيفكم الجو هذا والله بيمرضنا يوم برد ويم حر
اليوم حراره
عذبوكـ الله يسهلك يارب
ويسهل للجميع

[همس الكلام]

السلام عليكم
اخباركم ياحلوات ان شاء الله تمام
وكيف البيبيات ؟

[حجازيه]

سسسسسسسسلام

كيفكم بنات وحشتوني

ابششركم أنآ


لسى ماولدت > هع

[همس الكلام]

حلوة ياحجازيه منك
ليش انتي كملتي التاسع ولا لسا
انا لسا 10 ايام تقريبا وادخل التاسع
الله يسهللك ويسهلي يااااااااااارب الولاده

[حجازيه]

لا ياقلبي باقيلي إسبوعين وأخلص التاسع

بس بالمراجعه الدكتوره قالتلي إنتي على وش ولاده
البيبي نازل تحت مستعد للولاده

الله يسسهلنا إن شآء الله

[بذخ~]

بنااااات الدكاترة خبلوني ..
كل مرة اكشف يقولولي شئ عن جنس البيبي ..
رحت لايمان بدير ورحت لياسر ورحت لوحدة اسمها لبنى في المواساة ..
اش رايكم اصدق مين ..!

وتنصحوني اروح لمين عشان اتأكد ؟

كلهم حلويين بس يافيني فضوووول

[ايس كريم]

بذخ هل اختلف كلام د/ ياسر عن كلام د/ ايمان ؟؟؟؟؟؟؟؟؟؟؟؟؟؟؟

[بذخ~]

هلا ايس كريم

كيفك ياعسل ؟

ايوة ..
من جد قلت خلاص افضل ما أحط في بالي شئ

[لمـار]

مســـــاء الخيـــر
كيفكم عسولات ايش اخباركم
وايش مسويين من زمان عنكم .

[همس الكلام]

والله اللي اعرفه يابذخ ان د / ياسر شاطر في تحديد الجنس بس انتي لاتحطي في بالك كل اللي يجيبه ربنا حلو الحمد لله نعمه
حجازيه كيف تحسي لما يكون البيبي نازل تحت ؟ ومتى نزل ؟ انتي بكريه؟وربي يسهللك ان شاء الله

[همس الكلام]

هلا لمار كيفك

[لمـار]

الحمدلله بخير همس انتي كيفك ؟؟

[توتهـ]

كيفكم بنات اخباركم

[همس الكلام]

انا تمام لمار وانتي ياتوته كيفك ؟وكيف الحمل معاكم؟

[rooraa]

سلام
كيفكم كروشات ها محد ولللللد
نفسي يجي رمضان بسرعه علشان اولد ههههههههه

[لمـار]

دوووم يارب همووسه
الحمدلله توته انتي اخبارك ؟؟
الحمل الحمدلله كويس تعب لكن الحمدلله فتره وتعدي
وكل هالشي طبيعي الله يعطينا الاجر ويكفر ذنوبنا

[لمـار]

هههههههههههه رورا
مستعجله ان شاء الله تولدي بسلامه
كيفك ان شاء الله بخير؟؟

[rooraa]

الحمد لله تمام
اليوم روحت لصحبتي والده وانا وهيا اتفقنا نحمل مع بعض بس انا ربي ما اراد اني احمل معاها لما هيا قربت تولد انا حملت هههههههههههه

[توتهـ]

انا تمام الحمدالله
كل يوم اقوم اقول ان شاء اولد اليوم خخخخـhwaml15

[لمـار]

ياحليلكم الحمدلله يارب
الحمل نعمه ومانقدر نحدد متى يتم
كيف الوحام معاكي ووين تراجعي ؟؟؟

الله يهون عليك توته ويسخرلك الطيب من عباده

[rooraa]

انا اراجع عند الدكتوره احسان بخش
بس ان شاء الله يارب الولاده في المطبقاني عند هشام
قالولي انو احسان تولد عمليه بس انا اخاف لاني مجربه هشام في ولاداتي الي قبل

[دف القمر]

السلام عليكم
ربنا يسهل للي دخلو التاسع
رووراا
انا في حملي الاول كنت اراجع عند حسان بخش
ماشاء الله عليها بس مررة زحمه اطفش

[لمـار]

اهاااا .. الله يهون عليك ولادتك
انتي صاحبة خبره جربتي قبل بنستفيد منك
بسألك انا وقت انام على جنبي الايمن احس الم
وضغط والم بفخذي مثل الم الدوره اغير نومتي يروح
عادي اللي يصير وايش السبب ؟؟

[دف القمر]

بنات سويت تحليل فقر الدم وطلع عندي 9
وانا مااكل حبوب
بسال هل 9 عادي طبيعي واذا لا كم الطبيعي؟؟؟؟؟؟؟؟؟؟؟

[دف القمر]

وينكمممممممم
موجودين ؟؟؟؟

[لمـار]

موجوين دف القمر
ما ادري والله طيب لو سالتي الدكتوره

[دف القمر]

سالتها قالتلي كل حاجه تمام
بس توي قريت مشاركات بنات
يقولو 9 وخايفين
وحدة اعطوها ابر فقر الدم
انا مستغربه ليش ماقالتلي انو نازل كثير
حتى الحبوب انا سالتها وكتبتلي كالسيوم وقالت مع حبوب الحديد
بس انا على بالي انو طبيعي ومااكل الحبوب

[rooraa]

دف القمر عند اي دكتوره تروحي؟؟؟

[توتهـ]

دام تاخذي حديد خلاص يمكن ماتحتاجي ابر

[دف القمر]

عند فاطمه في العقالي

[rooraa]

ما اعرفها اول مرا اسمع عنها

[rooraa]

كروشات اانا ابغا اعرف شريط الحمل هوا يممشي لوحدو
ولا كيف؟

[توتهـ]

يس يمشي لحاله كل يوم ينقص

[دف القمر]

حتى انا ماعمري سمعت فيها لكن كثير مدحو العقالي
الي في سلطانه
انا روحت الي في قربان وشوف زحمه عند الدكتورة عطيات
ورحت للدكتورة التانيه اسمها فاطمه
مرة طيوبه فصرت ارجع عندها لان الناس بس يحسبو انو عطيات الي تمام
انا سالت ممرضه اعرفها تشتغل هناك عنها قالت الاثنين تمام مافي فرق
بينهم
انا ارتحت عندها وخصوصا انها تطول معاك لانو ماعندها زحمه
وسويت تصوير رباعي وقالتلي ولد
وقبل مااسويه وانا في الشهر 4 قالتلي 80 في الميه ولد
والحمد لله على كل شي ربنا يسهلنا ويسرلنا

[rooraa]

الله يتمملك على خير انتي بكريه؟؟؟

[دف القمر]

لا مو بكريه
عندي بنت ربنا يخليها ليا
في حملها كنت اراجع عند حسان بخش
ماشوفت لين دحين وحدة احسن منها
بس الزحمه عندها تطفشني

[دف القمر]

يؤ البنات نايمين
صحصحوو مافي برد

[rooraa]

انا اراجع عند احسان بخش وحملت على يدها بعد الله سبحانه
ومن جد هادي احسن منها انا ما شفت وما اعتقد اني حشوف
من جدد كتوره ممتازه بمعنى الكلمه

[دف القمر]

مرة روعه تعاملها اخلاقها كلامها وردها على الاسئله
زوجي يقولي الا ترجعي عندها
بس عشان بنتي وهيا عندها زحمه
غير صايرة من مستشفى لمستشفى بس مافي زيها

[rooraa]

بس والله زحمتها مو مرا مرا زي غاده الي في البترجي
حتى اخف من المطبقاني

[دف القمر]

لا اول كان زحمه اجلس من الساعه 7 الى 12 او 1

[دف القمر]

انا اول شي في الدار عند نجوى زحممممممممممه
جربت العقالي ماتمر نص ساعه الا جاء دوري ارتحت

[sho_sho]

صباح الخيرر
كيفكم يا حلوووات ...
ايش مسوووين ..

[rooraa]

يا ساتر لالا مو كدا
ارجعيلها وشوفي انتي ااول ما يتصلو عليكي روحيلهم علشان تاخدي رقم بدري
انا لانو بيت اهلي قريب من العياده لما ابغا اروحلها اروح لاهلي علشان على طول اروح

[دف القمر]

بس شكلي بحول على بهاء في الدار

[rooraa]

اها مرت اخويه تروحلو هوا ولدها

[دف القمر]

الا اروح بدري واخد رقم وانا اعرف البنت الي في الاستقبال
كان رقمي 3
وهيا طبعا تاخد واحد كشف واحد تصوير يعني دوري 6 يطلع
ومرة اتعب حتى مرا زوجي نام في البيت ونسيني
تخيلي بس اتصلت على بابا وجاء اخدني وهو مايعرف المكان
بس انتي احسن شي انو جنب بيتكم
واسعارها حلوة

[دف القمر]

هلا والله ببشوشو
كيفك ياقلبي؟؟؟؟؟؟؟؟؟؟؟

[rooraa]

اايو الله يسهل اهم شي انك ترتاحي لدكتورتك وخلاص

[دف القمر]

يارب يسهلنا ويسرلنا حملنا وولدتنا ويهون علينا الطلق
انتي بكريه

[rooraa]

لا انا عندي بنتين الله يحميهم

[دف القمر]

ماشاء الله ربنا يخليهم لك

[rooraa]

تدري مرا نفسي اني اولد طبيعي نفسي اجرب الم الطلق والولاده
والله استغرب من الناس الي يطلبو عمليه وهما مافيهم شي ويقدرو يولدو طبيعي
الحمد لله على كل حال محد عاجبو حالو بس الطبيعي اسمو طبيعي
الله يسهل ولادتنا يارب ويرزق كل محرومه يارب

[دف القمر]

ربنا يعينك ياقلبي
تدري اني طلبت عمليه من كثر الالم حسيت نفسي بجن
وامي تقلهم لا تسمعو كلامها ننتظر احسن
لمن ربنا فرجها ولدت طبيعي الحمد لله

[عذبوكـ ياقلبي]

مرحبا بنات
كيفكم مع الثقل ..؟

بنات فيه آلام من امس الصبح لمده ساعتين وراح واتفتح الرحم 1سم
وبعدين سار الم ظهر مستمر بس مو مره قوي
ومن فجر اليوم الى الان من تحت فتحه المهبل مرررررررررره توجعني مشدوده وفيه حكه وبتزل افرازات بيضاء ومويه شوي
وتجيني تقلصات اسفل بطني احس شي خلاص بينزل واحس انو ابغى ادف على تحت
وبطني تتحجر وبعدين يروح

دا طبيعي ولا لا
لاني مره خااااااايفه

[sho_sho]

هلا بك دف القمر عنونى أخبارك .. وكيف الحمل معاكي
ربنا يسهل للجميع يا رورا الطبيعي تغطسي في الموت وترجعي >> عذآآب بالزات بمستشفي الولادة
عذبووك يا حبيبتى ربنا يعينك ارتاحى وروحي المستشفي لا تتحملي يمكن ولادة والا شيء وطمنينا عليكي

[دف القمر]

حبيبتي ربنا يسهلك ويسرلك
بس طلق عن طلق يختلف

[دف القمر]

الحمد لله على كل حاال

[rooraa]

عذبوك ان شاء الله انو طبيعي لانك في التاسع بس اعتقد انو ولاده
عارفه ياقلبي انو موت بس الالم فوقتها وبس بعدين تقومي الحمد لله
اما العمليه طول الحياه تعاني منها
وفي النهايه كل واحد ياخد نصيبو والي ربي كاتبو حيسير

[sho_sho]

بنات نفسي اعمل تصوير عند دكتورة شاطررة وتقولي جنس البيبى فين تنصحوني ؟

[rooraa]

في احسان بخش وفي الدكتور ياسر مرا ممتاز الي كات في البترجي اعتقد راح المدينه الطببي

[دف القمر]

جربي عطيات ودكتور ياسر

[rooraa]

بنات احد يعرف ايش معنى هدول الاسماء
رولين
رينا
راما

[sho_sho]

جزاكي الله خيرر
والله يا بنات شكلوو معاي التهابات ما فيني اروح اعمل تحاليل واستناها رغم انو ما معاي افرازات ولا حاجة بس حرقان بالبول الله يكرمكم
يا رب استررر تطفش العيادات والمستشفيات وزحمتها

[دف القمر]

رورا انتي مثل اختي مرتين ولدت عمليه
ومرا تحس فيها تالمها ومثلك في المطبقاني

[rooraa]

ايو والله صادقه بس لازم تروحي وتعالجي الالتهابات لانو ممكن تاثر على االولاده والله العالم

[rooraa]

اصلا الم العمليه يفضل طول العمر اي حركه تسويها تعور ولما يجي البررد تعور وطول الوقت تقريييييييص كنو احد بأضافر جالس يقرصك الحمد لله بس

[دف القمر]

لا مااعرف معاني الاسماء بس انا عجبني
راما اسم وحدة معانا في التجمع
شوشو ياقلبي لازم تسوي تحليل ترتاحي

[دف القمر]

ايوة والله مثل اختي
ربنا يعينكم ويسهلكم ويساعدكم

[rooraa]

طيب ممكن كل وحده تقلنا ايش ناويه تسمي البيبي ان كان بنت او لد

[تالـــهـ]

صبــــــــــــآآآح الخير ..

اخباااركم ...واخباار الكروشه ...؟؟

بنااات بدي أسألكم عن يااسر رحتله بالبترجي ومالقيته ...

فين نقل وبكم عنده التصووير ...

الله يسهل عليكم يااارب

[rooraa]

راح المدينه الطبي اظن

[rooraa]

شكلكم ما تبغو تردوو واناا مرا طفشاااااااااانه شكلي ححط راسي واحاول اناااااااام

[دف القمر]

اذا بنت غيداء
اذا ولد لسا مافكرت لان زوجي بيسميه

[sho_sho]

الله يعينك رورا اشوف انا اللي بعملية يتعبوا علي طول حاولي ترتاحي بين اطفالك بالحمل
انا مدري ليين دحين ما حطيت اسماء ببالي ما ابغي استعجل عشان لا اتعلق باسم معييين وازعل ازا ما سميتووو

[sho_sho]

دف حلو اسم غيداء بنت عمتى بنوتتها غيداء
>> اذا بنت تولين هذا الاسم اللي ببالي بس يمكن اغيره باي لحظة >مومضمونة
واذا ولد مدرري للحين ....؟

[rooraa]

ليش غيداء ايش معناه وايش الي حببك فيه؟؟
لا تزعلي مني بس اكره هادا الاسم>>>تعرف وحده ما تنطاااااااق اسمها غيداء

[توتهـ]

صباح الخيرات على الجميع كيفكم واخباركم
بنات انا دايم الجنين احسو على جهة اليمين
مع ان الدكتور قالي نازل بالحوض
وش السالفه

[توتهـ]

انا ان شاء الله ولد
وبسميه فيصل ان شاء الله
ربي يجبو لي بالسلامه
ويسهلنا يارب

[rooraa]

شوشو انا بنتي الصغيره عملها 4 ونص يعني عبال اولد ان شاء الله تكون 5 وشويه
بس ترا ما يضر حتى لو ورا بعض الدكتور قالي
لان زوجي سالو وانا توي والده ليا اسبوع ههههه قالو متى تحمل تاني الدكتور قاللو دحييييين وانا لسه توي اسبوع والده قلت حرام عليك يا دكتوووووووور
لو على جوزي كل يوم يبغاني اخلف نفسو اجيب500 ههههه

[rooraa]

توته انا الي اعرفو انو الولد دايم يكون عاليمين وعادي ان شاء الله

[rooraa]

انا لو ولد ان شاء الله محمد ولو بنت لسه ما فكرت احس مافي اسم حلو ههههههههه
بس بفكر في رولين-رينا-راما
وترا والله صدفه هادي الاسماء عجبتني هههه
وترا بناتي ريماس ريما والناس كلهم يحسبوني متعمده اني اسميهم كدا وكلها جات صدفه مو مرتبتلها وانا مو فارقه عندي مو لازم يكونو كلهم نفس الحروف

[دف القمر]

لا عادي ايش يزعلني في ناس تحبو وفي الي يكرهو لانو مرتبط بوحدة يكرهوها
توتا ربنا يسهلك وتشوفي فيصل
رورا صح انا الحركه على اليمين واسفل

[rooraa]

دف قالولك ولد؟؟؟؟

[دف القمر]

ايوة سويت رباعي ورتني انو ولد
وقالت ولد

[rooraa]

الله يفرحك بشوفتو يارب

[دف القمر]

وانا في الشهر الرابع قالتلي 80 بالميه ولد
وفي الشهر الخامس سويت تصوير رباعي واكدتلي انو ولد
وحتى السادس سوتلي رباعي ووضح انو ولد
انشاء الله صادقين لاني جهزت للنونو

[دف القمر]

يارب ويفرحكم بشوفتهم يارب

[rooraa]

لا خلاص دام قالتلك كم مرا ولد ان شاء الله يارب صادقين

[دف القمر]

انشاء الله يارب

[حزن السعوديه ..؟]

صباااح الخيير
دف القمر ممكن سؤاال

[دف القمر]

هلا ياقلبي

[sho_sho]

هههههههههههههه ايوآ عارفتهم الرجال لو كل سنة حامل عادى
التعب علينا نحزن بس مع الحمل الالم يزيد مكان الجررح
ربي يسهلك يا رب عندك كم طفل ماشاء الله يا رورا
ويحفظلك بنتك يا رب

[rooraa]

عندي بنتين الله يحفظهم

[sho_sho]

ربنا يفررحك فيه يا دف

[حزن السعوديه ..؟]

وش الفرق بين السونار العادي والرباعي وليش سويتي الرباعي لانه اظمن والا شو
ويضر البيبي والا عادي
والسونار الرباعي نفس طريقة العادي والا يختلف
وكم اسعارها
ترا هو سؤال واحد بس يتكوون من كم فقره خخخخ

[sho_sho]

ربي يحفظهم يا رب الكبيرة كم عمررها ...
وايش نفسسسك بولد دحين صح ؟

[دف القمر]

العادي مو واضح
الرباعي ملون وتشوفي النونو ملون ووضح جنس النونو
لا مايضر نفس العادي الطريقه جلي على البطن ونفس الجهاز
اسعارو العادي 200
الرباعي 350

[حزن السعوديه ..؟]

اهااا
الله يفرحك بشوفته ياارب

[rooraa]

5 سنين و9 شهور يعني تقريب 6 سنين الله يحميها

[حزن السعوديه ..؟]

طيب دف باقي سؤال ضاع مني وتوي لقيته
في الرباعي تطمنك على كل شي يعني الجنين وحجمه والمشيمه وموية الجنين الخ ....

[دف القمر]

ايوة كل شي وتاخد المقاسات
وفيه ناس كمان يطلبونه اذا فيهم وراثه عشان يطمنو

[دف القمر]

يسلمو ياقلبي ياشوشو يارب
ويفرحك بشوفه نونوك

[دف القمر]

يارب يارورا ربي يحفضهم ويحميهم وانشاء الله تشوفينهم عرايس

[حزن السعوديه ..؟]

مشكوووووره اختي دف
الله يتمملك ويطمنك ع البيبي وتقرعينك بشوفته

[دف القمر]

يارب يارب يارب
وتمملكم كلكم

[rooraa]

تسلمي يا قللبي ان شاء الله ياااارب

[أم ماهر]

ســـــــــــــــلام انتبهووو لاحد يقرب مني مزكوووووومه هههههههههه من بعيد لبعيد الحامل ماعندها منااعه...

كيفك وكيف كروشكم اليوووم...

[sho_sho]

>>>>>>> تروح تجلس جنب ام ماهرhwaml7 حيااكي
>مزكووومه ومعاى كحة ههههههههههههه
احنا بخيرر انتى ازيك وكيف ماهر بالنسبة لكرشي احسها ثقلت خخخخخ

[دف القمر]

هلا والله ام ماهر
سلامتك ماتشوفي شر

[أم ماهر]

خخخخخخخخخخخخ شوشو لسى ماجاك الثقل صح وربي اليوم قلت لزوجي انا خلاص مااقدر امشي انا طيبه وماهر طيب بس نوووم طول النهاااار ويصحى طول الليل ...

وكرشتي متعبتني اليومين احس حركة البيبي ثقيله وقويه بالمره ...

سلامتك ماتشوفي شر يالغلا...

[أم ماهر]

الشرمايجيك دف القمر ...
كيف كريشتك...

[دف القمر]

بنات برنامج اكسل لحساب الحمل
عندكم
مرة عجبني
وحدة من البنات حاطتو في قسم دردشه

[أم ماهر]

اقووول كروشاات ماانتم فاقدين احد ...

[سناالقمر]

صباح الخير

كيفكمـ كروشات

اشبها الزكمه ماسكه الحوامل هههههه

الله يعينا عليها

[دف القمر]

خلا الثقل لعب فيني تمام
حتى لمن اقوم من الجلسه احس نفسي جمل
وانا مثلك بنتي الليل تصحا الله يعيننا

[دف القمر]

الا اكيد
راما حلا المدينه سيناتورة

[دف القمر]

سنا القمر
عشان المناعه خلالالالاص مافي خلصت

[أم ماهر]

انا فاقده توتاh ... مااحد يعرف عنها شي ..

اهلييييييييين سناالقمر كيفك وكيف الصداااع معااااااكـ...

[دف القمر]

ماشاء الله ام يزوني ولدت

[دف القمر]

ايوة صح توتا

[أم ماهر]

دف متى تدخلين الشهر الثامن ..

[دف القمر]

اول اسبوع ليا في السابع

[أم ماهر]

اهااا وربي الشهر السابع ممل بالمره انا اخر اسبوع لي بالسابع احتمال بكره ادخل الثامن ...

[rooraa]

يلا كروشات
اسمحولي
تصبحو على الف خير
واحلام سعيده وكوابيس بعيده

[سناالقمر]

ام ماهر الحمدلله احسن من قبله

بس تدرين وش طلع منو :(

ضرس العقل يبي يطلع ومن امس بان انو منه وطلع راسه

عسى الله يهديه >> تخاف تسبه يبهذلها ههههه

انتي كيفك وكيف البيبي

[سناالقمر]

بنات كيف اسوي شريط الحمل اللي بالتوقيع

[أم ماهر]

رورا وانتي من اهله واحلام سعيدهـ...

سناالقمر اوووف الله يكون بعوووونكـ...

بشري رحتي الدكتورهـ...

[rooraa]

سلاااااااااااااااااااااااام
خلاص نامو لاتهرجو كتير ههههههههه لقافه ما ابغا الهروج تفوتني

[سناالقمر]

اي رحت وقالت لي بعد ماتكملي 6 اسابيع من الحمل تجي بعملك سونار

وعطتني حبوب الفوليك واسبرين

كل يوم حبه

والحمدلله ع كل شئ

[أم ماهر]

رورا خلاص بنسكت واذا نمتي بتطلع سوالـــفنا كلها بس انتي روحي نامي هههههههههههههه.......

[sho_sho]

الله يعين ام ماهر عارفه وربي ثقل الثامن والتاسع متعبة الله يسهل بس
كل ما اكح او اعطس احس كرشتى تهتز معاي وتكح معاي ههههههههههههههه > > حالة غريبه
الشر ما يجيك دف
رورا وانتى من اهله يا قلبى صلي وبعدين نامى احسسن
صح يا كروشات فاقدين بعض الحوامل عسى خيرر بس ........

[rooraa]

هههههههههههههههه حسستيني اني بنتك يسعدك ربي والله هادا الطبع فيا وانا صغيره

[أم ماهر]

سنا القمر الحمدلله ...

والشريط مااعرف اسويه بس نزلي موضوع يسوون لك شريط حمل ...

[sho_sho]

كويسس سنا ما تشووفي شر
والصداع طلع ضرس العقل وقته يعنى الله يعينك بس

[sho_sho]

يلا يا حلووات استاذنكم انا
واكثروا من الاستغفار
والصلاة علي سيدنا محمد صلى الله عليه وسلم
بأمان الله

[سناالقمر]

اي والله يعيني عليه ويصبرني

[أم ماهر]

عليه الصلاة والسلام..

نشووفك ع خير شوشو...

[dr.princess]

صباح الخيييييييييييييييييييييير

[أم ماهر]

هلا وغلا صباااح النوووووور...

كيفك

[dr.princess]

الحمدلله بخير ونعمة
ازيك انتى واخبار الحمل ايه

[دف القمر]

هلا واللخ بدكتورة
يسلمو ياقلبي لانك خايفه عليا والله فعلا انك اخت وغاليه
انا من اول اسال محد عارف يسلموووووووووو ياقمر
ربنا يوفقك ويسهلك امووورك ويرها
ويكتبلك الخير في طريقك

[أم ماهر]

الحمدلله تعباانه شوي احس الثقل كله برجلي اليمين وماني قادره امشي منهااا...

انتي اخباار الحمل معاااكـ...

[dr.princess]

ياااااااااارب اللهم امين شكرا على الدعاء
احنا اخوات ولازم نفيد بعض
نسيت بس اقولك ان فى اوقات بتتاخد حقن حديد مع المحلول فى الوريد لان حقن الحديد ثقيلة جدا انها تتاخد عضل او وريد لوحدها فبتتاخد مع المحلول اسهل
وبرده انا من رأيى تسألى دكتورتك ممكن تكتبهالك
ومن غير قلق برده انا قرأت على النت ان فقر الدم مش كويس وقت الولادة فاهتمى بنفسك

[دف القمر]

سلامات ام ماهر ماتشوفي شر

[دف القمر]

انشاء الله
ويسلمو ماقصرتي ياقلبي

[أم ماهر]

الشر مايجيك يالغلا...

بنااات ممكن مساعدهـ...

[dr.princess]

ام ماهر الف سلامة عليكى
دلوقتى الحمدلله بس من كام يوم كان عندى وجع يشبه الطلق كده موتنى من الوجع ورحت للدكتورة كشفت بالسونار ومن تحت قالت الرحم مش مفتوح ولا حاجة والبيبى كويس واعطتنى حبوب تهدى الرحم ومقلتش السبب ايه مع العلم انى لسه بادئة السادس النهاردة الحمدلله
ربنا يستر ومايبقاش انذار ولادة مبكرة لان اختى دايما بتولد فى السابع

[دف القمر]

ممكن ليش لا ياعسل

[دف القمر]

ماتشوفي شر يادكتور

[dr.princess]

دف ربنا يكرمك يارب
ام ماهر اتفضلى اى خدمة

[أم ماهر]

مشكوره ياعسل انا ابي شغاله حبشيه بس فترة النفاااس والله دااااخ راسي علشان ادور وماحصلت ياليت اللي تعرف ترسل لي رقمهااا بالخاااص تعبت وانا ادوررر واكون شاكره لها...

[dr.princess]

دف لالالا متقوليش يادكتور انا احب اسمعها بس لو حد متغاظة منه ههههههههه وانتى اكيد لا

[dr.princess]

ام ماهر والله ابدا ما اقدر افيدك فى الموضوع ده

[دف القمر]

ياليت اعرف وحدة
انا كنت اعرف وحدة وصارت ماترد
تخيلي انا بجلس في بيتي لازمني شغاله
طيب شوفي قسم الوظايف فيه شغاله
بس انا ابغا مجربه

[أم ماهر]

مشكوراات وربي يسعدكن ماقصرتن...

جدآ متضايقه ماحصلت شغالـــه ولاجهزت شي لي ولا لنونو كان نفسي افرح واجهز مثل باقي الحوامل بس الحاله الماديه ماتسمح الصبر مفتااح الفرج كل مااقول لزوجي بجهز للبيبي يقول ماعندي شي والشغاله غير امي بتجيبها لي تقول انتي دوري وانا ادفع الفلوس طفشت من ذي العيشه اسفه مااقدر اكتم اثر من كذااا....

[سناالقمر]

ام ماهر عندي وحده يمدحونها بس بصراحه ماجربتها ولا شغتها

ناويه اجيبها ع الشهر الثاني او الثالث

اذا بدك قولي ارسلك رقمها ع الخاص

[dr.princess]

ام ماهر حبيبتى ماتشيليش هم بكرة ربنا بيفرجها من عنده
ولو انتى مش هتستحملى جوزك وظروفه مين هيستحمله
انا كمان كان نفسى اوى اجهز الشهر ده بس الظروف مش هتسمح لان فى عندى ايجار هيدتفع فهو الاولى بالفلوس وبعد شهر ونص او شهرين هجهز الدنيا مش هتطير وانتى كمان ادعى لجوزك قولى يارب اكرمه وافرجها عليه وارزقه برزقنا وطولى بالك اكتر من كده وان شاء الله تشوفى كل الخير واحمدى ربك انتى احسن من كتييييييييييير

[دف القمر]

لا ياقلبي ياام مااهر عادي كل كلنا في الهواء سوا
انا كنت ناويه اولد خاص بس الضروف والله مقهورة
لاني تعذبت من مستشفى الولادة لكن كل شي خير
انشاء الله مع جيت النونو تنفتح ابواب الرزق يارب

[سناالقمر]

توني اشوف انك تبين حبشيه

واللي عندي والله ماادري هيا ايش جنسيتها

بس اعتقد باكستانيه

[دف القمر]

اذا على التجهيز والله مو طايرة الملابس واغراض النونو
انا عن نفسي مشتريتهم بفلوس مجمعتهم ولمن ربنا يفرجها من غير
مااتكلم يرجعها حبيبي ليا بس اهم شي مايتضايق ويشيل هم الدنيا
على راسو لكن هو مايقصر ماشاء الله عليه بس الوحد تجيه ضروف مايعلم فيها الا الله
بس الحمد لله هم شي الصحه والعفو والعافيه

[دف القمر]

انا مرة مااحب الشغاله الباكستانيات

[dr.princess]

كلامك مظبوووووووووط جدا دف

[dr.princess]

استأذن منكم يا بنات هروح اصحى جوزى

[دف القمر]

دكتورة ياعسل وين ناويه تولدي؟؟؟؟؟؟؟؟؟؟

[دف القمر]

اوك ياقلبي مع السلامه

[أم ماهر]

مشكورااات حبيباااتي انا زوجي مخيرني بين الاوده او احد يقول مامعاااي فلوس حق الخاااص وياليت اللي عندها خلفيه عنهم تفيدني لاني محتااااارهـ...

مشكوره حبيبتي سناالقمر انا ابي شغاله حبشيه...

[سناالقمر]

العفو ام ماهر ماشوينا شئ

وراح اسال اللي عندنا لانهم دايمآ يجبون واردلك ان شاء الله

[دف القمر]

انا جربت الولادة اما احد لا ماجربتها
بس سالت بنات خالتي لانهم تدربو فيها
بس ناسيه ايش قالولي

[دف القمر]

لكن تدري ليش انا ارتاح لمستشفى الولادة
لان كل الي اعرفهم ولدو عندهم طبيعي
والدكاترة تمام
تخيلي وحدة كانت في الغرفه مع اخت زوجي
تقولها انا كل اطفالي ولدهم بالخاص اما هادي المرة هم الخاص رسلوني بسيارة اسعاف هنا

[أم ماهر]

تامرون ع شـــي بروح اصلي واناااااام ابشركم ماهـــر ناااام كلووووووووووووووووش ...

[دف القمر]

بنات مع الســـــــــــــلامه خليني
اصلي

[أم ماهر]

مشكوره دف القمر وان شاءالله الولاده بالولادهـ...

حبيبتي سناالقمر اذا جبتيهم ارسلي ارقامهم ع الخاص ومشكوره يالغلا...

باااااااي...