تجمع الحوامل اللاتي سيلدن بشهر رجب 1432

[روز55]

هلا سلسال...

[غلاي امي]

ان شاء الله كلها اسبوعين الا كل كروشات التجمع قايمين باالسلامه

[سلسال بنتي]

هلا بك غلاي
هااه طمنينا مافيه اعرض ولادة او شي كذا ولا كذا ؟؟

[ميمي2011]

سلسال بنتي يوم كشف عليك الدكتور طولتي ماولدتي والا ولدتي بعد الكشف
سوري بذكرك بالماضي

[ميمي2011]

الله يسمع منك غلاي

[غلاي امي]

لا الوضع مستتب

انا توني داخله التاسع من 5 ايام مااتوقع اولد الا على نهاية الشهر

[سلسال بنتي]

هلا روز
تصدقون من امس جالسه اشرب قرفه
و جلست بمويه حااارة اتوقع هي سبب الالم
لاني سمعت انها ترخي عضلات الرحم و تسهل الولادة

[غلاي امي]

سلسال كأن ولادتج قريبه من موعد ولادتي

ليه مستعجله وتشربين قرفه

[غلاي امي]

شوفي سلسال اذا ربي ماأذن لج بالولاده ماراح تولدين

لو تهلكين نفسج مشي وشرب قرفه

[سلسال بنتي]

ميمي
انا رحت بعد ما شفت سدادة الرحم استعجلت مرررة
وقال الرحم مفتوح 1سم هذا على الفجر و خلوني عندهم و ولدت الساعه11بالليل بعمليه لان بنتي معترضه و صبروا علي تتعدل ولا تعدلت

[روز55]

لا تشربين قرفة الا اذا كان الرحم فاج 2 سم او اكثر

[ميمي2011]

انا امس نزلت مع الدرج بسرعة وعلى اخر درجة نطيت اوبهههه قلت عشان ينزل ولما علمت اختي قالت بطلي حركات لايختنق البيبي

[سلسال بنتي]

غلاي انت بكريه لكن انا هذا الثاني و اصلا خلااص واصله معي

[غلاي امي]

ميمي انتبهي لاتنفصل المشيمه لاقدر الله

تحملي كلها اسبوعين وانتي والده بأذن الله

[روز55]

سلسال تحملي كلها كم اسبوع

[ميمي2011]

سلسال بنتي ان شاء الله هالمرة تولدين طبيعي

[غلاي امي]

سلسال انا موبكريه

[ميمي2011]

انا خايفة اتاخر واخذ نفاس من رمضان

[غلاي امي]

شوفي سلسال

سوي مثلي انا مستبعده الولاده حاليا دائما اقول ماراح اولد ال نهاية الشهر

علشان اذا تأخرت مايجيني احباط

[روز55]

الريم شكلها انكمشت اليوم اني دخلت ملفها واخر نشاط لها الساعه 5 العصر

وكشفوا عليها من اسبوع وقايلين لها مفتوح نص سم

يلرب تكون ولدت

[سلسال بنتي]

مين قال لا تشربون القرفه الا بعد ما يفتح الرحم؟؟
ترى عااادي كل اخواتي واللي اعرفهم يشربونها اول التاسع
وهي فايدتها ترخي عضلات الرحم
لا توسوسوون
و كل شي بأمر الله

[روز55]

ميمي انتى وين تتابعين حملج

[غلاي امي]

انا عن نفسي ماأحب اشرب القرفه

وعندي قناعه ماراح اولد لين ربي يأمر بنتي بالخروج للدنيا

[ميمي2011]

انا في مستوصف الشمايل

[روز55]

سلسال اشلون ما تضر

القرفة اذا شربتيها والرحم قافل تسبب لج تقلصات وطلق وممكن ينفجر الرحم

خاصة اذا كان مو مفتوح

[روز55]

غلاي صحيح كل شي بيد رب العالمين

لكن فية مسببات واشياء تساعد بعد اذن رب العالمين

[ميمي2011]

بنات مت من الجوع من الساعة 7 مااكلت شي عشان بكره عندي تحاليل وقالوا لازم تكوني صايمة 12ساعة احس اني صدعت من الجوع

[كرملآ]

هلا وغلا حلوااااات؟
كيفكم ان شاء الله بخير,,,

انا توني اشوووف التجمع , عادي انضم معاكم,,,
"ولو انها متأخره’ تقبلوني او لا ؟!"

انا تاريخ 10 رجب ادخل التاسع, وحاسه نفسي اني حاولد من بدايته دايم يجيني الم زي الم الدوره في ظهري,,

بجد نفسي اولد وارتااااح من التعب والثقل ومحاتاة الولاده,,

انا جهزت كل شي وديت اغراضي بيت اهلي بس انتظرها
الله يسهل علي وعليكم يااارب

[سلسال بنتي]

غلااي ما ادري ليش حسيت انك بكريه يمكن من صورتك هههههه
على العموم الله يسهل علينا يااارب
المشكله للحين ما خلصت اغراضي و بنفس الوقت ابغى اولد اليوم قبل بكرة اخااف اخذ من رمضان و افطر
خرووووج اضطراري
اشوفكم على خيرررر

[غلاي امي]

روز انا حتى بحملي قبل مافكرت اخذ شي يسرع الولاده

بس المشي

انا شفت اختي ماضل شي ماسوته وهلكت نفسها مشي وماولدت ال بطلق صناعي

[روز55]

ميمي تحاليل السكر والهيموجلوبين

[روز55]

كرملا حياج

[غلاي امي]

اهلين كريم كراملا نورتي التجمع

الله وياج سلسال

[روز55]

غلاي انا ما اولد الا بطلق صناعي

الماي ينفج على قبل واروح المستشفي والاقي الرحم 3 او 4 ويعطوني طلق علشان

البيبي ما يتعب

[غلاي امي]

ماتدرين روز هالمره تولدين بدون طلق صناعي

[ميمي2011]

والله مااعرف هي 5تحاليل من ضمنها الفصيلة بس اتوقع مثل ماقلتي

[sweety]

بنات ماحد يدري عن وردة الطائف ولد ولا لسى
ماشوفها يارب تكون ولدت

[ميمي2011]

يالله بنات عن اذنكم اجتمع معكم باقرب فرصة سررت بالسوالف معكم استودكم الله الذي لاتضيع ودائعه

[روز55]

الله يسمع منج يارب

والله الطلق الصناعي مووت

[روز55]

ميمي الله واياج

[غلاي امي]

اليوم كانت موجوده وردة الطائف

الله معك ميمي

[روز55]

ورد الطائف كانت وايانا اليوم العصر

[غلاي امي]

ان شاء الله وردة تبشرنا بكره بولادتها

[روز55]

سموه اليوم مختفية مو بينه

ان شاء الله تكون ولدت

[sweety]

امين يارب
بسس احس انها طولت مسكينه

[غلاي امي]

سموه دائما تختفي وتطلع

[روز55]

ما شاء الله عل ورد الطائف

تصدقين لو انا مكانها كان لقيتني عند باب المستشفي والدموع اربع اربع

والنفسية زفت

[غلاي امي]

استأذن كروشات

وصل النوووووووووووم

تصبحون على خير وسعاده

[sweety]

وانتي من اهله

[روز55]

وانتى من اهل الخير غلاي

[sweety]

انا متامله اولد بدري

[الريم الشارد]

صباح الخير بنات...

[روز55]

سويت كل شي بيد ربج

[الريم الشارد]

ادعولي اولد هاليومين ... رحت للموعد اليوم وكان فيني الم يروح ويجي بس مو قوي مره وسوت لي كشف الدكتوره من تحت وقالت لي مفتو2 ونص سم وقالت شدي حيلك بالمشي وانشاء مايجي بكرا الا انتي والد ياااااااااااااااااااااااااااااارب اولد بكرا الي اهو اليوم يعني ادعووولي تكفوون وطلعت منها ومشيت ساعه وكان ودي اكمل بس تعبت خخخ

[روز55]

هلا الريم فكرناج امسكوج المستشفي

طمنيننا عنج

[روز55]

امشي واشربي مغلي حلبة مع حليب وان شاء ينفتح الرحم اكثر وتولدين خلال هاليومين

ان شاء الله

[الريم الشارد]

المشكله ماعندي حلبه حاليا ودي اشرب الحين مافي بديل لها ...؟

[الريم الشارد]

بعد ما مشيت شربت كوووب قرفه ..

[sweety]

صباح النور يالريم وانشاء الله تولدين قريب
بس لاتعبين نفسك بالمشي

[روز55]

انا ما اعرف الا اهي تفتح الرحم وبسرعة وانا مجربتها

بديل ما اقدر ادلج على شي ما اعرفة

لكن اقري سورة مريم على بطنج وادعي ربج بالفرج

وان شاء الله تبشرينا بكره بولادتج

[sweety]

اي والله روز كل شي بارادة الله
بس عندي امل

[روز55]

الريم حاولي اذا مشيتي على طول تجين وتحطين رجولج ماء دافيء جدا على الاقل ربع ساعة

وادهنيها كريم روفيناك علشان ما تتعبين وقت الولادة وتحسين رجولج تعورج

[sweety]

افضل شي القرفه
ندي بنتي طفشتني كل شوي تفصل النت علي

[روز55]

سويت الله يهديهم

ولدي ناام وهالبنت باقي جنبي كل ما شافت صورة تسالني شنو هذا

ومن هذا

[sweety]

نفس الحاله كل شوي تشوف الصور وتقول نونو الله

[روز55]

يالله بنات استودعكم الله تعبت من الجلوس


الريم طمنينا عليج

[sweety]

روز انتي قربتي على الولادة ولا توك

[sweety]

تصبحي على خير

[الريم الشارد]

اووك استأذنكم بروح اخذ لي دش ساخن وراجعه

[دانة العشاق]

صباح الورد فيه احد والا اروح افرفر بااي مكان

[om loly]

صباح الخير

كيفكم ياحلوات

الله يهون عليك يالريم
وان شاء الله تبشرينا بولادتك بكرا
وتقومين بالسلامة

سوي الكبو وشمي الحلتيت عشان مايتسكر الرحم من الشمم
والزنجبيل مع القرفة كويس يجيب تقلصات ويحمي الطلق

[وردةالطائف]

هااااااااااااااااااااااااااااااااااااااااااااااااا ااااااي

بنات ابشركم

انا


مازلت صامده و الكرشه جامده هههههههههههههههههههه

سويتي لا انا مادخلت العاشر

بحسابي انا باقي لي يومين واشطب التاسع
وبحساب دكتورتي باقي على 15- رجب اقفل التاسع >>الظاهر هي الصادقه

الريم الله يفرج عليك و تولدي ذا الاسبوع

[وردةالطائف]

بطلت خلاص ماابغى اولد
اليوم جاني شد عضلي بجنبي وصحت بقوه تذكرت الولاده وماخفي اعظم
والخدامه جتني تسع تقول ولاده قلت لا ههههههههههه

[وردةالطائف]

عفوا : والشغاله جت مسرعه

[وردةالطائف]

خروووووووووووووووووووووووووووووووووووووووووووووووو ووووج
بصلي ركعتين وانام

[دانة العشاق]

يالله يارب تبشرينا ياوردة بكرة حاسة انك راح تولدي استعدي

[وردةالطائف]

ان شاء الله ادعي لكم في صلاتي

[om loly]

هذا إحنا نبغى نولد
واذا تذكرنا الآلام والطلوق هونا
ومن يجيك مغص تبدين تنتفضين من الخوف


والله حالتنا حاله خخخخخخخ
الله يفرج علينا يارب

[وردةالطائف]

دانه والله مستعده
كل يوم اخذ شور و انتف بذا الشعر
واستشور شعري و اظفره لانه طويل و اخاف وقت الولاده ينفك
وشنطة المستشفى عند باب غرفة النوم هههههههههه

خرووووووووووووووووووووووووووووووج

[دانة العشاق]

يارب بكرة تطمنينا معك وربي يسهلك ويساعدك

[om loly]

ياحليلك ياوردة
ربي يسهلك

[دانة العشاق]

ام لولي عندك خبرة بحجم البيبي والولادة لاني ابي اسال اي احد

[om loly]

دانه
يعني تقريبا
شو سؤالك

[moon-flower]

صباح الخير كروشات

[om loly]

صباح النور مون

[دانة العشاق]

اذا كان وزن البيبي 2و800 غرام ماشاء الله يكون متنان والا نحيف
ثانيا راس البيب تقول مر نازل لتحت وعندي ولادة يالاسبوع الجاي اوالي بعده يعني بجد قربت ولادتي والا شلون

[دانة العشاق]

اهلين يسعدلي صباحك

[موج الغلا]

صباح الخير كروشات
ها من عليه الدور ان شاء الله
ورده الطائف الله يسهل عليك يااارب وتولدين اليوم ان شاء الله..
رونق الله يشفيك يارب ويخليك لعيالك عليك بالرقيه

[om loly]

وزن البيبي مرة كويس وطبيعي جدا وانتي بالاسبوع الثاني من التاسع

اما نزول الرأس بالحوض مايكون علامة أكيدة لقرب الولادة
لان بعض الحريم يكون نازل من الثامن وتكمل التاسع وتولد

اما نزوله فبإذن الله يسهل الولادة وماتتعسر

وربي يسهل علينا
أتمني اني أفدتك

[دانة العشاق]

تسلمين ياعيل ربي يسعدك على ردك

[om loly]

صباح النور موج الغلا

شكل الكروشات مطولين
والدور مو منتظمين فيه
وبيبداون يدخلون على بعض
اللي بتطول بيطوفونها ويخلوها لحالها خخخخخخخ

الله يفرج علينا ويسهلها يارب

[om loly]

ويسلمك حبيبتي دانه

وتقرين عينك بشوفته

[دانة العشاق]

اللهم امين وانتي وياي

[موج الغلا]

ههههههههههههههه
الله يعين يارب
انا و ورده الطائف نفس الشي تقريبا انا 14 رجب وهي على كلام دكتورتها 15 نشوف من تولد الاولى
على قد مامليت وودي اخلص واولد وارتاح على قد ماانا خااايفه الله يسهل علي وعليكم

[دانة العشاق]

تصبحو على خير ياحلوين

[om loly]

وانا بعدكم ب16
وربك يسهلها
عاد الدكتورة تقولي مادامك ماطولتي ببكرك
ماراح تكملين التاسع كله مجرد توقع


والمضحك بالسالفة لو أغيب عن اهلي يوم قالوا ولدت
وكلن يدورني ههههههه صرت محط الانظار

[om loly]

نووم العوافي دااانه
أشوفك على خير

[موج الغلا]

ههههههههههههه
مو شرط تصدقين انك اذا ولدتي ببكرك بدري ولادتك الثانيه تكون نفس الشي اما ببنتي جبتها باول اسبوع من الثامن
وهذا شكلي بكمل التااسع ههههههههههههههه

[kitty]

الله يسههل على كل حاااااااامل ويهوووووون علينااا ياااارب,,

[ام ركوني]

افا والله يعني انتم ماتردون الا على اللي تعرفونهم

مشكـــــــــــــــــــورين ع التطنيش !!!

[موج الغلا]

حوامل بسألكم الى متى تاخذون الحديد والكالسيوم انا من الثامن صرت اتكيسل اخذهم والحين طنشتهم مررره
وسمعت من وحده انهم بالشهرين الاخيره المفروض ماخذهم مدري من عنده معلومه...

[موج الغلا]

ام ركوني ياقلبي لاتزعلين امري وش سألتي عنه عشان ارد عليك

[om yazan]

صباح الخير كروشات والله زمان عنكم تروني زي ما أنا بكرشتي بس ما صار عندي نت
بشرو احد ولد جديد وش أخباركم الصفحات واجد متعيجزه اقراها

[moon-flower]

مين معايه اخر دوره لها ثلاثين رمضان

[moon-flower]

مين معايه اخر دوره لها ثلاثين رمضان

[موج الغلا]

انا معاك اخر دوره 30-9

[رنيم العمر]

صباح السكر
كيفكم ياغوالي ان شاءالله بخير

انا كمان معاكم اخر دوره 30رمضان
بس قولولي متى موعد ولادتكم اللي حددته الدكتوره؟؟؟؟؟

[موج الغلا]

انا قالت لي 14-7
وانتي؟

[رنيم العمر]

انا19/7
وعندي موعد بعد شوي دعواتكم وربي يطمنا

[ياسمين0]

صباح الخير
اخباركم ..
معاي الام من امس ماسك ظهري بقوه .. ومعي مغص بس مو قوي محتمل يعني ..
ان شاء الله بكره اخلص اختبار ويشد الطلق واولد وافتك من الاختبار والولاده ... وارتاح
عندي موعد العصر ان شاء الله يكون طلق .. ادعوا لي ..

[غلاي امي]

صباح الخير
اخباركم ..
معاي الام من امس ماسك ظهري بقوه .. ومعي مغص بس مو قوي محتمل يعني ..
ان شاء الله بكره اخلص اختبار ويشد الطلق واولد وافتك من الاختبار والولاده ... وارتاح
عندي موعد العصر ان شاء الله يكون طلق .. ادعوا لي ..





صباح النور ياسمين

اتوقع اللي معك بداية طلق اختي

ان شاء الله بكره تخلصين الإمتحان وتفكين البقشه طمنينا عنج اذا جيتي من الدكتوره

[الريم الشارد]

مساء الخير بنات..

[الريم الشارد]

بنات شسوي طار الالم اهئ اهئ

[يالبيه ياانا]

هههههههههه يالريم البارح جااني الالم حتى مشي مو قادره امشي احس لازم زي العجوز انزل راسي

ومن صحيت الصبااح وش حلاتي صاايره كاني حصاان وتحطمت حييييييييييييل



يلا بنات هانت مااباقي شي ونولد ونجبيها مايخلون ننـام

[غلاي امي]

مرحبا كروشات

انا داخله ومتفائله حيييييييييل يالريم قلت بتقولين ولدت

اثاري بنتج ماتبي تطلع

بس مدام الرحم مفتوح 2سم بأذن الله قريب تولدين نفس ورد الشمال انفتح الرحم وبعدها ولدت

[غلاي امي]

وينكم كروشات

تعالو نسولف وننسى تعب الحمل

[غلاي امي]

استغفرالله الذي لا إله الاهو وحده لا شريك له واتوب اليه

[يالبيه ياانا]

اهلين غلاي اخباركـ ...


تصدقين اني ندمانه وقفت سنه كامله على حسب بولد في الاختبارت والحين بدات الاختبارت وماعندي الا طلوووق كااذبه وربي متحطمه نفسيه

[الريم الشارد]

هلا غلاي وسارونه من جد قهر اليوم بمشي وان شاء الله ربي يسهل

[الريم الشارد]

يامسهل الامور سهل عليا ياااارب وعلى جميع الحوامل

[غلاي امي]

اهلين سارونه

ياعمري لاتتحسفين على شي مضى وان شاء الله كلها شويات الا وانتي صايره ام

الريم علومج

[ست الحبايب أمي]

هلا بكم كروشاتي الحلوين
إن شاء الله تكونون بخير الريم
أنا في حملي الأول كان مفتوح 2 سانتي
وكان الكلام هذا على الساعة 12 الظهر يوم الخميس المهم وأروح العصر يوم الجمعه أمشي مشيت مشي ماأنساه إلين المغرب وأرجع البيت وماجات الساعة 1 باليل إلا يصحيني الطلق وأروح للمستشفى وكان مفتوح 4 سانتي بس أنا ما إستنوني على طول عملية علشان وضع الجنين مقعدي
الخلاصة كثري مشي والله لاخلطات و لا شئ أمشي بس

[الريم الشارد]

هلا غلاي الحمدلله ماشي الحال بس احس الوضع مستتب الحين وقاعده ارتب البيت ترتيب اخير احتياط

[غلاي امي]

اهلين ست الحبايب

اخبارج ياام كرشه

[الريم الشارد]

هلا ست الحبايب .. انشاء الله راح امشي اليوم لين يطيحون رجووولي خخخ

بنات قالت لي الدكتوره بعد ما كشفت انو الرحم عندي مرتخي شمعناه تقصد عنق الرحم

[غلاي امي]

الريم سوي امورج وجهزي شنطة المستشفى ورتبي البيت

علشان اذا ولدتي يكون كل شي اوكي

بس شلون لو ولدتي والشغاله ماجات

[غلاي امي]

الريم عنق الرحم مرتخي يعني مستعد للولاده

ياويل قلبي ويلاه جاك الموت ياتارك الصلاة

[الريم الشارد]

امممم والله هذا الي افكر فيه بس لو ما جات امي مع شغالتها بتجي عندي لين توصل

[غلاي امي]

برب 5 دقايق

[الريم الشارد]

تيت .......

[الريم الشارد]

انا هم بروبات شويات

[مراااحب]

الحمد لله ع سلامتك يا ورد الشمال
والله يجعله عبدا صالحا

[يالبيه ياانا]

بنات من شوووي تعركت وي اخوووي الصغير وجلست اركض وراهـ من القهر

والحين احس ظهري يعورني بقووهـ >> حسبي الله عليه

وامي تقول لاصار لك شي انا ماعلي منك <<< خاايفه علي وتبين اجلس بس ماجلست الا يوم ضربته على قفاه

[يالبيه ياانا]

ورد الشمال ياارشيقه ادخلي


<< اشتقتنا لك

[أسميه]

سلام عليكم
كيفكم ياحلوااااااات

[الريم الشارد]

سارونه مو زين تركضييين موزين للمشيمه

[الريم الشارد]

حيالله الي دخلووو

وعليكم السلام اسميه

[غلاي امي]

مرحبا للجميع

اسميه وين هاالغيبه

[الريم الشارد]

ورد الشمال لاهيه بالنونو الحين لاتلومونها اول مره تصير ام نست العالم ربي يهنيها يارب وتبلغ فيه

[يالبيه ياانا]

اي والله مالومها بس اشتقتنا لها البطه


اشلون اعرف انو الرحم عندي مفتوح لازم كشف

[rooraa]

سلام كيفكم كروشات
ترا ما نستقبل ضيوف في شعبان احسلكم من دحين حاولو تولدو ما شاء الله لاقوة الابالله مليااااااااااااان كروشات في شعبان هههههههههه
اسميه كيفك حلمت فيكي قبل فتره هههههههه
والباقيات كيفكم ايش اخباركم
سمو ما سارت تدخل كتير الله يعين بس ويسهل للجميع

[غلاي امي]

سارونه اذا انفتح بتعرفين من الألم

كأنكم شغلتونا بهالرحم طلع باب الحاره مورحم هههههههههههه

[rooraa]

يالبيه يا انا مرا شفت داية تحط اصابعها على العصعص لو لقتو فيه زي النبض يعني بيفتح الرحم والله العااالم ما اعرف مرا في هادي الاشياء بس قلتلك الي اعرفو

[غلاي امي]

اهلين رورا

[الريم الشارد]

هههههههههههه حلووه غلاي خخخخ سارونه لازم كشف عشان تعرفين كم بالضبط

مو انتي كان مفتوح 2 سم من قبل..؟؟

[يالبيه ياانا]

هههههههههه اي والله ياغلاي صاار زي باب الحاره


انا العجيب في قصتي في الساابع والثاامن فااتح 2 ويوم دخلت التاسع مسكر على الاخر وش السالفه


...<< شكل اللي في بطني ماتبي تطلع تقول بدري على الشقى

[يالبيه ياانا]

اي فااتح ورجع سكر



يلعب علي وربي

[غلاي امي]

بنات اذا شرفت الولاده وجا ذاك الألم اللي يخلي الجالس يوقف

ويخلي الظهر ينحني عرفو انه انفتح

افتح يا سمـــــــــــــــــــــــسم

[يالبيه ياانا]

اها الله يكون في العون يارب

واولد في 7_ 7 عشان يصير تاريخ مميز ويصير ابوها موجود

[غلاي امي]

الله كريم سارونه

[يالبيه ياانا]

هههههههه غلاي ذاك اليوم


زوجي شااف الصوره الرمزيه حقتك وبقبق عيونه تسذا


وقالي وش حلاته يددنن


قلته بس اللي بنجيب احلا نظري لي نظره وفيه ابتساامه خفيفه وقالي ربك كريم

[الريم الشارد]

هالاعراض غلاي جربتها بالطلق الصناعي لاتخوفيني غلاي انا متفائله ان الطلق الطبيعي اخف

[أسميه]

بنـــــــــــــــــــــــــــات ابغى ابكي >_<
مقهوووووووووووره

[rooraa]

خير اسميه ايشبك؟؟؟؟؟؟؟؟؟؟؟

[غلاي امي]

شفتي اللي باالصوره سارونه ياحلاته يقولون فلبيبني ماعندهم سالفه

اسميه بيعينا في السوق

الريم والله الطلق حااااااااااااااااااااااار

[الريم الشارد]

ان شاء الله خير اسميه ليه البكي

[الريم الشارد]

استغفر الله ربي واتوب اليه

[أسميه]

بنـــــــــــــــــات مقهووووووووووره موت
نفسي ابكي >_<

[غلاي امي]

استغفرالله الذي لا إله الا هو واتوب اليه

[الريم الشارد]

بنات الي دخلت التاسع تقراء سورة مريم والانشقاق والزلزله على طووول

[سلسال بنتي]

اهليين يا حلواات
واااي صحيت و انا مقهوووورة
امس نمت والالم مقطعني و صحيت مافي شي
كنت متأمله يكون طلق
الله كريم
اللهم سهل علينا الولادة و اجعلها برداً وسلاماً كما جعلت النار برداً و سلاماً على ابراهيم

لا اله الا الله

[غلاي امي]

سبحان الله وبحمده سبحان الله العظيم

[يالبيه ياانا]

شسمه يااربي



احس ماقدر اتنفس ليش كل احس فيني ضيقه

[الريم الشارد]

اسميه خير ان شاء الله هونيها وتهووووووووون مافي شي يستاهل

[يالبيه ياانا]

ياارب نولد كلنا في رجب مانطوولها للين شعبان


<< زواج خالي في شعبان وشكلي ماراح احظر مقهوووره حييييييييييل

[الريم الشارد]

سارونه سوي رياضة النفس على طووول شهيق وزفير

[غلاي امي]

يابنات شيلو الولاده من راسكم وتولدون

من كثر ماتحنون على الولاده الولاده زهقت منكم وطارت

وانا اللي كنت شايله فكرة الولاده من راسي صرت مثلكم ابي اولد

البارح امبحلقه عيوني باالسقف وانتظر الألم يجي لين طار النوم

[الريم الشارد]

انا زواج بنات خالتي بداية شعبان ومن فتره طوووووويله مصار عندنا مناسبه ومراح احضره اهئ والله قهر استغفر الله

[يالبيه ياانا]

اي هذا اللي صااير

بس الاحظ نفسي انوو ماقدر اتنفس حتى اذا رحت المستشفى لازم يركبون لي اكسجين

[غلاي امي]

سارونه طلعتي فراغه مثل الريم

ماهمكم الا العروس

[الريم الشارد]

ههههههههه حلوه غلاي يعني السق بيجيب الالم خخخخ خلاص من اليوم قررت اشيلها من راسي جات ولا بكيفها وقت ماتجي تجي

[أسميه]

لا لا لا لا تخافووووون
السالفة .... الوزن يابنات احس نفسي فيله
انقهر من الجماعه كلهم يووووووه زاد وزنك الله يعينك
والله انتي انعدم جسمك مع الحمل لازم تنتبهين
لا وسرت سالفه من الرياض لحد الديره.... لاني كنت قبل الحمل 55
تعقدت منهم كل دقيقة تجيني وحده وتعيد السالفه
المشكله اني عارفه ان وزني زايد لاني اشوف نفسي وهم كانهم يخافون انسى ان وزني زايد
اكررررررررررررررهم

قولوا لي كم زادت كل وحده فيكم؟......واسوني .....

[الريم الشارد]

اووووف اسميه خخخخخخخ انا وزني صار لا يطاق يمكن هالشي الي مخليني ابي اولد بسرعه قبل ما يزيد اكثر

[يالبيه ياانا]

اي والله انا من العام زواجي ماصار عندنا مناسبه وانا عروس ماحسيت بالزواج والسنه زواج خالي وهذا اخر واحد وصديقي وحبيب قلبي




بس قهر ماراح احضر الزواج لانو في بدايه شعبان وكل اقوول خالي أأأجل يقوول انتي بتجيب نتوفي وانا اجلس بدون عرووس اهئ مقهوره حيييل الكل يجهز حق الزواج الا انا حاطه ايدي على خدي وخاطري اصيح

[يالبيه ياانا]

ههههههههههه غلاي



اسميه انا صااير وزني 55

وانا قبل رشيقه وش حلاتي عاد زوجي الله يحفظه يحب يعلق ماغير يعلق عليأأأ وانا اصيح

واخر مره قال حق بنات اخته يبي يتزوج علي على قولته اختربت اهئ

[غلاي امي]

اسميه والله الناس ماعندهم سالفه

حتى اللي مازاد وزنها يقولون لها انتفختي

انا مثلا مازدت مع الحمل الا5كيلو وفي ناس اذا شافوني يقولون ياألله شلون تورمتي

بصراحه متنتي عدل

[يالبيه ياانا]

ههههههههههههههههه


بنات انا كبر خشمي وصغرو عيوني تخيلو الشكل بث

ولا ازيدكم من الشعر بيت طالع لي كيس دهني في عيني من تحت انواع الخراب واقول الحمد لله اهم شي اقووم بالسلامه

[يالبيه ياانا]

وينكم كروووشـات

[الريم الشارد]

الله يعينك سارونه ... انا زوجة اخوي كذا طلع لها بعينها من حملت وبعد ما ولدت بالاربعين شالووه

[يالبيه ياانا]

انا صاار لي يوم اني حامل بس ماكنت ادري اني حامل ورحت وشالته في المستشفى


وبعدها بثلاث ايام دريت اني حامل وعاد كل مواسوسه عشان حاط لي بنج


والدكتور اقوله انا حامل ماايضر قال لي لا والله اعلم

والحين يوم اني بولد قبل بشهر طلع لي الكيس والله يعين بس ويسهل

[غلاي امي]

احيانا يروح بعد الولاده

[يالبيه ياانا]

ماتوقع


لانو صاار لي قبل ها المره ولا راح الا بالجراحه اهئ وربي احلا مافيني عيوني


وكل اكيااس من تزوجت بث

ولا عمري شكيت منهم


المهم بنات على طاري العيون انا عيوني عسلي وعيون زوجي اخضر تتوقعون اجيب بنوته شقره وعيونه خضر على ابوها ولا عسلي عليااا انا

[الريم الشارد]

انا والله الي موترني الي بأبطي ومحتاره اشيله ولا اخليه لانو بعد ولادتي الثانيه قالت لي الدكتوره بتشلينه او بتخلينه مراح ياثر بس يوترني لانه يالمني اشوي خصوصا اذا جيت اشيل

[يالبيه ياانا]

الله يكون بعونك يالريم

انا اقول خليه يروح بروحه اختي صار لها كذا وراح بروحه

[الريم الشارد]

هههههههه طيب عيونكم ملونه شدخل الشعر خخخ

[غلاي امي]

ساره عاد هالبنت راضيه تطلع

احنا ماقدرنا عليها وهي عيونها سود شلون لين طلعت شقرا وعيونها خضر

[الريم الشارد]

سارونه انا اولادي شعرهم اشقر فاتح ولونهم موابيض حيييل صايرين برونزيين مع انو انا وابوهم مو شقر يعني شعرنا فاتح بس مو لدرجة الشقااار ولونا ابيض بس عيونهم بني

[غلاي امي]

شوفي الريم حتى لوشلتيه يرجع

لو حملتي يتكون مع تكون الحليب سبحان الله لأن بالأبط ذيل الصدر

[الريم الشارد]

سارونه انا يروح بس اخلص رضاعه ويختفي يعني بس بالحمل والرضاعه ووقت الدوره احس بس الم مو بروز ولا شي

[يالبيه ياانا]

ههههههههههههههههه الا له دخل شعر زواجي اصفر على قوولت ابوي الامريكي


وانا شعري فااتح بني يعني اذا حطيت حنااء يصير لون شعري خقق

المشكله اخوانه كلهم شعرهم ولون عيونهم طبيعي وانا كذلك اخواني كلهم شعرهم اسود وعيونهم سود بس انا هو اللي صاايرين غلط في العايله هع خاايفه تطلع على خواتي او خواته وانا ابيها شقره على ابوهـا بصراحه


انا خالي دق علي ذاك اليوم وقالي اذا فيك بنت باخذها لولدي بس اذا ولد مابيه اقوله ليش قال البنت حلوه شقره بس الولد مو حلو حلاته اسمر

من الحين الكل يبها .. حتى عمامها يقولون اذا بنت شكلها بتطلع خطيره عشان ابوها اشقر

[غلاي امي]

شوفو خلو بناتكم يطلعون واللي يشبهون يشبهون

عساهم يشبهون علي عبدالله صالح هههههههههههههه

[الريم الشارد]

ههههههههههههههه حلوه غلاي عاد انا خايفه انو الاولاد طلعو شقر والبت تصير غير من ج قهر خخخ

[يالبيه ياانا]

ههههههههههههههههههههههههههههه
هههههههههههههههههههههههههههههههههههههههههه

ههههههههههههههههههههههههههههه


<< مااتت

[غلاي امي]

اي والله افتكينا من سيرة الولاده طلعتو لنا بسالفة اشكال بناتكم

[يالبيه ياانا]

الريم بقووولج على شي يقهر زوجه خالي جاابت الاولاد اقماار مااشاء الله

وجبت بنت بس واحده شعرها ليفه مدري على منو طالعه وسمره وكل نقوول لها هذه غلط اكيد مو منا اكيد مبدله لانها غير سبحان الله عن اخوانه

[يالبيه ياانا]

عاد انا حييييييييييل متشووقه اشووف انتااجي كل احلم باليل فيها


من كثر الكل يقولي بصير انتااجك حلو لانك انتِ وابوها حلوين بصير انتاجك حلو صراحه خاايفه يصير انتاجنا فااشل هع

[غلاي امي]

قولو يالله تمام الخلقه

وكل شي من ربي زين مدامه تام الخلقه

انا عكسكم ماافكر اجيبها جميله اهم شي تكون سليمه

[الريم الشارد]

صدقتي غلاي اهم شي تمام الخلقه

[يالبيه ياانا]

صحيح على طاري تمام الخلقه من سمعه ذاك اليوم وانا بصراحه خايفه ومتوتره

وانا ذاك اليوم تعبانه وتنومت في المستشفى جنبي واحده فيها بنت بس مافيها راس


وانا حييييييييل توترت شلون كذا


وكل اسال الدكتور انا كل شي تمام يقول تمام اقوله فيها رجول وايدين يقول ايوه يعني انتي حامل بسكووته

وربي ذاك اليوم بسووي ثلاثي الابعاد بس مو راض الدكتور قالي مافيه حاجه تستدعي تسوينها

يالله يارب ارزقني طفله تمامه الخلقه وفي تمام الصحه وان شااء الله تكون سليمه ياارب انا والجميع وتخلين نفرح بسلامتهم

[الريم الشارد]

بنات امي هاليومين معلقه علي تقول انتي بتجيبين تؤم خخخخ

كلا تحلم فيني انها معطتني خاتمين ومره انا حلمت انها معطتني خاتم واسواره واحلام كثيره عن التؤم تتوقعون صج اجيب تؤم ويكون واحد منخش ورا ما شافووه..!!!!!!!!!!!!

[يالبيه ياانا]

ههههههههههه اي اتوقع


مره خالي كذا في ولدها حمود

جابت توام بس مدرت عنهم لا هي ولا دكاتره
جابت حمود والثاني متوفي

[غلاي امي]

لا الريم مستحيل

مافيج الا بنوته وحده بس امج تخيرط

[غلاي امي]

الريم طاوعي سارونه خل تقص عليج

[تاج الغلا2007]

مرحبا جميعا
بكرة ان شاء اللة اقفل التاسع وزوجي مسافر فجر الجمعة
اخذ اجازة عشاني ولسة ماولدت وان شاء اللة انها خيرة دعواتكم لي وللبيبي

[يالبيه ياانا]

هههه اذكر يوم حملت مبسووطه عشاني حامل وتعرفون البكر ماايصير لها بطن يوم دخلت السادس اقول للدكتوره ماجده فيني تؤام كان تضحك علي وتقول لو فيك تؤام فينهم


انتي مالك بطن اصلا عشان تؤام الله يهديكي يااسارونه عاد هي لسانها حلو هع

[غلاي امي]

اهلين تاج

ربي يهون علينا جميعا

[أسميه]

وين وصلتوا ؟؟؟؟؟
ولاده....زواجات .... اوزان .... اشكال عيالكم

[غلاي امي]

اكيد ماجده اللي في المواساة

بياعة كلام

[يالبيه ياانا]

تاج الغلا الله يهون عليك وعلينا يارب



اسميه هههههههههههه بعد شنو نسووي نبي يطير التااسع بسرعه عشان نقووم بالسلامه

[الريم الشارد]

ههههههههههه لا يصي غلاي دخلت الفكره براسي انا شفت وحده بالمستشفى سولفت معها تقول بنتها كذا مادرو عنها الا وقت الولاده مع انها تراجع بحكومي وخاص بس مابين بالسونار الا وقت الولاده جابت بنتين عاد انا متفائله خخخخ..

[تاج الغلا2007]

اهلين غلاي بطني عورني من الضحك ع علي عبد اللة صالح

[يالبيه ياانا]

اي وربي راحت لها مره وانا في سادس وبعدها مارحت عرفتها نصاابه هع

[الريم الشارد]

من جد بياعة كلام ماجده خخخخ

[يالبيه ياانا]

الريم اذا فيك تؤام ابي واحده هع

[غلاي امي]

اي والله عاد ماجى ببالي الا علي عبدالله صالح

[يالبيه ياانا]

بنات عندي قمااش من زواجي راقي بقووه ابي موديل فستان قصير


عشاان اسوويه لانو هو هديه من زوجي

[غلاي امي]

روز مادخلت اليوم ا ن شاء الله تكون بخير

[يالبيه ياانا]

سموه

وديم

وروز

ورد الطاايف مالهم حس

[غلاي امي]

عن اذنكم

ياكروشات

[يالبيه ياانا]

استاذنكم بقوم اتروش


بتنقع بموويه دافئه

يمكن يصير شي

[تاج الغلا2007]

شوفوا ياحلوين
سلفتي موعد ولادتها بعدي باسبوعين وهي بكرية وكل ماتكلمني تقول ياللة اولدي عشان انا طفشت انا بعدك ويوم السبت جاها نزيف حاد وراحت الطواري وقفولها النزيف ولما رجعت البيت ع الساعة 3 الفجر جاها نزيف مرة ثانية ودخلوها الولادة وطلعت المشيمة منفصلة وبعد اللة يااللة الحقوها وسوولها عملية واللة قطعت قلبي وهي صغنطوطة ونعومة وقلت الحمد للة ماحد يعرف الخيرة وين اكيد ربي رايد لي الخيرة وتجي الولادة متى ماتجي

[الريم الشارد]

الله وياكم بنات .. صحيح بنات واجد مالهم حس ان شاء الله يكونو بخير

[دانة العشاق]

كيف الحال يابنات وبشرو مااحد ولد جالسة انتظركم

[الريم الشارد]

الحمدلله على سلامتها وتقوم بالسلامه

داانه ننتظر الدوور اغلب البنات اختفووو مايندرى وش العلم فيهم

[دانة العشاق]

اكيد عملوها وانتو مثلي جالسين تنتظرو انا طفشت من الانتظار

[دانة العشاق]

ابي اسالكم ممكن طفشت امي وزوجي بااسالتي بس بكرية ومبسوطة بنفسي

[Nonyta]

السلام عليكم
اخباركم ياحلوين ها بشرووو في احد ولد

عن نفسي صامده ولا عندي اي شي من اعراض الولاده

[الريم الشارد]

يحق لك دانه تطفشينهم خخخ توك بكريه

[دانة العشاق]

اهلين ياعسوله يارب تفرحي هاليومين وتفرحينا والولادة لسه مافيه جديد

[دانة العشاق]

والله رفعت ضغطهم كل ماطارالي شي ابلشتهم
وعاد انا مبسوطة تقول الدكتورة ان الراس نازل مرة لتحت وولادتي يالاسبوع الجاي
بالكثير الي بعدةمعقول صادقه ولو الراس نازل بالحوض يعني قربت الولادة

[الريم الشارد]

النك بكريه دانه تنزل بدري الراس

[Nonyta]

بنات امي هاليومين معلقه علي تقول انتي بتجيبين تؤم خخخخ

كلا تحلم فيني انها معطتني خاتمين ومره انا حلمت انها معطتني خاتم واسواره واحلام كثيره عن التؤم تتوقعون صج اجيب تؤم ويكون واحد منخش ورا ما شافووه..!!!!!!!!!!!!

ريم حبيبتي انا اقولك وش تفسير حلم امك
دام كشفتي سونار وعندك بيبي واحد
البيبي الثاني بيجيكي بعد الاربعين لوووووووول
الله يعينك على الحمل مره تانيه بس لاتهاوشيني انا فسرته لك بشي فيه خير ورزق لكم

والله تعاالى اعلمhwaml7

[دانة العشاق]

يالله عالبركة ريوم شفتي تفسير الحلم شي
طيب متة اولد يعني صح كلامها ووزن البيبي كم لازم يكون علشان يصير متنان نفسي اعرف كم باقي لبنوتي علشان تصيرمتنانة لان اخواتي مايجيبو عيالهم الامرة ضعاف

[دانة العشاق]

وشنو فايدة كبسولات زيت الخروع لانها اعطتني اياة اخذ حبتين يوميا

[الريم الشارد]

هههههههههههه حرام عليج نونيتا الله لا يقولها يارب الفال لك خخخخ

ماقلتيلي مافي بوادر هنا ولا هنا بشري

[روز55]

مساء الخير بنات شخباركم

ما عليش ما ادخل بدري لأنه من جت اجازة أعيالي وهم ما ينامون إلا الفجر

ولا يقعدون إلا عقب الثلاث وأنا وأياهم

الريم شخبارج اليوم

غلاي وربي مت ضحك على تشبيهج ب على عبد الله صالح

سموة مختفية من كم يوم أن شاء الله ولدت

وبسوم عمليتها السبت ما أدري شنو سار عليها

[الريم الشارد]

هلا روووز ... الله يساعدك

[الريم الشارد]

انا لسى الوضع مستتب انتظر الفرج من ربي بروح اليوم امشي قد ما اقدر

[روز55]

سبحان الله وبحمده سبحان الله العظيم

[الريم الشارد]

انتي شخبارك واخبار ظهرك..؟

سمووه من جد مختفيه ان شاء الله تكون ولدت وارتاحت

[دانة العشاق]

اهلين روزه كيفك وردو على اسالتي احس اني باانجن من كثر التفكير

[روز55]

ظهري على ماهو علية

بس يخف إذا حطيت عليه ماي دافئ

الريم أمشي والله يسهل عليج

[s(لطوف)s]

مساء الخير كيفكم ماحسيتوا باعراض الولاده؟؟

[سلسال بنتي]

بنااات
بشااارة امطار و غيووم على المدينه

تدروون انا كنت مطنشة موضوع الولادة و لا حطيتها براسي الا يوم شفت التجمع
عشان كذا راح انقطع عنكم ليين اولد على خير ان شاء الله
استودعكم الله

[ست الحبايب أمي]

مساء الخير جميعا

[om loly]

الريم ماولدتي

انا قلت بتجينا اليوم وتبشرينا بولادتك
من اللي جاك امس

كيفكم حلوات

غلاي مت من الضحك على علي عبدالله صالح ههههههههههههه

الله يحسن خلقهم ويخرجهم سليمين معافيين

[ست الحبايب أمي]

اللهم رحمتك أرجو فلا تكلني إلى نفسي طرفة عين

[om loly]

مساء النور ست الحبابيب

[وردةالطائف]

السلاااااااااااااااااااام عليكم
كيفكم
ان شاء الله بخير

الريم انصحك لاتكثري مشي لانك تقولي دكتورتك تقولك الرحم مرتخي

اخاف يجيك ارتخاء بالرحم بعد الولاده و بعدين اذا حملتي راح تسقطي او لازم تسوي ربط

الحين وزن جنينك كبير و مع المشي الكثيرررر اربطة الرحم ترتخي و يرتخي الرحم

الولاده خليها عند ربك اذا جاء الطلق راح يفتح الرحم و تولدي

والطلق يجي اذا اكتملت الانزيمات و الهرمونات

امشي نص ساعه يوم و يوم لا

ولاترهقي نفسك

والله العلي العظيم اختي تقول في ولادتها الرابعه ماكانت تمشي وتقول كانت اسهل ولاده تقول جاها الطلق الساعه 12 ظهر و ولدت الساعه 2 الظهر بنفس اليوم

المشي ماراح يسرع الولاده انا جربته بعيالي قبل و كنت اعوشر

المشي بس يساعد على الحفاظ على وزنك مايزيد و يسهل الولاده اذا جاء الطلق
بس مايسرعها

انا مااقول لاتمشي
بس اقول خير الامور الوسط اذا حسيتي بشوية تعب ارتاحي
انا دائم يقولون لي الدكاتره امشي نص ساعه بس

انتبهي على ارحامك لاتترهل و ترتخي


يارب عجل بولادة ( استغفر الله - مشتاقة لضمة ابوي - ام الياس - تاج الغلا2007 )

لانهم فعلا تأخروووووووووووووا

يارب فرج عليهم و علينا

[وردةالطائف]

اهلين ام لولي و ست الحبايب