دردشة حوامل الأحساء- تجمع بنات الأحساء - الحسآويآآت

[غلاي امي]

وين تراجعين ووين راح تولدين

[حكاية مكان]

ماادري كذا بس كلهم بحرف الفاء

ومرات انا اسميهم ومرات ابوهم

هالمره اتفقنا يمكن اول مره نكون متفقين عالاسم

[حكاية مكان]

اراااااااااااجع بالادريسي اذا تعرفينه

وبولد بالاطفال والولاده

[غلاي امي]

الحال من بعضه

انا بروح بعد الولاده الله يعين

[حكاية مكان]

الله يسهل علينا ياررررررررررررب
جد احاتي الولاده

[غلاي امي]

والله انا تاركه هم الولاده على رب العالمين

واللي ربي كاتبه بيصير

انا مااحاتي الا الخياطه

[حكاية مكان]

الله يسهلها عليننا يارب

انا احاتي الطلق اكثر شي لانه يموتني ومااولد بسرعه

[حكاية مكان]

انتي متى تاريخ ولادتك ؟؟؟

[غلاي امي]

لا مفرمن الطلق ولا الخياطه ورانا ورانا

الله يسهلها على الجميع

[حكاية مكان]

اميييييييييين يارب

[غلاي امي]

27 /7

وانتي

[حكاية مكان]

لا انا 10 /8

[غلاي امي]

يعني بشعبان

فرق بيننا 10 ايام

[حكاية مكان]

ايوه

الله يسهل علينا ياااااااااااااارب


انتي العاده تكملين التاسع ولالا
انا لازم اكلمه واخذ كم يوم بعد

[غلاي امي]

انا بعيالي اخذ 3 اسابيع من التاسع
بس دامني دخلت تجمعكم بصيرمثلكم

كل اللي باالتجمع يكملون التاسع وعليه حبة مسك

[حكاية مكان]

ههههههههههههههههههههه

لا ان شاء الله تولدين وترتاحين

[حكاية مكان]

بديتي تمشين ولالا؟؟؟

[غلاي امي]

تصدقين احيانا اقول ماابي اولد اللحين

تعب وسهر وربى وانانفسيتي تتعب بعد الولاده لا والضيوف الله يعين عليهم

بس اذا شفت التعب اقول لا خلاص ابي اولد

عاد شنه ابكيفي

[غلاي امي]

مشيت يوم بس

بس ببتدي اسبوع الجاي اذا فضي الرجل

[حكاية مكان]

هههههههههه ياقلبي
لا انا بالنسبه لي ابي اولد اليوم قبل بكره يتراوالي كل شي يهون ولا تعب الحمل
والله معااااااااانااااااه
وبصراحه مشتاقه لنونو

[حكاية مكان]

الله يعينك ويسهل عليك يارب

[غلاي امي]

يالله اذا جات الولاده هذا احنا جالسين

لانقدر انقدم ولا نأخر

[حكاية مكان]

مثل ماقلتي هالشي مو بيدنا
ياربي جد افكر برقروقه شصااااااار وياها

[غلاي امي]

ان شاء الله تدخل اليوم وتطمنا

[غلاي امي]

انتي ترجعين تنامين الظهر

[حكاية مكان]

ان شاء الله يارب

[غلاي امي]

والله من اختفت الرقي والتجع صاير نايم

الله يجيبج ياالرقي باالسلامه

[حكاية مكان]

ايه والله احاول انام الظهر لاني ماانام كلش نومي كل احلام ومااحس اني انام كلش

[حكاية مكان]

ايه والله لها وحشه بقووووووووه رقروقه
واشوف حتى خجل لها كم يوم ماادخلت
خلاص كل وحده من تولد تنشغل

[غلاي امي]

استأذن منج حكايتي

بروح افكر شبسوي فطور

وبستعد للصلاة

اشوفج قبل الفطور اوبعده

ولا اقولج تفضلي فطري معانا

مع السلامه

[الريم الشارد]

هلا بنات ولدت رقروقه .........؟؟؟؟

[حكاية مكان]

مشكوره ياقلبي
وعليكم بالف عافيه
والله يتقبل منكم يارب
نشوفك باليلل

[الأمـــورة]

السلام عليكم
أخبارك حكاية ان شاء الله بخير
غلاي الله معاك وفيه العافية
هلا الريم كيف الحال ؟؟

[حكاية مكان]

هلا والله الريم الشارد

والله لالحين لاحس ولاخبر

هذا ا حنا نترقب دخولها في اي وقت عشان تطمنا

[الريم الشارد]

هلا امووره انا بخير نحمدالله

[حكاية مكان]

هلا والله الاموووووووره

اخبارك

[الريم الشارد]

يالله ان شاء الله تكون ولدت بالسلامه

[الأمـــورة]

الحمد لله بخير
بنات كيف تعرف الوحدة ان قريب موعد ولادتها اسمع يقولون بطنها ينزل وينشد
وملامح وجها تتغير صحيح هالكلام ؟؟

[الريم الشارد]

والله ما ادري اموووره انا جربت ولادتيت ولدتهم قبل موعدي بطلق صناعي

لاكن هالمره بولد بدون طلق صناعي وهذا لي يومين الكل يشوفني حتى زوجي يقول وجهك منحقن ومسمر وصاير اصفر وبطني نازل وعلى طول يتحجر والعلم عند الله متى الولاده

[حكاية مكان]

البطن ينزل تحت ايه
وملامح الوجه تتنفخ اكثر

[الأمـــورة]

اي الله يسهل علينا ان شاء الله ونولد بالسلامة
انا بديت احس ان وجهي مرهق واحتقان بيديني بس البطن مالاحظت ان نزل

[حكاية مكان]

انتي في اي شهر اموره ومتى موعد ولادتك

[الأمـــورة]

انا الحين بالتاسع وموعدي في 29 -7

[حكاية مكان]

الله يسهل عليكي يارب

انتي تقريبا موعدك قريب من موعد غلاي امي

[حكاية مكان]

اوك عن اذنكم بروح اصلي

[الأمـــورة]

اذنك معك وانا بعد بقوم أصلي

[حكاية مكان]

ولللللللللللللل ماحد دخل من الظهر

[مرهفة]

دام انكم في الاحساء بنظم لكم لاني حساااوية 8_8

كيف تجاربكم مع مستشفى الولادة بالاحساء..

انا بكرية واحس قلبي بيوقف من الخوف..

مابقالي الا شهر واولد بس ابغى اعرف بعض المعلومات عن مستشفى الولادة ..

هل نظيف..؟؟(سمعت ان فيه صراصير)hwaml15هل صحيح اذا صج بشيل قشي وبغير المستشفى لان جنوني هالحشرات كان امووووتhwaml15

هل في اهتمام بالام والطفل..؟؟

هل يعطون غرفة خاصة ..؟؟ولو مايعطون لو طلبت منهم هل يعطوني..؟؟

هل الخياطة ببنج والا بدون بنج..؟؟hwaml8

ابغى معلومااااات كاملة عنه واللي ولدت فيه تسدح لي هنا تجربتها..hwaml7


تحياااتي

[ريم الحربي]

السلاااااااااااااااااااااااااااااااااااااااام
مسائكم عسل ,,,اخباركم ان شاء الله بخير ؟؟؟
يلا بوه حد والا مابوه ؟؟؟

[ام حسين الدار]

خلال فترة الحمل
• يمكنك محاولة تليين عضلات العجان لديك من خلال القيام بتدليك يومي للعجان ابتداء من الأسبوع 33 من الحمل تقريباً. ضعي القليل من زيت الفيتامين إي e أو زيت نباتي خالص على أصابع يديك وعلى الإبهام وحول مدخل المهبل. ضعي إبهامك في داخل المهبل حوالي 3 سم واضغطي إلى أسفل وإلى الجوانب بلطف حتى تشعري بوخز (نغز أو نخز) خفيف. ابقي على وضعية التوسيع هذه حوالي دقيقتين. الآن، دلّكي الجزء الأسفل من المهبل بلطف إلى الأمام والخلف (ذهاباً وإياباً) لمدة ثلاث دقائق تقريباً.

• سوف يفيدك القيام بتمارين قاع الحوض في الاعتياد على التعامل مع عضلات الحوض، والأهم تعلّم كيفية إرخائها. تتشنّج العديد من النساء حين يشعرن بالانقباضات، خاصة لو شعرن بالخوف. إن ممارسة تمارين الحوض قد تساعد على استرخاء العضلات خلال المرحلة الثانية من الحمل.

• كلما انتبهت لنفسك واعتنيت بها خلال فترة الحمل، كلما زاد احتمال ولادتك وأنت جاهزة صحياً وملائمة ولائقة جسدياً وكلما تعافيت بسرعة بعد الولادة. سيساعدك اتباع نظام رياضي وغذائي صحيّ.

خلال المرحلة المبكرة من المخاض
من بين إحدى الأسباب التي تدفع إلى خضوع المرأة لعملية القطع بالعجان أنها تكون مرهقة ومجهدة. وهذه الحالة أكثر شيوعاً في الأمهات لأول مرة، ربما لأن المخاض يكون أطول. تستطيعين مساعدة نفسك بالمشي البطيء والراحة خلال المراحل الأولى من الولادة. ابقي في المنزل أطول مدة ممكنة.

خلال مرحلة المخاض الفعلي
لو كنت تقومين بتدليك منطقة العجان خلال الحمل، فإن إحساس التوسع والتمدد الذي شعرت به خلال التدليك سيجعلك تتأقلمين مع أحاسيس التمدد القوي لقمة أو أعلى رأس طفلك. تصف بعض النساء هذا بما يشبه الوخز (النخز أو النغز) أو ألم الحرقان. في بعض الأحيان، تصاب النساء بالخوف والهلع من هذا الإحساس في المخاض بحيث يتوقفن عن الضغط والشدّ. إن الاعتياد على هذا الإحساس يساعد بالإضافة إلى الزفير (إخراج الهواء) ببطء. حاولي إعطاء دفعات خفيفة واشعري بالفضول إزاء هذا الإحساس. كما يمكنك الاستفسار من ممرضة التوليد لترشدك وتشجّعك.

تجد بعض النساء صعوبة في معرفة متى وكيف تقوم بالشدّ والضغط. ربما من المجدي أن تجلسي في الحمام خلال المخاض وتجربي بضعة دفعات من الشدّ كي تعتادي على الأمر. إن المسألةتيشبه كثيراً عملية التبرّز (التغوّط)، وهي ليست فكرة لطيفة لكنها قد تعينك.
إذا كنت في وضعية عمودية (منتصبة) ، ستساعدك قوة الجاذبية على ولادة طفلك. ربما يعينك اختيار وضعية مختلفة للولادة، مثل الركوع على أربع، في تجنّب القطع بالعجان أو الشقّ (التمزق) السيء. مع ذلك، فإن جلوس القرفصاء إلى تحت يمكن أن يزيد احتمال التمزّق.

عندما تكونين في المخاض، قد تقوم ممرضة التوليد بتدليك العجان لديك واستخدام كمّادات دافئة لإرخاء عضلات المهبل. ليس هناك دليل حاسم أن مثل هذه الإجراءات تخفف من احتمالات خضوعك لعملية القطع بالعجان، لكنها تعينك على الشعور بالراحة.
دعواتكم الله اسهل حملي واكمله على خير

[رنين الصمت]

السلام عليكم


مساء الخير في احد او لا

وينكم وشفيكم هالأيام نايمين

[حكاية مكان]

جد ناااااااااااااااااااااااااااايمين بقووووووووووووووووووه

[عذبوك ياقلبي]

سلام عليكم و
كيف الحال بوه حد ولاه لا

[حكاية مكان]

رقروووووووووووووووووووووووووقه يا كشه مصختيها خلاص متى بتدخلين تطمنينا

[عذبوك ياقلبي]

كيفك حكايه
اخبارك ان شاء الله
والله انا بعلى هنا مومعطيني مجال ادخل انت الحين مخليته يتابع برنامج علشان اقدر ادخل اللع يعين لين يمشى يروح العمل لانو كله يبغي يطلع واشتقت لكم بس والله يعين
كيف البنات وينهم غايبين عن التجمع

[خطيرة الملامح]

صباااااح الخيرات
كيف حالكم بنات ؟
هلا فيك مرهفه
والله انا بكريه وانا مو طايقه مستشفى الولاده ابد
وانا نفس الشيئ ودي اعرف اذا اقدر احجز غرفه خاصه او لا
بنات
ياخوفي انا رقروقه لاسمح الله ولدت بعمليه
مايصير لها اكثر من يوم مادخلت

[خطيرة الملامح]

حكايه وعذبوك
كيف حالكم ؟

[دلوعته واحبه حبيبيf]

اهلين بنات اخبارك ملامح خطيره ماولدتي اشتقت لك

[مرهفة]

خطيرة الملامح..

كأن ماحد عطانا وجه ورد على استفسارنا<<مفهية

[خطيرة الملامح]

اهلين بنات اخبارك ملامح خطيره ماولدتي اشتقت لك

ياهلا فيك دلوعته
كيفك انتي ؟
وكيف النونو
اشتاقت لك العافيه وانا كمان اشتقت لك من زمان عنك لاتقاطعينا
والله لسى ماولدت انا الحينفي الاسبوع الثاني من التاسع
الله يسهل

[خطيرة الملامح]

خطيرة الملامح..

كأن ماحد عطانا وجه ورد على استفسارنا<<مفهية

مرهفه
ماادري البنات ايش فيهم مره نايمين
وترى يوم الاربعاء والخميس والجمعه اغلبهم ينشغلون
ومو بس انتي المفهيه والله انا وصل حدي في التفهي hwaml9
الحمل ومايسوي خخخخ

[whiteroes]

هاااااااااااااااااااااااي انا جيت

[whiteroes]

اخباركن كروشاااااااااااااات كلكم
حيااااج الله يامرهفه الغرفه الخاصه بولاده تقربيا الليله ب 350 ولازم تكلمهم قبل تحجزين لان دايما عندهم زززززحمه
بنسبه للولاده خع ههههههه ما جربت لسه بكريه ان شاء الله يفيدونج ما يقصرون

[whiteroes]

زين اوريكم شلت الأنس ما كو احد
نفوووخه مو قلتى جمعت اهلج الاربعا طن ووينج
رنون اخبارج بنت فريجنا هههههههههههه
غلاي اخبارج يؤيؤ ما بقا شي امشي يا بطه
حكايه ماغليج من الريل امشي ببيت احسلنج بره نارالله المؤقده
حررررر
خطوره عاد انت مول كلشي ماتبين يا القاطعه وبعدين ما بقا شي وتولد وانت توقيعج اقرع بدون شريط حمل سووويه ترا تكشيخن فيه بتجمع
بعد منهو بقا
اي
ام مكالمات انصاف الليول
خجيللللللل ياعياره وووينج
نغم عاد اشدعوه خلصتى السوق مع حماتج سيري علينااا
ام الريم يا قلبي الله يسهل امتحاتج
ام ولاء يا العجيزه نسيتى التجمع
عذورنى ان نسيت الباقي ولا سالت عنكم خع التعب على الذاكره والكيبودر خع

[عذبوك ياقلبي]

هاااي
صباح الخير

والله هرجل شافني دخلت النت قال الى قومى نودي البنات الالعاب
مايحب النت ليه مادري
انتو كيفكم جميعا بدون اسماء

[نفيخه]

ههلاااااا انا جييييييييييييييييييييييييت

والله ليله الخميس والجمعه ماقدر ادخل كثييييير
لانه هاليومين نجمع وحاله ونروح بيت اهلي وووبيت اهلي الكبير هع = بيت الحجيه لوووول
انتوا شخباركم وشلوونكم والله لكم ووحشه
بس هالشهر من دخلته وانا حدي تعباااااااااااااااانه وبطني متكووور ووومتحجر ووويعوورني الله يعدي باقي الشهور على خير يارب

[عذبوك ياقلبي]

هااااي نفوخه كيفك
اخبارك مع التعب
والله حتى انا مقدر اتحرك من الثقل
حتي اعني وانا نايمه بس الله يعديها على خير

[نفيخه]

هلا عذبوووك تمام نحمدو ونشكرو
اااخ يااربي والي معذبني اكثر هالولد مجننني ماغير اراكض وراااه صااااااير شيطون ربي يهديه
والنوووووووووووووووووووم ماعرف انسدح من كثر ماهي دبتي متحجره ووتعورني :(

[عذبوك ياقلبي]

انتى ولدك شيطون
وانا بنتي كله تعبون كله مريضه دايم مزكمه ولزكمت ارتفعت حرارتها وعيونها والله مادري وش اسوي لها ياربي
البنات في اختفي
............................وين رايحين

[نفيخه]

يؤؤ قلبي ماتشووف شرر حيااتي الا يستمرضضووون اكره شي عندي اسم الله عليها ان شاء الله
البنات هالاياام مختفيييين بقوووووووووووووووووووه مدري شفيييهم
مافي حس ولا خبر عن ام كدش وربي الكل يحاتيها

[اميرة الورد ~]

السلام عليكم
صباااح الخييير
شخباركم ياكروشااات :)
انا كروشة جديدة hwaml7

[غلاي امي]

مرحبا كروشات

ولهت عليكم حييييييييييييل اخباركم يابطااااااات

ياربي الله يستر على الرقي وين مختفيه

[رنين الصمت]

صباح الخير يالنايمات

بسكم نوم قومو طبخو لرجالكم نزل وزنهم مساكين

[غلاي امي]

مرااااحب كروشات

وينكم ليه التجمع نايم

خلونا نسولف اشوي وننبسط قبل ما نولد ونتفرق

[رنين الصمت]

هلا غلاي كيفك
على مين تنادين لا حياة لمن تنادي خاملين هالوقت مافي احد انا لي يمكن ثلاث ساعات ماحد طل علي

المهم كيفك انتي

[whiteroes]

هااااااااااااااي كررايش
رنون موجوده ولا نامتى

[رنين الصمت]

هلا وغلا صقيقتي وايت كيفك يا روشتنا

[whiteroes]

الحمد الله تمام بس ها تورم رجولي ذابحننى
ها بشري اخبار نيوفي عن الاسهال والترجيع

[whiteroes]

رنون شريت مفرش النفاس ولا لسه
ان شاء الله اها انا مع شئونت ههههههه (راتب ) ها شهر

[نفيخه]

هلا منفوووخات شحااااااااااالكم وشخبار نفاختكم

[whiteroes]

اهلين نفوخه اخبار يا الغلا
اخبار ولدك الشيطووون

[whiteroes]

رررنون ووين طستي خخخخخخخخخ كلمه عوجيز

[نفيخه]

هلا بيك وااايت انا تمام انتي شنووونك
ووولدي هذا اهو احمد ربي انه ببيت اهلي في شغاله ولا كان انتحر من فعايله هههههههه ياربي الاطفال بذا السن متععععب الله يهديه يارب

[نفيخه]

وووين النااس مختفيه رنون تعايبين عليهم يجون يتكلمون بالقطاره وينحاشون وهذا انتي صررتي مثلهم هع

[رنين الصمت]

هلا وايت شلونش
الحمد لله نيوفي زين الحين


والمفرش للبيبي شريت من سنتر بونت بس باقي لي
بروح الليله مع اختي الاحساء مول

[whiteroes]

هههههههههه الله يغيننج انا امس بيت اهلي
ما اغيراصرخ على عياال اختى واخوي ما تحملتهم

[رنين الصمت]

هلا نفيخه اسفه مانتبهت جالسه احوس بحوي المنتدى اشوف المواضيع ونسيت روحي

شلونك نفوختنا

[رنين الصمت]

وايت عندي الزود عندي حميص ولدي حميد مطفشني هالايام بس مجنس بس يصيح

شكله يبي ينام وانا مابي انومه ومتجنس علي

ابي انومه ست ونص عشان سبع اطير السوق مايتعلق فيني ولا يجنن ابوه

[رنين الصمت]

مشاء الله على نيوفي هادي وقليل يتجنس

بس احط له نكيلوديا وبس ماسمع له صوت نهائي عساني ماحسده
ياريت هالحمني مثله

ان شاء الله تطلع بنتي مثل نايف

[نفيخه]

وووايت لازم تتعودين من الحين على ازعاج العيال

رنين ههههههههه مسكين وودييه معاك السووق لوووول ههههه
انا تمام انتي شخبارك شمسويه واخبار نفاختج خخخخخخخ
وووبعدين مريني ابي ارووح معااك الاحساء مووول :)

[اميرة الورد ~]

وانا بعد ودوني الاحساء مول معكم hwaml7
حاكم اني ماشريت شيئ للبيبي للحييين hwaml15
وكل مابغيت اروح أأجله ليوم ثاني
عذرا دخلت عرضhwaml02
انا ريم من الاحساء
عمري 22
حامل بالثامن
وبكرية
وارجو ان تقبلوني صديقة لكم
وبس :$

[رنين الصمت]

اوديه معاي هذا من سابع المستحيلات عشان ماقدر اشوف شيء


انا يالله اعابل بنفسي كفايه الثقل اللي بكرشتي بعد اجر معي عيال عشان نشيل السوق شيل من اصراخي معه

[نفيخه]

هلا والله مجنونته حياااك يانفاخه وهلا بيك وبنفاختك ووربي يوولدك بالسلامه ان شاء الله
بس ماقلتي ووين تتعالجين ...؟؟؟

رنين هههههههه حلاتها السوق بالعيال <<<<اي هين ههههههه

[رنين الصمت]

هلا وغلا مجنونته شلون كريشتش


مرحبا فيش بينا ها كم لش من دخلتي الثامن

لايكون قبلي اكفخش
هههههههههههههههههه


بل عليش يا مجنونته بارده انا من دخلت السادس قمت اجهز .... فرحانه اناها بتجيب بنت


بكريه انتي ومو متشجعه للتجهيز غريبه

[نفيخه]

بعدين تعالي ماقلتي شنو بجيبين ؟؟؟

[whiteroes]

بااااااك كراريش

[whiteroes]

مجنوته حيااااج بينا
سدحى لنا بطاقت الاحوال
وبطاقت الحمل بتفصل هههههههههه حساويات

[رنين الصمت]

وايت وين لا تطولين

[نفيخه]

وااايت ولكمو يامال العافيه ماقلتي برب
بحط لك انذاار اوول هع

[اميرة الورد ~]

هلا والله
سوري ع التأخير بس النت مش ولابد
*****
انا بخير ياعساكم بخير
انا اعالج عند الدكتورة غادة بجميل خطاب ع التأمين
صار لي من دخلت الثامن اسبوع
وبالنسبة للتجهييز
مالي خلق وربي كل يوم اقول بكرة
من حملت وللحين ماشريت الا بهانس بس
اما الاشياء الرئيسية مابعد اشتري شيئ
هو صحيح فرحانة ومتحمسة لكن كنت متشئمة
لاني قبل حملت واجهضت
والحين من الثقل خلاص احس مابي اطلع من البيت
بس ان شاءالله يصير اوف لزوجي بروح اشتري وربي يعينني
والله لومخلصة من قبل احسن لي لكن الحمدلله ع كل حال
انتوا شخباركم مع الحمل وباي شهر

[whiteroes]

ههههههه نفووخه ما راح اتتحمل البزارن اقولج امس خليتهم يدعسوون بغرفه
يلعبوون ولا خلت احد يطلع الا للحمام او شرب مائ خخخخخخخخ
ايش رايج فينى ام سعف والليف على غفله هههههههه

[نفيخه]

الله يثبت حملك وووتطلعين انتي والنونو بالسلامه
وووالله يعينك على التجهييز

انا مع الحمل هالمره صاايره ثقيله يادوب اتحرك نفاختي يابسه ومتحجره هع
والحين انا بالشهر الساابع
واراجع عند الموسى د/رندا
^^

[اميرة الورد ~]

وااايت هلا حبيبتي
ربي يحييج ويبقيج
بطاقتي انسدحت فوق هع
*******
نفيخه
فيني ولد فديتج ومورني الويل وهذا هو مابعد يطلع
الا بسألكم صحيح الولد يطول بالولادة او لا
مدري ليش احس اني بدخل العاشر لوووول

[نفيخه]

وااااااايت وووجعه مساكين حبستيهم يالشريره ههههههه
واهم بعد مطاوعينك هههههه مسالمممممين ههههه

[رنين الصمت]

اما انا يا طويلة العمر بالثامن ويمكن مثلش لي اسبوع من دخلته

وتعالج عند مركز صحي الشعبه اللي يم مستشفى النسائي

وبولد في مستشفى الولاده


يارب يسهل علينا كلنا يارب

[نفيخه]

عموما وولد ولا بنت البكريه تطووول
الحين الي مو بكر تطووول هههههه شلون البكريات ماايهم اهم شي السلامه وتمام الخلقه :)

[اميرة الورد ~]

نفييخه
تسلمين ياعمري
ربي يهون عليك وعلينا يارب
اووه توك
يعني بولد قبلك ان شاءالله
يلا ربي يعيين
انا بعد بطني تحجر ويادوب اتحرك
وحرقة المعدة لاعبة فيني لعب والنفسية اللهم ياكافي
لدرجة ان زوجي يقول ترى ان ماعقلتي بوديج لهلج ههههههه
لاني حيل صايرة عصبية
الله يعييين

[نفيخه]

عاد انتي خفي عليه يادوووباا ههههههه
عاد اهو الله يهداه لازم يراعي شعووورك ومايقعد يتحلطم وواجد خخخخخخ
لااااااااا لاتولدين قبلي لايجيلك شي ماشفتيه <<<<<خير ان شاء الله سباق اهو هههههه

[اميرة الورد ~]

رنييين
ربي يسهل عليك يارب
ويقومك بالسلامة حبيبتي
وااااااو وناسه معي
ان شاءالله نولد ثنتينا بنفس اليووم لووول
يلا بنسوي سباق ومن تولد قبل ههههه
*******
نفيخه
اي صداقة والله
اهم شيئ السلامة
بس انا ابي اخلص بسرعه وافتك
ابي ارجع رشييييييييييييييييقه

[اميرة الورد ~]

هههههه
شسوي والله موبيدي
بعدين اهو يرفع الضغط
قبل فترة تخانقت معه لشيئ تافه للأسف بس مع الحمل
صايرين نكبر السالفه وهي ولاشيئ
المهم كان يرتفع ضغطي ولما حسيت بصدااع اكلت بنادول على انه عادي
ومن حسن حظي ان كان موعدي قريب فلما قالت لي الدكتورة ضغطك مرتفع كان زوجي يمي
على طووووووول رقع لنفسسه وقال اي هي عصبية بزيادة عشان كذا جاها ضغط
شفتي كيد الرجال
اعوووذ بالله منهم
ههههههه
وعلى من يولد قبل خلاص انتي سابقي ونشووف
ههههههه

[نفيخه]

ههههههههه الله يعيننك والله ووويصبر انفسنا على هالثقل الي حاملين ونولد بالهون والسلامه

وويلا وووبدا السباقي 1
2
3
يلا ااااااااااااااااااااااااي جاني الطلق برووح اوولد <<<<مسررع ههههههههه

[رنين الصمت]

العصبيه صبيعيه عند الحامل

تكون عصبيه زياده وحساسه بعد زيي انا بسرعه اعصب وبس يعصب رزوجي بسرعه هالدموع تطيح انا استغرب من نفسي حساسه بزياده

ريلي يقولي بس هالدموع مطرفه

[اميرة الورد ~]

نفييييخه
هههههههههه
خلاص انا تعبت
بكرة نكمل
ههههههههههه
********
رنييين
مثلي انتي
وربي حتى التلفزيون مرات لما اتابع مسلسل فيه لقطة حزينة او شيئ
تعالي شوفي زوجي يموت ضحك علي يقول لي شهالاحساس اللي نزل عليج
مدري ششايفني مع وجهه:@
امييييين يارب
ربي يعيننا

[رنين الصمت]

ان شاء الله اولد قبلش مجنونته
عشان اخبرش عن الولاده اشجعش ههههههههههههههههههههههه

انتي بكريه تطولين بس انا لا مجربه الولاده مرتين اكيد هالمره ماراح ان شاء الله اطول

[نفيخه]

اووك بنوتاات انا بقوم اريح اشوووي اشووفكم على خير ان شاء الله

[رنين الصمت]

ههههههههههههههههههههههه مجنونته ياعيني على الاحساس والرجال اللي تتطنز

شكل زوجش يقرب لزوجي نفس طبعه ههههههههههههههههههه

[رنين الصمت]

نفوختنا سلامتش تو ماشبعنا منش

[اميرة الورد ~]

رنيين
ههههههه
يلا عشانش موبكرية
ان شاءالله تولدين قبلي
تنازلت لك هههههه
******
وين نفييخه بدري
ماشبعنا نك
بس يلا عشانك تعبانة اهم شيئ سلامتك
تقومين بالسلامة ياعمري

[اميرة الورد ~]

يوووو اسكتي يارنيين
مومخليني بحالي من كثر مايتطنز علي وعلى كرشي
مرات اعصب ويخف شوي وبس اروق يرجع
مافي امل منه
ربي يهديهم مايدرون ان احنا حساسات
هههههه

[رنين الصمت]

مجنونته ها وش قررتي تسمين ولدك

ومن وين انتي من اي منطقه

[whiteroes]

والله باااااااااااااك عذورننى اكلم امي

[رنين الصمت]

خذي راحتش وايت بنت فريجنا بس لا تطولين قولي للوالده اختصري ههههههههههههههههه

[whiteroes]

مجنونته وانا بعد بثامن انا معاكي شكلي بولدمعاكي لانى بكريه
ترا عندنا موضه بتجمع لازم نعوشررررررر هههههههه
رنون يعنى بتشرين مفرس نفاسك من الاحساء مول
ما رحت جوهرة هجر

[اميرة الورد ~]

رنين
سر ماعلم ههههه
وناوية اسميه على ابوه خالد
******
وايت
ولكموووو حبيبتي
معذورة فديتج
******
بنات على هالجو يبيله روحه للمزرعه
عصر وصوت العصافير وشاي وقهورة وحلا ورطب
شيئ بس حسافه اني جلست متأخر ومالحقت على امي وابوي ولاكان رحت معهم:(

[whiteroes]

لا خلصت هذرتي معها خخخخخخ

[اميرة الورد ~]

اووو حلووو
يعني ثلاثتنا مع بعض
وين ناويين تولدون
انا ناوية اولد بالمانع
بس مدري محتارة

[whiteroes]

انا اتابع بحرس وببولد عندهم ان شاء الله
انا تتوقع ولادتى 5 رمضان
بس ان شاء الله اولد 20 خع مدري اب ها تاريخ
وانتى متى قالولج تولدين

[اميرة الورد ~]

الحرس حلو ويمدحووونه
انا مدحوا لي الدكتورة غادة بالمانع
مدري شقصتي مع هالغادة
بالمانع وجميل خطاب
شكلي لاجبت بنت بسميها غادة
هههههههه

[رنين الصمت]

انا مالي الا النسا والولاده مافي غيره
مارحت جوهرة هجر لانه بو الشباب فسل على طول مشغول

بس الاحساء مول بروح مع اختي بيوديها زوجها وبتمر علي والا اذا على هالرجل كله تو الناس صبري

[اميرة الورد ~]

هههههه رنين انتي عكسي
انا زوجي ذبحني من الحنة
يلا متى بتشترين ومتى بتروحين
مابقى شيئ
كلاني بحنته ربي يهديه

[رنين الصمت]

ان شاء الله اليوم يجينا خبر عن الرقي والله احاتيها مادري حسيت اني اعرف الموجودين هنا من سنين

[اميرة الورد ~]

مع اني مااعرفها لكن ربي يطمنك عليها

[رنين الصمت]

يؤؤؤؤؤؤؤؤؤؤؤؤؤؤؤ يبيلي ابدل ريلي بريلش انا احب الدواره والسوق بس هالرجل مايحب يودي ويجيب
وانا مشاء الله عليش زوجش يحن وانتي ماتبين غريبه

[اميرة الورد ~]

مو ماابي
بس ثقلانة وربي مااقدر اتحرك
بطني مررة كبير احسس موقادرة اشيل نفسي
وعلى هالبطن اللي يقول توأم او صحته زينة لااله الا الله
الا اني متأكدة مليون بالمية انه كلها مياه على قولة امي
ههههههههههه خلاص بس اذا رفع ضغطج بطنازته وريحة دخانه ترى مالي شغل

[whiteroes]

ههههههههههههه طنشي رنون
انا على بالى رحت جوهره هجر انا مثلك ما شريت مفرش للنفاس ولا للبيبي
ولا ارواب له

[اميرة الورد ~]

اووو يعني طلعت معي وحده باردة مثلي
هههههه
خلاص شرايك نروح اليوم

[whiteroes]

مجنونته يمكن انتى متنفخ من الضغظ
انا مثلك حيل ثقيله لدرجت اننى ما اقدر اتقلب بسرير
ترا ما بقالج شي جهزي للبيبي لا ن بتاسع حدج تمشين مالج خلق للشي

[رنين الصمت]

لا والله انا الود ودي يوما في السوق

انا حتى لو حدي تعبانه بس اسمع بطاري السوق احس ماشعر بوجع

مجنونه اذا يدخن لا اجل مابي خل على ريلي احسن لي
الحمد لله انا ريلي تارك التدخين من اسنين


وايت يالبارده لمتى التجهيز اجل لين تولدين؟

[whiteroes]

هههههههه مجنونته انا تقربيا خلصت بس باقي لي
المفرش والاارواب واغراض الصيدليه يعنى تقربيا 3 طلعات واخلص كل شي
رنوون ووينج
بسالج انت بتنفس بيتج ولا بيت اهلج

[رنين الصمت]

اي والله جهزي ترى التجهيز يبيله وقت
انتي ماراح تلاقين اللي تبينه كله في محل واحد يبيليش كل مره ترحين محل يبيله وقت والله سأليني انا من السادس وللحين ماخلصت

[اميرة الورد ~]

بنات بقولكم شيئ يمكن يضحكم بس ابي اعرف اذا في حد مثلي ولالا
انا من النوع الخجوول حيييل
يعني وانا حامل الحين وبطني شكبره ماشاءالله
استحي حد من اخواني او ابيو او خوالي او اي احد يطالع فيني
مجرد مايناظر فيني اشيل عيوني لجهه ثانية
او مرات امشي بثقل وتعرفون مشي البطريق ههههههه
فلما اشوف حد من اخواني مار من جنبي على طول اغير مشيتي وامشي بقوة
وبس اوصل رجولي تصيح من الالم
اذكر مرة وانا اشرب ماي من البراد وكنا مخلصين عشاء فيوم شربت وانا واقفة فبطني بارز مرة
المهم شوي الا الاخ يتحرك حركة قوييييية لدرجة اني صرخت اخوي خاف بسم الله شفيج
هو مو متزوج فمستغرب لوووول
فمن صار هالموقف وانا ماشفته اليوم كله من الاحراج
واليوم الثاني قالي شفيج امس صرختي انا احمر وجهي وقلت ولاشيئ بس تعبت ههههههههه
صارت لكم مواقف مثل كذا ولا

[رنين الصمت]

اي بيت يا وايت ربي يخلف خل يصير عندي بيت عشان اتنفس فيه
اكيد في بيت اهلي

[رنين الصمت]

مجنونه يا عيوني ليش الحيا عادي
انا مثلش مشيي على قولتش زي البطريق اخوي لشافني امشي قام يمشي زيي ويطنز

والا يقول وخرو وخرو جاتكم البطريق

عادي بعد وش اسوي وين نخش هالدبه

[اميرة الورد ~]

وااايت
تتوقعين كذا
انا لماقلت للدكتورة قالت طبيعي
بس جد متعب والله مرات احس بضيقة بصدري وباليالله انام يبيلي 3 ساعات على مااتقلب يمين يسار ويمين يسار زوجي يقول تلعبين انتي ههههههههه
واذا كلش كلش كسرت خاطره خذ له بطانية ونام عالارض ياحياتي
يازعم انه ماخذ السرير كله ههههههه مع ان مو هذي علتي
******
اي ان شاءالله ن بكرة بروح عاد ياوناسته لاقلت له بروح السوق اجهز بس شكلي باخذ كل شيئ بكرة لو اروح من العصر بس مالي خلق روحات للسوق
انا زواج اختي بعد شهر ومدري شسوي
راح اكون بالتاسع شكلي بولد عندهم لوووول
*********

[whiteroes]

مجنتوته انا مثلك احط مخده على بطننى خع ه هههههه بس عادي امشي مثل البطه يم اخواننى ههههه بعد شيسوي اخل كرشتى بشقتى لاجيت اروح بيت اهلي عادي خللك طبيعه
رنون انا قلت بتنفس بشقتى مع انها صغيره بس ارياحلي
لان بيت اهل حشا مقطل اللى داخل و اللى طالع وكلهم اولاد
بس امي ما رضت لى
اقولج حمود علمته على الحمام ولا لسه

[اميرة الورد ~]

رنين
هههههههه
ليتني مثلك
لا اخواني مايتطنزون الا واحد مراهق ومستانسة عليه
لكن الباقي لا
انا لابرز بطني حيل حطيت الوسادة الصغيرة مع الجلسة على بطني عشان مايبين
حدي خجولة بس شكلي لادخلت التاسع بفصخ الحيا ههههههههههه

[اميرة الورد ~]

وايت هههههههههههههه
يصير نخليها ونروح
ههههههههههههههههه
ربي يهون عليكم يارب

[whiteroes]

مجنتوته انتى من ووين
انا ورنون من المبزر ولا بعد نفس الفريج خهخههههههههههه بس ما نعرف بعض

[اميرة الورد ~]

جد
هههههههههه
تعرفوا على بعض وسيروا على بعضكم
انا من العيون فديتج

[رنين الصمت]

وايت بكر وتبين تولدين بشقتش جنيتي خلش عند امش احسن لش تدير بالها عليش

لا لسى ماعلمته لانه الحين عايشين بالمزرعه ولسى ماكتمل البني عايشين اشوي ضروف صعبه لولدت بيت اهلي بعلمه

[whiteroes]

ههههههههه ما في امل ما بغيتى الا انا من الابتداء لين الكليه حدي مدرسه والبيت كلش ما اطلع مدري ليه خخخخخخخخ شكلي بطه من عمري

[رنين الصمت]

انا متأكده انا وايت يمكن اهلها يعرفون اهلي وانا بعد اكيد امي تعرف اهلها بس لسى ماعرفنا عايلة بعض للحين

[اميرة الورد ~]

هههههههه
الله يعينك
مثلي انا من بيت اهلي لبيت اهله
واذا كلش كلش رحت اسير على خواته اواسير على خواتي بشققهم
والمرزعه غيره مافي
الله يعين

[اميرة الورد ~]

رنين خلاص اجل عزموا بعض ووسعوا صدركم

[whiteroes]

100 %
امي مشهوره حدهااااا هههههههههه

[رنين الصمت]

نفس الحاله يا وايت
من المدرسه للبيت ومن البيت للمدرسه حتى بيت اقاربنا مانطلع

الا يوم خلصت الثانويه واشتغلت بالمشغل يمكن قمت اشوي اتشجع واطلع

[اميرة الورد ~]

رنين انتي تشتغلين بالمشغل
عندي عرس اختي بس ماراح اجي برسل خواتي
تعرفين ثقيلة مالي بالزينة حيل بخلي وحده تجيني
لكن بقول لخواتي يجون
اي مشغل فديتك

[رنين الصمت]

وايت امي تقرأ عشره ابتدتها من يوم الخميس هذا تعالي وجيبي الوالده وانتي بعد مجنونته تعالو خل اشوفكم

[whiteroes]

كرررايش اللى تولد شتاكل بنفاس
يعنى كل وحده تقول اللى تعرفه عشاان نستفيد
تفرفون اهم شي الوحده تنفس عدل
انا اختى لا مرقت لحم ولا لحم تاكل
ولا تحب تشرب حلبه الا غصب بس شربتها يمكن 10 ايام ووبكريه وعمليه بعد
واللله الحين بتكمل سنه من ولدت وطلع عليها كل تحس بتعب دايمااا من اي شي بيسط
ودايما الم بظهرها وبطنها
حتا الله يعزمكم دورتها لا جات تذابحها

[رنين الصمت]

انا طلعت من المشغل بس تزوجت يعني من اربع سنوات

المشغل يا عيوني بالهفوف اللي هو مشغل الاناقه

بس علاقتي مازالت معهم عال العال كأنهم اهل
ازورهم كل فتره وخلال هالاسبوعين بروح لهم بسوي عشى لهم

[اميرة الورد ~]

مشكورة ع الدعوة حبيبتي
*******
وربي يطول بعمر امك يارب ويخليها لك
*******
والله بالنسبة للأكل
في كثيييير
رز حساء- مفلق-ومرق لحم- وامي تسوي شيئ لخواتي لمايولدون بس ماجاني فطنة اسألها شنو
بس هي مثل الشوربة وتحط معها رشاد
اسالي امك يمكن تسويها
الله يعين امهاتنا عليننا مع نفاسنا

[رنين الصمت]

وايت وع انا ماتخيل اشرب حلبه

\بس امي تسوي لي رز حساوي مع ذرة حلبه لانها تعرف اني ماحبها ولا احب ريحتها

وكبده

بس هاللي يعطونه للحامل اللي اسمه هالرشاد مع المرق ماحبه

حتى الرز الحسا ماكنت احبه بس زوجي هددني اذا ماكلت ماراح يجي يزورني وهو يجي وياكل معي لولدت عشان يشجعني على قولته

حتى امي تقول افتكيت يوم يجي عشان ماتجننيني في الاكل

[اميرة الورد ~]

ماشاءالله
طيب ممكن تدليني وينه بالضبط
وبالنسبة لاسعاره كيف

[whiteroes]

hwaml93ايه الله يعنينهم جزاهم الجنه
فدديتهااا امي مع ان امس شفتها بس ودي كل يوم عندها
بسالكم يقولون الرشاد ما يصلح بالايام الاولي
بس الوحده تشرب حلبه
امي تخدر لنا الحلبه تسويها مثل الشاي بقوري ومع اعواد من الدراسين وتحلالها بعسل بدل السكر
واهل امي لا يشربونها الصبح مع كاس حليب

[رنين الصمت]

هو بالسويق مقابل الفارسه ومحمود سعيد
واسعاره والله تقريبا وسط في الغالي وفيه الوسط

عندهم ام محمد سوريه هي حقت العرايس وكنت مساعده لها

اذكر لجانا الزواج الجماعي ام محمد تسوي المكياج وانا اسوي التساريح للعرايس وتعب وقفه من الفجر لين بالليل الساعه 11 تعب كثير بس وناسه كله عرايس ينترس المشغل

[رنين الصمت]

وع مستحيل اشرب الحلبه شراب شان اموت


انا يالله ملعقة الشاي امي تحط في طرفها بس في الرز ولا اعصب انا اقول لها قللي
وريلي يقول لها زيدي لها


وامي تحتار بينا هههههههههههههه

[ocean of memories]

هاااي كرووشات شخباركم وشخبار بيبيااتكم

[whiteroes]

بسالكم ليش يحطون الرشاد بمرقت اللحم ووش فايدته
يؤيؤ انا ما احب الرز الحساوي بحلبه تقيل مره
رنون امج تسوويه بلحم ولا بدون

[اميرة الورد ~]

ماشاءالله تبارك الرحمن
ربي يعطيك العافيه حبيبتي
يلا اهم شيئ تغيير جو عالاقل تطلعين من البيت
راح اقول لهم ان شاءالله

[whiteroes]

هاااااااااااااا يااات اوشن اخبارك واخبار البيبي

[اميرة الورد ~]

اهلا حبيبتي منورة
احنا بخير ولله الحمد انتي كيفك وكيف الحمل معك

[اميرة الورد ~]

مافي احد يحب طعم الحلبة انا عندي اشربها مع حليب ولا اني اكلها وهي مطحووونة
الله يعين ياانكم ببتعطروون منها هههههههه
عطر باريسي لحد يشوووووووفك
ههههههههههه
وااايت حبيبتي
الرشااد فايدته انه يدر الحليب ويسمنج ويقوي رحمج

[رنين الصمت]

تسويه ياعيوني على لحم

يقلون اللحم الحام للضهر كلام عواجيز

يعني لازم تاكلين لحم بنفاسش افضل لجسمش

انا ماحب الحلبه خير شر بس لولدت تحط لي امي زي ماقلت في طرف ملعقة الشاي الصغيره يعني مايبين حتى طعمه

[ريم الحربي]

السلاااااااااااااااااام عليكم خياااااااااتي ,,, اخباركم ان شاء الله منيحاااااااات ؟؟؟
الله يخلي امهاااتنا يارب ويطول بأعمارهم ويعطيهم العافيه ...

[اميرة الورد ~]

رنين اقول عن الدلع بس
اكلي ترى مفيييد
انا مرات اشربها مع حليب لاجاتني الدورة وربي مفعولها رهييييب
لكن الحين ماصرت اكلها لانها موزينة للحامل

[اميرة الورد ~]

ريييييم
ياهلاوغلا بسميتي
اررررررحبي
شخبارك
آمييييين يارب
كيفك مع الحمل

[رنين الصمت]

مستحيل اشربها انا بس اشم ريحتها تلوع شبدي شلون اشربها ماتوقع اسويها

[رنين الصمت]

هلا بالريم شلونش يام دبه ولا مبينه لنا كرشتها خشيها استحي ههههههههههههههه

[خطيرة الملامح]

كيف الحااااااااااااااااااال ؟
اخباركم مع تعب الحمل
اشوف ضيفه جديده
هلا فيك مجنونته وحياك بيننا
واخيرا الصفحات بدأت تمشي
مافي اخبار عن الرقي الكل انشغل باله عليها

[اميرة الورد ~]

تتعودين ياعيوني
ههههههه
بكرةلاحسيتي بالالم غصب بتاكلينها فديتج مو طيب
بعدين هذا زين لج لاتخليني افتح محاضرات امي لخواتي لج هههههههه
ترى حافظتها زييين وشكلي بريحها هالمرة وماراح اخليها تعيدها نفس كل مرة
ويلا حبايبي
جلست ع اللاب كثييير اليوم
بقوم اتمدد وارتاح
فمان الله ونشوفكم على خيير ياكروشااات
باي فديتكم

[اميرة الورد ~]

هههههههه
ريم شكلها تبي تتبرد
تعرفين الجو حار هالايام
هههههه
******
خطيرة
هلابك حبيبتي
اي والله شاءت الاقدار اني اكون في هذا المنتدى الجميل والاعضاء الاجمل
ربي يحييك ويبقيييك
وربي يطمنكم عليها ا نشاءالله
فمان الله

[whiteroes]

اهلين ريوم اخبارج واخبار البيبي
رنون من صجك ما مره شريتى حلبه يؤيؤ النفاس ماتحس انها نفساسه ههههه
كلمه جديده بقوموس حامل مفهيه الااذا شربت حلبه
ايه يا حلالج مجنونته زينه بدوره
انا اشرب مراميه بدورتى احيانا
يؤيؤ ارشاد يمتن ما ابيه دورلي شي ثانى
نبي نصعف خخخخخخخخخ بكيفي

[whiteroes]

هااااااااااااااي خطوره اخبارك مع التغب

[رنين الصمت]

وايت يا عيوني اكل حلبه بس مخلوطه مع الرز الحساوي وقليل كثير مايبين في الرز حتى طعمه يعني ماكأنه امي حاطه
وبس لولدت والا سائر الايام وع لا

[خطيرة الملامح]

انا والله حالتي حاله رجولي متنفخه مو قادره امشي عليها
الحمد لله على كل حال
بس للحين مااحس بطلق خخخخخ
ماادري بصراحه مااعرف حتى لو جاني انه طلق
بس احيانا احس بمغص في بطني والم في ظهري
بس ماادري اذا هذا يسمونه طلق
حتى زوجي مستغرب يقول توقعت بتدخلين التاسع وبتصارخين وحالتك حاله
بس للحين ماشاف شيئ

[whiteroes]

هههههههههه رنون شكلج جابه لرجلك وامج الصمرقع ههههههههه قديمه موول
علمتى حمود على الحمام ولا لسه

[رنين الصمت]

خطوره عيوني هذا طلق بس خفيف تحسين الام مثل الم الدوره بس ازود اشوي منه

[رنين الصمت]

لسى ماعلمته

مافيني شده هالايام يبيله وساعة صدر خل اولد واعلمه
الحين ابي الفكه حفاضه وعالطاير بعد

[خطيرة الملامح]

رنين ايوه
بس انا يمكن لاني حاطه في بالي ان الطلق ماراح اقدر اتحمله بموت منه
بس الي يجيني نفس الم الدوره بس مقدور عليه
يقولون الطلق ماتقدرين حتى تتكلمين اذا جاك

[رنين الصمت]

صبري اللي جاي اعظم ..... تخويف
الحين طلق على خفيف لجى الصج بتعرفين الالم عدل

خل تقرب الساعه تعرفين الالم على اصوله


الله يهون عليش يارب

[خطيرة الملامح]

بنات غريبه الريم الشارد
مادخلت ان شاء الله تكون ولدت

[whiteroes]

الله يساعدج
ولد اختى صار عمره ثلات ولا يبي يتعلم لدرجت انها دخلته نادي صيفي
علموه فى اسبوع متسبب العيار يسمع ويطوع من غيرها
واختى يعنادها بكل شي للين الحين ولا زاد عناده ست سنوات خلاص قمت العناد

[خطيرة الملامح]

هههههههه
رنين الله يستر
والله انا ماافكر بالم الولاده كثر ماافكر ان يكون البيبي سليم هذا الي خايفه منه

[خطيرة الملامح]

اخليكم يالمبرزيات
لاتقولون مااذن اذن عندنا وانا ساكنه بالمبرز
لان زوجي من المبرز

[رنين الصمت]

هالعيال عنيدين خصوصا لأمهاتهم
انا نيوفي في الاكل مطفشني اخذنا له فاتح للشهيه ودوا للفيتامينات ومطفشني وزنه ضعيف بينه وبين اخوه سنه وشهر ومع ذالك وزنه زي اخوه

عنيد لقال لا مايقول نعم

[whiteroes]

لا خطوره تفال بخير تجدوه
ان شاء الله خير
ربي يهوون عليج وعلينا يارب
انا احاتى بالم الجراحه مو ب الطلق الطلق ساعات وبيروح
خخخخخخخ صبري لين اجرب الطلق ذيك ساعه بغيري كلامي

[ريم الحربي]

هلا بكم زوووووووووووود فديتكم اي والله الجو حررررررررررررررررررررررررررررررررر حتى ولو التكييف ينفخ علينا الله يرحمنا برحمته ...

[رنين الصمت]

اكيد اذن عندنا بس مابعد تحكم الصلاة

يلا انا بعد بروح اتجهز للصلاه وبعدها اتجهز للدواره انتظر اختي


اي وصج هونت ماراح تروح الاحساء مول بنروح سنتر بونت اللي يم توباز اللي على خط قطر

ونااااااسه الليله في ادواره

[whiteroes]

يؤيؤ ولد اختى 8 سنوات ولين الحين امه توكله واهو يطلع التلفزيون
بط جبدي ودي اكوفخه عدل ويزعل بسرعه ولا يرضي احد يكلمه حتا لو اهو غلطان تسلب يمرع عيوونه
من الحين لا يمشي ولدي خخخخخخخخخ

[رنين الصمت]

وايت تعالي قربي يمي وهمسي في اذني من وين انتي عشان اعرفش عدل



هههههههههههههههههههههههه

[whiteroes]

رنون مرنى ما عمري رحته خخخخخخخخخخخخخ

[whiteroes]

وانا بعد بررررررررررب حكمت صلاه

[رنين الصمت]

العيال لين يشيبون وهم يجنون امهاتهم هذا انا بس اصرخ عليهم

اقول لهم متى ازوجكم وافتك منكم

ابي ابلش بنات الناس فيهم هههههههههههههههههههه

[رنين الصمت]

يلا اروح اصلي دخلو اخر الليل والا بكوفخكم سمعتو ؟

[ريم الحربي]

hwaml96 hwaml96 hwaml96 hwaml96 hwaml96


يؤ يؤ يؤ يؤ يؤ
ويـــــــــــــــــــن النآآآآآآآآآآآآآآآآآآآآآآس ؟؟؟

[نفيخه]

هلا رررررريم الناس حيل محتفيه مدري شفيها ياكافي الشر هع

[نفيخه]

ووووويعه ان شاء الله من دبااات من جد وووينكم شالاختفااء العظيم

مايصير عاد كلكم ووولدتوا هع
المفروض كل وووحده تووولد تدخل بعد ماتطلع بالسلامه ووووتكتب لنا انها وولدت عشان نطمن عليكم ولا نقعد نحاتيكم ولا ترا بعطيكم انذار اول <<<<<تهديد الشرطه هع
فوق ذااك غرامه وووقدره 500 ريال هع
اولهم الرووقي الي مالها حس ولا خبر بس تدخل لامسك كشتها ووواوريها شغلها

[الريم الشارد]

مساء الخير حسويات شخباركم..؟

[الريم الشارد]

ماكو خبر عن رقروقه ...؟

[نفيخه]

هلا الرررريم اخبارك شمسويه
قريتي القوانين هع بخصوص انك قربتي توولدين هههههههه

[نفيخه]

لاا والله هالبطه الكل يسئل عنها واهي حضرة جنابها مختفيه لاتطمنا عنها ولا ندري عنها ووولدت ولااا بس ان شاء الله غيابها كلا خير ياارب

[الريم الشارد]

نفيخه اي قوانين..؟

[نفيخه]

اعاااااااااده للتذكير هذا القونين هع هههههههلازم كل ووحده تقراها

ووووويعه ان شاء الله من دبااات من جد وووينكم شالاختفااء العظيم

مايصير عاد كلكم ووولدتوا هع
المفروض كل وووحده تووولد تدخل بعد ماتطلع بالسلامه ووووتكتب لنا انها وولدت عشان نطمن عليكم ولا نقعد نحاتيكم ولا ترا بعطيكم انذار اول <<<<<تهديد الشرطه هع
فوق ذااك غرامه وووقدره 500 ريال هع
اولهم الرووقي الي مالها حس ولا خبر بس تدخل لامسك كشتها ووواوريها شغلها

[الريم الشارد]

ههههههههههه

ولا يهمج بدخل اذا ولدت مراح اقطعكم ان شاء الله

والله يطمنا على رقروقه مدري شصار لها وولدت ولا لسى

[نفيخه]

عفيه على الشطوووره هع بالسلامه ان شاء الله

[رنين الصمت]

سلام ياكروشات الاحساء

[الريم الشارد]

هلا رنين اخبارك..؟

[رنين الصمت]

هلا رمروم كيفك قلبي

[رنين الصمت]

انا تمام بس كرشتي مزجوره احسها متضايقه منها كثير

[الريم الشارد]

انا بخير الحمدلله

عادي بهالشهرين تحسينها قاعده على قلبك الكرشه

[رنين الصمت]

اي والله الله يصبرنا هالشهرين

شكلي بجن من هالحاله

[الريم الشارد]

شقوول انا بافي 9 ايام واكمل التاسع

[عذبوك ياقلبي]

صباح الخير كروشات
كيفكم
بوه حد ولا لا

[عذبوك ياقلبي]

كيفك رنين كيفك الريم اخباركم مع التعب ها وش صار عليك الريم ماولدتي

[الريم الشارد]

هلا غذبووك لا والله لسى

[رنين الصمت]

الله يسهل عليش الريم وان شاء الله هالاسبوع نسمع خبر قومتش بالسلامه


مافي تباشير طلق للحين ؟

[الريم الشارد]

عن اذنكم النوم وصل قاعده بدري اليوم

[رنين الصمت]

هلا وغلا عذبوك كيف كريشتش ؟

[عذبوك ياقلبي]

هلابكم
الله يسهل الريم
انا تمام رنينن بنتي تسلم علي بنتك

[عذبوك ياقلبي]

الووو بنات وين رحتواااا

[حـ ـزن]

مرحباااااااااااااااااا ملاااين على قولت ام خماس خخخخخخخخخخ
شحالكم ان شاءالله بخير

[عذبوك ياقلبي]

حنا تمام انتى كيفك
اعلومش اخبارش كيفش طيبه ان شاء الله

[اميرة الورد ~]

صباااااحكم ورررد
كيفكم

[whiteroes]

ولكمموووووووووووووووو كرررايش

[اميرة الورد ~]

هلا وااايت
شخبارج فديتج

[دلوعته واحبه حبيبيf]

هاي بنات في احد وا لا نيام اخباركم

[whiteroes]

تمام الحمد الله وانتى اخبارج واخبار البيبي

[whiteroes]

هاااااي دلوعته اخبارج عساك بخير
يؤيؤ تونى انتبه حدددددددددددي مفهيه غذبوك الفرق بينى وبينج يوم
مجنونته هههههه
صرن اربع

[اميرة الورد ~]

واايت انا بخييير
والبيبي مدري شفيه هاجد اليوم ماحسيت بحركاته
وااو وناسة
هههههههههههه الله يكثرهم

[whiteroes]

كررايش استاذن بكره عندي موعد بقوم انام
اشوفكم على خير

[حـ ـزن]

اخبار رقروقه مالها حس لسى ؟؟

[اميرة الورد ~]

وااايت
نوووم العواااافي حبيبتي
انتبهي لحالك وللجنين

[حمرة الورد]

هلا كروشات رجعت لكم ورجعت للتجمع اخباركم ويش اخر التطورات مين ولد ومين حمل ان شاء الله لي رجعه واشوف اخبار التجمع واقرا اللي فاتني من اخبار الكروشات صفحات كثيره فاتتني ههههه الله يعين بس

[اميرة الورد ~]

اهلا حمرة الورد
منورة حبيبتي
والحمدلله ع سلامتك
تتربى بعزك وتبلغي فيها عروس يارب
من حمل ومن ولد مابعرفش يختي
اصل انا جديدة في ذا <<شف اللهجة بس دمج ههههههه
الله يعينك

[حمرة الورد]

هلا فيك
منور بوجودك يالغلا
والله يسلمك ان شاء الله

ههههه خذي راحتك اختي ماركزت الا يوم قلتي <<< ماحد قالك تنبهيني كان مادريت هههه

وحياك معانا

[اميرة الورد ~]

ربي يحييك ويبقيييك
ههههههههه
يعني

[حكاية مكان]

سلااااااااااااااااااااااااااام كروشااااااااااااااااات

[اميرة الورد ~]

وعليكم السلام
هلا حبيبتي كيفك

[حكاية مكان]

هلا قلبي مجنونته

انتي شكلك جديده هنا صح

[عذبوك ياقلبي]

هلا
الحمد الله على السلامه حمره ورد
كيفك حكايه ومجونته
كيفكم مع التعب