دردشة حوامل الأحساء- تجمع بنات الأحساء - الحسآويآآت

[نفيخه]

ااايه لاانه زواج حماها وجاااء اليوم اتوقع بكره العرس

[نغم]

لا اللولب قالت لي تعالي أول يوم نجيك الدوره وأركبه عشان مايصير انه ينزل مني دم وانت بكرامه واتلعوز

[نفيخه]

اهااااا الله يعييينننك

[نغم]

أها عندها زواج وناسه انا عندي شبكه وزواج رحت العثيم اليوم مع حماتي وماحصلنا شي احس الموضه بايحه حدها

[نفيخه]

بررررررررب

[نغم]

وانا برررررررب بنام دايخه بنات اللي بيدحخلون بعدي باي وحشتوني موت تصبحون علي خيرات.

[الاميره المغروره]

السلام عليكم
بناات كيفكم وكيف احوالكم
اللي تبي فساتين اجار انا ااجر

[نفيخه]

انا جيييييييييتكم :)
هلا الاميره شنونك

[نفيخه]

ووووينكم طرتوووا ؟؟؟

[نجوم السحر]

السلام عليكم

[نفيخه]

هلا نجوووووووووووووووووم السحر
شخبارك
انتي مثلللللللي بالثاامن

[حور يوسف]

السلام عليكم
انا جديدة وبكرية با الشهر الخامس
دعواتكم

[نفيخه]

هلا حووور
ربي يتمم عليك ونشووفك تفووحطين بالتاااسع :)

[حكاية مكان]

صباح الخير كرروشااااات
فيه احد ولالا

[نفيخه]

هلا حكااايه شخبارك واخبار زهوور واخبارج مع الجراحه ؟؟

[حكاية مكان]

والله الحمد لله كل شي تمام

وهذهي النتفه ماتخليني انام اقووووووول خلاص راح وقت النوم

[whiteroes]

هاااي كراريش اخباركم
اشتقتت لكم ولسوالفكم
نفوووخه كل عام وانتم بخير وطول العمر مع بوعباااس
اقول ابي اشوف الدبله زغه قلبي

[نفيخه]

ههلا بيييييك ووايت تسلمين يالغلا كلك ذوووق
ويخلي لك كول غالي يارب
شنووونك يابطه من زمااان مادخلتي

[حكاية مكان]

اخباااااااااااارك وايت

ولا ولدتي خخخخخخ

[whiteroes]

لا ما ولدت توا الناس هههههههههه
خبرج انشغلت تونى مخلصه تجهيز اغراضي انا وولدي والنوم سلطان كل نايمه
بس الحين فضيت

[حكاية مكان]

ووووووووووووووووووووووووووووووووووووووووووووينكم

[whiteroes]

حمد الله على سلامتك حككويه
اخبار النتفه
الفال لنا يارب بولاده سهله على قولت امي الله يعطيج هون الطلقه

[نفيخه]

اقووووووول
انا بقوم اجهز للصلاهه وبعدها بنااااااااااااام
اشوووووفكم على خير بااااااي

[حكاية مكان]

الله يسلمك وايت
والنتفه زينه تسلم عليك
والفال لكم يارب

[حكاية مكان]

الله يتقبل مقدمااااا
ونشوفك على خير

[whiteroes]

الله يتقبل ام عباس
نشووفج باكره
حكوويه ها اخبار الولاده ب بولاده
عسا ما لعوزك الطقم الموجود

[حكاية مكان]

لا الحمد لله احسها هالمره تسهلت
والطاقم الموجود كان تمام مو مثل كل مره

[whiteroes]

الحمد الله
يلا اشوفكم بكره على خير

[حكاية مكان]

انتي كم لك من دخلتي التاسع وايت ؟؟؟

[أم ريـم]

هااااااااااااااااااااااااااااااي حكوكة موجودة؟!

[عذبوك ياقلبي]

هلا ام ريم كيفك
اخبارك

[أم ريـم]

تمامووو
عذروووني ما ادخل هالفترة بس انشغلت مع حووسة التسجيل والقبول ادعوا لي

[عذبوك ياقلبي]

الله يتمم لك على خير يارب

انتى كم جبيتى بقياس

[أم ريـم]

اامين يارب
71 قدرات
75 تحصيلي

[عذبوك ياقلبي]

ان شاء الله خير
تمام
انا اختى جابت يمكن 66
على انها في المدرسه جايبه مثلك 92 بس تقول كله رياضيات الاختبار الى عطوها وهي متحب هل ماده ولا عرفت كويس هي ادبي اختى
حيل عصب وزعلت يوم الى طلعو النتايج

[أم ريـم]

يووو قوولي لها لا تحاتي عادي ترى مو كل الكليات اعتمادهم على اختبار القدرات
يعني مستحيل تجلس بالبيت اكيد بتنقبل دامها جايبة 92 وبالعكس احسن من غيرها اختبارها حلو

[عذبوك ياقلبي]

والله شايله الدنيا وحطتها من الزعل
وكله معصبه
لانها تحب الدرسه
حييييل
حتى يوم الى طلعت النتايح رمت الجواال فكته قطعه قطعه

[أم راكان الحربي]

hwaml53كيفكم...؟
أنا جديدهـ وبنص الشهر الثامن

[رنين الصمت]

مساء الخير بنات الجدد والقدم المغبرين

[الصمت عشقي]

هلا كروشاااات قديمات وجدد
اخباركم مع التعب .......؟؟؟؟
بو حد والا لا؟؟

[نغم]

هلا بنات مين بوه اشتقت لكم ودي اهذر وياكم

[ريم الحربي]

مسآآآآآآآآآآئكم خير ,,,
اخباركم واخبار البيبيات ان شاء الله بخير ؟؟؟
اشتقت لكم بالحيييييييييييييل ...

[الصمت عشقي]

ياهلا ومررررحبا
اخبار نغوم واخبار علووووشه..؟
اخبارك ريم مع التعب عساك بخير يارب؟؟؟؟

[ريم الحربي]

هلا بش صموت ,,,
انا بخير ولله الحمد ,,, بس التعب ياالله يعيني عليه ,,, دعواتكم لي بتسهيل ولادتي ...

[الصمت عشقي]

ربي يسهل عليك ان شاء الله
انتي باي شهر؟؟؟

[نغم]

هلاصموت انا بخير بس علوش شوي تعبانه ما ادري شفيها احسها متوتره وبس تصيح شكلها بتزكم
انت كيفك وكيف البيبي

[ريم الحربي]

انا بنص الثامن وربي يعين وولك بالمثل ان شاء الله ...

[ريم الحربي]

والله ونعم فيكم يا اهل الأحساء ايـش عليكم .. يا الحســــــــاويه..
يا مهندسين …. أو مدرسين.. او رتب في .. العسكريه ..
والسيارات ... تموتون .. في الكابرس..
بشرط .. بيضه من بره .. ومن .. داخل .. عنابيه ..
ايش عليكم .. يا الحســـــــــاويه ..

عندكم ... عين ام سبعه.. عندكم ... عين الجوهريه ..
عندكم .. جبل قاره .. مع .. سوق .. القيصريه ..
وكلامكم .. تمطونه .. مط ..
صاير مميز .. وله .. نغمه .. موسيقيه ..
ايش عليكم .. يا الحســــــــاويه ..

في .. اعراسكم .. تحبون ... العنيه ..
البنت مهرها .. اربعين .. والثيب.... بعشرين.. وشويه ..
وعمتك ... وعساها .. ما حبتك...
واجب ... تحب راسها ... وقت .. الصباحيه ..
ايش عليكم .. يا الحســــــــاويه ..

حريمكم .. اما .. معلمه .. أو .. جامعيه ..
توفر .. لك .. القرش .. تحطهم .. في ... جمعيه..
وتعينك .. يشهد الله .... ما هي .. رديه ..
ايش عليكم .. يا الحســــــــاويه ..

فيكم .. صفات الطيب .. و ناساً اجتماعيه ..
فيكم... كريم النفس.. و فيكم .. قوي .. الشخصيه ..
وصدقوني .. لو ادور .. كل السعوديه ..
ما راح .. القى مثلكم .. يالحساويه ..

[رنين الصمت]

شلونكم يالمنافيخ

شخباركم ودي اسهر للصبح اسولف معكم بس هالرهاق مو مخليني

[وردة القدس]

مرحبا في احد موجود؟؟؟

[نور قلبي اطفالي]

هلا فيكم شخباركم كلكم ..

بالخصوص رنين هااا بشري عسى ولدتي

[ريم الحربي]

هلا بكم وش بلاكم اليوم كلن نااااايم ,,, تسلموون وتروحون ؟؟؟

[الصمت عشقي]

شفيك ريم مابعد تجي حزة التجمع

[حكاية مكان]

شخباااااااركم كروشااااااات

[الصمت عشقي]

هلا حكايه
اخبارك واخبار زهور عساها بخير؟؟؟؟

[حكاية مكان]

هلا صموووته انا بخير والحمد لله

وزهراء كل صياح الله يعينا

[ريم الحربي]

اهأآ لان انا بس اليوم عندي النت لان خيتي هنا عندي وابا اشوفكم كلكم واشوف سوالفكم فوديتكم ...

[حكاية مكان]

انتي صموته اخبارك واخبار البيبي

هلا ريم اخبارك مع التعب الله يسهل عليكي يارب

[ريم الحربي]

انا بخير يابعد حيي وطيبه ولله الحمد ,,, والتعب متحملينه ع شان عنون البيبي وربي يهون ,,,

[رنين الصمت]

مساء الخير للحلوات امهات الحلوات

شلونكم جميعا

[رنين الصمت]

ها وينكم وين اختفيتو تعالو

[وردة القدس]

مرحبا الله يقومكم بالسلامة
كنت حابة اسألكم سؤال اذا في مجال

[whiteroes]

هاااااااااااااااي كراريش اخباركم

[وردة القدس]

انا في الاسبوع الخامس والى الان مو حاسة باعراض وغثيان!!
هل هاد طبيعي طمنوني الله يخليكم

[الاميره المغروره]

هلا اخبااركم بناات؟
تفضلي وردة القدس اسئلي

[whiteroes]

اهلين ورده والاميره اخبارج معا عياالج ها طلعتى من الاربعين
كبر مهودي
ورده اتتوقع طبيعى بعض الحريم ما توحم اصلا ما كنها حامل

[وردة القدس]

حبيبتي تسلمي انا خايفة يصير فيني متل حملي السابق لأني اجهضت وماكنت حاسة باعراض الحمل
متى تبدأ الاعراض بالتقريب انا عارفة كل وحدة تختلف عن الثانية
بس والله خايفة ومو قادرة استنى للاسبوع الجاي واشوف التصوير

[whiteroes]

يلا اشووفكم على خير
بقوم انام زيكم هههههههههههههههه طن

[الاميره المغروره]

عااادي خيتوو في ناس ابد مايتوحمو

[ريم الحربي]

ورده هاذ شي طبيعي انا بالاول تسذا ماكنت احس بأي شي وكنت مسقطه قبل وكنت خايفه يكون مثل الاول بس الحمدلله حسيت بكل الاعراض في الشهر الثاني او الثالث والله يثبت حملك وتحسين بكل الاعراض ان شاء الله ...

[الاميره المغروره]

نوم العوافي انشاءالله

[وردة القدس]

انشالله يكون شي طبيعي بس انا سمعت انو هالاعراض دليل على انو هرمونات الحمل شغالة
عشان هيك خايفة
الاميرة وين ولدتي؟؟ الحمدلله عسلامتك

[الاميره المغروره]

الله يسلمك ولدت في الولاده

[وردة القدس]

كيف كانت؟ انشالله تمام؟
فيه يمدحونه وفي ذمونه
صديقتي ولدت في الولادة

[الاميره المغروره]

والله ولدت هناك مرتين وصراحه حسيت انهم حليوين وفي دكتوره
مصريه جناااااان جنااااااان تمسح على راسك وتدعيلك
اهم على الوحده نفسها اذا ماساعدتيهم اهم الي يعصبون
بالعكس انا اسوي مثل مايقولون لي ويشجعوني ونااسه

[نور قلبي اطفالي]

هلا فيكم اخباركم .. النت عندي كلش ميت اهئ

[الاميره المغروره]

هلا نور الله يعينك

[وردة القدس]

صح اهم شي الوحدة ماتصارخ هههههه عشان يعتنوا فيها كويس

[أم ولاء]

سالخييييييير حبوبـآآتـ ...
اخبآركمـ واخبآآر النونات الي برا والي لسه جوا ههههـ ان شااء الله بخير .؟

[الاميره المغروره]

هلا ام ولاء الحمدلله بخير
انتي اخبارك؟

[الريم الشارد]

هلا حبوبات وحشتوني موووووووووووووووووووووووت اشتقت لكم

[أم ولاء]

هلآ وغلا الاميرهـ ,,,
عااش من شاافج خيتي :)
الحمدلله تماام انتي اخباارج واخباار الكتااكيتـ ..؟

[أم ولاء]

هلا هلااا الريم تو مانور التجمع
كاان زين تجي خجل ورقررووقه ويلتم الشمل هههههـ
أخباارج ان شااء الله تمام وكيف فضيله هههههههههه>> مانست

[الريم الشارد]

الاميره
ام ولاء ورد القدس

اخباااركم ان شاء الله بخير

[الريم الشارد]

هههههههههههههههه

لالا غزلان تطورنا ماعلي من امه وامي خخخخخخخخ

[أم ولاء]

تمام الحمدلله
اي والله فررق من فضيله لغزلان هههههـ ..
ذووق ماشااء الله *_^
عساها بس اسم على مسمى هههههـ

[أم نواف 1]

بنات بسألكم
من جربت الولاده في المانع
حلوه والا

[حكاية مكان]

صباااااااااااااااح الخيرات

[رنين الصمت]

صباح الخير للجميع منو موجود هلا

[رنين الصمت]

هلا حكايه صقيقتي كيفك وكيف سميتي زوزو

[حكاية مكان]

هلا والله رنووووووووونه
اخبارك واخبار النونو ها متى قررت تطلع

[حكاية مكان]

سميتك زينه وتسلم عليك وتقولك متى صقيقتي بتطلع عشان العب وياها

[رنين الصمت]

هلا حكايه والله هذه هي تفحط في كرشتي وشكلها جازت لها الجلسه داخل

مو راضيه تطلع عنيده مادري من طالعه عليه

[أم نواف 1]

ليه ماتردون الولاده بالمانع حلوه والا لا

[حكاية مكان]

طيب حبيبتي رنونه كثري من اكل الرطب انا اذكر من دخلت الشهر التاسع كنت اكل رطب واجد
واحس هالشي سهل ولادتي

[حكاية مكان]

قلبي ام نوااااااف ماجربناها انا توي والد قبل 10 ايام وولدت الاطفال والولاده

[رنين الصمت]

هلا ام نواف شخبارك

والله يا وخيتي ماقط جربت الولاده فيه ولا باي مستشفى خاص
انا ماولد الا بالنسا والولاده حق الحكومه

[أم نواف 1]

يابعدي والله
الله يجزاكم خير
ويبلغكم في عيالكم بالعافيه ياقلبي

[رنين الصمت]

حكوي مو مقصره باكل الرطب اصلا من صار الرطب وانا طايحه فيه طيحه احس كله مشتهيته

[أم نواف 1]

طيب أنتم بكر والا ثني والا سبق لكم الولاده

[رنين الصمت]

امشي والطلق يجي ويروح والرحم فاتح عندي 2 سم بس مو راضي يزيد وانا طفشت مره

[حكاية مكان]

يلا ان شاء الله مايطلع هالاسبوع الا وانتي ووالد ومرتاحه
ترى البنت تطول هههه وطلقها يعذب رايج جاي هههه

[رنين الصمت]

اي والله احس من دخلت الثامن والطلق يجي ويروح واستبشرت هالمره قلت شكلي ماراح اطول دوم الطلق جاني بالثامن بس شكلي خاب املي هالبنت ماسكه بضريساتها بطني

********

ام نواف انا عندي ولدين والحين حامل بالبنت ادعيلي

[حكاية مكان]

شرااااااااايك في رجول بنتي فديتها النتفه

[رنين الصمت]

ربي يخليها هي وارجيلاتها عقبال ماتصورين صبت الرجل ليلة عرسها

ها من تشبه طلعت ؟

[رنين الصمت]

اشتقت كثير حق بنيتي ودي اشوفها بس مو راضيه تطلع والا حدي مشتاقه لها

[حكاية مكان]

تسلمين رنونه وعقبال ماتشوفين بنوتك في احضااااانك ي يارب

والله ماضل ماحد ماشبوه فيها بس يقولون تشبهني فديتها

[أم نواف 1]

رنين الله يخلي عيالك لك
ويقر عينك بشوفة بنتك بصحه وعافيه



بس بسألكم من جد الولاده تخوف والا تهقون
انها شي عادي

[أم نواف 1]

والوحده تنحف بسرعه بعد الولاده
والا تطول

[رنين الصمت]

البنت لها سبعة اوجه كل يوم تشفينها تشبه احد ربي يكبرها ويخليها ويعرسها

[حكاية مكان]

شفتيها رنوووووووون

[أم نواف 1]

حكايه ماشاء الله تبارك الله
بنتك اللي بالصوره تجننن مره
الله يحفظها لك من الحاسدين

[رنين الصمت]

هههههههههههههههههههه ام نواف

اكيد الولاده تخوف بس هذه تساهيل من رب العالمين ان شاء الله تكون الولاده سهله واتكلي على الله

اما على الجسم حدث ولا حرج بعضهم بسرعه ينحفون وبعضهم يطولون بس يرجع الجسم بعد ست اشهور لانه الرحم يرجع لمكانه

[حكاية مكان]

يسلمو قلبي ام نواااف
وان شاء الله عقبال ماتشوفين اللي في بطنك في حضنك يارب

[أم نواف 1]

لا تلوميني بكريه خخخخخخ
وأوسوس
الله كريم يارب هونها على عبيدك الضعوف



والرضاعه وش رايكم فيها صدق تنحف

[رنين الصمت]

ربي يسلمها ييييياي شحلوها ربي يخليها

شذا انتي زدتي شوقي حق بنتي بتخليني الحين اقوم اطامر عشان اولد بسرعه

ياربي على البنات شحلوهم

[أم نواف 1]

آمين يارب
ياقلبي ياحكايه أنتي ورنين أخلاق ماشاء الله
حبيتكم من كل قلبي

[رنين الصمت]

ام نواف مادري عن الرضاعه لان اولدي البكر فطمته بعد 6 اشهور لاني حملت عليه
والثاني هو عاف صدري بس خذت شهرين من جبته شكله ماعجبه طعمه ههههههههههههههه

[حكاية مكان]

هههههههههههههههههههههه

ياقلبي ان شاء الله بكره تولدين يارب وتجيبين بنوته عسوله مثل بنتي

[رنين الصمت]

مشكوره ام نواف هذا من طيبك

الا انتي باي شهر الحين ؟

[أم نواف 1]

يوووووه الله يعين والله
يارب سهلها

[رنين الصمت]

الله يسمع منش يا حكويه ان شاء الله الفجر يجي الطلق حار فجأه واولد واطلع الخميس من المستشفى انا وبنيتي يارب يا كريم شكلي بنذر حلال المشاكل ان ولدت بكره

[حكاية مكان]

يسلمو ام نواااااااف وربي من ذوووووووقك

[أم نواف 1]

انا خلاص لي تقريبا ثلاث أسابيع بالتاسع
وماأبقى أولد الا في رمضان
بس زوجي يحن كل يوم ماولدتي
يالله زهقنا قلت له يما منك مدري شايله
ببطنك علشان تحس بالثقل
اوووف لا تحن
وهو كل يوم يحن

[حكاية مكان]

الله يسهل عليش يارب

[أم نواف 1]

رنين سمعت انو الأناناس والكيوي
خذيهم طازجين مكس من محلات العصير
واشربيهم وبإذن الله تولدين قريب

[رنين الصمت]

يؤؤؤؤؤؤؤؤؤ ام نواف انتي عكسي انا الللي احن وزوجي يعصب علي لا تحنين الله يكفينا شر هالحنه يقولي

وانا مثلش ان شاء الله اجل نولد بكره ثنتينا

الا وش قالو لش بنت او ولد ؟\

[أم نواف 1]

ياقلبي ياحكايه
أنتم نفاسكم في بيتكم والا عند هلكم

[رنين الصمت]

اي صج بكره الاربعاء اخلي بو الشباب يجيب لي اناناس طازج انا حلمانه بالاناناس بس ماكلته بالحلم شكله تنبيه لي اكله

[حكاية مكان]

ياقلبي الله يساعدك ام نواااف ترى كلهم كذا انا كان زوجي كذا يقول لي حشى سنه وانتي حامل ههه وكل يحن الفتره الاخيره صار يتحلم بالبيبي
ومن اتصل عليه وهو برى قاللي ها اجي اوديش المستشفى ههههه
ماارتحت من حنته الا يوم ولدت الله يعينكم يارب وتولدون وترتاحوووووون

[رنين الصمت]

ام نواف اكيد عند الحجيه بيكون النفاس

[أم نواف 1]

خخخخخخ
لا والله أبي أولد في رمضان
أنتي ربي يسهلها عليك ياخيه
أما أنا خليها لرمضان أحلى



قالوا ولد والله يكتب الخير
مع اني أموت في البنات
بس الحمد لله عطيه من ربي تستوجب الشكر والحمد

[رنين الصمت]

يلا اللي يجي من الله حياه الله

ليش تبين في ارمضان الوحده تبي الفكه وانتي تبين اطولينها غريبه

كل ذا خوف من الولاده ههههههههههههه

[أم نواف 1]

ههههههههاااا حلوه ياحكايه
الله يعينا أب جديد متحمس
الله يبلغه ان شاء الله
شكلي مثلك ماأرتاح الا اذا شافه بحضنه
خبرك البدو يحبون الأولاد


ايه والله صدق يارنين

[حكاية مكان]

لا انا في شقتي مو عند امي وربي احس تلعوزت
لان امي مسافره الله يرجعها سالمه
وقلبي انا مو بكريه عندي ثلاث وهذي البنوته ارابعه

[رنين الصمت]

ام نواف اجل بتسمينه نواف

انا ام نايف وانتي ام نواف

[أم نواف 1]

ههههههههههاااا
وأكثر كل يوم أبكي بحضن زوجي
وهو يقول ياعمري كل الناس يولدون
مهوب بس أنتي
قلت له لا بس يمكن أموت
في النهايه زهق وقال لي
ماأحد يموت الا بيومه خخخخخخخخخ

[رنين الصمت]

ربي يساعدش يا حكويه اجل من نفسش يا عمري

ومتى بتجي الحجيه ؟

[أم نواف 1]

الله يعينك حكايه النفاس يبي له عنايه
الله يخلي لك بناتك ماشاء الله
تبارك الله البنات حلواااات بالبيت والله



امممم يارنين اسم ولدك حلووووو مره
ان شاء الله مايغير رايه أبوه
أخاف بآخر لحظه يكون شي ثاني

[رنين الصمت]

هههههههههههههههههههههه ام نواف عادي هالخوف انا نفس احساسش يوم كنت حامل بالبكر

تعوذي من ابليس هذا هو يخوفش

الاعمار بيد الله

بتوليدين وبتقومين بالسلامه وبتضحكين على روحك لتذكرتي هالمواقف

[أم نواف 1]

مين هي الحجيه

[حكاية مكان]

هههههههههههههههههههههههههه
هههههههههههههههههههههه

حلووووووووه
شكلك زهقتيه ام نااايف

[أم نواف 1]

شكلي كذا الله يعين
يالله يابعدي مررررره تشرفت بمعرفتكم
الله يخلي لكم أزواجكم وهلكم وعيالكم وغواليكم
أشوفكم على خير يالغلا

[رنين الصمت]

هههههههههههههههههههههههه الحجيه ام نواف هي الوالده ربي يرجعها بالسلامه انا بعد مسافره امي بس ان شاء الله بتجي السبت او الاحد بالسلامه

[حكاية مكان]

والله مافيه احد نفسني جتني اختي يومين لانها ف في الدمام وراحت
وباقي الايام على هالشغاله اللي رافعه ضغطي وامي مطوله ماراح تجي الا على هلال رمضان

[رنين الصمت]

الله وياش ام نواف ويلا لاتقاطعينا خل انشوفش زورينا في ديوانيتنا ههههههههههههههه

[حكاية مكان]

الليله ماحد بين من المنفوخااااااااات وين متخمرين ؟؟؟؟؟

[رنين الصمت]

يؤؤؤؤؤؤؤؤؤ واعليا ياعمري شان قلتي لي اجي انفسش عدل مايعتمد على الشغاله بدل ماتريحش تعلش ازياده

[أم نواف 1]

هههههههاااااا وأنا أقول وشو الحجيه
الله يخليها لكم يارب
حلو كلامكم الحساويات أحس فيه أشياء تجذب
كأنكم كويتين خخخخخخ
يالله تصبحون على خير

[رنين الصمت]

وانتي من اهله ام نواف ربي يسهلها عليش

[حكاية مكان]

تسلمين قلبي رنوووووونه ادري ماتقصرين
بس انتي ثقيله واللي فيك مكفيك
يلا لازم نتحمل شنسوي بس كل اقول خل تجي امي وبطلع حرتي فيها لاني منقهره انها راحت وخلتني الله يردها بالسلامه يارب

حيااااااااااااك الله ام نايف ولاتقاطعين طلطلي علينا وطمنينا ا

[رنين الصمت]

هههههههههههههههههه لجات الحجيه تدلعي عليها وخليها تنفسك من جد وجديد هههههههههههههههه

انا امي اتصلت امس وسالتني ماولدت ؟

قلت لها لا مأجله ولادتي لين تجين عشان تسبحين بنتي مافي تقص علي زي اختي ولدت يوم الاثنين وامي سافرت يوم الاربعاء مسكين ولدها ماتسبح لانه اختي الكبيره تخاف تسبحه وسره ماطاح

سبحته بس مره حماتها يوم جات لها

[حكاية مكان]

تصدقيت مثلي اخاف اسبحها بس حماتي ماقصرت اذا بقيت اسبحها اتصل عليها وتجي تسبحها ولا كان بنتي خااست هههه

[حمرة الورد]

هلا كراريش شحوالكم

[رنين الصمت]

ههههههههههههههههه لا انا عادي اعرف اسبح الطفل لاني كنت اسبح اختي اول قبل ماتزوج
بس اهم شيء يكون طايح سرها لاني اخاف اذا سرها ماطاح ؟

الا زوزو طاح سرها وشنو حطيتي عليه وكم يوم وطاح ؟

[حمرة الورد]

اخبارك حكايه الحمد لله على السلامه مبروك ماجاكم وتتربي بعزكم
اخبارك رنين مع التعب والثقل ربي يسهل عليك

[رنين الصمت]

هلا حمره احنا تمام ولله الحمد انتي شنونك ؟

[حكاية مكان]

هلا والله حمرة الله بيارك فيك يارب

والله للحين ماطاح سرها انا بناتي يطولون مايطيه بسرعه

[حمرة الورد]

دووووم ان شاء الله انا الحمد لله تمام

[رنين الصمت]

يؤؤؤؤؤؤؤؤؤؤ طيب ماحطيتي شيء على سرها ؟

انا قلت بشتري بودرة سر من الصيدليه اذا ولدت

[حمرة الورد]

حكايه تحطين عليه مسحه طبيه؟
انا بنتي طاح ثامن يوملانه احط عليه مسحه طبيه

[رنين الصمت]

ولدت اختي تحط مسحه طبيه وضل 12 يوم وبعدها طاح

وانا بولدي البكر طول وبعدها طفشت امي وحطت كحل عليه ويومين بس وطاح

[القلب الأبيض]

http://forum.hwaml.com/t66596.html#post1286865

[رنين الصمت]

يلا حكويه انا استأذن بقوم اصلي وانام وان شاء الله انقز من النوم بسبب الطلق واولد يارب بحق هاليوم

[ام ارجواااااان]

كل عام وانتم بخير وبصحة وسعاده وعافيه
شهر كريم والله يحقق لكل وحده فيكم اللي تتمناه
دعواتكم لي وللمسلمات
الله يسعد ايامكم يارب
وكل عام وانت بألف خير


http://forum.hwaml.com/imgcache2/hwaml.com_1311161182_908.jpg

[رنين الصمت]

اهلين ام ارجوان مرحبا فيك بينا شخبارك

[رنين الصمت]

شهر كريم علينا وعليك

الله يسمع منك وينولنا اللي في بالنا احنا وانتي

[نور قلبي اطفالي]

شخباركم شمسوين رمضان كريم الله يعوده علينا بالصحه والعافيه مقدمـــا هع
هااا يارنين لسه معنده البنت هههههه

[عذبوك ياقلبي]

هلا كرريش كيفكم وكيف المفشوشات
اشتقت لكم بزاف مرررره
كيفكم اليوم

[رنين الصمت]

هلا وغلا نور اي والله معنده

بروح اشوف اكرف مشي الليله

**********

هلا عذبوك العاقله شنونك

[عذبوك ياقلبي]

اممممممممممممممم استحي رنون لاتقولين كذا ادري انى عاقله
كيفك اليوم اخبارك

[عذبوك ياقلبي]

باااا ي رنون بوشباب ينتظرنى تحت بروح لها بنطلع نحوس شوى وراجعين يعني لين 12 بليل بااااى

[القوافــــــــــــــي]

كيف الحال كروشات
اخباركم وي الحمل
عذوبك ياقلبي من زمان ماشفناش في ديوانيتنا
القطيف

[رنين الصمت]

هاي انا جيت في احد اولا

بعد طلعت عذبوك دواره بس تحوس في الدوانيات

[نفيخه]

هلا منااافيخ انا وووووووووووصلت شحالكم

[رنين الصمت]

هلا نفوخه احنا تمام انتي شلونك

[نفيخه]

هلا رنون شخباااااااااارج انا زينه ونحمدو ونشكرووو

[رنين الصمت]

وينش ينفوخه وين هجيتي ؟

[رنين الصمت]

رحت اليوم المستشفى النسائي وقلعت هالحزنه هالرحاه

[نفيخه]

هاااا رنون مجهزه ليوم السبت ؟؟؟

[نفيخه]

افتكيييتي عسى بس خف المهااا ؟؟؟؟

[رنين الصمت]

لا والله مابعد يخف الالم وجايعه حدي مو عارفه اكل

وش اللي جهزته ليوم السبت ؟

[نفيخه]

هههههههههههههه تووولدين ؟؟؟

[رنين الصمت]

الله يسمع منش يارب واولد
بس ابي اولد يوم الجمعه واطلع من المستشفى السبت عشان امي يمكن تجي السبت .... طراره وتشرط

[نفيخه]

لاااا قلنا السبت يمديها امج ترتااح وتطلعين الاحد ههههههه بغتي ولا يلا لاتولدين ههههههههههههههههههه

[رنين الصمت]

لا خلاص رضينا بالسبت بس خل اولد ..... يقال لش بتولديني انتتي ههههههههههههههه


وهالعيال مطفشيني هالايام كله معصبه عليهم احس اعصابي حدها اوقات افكر اتنيم بالمستشفى بس عشان اريح يوم منهم

[نفيخه]

اسم الله عليك يالخبله لاتفاولين على عمرررك

[رنين الصمت]

شسوي والله يا وخيتي طفشت الم الطلق من جهه والم هالاسنان من جهه وهالعيال شابين هالايام تقولين ماكلين فلفل حار

[نفيخه]

الله يعييينج وويسهل عليييج

[رنين الصمت]

مدري وين غاطين هالكروشات لحصل لي السهر محصلهم ولحصلتهم تسلط بو الشباب علي

[حكاية مكان]

كيفكم كروووشات

[نفيخه]

هلاااا حكاايه

[رنين الصمت]

هلا حكويه سنونك ؟ وسحبالك ؟

[حكاية مكان]

هلا والله نفوووخه ورنون

اخبااااااااااااااركم انا بخير بس زهقااااااااااااااااااااااااااااااااااااااانه

[رنين الصمت]

بنات سمعت انا مذر كير مسوين تخفيضات وعنده فساتين للمواليد حلوه

بكره بروح بيت اهلي وبروح مع بنت اختي


لانه اختي راحت وشرت تقول فستان لبنيتي بكره بروح اشوفه

[نفيخه]

انا ان شاء الله بروووح العثيم واشوووووف

[رنين الصمت]

حكويه سيم سيم الزهق
ومن الزهق ودي اصارخ واشق ملابسي

مدري وش بعد هالحاله هاللي جات

[رنين الصمت]

نفوخه مثلش بكره بروح العثيم وبشوف المحل

[نفيخه]

هذي نفسيه ماقبل الولاده يارنوون هههههههههههه

وانتي حكايه هذي حالخ مابعد الولاده <<<<لايكثر بس

[نفيخه]

خلاص نتلاقى انا ان شاء الله العصر برووح
وانتي ؟؟

[حكاية مكان]

يلا ياحظكم طلعوا غيروا جو بعد ماتولدون بتنحكرون في البيت مااافي طلعه اقل شي ثلاثه اسابيع

[رنين الصمت]

مدري والله لانه بنت اختي بتخلي اخوها يوديها
بس اعتقد العصر انا بكره بروح من الصبح بيت اهلي

[رنين الصمت]

انا بس باخذ تخف الجراحه بطلع لاني ماشريت للعيد لي للحين خلصت العيال وانا بخليها بعد ماولد عشان حجه لبو الشباب يطلعني

[نجوم السحر]

السلام عليكم

[رنين الصمت]

نفيخه لرحت بس بشوف وحده بنفاختها بطل في وجها وبقولها نفيخه وان شاء الله تطلع انتي بعد مو ناقصه اكل كف ههههههههههههههه

[حكاية مكان]

عليكم السلااااااام نجوم

[رنين الصمت]

هلا نجوم كيفك ؟

[نجوم السحر]

الحمدلله بخير طالما انتو بخير

[رنين الصمت]

يؤؤؤؤؤؤؤؤ
وش فيه توقيعي اخترب ؟

[نجوم السحر]

بنات صحيح مستشفى الولاده مكيفاتها خربانه

والامهات الولد الجدد ميتين حررررررررررررررررررررررر

الله يعين اللي بتولد هالوقت

[رنين الصمت]

يؤؤؤؤؤؤؤؤؤؤؤؤؤؤؤ من صجش نجوم اجل خوش شكلي بطفش عندهم ان شاء الله يصلحونهم قبل ماولد مو ناقصه الم وحر يالله بعفك

[حكاية مكان]

ترى جد غرفة الملاحظه والغرفه اللي يحطونش فيها بعد الولاااااااااااده موت حر

[رنين الصمت]

لا الله لايقوله ان شاء الله يصلحون كل شيء قبل ولادتي

والا بس بولد وبهج ومانبي مستشفاهم

[نجوم السحر]

والله انا هذا اللي سمعته من البنات

ومن كم يوم رحت الطوارئ اسوي تخطيط للبيبي وفعلا حطوني بغرفه مووووووووووووووت ما فيها مكيف

وسمعت ان قسم التنويم ما بعد الولاده نفس الشي

[رنين الصمت]

انا مب رايحه لهم الا لما اوصل حدي مابي يغربلوني بكشفياتهم

[رنين الصمت]

اي صج حتى انا يوم اسوي تخطيط الغرفه كانت حدها حاره

[نجوم السحر]

يا قلبي حتى لو ودلتي لازم بتظلين عندهم يوم واذا طلعتي ما يطلعون البيبي

يعني الله يعين انا ولادتي بشوال واحاتي من الحين الحرررررررررررررر هههههههههههههه

لانه الحين اسبوع على هالحال ما صلحوه

[رنين الصمت]

حسبي الله عليهم مو همهم بس ان شاء الله اذا شفته حر بطلع على مسؤليتي انا وبنتي

[حكاية مكان]

الله يعينكم لازم تذوقوووون اللي ذقنااااااااااااااااااااااااه لا مفر

[نجوم السحر]

الله يعين يارب ويسهل علينا بحق الواحد الاحد

ان شاء الله يحطونا في المبنى الجديد على الاقل انظف واحسن

اما القديم الله لا يوريك دورات مياهم تكرمين وحرررررررررررر بالمكيفات كيف بدون

[رنين الصمت]

اجل حكويه احتريتي ها ؟

[رنين الصمت]

ان شاء الله بعد انا هالايام نفسيتي زفت وماللي خلق تزيد عندي النفسيه

[نجوم السحر]

طيب بنات بسالكم انا الحين بكريه وخاااااااااااااااايفه مره

انا من دخلت السابع وجاني الم في كعب القدم ما اقدر امشي وبطني فوووووووووووووووق حيل ما نزل للحين وانا بالثامن

يقولون لي امشي بس والله ما اقدر امشي شسوي عشان ينزل البيبي

خايفه من الولاده والبيبي ما نزل فيه مجال اولد طبيعي

[نور قلبي اطفالي]

اخبارك رنين والجميع كلهم

[نور قلبي اطفالي]

طيب بنات بسالكم انا الحين بكريه وخاااااااااااااااايفه مره

انا من دخلت السابع وجاني الم في كعب القدم ما اقدر امشي وبطني فوووووووووووووووق حيل ما نزل للحين وانا بالثامن

يقولون لي امشي بس والله ما اقدر امشي شسوي عشان ينزل البيبي

خايفه من الولاده والبيبي ما نزل فيه مجال اولد طبيعي

الم في الكعب هذا من ثقل البيبي وزياده نسبه الماء في الجسم هذا جدا طبيعي مع الولاده كل شي يروح ..
اما على البطن عاادي انا بالبنت فووق حتى راس المعده تالم كثير وعادي للتاسع دام انه متنكس وكل شي طبيعي لاتحاتين .. انا مجربه

[حكاية مكان]

ايه والله اذكر بعد ماولدت حطوني بغرفه بعد الولاده حرررررررررررر حاولت انام اشوي عجزت هالكلام كان يمكن 8 ونص الصبح للساعه وحده الظهر على بال ماصعودني فوق
وفوق لا تمام والمبني الجديد مكيفات بارده بس الله يغربلهم يجون يطفونهم علينا

[رنين الصمت]

هلا وغلا نور انا تمام انتي شخبارك


*********

ان شاء الله نجوم طبيعي لا تخافي البكريه تطول انتي كثري مشي وينزل

[نجوم السحر]

الم في الكعب هذا من ثقل البيبي وزياده نسبه الماء في الجسم هذا جدا طبيعي مع الولاده كل شي يروح ..
اما على البطن عاادي انا بالبنت فووق حتى راس المعده تالم كثير وعادي للتاسع دام انه متنكس وكل شي طبيعي لاتحاتين .. انا مجربه

الله يطمن قلبك حبيبتي بس انا للحين ما ادري اذا متنكس البيبي ولا لا
موعدي برمضان

كل اللي يشوفني يقولي حرام عليك البيبي فووووووووووووووق امشي وانا ما اقدر امشي

[رنين الصمت]

الله يعينا اجل حكويه عاد انا جنوني الحر احس بصيح لو اجلس بالحر

ان شفته مازال حر بدق على بو الشباب وخليه يطلعني غصب مافيني شده اتنرفز

[نور قلبي اطفالي]

قلنــا ولدتــي .. اثاريك لســه هههههه

[رنين الصمت]

وش اسوي هالبنت تدلع كل ماشافتني اشتقت لها اكثر تدلعت وطولت الجلسه شكلها جازت لها الجلسه

[نجوم السحر]

ههههههههههههه رنين مو بس انتي تتنرفزين من الحر كلنا

انا بتشرط بقول لهم ابي المبني الجديد عساني اجلس في الممرات لبكره هههههههههههههه

[نور قلبي اطفالي]

ههههههههههههههههههه الله يقطع ابليسك
ترى انا بالبنت عشورت هههههه الظاهر مثلي بتصيرين

[رنين الصمت]

الله يا نجوم بتشرطين انتي على بالك في خصوصي هههههههههههه

هذا اذا ما عصبو عليش

[نور قلبي اطفالي]

والله يستر من اللي في بطني اذا بنيه ههههههه شكلي بتأخر

[رنين الصمت]

اي والله انا بالأولاد نصف التاسع ولدت
وهالبنت شايفه نفسها علينا مو راضيه تطلع الا بشروط شكلها

[نور قلبي اطفالي]

يلا اهم شي بالسلامه تجي والله مايهم متى

[نجوم السحر]

الله يتمم علينا ويسهل علينا في وقته ياااااااااااااااااااااااااااارب

[رنين الصمت]

المشكله انا بهالحمله وخصوصا الاشهر الاخيره صرت حدي عصبيه والنفسيه زفت عيالي مسكين بس معصبه عليهم وادعي واطق فيهم

واتندم واقول مو طاقتهم بس ماقدر امسك نفسي

ان شاء الله اولد وتروح هالحاله مني

[رنين الصمت]

بكره بروح بيت اهلي وبمشي في البركه اكثر من ساعه عشان اولد وافتك

[رنين الصمت]

يلا كرااريش ومفشوشات بروح امدد ضهري تعبت كثير من الجلسه على ماتستوي الصلاه بريح اشووي
باي

[نجوم السحر]

الله يسهل عليك رنين بس حرام عليك عيالهم مالهم ذنب تعصبين عليهم

عصبي على ابو العيال مثلي ههههههههههههههههه

[نجوم السحر]

مع السلامه

[نور قلبي اطفالي]

ههههههههههههههههههههههه ابو العيال كل مني كلام مسكين ماسوت عليه الحمله ...

[نور قلبي اطفالي]

نوم العوافي رنين ان شاء الله بكرا تبشرينا انك ولدتــي

[الامومه المنتظره]

رحت اليوم المستشفى النسائي وقلعت هالحزنه هالرحاه

رنوووون عمريا سلامتك بس شلوووون تقلعين رحاتك وانتي حامل مايصير.
انا الم في رحاتي حدابحني من اسبوع بس مادري شسوووي يقولون لي مايصلح
تسوين لها شي وانت حامل
انتي استشرتي الطبيبه شقالت لك

[whiteroes]

هلا وغلا بكروشااات اخباركم
جد اشتقت اتجمع معاكم واسولف زي قبل
سلاماات رنون ماتشووفين شر عسا ماياثرعليج والبيبي
كراريش جاتننى حساسيه بكل جسمي كل احكك وش اسووي ما تم دهن وكريم الا وحطيتته ماكو فايده

[نور قلبي اطفالي]

يؤ رنوش خلعتيها ان شاء الله مايأثر عليك انا عندي خراج ومن اسبوع معذبني وكل ماليه ويزيد بس شسوي خايفه يأثر على البيبي

[أم راكان الحربي]

صبآح الخير ..hwaml23
بنات انا احس الجنين راسه على جنبي اليمين ورجلينة بالجهه اليسار هل يعني انة معترض ومتى المفروض ينزل للحوض انا بكررريهـ hwaml86
انا بنص الشهر الثامن
وماادري احس ابي هالفترة تخلص بسسسرعه مليت من شكلي وابي اشوفه بين ايديني شهري رمضان ويقولون انتي بكرية بطووولين يمكن تولدين بشوالhwaml79

[عذبوك ياقلبي]

صبآح الخير ..hwaml23
بنات انا احس الجنين راسه على جنبي اليمين ورجلينة بالجهه اليسار هل يعني انة معترض ومتى المفروض ينزل للحوض انا بكررريهـ hwaml86
انا بنص الشهر الثامن
وماادري احس ابي هالفترة تخلص بسسسرعه مليت من شكلي وابي اشوفه بين ايديني شهري رمضان ويقولون انتي بكرية بطووولين يمكن تولدين بشوالhwaml79
هلا بك والله تمم لك على خير يارب
المفروض انو يكون نزل وتغير بس احيانا يتاخر اشوى
اهم شي يتعدل الحين مو تولدين ويتغير شكلك لاتستعجلين والله يكتبلك الولاده الطبيعيه السهله يارب