دردشة بنات المدينه المنوره - تجمع حوامل بنات المدينه

[Mish]

سلآمتك والله يآ قلبي ..
طيب مآ قولتي لدكتورتك ؟؟

[العميدة]

الله يسلمك من كل شر

قلتلها جابتلي دوى عدم معدتي

[العميدة]

00000000000000

[Mish]

أوف !!
طيب متى مرآجعتك الجآية إنشآلله ؟؟

[Mish]

حتى أنا قلي كده الخميس إللي فآت - مآ ولدنآش ليه -
نفسي ألطشووووووووووو
آه بس صبرك يآربي ر..

[عروسه]

صباحكم سكرات
كيفكم ياحلوين
سوري جلست اتصفح أول اللي فاتني ورديت على اللي يسألوني ودجين جعتلكم

وحشتوني صار شاتكم يوحشني مرة

ميش أبغى أهزأك
اش أسيد هذا أنا والله افتكرته زي أرين حامض كيميائي وحتى لو حطيتي الضمه برضو مو مرة حلو لأنه حيلاقي تعليق على اسمه لما يكبر وفي المدرسة مو الكل راح يعرف يقرأ اسمه صح وزملائه حيضحكو عليه
أنا يمرو علي طالبات أسمائهم غريبه جدا ولما أحرف في أسمائهم أفتكرها كده تنطق يجلسو صحباتها يعلقو عليها
حرام تحزن لا الله يخليك سميه اسم يكتب ويقرأ صح

وعلى فكرة ياحلوة الدكتور ماكتبلك مرهم للحكة؟

[عروسه]

جاتني هبقة بخور
ابغى أشم ريحة بخور
حطيت الفحم على النار ياسلااااااااااااااااااام
أعشق البخور

[العميدة]

عندي مراجعه يوم الاثنين وانشاءالله اكلمها على الدوى الي عدم معدتي هو الي كان ناقص

اهلين عروسه كيفك وايش اخبارك

[عروسه]

هلابك العميده
الحمدلله بخيرات
بس مشتاقه للنوم عشان كده ابغى أولد افتك من السهر وافتك من حكة البطن هههه

[العميدة]

عروسه ايش البخور الي يعجبك

[العميدة]

عروسه هههههههه

ودعي النوم من اليوم

حتى لمن تولدي يجي المزعج او المزعجه ويقولو لنوم بايووووو

[عروسه]

المستكة واااااااااااااااااااااااو أموت عليها أكثر من أي بخور
أما العودة أحبها في غرفة النوم بس
لكن المستكة ودي أكلها
وأحب كمان ريحة الديتول هههههههههه صايره بس اشمشمه كل شوية

[العميدة]

شكلو وحامك على التعقيم والمعقمات الله يعينك

[ولا أحلى]

وحشتيني عميده فينك اختفيتي

[العميدة]

اهلين ايمونت قلبي كيفك وايش اخبرك

[العميدة]

حتى انتي وحشتيني ولا احلى تعرفي التجمع مر تقيل مو زي الجروب
وكمان معدتي متعبتني وثقلانه
اقلك امس روحت الصيني مع وحده من بنات العيله وقلتلها اناك انتي الي دليتيني عليه

جزاكي الله خير

[العميدة]

000000000000000000000

[Mish]

عروسة
بعدين حعلق على هرجة الإسم ، لأني مره مسطلة دحين أبغآ أنآم ..
وكويس إنك دخلتي و أنا موجودة عشآن من أول بستنآكي عشآن أقولك إنو الدكتور كتبلي حبوب للحكه ..
وطلعت نفس إسم المرهم إللي جبلي هوآ زوجي أول مآ بدأت معآيآ الحكه ومآ سوآ شي ..
لكن الحبوب بدأت أخدهآ من الخميس بدأت أحس إنو في فرق مآشآلله عن أول ..
الحبوب إسمهآ Fenistil
يآلله تمسو على خير كروشآت ..

[ولا أحلى]

سلامتك يااقلبي ماتشوفي شر

وبالعافيه عليك كويس انوو عجبك المطعم

[العميدة]

الله معاكي ميش

استودعتك الله
نوم العوافي

[العميدة]

الله يعافيكي ياقلبي
تصدقي وحشتني جمعتى في الجروب
تحسيها احلى من التجمع

[عروسه]

مشكورة ميش وتسلمي كنت انتظر اسم الدواء

تمسي على خير ياقلبي ونوم العوافي

وخلوني استمتع بريحة المستكة وااااااااااااو ياسلام بس ليتكم معاي اتصفح والمبخره جنبي والدنيا ضباااااااااااب

[Mish]

وصح صح عروسة يبغآلك تجي عند أهل زوجي كل صبآح ..
كل يوووووووم الصبآح يبخرو البيت تحت كلو بالمستكه حتى الكآسآت حقة الموية يبخروهآ بالمستكه ..
أنا أول مآ أشم ريحة المستكة أقفل بيبآن البيت كولهآ عشآن لآ توصلي أعععععععع
أنا أكرههههههههههههههههههههههههآ و أفتكر مآمآ بعض الأحيآن تضحك علينآ بالزآت لمآ تسوي سليق و تحوط نتفة مستكه بدون مآ تقول ..
لكن مو عليآ !!! أول مآ أقرب الملعقة من فمي الريحة أحسهآ في نآفوخي على طول أطآلع في مآمآ بقهرررررررر تقعد تضحك تقولي يآ لطيف مآ ينضحك عليكي ..
أقولهآ إلللللللللللللللللآ المستكه hwaml4

وبالنسبة للجروب عميدة طلع في موشكلة في كل الجروبآت نفس الشي ..
وحتى أمس رجع إشتغل الجروب بس رجع قفل تآني ..

ويآلله بــــــــآيووو

[عروسه]

هههههههههه ميش ليتني عندهم وناسه
على فكرة روحي الطوارئ وخليهم يكشفو عليك داخلي يقولو هذي الحركة توسع الرحم أصلا ويفتحوه بيدهم
روحي أي طوارئ وقوليلهم تعبانه وخليهم يكشفو على راحتهم ههههههههه احنا نبغى نخلص لو على يدهم

[عروسه]

جبتيلي فكرة بقوم ابخر كاسات الموية
خخخخخخخ

[Mish]

يآ بنت لآ تلعبي في موخي ..
في حآلتي إللي دحين المأسآوية حسوي أي شي ..
دقيت على مآمآ أقولهآ أيش فيآ قآلتلي لآ تستعجلي يآ بنتي لآ تروحي الموستشفى ..
إتحطمت واللهي .. كآن نفسي تقولي روحي ..

آه بس .. خير إنشآلله

[عروسه]

يلا مع السلامه يا حلوات تعبت من جلسة النت بروح ارتاح شوية
واستمتع برائحة المستكة الشهيه

[عروسه]

لا ياميش والله من جد أتكلم مو تروحي عشان ولادة لاااا
روحي طوارئ أحد أو الولادة هما على طول جاهزين للكشف يحبو كده هههههههه
قوليلهم تعبانه وحاسه ان الرحم مفتوح خليهم يقيسو ويشوفو
واذا قالولك ولادة ومنتي حابه تولدي عندهم قوليلهم طيب بس اروح اكلم زوجي وافركييييييييي
وبعدين كلمي ماما وأسأليها اذا خلاص تروحي تولدي ولا لسه
أهم شيء تطمني وتخليهم يوسعوكي شوية

[ولا أحلى]

ان شاء الله يرجع القروب ياعميده ونرجع نهرج زي
يلا ان اذنكم بقوم اريح شوي

[عروسه]

انا لو مكانك حعمل كده الصراحه
صحيح اكره الكشف الداخلي بس مادام حيعملي خدمة فأهلا وسهلا به

[هنددد]

السلام عليكم
كيفكم
ارين لوسمحتي ابغى رقم الدايه الاندونيسيه

[ام عبدالرحيم]

السلام عليكم

[ام عبدالرحيم]

وييييييييينكم

[يآرب رحمتك]

سلاااام يآحلوووين



مسساء الورد = )



كيفكم ؟ وكيف البيبي ؟

[ام عبدالرحيم]

هلا ياقمر منورة

[ام لولو الحلوه]

السلام عليكم
كيفكم ان شالله بخير

[ام لولو الحلوه]

كيفك عروسه
مرررررررررره شكرا حبيبتي واسفه على الازعاج
وبصراحه مره حبيتك.
والله يفرج عليكي وعلى كل البنات

[Mish]

مسآء الخير كروشآت ..
كيفكم ؟؟

[ارين]

مسالخير بنات
كيفكم
هنددد انشالله وصلكي الرقم

[Mish]

والله مدري يآ عروسة إزآ زوجي يرضى أسوي دي الحركة ..!!
الله يكتب إللي فيه الخير بس ..
اليوم حآسة نفسي تعبآآآآآآآآنة و جسمي طآيح .. بالقوة روحت الممشى ..

[ارين]

اهلا ميش
يابايخه لا تقولي طفشتوني والله اني اعتبركم اخوات وماتضايق من اي احد فيكم
اذا عندك شي قولي لاتترددي ازا ماعرف اقوللك ماعرف

[ارين]

ميش شكلك حتولدي دا الاسبوع اعراض الولادة باينه من كلامك وترا كلام عروسه صح بس عادي الكشف ببلاش حتى في الخاص قوليلهم تعبانه وابغى اكشف انا كدا كل مرة اكشف عند القابله في الدار ازا الدكتورة ماهي في

[Mish]

يختي عليكي الله يسعدك يآرب ويخليلك زوجك و بزورتك يآرب ..
ويخلينآ لبعض كولنآ ..
من جد المثل إللي يقول - رب أخ لم تلده أمك -

[Mish]

يآآآآآآآآآآآآآآآآآرب الله يسمع منك أرين ..
و أنا إزآ حسيت نفسي تعبت حقول لزوجي نروح الموستشفى على الصآمت بدون لآ أهلو يدرو ولآ مآمآ عشآن لآ يقولولنآ لأ كخخخخخ
يآ أومي لو الكشف بـ 200 ريآل أسويه بس أهم شي ربي يفرجلي هيآ ..

[moon-flower]

مسااااااء الخير كروشات
وحشتونى
بس النفسيه كاانت عدم
ظهرى والام بطنى مضااايقنى
اقول يااريت يقوى وارتاح

[Mish]

اليوم من الضهر و أنا حوضي يألمني .. إلين دحين والله طول مآ أنا بمشي بيألمني ..
إزآ حسيتو زآد حكلم زوجي إنشآلله نروح الموستشفى ..

[ارين]

ولو ميش ما يحتاج

[ارين]

والله انتي اكتر موووون
الله يسهلك يارب ويرتاحي وييسر لميش امورها
واحلى ذكرى يارب وعروسه امين يارب العالمين

[Mish]

مسآء النور مون ..
كولنآ في الهوآ سوآ الله يعيننآ و يكتبلنآ سآعة السلآمة و الولآدة السهلة يآرب ..
آمين يآرب أرين آمين ..

[moon-flower]

اااااامين يااارب
تصدقو اصلا كل ماحسيت الم رحت لماما جري اقولها يمكن طلق
تقولى لو تطلق ماتجي تكلمينى ولا تتنفسي حتى هههههه

[moon-flower]

صح ارين بسالك
الحرمه دي الاندنوسيه متى اجيبها

والى تعرف ارواب الاستقبال من فين؟؟
قالو لى باسلامه رحت له مافيه شي كلها اشكالها عبيطه
اصلا اقول لماما مو لازم احسن بجامات واشكالها كيووت اكثر
تقولى ماحلاكي تقابلى الناس ببجامه

[ارين]

لا مو لدي الدرجه مووون يمديكي تمري امك وتاخديها وتغيري ملابسك عااادي
بس الالم يخليكي تقلقي يروح ويرجع كدا
ازا ما قدرت تتنفسي من الالم اعرفي انو البيبي خلا بيخرج مو طلق

[ارين]

موون جيبي البجايم اللي بارواب استقبال حلوة ازا عندك من جهازك وانتي عروسه خوديها معاكي
حتى لوعندك قمصان حرير اللي بارواب دانتيل عرفتيها خوديه للاستقبال واللبسي تحتها بدي
وارواب النفاس اختها من فكره غير اشكال الوان بس ماعجبتني مو عمليه
مرة موتعبه بالرضاعه للايام العاديه خودي ارواب او بجايم قطن بازارير عشان الرضاعه كدا اريح

[Mish]

ههههههههههههه مون حتى أنا أول مآ ضهري يعورني أتصل على مآمآ مسكينة طفشتهآ ..
والله إننآ غلآبه ..

[ارين]

نسيت اقولك الحرمة تجيكي بع الولادة بتمنيه ايام

[moon-flower]

معايه الم بس عادي بسيط
سرت اشرب كمان حليب بالزنجبيل اقول يمكن يخلى الطلق قوي
ياااارب بس يسهل يارين ويسعدك

[moon-flower]

ههههههه بجد نحزن ياميش
ارين ليه الاحراج ملابسي ولا شي يجى مقاسي اهئ اهئ

[Mish]

أنا يآ مون أخدت روبين إستقبآل من بيت الجلآبية ..
و أخدت وآحد من محل في النور مول الدور التآني نآسية إسمو والله ..
بس والله دآ الروب يجنننننننن مره حلو .. يجي الروب و معآه إللي يتلبس فوقو نسيت إسمو و معآه طرحتو و كمآن لبس للبيبي ..

[ورده بين ايديه]

ارواب الاستقبال في فلور في النوور
وعندك في محل في الهرم رووعه شكلها زي قميص اول ليله<< ابو التشبيه
صراح افكر اخذ منو اذاجهزت
والله يوفقك

[moon-flower]

سوووري يارين والله شكلى هلكتك اسئله
طيب هيه ايش تسوي
انا بصراحه احس جسمى كلو مفكك لمى قلتى تسوي مساج وتجي البيت انبسطت مره
يعنى كم يوم تجينى وزي الدايه هيه ولا لا

[moon-flower]

شكرااااا ياورده انتى وميش
لانى بصراحه ابغى اخلص
ماجهزت شي لانى بعيده وفي قريه
قلت اخلى كل شي لجيت
ودحين مافيه اللفلف في الاسواق
بجد يسلموو

[ارين]

اعذريني مون بس انا ارواب النفاس لقيتها مو مريحه مالها ازارير وفتحات الرضاعه مر تضايق البيبي غير كدا لو تحركت شوي احس بطني تبان مرة ماريحتني البجامات والارواب العاديه احلى
خوديها خفيفه لان النفاس بطبيعتا تحتر اكتر من الناس العاديين ومع شرب السواخن الله الله من جد حر

[Mish]

يعني الوآحد محآ يصدق إنو ولد ويفتك من الحرآرة الزآيدة حقة الحمل و أتآري جآيتنآ حرآرة النفآس ..
اللللللللللللللله يعين بس ..

[moon-flower]

ههههههه بجد ياميش
وعااد حر المدينه ياعمري عليه احس عيونى زي البيض بيتقلى لمى اخرج العصر
حتى انا ياارين احس البجامات اريح

[احلى ذكرى]

ارين’’الله يسعدك يارب ..دي الاندنوسيه اقدر اجيبهاا قبل الولاده تعمل ليا كم حركه كدا ممكن اولد <<خخخ
<<<
مون ’’’عندك بيت الجلابيه وفلور عندو ارواب حلوه بازارير اما اللي فيها فتحاات منهاا مريحه ع قولت ارين,,واشتريلك بيجايم كذا فضفاضه وبلايزهاا طويله تكزن بقصه او ازارير من قدام انا اشتريت بيجايم من دون ازارير وديتهاا للخياطه وسويت لها زراير,,hwaml7
<<<
ميش,,, اه ع التعب انا كل شوياا بتصل بامي جننتهاا كانوا مافي احد حمل غيريhwaml02

[ويبقى الامل مادامت الحياه]

هلا باهل المدينه وحشتوني موووووووووووووت اه يالمدينه اه اشتقت لك انا من اهل المدينه ومغتربه في الخارج .وهدتني الغربه صار لي 6شهور ماشفت امي الله يعين كيفكم وكيف الحمل معاكم

[moon-flower]

تصدقو انى نسيت الرضاعه جبت من ستنر بوينت وومن سيكرت بجامات بس مقفوله
وماحبيت ارجعها عجبتنى قلت يمكن ماارضع
بس حكايه الجلابيات هادي مو عاجبتنى بس ايش اسوي ماما مصره عليها تقول ارتب
يالله الله يعين

[moon-flower]

اهليييييين فيكى يالمغتربه
وترجعى بالسلامه
والله يعينك بجد صعبه انا في الجنوب واشوف انى مغتربه اشتاااااق للمدينه مره
ربي يوفقك وترجعي

[احلى ذكرى]

انتي ساويتي زيي يامون اشتريت ونسيت انو فيه رضااعه بعدين وديتهاا للخياطه عملتلي هي ازارير وطلع شكلهاا حلو في القليله البسهاا بعد مايروحوا الضيوف..

[احلى ذكرى]

ويبقي الامل... والمدينه تشتاااااق لاهلها كماان الله
يكون بعونك الغربه صعبه الله يهون عليك الايااام وترجعي للغالين بسلامه

[ام عبدالرحيم]

السلام عليكم


زوجت اخوي اشترت جلاليب مرررة كشخة وودتهم الخياط عمل لها سحابات بالجنبات ومايبناو ورررربي فكرتها جنان انا بسوي متلها لانو اغلب الجلاليب الحلوة مافيها سحابات او زراير

[احلى ذكرى]

هلا ام عبد الرحيم اتاكدواا انو بنت ولا لسااتك؟

[احلى ذكرى]

لا الله الا الله وحده لاشريك له
بصلي الوتر وارجع ..

[ام عبدالرحيم]

هلا فيك زود ذكري ايوة بنت فديتها حبيبة ماما وربنا يتقبل غلاتي

[Mish]

صبآح الخير كروشآت ..

[ام عبدالرحيم]

ميش هلا صباحك احلا

[ام عبدالرحيم]

سبحان الله

[ام عبدالرحيم]

استغفر الله

[Mish]

غريبة محد في من البنآت زي العآدة ؟

[ويبقى الامل مادامت الحياه]

شكرا احلى ذكرى ,,,الله يتمملك على خير وتفرحين بالنونو عن قريب اناحامل في الشهر الثاني وعندي ولد بس ..بسال ايش افضل مستشفى للولاده في المدينه غير الالماني ؟

[احلى ذكرى]

ويبقي؛؛؛ولو نحنا اخوات الله يسمع منك يارب والله محتاجه الدعوات احسهاا من ذهب لما احد بيدعيلي

الف مبروك الحمل ,,,,انا عن نفسي ربراجع بالمطبقاني وبولد فيلوا ان شاء الله عند الدكتوره عفت
وفيه المواسااه يمدحوه كمان وافضل دكتوره نهي والله يتتم لك ع خير ويخليلك ولدك ياارب

[احلى ذكرى]

اام عبدالرحيم<< استغفري ربك دا كلو من الشيطاان الوسوسه دي كل ماحسيتي بكذا صلي ركعتين او صلي ع النبي لاتسمعي لصوت الوسواس دا بعدين تصير عندك فوبيا الموووت
الله يفرحك بولدك وبنتك وتشوفيهم مع بزورتهم وانتو بصحه وسلامه

[ويبقى الامل مادامت الحياه]

شكرا ان شاء الله ربي يقوم بالسلامه لاتشيلين هم ابدا لحظات وبتعدي ,, بس الاهم ماتولدين قيصري الله يبعدك عنها اناولدت قيصري بابني تمرمرت على الاخير ... انتي في اي شهر وياترى جهزتي للبيبي

[احلى ذكرى]

باقي ليا كم يوم واخلص التااسع مرعوبه مووت انو بخلص ومابولد
الله يكتب لك دي المرا ولاده طبيعيه ان شاء الله

[احلى ذكرى]

بسالك انتي فين مغتربه تدرسي ولا مع زوجك؟

[Mish]

طفش طفش طفش

[احلى ذكرى]

مو طفش ميش الا ملل الاتنظار ومع الحر ماتقدري تاكلي باارد الله يعين بس

[Mish]

آآآآآآه بس من جد والله صآدقة ..

[احلى ذكرى]

ميش انا نااويه اشرب قشر قهوه محلي بعسل من اليوم ان شاء الله..<<<

[Mish]

أيش يسوي ؟؟

[Mish]

سويت بحث عنو كل إللي بيطلعلي إنو ينحف !!!

[ام حذامي]

صباح الخير كروشات

[ام حذامي]

ميش ولادتك اخر الاسبوع باذن الله

[ام حذامي]

بنات كروشات بعد الولاده فين نتقابل وندردش مافي منتدى مابعد الولاده للدردشه خخخخخخخخخخخخخخخ

[احلى ذكرى]

لا ياميش بفتح الرحم ويساعد ع الولاده باذن الله واليمانيات واهل الجنوب يستخدمواا ع طول

[Mish]

صبآح النور أم حذآمي ..
الله يسمع منك يآ قلبي ..
لآ عآدي مآ دآم إحنآ إتعودنآ هنآ كول البنآت إللي ولدو بيرجعو هنآ ..
بالزآت لأنو هنآ بس لبنآت المدينة ..

أحلى ذكرى .. أقسم بآلله أنا طفشت بطلت أشرب أي شي .. كل إللي بسويه إني بروح الممشى و ربك سميع الدعآء ..

[احلى ذكرى]

انا بتوكل ع الله وبشربه اذا مانفع مابيضر لانو متل القهوه العربي

[احلى ذكرى]

بعدين ايه دا الياس اللي صابنا استغفر الله صبرنا كول دي الشهور ولاياام ولا هانت مننا صابرين يلا كولهاا كم يوم ان شاء الله ونحضن بيبيانتا بصحه وسلامه يااارب...

[ام حذامي]

انا بولدي الاخير كنت كل يوم اخذلفه حولين الحرم اصلي العشاء وادورالحرم كاني اطوف الكعبه واكمل الين اوصل السياره مشي وتورم رجولي واتعب تعب موطبيعي فالاخير طلق صناعي وادتني الدكتوره ابره تفتح الرحم يارب رحمتك

[احلى ذكرى]

انا نفس حالتك ام حذامي رجولي تنفخت من المشي من امس بطلت امشي ايش هو داا هلاك حتي امي تقولي ارتاحي بعدين مافيكي حيل للولاده لاصرتي مرهقه

[ام حذامي]

استغفرالله

[ام حذامي]

وبحملي هذا من اول ماحملت وانا امشي مسافات طويله واشتغل كثير فالبيت ولسع باقيلي كثير اثاث ماخلصته يعني فيني فيني المشي الشهرين هدي لين اولد شكلي باولد بدري والله يسهلنا جميعا

[doody]

يسعد صباحكم بنوتات

مين موجود ..؟؟

[ام حذامي]

يارب سهلنا ولادتنا يارب

[ام حذامي]

اهلين منوره الشات

[احلى ذكرى]

اللهم امييييين ويسر لنا لحظه الولاده وهونها يارحمن يارحيم

[ام حذامي]

سبحان الله وبحمده سبحان الله العظيم

[ارين]

صباح الخير
احلى ذكرى
ام حذامى
دودي
كيفكم انشالله بخير

[Mish]

بس إنتي عآرفة أحلى ذكرى ..
أنا كل مين يقولي دآ الكلآم إنو صبرتي كل دي الفترة و على الكم يوم دي مآنتي قآدرة تصبري ..
بس بالعقل .. كل دي الشهور أنا عآرفة إنو البيبي لسآعو بيتكون مو وقت ولآدة لكن دحين !!!!!!!!! أييييييييييييييييش بيستنى بالزبط ؟؟

[Mish]

حتى أنا في يآ أرين hwaml4
<< تسوي قوية hwaml02

[doody]

تمام ارين انتي كيفك ياقلبي شو اخبارك
اهلين ام حذامى

[ارين]

ام حذامى لاز ترتاحي اذا دخلتي التامن امشي وقضي
عشان لاقدر الله لا تنزل المشيمه لاتتهاوني بالتعب
مو كويس عشانك حبيبتي

[ام حذامي]

صباح النور ارين كيفك انتي

[ارين]

اهلا ميش ياقلبي
احلى صباح انشالله

[ارين]

بخير تسلمولي يالغوالي
ايش ميشو ماولدتي يابطهhwaml4
لاتعصبي امزح

[doody]

ميش قلبووو بسالك الدكتوره متى اعطتك موعد الولاده ..
انا اعطتني 30 /10 يعني اخر يوم في التاسع

[ام حذامي]

اناتمام الحمدلله انا مظطره امشي فالوقت هدا لاني نقلت من بيت لبيت وجلست ااثث بيتي من اول وجديد ولسع ماخلصت وكمان ماجهزت لنفسي لحد الان ولا للبيبي بادن الله اخر الشهر اكون خلصت واكبر المخده نوممممممممممم الين مايشرف حضرته

[doody]

صح يابنات والله المشي يتعب انا يوم الجمعه نزلت السوق ومشيت كثير
وربي جيت البيت مهلوكه ورجولي من تحت توجعني مااقدر اضغط عليها
بالقوه نمت شايله هم كيف لما حبدا اجهز للبيبي
واكيد بالشهور الجايه بيزيد التعب
والله ماادري ايش حسوي..

[ام حذامي]

الافضل يابنات اننا نلتزم بشي واحد انه نشرب يانسون وبابونج بكثره من نص الثامن نبدا نشرب بس مانجلس نعد بالايام وننتظر بالشكل هذا نخليها على رب العالمين متى الله اراد بيشرف حظرته

[عروسه]

السلام عليكم
صباحكم سكر وعسل يا أحلى كروشات

[ام حذامي]

استغفرالله الذي لااله الاهو الحي القيوم واتوب اليه

[ام حذامي]

صباحك ولاده يااحلى عروسه

[doody]

اهلين عروووسه يسعد صباحك ياقمر

[عروسه]

بنات ألحقو علي تكفووووووووووون
أمس جاتني مغوصات فظيعه أول مرة زي كده لدرجة حسيت النونو وبيطلع وبس كنت أبكي حتى قومة ما أقدر أقوم
زوجي كان مصر يتصل على ماما بس أنا رفضت خفت أقلقها قلت امكن يعدي والحمدلله قدرت أخذ غفوة وعدى المغص
لكن المصيبة الكبرى
فاكرين الحبوب اللي أقولكم طلعت ببطني وبس تحكني بقوة؟
تخيلو
صارت تشققات حمراء تخوووووووووووووف وبارزة على فوق
فجأة بيوم وليلة صارت كده
والله أنا استحي اشوفها في بطني
اش اسوي مرة مفجوعه
قولولي انها تروح بعد الولادة تكفون
واش حكاية المغص اللي جاني

[ام حذامي]

سبحان الله والحمدلله ولااله الاالله والله اكبر

[ارين]

اهلين عروسه
صباح الورد والمستكه
ها روقتي امس انشالله

[Mish]

آآآآآآآه يآ أرين والله تعبت تعبت تعبت ..
مآني لآقية كلآم أوصف فيه حآلتي المأسآوية ..

و دودي الدكتور على الحسآب القديم أعطآني موعد الولآدة 8 رجب
بس لمآ رآجعت عندو و أنا في التآمن و عملت سونآر بآن الحسآب الصح بإني دخلت التآسع مو لسآعي في التآمن ..
فإتقدم موعد ولآدتي تقريبن أسبوع و كم يوم ..

تصدقو أنا بفكر إنو لآ سمح الله لو جآ الخميس و أنا لسآ مآ ولدت لمآ أروح للمرآجعة أكيد وقتهآ الدكتور حيقولي خلصتي التآسع حنعطيكي مهلة أسبوع لو برضو مآ ولدتي نديكي موعد تجينآ فيه ونديكي طلق صنآعي و تولدي إنشآلله ..
فجآلسة أفكر إنو أقولو الخميس خلآص أعطيني طلق صنآعي من دحين و خليني أولد ..
لأنو إنشآلله الأسبوع الجآي زوجي حيسآفر جده عشآن إختبآرآتو مآبغآ أولد وهوآ مو موجود ..
أيش رأيكم ؟

[ام حذامي]

هذي يسموها تفاسيح الولاده انشالله ولادتك قريب واالله يسهلك ولادتك يارب

[عروسه]

هههههههههه ارين روقت امس الصبح على المستكة على كيف كيفك
وطول اليوم أشم ريحة شعري عشان بخرته بالمستكة ياسلام
بس في الليل تنغصت وما تهنيت بسبب المغص اللي جاني

[doody]

ياقلبي ياعروسه سلامتك ماتشوفي شر
يمكن يكون مغص عادي عشان وضع البيبي يستعد للولاده
واكيد انه تغيرات في الرحم ادعي ربك ولاتشيلي هم
اما الحبوب ماادري والله يمكن حساسيه من اكل او شي
بس الخطوط لازم تدهني بطنك كل يوم بزيت زيتون او زبده للجسم عشان تروح بعد الولاده
اتمنى اكون افدتك باللي عندي ربي يسهل عليكي ويريح بالك انتي وكل حامل

[Mish]

صبآح النور عروسة ..
سلآمتك والله حبيبتي لآ تستهوني أنا فرأيي و روحي لدكتورتك لآ تستني المرآجعه الجآية ..
عشآن تتطمني أحسن .. وبالنسبة للتشققآت الحمرآ هآدي عآدي تطلع لمآ تكبر البطن مآشآلله .. حتى إسمهآ علآمآت التمدد ..
عآدي حتى أنا طآلعتلي الحمرآ و البيضآ كمآن .. فلآ تخآفي منهآ ..
و أبشرك إنهآ تروح بعد الولآدة إنشآلله ..

[ام حذامي]

ميش الطلق الصناعي نفس الطلق الطبيعي انا جربته بس اسرع من الطلق الطبيعي وانشالله ماتحتاجينه وانا حاسه راح تولدين اخر الاسبوع باذن الله

[عروسه]

ميش << والله ما ادري انتي شوفي رأي الدكتور ترى لسه الله ماكتب ساعة الولادة

أم حذامى << يعني المغص والتشققات هذي معناتو راح أولد قريب؟
طيب والتشوهات هدي كيف تروح؟

[Mish]

صح عروسة كمآن بالنسبة للحبوب و المرهم إللي قولتلك عليهم ..
ترآ مآشآلله أنا مره نفعت معآيآ الحبوب .. مرررررررره خفت الحكه عن أول مآشآلله ..

[ارين]

ليه ماروحتي لدكتورتك ياعروسه
وبطنك ادهنيها كويس كل شويه
وبعد الولاده ادهنيها
ديما خليها مرطبه عشان تروح التشققات
شكلها بطنك مرة شاحطة
جيبي زيت جونسون للاطفال مرة حلو
واذا ماراحت بعد الولادة جيبيمرهم التششققات من زين الاتات والله حلو انا جربته بس لازم تكون التشققات جديدة يعني حمرا بس بعد ماتولدي بالسلامه انشاللله

[Mish]

أم حذآمي يعني الطلق الطبيعي و الصنآعي نفس الألم ؟؟
ليش كتير يقولو إنو الصنآعي يموت و يألم أضعآف مضآعفة عن الطبيعي ؟؟

[doody]

ميش يااقلبي انتي ادعي ربك واقري سورة االبقره كل يوم على بطنك

وربي يقدملك ساعة السلامه لاتستعجلي وتفكري كثير

هااااااااااااااااااااانت ياقلبي والله هانت

[عروسه]

دودي مشكورة قلبي انا كل يوم أدهن بكريمات والله المستعان
ميش الله يبشرك بالخير أهم شيء انها تروح والله من شفتها وأنا مصدومة جالسة أبكي وأقول أنا تشوهت
شكلي اذا رجع المغص تاني بروح أراجع واتطمن
بس بسألك
دكتورك انتي في المواساة صح؟
هو لما يعملك سونار يعمله تبع الكشفيه ولا بحساب لوحدو؟
لأن الدار أول كانو يعملو سونار العادي تبع الكشفيه لكن دحين صار بحساب لوحدو غير الكشفيه والكشفيه عندهم صارت بس تشوف اش تشتكي منه وتحطلك جهاز سماع النبض وبس
ما ادري ليه تغيرو

[Mish]

أنا الدكتور معطيني كريم للتشققآت لمآ شآف بطني طلعت فيهآ تشققآت كتير ..
ومآشآلله شآيفة إنو في فرق عن أول خفت مآشآلله ..
إسمو vita - k

[ولا أحلى]

السلام عليكم
صبااح الخير
يووووو لسه مافي وحده ولدت مره مصخوهاا بزورتكم ناشبين بقوة

[ام حذامي]

المغص والشد اللي يجي بالرجول وظيق التنفس والكسل والخمول معناته ولادتك قريبه والتشققات اللي بالجسم اكثر شي جربته لها وشالها ورطب بشرتي زبدة الشياء الاصليه تجي من افريقيا اشتريتها من وحده العلبه ب150ريال والعلبه كبيره نص كيلو مره ممتازه او استخدميلها زيت المر وزيت الترمس

[Mish]

إيوة دكتوري أيمن عفيفي في الموآسآة ..
و السونآر مع كل كشف .. مو حسآب لوحدو ..

[عروسه]

ميش لسه والله ماشتريت الدواء أنا أخاف من الحبوب أفضل المراهم
أرين اشتريت لوشن زبدة الكاكو لما بعد الولادة وناوية ان شاء الله استخدمه تتوقعي يفيد؟

[Mish]

وعليكم السلآم ولآ أحلى ..
صبآح النور ..
شآيفة كيف على حطة يدك .. و أمس جآلسة أقول لزوجي ولدك رزيل كخخخخ

[ارين]

صح يابنات احس الطلق الصناعي مو زي مايقولو الحريم انا دايما اخدونفس الطبيعي بس اسرع
ميش اسالي الدكتور بس لازم مايدو الطلق الا ازا فتح الرحم

[ام حذامي]

استغفرالله

[عروسه]

ام حذامى من وين اجيب زيت المر
وينفع استخدم زبدة الشيا من اي ماركة ولا لازم أصليه ومن فين اجيبها
ميش ينفع استخدم كريمك هذا دحين؟

[Mish]

عروسة إنتي شوفي إللي ينآسب يمكن سوبحآن الله إنتي غير ..
أنا المرهم مآنفع معآيآ بشي بس الحبوب مآشآلله في يومين حسيت إنو في فرق عن أول الحمدولله ..
و زبدة الكآكآو كمآن كويسة يآ عروسة .. ترآ حتى لو حطيتيهآ من دحين مآ تضر ..
أنا كونت أحوط منهآ من بدآية حملي عشآن حمآية من دي التشققآت و لمآ خلصت العلبة طنشت مآجبت وحده تآنية إلين دحين في التآسع طلعت كل التشققآت ..

[ام حذامي]

نفسي هدا الشهر يعدي بسرعه طفشت

[Mish]

بآللهي أرين ؟؟ والله ريحتوني أول كونت خآيفة منو لأنو في بنآت قآلو إنو مره يألم أكتر من الطبيعي ..
كلو يبآن إنشآلله من اليوم للخميس إزآ مآ ولدت محآ أخرج من عند الدكتور في المرآجعة إلآ وهوآ قآيلي حل يريحلي رآسي إنشآلله ..

و عروسة إيوة أنا بستخدم دآ الكريم دحين الدكتور قلي عشآن - بطنك مآ تبوظشي - كخخخخخ

[ارين]

اهلا ولا احلى
على فكرة عروسه انا زبدة الكاكو هيا اللي سوتلي حساسيه وطلعتلي حبوب حمر مرة ما ناسبتني في بكري
لا تكوني تستخديميها يمكن زييي تتحسسي منها
ام حذامى فين الحرمه اللي تبيع الزبدة دي

[doody]

مره التجمممع ثقييييل

خلونا ندخل على ايميل وحده فيكم ونسوي دعوه للباقيين

[ام حذامي]

زيت المر وزيت الترمس من عطارة المرواني وزبدة الشياء الاصليه اشتريتها من حرمه من اول حملي استخدمها

[ام حذامي]

الحرمه فالمدينه ورقمها 0534229378

[ام حذامي]

استغفرالله

[ولا أحلى]

ايواا مره ثقيل التجمع :(

[عروسه]

لا ارين لسه ماستخدمت الكريم بس شكلي ببدأ استخدمه
أنا فكرت انه بعد الولادة مو دحين
ميش أنا بعملية اجهاضي اعطوني طلق صناعي
تعذبت بس يقولو هذا هو الطلق امكن لإني ماكنت أعرف الطلق كنت احس اني اتفكك
بس الصراحه كلها ساعة زمان وخلااااااااااااااص كل شيء يروح وترتاحي ولا في آلام بعده ولا شيء
وكنت أكثر من الاستغفار والالتجاء إلى الله والله لما تقولي يالله يالله حتحسي انك قريبة جدا من ربك وتنسي الآلام
حتحسي بروحانية
وبعدها قولي أبغى سفن زي أختك في الله ههههههههههههههههههههه

[ام حذامي]

بنات زبدة الشياء انا قريت عنها انها ممتازه للحساسيه والاكزيما ء والصدفيه والتقرحات وتشيل التشققات اللي فالجسم وتخلي بشرتك زي البيبي وانا جربتها بصراحه روعه

[ام حذامي]

حلوه سفن مو زيي ايسكريم ابو هديه

[ارين]

((ملك الستغفار))
اللهم انت ربي لا اله الا انت خلقتني وانا عبدك وانا على وعدك وعهدك ماستطعت اعوذبك من شر ماصنعت ابؤ لك بنعمتك علي وابؤ بذنبي فاغفرلي انه لا يغفر الذنوب الا انت

[عروسه]

ام حذامى ههههههههههههههههههههه هو لسه موجودة ايس كريم أبو هدية؟

[عروسه]

أمس روحت اشتريت آيس كريم كواليتي فانيلا كنت مررررررررررة مشتهيته
ولما جبته بالبيت تخيلي بس أكلت ملعقتين وحسيت بطني بتنفجر
مرة ماصرت أقدر أكل أي شيء على طول تمتلي بطني

[ام حذامي]

استغفرالله

[Mish]

طيب الحمدولله طمنتوني كونت مره خآيفة من الطلق الصنآعي ..
دحين كده إرتحت الحمدولله .. الله يريح بآلكم يآرب ..

[ارين]

اووووووووووووووف اكره ايسكريم ابو هديه ولدي لما يروح مع ابو كل مرة يشتري
وعند امي اولادي واولاد اوختي يكومو في الفريزر عشان الهديه الله يهديهم

[ارين]

الله يريح بالك دايما ياحلوة

[ام حذامي]

موجود الايسكريم بس خساره بدون هديه

[ارين]

الا فيلو هديه غالبا بالونات ولا بلاستيكات ماتدري ايش هيا

[ام حذامي]

اسمعو بنات طلق طبيعي طلق صناعي كله زي بعضه المهم نولد ونرتاح كلها تعب فتعب جربة وربي هدا سادس حمل لي

[ارين]

انا لما ولدت اشتهيت الطازج قولتلهم مالي شغل تجيبولي الطازج

[عروسه]

لا طازج إلا الطازج ياااااااه
<<< ماعرفت أكتب العبارة الأخيره في الدعاية خخخخخخخ

[ارين]

صادقه الولادة وحدة الله يسهلها اهم شي والله لما اسمع كيف بعض الحريم تتعسر ولاداتهم اقول الحمدلله يهون الالم اهم شي تتسهل وينزل البيبي سليم ومعتدل
يارب يسهلها لكم امين وييسرها من اول دفعه

[عروسه]

بنات بروح انام نعسانه مرة
تصبحو على خير اقصد تمسو على خير

[ارين]

وانتي بخير ونوم العوافي انشاللله
زكرتيني بالذي مضى ياااااااااااااه

[ارين]

حتى انا استاذن عندي كوي يهد جبال الله يعينني بس
اشوفكم على خير

[Mish]

أوكي بنآت الله معآكم ..
نوم العوآفي عروسة .. و الله يعينك و يعطيكي العآفية أرين ..
حتى أنا جآتني السطلة وغير الدوآم حق حرقآن معدتي من أول بآدء مو رآضي يهجد ..
و حلي الوحيد هوآ النوم ..
يآلله تمسو على خير إنشآلله ..

[ام حذامي]

تمسو على خير جميعا مع السلامه عندي شغل يهد الحيل

[doody]

الله يعينكم بنات ويسهل اموركم جميعااا

حمستوني اقوم اسويلي كم شغله في البيت

[هنددد]

السلام عليكم
شكر ارين وصل الرقم الله يعطيك العافيه

[ام حذامي]

السلام عليكم فين الكروشات حد هنا ياقدعان

[ام حذامي]

استغفر الله

[حلاتي غير]

مســاآاء الخيـــر

كيف الحــال ؟؟

[Mish]

مساء الخير كروشآت ..

[ورده بين ايديه]

صبااح الخير..
اخباااركم..

[Mish]

صبآح النور يآ قمر ..
أنا كويسة الحمدولله .. كيفك إنتي ؟؟

[ورده بين ايديه]

تمااام ياقلبي..
كيفو البيبي..

[Mish]

كويس الحمدولله .. بيتغلى hwaml15

[ورده بين ايديه]

خليه يتغلى بمزاجو..
عشان تشتاقيلو..

[ملكة المشاعر]

صباح الخير..

كيفكم..بزورتكم يبغالهم فرش .. قوليلو ياميش خلاص اخرج بلادلع ..

[ورده بين ايديه]

صباح الورد
ههههه الله يعينهم
بنات ابغى فزعتكم صاحبتي خرب فستان فرحها
وتبغى فستان بس يكون اوفر شوي مايكون ناعم
اللي تعرف تقوولي باقي ع زواجها اقل من شهر

[ام فارس اوان]

مساء الخير

[ملكة المشاعر]

خليها تدخل منتدى الفراشه فيه فساتين للبيع..

الله يسهلها امورها ..

[ورده بين ايديه]

عيوني قامت تعورني وانا ادور..
بنات في وحده كانت عارضه دا الفستان في المنتدى..
http://forum.hwaml.com/imgcache2/hwaml.com_1306709688_825.jpg (http://www.zaroos-q.com/vb/thread19480/)

الله يسعدها اللي تعرفها تذكرني باسمها..

[ولا أحلى]

السلام عليكم ..
صباااح الخير ..
كيفكم يااحلوين

[Mish]

وعليكم السلآم ولآ أحلى ..
صبآح النور .. أنا كويسة الحمدولله .. كيفك إنتي ؟؟

[Mish]

ملكة المشآعر
صبآح النور .. جربت معآه الطيبة و جربت التهديد و الإتنين مآ نفع معآه ..
فسرت مطنشتو يمكن يحس على دمو شوية ..

[moon-flower]

صبااااحوو كروشاات

[Mish]

صبآح النور مون ..

[Reema2011]

سلاااااااااااااااام
يا احلى كرووووووووووشات في المدينة
أخباركم يالغوالي

[moon-flower]

ياااااارب انك تفرجها من عندك
تصدقو اصعب شي انتى في مكان وزوجك في مكان ولحالو يااريت حتى عند اهلو
ودوامه مااعطوه غير تلات اسابيع
خااااااايفه مره يجي ويروح وانا ماولدت
احس بضيقه ومو طايقه شي
ماابغى اتركو وقت طويل اهئ اهئ<<معليش اتحملونى

[Mish]

وعليكم السلآم ..
أهلين فيكي يآ قمر .. أنا كويسة الحمدولله .. إنتي كيفك ؟؟

[moon-flower]

اهليييين ريما انتى كيفك

[Reema2011]

الحمد الله
بخير عساكم بخير
إنتم كيفكم
الله يسهلكم ياكرررررررررررريم
الإنتظار صعب شوي الله يعينكم

[Reema2011]

بنات فينكم
نمتو

[ملكة المشاعر]

بزورة الزمن دا ماينفع معاهم شي ..

الله يعينكم ويسهلها ..

[moon-flower]

اهليييين ريما انتى كيفك

[ويبقى الامل مادامت الحياه]

بنات المدينه الحلوات انا حايه بعد اسبوعين للمدينه ارجوكم دلوني على محلات لملابس الحوامل تبيع بلايز وتنانير للحوامل حلوه غير باسلامه احسه غالي على الفاضي ..الي تعرف ياليت تقولي اسم المحل ومكانه والله يسهل على الجميع

[ام عبدالرحيم]

صباحكم قشطة شخباركم

[ام عبدالرحيم]

ويبقي الامل اتش اند ام فيه فساتين مرررة حلوة وسيتي ماكس عامل تخفيضات وفي لبس الحوامل

[ام عبدالرحيم]

ويبقي الامل انتي من فين جاية؟؟؟؟؟؟؟؟؟؟

[ويبقى الامل مادامت الحياه]

هلا قلبي اشكرك ياعسل ..جايه من الاردن

[Mish]

نعيمن ليآ hwaml60
عبيت الجآكوزي و جلست فيه سآعه بعدين إتحممت و صليت و رجعتلكم ..

[ملكة المشاعر]

نعيمآآآ ميش ..

كيفكـ .. فيا التهاب ومرررره تعبانه ..

تخيلي دي رابع مره اكتب الرد وقبل لارسال ولدي يمسحو..

[ام حذامي]

صباح الخيرات كروشات اخباركم مين امس العصر راحت السوق

[ام حذامي]

السلام عليكم ورحمة الله وبركاته جميعا

[ام حذامي]

بشرو مين ولدة ومين نايمه لحد الان

[ام حذامي]

ولا وحده موجوده ككككككككككللللللللللششششششششششششششش كلكم ولدتمم مبروك الف مبروك وعقبال الحمل بالبيبي الثاني ههههههههههههههه استغفرالله

[Mish]

الله ينعم عليكي ملكة ..
الحمدولله كويسة .. سلآمتك والله حبيبتي ..
ههههههههه الله يخليلك ولدك يآرب ..

و عليكم السلآم أم حذآمي .. وصبآح النور ..

[ملكة المشاعر]

وعليكم السلام ..

آآآآآآآآآآآآآآآآمين ياميش ..

ميش راح تشرعي غرفتك حقت ولاده وراح تسوي توزيعات ولالا ..

[ام حذامي]

ميش توقعت انك ولدتي خلاص من جلسة المويه الدافيه انا بولدي الثاني جلست يوم بحاله كل شوي اروح الحمام الله يكرمك واصب المويه الدافيه على اسفل بطني والساعه 6 الفجر ولدة وكانت ولادتي سهله ماشالله

[ام حذامي]

استغفرالله

[ام حذامي]

سبحان الله وبحمده سبحان الله العظيم

[ام حذامي]

اه يمه منكم مو معقول نوم شكلكم فكشك الولاده يارب وحده اههههههه والثانيه اييييييييي والثالثه ياليتني ماتزوجت خخخخخخخخخخخ الله يسهلكم يارب ويجعل ولادتكم اسهل من شرب المويه قولو اميييييين

[ولا أحلى]

صباااح الخير ..
كيفك ام حذامي
شكلهم ولدوو خلاااص حتتعبي وانتي تنادي عليهم

[Mish]

ملكة المشآعر
إيوة إنشآلله حشرع غرفة الموستشفى و جهزنآ التوزيعآت حقة الموستشفى ..
بالنسبة لتشريع الغرفة روحت منآسبتي يسوو أشكآل مره حلوة مميزة .. إخترت الشكل ..

أم حذآمي
طفشت طفشت و أنا أجلس في الموية و أمشي و أهو شوفيني على حطة يدك ..

[ولا أحلى]

الله يعينك ياميش والله الانتظار مره صعب

[Mish]

ولآ أحلى
أقسم بآلله مآ تتخيلي قد أيش إنتظآر الولآدة قد أيش يقتل ..
ممكن إنتي تجيكي حآلآت طفش وكده .. أقسم بآلله الشهر التآسع غييييييييييير عن كل الشهور ..

[ولا أحلى]

بجد امس لمن قالي الدكتور امكن تولدي 5 رمضااان احس اني اتحطمت

[ام حذامي]

ولا احلى متى اخر دوره لكي

[ولا أحلى]

اخر دوره 8 ذو القعده

[ام حذامي]

ولا احلى حطمتيني لاني انا زيك نفس الموعد سبحان الله لا انشالله نولد قبل رمضان بس كثري المشي وشرب اليانسون الله يسهلنا جميعا

[ولا أحلى]

قالي توقعي الولاده من يوم 20 شعبان لحد 5 رمضان هذا اخر يوم لكي

[ام حذامي]

امس روحت سنتر بوينت مسوي تخفيض وجهزت للبيبي شوية اغراض لقيت كثير حوامل يجهزون ناس يجرون وراء الوردي وناس يجرون وراء الازرق جلست اتفرج واضحك واقول شكلهم كروشات المنتدى صراحه ملابس المواليد تجذب

[ام حذامي]

ولا احلى انا سبحان الله كل ولاداتي الاولى اخذ 15 يوم بعد موعد الولاده يعني اولد بنص العاشر ونفسي اولد بدري هذي المره استغفرالله

[ولا أحلى]

احس صعب تصومي رمضان وانتي في التاسع ..

ايوا مره سنتر بوينت روعه روحتي الي في سلطانه ولا النور

[ام حذامي]

ولا احلى لا رحت للي بعالية المدينه اسعاره حلوه نفسي اروح اكمل من باسلامه قسم الاطفال عنده روعه روعه عنده طرابيش مشغوله وناعمه وطقم كامل سكري ياخد العقل للبيبي كله مشغول يالترتر والسيلان جدا فخامه يناسب بنات واولاد ونعوم نعوم اكيد جايب ذحين اشكال جديده

[الهنوف 2011]

ام حذامي شوقتينا للولاده بسرعه وأحنا تونا نقول في الحمل ياهادي ههههههه

[العميدة]

السلام عليكم

كيف حال الكروشات والنفوسات والرشيقات

[العميدة]

ام حذامى

روحي سنتر الي في النور اغراضو احلا من الي في العاليه

[الهنوف 2011]

العميده صباح الورد

انا طفشاااااااااااانه بالحييييييييل من مثلي

[الهنوف 2011]

كروشات متى يبدأ الوحااااااااام >>مستعجله هع

[ولا أحلى]

ام حذامي ايش اسمه الطقم دا المطرز حق البيبي وكم سعروو

[ام حذامي]

الهنوف صباحك عسل كم شهر لك فالحمل 0 عميده صباحك سكر 0

[الهنوف 2011]

ام حذامي تصدقين انو ما ادري

امانه إذا عندك خبره في الحساب احسبيلي

أخر دوره لي يوم 20 -5 -1432

أنا في الاسبوع الرابع صح

[العميدة]

اهلاً هنوف
كيفك

لا تشكيلي ابكيلك الله يعدي شهور الحمل على خير

[ام حذامي]

ولا احلى انتي لمن تروحي باسلامه اطلعي فوق قسم المواليد تلاقي بالفترينا العريضه طرابيش ومشدات وبجايم وكل مستلزمات المواليد انتي وقتها طقمي ادا للبنت او ولد لا نها اشكال وموديلا ت كثيره وفيه منها اطقم كامله تلاقينها وانتي روحي واختاري على دوقك

[الهنوف 2011]

ولا احلى شكلك بكريه احسك ملهوفه تلبسي النونو من بدري

[العميدة]

مبروك كروشات

الألف صفحه

[الهنوف 2011]

العميده أنا تمام كم لك شهر حامل وكيف الحمل معك ؟؟

[ولا أحلى]

الهنوووف ادعي يكون وحااامك سهل لا تستعجلي عليه حتكرهي عمرك تحسبي الوحااام حركات دلع الله يعينك على الغثياان والاستفرااغ << كرهت الحمل بسبب الوحاام