تجمع حوامل المدينة المنورة

[ام لوللي]

اللي حملها بالثامن متى اخر دوره انا احس الدكتوره ملخبطه في حساب موعد الولاده

[أم القموره]

انا نفسي اعرف جنس الجنين من ذحين
عشان اقضي قبل الثقل اعرف الشهور الاخيره متعبه
الله يعينكم ويسهل عليكم ان شاءالله

[فنونه]

صباحوو كروشات
كيفكم؟؟

[سيناتورة]

ام لوللي انا اخر دوره كانت 13\5

[سيناتورة]

هلا وغلا فنونه
كيفك وكيف الكرشه

[ام لوللي]

ام القموره ايش احساسك في جنس مولودك احيانا يصدق

[حنونة فهد]

صباح الخير اخواتي

حبيت اسألك ام القمورة مركز وقاية إللي في الهجرة ؟؟؟

هي فين تولد الدكتورة عفت ؟؟ وسويتي سونار

تقريبا انتي نفس شهري

[سيناتورة]

ام القموره طيب شوفي الجدول الصيني
انا طلع صادق معاي ومع اختي ومع الموجودين معانا بالمنتدى سبحان الله

[أم القموره]

هلا صباحوو فنونه
الحمد لله بخير
انتي اخبارك؟

[sho_sho]

أنا وام القمورة زي بعض بالشهر الخامسس الله يسهل لنا ويسهل للجميع

انا ثالث حمل لى حمل ما تم الله يعوضني وحملي التانى الحمد لله يعنى دا الثالث احس اول شيء ما تدري عن ولادة واعراض وتعيشي مع الحمل عااادى دحيين احس بقلق مع اي اعراض بس الحلو انك تنتبهى لنفسك وتتجنبي اخطائك وما تهملى صحتك

[حنونة فهد]

شوشو انا كمان معاكم بالخامس

اخر دورة لي كانت 16 - 8

امس قالت لي الدكتورة كل يوم 1 بالشهر تحسبي لك شهر جديد

[سيناتورة]

بنات انا زبحتني الاحلام واحلام تخوف كمان وربي اقوم من نومي واحس روحي بتطلع
المشكله قبل ما انام اقرا المعوذات وسوره البقره بس مدري ليش الاحلام زي

[أم القموره]

والله ياام لوللي ماني متوقعه قبل كنت في بنتي متوقعه ولد واتمنى بنت وطلعت بنت
وذحين عشان الثاني حاسه انه عادي لو ولد خير وبركه ولو بنت حلو عشان تونس اختها

[ام لوللي]

يابنات الجدول الصيني حراااااااااام روحي سوي سونار افضل

-

[ام لوللي]

معقوله يابنات ولا وحده تعرف شغالات بالشهر دلوني عليهم

[سيناتورة]

ام القمور الشغاله ام صوفي ماتعرفي اسعارها

[حنونة فهد]

ام القمور وشوشو

كيف حركة البيبي معاكم ؟؟

انا اول ما دخلت الخامس احس فيه
بالذات وقت النوم بزيادة

وحده قالت لي حطي عطر عند صرتك واستني شويه تلاقيه عالطول يتحرك

وحطيت وما صار شي بس هي سابقتني بشهر يمكن علشان كده

[ام لوللي]

ام القموره لاتستعجلين سوي سونار بالسابع هو افضل واوضح وعلى طول قضي واذا ممكن قضي الوان محايده مثل الابيض والاصفر والبيج

[ام لوللي]

مين الشغاله ام صوفي

[أم القموره]

هلا اخت حنونه ايوه وقايه اللي في الهجره
الولاده تولدك اما في المطبقاني او الالماني او صفاء المدينه انتي تختاري المستشفى
سوت لي سونار الشهر اللي راح قالت مو باين


اعذروني لو مارديت عليكم بسرعه النت مررره معلق

[سيناتورة]

بنات كيف اسواق المدينه زحين انا لي فتره عنها باعرف في اسواق احد راحلها حلوه
لاني ان شاء الله نهاية الشهر بقضي

[ام لوللي]

سيناتوره كيف تحجر البطن معاك انا ذابحني يصير مثل الصخره

[سيناتورة]

حتى انا تحسي انها كوره وثقيله كمان
بس الدكتوره قالتلي عشان راسه تحت تقولي زي رجوله

[ام لوللي]

مارحت السوق من بعد العيد صاير متعب ومافيه شي حلو

[أم القموره]

ام لوللي انا من النوع اللي مااحب اشتري وردي او ازرق احب الالوان
في بنتي كنت كل شي مشتريته اصفر مرره احب هذا اللون

[سيناتورة]

ام لوللي الشغاله ام صوفي اول كتبت رقمها ام القموره
0501421701

[sho_sho]

حنونة فهد زيي بالزبط بس انا فرق يووم لانى 15 -8 هههههههههههه
عملت تصوير امسس وقالتلى مو باين يمكن بنت >> ندمت انى عملت
احسن شيء بداية السابع التصويرر

[ام لوللي]

فين تراجعي سيناتوره

[ام لوللي]

ايش جنسيتها هذي الشغاله واخذتوا منها

[أم القموره]

شوشو انا بعدك ب5 ايام
اخر دوره كانت 20/8
قالت لي الدكتوره كل يوم 4 ادخل شهر جديد

[سيناتورة]

انا ياقلبي زحين بينبع واراجع هنا بس خلاص نهاية الشهر حنزل المدينه عشان اولد فيها وبس دعواتكم
اصلا يوم ولادتي كل المدينه حتسمع صراخي الله يستر

[أم القموره]

والله ياعسل الشغاله وحده رسلته ليه في الفراشه كنت ابحث عن شغاله وبس بعدين مااحتجتها
ومااتصلت عليها ونسيت والله ايش جنسيتها لانه الرقم له تقريبا 6 شهور عندي

[sho_sho]

السسسوق على العييد ما رحته بس مو شايله همه
لانهم اطفال اى حاجة اهم شيء مفارش حلوة وناعمة وارواب وبربتوزات وطقمين متكامله
يا حليلهم ملابسهم تهبل النونات > فديتهم يدننوا

[سيناتورة]

بصراحه انا احب الملابس الملونه على الاطفال زي الاورنج مره روعه
والموف والاصفر والملابس الي تجي فيها كل الالوان

[حنونة فهد]

الله ياشوشو انا وانتي مع بعض

اخيرا لقيت وحده معايا

حتى انا امس رحت سويت تصوير قالت لي مو باين

وعندي كشف مجاني بعد اسبوعين كمان حا اسوي تصوير ثاني

لانه كان كأنه ساجد مو باين معاها في التصوير

سويت تصوير عند دكتورة زينب في المستوصف السعودي الاهلي

[sho_sho]

سنياتورة الله يسهل عليك يا رب
انتى بكريه والا لا ؟
وفين حتولدي بالمدينة ؟

[سيسبانه]

صباح الخير على حوامل المدينه
كيفكم ؟
لي فتره حاطه الموضوع فالمفضله ومتابعة سواليفكم بصمممت >>>>>>هههههههههه مافيني اكتب
انا حامل باقي لي اسبوع وادخل التاسع
بس ماشفت احد جاب طاري المواساة >>>>>> خوفتوني منها

[توتاn]

صباااحكم سكر

[سيناتورة]

سنياتورة الله يسهل عليك يا رب
انتى بكريه والا لا ؟
وفين حتولدي بالمدينة ؟
انا بكريه ياقلبي وان شاء الله حولد في الالماني عند الدكتور ايمن خولي
كنت حابه اولد في الواساه بس الدكتوره منال راحت وهي احسن وحده فيها

[sho_sho]

الله يعينا يا حنونة فهد >>>
انتى بكريه ؟
انا قلت قصة دكتورتى تقولى مو باين لسا بكير بعدين تقول شكلو بنت ما عرفتلها
دكتورة مهى شاطرة
انا محتارة فين أولد وخايفه من الولادة معاملتهم مرررة تخوف ومهملين بس امكانياتهم الطبيه احسن شيء
فين حتولدي انتى يمكن نولد بيوم واحد هههههههههههههه ؟

[سيناتورة]

هلا وغلا توتا
صباحك قشطه

[ام لوللي]

اللي بتسوي سونار قبل ماتدخلي على الدكتوره كلي حلويات كثيره وشكولاته عشان يتحرك الطفل في التصوير ويبان مجرررررررررررررب

[حنونة فهد]

صباح الفل

الله يتمم لك على خير صراحة المواساة غنيه عن التعريف النظافة الاهتمام العنايه كل شي عندهم مرتب بصراحة

متى تلاحظي الفرق لما تجربي غيرها انا الشهر إللي راح تابعت هناك

بس امس رحت مكان ثاني شكلي اجرب عيادات المدينة كلها
ههههههه

اصلا كنت رايحة عند البترجي قالو في دكتور مره كويس

وقالو في الاستقبال الدكتور مهو موجود فغيرت المستوصف

يارب يسهل لك اختي وتفرحي بالنونو تبعك

[sho_sho]

صباحكم سسسسوكر سيسبانه وتوتا كيفكم ؟

[سيسبانه]

هلا والله فيكم حبيباتي
هلا شوشو انا تمام الحمدلله

[سيسبانه]

الله يسلمك ياحنونة
انا ولدت مرتين فالمواساة ومره مرتاحه فيها على قولك كل شئ فيها توب
بس اللي قاهرني انه دكاترتي اللي اعرفهم كلهم تغيروا
والله مااعرف فيها احد ومره خايفه
الله يعين بس
بس بنات اللي راحت وجربت اي دكتوره من الجدد بالله تدلنا عليها وتقول ايش رأيها فيها ؟
والله يسهل علينا وين مارحنا يارب

[حنونة فهد]

شوشو انا بكريه

بصراحة نفسي اولد في الولادة احس شي في الاجهزة و الولادة

ونفسي في المواساة علشان خاص ووقت الزيارة مفتوح وتأخذي راحتك مع اهلك اكثر

بس خليني دحين اراجع في المستوصفات كلها هههههه

ولما يجي وقت الولادة ربي يسهل

ومستشفى الولادة عندهم المتابعة من الشهر السابع إذا حاتولدي عندهم

كنت ابغى اسالك فين سويتي تصوير ؟؟؟

[حلا المدينه]

صباح الخير كروشات

[توتاn]

هلا وغلا اخباركم يا حلوين
وبالنسبه للمواساه اخر فتره الكل يسب فيها وانو الدكاتره التمام مشيوا خلاص

[ام لوللي]

انا اشوف البكريه لاتولد في الولاده المفروض تدلع نفسها تروح مستشفى خاص

[توتاn]

هلا حلا اخبارك يا قمر
حنونه انا تفكيري زيك

[حنونة فهد]

بصراحة احلى صباح مع الكروشات

اول مره احس بالنشاط والحماس

سيسبانه يارب يوفقك ويختار لك إللي فيه الخير عندك اولاد وله بنات ؟؟

وايش قالو لك في التصوير بنت وله ولد ؟؟

[توتاn]

ام لوللي البكريه ما تعرف كيف ولادتها وما تضمن ايش يجيها
يعني لو ولدت في خاص وتعبت راح يحولوها على طول على الولاده

[توتاn]

صبايا من فيكم راح تجيب ولد ومين راح تجيب بنت

[حلا المدينه]

هلا وغلا فيكم
وربي طفشانه وبطني مره توجعني وخايفه
بنات احد راح الصناعات فيها اشياء حلوه وكيف اسعارها ومتى يخلص

[سيناتورة]

انا حجيب عروسه
بس الله يخرجها بالسلامه ويحميها لي

[توتاn]

حلا لا تشكيلي ابكيلك
اهرج معاكم والبيبي ترفس يمين ويسار تعبت

[حنونة فهد]

تويا ما شاء الله عليكي اخر شهر

انتي بكريه وله ايه ؟؟

كيف الحمل في الاشهر الاخيره

انا بصراحة احس اني حا اصير ثقيلة

امس الدكتورة تقولي لاتشيلي هم زيادة الوزن او تغيرات البشرة كلو يروح بعد الولادة

استمتعي بوقتك كحامل علشان تحسي بمتعة وفعلا كلامها غير فيا كثير

انا شايله هم زيادة الوزن

[سيناتورة]

ياقلبي الصناعات باقي اسبوعين ويخلص
انا مارحت بس اهلي راحو يقولو غالي بس احلى شي فيه المفارش

[توتاn]

ان شاء الله يارب
ايش راح تسميها

[سيسبانه]

ياهلا فيكم كلكم والله
حنونه انا عندي ولد وبعده بخمس شهور حملت وفالشهر السادس جاتني ولاده مبكره وكانت بنوته الله يجعلها شفيعه لنا يارب
قعدت ست ساعات فالحضانه وماتت
وذحين فالتاسع حامل ببنت الله يتمم لي يااارب وارتاح فتره من الحمل والله تعبت

[sho_sho]

حنونة سويت تصويري بالاحمدى عند د . أمل
اساسا انا دكتورتى فوزية ومرررآ شطورة وخبرة وطيووبة اذا عن نفسي بودي اولد عندها

بكرريات الولادة اضمن شيء لانو انتو تتاخروا بالولادة والطلق وعندكم احتمالات تانيه لازمكم امكانيات كتيررة خاص بيقولوا قيصري وانتو استخيروا الله

[سيناتورة]

توتا الله يهون عليك يارب ويسهلك ولادتك بس لا تنسين خواتك من الدعاوي

[توتاn]

تويا ما شاء الله عليكي اخر شهر

انتي بكريه وله ايه ؟؟

كيف الحمل في الاشهر الاخيره

انا بصراحة احس اني حا اصير ثقيلة

امس الدكتورة تقولي لاتشيلي هم زيادة الوزن او تغيرات البشرة كلو يروح بعد الولادة

استمتعي بوقتك كحامل علشان تحسي بمتعة وفعلا كلامها غير فيا كثير

انا شايله هم زيادة الوزن

الحمد لله متعب بس الحلو فيه انك تستني بيبي وراح يزيد العدد في البيت هههههههه

مو كل حامل تتغير بشرتها
انتي باي شهر

[sho_sho]

الله يعووضك سيسبانه
ويحفظلك ولدك ويسهل ولدتك
فين حتولدى المرة دى ؟

[حلا المدينه]

الله يعينك توتا الله يسهلك
مشكووره سيناتوره

[حنونة فهد]

بدايه الخامس امس اعطتني مكملات غذائيه حبوب

آر-نيتال

تقول انها كويسه مررره للحوامل والمرضعات مرسوم على العلبه وحده حامل

[حلا المدينه]

بنات مره الالم بطنيى يمكن الالم بردلانه بردانه ماكنت لابسه والبست وكمان بردانه والم بطني
انا توي اكله فطور من برا اخاف الالم منه

[حلا المدينه]

حنونه انتي فين تراجعي
انا كنت استخدم هادي الحبوب ولما رحت الاسبوع الي فات اعطتني حبوب زياده

[سيسبانه]

الله يسلمك يارب
ان شاء الله ناويه فالمواساة
انا بوكل امري لله واروح المواساة وربي يسخر لي اللي فيه الخير
احتمال تكون ولادتي قيصري لانه ست الحسن والدلال متربعه ماتعدلت
واذا عمليه يسويها لي ايمن عفيفي مره مرتاحه معاه هو اللي سوالي عمليه فولادتي بولدي

[سيسبانه]

سلامتك ياحلا
سوي يانسون واشربيه مره كويس فالبرد ذا ويمكن غازات

[حنونة فهد]

حلا المدينة بصراحة مرررره برد انا شويه وارواح اتغطى احسن

ههههههههه
بردانه مرررره ولما ابرد امسك بطني هههههه

مدري ايش دخل ده في ده

يمكن اخاف عليه يكون بردان إللي في بطني مدري ؟؟؟!!

اشوفكم مره ثانيه مع السلامه

[سيناتورة]

بنات متى اترك الكالسيوم لاني سمعت بالتامن خلاص اتركيه لانه يكبر راس الجنين
والدكتوره تقولي لا لاتسيبيه غير نهاية التامن

[sho_sho]

حلا لا تخافي مرات البررد يجيب شد انا كذا مرات
على طوول البسي شراريب وخلي جاكيت جمبك
واتمددي
الله يعين

[سيناتورة]

الله معاك حنونة فهد

[توتاn]

صبايا في مكمل غذائي اسمو متيرنا مرره تمام للحامل وللنفاس

[سيسبانه]

هلا سيناتوره
انا كمان سيبته من راسي محد قالي
بس حاولي تعوضي بالاكل
وعلى فكره طلعنا جيران انا وانتي
انا كمان فينبع وانزل المدينه كلللل اسبوع من يوم ماتزوجت الى الان
ماتكيفت فيها لسه

[سيناتورة]

طيب انت فينك يمكن اعرفك في الهيئه ولا ينبع البحر

[حنونة فهد]

ياحلا امس راجعت عند المستوصف السعودي الوطني دكتور زينب بصراحة الدكتور كويسه وتأخذ وقتها معاكي مع ان كان في حريم كثير يستنو

في دكاترة لما يكون عليها طلب تمشيك بسرعة تبغى تشوف إللي بعدك

هذي لا اخذه راحتها مرررررررره

[سيسبانه]

انا فالهيئه فحي خالد
وانتي؟

[سيناتورة]

اما
والله الاكل بس خلي على ربك الي بطني عايش في مجاعه الحمد لله
وجبه في اليوم تكفي بس
والباقي نوم كسل

[سيناتورة]

لا انا بينبع البحر في حي البندر

[حلا المدينه]

مشكورين بنات كلكم ماقصرتوا
سيسابنه طيب اليانسون مايضر الحامل

[سيسبانه]

لا ياقلبي مايضر بالعكس يريحك من الغازات هو والكمون
انا كذا لما اكل شئ احس بكتمه وماقدر انام اسوي لي كاسه تريحني وتحسي نفسك خفيفه
والف سلامه عليكي والله

[حلا المدينه]

بنات دحين انا ماكل كثير البيبي يجوع وينتظرني لين ماكل والاياخذ حاجته من جسمي
والبرد لمااكون بردانه يبرد ولاحراره جسمه ثابته بليز جاوبوني

[حلا المدينه]

سيسبانه ماقصرتي حبيتي
ابسالك وش معنى اسمك

[سيسبانه]

هههههههههههههههههههههههههه
الله يسعدك ياحلا ضحكتيني تخيلي البيبي قاعد يستناكي تاكلين ؟
لا سبحان الله هو يتغذى منك سواء اكلتي ولا لا هو صح يأثر عليه بس انتي اللي خطر عليكي فقر دم واشياء انتي فغنى عنها
معنى سيسبانه نوع من انواع الزهور ولونه اصفر

[سيناتورة]

بنات انا معاي صديد بالبول بس النسبه خفيفه على قولت الدكتوره مابين 15الى 25
بس انا خايفه وهي تقولي بس كثري مويه مايحتاج مضاد ولا اي شي
وانا زحين غرته بالمويه

[حلا المدينه]

ههههههههههه سيسبانه مشكووره حبيتي
عاد لاتضحكين انا بكريه وماعندي اخوات وماعندي احد اساله
ومعنى اسمك حلو

[سيناتورة]

طيب ردو علي
حرام عليكم

[حلا المدينه]

سيناتوره انا صديد مره مرتفع 26 تخيلي ولسه ماخذت علاج ولا اشرب مويه الله يستر

[سيناتورة]

وليش ما ختي انت مجنونه

[توتاn]

حلا ايش الجنان هادا الالتهاب والصديد ممكن يفتح الرحم وتجيكي ولاده مبكره

[حلا المدينه]

وربي عارفه انه خطر انتظر نتيجه التحليل تطلع بكره واروح لدكتوره
دحين اخذ حبوب تمنع الولاده المبكره والله يستر

[سيناتورة]

الله يكون معاك ومعاي

[حلا المدينه]

الله يكتب لنا الي فيه خير

[sho_sho]

انتبهوا بنات الصديد والالتهابات تودي لولادة مبكرة بحيث تفتح الرحم بدوون طلق
اما الحبوب اللي تمنع الولادة وتقفل الرحم انا اخذتها من قبل ومررره مو كووويسسسه تخيلوا الرحم فاتح ولا في طلق الين ما خررجت مووية الطفل وزادوا على الطلق الصناعى لانو المووويه خلصت الله يسهلكم كلكم
انا دحيين معاى صديد ونسبة خفيفة كتبت لى الدكتورة مضاد وقالت كثررري مويه وسوائل

[rooraa]

صباح الخير احلى كروشاات
كيفكوم.؟شو اخباركوم؟

[سيسبانه]

هاي صبايا
توي قريت ردك ياحلا
احنا اخواتك ياعسل اسألي اللي بخاطرك وماراح اضحك عليك >>>>>>>>>ههههههههه
وذوقك اللي حلو
والله يعينكم على الصديد كثروا مويه زمزم ومقري فيها
احسن من اي علاج
والله ييسر لنا يارب

[دف القمر]

السلام عليكم
كيفكم بنات والله احشششششتوني
ليا فترة ماادخل
بس مرررة معايا مغص مبهدلني
حاسه اني حوالد من التعب الي فيا
حملي الاول اخف الحييين مرة ثقيله
ورجولي وحوضي مرررة الم وتتشنج رجلي
ادعووووووووليييي انها تمر على خيرر

[عذبوكـ ياقلبي]

مرحبا بنوتات
كيفكم اليوم..؟
وربي النوم والكسل ذبحوني حتى غداء ماطبخت
مره ماليه نفس بالأكل بس المشكله الرجال اللي عندي حرام يجي من الدوام ميت جوع
ياااااارب بس بعدي الايام دي بسرعه وعلى خير

[dr.princess]

لا تنسوا يا بنات للى تقدر صيام بكرة الاربعاء تاسوعاء 9 محرم والخميس عاشوراء 10 محرم

[بذخ~]

جزاك الله خير ..
الله يقدرنا

[لمـار]

السلام عليكم
كيفكم يابنات ..؟؟

[ام لوللي]

السلام عليكم كيفكم ان شالله طيبين خفيفين هههههههههه
اليوم برد زياده صح؟

[ام لوللي]

الظاهر مافيه احد

[لمـار]

دوووم يارب بخير
اي ماشاء الله اشوفك مثل الفراشه ههههه
اي صح من البارح زياده

[توتهـ]

مساء الخير جميعا
اخباركم علومكم

[لمـار]

مساء النور توته
الحمدلله بخير انتي كيفك وكيف النونو ؟؟

[توتهـ]

هلا وغلا لمار
تمام النونو
بديت امشي الدكتور يقولي ابدي امشي من الان قد ماتقدري
وش رايك اانا باقي لي 6 ايام وادخل التاسع

[لمـار]

الله يهون عليك يارب
مادري والله اول حمل ليا ويادوبك بالشهر الثاني
يعني في بداية المشوار

بسآلك متى ينتهي الوحام خصوص الغثيان

[سيناتورة]

مساء الخير
توته ياقلبي اتوقع بدري عالمشي انت ما دخلتي حتى التاسع كيف تقولك امشي
انا الي اعرفه ان الوحده ماتمشي الا بعد اسبوع من التاسع عشان الدكاتره بعضهم يحسبو بالميلادي

[سيناتورة]

لمار ياقلبي انا الغثيان لازحين معاي
بس ان شاء الله يخف عنك

[لمـار]

مساء النور حبوبه
يا الله يستمر حتى اخر الحمل
الله يعينك ويهون عليك ولادتك

[سيسبانه]

هلا بنوتات
كيفكم ؟
توته انا حسابي زيك بالضبط باقي لي 6 ايام وادخل التاسع
بس بدري عالمشي
اصلا يكفينا شغل البيت مو مقصر والله
بس بسألك وين ناويه تولدي ان شاء الله ؟
ومن فين اشتريتي مفرش النفاس

[لمـار]

الحمدلله بخير
الله يهون عليك الولاده يارب

[سيسبانه]

هلا لمار ويسهل عليك يارب

[لمـار]

آميـن الجميع يارب

كيف تتعبو وقت النوم انا يجيني آلم مقدر انام الا على جنبي الايسر بس
عادي صار معاكم كدا ؟؟

[عسل ياناس]

سلام كيفكم انا ولدت الحمدلله وجبت بنوته حلوة ماشاء الله عليها

ولادتي كانت في 26-12

طبيعي

[rooraa]

سلااااااااااااااااااام
كيفكوم يا كروشاات المدينه
الحمد لله على سلامتك عسل تتربى فعزك ان شاء الله

[حنونة فهد]

الحمد لله يا عسل يارب تكوني جبتي بنوته عسوله

ويحفظها لك يارب

[عسل ياناس]

الله يسلمك

الحمدلله طيبين كيفك انتي

[عسل ياناس]

حنونه تسلمين يارب

والله ييسر لكل الحوامل

[لمـار]

الف مبروك عسل
تتربى بعزكم ويصلحها لكم

[عسل ياناس]

الله يبارك فيك ويجزاك خير

ويتمم لك حملك على خير

[سيسبانه]

الف الحمدلله على سلامتك ياعسل
وتتربى فعزك ودلالك يارب
يالله قوليلنا ايش بتسميها ؟
وفين ولدتي ياعسل ؟

[Raama]

صباح الخير

كيفكم شخباركم ؟؟؟

مبرووووك عسل الحمد لله على السلامه

حكينا عن ولادتك :)

[توتهـ]

عارفين انا اراجع عند الدكتور ايمن خولي ويحسب لي بالهجري
وقالي امشي عشان تهئ النونو وكمان الرحم لاني بكريه
وقالي على بعض التمارين يعني امشي على قدي ربع ساعه بس
على مااقدر وان شاء الله راح اولد بالالماني عند الدكتور اايمن باذنن الله

[توتهـ]

الفـ مبروك ياعسل والحمداللهـ على السلامه
وتتربى بعزكـ العروسه

[Raama]

شكلكم بردانين

[rooraa]

ههههههه مرااااااااااا

[Raama]

ههههههههه والله انا مااحس يررررد

بس رجولي

اصلااا ولا فكرت البس شتوي

[rooraa]

الله يعين
ما شاء الله عليك
انا لابسه جكيت وملفوفه ببطانيه هههههههه

[Raama]

ههههههههههههه يحليلك روراااا

انا لابسه كت ومشغله المروووحه بس مغطيه رجلي

ممكن لان معايا كتمه على طوول

[rooraa]

اهاا وامكن بيتك دافي انا بيتي دافي ما احس ببرد
بس انا عند اهلي مرا بررررررررد بيت اهلي

[Raama]

والله بيتي باااااارد
ماشاء الله انتي عند اهلك
انتي بكريه ؟؟

[rooraa]

لا عندي بنتين
انا عندهم بس كدا مو ولاده لساتني في الاول

[توتهـ]

بنات ابغى مفارش استقبال
بس يكون سعرها معقول وشي غريب

[Raama]

ماشاء الله ربي بخليهم لك

الله يتمم لك على خير قلبي

[Raama]

بنات ابغى مفارش استقبال
بس يكون سعرها معقول وشي غريب


فيه طفل الشرقيه وباسلامه وكل شسء لاطفال وبيبي هوم

انا مانزلت السوق

اهلي نزلواا با سلامه وحصلوا عندواا ب1700 وفيه توصل 3000

هنا عندك بسوق المنتدى كم تاجره نفصل كلميهم

[rooraa]

تسلمي الجميع ان شاء الله
وانتي بكريه؟

[Raama]

رورااا بما انك مجربه ماشاء الله

متى اعرف وزن البيبي كم يبان با التصوير العادي

[Raama]

ايواا بكريه

[توتهـ]

وين القاهم الي يفصلو في المنتدى

[rooraa]

والله العالم انو على التامن
ترا انا ناسيه اشيا مرا كتييييييييييير
لانو بنتي عمرها 4 ونص

[rooraa]

توته دوري بمنتدى السوق تلاقي كتير بس انا احس اغلبهوم اشكال تقليديه وغاليه

[Raama]

توووته هنا السوووق
http://forum.hwaml.com/f30.html


فيه اكثر من وحده

ارجعي الصفحات الي وراء

[توتهـ]

بروح سوق الكعكي فيه محلات مفارش كثيره
بشوفهم

[Raama]

والله العالم انو على التامن
ترا انا ناسيه اشيا مرا كتييييييييييير
لانو بنتي عمرها 4 ونص


ماشاء الله تبارك الله

يحق لك تنسي والله

[rooraa]

ههههههه راما انا لانو بناتي كانو ورا بعض بينهوم سنه وتسعه شهورما شاء الله
علشان كدا جلست فتره
والحمد لله

[Raama]

والله انا حصلت وحده هنا با السوق اسعارها حلووه

بس ماطلبت لبس للام بس للبيبي وسرير الام والبيبي

والسلات

بس لسه مااتفقت معاهاا بشوف با يلامه اول

بس انتظر ادخل شهري السابع

لان معايا اعراض ولاده مبكره وممنوعه من المشي الكثير والدرج

[Raama]

ههههههه راما انا لانو بناتي كانو ورا بعض بينهوم سنه وتسعه شهورما شاء الله
علشان كدا جلست فتره
والحمد لله


ياقلبي

ماشاء الله ربي يخليهم لك ويبلغك فيهم ياااارب

[rooraa]

الله يقومك بالسلامه فوقتك ان شاء الله
ما عرفنتي بنت ولا ولد؟

[Raama]

رورااا ووين كانت ولادتك

[Raama]

اللهم اامين ياارب جزاك الله خير حبيبتي

بنوووته ان شاء الله

[rooraa]

المطبقاني عند الدكتور هشام لانو انا عمليه

[rooraa]

وانتي فين ناويه ان شاء الله تولدي

[Raama]

كان الله بعوونك مشكله القيصري

[rooraa]

امين ان شاء الله

[Raama]

بمستشفى الدار ان شاء الله

[rooraa]

امم بالسلامه ان شاء الله
بس انا اعرف كتير ما يمدحوها مدري
انا ما جربتها بس هادا الي اعرفو

[Raama]

طيب رورااا استاذن اشووفك على خيييير

[Raama]

والله ياقلبي كل المستشفيات فيه الي يسبهم والي يمدحهم

التساهيل من رب العالمين

[rooraa]

ايو والله صادقه
ربي يسهل
الله معاك

[منو الزهراني]

فديتكم انا من المدينه واخيرا لقيت احد ...
انا في المواساة عند الدكتور ايمن عفيفي ...عندي تكيس وقصور بالغدة ولي خمس سنوات
وتشرفنا فيكم اخواتي ...

[ام لوللي]

السلام عليكم كيفكم ؟ اييييه متجمعين ولاتعزموني طيب زعلت عليكم

[ام لوللي]

وينكم
يابنات

[لـينا]

سلااااااااام فين نااايمين ياكروشات المدينه

محد درى وش صااااار

خخخ ماني معلمتكم

[حجازيه]

الفضول ذابحها خخخخخخخ>> ايش صاير يابطه

[سيناتورة]

صباااااااااااح الخير
ياحلوين

[سيسبانه]

صباح النور سيناتوره
كيفك ؟

[sho_sho]

صبآحكم قشطه يا كروشات ...
كيفكم وكيف الحمل معاكم مع البررد داhwaml7
أمسس مررآ برد معاى ألم وشد تحت سرتى ما قدرت اتحررك من البرد

الله يعين

[سيناتورة]

هلا ياقلبي كيفكم وكيف الكروشه معاكم
الله يسهلنا على خير

[سيسبانه]

سلامتك وسلامة كروشتك شوشو
بس بجد البسي وتدفي
واشربي اشياء دافيه
ماتشوفي شر

[sho_sho]

الشر ما يجيك يا قلبى
تسلمى ما تقصررري
أنا من بداية حملى وانا اطرافى مررره باردة مثلجة حتى بعز الصيف
تخيلو حتى افسسسخ الشراريب ومثلجة اطراف قدمى مررة ما اقدر امسكها من كثر البرودة مدري ليييش ؟

[rooraa]

صباحو سكر يا كروشات المدينه
كيفكم؟؟كيف كروشاتكم؟

[sho_sho]

صباح الخير رورا
بخير الحمد لله
وانتى كيفك ؟

[rooraa]

الحمد لله تمام

[لـينا]

يابنات في حمله ع الفيسبوك
يطالبون البنات بتحسين خدمات مستشفى الولاده
روحوا اقرو قصص البنات والرجال كاتبين عن حريمهم ههههههه
الله ينصرهم يارب وتتعدل المستشفى

[بذخ~]

بجد .. خليني اشيك عليها اشوف ..
طيب فين نولد ..
شكلي حقول للماما تجبلي دايا وأولد في بيـتنا ..لووووول

[rooraa]

مالي ومالها ان شاء الله ربي ما يكتبلي فيها ولاده ابداا يااااااارب
يااارب لا تحيجني لهادي المستشفى اميييييييين يارب

[لـينا]

انا بجيبلي دكتوره وممرضه تجيني البيت
اذا جيت اولد استرلي بدل ماولد والباب مفتوح قدام الرايح والجاي
ومحد ينفخ علي ويضربني

[rooraa]

هههههههههههههههه احسلك ووالله يلينا
بس الي يولد عمليه ايش يسوي يعمل في بيتو غرفة عمليات ههه

[أم ماهر]

الــــــــــــــــــــــــــــــــــــــوووو نحن هنااا...

[بذخ~]

السلاام عليكم

كيفكم صبايا ؟

هـلا أم ماهر اخبارك يا عسل ؟

[لـينا]

بنات روحو طمنوني نزلت موضوع فنفس القسم توي خايفه وابكي من اول

يارب ارحمني

[أم ماهر]

انا بخير الحمدلله انتي وش اخبااااارك وحشتيني ...

لينااا سلامااات
ليه تبكين ...

[بذخ~]

ليش لينا ؟
طمنينا عنك !

:


اخبارك مع الحمل أم ماهر ؟ وكيف ماهر بدأ الغيرة ولا لسى الله يعينك
خالتي بنوتتها خبلتها تغار من اخوها البيبي ..

[ام فله]

حبيباتي الي تبغى تفصل مفارش نفاس اعرف وحده في الشرقيه تفصل واسعاررره حسب طلبك

[rooraa]

انا ابغا بس مو مفارش نفاس ابغا طقم المولود المهد واللحاف وبيت الرضاعه وهادي الاشياء

[بذخ~]

اشتريها جاهزة تلاقي ياعسل في باسلامة وطفل الشرقيه وبيبي هوم ودي الأماكن

[dr.princess]

صباح الخير يا بنات

[dr.princess]

حبيت اسألكم
بفكر اشترى حاجة البيبى من البدر و كل شى للاطفال ايه رأيكم فيهم والاسعار كويسة فيهم ولا ايه ؟؟؟ ولو ياريت تقترحوا عليا محلات تانية لو سمحتم

[rooraa]

صباح النور
بذخ انا ابغا شي مرا مميز ومحد عندو منو ههه

[dr.princess]

ازيك يا رورا التوقيع مظبطش معاكى ؟؟؟؟

[rooraa]

الا بس ابغا استنا الين اروح للدكتوره واتكد انا في اي اسبوع
وبالنسبه لاغراض البيبي انا اشتريت لبنتي الكبيره اغلب الاشياء من كل شي للاطفال حتى سرير النفاس حق البيبي بس هادا الكلام من 6 سنين وما رحتو بعدها
بس روحي تلاقي كل شي يلزمهم عندو ان شاء الله

[dr.princess]

ان شاء الله اروح بس لما اعرف نوع البيبى علشان اشترى براحتى

[rooraa]

انتي بكريه؟؟

[dr.princess]

ايوه الحمدلله اول حمل

[rooraa]

يا جماعه انا ابغا اسال انا الدكتوره كاتبتلي على حبوب تثبيت وتحاميل تثبيت
وحمض الفوليك هادا كلو عاادي عندي
بس الي محيرني انها مديتني جوسبرين وسكوبينال ما عمري استعملتهوم وانا حامل

[توتهـ]

صباحـ الخير
فيهـ احد

[أم ماهر]

ســــ ـــ ـــ ـــ ـــ ــ ـــ ـــ ــلام....

[حجازيه]

هلا وعليكم السسلام

[أم ماهر]

كيفك حجازيه وازي النونو ...

[حجازيه]

بخير ياقلبي انا والبيبي

انتي كيفك وكيف حملك

[دف القمر]

سلام
صباااح الخير
كيفكم مع الحمل والبرررررد
ام ماهر
كيفك وحشتيني
من طول الغيبات جاب الغنايم
وكيف ماهر وياك والنونو

[أميرة بعزتي]

صباح الخير ياحلوين مين صاحيه من بدري زيي
باحضر الفطور مين بتفطر معي عشان اعمل حسابها ههههههههههههههههه

[سيناتورة]

هلا صباحكم عسل وقشطه
هلابك اميره عوافي عليك قلبي بس انا قاعده افطر

[حلا المدينه]

السلام عليكم ورحمه الله وبركاته
بنات ابي تحلولي مشكلتي
انا مرره فاشله بالمطبخ hwaml7 وزجي يحب اكل البت وماشاء الله كل عايلته طباخين
وانا ماعرف اطبخ واذا طبخت مايعجبه وصار يتغدى عند امهhttp://forum.hwaml.com/images/smilies/TR%20(81).gifhttp://forum.hwaml.com/images/smilies/TR%20(81).gif
المهم في مواقع حلوه بنت وكتب لطبيخ
لكن مشكله ماعرف البهارات الي هم يستخدمونه
يعني ايش يعني
باربيكا
كاري
صوص الصويا
بهارات البرياني
وفلفل الاحمر المطحون مع طبخ يكون حار
يعني هاذي البهارات كيف استخدمها وايش الحار منها لان زوجي مايحب الحار
وقد ايش احط انا الاقي الوصفات حقت عايله كبيره انا يدوب اسوي نصف دجاجه واحتار ببهارات قد ايش
ساعدوني هادي البهارات كيف شكله
والي تعرف بهارلاات حلوه وتغنيني تقولي وربي لادعيلها

[دف القمر]

حلا ياقلبي
انا احوب الابهارات
وخصوصا الكاري الكمون والفلفل الاحمر الزنجبيل والملح
المهم من كل شي ارش رشه خفيفه بيدي
والاشيا الاحارة الكاري الفلفل الاحمر
هادا الي استخدمها بس لاصويا ولا بربيكا ولا شي تاني
واهم شي اليمون يطلع الاكل لذيذ

[دف القمر]

وصح كنت بقولك زوجي مايحب الحار وانا اموووت في الحار
لكن اتعود على اكل الحار
وفي مثلل ديمن اختي تقولو ليا
زوجك على ماتعودينو والدك على ماتربينو

[أم ماهر]

ســــــــــــــــــــــــلام ...

[ام فله]

يالغوالي اعرف وحده في الشرقيه تفصل مفارش نفاس الي حابه تتعامل معاها تراسلني ارسلها ايميلها

[Raama]

مساء الخير...

[Raama]

ووين الكروووشات الحلوين ؟؟

[Raama]

وي دخلت السااابع ومدري

حساب المنتدى غير حساااابي

[لمـار]

السلام عليكم
صباح الخير
كيفكم ياعسولات ..؟؟
بسألكم انا في الشهر الثاني وتنزل معي افرازات لونها بني عادي هالشيء
احد صار معه كذا ..؟؟

[Raama]

وعليكم السلام

لا موعااادي راجعي دكتوره حبيبتي افضل

لاتستهتري با الموضووع

[rooraa]

اهلين لمار
لازم تروحي للدكتوره
انا فبنتي الكبيره كان ينزل كدا وقالتلي هادا تهديد بالاسلاب ان شاء الله ربي يتمملك ويفرح قلبك
بس لا تسكتي على نفسك

[لمـار]

تسلمووون
طيب رورا كيف كانت انا اللي تنزل افرازات بسيطه جداً
افرازات عاديه بس لونها بني مو ابيض وهالايام وقت الدوره بالعاده وما احس باي الم ؟

[rooraa]

ايو انا كونت كدا ما تحسي ولا باي شي بس انتبهي ولا تتحركي مرا كانت تخليني انام وارفع رجولي الدكتوره لمده 3 شهور

[لمـار]

الله يعطيك العافيه ويهون عليك ولادتك
ان شاء الله اروح
عن اذنكم يابنات

[Raama]

الله معاك لمار وانتبهي النفسك

[rooraa]

الله معاك لمار حاولي ترتاحي على الاخررر

[أم ماهر]

صبااااح الخيــــــــــــــــــــــــــــــر ...

[توتهـ]

صباح الخير كروشاتـ
وجمعه مباركهـ على الجميعـ

[هايــدي]

جمعه مباركه
ياعسولات
بنات شو رايكم انا محتاره اروح
لمين غاده اللي بالبترجي ولا عطيات اللي بالعقالي
لتاخير الحمل

[أميرة بعزتي]

صباحكم عسل ياعسولات
ويابنات ترى مايجوز تقولوا جمعه مباركة انا كنت زيكم الى ماعرفت انه مايجوز تنقال
للمعلومية بس جزاكم الله خير

[sho_sho]

السسسلام عليكم يا أخواتى ؟
كيفكم وكيف الحمل معاكم عسساكم بخيررر ..
أخواتى بسألكم حاولوا تساعدووونى .............
حامل بالشهر الخامس ومعاى افرازات لونها ابيض وكثيرة زى الحليب مرات ومرات اثقل مدري ايش يعنى رغم انى تونى مخلصه من تحاميل الالتهابات اللي تستعمل 3 ايام
حاولو تساعدونى وتطمنونى

[أم ساااامر]

يابنات المدينة ابغى اسالكم اذا احد فيكم جربت الولادة بدون الم في مستشفى ( حامد الاحمدي - او المواساة)

وبكم سعرها )

وجزاكم الله خير
وتسلموا على احلى تجمع

ربي يسهل لنا جميعا

[زهرة أللوتس]

اللى تسال عن تاخر الحمل روحى لغاده اللى في البترجى

كثير جربوها وماشاء الله جابت معاهم نتيجه انتى استخيرى قبل كل شي

[sho_sho]

وانا محد رد على يا بنااات ؟؟؟

[توتهـ]

مرحبا شو شو
يمكن الافرازات من التحاميل
راجعي الدكتوره عشان تتطمني اكثر

[أم ماهر]

مسااااااء الخير ....

[بذخ~]

مساء الأنوار ..

كيقكم حبايبي ؟

[توتهـ]

مساء الانوار ام ماهر & بذخـ
اخباركمـ

[Ḋяềẩṁṧ_ṖяỉйċềṦṧ]

صباح الفل كيفكم ياحلوات

[توتهـ]

صباح الانوار

[أم يزوني]

السلام عليكم ورحمه الله وبركاته
بنات ابي تحلولي مشكلتي
انا مرره فاشله بالمطبخ hwaml7 وزجي يحب اكل البت وماشاء الله كل عايلته طباخين
وانا ماعرف اطبخ واذا طبخت مايعجبه وصار يتغدى عند امهhttp://forum.hwaml.com/images/smilies/TR%20(81).gifhttp://forum.hwaml.com/images/smilies/TR%20(81).gif
المهم في مواقع حلوه بنت وكتب لطبيخ
لكن مشكله ماعرف البهارات الي هم يستخدمونه
يعني ايش يعني
باربيكا
كاري
صوص الصويا
بهارات البرياني
وفلفل الاحمر المطحون مع طبخ يكون حار
يعني هاذي البهارات كيف استخدمها وايش الحار منها لان زوجي مايحب الحار
وقد ايش احط انا الاقي الوصفات حقت عايله كبيره انا يدوب اسوي نصف دجاجه واحتار ببهارات قد ايش
ساعدوني هادي البهارات كيف شكله
والي تعرف بهارلاات حلوه وتغنيني تقولي وربي لادعيلها

مرحبا..
ماجبت كتاب أطباق النخبة؟مرة ممتاز ومقاديره مضبوطة..
الكبسة و الايدامات غالبا تكفيها الأبازير المشكلة..تلاقيها عند العطارين و المطاحن..hwaml88

[أم يزوني]

ياويلي يالشهر الثامن:(
مو عارفة شقاعد يصير فيني..تعب منقطع النظير
ماأدري هل التعب في الثامن يزيد والا انا من بعد ما طحت ثقلت..

الله يهونها يارب..

[ام لوللي]

السلام عليكم كيفكم بنات
والله ام يزوني متللك بالتامن وتعبانه حيييل بس طبيعي التامن تقيل

[ام لوللي]

يابنات مااحد يعرف اخبار عن الدكتوره عفت البكل في اي مستشفى راحت بليييز جاوبوني

[أم يزوني]

ما أعرفها ياقلبي..بس أسألي عنها في نفس العيادة اللي كانت فيها.
لابد أحد يجاوبك.

ربي يهون عليك.

[فرحة حياتي]

مرحبا الله يتمملنا على خير كلنا يارب عفت اعرف انها في وقايه الطبي هذا الكلام قبل سنه بس ماادرسي موجوده دحين ولا لا وقايه الطبي في الهجره قبل مطعم بيت المدينه وانا بسالكم عن مها كشك احد يعرفها هي دحين في مستوصف الحميدي وبعرف كيف كويسه ولا لا

[أم ماهر]

سلام كيفكم صباااياا فيه احد ولد بالبطاقه حقت عمل زوجها بمستشفى خاص مثل المواساة البطاقه حقت العمل ردووو عليه جزاكم الله خير...

[توتهـ]

انا زوجة اخوي ولدة ببطاقة زوجها في الالماني مادفعت شي
كله على حساب البطاقه

[أم ماهر]

جزاكي الله خير وربي يسهلك ياعمري ياتوتهـ ...مشكوره

[المتوكله على ربها]

يابنات ايش رايكم بالدكتوره ساره بالالمانى والولاده عندها

[أم ماهر]

المتوكله اول مره اسمع فيها مااعرفهااا ..

[توتهـ]

انا اول مره سمع فيها جديده هي
لان لمن روحت الالماني قالت لي مافي غير الدكتور ايمن خولي
سلوى فروحت عند الدكتور ايمن