تجمع حوامل المدينة المنورة

[ام لوللي]

من فين قضيتي للبيبي نفسي اروح سوق الاقي كل الاغراض مره وحده

[حجازيه]

رحت سوق القمه ورحت سوق العائله ورحت الهرم بلازا

[sho_sho]

السسلآم عليكم ورحمة الله
كيفكم يا حلووات ان شاء الله بخير

[توتاn]

وعليكم السلام
تمام الحمد لله انتي اخبارك

[بذخ~]

السلام عليكم ..
اخبااار كروشات المدينة ؟!

[أم ماهر]

"مساءالخـــــــــير"

[بذخ~]

هلا ام ماهر ..
مساء الانوار

[rooraa]

سنتر بوينت عندو كل شيي
وفي محل اسمو كل شي للاطفال عندو كل شيي يخص الاطفال جمب خطوات

[rooraa]

مساء النور اهلين

[بذخ~]

هلا رورا ..
ايوا سنتر بوينت عندو كل شئ واشاؤ لزوزه واسعاره حلوة

[أم ماهر]

" كيف الحااااااال "

[rooraa]

اهلين ام ماهر
تمام كيفك انتي

[أم ماهر]

بخير نحمدلله انتي كيفك..

[rooraa]

الحمد لله
كيفك مع الحمل.؟؟
امم ابغا اعرف اسمك يضر الحامل؟؟؟؟؟؟؟؟

[rooraa]

اقصد السمك

[dr.princess]

السلام عليكم
بالعكس روورا السمك مفيد جدا وبالذات فى الحمل وفى دكاترة كتيير بتنصح بأكله أكثر من مرة فى الاسبوع

[حلا المدينه]

كيفكم كروشلت اشتقت لكم مووجود احد

[عذبوكـ ياقلبي]

مرحبا بنات
اهلييييين حلا وينك مختفيه ..؟
بنات الجنين بس يتحرك وحركتو كثيره بسم الله عليه
واحسو يدف على تحت اكثر من اول لدرجه اني بروح الحمام ومافي شي
انا عارفه انو طبيعي
بس ممكن يكون علامات لقرب الولادهـ ..؟
خصوصا ليه كم يوم الم بظهري مستمر وامس جاني 3 مرات مغص قوي اسفل البطن

[أم ماهر]

اهلين عذبوك ياقلبي ..

هذا الجنين ينزل على الحوض وعلامة قرب الولاده ماشاءالله انتي بالشهر الثامن يعني خلاص...

انا بالشهر السابع واحس نفس الاعراض لان اعراض قرب الولاده تبداء من الشهر السابع عنوني...

ربي يتمم لك ع خير ..

[بذخ~]

ربي يسهل لكم
انا حاسة انو راس الجنين لسى فوق ..يبغالي أمشي كتير
لأنو خلااااص نفسي بس ادخل التاسع أولد
يااارب سهلي وبلغني إللي أتمناه وأنا وجنيني بصحة وعافيه وكل الحوامل يآآآرب ..

[أم ماهر]

بذخ ليه وش يخليك ان راس الجنين فوق ...

اميــــــــــــن ربي يسهل ع الجميــــــــــــــع...

[بذخ~]

اخر مرة رحت للمراجعة اشتكيت للدكتورة ضيق نفسي وحرقان وكتمة ..
قالت راس الجنين فوق وضاغط .. وخوفتني قالت لو ما نزل تولدي بعمليه ..
يارب ينزل وارتاح ..

[أم ماهر]

ماعليك من كلام الدكاتره كله كذب وربي فيه وحده واختي تولد وانا معاها نادو زوجها يقولون خلاص وقع على ورقة العمليه زوجتك ماراح تولد غير بعمليه وقال خلاص بوقع بس الدكتور راح يجب الورقه علشان يوقع ورجع قال خلاص مايحتاج عمليه زوجتك بالكوشك تولد طبيعي لاتخافين ولسى بدري عليك على بال الجنين ماينزل راسه لاتاخافين ...

[بذخ~]

يسعدك يارب حبيبتي حتى ماما بتقولي كدا ..
بس يبغالي ابطل كسل وامشي لوربع ساعه في اليوم..
وربي يسهل علي وعليك ياعسل

[عذبوكـ ياقلبي]

ياااارب والله انا نفسي اولد بدايه التاسع خلاص تعبت الحمدالله
الله يسهلها علينا
بذخ لاتشيلي هم اللي كاتبو ربنا يسير
وان شاء الله تولدي طبيعي

[توتهـ]

مرحبا حلوات

[تالـــهـ]

ياقلبي يابذخ

حاولي تحبى زي الصغااار ان شاااء الله ينزل راسه تحت

وامشي كمان....

الله يسهل علينااا

[تالـــهـ]

اخبااارك توته...؟؟

[توتهـ]

الحمد الله تمام اخيرا دخلت التاسع اليوم وبكرا مراجعتي عند الكتور

[عذبوكـ ياقلبي]

توتهـ الله يسهلك حبيبتي وتولدي بالسلامة
فين تراجعي وفين بتولدي ان شاء الله ..؟

[تالـــهـ]

الله يسهل عليك حبيبتي

بسرعه نفسي الشهووور تمرر نفس اولد مليت هههه

[عذبوكـ ياقلبي]

تالهـ الخلطه اللي قالت عنها الرحيل المر
كيف احد جربها تعرفيه ..؟

[تالـــهـ]

ايوووه ياقلبي سمعتها عنها من صديقاتي هما جربوووها

اما انا لا ماجربتها بس ان شاااء حجربها لانها مكوناتها عاديه ماتخوووف

الله يسهل علينا يارب

[توتهـ]

اراجع عند الدكتور ايمن خولي وبلد عندو ان شاء الله في الالماني

[عذبوكـ ياقلبي]

تالهـ معليش قلبي ازعجتك
طيب كيف ولدو على طول ولا جلسو كم اسبوع كمان ..؟
ياليت تديني التفاصيل
الصراحه ابغى بالاسبوع 37 اشربها

[عذبوكـ ياقلبي]

توتهـ الله يسهلك يارب
انا بالمطبقاني وبولد هناك ان شاء الله

[تالـــهـ]

ياعمري ابدا مافي ازعاج

اعتقد قالتي ادا بدأ الطلق معاااك

لانه يكووون الرحم مفتوووح

الله يسهل عليك يارب ويجعل ولادتك سهله وميسرة يارب

[أم ماهر]

صباح الخير كيفكم وكيف نوناتكم ...

ممكن اعرف خلطة اللي قالت عنها الرحيل المر ؟؟

اذا مافيه ازعاج...

[عذبوكـ ياقلبي]

تسلمي تالهـ
ام ماهر الخلطه عباره عن
كوب حليب سائل
5 اعواد قرفه
5 اعواد قرنفل
ملعقتين عسل
ونص فنجان زيت سمسم
تخلطيهم تغليهم دقائق
وتتركي شوي وتشربي دافئ

[عذبوكـ ياقلبي]

بس كاتبه انك تشربيها بعد ماتدخلي التاسع بعشره ايام
وكل اربعه ايام تشربي منها

[أم ماهر]

مشكوره يابعد قلبي وجزاكي الله خير ...

اسفه تعبتك معااااي ...

[تالـــهـ]

بنااات مين يعرف يحسب

انا مررره متلخبطه بالاسابيع

يسعدكم ربي

[عذبوكـ ياقلبي]

ولو ياام ماهر
احنا خوات ومابيننا
الله يسهل عليه وعليكي وعلى الجميع يارب

[دف القمر]

صباحوووووو
كيفكمممممممم
والله بنتي طفشتني

[تالـــهـ]

هلا دف القمر ...

كيفك ياقلبي ...؟؟

الحااال من بعضه شوفي ولدي مسهرني لانه شبعااان نوووم

وانا تعباااانه يالله لازم نتحمل ...

[أم ماهر]

دف الله يكون بعونك انا ولدي شبعان نوم توه اللي صحى من النوم والحين مينام غير الساعه 7 الصباح ...

عذبوك ياقلبي امـــــــــــين..

تالــهـ لو اعرف من عنوني بس ماني خبر بالحساب..

[Raama]

صباااااااح الخير

كيفكم شخباركم ؟؟

[Raama]

ووووينكم؟؟؟؟؟؟؟؟

[أم ماهر]

"ســــــــــــــــــــــــلام"

[المتوكله على ربها]

صباح الخير

[دف القمر]

وعليكم السلام
كيفكم كروشات
المتوكله ياسبحان الله نفس الاسابيع والايام معايا
صدفه حلوة شكلنا بنولد مع بعض

[سيناتورة]

صباحكم فرح وسعاده
في احد بالمنتدى
^_^

[سيناتورة]

هلا دف كيفك قلبي وكيف البيبي

[دف القمر]

صباحك نور وسرور
يااحله كروشه

[دف القمر]

الحمد لله
بس مشكله المغص زيدة مع البرد
انت كيفك واخبار البيبي

[سيناتورة]

ااااااااااااه انا ضرسي ملتهب وخايفه منه بس هو ما يعورني بس ما اقدر اقفل سنوني على بعض
بس الله يستر
الضرس ياثر على البيبي ولا

[توتاn]

صباااح الخير على الجميع

[دف القمر]

هو ماياثر على البيبي بس يتعبك
روحي دكتورة اسنان وتصلحو لك
ترى في بنج حوامل

[سيناتورة]

هلا والله توتا
صباحك عسل ياعسل

[دف القمر]

صباح النور توتا
كيفك مع البرد
وكيف البيبي معاااك

[سيناتورة]

والله بجد في بنج حوامل
الله يسعدك من اليوم اروح

[دف القمر]

ايوة فيه
اة لاتذكريني بما مضى
سويت ضرسين سحب عصب
الله لايجيبو لاحد يا بكيت بكا صرت زي
المجنونه من الم الاسنان

[دف القمر]

مدري ايش سالفه الاسنان مع الحمل
بسرعه تسوس مدري ليش

[توتاn]

تمام الحمد لله اليوم كانو البرد زايد شوي والا
والله البيبي متعبتني

بنات انا حاسه نفسي اليوووم زهقاااااااااااااااااااااااااااااااااااانه مو طايقه البيت نهائي

[دف القمر]

البرد زاد في اخر الليل مرة بردت
انا من الزهق والطفش والاكتئاب
امس زوجي رايح مشوار وخرجت معاة
ومو مقتنع اقول اخليك في السيارة لوحدك
وانا اروح عند الرجال
قتلو بروح بروح خلاص طفشششششت
وروحت وطلع المكان بعيد قلتلو والله خوفت
ههههههههههههههههههههههههههههه

[دف القمر]

فينكممممممممم بنات نمتو
اجل خليني اروح اناام

[توتاn]

دف انا مو جوده والزهق زايد معايا هالايام

[دف القمر]

لابد من الزهق والطفششششششششش

[دف القمر]

شكلك تفكري في الولادة كثير
عشان كدا تتعبي قلبك وعقلك
وتزهقي

[توتاn]

هيا كل تفكيري ابغى اغير من حياتي شوي

[اميرة الورد 1]

السلام عليكم كروشات

كيفكم مع البرد ؟

ياعسولات بسألكم عن الدكتور ياسر اللي يسوي السونار اول كان بالبترجي ودحين في المدينة الطبي 000

مين سوت عنده سونار ؟ وكيف اكويس ولا لا ؟يعني فاهم 00

اتمني الافادة

مشكوووورات

[توتاn]

السلام عليكم كروشات

كيفكم مع البرد ؟

ياعسولات بسألكم عن الدكتور ياسر اللي يسوي السونار اول كان بالبترجي ودحين في المدينة الطبي 000

مين سوت عنده سونار ؟ وكيف اكويس ولا لا ؟يعني فاهم 00

اتمني الافادة

مشكوووورات


يا قمر الدكتور ياسر معروف انو شااااااااااااطر وانا حملي كله وانااسوي عنده سونااار
اول كان في البترجي ولمن راح المدينه الطبي كمان رحتله

يعملك التصوير الرباعي يبينلك البيبي مزبوط
بس السوناار عنده ب300مو زي البترجي ب170

[بذخ~]

الســـلامـ عليـكمـ

كيفكم حبوبات ؟

فكرتو تعملو توزيعات !
ديك المرة كنت بتسوق في الدخيل وشوفت في ركن وحدة حاطة شغلها تعمل توزيعات للمواليد
شكلها لزيز ومحطوط رقم كلمت عليهم تقول كل اسبوعين تحط شغلات جديدة في الركن ..

[دلوعة حماده]

انا حامل بالثاني وماكل وزني نقص كي ف ارجع مثل اول

[سيناتورة]

هلا دلوعة حماده الف مبروك عالحمل وربي يتمملك على خير
ياقلبي انا كنت زيك بالاشهر الاولى وربي ما اكل بس زا كله من الوحام بس ازا فيك غثيان قولي للدكتوره وتديك حبوب الغثيان يمكن تخفف عليك قلبي
ان شاء الله يخف عنك بس انتبهي لان الاشهر الاولى اهم الشهور لان الجنين فيه يتكون فحاولي تغصبين نفسك عالاكل عشان الي بكرشك

[سيناتورة]

بذخ كيفك ياقلبي وحشتيني

[دف القمر]

ســـــــــــــــــــــلام
كيفكم
اناا توزيعات مااسوي

[بذخ~]

هلا سيناتورة كيفك ياعسل ..
جيتي المدينة ولا لسى ؟

هلا دف القمر ..
هما دايما البكريات يحبو نعني نعني يعملو حركتات وتوزيعات ..

[سيناتورة]

هلا حبايبي انا بخير قلبي
لا ان شاء الله نازله نهاية الشهر

[بذخ~]

ربي يعينك ويسهلك ان شاء الله ..
كيف الجو في ينبع ؟
نفسي اغير جو اطلع ويكند على ينبع او الرايس ..

[دف القمر]

ينبع روحتها في العيد مررة تونسنا
ولا جلسنا عند البحر لين الصباح
صلينا ونزلنا المدينه
اما الريس ماعمري شوفتها ولا روحتلها
يسلام لو في رحله لبنات المنتدى
يسسسسسسسسسلام

[سيناتورة]

وااااو جوها لايفوتك بس معتتدل يجنن ما في لا رطوبه ولا حراره هواء شوي بارد
انت بس تعالي الله يحيك

[بذخ~]

خخ من جد كل وحدة تجي بكرشتها ..
انا سمعت عن فندق الموفنبيك في الهيئه بينبع ..
اتوقع الايام دي يكون الجو حلو ..ونفسي اطلع اغير جو لانو الطفش تغلغل الى اعماقي ..

امس بقول لأخواتي طفشانه قامت كل وحدة تقولي طيب تعالي ساعديني في بحث ولا في واجب ..
قلتلهم الله يخليكم ما صدقت اتخرج وافتك

[دف القمر]

هههههههههههههههههههههه
والله اختي زيهم تقولي روحي اختبري بدالي

[Raama]

السلام عليكم

كيفكم يا احلى كروشاااات

[سيناتورة]

اهلين راما كيفك ياعسل

[حجازيه]

سسسسسسسلام ياحلوات

[سيناتورة]

وعليكم السلام
ياقمر

[دف القمر]

البنات بس يسلمو ويخرجو

[دف القمر]

حتى اناا يالى مع السلامه

[حجازيه]

دفء خخخخخخخخخخخ

عاد انا ايش اسوي مو بايدي أسلم عليكم يقوم ولدي يشغلني بشي أعذروني

[عذبوكـ ياقلبي]

مرحبا بنات
كيفكم
حجازيه كيفك ..؟
ولدتي ولالسه ..؟

[عذبوكـ ياقلبي]

بنات عندي فتحه المهبل مرره مشدوده
اليوم بزياده وتألمني مره احس كأنو شي بينزل
دا عادي ولا ..؟

[حجازيه]

هلا فيك والله

لا انا لسى انتظر الفرج من رب العالمين دعواتك بس

[بذخ~]

هلا عذبوك ياقلبي ..عارفة ياعسل انو انتي تقريبا قريبة مني بس من شريط الحمل حقك سابقتني باسبوع ..

هلا حجازيه .. يلا هانت ربي يكتب لك ساعة السلامة ياارب

[عذبوكـ ياقلبي]

اهلين بذخ كيفك ..؟
الله يسهل علينا يارب
بما انك قريبة مني تجيكي الام ف فتحة المهبل ولالا ..؟
انا من امس الم قوي
واليوم مره بزياده مشدوده

[بذخ~]

هلا ..الحمد لله ربي يسلمك
الا من السابع تجيني زي النغزات من تحت وتروح .. اتوقع انو بسبب الضغط اللي من الجنين ..

[أم القموره]

السلام عليكم
كيفكم وايش اخبار اللي في الكرشه؟

[عذبوكـ ياقلبي]

انا مو نغزات بس مشدووود مره والم

[بذخ~]

هلا ام القمورة .. اخبارك ياعسل ؟

هلا عذبوك ياقلبي .. والله منى عارفه يمكن الجنين نازل ع تحت فشد المنطقة ..
قدامك العافيه قلبو ..

[أم القموره]

اهلين بذخ الحمد لله بخير
بس حاسه اليوم بمغص ماادري هوا برد داخليني والا ايش

[أم القموره]

ابسألكم كروشات تعرفوا الدكتوره عفت البكل فين راحت تركت مستشفى وقايه
فيكم احد يراجع عندها

[بذخ~]

سمعت عنها انهاكانت في وقاية الطبي وتولد في الدار ..بس مدري اذا تركته ..

[أم ماهر]

ازيكم عاملين ايه وحشتوني اوي اوي ...

[عذبوكـ ياقلبي]

اهلين ام ماهر كيفك

[أم ماهر]

الحمدلله طيبه انتي كيفك وكيف التعب معاااك...

[عذبوكـ ياقلبي]

الحمدالله
يجيني وجع ويروح الله يستر بس

[أم ماهر]

طيب الوجع مستمر والا لآ...

[عذبوكـ ياقلبي]

ظهري مستمر وعندي فتحه المهبل مرره تعورني احس كأنو شي بينزل منها
اما بطني يجي مغص بس على خفيف

[عذبوكـ ياقلبي]

ونمت الساعه 12 صحيت 3 مره غثيان معايا
بس برجع وقلبي يدق بسرعه مره طايح حيلي
ماادري هوه مع البرد ولاشي طبيعي مع الحمل احس اني خايفه

[أم ماهر]

الله يكون بعونك ...

طيب ليه ماتروحين المستشفى تشوفين احتمااال يكون الرحم يكون فاتح ...

[عذبوكـ ياقلبي]

يطفشو المستشفى كل ماقلت شي قالو بسرعه تخطيط
ويدخلوني المخاض وقرف وفي الاخير مافي شي
ماادري هو لازم التخطيط عشان يعرفو كم مفتوح ولا لا
لو استمر الامر لبكره العصر اروح

[sho_sho]

السسسلام عليكم كيفكم يا بنات

والله معاااى ألم بظهررري قوووي مررررآ من تحت الكتف الييين تحت كأنه مكسسسسر
ما اقدر لا اوقف ولا امشي ولا انسدح اتعذب بالنوومة مدري من ايش الله يعين
يعنى لو اروح الدكتورة ممكن تعطيني شيء والا ارتاح الطلعة للدكتورة والانتظار متعبة ؟
دعواتكم

[عذبوكـ ياقلبي]

اهلين ياعسل
ماتشوفي شر والم الظهر دا مقرف الصراحه
والله انا زهقت من المستشفيات وقرفهم
اتوقع عادي انا كان يجيني من بدأت بطني تكبر
عشان الظهر بدأ ينحني خلي احد يساويلك مساج فظهرك بس بهدوء مو بقوه
ان شاء الله ترتاحي

[sho_sho]

تسلمي عذبووك ربي يسهلك وعلى فكررة ألمك اللي فيكي كان يجيني مع ماغص وقالتلي الدكتورة الرحم مفتوح وولادة مبكرة ولا تتحركي ومدري ايش واعطتنى ابرة الرئة
يعنى لمن يجي معاه ماغص وتقلصات روحى

[عذبوكـ ياقلبي]

والله انا خايفه من كدا
يجيني مغص بس مو قوي
انتي فين كنتي تراجعي ..؟

[عذبوكـ ياقلبي]

وفي اي شهر جاتك الام دي ؟؟

[sho_sho]

كنت في مستشفي الاحمدي عند الدكتورة فوزية مررره طيوبة وخبرة
جاتنى في الشهر الثامن كان لي يومين بس داخله الثامن وقالت ما ينفع لازم ناخررك عن الولادة
انتبهي دا الشهر بالزات الولادة فيه خطيرة انتى دحين فين تراجعى ؟

[sho_sho]

وارتاحى عالاخيررر لا تبذلي اي مجهوود وربنا يسهلك يا رب

[تالـــهـ]

صبــــــــــــــــآآآح الخير ياعسوولات...؟؟

[سيناتورة]

صباااااااااااااااااحو
هلا صباحك عسل تاله كيفك

[تالـــهـ]

يسعد صباااحك سيناااتوره

بخير الحمدلله

انت كيفك ...؟؟

[سيناتورة]

انت وينك بدري على الرد
المهم انا بخير الحمد لله بس ثقل الحمل شوي تاعبني

[تالـــهـ]

ياقلبي اتوقعت مااحد مووجود

الله يسهل عليك يارب

[سيناتورة]

امين قلبي
على فكره اسفه
لاني اخترتك في لعبة قطار الموت

[توتاn]

صبااااح البرد والنسكافه

[sho_sho]

صباحكم عسسل ومربى يا أحلى كروشات ازيكم
وكييف الثقل معاكم ظهرري يوجعني كأنه متكسسسر
لو اروح للدكتورة تعطينى شيء مسكن مرهم اى حاجة والا اريح عمري واتمدد بس

[تالـــهـ]

هههههههههههههههه

حرام عليك تخيلي شكلي بالكرشه هههه

توتا يسعد صباااحك

كيفك ياقلبي

[توتاn]

تاله تمام الحمد لله انتي اخبارك

شو شو لا تروحي ارتاحي بس وادا كانت سدحتك على ظهرك تتعبك انسدحي على جنبك

[تالـــهـ]

بخير الحمدلله

شوشو ياقلبي ارتااحي احسلك وادا زاد روحي

الله يقومك بالسلامه يااارب

[توتاn]

تاله لمن كنت في المتوسط كنت اقول ادا جاتني بنت راح اسميها تاله من حبي للاسم

[تالـــهـ]

والله حتى انا مررره احب اسم تاله

بس ربي مارزقني بنت عندي ولد

وكماان حامل بولد الحمدلله

[توتاn]

ولدك كم عمره وايش اسمه

[سيناتورة]

بنات انا احس ان الوحام رجعلي

[تالـــهـ]

يـــــزن

عمرهـ سنه و9 اشهر

الله يحفظه ليآآ ياارب

[تالـــهـ]

ياقلبي ياسينااتورة الله يعينك

ايووه صح بعضهم يرجع لهم بالشهووور الاخيرة

الله يسهل عليك ياارب

[توتاn]

تاله ايش ناويه تسمي الجديد

[تالـــهـ]

ماادري ..

لسآآ مالقيت اسم حلووو

وانتي توتااا بكريه ولا لا

[توتاn]

ايوا بكريه
ادعلي ربي يسهل ولادتي

[توتاn]

انتي دحين باي شهر

[تالـــهـ]

انا بالشهر الخامس..

الله يسهل عليك ويجعلها ولادة سهله وميسرة

يــــــــــــــــآآآرب

[تالـــهـ]

حبيبتي انت حاامل بشووو..؟؟

[sho_sho]

ربي يسلمكم ويسعدكم يا تالـهـ و توتا
وربي لي يومين منسدحة متعذبة حتى وانا منسدحة جنبي وظهري كلها آآلام
الحمد لله يا رب
تاله انتى مثلي بالخامس عملت سونار قالتلى مو مبييين شكلو بنت كلهم نعمة ربي اهم شيء الصحة والعافية

[تالـــهـ]

الله يقومك بالسلامه يااارب

انا عرفت بالرابع انه ولد

الحمدلله سوا بنت او ولد

[توتاn]

بنات فين تراجعووو
انا حامل ببنت في الخامس قالولي

[توتاn]

شوشو انا في الاسبوع التالت في التاسع
وربي انام كتير بس نومي الحمده لله زي الزفت

طول ماني نايمه وانا اتقلب يمين ويسار بس مو عارفه ارتاح

[sho_sho]

الله يسلمك يا تاله وياكي يا رب
توتا هو الثامن والتاسع متعبة وكل يوم تقولي اليوم حيجي النونو
هانت انتى بكرية عاد استنى كمان اسبووع علي فكرة بداتى تمشي ؟

[توتاn]

لا والله
مشيت كم يوم وبطلت
ليش انتي مو بكريه

[تالـــهـ]

حبيبتي توتااا حاولي تمشي كل يوووم نصف ساعه بس لاتعبي نفسك

ولاتنسينا من دعواتك

والله يسهلك ياارب

[توتاn]

ان شاء الله تاله الله يسهل عليا وعليكم

[sho_sho]

ايوه لازم تمشي عشان الرحم يتعود وياخذ جسمك بس لا تتعبي نفسسك
لا مو بكررية انا عندي ولد ربي يحفظه عمره تقريبا حيخلص اربع سنووات
الدكتورة قالت تبغى تتاكدى من جنس ابيبى تعالى الشهر الجاي اروح والا خلاص
تاله فين تراجعى وميين دكتورتك ؟
وانتى يا توتا فين ناوية تولدي ان شاء الله ؟

[توتاn]

انا كنت اراجع في المطبقاني بس الولاده ان شاء الله في الولاده

وانتم

[sho_sho]

انا ما ادرري ما ابغى اروح الولادة اتعذبت عندهم قبل > بكررية اوول ولازم الولادة
ودحيين خايفه ماني عارفه فين بس افكر اروح الاحمدي وكتير مدحوا لى بمستشفي احد افضل من الولادة الله يعين دا الموضوع ماني عارفه كييف ؟

[توتاn]

انا كنت ناويه اولد في المواساه او المطبقاني
بس في بدايه التامن جاتني ولاده مبكره ورحت المطبقاني قالولي روحي الولاده
وبطلت عنهم
والاحمدي الكل يمدحونها وحتى الدكتوره اللي فيها اعتقد فوزيه اسمها يقولوا عسل

[sho_sho]

ايوه انا بحملي الاول راجعت عندها طيووبه مرره وخبرة بس دحين بحملى دا مرررآ عليها زحمة
واي دكتوره موجودة دحيين هى اللي تولدك
واحيانا الواحد ما يدري ايش يصير امكانيات الخاصة مو زي الحكومي
ربنا يعين

[تالـــهـ]

والله كنت اراجع بالدار عند نجوى

وبعدين رحت الولادة ابغى افتح ملف عشان الولادة او احد

والله احد الولادة فيهاا رووووعه انا ولادة الاولى فيهاا

[sho_sho]

توتا البكرريه دآيمن في خطورة وخووف روحى عندهم واستودعي نفسسك الله
تالهـ فين سويتى سونار شكلها دكتورتك شاطره دامها عرفت من الرابع مو زي اللي رحتلها انا بالخامس وتقول مو باين خخخخخ ؟

[sho_sho]

منجد أحد كويسسسه يعنى مثلا في مسكن وأكسجيين زين يعنى تتخدري شوية ؟
وخياطتهم كييف ؟
ويصبروا عليكي والا لا ؟
وفي عندهم قسم خاص والا لا ؟
معليش استحمليني انا نفسي اروح عشان الحكومي اضمن وعندهم امكانيات

[تالـــهـ]

والله السووناار سويته مرتين الاولى في احد طوارئ

والتاني في الولادة وكلهم قالوو ولد

اما الولادة بأحد صراحه رووووعه راحه وعنااايه

عندهم اكسجين وكمان خياطتهم حلووه ماحسيت فيها ابدا

وانت ياقلبي لاتفكري دحين عشان ماتتعبي

واستخيري واتوكلي على الله

[تالـــهـ]

ياقلبي بالعكس خدي راحتك

والله انا صبرو عليآآ لاني جلست يوم كامل

جبت ولدي بطلق صناعي والله وربي شااهد ماشفت شي منهم

بالعكس كانو كلهم حولي وحتى يخدموك بنفس طيبه

اما الغرف لا مافي هادا الكلام قبل سنتين تقريبا ماادري دحين فيه غرفه خاصه او لا

وانت صادقه انا افضل الحكووومي على الخاااص

والله يسهل عليك يااارب

[sho_sho]

والله تخيلي لحد الآن ما قررت كلووو عشان ما أبغي افكرر
ساعتها بستخيرر الله وأتووكل
دحين انتى ناوية على أحد والا فيين ؟
تصدقي ما بيننا شيء بالحمل أيام خخخخخ
الين دحين لقيت كم وحدة معاي بنفس الشهرر لوووووول

[تالـــهـ]

تخيلي بحملي الاول كنت رافضه الحكوومي

وكنت مقرره الدار او المؤاساة

فسبحاان الله استخرت ورحت والله نجوى سافرت يومها

وزوجي حولني ع احد كان معصب فحمدت ربي انهم صبرو علي يوم كامل

لو كنت بخاص ع طول سولي عمليه عشان كدا الاستخارة حلوووه

[تالـــهـ]

والله ان شااء الله

الولادة في أحد او الولادة

الله يسهل عليناا يااارب

[تالـــهـ]

والله ياقلبي ان شااء الله

الولادة في أحد او الولادة

اهم شي حكوومي

والله يسهل علينااا ياارب

[توتاn]

شوشو ادا كنتي تبغي دكتور شاطر في السونار في الدكتور ياسر اللي كان في البترجي دحين هوا في المدينه الطبي ما يقولك بنت او ولد الا هوا متاكد

عن تجربه
>>>>>>>>>>
داخله عرض

[توتاn]

تاله انتي اول وحده تايد الولاده في الحكومي الاغلبيه بيولدوا في الاحمدي
بس الحمد لله
طمنتيني

[sho_sho]

ربي يسسعدك يا توتا ويقوومك بالسسسلامة
وربي يا توتا انا ما أحوب الحكومي بس هما أفضل لو صار لك حاجة او احتجتى شيء
انا افكر بالاحمدي بس يمكن اغير رايىء

[sho_sho]

ربنا يسسسعدك يا توتا موو عرض ولا شيء الا فين المدينة الطبي دا ؟
وربي يا توتا انا كمان اؤؤكيد الحكومي رغم معاملتهم اللي مو مررة وما في تخدير ولا مسكنات الا بسيطة بس لو صار لك حاجة يلحقونك وعندهم امكانيات وافكر بالاحمدي وخايفة بس علي ربنا
يعطيكم العافية حبيباتى

[سيناتورة]

والله يابنات انا زيكم مافي مكان محدد اخر شي استقريت في الالماني عند ايمن خولي مره يمدحو
بس انا زحين متردده لان امي ماتبغى خاص تقول مافي زي الولاده لاقدر الله صار شي لك او للجنين كل شي متوفر عندهم لاكن الخاص ازا صار شي على طول يحولوك على الولاده
والتيسير ولله الحمد كله من رب العالمين الله يسهل ولادتنا يارب

[Raama]

مدري والله يابنااات بس للمعلوميه

بنت خالتي قبل ست شهور جاتها ولاده با الثامن وراحت الولاده

الولاده حولوهااا المستشفى الدار

لات الحضانات مليااااانه

يعني ختى الخاص فيه اهتمااااام للطفل

وماشاء الله جلست شهر البنوته وبعدين طلعت لامهاااا

[Raama]

انا صرااحه ضد الحكومي جداااااا

الكل يمدح لي المستشفى العسكري ويقولي اولدي فيه

بس انا رااافضه الا اذا لاقدر الله قيصري اولد عندهم

بس بروح اكشف هنااك واسوي التصوير الرباعي الايعاد

[rooraa]

والله اخس شي الحكومي ياربي لا تكتبلي فيها ولاده
اهمال ونفس خااااااااااااايسه وكل شي معففففففففففن

[Raama]

هلاااا رورااااا

كيفيك شخبااارك ؟؟

والله العسكري كل مين يمدحه لي بس انا مااابي غير دكتورتي بهاء

[rooraa]

بهاء الي في الدار؟؟؟
معليش بس انا ما عرفت ايش العسكري!!؟؟

[Raama]

ايه بهاء العاصي اللي با الدار تعرفيهااا ؟؟

مستشفى القوات المسلحه

خاااص با الجيش والعساااكر

[بذخ~]

السلام عليكم
كيفكم حبوبات ؟
وكيف النونات ؟

[rooraa]

والله سمعت عنها بس ما اعرفها ان شاء الله طيبه
اهلين بذخ كيفك وكيف النونو

[Raama]

والله انها جناااان ماشاء الله عليهااا انا ماروحت لها الا بعد ما الكل يمدحهااا

هلاا بذخ

انا تمام الحمد لله

انتي شخبارك ؟؟

[حجازيه]

بنات حابه أعرف الولاده في الأحمدي بكم يكون

والدكتوره فوزيه تبنج ولا لا..؟

[بذخ~]

هلا رورا
هلا راما ..
الله يسعدكم انا بخيرات ..
احس الجو اليوم ابرد ولا !

[Raama]

هلاااا تاله


والله مااعرف شي عن الاحمدي

[بذخ~]

بنوتات تقضيت حبتين لنونتي .. اخترت بيج لانو لسى مني عارفه نوع البيبي
خليني اااخذ رايكم ..
(:
http://forum.hwaml.com/imgcache2/hwaml.com_1293061919_376.jpg (http://www.0zz0.com)

:
http://forum.hwaml.com/imgcache2/hwaml.com_1293061921_120.jpg (http://www.0zz0.com)

:
http://forum.hwaml.com/imgcache2/hwaml.com_1293061911_823.jpg (http://www.0zz0.com)

[rooraa]

وه يانااااااااااااااسو يزنن
يا بنات متى ابدا اقضي؟؟

[Raama]

الله يا بذخ مره رووووعه ماشاء الله

ان شاء الله تشوفيهم على البيبي يااااارب

[Raama]

بذخ اشترتيهم من بيبي هوم صح ؟؟

والله انا بديت اقضي من شهري السادس وصيت اختي من الهرم الي بجده

وبكمل من هنااا بس انتظر الخصومات فرصه يعني

[Raama]

انا بفصل طقم النفاس عند طفل الشرقيه

مرررره حلواا وناعم والسعر كويس

[Raama]

ووينكم ؟؟؟

[rooraa]

كم السعر حق طقم النفاس؟؟

[rooraa]

يا بنات لي مو راضي يطلع عندي حق البيبي ؟؟؟؟؟؟؟؟؟؟؟؟؟؟؟

[sho_sho]

أنا سالت الممرضة بالاحمدي اللي عند الدكتورة عن سعر الولادة قالت 1500 او 1200
أفكر اولد عندهم بس بستخيير الله كتييير
بنات المستشفي العسكرري كيف الولادة عندهم وفي زحمة والا لا ؟
واهتمام وبنج ويستنوا علييكي او لا ؟عندهم دم وكل شيء ممكن نحتاجو ؟
اللي عندها فكرة تقووولي ربي يجزاها بالخيير

[sho_sho]

ربي يفررحك يا بذح بالبيبى تددددنن ماشاء الله حلووة
ربنا يفرحك بالبيبى وتلبسيه ان شاء الله

[بذخ~]

ايوا يا عسل اشتريتهم من سنتربوينت مرا شغلاتو لزيزة ..
وان شاء الله حروح لمذركير ومامازوباباز ..

ماما بتقولي لا تكثري يصير بعدين لما يشرف النونو تتقضي براحتك ..

وطقم النفاس افكر برضو ااخذو من طفل الشرقيه شفت طقك نااعم كان عارض منو تفاحي ..
وقلي فيه بيج وسكري منو ..

[Raama]

رورااااا

فيه اسعار واشكال وحسب طلبك انا فيه اشياء ما طلبتهاااا

طلع لي الطقم ب 1300

[sho_sho]

محد رد علي سؤالي بخصوص المستشفي العسسسكرري ؟ > زعلت
راما ما تحسي انو غالي وفترة نفاس وبالاخير بالدولاب حاجة ناعمه ولابقه مع الغررفة تكفي بصرراحه وانتوو بكيفكم > نصيييحه بس

[بذخ~]

ااامين حبيبتي شوشو ..
وكلنا يارب ربي يفرح قلوبنا ويتمم لنا على خير ..

[Raama]

سوري بنات الاتصال عندي مره سيء

روراااا

تحصلي عند طفل الشرقيه اشكال والوان واسعار

انا اخترت شي ناااعم وفيه بعض الاشياء ماطلبتهااا كلفني 1300

بس للحين مافصلت احس بدري

[Raama]

شواشواا
برد عليكي على العسكري ياقلبي بس الاتصال مره سيء

انا صرااحه ما جربته
بس اخوات زوجي يولدواا فيه مره يمدحونه
ويعطون ابرة الظهر وابر مساعده وفيه التصوير الرباااعي
انا زورت اخت زوجي لما ولدت

والله عندهم اهتمام ماشفته با الخااااص وتظاااافه مره عاليه
بس انا خلاص ارتحت البهاء هذه المره بولد عندهااا

بس فتحت ملف عندهم وبسوي ان شاء الله التصوير الرباعي الابعاد

[Raama]

شواشوا

والله هذا ارخص شي با السوق ياعسل

لو شفتي اشعار بيبي هوم تنفجعين

ونا ان شاء الله ابيه الكل ولااداااتي ان شاء الله عشان كذاا مو خساره

[sho_sho]

جزاكي الله خير يا قلبى
استخيير الله يمكن اروح لها

وربنا يعينك عالاتصااال انا اليووم كلو كدا الاتصال والمنتدى مدري ايش في يعلق وما تفتح الصفحات
انا قلت زيك بطفلي الاول اخلي لكل ولاداتى ومدري ايش دحين غيررت رأئي بغير والموديل واللون ومدري ايش انا شوفت السسوق وانفجعت ربنا يعين بس لمن اشووف اول مفرشي انقهر اسراف الله يرحمنا
ربنا يسهلنا يا رب ويعيينا وأشووفكم بكرآ ان شاء المولى عز وجل
مع السسلامة

[ام لوللي]

السلام عليكم؟ كيفكم ان شالله بخير
الللي تسال عن الدكتوره عفت هي الان في المدينه الوطني واختي ولدت عندها وتمدحها مرررره وتقول خبره واخلاق . لكن مادري اذا تطلع مستشفى تاني او لا.

[Raama]

الله يكتب الي فيه الخير لك حبيبتي

انا اذا لاقدر الله قيصري بولد عندهم

مع السلامه يا الغااااليه

[Raama]

وعليكم السلام

هلااا ام اللولي

ووين المدينه الطبي هذااا ؟؟

[ام لوللي]

المطبقاني ياحبيبتي والله الدكتوره شاطره انصح الكل فيها

[Raama]

اهاااا
ايه اعرفه هذااا انا بالي المدينه الطبي
قلت من وووين طلع هذاا ههههههه

[ام لوللي]

فين ودك تولدي راما وهل انتي بكريه؟

[Raama]

ايييوه ياقلبي انا بكريه

وان شاء الله بولد عند بهاء العاصي با الدار

المشكله هي بفرع العواالي والولاده با الدار الي بقباء

ان شاء الله تجيني با الوقت المناااسب

[Raama]

انتي بكريه ؟؟ وباي شهر ؟؟

[ام لوللي]

لا مو بكريه تالت ولاده وفي نهاية التامن

[Raama]

ماشاء الله ربي يخليهم لك

وتقومي با السلامه انتي والبيبي

ووووين ولدتي قبل كذااا ؟؟

[تالـــهـ]

صبآآآآآآآآآح الخير..؟؟

كيفــــــــــــكم...

[Raama]

صباح النور

هلااا تاله الحمد لله انا بخير

انتي كيفيك وكيف البيبي

[تالـــهـ]

هلا راما

بخير الحمدلله انا والبيبي

[تالـــهـ]

راما حبيبتي

سمعتك تقولي الطفل الشرقيه يفصل مفرش النفاااس ...!

خبريني عندة اشياء اختارها ولا انا اجيب الفكرة

[Raama]

عنده اشكال مره حلوه والوااان

وانتي اختاااري من الطقم الي تبين والسرير فيه كذا موديل

وكل ما لغيتي شي يقل السعر

ويختلف كمان السعر حسب نوع السرير

انا لغيت كذاا قطعه واخترت الوون الذهبي على بيج غامق

[تالـــهـ]

تسلمي ياقلبي

ان شاااء اروحله ...

[Raama]

الله يسلمك ياااعسل ومفقه حبيبتي

ياخذ التفصيل اسبوعين

انا قلت نص شهري الثامن ان شاء الله ى افصل عنده احين بس عطاني ورقه

[Raama]

حلااا المدينه ووين من زمان ماشوفهااا؟؟

[تالـــهـ]

انا بدري عليآآآ دحين

بس حابه ارتب نفسي عشان مااتعب

بحملي الاول ماجهز زين

لاني خليته بالتاسع وتعبت

الله يسهل علينااا ياارب

[تالـــهـ]

ياقلبي عليهاا

ان شاااء الله المااانع خيرا يارب

[Raama]

والله احسن ياتاله من الحين ترتبي افكارك ونعرفي ايش بتشتري

ليش الا في التااااسع والله تعب والنفسيه عدم

من بدري احسن

[Raama]

انا حتى ملابس بديت اقضي

وانتظر الخصومات بسنتر بوينت ومادركيير عشان اكمل

[تالـــهـ]

صح والله

رامااا انت حامل بشووو...؟؟

[عذبوكـ ياقلبي]

صباح الخير بنات
كيفكم مع الثقل ..؟
اليوم تعبت ورحت المطبقاني وكانت موجوده الدكتوره عزه
اوف على دي الدكتوره مره سيئه

[تالـــهـ]

متلي انتظر خصووومات سنتر بوينت

[تالـــهـ]

صباااح النوور ياقلبي ...

سلامتك ماتشوووفي شر ...

[Raama]

تااااله

الدكتوره قالت لي ماني شايفه اي اعضاء تناسليه ذكريه

يعني حامل بنووته

هذا كلامها لي :)




عذبوك ياقلبي

سلامتك يا الغااااليه ايش فيكي ؟؟

[عذبوكـ ياقلبي]

الشر مايجيك حبيبتي

[Raama]

والله ياتاله قبل كم يوم روحت له جننتني اغراض البيبي با القوه مسكت نفسي

قلت حراام اشتري الحين وبعد كم يوم تبدا الخصومااات

ومدركير عنده البربتوزات رووووعه وخامتها ممتازه

[تالـــهـ]

والله زيي ماامسك نفسي نفسي اشتريهاا كلهاا

تزنن اغراضهم ...

بس ماتردي متى تبدأ حتى المواليد عليه خصووماات

[Raama]

العاده زي كذاا تكون بدت بس هذه السنه مدري ليش التاخير

فيه ماركات مخفضه

اااايه حتى على الموااليد فيه خصومات الا الي وضل حديثااا او جديد

[تالـــهـ]

الله يسهل علينا يارب

ويرزقنا شوفتهم سليمين معافين يارب

[Raama]

اللهم اااااامييييييييييين

[تالـــهـ]

اشوووفك على خيرا

حبيبتي راااماا
ابغى اصلي وانااام

[Raama]

تقبل الله يا الغاااليه

ونا كمان بصلي ونااااام ماني حاسه بظهري

جالسه اقرا برواااايه ومره اندمجت :)

تلاقين خير ياعمري

[بذخ~]

ياحلوين متأكدين انو عفت جات للمطبقاني ؟

[sho_sho]

السسسلآم علييكم
كيفكم يا حلوات ؟
وأخباركم ؟

[سيناتورة]

وعليكم السلام
ياقمر كيفك

[sho_sho]

بخير الحمد لله
ها سنياتورة علووومك يا عسسسسل
اخبار مفيييش
والله نفسسي اشتري حاجات البيبى عشان اعرف الثقل الشهور الاخيرة يا دوووب نمشي مشوار مترين > سلحفاااة نصير

[سيناتورة]

لا ياقلبي حلوتها في الشهور الاخيره تقضي

[sho_sho]

انتى بكرريه عشان كدا تقولي حلوتها افتكر لمن اتقضيت بالشهور الاخيرة
فاتك شكلي امشي كأنى سلحفاة > خخخخخ
ومافيني اطلب شيء ولا لون ولاشيء يعنى اشترى واختار بدون تفنن بس الفكة من التعب والثقل
> تذكرت شكلها هههههههه

[ورد المدينه]

بنات المدينه عند مين تسوو تصوير السونار وكم سعره وتحسو الدكتوره ممتازه فيه

[rooraa]

في ياسر مرا متتاز كان في البترجي راح المدينه الطبي

[بذخ~]

واسمع كمان عن د.ايمان بدير في العقالي ..تصويرها حلو وتوضحلك كل شئ

[اميرة الورد 1]

يا قمر الدكتور ياسر معروف انو شااااااااااااطر وانا حملي كله وانااسوي عنده سونااار
اول كان في البترجي ولمن راح المدينه الطبي كمان رحتله

يعملك التصوير الرباعي يبينلك البيبي مزبوط
بس السوناار عنده ب300مو زي البترجي ب170

الله يعطيك العافية ياعسل

[Raama]

صباح الخير

موجود احد منكم صباايااا

[عذبوكـ ياقلبي]

مرحبا بنات
كيفكم اليوم ..؟
بنات اليوم بديت أمشي خلاص زهقت ابغى اول التاسع اولد ان شاء الله
بس بعرف في أشياء أشربها بداية التاسع تسهل الولادهـ ..؟

[أم ماهر]

صباحـــــوو ...

[أم ماهر]

عذبوك ياقلبي.. ربي يتمم لك ع خير وتولدين اسهل ولادهـ...

[عذبوكـ ياقلبي]

يارب الله يسمع منك
يسهل علينا جميعا يارب

[أم ماهر]

أميـــــــــن ...