تجمع الحوامل اللاتي سيلدن بشهر رجب 1432

[روز55]

عادي يالبيهـ

يرد الغثيان مره ثانية بالشهور الاخيرة

[يالبيه ياانا]

اي انا هووون

شلوونكـ روز

[روز55]

الحمدلله بخير
وانتى اشلونج

[يالبيه ياانا]

اي والله طفشني حييييييييييل حتى اهلي طفشووا مني


اهئ اهئ تعبت ابي اولد

[يالبيه ياانا]

بخير لب قلبك


متى حدود موعد ولادتك ..؟

[روز55]

ممكن 17/7 ان شاء الله

وانتى

[يالبيه ياانا]

اها تقوومين بالسلامه

اي حتى انا قريب من موعدكـ قالو لي على
18_ 7

يلا اولدي عشان اولد وراكـ بسرعهـ هع

[يالبيه ياانا]

وووينكـ ياامـ كرـشـهـ

[روز55]

ههههه

راح نولد وحده وراء الثانية

بس ياليت كل وحده تولد تجي وتخبرنا هنا بالتجمع

[روز55]

موجوده بس افرفر بالمنتديhwaml16

[يالبيه ياانا]

اي ان شااء الله ,,,

قضيتي وخلصتي ولا باقي .. وانتي من السووابق ولابكريه حالكـ حالي

[روز55]

خخخخ

قضيت لي وللبيبي بس باقي اغراض العطار والصيدلية

وانا سوابق .....عندي ولد وبنت

[يالبيه ياانا]

اذكر بدايه حملي كان بالنسبه لي عيد وبعدهـ بـدأ معي الغثياان وكرهت الحمل

وقلت لزوجي تزوج اذا تبي واحد ثااني هع وانا مستعده اخطب لكـ بس ماابي احمل من جديد ..
والحين ابي اولد وشكلي اذا ولدتـ بقوول ياليت ضل في بطني

<< مايعجبها شي الله يكوونـ في عـوني

[يالبيه ياانا]

الله يخليها لكم .,’ وتشووفينهم معراايس *_^

[روز55]

ههههه

عادي حبيبتى الوحم يسوي اكثر من كذا..

بالعكس بعد ماتولدي راح تتسلي واياه كثير خاصة انه بكرج

[روز55]

اامين..

ويحفظ لج الي ببطنج ويسعدك بشوفته

[يالبيه ياانا]

اي ان شااء اللهـ وخصوص انها بنوته

وان شااء الله تصير نسخه مني هع عشاان اتدلع فيها ..

[يالبيه ياانا]

شنو فيكـ وشنو نااويه تسمينه ..,؟

[روز55]

تصدقين احس كل حوامل رجب معهم بنوتات

حلوين البنوتات كثير خاصة لما تلبسيها وتسرحي شعرها

ولما تكبر تحسي انها قريبة منج كثير

[روز55]

انا ما اعرف الى هالحين لان زوجي مو راضي اسوي اشعة

بس حاسة انها بنوته..

لانه نفس حمل اختها الي قبلها

[روز55]

اذا بنوته راح اسميها روان لان اختها ليان

واذا ولد يسميه ابوه

[يالبيه ياانا]

اول الحمل كنت ابي بنت وبقووهـ بس زوجـي يتمنى ولد واقول كل يووم قبل لاننام الله يرزقنا ان شااء لله بنوته وانخش تحت البطانيه عشان ماايجي لي شي منه

يوم سويت التصووير متحمسه انها بنت بس تصدقين يوم دريت انها بنت شوووي زعلت .. >> خبله صح

بس وربي زعلت عشاان ابوها كـان بخاطرهـ ولد

قلته اوعدكـ بس اولد احمل واجيب لك احلا ولـد << اجبر بخطرهـ مسكين بس هوو فرح حيييييييييل يوم درى انها بنوته على قوولته انها بتصير حنونه اذا كبرت علينـا وه بس فديتها

[روز55]

وانتى وش ناوية تسمي بنتج

[يالبيه ياانا]

عاد تصدقين انو ودي اسمي عروستي لياان بس ابوهـا يبيها ليـال

وانا حيييييييييل محتاره << وخاايفه اولد ويسموونها اهله عاد هذا القهر اهئ اهئ

[روز55]

كل الرجال كذا لانه وده يكون بكره ولد وينادوه يا ابو فلان

بس لما يشوفها ويحملها على يده راح يتعلق فيها ويحبها موت

وبعدين انتى باقي باول الطريق
والله يرزقج ان شاء الله اولاد سليمين

[روز55]

انا عندي هالحين خمول بالغده وباقي ما شلت الغده

وجتنى بعد ولادتي بولدي

ويقولون الي فيها خمول بالغده ما تجيب باقي اولاد

تجيب بس بناات والله اعلم

[يالبيه ياانا]

تخيلي انا وحريم حماايني تزوجنـا في ليله واحدهـ

وانـا اول واحده حملت وبعدين حملو وراي تخيلي ثلاثتنا فينا بنووتاات


<< الله يحفظهم زعل ابوهم الشاايب قال مافيكـ واحده بتجيب لي حفيد صغنون هع

[يالبيه ياانا]

مااتوقع وش دخل ذا في ذا

وبعدين الولد والبنت اللي يحددهم الرجل يعني اللهم احنـا نحفظهم في ارحمنـا

[يالبيه ياانا]

جالسه امزمز عصير تعالي اشربي معااااي

[روز55]

ههههه

هم كذا كبار السن ...يوم حملت ببنتي الثانيه قالوا

لازم تجيبن له اخ ويوم جت بنت ما عجبهم بس بعدين صاروا ما يخلونها بالارض

[روز55]

والله هذا كلام الحريم خاصة كل ما حملت بولد يموت بالرابع او الخامس هذا وانا اخذ مثبتات عليهم

وسقطت ثلاث مرات

[روز55]

عليج بالعافية يا قلبي..

[يالبيه ياانا]

وش جالسه تسوووين ..؟

<< وش دخلك انتي هع
وربي طفشاانه جالسه بالشقه لوحـدي مدري متى يجي الفجر عشاان يجي ابو ليـان << خطير ها الاسم الاصدق وش لوون تدلعونهـا ..!

[يالبيه ياانا]

اممم الله يكووون في عـونك، ويشفيك ياارب

[روز55]

ههههه

اخذت دش قبل شوي وهالحين جالسة على اللاب

وانتظر ابو الشباب يجيب العشاء

ليان ندلعها ليونه

واذا زهقتنا نناديها يا ليمونه

[يالبيه ياانا]

ههههههههههههههههه حلووو حلو ليموونه
انتي من الحساااء صووح

[روز55]

ايه.... وانتى من وين

[يالبيه ياانا]

انا من الحســـــــــــــــــــاااء
وه فديتها يااناس

[روز55]

ماشاءالله

يعنى انا وانتى والريم من الاحساء..

[يالبيه ياانا]

يب يب

عاد انتي والريم قربييييين من بعض بس انا بعيده عنكم

بس بيت اهلي قريب منكم ..

[روز55]

انتى بالهفوف

[روز55]

انتى ناوية ان شاء الله تولدين عند اهلج

[يالبيه ياانا]

اي اكيـد بروح عند اهلي


لا مش من الهفووف انا من العمـران << بعيده عنكم صووح بس اهلي عندكم قريب بس اوووب اقوولك وين ..*

[روز55]

حياج وحي اهل العمران

والله يقومنا بالسلامة

[يالبيه ياانا]

أمـين ياارب *

[روز55]

وينج يالبيهـ

[روز55]

استاذن يالبيهـ

اشوفج على خير ان شاء الله

[يالبيه ياانا]

هنـا موجودهـ بس صدق بقوولك

أحب النـوم بشكل اوووب طبيعي وش السالفه الكل كذا ولا بس انـا

[يالبيه ياانا]

وين بدري ماابعد تعشينـا مع بعض هع


الله ويـاكـ يالغاليه وكل يوم تعالي .,’

[يالبيه ياانا]

انا بعد بقووم اشيل عفسي وارتب في الشقه

يلا بربـــــــــــ *

[ست الحبايب أمي]

مساكم ورد

كروشات وينكم

[يالبيه ياانا]

بــــــــــاااكـ


اهلين ست الحباايب مسااءكـ ورد وقرنقل

موجودين انتي موجودهـ

[ست الحبايب أمي]

هلا يالبيه وش أخبارك

[ست الحبايب أمي]

لبيه خلصتي أغراض البيبي

أنا شريتهم بس مدري ودي أغسلهم

إنتي تغسلينهم قبل الإستخدام ولا لا

[يالبيه ياانا]

تمام وانتي شلونك،

[يالبيه ياانا]

انا لا والله ماغسلتهم ماغير كل يووم افتحهم واشم فيهم واتخيل عصفورتي فيهم وه فديتها من جد متى اضمها على صدري

[يالبيه ياانا]

انتي بكريه ,,؟ ولا سوابق ..

[ست الحبايب أمي]

ودي أغسلهم بس محتارة أغسلهم بصابون الوزير ولا بموية وكومفرت

[ست الحبايب أمي]

سوابق عندي بنت

[يالبيه ياانا]

والله مدري ماعندي خبـرهـ اسالي الولدهـ

[ست الحبايب أمي]

أنتي كم صار لك الحين

[يالبيه ياانا]

مااشاء الله .. الله يحفظها لك

والحين شنو في بطنكـ ولا ماتعرفين

[ست الحبايب أمي]

والله مدري سويت أشعه في السادس قالت لي مو باين بس ماصدقتها شكلها تبي تخلص وبس لأني أتابع في مستشفى حكومي

[ست الحبايب أمي]

شكله أغلب التجمع إذا مو كله حملهم بنات

[يالبيه ياانا]

اها
.. حتى انا اشووف اغلبهم بنات مدري ليش ... يمكن شهر بنات ...

عاد تصدقين الحكومه اذا فيكـ ولـد على طوول يقوولون لكـ hwaml5

[يالبيه ياانا]

جالسه اتاابع فلم هندي خطير

[ست الحبايب أمي]

ههههههههههه يا حليلك

[يالبيه ياانا]

وربي من الطفش


المسن مافي احد من البنات زوجي بالدوام مايجي غير الفجر

[ست الحبايب أمي]

من جد طفش الله يعيننا أنا حتى النوم أتعذب فيه

تلقيني ما أنام إلا ساعتين بالليل وأتقلب كل ما نمت على جنب ذبحني الألم وأقلب على الجنب الثاني وهكذا
هذي حالتي طول الليل
الله يتمم لنا على خير يارب ونقوم بالسلامة

[يالبيه ياانا]

اي وانتي الصاادقه كلنا نفس الشعور واللهـي


<< عاد أنا فيني نذاله زوجي مااشووفه غير خميس وجمعه واجلس اتدلع عليه طوول الليل ولا اخليه ينااام مسكين يحطني في حضنه وينااام يكسر قلبي واتركه واجلس بروحي اتقلب هع يلا اهم شي الاجر ونشوفهم بصحه وعافبه

[يالبيه ياانا]

كم عمرها بنتكـ

...؟

[ست الحبايب أمي]

آمين يارب

سموة اليوم ماشفتها شكلها ما دخلت

[ست الحبايب أمي]

خمس سنوات ونص

[يالبيه ياانا]

اي حتى ودي اشووفها واسولف معها ونااسه ها البنت

بس سبحان الله مااتصدفني

[يالبيه ياانا]

ماااشااء الله الله يحفظها لك


واللهي حلو ها العمر وتجيبن واحد ثااني


<< شكلي بحمل بعد الاربعين على طوووول مدري ليه عندي احساس

[ست الحبايب أمي]

أحيانا أدخل ولا أشوف أحد وأرجع بعد ساعة إلا الصفحات ماشية كثير أنقهر

[يالبيه ياانا]

هههههههههه

نفـس الشعور واللهـي انقهر لدرجه حتى ماسلم هع

[ست الحبايب أمي]

لا والله ندمانه أني ما جبت لها أخ أو أخت يسلونها يا عمري عليها تكسر خاطري تقول أنا ما عندي أحد وليش فلانه عايلتهم كبيرة وأحنا لا

[ست الحبايب أمي]

نصيحة بعد سنة ونص أوسنتين فكري بالحمل علشان يكونوا قريبين من بعض

[يالبيه ياانا]

انتي تمناعين ولا من الله

[ست الحبايب أمي]

إستخدمت مانع ثلاث سنوات ونص وبعدين ع العزل ست شهور وجلست سنتين ما حملت شكلها الحبوب سببت لي ضعف في التبويض

[يالبيه ياانا]

اها اسمع انو الحبووب تضـر

مـرت خالي استخدمت الحبوب والحين عمر بنتها 11 سنه وياعمري عليها مو جاايه تحمل ادعو لها

[ست الحبايب أمي]

الله يرزقها
وحدة من جاراتنا كانت عايشة في أمريكا كم سنة
تقول الكلاب يرسلون لكم حبوب غير اللي يعطونها حريمهم
يبون يعقمون أمة محمد حسبي الله عليهم

[يالبيه ياانا]

وينك يام كرشه ؟؟؟

طيب وش اسمها بنتكـ يمكن اسمي عليها واذا جبيتي بنوته وش راح تسمينها

واذا ولد شنو ..؟

[يالبيه ياانا]

حسبي الله عليهم

[ست الحبايب أمي]

أسمها غلا
أفكر لو جبت بنت صبا أوغنى بس زوجي موعاجبه عقدني

[يالبيه ياانا]

دايم كذا الرجال يحبون يعكروون مزاج الواحد


سميها صباا حلوو

[ست الحبايب أمي]

إذا ولد نفسي بإسم ياسر
بس زوجي يقول لا بسميه على إسم أخوي سليمان مدري وش الحل معه

[يالبيه ياانا]

هههههههه ايوون شفت سالفتك وربي كسرتي خااطري


سميه يااسر احلا من اسم اخووو بكثير


واقنعي بااسلوبك الحلوو ... عااد الرجل نفس الطفل دلاليه شوووي وقنعيه وربي راح يرض تدلعيه خليه يحس بالحنان والحب راجعيه لزمن اول وبتشووفيه يخق وبطااوعيك ..

[يالبيه ياانا]

وش رايك بااسم يووسف ...

[ست الحبايب أمي]

مدري أحسه تقليدي يعني مو مرة
أنا عاجبني إسم راكان
بس أخوي مسميه
ومشاري
وراشد
أحب الأسامي اللي عليها القيمة بس المشكله كلها مسماه عندنا

[ست الحبايب أمي]

وأنتي ماقلتي لي وش بتسمين إذا ولد أوبنت

[ست الحبايب أمي]

يالبيه وينتس يامره

[يالبيه ياانا]

هلا بش ...

انا خااطري حييييييييييييييل في راكـان

بس اللي عندي وده بيوسف ومدري حاليا مافكر في الولد لانو فيني بنوته ..

[زهــــور]

http://forum.hwaml.com/t56093.html#post1026621

[يالبيه ياانا]

بوسط عينتس هع

[يالبيه ياانا]

شنو هذا الرابط ....؟

[ست الحبايب أمي]

أختي زهور الله يقومك بالسلامة
والله أنا ما عندي خلفيه عن الخياطة ولادتي الأولى كانت عملية
أتمنى البنات يفيدونك

[يالبيه ياانا]

وينكم ...؟ نااامتو !!!!!!!!!

[ست الحبايب أمي]

هذا الرابط للأخت زهور تبي تستشيرنا في الخياطة التجميلية

[يالبيه ياانا]

اها
الله يسهل عليها

[يالبيه ياانا]

جووعانه وش اسوووي ...؟

[ست الحبايب أمي]

بايات يابنوتات طافية وأدور المخدة

[يالبيه ياانا]

الله وياك


واحلام فووشيه يااقلبي

[غلاي امي]

مساء الخيراات كروشات

[الريم الشارد]

مساكم فل وياسمسن ها استوى الغدا ولا لسى خخخ

[وردةالطائف]

استغفر الله ,, استغفر الله ,, استغفر الله
كيفكم حوامل ان شاء الله بخير

[وردةالطائف]

يمكن داخله التاسع اليوم
باركوا لي

[أم غدوري]

بنااات من اللي كان اول يوم بدورتها 3/10
ياليت تقولي متى حددوا يوم ولادتها
الله يهوون طلقكم وييسر ولادتكم يارب

[أم غدوري]

مبرووك ياوردة الطائف عقبال ماتولدين وتقومين بالسلامه ان شاء الله

[ورد الشمال]

مرحبا بنااات
الف مبروك دخولك التاسع وردة الطائف
ان شاء الله راح أدخل التاسع بعد 3 أيام على خير
كيفكم جميعاً وينكم اليوم مختفين عشانه خميس يعني
يلا انبسطوا مع اهاليكم : )
هلا فيك ام غدوري ولادتك راح تكون في 17 / 7 ان شاء الله
لأن انا قبلك بــ 10 أيام وتحدد موعد ولادتي في 7 رجب

[ست الحبايب أمي]

يسعد مساكم كروشات فيه أحد ولا أطلع

[~قموووره~]

السلام عليكم ورحمة الله وبركاته
كيفكم كروشاات انشاءالله تمااام
وكل الي سألوا عني انا تماااام ووحشتوني بقوووووه
الدكتوره تقولي دخلتي التاسع لك 3 ايام
والحين اكتبلكم وانا حاسه بآلآم كل ربع ساعه مرره تعبتني ببطني وكل شويه ينزل عليا دم
ودقيت عالدكتوره قالتلي تعالي شكلك بتولدي بدري وربي خوفتني ماودي اروحلها وش تنصحوني يابنات اروحلها وتقولون ممكن يكون ولاده مع انه بدري
ايوه واليوم فطرت 7 تمرات وشربت زنجبيل بالعسل ممكن هذا السبب
لاتطنشوني ياحلوات الله يسهلنا ولادتنا ويتمملنا على خير

[ست الحبايب أمي]

هلا قمورة حبيبتي
سلامتك عيني
والله ماعندي خلفيه إن شاء الله البنات السوابق يفيدونك

[أم غدوري]

تسلمين لي حبيبتي ورد الشمال
17 /7
بالضبط نفس اللي قالت لي الدكتووره
الله يسهل علينا كلنا يارب
مشكوره ياقلبي

[الريم الشارد]

قموره لازم تروحين لدكتوره تشييك على الاقل ممكن تكون ولاده مبكره لاتهملين نفسك

[ست الحبايب أمي]

صباح الخير ياحلوات
وش فيه التجمع نايم من أمس
تحركوا خلوا الصفحات تمشي

[مام صغيره]

هاي
اني ام عبود
حامل وولدتي 3-7
بس اني احين عندي الالم ونزل مني موي قليلا
رحت المستشفئ طلع الرحم مفتوح3 سنتي
ترقدت يومين وطلعت علئ مسؤليتي بس الئ الان الاللم مادا افعل

[ست الحبايب أمي]

هلا عيني طيب الدكتورة شقالت لك

[مام صغيره]

قالت لي اول شي في ولاده بعدين قالو وقف عندك الطلق
ومنعتني عن الحركه وقالت لي ادا نزل موي او دم تعالي بسرعه
اليوم نزل موي قليلئ بس ما رحت

[ورد الشمال]

يا قلبي عليكم يا حوامل رجب شكلكم بتولدون بدري
الله يسهل علينا يارب
قموووورة لك وحشة مرررة في الدردشة واللي قلتي عليه علامات ولادة روحي للمستشفى في اقرب وقت الله يسهل عليك ويرزقك الطفل السليم المعافى ، اي يجوز للي شربتيه السبب و ممكن هذا وقت ولادتك اللي ربي كاتبه لك
مام صغيرة ليش ما رحتي ثانية لما نزلت عليك المويه
روحي لا تهملين احسن لك وللبيبي
وأمانه طمنونا عليكم قمورة و مام صغيرة
ما ننساكم من الدعاء
انا الليلة مو قادرة انام جنوبي تألمني و ظهري والع نار و رجولي تألمني و جايتني حكة في بطني و كل شوية رايحة الحمام تعبت
و صايرة كثير احلم اني ولدت

[Nonyta]

مبروك ورده التاسع وعقبالنا
وقمورة روحي المستشفى انا ولادتي الاولى كانت مثل كده




وجمعه مباركة على الجميع لاتنسوا سورة الكهف

[kitty]

بنااااات اليوم حركة البيبي مررررررة بزيادة مرررافس موطبيعي مدري وش السالفه!!
كل دقيقتين وورى بعض وبقوة تتوقعون طبيعي والا اروح المستشفى؟؟

[ورد الشمال]

هلا كيتي والله ما اعرف بس الحركة تدل ان البيبي بخير
خليه يلعب شويه و ينام اذا استمرت ساعة كذا اتصلي على دكتورتك وخبريها مو شرط تروحين

[يالبيه ياانا]

السلام عليكم كرروشـأت اخباركم



وين سموووه مالها طااري ...؟

انا اخبـاري مـره تعباااانه حرراتي مررتفعه بقووووهـ وماغير اعطااس

وربي تعبت وخاايفه ابلع شي واضر عمري ومابي ارووح للمستشفى لاني تعبت من المستشفيااات

[يالبيه ياانا]

الريم الشارد شفتي البؤبؤ اللي في توقعيك

خااطري اجيب زيه دؤؤؤؤب واشقـر وه بث

[روز55]

مساء الخيرات للجميع

[روز55]

ورد الطائف / ورد الشمال

مبرووك دخولكم التاسع

[روز55]

قمورره ومامي الله يقومكم بالسلامه

ولا تهملوا انفسكم اذا حسيتوا باي شي روحوا للمستشفي

[روز55]

خخخخ

سموه وينج اخاف انتى بعد بتولدين وتخلينا...

[kitty]

ورد الشمال اي قعدت يوم كاااامل على نفس الحررركه خايفه يصير لي ولاده مبكرة واناباقي بالثاااامن!!

[ميمي2011]

مرحبا كروشات جهزتوا شنطة المستشفى والا لسى

[ورد الشمال]

كيتي يا قلبي روحي المستشفى تطمنك الدكتورة على البيبي وانتي ترتاحين
اذا موعدك قريب انتظري له و أمانه طمنينا عليك
ميمي أنا جهزت شنطتين وحدة لي ووحدة للنونو
متى يمضي هالشهر خلاص نبي عيالنا ههههههه

[ورد الشمال]

روز انا الاثنين ادخل التاسع ويبدا الجد
يالبيه كل شي سكتي عليه الا الحرارة خطيرة لو استمرت اكثر من يومين
روحي عشان البيبي والله يرزقك ما تتمنين
انا ملانه لحالي في الشقة و الوقت ما يمضي

[om yazan]

سلام كروشات أخباركم امس كان عندي موعد وقالت البيبي صغير وزنه وزن واحد بالأسبوع ال26 وانا بالأسبوع ال32 مره تحطمت أنا عيالي كلهم جو اوزانهم ناقصه وحطيت امل بهذا الحمل بس ما والله الحمد لله اهم شئ الصحه والسلامه طلعت من عندها ورحت قضيت أخيرا لبنوتتي رفعت معنوايتي شوي رحت سنتر بوينت وأخذ الأساسيات بربتوزات وارواب ومقاطات مره حلو ولسه باقي

[سموةالجرح]

السلام عليكم ورحمة الله وبركاااااته



فسحو ورد الطائف وورد الشمال والريم وست الحبايب وميمي وكيتي وغلاي وقموره ونونيتا



القمر وصل أنا جيت


الريم لاتدفين كلنا بنوصل


خخخخخخ

[وردةالطائف]

الله يبارك فيكم حوامل و عقبالكم
الله يعيني يابنات انا دائم اعوشر
للحين ماجاتني طلوق و لا الالام الدوره العاديه >>> الاخت متبلدة الاحساس
دائم ماتجيني طلوق و بعدين يعطوني طلق صناعي مثل الكهرب يكهرب الجسم كله
ادعوا لي يجيني طلق طبيعي

قمووووووووووووره اهلين والله لك وحشه
طمنينا عليك
وروحي تطمني عالبيبي يمكن المشيمه فيها شيء شكلك تعبتي من السفر
بس الولاده مااتوقعك الحين عشانك بكر

ورد ميروك التاسع

سمووووووووه فين الناس

الريم الشارد ماشاء الله بطنك كبر هههههههههههه

[سموةالجرح]

عفوا ام يزن ويالبيه
ارتاحو خلكم معي عندكم واسطه


خخخخخ

[سموةالجرح]

قموره حسبتك قلتي به وولدتي



ورد الطائف مبروووووووك مليووووون

[وردةالطائف]

اهلين لم يزن و سموووووووووووه

[om yazan]

سبحان الله نطينا مع بعض سموه

[وردةالطائف]

ام يزن لاتفكري بوزن البيبي اذا جاء يكبر على الارض

[om yazan]

لب ودرة الطائف فديتك

[سموةالجرح]

صح لسانك ورد


أنا ولدي وبنتي تشيلينهم بمصبع من صغرهم


بسم الله عليهم كبرو ولاكانهم اللي ولدتهم

[om yazan]

نفسي اجيب بيبي مكلبز دائم يقول عيالك صغار عيالك صغار طفشوني

[سموةالجرح]

بنات احس ان الجو متعب

[om yazan]

لا والله ماكبرو عيالي الى الان نحاف

[وردةالطائف]

قاعده افكر في قموووووووووره الله يعينها على الولاده
بكر ماتعرف شيء

[وردةالطائف]

ام يزن كثري عليه الرضعات عشان يكبر وماعليك من الناس اهم شيء العافيه

[om yazan]

مره سموه طاب ولدي تعبت بنتي والله يستر لايجيني الدور

[om yazan]

الله يسهل على قموره يارب

[يالبيه ياانا]

بنات اليوم اخذت فيفادوول عادي صووح
<< ودي اخذ حبه ثانيه بس خاايفه اخذ او لا ..؟

[ورد الشمال]

روز انا الاثنين ادخل التاسع ويبدا الجد
يالبيه كل شي سكتي عليه الا الحرارة خطيرة لو استمرت اكثر من يومين
روحي عشان البيبي والله يرزقك ما تتمنين *

[om yazan]

لبيع أنا ما احب أخذ ادويه صراحه روحي لدكتوره افضل

[يالبيه ياانا]

تعـالو بسـالكـمـ ..؟؟

يعني من ندخل التــااسع نستعد حق الولاده ولا نتظر اسبوع ويجي الطلق << بكريهـ ماتفهم شي ..!!*

[om yazan]

وين ورده وسموه اختفيتو

[يالبيه ياانا]

لبيع <<< تزحكـ بقووهـ اومـا صرت للبيـع
طفشت من المستشفى اليوم زوجي ماغير يحن يبي يودني المستشفى وانا رافضـه بعدين طفش مني وطلع ..*

[يالبيه ياانا]

يـاذن بتوقيت المحلي للمدنيه الاحســـــــــاااء

[om yazan]

اهم شي جهزي شنطتك وشنطت البيبي وبعدين ابدي مشي

[وردةالطائف]

انا هوووووووووووووون

[يالبيه ياانا]

بنات محتـاره وش اسـوي عشااء شوووري علي ..

وابي اشيااء بسيطه مالي خلق حق المطبخ << من جد ودي ارجع بنت بنوت اذا طحت مريضهـ ماغير منسدحه وماهمني أحد
والحين اطبخ وانفخ << الله المسـتعـان

[kitty]

بنااااات وش اجهز بالشنطه >>ماتدري وين ربي قاطها
ماقضيت شي!!

[وردةالطائف]

بنات كنت متحمسه للتاسع و ابغى اولد
بس الحين من يوم دخلت التاسع وانا خايفه وماابغى اولد
واحس انه افضل لي اقعد العمر كله بالكرشه ولااااااا اولد

[om yazan]

يالبيه ياانا الحين صح زين اسمك راعي طويله قلت أبيعه

[رينآد]

مسآء آلخير امهآت
الله يسسهل عليكم وتدخلوا تآسع كلكم وتولدوآ بسهآله

آني بولد 29 / 6 . أو 30 / 6

وشكلي بولد برجب وخآيفه مآبي اتأخر على موعدي
عندي ظروف واختبارات

عآد بنآت آدعو آولد بهذآ شهر
ومآعندكم شي آسويه يجيب طلق
لآن آبد مآعندي آلم !

[om yazan]

المشي افضل شئ كل يوم امشي نص ساعه ومشي سريع مو خفيف وان شاء الله تولدين بوقتك

[om yazan]

اصلي وارجع

[يالبيه ياانا]

بــــــــربـ

صلاهـ

ام الـيـاس ان شـاء تولدين بسرعه لاني مثلك عندي اختبارت وهم ولاده

<<< حااسه فيكـ وانـا ادعو لي من ادخل التااسع لو سااعه اولد عشاان مااتضيع علي السنه

[رينآد]

مآقدر آطلع كثير من شقه
فشكلي بقعد آتمشي فيهآ

لكن كيف يكون آلمشي ! متبآعده رجلين
ولآ مشي عآدي ؟

[رينآد]

تيت
وغفر الله لكم

ههه بس سآعه تبي تدخلي تآسع وتولدي
كآن زين كذآ . كآن آلحين آني ولدت من ايآم خخ

ومثل حآلك خآيفه آضيع سنه عشآن كم يوم بس !!
آبي آولد خلآل هآلاسبوع عشآن آقدر بعدين آروح آختبر
الله يعين شايله هم وربي

[سموةالجرح]

السلام عليكم ورحمة الله وبركاته

[ست الحبايب أمي]

يسعد مساكم ياحلوين

أخباركم مين مثلي توها تدخل الثامن

بنات باركولي خلصت أغراضي
باقي بس أغراض الصيدلية وأجهز شنطة المستشفى

بسألكم مين تغسل الملابس حقتها وحقت النونو قبل الإستخدام
وكيف طريقتها في الغسيل يعني نتقعهم ولا بالغسالة وأيش تضيف عليهم

[سموةالجرح]

أنا ست الحبايب


اغسلهم بصابون الوزير

[om yazan]

مشي عسكري يسمونه مدري كف اوصفه لك

[سموةالجرح]

اغسلهم بيدي انقعهم ربع ساعه وبيدي اغسلهم

[ست الحبايب أمي]

مشكورة سموة أنا قلت بستشيركم أول بعدين كنت مفكرة أغسلهم بصابون الوزير نفس ماقلتي

[om yazan]

ايه افضل شي صابون الوزير يابخت ست الحبايب خلصتي انا امس بديت اجهز

[ورد الشمال]

هلا فيك ام الياس اي خطوات سريعة و متباعدة
و ربي يسهل عليك وعلينا
كيتي انا مثلك مادري وين الله قاطني بس الله يخلي قوقل
كتبت فيه و طلع لي كل اللي ابيه عن تجهيز الشنطة لي وللبيبي
لك حطي منشفة استحمام --- ما اقدر على الفصحة خخخخ واخذي لك 3 بجامات نوم مريحة و فوط صحية و كلوتات استخدامها واحد وكلوتات قطنية واسعة و مريحة و حمالات صدر للرضاعة و عادية و اخذي لك شامبو جسم و شامبو شعر وكريم جسم وكريم شعر
و فرشاة و معجون وشرابات مريحة و نعال مريح للغرفة وانتي بكرامة و مشط و مرايه و كحله و روج اذا لك مزاج تحطين وقتها ولا تنسين الكاميرا عشان اذا شرف الحلو تصورينه
وحطي اهم شي شاحن جوالك بتحتاجينه واذا عندك آيبود حطيه و حملي فيه قرآن وادعية تسهيل الولادة واشياء تحبي تسمعيها منها تتسلي و منها يمضي الوقت وحطي لبسة للخروج وعبايه احتياط يمكن تنعدم عبايتك*

[وردةالطائف]

اسفه بنات طلعت من الدردشه
زوجي كلمني قال سوي قهوه معي ضيوف
ونطيت و سويت كل شي
وبعدين اتصل قال مافيه اعتذروا اهئ اهئ ضاع تعبي
الله يحييكن تعالوا تقهون معي

[ست الحبايب أمي]

أم يزن أنتي من الرياض

[سموةالجرح]

يالبيه قههههههوه صبي فنجال وعطيني علوم رجال

[وردةالطائف]

انا شنطتي جهزتها من زماااااااااااااان من السابع والحين فوقها غبار ههههههههههههههههههههه

[om yazan]

ايه من الرياض

[سموةالجرح]

أنا مشتهيه مهلبيه حاره

[وردةالطائف]

ايه توي ادري عن المشي انه لازم بسرعه و خطوات متباعده
وانا اقول ليه اعوشر لاني امشي حبه حبه وساكه رجولي خايفه لايطيح النونو هههههههه

[om yazan]

ورده وانا بعد ابي فنجال اعدل الراس

[om yazan]

لا يقلبي لازم مشي سريع كنك جندي

[وردةالطائف]

الليله ان شاء الله بغسل ملابس بنتي
بس اذا نامت الشغاله ههههههههههههه
تدرون ليه

[om yazan]

ليه ورده سموه تبي اسويلك مهلبيه

[ست الحبايب أمي]

أم يزن أنا قضيت من الهرم عندهم حاجات حلوة بس شنطة البيبي مالقيت شئ حلو عندهم

سموة أنتي مشتهية مهلبية حارة في هالحر كان قلتي آيس كريم

[وردةالطائف]

عشان اخاف الشغاله تحكي و تقول مدام بتجيب بنت
لاني ماقلت لا أحد ابغاها مفاجأه
بس قلت لماما
الله يعيني على الغسيل و الكوي بس يالله بدلع بنوتتي

[om yazan]

ارواب لك من فين جبتيها انا جبت للبيبي من سنتر بوينت ما كثرت وقلت اروح الشبلي قد رحتي له

[وردةالطائف]

ياعيني على القهوه تهبل

بنات اهلي وجماعتي واهل زوجي كلهم يقولون نفسنا نشوف معك بنت ونشوف كيف تدلعيها
يقولون عيالك مررررره كشخه و غطوا على بناتنا
يقولوا كيف لو عندك بنت كان وش سويتي فيها

[om yazan]

ايه اكبر فتانات

[وردةالطائف]

استغفر الله
سبحان الله
الحمد لله
الله اكبر

[وردةالطائف]

سموه فينك شكلك قمتي تسوي مهلبيه ههههههه
او غرتي مني و سويتي قهوه ههههههههههههههه

[ست الحبايب أمي]

أخذت أرواب رضاعة وردي وسماوي وليموني وتركواز وأسود مع أبيض ونسقت عليهم أحجبة مع طواقيها
والبيبي تقريبا خلاص خلصت ماعدا الشنطة باخذها من سنتربوينت إن شاء الله

[om yazan]

ما شاء الله من اصحاب الذوق الرفيع

[وردةالطائف]

ام يزن انتي ترضعي عيالك او لا

[om yazan]

بالله كيف ارواب الهرم حلوه دائما امر من عنده وزحمه واكرهه عشان الزحمه

[رينآد]

مشي مثل آلعسكري
زوجي عسكري بخليه يعلمني آلمشي كيف ههه

/
وست الحبآيب
اذآ بتغسلي ملآبس بنتك . بيدك أوغسيل هادي وسريع
ولآتحطيهم بآليبآسه لآنهم يقمطوآ < يصغروآ .
ب الآحسن آنششريهم على حبل عشآن لآ تخسريهم .

/
وبنسبه لأغرآض صيدليه بكتب لكم . < حبت تسآعدكم

اغرآض آلبيبي ..
1 . شآمبوآ لشعر . زيت لشعر بعد الاستحمآم . ممشطه لشعر .
2 . سائل استحمآم للجسم . لوشن للجسم بعد الاستحمآم . بودره .
3 . مسحآت طبيه للسر البطن . وبودره للسر .
4 . اعوآد الآذن . مقص اظآفر . رضآعه وسط أو صغيره زجآج . لهآيه .
5 . حفآئظ رقم 1 . كريم وآقي للحفآظ .
6 . حليب .
7 . مقيآس درجة الحرآره .
8 . مقيآس لدرجة حرآرة المآء < للي تبي .


اغرآض الآم ..
1 . كريم ميبو للخياطه . مع ديتول الآخضر .
2 . فوط صحيه لمآ بعد الولآده .
3 . غيارات لصدر عشآن آلحليب لآ يسرب على ملآبسك .
4 . قطن عشآن ديتول .
5 . مقشرآت للجسم . آللي تحب تعتني بجسمهآ بعد الولآده ^^ .

..
وهذآ اللي تحتآجه الآم بآلفعل .
وبنسبه للملآبس طفل . نصيحه مني لكم . لآ تكثروآ منهآ
يعني اشتروآ بآلمعقول واخذوآ من 3 _ 6 عشآن طفل يكبر بشكل سريع
وبعدهآ تخسروآ آلملآبس حرآم !

وآي شي تحآتجوآ خبروني < فآضيه آلبنت ماورآهآ شي هه

[ست الحبايب أمي]

الشبلي ماقد رحت له

[om yazan]

ايه ارضعهم بس حليبي ما ينفخ البزر

[ست الحبايب أمي]

بنات وش أحسن كريم للرضاعه علشان الحلمات ماتتشقق لأني عانيت في ولادتي الأولى

[وردةالطائف]

ام اليااااااااااااس مشكوره
ام يزن رضعيهم من صدرك وكمان اعطيهم صناعي و انصحك بحليب رونالاك
واذا اعطيتيهم حليب صناعي خلاص خليك عليه لاتغيريه
لان التغيير هو اللي يتعبهم و مايكبروا
اشوف حريم كل شهر تعطي ولدها حليب ثاني وذا خطأ

[om yazan]

زبده الكاكاو او زيت زيتون ومن الحين دلكيها

[ورد الشمال]

يالبيه انا ناوية على العشا اعمل قوارب البطاطس يمي

[ست الحبايب أمي]

أم يزن أنا أدلكهم من الحين بس أحس الهالات ناشفة هل هذا طبيعي

[روز55]

مساكم خير وسعادة بنات

[وردةالطائف]

زبدة الكاكاو من الان دهني
و زيت زيتون وقت الرضاعه
ولاتحطي كريمات وانتي ترضعي عشان النونو

[روز55]

مساء الخير والسعادة بناات

[وردةالطائف]

اهلين روز,,,,,,,,

[سموةالجرح]

سويت مهلبيه

اقلطو بنات



ست الحبايب عندي كريم وعلئ ضمانتي بس غالي شوي بجيب اسمه وبرسلك علا الخاص


اسمه وبحطه هنا عشان اللي بدها تأخذه


والله يابنات ان حلمتي دايم تصب دم بعد مااستخدمته ببنتي اللهم لك الحمد لا اوجعتني

[سموةالجرح]

بنات فديتكم


لازم كل وحده اذا ولدت تبشرنا مو تسحب علينا



الله يجمعنا بالجنه ياحي ياقيوم



بعدين وش تبون نسوي بعد الولاده نتجمع استشارات للبيبي


والا وش رأيكم

[om yazan]

لا تخليها تجف بستمرار تهنيها ولا تغسليها بالصابون يزيد جفافها

[om yazan]

لازم نسويلنا تجمع صح سموه احس اني مره تعودت عليكم الله يخليكم لي ويخليني لكم

[وردةالطائف]

ان شاء الله اذا ولدت على طول وان بالمستشفى و بنفس اليوم برسل لكم من ايفوني
وعد مني انا وردة الطايف > قول و فعل

[سموةالجرح]

أوكي ورد


روزتي ارحبي

[وردةالطائف]

سمووووووووووووه اذا سويتي تجمع
ارسلي لي عالخاص
بصراحه انا بعد الولاده احب ادخل منتديات عن البشره و الجسم و الريجيم و الحياه الزوجيه(اللي اهملناها كثيرررررررر)
يعني خلاص انسى حمل و بيبي وكله هههههههههه

[سموةالجرح]

بنات أنا هذا الاسبوع هو الثالث من الثامن ربي يسهل



اللهم هون علينا

[روز55]

هلابكم جميع

اشلونكم عندي الاتصال ضعيف ما ادري المنتدي فية شي

مره يفتح الصفحة وعشر الصفحة غير متوفرة

[وردةالطائف]

ودي امشي بس ماابغى
ماادري ليه
ماابغى الولاده

[روز55]

بالنسبة لي حفظت هالتجمع بالمفضلة

ودي بعد ما اولد ارجع واقراء كلامنا عن الحمل والتعب

[وردةالطائف]

ايوه روز
حتى انا كذا

[روز55]

ورد يا قلبي الولادة ورانا ورانا

اذا دخلتى التاسع كلى تمر وامشي

[سموةالجرح]

امممممممم


يعني بنات كيف ماتبون


خلاص بدز لكم ايميلي واضيفوني أنا تعودت عليكم والله

[روز55]

واحنا بعد سموه

سرت اليوم الى ما ادش التجمع

احس اني فاقدة شي

[om yazan]

عشان كذا ورد تعوشري وما يجيك طلق

[om yazan]

الله يجمعنا على الخير

[وردةالطائف]

امييييييييييييييييين

[روز55]

وينكم بناات

[سموةالجرح]

ياحبني لكم بنوتات

[وردةالطائف]

بنات المنتدى يعلق
باااااااااااااااااااااااي

[روز55]

وانا بعد يعلق معي

[ورد الشمال]

فكرته بس معاي يعلق
غلاي أمي مفتقده وجودها من كم يوم يارب تكون بخير
الريم وينك وشعلومك

[سموةالجرح]

بنات أنا ضيق صدري هالمنتدا

[الريم الشارد]

هلا بنات شخباركم .. وحشتووووووووووني كلكم..
اممم عجبتني فكرت القرووب او التجمع شرايكم نسوي قروب بالمسن عشان بعد الولاده ..؟

[سموةالجرح]

http://forum.hwaml.com/imgcache2/hwaml.com_1304709235_830.jpg










يدنن

[يالبيه ياانا]

سلام عليكم ...

احد موجود ..؟

[بعثرة مشاعر]

سسسلام بنات

اخباركوم

وحشتوووني من زمااااااااان عن هالتجمع

بسألكم ؟!!

انا رجولي واصابع يدي منتفخه ومرات تخف شوي

احد مثلي

وهل هو طبيعي ؟؟

انتظر ردكم !! ياحبيلكم

[سموةالجرح]

ارحبي الريم أنا معك ياقمر


لبيه أنا هون


بعثرة مشاعر هو عادي زيادة املاح اسالي الدكتوره افضل


بس بعض الدكاتره يخافون من التتفخ فجاءه يقولون مو كويس


والله اعلم*

[سموةالجرح]

بعثره وين كنتي غاطسه

[ست الحبايب أمي]

سموة وين الكريم ورى ما أرسلتي لي ع الخاص بليز أرسليه الحين علشان أشتريه

[سموةالجرح]

ست الحبايب والله نسيت خلاص ولايهمك بكره الظهر او العصر عندك بإذن حي قيوم

[om loly]

صباح الخير

كيفكم ياقمورات
مادخلت امس وفاتتني سوالف حلوة
مبروك لكل اللي دخلوا بالتاسع

مع اني خفت لما دخلتوا احس قربت ولادتي
يازين البكرية ماتدري عن شئ
وماتدري وش بيجيها

على قول وحدة من صديقاتي تقول هذي العطسة والكحة
(جدتها قاليه لها ان الولادة زي العطسة ههههههه)


الله يهون علينا

[kitty]

ورد الشمااااال الله يريح قلبك ويطمن بالك!!

[kitty]

بنااات وش رايكم بموضوع شد البطن بعد الولاده تتوقعون كويس والالا ؟؟
ابي اشتري المشد الاندونيسي ولاادري وين القاة؟.

[om loly]

كيتي اكيد لازم المشد
والا بيكون فيه ترهلات وبلاوي

وحدة من شغالات اهلي خاطت لنا مشد
رهيب مررررة ويلم البطن صرنا نستخدمه كلنا
وخيطنا زيه
وطريقة ربطة سهلة وتلمك زين

[سموةالجرح]

السلام عليكم ورحمة الله وبركاته




صباح الخير والإحساس والطيبه



وش فيكم نايمين وووووووووينكم ياحلوين

[سموةالجرح]

تطور و نمو الجنين خلال الشهر الثامن من الحمل ؟

إنه شهر اللمسات التجميلية إن صح التعبير ! فكل الأعضاء قد اكتملت و يكفي تحضيرها للعمل خارج الرحم , و تصبح العظام أقوى , و الأطرف مكتنزة , و الجلد ذو مظهر صحي , و يبدأ الدماغ بالتمايز للمناطق الرئيسية منه , و يبدأ بالإشراف على عمل الجسم , و تنمو في الدماغ مراكز الحواس , و قد يصاب طفلك الجنين بالفهقة و هو في الرحم , و قد يبكي , و يتألم , و يستشعر حس الألم و الضوء , و الصوت , و إذا الحمل ذكراً فستنزل الخصيتان لتستقران في الصفن خارج البطن ... و قد تتحسسين بعض أجزاء جسم طفلك الجنين من خلال لمس و جس جدار البطن حسب وضعيته..

فرصة أكبر للنجاة ! تكون فرصة وليد الشهر الثامن من الحمل في الحياة أكبر من تلك لمولود الشهر السابع , و كل ما يقال أن المولود في الشهر السابع "السبيعي" هو أفضل من الثامن غير صحيح !

ما هو طول و وزن الجنين في نهاية الشهر الثامن من الحمل ؟

يصبح طول الجنين في نهاية الشهر الثامن حوالي 42 سم , و وزن الجنين 1800 غرام ( أقل من 2 كغ بقليل ).





صورة وجه الجنين في الشهر الثامن بالتصوير ثلاثي الأبعاد

صورة الجنين في الرحم في نهاية الشهر الثامن*

ماذا سيحصل للأم الحامل من تغيرات خلال الشهر الثامن من الحمل ؟

تشعرين في هذا الشهر بسيطرة شعور الأمومة القوي

قد تصابين ببعض الصداع و الإعياء و ضيق النفس الخفيف ( الصداع الشديد غير وارد و يتطلب مراجعة الطبيب )..

قد يضطرب النوم عندك قليلاً بسبب ضغط و حجم البطن..

قد تشعرين بزيادة تقلصات الولادة الكاذبة و التي تسمى Braxton Hicks contractions , حيث يصبح الرحم خلالها صلباً للحظات ليعود طبيعياً , و ما يميزها عن التقلصات الحقيقية أنها غير مؤلمة...

قد تبدأ الصمغة (Colostrum* طلائع حليب الثدي ) بالسيلان من الثديين..

قد تشعرين بحس ضغط و شد أسفل البطن بسبب تمطط أربطة الحوض و الرحم

قد يحدث لديك إمساك , و عسر هضم , و حرقة في المعدة , و بعض الصداع , و لكن تخف الاقياءات و الغثيان

قد يظهر تورم خفيف في الكعبين عند الحامل في هذا الشهر , و كذلك في القدمين و الوجه و اليدين

قد تعاني بعض الحوامل من الدوالي في الساقين و من البواسير.. و ألم في الساقين و الظهر

قد تلاحظين زيادة مفرزات المهبل مع ميلها للون الأبيض قليلاً

يميل مزاج الحامل للتفكير بالرغبة بانتهاء الحمل و مشاهدة الطفل ! و الشعور بالأمومة ! ...

ماذا سيحصل للزوج الأب خلال الشهر الثامن من الحمل ؟

قد يصاب الزوج في الشهر الثامن " بأعراض الحمل عند الأب " من جديد* "Couvade " فقد يصاب بالاكتئاب , و الغثيان و التعب و زيادة الوزن , و يمكنك إقناعه بأنه لا يمكن أن يكون حامل ! و الأفضل له أن يبدأ بتحضير غرفة الطفل الجديد !

ماذا عليك أن تفعلي كأم حامل خلال الشهر الثامن من الحمل ؟

يجب زيارة طبيبة التوليد كل أسبوعين اعتباراً من بداية الشهر الثامن و ذلك لمراقبة الوزن و التوتر الشرياني و انتفاخ القدمين..و التحضير للولادة..

قد تقوم طبيبة التوليد بتصوير الجنين بالايكوغرافي و سماع دقات قلب الطفل الجنين و تخطيط تقلصات الرحم..

إجراء فحوص دموية : كالزمرة الدموية و عامل Rh للمرة الثانية ( يتم التأكد من زمرة الدم مرتان خلال الحمل )

التأكد من تحصينك و تلقيحك ضد الكزاز ...

إجراء فحص للبول : لكشف أي التهاب أو بروتين أو سكر في البول

الامتناع عن تناول الكحول و عن التدخين , فالكحول قد يسبب تشوه الجنين و حدوث متلازمة الطفل أو الجنين الكحولي , و التدخين خلال الحمل *يسبب نقص وزن الجنين و تعرضه لمشاكل تنفسية....

احذري من تناول أي دواء دون استشارة الطبيب حتى لو كان دواءً بسيطاً ( المزيد من المعلومات حول الأدوية خلال الحمل هنا )

تناولي الطعام المتوازن خاصة الغني بالفيتامينات و الكالسيوم و الحديد و التقليل من الكافئيين

عليك قراءة فوائد الإرضاع الوالدي و تحضير نفسك لذلك..

*أكثر الأمهات يحتجن لتناول حبوب الحديد بسبب تطور فقر الدم الحملي..

عليك البدء بتحضير طلب إجازة الأمومة إذا كنت تعملين لتتفرغي لطفلك ..

طرح ما ترينه ضرورياً من أسئلة تتعلق بالولادة و المخاض و التحضير لهما..