دردشة بنات المدينه المنوره - تجمع حوامل بنات المدينه

[ام حذامي]

اه متى اولد وارتاح وربي تعبت

[أم يزن.]

كيفكم كروشات

بليز بدي خبرتكم في دكتوره ممتازه اتابع عندها حملي

[moon-flower]

شكرررررا ام حذامى على دودك وتعبتك معايه
والله حتى انا ابغى اولد بسرررررعه
ام يزن سمعت عن وحده في العقالى اسمها ايمان بدير يقولو كويسه
انا بصراحه توي جايه من الجنوب ولسه ماراجعت عند احد

[أم يزن.]

وينو العقالى ما اعرفه
وأكيد هي مضمونه

[ام فارس اوان]

مساء الخير كروشات

[rooraa]

اهلين مساء النور
كيفكم كروشات المدينه

[moon-flower]

والله حبيبتى اقرى عنها في النت بس

[ضحكة دلع]

وينو العقالى ما اعرفه
وأكيد هي مضمونه

في السبع مساجد
حبيبتي والله مره مضمونه أنا أراجع عندها ومامتي راجعت عندها
بس أنصحك تحجزي عندها من بدري ترى مررررره عندها زحممممممممممه

[moon-flower]

انا افكر اروح الاحمدي لانى ان شاء الله ناويه اولد عندهم يااااااارب بس يسر لى
وفيه المواساه يقولو كويسه
انتى استخيري وربي يكتب لك الخير

[ملكة المشاعر]

ملكه المشاعر
والله مجنينيني حتى نوووووووووم مافي وبنتتتتتتتتتي مرة غايرة بزياااااااااادة
ولا تضرب وتجلس تستناة لمن يبكي واذا مابيكي ضربه تانيه واذا بكي تضحك
جننتني ربي يحميها ويحفضها عمرها لمن ولدت سنه و8 اشهر
يعني خلاص قريب السنتين


الله يعينك ياااارب ..والله انا من دحين شايله هم لمن اولد الغيره ..

المشكله عمرهم لسع مايفهمو مزبوط يتعبو..

انتي حاولي تخلي اخوها بعيدعنها.. يعني على سرير او الجالسه

[moon-flower]

بنااااااااااااات بستشيركم
راما ....
رسيل ...
رتيل ...
احلى اسم عجبكم يااااااااااريت تساعدونى

[ملكة المشاعر]

رسيل وبعدو رتيل

اما راماااا مانصحك فيه يقولو معناه موحلو

انا نفسي ديالا او لندا

[ملكة المشاعر]

http://forum.hwaml.com/t58089.html (http://forum.hwaml.com/t58089.html)

شوفي دار الرابط الي فيه معني اسم رامااا

[Mish]

مساء الخير كروشآت

[ملكة المشاعر]

مساااااء الخير ..

كيفك ميش .. مشيتي اليوم ولالا

[Mish]

ويسعدك ياااااااااااااااارب ويسهل لك ولادتك
والليلة يا ميش حتولدي بإذن الله في الليل hwaml7
يا سلااااااااااااااام اتحمست لولادتك ليتني معاكي hwaml02
الا على فكرة فين حتولدي؟

أهو شوفيني جآلسة لسآ مآ ولدت يآ عروسة hwaml93
و إنشآلله بإزن الله أبغآ أولد في الموآسآة ..

[Mish]

ملكة المشاعر
لآ مآ روحت الممشى كانت نفسيتي قآفلة
بس أوختي جآت من جده و رآحت النور و روحت معآهآ عوضت المشي إللي رآح عليآ ..

[ملكة المشاعر]

ليش ياقلبي قافله معاكِ..

يلا النور يعوض الف مره عن الممشى..

[Mish]

بنات ابغى استشيركم
والله خفت اليوم حصل معاي شيء وما ادري اذا طبيعي ولا لا؟؟

تخيلو نزل مني خيط أبيض ثخين وفيه نقطتين دم تقريبا
مادري اش هذا
تتوقعو علامة ولادة؟
طيب انا مامعاي اليوم لا مغص ولا ألم ولا شيء عكس دايم
اليوم احس اني خفيفه ونشيطة ولما نزل مني هذا الشيء خفت مرة حتى ماقلت لأمي خفت تقلق علي
قلت أسألكم امكن عندكم خبرة في هذا الموضوع

الماده تقيله كأنهآ جيلي ؟؟

[احلى ذكرى]

مساء الخيراات

[Mish]

إيوة والله لأنو مآ أحس على نفسي ومشغولة في المحلآت و الهروج و كده ..
والله لو تشوفي أيش سآر فيآ الصبآح ..
نومت 7 الصبآح صحيت 7 ونص على حرقآن معدتي و الحكحكه في رجولي ..
فخلآآآآص حسيت إنو وصلت معآيآ و جلست أبكي حسيت إني تعبت و أنا أستنى كل يوم
كل مآ أحس بألم بسيط أنبسط أستنآه يقوى بس .. و في الأخير يحطمني و يروح

[Mish]

مساء النور أحلى ذكرى ..

[احلى ذكرى]

عروسه , روحي لدكتورتك لاتهملي حالك,حتي لو بكره تدخلي التاسع يعطوكي ابر اكتمال الرئه والله يسرلك ياعمري
مون ’’’رسيل وبعدين رتيل
ام حذامي’’ تلاقيهاا في الصيدليه
ام يزن ’’الدكتوره ايماان مراا يمدحوهاا وكمان فيه عطيات

[احلى ذكرى]

اه ياميش انتي تقولي فيهاا حتي انا اليوم جلست ابكي عند زوجي اقوله خلاص تعبت ابغاا اولد باااي طريقه؛؛؛صار يضحك علياا ويقول هونيهاا هانت رحت عصبت عليه مسكين اقولو وين هاتن منك حاسس فياا

[Mish]

بنآت عشآن أنا عند مآمآ .. دحين جآي زوجي لمآ أروح البيت أرجعلكم ..
بــــــــــرب

[احلى ذكرى]

اوكي الله معك

[ملكة المشاعر]

سلامتك ميش ..

خلاص هوينا تهون ربنا معاكم ..

[moon-flower]

تسلمى ملوكه على الرابط
يعنى دحين انتى وذكرى كلكم رسيل هوه حتى انا عجبنى
ذكرى اذا لقيتى شي يخليكى تولدي بسرعه قولى لنا عليه

[moon-flower]

تصدقو اليوم اخواتى الصغار يلعبو بالمويه
وانا جايه بدخل المطبخ وماما تصرخ تقولى لا تدخلى انتبهى
قلت لها عادي خلينى اتزحلق يمكن يتزحلق النونو كمان بسرعه

[احلى ذكرى]

مون ههههه ضحكتيني النونو يتزحلق جربيهاا ولو زبطت معاكي اسوهاا وراكي ع طول
الله يسعدك ياشيخه
انا لو لاقيه الولاده كان خنقتهاا ع طول الانتظار اللي مخليتني استناها

[moon-flower]

متى ماربي كاتب له حيجى بس انتو لا تستو لاحقين على التعب<<احاول اصبر نفسي بدا الكلام

[Mish]

بـــــــــــــآك

أنا كل مين يقولي دآ الكلآم يآ مون .. إنسي الولآدة و رآح تجيكي لو حطيتيهآ في بآلك مآ تجي ..
كييييييييييف أنسى يآ نآس بس أبغآ أعرف طريقة وحده عشآن أنسى و أنا مستعده مليون في المية أسويهآ بس قولولي ..

ملكة المشآعر
الله يسلمك حبيبتي .. و الله يسهلهآ بس ..

[Mish]

أنا إللي مخوفني زيآدة .. إنو زوجي عندو إختبآرآت يوم 7 - 7
و مررررررره خآيفة مآ تجيني الولآدة إلآ و هوآ مسآفر لأنو في جآمعة الملك عبد العزيز ..
فسرت بس أدعي يآ ربي ولدني قبل مآ زوجي يسآفر ..

بنـآت اليوم حآسة في زي النبض غريب كده من تحت مدري أيش هوآ !!

[عروسه]

الماده تقيله كأنهآ جيلي ؟؟

يووووه يا ميش قلت عسى توقعاتي تطلع صح وتولدي الليلة لكن متى ماربي كتب بيصير وكل تأخيره فيها خيره

حبيبتي والله ما أعرف كيف أوصف المادة هي تقيله كأنها افرازات بس ناشفه على شكل خيط طول الإصبع وبنهايته نقطتين دم
معليش أعذروني على الوصف بس مو عارفه اش هو دا
صرت كل شوية اروح الحمام أشيك
الله يستر وعلى فكرة بدأ يصيبني خمول مادري هو من الخوف ولا ايه طول اليوم نايمه وهذي أول مرة لأني من زمااااااااااااان عن النوم الكثير

[عروسه]

عروسه , روحي لدكتورتك لاتهملي حالك,حتي لو بكره تدخلي التاسع يعطوكي ابر اكتمال الرئه والله يسرلك ياعمري
مون ’’’رسيل وبعدين رتيل
ام حذامي’’ تلاقيهاا في الصيدليه
ام يزن ’’الدكتوره ايماان مراا يمدحوهاا وكمان فيه عطيات
أحلى ذكرى
خوفتيني ابرة ايه هذي
وانا خايفه اروح المستشفى يقولو كشف من تحت لأن ماعندهم غير كده عشان يعرفو اذا الرحم مفتوح ولا لا
عشان كده ما ابغى اروح المسستشفى

[عروسه]

ميش لا تقلقي احنا عشاننا بكريات مستعجلات ونبغى نشوف البيبي بسرعه
والله انا اخس منك في العجلة وانا لسه بدري علي بس لما جاء الجد وشوفت الدم خوفت ههههههههههه
وامكن هذا النبض دليل ولادة ولا شيء أسألي والدتك أو أي أحد امكن عنده خبر

[moon-flower]

تصدقي ميش انتى زيي زوجى جاي بعد اسبوع لانه شغلو في الجنوب ومارضو يعطوه عير ثلاث اسابيع اقول ياااارب بس اولد دحين عشان مايجلس لحالو وقت طويل

[Mish]

عروسة
أجل لآ إللي جآكي مو زي إللي جآني ..
أنا المآدة إللي نزلتلي كتلة زي الجلي مآيلة شوية على صفآر ..
و كمآن نزلتلي 3 مرآت في أيآم مختلفة ..
وسألت مآمآ وقآلتلي إنشآلله قرب ولآدة ، قآلتلي عآدتن إللي تجيهآ معنآهآ خلآص حتولد فنفس اليوم بس لأنك بكرية البكرية تآخدلهآ إلين أسبوع عشآن تجيهآ الولآدة بعد دي العلآمة ..
وبالنسبة للنبض وقف قبل شوية و الله أعلم أيش معنآه ..
و جآلسة من جد أحآول أشغل نفسي بأشيآء تآآآآآنيه بعيدة عن الولآدة و ربي يسهلها بس ..

moon-flower
إنشآلله ربي يولدنآ في الأوقآت إللي تنآسب أزوآجنآ ..
مره مو حلو أولد أول بيبي بالزآت و زوجي مو فيه .. حتى هوآ يتهيألي يسيب إختبآرآتو وينزل ..
و أمو قآلتلي لو من جد ولدتي و هوآ في جده مآ نقلو إلين ينزل عشآن لآ يخبص وهوآ ترم تخرج ..
بس مآ أتخيل أقدر أخبي عنو خبر زي كده ..

[Reema2011]

صباح الخير يا قماري

لا تخافو حبيباتي مافي اسهل من ولادة البكرية
تعرفو ليش؟؟؟

لإنكم داخلين ومنتو دارين عن شي
يعني ياغافلين لكم الله

[Mish]

Reema2011
صبآح النور يآ قمر
تصدقي أم زوجي قآلتلي نفس الكلآم .. قآلتلي لأنك مآ تعرفي الألم قد أيش ..
فكل شوية تستني ألم أقوى و هوآ أصلن تكوني خلآص وصلتي لأقوى شي ..
مدري بس برضو قد مآ أنا أبغآ أولد خلآص قد مآ أنآ خآيفة من الولآدة

[ام عبدالرحيم]

بناااااات كيفكم ابغا مساااااعدة ترا بمووووت قهر قوللي انا لي حق ازعل ولا لا

[Reema2011]

ميش , مون , عروسة ياقلبي انتم
الله يسرلكم اموركم تولدو وتيجو تحكونا عن احلى واسهل وولادة يارب

أم عبدالرحيم شو في يالغلا

[Mish]

أم عبدالرحيم
سلآمتك من القهر يآ قلبي !! خير أيش في ؟؟

[Mish]

آآآآآآآآآآآآآآمين يآرب الله يسمع منك حبيبتي ..
و جميعن إنشآلله يآرب ..

[Mish]

إيوة صح ..
يآ جمآعة مره محد سمع خبر عن إلهآم ..
والله قلقتني دي البنت مره مآليهآ حس من أكتر من أسبوع ..!!!!!!!!!!!

[Reema2011]

والله صح كلامك ياميش
إلهام اختفت عسى المانع خير ياررررب

[moon-flower]

اااااااااااامين يااااارب يسمع منك هذي الدعوه الحلوه اخر الليل

[moon-flower]

خير ان شاءالله ام عبد الرحيم
اهم شي مايكون ابو الشباب مزعلك

[ام عبدالرحيم]

مرحبا ميش اند ريما


اخ اخ قاهرتني اخت زوجي اتصلت عليا وهاوشتني وربي ضغطتي بيرتفع من اول امس

[ام عبدالرحيم]

موووون ياليت ابو الشباب اخ اخ قهر

[ام عبدالرحيم]

تخيلو قالتلي لاتفكري انو تركنا لك اخونا نحن راجعين لهو بعد ماتنحل المشاكل الي بينا قهههههرتني كرهتها

[ام عبدالرحيم]

وقالتلي لاتحرضينه علينا وانا وربي ما اتدخل في مشاكلهم ولا احرضه وهم في بلد وانا في بلد حسبي الله ونعمة الوكيل فيها

[ام عبدالرحيم]

بعدها قلتلها انا اسفة بسكر الخط بس بعدها صرت ابكي وربي مقهورة ما ادري كيف ارد حقي واعتباري انا عمري ما اتهنت بذا الشكل ولا عمر احد قال اني فتانة وربي في حالي بس بموووت قهر ولو لقيتها كنت قتلتها بس احترامن لي زوجي مارديت وادري انو الكلمة الي موا طيبة تجلس لابن ابني

[ام عبدالرحيم]

قولولي معي حق ازعل وكيف ارد اعتباري منها

[moon-flower]

حبيبتى هدئ نفسك لانه ماحد حيحس فيكى
وتانى شي انتى اذا اثقه من نفسك ردي طنشيها لانها لو وحده محترمه ماتصلت تكلمك
وانتى حامل وتعبانه
واذا تدخلتى بمشاكلهم مو الى يخص زوجك يخصك انتى كمان خاااصه اذا كان يحكي لك عشان كدا انتى بس روقي ودايما يقولو اخت الزوج تكون اكثر من الطبينه

[moon-flower]

طبعا معاكي حق تزعلى
بس ايش حتسوي تردي عليها بنفس اسلوبها
ماعتقد انك بعدها اصلا حترتاحي بالعكس
حتقولى ياااريتنى ماتكلمت
انتى حكي زوجك بس حلفيه انه مايكلمها لانه لو اتكلم معها حتزيد المشكله وحتقول بتحرضو عليه
عشان كدا انسي واعتبريها ولا شي

[ام عبدالرحيم]

ايوووة اختي قالتلي هذي موا مادبة ولكن انقهرت لعدم احترامها لي ولاخوها والله وقتها قرب قلبي يوقف وصر البيبي يضرب بقوة امي قالتلي كثر البكي يطلع البيبي موا زين بس ماني قادرة انسي نبرة صوتها وهي تذلني وبدون احساس ولا شعور ولا كاني كنت احبها من دون اخواتو وكنت احب لها الخير بس ما اقول الا حسبي الله عليها

[ام عبدالرحيم]

موووون انا حكيت لزوجي قالي لاتهتمي لاجل انا اتصلت عليهم الصبح وصارت معانا مشاكل وما ابي اكلمهم تاني بس زعلت لانو زوجي ما رد لي اعتباري بس اقول مافي داعي للمشاكل هو بعد هذول اهله بيكون منحرج من موقف اخته

[ام عبدالرحيم]

انا الي قاهرني انا ما اعرف اقل ادبي مع احد وربي دا الي قاهرني بس احمد ربي اني مارديت لاجل مايمسكوا كلامي ويعتبروها ملاك

[moon-flower]

شوفي حبيبتى لا تبينى لزوجك انه يرد اعتبارك وهادا الكلام انتى حكيه وبالعكس قولى له لا تكلمها عشان لا تزيد المشكله انا انقهرت منها وحكيتك وبكدا انى تكبري في عينو
وهيه خليها تضرب راسها في الجدار يعنى انتى اهم شي هوه حتى لو اتكلمتك عليكى مره تانيه بوجوده يعرف يرد عليها
وانتى لاتزعلي نفسك على ناااااااس ماتسوى
ماحد راح يفيدك لو سار لكى شي<<بعيد الشر عنك

[Reema2011]

ياقلبي يا ام عبدالرحيم
لا تزعلي نفسك حبيبتي , وحاولي قد ماتقدري لاتتكلمي عليها او تشتميها قدام اخوها
واهم حاجة في الموضوع كلو زوجك
انو يكون عارف انك مالكي ذنب في شي
الله يسهلك امورك ياسكر

[ام عبدالرحيم]

موووون تسلمي مماقصرتي بس شي يقهر علي كل حال انا بتمر الايام وبنسي المي لكن لو جات وترجتني ماني مسامحتها موا مفروض يامووون اقاطعها هي وامها لانو امها اكيد سمعت كلام بنتها

[moon-flower]

صدقينى لو رديتى حتندمى اكثر من سكوتك
كدا افضل لك خاااصه مع اهل الزوج لانهم حيقلبوها عليكى
لكن بهدؤك تسكتيهم

[Mish]

أوف أوف أوف ..
أما قآلت دآ كلو .. يآ ويلي مآدري لو كونت مكآنك أيش كآن سويت ..
كونت أكيد على طول حقول لزوجي .. بأي حق تقولك دآ الكلآم مآ تقدر إنك حآمل و في شهرك الأخير كمآن ..
والله شي ينرفز ..
بس زي مآ قآلتلك مون أهم شي إنتي مره مره لآ ترودي عليهآ ..
أهم شي زوجك يدري وبس ..
وهوآ بطريقتو يدآفع عنك ..
و إستغفري مره كتير عشآن ربنآ ينزل عليكي السكينة ويريحلك قلبك عشآنك و عشآن البيبي حرآم لآ تتعبو إنتو الإتنين ..

[ام عبدالرحيم]

ريما لا مابجيب طاريها من اساسو بس الهبلة افتكرت اني اهتم في تفهاتها تخيلو قالتلي انتي تبي قلي ادبك معي ولا ايش وقالتها بي صراخ وانا الهبلة قلتلها لا بس اقولكك انا ما اتدخل في مشاكلكم

[moon-flower]

ايش حتسوي تقاطعيهم صعبه اهل زوجك وعمه اولادك
لكن خلي حدود بينك وبينها مررررره يعنى مو زي اول تكونى طيبه بزياده
بالعكس خليكى رسميه بزياده
ولو جاتك وطلبت تسامحيها قولى لها انشاءالله الايام تنسينى لانه الظلم صعب

[عروسه]

ميش حبيبتي كويس عرفت منك معلومة جديدة عن هذا المخاط اللي تتكلمي عنه والحمدلله انا مانزل علي غير هذاك الخيط وان شاء الله ربي يسترها معانا

ام عبدالرحيم حبيبتي الخصران يقطع المصران
ودايم خلي مستواك عالي وفووووووووق ولا يهمك أحد مادام ماغلطتي على أحد ولا ظلمتي أحد نامي مرتاحه وخلي الظالم يتعذب بذنبك
هذي قاعده لو كل وحده فينا أخذت عليها حترتاح
طنشيها وخير ماعملتي لما قلتي لزوجك عشان يعرف اللي يحصل من وراه ومادام قالك صارت مشكلة بينهم الصباح معناتو خلاص هو متأكد انك صادقه وانك ماغلطتي لا تقوليله خذ حقي ولا شيء
طنشي واذا اتكلم قوليله كل انسان يعمل بأخلاقه وأنا ماتعودت الا اني أعامل الناس بذوق عشان كده ربي يستر عليها ويسامحها وبس واسكتي عن الموضوع وشوفي بعدها نضرة زوجك لك كيف حترقى ويشوفك أفضل الناس
وريحي راسك ولا تبكي على ناس ماتستاهل ولا شيء عيشي يومك واتبسطي

[ام عبدالرحيم]

انا قلت لزوجي بس هو قال لي هي تبي تطلع حرتها فيك ........

[ام عبدالرحيم]

المشكلة انا كل ما احاول انام اتذكر وابكي زوجي فهم ومرةة صحي ببكاي وماقدر ينام ايش اسوي موا بايدي الظلم شين ,,,,,, ماقصرتو مووون وريما وميش وعروسة بجد انكم اخوات

[moon-flower]

قولى انا يااااادوب افكر بنفسي وهمى وهم ولادتى
فاااضيه عشان افكر في مشاكلها
واكيد بيقول زوجك قدامك كدا مايقدر يسب اختو ويغلط عليها بس اللاكيد انه اتضايق من تصرفها
انتى اهتمى بنفسك وصحتك وبس

[ام عبدالرحيم]

ان شاء الله واكيد ربنا مابينسا احد ماقصرتو عسي ماتقصر ايامكم حبيباتي

[moon-flower]

ربي يريح باااالك
روووووووقي وصلى الفجر وان شاءالله تنامى مرتاحه
تصبحو على خير كروشااات

[عروسه]

يووووه ام عبدالرحيم انتي شكلك زيي انا على طول دمعتي على خدي
لكن الزمن علمني التطنيش وشراء راحة بالي
ما اقولك اني بطلت ابكي لا مازلت بس اتعلمت بنفس الوقت اني لما انظلم معناه ان ربي يحبني لأني حاخذ أجر كبير من الله هذا غير المميزات الثانية ان دعوتي ماحيكون بينها وبين الله حجاب
وانا اكتفس بحسبي الله ونعم الوكيل
ما ادعي على الظالم صراحة تدري ليش
لأ،ي ابغى انتقم منه يوم القيامه وأخذ حسناته وياخذ سيئاتي عشان كده اكتفي بتوكلي على الله واترك الأمر له وحده
وبيني وبينك ترى غالبا أهل الزوج يتخيلو أن الزوجة تاخذ ولدهم منهم لكن لو تعودو عليكي وشافو طيبتك شوية شوية
راح يتأقلمو بس للأسف مو الكل في بعضهم يعلن الحرب وما يطفيها وهذا والعياذ بالله حقد القلوب الله يجيرنا منه
وانتي سامحيها وانسي وارتاحي ياقلبي

[عروسه]

مون تصبحي على خير وسعادة

[Mish]

مآشآلله عليهم البنآت مآ قصرو مون و عروسة و ريمآ كولهم كلآمهم صح ..
و لآ تشيلي هم إنو زوجك مو قدآمك كلم أوختو و قلهآ شي عن إللي سوتو معآكي ..
لكن صدقيني أكيييييييييد مآدآم إنك كبرتي رآسك و زوجك عرف إنو زي مآ يقولو - عشآن عين تكرم مدينة - إنك عشآنو هوآ إحترآمن ليه مآ غلطتي عليهآ و لآ رديتي عليهآ
صدقيني إزآ مو قدآمك رآح يدآفع عنك ويآخدلك حقك حتى لو من ورآكي ..
أهم شي إنو مآ رآح يسكت عن الحق ..

[ام عبدالرحيم]

مووون تصبحي علي الف خير غلاتي

عروسة وووربي صارلي سنتين عمرهم ماطلبو شي ماعطيتهم وامو تقول لنسوان اولادها انو مافي مثلي حتي الاعياد ارسل لها هدايا وربي اختو ابديها باخواتي وكنت اخذ لها واحرم اخواتي لاجل مايحسو بفرق بعد زواج اخوهم لكن علي قولتك كلو عند ربنا


ميشوانتي بعد ماقصرتي ها متي الولادة ماقربتي

[عروسه]

موووون تسلمي مماقصرتي بس شي يقهر علي كل حال انا بتمر الايام وبنسي المي لكن لو جات وترجتني ماني مسامحتها موا مفروض يامووون اقاطعها هي وامها لانو امها اكيد سمعت كلام بنتها

لا ياقلبي قساوة القلب مو طيبة ولا هي من صفات المؤمنين
انتي سامحيها وزي ماقلت لك قولي حسبي الله ونعم الوكيل وهذي في حد ذاتها قوية
ولا تقاطعيها خليكي كول ورسميه معاهم يعني زوريهم في المناسبات وريقك حلو معاهم ولا كأن حصل شيء بس لا تكثري الروحات والجيات وحتعيشي ملكة

بحكيلك قصة وحده ربي يسعدها قد ايش شافت ظلم وويل قدام عيني وربي يسامح اللي ظلمها
أهل زوجها عذبوها بمعني الكلمة كانو يعرضو على اخوهم الزواج قدامها وهو يضحك ويحارقها قدامهم تخيلي
وكانت دبلوماسية ماشاء الله عليها صراحه احلى شخصية شفتها بحياتي
كانت تضحك تخيلي تضحكي وهي مولعه نار من جوه
تضحك وترد بنفس الوقت بطريقة رهيبة تحرق اللي قدامها
ومع ذلك لما كانت تصير مشكلة عند أهله كانت تقوله هذولي أهلك مايصير تقاطعهم وتخليه يساعدهم ويوقف معاهم وهما بنفس الوقت يحرضوه عليها يقولوله هي عملت كذا وسوت كذا ويتهموها ظلم
وانا اصدق كلامها لدرجة أن مرة قالت لي ان وحده من أهل زوجها الله يرحمها ويغفرلها رسلت شغالتها تكب موية مسحورة قدام باب بيتها تخيلو؟؟؟
لكن هي سكتت وما قالت شيء خلتها لما تروح وجابت موية وقرأت عليها المعوذات واية الكرسي وكبتها فوق مويتها على الباب
وضلت تحاربهم بطيبتها وتطنيشها بنفس الوقت ورغم انها كانت تجلس ببيتها الا انهم يوصلولها حتلا بيتها ويأذوها
وفي الأخير اش لقت؟
زوجها شالها فوق راسه رغم السنين الطويلة من المشاكل اللي ذاقتها
والحمدلله أمورهم مستقرة الان وعايشه مبسوطة
ويوم ماتت هذيك اللي كانت تبغى تسحرها راحت تسلم عليها وهي في الثلاجه وتسامحها قدام اهله وهما عارفين ان هذي أكثر وحده أذتها وقالت انا مسامحتها دنيا واخره على كل شيء جاني منها
وماشاء الله عليها ذحين مبسوطة لأنه سحرتهم بطيبها وتطنيشها

[ام عبدالرحيم]

ماشاء الله عليها ربنا يسعدها

انا الحمدلله في بلد غير الي هم فيها احسن بكذا لااحد يجيني ولا حررقت دم ربك بعين

[عروسه]

الحمدلله خليك بعيد حبك يزيد

[Mish]

أم عبد الرحيم
أهووو جآلسة أستنى فرج ربنآ .. بآقيلي 10 أيآم و أخلص التآسع
الله يصبرني بس

[ملكة المشاعر]

صبااااح الخير..

كيفكم ..ام عبدالرحيم لاتزعلي نفسك ربنا يأخدحقك منها..

والله اهل الزوج كلهم كدا ..توكلي على الله وطنشيهاااا..

[عروسه]

ميش
سوعال يسدح نفسه

متى اتزوجتي؟

[عروسه]

صباحك سكر ملكة المشاعر

[ملكة المشاعر]

هلا عروسه

كيفك ياقلبي

[عروسه]

الحمدلله ماشي حالي
بدأت معاي مغوصات دحين ومدري اش السالفه الله يسهل يااااااااااااارب

[ملكة المشاعر]

الله يقومك بي السلامه ياااارب

طمنينا

[Mish]

ملكة المشآعر
صبآح النور يآ قمر ..

عروسة
إتزوجت 28 - 5 - 1431
و إنتي ؟

[ملكة المشاعر]

ميش.
صباح الفل والورد.. انا زيك بس قبلك بي سنه انا 26/5/1430

[Mish]

حركـــــــآآآآآآآآت من جد تقريبن نفس التآريخ ..
حلو حلو ..

[ملكة المشاعر]

اقسم بالله ..دخت ولدي موراضي ينام.. بس يلعب ويجري

وانا خايفه عليه يطيح..

[Mish]

ههههههه بسم الله عليه .. الله يحميه و يخليلك هوآ يآرب ..
كم عمرو ؟

[Mish]

نفسي أعرف ليش حآسة إنو اليوم خميس مو ربوع ؟؟؟ hwaml96

[ملكة المشاعر]

آآآآآآآآآآآآمين ..سنه وتلاته شهور

تعرفي انا من اول شهر من زواجي حملت مصروعه..

وانتي ربنا يقومك بي السلامه ياااارب..

ياااارب تسهل لي عروسه ..

[ملكة المشاعر]

اما خميس اشبك ..ميش ..بتجري جري في الايام ..

مع اني انا احس الاسبوع دا تقيل مرررره..

[ارين]

صباح الانوار بنات
كيفكم
وتحشيني ممادخل كتير بنتي شاغلتني مع البيت واولادي الله يعين من جد مالقى وقت
ميش كيف البيبي شكلك حنونه البيبي عاجبو لاصق فيكي فوقي اليوم ربوع ولا تبغي تسرعي الايام
ملكه انتي زيي تزوجت وماصدقت خبر عالطول حمل ووحام

[Mish]

مآشآلله تبآرك الله .. يختي يآ نآس الله يحميه ..
أوه كويس يعني في وحده مصروعة أكتر مني .. << جآي دورهآ فإنهآ تنضرب كخخخخخ
ههههههههه تصدقي أنا لمآ حملت حملي الأول كآن بعد زوآجي بشهرين تقريبن ..
مره إكتئبت حسيت إني إستعجلت و كده و سوبحآن الله ربي مآ أرآد و أسلبت ..
سوبحآن الله لمآ ربي دوقني طعم فقدآن الضنى إنجنيت سرت خلآص أبغآ أحمل لأنو نفسيتي تعبت لمآ أسلبت ..
و الحمدولله ربي عوضني و حملت على طول مآشآلله بعد مآ إتطهرت من الإسلآب ..
وأنا أقولك السر فإني مستعجلة للخميس .. لأنو مرآجعتي عند الدكتور يوم الخميس إنشآلله ..
وأبغآ أشوف الدكتور أيش حيقولي ..
لأنو بسببو أنا إتحمست إني حولد دآ الأسبوع .. لأنو الخميس إللي فآت في المرآجعة قلي إنشآلله أشوفك الخميس الجآي إزآ مآ ولدتي ..
فكلمة - إزآ مآولدتي - جلست في موخي و سرت أقول معنآهآ الدكتور قصدو إنو إنشآلله شكلو ولآدتي دآ الأسبوع بس مآ يبغآ يقولي سييييده من تحت لتحت ..
عمرك شوفتي وسوسة أكتر من كده .. ؟؟؟؟؟؟؟؟؟؟؟؟
وسوسة بهبآلة كخخخخ

[ارين]

اوووووووف صاحيه لحالي قال بروق
ولدي صحي يبغى (وشت)يعني سندوشت
ونكلودين

[Mish]

أرين
صبآح الفل ..
من جد شكلك حآيسة لأنو كلجآتك خورآفية كخخخخخخخخخخ << نفسهآ تنضرب ..
أمس أبدن مآ كونت حنونة و هددتو ..
تصدقي ؟؟؟ شكلو خآيف من التهديد عشآن كده متمسك ..
الحل يعني ؟؟ أسحبو سحب من رجولو ؟؟

[ارين]

ههههههههههه
منجد كلجات مو طبيعيه
مو مني من الصرعه اللي عندي

[Mish]

هههههههه يختي يآنآس بسم الله عليه .. أمووووووت في كلمآت البزورة إللي يألفوهآ للأشيآء .. hwaml84
تزننننننننننننننننننن .. hwaml84
و أكره قنآة نكلودين .. أنا حآلفة يمين مآ أعلم أولآدي و لآ أخليهم يعرفو شي إسمو hwaml32
لآ نكلودين و لآ سبيس تون و mbc3 و الأهم الأهم الزفتة طيور الجنة و كرآميش hwaml4
هآدي القنوآت المعوقة أبدن مآ رآح أخليهم يعرفوهآ إنشآلله .. أصلن من دحين حزفتهآ من الدش .. hwaml66

[ملكة المشاعر]

ههههههههههههههههههههههههههه موتيني ضحك ياميش..

ارين والله متهنية في ملابسي حقت فرحي وبعد ماولدت ولدي قلت خلاص دحين اهتم بنفسي والبس لبس فرحي ..الاتجي طامه الكبرى والقي نفسي حااااامل ..

وولدي الين دحين صااااااحي والله دخت ..ماشاءالله ارين لكِ كم سنه متزوجه

[ارين]

حراااااام شكلك خوفتيه عشان كدا جالس جوا
من الخوفhwaml11
ياشيخه خليها عالله
انشالله تولدي وتشوفيه عريس زي القمرhwaml14
((ماسكه معايا عسكريه خخخ))

[ارين]

وييييييييييي ميش مجرمه
مايحتاج تعلميه هو يتعلم لحالو مع اولاد عمانو وخوالو ويجننك لين تحطيها
ملكة انا ليا ست سنين متزوجه ((عزوزه))

[ملكة المشاعر]

ماشاءالله تبارك الله ..الله يوفقك يااارب ..

ميش فين رحتي لاتكوني ولدتي..من جد دحين حانضرب منك

[ارين]

حرااااااام شكلها ميش كرهة سيرة الولادة
لاتحطي ببالك عشان تتفاجائي بالطلق

[ولا أحلى]

صباح الخير ..
كيفكم ياحلوين ..
لسه مافي وحده حن عليهاا نونتهاا وطلع

[Mish]

ملكة المشآعر
لآ يختي مآ ولدت جآلستلك .. شكلنآ اليوم حنسوي كرآتيه مع بعض يآ ملكة ..
والله صآآآآآآآآآدقة يآ شيخه حتى أنا نص ملآبسي لسآعهآ بورقتهآ ..
اليوم لمآ روحت النور و دخلت نيو لوك و شوفت الله يكرمك جزمهم إللي تجنن ..
جلست أقول للجزم أم الكعب رآجعتلكم إنشآلله قريب يآ حبآيبي .. آآآآآآآآه في صندل كونت خلآآآآآآآص على وشك أشتريه من كتر مآ خبلني بس قولت روقي يآ بنت ..
هآنت إنشآلله بعدين تشتري إللي تبغيه ..

أرين
و أصلن يكفففففففففففي أخو زوجي يعني بس ينزل تحت خلآص حآ يلقى دي القنوآت شغآله 24 سآعه .. من وحده للتآنية ..
أنا إنشآلله أبغآ أعلمو على القنوآت الأجنبية .. عشآن يتعلم إنجليزي من صغرو إنشآلله ..

لآ ويفوتكم و أنا في محل نيولوك دخلت وحده حآمل جلست أطآلع فيهآ و أقول يآ ترى هآدي معآنآ في التجمع ؟؟؟
كخخخخخخخخخ

[ولا أحلى]

ههههههههههه الله يسعدك يامش وانا احسب بس انا الي افكر كده كل مااشوف حامل افكر انها معانا في التجمع واجلس افكر اقول ياترى مين تكون

[ملكة المشاعر]

والله ياميش.. حتى انا الله يكرمكم صنادلي الكعب العالي ملابستها الا قليل وفي منها لسع جديد..

صندل فرحي كاااااان جنااااان على فرحي مالبستو نفسي البسووو.. لمن خلاص بدات ابغا ادلع والبس ملابس فرحي حملت مره تانيه..

وعندي كم بنطلون جنز وفسااتين نفسي البسهمhwaml4بس تعرفي صرعة الرجال

والله اليوم الي عرف اني حااااامل طاااار من الفرحه حسسني انو اول طفل لنا ..

[ارين]

كفشتك ميش يعني كل يوم بالنور خخخخخ
معني ماقدر اروح
ميش عاليوتيوب اولادي اجلسهم يتعلمو الحروف والارقام والاشكال والالوان بالانجليزي مرة ممتع ومفيد شوفيه
اهلا ولا احلى كيفك ياوحشه منجد زعلانه ماتسالي عني مخصماكي

[ارين]

اااااااااااااااه لاتكلموني عن الملابس ملابس قبل الحمل لين دحين ماتجي عليا مقضيتها طول اليوم
ارواب وبجايم لين انزل السوق هيء هيء

[ولا أحلى]

ياحياتي ياارين ماعاش من يزعلك وه هو انا اقدر على زعلك
طمنيني عنك وعن النونو

[ارين]

تسلملي ياحلوة
لا الله لا يجيب زعل
بس يقولو العتب على قدر المحبه
الله يخليكي بخير انا والنونو

[ملكة المشاعر]

ارين ها مسميتي الكتكوته..

[ارين]

والله بنات امس كان عندنا احتفاليه بفوز التحاد لو تشوفو البيت كله تنطط من الفرحه هههههههه

[ارين]

_&*$ ميرا $*&_

[ملكة المشاعر]

حلو الاسم ماااشاءالله ..

والله حتى امس بيت اهلي كان فرح امس اختي تسمعي صوتها من هناك..

[Mish]

أرين
من جدددددددددددد لمآ كل مين يقولي أنسي كييييييييييييييف أنسى ..
طيب في حآجة تخليني مآ أشوف بطني .. إللي يعرف يقولي مستعده أجرب مآعندي موشكلة ..
بس لحد يقولي إنسسسسسسسسي و أنا بأعآني البهدلة دي كولهآآآآآآآآآآآآآآآآآآآآآ ..
و لآ والله مو كل يوم في النور بس أوختي جآت من جده وقيدو نفسيتي كآنت قآفلة فقولت يآلله خليني أروح أغير جو معآهآ ..
و حلو مآشآلله عليكي إنك فكرتي في اليوتيوب فكرة حلوة .. بس برضو محآ أعودهم على القنوآت العربية حقة أفلآم كرتون أبدن ..
تجلطني ..

ولآ أحلى
صبآح النور ..
لآ والله لسآعنآ كولنآ بطآت جآلسين تحت رحمة بزورتنآ ينزلو متى مآ يكيفهم ..
هههههههههه و يسعدك يآرب ترآ نفس الحآله عندي أقول يآربي شكلهآ كده يعطي إنو هآدي ولآ أحلى مسلن كخخخخخخخخخ

ملكة المشآعر
نفـــــــــــــــــــس المعــــــــــــــــآنآآآآآآآآآآآآآآآة

[ولا أحلى]

ماشاء الله يا ارين امس كان يوم نكد في البيت لانوو الهلال خسر
زوجي من نص المباراه خرج من البيت مكتئب هههههه

[Mish]

نفسي أعرف الموشكلة من النت ولآ من المونتدى ..
بس يعلق عندي تطلع روحي عبآل تتحدث الصفحه ..

[ملكة المشاعر]

من عندك ياميش .. انا عندي عادي

[ارين]

ميش
يعنني سوي نفسك موشيفتها وبالعكس روحي واتمشي في الاسواق اذا يريحكي عشان ماتطفشي وتكون نفسيتك عالhwaml16
ولا احلى
احنا امس شغال شماته في الهلاليين كويس زوجك مو صاحبه كان رفعلو ضغطه بزيادةhwaml4hwaml4hwaml4

[ارين]

ميش حتى انا نفس الموشكلة

[ارين]

000000000000000000000

[ولا أحلى]

ارين زوجي امس مقفل جواله مايبغى احد يكلمه وكمان لانوو اصحابو يتصلو يتشمتوو سبحان الله مادري ايش يحسبوو فيه لمن يعصبوو على كوره

[ارين]

هههههههههههه
منجد

[ملكة المشاعر]

يلا يكروشات..ورشيقات ..تتمسوعلى خير..

ولدي نام وشكلي راح الحقو..

[Mish]

أوف بس إنشآلله بس خليني أولد و أرجع بيتي أول شي حقول لزوجي تركبلي مقوي للنت في البيت ..
طفشت من دي الحآلة بدخل من نت أهل زوجي و الإشآرة عندي بالقوة بالقوة تمسك ..

[Mish]

ملكة المشآعر
و إنتي من أهلو حبيبتي و نوم العوآفي ..

[ولا أحلى]

نوم العوافي ملكه ..

ماادري ايش حكايتي المغص له يومين معايا

[ام حذامي]

صباح الخيرات كروشات هل من مرحب

[Mish]

سلآمتك ولآ أحلى يبغآلك تقولي لدكتورتك مرآجعتك الجآية إنشآلله ..
عندك مرآجعة قريب ؟

[Mish]

أم حذآمي
صبآح النور .. أهلين ..

[ارين]

صباح النور ام حذامى
ملكه نوم العوافي انشالله
ولا احلى ممكن تكون تعاديل
يعني البيبي ياخد وضعو

[ام حذامي]

بنات بقولكم شغله انا كل يوم واحيانن يوم بعد يوم امشي مسافات طويله بالسوق من بداية حملي وانا امشي واكثر شي 3او4 ساعات بسوق الاثاث ولسع باقي الشهر الجاي كله مشي ااثث بيتي وبيت عمتي بيت عمتي خاصته وباقي بيتي باقي كثير فيه وخايفه اولد قبل اخلص بيتي وظهري يوجعني بكثره واسفل بطني وثقل مو طبيعي وهدا سادس حمل لي

[ولا أحلى]

اهلين ام حذامي صبااحك عسل

ايوا ياميش موعدي السبت

الله يسمع منك ارين لي كم يوم افكر اني ممكن اولد في الثامن على قد
مانفسي اولد اول التاسع خفت دحين ماابغى بدري

[Mish]

أم حذآمي
أنا فرأيي لآزم تريحي كم يوم مو كويس إنو دآيمن عندك ألم في ضهرك ..

ولآ أحلى
صح صح صآدقة أرين ممكن تكون تعآديل
أنا كآن يجيني فجأتن شد في رحمي أحسو يخليني مصنمه مآ أقدر أتحرك منو إلين يروح ..
أول مره جآني كونت في جده و خرجت من السيآرة طآلعه الشقه مع زوجي إلآ و فجأتن أصنم ..
زوجي يقولي بسم الله أيش فيه قولتلو دقيقه وجلست وآقفه فوسط الشآرع إلين فك و قدرت أمشي عآدي مره إنفجعت ..
و سألت أم زوجي وقآلتلي تعآديل ..
فآ من جد ممكن تكون تعآديل إنو البيبي بيصلح نفسو عشآن يبدأ ينزل في الحوض الشهر التآسع إنشآلله ..
وبرضو إنتي قولي لدكتورتك السبت إنشآلله ..
حآسة إني مرة قرقرت كتير

[ولا أحلى]

ايواا ياميش يصير كذا معايا احيان ماقدر ارفع ظهري شوي كذا ويفك
لا حبيبتي ماقرقرتي بالعكس فدتيني الله يسعدك يارب

[ارين]

ام حذامى
مايصير المشي كتير خاصه في البدايه ارتاحي
انا قبل كدا اتهونت في المشي واسلبت في الخامس بعيد الشر عنك
ميش يامحلى قرقرتك
الله يطمنك ولا احلى

[ام حذامي]

اصبح خروج السوق عندي ادمان ادا مر يوم مارحت شفت محلات الاثاث اموت ذحين انتظر الساعه متى تجي عشره واروح لمحلات الاثاث اللي بقربان خخخخخخخخخخخخخخخخخخ وصباحكم ورد كلكم

[ام حذامي]

طيب بزعجكم شوي ايش يهدي الكحه تعبتني مرررررررررررره احس يطني بتنفجر منها

[Mish]

يسعدكم ربي حبآيبي ..

بنآت أيش رأيكم في إسم - بتآر - ؟

[Mish]

أم حذآمي
أننننننصحك بورق الجوآفة عن تجربة واللهي
مرررررره خطيرة مآشآلله مع الكحه ..

[ام حذامي]

جزاك الله الف خير ميش

[ولا أحلى]

ميش ليش كذا اسمائك كلها صعبه اسُيد وبتار

[Mish]

أم حذآمي
إيآنآ و إيآكم حبيبتي ..

ولآ أحلى
هههههههههه عشآن أنا بإزن الله مره مآبغآ أسمي أسآمي متعآرف عليهآ ..
أبغآ شي كده جديد و مميز

[ولا أحلى]

الله يعينك حتتعبي وانت تدوري اسماء

[ارين]

ام حذامى زي ماقالت ميش ورق الجوافه مرة ممتاز
ميش سمي اياس مرة حلو كان نفسي فيه بس زوجي مارضي
او رهيد كمانت حلو بس متداول كتير مسمينو

[Mish]

ولآ أحلى
لآ مآ عليكي جآلسة أدور في موقع على أسمآء غريبة ..

أرين
ولد خآل زوجي إسمو إيآس و في أخوه أويس كمآن ..
بس رهيد غريب .. دحين أشوف أيش معنآه ..

[ارين]

ميش ادخلي اليوتيوب واكتبي امريكيه حامل ترقص خليجي

[Mish]

هههههههههههههههههههههههههههههههههههههه
هآدي جآتني قبل كده في البيبي بس بالصوت الأصلي
بس لمآ ركبو عليهآ دي الأوغنية الخليجية والله تضحك زيآدة ههههههههههه
فين مآمآ أخليهآ تشوف .. في فرح ولد عمي مربطينني عندهم في الطآولة مآ خلوني أقوم أرقص ..
خطر ومآدري أيش وكلآم فآضي ..
بس قبل كم يوم هبقت عليآ ورقصتلي رقصتين جبآرة مع نفسي خبلت الولد و بعدهآ إنسطلت و نومت كخخخخخخخخخخخ

[ولا أحلى]

ههههههههههههههههههه
موتتني ضحك الي ترقص حمستني ارقص ميش ارقصي زيها امكن تولدي

[Mish]

هههههههههههههههههههههههههههه
قولتلك جربت و رقصتلي رقصتين أنسطلت بعدهآ و نومت هههههههه
حتى رقصت على هآدي الأوغنية مرررررررررررررررره حمآس

http://www.youtube.com/watch?v=Wx0Kork58RI (http://forum.hwaml.com/redirector.php?url=%68%74%74%70%3a%2f%2f%77%77%77% 2e%79%6f%75%74%75%62%65%2e%63%6f%6d%2f%77%61%74%63 %68%3f%76%3d%57%78%30%4b%6f%72%6b%35%38%52%49)

وه إتحمست أرقص تآني .. بس مآفيآ والله خليهآ في الليل إنشآلله كخخخخ

[ولا أحلى]

هههههههه

حماااس الاغنيه ... ناويه اتهور اليوم وارقص

[Mish]

إيوة مره حمآس بس يرحم وآلديكي لآ تتحمسي
لسآ لسآ أصبري تخوشي التآسع أضمن ..
إزآ مره مسك معآكي الرقص أرقصي و إنتي جآلسة بس هزي من فوق كخخخخخخخخخ
كونت أسوي كده ..

[ولا أحلى]

تعرفي اليوم يوم زواجي ونفسي ارقصhwaml74

[Mish]

مآشآلله تبآرك الله يآ نآآآآآآآآس .. إنشآلله زوآجة الدهر على قولك ..
مخططة لأشيآء مميزة ؟؟
وكده لآ مسموح ليكي ترقصي بس أييييش ؟؟ رقص سلو بس hwaml64

[ولا أحلى]

لين دحين مجرد حفله بسيطه ورايقه لانو مره مافيني حيل
بنطلع نتعشى برا وبعدين نكمل السهره في البيت

الله يسمع منك ياارب

[Mish]

نآيس نآيس ..
صح والله دحين الوآحد حتى لمآ يجي يلبس اللآنجري يفكر مليون مره قبلهآ ..
<< نطت للأخير كخخخخ
الله يسعدك يآ قلبي مع زوجك العمر كلو ويبعد عنكم المشآكل و عيآل الحرآم ..

[Mish]

أوكي يآ قمر أنا أستأزنك النومة كبست ..
من الفجر و أنا أقآوم ..
يآلله تمسي على خير ..

[ولا أحلى]

نوم العوافي ياقمر ..
على خير ياارب نشوفك ان شاء الله في الليل

[عروسه]

ملكة المشآعر
صبآح النور يآ قمر ..

عروسة
إتزوجت 28 - 5 - 1431
و إنتي ؟


هههههههههه
حبيبتي انتي توقعت انك عروسه زييhwaml5
انا تزوجت
9\8\1431
يعني بيننا حوالي شهرين
ربي يسعدنا جميعا يارب ويجعله زواج السعادة
ويرزقنا الذرية الصالحه

بنات دائما ادعوا الله
انه يرزقنا الذرية الصالحه الزمن هدا صار يخوف والله يعيننا على تربية أطفالنا

[عروسه]

ميش يا قلبو انتي و ولا أحلى زيي انا حملت بعد زواجي على طول وأسلبت وبدها حملت بهادا وربي يتممه على خير يارب
ملكة المشاعر ربي يسهل لك أمورك ويسعدك يارب
ولا أحلى ألف مبروك ان شاء الله

[احلى ذكرى]

مساااااء الخير كروشااااااااات
الاكتئاب ذبحني

[ورد المدينه]

السلام عليكم

كيفكم كروشات مافيه اخبار عن الهام

[Mish]

مساء الخير كروشآت ..

[Mish]

هههههههههه
حبيبتي انتي توقعت انك عروسه زييhwaml5
انا تزوجت
9\8\1431
يعني بيننا حوالي شهرين
ربي يسعدنا جميعا يارب ويجعله زواج السعادة
ويرزقنا الذرية الصالحه

بنات دائما ادعوا الله
انه يرزقنا الذرية الصالحه الزمن هدا صار يخوف والله يعيننا على تربية أطفالنا

يآنآسي علينآ مآشآلله تبآرك الله ..
و آآآآمين إنشآلله يآرب و نكون عرآيس العمر كلو في عيون أزوآجنآ ..

[moon-flower]

مساء الانوار

[ام عبدالرحيم]

السلام عليكم

[ام عبدالرحيم]

بناااااات عندي اقتراح

[ملكة المشاعر]

مساء الخير.. كيفك ام عبدالرحيم ان شاءالله احسن من امس ..

ميش..ولاحلى.. ارين..عروسه..مون.. كيفكم ان شاءالله طيبين

ولااحلى.. الف مبروك الله يهنيكِ ان شاءالله طول العمر مع بعض يارب ..

[ام عبدالرحيم]

هلا ملكة الحمدلله احسن وتسلمين علي السؤال انتي شخبارك

[ملكة المشاعر]

الحمدالله طيبه..

ايش هو الاقتراح ..

[ام عبدالرحيم]

ملكة وش رايك احد من البنات الموثقات ياخذ ارقام جوالاتنا كلنا واذا واحدة غابت وهي في ظرف ولادة تتصل وتتطمنا عليها لاجل مانقلق صح ولا ايش رايك

[ملكة المشاعر]

والله حلو الاقتراح.. انا ماعندي مانع اعطيكي رقمي ..

[ام عبدالرحيم]

انتظري يجوا البنات كلهم ويتفقو علي واحدة تاخد الارقام لاجل الدنيا مامعروفة اذا تعبنا بالولادة كيف نطمن علي بعض


كيف ولدك وايش اخبار النونو

[ام عبدالرحيم]

ملكة ماتعرفي فين ينباع ورق الحائط وبي كام ابي اجيبو لولادتي

[Mish]

أهلين ملكة و أم عبدالرحيم ..
كيفكم ؟؟

[Mish]

أم عبدالرحيم
يعني قصدك تبغي تسوي بيتك ورق جدرآن ؟؟

[ام عبدالرحيم]

هلا ميش بخير ايوة ابغي اسوي ورق جدران للغرف

[ام عبدالرحيم]

ابغي ازبط البيت للولادة ان شاء الله

[Mish]

أم عبدالرحيم
أنا عآملة بيتي كلو ورق جدرآن من عند العسيلآن في قربآن
وبالنسبة للأسعآر حسب الشكل إللي تختآرية يختلف المتر بكم ..

[ملكة المشاعر]

ولدي الحمدالله طيب .. النونو كمان طيب..

هلا ميش.. كيفك ياقمر..

[Mish]

أنا الحمدولله طيبة حبيبتي ..
جآلسة أستنى مآمآ و أخوآتي جآيين عندي ..

[ملكة المشاعر]

الله يخليها لكِ يااارب ..

انبسطي اليوم ربوع.. انا مرررره طفشانه..

[Mish]

آمين يآرب و يخليلك كل غآلي حبيبتي ..

[ملكة المشاعر]

آآآآآآآآآآآآآآمين ياقلبي.. لسع ماجووو..

[moon-flower]

اااااااااااااامين ياملكه
كيفكم كروشات وكيفك ام عبد الرحيم

[moon-flower]

بنات مغص الدوره يفتح الرحم ولا لا
احس بمغص بس خفيف يعنى عاادي
بس ممكن يفتحو ولا لا؟؟

[مدام الهام]

السلام عليكم ورحمه الله 000000
بنات ابشركم ولدت بعد معاناااااااااااااااااااااااااااااااااااااااااااااا ااه طويلة ولله الحمد من قبل ومن بعد وجبت ولد وعقبال عندكم يارب وراح اكتلكم قصة ولادتي قرب ان شاءالله0بس لمن اخف شوية دحين ليا اسبوع والدة والحمدلله ------------

[moon-flower]

لوووووووووووليش
الف مليوووووووون مبروووووووووووووووك
الحمدالله على السلامه واجر وعافيه يااارب
وربي يحميه ويخليه ويجعله من البارين

[ام عبدالرحيم]

الف الف مبروووووووووك الحمدلله علي سلامتك ياقمر بوسيه لنا وقوليلو لنا عتاب معاك حبيب قلبي الف مبرووووووووووووك الهام

[ام عبدالرحيم]

موووون انتي الحين في الكام

[ام عبدالرحيم]

ياجماعة عندي الم في رجولي ماني قادرة اتحرك منها وش اسوي

[ملكة المشاعر]

الــف..الــف..مــــبـــروكـ ..

يـــتربــا بـــعــزكمـ ..يـــارب..

الحـــمدالله على سلامتــكـ ..

[moon-flower]

انا في التاسع الاسبوع 37
زي ام اعبد الرحيم الالم كان من الشهور الاولى احس زي لمى تجي من زواج اختك وتنزلى الكعب
ودحين مازااال الالم مستمر

[ورده بين ايديه]

لمما شفت البنات يباركو لمدام الهام
قلت هادي ميش ولدت ههههه
الف مبروووك الهام
يتربى بعزك ان شاء الله

[ولا أحلى]

الف الف الف مبرووووك الهااام
الحمدلله على سلامتك
الله يجعله من البارين ياارب ويحفظه ويحميه لك

[ملكة المشاعر]

ولا احلى هااااا كيف كانت ليلتك اليوم ..

ان شاءالله نبسطتي

[ولا أحلى]

الحمدلله ملكه انبسط بس المغص نكد علي شوي

[ام فارس اوان]

الف مبروك مدام الهام يتربى بعزك والحمدلله على السلامة

[ام فارس اوان]

مساء الخير كروشات

[ملكة المشاعر]

يووووووووووووووه يلا ان شاءالله بعد الولاده عيدوها ههههههههههههههههههههههه

[Mish]

مدآم إلهآم


مبـــــــــــــــروك
مبـــــــــــــــروك مبـــــــــــــــروك
مبـــــــــــــــروك مبـــــــــــــــروك مبـــــــــــــــروك
مبـــــــــــــــروك مبـــــــــــــــروك مبـــــــــــــــروك مبـــــــــــــــروك
مبـــــــــــــــروك مبـــــــــــــــروك مبـــــــــــــــروك
مبـــــــــــــــروك مبـــــــــــــــروك
مبـــــــــــــــروك


الحمدولله على سلآمتك حبيبتي ..
الله يخليه ليكي يآ رب و يجعلو من البآرين و حفظة القرآن ..
والله قلقت عليكي يآ بنت لسآ أمس سوبحآن الله سألت البنآت إزآ وحده سمعت خبر عنك ..
يآلله نستنآكي ترجعيلنآ بالسلآمة وحشتينآ ..

[ملكة المشاعر]

هلا ميش ..كيف انبسطتي مع اهلك ..

[عروسه]

صباح الخيرات

كيفكم بنات وكيف كروشاتكم

الهام ألف ألف مبروووووووووووووووووووووووووووك حبيبتي الله يسعدك وأخيرا اتطمنا عليكي ألف مبروك
وعقبال الجميع

[عروسه]

بنات
اوووووووف والله دايخه تدرو من ايش؟؟؟

من كثرة الحكحكة بطني تجرحت وتقطعت طفشت من الحكة
تخيلو صارت بطني كيس حبوب خخخخخخخخخخ
طلعت فيها حبوب كبيرة ومدفونة وتحككككككك تعور من الحكة صارت تدمي من اظافري

[عروسه]

علامات بدء الولادة

اولا : العلامة : وليست بالضرورة ان تراها كل السيدات وهى عبارة عن افراز مخاطى سميك بة دم
ثانيا : الطلق :
1- الطلق الحقيقى : وهو عبارة عن انقباضات لاارادية فى الرحم وتشعر بها السيدة على هيئة تقلصات والام ولاتؤثر بة اى مسكنات والهدف منها دفع الجنين الى الخارج وياتى منتظما كل نصف ساعة ثم كل ربع ساعة ثم تقل المدة حتى تصل الى كل خمس دقائق مع زيادة مدة كل طلقة وقوتها حتى ينزل الجنين وبعدة المشيمة باذن الله
2- الطلق الكاذب : ويحدث لدى معظم السيدات فى الشهر الاخير من الحمل ويكون غير منتظم وعلى فترات متباعدة ويختفى بالمسكنات وهو يساعد الجنين على النزول الى الحوض واتخاذ الوضع الطبيعى
3- انفجار كيس الماء ونزول السائل الامنيوسى الى المهبل


ماذا تفعلين عند الشعور بعلامات الولادة

1- الامتناع عن تناول اى مشروبات او اطعمة لاحتمال استخدام التخدير الكلى اثناء الولادة
2- محاولة عدم النوم والقيام بالحركة العادية فى المنزل لان ذلك يساعد على تسهيل الولادة وفتح عنق الرحم ( الا فى حالة انفجار كيس الماء يجب عدم الحركة والنوم فى السرير فورا ) وكذلك عليكى بالصلاة والدعاء ولاداعى للخوف فالغالبية العظمى من النساء يلدن بدون مشاكل
3- تفريغ المثانة اولا باول وعمل حقنة شرجية للمساعدة على الولادة
4- اخذ حمام دافىء لانة يساعد على الاسترخاء
5- اخذ نفس عميق عند الشعور بالطلق للحفاظ على نسبة الاكسجين المتجهة الى الرحم مما يساعد الرحم على الطلق ويسرع الولادة ويقلل نزيف مابعد الولادة
6- التوجة الى المستشفى فى اسرع وقت

بنات لقيت هذا الكلام في المنتدى تتوقعو العلامة اللي جاتني علامة ولادة؟
أهو نفس الوصف اللي حصل معايhwaml15

[Mish]

ملكة المشآعر
إيوة الحمدولله إنبسطنآ ..
والله يسعدهم ويخليهم ليآ سآعدوني نضفنآ البيت قلبنآه فوق تحت ..

عروسة
آآآآآآآآآآآآآآآآآآآآآآآآآآآه لا تخليني أبدأ فموضوع الحكحكه .. اليوم مآمآ و أخوآتي لمآ شآفو رجولي و يديني إنفجعوووو
و مآمآ هزآتني تقولي لآ تحكي أقولهم مآآآآآآآآآآقدر تآكلني تآآآآآآآآآآآآكلني ..
كآنو حيمسكوني يقصولي أضآفيري بالقوة بس حآربت شوية و سآبوني كخخخخ

[عروسه]

ميش والله قلبي مو راضي اني احك واشوه بطني بس غصبا عني حتجنن بالذات بطني صارت كلها حبوب تخوف
واذا ما حكيتها أحس قلبي بيوقف من التقريص

[Mish]

عروسة
آآآآآآه بس متى إنشآلله تجينآ دي العلآمآت بس خليهآ تجي و إحنآ نسوي إللي علينآ و زيآدة hwaml15
أنا إنشآلله اليوم الخميس يعني مرآجعتي hwaml7
إنشآلله حسأل الدكتور عن المآدة إللي نزلتلي أشوف أيش حيقولي ..

[Mish]

عروسة
يآ حبيبتي !! والله مره صعبه تجي الحكه على البطن ..
أنا لمآ تجيني حكه عآدية في بطني أتعور أجل كيف لو حكه زي إللي في رجولي و يديني ..
والله أنجن .. الله يعينك والله ..
أنا مآني قآدرة أتحمل والله إنشآلله حقول للدكتور على دي الحكه يمكن كتبلي شي يهديهآ ..

[عروسه]

اذا كتبلك قوليلي اروح اشتري مرهم زيك انا حتجنن
ودكتوري الله يهديه أعطاني موعد بعد شهر تخيلي وانا خلاص عالنهاية المفروض كل اسبوعين على الاقل

[عروسه]

اليوم روحت النور اتمشى عسى ربي يسهلها علي
المهم
روحت سنتر بوينت ولقيت عندهم تخفيضات حلوة عند محل الأطفال
واشتريت جهاز سماع صوت الطفل ماركة جنيورز واحس الصوت فيه شوية تشويش
وما ادري اذا أحد جرب هذي الماركة
اذا أحد يعرفها ينصحني اعطوني مهلة لحد بكرة ارجعه
وخايفه اني اشتريت ماركة مو كويسه لأني ما اعرف هذي الماركة
لقيت تشيكو بس ربي ما أراد اني اشتريها
واش رايكم أحد يعرفها هذا الجهاز وممكن يستمر معاي؟

[moon-flower]

تصدقي ميش اتوقع الرحم عندك مفتوح يمكن 1 او 2 سانتى
واليوم طنينا عنك

[Mish]

خلآص ولآ يهمك إنشآلله إزآ أعطآني مرهم أقولك على طول ..
وهوآ المفروض إنو أول مآ تخوشي التآسع يسير كل أسبوع المرآجعه ..
إنتي كم بآقيلك إنشآلله وتخوشي التآسع ؟؟؟
وبالنسبة للجهآز أنا كآن نفسي أشتري إللي بالفيديو كمآن بس زوجي قلي خليه بعدين ونسيت هرجتو ..
مآدآم في تخفيضآت يبغآلي أروح أشوف ومو شرط إللي بفيديو أهم شي دآ الجهآز أحسو مهم ..
بس مآعرف واللهي إزآ عآدي إنو فيلو شوية تشويش ولآ معنآهآ إنو فيلو موشكلة ..
إنشآلله وحده البنآت تكون جربتو يسير تقولك ..

[Mish]

يآآآآآآآآآآآآآآآآآآآآآآآرب يآ مون الله يسمع منك ..
و إنشآلله أكيد رآح أقولكم أيش سآر معآيآ ..
الله يسهلهآ يآرب و يقولي خبر حلو يفرحني كده ويريحني ..

[moon-flower]

يااااارب يسهل عليكى
وعلينا
انتى باي اسبوع دحين

[Mish]

اللهم آمين حبيبتي كولنآ يآرب ..
و أنا دحين في الأسبوع الـ 39

[عروسه]

ميش
ان شاء الله يكون الجهاز تمام والله مدري لقيت ناس تمدح في تشيكو وتسوب في جنيورز ومادري تعرفي الاجهزة حسب الاستخدام في ناس ماتحافظ على الجهاز وتقول هذا مو كويس وهما يطيحوه ويخربوه عشان كده قلت أسألكم مادام عندي فرصة اليوم ارجعه أو استبدله

أنا اليوم ثاني يوم بالاسبوع 33
وعلى حسبتي معناتو اني اليوم دخلت الشهر التاسع بس طبعا ما أكمله الا لما اخلص ال 36
بس الدكاتره مايحسبوه كده يعتبروني في أول الثامن وهذا اللي قاهرني انا مقتنعه اني دخلت التاسع ومو مقتنعه بحساباتهم
<<< وحده راسها ناشف
حتى ابويا أقوله انا بالتاسع يقول لي يابنتي لسه انتي بالثامن اقوله لاااااااا

[عروسه]

شوفي ميش امكن تعرفي تحسبيها لي
أنا اجهضت بتاريخ 26\10\1431
وحملت بعد الاجهاض ماجاتني دورة
يعني المفروض الان أنا بأي اسبوع وأي شهر بالضبط؟

[Mish]

صح صآدقة إنو على حسب إستخدآم الشخص نفسو .. بمآ إنو تشيكو شركة أفضل فأحسنلك إنو تشتري الأفضل ..
إزآ كآن فرق السعر بينهم مو كبير بدليه ..
و بالنسبة لحسآب حملك ، إنتي حسبتيه مزبوط على أسآس آخر دورة ؟؟

[Mish]

سوبحآن الله .. يآ بنت إنتي زيي بالزبط .. بس يفرق التآريخ
أنا أسلبت 3 رمضآن و نفس الشي مآشآلله حملت على طول مآ جآتني الدورة
المهم شوفي بالنسبة للحسآب أنا الدكتور مآدري كيف كآن حسبلي هيآ ..
لكني لقيت موضوع هنآ في المونتدى وحده مآشآلله عليهآ شرحت مزبوط كيف تعرفي تآريخ ولآدتك و اليوم إللي سآر فيه الحمل ..
ولمآ سويت طريقتهآ طلعت بالزبط زي مآ قلي الدكتور عن يوم الولآدة ..
وطلع إنو حملي سآر يوم 24 - 10
رآح أدورلك الموضوع و أحسبلك هيآ ..

[عروسه]

فرق السعر كبير بينهم تشيكو تقريبا ب350 اما جنيورز ب 95 عليها تخفيض اما تشيكو لا
مو مشكلة لو بس احد جربها ومانصحني فيها ارجعها انا اخذتها لأنها حوالي 30 متر وهي مناسبه لي لأن غرفة البيبي جنب غرفتي بالضبط أما تشيكو فوق 300 متر وانا ما احتاج هذا البعد الكبير في المسافه

يعطيكي العافيه ميش ياليت تلقي الرابط والله احساسي اني حولد بدري عشان كده خايفه ابغى احد يأكدلي اني فعلا بالتاسع مو بالثامن وعمره احساسي ماخاب
ومن امس احس بطني نازله لتحت وبنفس الوقت لما اجي انام تشد علي بطني على جوه بشكل مؤلم

وحده من صحباتي جاتها الولادة من غير طلق على فجأة عشان كده اخاف تجيني زيها
تقول كانت جالسه عادي وحست بموية تخرج منها وراحت التواليت ولقت بزبوز يصب منها ولما راحت المستشفى قالولها ولادة وماكانت تحس بأي ألم
بس اعطوها طلق صناعي وبهدلوها فيه لحد ما ولدت الحمدلله

[Mish]

سوبحآن الله .. تصدقي أنا كتير أفكر إنو حآ تنفك عليآ موية الرآس بدون ألم و إنو أروح الموستشفى و يقولو ولآدة ..
حتى أمس حلمت نفس الشي و إني جلست أقول للدكتور الله يخليك أصبر عليآ يمكن يجيني طلق طبيعي لآ تديني طلق صنآعي ..
و من جد والله الفرق مره كبير في السعر .. إستني إلين وحده من البنآت ترودلك و شوفي أيش حتسوي إزآ خلآص حتخليه ولآ ترجعيه ..

نفسي أعرف .. مسلن لو الدكتور فعلن لقى إنو الرحم مفتوح من 1 - 3 سم هل حيقولي خلآص تجلسي في الموستشفى ولآ حيقولي روحي البيت ولمآ يبدأ الطلق تعآلي ؟؟
أحد يعرف ؟؟
الموشكلة إللي دحين صآحيين أنا و إنتي يآ عروسة و أظن مون لسآ موجودة و كولنآ بكريآت ..
يآلله إنشآلله تجينآ وحده من البنآت الخبيرآت مآشآلله نطفشهآ بالأسئلة كخخخخخ

[عروسه]

ههههههههههه
والله يا ميش امي تقول البكرية لازم تصبر في البيت ماتروح بدري عشان مايبهدلوها
امي حصلها في اول ولادة نفس الشيء انفكت الموية وهي نايمه وماشاء الله عليها قامت غسلت الفرش ونظفته
وصارت تمشي في السطوح ولا قالت لأبويا لحد ما خلاص استوت وبعدين راحت
بس أمهات أول مو زينا ياحبيبتي احنا لو مغوصه بسيطة قلبنا الدنيا صراخ وبكاء
بس في حاجه نفسي أعرفها واستحي أسأل امي

هما كيف يعرفو ان الرحم انفتح 2 ,4,6 سم هل لازم يكشفو داخلي عشان يعرفو ولا بالسونار يقدرو؟

[moon-flower]

اهليييييين بالكروشاات
ميش جبتو في سيره القط جا ينط ههههه
مغص الدوره سبب لى قلق طفشت منه
ياااريت يقوى ويسير طلق وارتااااااح باذن الله

[moon-flower]

اتوقع ميش لو لقيوه مفتوح يقولو روحى وبعدين ارجعى
احس كدا احسن ترجعى البيت تجهزي اغراضك وتشربي كف مريم وتمشي شويه
وتاخذي شور وترجعى المستشفى وقولى خلاص مانى خارجه غير وانا والده
اتمنى يسير معايه كدا

[Mish]

يختي عليكي يآ عروسة فكرتيني ببرآئتي إللي كآنت فيآ قبل أسبوع تقريبن ..
كونت زيك أفكر إنو يبآن إزآ فتح الرحم في السونآر .. لكن للأسف الشديد الحقيقة المرة إنو لآزم الكشف الجميل إللي بالأصآبع حسبي الله بس ..
وصآدقة والله على هرجة إننآ مآ نتحمل .. اليوم مآمآ شآفتني مجهزة أغرآضي لكن مخليه بعض الحآجآت إللي بأستخدمهآ وأبغآ أخدهآ معآيآ الموستشفى إنشآلله وقت الولآدة
قآلتلي متى تبغي تحوطيهآ قولتلهآ أشغل نفسي إنشآلله لمآ يبدأ الطلق ألملم دي الحآجآت عشآن يمر الوقت إلين يقوى خلآص
جلست تضحك قآلتلي أشك في الموضوع ، إنتي حتجلسي تبكي و تصحي زوجك على بكآكي و تنسي كل شي .. قآل أيش تلمي أغرآضك و الطلق بآدء و تضضضضضضضضضضضحك ..
حسيت إنهآ صآدقة مآلت عليآ ..

صح والله صآدقة يآ مون حتى أنا أشوف الأحسن إنو أجي أزبط وضعي في البيت بدل مآ أجلس في الموستشفى سبيل كل دكتور و دكتورة و سستر يجو يقيسو و يمشو ..

[Mish]

فينكم يآ كروشآت ؟؟ نومتو ؟؟

[عروسه]

يووووه يا ميش خوفتيني
والله كنت أحسب بالسونار يبان ياهو وين التطور والتقدم؟
أوووف اتذكرت على اجهاضي الدكتورة عملتلي سونار ولما تأكدت انه الجنين طاح قالت لي شوفي الجنين جالس بينزل قامت دخلت يدها ومعاه جهاز يعور وقالت الرحم مفتوح عندك وعملتلي العملية
بس هذا في الدار ياعيني عليهم والله أحبهم
أما دحين بما أن زوجي حالف علي بمستسفى الولادة مرررررررررة خايفه
ماابغاهم يكشفو علي تخيلي روحت لهم وأنا أجهض قبل اروح الدار
وقلت لها معاي نزيف قالت اجلسي على السرير
وجلست وقالت فسخي سروالك؟؟؟؟؟؟؟؟؟؟؟؟؟؟؟؟؟ hwaml03
انا اتفجعت وقلتلها ايييييييييش وليه ماعندك أجهزة واش تبغي تسوي
قامت خاصمتني <<< وقتها ماكنت أعرف شيء بالمرة غشيمه
وامي مارضيو يدخلوها معاي خلوها بره بس هي قالت لي اذا حيكشفو من تحت ارفضي وانا ماتخيلت الكشف من تحت يعني تقول لي هذي العبارة
قلت لها لا أبغى جهاز
قالت طيب نكتب لك تنويم عشان بكرة نسويلك سونار
تخيلو عاد تنويم عشان سونار
وبس خرجت من عندها وروحت على الدار
وعلى طول قالت عندك اجهاض وتعاملو معاي بكل أدب
وكنت جالسه ابكي من الاحراج امسك يد الممرضة السعودية وأقولها أنا خجلانه انا مستحيه من كتر ماكنت بموت على نفسي من الخجل لما كشفت علي وهي تمسح دموعي وتقول لي عادي حبيبتي ومادري ايه لحد ماريحوني نفسيا
الله يعينني على الولادة دحين بهديك المستشفى ويهدي زوجي يارب

[Mish]

والله من جد أنا قولت نفس الكلآم لمآ عرفت .. قولت يآنآس سوو أجهزة لكل شي إلآ قيآس الرحم مآ لقيولو جهآز .. خيييييييييير ؟؟
بس من جد وجع أيش دآ الأسلوب وقحه هآدي .. لو أنا كآن يمكن أديتهآ برجلي أقولهآ إتكلمي زي النآس .. والله يحقلك تنفجعي بالزآت إنك كونتي لحآلك كمآن ..
إنتي أسلبتي و كم كآن ليكي حآمل ؟؟

[عروسه]

كنت بالاسبوع الخامس
بس سبحان الله من أول ماحملت وانا ينزل علي قطرات دم اتاريها علامة اجهاض وانا مدري

[عروسه]

ههههههههه بالمستشفى الأهلي كان معاي ابويا وامي وزوجي
كنت عامله لمه معاي يصبروني والله كانو معاي بكشك الولادة حق الانتظار لحد ما اخدوني العمليات

بس انتي كيف كان اجهاضك ؟ وفين عملتي العملية؟

[ملكة المشاعر]

صبـــاح الخيـــر.. يابكريات..

كيفكم ها مافي احد فيكم فك البكشه ..hwaml02hwaml03

[عروسه]

صباحك سكر
لا لسه ننتظر الفرج

[Mish]

غريبة والله ليش سويتي عملية و إنتي لسآعك في البدآية ..
أنا كونت في الشهر التآلت و قلي الدكتور نسويلك عملية تنضيف و أنا كلمت مآمآ و زوجي كلم أمو و الإتنين قآلولنآ أخصروه و أرجعو البيت ..
وقآلولنآ العملية تتسوى لمآ يكون في الشهر الرآبع وفوق يكون البيبي إتكون و المشيمة قوية ..
لكن دحين لسآعو صغير مآ يسير تسوي عملية لأنهآ تخفف الرحم ..
و سرت بس أشرب الأعشآب إللي تنضف الرحم زي حقة النفآس ..
كف مريم و الحلبة ..
إلين مآ إتطهرت الحمدولله ..
و أنا كمآن من بدآية حملي كآنت تنزلي مآدة بنية و كآن الدكتور معطيني حبوب تثبيت حمل .. لكن سوبحآن الله إرآدة ربنآ إنو مآ يكتمل ..
كونت معبية الجآكوزي و جآلسين فيه أنا و زوجي مروقين إلآ وفجأتن حسيت بحرآرة من تحت و إلآ نلقى نفسنآ جآلسين في جآكوزي من دم تخيلي الموقف ؟؟
آآآآآه مره مآ رآح أنسى دآك المنظر ..
الحمدولله يآرب إنو عوضني ... الله يتمملي يآرب على خير و أولد بالسلآمة إنشآلله ..

[Mish]

صبآح النور ملكة ..
لسآعهآ البقش مربوط أمهآ .. hwaml15

[ملكة المشاعر]

هههههههههههههههههههههههههههههه

الله يقومكم بي السلامه ..

والله الانتظااار صعب والله جربت زيكم ..

[Mish]

آآآآآآآآآآآآآآآآمين يآرب ..
الله يصبرنآ بس و يسهلنآ ..

[عروسه]

طيب ميش ماشاء الله عليكي كيف اتحملتي الألم
والله الألم قوي جدا جدا ويقولو أقوى من ألم الولادة
كنت شوية وابوس يد الدكتورة اقولها اعطيني مسكن وهي تعطيني ابرة طلق اعتقد لأنها تقول لأمي هذا يزيد الألم عندها عشان تنظف
والحمدلله على كل حال بس ما اتخيل نفسي ارجع البيت والدم يصب مني كده انا كنت مرة ما اقدر امسكه حتى الفوط ما تكفي والله احراج
ومنظر الدم وانتو في الجاكوزي صراحة مؤلم اكيد زوجك اتخطف قلبه لما شاف الدم
خاصة هما مو متعودين زينا على الدورة والدم والخرابيط

[Mish]

بنآت إقرو دي القصة قسمن بآلله تقطع القلب ..

http://www.facebook.com/note.php?note_id=217635428254762

[عروسه]

ملكة الوحده فينا صارت تتمنى الألم بس عشان تشوف ضناها

[Mish]

تصدقي عروسة و كل مين سألني محد مصدق ..
إنو كل الألم إللي جآني كآن ألم في قلبي على شعوري إنو طفلي قطعه مني رآح ..
زي مآ قولتلك والله كل إللي حسيت فيه هوآ الحرآرة إللي من تحت ..
أبدن مآ جآني ألم نهآئين ..
و زوجي أبدن مآ أنسى منظرو كيف كآن وجهو مصفر و تخيلي كمآن لمآ قومت من الجآكوزي و الدم ينزل مني ويسيل مني زي البحر على فخودي و مشيت إلين الله يكرمك كرسي الحمآم و طول المسآفة دم في الأرض ..
يآ الللللللله يآ الللللله على المنظر ..

[Mish]

ملكة الوحده فينا صارت تتمنى الألم بس عشان تشوف ضناها

من جـــــــــــــــــــــــــد hwaml85

[Mish]

عشآن كده بعد مآ شوفت نفسي إنو كيف لمآ أسلبت مآ جآني طلق ولآ ألم ولآ أي أبو كلب ..
فكرت إنو من جد شكلو أنا حتجيني الولآدة و أنا مو حآسة بشي ولآ يجيني طلق ..
وينتهي فيآ الموضوع بالتعزيب بالطلق الصنآعي ..

[ملكة المشاعر]

ياويلي ياميش .. موقف مررررره صعب

الله يتمم حملكم وتقومو بي السلامه يااااارب

[عروسه]

اي والله ميش فقدان الضنا غالي انا جلست فترة مسطلة ماني مصدقه ان قطعه مني راح وفيييييين راح في الحمام لانه نزلت مني قطعه كبيرة في الحمام ولما رحت المستشفى كان باقي الكيس بدون جنين والله أعلم

القصة مرررررررررة حزنتني أعوذ بالله
والله البعثات تخوف لأن مجتمعنا مجتمع مغلق ما اتعودو يشوفو مناظر والعياذ بالله
ولما يروحو هناك يشوفو بلاوي وطبعا حيتأثرو خاصة انهم مراهقين
لا حول ولا قوة إلا بالله
المفروض يطلعو قانون ماأحد يبتعث إلا معاه أحد والديه كده أضمن

[عروسه]

والله يا ميش انا شفت ألم مو طبيعي الحمدلله من شدة الألم صرت اخبص بالكلام أقولهم ابغى سفن هههههههههههههه
جيبولي سفن ههههههههه
ولما ودوني غرفة العمليات كنت أصيح اقولهم جيبو زوجي دخلو زوجي كنت أكلمهم بالانجلش لا شعوريا
حتى لما فقت ما أكلمهم عربي ما أدري ليه الألم ضرب في مخي
عشان كده أقول ان شاء الله الولادة تكون سهله علي لأني جربت الأصعب
كنت اتقطع يا ميش جسمي كان كأنه ينفصل عن بعض شيء يتفكك مني عشان كده غصب طلبت العملية ورحبت بالفكرة على طول من شدة الألم

[Mish]

آه يآ ملكة الحمدولله بس إنو ربي عوضني الحمدولله لك يآربي ..
بس أستآهل .. لأني كونت في البدآية بس أبكي إني مآبغآ البيبي و إنو مره بدري أحمل ..
و ربي دوقني طعم فقدآن الضنآ عشآن أعرف قيمتو و إني مآ كونت أبغآ نعمة ربي أدآني هيآ غيري محروم منهآ و يتمنآهآ ..
فسوبحآن الله لمآ أسلبت بكيت دم حسيت إحسآس مره غريب حسيت من جد إنو قطعه مني رآحت ..
و أكتر شي كمآن فكرت فيه إنو طفلي إللي جلس في بطني بس تلآته شهور لمآ رآح كده سآر فيآ ..
كيف كآن إحسآس مآمآ لمآ فجأتن إتوفى أخويآ و عمرو 17 سنة ..
آه يآربي .. يآرب لآ تدوق أحد فقدآن أي غآلي ..