تجمع الحوامل اللاتي سيلدن بشهر رجب 1432

[ست الحبايب أمي]

أنا أستغرب يعني حريم أول ما قد صار الحوض ضيق عندهم
كلهم يولدون طبيعي
طيب يعني راس البيبي ماكان نازل في الحوض قبل الولادة فقط كان ماخذ وضعية النزول صح

[دانة العشاق]

امي واختي الحوض صغير عندهم بس امي ولدت بااخوي واختي طبيعي بس احنا الباقين عملية

[دانة العشاق]

يااخوفي يكون وراثة

[ست الحبايب أمي]

الله يهونها يارب وتولدين طبيعي من غير تعب يا عمري

[بسوم]

الله يسلمك يارب من كل شر الله لايجعلني باقي اجرب الطلق عندي الولاده القيصري اسهل من الطبيعي

[بسوم]

بنات ابغى اسماء عطورات حلوه

[روز55]

الله يهون عليج بسوم وتولدين بسهولة وزي ما قالوا البنات روحي كشفي

يمكن عندج توسع أو طلق وأنتى ما تدري

أنا موعدي السبت وراح أخليها تكشف غصب لأنه إذا عرفتي أن الرحم كم فاج

راح تعرفين أمورج

والله يرزقنا ولاده سهلة جميعا يا كروشات

[بسوم]

اميييين يارب
روز كيفك حبيبتي

[روز55]

نائمه على ظهري وسرت أحس بملل ودي أولد والوزن بعد الولادة

راح يزيد ويكبر الطفل مع الحليب

وتشوفيني أوسوس لنفسي بالمشي وبالاناناس بس أتراجع

ومن اليوم الى السبت الله يطول بالي

من جد بنات أحس بطفش لو اني اتحرك واطلع كان غيرت جو وما حسيت بأن التاسع طويل

[روز55]

لااله إلا الله محمد رسول الله

[s(لطوف)s]

روز صادقه انا ملييت وتوني بس خلصت 10ايام من التاسع ودي اجرب الاناناس مثلك وش يسوي؟؟

[كبريا انثى]

لااله إلا الله محمد رسول الله

[ورد الشمال]

الله يسلمكم حبيباتي ويبارك فيكم و عقبالكم بأحلى ولادة
سموة يا قلبي دعيت لك ما نسيتك سبحان الله وانا اخص بنات تجمعنا جيتوا على بالي وحدة وحدة وذكرت كل وحدة وايش كانت موسوسة عليه و دعيت لها مثل كيتي كانت خايفة من الولادة وست الحبايب توسوس على مكان الراس ووردة ماتبي تعوشر وماتبي طلق صناعي الله يسهل عليكم
انا متابعتكم ادخل اذا قدرت وانتظر الأخبار الحلوة
نونيتا اخذت من التاسع ثلاث اسابيع و يومين

[ست الحبايب أمي]

فيه أحد ولا أتوكل

[غفوة حلم]

بنات متى تمشون ؟ بأي أسبوع في التاسع ؟

[غلاي امي]

مساء الخيرااااات كروشات

[غلاي امي]

سبحان الله وبحمده سبحان الله العظيم

[بسوم]

في حملي بيوسف كنت امشي من نهاية الثامن

[بسوم]

هلا وغلا فيك غلاي وشاخبارك

[بسوم]

سبحان الله وبحمده سبحان الله العظيم

[غلاي امي]

الحمد لله حمدا كثيرا على كل حال

[غلاي امي]

المهلي مايولي بسوووووووووووم

نحمد الله ونشكر فضله على كل حال

[غلاي امي]

سهرانين بنات

[غلاي امي]

لا إله الا أنت سبحانك اني كنت من الظالمين

[غلاي امي]

وينكم بطـــــــــــــــــــــــــاااااااااااااااات

[غلاي امي]

استغفر الله الذي لا إله الا هو وحده لا شريك له واتوب اليه

[غلاي امي]

معقوله طلعتو

دخلو انا طفشانه

[غلاي امي]

احط ايدي على خدي واكلم روحي ابروحي

[غلاي امي]

يارب عفوك ورضاك

[غلاي امي]

معقوله موجودااااااات وفجأه تختفووون

[غلاي امي]

ربي يبعث لي كروشه ادردش معاها

[sweety]

بوووو
انا هنا

[sweety]

hwaml03طلع الفانوس السحري
هههههههههههههههههههه

[sweety]

كيفك غلاي توني جيت من عند ام زوجي
عازمتني على العشاء

[sweety]

طلعتتي يا غلاي
وينك !!!

[sweety]

شكلك طلعتي اجل اروح انام اصرف لي

[غلاي امي]

انا موجوده

[غلاي امي]

تعالي سويتي رجيتج

[غلاي امي]

والله موجوده تعــــــــــــــــــــــــــــــالي اسولف معاج

[غلاي امي]

تعبت من التحديث

[مشتاقة لضمة ابوي]

السلام عليكم ورحمة الله وبركاته
صباح الخير للسهرنات الكروشات

[غلاي امي]

يعني خلاص مافي امل ادردش مع احد

[غلاي امي]

وعليكم السلام والرحمه

اهلين مشتاقه شلونج

[مشتاقة لضمة ابوي]

غلاي امي
دعوتك استجابت وجتلك بدال الكرشة كرشتين ثقال هههههههههههههههههههه

[غلاي امي]

ياهلا وغلا فيكم وفي كروشاتكم وربي يبارك لكم فيهم

[مشتاقة لضمة ابوي]

هلا والله حياء الله اي والله والكرشة سدادة
وش اخبارك غلاي واخبار الكرشة

[مشتاقة لضمة ابوي]

تصدقين غلاي ضحكت من قلبي على روز الله يسعدها توقعت اني ولدت
مدرت اني كل زيارة للدكتورة بموعد جديد
الله يسهل علينا بس

[غلاي امي]

الحمد لله بخير

ننتظر الفرج مع العد التنازلي

[غلاي امي]

واللحين شنهو الموعد اللي عطتج اياه

[مشتاقة لضمة ابوي]

الله يسهل علي وعليكم يارب

[غلاي امي]

انا اقول للدكتوره ابتدي امشي علشان اولد

قالت لي ليه هو المشي بيولد؟؟؟؟؟؟؟

دا في ناس بتهري نفسها مشي ومتولدش

خلتني اكسل عن المشي

[مشتاقة لضمة ابوي]

تصدقين لما رحت اليوم الموعد قالت لي انتي في الاسبوع 38 وعطتني موعد الولادة بعد
اسبوعين اذا ربي اراد00
بس المشكلة غلاي وزني الاسبوع الماضي ناقص 2 كيلو في اسبوع والزيارة هذي ماتغير
بعد النقص وطلبت مني اسوي اشعة علشان اتطمن على البيبي الله يحفظه يارب00

[غلاي امي]

غريبه الوزن باالتاسع يزيد ماينقص

انتي سويتي سونار علشان وزن الجنين؟؟؟؟؟؟

[غلاي امي]

سوت لج الدكتوره كشف من تحت ولالأ

[مشتاقة لضمة ابوي]

صح كلامها المشي مايولد بس فايدته ان الجنين يدفع راسه للتحت وعضلات واربطة الحوض
تتمدد وتوسع 00
عارفة الدكتورة وش تقولي اليوم توصين اكثر من العلاقة الحميمة على قولتها لان ماء الرجل فيه
مادة تساعد على فتح الرحم ونفس المادة موجودة في التحاميل اللي تعطى في المستشفيات
بس صراحة اول مرة اسمع كذا00
خلينا نجرب نصيحتها ونشوف والله هو القادر لامشي ولا غيره00

[غلاي امي]

المشكله اني متوحمه بحملي على زوجي

وما زلت الى الآن

عاد قولي لي سوي اي شي الا العلاقه الحميمه

[مشتاقة لضمة ابوي]

ايه سويت سونار وقالت وزن الجنين الحمد لله زين بس المسكين مازاد من شهر الا 200 غرام
بس 00 بالنسبة للكشف لا ماسوت لي00

[غلاي امي]

يعني انتي ماتمشين حاليا

[مشتاقة لضمة ابوي]

حاولي تحملين علشان ترتاحين والله ان الدكتورة تقول ان الطريقة هذي افضل من المشي

[مشتاقة لضمة ابوي]

الا مشيت يمكن مرتين بس ماقدر اطول ياختي الم مو معقول في رجليني وظهري
وثقل في الحوض الله ياجرنا بس000
انتي طمنيني عنك اي اسبوع الحين وكم وزن البيبي الحين

[غلاي امي]

بحاول والله كريم

احيانا اقول ماابي اولد اللحين

يمديني على السهر والتعب لا وكله كووووووووووووم والضيوف اللي 24 ساعه كوم ثاني

واذا شفت التعب قلت خلاص ابي اولد

[غلاي امي]

انا باالاسبوع 37

واخذت الوزن قبل اسبوع طلع 2 كيلو

[مشتاقة لضمة ابوي]

بدري عليك توك لك اسبوعين من التاسع متى دورتك اجل
انا دورتي 11-9 بس الدكتورة تقول ماصار الحمل الا في نصف شوال
كيف مادري 00سبحان الله هو القادر على كل شي

[غلاي امي]

وينج مشتاقه

[مشتاقة لضمة ابوي]

هلا انا هووووووووووووووووون

[غلاي امي]

انا آخر دوره لي كانت 13/10

بس الجماع ماصار الا تاريخ 27

انا اللحين ماكملت اسبوعين في التاسع لي 9 ايام تقريبا

وموعد ولا دتي 27 رجب على حساب الدكتوره

[مشتاقة لضمة ابوي]

غلاي انتي بكرية ولا

[غلاي امي]

سبحان الله

اذا انتي دورتج برمضان ولين الحين ماولدتي

اجل انا متى بولد؟؟؟؟؟؟

سبحانك ياربي

[غلاي امي]

لا موبكريه

عندي كتكوت وكتكوته

[مشتاقة لضمة ابوي]

اجل انا على موعد المستشفى قبلك باسبوع
الله يفرجها علي وعليك يارب

[غلاي امي]

امي تقول لي لاتفرحين ترى ماراح تولدين الا بنص شعبان

[مشتاقة لضمة ابوي]

لاتناظرين موعد دورتي علشان ماتعقدين شوفي بنات ماشاء الله دورتهم بعدنا وولدوا قبلنا
هذي تساهيل من ربي وهو عارف موعده لامستشفى ولا غيره00
يعني مثلي عندك اثنين الله يخليهم لك 00انا عندي ولدين الله يحفظهم يارب

[غلاي امي]

ربي يحفظ لج ماأعطاج ويبارك لج فيهم

واللي باالطريق بنوته مثلي ان شاء الله

[مشتاقة لضمة ابوي]

يابنت الحلال وسعي صدرك على مقولتك الشهيرة((( مراح نكون حوامل على طول )))
المفروض موسوعة جينس يحررون لك براءة اختراع مثل مهم لكل الحوامل هههههههههههههههه

[مشتاقة لضمة ابوي]

كنت اتمنى بنت من حملي الاول بس الحمد لله على ماعطاني ربي
والحين ولد الله يجيبه بالسلامة يارب

[غلاي امي]

اي والله ماراح نضل حوامل طول العمر

الحمد لله على كل حال

خلينا نوسع صدورنا ابرك لنا

[غلاي امي]

الحمد لله على عطية رب العالمين

واهم شي تمام الخلقه ومثل ربي ماعطاج الولد ان شاء الله يعطيج البنت

[مشتاقة لضمة ابوي]

اهم شي بنتك ماتشبه علي عبدالله صالح وخاصة بعد الاغتيال
هههههههههههههههههههههههههههههههههه

[مشتاقة لضمة ابوي]

الله يسمع منك يارب 00 واهم شي تمام الخلق والخلقة

[غلاي امي]

ههههههههههههههههههههههههه

لا بنت الريم تشبه علي عبدالله صالح

وبنت ساره تشبه الرئيس المخلوع حسني مبارك

بس بعد التعديلات صارو يشبهون بشار الأسد

[غلاي امي]

ياويلي ويلاه من الريم وسويره

[غلاي امي]

والله انهم ذاك اليوم اشغلوني

تتوقعين تطلع شقرا ولا عيونها زرقا ولا .....

انتوشيلو هم الولاده اول وبعدين فكرو باالشبه

[مشتاقة لضمة ابوي]

ههههههههههههههههههههههههههههههههههههههههههههههه
حلوة بشار الاسد تقدم مميز من علي وحسني الى شكل اشقر

[غلاي امي]

سارونه والريم

امزح معكم يازين بناتكم زيناه كبروهم بس بنجيكم خاطبين لهم

[غلاي امي]

شفتي شلون مشتاقه

تحول 360 درجه

[مشتاقة لضمة ابوي]

اذكر ذاك اليوم اقراء تعلقاتكم وانا اضحك من ردك

[غلاي امي]

سبحان الله الأطفال اول ماتولدينهم يشبهون بعض

[مشتاقة لضمة ابوي]

ياحلو الخوف بسرعة تغير التعليقات
تصدقين اذكر انك قلتي لي احلى من بناتهم مافيه كل وحدة تنافس انجليا جوليا مدري وش اسمها

[غلاي امي]

والله الريم وساره يضحكون

ذاك اليوم يحاتون العرس ماراح يحضرونه لأنهم بيكونون والدين

قلت لهم والله انكم فراغــــــــــــــــــــــــــــــه

ماتحاتون الا العروس شيلو هم الولاده اول بعدين فكرو باالعرس

[مشتاقة لضمة ابوي]

يلا غلاي استئذن بروح اتهجد قبل الاذان
اشوفك بكرة مع ان سواليفك ماتنمل والله

[مشتاقة لضمة ابوي]

ههههههههههههههههههههههههههههههههههههههههههههههههه
الله يسعدك على خفة دمك

[غلاي امي]

انا عن نفسي ماافكر باالشكل على الإطلاق

يعني على مين راح تطلع على ولد الجيران..... اكيد راح تطلع على اهلها

واهم شي تمام الخلقه الحمد لله

[غلاي امي]

الله معاج وتقبل الله مقدما

ذكرتي الصلاة جعلنا الله معكي من المصلين

[غلاي امي]

تصبحين على خير ونوم العوافي مشتاقه

جعلنا الله ممن يشتاق لرؤيته

[kitty]

بنااات اذانزل البطن يعني قربت والالا؟طفششششششششششششششت ابي اولد

[kitty]

ورد الشمااااااااااال الله يوفقك وين ماتروحين وينولك كل ماتتمنينه ويحفظ لك حمووودي وييسر اموووووووورك

[غلاي امي]

صباح الخير كيتي

[غلاي امي]

مشاء الله كيتي الشريط حقج ماباقي فيه الا9 ايام

يعني هانت وقرب الفرج

[غلاي امي]

الحمد لله حمدا كثيرا على كل حال

[غلاي امي]

كروشات كلكم نايمااااااااااااات

انا آخر وحدخ نمت فيكم وأول وحده جلست

[الريم الشارد]

صباح الخير كروشات...

[الريم الشارد]

بنات الرحم لسى عندي 2 سم .. تتوقعون كم يضل فاتح والمشكله للمره الثانيه الدكتوره تقول رحمل راخي يعني ممكن فجأه ينفتح بسرعه خخوفتني فكرت انا جنب المستشفى خخخخ

[يالبيه ياانا]

مسااء الخير للجميع

بنات نفسيتي زفت وربي



احس ودي ابكي او اكفخ اللي حولي اهئ

[روز55]

مساء الخير كروشات

الريم صبري وخليك مستعده

ساره هونيها إذا على النفسية أتوقع الكل نفسياتهم شينه

اليوم 7 \ 7 مين فيكم بتولد بهاليوم المميز << تشجعكم

[روز55]

لا إله إلا الله محمد رسول الله

[روز55]

اللهم أرزقنا ولاده ميسره وهون علينا الطلق وأسعد ناظرنا برؤية

أطفالنا بخير وألف سلامة

[sweety]

هلا كروشات
معليش غلاي والله امس جلست شوي علشانك بس تاخرتي بالرد قلت اجل البنت تعبت وراحت تنام
ورحت انام
بعدين السهر مو زين لك

[روز55]

سبحان الله وبحمده سبحان الله العظيم

[sweety]

كيفك روز
وكيف الكرشه

[sweety]

روز كيف اسوي شريط الحمل الي يحسب لي

[Nonyta]

السلام عليكم

مساء الخيرات ياحلوين

اخباركم بنات

يالبيه ويالريم الشارد وروز ترى شريط الحمل حقكم مثلي دوبي انتبه

والله شي يخوف

تتوقعوا مين حتولد اول فينااااااا

[غلاي امي]

مرحبا كراريش

[غلاي امي]

صبرا جميل والله المستعان

[غلاي امي]

موجوداااااااااااات ولا طلعتو

[غلاي امي]

لا إله الا الله

[غلاي امي]

يالله مع السلامه

[كبريا انثى]

اللهم أرزقنا ولاده ميسره وهون علينا الطلق
اللهــــم ااااامــــــــــيييييين,,

[كبريا انثى]

سبحانك اللهم وبحمدك استغفرك واتوب اليك

[مراااحب]

مرحبا يا حلوين

مليتو من الانتضار وهم صح لله يعين بس

[روز55]

هلا سويت معليش حبيبتى طلعت أتغذي وما انتبهت لسوالج

أكتبئ في قوقل طريقة عمل شريط الحمل وأهو راح يطلع لج موضوع باسم طلبج
في أحد المنتديات واتبعي الخطوات وان شاء الله يضبط معج وإذا ما ضبط
أعطيني تاريخ آخر دورة بالميلادي وأنا اسويه لج

[روز55]

هلا غلاي

هلا مرااحب

هلا نونيتا أتوقع الريم أن شاء الله لأن دورتها قبلنا

[مراااحب]

اهلين روز تعالي قولي لي ليه الجنين ما يزيد وزنه وانت تمشين كثري اكل ويزيد وزنه خاصه التمر مجربه بولادتي طلع ما شاء الله 4 وزيادة

[روز55]

مرااحب انا كنت ناويه امشي بعد فج الربط بس الدكتور الاستشاري منعني وقال الوزن صغير

والطفل هم صغير

اما الاكل شاده حيلي فيه ومن غير ما توصين لكن انا استخدم الثيروكسين مال الغده واهو الى ينزل وزني ووزن الطفل
وما اقدر اتركه اخاف يموت الى ببطني

[روز55]

استغفر الله العظيم واتوب اليه

[روز55]

بنات فيه احد او اضف وجهي

[مراااحب]

الله يعينك يا روز وتولدين بالسلامه وتفرحين بشوفت جنينك

والله الحمل كله مشاكل مدري كيف حريم الاولين يحملون ويالدون لا وتلقين الوحده عندها درزن ولا اثنين ماشاء الله عليهم

[روز55]

ههههه

لا شكل الضفه اكيده

جالسه اكلم روحي والله ؟

[مراااحب]

انا قالت لي الدكتوره عندك ترسبات في المشيمه مع اني توي

[روز55]

سبحان الله حمل اول مو مثل اليوم امهاتنا كانوا يحملون ويولدون ومن ثاني يوم وهم يشتغلون بالبيت

بس احس البيئة والاكل اختلفت كثير واهي السبب

[مراااحب]

او ان ما فيه دكاترة يخوفونهم ودايم يتحركون ويشتغلون
طيب الحيوانات اللي تالد ما تتعسر ابد اكيد الحركه لها دور مليت من التفكير في هالموضوع ليه هالزمن كثيره مشاكله وليه كثيرة القيصريه

[روز55]

الترسبات تجي لما تتاخر الولاده وتكون المشيمة غير قادرة على التغذية

انتى متى اخر دوره لج

[مراااحب]

8-10
اهي قال هالكلام وتقول انت اخر اسبوع في الثامن قالت اوقف الكالسيوم ما تدري اني ما اكلته اصلا شي غريب

[روز55]

لا تخافين وتوكلي على الله واستودعي ما في بطنج ربه واهو الى يحفظة

انتى بكر او عندج اطفال من قبل

[مراااحب]

الا عندي بس اعتبر بكر بما انه قيصري

[روز55]

ولادتج انتظريها من يوم 14 الى يوم 21 / 7

ان شاء الله تكون خلال هالفتره

[روز55]

وليه عملتي قيصري بالولادة الاولي

[مراااحب]

بسبب الحبل السري كان ملتف عليه
يالله متى اجي واكتب قصه الولادة ممل الانتضار

[مراااحب]

الدكتوره قالت يا 24 او23
وحسابي انا 22

والله اعلم متى انا ما ودي تجي الا لمن ينزل الراس بالحوض علشان لا اطول واتبهذل

[روز55]

ان شاء الله هالمره تولدين طبيعي

الله ييسر لج وايانا ونولد انا مليت من الانتظار

[ست الحبايب أمي]

السلاااااااااااااااااااام عليكم ورحمة الله وبركاته

مرحبا كروشاااااات

والله الظاهر ما يوتركم غير شريط الحمل هذا

شوفوا شريط وردة الطائف خلص المدة وقام كل يوم يحسب لها يوم زيادة من جد قمة التوتر أحذفوه وبترتاحون صدقوني

[روز55]

الولادة علمها عند ربج والتواريخ تكون تحديد

انا الراس باقي ما نزل الحوض لكن سبحان الله مع الطلق وخاصة الصناعي ينزل الحوض بسرعة واطفالي اغلبهم على هالحال حتى قبل الولاده بكم يوم والدكتوره تقول الراس ما نزل الحوض لكنه تحت وبمجرد يعطوني الطلق ينزل

[مراااحب]

امين يارب مافيه مثل الدعاء والاستغفار وكل شي بيد الله سبحانه

احس هم الولادة اصعب منها ع الاقل الالم ساعات وينتهي

[ست الحبايب أمي]

مراحب أنتي نفس وضعي الأول قيصري
إن شاء الله ربي يسهل علينا طبيعي

[يالبيه ياانا]

اخباركم كروشات صاادقه يااست الحباايب

بس خليه على الاقل نشووف كم بااقي لنا <<< شكلي ابي كف

[مراااحب]

سبحان الله
بس يعور مره قريت كذا وحد كاتبه انهم كثرو لها وانفجرت المشيمه الله يستر بعدين ولدوها قيصري

[روز55]

هلا ست الحبايب

وهلا سارونه

[روز55]

انا الشريط ما اعتمد عليه نهائيا بس نخليه للذكريات

[يالبيه ياانا]

هلا بيك روز


انا متى تتوقعين اولد ترى اخر دوره 5 _ 10 يلا توقعي

[مراااحب]

اهلين باللي حضوروا

كيفكم ان شاء الله تمام
ست الحبايب امي أمين ان شاء الله يسرها ربي ونولد طبيعي بس سبحان الله الطبيعي هم هم ما تدرين وش بيصير ع اخر لحظه مو زي القيصري

[يالبيه ياانا]

اليوم الكل يدق علي يقوولي ماولدتي ترى تاريخ 7_ 7
اقولهم ادري بس اللي في بطني ماتبي التميز تبي تجي براحتها

[روز55]

ولدي الاول وبنتى كلهم طلقصناعي لان الماي ينفج على بدري

على 2 سم فلازم طلق صناعي علشان الطفل ما يجف ويموت

احتسب الاجر في الالم والله اني حتى اخرف واهستر من شدة الالم

[يالبيه ياانا]

بنات مو خااايفه من الولاده نهااائيا ابي اولد وافتك لاني تعبت من الثقل والنفسيه صارت زفت

< حتى زوجي صرت ماحبه هع

[ست الحبايب أمي]

بنات ما سألتوا نفسكم حريم أول شلون يولدون بدون طلق صناعي
والله صارت المستشفيات مجازر

[يالبيه ياانا]

يؤ يااست الحباايب اول غذاهم تمام مو الحين

الحين ورق عنب _ كاكاو - بيبسي هم وربي

[روز55]

ساره اتوقع من يوم 11 الى17 /7

والله يسهل عليج

[ست الحبايب أمي]

هلا روز
شخبار أم زوجك معاك هالفترة بما أنك ماتتحركين من السرير من يقوم فيها

[يالبيه ياانا]

وي واجد يااروز


الله يصبرنا

[روز55]

ست الحبايب انا حاطه براسي بعد هالمره طلق صناعي

لاني تعودت عليه ما يجيني طلق وقت الولاده ولا احس بدفع وهالاحساس حسيته ببنتى الثانيه

الا لما اعطوني طلق

[مراااحب]

حريم اول يطلقون اسبوع لين الله يسرها وتولد

يا لبيه يا انا شكلك بكر

روز انا بولادتي الاولى نزلت المويه قبل الفجر ورحت المستشفى ما كان فيه الم وكشفت علي قالت ان شاء الله طبيعي وضليت عندهم ع 12 الليل بداء الطلق خفيف يجي ويروح الفجر زاد مره وما قدرت اتحمل وزاد ع الساعه 8 قالت 7 فاتح دخلت غرفة الولادة ابيها ابيها الم في الظهر بس بس مافيه دفع ابد بعدن انا قلت ابي قيصري ع الساعه 9 ونص اوقع بعد ما طلعت قالوا لي ان الحبل ملتف عليه علشان كذا ما نزل
انا ما ادري ليه غرفة الولادة ما يكون فيه جهاز الترا ساوند تعذيب وفي النهايه قيصري

[ست الحبايب أمي]

الله يسهل أمرك روز من غير طلق صناعي

[مراااحب]

ايه يعني نزلت المويه قبل بس ما عطوني طلق صناعي

[روز55]

هههههه

يا ست الحبايب مشاكل اشكال والوان بس خليها على ربج

زي ما قالت ورد الطائف اطنش واسمع من هنا واطلع من هنا

[روز55]

ساره انتى موعد ولادتج التقريبي 11 او 12 او 13

بس الباقي زياده لانج بكر

[ست الحبايب أمي]

الله يعينا عليهم يارب
أنا اللي عندي ماخلت مجلس ماقالت فيه ست الحبايب هذا شهرها
تخيلي حتى عيالها الرجال قالت لهم
مادريت إلا حماتي تقول لي أنه زوجها يقول هذا شهرها
قلت ماني ناقصة ينتظروني بعد
لأني قلت لهم شهري 8

[روز55]

لحظة بنات اصلي وارد

لا تطلعون

[ست الحبايب أمي]

وأنا بعد بروح أصلي

[روز55]

بااك بنات...

[روز55]

الله يهديهم تحملنا كثير

بس الصبر زين ومالنا الا الاجر

[sweety]

مشكورة ياروز
بس شكلي هونت مابي الشريط اخاف يوترني

[sweety]

يؤيؤ
طلع وانا لغيته
فشللللله

[sweety]

الشريط مخليني 38 اسبوع وانا توني اول اسبوع من التاسع ولسى ما خلصته
وش ذا الكلام

[sweety]

اليوم بديت اشرب يانسون قلت يمكن يساعد على الولادة المبكره
لاني قريت انه يفتح الرحم
ومادري صدق ولا خرابيط

[غلاي امي]

مرحبا كروشات

[sweety]

هلا غلاي
كيفك وكيف نفسيتك
اشوف نومك قليل
شكلك تفكرين كثير

[روز55]

هلا سويت

عادي خليه ما احد يعرف الغيب الا ربج

[تاج الغلا2007]

مرحبتين لكل الموجودين
ابشركم لسسسسسا ماولدت

[روز55]

هلا غلاي وحشتني سواليفك

[غلاي امي]

هلا وغلا سويتي

لا والله الحمد لله النفسيه زينه بس النوم لج عليه

كل شوي قمت دورة المياة لين يقول الوم بح

والبرح كنت معزومه على العشا ومن جيت وانا احس بمغص ابطني

ونمت الفجر وصحيت الساعه9 صباحا

[روز55]

ههههه

تاج يوم قرات ابشركم على بالي ولدتي

طلع العكس

[ست الحبايب أمي]

سويتي حبيبتي والله أنا بعد ما قريت وحدة كاتبه عن الخلطات اللي تجيب الولادة قررت ما أشرب شئ
تدرين ليش تقول بعض الوصفات تفتح الرحم وما يكون فيه طلق فيضطرون يعطونك طلق صناعي وبعضها تجيب الطلق والرحم مسكر فيولدونها قيصري يعني أحسن شئ توكلي على الله ومتى ماجات الولادة تجي
طبيعيا

[غلاي امي]

ياهلا و غلا بالموجوداااااااااات

سويتي تاج روز

[روز55]

غلاي استعدي معنا للولادة هذى تدريبات خفيفة بس

[ست الحبايب أمي]

غلاي أمي -تاج الغلا
حياكم

[غلاي امي]

هلا وغلا ست الحبايب

[غلاي امي]

يعني روز مع الخيل ياشقرا

[ست الحبايب أمي]

بنات أمس بالليل خلصت أغراض الصيدلية ورتبت شنطة المستشفى ترتيب نهائي تحسبا لأي طارئ

[غلاي امي]

ياالله متى ماجات الولاده احنا جالسين ومتوكلين على الله والعباة عند الباب

[sweety]

الله يستر ياست الحبايب
بس اليانسون ما منه شر انشاء الله
والطلق الصناعي شر لابد منه

[روز55]

غلاي انتى ما تفكرين بالولادة بس لانج معاشرتنا وتسمعين شكاوينا

بدت عليج علامات المغص وهذا تطور كبير

هههه

[غلاي امي]

ست الحبايب والله ضحكتيني

تحسبا لأي طارئ...........

تقولين بيصير حريق لاسمح الله

[تاج الغلا2007]

دكتوورتي قالت السبت الفجر لو ماولدتي تجين اسويلك تحريض وافتح الكيس ولو ماولدتي عملية لانة ماينفع لي الطلق الصناعي
اللة كريم ان شاء اللة اولد قبل

[sweety]

وش تقولين عن الي مرتبه شنطتها من اول الثامن
مره متحمسه وعندي احساس قوي اني بولد من اول التاسع
يارب اني ماطول بتحطم

[غلاي امي]

تصدقين روز انا مستبعده الولاده نهائيا وماابي اولد الحين

بس من كثر ما تقولون تبون تولدون دخلتو الفكره براسي

عاد الحين شيطلعها

[غلاي امي]

سويتي على هاالحسبه تغبرو الملابس

طلعيهم ونفضيهم زين

[sweety]

ليه غلاي ماتبين الفكه من الكرشه
شكلك تعودتي عليها

[روز55]

تاج توكلي على الله واستخيري

اذا طول الطفل ببطنج موزين واذا استعجلتي بتخافين علشان كذا استخيري

[روز55]

هههه

سويتى انا كل يوم افتحها واناظر فيها واسكرها

ما ادري بشنو احس

[sweety]

الاثنين الي بيجي عندي موعد مع دكتورتي
وطالبه منها تكشف علي من تحت ابي اشوف مفتوح ولا مسكر
مع اني اكون مخلصه بس اسبوع من التاسع

[غلاي امي]

لا يابنات

والبارح حلمت اني رحت اولد واتألم كان يجي ذاك الدكتور ويكشف

وبعدين قال لا لا ماراح تولدين اللحين انتي باقي لج كثير

قلت يافرحه ماتمت وجلست من النوم

[sweety]

روز تطمنين عليها
ليه وين بتروح الاغراض ههههههههههه
الله يعين شكلنا وسوسنا من جد

[روز55]

ههههه

حتى بالاحلام وراج الولاده يا غلاي

[غلاي امي]

ايه روز العشره ماتهون الا على الكافر

تدين معاشره هالكرشه من 8 شهور صعب اتخلى عنها بسهوله هههههههه

[sweety]

لا غلاي الفيوز عندك شكلها ضربت
من كثر التفكير ههههههههههههه

[ست الحبايب أمي]

والله أنا مرتبتها وحاطتها بالدولاب ولا فتحتها إلا أمس علشان أرتب أغراض الاصيدلية فيها وما ودي كل شوي أفتحها
بمل وبكرهها عشان كذا خلها مرميه بالدولاب

[روز55]

سويتي ترا ما كو فرق كبير بين دورتي ودورتج

انا 9 او 10 /10 ما اذكر احد هاليومين

ولي اسبوع وهذا الثاني بالتاسع خلى حساب المستشفيات كلش متاخر

[sweety]

روز انا في 20-10
يعني كل 5 من الشهر ادخل شهر

[روز55]

ست الحبايب والله افتحها واتاكد اذا فيه شي ناسيته او لا

وارد اسكرها واتذكر وارجع افتحها من دخلت التاسع وانا على هالحال

وشكلي بيوم الولادة الصج بنساها

[غلاي امي]

شوفي تاج

روحي سوي تحريض صديقتي تأخرت اسبوعين على الولاده وراحت لهم سوو لها

تحريض وضلت عندهم يوم ثاني ربي سهل عليها وولدت

[غلاي امي]

واللي يقول لكم ماجهزت للولاده الا قبل اسبوع

[sweety]

روز بيني وبينك اسبوع بالتمام
والله اعلم مو ذاك الفرق

[روز55]

سويتى اذا 20 ف ممكن توج داخله التاسع

[روز55]

ههههه

انا قلت لج غلاي مالج تفكير بالولادة بس الى حولج حاسو تفكيرج

الله يسهل عليج

[sweety]

ايه روز ليه يمكن 3 ايام من التاسع

[روز55]

كروشات اول شوال يالله فكوا البقش خلونا نستبشر خير

والله يوم ولدت ورد الشمال النفسيات سارت توب وتفائلنا وهالحين ردينا

[غلاي امي]

عاد انتو يابنات

ليه ماتسولفون عن شي يوسع الصدر تنكتون

بدل الولاده اللي هامه قلبكم وصايره كابوس

[sweety]

بنات حماتي ولدت والبيبي صار عنده شحنات كهربائيه في الراس مادري الدماغ
كانت يده ورجله اليسار ترتعش وحطوه بالعنايه لمدة اسبوعين

[غلاي امي]

روز اول شوال ؟؟؟؟؟؟؟؟؟؟

[روز55]

يالله غلاي افتحي لنا اي سالفة وخلونا ندردش وننسى الولادة والحمل

[روز55]

الله يشفيه ويقومه لاهلة بخير وصحه

[روز55]

غلاي اقصد الى دوراتهم كانت باول شوال

[sweety]

وبعدين طلعوه وعلى العلاج الحين
امه تقول ان الدكتور سالها كانت تاخذ حمض الفوليك بانتظام
طبعا هي ياعمري تقول ماكلته الا شهر واحد بس لانها تدرس وانشغلت بعيالها ولاخذته

[غلاي امي]

روز ابتدي انتي

انا صايمه وطاقتي مخلصه انتظريني لين اشحن

[غلاي امي]

ربي يشفيه ويعافيه وما يضيع تعب امه فيه

[روز55]

ست الحبايب وينج

غلاي

ههههه الله يتقبل منج قولوا وش بتسون للاربعين

[sweety]

طيب سمعتتوا خبر الخطوط السعوديه
وانها اكلت الركاب لحم حمير جايبينه من تونس

[روز55]

يعني شنو جهزتوا للاربعين

[sweety]

طبعا كانت الرحلات من مصر جايه
حسبي الله عليهم
والي اعترف عليهم من الموظفين
والحين يحققون معهم

[غلاي امي]

والله انا اللي يبي لي اغير مسرى حياتي بعد الأربعين

احس اني ظلمت زوجي حيييييل

المشكله اني توحمت عليه صرت ماأقدر اجلس يمه نهائيا ولا اشم ريحته ولا.....

يبي لي ارجع عروس واتدلع واتغنج

[روز55]

سويتى اول مره اسمع الخبر

بس الله لا يعطيهم عافية اذا كان صج ما يكفي الحجوزات مالقينا

وعلى كل ورقة تذكرة لازم تدفع 15 ريال علشان يقصون لج تذكره من غير قيمة الحجز

[sweety]

روز يعني رجعنا للاربعين والنفاس
تفاعلو مع الخبر
لو مجامله هههههههههههه بالغصب

[غلاي امي]

هههههههههههههههههههههه

سويتي لعبي غيرها عاد لحم حمير

اكيد تمزحين

[روز55]

وانا بعد اخذت لي م قطعة من نعومي

ودي اصبغ شعري واسوي حمام مغربي

ونفسي انقش يديني ورجلينا بس متردده

[sweety]

الخبرصحيح وسو مقابله مع الي اعترف عليهم في برنامج ياهلا على روتانا الخليجيه
وكمان في سبق

[غلاي امي]

سويتي قلنا نبي سوالف توسع الصدر موب مرض ولحم حمير

مع انه الأخير يفطس من الضحك خخخخخخخخخخ

[روز55]

لاحول ولا قوة الا بالله

[غلاي امي]

بكم القمصان اللي اخذتي من نعومي روز

[روز55]

سبحان الله كشفهم وما فيه شي يتخبا

[sweety]

غلاي تخيلي الحم هذا جايبينه من تونس علشان ياكلونه اسود في حديقة الحيوان بمصر
وجابوه بكميات كبيره
وقالو كيف نتخلص منه نعطيه ركاب السعوديه الاسود
ههههههههههههه

[sweety]

طيب يالله قولوا وش جهزتوا
ومنكم نستفيد

[ست الحبايب أمي]

عمى الله يقرفهم

[ست الحبايب أمي]

كنا نخاف من أمريكا طلع البلا منا فينا

[روز55]

الطويل بـ 250

واثنين قصيرة بس روعه على 120
واخذت عطر غزل بـ 170

[sweety]

تصدقون انا ما جهزت شي الا قميص الاستقبال
والباقي على خواتي الله يعينهم علي

[غلاي امي]

انا ناويه اروح نعومي اسبوع الجاي

انتي من نعومي اللي باالعثيم

[روز55]

سويتى احس اغراض الاربعين خاصة استحي اخلي خواتي يشرون لي

[غلاي امي]

سويتي ليه انتي ماتقضين

[sweety]

غلاي روز هذي لبعد الاربعين
من الحين تشترونها

[روز55]

ايوه الى بالعثيم وانصحج بالعطر رووعه خاصة لليالي الرومنسية

[غلاي امي]

المشكله بعد الولاده على طوووووووول ضيوف لين الأربعين

وطفل صغير يعي ماراح نقدر نطلع

[روز55]

ايه سويتى بعد الولادة صعب الى انج تطلعين للاسواق وطفلج صغير

فـ دائما اخذها وانا بالتاسع واريح حالي