تجمع الحوامل اللاتي سيلدن بشهر ربيع الاول 1432 ‏

[أم ماهر]

هلا والله نبض بليزز احسبي موعد ولادتي

اخر دوره 18ــ6ــ1431هـ
جزاكي الله خير

[غزاله شقرا]

كروشات أنا راح أسوي بكرا غدا معكرونه بالدجاج(وحده تفكر في الأكل شكلها جايعه)
خخخخخخخخخخخخخخ
وإنتوا فكرتوا ولا أفكر لكم؟

[دمعة موالية]

انا امس غداي معكرونة

اليوم احتمال نطلع نتغدى بره

[نبض الشوووق]

تامرين امر يا ام ماهر
18ــ6 ــ1431هـ
18+14=32
6-3=3
يعني بتولدين في تاريخ 2 ربيع ثاني

[نبض الشوووق]

انا شايله تفكير في الغدى ابو الشباب مو وياي

[أم ماهر]

يلا كل وحده تقول وش توحمت عليه
انا اول حمل على الفراوله..
ثاني حمل كنت اموت على الغبااااااار كانت اخلي زوجي يطلعني بالبر ويفحط قدامي علشان اشم الغبارهههههههههههه الله لاشماته
وبحملي هذا اموت على شي اسمه ورق عنب

وانتم؟

[أم ماهر]

مشكوره حبيبتي جزاي الله خير وجعله في موازين حسناتك ياعسوله

انا ناويه اسوي مقلوبه اليوم باذن الله

[نبض الشوووق]

انا الاول اي شي احبه واشتهيه اكله لزم ارجعه
وكان قبل ما احلل انى حامل اشتهيت جباتي حتى زوجي قال لي من وين اجيبه لج قلت له دور لي بوفية هنود وجبه
اما هذا حملي قبل ما احلل اشتهيت سنكرس وكل ساعه اشتهي شي بس غير الاول بسرعه تعافه نفسي

[نبض الشوووق]

ولو ما سوينا شي يا ام ماهر لو تبقين بعد اسوي لج توقيع الشريط من عيونى

[دمعة موالية]

انا عادي ماتوحم على شي معين
بس احب اكل حلى كثيييييييييييير

[غزاله شقرا]

انا بحملي ببنتي على البابايا فاكهه لونها برتقالي وصرت مدمنه على كيك الشكولاته إللي يكون خليط كيك جاهز وإحنا نطبخه كنت آكله يوميا ولا أمل
اما في حمل هذا توحمت على (الصبار)أويسمونه تمر هندي حااااااااامض موت وكرهت السمك مووووووووت ما أطيق ريحت السمك ولا آكله بس الحين عادي

[غزاله شقرا]

أم ماهر كيف تسوين المقلوبه(داخله عرض)؟
من جد ودي أعرف

[نبض الشوووق]

انا سمعت يقللوون الى تتوحم على الموالح والحمضيات تكون حامل بي ولد اما احلى تكون بنت

[أم ماهر]

متقصرين يابعد عمري يانبض

[نبض الشوووق]

كم اعمار اطفالكم الى حاملين عليهم
انا محمد عمره سنتين و9شهور

[غزاله شقرا]

انا أحس صدق بنتي على حلى
بس كروشات عن إذنكم بروح أصلي وأرجع لا تروحون بعيد
راااااااااااجعه
قلت راجعه
ههههههههههههههههههههههههههه

[نبض الشوووق]

وانا بعد راجعه وتقبل مقدما

[أم ماهر]

طريقه المقلوبه اسلق الرز مع الملح وزيت
واقطع البطاطس حلقات والطماطم والبصل والبيذنجان واي خضره عندك
وبعدين تقلين البطاطس نص استوى وتحطينها بقدر والبيذنجان نص استوى وتحطينها فوق البطاطس والخضره اللي موجوده عندك
وبعدوبعدين البصل تقلينه وتحطينه على الخضره اللي بالقدر وتحطين الطماطم بدون قلي وتصفين الرز بس لاتخلين الرز مستوي وتخلطين الرز على الخضره اللي بالقدر لا تقلبينه وخطي عليه ربع ساعه وبالعافيه

[دمعة موالية]

انا عادي بالبنت والولد اكلت حلا

بس هالمره اخف من كل مره في الحلى

[دمعة موالية]

تسلمين يا ام ماهر على هالمقلوبه الحلوه

جااااااااري التنفيذ

عن اذنكم انا الحين بطلع اصلي

واجلس زوجي

[غزاله شقرا]

بس لاتخلين الرز مستوي وتخلطين الرز على الخضره اللي بالقدر لا تقلبينه وخطي عليه ربع ساعه وبالعافيه
يعطيكي ألف عافية على الطريقه بس ياقلبي اصف الخضرة فوق بعض وبعدين احط الرز فوقه بدون ما اخلط الرز مع الخضره صح وما أحط بهار مع الخضره

[نبض الشوووق]

يالله بنات بقوووم انيم اولدي وبنام بس ابقي اعرف متى بدخلووون

[غزاله شقرا]

انا والله وقت ما أجلس بس ودي نتواعد ممكن المغرب

[أم ماهر]

ربي يسلمك يادمعه

وتقبل الله وانا كمان طالعه اشوفكم على خير احبكم ربي يحفظكم

[غزاله شقرا]

نبض بس سؤال إنتي عندك ولد والحين هذا ثاني حمل لك ؟
عرفتي جنس البيبي ولا لسه
وودك يكون بنت ولا ولد

[دمعة موالية]

يالله مع الف سلامه اشوفكم في السهره القادمه

بااااااااااااااااااااااااااااي

[أم ماهر]

شي اكيد بعد ماتصفين الخضار تتبلينه بالبهرات المشكله وبعدين تحطين الرز

اشوفكم المغرب باااااااي عسولات

[غزاله شقرا]

لحظه ام ماهر
كما وعدتك طلبت لك بعد صلاة الفجر أن الله يرزقك ببنت والله يرزقني بولد
إن شاء الله تستجاب

[غزاله شقرا]

خروووووووووووووووووووووووووووج
بروح انام

[منتهى أحلامي]

وينكhwaml87 ام ماهر
ارسلت لك رسالة على الخاص من كم يوم ياليت لو تقدري تردي على
ولك جزيل الشكر
وآسف على الازعاج
انا بانتظار ردك
والله يوفقك

[rose soul]

صباحكم عسل..

[ابتسم وبداخلي مليون طعنه]

صباح الخير
كيفكم يالغوالي
حركاااااااااااااااااااااااااات تجمع اول مره اشوفه وناسه hwaml30
بس متى تجتمعون ؟؟hwaml87
اهم شئ ما يكون العصر او المغرب الان وقت جلست القهوه مع ابو شباب hwaml68 ومغرب وقت تلفزيون مع عائلتي الصغيرهhwaml36
نفسي اسولف معكمhwaml80

[ابتسم وبداخلي مليون طعنه]

كيفكم
منتهى أحلامي
rose soul
وكيف الحمل معكم اتمنى ما خرجتم بروح ابخر البيت وارجع ان شاء الله احصلكم موجودين هذا اذا ولدي ما صحىhwaml15

[rose soul]

هلا انا الحمدلله بخير

[جروح المشاعر]

بنااااات اخر دورة لي في 17-6 وحددولي في 2ربيع الاول والله يسهل علينا على خير
بداية حملي تعبت كثير كان معي نزيف وانذار اجهاض بس الحمدالله ربي لطف فيني
والله يهون علينا يارب

[ابتسم وبداخلي مليون طعنه]

هلا انا الحمدلله بخير
دووووووووووووووووم لك الصحه وعافيه يارب

[ابتسم وبداخلي مليون طعنه]

بنااااات اخر دورة لي في 17-6 وحددولي في 2ربيع الاول والله يسهل علينا على خير
بداية حملي تعبت كثير كان معي نزيف وانذار اجهاض بس الحمدالله ربي لطف فيني
والله يهون علينا يارب

الحمد الله عدت 3 شهور على خير الحمد الله على لطفه لك و الله يتمم لك الحمل وتفرحين بشوفته يارب انتبهي لنفسك

[كلي امل وتفاؤل]

هلا بكم ياحوامل
بليييز احسبوا لي متى اولد
اخر دورة لي كانت 25_7_1431ه
ارجوكم بسرعة افيدوني متى تاريخ ولادتي على خير

[نبض الشوووق]

هلا بيكم جروح المشاعر
بتكون ولدتج ان شالله في تاريخ
17+14=31
و6-3=3
تاريخ 1 في شهر ربيع الثاني ياحظي مو اول

[نبض الشوووق]

كلي امل
ان شاله ولدتك بتكون في
25_7_1431ه
25+14=39
7-3=4
يعنى ولدتك بتكون في 9 في جمادى الاول

[دمعة موالية]

هاي حوامل في حدا هووووون

[أم ماهر]

هااااي كروشات كيفكم اليوم ان شاءالله تمام

مساءالخير دمعه

[أم ماهر]

وينك دمعه ؟؟

[نبض الشوووق]

هلا
حريم وينكم واخباركم

[أم ماهر]

هلاوغلا بنبض

كيفك مساء الخيرات

[أم ماهر]

نبض ممكن مساعده حبيبتي اذا ماعليك امر

[غزاله شقرا]

مساء الخير
على أحلى كروووووووووووووشات
دمعه مواليه ونبض وأم ماهر
والله ولهت عليكم

[غزاله شقرا]

كيفكم حبيباتي roseو أبتسم وبداخلي مليون طعنه
وكيف البيبيهات موجووووووووووودين ولا طلعتوا

[غزاله شقرا]

كروشات وينكم؟
خلاص نمنا وتغدينا وجلسنا
يلا صحصحوا

[أم ماهر]

هلا غزوله مساء الخييييييييير وانتي كمان لك وحشه

[غزاله شقرا]

أم ماهر زي ماوعدتك
أمس عند صلاة الفجر طلبت لك بالبنت
وانا بالولد
وتسهيل الولاده

[أم ماهر]

يابعد عمري وانا نفس الشي

وين الكروشات ؟؟

[غزاله شقرا]

ما أدري شكلهم مشغولين؟

[غزاله شقرا]

شخبار المقلوبه تمام

[غزاله شقرا]

انا عملت معكرونه بالدجاج
وشوربة شوفان

[أم ماهر]

تماام التمام

وازي بنتك ان شاء الله منيحه؟؟

[غزاله شقرا]

الحمد الله بس حرارتها اليوم مرتفعه
ما أدري من إيش؟
وعطيتها فيفادول

[أم ماهر]

اكيد من تغير الجو او برد
انا اليوم تحت البطانيه وارتجف من البرد
ماتشوف شر ياقلبي عليها وكيفها الحين

[غزاله شقرا]

الحمد الله بعد الفيفادول إنخفظت
بس أخاف ترجع ترتفع مرة ثانيه

[غزاله شقرا]

رديت على موضوع لسمسمه عن تحديد جنس الجنين
تعطينها عمرك وآخر دوره لك
وتقولك أعتقد انها تعتمد على الجدول الصيني
شرايك تتشتركي فيه
أرس الرابط

[أم ماهر]

غزوله وين احصله الموضوع

[غزاله شقرا]

دقيقه
أجيب لك الرابط

[غزاله شقرا]

في منتدى أعراض الحمل والوحام
العنوان(توقعاتي لجنس الجنين إللي ببطنك بعد إرادة الله)
لسمسمه

[غزاله شقرا]

جربي وقولي لي إيش طلع معك
انا قالت لي بنوته
والعلم عند الله

[أم ماهر]

رديت وكتبت لها مشكوره ياغزوله

[غزاله شقرا]

تتوقعين إذا ولدنا راح يكون شتاء ولا صيف

[غزاله شقرا]

عادي ياقلبي ما سويت حاجه

[أم ماهر]

هذا اللي محيرني وخايفه منه
اخاف يكون شتاء وانتي وش توقعاتك

[غزاله شقرا]

اتوقع الجو راح يكون كويس يعني ربيعي
إن شاء الله يارب مالي خلق الشتاء مع البيبي حرام

[غزاله شقرا]

أم ماهر وين التوقيع؟

[أم ماهر]

كيف حركة الجنين عندك مازادت

[أم ماهر]

شفتي الموضوع حليب الاطفال بالخنافس حسبي الله عليهم

[غزاله شقرا]

يس
الله يلعنهم والله إني إستخدمته لبنتي
حسبي الله عليهم

[غزاله شقرا]

لسى ياقلبي الحركه زي ما هي مايتحرك إلا إذا نمت على بطني
إن شاء الله ما يكون فيه حاجه
انا قرات بعض المواضيع
أن لازم الأم تحسب بما لايقل عن 10 حركات للطفل باليوم
أحس من جد خايف

[أم ماهر]

انا شفته بالجريده وشفته بالــtv
وكنت ناويه انزله موضوع هنا بس قلت ماني متاكده

[أم ماهر]

تحصلينه يتحرك كثير بس على حسب حجم الجنين اذا كان كبير تحسين بكل حركاته
واذا صغير تحصلينه يتحرك بس ماتحسين فيها

[غزاله شقرا]

في وحده نزلته هنا الله يجزاها خير
كل ما فكرت إني إستعمله لبنتي إنقهر وأدعي عليهمhwaml4

[غزاله شقرا]

إن شاء الله بسأل الدكتوره في موعدي
ويارب تطمني

[غزاله شقرا]

باي ياقلبي أم ماهر
بروح أجهز نفسي وبنتي بروح بيت أهلي
من زمان ما شفتهم
خرووووووووووووج

[أم ماهر]

بااااااي وانا كمان طالعه

[غزاله شقرا]

بااااااااااااااااااااااااااااك
في أحد من الحلوين يدردش معي؟

[ام القماري]

اهلين يااحلى كروشات
انا دورتي 17-5-1431هـ انا في الشهر الخامس

وقالولي الولاده يوم 1-3 -1432هـ
احس بثقل والم بالظهر واسفل البطن
الله يسهل علينا يارب

[ام الوليد]

انا اخر دورة كانت 17|6 وولادتي ان شاء الله4|4 الله يتمملنا على خير ياارب واستخدم مثبتات وجواسبرين لاني سقطت مرتين قبل كذا

[دمعة موالية]

سلام لاحلى حوامل في احد موجود والا

[ام القماري]

هلاا انا موجوده

[دمعة موالية]

اهلين ام القمارى اخبارك

[دمعة موالية]

وينك ام القماري طلعتي والا ؟؟؟

[دمعة موالية]

مافيه احد موجود ؟؟؟؟؟؟

[نبض الشوووق]

هلا اخباركم
وامري يا ام ماهر

[دمعة موالية]

اهلين نبض الشوق اخبارك ؟

[أم الشيخ خلودي]

أم خلودي إنتي بأي إسبوع أو بأي شهر الآن؟
انا بالرابع ياقلبي hwaml7ان جبتي بنت خطبتها لولدي hwaml02

[أم الشيخ خلودي]

نبض الشوق كيف تحسبين ولادتي ..
اخر دوره 25/5/1431
دورتي كانت اربع ايام
بنات فيني حركة عجزت اغيرها
وهي النوم على بطني انام وارجع اجد نفسي بنفس الوضعيه :/ وش الحل

[دمعة موالية]

هلا اخبارك ام الشيخ خلودي ؟

الله يعينك على هالحركه والله

[دمعة موالية]

اخر دوره لك نفس اخر دوره لي انا قالت لي الدكتوره موعد الولاده في 9 ربيع اول

على خير الله يتمم لك على خير

[أم الشيخ خلودي]

هلافيك دموعه بخير كيفك انتي
اي والله حتى وانا ع الللاب انسى :/ ولدي انرعص *_*
جد ... الله يتمم طيب بان لك بالسونار ولا لسا

[نبض الشوووق]

يؤؤ يا ام الشيخ نفسي دورتك انا في 25 -5
يعني معاي بتولدين
في 10 ربيع الاول

[نبض الشوووق]

دمعه تمام اخباري انتو اخباركم

[دمعة موالية]

اي الحمدلله من اسبوعين رحت المستشفى وبين معي جنس الجنين

قالت لي ولد الدكتوره والله اعلم

[دمعة موالية]

الحمدلله تمام نشكر الله دووووووووم

[نبض الشوووق]

مبروك
وعقبال ما تقومين بسلامه

[دمعة موالية]

الله يبارك في عمرك ياقلبي

وانتي مابين جنس الجنين معاك

انا بعد اخر دوره لي نفس اخر دوره لك يانبض

الله يتمم علينا يارب بخييير

[أم الشيخ خلودي]

خخخخخ طقم اجل ... عقبال مانحط موضوع نبارك لبعض فيه .. انا بحكم دراسة زوجي بالقصيم فأجلت مراجعتي في القصيم ..ومشتاقه اعرف جنسه ..وكأني احس انه ولد والعلم عند الله

[نبض الشوووق]

لا انا اللحمدالله بين بنوته
والله اعلم

[دمعة موالية]

ام الشيخ خلودي انتي بكرية والا ؟

[دمعة موالية]

الحمدلله البنت والولد نعمه ورحمه من رب العالمين

اهم شي كمال الخلقه والصحه

[أم الشيخ خلودي]

ايه ياقلبي بكري ...
انا ماكنت مستوعبه حملي لان مالي خمس اشهر متزوجه وقلت يالله بعد سنه
سبحان الله حصل الحمل وماكنت ابي احد يعرف عشان مايقولون عروس وحامل خخخخخ

[نبض الشوووق]

بنات ما تحسون اه زهق
بنات من وين ناوين اتجهزون للبيبي

[أم الشيخ خلودي]

سنتر بوينت حلو ماراح اتعب نفسي ادور بروح له

[نبض الشوووق]

الحمدالله عندي ولد وانا ما تفرق عندي الثاني يكون بنت او ولد

[أم الشيخ خلودي]

اي والله مثل مايقول الي يجي من االله حياه الله اهم شي يكون صحيح ومعافى اكبر نعمه

[دمعة موالية]

انا بعد بجهز من سنتر بوينت على خير

بس المفارش والديباجات باخذهم من محلات تجهيز المواليد

لان حاقين سنتر بوينت صغار حيييل

[دمعة موالية]

يعني
حملتي على طول بعد زواجك

الله يعينك بعد ماتولدين اخذي شهر عسل مره ثانيه

[أم الشيخ خلودي]

خخخخخخخخخخ اي والله حملت تزوجت وبعدي اخوي باسبوعين ولما حملت ماشاء الله كنت ادعي زوجته تحمل عشان اغطي ع نفسي خخخخخ وحملت الحمدلله مابيننا فرق *_^ عرايس حوامل الله يحفظنا

[دمعة موالية]

هههههههههه

الله يتمم حملكم يا عرايس وتقومون بالسلامه يارب

[نبض الشوووق]

احسها عادي انا بعد زواج بي 5شهور حملت وبنت خالتى في نفس الشهر حملت من زواجهم

[دمعة موالية]

انتي من وين يا نبض الشوق
ويا ام الشيخ خلودي

انا من الحسا بس ساكنه بالدمام

[أم الشيخ خلودي]

عادي اكيد .. والخيره فيما اختاره الله .
.بحكم اني كاشخه عروصه مابعد استوعبت
فيه بيبي بيطب بحياتي خخخخخ وه بس متى اشوفه

[أم الشيخ خلودي]

انا متنقله الى ان نستقر.
. انا من الرياض وولادتي بها ان شاء الله
وزوجي من الشرقيه ايام العطله اكون بالشرقيه
ووقت الجامعات اسكن بالقصيم ^_*

[دمعة موالية]

الله يقومك بالسلامه وتشوفين شيخ قد الدنيا
يارب

[دمعة موالية]

اها الله يكون في عونك

باقي له واجد على الجامعه زوجك

[نبض الشوووق]

يالله تامرون على شي
بقوووم انام

[دمعة موالية]

لا سلامتك بانبض نااااااااااااام العوافي

تصبحين على خير

[دمعة موالية]

سلام عليكم بنات

صباح الخير

في احد موجووووووووووود

[أم الشيخ خلودي]

اها الله يكون في عونك

باقي له واجد على الجامعه زوجك
لا ترم ونخلص ان شاء الله دعواتك

[دمعة موالية]

الله يوفقكم يارب

[نبض الشوووق]

هل من احد يعني نرحب

[نبض الشوووق]

بنات ابقي اعرف ليش لصار جماع احس بطني من اسفل مضغوط كانه متروس من اسفل بس اول مره ترى

[ام الوليد]

السلام عليكم ورحمة الله وبركاته
كيفكم كروشات؛
اختي نبض الشوق نفس الشي يصير معاي احس بطني تكون مررره مشدوده ياليت احد يفيدنا

[دمعة موالية]

السلام عليكم حوامل

هل يوجد احد ندردش معه

[نبض الشوووق]

هلا انا موجوده
هلا بيج

[دمعة موالية]

اهلين نبض اخبارك ؟

[نبض الشوووق]

تمام اخباري بس اليوووم احس بثقل في اسفل بطني واحسه مضغوط

[نبض الشوووق]

انتى اخبارج طمنينى

[دمعة موالية]

سلامتك يانبض

بس يمكن خلاص كبر البيبي وبدا يضغط على بطنك

وانتي تقولين البيبي بنت عادة البنت تكون ثقيله حييييل في البطن

اخباري تمام الحمد لله

[نبض الشوووق]

ما اعتقد بس يمكن من الجماع لانه الحين خف احسن من الصباح
بقيت اسئل صج البنت تكون حركتها بس من تحت او لا

[دمعة موالية]

لا البنت تتحرك في جميع الاتجاهات بس تتركز الحركه فوق يم الضلوع اكثر شي

[دمعة موالية]

بس انا سمعت ان في الشهر الخامس تصيير اكثر شي الحركه تحت

وتحس الحامل بثقل وكله تروح الحمام

هذا حسب علمي

[نبض الشوووق]

انتى تقولين كذا بس حريم اخواني يقلوون لا بس تحت وانا بس احس من تحت بس مره فوق عند الاضلووع وله كله تحت

[دمعة موالية]

لا انا مافرقت عندي البنت والولد حركتهم كثيره حيييل

يمكن لاني اكل حلا كثييير الدكتوره قالت لحاتي اللي تاكل حلا كثييير تصييير حركة البيبي كثيره

[أم ماهر]

هاااااااااي كروشاااااات

كيفكم اليوم ان شاءالله تماااااام؟؟

[نبض الشوووق]

عنى انا تمام بس عنكم الله اعلم
ههههه

[دمعة موالية]

اهلين ام ماهر اخبارك ؟

قريت موضوعك اللي كاتبته انشاء الله يقدرون يفيدونك البنات

وتطمنين على روحك يالغلا

ما عليك شر

[دمعة موالية]

هلا نبض وين رحتي من اشوي ؟؟؟

[نبض الشوووق]

رحت الازراعه
http://arabia.babycenter.com/video/pregnancy/weeks-1-to-9-pregnancy/
اتمنى يفيدكم الموقع

[دمعة موالية]

مشكوره ياعمري على الموقع ماقصرتي

لاعدمتي .....

[أم ماهر]

مشكوره حبيبتي والله دمعتي نزلت من ردودكم

وكنت بهم مايعلم فيه غير الله

[دمعة موالية]

طيب ام ماهر ليه ما رحتي المستشفى روحي

وانتي المفروض الحين توقفينه حمض الفوليك

لان بس في اثلاث الشهور الاولى تاخذه الحامل حسب علمي

[أم ماهر]

والله يادمعه ماني عارفه لاني انا ماكنت اراجع في الشهور الاول

والدكتوره عطتني الادويه تقول لازم تاكلي منها علشان انتي نحيفه مره وماهو حلو للبيبي

[دمعة موالية]

اها الله يكون في عونك يارب

بس لان بعض الادوية تتفاعل مع بعض

[دمعة موالية]

سلام لاحلى تجمع في احد موجووووووووووود

[أم ماهر]

هـــــلا وغـــــــــــــــلا بدموعه

كيفك يالغلا ان شاءالله تماااااااااام

[دمعة موالية]

اخباري تمام الحمد لله

وانتي اخبارك اليوم ؟؟؟

صرتي احسن

طمنيني على صحتك

[ام القماري]

سلاام ياحلوين
في احد ادردش معاه

[نبض الشوووق]

هللا اخباركم
هل من احد

[ღॐ آية ღॐ]

مبروك التجمع
وان شاء كلنا نولدو على خير
موفقين بادن لله

[دمعة موالية]

هلا حوامل في احد موجووووووووووود ؟؟؟

[نبض الشوووق]

هلا انا موجوده
شخبارك وشخبار البيبي

[دمعة موالية]

تمام الحمدلله

انتي شاخبارك اختي نبض

واخبار بطنك احسن اليوم

[دمعة موالية]

سلام لاحلى كروشات في منتدى حوامل

فيه احد ادردش معه
؟؟؟؟؟؟؟؟؟؟؟؟؟؟؟؟؟؟؟؟؟

[نبض الشوووق]

انا تمام اليوووم الحمدالله انتى اخبارج

[سعودية الهوى]

هااااي
في حد

[نبض الشوووق]

شكله مافي غيرج انتى وانا

[سعودية الهوى]

اخبارك يالغلا؟
واخبار التعب

[سعودية الهوى]

وين ناويه تولدين ووين تراجعين

[جروح المشاعر]

مرحبااااااااا في احد؟؟؟؟؟؟؟

[نبض الشوووق]

هلا بنات
هون احد او اطلع

[دمعة موالية]

هااااااااااي بنات اخباركم

في احد ادردش معه ؟؟؟؟؟؟

[غزاله شقرا]

يس أنا موجوده

[نبض الشوووق]

هلا غزاله وينك من زمان

[غزاله شقرا]

هلا ياقلبي نبض
والله صارت لي سالفه

[نبض الشوووق]

هلا فيج ان شالله خير
انا فقدتج بصراحه

[دمعة موالية]

اهلين غزوله اخبارك ؟

التجمع صار ممل بدونك

سلامات ......

[غزاله شقرا]

ما تفقدين غالي يالغلا
ياقلبي نزل علي دم
وإفرازات بنيه
وجاني ألم شديد بالظهر
وألم أسفل البطن

[غزاله شقرا]

تسلمين ياقلبي يا دمعه مواليه والله إشتقت لكم

[دمعة موالية]

اهلين نبض اخبارك ياقلبي ؟

تمام .....

[دمعة موالية]

ماعليك شر يالغلا

ان شاء الله الحين احسن

[غزاله شقرا]

قالت لي الدكتوره ممكن يكون إجهاض مبكر

[غزاله شقرا]

بس الحمد الله الدم وقف بس الألم بالظهر ذابحني

[غزاله شقرا]

قالت نامي على ظهرك ولاتتحركين إلا للضروره

[غزاله شقرا]

إنتوا كيفكم وكيف التجمع
وشخبار أم ماهر؟
إن شاء الله الكل بخير

[دمعة موالية]

تحملي على نفسك ولا تتحركين يالغلا

الله يكون في عونك

ويحفظ لك البيبي وتفرحين فيه يارب

[غزاله شقرا]

الله يخليكي يادمعه ومشكوره يالغلا على الدعوة الحلوة

[غزاله شقرا]

بس ليه يكون في إختلاف بين حساب الدكتورة وحساب السونار

[دمعة موالية]

احنا الحمدلله اخبارناتمام

ام ماهر بعد مسكينه اتعبت اشوي

الحين احسن الحمدلله

اذا شفتي الموضوع اللي نزلت

[دمعة موالية]

اشلون مافهمت وضحي اكثر

[غزاله شقرا]

انا على حساب الدكتورة تقول لي في بدايه الخامس
أما السونار يقول لي إني في الرابع

[غزاله شقرا]

يعني اصدق مين والله إحترت معهم

[نبض الشوووق]

هلا دمعه
وما تشوفين شر غزاله والله زعلات علشانك

[دمعة موالية]

صدقي نفسك شوفي انتي اخر دوره متى ؟

وحسبي لك

انا الدكتوره والسونار نفس الكلام
غريبه

[غزاله شقرا]

ما تزعلين على غالي يانبض

[دمعة موالية]

اهلين نبض المشااعر

خلي نبض تحسب لك على اخر دوره لك

[غزاله شقرا]

ما أدري والله يادمعه أحس ان في غلط
ليه السونار أقل ولما أقول لها الدكتورة تقول في بداية الخامس
تقول دكتورة السونار لي لأ في نص الرابع
والله قهر
ولما قلت لها طيب شنو ولد ولا بنت
تقول لسى بيبي صغير
ياربي إلى متى وانا راح أصبر بس
طيب أصدق مين؟

[نبض الشوووق]

تسلمين
والحين شان راجعتي ثانيه او ترقدتي في المستشفى احسن لج

[غزاله شقرا]

نبض ياقلبي ما آمر عليكي
بس إحسبيلي الله يوفقك
آخر دورة كانت في 26 _5_2010
والدكتورة تقول بداية الخامس
أما السونار يقول 17 إسبوع أو 16 إسبوع يعني الرابع
من جد طفشت منهم

[دمعة موالية]

ايه تو الناس اذا انتي في الرابع

لسه مايوضح الجنس

استني اشوي

[غزاله شقرا]

قالت لي إذا ظل النزيف لمدة يومين ماوقف راح تنامين عندنا
بس الحمد الله وقف الدم
فقالت إرتاحي على ظهرك ولا تتحركين بالبيت

[غزاله شقرا]

الدكتورة تقول في بداية الخامس
وتقول دكتورة السونار لي في نص الرابع
والله قهر
ولما قلت لها طيب شنو ولد ولا بنت
تقول لسى بيبي صغير
ياربي إلى متى وانا راح أصبر بس
طيب أصدق مين؟
يانبض إحسبي لي الله يوفقك

[غزاله شقرا]

نبض ودمعه
إنتوا متى عرفتوا الجنس؟
يعني أحسن وقت متى على شان أعرف؟

[نبض الشوووق]

كانت لج اخر دوره في تاريخ 12-6
يعني حبيبتي انتى في الرابع مو الخامس

هذا هو التاريخ التقريبي الذي تم الحمل فيه 9 يونيو 2010
:الفترة التي ترتفع فيها خطورة الاجهاض : 30 يونيو 2010الى 4 أغسطس 2010


موعد بدء تخلق أعضاء الجنين 30 يونيو 2010
موعد اكتمال تخلق الاعضاء الرئيسية للجنين 4 أغسطس 2010
موعد انتهاء الثلث الاول (12 إسبوع) 18 أغسطس 2010

موعد اكتمال أعضاء الجنين الهامة التي تبقيه حياً 3 نوفمبر 2010
موعد إنتهاء الثلث الثاني (27 اسبوع) 1 ديسمبر 2010
اليوم المتوقع للولادة بإذن الله 2 مارس 2011
12+14=26
6-3=3
تولدين في 26 ربيع الاول هجري
تولدين بي الميلادي 2 شهر 3

[نبض الشوووق]

انا قالت لى نوع البيبي في بدايه الخامس

[غزاله شقرا]

مشكورة نبض
الدكتورة ما عندها سالفه وراح أغيرها
والسونار صح ى100%

[غزاله شقرا]

يعني كم إسبوع باقي لي وأعرف الجنس؟

[نبض الشوووق]

هذا هو التاريخ التقريبي الذي تم الحمل فيه 9 يونيو 2010
:الفترة التي ترتفع فيها خطورة الاجهاض : 30 يونيو 2010
الى 4 أغسطس 2010


موعد بدء تخلق أعضاء الجنين 30 يونيو 2010
موعد اكتمال تخلق الاعضاء الرئيسية للجنين 4 أغسطس 2010
موعد انتهاء الثلث الاول (12 إسبوع) 18 أغسطس 2010

موعد اكتمال أعضاء الجنين الهامة التي تبقيه حياً 3 نوفمبر 2010
موعد إنتهاء الثلث الثاني (27 اسبوع) 1 ديسمبر 2010
اليوم المتوقع للولادة بإذن الله 2 مارس 2011
12+14=26
6-3=3
تولدين في 26 ربيع الاول هجري
تولدين بي الميلادي 2 شهر 3

[نبض الشوووق]

انا قالت لي وانا لي اسبوع 18 اسبوع

[نبض الشوووق]

بسئلك انتى وين اتراجعين
في دكتوره حيل يمدحونه انها تعرف الجنين من اول مره اتسووي لج سونار وانا رحت لها

[دمعة موالية]

وانا بعد عرفت الجنس في بداية الخامس

[غزاله شقرا]

انا أراجع في مستشفى المواساة بالدمام
عند الدكتورة حنان

[غزاله شقرا]

بسئلك انتى وين اتراجعين
في دكتوره حيل يمدحونه انها تعرف الجنين من اول مره اتسووي لج سونار وانا رحت لها
وينها ؟hwaml03

[نبض الشوووق]

يؤ المواساه احس نصب لانه بس يبقون سحب الفلوووس

[دمعة موالية]

انا اراجع في الملحم في الحسا

وارجع عند الدكتوره رجاء اللي في النسائي

دكتوره ممتازه ومريحه ماشاء الله عليها

بس انا ماروح لها لان عندها زحمه اروح للملحم اخف

[غزاله شقرا]

الله يعين يانبض

[نبض الشوووق]

رجاء الى في النسائي انا فتح متابع عندها

[دمعة موالية]

انا رجاء هي اللي قالت لي جنس البيبي

[نبض الشوووق]

وانا بعد
رجاء الي قالت
يالله بنات اخليكم
بقوووم انشالله الصباح او عند صلاة الظهر ادخل وان شالله اشوووفكم

[غزاله شقرا]

دمعه تقصدون رجاء إللي في النسائي في الحسا

[غزاله شقرا]

الدكتورة رجاء يادمعه هي اللي تقدر تعرف جنس الجنين وممتازة

[دمعة موالية]

اوكي مع السلامه يانبض

[غزاله شقرا]

هي ولا لأ
دمعه ردي بلييييييييييييييييييز

[غزاله شقرا]

في أمان الله نبض نشوفك على خير إن شاء الله

[دمعة موالية]

ايه هي فعلن دكتوره ممتازه

في النسائي اللي بالحسا

[غزاله شقرا]

راح أحجز عندها إن شاء الله
إذا نزلت الحسا

[دمعة موالية]

اسمها الدكتوره رجاء محمد

انتي في الا صل حساويه ساكنه بالدمام والا

[غزاله شقرا]

إنتي قلتي تراجعين في الملحم صح

[غزاله شقرا]

يس حساويه ساكنه الحسا

[دمعة موالية]

عليها زحمه بس ماشاء الله تمشي الدور

ماعندها برود

[غزاله شقرا]

ولما تزوجت سكنت بالدمام
وتقريبا كل إسبوعين أنزل الحسا على شان أشوف أهلي

[دمعة موالية]

من وين بالحسا

انا من القرى الشرقية

[غزاله شقرا]

عندهم دكتوره أسمها ناهد
أكرها
في حملي ببنتي صورتني وقالت لي حامل بولد 100%
وفي الأخير طلعت بنت

[غزاله شقرا]

انا من الهفوف ودرست بجامعة الملك فيصل

[دمعة موالية]

انا بعد انزل كل اسبوعين او ثلاثه

[دمعة موالية]

اي تخصص درستي

انا بعد خلصت الجامعه

درست انجليزي

[غزاله شقرا]

انتي لما تزوجتي نقلتي الدمام

[غزاله شقرا]

انا درست رياضيات

[دمعة موالية]

لا والله ماجيت الدمام ع طول

زوجي مدرس اول كان يدرس بالخفجي

والحين بصفوى

[دمعة موالية]

اي الاغلبية ما يحبون الدكتوره ناهد

الاغلبيه يروحون عند رجاء لان معاملتها احسن

ناهد يقولون مغروره اشوي

[غزاله شقرا]

زوجك قطيفي ولا يدرس بصفوى بس

[دمعة موالية]

لا زوجي حساوي بس يدرس بصفوى

[غزاله شقرا]

انا زوجي من أهل الدمام
من أهل امي لأن أمي من أهل الدمام

[دمعة موالية]

اهااااااااا

الله يوفقكم يارب

[دمعة موالية]

اهاااا

الله يوفقكم يارب

[غزاله شقرا]

أدخل الخامس بأي إسبوع ؟

[غزاله شقرا]

من كم إسبوع وانا دايم أشتهي الشاي
(وحام متأخر) صح خخخخخخخخخ
من جد إشتهيته إلحين

[غزاله شقرا]

تتوقعين أن الدكتورة تقدر تعرف جنس الجنين
إذا كان بوضع السجود
يعني زي سجودنا للصلاه

[دمعة موالية]

والله مادري في اي اسبوع
بس مو الشهر اربع اسابيع

[دمعة موالية]

هههههههههههههههههه

صج وحام متاخر بس شاي

غريبه

[دمعة موالية]

تقريبا ما تعرف

ليش انتي البيبي ساجد

[غزاله شقرا]

زوجت أخي
دايم في التصوير يقولون لها البيبي ساجد
مع انها بالسابع
بس قالوا لها بنت

[غزاله شقرا]

كيف عرفت جنس البيبي ما دامه ساجد والله غريبه

[حلم الأمومة 2010]

انا اخر دورة الي ب 9-5-2010
وعملت الترا ساوند وقالولي ولد وزوجي انبسط كتير خايفة وقت الولادة تجي بنت ما بدي حطم زوجي وكل شي من ربنا نعمة

[غزاله شقرا]

انا اخر دورة الي ب 9-5-2010
وعملت الترا ساوند وقالولي ولد وزوجي انبسط كتير خايفة وقت الولادة تجي بنت ما بدي حطم زوجي وكل شي من ربنا نعمة

ياقلبي انا آخر دورة لي في 26 _5_2010
ولسى ماعرفت جنس الجنين إنتي في أي إسبوع خبروكي عن جنسه؟