تجمع الحوامل اللاتي سيلدن بشهر ربيع الاول 1432 ‏

[نبض الشوووق]

السلام عليكم ورحمة الله وبركاته
حابه نسوي تجمع للي يولدون في شهر ربيع
ونبقي كل وحده تكتب للنا متى كانت لها اخر دوره ومتى حددو له انها تولد
وشنو تحس فيه الا والاعراض الى تشتكي منها
وشنهي الامراض مصاحبه لحملها
واتمنى انى ما ثقلت عليكم

[جولييت]

حلووووو يسلمووو ياقمر

انا اخر دوره لي 15/6/1431

والله يستر ويسهل علي وعليكم يارب

[نبض الشوووق]

يارب
بس ما حددو لج متى تولدين في اي شهر

[دف القمر]

انا اخر دورة 13 /7
الي احس فيه من الاعراض غثيان الم الضهر ورجولي كحة وبلغم
ولسا ماحددو متى اولد

[نبض الشوووق]

ما تشوووفين شر انا اخر دوره كانت 25 -5
بس الحين مريضه وفيني زكتم وكحه بس الى مبهدلني الالتهاب

[نبض الشوووق]

اذ اول يوم من دورتك تاريخ 13 بتولدين في
13+14 =27
7-3=4
بتولدين في ربيع الثاني في تاريخ 27
والله يتمم لج بي الخير

[سعودية الهوى]

هاااااااااي
أخباركم؟؟
انا اخر دوره لي جمادى اول27
الولاده ان شاء الله 13 ربيع

[دف القمر]

يارب اتمم لنا على خير ويسهل ويسسر امورنا
ويسلمو ياقلبي الله يعطيك العافيه

[rose soul]

انا بأذن الله بولد في ربيع الاول بس مادري جم بالضبط
بس آخر دورة لي بالميلادي 19-5-2010hwaml02

وانا الحين في شهر الخامس..

[غزاله شقرا]

السلام عليكم
انا آخر دورة 26_5_2010
ومن أهل الدمام
ودي أسولف معكم عن الحمل
في أحد موجود ألحين أدردش معه؟

[نبض الشوووق]

rose soul
تولدين في ربيع الاول تاريخ 18

[نبض الشوووق]

يعني بعدي بي 8 ايام

[غزاله شقرا]

كيفك نبض وكيف البيبي؟
إن شاء الله تمام

[نبض الشوووق]

تمام الحمدالله بس تعرفين تغير الجو يمرض
انتى كيفك
ها بشري عرفتي نوع الجنين ان شالله

[أم الشيخ خلودي]

ما تشوووفين شر انا اخر دوره كانت 25 -5
بس الحين مريضه وفيني زكتم وكحه بس الى مبهدلني الالتهاب

نفس التاريخ و الحاله hwaml16

[نبض الشوووق]

يعني بتولدين في ربيع الاول تاريخ 10
الله يقومك بسلامه

[نبض الشوووق]

ما تعالجتي عن الالتهاب وشنو عطك للتهاب

[rose soul]

rose soul
تولدين في ربيع الاول تاريخ 18
اووه مشكورةhwaml02

[أم الشيخ خلودي]

الله يتمم لنا يارب ..

[غزاله شقرا]

بنات انا اليوم موعدي عند دكتور الأسنان
وعطاني بنج
تتوقوعون يضر بالجنين

[rose soul]

انا لحين ماعرفت
ان شاء الله 7-10
راح اعرف
وانتو عرفتو ولا لحين؟؟

[غزاله شقرا]

لأ يافلبي لسه ماعرفت
والله دكتورتي قاهرتني موووووووووووووت
كل ماقلت لها صوريني تقول بدري
موعدي بعد إسبوعين إن شاء الله
وإنتي عرفتي؟

[نبض الشوووق]

اي الحمدالله عندي ولد والحين قالو لي بنوته
انا اتمنى تمر الشهور بسرعه علشان اولد احس زهقت بي الاحرى خايفه

[غزاله شقرا]

كروشات هذي أول حمله لكم ؟
انا عندي بنوته عمرها 3 سنوات
وإنتوا

[نبض الشوووق]

انا الحمدلله انا اتابع في خاص

[غزاله شقرا]

كم عمر ولدك نبض
الله يخليه لك إن شاء الله؟

[غزاله شقرا]

انا أتابع بالمواساه بالدمام

[أم الشيخ خلودي]

انا اول حمل لي دعواتكم

[نبض الشوووق]

عمره سنتين و9 شهور وقبله كنت مسقطه جيبته ولاده مبكره ترى بقيصريه

[rose soul]

اي انا اول حمل لي

[غزاله شقرا]

بنات حددتوا أسماء ولالسى للبيبيهات الجدد؟

[غزاله شقرا]

عمره سنتين و9 شهور وقبله كنت مسقطه جيبته ولاده مبكره ترى بقيصريه
يارب يتمم حملك هالمرة على خير إنتي وكل الكروشات وتكون ولاده طبيعيه للجميع

[نبض الشوووق]

بصراحه انا حددت بس عندنا اختلف في الاراء انا ابقيها بنين وزوجي يبقيها فضه

[نبض الشوووق]

الله كريم وان شالله ولاده طبيعي وان شالله في شهر التاسع

[غزاله شقرا]

حبيباتي
روز
وأم الشيخ خلوووووودي
يارب يسهل حملنا وولادتنا إن شاء الله

[غزاله شقرا]

انا إذا بنت روان وإذا ولد محمد
بس إدعوا لي يكون ولد نفسي بولد

[rose soul]

حبيباتي
روز
وأم الشيخ خلوووووودي
يارب يسهل حملنا وولادتنا إن شاء الله
ان شاء الله يااارب

[غزاله شقرا]

انا اموووووت في إسم خالد بس زوجي مو راضي يكون ابو خالد

[غزاله شقرا]

كروشات ما طمنتوني
البنج يأثر على الجنين
كان موعدي اليوم لطبيب الأسنان

[أم الشيخ خلودي]

انا اموووووت في إسم خالد بس زوجي مو راضي يكون ابو خالد

لاتقلدين <<< شدخلك خخخخ
انا من قبل اتزوج وهو يقولي خالد hwaml7

[غزاله شقرا]

نبض عندي طلب بليييييييييز
انا ما اعرف متى راح أول أقصد اليوم بالضبط
آخر دورة كانت في 26-5-2010

[أم الشيخ خلودي]

غزوله ماعندي خلفيه كان افدتك
طيب عندي سوعال ومنحرجه الافرازات البيضاء الثخينه اشوفها زايده علي
وماطلعت الا هذا الشهر وش سببها

[غزاله شقرا]

لاتقلدين <<< شدخلك خخخخ
انا من قبل اتزوج وهو يقولي خالد hwaml7
أدري ماراح يسمي خالد 100% واثقه
بس انا احب هذا الإسم

[غزاله شقرا]

غزوله ماعندي خلفيه كان افدتك
طيب عندي سوعال ومنحرجه الافرازات البيضاء الثخينه اشوفها زايده علي
وماطلعت الا هذا الشهر وش سببها
حبيبتي إذا كانت زي القطن ممكن تكون إلتهابات
بس انصحك راجعي عند اقرب موعد لدكتورتك
انتي من أهل الدمام؟

[نبض الشوووق]

غزاله ما فهمت عليج ابقي اول يوم نزلت في الدوره اخر دوره جات لج

[أم الشيخ خلودي]

قريبه من الدمام ..تعرفين النعيريه هناك بس من اهل الرياض وولادتي بتكون بالرياض

[غزاله شقرا]

غزاله ما فهمت عليج ابقي اول يوم نزلت في الدوره اخر دوره جات لج
أول يوم من آخر دوره
26_5_2010

[غزاله شقرا]

أعرفها الله يسهل علينا الولاده يااااااااارب
أم خلودي والله إني حبيت هذا التجمع
اول مرة اشوف تجمع فيه حماس

[غزاله شقرا]

rose وينك؟

[نبض الشوووق]

كانت بداية اول دوره لج في تاريخ 12-6 -1431
يعني 12+14=26
6-3=3
يعني تولدين في 26 ربيع اول

[غزاله شقرا]

أم خلودي إنتي بأي إسبوع أو بأي شهر الآن؟

[نبض الشوووق]

يعني انتى بعدي بي 16 يوم يعني اسبوعين وتولدين

[نبض الشوووق]

كانت بداية اول دوره لج في تاريخ 12-6 -1431
يعني 12+14=26
6-3=3
يعني تولدين في 26 ربيع اول

[غزاله شقرا]

كانت بداية اول دوره لج في تاريخ 12-6 -1431
يعني 12+14=26
6-3=3
يعني تولدين في 26 ربيع اول
مشكوووووووووووورة ياقلبو
على المجهودhwaml84

[نبض الشوووق]

ولوو العفووو
اتمنى انى افدتج بس

[غزاله شقرا]

نبض إنتي من الشرقيه؟

[غزاله شقرا]

بليييييييييييييييييييييييييييييييييييز حد يطمني عن البنج للأسنان

[نبض الشوووق]

اي من الشرقيه
البنج انا من رحت مستشفى خاص لى الاسنان قالت لي الدكتوره انه في بنج خاص للحوامل بس قالت لى لزم تقرير عن حالة الجنين بس انا سمعت انه ياثر على عقليت الجنين علشان كذا ما استخدمت البنج بس زوجة اخوي لا حشت اسنانها وهي حامل وعادي جابت احلى بنوته

[غزاله شقرا]

والله خوفتيني
انا قلت للدكتور اني حامل
بس إستخدم معي البنج
الله يستر

[غزاله شقرا]

اوكي كروشات انا بروح انام جالسه من الساعه 9 الصباح
أشوفكم بكرا على خير
بااااااااي
أقصد خروووووووووووووووج

[نبض الشوووق]

لا تخافين ولا شي اصلا الدكاتره ما تسوي شي يضر الحامل
الله وياج

[تقوي الله]

السلام عليكم ورحمة الله وبركاته
اخردورة كانت 28-6-1431هـ

متي ولادتي إن شاءالله

[ام ليان2002]

انا اخر دوره لي 23_5_1431
وتحددت ولادتي بشهر 3 يعني
8او9 _3

[ام ليان2002]

الي تمر وتعرف تحسب يا قلبي تحسبلي وووويسلموووو

[نبض الشوووق]

تقوي الله 28-6-1431هـ
28+14=42
6-3=3
تولدين في 12 في ربيع ثاني شهر 4

[نبض الشوووق]

ام ليان 23_5_1431
23+14=37
5-3=2
تولدين تاريخ 7 ربيع اول يعني شهر 3
قبلي بيومين تولدينانا تاريخ 10

[سعودية الهوى]

هاااااااي
اخباركم
في حد

[غزاله شقرا]

يس أنا موجوده
كيفك؟

[غزاله شقرا]

سعوديه آخر دورة لك كانت بأي يوم وأي شهر؟
اتوقع ان بيني وبينك يوم بس

[rose soul]

السلام عليكم
ما شاء الله
التجمع نشيط هووونيhwaml02

[غزاله شقرا]

هاي rose
فقدناكي أمس
إختفيتي فجأه

[rose soul]

هاي rose
فقدناكي أمس
إختفيتي فجأه
ههههه
اي رحت اتعشى وبعدها رقدت

[غزاله شقرا]

كروشات تغديتوا؟
توني جالسه من النوم
أحس من كبرت الكرشه وانا ما ارتاح بنومي

[غزاله شقرا]

انا دايم انام على بطني
بس البيبي ما يخليني دايم يرفس
يقول خنقتيني

[rose soul]

اي الحمد لله تغديت

انا بعد بتعودة انام على نص بطني هههههه
بس احاول اني ما انام على بطني
لأن من ينضغط بطني ..اتنفس بصعوبة

[غزاله شقرا]

كيفك نبض إن شاء الله بخير

[rose soul]

غزاله انا سابقتج بأسبوع بالضبط

بس تصدقين انا من دشيت الرابع والحين الخامس احس هالشهرين خفاف مروو علي

عكس ثلاثة الاشهر الاولى

[غزاله شقرا]

والله من الكسل مالي خلق اسوي غدا
أكلت خبز وجبن بس
الله يعين البيبي علي

[غزاله شقرا]

غزاله انا سابقتج بأسبوع بالضبط

بس تصدقين انا من دشيت الرابع والحين الخامس احس هالشهرين خفاف مروو علي

عكس ثلاثة الاشهر الاولى
حتى انا والله بس ما أدري
حتى الجنين ما يتحرك كثير
تخيلي حركة وحده باليوم بس
وإنتي كيف البيبي مع الحركة ؟
والله إني خايفه

[غزاله شقرا]

يس وااااااااااااااااااااااااوhwaml7
والله توني منتبهه إني دخلت الخاااااااااااامس hwaml87hwaml87
باركولي(دجه)خخخخخخخخخخخخخخخخ

[rose soul]

انا بعد ما اسوي غدى
كله نشتري جاهز
بس انتبهي لتغذيه..علشان الطفل يتغذى زين
انا لا ما شاء الله وايد يتحرك
خصوصا من دشيت الرابع
بس يقولون بعد يختلف على حسب نوع الجنين

[rose soul]

يس وااااااااااااااااااااااااوhwaml7
والله توني منتبهه إني دخلت الخاااااااااااامس hwaml87hwaml87
باركولي(دجه)خخخخخخخخخخخخخخخخ
ههههه
مبروك
عقبال التاسعhwaml02

[غزاله شقرا]

والله ياroseأمي دايم تقولي وجهك أصفر تغدي زين
وتعشي زين
بس الكسل ذابحني
ما طمنتيني على حركة الجنين؟
تتوقعين فيه حاجه؟

[rose soul]

لا ان شاء الله ما فيه شي
بس روحي المستشفى
علشان تتطمنين
انا اخليج الحين
اجوفكم على خير

[غزاله شقرا]

باي في أمان الله

[غزاله شقرا]

كروووووووووووووووووووووووووشات في أحد؟

[rose soul]

رجعناhwaml02

[غزاله شقرا]

مساء الخير rose
والله لك وحشه

[rose soul]

ما يوحشج غالي فديتج

[غزاله شقرا]

تعشيتي؟
(وحده جايعه )خخخخخخخخخخخخخخخخخخ

[سمسمه عمرو]

هاى
كيفكم يا حوامل
انا كان اول يوم بآخر دورة (7/5/2010م)
بالهجرى (23/5/1431هـ)
وحددوا لى موعد ولادة (11/2/2011م)
بالهجرى (7 ربيع الاول 1432هـ)

[rose soul]

اي الحمدلله ههههه
شكلج ما تاكلينhwaml02

[rose soul]

هلا سمسه
احنا بخير
وانتي؟؟

[غزاله شقرا]

كيفك سمسمه
الله يسهل ولادة الجميع

[غزاله شقرا]

بنات انا موعدي بعد إسبوعين
على شان أعرف جنس الجنين
أنا عندي بنوته
وودي أكون حامل بولد
إدعولي الله يرزقني بولد

[غزاله شقرا]

مع أن جميع الأعراض تقول حامل ببنت من أحلام وتأخر حركة الجنين والوحم وحتى الجدول الصيني
بس إن شاء الله يقولون ولد

[rose soul]

ان شاء الله يتحقق مرادج..وتكونين حامل بولد
شكبر بنتج؟؟الله يخليها لج؟؟

انا بعد تاريخ 7-10 بعرف شفيني

[غزاله شقرا]

مشكورة rose
عمرها 3 سنوات وإسمها رؤى

[غزاله شقرا]

شرايكم بالجدول الصيني؟

[rose soul]

بصراحة انا ما اثق فيه هههه مادري ليش
مع ان ناس تثق فيه ..لأن يضبط معاهم
وانتي شلون؟؟

[غزاله شقرا]

انا قالي بنت
بس إن شاء الله خطأ

[غزاله شقرا]

وإنتي تحسين فيكي بنت أو ولد
من سوالف الوحم والأحلام والجدول الصيني وغيره

[rose soul]

مادري في بداية الاشهر حسيت ان فيني ولد
بس الحين احساسي تغير يقول فيني بنت
والله العالم
وان شاء الله راح اعرف عما قريبhwaml02

[غزاله شقرا]

من أي ناحيه؟
قلتي ممكن ولد

[rose soul]

لان يقولون اللي حامل بولد ما يتغير شكلها
وشكل البطن بعد..وشعر بطني زاد
فقلت اكيد فيني ولد
ومن دشيت الرابع حسيت بالحركة
وكانت الحركة تحت..ويقلون اكثر الحركات في الاسفل بنت
والخط اللي في بطني مستقيم نازل من السر للأسفل

[غزاله شقرا]

طيب انا مافيني خط بطن بالمرة

[غزاله شقرا]

بس بصراحه الأعراض اللي كانت فيني في بنتي
نفسها على شان كذا انا أقول ممكن بنت
بس كنت بسألك
انا قالو لي ببداية حملي كيس من غير جنين
صار لك زي كذا هالمره

[rose soul]

ساعات يكون مو واضح
انا فيني خط خفيف كلش
لاحظته
لما قريت المعلومات عن الخط هههههههه
ويوم شفت بطني لاحظت ان فيني خط خخخخ
والعلم عند رب العالمين
انتظري لما يصير موعدك ولا تفكرين في هالامور من الحين
وكل اللي من عند رب العالمين نعمة

[غزاله شقرا]

الحمد الله على كل حال
أهم حاجه كمال الخلقه والصحه للجنين
وإن شاء الله تتسهل ولادتنا يارب

[غزاله شقرا]

انا إذا جبت بنت راح أسميها روان
وإذا ولد راح أسميه محمد
وإنتي

[rose soul]

الله يسمع منج يا رب

انا اذا ولد راح اسميه محمد(حمودي)
واذا بنت جود او نور

انا الحين اخليج بقوم اريح
حان وقت النوم
انشوفج على خير

[غزاله شقرا]

تصبحين على خير
باي أشوفك بكرا إن شاء الله

[غزاله شقرا]

كروشات في أحد؟
نبض كيفك وكيف البيبي؟

[غزاله شقرا]

خرووووووووووووووووووج

[نبض الشوووق]

هلا بنات
اخباركم

[غزاله شقرا]

باك
كيفك نبض؟
مختفيه اليوم

[دمعة موالية]

هلا اخباركم يا حوامل

[دمعة موالية]

فيه احد هووووون

[غزاله شقرا]

يس
كيفك دمعه؟

[غزاله شقرا]

دمعه مواليه هذا أول حمل لك ؟
يعني بكريه؟

[نبض الشوووق]

اخباركم
ادخل بس اشيك واطلع

[غزاله شقرا]

كيفك وكيف البيبي؟

[دمعة موالية]

اهلين اختي غزاله اخبارك ؟

انا مش بكريه

[غزاله شقرا]

دمعه انا عندي بنوته وإنتي؟
وهذا ثاني حمل لي؟
واتمنى من كل قلبي يكون ولد
وراح أعرف الجنس بعد إسبوعين

[دمعة موالية]

انا هذا الحمل الرابع لي
عند ي ولدين وبنت
اخذت سونار من اسبوعين وقالت لي ولد

[دمعة موالية]

الله يرزقك يارب بالولد الصالح وتفرحين فيه يارب

[دمعة موالية]

مافي احد هووون

[دمعة موالية]

وينك اخت غزاله طلعتي والا

[غزاله شقرا]

آسفه موجوده

[غزاله شقرا]

بس رحت أشوف بنتي

[غزاله شقرا]

مشكورة حبيبتي دمعه
انا اسم بنتي رؤى

[دمعة موالية]

الله يخليها لك يارب وتشوفينها عروووووووس

[غزاله شقرا]

الله يسلمك يارب وتفرحين بعيالك كلهم ويسعدك معهم
عمر بنتي 3 سنوات وإنتي؟

[دمعة موالية]

انا اصغر شي عندي البنوته الله يحفظها عمرها سنه وعشره شهور

حملت عليها بسرعه مسكينه

[غزاله شقرا]

العمر كله إن شاء الله
انا من الدمام أراجع بالمواساه إنتي من وين؟

[دمعة موالية]

انا ساكنه بالدمام بس اراجع في الحسا

في مستشفى الملحم

[غزاله شقرا]

انا احس ان فيني بنت لأن الوحم نفس الوحم ما تغير
والأحلام مرة تقول ولد ومرة تقول بنت
بس إشاء الله يكون ولد
إذا ولد راح أسميه محمد أما إذا بنت راح أسميها روان

[دمعة موالية]

حمل البنت يختلف عن حمل الولد

طبعا البنت تكونين ثقيله من اول شهر الو لد لا تكونين خفيفه

الله يهون عليك وينولك اللي في بالك يارب

[غزاله شقرا]

إنتي تحسين الحمل بالبنت غير الولد؟
عطيني من خبرتك

[غزاله شقرا]

تعتقدين الأحلام لها علاقه؟

[دمعة موالية]

بس لو تجيبين بنت زين علشان ما تظل بنتك لحالها تزهق

[غزاله شقرا]

انا حملي ببنتي في الأشهر الثلاث الأخيره
ذبحتني الحموضه

[غزاله شقرا]

صدقتي حتى تكون قريبه معها بالعمر
لأني أحاول انظم مسألت الحمل ما ودي يكونون ورى بعض

[دمعة موالية]

اي انا عندي تختلف اختلاف كلي

بالبنت كرهت كل شي بالاولاد لا عادي ما كرهت شي النسية تكون خفيفه حييييل

بالبنت تلعوزت بالنساة

[غزاله شقرا]

صدقتي والله الله أعلم والله إني أعد الايام على شان أعرف
أحس ماعندي صبر

[دمعة موالية]

لا الحموضه تجي عادي للحوامل لان يكون الجنين ضاغط على المعده

طبعا كلام الدكتوره

[غزاله شقرا]

حددتي إسم للبيبي ولا لسى؟

[غزاله شقرا]

يعني الحموضه تجي للحامل بالولد والبنت
انا أعرف ان البنت بس لأنها تكون فوق
اما الولد يكون تحت
والله أعلم

[دمعة موالية]

الدكتوره اللي تعالجين عندها زينه والا

لان انا ابي اراجع في الدمام بس يقولون مافيه دكاتره زينه

واظطر اني افتح لي ملف بالحسا

[دمعة موالية]

لالا الحموضة تجي للجميع اختي الحين حامل بولد وميته من الحموضه مسكينه

[غزاله شقرا]

انا أول مرة أراجع بالواساه بس سألت عن الدكتورة قالو لي كويسه
أسمها نجوى إستشاريه

[غزاله شقرا]

الله يعين إختك ويسهل ولادتها وولادتنا وجميع الكرووووووووووشات يارب

[دمعة موالية]

اي زي ما قلت لك الولد تكون النساة اخف

وتكونين خفيفه ما كانك حامل اما البنت عكس

[دمعة موالية]

انا لسه ماحدت اسم للبيبي محتاره حيييل

[غزاله شقرا]

آسف إنسخ الكلام بالخطأ بالنسبه للنساة

[غزاله شقرا]

الله يعين إختك ويسهل ولادتها وولادتنا وجميع الكرووووووووووشات يارب

[غزاله شقرا]

إنتي ودك تراجعين بالمواساه من جد اسهل لك لأنك ساكنه بالدمام
تخيلي كل موعد راح تضربين مشوار للحسا

[دمعة موالية]

اي صج مشوار بس تعودت على دكتورتي

[أم ماهر]

هااااااااي كروشات شو الاخبار

انا اخر دوره عندي 18ــ 6ــ1431هـ
ومدري متى موعد ولادتي يارب بشهر ربيع الاول

احسبو لي جزاكم الله خير

احزن *ــ*

[دمعة موالية]

بالنسبه للاسعار مناسبه عندهم مثلا السونار بكم

في الملحم ب200

[دمعة موالية]

اهلين ام ماهر ولادتك راح تكون احتمال والله اعلم في 6 ربيع ثاني

[غزاله شقرا]

والله انا ما أعرف يادمعه لأني تحت التأمين
وكيفك حبيبتي أم ماهر وهل هذا أول حمل لك؟
بالنسبه للحساب ما أعرف أحسب موعد الولاده

[دمعة موالية]

ام ماهر انتي بكرية والا ؟

[أم ماهر]

مشكوره يادمعه والله يخليلك اولادك ويبرون فيك يارب

كيف اسوي توقيع زي توقيعك ياعسل

[دمعة موالية]

اها زين بشوف اجرب اروح زياره لدكتوره اذا ارتحت لها نكمل معها باقي شهور الحمل

[أم ماهر]

هلا والله بغزاله تمام انتي كيفك

لا مش اول حمل

ثالث حمل لي

[غزاله شقرا]

ام ماهر تقدرين تسوين التوقيع
عن طريق قوقل تكتبين طريقة عمل شريط الحمل بالصور

[غزاله شقرا]

طيب يا أم ماهر عرفتي جنس البيبي؟

[دمعة موالية]

انا ما اعرف اسوي توقيع اذا اخت غزاله تقدر تساعدك انا اختي مسويته لي

[أم ماهر]

مشكوره حبيبة قلبي غزاله

[أم ماهر]

لا انا ماابغى اعرف غير في الشهر الثامن

اعرف انه صعب بس راح اصبر ان شاءالله
واتمنى ان بنت وانتي؟

[غزاله شقرا]

أم ماهر هذا الموقع لعمل التوقيع

http://tickers.baby-gaga.com

[غزاله شقرا]

انا بعد إسبوعين راح أعرف
وإن شاء الله يارب يكون ولد لأن عندي بنت
متلهفه مووووووووووووووووت على شان أعرف ولد ولا بنت

[دمعة موالية]

غزاله وين ساكنه بالدمام اي حي

[أم ماهر]

يابعد عمري ياغزوله لاعدمتك والله والله يرزقك بالولد الصالح امين

[غزاله شقرا]

بالعنود وإنتي؟

[دمعة موالية]

الله يرزقك بالولد الصالح

بس بسالك تحرك البيبي والا لسه

[دمعة موالية]

انا ساكنه في حي الكوثر

[غزاله شقرا]

تحرك من إسبوعين وحركة وحده بس باليوم تخيلي
أحس ان البيبي فيه حاجه
ولا يتحرك إلا لما أنام على بطني

[غزاله شقرا]

أم ماهر تراجعين بأي مستشفى؟

[غزاله شقرا]

أنا إختي تقول لي ما دام البيبي ما تحرك إلا متأخر وحركته مرة قليله
معناها إنك حامل ببنت
ولا إنت إيش رايك يا أم ماهر ويا دمعه مواليه
صح كلامها مدام عندكم تجارب قبل كذا

[أم ماهر]

انا اول حمل لي وثاني حمل كانو اولاد وكلهم تحركو بدري على خفيف
بس بالاشهر الاخير يصحوني من النوم من كثر حركتهم

غزوله انتي باااي شهر

[غزاله شقرا]

انا ببدايه الخامس
يعني بنت زي ما تقول إختي

[أم ماهر]

انا مارجعة غير الشهر هذا بالمواساه بالمدينه

لاني ماكنت عارفه اني حامل غير متاخر

[دمعة موالية]

اي فعلا البنت تتحرك في نهاية الخامس

اما الولد يتحرك قبل بداية الرابع كذا

[غزاله شقرا]

طيب تحركوا من الثالث أو الشهر الرابع
يا دمعه إنتي إيش رايك؟
بنت ولا ولد؟

[غزاله شقرا]

خلاص أجل بنت ما يحتاج تصوير
خخخخخخخخخخخخخخخخخخخخخخخ
بس إذا صورت أخبركم
والله يكتب لي إللي فيه الصالح إن شاء الله

[غزاله شقرا]

انا مارجعة غير الشهر هذا بالمواساه بالمدينه

لاني ماكنت عارفه اني حامل غير متاخر
شكلك كنتي تمنعين وإنصدمتي بعدين بخبر الحمل
صح

[أم ماهر]

انا اول ولد لي تحرك بنهاية الرابع وثاني ولد ببداية الخامس
واسمحيلي الكلام اللي يقلونه كله خرفات وخصوصآ الجدول الصيني

لاتصدقين الكلام اللي يقلون وكل من الله حلو كلها كم يوم وراح تعرفين ولاتنسين تبشريني

[دمعة موالية]

شوفي ترى الحمل في العوائل يختلف

لاتاخذين على كلامي استني اسبوعين وشوفي ايش تقول لك الدكتوره

والله يصبرك يارب

[غزاله شقرا]

والله لأبشركم إنتظروني في 11_10_2010
موعدي المتظر

[دمعة موالية]

عدل كلام اختي ام ماهر

[أم ماهر]

ااااااااه صدمه وبس

بقولك قصتي انا تاخرة الدوره سويت تحاليل ماطلع شي
سافرة الطائف وتعرفين الطريق مع جبال الهداء
ونروح الحديقه ولعب تخيلي ركبت قطار الموت والعاااب مره تخوف
ورحنى من الطائف لمكه واعتمرت نخيلي من الفندق للحرم مشي والطواف والسعي واسواق
ورجعة المدينه وامي شافتني قالت انتي اكيد حامل وسويت تحليل وانصدمت اني حامل وعندي ولد عمره اقل من سنه
اسفه طولت السالفه وهي قصيره ههههههههههههههههههههههه

[غزاله شقرا]

ام ماهر تراجعين بالمواساه بالدمام
مافهمت قصدك؟
إذا بالدمام عند أي دكتورة
أنا عند نجوى

[غزاله شقرا]

لا والله ياقلبي ياأم ماهر
أكتشفت إنك مثلي
بأشياء كثيييييييرة

[غزاله شقرا]

الأشياء المشتركة بين أم ماهر وغزوله:
1-صدمة الحمل (بعد المنع)
2- حب الأالعاب الخطرة وأهمها (قطار الموت)
3-الذهاب إلى العمرة وأداء العمرة وهي حامل قبل معرفة الحمل
من جد أشياء مشتركه
انا كنت أمنع وإنصدمت بالحمل بعد ما جيت من العمره

[أم ماهر]

انا اراجع بالمواساه بالمدينه المنوره

انا كان عندي ولد اللي هو البكر توفى بعد ولادته بسنه ونص
والحين عندي ولد الله يحفظه له 11شهر وانتي ياغزوله ودمعه؟

[دمعة موالية]

الله يكون بالعون
صج صدمه مثل ما انا انصدمت هالمره

[غزاله شقرا]

الأشياء المشتركة بين أم ماهر وغزوله:
1-صدمة الحمل (بعد المنع)
2- حب الأالعاب الخطرة وأهمها (قطار الموت)
3-الذهاب إلى العمرة وأداء العمرة وهي حامل قبل معرفة الحمل
من جد أشياء مشتركه
انا كنت أمنع وإنصدمت بالحمل بعد ما جيت من العمره

[أم ماهر]

سبحان الله من جد اشياء مشتركه

والله احيانآ امسك الدبدوب واحطه ببطني اسوي نفسي بطني كبير اشوف ولدي وش يسوي
يجي ويجلس على بطني على باله كنبه هههههههههه زوجي غير يضحك منه

[غزاله شقرا]

كروووووووووووووشات جميع الحوامل بالخطأ
يعني حمل مع المنع
أم ماهر ودمعه مواليه وغزوله
هههههههههههههههههههههههههههههههههههههههههههههههههه
خخخخخخخخخخخخخخخخخخخخخخخخخخخخخخخخخخخخخخخخخخخ
موطبيعي والله

[دمعة موالية]

انا عندي ولدين وبنت

الله يرحمه ولدك شنهو سبب وفاته ؟

[غزاله شقرا]

انا عندي بنت عمرها 3 سنوات الله يحفظها
ويحفظ أطفالكم يارب
ويتمم حمل الجميييييييع بسهل ويسر ياااااااااااااااارب

[أم ماهر]

الله يخليهم لك وماتشفين فيهم مكروه

حسبي الله ونعم والوكيل توفى سبب عين وماعرف غير متاخر

بعد ماتعذب وذاق الموت وهو حي بس رحمة ربي فوق كل شي

[غزاله شقرا]

ياقلبي الله يصبر قلبك والله فقد الطفل صعب
والله يعوض عليكي وإن شاء الله يكون شفيع لك
يوم الحساب يارب

[أم ماهر]

ولدي اللي مات اسمه زياد
ولدي هذا اسمه ماهر
واذا جبت بنوته ناويه اسميها اسيل

وانتم كروشات؟

[أم ماهر]

امييييييييييييييين

[غزاله شقرا]

انا بنتي إسمها رؤى
وإن شاء الله إذا جبت ولد راح أسميه محمد
وإذا بنت روان

[أم ماهر]

بسالكن الحكه برجولي جننتني هل هي عاديه اول مره تصير لي بالحمل

[دمعة موالية]

ماشاء الله اسماء اعيالك حلوين الله يخليهم يارب

وتفرحين فيهم وماتشوفين فيهم مكروه

[غزاله شقرا]

بالنسبه للحكه انا تجيني بعض الأحيان حكه بس موكثير تجي وتروح
بس ما أدري إذ اطبيعي ولا لأ

[دمعة موالية]

الله يعينك على الحكه بتستمر معاك لين الولاده

الله يصبرك يارب

بس روحي المستشفى تعطيك مسكنات لها بس ترى ماتخف

[غزاله شقرا]

دمعه إنتي ولدك بالروضه أو المدرسه

[أم ماهر]

ربينا يسمع منك
من بؤاك لباب السماء
وانتي كمان اسم رؤى مره جنان

وحمودي بعد بس حمودي متواجد عندنا بكثره خاصه حمودي وخلودي

[دمعة موالية]

انا ولدي الكبير في ثالث ابتدائي
والثاني سه احتمال ادخله الروضه السنه هذي

[غزاله شقرا]

دمعه أي روضه راح تودينه ودي أودي بنتي بس خايفه

[غزاله شقرا]

وكم عمر ولدك انا بنتي 3سنوات أوديها ولا لسه بدري

[دمعة موالية]

انا ودي بروضه غريبه عندنا في الحي في مدارس التهذيب

بس لسه بنتك صغيره على الروضه حرام

[دمعة موالية]

انا ولدي عمره 5 سنوات و9 شهور المفروض السنه مدرسه

بس ماقبلوه حرام بتروح عليه سنه

[غزاله شقرا]

طيب يعني بدري على بنتي

[غزاله شقرا]

عنك جلسه الصباح يا دمعه على الشان المدرسه والروضه
أجل ليش سهرانه؟

[أم ماهر]

سورررررري الاتصال انفصل وربي اني سعيده بمعرفتي فيكم ياعسولات
والله يتتم لنا على خير وينوي كل وحده اللي ببالها

ولاتنسين تخبرينا ياغزوله بعد اسبوعين بدخل بخيزرانتي علشانك هههههههههههههههههههههه

[غزاله شقرا]

أم ماهر وينك نمتي ؟
ولا ماهر جلس

[غزاله شقرا]

ههههههههههههههههههههههههههههه
والله راح اخبركم حتى إذا ما لقيت كم راح أرسل على الخاص
بس إدعوالي بالولد كامل الخلقه السليم المعافى يارب

[أم ماهر]

يارب ياكريم ترزق اختنا غزوله الولد المعافا الصالح كامل الخلق

امييييييييييييييييين ومراح انساك من دعائي في الصلاه

وادعولي اجيب بنوته حلوه مثلكم

[غزاله شقرا]

إن شاء الله راح ادعوا لي ولك يا أم ماهر بعد صلاة الفجر ان شاء الله ما بقى عليها حاجه

[دمعة موالية]

انا زوجي مدرس وياخذ ولده معه المدرسه

ويمشي مبكر للمدرسه خمس ونص لانها مشوار في صفوى

علشان كذا اسهر بعد مايمشون انام

[غزاله شقرا]

أم ماهر مهوووور الحلو نايم ولا جالس؟
وأبو ماهر نايم؟خخخخخخخخخخخخ وتاركته لحاله مسكين
انا بنتي جالسه سهرانه معاي
اما ابوها نايم

[دمعة موالية]

الله يرزقك ياغزوله باحلى حمودي بالدنيا

[غزاله شقرا]

دمعه انا زوجي دوامه طويل يداوم من الساعه 7 إلى الساعه 4 العصر
وانا أجلس لحالي طفشانه وطول ما أهو بالدوام أستغل الوقت للنوم

[غزاله شقرا]

الله يرزقك ياغزوله باحلى حمودي بالدنيا
مشكورة ياقلبي الله يخليكي إن شاء الله

[أم ماهر]

افااااا من بدري نومت مهوررررري

ونومت ابوماهر وبعدين دخلت النت شفت الجمعه الحلوه عساني منحرم منها

ههههههههههههههههههه خجلتيني ^ــ^

[غزاله شقرا]

دمعه أجل تجهزين لهم الفطور بعدين تنامين
ويرجع زوجك الساعه كم البيت؟
ومتى تجلسين على شان الغدا؟

[غزاله شقرا]

افااااا من بدري نومت مهوررررري

ونومت ابوماهر وبعدين دخلت النت شفت الجمعه الحلوه عساني منحرم منها

ههههههههههههههههههه خجلتيني ^ــ^
خخخخخخخخخخخخخخخخخخخخخخخخخخخخخخخخخخخخخخخخخ
متعمده
وزوجك دوامه من كم إلى كم؟؟

[دمعة موالية]

انا اسهر ويجي مسكين حتى غداء ماسويت له

يجي هو وولده ويكملون معنا في النوم

بعدين اجلس واسوي الغداء على الراحه

[غزاله شقرا]

دمعه يجي بدري
تقريبا الساعه كم؟

[غزاله شقرا]

انا والله أطفش لحالي أتغدى والله إني ما أسوي غدا لأن أهو يتغدى بالدوام
وانا أكره أتغدى لحالي
وانا وبنتي على نواشف
اليوم والله ما تغديت غير خبز وجبن
مالي خلق اطبخ وآكل لحالي

[دمعة موالية]

انا زوجي مايفطر ابدا

وولدي مايبي الا كورن فليكس

مريحيني هههههههههههه

[أم ماهر]

دوام زوجي من الساعه 9 الـ الساعه 2 والصحى الساعه 1 اسوي الغداء
واذا تغدينى كملت نوم

وانتي

[دمعة موالية]

زوجي يجي الساعه 12 ونص تقريبا لانه مدرس ابتدائي

[نبض الشوووق]

هلا
البنات مجتمعين
نقول صباح الخير

[غزاله شقرا]

يس ياصباح النور يانبض نورتي التجمع

[أم ماهر]

هلا هلا واحلى صينية حلى لااحلى نبض

صباح النور والسرور صباحوووووو

[غزاله شقرا]

ام ماهر عطي نبض موعد آخر دورة تقدر تعطيكي موعد الولاده
هي اللي طلعت لي موعد ولادتي

[نبض الشوووق]

منور بي وجودكم
اخباركم
اذ على الطبخ انا مستانسه حدي لانه لي 4 ايام ما اطبخ لانه زوجي رايح للدمام

[دمعة موالية]

اهلين نبض صباااااااااح الخيرات على قلبك

[نبض الشوووق]

هلا ام ماهر ضيفه جديده عندنا في تجمع

[غزاله شقرا]

إنتي إذا زوج سافر يانبض تروحين عند أهلك؟

[نبض الشوووق]

والله ما ابقيها على قلبي ابقيها على معدتي هههه

وتسلمين

[نبض الشوووق]

لا انا اصلا شقتي عند اهلي يعني ساكنه شقه في بيت اهلي