دردشة بنات المدينه المنوره - تجمع حوامل بنات المدينه

[Mish]

تصدقي أنا إلين يومك دآ مآني عآرفة هل القطعة إللي نزلت في يدي و أنا أغسل نفسي هوآ الجنين ولآ دي قطعه من المشيمة ؟؟
و لمآ روحت الموستشفى نفس الشي قآلي الدكتور في كيس بس مآني متآكد الجنين موجود ولآ لأ ..
و سوولي سونآر بالجهآز الطويل المعفن إللي يدخلوه من تحت و طلع إنو فعلن الكيس فآضي وفي قطع من المشيمة ..
و من جد والله مره غريبة إنك قد كده تعبتي و إنتي توووووووك مره في البدآية ؟؟
مآني عآرفة مين الطبيعية فينآ .. بس شكلو إنتي الطبيعية .. أنا العجيبة ..
لأنو حتى عمتي سألتني مآ جآكي ألم أبدن أبدن قولتلهآ أبدن قآلتلي أنا مره أسلبت و أنا في الشهر التآني و جآني الطلق ..
قولتلهم أنا مره مآ جآني شي .. هل هوآ لأني كونت في الموية ولآ أنا مآ يجيني طلق طبيعي !!
اللـــــــــــــه أعلـــــــــــــم ..
و ضحكتيني والله يآ عروسة و أنآ ببكي .. أيش هبقة السفن دي والفلتة في الإنجليزي ..
هههههههههههههههههههههههههههه

[ملكة المشاعر]

ياحبيبتي ياميش ..والله مالومك

حتى انا لمن حملت كنت ابكي وماما خاصمتني وقالت غيرك متمني البزوره..

الله يرحمو اخوكي يااااارب ..

[عروسه]

اووووف كتبت كلام كثير وانقطع الاتصال وراح
عموما اقولك باختصار
اننا اكتشفنا على يدك ان الموية الدافيه تسهل الولادة لاحظي انك بدون ألم واجهضتي بسرعه وناسه
يلا روحي عبي الجاكوزي واجلسي فيه عساكي تولدي العصر بسهولة

وعلى هبقة الانجلش تراها مو أول مرة معاي وانا عندي تفسير منطقي لهذا الأمر
شكلو لما اكون مبنجه اسمع الدكاتره يتكلمو انجلش فالاوعي عندي ياخذ منهم وأول ما أصحى اتكلم بلغتهم وأنسى تماما العربي خخخخخخخخ

نفسي اروح اعبي البانيو واجلس فيه بس المشكلة الدكتور وخوفني مصر اني بالثامن مش بالتاسع

[عروسه]

ملكة ميش احمدو ربكم
انا برضو حملت على طول ولحد الان ما تهنيت بكل دبشي
بس بالعكس فرحت لأن هذي نعمة من الله مايصير ارفضها رغم اني كنت حاطة ببالي ما احمل الا بعد سنة
ولما حملت ماصدقت اصلا ماستوعبت لكن قلت الحمدلله وفرحت
شوفي صحباتي لهم 3 و4 سنوات مدري5 وماحملو ووحده فيهم لها تقريبا 8 سنوات
الله يرزقهم ياااااااااارب الحمدلله لازم نحمد الله
المال والبنون زينة الحياة الدنيا

[ملكة المشاعر]

الحمدالله على كل حااال.. تعرفي كمان بعد ماكملت سنه ولادها حملت تاني ..

الله يسرها يااااااااااااااارب

[عروسه]

الحمدلله ملكة الله يسرها ويرزقك الذرية الصالحه
والله أحسن نحمل ورا بعض ونرتاح بعدين
انا زوجي من بعد ماعرف انها بنت يقول اول ماتخلصي الاربعين تحملي خخخخخخخخخ
كأنه على كيفي
قلت والله انا ابغى ارتاح شوية لكن بنفس الوقت ما أييد موانع الحمل لأني أخاف من أضرارها
فراح اتركها على ربي والله يستر ياخوفي من جد أخلص الاربعين واحمل تاني خخخخخخخخخخ
اصير أفغانيه على قولت أختي

[ملكة المشاعر]

هههههههههههههههههههههه

الحمدالله ..

ربنا يكتبلك الخير يااااارب

[Mish]

أقولكم بنآت معليييييش رآح أرد على ردودكم بعدين
لأني توي إنتبهت للوقت إتأخرت المفروض من 8 نكون خرجنآ أنا و زوجي عشآن نلحق نآخد رقمي بدري ..
يآلله إدعـــــــــــووووووووووووووووولي
بـــــــآيوو

[عروسه]

يلا حبايبي تصبحو على خير

بحاول انام يااااااااارب يجيني النوم

[عروسه]

الله يوفقك ميش وطمنينا اوكي؟

[ملكة المشاعر]

ربنا معاكِ ياميش .. طمنينا..

وانتي من اهلو عروسه..نايس دريم ..

[ورد المدينه]

الف الف مبروووووووووك الحمدلله علي سلامتك يا الهام

[Reema2011]

مبروووووووووووووك إلهام
إلي أعطاك يخليلك يـــــــــــــــــــــــارب
وعقبال الباقين ياكريم << ميش ... مون ....عروسة ....

[ام عبدالرحيم]

السلام عليكم شخباركم ياحلوات

[حلاتي غير]

مساااااء الخير

[ام عبدالرحيم]

مساء النور حلاتي شخبارك

[moon-flower]

ااااااااااامين ياريما
مساء السكر

[احلى ذكرى]

مساء الخير كروشااات ...
الهاام الف مبروك يتربي بعزكم ودلالكم يارب والعقبي لدينا ياكريم


ميش وعروس,,,ه الجمدلله انو ربي عوضكم خير يلا ان شاء الله تقوموا بسلامه وتحضنوا نوناتكم
ع خير,,,
اهلين مون وام عبد الرحيم اخباركم...

[ام عبدالرحيم]

مووون هلا شخباركم حبيبتي



احلي ذكري بخير بشوفتك غلاتي

[ام عبدالرحيم]

احلي ذكري انتي شخبارك عساك بخير وايش اخبار النونو فديته

ممووووون كيف صرتي ان شاء الله احسن

[moon-flower]

انا بخير ربي يسلمكم
بس احس النفسيه سااارت عدم حاسه باكتئاب حتى زوجى مو طايقه اسمع صوتو
من امس مقفله جوالى
واليوم رجولى متنفخه
الحمدالله على كل حال

[احلى ذكرى]

لبي قلبك ام عبدالرحيم حمدلله انا ونونتي بخير انتي اخباارك طمنيني عنك غيرتي دكتورتك
ولا ..لا

[ورده بين ايديه]

مون نفس الحاله
النفسيه عدددددم
وبالنسبه لرجولك شوفي نسبة الزلال
وحده اعرفها الزلال لعب بالضغط وولدوها بدري قيصري
انتبهي لنفسك من البدايه

[ام عبدالرحيم]

ربنا يسهل لك اساسا حمل كلو لازم يكون فيه نكد لا تتضايقي خليك ريلاكس باذن الله خير كيف المغص اجاك تاني ولا كان البيبي بيتدلع

[احلى ذكرى]

لا تشكي ياامون لا ابكي انا احس بموت من لاكتئااب ونفسيتي مررا مقفله ...والم الظهر اللي يهد ومنو راضي يشد معي وارتاااح الحمدلله ع كل حااال

[ام عبدالرحيم]

وردة هلا



احلي ذكري يارب دوووم موا يوم لا مارحت لها تاني بنتظر قرار زوجي بيقول نسافر تولدي عند اهلك بس ماابي ارررروح بس بهل الايام بقرر ان شاء الله انتم فين تنصحوني اولد

[moon-flower]

انا سويت تحاليل من ثلاث اسابيع وكان كل شي تمام
ولمى سافرت تنفخت شوي وقالو لى طبيعى
ولمى راجعت الاسبوع الى فات قلت للدكتور على التنفيخ بس عادي قال طبيعى
واعطانى موعد الاسبوع الجاي
مو المفروض في التاسع كل اسبوع المراجعه


لا يام عبد الرحيم لسه احس بالمغص بس مرره خفيف

[ام عبدالرحيم]

وااااااي لاتذكروني بالالم انا رجولي متلجه وفيها وووجع رهيب اخاف يكون عندي رطوبة

[احلى ذكرى]

الله يسهل لك ..ام عبدالرحيم عني انا حولد ان شاء الله في المطبقااني عند عفت مررا كويسه
وكمان المواسااه يمدحوهاا وااله يقدم اللي فيلو الخير لك

[احلى ذكرى]

ايواا مون بالتاسع المراجعه كل اسبووع

[ام عبدالرحيم]

مون حبيبتي عادي التنفيخ والمغص من البيبي بيقولون يتعدل انا كان اجاني مغص موا شديد بس انا خفت وافتكرتو ولادة بس بعد اسبوع ولدت يعني عادي

[ام عبدالرحيم]

ربنا يسهل لك ذكري



بنات ابغي اسالكم كام اسعار ورق الجدران امس مالحقت ميش لاجل اسالها لو عندكم فكرة ياريت تخبروني

[moon-flower]

ليه يا عبد الرحيم مو عند اهلك اريح لك
يااارب ياذكرى نخلص على خير

[احلى ذكرى]

تختلف الاسعار ع حسب النوع الي تختاريه,,وتكون بالمتر

[احلى ذكرى]

كروشاات بديت اخااف اقل من اسبوع واخلص شهري ولسااتني ماولدت عايدي؟

[ام عبدالرحيم]

لا ما ابي اروح عندهم قبل شهر سافرت حسيت انو البيت غريب وماقدرت اجلس رجعت علي طول لانهم من بالسعودية وحسيت اني احتاج بيتي برتاح اكثر

[ام عبدالرحيم]

موا بالسعودية

[احلى ذكرى]

اهم شي راحتك فين بتكون وسااويهاا ام عبدالرحيم

[ام عبدالرحيم]

ذكري بعد التاسع بعد عشرة ايام حتي يشوفو ليش تاخير الطلق يعني توا الناس عادي ان شاء الله تقرب ولادتك ...... ادري انو بالمتر بس يعني كام المتر مثلا اقل شي واغلي شي

[ام عبدالرحيم]

ذكري تسلمي انتم تكونو حاسين انو بيت الاهل اريح لانو ماتغير شي بس انا من تزوجت مارحت لاهلي يعني سنتين ووقت رحت حسيت الناس اختلفت هههههههههه بغيت اذبحهم من كثر ما اقول لهم ابغي ارد بيتي ههههه

[ام عبدالرحيم]

تدرون مرة لقيت محل بجدة يقول المتر بي 15 ريال عامل تخفيض

[احلى ذكرى]

كروشاات رايحه لموعدي ادعولي انو اسمع شي يريحنيي
اشوفكم ع خييير

[moon-flower]

بجد اهم شي راحتك
وربي يتمم لك ويسر لك على خير

[moon-flower]

يااااااااااارب يريحك ياذكرى
واول ماترجعى طمنينا عليكى

[ام عبدالرحيم]

ذكري ربنا يسهل لك حبيبتي طمنينا


موووون تسلمي غلاتي امين وياك

[moon-flower]

ام عبد الرحيم انا قالو لى الراس نازل تحت من اخر الثامن
بس احيانا احس كانه الطفل يتمدد بالغرض يعنى تتشد بطنى عرضي مو طولى
واحس الحركه في الاجناب اكثر
تتوقعى عادي

[ام عبدالرحيم]

موووون حبيبتي طب متي موعد زيارتك للدكتورة ما ادري بس اساسا البيبي يتحرك كثير بس لاجل تطمني روحي اكشفي احسن او اتصلي بالدكتورة بتفيدك

[moon-flower]

موعدي الاربعاء الجاي
وانا اصلا اكره المواعيد يااااااااربي اكره التفكير الكثير
تسلمى ام عبدالرحيم يالله نشوفك في الليل بروح امشي يمكن اولد بسرعه
وارتاح من التفكير

[هنددد]

السلام عليكم
كيفكم صبايا
الف مبررررررررررررررررروك الهام والحمدلله على سلامتك

[عروسه]

مساء الخيرات

ما شاء الله اليوم الشات عامر وفي ناس كثير لنا فترة عنهم
الله يسهل على الجميع الحمل والولادة
بنات
ميش راحت موعدها ومارجعت
عسى خير
يارب تكون ولدت

[عروسه]

مون عادي حبيبتي
حتى انا زيك قالو الراس تحت بس أحس الحركة على جنب وأحيانا تحت زي لما كانت رجوله تحت
الظاهر الطفل يتشقلب ويسوي بهلوانات

[ام لولو الحلوه]

السلام عليكم
كيفكم ياكروشات هدي اول مشاركه ليا
اتمنى اني افيدكم وتفيدوني
انا في الشهر التاني وبسال عن دكتوره كويسه في مستشفى الدار
في بنتي الاولى رحت عند دكتوره هناء بس دحين هناء موموجوده
مين افضل دكتوره بعدها

[عروسه]

وعليكم السلام
هلا والله أم لولو
عندك صفاء وسهير كويسات جدا
أنا أتابع عندهم مرة خلوقات وممتازات

[ارين]

مبروك
مبروك مبروك
مبروك مبروك مبروك
مبروك مبروك
مبروك
الهام يتربى في عزك العريس hwaml14
وكله باجره ياقمر الحمد على سلامتك

[ارين]

سلام بنوتات كيفكم
بنات ياويلها اللي تقول كروشات ترانا معاكم في المنتدى
ولا قولو كروشات وامهات

[ارين]

ام لولو مرحبا فيكي بيننا
انا كنت اراجع وولدت في الدار عند نجوى
يابنات اللي تحس الحكة في البطن هادا من الشد يعني البطن مرة مشدودة
ولازم تندهن كويس كل شويه حتى بعد الولادة عشان ماتطلع تشققات انتبهوا منها

[ام لولو الحلوه]

هلافيكي ياعروسه
شكرا حبيبتي
يعني مين فيهم الي كويسه انا اهم شي عندي اخلاقها
وتعطيكي رقمها لان دكتوره هناء اعطتني رقمها وكانت اخلاق وعسل
وقبل ما اروح المستشفى دقيت عليها وجاتني

[ارين]

ايوة نجوى تديكي رقمها وتجيكي نفس الحال واخلاقها حلوة
مشالله عليها ماتطفش من المراجعات

[ام لولو الحلوه]

هلا وغلا ارين
انا متردده من جهة نجوى كل مره اسمع عنها كلام
وعرفت انو مره زحمه عندها فاحسها ماحتكون مره فاضيتلي
ومادري مره محتاره

[ام لولو الحلوه]

طيب معليش استحمليني شويه حبيبتي
انتي دقيتي عليها وهي جات
وكيف كانت ولادتك؟

[Mish]

سلآم كروشآت و أمهآت << عشآن أرين لآ تزعل ..
أنا رجعتلكم ببقشتي لسآعي ..
أول مآ دخلت للدكتور قلي - مآ ولدنآش ليه - ؟
قولتلو يآ دكتور إنتآ بس عشآن الأسبوع إللي فآت قولتلي إزآ مآ ولدتي إلين الخميس إنشآلله أشوفك ..
فسرت كل يوم أستنى الولآدة جلس يضحك ..
وقولتلو على الجلي إللي نزل قلي إيوة عنق الرحم بيتفتح ..
وقلي نفس الشي إزآ مآ ولدتي خلآل الأسبوع الجآي إنشآلله أشوفك الخميس ..
قولتلو لآ إنشآلله يارب المره الجآية تشوفني بعد ولآدتي ..
الله يسهلنآ يآرب ..

[ام لولو الحلوه]

الله يفرج عليكي على خير
يmish ومايشوفك الدكتور يوم الخميس وتولدي ان شالله

[Mish]

الله يسمع منك حبيبتي ..
آآآآآآآآآآآآآآآآآآآآمين ..

[ارين]

اهلا ميش تسلميلي والله
يالله انشالله قرب الفرج
ام لولو ايوة تديكي الرقم تدقي عليها لو اخر الليلوتجيكي وانا مرة مرتاحه معاها لانها تديكي مسكنات قد ماتبغي لاني مرة غجريه وقت الولادة الله لا يوريكي
انت افضل شي استخيريوربي يكتبلك الخير

[Mish]

الله يسلمك حبيبتي أرين ..
إنشآلله حبيبتي الله يسمع منك ..

[ارين]

طيب ميش كشفتي ولا لسه
انا لما صار ليا زيك قولت للدكتورة عالطول كشفتللي وقالتلي تلات سانتي

[ولا أحلى]

صباااح الخير ..

كيفكم يااحلوين ..

ميش ان شاء الله تولدي دا الاسبوع

[moon-flower]

صبااااااااااااحوو
ميش طيب ماكشف اذا مفتوح ولا لا ؟؟
وان شاءالله تولدى قبل الخميس

[Mish]

لآ والله مآ كشفلي ..
أصلن لو تشوفيني لمآ إنسدحت في السرير وحطتلي السيستر الجل قامت سكت الستآرة كولهآ مو زي العآدة ..
إنفجعت قولت وآ يآ لهوي شكلو حيكشف من تحت ..
بس طلع إن عشآن السيستر تبغآ تفتح البآب تآخد ملف كخخخخ

[moon-flower]

والله هادا الكشف مسبب رعب
حتى انا نفسي اروح اكشف وخاااااايفه
ليه مايخترعو جهاز يريحونا

[ننوش..]

السلام عليكم...
كيفكم...
ميش ياقلبي الله يسهلك وتولدي بالسلامه....
وييسرلنا انا وكل الحوامل يارب...

[Mish]

و لآ أحلى و مووون ..
لآ والله مآ كشف ..
و الله يسمع منكم يآرب ..
زوجي يقولي أتجهزي إنشآلله بوكرة الجومعة حمشيكي سآعتين تولدي بعدهآ ..
قولتلو طيب إزآ مشيت سآعه قآبلني ..

[Mish]

ننوش
اللهم آمين يآرب الله يسمع منك يآ قلبي و جميعن إنشآلله يآرب ..

[Mish]

صآدقة والله يآ مون ..
يعني إخترعو أجهزة لكل شي إلآ لدآ الكشف العفن مآ لقولو جهآز !!!!!!!!!

[Mish]

نومتو يآ بنآت ؟؟

[ملكة المشاعر]

صباحـ الخير..

كيفكم.. انا اليوم كان عندي موعد ولالم الي في بطني وظهري اليمين ورجلي

طلع عندي التهاب في الزايده بس اخلص التالت راح تعطيني مضاد الله يستر..

[Mish]

صبآح النور ملكة .. أنا الحمدولله كويسة ..
سلآمتك والله حبيبتي مآ تشوفي شر ..

[ملكة المشاعر]

الله يسلمك يااااارب

ربنا يقومك بي السلامه..

[Mish]

آمين يآرب يآ قلبي ..

[ملكة المشاعر]

ياربي حاسه نفسي طفشانه ..

[ام حذامي]

صباح الخير بنوتات

[ام حذامي]

بنات احس ببروده فجسمي وفتور وظهري يوجعني بكثره ماقدر امشي ولا اجلس زي الناس والثقل اسفل بطني شكلي باولد بدري الله يستر

[Mish]

مو أكتر مني والله يآ ملكه ..
و مره نعسآنه و أنا في بيت مآمآ و زوجي في الكآزينو hwaml4

[Mish]

صبآح النور أم حذآمي ..
تصدقي أنا كمآن من 1 تقريبن حسيت جسمي فجأتن سآر طآيح كده و مآ نفسي أتحرك ..

[ملكة المشاعر]

حتى انا عند ماما بس بايته عندهم ..

وزوجي في البيت ..

[ام حذامي]

ميش انا توني دخلت الثامن ومن اسبوعين مشيت كثير وسويت مجهود فشغل البيت وذحين تعبانه تعبانه ماني قادره انام ولا اجلس زي الناس وثقل موطبيعي بالعاده هدا يجيني بداية التاسع

[دف القمر]

ملكه
سلالالالالالالالامات ياقلبووووووووووو ماتشوفي شر
ميشوووو
ربي يسهلك ويسرلك

[Mish]

أم حذآمي
لآزم تريحي نفسك مره مآ ينفع تتعبي نفسك كده ورآ بعض ..

دف القمر
آآآآآآآآآآآآآآآآآآآآآآآآمين يآرب من بؤك لبآب السمآ يآرب ..

[ام حذامي]

دف القمر نفسك تنحفين من جد خذي بذرة الكتان كل يوم خذي ملعقه وحطيه بعلبة لبن زبادي وكوليها قبل النوم وملعقه قبل الغدا بساعه اسبوع وشوفي وزنك واستمري وتدعيلي

[Mish]

أخييييييييرن زوجي جآ ..
يآلله بنآت أشوفكم الليل إنشآلله ..
بآيوووو

[ام حذامي]

ميش انتي فالتاسع ولا لسع باقي وكم لكي فالتاسع واللي يجيب الولاده بسرعه ويفتح الرحم طلوع الدرج بكثره واشربي يانسون وحليه بالعسل الاصلي مره ممتاز وكمان الزعفران مع كوب حليب على الريق انا مجربه

[ولا أحلى]

سلامتك ملكه ماتشوفي شر ان شاء الله

احس دا الاسبوع مره طفش طفش احس بدا معايا اكتئاب مالي مزاج لشي

[عروسه]

صباح الخيرات

أم لولو << سهير ماتعطي رقمها لكن صفاء ما أدري ما طلبتها بس انها أطيب ومبتسمه أكثر

أرين << ولا تزعلي احنا الكروشات وانتي أحلى الأمهات
وشكرا على النصيحة يعني الحكة طلعت بسبب شد البطن؟
أنا يوم أدهنها وعشرة لا صايرة كسولة مرة

ميش << أنا فرحت لما اختفيتي قلت الآدميه ولدت وبعد يومين حتجي تبشرنا بس يالا الخير جاي ان شاء الله

ملكة المشاعر << ألف حمدلله على سلامتك ياقلبي ماتشوفي شر يارب الله يشفيك

مون << والله كلنا نتردد بسبب الكشف الداخلي هذا الله يقلعهم

أم حذامى << الله يستر علينا حتى أنا بالثامن وودي أولد وارتاح طفشششششت

ولا أحلى << حبيبتي حتى أنا بموت من الطفش ما أدري ليه نفسي أبكي زهقانه مرة ودي أولد عشان يصير عندي أكشن

[ام حذامي]

يابنات اللي تبغى الحمل تستخدم عشبة المدينه جدا ممتازه عن تجربه لجميع الامراض

[ام حذامي]

عروسه توني افكر فيك اقول اختفت شكلها ولدت

[ام حذامي]

عشبة المدينه لجميع مشاكل الحمل وعن تجربه

[عروسه]

هههههههه لا لسه أم حذامى انا اكذب على نفسي واقول اني بالتاسع بس محد راضي يصدقني حتى الدكتور يقول بالثامن
اوووووف
حتى زوجي بطل يوديني أمشي يقول لسه انتي بالثامن
يا نااااااااااااااااااااااااااس ابغى أولد صرت أبكي من الطفش أبغى أولد

[ام حذامي]

عروسه كم لكي بالثامن انا لي تقريبا 4ايام وتعبانه حيل كاني باولد بدري

[ام حذامي]

خلاص هانت اذا دخلتي الثامن قربتي راح الكثير وبقي القليل

[عروسه]

بالاسبوع 33
وانتي؟

[ام حذامي]

اول ماتدخلين التاسع اطلعي الدرج بكثره واشربي يانسون وحليه بعسل اصلي واشربي حليب ساخن بالزعفران تجي ولادتك سهله

[ام حذامي]

عروسه انا توني لي 4 ايام من الثامن ولادتي المتوقعه 22شعبان والله يستر ويسهل علينا كلنا

[ولا أحلى]

يوو ياعروسه انتي زيي ماادري اشبي اليوم نفسي ابكي طفشت
نفسي اولد بس خايفه ياربي رحمتك

[ام حذامي]

اه ياعروسه انا وانتي بنفطر رمضان كله وربي قهر الناس بوادي واحنا بوادي ثاني مره مو حلو انا جربت ولدت بولدي البكر 25شعبان وافطرت رمضان كله مو حلو

[ام حذامي]

ولا احلى كم شهر لكي الطفش اليوم نازل عالحوامل كلهم انا نفسي اروح اتمشى شوي فالشارع واجي مكتومه من البيت

[احلى ذكرى]

صباااح القشطه لاحلي كروشاات ورشيقاات

[عروسه]

ام حذامى شكلي من دحين بطلع الدرج مادام يسهل الولادة
ياربي يغفرلنا ما نبغى نعجز بس الملل ذبحنا
والله طفشانه وطفشت زوجي معاي
طول الوقت يا مسدوحه يا جالسه حزينة مدري ليه
والمغوصات ماتجي الا لما اجي انام مسكين ماينام من تأوهاتي
وانا نفسي اولد دحين كمان عشان رمضان ابغى اصوم منه لو ايام

[ام حذامي]

اما رشيقات من جد رشاقه الله يستر علينا من العين هههههههههههههه

[عروسه]

صباح الخيرات احلى ذكرى

[ولا أحلى]

انا توي في اول اسبوع في الثامن
نفسي حكايتي ابغى اطلع من البيت بس ماابغى اشوف احد بس اتمشى

[عروسه]

ههههههههههه على سيرة الرشيقات تذكرت موقف قبل أمس صارلي
كنت امشي بالسوق وحالتي حالة
يادوب اتحرك كورة تمشي على الأرض
وألتفت كان في رجال وحرمته جالسين على الطاولة والرجال كان يطالع فيا
ومشيت وكملت طريقي ما اهتميت الا شوية ألتفت لقيت الآدمية بتاكلني بعيونها مشيت مسافة طويلة وهي تطالع فيا
حتى من ورا العامود تحاول تشوفني
هههههههههههه قلت لأختي انا ماشوف فيا شيء يجذب دحين بكروشتي عشان تغار على زوجها مني
الله يستر ومن شر حاسد إذا حسد

[ام حذامي]

اه اه وربي طفش يارب رحمتك اللي يقهر نفسي اولد بسرعه وانا لحد الان ماجهزت ولا شي ولا شي والجو حار ماتحمل والليل قصير ماتستفيدي شي من خرجتك

[احلى ذكرى]

مون ام عبد الرحيم ’’’تسلمواا علي السؤال

حمدلله موعدي كاان حلو صح تحطمت انو مافيني ولاده وقالتلي لو ماولدي الاسبوع الجااي اشوفك قلتلهاا نتقابل بالكشك تبع الولاده ان شاء الله

[ام حذامي]

بنات ابغى اجيب شغاله كيف مين تعرف شغالات نظيفات وبنفس الوقت اسعارهم حلوه

[احلى ذكرى]

خخخخ عروسه حتي انا كرهت امشي بالتجمعاات من عيوون النااس بقول علي ايه يطلواا ع الرشااقه والخصر الميااس يااعمري <<<ههه

[احلى ذكرى]

ام حذامي مرت خالي جاابت ماليه ب1800 بس مراا تمدح فيهاا تقول احسن من السمر والحبش

[ام حذامي]

احلى ذكرى من فين جابتها انا نفسي اجيب شغاله محتاجتها حيل

[ام حذامي]

ايش اخبار ام عبد الرحيم ماولدت

[ولا أحلى]

ام عبد الرحيم مو في التاسع افتكر انها قالت في السادس

[ام حذامي]

استغفرالله

[ام حذامي]

مع السلامه كروشات

[عروسه]

ولا أحلى عاجبتني الصورة اللي حاطتها كلها دلع احب اشوفها كثير هههه

[ام لولو الحلوه]

كيفكم كروشاااااااات

[ام لولو الحلوه]

كيفك عروسه ان شالله بخير؟
معليش انا عارفه اني تعبتك معاي بس انتي تراجعي دحين عند مين سهير ولا صفاء؟
وبعدين ان شالله بتولدين عند مين فيهم
وليش انتي مافكرتي تروحي لنجوى

[ام عبدالرحيم]

السلام عليكم فينكم كروشات الجروب بعد فتح عمل اوف لاين تاني

[ام عبدالرحيم]

تسلمي ام حذاميي انا توني بالسادس

[احلى ذكرى]

مرحباا اخباركم
ام حذامي,,, ما اعرف من وين جابتهاا بس اظن من مكتب...

[Mish]

مسآء الخير كروشآت و أمهآت ..

[Mish]

حآسة يآ كروشآت و أمهآت إني حكمل الأسبوع كلو لسآ ..
يآرب إحسآسي غلط ..

[احلى ذكرى]

ميش. ’’’
مين سمعك وانا كماان اخااف اطول اكتر
بااقي لياا 4 اياام واخلص التااسع..يارب يسرلي قبلهاا

[ام حذامي]

السلام عليكم كروشات ازيكم يابنات عملين ايه

[ام حذامي]

ولا وحده موجوده الكل نايم

[ارين]

اهلا ام حذامي
كيف احوالك

[ارين]

شكلكم منجد نايمين
سلااااام
استغفرك اللهم واتوب اليك

[ام حذامي]

اهلين ارين كيفك انتي ايش اخبارك طمنيني مشيتي اليوم ولا نمتي

[Mish]

مين صآحي زيي ؟؟

[ام حذامي]

ميش ايش اخبارك

[ام عبدالرحيم]

السلام عليكم

[ام حذامي]

هي هي هي هي طلعت وحده اخيرا كيفك ام عبد الرحيم سلامت الغيبه

[ام عبدالرحيم]

ام حذامي هلا حبيبتي لا انتي الي مختفية بس انا امس مادخلت لاجل ولدي مريض
شخبارك

[ولا أحلى]

االسلاام عليكم
صباااح الخير
كيفكم يااحلوين

[Mish]

صبآح الخير أم حذآمي و أم عبدالرحيم و ولآ أحلى ..
كيفكم ؟

[ولا أحلى]

الحمدلله انت كيفك وكيف الكتكوت لسه متمسك فيكي ماعندوو نيه يتزحلق

[ام حذامي]

كلللللللللللوش الكروشات صحيو اخيرا دجاج نوم بدري وصحوه بدري ام عبدالرحيم انا رحت السوق فصلت كنب وجيت وسحبتها نومه ارين ولا احلى وكل الموجودين كيفكم وايش اخباركم بشرو من ولدت استغفرالله

[ام عبدالرحيم]

هلا ميش واحلي منورات حبيباتي شخباركم






اها تمام ام حذامي انا اليوم مضربة عن النوم نفسيتي تعبانة وما ادري ايش اسوي الحمدلله علي كل حال

[ولا أحلى]

ماشاء الله على البركه ان شاء الله تهروو بالعافيه

الحمدلله انا كويسه ..

انت كيفك مع الحمل

[ام حذامي]

ام عبدالرحيم سلامت ولدك وليش نفسيتك تعبانه طنشي ياستي لاتهتمي كثير ولدك الصغير كم عمره الله يشفيه ويحفظه لك

[Mish]

قآل أيش دجآج .. أنا مآعرف شي إسمو أنآم بدري و أسحبهآ ..
أنا في الليل أعرف الغفوة بس .. نومت 11ونص وصحيت 1
و إلين دحين صآحية و مآ أنآم إلآ 9ونص - 10 الصبآح
يآريتني أنآم الليل نومة متوآصلة ..
و الكتكوت حقي الله يسآمحو لسآعو متشبث يآ ولآ أحلى مآدري متى يبغآ يتزحلق .؟؟

[احلى ذكرى]

صباااحو كروشااااااااات

[ام عبدالرحيم]

الله يسلمك ام حذامي بس امس رحت وديتو التطعيم وبليل الساعة اربعة صحي يصرخ مسكين عينو انتفخت وجسمو كلو متل الدم وديناه المستشفي طلع التطعيم مع البيض يسبب حساسية والحمدلله علي كل حال طفشاااااانة





ميش ها ماقلتلي كام السعر حبيبتي

[ولا أحلى]

بجد نوم الليل يريح انا نومي مقلوب انام الظهر واصحى المغرب واقوم
كسلااانه ومالي مزاج لشي

[ام حذامي]

سؤال موجه للكروشات يعم ولا يخص من فين جهزتو للمواليد اللي لسع ماشرفو انا محتاره من فين اجهز خاصة ان الدكتوره قلتلي حملي بنت وادا صح طلعت بنت الكل بيفرحلي لانها جات بعد 4اولاد

[احلى ذكرى]

انا من خوفي طاير مني النوووم
ام عبدالرحيم ’’’الف سلامه ع ولدك ماتشوفي فيلو شر

[ولا أحلى]

ام حذامي روحي سنتربوينت في كل شي ودحين مسوي تخفيض الحقي
اشتري ..

انا قضيت من الشهر السادس لمن عرفت جنس البيبي

[ام حذامي]

استغفرالله واتوب اليه

[ام حذامي]

ولا احلى شكراربي يسعدك و الله يسهل ولادتك يارب

[ام حذامي]

لا اله الاانت سبحانك اني كنت من الضالمين

[ولا أحلى]

امين وياااكي ياارب ويسهل على كل الحوامل

[ام حذامي]

يارب يارب يارب سهل ولادت الكروشات اللي هينا كلهم ومن ضمنهم انا يارررررررررررررب

[احلى ذكرى]

ام حذامي الله يبلغك فيهاا ع خير’’’
عندك سنتر مسوي تخفيض
وكمان شويات كذا يعني ع اسبوعين كمان الماركاات التانيه تعمل تخفيض...
وتبليهاا بنوتتك بالعاافيه مقدماا

[ام عبدالرحيم]

الله يسلمك ميش


ام حذامي انا للحين جهزت شوية اغراض وربنا يتمملك وتجيبي قمر متلك



احلي احس انو بالسادس انسب شي لتحضير صح

[ام حذامي]

استغفر الله الذي لا اله الاهو الحي القيوم واتوب اليه

[ام عبدالرحيم]

اميييييييييييييييييييييين

[Mish]

بنآت حآسة إني حخلص التآسع و أنا لسع مآ ولدت ..
و أنا إللي بقيلي أسبوع و أخلصو ..
بس بأدعي إنو يآرب إحسآسي غلط ..

[ولا أحلى]

ايواا يا ام عبدالرحيم تكوني عرفتي جنس الجنين وكمان مايكون بدا الثقل
معاااكي

[ام حذامي]

الحمدلله على كل حال ويارب سهل ولادتنا يارب

[ام حذامي]

ميش كل يوم اشربي يانسون وحليه بالعسل الاصلي كوب الصباح عالريق وكوب قبل تنامين ابدي من اليوم وتدعيلي وكلي تمره بكثره اسالي مجربه

[ام عبدالرحيم]

الله يسهلك ميش انا احساسي بولد بالسابع هههههه ما ادري ليش فاضلي اربعة ايام وادخل السابع الله يستر



ايوة احلي لانو انا الحين كسلانة وماني عارفة كيف بقضي

[احلى ذكرى]

انا قبلك يااميش الله يسر لنا يااااارب

[ام حذامي]

جارتي تدرس فالجامعه كل يوم تداوم تطلع الدرج وتمشي بين المباني فالجامعه وانتم عارفين المسافات من مبنى لمبنى وتطلع الدورالثاني بالدرج ومافي مصعد ولدت بداية الثامن ولادتها كانت فجاءه ساعه ماشاالله وجابت بنوته مثل العسل ماشالله

[Mish]

أم حذآمي
أنا في التآمن مآشآلله طلع من عيني التمر و أخدت فترة وقفت حسيت إني طفشت منو ..
بس أمس قولت لزوجي يشتريلي و مخليتو جمبي كل فترة أخدلي كم حبة ..

[ام عبدالرحيم]

ماشاء الله بس يقولون خطر الولادة بالتامن



هلا احلي ذكري

[احلى ذكرى]

انا ياا ام حذامي بمشي واتحرك كتير,, واطلع وانزل درج لانو بدتي دورين ,,
ومن التامن وانا نعي ولاده مبكره من دخلت التاسع
اختفي كول شي كل يوم بقول اليوم بولد ويخلص اليووم
وانا ماولدت الحمدلله ع كل حاال

[ام حذامي]

من جد طلوع الدرج يجيب الولاده واللي ماعندها درج تروح درج الجيران

[ام عبدالرحيم]

تصبحو علي خير سلام

[ولا أحلى]

دام الموضوع كذا من اليوم ابغى امشي ابغى اولد اول التاااسع ماابغى افطر رمضاااانhwaml79

[احلى ذكرى]

تلاقي الخير ام عبدالرحيم الله معك’’’

[ام حذامي]

استغفرالله واتوب اليه

[ام حذامي]

ولا احلى فاطره فاطره رمضان لانك متحمسه بكثره مثلي شكلنا بنولد بداية رمضان الله يستر علينا ويسهلنا يارب

[ملكة المشاعر]

صبااااااح الخير..

كيفكم كلكم ..ميش افضل شي تاكلي عجوه ..

[ولا أحلى]

لا ان شاء الله مره شايله هم افطر رمضان وفي نفس الوقت خايفه اولد
في الثامن ياارب ايش الحل

[ام حذامي]

نفسي اولد بداية شعبان عشان الحق اصوم رمضان مع الخلق

[ارين]

صبح الخير بنات كروشات
لانو شكلو بس الكروشات اللي صاحيين
ميش عادي ترى متاخرة لانك بكريه دايما البكريات يتاخروا
وجبتلك اسم جديدازا تبغى

[ام حذامي]

يارب سهل ولادتنا

[احلى ذكرى]

اهلين ارين اخباارك

[ام حذامي]

يابنات امي تقولكم اذا احتمى راسه يعني اذا سخن راسه يجي لا تستعجلون خخخخخخخخخخخخ

[ارين]

يابنات صلو على النبي
حتى لو ولدتو على رمضان الحمدلله حيكون رحمه من ربي انتو مستهونين بالرضاعه
مرة تعب تكوني فاطرة وترضعي اهون من ترضعي صايمه خاصة اول كم شهر راح تجوعي كتير ومع الحر راح تعطشي كتير
الله يسهلكم ولادة ميسرة يارب

[ام حذامي]

راح اغيب لحظات اصحي اولادي للمدرسه باي

[ملكة المشاعر]

ابغا اسماء بنات ..

[ارين]

انا الحمدلله بخير تسلميلي يالغاليه

[ارين]

ام حذامى خودي راحتك
ملكه اساء البنات تحيرمرة
انا احب اسم لمى ولمار مرة حلوة

[احلى ذكرى]

كروشاات التلاتاء اخلص شهرري ومررا خايفه... ايش اسوي يااارب

[ملكة المشاعر]

ربنا يسهلها كلم ياااااااااااااارب..

وتجيكم ولاده سهله ميسره..

بس سمعت انو اسم لمار موطيب معناه..

[ارين]

ذكرى الله ييسرلك
لاتخافي انشالله بيجي في يومه
الله يقومك بالسلامه

[ارين]

لمار من الذهب
هادا اللي اعرفه

[Mish]

ملكة المشآعر
صبآح النور .. و أنا والله بآكل سكرية .. لكن مجهزة 7 حبآت عجوة وقت مآ يجيني الطلق إنشآلله ..

أرين
أيش الإسم ؟؟
لأني بأجهز كم أسم إزآ مآ رضيو بإسم - أسيد -

[Mish]

أحلى ذكرى
إزآ لقيتي حل قوليلي .. أنا زيك بآقيلي إنشآلله 6 أيآم و أخلص التآسع hwaml78

[ملكة المشاعر]

مره روعه اسم اسيد ..

لمار معناه انثى الكلب ..

[ارين]

ملكه ويييييييييي ايش دا المعنى لاااااامرة مو حلو
ميش لا تسمي اسيد كانو حمض كيميائي مو حلو
سمي معن مرة حلو وغريب بس ماعرف معناه وماقولتيلي ايش معناة رهيد

[Mish]

ملكة المشآعر
أنا أول مآ زوجي قلي - أسيد -
حسيت طلعت مني قلوب بالزآت لمآ قلي إسمعي إسمعي - أم أسيد -
حبيتو على طول

أرين
هههههههه أخويآ الصغير إسمو معن
و إنتي شكلك قرأتي الإسم زي مآ قرأتو خآلتي
يتنطق كده - أُسيّد - ضمه على الألف وشده على اليآء .. تصغير أسد ..

[ارين]

ميش شكلك مارقصتي زي ما قولتلك ولاكان ولدتي خخخخخ

[Mish]

وشوفي أيش طلعلي في معنى إسم - رهيد -
الناعم ، اللطيف ، العيش بهناء ورخاء رهيف ..

[Mish]

وصح أرين حتى أنا إللي أعرفو إنو إسم لمآر معنآه أنثى الكلب زي مآ قآلت ملكة ..

و أنا مآ حكيتك لمآ قبل أسبوعين تقريبن نزل عليآ الرقص و جلست أرقص بخبآل على أوغنية
محمد سآلم - بلآ بلآ
رقصت عليهآ مرتين وبعدهآ دوخت و نومت كخخخخخ
يعني تنصحيني أعيد الكره ؟؟

[ارين]

ايش دا ميش كل ماجبت اسم مسمينو طلعتيني قديمهhwaml4hwaml4
بس حتى ماعجبني مرة غريبhwaml13
يعني البنت حلو دلع بس الولد .....!!
ما ادري لو تسمي اسم رجولي احلى

[ارين]

يبغالك تعيديها
شوفتي رهيد حلو

[ملكة المشاعر]

انا عاجبني اسم ديالا ..

[Mish]

هههههههههههههههههههه
شآيفة كيف مآ خلو أسآمي حلوة لآ أهلي ولآ أهل زوجي كخخخخخ ..
مدري أنا حسيتو إسم رجولي - أسيد - بالزآت لمآ يكبر إنشآلله يختي على ولدي ..
تخيلي زوجي طلعلي قبل يومين بإسم - أنمآر - بآللهي مو إسم بنت ؟؟
يقولي لآ يسير بنت و ولد حتى أم زوجي قآلت زيو !!!!!!

[Mish]

تصدقي جآتني رقصة يآ أرين .. بدأت أرقص و أنا جآلسة مدري إزآ حتزيد الحآلة !!

ملكة أنا لمآ مآ كونت أدري عن جنس البيبي .. كونت حآطة إسم لآرآ للبنت أو كلآرآ ..

[ملكة المشاعر]

ايش معنى اسم لارا وكلاار ..

بس معني اسم لارا برضوموكويس

[ارين]

لا ياشيخه ايش انمارمرة مو حلو اسيد احسن
حلو اسم ديالا وميلا حلو كمان

[Mish]

صح صح صح فكرتيني أنا لقيت معنى إسم لآرآ مو كويس ..
وخليتو كلآرآ ..
لآرآ معنآه .. الرومآن يسمو الآلهة إللي ترعى العوآئل لآرآ
أما كلآرآ
إللي هوآ التآج أو الطوق إللي يحطوه اليونآنيين للأبطآل بعد الحروب ..

[ملكة المشاعر]

http://forum.hwaml.com/t58089.html

دا رابط في اسماء البنات الي معناها مو كويس

[ولا أحلى]

ليش كذا اسمائكم صعبه واحسها ماهي عربيه :(

[Mish]

إيوة مره مآ عجبني أنمآر ..
بس أيش إسم ميلآ دآ حسيتو كأنو نيلآ .. كخخخخ

اليوم حآسة ضهري بيعورني أسرع من العآدة ..
يعني مآ أكمل 10 دقآيق إلآ و ضهري قآتلني ..

[Mish]

ولآ أحلى إنتي لسآعك على إسم يزن ؟؟
مآ حطيتي خيآرآت تآنية ؟؟

[ولا أحلى]

ايواا خليني على اسم يزن اسهل واحلى

[ملكة المشاعر]

ميش انتي شوفي لو ستمر معاكِ الالم وسار كل خمس دقايق دي ولاده بأذن الله ..

طمنينا يابنت االله يقومك بي السلامه وانتي وكل حاااامل

[ارين]

اما مي صغير القرد مع انو الاسم مرة منتشر

[ارين]

ايوة ميش اذا استمر روحي اكشفي في الطوارىء انشالله تكون ولادة

[Mish]

بس أحس إنو الألم الطبيعي حق الضهر ..
قبل فترة جآني و قولت لمآمآ و وصفتلي ألم الضهر حق الطلق إنو مره غير ..
قآلتلي دآ ألم طبيعي تعب المشي !!
بس يآرب إنو يزيد و يسير ألم الطلق ومن جد تطلع ولآدة يآرب يآرب يآرب

[ملكة المشاعر]

الله يسهلك هياااا يارب ..

ميش قومي اجلسي بامويه تكون حاره بس الحراره جسمك يتحملها ..

[ارين]

ميش كل حمل طلقو غير اسالي مجربه
بس المميز في الطلق انو يروح ويجي مو مستمر
عالعموم انتي بكريه يعني الرحم يفتح شوي شوي موبسرعه

[Mish]

آمين يآرب حبيبتي ..
لآ دحين مآفيآ عشآن قرب وقت النومة ..
بس أنا كل يوم بعبي الجآكوزي وأجلس فيه بعد مآ أرجع من الممشى ..
اليوم إنشآلله أبغآ أزود المشي حتى لو تعبت أرتآح و أرجع أمشي تآني إنشآلله ..

[Mish]

صح والله صآدقة أرين .. لأنو تخيلي أنا حملي حآجآت مرة بسيطة إللي طلعت فيهآ زي مآمآ لمآ كآنت تحمل ..
لكن أغلب حملي زي حمل خآلتي الصغيرة سوبحآن الله ..
و تصدقي كمآن دآيمن آتخيل إنو أنا حتجيني الولآدة و أنا مآدري مآفيآ ألم !!!
بالزآت بعد إللي سرلي في الإسلآب فمآ أستغرب لو سآرلي في الولآدة !!
بس يآ خوووووووووفي من الطلق الصنآعي .. خوفي الأكبر ..
طيب بمآ إنو مآشآلله عليكي خبرة خليني أسألك .. دحين أنا من الخميس مو هآدآ إللي قبل أمس لآ إللي قبلو ..
نزلتلي مآدة زي الجلي و كمآن نزلت السبت و الأحد و الخميس دآ إللي رآح !!
و كل مين قلي الرحم بينفتح و حتى الدكتور قلي نفس الكلآم !!
بس إللي أبغآ أعرفو كبكرية كم يبغآلي تقريبن عشآن تجي الولآدة بعد دي العلآمة ؟؟؟
تعرفي ؟

[ارين]

والله ياميش كل وحدة غير عن التانيه
في ناس تاخد ايام وناس بس ساعات
بس لو الحم فتح لين تلات سانتي تقريبا تاخدي تقريبا من ست لتسع ساعات
انا في بكري حاطولي طلق صناعي واخدت اربع ساعات
لاكن ولاداتي التانيه ساعتين واولد طبعا بطلق صناعي واخر مرة حطولي شي يلين الرحم لانو مارضي يجيني طلق اصلا

[احلى ذكرى]

اسم ديالا مررا عاجبني بس زوجي رافض..,,
انا حسيت بالم بظهري وفرحت ورحت امشي بالبيت واطلع وانزل الدرج قاام الالم اختفي قلت باريتني ماتحركت ممكن زااد

[Mish]

يآآآآآآآآربي .. نفسي لو أسوي كشف على الرحم بس عشآن أعرف إزآ بيفتح ولآ لأ ؟؟
ولآ مره الدكتور مآ جآب سيرة الكشف دآ !!

[احلى ذكرى]

تسلموا’’ ياا ارين وملكه ع الدعوه كترواا منهاا محتاجتهاا
اخاف اخلص الشهر ويحطوا لياا طلق صنااعي

[احلى ذكرى]

طيب ميش ليه مابتروحي لدكتوره تعمل لك كشف؟

[Mish]

أحلى ذكرى
حآلتنآ جدن صعبه .. قد كده بزورتنآ قلوبهم قآسية علينآ مو مقدرين تعبنآ ..
مآ حسو إنهم مصخوهآ خلآص أخدو وجه !!
آآآآآآآآآآآآآآآآآآآآآآآآآآآآآآآه ..

[ارين]

الله يسهلكم ميش وذكرى يارب ويسمعنا عنكم اخبار طيبه
ميش شوفي ازا الالم استمر روحي اكشفي في الطوارئ مو لازم تقولي للدكتور

[Mish]

مآمآ و أم زوجي كولهم يقولولي مو لآزم ..!!

[احلى ذكرى]

اااه ياميش صااادقه ايه القسااوه دي ,,
انا بخاصم فيهاا بقولهاا لمتي يعني حظلي قولليلي ’’’
ايش التخبايه دي بطلي كسوف واطلعي

[ولا أحلى]

<< فاايقه مره قامت تسوي كريم كرامل هههههه

[احلى ذكرى]

ارين’’’ بسالك لو عديت موعدي ايش يصير يعني شو يعملوا لياا؟؟hwaml03

[Mish]

طيب أرين هوآ لمآ بيزيد عليآ الألم بقوم أنسدح شوية لو 5 دقآيق أحسو خف لكن أول مآ أرجع أجلس يرجع تآني ؟؟
برضو إزآ جلست على دآ الوضع فرأيك أروح الموستشفى ؟؟

هههههههه ولآ أحلى أحسن شي لمآ يكون الوآحد مآشآلله رآيق تجي هبقآت عجيبة !!! بالعآفية مقدمن ..

و أحلى ذكرى أنا الدكتور قلي إزآ خلصتي التآسع و إنتي لسآ مآ ولدتي نعطيكي مهلة أسبوع لو برضو مآ ولدتي خلآص تجينآ و نعطيكي طلق صنآعي ..

[ارين]

لاتحطي في بالك ذكرى هادا الشي كل شي قسمه ونصيب بس اللي عرفه انهم يحطو طلق صناعي اذا انتي والبيبي كويسين شوفي الهام تعدي شهرها وتولد ماشالله طبيعي
بس لا تخافي من العمليه والله انها مريحه ماشالله جارتي تولد بعمليه وماشالله عليها تقوم بعد اسبوعين طيبه ومرتاحه
الله يسهلكم يارب يلا بنات استاذن افطر اولادي
فمان الله

[ارين]

ميش الكشف مايضر بالعكس تتطمني

[Mish]

وصح كمآن إنتبهت إنو مآشآلله تبآرك الله حركة البيبي مرة زآيدة عن العآدة ..!!
مدري دآ ليه دخل برضو !!
و أرين إنتي كل ولآدآتك كآنت بالطلق الصنآعي ؟؟

[Mish]

أوكي أرين يآ قلبي معليش طفشنآكي معآنآ ..
و إزنك معآكي حبيبتي ..

[احلى ذكرى]

ارين ,, تاكلوا بالهناء الفطور
ميش.. الله يسر لناا انا مررا خايفه،،
ليه ماتروحي تكشفي؟ممكن الرحم كفتوح ومنك حاسه
بنت خالتي راحت تكشف عايدي ولقيت الرحم عندهاا 3سم متوسع ماشاء الله

[احلى ذكرى]

يلا كروشاات وامهاات استاذنكم واتركم في ودااعه الرحمن ..
يارب يااميش مايجي الليل الا انا وانتي ولدنا بسلامه

[Mish]

إزآ حسيت الألم مآ رآح إنشآلله حروح أكشف أشوف كيف الوضع ..
و آآآآآآآآآآآآمين يآرب يآ أحلى ذكرى ..
أوكي حبيبتي إستودعتك الله ..

[العميدة]

السلام عليكم

لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..

[Mish]

وعليكم السلآم عميدة ..
كيفك ؟

[العميدة]

اهلا ميش كيفك وايش اخبارك

انا الحمدلله طيبه بس الحرقان متعبني والثقل

الله يعننا ويسهلنا حملنا وولادتنا

[Mish]

أنا مآشي حآلي كونت يآ محلآيآ كويسة بس فجأتن نفسيتي إتنكست ..
كونت حآسة بآلم في ضهري وتحت بطني و جلست أستنآه يقوى وبدل مآ يقوى رآح ..
مره إنقهرت و جلست أبكي فقفلت نفسيتي ..
طيب مآ بتآكلي خيآر عشآن الحرقآن ؟؟
والله حآسة فيكي أنا الحرقآن لعب فيآ إلين قولت آمين .. أخد فترة يجيني زي السآعه من الصبآح يمسك في في معدتي ومآ يروح إلآ لمآ أنآم حتى الخيآر سآر مآ يسوي فيه شي ..

[عروسه]

كيفك عروسه ان شالله بخير؟
معليش انا عارفه اني تعبتك معاي بس انتي تراجعي دحين عند مين سهير ولا صفاء؟
وبعدين ان شالله بتولدين عند مين فيهم
وليش انتي مافكرتي تروحي لنجوى

الحمدلله انا بخير ام لولو
ابدا لا تعب ولا شيء
انا اراجع كل مرة عند وحده بس مو باستمرار
لأني اراجع دوريا في مستشفى أحد وهي صفاء قالت لي عادي لو تراجعي بحكومي وعندي عشان التحاليل والأشياء الغاليه تعمليها هناك أحسن لك
ماشاء الله عليها أمينه
كنت ناويه أولد عند صفاء ومازلت بس نظرا لظروف حصلت لي جاني سكر الحمل زوجي حلف اني ما أولد بخاص لأنه خايفه علي وقال أولد بالولادة عشان كده ما ادري
لكن لو رضي وقتها أكيد بولد عند وحده فيهم أنا عملت تنظيف عند سهير عسل ماشاء الله عيلها ورايقه مرة بس صفاء حبيتها أكثر
أما نجوى ما ارتحت لها شفتها مرة في الممر وانقبض قلبي منها ماحبيتها واسنع ناس تسب فيها والله أعلم

[العميدة]

ياميش اذا اكلت ولا شربت على طول حرقان انسدت نفسي عن الاكل
سرت اكل غصب مااشتهي الاكل

[العميدة]

تعرفي ميش شكله دكتورك يحب يلعب بنفسيتك تذكري حبيبة رايد

كل ماراحتلو يقلها انتي مولدتيش

وكيف تعبت من كتر الانتظار

ايش رايك تروحي تسوي تصوير ثاني في المدينه الطبي الي في سلطانه

كتير يمدحو تصويرهم وتشوفي ايش يقلك