دردشة حوامل الأحساء- تجمع بنات الأحساء - الحسآويآآت

[أم ريـم]

الللللللللللللللللله شعووووووور يجنن
طيب انسي وجع الولادة خبرينا ششعورك يوم شفتي بنتك وشفتي اهلك وزوجك وكل الي حوليك فرحانيين ويباركون لك

[غلاي امي]

يممممممممممممممممممممممه

الله يرحمنا برحمته احس اصعب شي وانتي في قمة الألم يقولون لج قومي من سرير لسرير

[غلاي امي]

ام ريم ماتدري وين الله حاطها

تقول شعور يجنن بلاج ماجربتي الولاده الولاده نار نار الله الموقده

سئلي المجرب ولا تسئلين الطبيب

[غلاي امي]

خجوله انتي كنتي متصور الولاده بهذا الألم

[غلاي امي]

وينكم كلكم اختفيتو؟؟؟؟؟

[خجل الورود]

وبعدها قامو كلهم يصرخون اووووووووووووووو وقامو يصرخون احرجوني الله ياخذهم كني صايره ممثله هههههههههههه وجاتني تقولي مدام مبروك مبروك بيبي بنت وورتني افخوذها بس ولا وروني وجها ولا حطوها علي انقهرت مره وقامت تحوس فيني لين مانزلت المشيمه وجات حطت المخدر في المغذي وضليت اشوي ولا جا كردش وسوا لي الجراحه جلست اتالم اقوله دكتور بشويش يقولي افا انا شفتك قلت قويه راح تتحمل تحملت الولاده بتتحمل الجراحه لانك ماصرختي كثير وساعدتينا في لاالولاده انا انقهرت وهم حسيت بنقزات الابره المهم خلص وضليت اشوي طالع في بنتي ولا جاني نزيف اجلست تعوفص في بطني وتعوفص وتعوفص لين ماحسيت نفسي بموت اقول لها سستر بشويش مااقدر تقول مدام في يتحمل عشان يقوف نزيف وجا كردش مره ثانيه وامو يحوسون فيني اقوله دكتور ابقى اشوف بنتي جيبوها قالي ماتشوفينها قلت لها مااشوف غير ارجلها وادينها قال خلاص هذا اهم شي وربي انقهرت منه المهم اشوي ولا قالو لي مدام بيبي في ودي حضانه وزن بيبي نازل صار وزن بنتي 2وربع وخذوها مني بس جابتها لي قالت مدام شوف وجه بيبي وخذتها المهم انا اشوي الا طفيت نمت في غرفت الولاده وخلوني في الغرفه تغريباساعتين ونص

[غلاي امي]

لا إله الا الله

[خجل الورود]

لاماكنت متصوره هل الم ابد اوووه ياام ريم تو الناس على الوناسه هههههههه

[أم ريـم]

لا غلاااي انا ا خاايفة بس اسكت رووحي بشعوور الولادة لما تشوف البنت بحضنها
احمس نفسي عبارة هغ هع

[غلاي امي]

الولاده والله احسها سكره من سكرات الموت

جزاج يايمه عند الله

[أم ريـم]

يلااا خجوولة شكلها االحلقة الرابعة اخففففف من الي قبل
كملي تحمسناااا

[خجل الورود]

بعدها تنبهت وقالت للدكتوره ابقى ماي عطتني ماي وبعدها قلت لها سستر انا جوعانه قالت لي يلا قوم غرفة استراحه جات وقومتني وحطتني على الكرسي طبعي جسمي يرجف كله من فوق لي تحت وراسي يدور مو قادره اوقف ودتني قرفة الاستراحه وبطحتني على السرير وغطتني ببطانيه متينه وشوي جابو لي الاكل وتدرون انا لين الحين ماشفت بنتي

[غلاي امي]

ياالله خجوله الله يعيدج على امثالها وان شاء الله تخاوينها

ام ريم لاتخافين خليها على الله مسهل الأمور وقاضي كل حاجه

[غلاي امي]

وبعدين ؟؟؟؟؟

[أم ريـم]

يا عوومري عليها طيب وبعدييييييين
شصااار البنووتة متى شفتيها

[غلاي امي]

وينج ياالرقي عن قصة الولاده

ان قريتيها بتهونين ماتبين تولدين

[خجل الورود]

لين الحين يعني في المستشفى مو لين الحين الوقت الحالي ههههههههههههه
الساعه 1في الليل تغريبا رقوني فوق غرف الزياره وعلى طول نمت ماحسيت بنفسي بس بصراحه فوق تعاملهم نص ونص يعني منهم ومنهم وانا طول ماانا بلمستشفى مارضو لي اشوف بنتي ماشفتها الاوقت جيت بطلع طلعتها على مسؤليتي واخذتها البيت معاي بس تصدقون اني لين الحين مو مصدقه اني ام

[أم ريـم]

حرام عليبج غلاي لا تخوفينها وهي بالتاسع وعندها الام
يكفيها الي فييها

[غلاي امي]

الا وزن بنتج ليه قليل انتي ماكنتي تاكلين عدل وانتي حامل

وبعدين باالتصويرماقالو لج وزنها يومكانت ابطنج

[أم ريـم]

حرام عليهم ليش ما خلوج تشوفينهااا

[خجل الورود]

هههههههههههههههه اي والله واعليا الرقي الله يساعدها على الولاده

[غلاي امي]

متى ناويه تعيدين التجربه

[غلاي امي]

طلعوج يوم ثاني من المستشفى

[خجل الورود]

ماراح اعيدها الابعد 5سنوات انشالله
ايه يوم ثاني طلعت

[غلاي امي]

ياالله اهم شي قومتج انتي والبنوته باالسلامه

وعقبالنا جميعا يارب

[غلاي امي]

شوفي خجول ترى مافي خراطين مثل الحريم

كلهم يقولون ماراح نجيب وبعدين تشوفينهم حوامل

[أم ريـم]

باقي الاجواء الحماسية ما قلتي عنها شي يو م طلعتي وشفتي لمة اهلك عليك وش شعورهم
زوجك شعوره ولاول مرة يصير اب انتي نسيتي الالم مع لمتهم كلهم وجمعتهم حوليك

[غلاي امي]

ام ريم انتي مو نا ويه تروحين بكره المدرسه

ياالله نوم سليبنق

[أم ريـم]

مقبووولة منج تبين يفضى لج الجوو مع خجل
بس حاسة بغثياااااان قووي مرة شعور غثيان نفس شعوور الجوع موجايني نووم
ولان وجيهكم تنسي الالم جيت اطلطل بالمنتدى *-*

[غلاي امي]

الله يعينج ام ريم على الوحم

تصدقين انا ماخلصت من الوحم الا يوم دخلت الشهر الثامن عانيييييييييت منه

والم المعده مازال مستمر

[خجل الورود]

هههههههههه والله يوم جاواهلي كلهم حولي ووناسه وضحك الي يقولي واخرا مابقيتي تولدين والي يقولي خلصي وسوي الثاني ووووعفسه بس ابوها طاير من الفرحه ههههههمو مصدق

[أم ريـم]

ااي والله غلاي لا انشاء الله ثلاث شهور ويعدي
مرة اخووي تقولي وحامك خفيف ماشفتي شي حرام عليها في اكثرر من كذاا
الله يساعدك غلاي ثمان شهوور وااي تعب
الموهم حبيبتي ادعي لي انا طالعة استاذن اشوفكم بكرااا على خير

[خجل الورود]

الله معاك ريوم وبتوفيق انشالله

[غلاي امي]

الله وياج ام ريم ويسهل امورج ويقضي لج كل حاجه

[خجل الورود]

يلا انا بعد استاذن بنتي بدت تصيح بقوم ارضعها
اشوفكم على خير باي

[غلاي امي]

نوم العوافي وربي وياج

[الاميره المغروره]

السلام عليكم
كيف حالكم؟

[الريم الشارد]

صباح الخير حسويات ... كل مره اصبح على روحي اهئ اهئ

[غلاي امي]

مرحبتين كروشات

الأميره اخبارج بعد فك البقشه ويالله قولي لنا قصة ولادتج

رقروقه والريم طمنونا عليكم

باقي الكروشات شلونكم

[غلاي امي]

بنات باركولي اليوم دخلت التاسع

الحمدلله يااااااااااااااااااه موب امصدقه

قبل كم شهر كنت هلكانه من الوحم واقول متى تعدي هاالشهوور

الحمد لله الحمدلله وعقبال الولاده يارب

[غلاي امي]

اللهم صل على سيدنا محمد وآل محمد

[الريم الشارد]

اللهم صلي على محمد وال محمد

[الريم الشارد]

هلا غلاي الف الف مبروك دخولك التاسع

انا بخير بس اسناني اليوم عانه علي معذبتني ااااااه

[أم ريـم]

تعباااااااااااااااااانة ماني قادرة اركز في الحصص الغثيان ذابحني
ومايجي الا وقت المدرسة

[الريم الشارد]

الله يساعدك ام ريم الغثيان اسوء شي

[رنين الصمت]

طق طق السلام هنا احد
فتحو الباب نحن هنا

من في البيت

ردو

[الريم الشارد]

هلا رنين ... ماكو احد بس انا مووجوده تفضلي حياج الله

[رنين الصمت]

هلا وغلا الريم شلونش

وشلون كريشتش

[الريم الشارد]

رنين من وين انتي اي منطقه بالحساء..؟

[رنين الصمت]

انا من المبرز

عرفتيها؟

وانتي من وين ؟\

[الريم الشارد]

انا بعد من المبرز .. بالنزهه

[رنين الصمت]

انا من غصيبه اهلي
بس الحين بشارع النجاح ساكنه يعني جمبنا السوق

اما اهلي جنب مسجد الامام الحسين
اللي في الحماديه عرفتيه


اما بيت خالتي ساكنين بالنزهه

[الريم الشارد]

اهااا ... زين جنبكم السووق احلا شي

[رنين الصمت]

اي والله
بس اخاف اطلع بروحي وعيالي صغار

والا لو عندي احد مطاوعني شان تشوفيني منقعه كل يوم بالسوق

مادري شفيني هالايام كله ودي احوس بالسوقه

[الريم الشارد]

لانو هالايام نحس بطفش وبطنا بيبيهات نحب نروح السوووق انا بعد مثلك احب اتمشى حتى لو ما اشتري شي بس الي عندي ما يحب التسوق الا بالضروره بدون سبب مايرضى

[whiteroes]

هاااي كروشات

[الريم الشارد]

عن اذنج بروح اجهز الغداء وصل بو الشباب بروووب

[رنين الصمت]

اي والله وخصوصا هالحمله احس ابي بس ادور بالسوق

مادري لاني حامل هالمره ببنوته نفسي اروح سنتر بونت ابي اخذ فستان صغنون بس زي ماقلتي هالرجال مو راضي يوديني مايحب الزحمه باط مرارتي

[whiteroes]

الريم *رنين اخباركم

[رنين الصمت]

هلا وايت انا تمام انتي شلونش

وشلون دبيبتش

[whiteroes]

ههههههه رنين وانا بعد من المبزز
اقول شكلج عيالج مو غربي علي جنهم مبززين ههههههههه
دم يحنن

[رنين الصمت]

هههههههههههههههههههههه
وين ساكنه يا وايت يمكن بعد اعرفش اطلع

[whiteroes]

انا اهلي من غصبيه بعد هههههههههه
اقولج تتابعين بمركزهم صحي
يمكن اشوفج ههههههههه

[رنين الصمت]

يلا وايت استأذنش بروح انام لي اشوي تعبت من الجلسه

[رنين الصمت]

يؤؤؤؤؤؤؤؤؤؤ اهلي بعد يتعالجون بالمركز الصحي اللي ورى المدرسه الرابعه الابتدائيه
اما انا لا اعالج في مستشفى الشعبه بعد ماتزوجت

[whiteroes]

اقولج تطعيمن عيالج هناك
ان شاء الله ناوي اطعم البيبي هناك

[whiteroes]

نوم العوافي

[رنين الصمت]

لا انا اطعمهم في مستنشفى الشعبه اللي يم المستشفى النسائي
وعندي موعد يوم السبت الجاي عند الدكتوره

[رنين الصمت]

يلا عيوني اشوفش بالليل استودعك الله
باي

[whiteroes]

برررب بشوف المسلسل بعد

[الريم الشارد]

السلام عليكم جميعا..

[رقروقه]

هاي بنات <<هاي تعبانه


خجيييييييل وربي وربي يامن قريت قصتك جاني اكتئاب <<وحده موسوسه hwaml9

تصدقون بنات وقت قاست رحمي الدكتوره وربي صرخت ذييك الصرخه hwaml8
أحس أصابعها مسامير
ياربي شلون بولد

أنا في دخلتي جننت ابو الشباب أقوى شي وتميت مفحطه 4 شهور أو أكثر hwaml15

أحس أني صعبه

اهئ اهئ
ما يصير نولد ببنج كامل
<على كيفج


غلاي والله الأكشن ذا بيخليني أكبر بنتي واعرسها وهي في كرشتي اللهم ياكافي
أم ريوم أنا وياج بكريات لا تخافين ماعليج منهم شحلو الولاده <<حلفي
الله يعينك على هالمدرسه
والله شكلنا بنخربك على الكتب



هاي إيفري بودي
كيفكم كلكم الباقي حبوباتي

الريم نفيخه نغوم وايت الأموره أم مهود <<يالبى هالأسم hwaml13
والباااقي

[رقروقه]

رنون حبوبتنا
نسيتك

ها ذوقي حمل البنت اجل بس تبين فراعين خل تطلع لك فرعونه تسوين لها عنقوصتين يالبى البنوتات
متى أشوفها ياربي
مابيها تطلع نتوفه جلد على عظم نفس بنت خجيل
ياربي ابي تبتوبه



الريم أي سوريه اللي كشفت علي
انا رحت الساعه 7 وعليها تقريبا وطلعت قريب التسع
بس الفلبينيه شحلاتها الممرضه مع عيونها خخخخ
والدكتوره حليوه بعد

ياااارب اللي يولدونا أخلاقهم حليوه
والا بجيب الساطور معاي

[رقروقه]

ريوم تعالي يا ام دبه
خليني اهذر معاك

ياربي الحوض عندي مجنني آلاااااام بسم الله عليكم
فخوذي من الجنبين حدها متقلصه والله كرهت النوم لأنه مصدر أزعاج مو مصدر راحه

اليوم رحت موعدي في المركز الصحي والحمد لله البيبي بخير وكل حاجه أوكي
بس عندي ألتهابات شديييده وربي أستخدم تحميلات ومضادات حيويه وغسولات
أغير في اليوم من مرتين لثلاث مرات

بس بعده
الدكتوره اليوم قالت لي الألتهابات ماراح ترتاحين منها الا لاولدتي لأن المناعه ترجع
الحين المناعه صفر من الفطريات

يارب سترك بس تخيلو ولاده مع التهابات شنو الوضع

عمري بحياتي ماجاني كذا التهاب

الله يعافيكم منها ويقيكم شرها ولا تذوقون مثلي

<<شفتو شحليلي ههههههههه

الله يقطع هالبليس اللي فيكم سويتوني خبله اتكلم بريحاتي جني زهيوي

[نفيخه]

رقروووقه وووووووربي مت ضحك يوم قلت زهييييييييييييوي هههههه يرجك ياادووبا
يااعمري علييييييييييك وربي الالتهاب اكره شي عندي الله يفكك ياارب استمري على التحاميل ووووونشفي نننفسك ولبسي ملابس قطنيييييييييه تركي عنك هالي مالها داعي لووووووول وربي تعب عذاااااب الله يعينك
وويسهل علييييييييييييييييييييك ياااااااارب

[رقروقه]

تخيلو بنات أمس في طريقي للمستشفى

وأنا في عز آلامي أفكر بالبليله عههههههههههههه <<أم بطين
والله حيل مشتهيتها

عاد زوجي مسكين عاش الأكشن قبل الصج
قالي تحتاجين كرسي

أجيب أغراضك بتتنومين
لازم أدخل ولا كيف

فكرني خلاص بولد
عليمي فديته مايفهم شي

بس ورويسكم ماخليت البليله في مخي
رحنا فرفرنا إلا نلقاها جنب الدائري اللي جنب ممشانا الحلوو

أكلت ذيك البليله وبردت قلبي

أم ريوم
فاتتك
بغيت أشتري لك بس قلت فرااغه اهي بس <<تصريفه

[رقروقه]

نفيخه هههههههههههههههه ناقصني بف بااف

إلا تعالي شنو أترك عني ....هاااا
<<هذا اللي ركزت عليه هع هييع


والله أتنشف دائما ومعتنيه بنفسي حيييييييييل بزياده
بس يا اختي حمار هالاتهاب يبيله سب ولعن والدين يمكن يجوز


أنتي شلونك مع دبتك

[رقروقه]

طرا على بالي سؤال يا امهات السوابق يا فاشات

الحين اللي تولد تستخدم أفرنجي ولا عربي في الحمام ...

لأني من الحين أحس أعاني مع العربي

<<سؤال ويع صح ؟؟

أقول أكلوو هوا عادي بعد منو اسأل <<أحد كلمك عاد


يالله جاوبو لا أقفل حمامات ببيتكم
واخليكم تلبسون بامبرز

[أم ريـم]

رقروووقة واخيرا شفتج ولههههههههههت علييييييييييج اخبااااااارج يا دووبة
واخبار النونة الصغيرونة الي بكريشتش

[أم ريـم]

رقروووقة انا سمعت وحدة من اهلي والد بعملية تقوول ما ترتاح على العربي ما ترتاح الا على الافرنجي
وباقي الولد يقولون لان الجراحة تتعبهم فيستخدمون افرنجي اريح لهم
<<< عااد انا ما اعرف شي بالشهر الثالث ولا حاسة اني حامل بطني لاصق في ظهري
بس للمعلومية هذا الي اسمعه من الايفري بدي على قيلتج هههههه

[نفيخه]

رقروووووقه اقصد الملابس القطنيه واتركي الحرير والشيفون الي لاتغني ولا تسد من جووع ههههههههههههههههههه
والله كرشتي كبرررررررررررررررررررررررت وووتعوورني وولدي الله يهدااه يجي ويحبب فييييييها وويضغط يفكرها لعبه ههههههههههههههههههههه

[نفيخه]

ام ريم يااقلبي الله يساااااااعدج الحين بطنج لاصق بظهرج بس النسااه مو تاركتج الله يفككج منها بس بعدين الثقل لاحقج لاحقج ههههههه

[أم ريـم]

يحليله ولدج نفييييحة متحمس للبيبي هههههههههههههههههههه

[حـ ـزن]

هاي كروشاااااااااااات خجول من جد كسرتي خاطري على الاكشن الي صار لك
بس دومهم الولاده كذا اذا جاك قروب خايس مثل ولادتي الاولى
الله يعين بس
رقروقه هههههههههههههههه لين الحين ماولدتي
الله يعينك ويارب تقومين انتي والبنت بخيرات وتكون ولادتك سهالات من الله
امااا عن العربي ولافرنجي
بصراحه الافرنجي اريح بكثيييييييير في كلا الحالتين للعمليه وللجراحه

[حـ ـزن]

نفيخه انتي اي شهر ؟؟

[نفيخه]

حزوونه انا بنص الساااابع

[همسة هواء]

اهلين ياكروشات عزيزاتي الريم ورنين و وايت اجل انتو جاراتي و انا ما ادري على غفله هههه ههههههههه

[همسة هواء]

انا بعد ساكنه في المبرز ويمكن اعرفكم لاني مشتغله في كذا مشغل للرياضه

[نفيخه]

كلنا مبرزيييييييييين هع هههههههههههه وكل المبرز خياله عليهم <<<دخلت جووو

[همسة هواء]

عزيزتي رقرووووقه تعالي عندي انا عزمتك التوم على ذاك الفلافل اللي تاكلين اصابعك وراه عاد ولا احلي من فلافلي خخخخخخ سالي خجوله عنه فلافللللللللللللللللللللللللل حميطههههههههههههههههههههههههه هههههههه فلافلللللللللللللللللللللللللللل

[القلب ميشو]

سلاااااااااااااااااام بناااااااااااااااات .. ولهت عليكم .. فديتكم ..

شخباركم .. ان شاء الله بخير .. بشرووني من اللي ولدت ؟

[غلاي امي]

مرحبا كروشات

[القلب ميشو]

هلا غلاااااااااااااااي حياك الله .. :)

[غلاي امي]

اهلين القلب شعلومج

[القلب ميشو]

الحمدلله بخيييير .. اخبارك انتي . وش اخبار البيبي ؟

[خجل الورود]

سلام كروشات اخباركم اليوم الرقي انتي عاد ماعندك الا فلافل ترى امبطة كبدي من كثر مااكله في حملي استغفر الله الحين مااحب اذكر شي من ايام الحمل هههههههههههههه

[خجل الورود]

همسو وين الي بتجي اليوم يالبط

[خجل الورود]

اوووه وينكم اليوم مالكم حس حسيت بلوحده ..........مسكينه اكسر الخاطر

[الأمـــورة]

هلا والله خجولة شخبارك ؟؟
الحمد لله على سلامتك وتتربى بعزكم البنوتة الحلوة

[خجل الورود]

هلا الاموره اخبارك انتي انا بخير دامك بخير ياقلبي
الله يسلمك ياقلبي والفال لك

[نجوم السحر]

السلام عليكم

كيف حالكم

خجووووووووووووووله يا قلبي اخبارك الحمدلله على السلامه بشريني عنك

شخبار الولاده حلوه ههههههههههههه

[الأمـــورة]

الحمد لله بخير
ياحظك ياخجل خلصتي من الأزمة خخخ
يلا مابقى لي الا كم يوم وادخل التاسع

[خجل الورود]

هلا بك نجوم انا بخير ياقلبي دامك بخير الله يسلمك والفال لك انشالله
لاوربي الولاده حااااااااااره توبع ماتنعاد ........على كيفك المسأله هههه

[رنين الصمت]

السلام عليكم يا كروشات شلونكم وشخباركم

وشلون دبيباتكم الفاشه والنافشه

[الأمـــورة]

وعليكم السلام نجووووم ورنين
شخباركم ؟؟

[رنين الصمت]

شكلي بريحاتي جالسه في هالدار الواسعه

يلا اروح افرفر في هالمنتدى

[رنين الصمت]

هلا اموره شلونش حبيبتي شخبارك

[خجل الورود]

هههههه الاموره سهاله انشالله ياقلبي ولا تخافين تراه اشوية مغص .....الا بدخل في راسك انه اشوية مغص ههههههه هلا بك رنين منوره

[خجل الورود]

رنون لا منتي بريحاتك ياقلبي

[الأمـــورة]

الحمد لله بخير
هذا انا مع الثقل والتعب انتي وش مسوية مع الحمل

[رنين الصمت]

هلا خجيل توش على المغص وش بعده بعد فلم الرعب اللي سردتيه

ماعاد في ترقيع خلاص بطيتي الجربه وطلعتي المكشوف

[رقروقه]

هااااااااااي كراريش طبعاً خجوله محذوفه من القائمه <لا تدلعين واجد بكره بنصير أرشق منج

بنوتات الليـــله عرعرت لمركز المبارك بصراحه فاشل أقوى شي مافيه أبببببببد أشياء حلوه للنفاس

ظربت مشوار على الفاضي
فيدوني يا كراريش من فين أشتري بجايم حلوه وجلابيات



:

[الأمـــورة]

اي والله خجل ماقصرت فينا ههههههه
قاعدة اتصور الموقف

[خجل الورود]

هههههههههههههههه رنين ترى انا قلت قصت ولادتي بس مو بتفصيل كيف لو اقول بتفصيل وش بيسون ههههههههههههه
يارقي يابطه حاسدتني على الرشاقه هههههههههه وربي جد احس رجعت حره بس مو مثل اول اول احسن ماقدر اتحرك كثير من الجراحه

[رنين الصمت]

هلا رقيق يالدواره

طاسه تعرعرين ومامراتينا نعرعر معش
انا بكره بشوف السبع اذا رضى يوديني العثيم ابي اشوف ستي مكس وسبلاش فيه يقلون تخفيضات

[رنين الصمت]

برب حبايبي بروح اشوي وارجع لكم

[خجل الورود]

رقروق روحي عدنان يمكن تحصلين ولا روحي السويق هناك تحصلين اكيد انا بصراحه ماارتاح الاعلى بجامات ستي مكس لانهم باردين وعمليين

[رقروقه]

القلب ميشو
حزن


ما تشبكون سلامااات

وحشتونااااااااا


هموسه أنتي مع فلافلك
خلاص أكلنا البارح فلافل مشكل من دنيا الفلافل اللي جنب قائد العصيرات
خلاااااص ماعدتي تحمطينا يالشريره نياهاهاها


خجوول
خلاص ماما افتكيتي من النساة
الحين بلعي في هالحلبه لما تقطنين

ههههههههههههههه

[خجل الورود]

رنين خذي راحتك بس لاتطولين

[خجل الورود]

ههههههههههه تشمتي يابطه ماردي بطلع من الاربعين وبرجع رشيقه وذاك البخور الي يوصل لبيتكوم من قوته وانتي بتمسكين محلي يادبه ههههههه
الاوش وداك لقائد العصير ها رايحه تزطين

[رقروقه]

رنين بغيت امرك دقيت على نيوف
وقال ماما مشغوله مع بابا عاد قلت ما أبي أخرب سهرتكم ..ههههههههههههه

قايله بروح سنتربوينت وسبلاش بس الرجل بالموت ماوداني إلا محل واحد لأني رحت متأخره وهو وراه دوام


خجييل
أي حلمي ترجعين للرشاقه الأوليه
فوضى أهي

خلاص يا حبيبجي <بالمصري
طلقتي الجمال

[خجل الورود]

نجوم الاموره وينكم اختفيتو

[خجل الورود]

من قاااااااااااااااااااااال اصلن بتشوفين برجع عروس حررررررررررررررره هههههههههههه
بنشوف من بيرجع اول هع هع

[رنين الصمت]

انا جيت شجايكم على الفلافل انا هالايام يجيني حرقان اذا زطيته

اشوف نفسي طايحه بالبتر مع المربى الفواكه
شكل بجيب بنتي بنيه على لون البتر

[رقروقه]

تصدقين مرينا عليه بس ما شرينا ما أدري ما تشجعت

أبيج أنتي تجيبين لي جركل على حسابك

قرقشي جيبك يالبطرانه
سامعه ذابحه 5 نعيمي مندي في أستقبالك
ومسويه بوفيه مفتوح

فلووووووس والزيني

<<بتشببب

[خجل الورود]

هههههههههههههههه رنين مااتخيل بنت بنيه الشكل هههههههههههههه

[رقروقه]

رنين حساويات نخلاويات تربينا على الفلافل لا تلومينا

يالبى البتر مع مربى فراوله مع حلواني

تصدقين جاتني فتره بالسابع أموووت فيهم مع جبن الكيري
أهو اللي يجيب لي حرقان

ياشييييييييييييين الحرقان يموووت

[خجل الورود]

تستاهلين كم رقروق عندنا

[رقروقه]

خجيل ليش ما تتخيلين

التكارنه أسمع يصيرون لج ههههههههههههههههههه أمزح أمزح لا تكوفخيني

[أم ريـم]

هااااااااي رقرووقة انا ااا جييييييييييت
لاتطلعين في لج مفاجئة

[خجل الورود]

هلا ام ريم منوره هاطمنينا كيف الاختبار اليوم

[خجل الورود]

رقروق اي تكيفخ بيجيك استني بس هع هع

[رنين الصمت]

يؤؤؤؤؤؤؤؤؤؤؤؤؤؤ وانا بعد احب الفلافل كثير يمكن من كثر ماكلته قام هالفترات يجيني حرقان منه

لا تخافين بس اولد ارجع فيه ذا حبيبي الفلافل ماستغنى عنه

والكيري ياعيني عليه اموت فيه

حتى نيوف علمته عليه كله يقولي ماما ابغى كن كري

[رقروقه]

هلا هلا تو ما نورت كريشاتنا

ها شنو المفاجئه أم ريوم

ترا إذا ماعجبتني بقول

تدرين فيني أم لسانين

[خجل الورود]

ههههههه تصدقون احس كلنا هدفعه الي حملنا في بنات كله نبي فلافل انا من بداية حملي اموت في الفلافل وانا معاي تكسر فولي زوجي مايرضي يجيب لي كله يقولي مافيه
رنين حلوه الكن كري

[رقروقه]

يالبي عليه كن كيري مره وحده اما الشركه لو سمعت هالأسم بتعتزل من الخدمه

حلااااااااااالك يا أم النتفه كوفخي لما تشبعين يمكن على يدك تحن الغيره في بنيتي وتطلع بسرعه عشان ترد لج التكوفخ

[خجل الورود]

الله من زمان ماتحاذفت مع رقروقه بلكن كري

[أم ريـم]

اهليييييين خججججل انا منيحة الحمد لله الاختبار يجننن سهل << شطورة ما ينخاف علي
رقروقة خلج لا تطلعين احين بتطلع لج المفاجئة

[رنين الصمت]

يلا عن اذنكم اروح الحق على حالي والا شكل هالعيال بيولدوني قبل وقتي

قاعدين ضحك ويتلاوحون علي

اهرسوني من لعبهم يلا بروح انومهم قبل مايجن جنوني

يلا باي

[رقروقه]

اي والله يا خجيل

نسيتي أيام الكنكري اللي جنب بيتكم وأنتوا تبنون
فقعت عينج فيه

عاد يوم هالفقعه شافك الرجل وشب يبي يعرس عليك
الله أياااااااااام


ام ريوم

والله شاكه أنها قنبله
أنتي بعد لك سوابق بالأرهاب
الله يهديك إ‘لى الصلاح

[رقروقه]

الله وياج رنون

العيال غيرانين من البنوته

جالسه تحومر لهم من ورا سرتك
عاد شبوا يبونها تطلع عشان يستلمونها طراخ طريخ

تصبحين على خير حبوبه

[خجل الورود]

هههههههههههههههه الرقي عاد تذكرين ذاك اليوم يوم اكب الرمل علا شعرك ويجيك القمل خخخخخخخخخ عاد ذاك اليوم شافك الحبيب وشال سالفة الزاج من راسه رده وحده

[خجل الورود]

الرقي وينك

[خجل الورود]

ام ريم وين اختفيتو

[خجل الورود]

وينكم تركتوني وحيده استوحش علي المكان

[أم ريـم]

هلا رقرووقة حبيبتي هذي الصور من ابداعاتي
ذووووقيها وعطيني رااااايج هههههههههههه
كله شغل يدي
على فكرة تحصلينها في المرفقات اووك

[أم ريـم]

الووو خجل رقوروقة وووينج
لا يفوووتج ترى انا بالخدمة تعلمت الطبخ بسرعة ما اعووق
اقوولج ترى مسوية فتوش اذا تحبينه احط لج الصورة << تزويغه خخخخ

[حـ ـزن]

شهيتيني بورق العنب مع انو النفس ابد اليوم صاده حدها

بالعافيه عليكم ^_^

[أم ريـم]

الوووووووووووووووووووووووو
يعني الواحد بس ينشغل ولا يروح يذاكر يدخل وما يشوووف احد اففففففف<< عصبت النتفة هع

[أم ريـم]

اهلييييييين حزوونة اخبارك مع التعب عسى ما شر شفيها النفس صاده
انا اصد الي يصد نفسك خخخخ قولي لي بس منووو << تقلد على رقروقة هع

[خجل الورود]

اووووووووووف ام ريم ماتحمل انا على الطباخه وش هل حركات وش هل سنع
مشاءالله عليك لك مقاقا طبخ ونفخ ماالومك توك بداية الشهور الاكيف امداك سويتي هل عفسه وانتي عندك اختبارات

[خجل الورود]

هلا حزن اخبارك واخبار التعب معاكي

[أم ريـم]

حبيبيتي البليلة مشتهيته ولاززم اكله
اما ورق العنب مسويته من زمان بس مصورته عن خاطري
والايسكرريم مسويته من زمااان بس مصورته عن خاطري
واذا تحبوون الفتووش الحين انزل لكم شي من ابداعاتي في السلطات

[خجل الورود]

ههههههههه مشاء الله عليك اثاريك طباخه وانا ماادري اوف اوف شكلي بخليك تطبخين لي في طلوعي من الاربعين

[خجل الورود]

يلا حبيبات انا استاذن بقوم انام دام الاموره نايمه اليوم ماخلتني انا 10 دقايق على بعض يلا اشوفكم بكره انشالله

[نفيخه]

هلا كروووووووووشات شحالكم وحشتوووني يالدبب <<<<اسمع منو يتكلم المنفوخه بكبرها هههههههههههه

[نفيخه]

ببببببببببببل جيييييييت ووووووطرتوا ههههههههه

[أم ريـم]

اقووول حق رقروووقة لا تطلعين في لج مفاجئة تنتظرج
انكبت فيني << شكلها رااحت تولد هع
شوفي خجووولة انا امووت بالسلطات بالذات السلطات الخضرا وهذي صورة سلطة فتوش كبريها وتمقلي فيها عدددددل
بعدين تعااالي ليش اطبخ لج بعد الاربعين اختج همسة هوا ما تقصر مسكينة ما يظل ربيان ولا دجاج الا وتسوي لج اكيد ماراح تتركج في الاربعين هههههههههههههههههه
بس للمعلومية ما اعرف اطبخ لج حلبة وسويدة ومخلطة ورز حساوي فخلج على اختج همسة احسن لج ههههههههههههه

[رقروقه]

بااااااااااااااك

عسى ما نحشتي ام ريوم

لا تقولين بعد عليك أختبار بكره

طفشنا من اختباراتك خلاص طلعي << خراب هالمره

[نفيخه]

ام رييييييييييوم هنا زززين في احد ماضل لحالي جني السعلوو ههههههههههه

[حـ ـزن]

هههههههههههههههه والله انا مدري وش فيني اليوم حتى زوجي من يجلس جنبي
اجلس اتأفف مو متحملته خخخخخخخخخ
شكل الوحام نساني اسبوع ورجع ثانيه لي
واذا على الاكل من قل الاكل الاكل يقول لي نحفتي عاد انا يافرحتي خخخخخ
لانو اساسا كنت مشتركه بالنادي قبل احمل وبس كملت قريب الشهر حملت

[نفيخه]

ام ررريم انتي ثالث ثانوي ؟؟؟؟ هههههههه الله يساااعدج

ياختي افتكييييييييييييييييييييييييت من شي اسمه دراسه تعبت من هالجامعه حسبي الله عليهم ماتخرجنا الا بطلعىة الرووووح

[نفيخه]

حزززززززززززززززززززززززن ززين ماتنسيتي علينا بعد ههههههه يمكن عشاان ااحنا نفس حالتج ياوخيتي هالوحام الي مايخلص انتي الحين بالسابع صح ؟؟؟

[رقروقه]

يا الأجراااااااااااااام يا ام ريوم

نتييفه ماشاء الله عليك وست بيت بضمييير

تفو تفو لا تجيك عين هههههههههههههههه

لا وحاطه أجررم الطبخات ورق عنب وبليله وعسكريم <ركزي عسكريم
والله السعابيل بتشف


عوافي عوافي يا أم فتوش

أجل الرجل شمتنه الله يعينك لا يفغصك مافي نوم بعد اليوم

[حـ ـزن]

اف اف اف طيرتيني السابع مره وحده لاحبيبتي
انا بالرابع

[رقروقه]

حزن

أشوف ما تنسيتي علينا بس على هالدمر مسكين اللي عندك

هههههههههههههه

أقول يالله بس
والله أنا بداية الشهور أشم ريحة زوجي بصل
مسكين طايح بس تفرك بهالصابون لمن دعا بدنه أملللللللح
ههههههههههههههه <<لهجة حجيات




نفيخه شلونج مع البيبي أسمع يرفس فيج

[رقروقه]

خجووله راحت تنام مع نتفتها

أم ريوم وين طست <امون أمون

يمكن نامت يا عنوني ماورا الكرف في المطبخ
هههههههه

خلاص مسكتها عليك

[أم ريـم]

هلا رقروووقة واخيرنن جيتي
ها حبيبتي شتامرين عليه انا بالخدمة شنووو تبين اسوي لج بس على فكرة بعد الاختبارات بسوي حفلة حق حوااامل واطبخ لكم الي خاطركم فيه بس على فكره الي اعرفه بس << في اشياء ثانية ما اعرفها عليمية << طلعي على حقيقتج هههههه

[أم ريـم]

ايواا انا بثالث ثانووي
رقرووقة لا تعصبيني اهلي ما يكرفووووني وانا حااامل
هذا الطبخ مسويته من زمان ومصورته تحميطه بسسسسسسسس

[رقروقه]

لا تقصين علينا تعرفين كل أكلات الحجيات

اساساً شفتك في حسانا فله مسويه تراث اكلات الحسا


والحفله كلللللللها عليك

حلمي احد يجيب طبقه معاه
ههههههه

[رقروقه]

لا لا

اهلج كارفينج ادري


<<الليله يا ترفعين ضغطي يا ارفع ضغطك

[رقروقه]

ام ريوم


سمعت هالاسبوع صايدينك انتي ورجلج في البر غاملين تحت الكفر

عاد مالقيتو الا البر

ماعندكم محل دقيتوا علي
ادبر لكم لو دهليز شقتي

[أم ريـم]

اللللللللللله رقرووقة والله احب اكلات الحجيات بس ياليت اعررف اسويها
اشتهيت رز حساوي واشتهيت هررريس واشتهيت مفلق (جريش) واشتهيت كل شي حلوو من ديااات ماما بالذات في رمضاااان يا عيني ما تطلع الشعبيات الا في رمضااااان
والسلقية اذا تعرفينها هذي احبها حيييييل بعد امي كل تسويها بالشتااا
ياليت اعررف اسوي اذا تعرفين علميني بعدين تعاالي حسانة فلة اكرههه ولا فيه شي حلوو احووس فيه واطلع ما اشووف شي

[نفيخه]

رقرووقه اهي بس ترفس الا اشك انها تبين لها بيت داخل بطني كانها مطرقه والله العالم تصف طابوق ههههههههههههههه

[أم ريـم]

وي علي علينا اي بر واي دهليز رااايحة المستشفى موعدي هالسبوع ما تهنيت بهالخميس والجمعة
ياليت صايدينا بالبر على قولتج ههههههههه اهون من عذا ب المستشفى والمواعيد تاخذ وقت وتطير علينا هاليوميين الحلوووين

[حـ ـزن]

هالخميس امي واعدتنا تسوي لنا ز حساوي مع ودمه يم يمي هههههههههه
من حملت ادمنت الودمه حدي

[نفيخه]

اجل انا طايحه بالذره المشوويه ياويلي ويلااااااااه وريحتها الي تموووت والله رهيييييييييييييييييبه

[أم ريـم]

رقييييييييوي شكلج مطولتها وانا تاخرت الحمد لله اليلة ما اشتكلي لا من نساة ولا من غثيان تركتني شوي وراحت لحزوونة لازم اناام بدري ورااي دووااام درااااااسي يوووو الله يعيني
ادعي لي ام الرقي انشاء الله ما افتح بكرا المنتدى الا وانتي والد قوولي ااامين يعلج تولدين اليوم قبل بكرا

[عذبوك ياقلبي]

صباخ الخير كروشات رشيقات
كيفكم

[أم ريـم]

تصبحون على خير اشوفكم بكراا يا حلوااات باااي

[نفيخه]

هلا وغلا عذبوووووووووووووووووك شخبارك ام كررشه

ام ريم رووحي الله وياك وانتي من اهل الخير والله يعينك على جلسه الصبح <<<اكرهههاه ههههههه

[أم ريـم]

كرووشات اذا جات رقرووقة قولوا لها ترى البنت الي شايفتها بالبر مو اصل لا تشابه اسماااااء هههههههههههههههههههههههههههه يا كثر الام ريمات بهالزمن ايييييييه ههههههههه يلا باي

[رقروقه]

نفيخه

ههههههههههههههههههه صج السابع تزيد الحركه بزياده الله يحفظهن
أنا اصورخ عليها اقوى شي والله استخفيت بس اشوه الحين اعقلت بيتها صغر يا عنوني ماتعرف تتمغط عدل

حزن ما احب الرز الحساوي

بس الودمه يم يم
مايحتاج تاكلينها مب زين في الرابع طرشيها لي تكسبين أجر صج صج

ام ريوم

وي واعليا اي ادري رايحين المستشفى
بعد المستشفى غملتوا بالبر أقرب
ما انتظر الرجل لمن توصلون

ابد في الشنطه

<<ما اقصد شي


الله يقطع شرك تبين تفتكين مني تبيني اولد بسرعه

يالله طسي نامي لا تذبين خيط وخيط في نصوص الليول

تصبحين على خير يالحب

[حـ ـزن]

ههههههه ام الريم لا شوي شوي اهون
اقول بنات بلا خرابيط اكل ترانا ليل وحد حولنا لو اشتهينا شئ مو موجود

[رقروقه]

هاي عذبوك قلبي

اما رشيقات كثري منها يمكن تحس كرشاتنا

[رقروقه]

حزن شفيه اللي في توقيعك عصااقل

لا لا اعترض

اللي في توقيعي أرز منه

شوفي له حل وكليه بس طايحه تجمع في هالفلوس من ورا النقوط

[رقروقه]

يالله بنات بطير انووووم ودي اتهاوش وياكم واجننكم

بس النوم وصل للجفون

جااااااااااري اغلاق العين

[عذبوك ياقلبي]

رقروقه شفيش رجعتى لايام انساه مع حزن وام الريم انتى راحت عليك يا رشيقه ......مقدما رفع معنويات

[حـ ـزن]

وش نقوطه ياحظي >>> شايبه على غفله

ابد بس توه نونو صغير بتشوفينه دبيبي فديته او فديتها

متى بس اولد >>>> يااختي تو الناس عليك

[عذبوك ياقلبي]

مستعجله حزن
الحمل تعب والولاده تعب وتربيه تعب يعنى ابشركم ماراح ترتحون

[حـ ـزن]

عذبوك انا مو بكريه ترا
هذا حملي الثاني

[نفيخه]

وانتي من اهل الخير رقروقه وانا طالعه تامروني على شي سلااااااااااااااااااااااااااااام

[عذبوك ياقلبي]

الله يتمم لك على خير يارب بس في كلى حالاته تعب

[عذبوك ياقلبي]

تصبحون على خير رقروقه ونفيحه نوم العوافي

[حـ ـزن]

عارفه انو تعب بس اقصدلك يعني اني مجربه الحمل والولاده مو الولاده كلها نصها هههههههه

[عذبوك ياقلبي]

تعرفين انو الولاده لاولى تفرق هن الثانيه كثيررررررررر
احس انو الثانيه اصعب موت مو تخرع بس كلام

[عذبوك ياقلبي]

ويــــــــــــــــــــــــــــن رحتوا

[حـ ـزن]

ماابي افكر فيها نهائي خخخخخ
بس ان شاءالله هالمره اولد طبيعي مو يصبرون بعدين يقولون عمليه

[عذبوك ياقلبي]

ان شاء اللله على خير يارب وتجربين عذاب والالم ساعات احسن من ايام وكم الفرق بين الحملتين

[حـ ـزن]

3 سنوات الحين عمر ولدي

[عذبوك ياقلبي]

كويس الفرق بينهم وش سبب العمليه اول مره
انا عندي بنتين شهد وكوثر شهد بتدخل 6 سنوات وكوثر سنه وخمس شهور

[حـ ـزن]

ابد الله وكيلك نزلت علي المويه وانا بالبيت

ورحت عندهم اول شئ كان 5 منفتح وفجأه صار 1 سبحان الله
طبعا رحت لهم الصباح و9 بالليل توه 6 وخبرك المويه تنزل ونبض الجنين بس وصلت 9 سم
قام يتقطع بالتخطيط سحبوني للعمليات على طول

[عذبوك ياقلبي]

اهم شي سلامتكم
انا كان بنتى الثانيه كذا بس انهم اصبرو على على انى رحت المستشفي بسنزل على مويه وبدون الالم بس رحت تسع الصباح ولدت الساعه ثنتين الظهر على انو الدكتوره قالتلى انو ماراح اولد لا بليل او يوم ثانى خوفتني بس الحمد الله مرت على خير

[حـ ـزن]

الحمدالله بس شكلك حملتي على الثانيه بسرعه

[عذبوك ياقلبي]

ايه والله كنت اسوى مانعين وحملت حبوب وعزل وبس سبحان الله والحمد الله

[حـ ـزن]

يالله مكتوب لك الحمدالله
انتي اي شهر ؟

ودي اشوف وحده معااي

[عذبوك ياقلبي]

وين انا وين انتى انا باقي كم يوم وادخل الثامن
انتى صاحيه فاضيه وله ولدك صاحي

[حـ ـزن]

لا والله الولد وابوه نايمين انا سهرانه على جهاز الشغل حقي
انا مصوره اقضي وقت فراغي بهاالهوايه

[عذبوك ياقلبي]

كويس الله يوفقك شغلك لحالك ولاه مع مشغل

[حـ ـزن]

لا لحالي
بس فيه كم استديو يطلبون مونتاج اذا انزحموو

[عذبوك ياقلبي]

يوفقك ربي
انا كنت انقش حنا بس مع الحمل فقدت الذاكره حتي خواتى شبكتهم بعد مااولد يقلون لى حط لنا حنا وانا اقول خلص انا نسيت كيف ارسم او امسك القمع بديت اخرف على صغر السن

[حـ ـزن]

ههههههههههههههه
ماتنسين بس يدك اكيد ثقلت شوي
والله طلعو بنات هالتجمع موهوبات ماشاءالله

[عذبوك ياقلبي]

اجل كيف هذول بنات الاحساء

[حـ ـزن]

الا جد ماتعرفين محل يبيع فساتين تناسب حمل حتى لو ناعم
انا اليوم بفرفر بالعثيم على امل احصل
زوج عم زوجي بعد شهر تقريبا وابغى افتك من الحين

[عذبوك ياقلبي]

انتى بايم عليك الحمل ولا لا
روحي السويق راح تلقي

[حـ ـزن]

حاليا يس في بروز ببطني لكن مو بالحيل يعني بس واضح انه بطن حامل
اتخيل على الشهر الجاي بيكون اوضح

[عذبوك ياقلبي]

اكثر شي تعانى فيه الحامل الملابس مافي محلات كثير خاصه فينا

[حـ ـزن]

انا كنت شايفه بالبستان فستان سهره بارز بس ناعم بعد
قصة صدر يعني بيناسبني بس رحت ولاحصلته باليوم الثاني
وشايفه من فتره بالعثيم قلت بكرا باخذ جوله لي ان شاءالله احصل

[عذبوك ياقلبي]

تعرفين انا الى ماجله شبكت خواتى لين اولد مافي افرفر بسوقه ودور فستان لى انا وكرشتي وانا احب انطط ورقص مقدر كان ماروح شبكتهم

[حـ ـزن]

بعد بعد ههههههههههههههههههههههه

مساكين خواتك صراحه احس خطابهم حقدين عليك

يالله وصل النوم خلاص تصبحين على خير انبسطت بسواليف معك
ولنا لقاااء ان شاءالله

[عذبوك ياقلبي]

وانت كذالك بااااي وبتوفيق

[عذبوك ياقلبي]

بسالكم يحلوت الى زارت النافوره الى نسمع عنها وينها الله خليكم تدليم عليها خاطري اشوفها وانا زوجى حساوى ومو حساى صار من سكان الرياض ميعرف شي هنا الى تعرفها تخبرنى عنها وبث

[خطيرة الملامح]

صباح الورد
كيفكم يالكروشاااااااااااااااات
بناااااااااااااااات باركوا لي الحمد لله اليوم دخلت التاسع
خجول والله قصة ولادتك خوفتني انا ماكنت افكر بالولاده ابد
بس قريت قصتك والحين دخلت التاسع الله يعين
وانا اكره شيئ عندي مستشفى الولاده مااطيقه ابد
طمنينا عن النتفه بنتك كيفها
ام ولاء ولدت ومادخلت لها وحشه ودنا نسمع بااكشن ولادتها وكيفها مع بنوتتها
والاميره متى بتقولين لنا قصة ولادتك وكيف مهودي الي ماطلع الا بطلعة الروح يتغلى خخخخ

[خطيرة الملامح]

بسالكم يحلوت الى زارت النافوره الى نسمع عنها وينها الله خليكم تدليم عليها خاطري اشوفها وانا زوجى حساوى ومو حساى صار من سكان الرياض ميعرف شي هنا الى تعرفها تخبرنى عنها وبث

بصراحه انا مارحتها بس سمعت انها قريبه من مجمع الاحساء

[همسة هواء]

صباخ الخير كروشات

[همسة هواء]

لا تزعلون انا عزمتكم على ذاك الطبخ ولا احلى منه مقبلات وحلويات وعصيرات ومشويات ومجموعه من اطباق المكرونه والارز واللحوم و الشوربات وورق العنب الله على ورق العنب واشكال من كبة البرغل وكبة الخبز وكبة الهريس ووووووووو لاتخافون مو من المطعم انا اسويه لكم بس تعالوا

[همسة هواء]

بلللللللللللللللللللللللللللللللللللللللللللللل مافي احد اهى اهى اهى جالسه بريحاتي خلاص بقوم وخلكم يا هفوفيات ومبرزيات وقرويات وبطاليات وعمرانيات وووووووووو مادراي بعد شنو يا حساويات هعهعهعهعهعهعهعهعهعهع

[همسة هواء]

اقوال خجوووووول جهزي العشاء اليوم انا جايه عندكم وجهزي النتفه بجي اخذها جهزيه ابقي اشوفها فهمتي مو جايه اغير حفظات واسبح لالالالا انا جايه العب معاها

[الريم الشارد]

مساكم خير بنات ... اخباركم..؟

[أم ريـم]

قووووووووة عليكم
يا حوااامل شوفوا لي حل نفسيتي تعبت من الغثيان المشكلة بالبيت ما يجيني شي بالمدرسة واول الصباح يجيني مااقدر اركز مع المعلمة ولا اكتب شي معها اغلب الوقت حاطة راسي على الطاولة تععععععععععععععععبت وانا مش متعودة على هلوضع حتى المعلمات فقدوا نشاطي واهتمامي ومشاركتي في الحصة قرفااااااااااااااااااانة من عيشتي

[الريم الشارد]

ام ريم لازم الغثيان يكون الصباح ... طيب خذتي لك حبوب الغثيان كويس مره خلي الدكتوره تكتبه لج.. واذا ما فاد اول ماتجلسين من النوم اكلي بسكوت جاف او كورن فلكس بدون حليب ملعقه او شابوره جافه اهم شي مقرمش ويروح ان شاء الله

[ياسمين0]

قوه
اخباركم ...
شمسوين مع الثقل .. الدبه كل مالها وتنزل هئ هئ والشكل الله خير ..

[ياسمين0]

ام ريم الله يعينج على الوحام مجربته بالدراسه ضيقه خلق بس حاولي تخففين منه
بالحبوب .. والبسكوت الجاف ومره سمعت بالتي في عن الموز
وانا نفع معاي الموز اول مااجلس اكل موزه وخف
ههههه اضحك

[عذبوك ياقلبي]

هااااي بنات كيفكم
مشكوره خطوره على التوضيح

[خجل الورود]

سلام كروشات اخباركم

[نجوم السحر]

وعليكم السلام خجوله

كيف حالك وكيف حال القمر

[خجل الورود]

هلا نجوم انا بخير والحمد الله والقمر كافي مطلعه قروني
انتي اخبارك طمنينا عنك
الاوين اختفيتي امس؟

[نجوم السحر]

امس زوجي قال بيتاخر بيطلع من العمل وبيروح الاستراحه

الا اشوي هو فوق الباب وطلعت بسرعه رحت الشقه

[خجل الورود]

اها عشان هيك قلت يمكن نمتي قدام الجهاز

[نجوم السحر]

ههههههههههههههههههههه ترى يجي مني من حملت والنوم سلطان

الا صج توني اقرا قصت ولادتك الله يجزي امهاتنا الجنه يارب

من اسمع قصة ولاده اخااااااااااااااااااااف

[خجل الورود]

هههههههههه اصلن هذاتي معانات المرأة في الحياة الحمل والولاده

[خجل الورود]

نجوم انتي وين ساكنه في الاحساء

[نجوم السحر]

اي والله هم البنات للممات

بس حلوه البنت مهما كان فرحتي يوم كان بكرك بنوته ؟؟؟

[نجوم السحر]

انا من المبرز يا قلبي

[خجل الورود]

صحيح فرحة بس بصراحة تعبت بزود من كثر التعب تنكدت علي الفرحه

[خجل الورود]

مشاءالله كلكم امبرزيات هنا

[نجوم السحر]

الحمدلله الله يخليها لك يااااااااااااااارب وتنسين التعب

وانتي من وين ؟؟

[خجل الورود]

انا من الهفوف

[بنوته أموره]

احين مااشوف حامل ههه

مين حامل منكم

[نجوم السحر]

والنعم يا خويتي فيكم