تجمع الحوامل اللاتي سيلدن بشهر ربيع الاول 1432 ‏

[نبض الشوووق]

انا شكلي بخلل يا ام ماهر
هلا اخباركم بنات
عاملين ايه انا اليوووم عندى كل ما تحرك البيبي جات لى نخزه من تحت

[مبسم الروح]

اهلين كبآتشينو ونبض وش فيكم شكلكم مآتقرون الرجود عدل+_+

آنــآ الحين لي اسبوعيين بالتآسسع الشريط غلط

الله يعين شكلي مآني مفكره بالولآده لين هي تجي من نفسهــآ

[نبض الشوووق]

مبسم اجل غيري الشريط
انتى تابعين على تاريخ الدوره او السونار

[أم الشيخ خلودي]

نبض*_* وش تسوين هنا <<<تحطم خخخخخخ
يقولي رجلي اتحداك ان ولدتي هالاسبوع اذا ماودلتي نطلتك من السطح هذا هو طفش من السطح *_*
انا مو من السطح من قمة ايفرست :/

[صدفة عمر]

::


كيفكم مررررررررررة وحشتوني

ي قلبي ي نبض داخلة اقول اكيد ولدتي

الله يفرجها عليك وتولدي وترتاحي

مين ولد غير كابتشينو وابتسم ؟

انا بعد بكرة ادخل التاسع ع حساب دكتورتي

بس ع حسابي دخلت والسونار كمان دخلت

الله يهونها ويعدي الايام الجاية ع خير ي رب


::

[صدفة عمر]

::


ي فديتكم نبض وكابتشينو وام ماهر

ماتفقدوا غالي ي رب انا روحت مكة واليوم رجعت

وبيتي معدوم فية موية نفسيتي قفلت من الريحة والكتمة

الله يعين والشوارع باقي دمار مو كانة صار اسبوع ع الامطار

الله يعيييييييين ي رب انقل من جدة احسها خلاص قريب تنخسف :(


انا اخباري منيحة وعندي طلق بس ما ابغى اولد الا لمن ياخذ النونو اسبوعين ع الاقل

بس قلقانة شوي عشان الموية كثيرة علية وما ابغى اروح مستشفى طفشت


انتو كيفكم ؟


::

[مبسم الروح]

اهلييين نبض
انا امشي على السونار لاني موب حافضه تاريخ الدورره

صدفه نورتي الشااات اعلوووومك


ام الشيييخ ههههههههه اذا طحتي من السطح علميني
بشووفق فاد معك ولا لا+_+

[صدفة عمر]

::


اهلين مبسم منور فيك ي قلبي

الحمد لله اخبارك انتي مع التاسع وكيف نتايجك ان شاء الله منيحة ي رب


::

[مبسم الروح]

اهلييين صدفه

الله يعينكم على الآمطآر افتحي الدرآيش خلي البيت يتنفس وان شاء الله تروح الرييحه

آنــآ مآشيه بالتــآسع البيبي خفت رفسآته بس اليوم الوضع موب طبيعي يرفس حييل

خفت والشي الثآني الله يكرمك اذآ قمت من النوم اشوف السروال مبلول معقوله موية الجنيين لآنه لي يوميين جآيتني الحآله هاذي=)

والله وسوست

’آبي اعرف كيف اعرآض الطلق اليس تجييك

تصدقيين مآذكر بحملي الآول اعرآض الطلق العآديه

على ططول جآني طلق حآمي +_+

[صدفة عمر]

::


البلل هذا يجي لحريم كثير وما دخلة بموية الجنين ان شاء الله

احيان انا تجيني رطوبة بس اذا عملت جهد كبير

الطلق مثل الم الدورة في البطن واحيان كهربة في الظهر وكمان التحجر


بس من علامات الولادة نزول الموية بشكل كبير او دم وغيرة عادي


::

[نبض الشوووق]

هلا صدفه اخبارك
والله حدي كنت احاتيك
همي نفسك ونقلي بسرعه الى اي مكان غير جده صج جده غيره صارت
انا تمام بس مساعه جاني نغزات قويه مستمره بس يمكن ساعه او ساعتين وراحت
بس الحين كل شي تمام
انا محتاره وين اتبع السونار واو تاريخ الدوره الفرق بينهم 6 ايام

[نبض الشوووق]

مبروك عليك التاسع صدفه
وهلا مبسم اخبارج واخبار الحمل وياج

[ام عمر ومريم]

اختى نبض الشوق كيبفك حبيبتى عامله ايه
انا لسه مولدتش ميعادى زيك بالظبط والدكتور قالى انه لومحصلش ولادة الغاية يوم الاحد القادم هيحدد ليه عمليه قيصرى وربناييسرلينا ولادتنا جميعا اللهم امين

[ام عمر ومريم]

انا برده اختى نبض الفرق بين السوناروالدورة ست ايام بس انا عكسك يعنى السونار 39 والدورة 39 وست ايام

[ام عمر ومريم]

انا بالنسبه ليهخ الدكتور بيتابع بالسونار مش الدورة لان السونار ادق وبيعرفوا عمر الجنين منه اكتر من ميعاد الدورة

[ام عمر ومريم]

بس انا مبحسش باى حاجه غير الضغط من تحت جامد اوى بس الدكتور كشف نسا عليه وقالى ان الجنين منزلش الحوض وربنا ييسر كل امر عسيريااااارب

[صدفة عمر]

::


الله يعين نبض ان شاء الله انقل بس زوجي دوامة بجدة الله يرحمنا برحمتة

انا السونار مقدم 9 ايام بس الدورة هي الادق اكيد

وربي يسهل ولادتك ي قلبي ويعجلها لك


::

[نبض الشوووق]

تسلمين ياصدفه شنو قررتي على العمليه
او ما بعد

[om feesal]

مساء الخيرات
اخباركم


:(

اليوم الصبح نزل علي موية لدرجة اني غيرت الاندر وير مرتين واذا انا واقفة احسه ينقط بس مو مره كثير شفته ماله لا لون ولاريحة زيالموية بالضبط خفت

رحت اكشف قالت لي الرحم مسكر بس فيه طلق خفيف ^_^ ويمكن اللي نزل عليك مو موية هذا افرازات
والدكتورة اللي كشفت علي نفسيتها خايسة ماحبيتها ماتعطي وجه :( فماقدر استفسر منها

وش تنصحوني اسوي
؟؟

وفيه افرازات من دون ريحة ولا لون ؟

[نبض الشوووق]

السلام هل من احد

[مبسم الروح]

نبض اتبعي السونــآر ادق يقيسون الطفل ويعرفون حجمه وكم له اسبوع

ادق من الدوره انآ مآآذكر متى جتني الدوره ومعتمده على السونــآر


آم فييصل نفسي لي يومييين تنزل مويه بسسيطه مدري وش سآلفتهآ

الله يستر ...

[نبض الشوووق]

يعني اتبع السونار اضبط
اليوووم انا جانى نغزات من تحركة البيبي وبعدها استمر النغزات لمدة ساعتين بس مو قوي وتالي راح وبعدها شفت منطقهالعانه عندى منتفخه ما بقى شي وتصير نفس مستوى بطنى

[كآبتشينو]

الله يكون بعونك يانبض

كلها ان شاء الله كم يوم وتولدين وترتاحين .. الله يسسسهل عليك يارب ..

[نبض الشوووق]

يارب ياكابتشينو اخبارك بعد الولاده واخبر الاعيال واخبار غيث

[كآبتشينو]

والله الحمدلله .. كلنا بخير

بس ولدي البكر ذابحني هالايام صاير مشاغب وماعنده الا يعفس بالبيت وانا الاحق فيه

وبالحمام بعد صاير عنيد مايرضى يدخل الحمام

الله يكون بعونا .. كل شي في ظهر الام والرجال قاعد ومرتاح خخخخخ

[نبض الشوووق]

الله يعينك انا حمود صاير ما ينطق ابد كله صياح على شي ما يسوووى واليوووم راجع يبول في ملابسه ويتحجج على اي شي يمكن حاس انى قربت اولد

[TooLeeN]

السلام عليكم
كيفكم يا كروشات
تخيلو اني ولدت في الثامن الاسبوع 34 وورن البيبي كيلو ونص *_*
يوم السيول الناس تغرق وانا اولد تابعوا القصه بالتفصيل في موضوع منفصل
انا قايله لكم مو طبيعي الي احس فيه من الم وثقل وافرازات ودم اثاريها مقدمات ولاده
الله يفرج عليكم وتولدو بالسلامه

[نبض الشوووق]

ما تشووفين شر كات ومبروك واخبار البيبي ان شالله كويس
طمنينه عليك بس
ان شالله ولدتي طبيعي

[كآبتشينو]

كآآآآت

ماتشوفين شــر ياقلبي .. واخبارك الحين واخبار البيبي ..؟!
والحمدلله ع سلآمتك :)

[أم ماهر]

صـــــــــــــبآإآإآإآإح الخيـــــــــــر000

[كآبتشينو]

صبآح النور ام ماهر

اخبارك ؟ واخبارك مع البرد ؟

[أم ماهر]

تماااام الحمدلله والمدينه الاسبوع هذاا مره دفى مافيه برد الحمدلله000

اخبااارك واخبااار "غيــث"

[كآبتشينو]

ماشاء الله .. عندنا بالشرقيه برررررد :)

انا الحمدلله بخير ..

الحمدلله تطمنـآ ع صدفه اليوم .. بس بآقي دمعه مآدخلت :(

ان شاء الله تكون بخييير يآرب

[وردة ينبع]

صباح الخير يابنات احد موجودددددددددددد

[فقيرة وأرجيه]

السلااااااااااااااام عليكم ........
أخباركم يا أمامير ...............
حبيت أسلّم وأشوف التطورات ولكن للأسف لاجديد .... ههههههههه
أشوفكم وقت ثاني وأنتم بعافية وكل وحدة تحققت أمانيها يارب ......
دمعة ... ادخلي وطمنينا عنك .........
غزالة .......... المرّه هذي خميس وجمعة كان من نصيبي في شوفة الحبايب ...معوّضة ان شاء الله بالزيارة الخميس الجاي ..

[أم ماهر]

ماشاء الله .. عندنا بالشرقيه برررررد :)

انا الحمدلله بخير ..

الحمدلله تطمنـآ ع صدفه اليوم .. بس بآقي دمعه مآدخلت :(

ان شاء الله تكون بخييير يآرب


الحمدلله والله اني اول ماشفتها ارتحت كنت قلقانه عليهاا000
آن شاءالله نتطمنـــى ع دمووووعه اليوووم000


هلا وغلا وردهـ صبااااح النووور والسرووور00hwaml7

[أم ماهر]

فقيرهـ وآرجيـــه وعليكم السلآم كيفك 000

[وردة ينبع]

انا بس ادخل علشان اقولكم ان باقي ماولدت ههههههههههههههه

[نبض الشوووق]

هلا بنات دموعه بخير وما ولدت بس عند اهلها وما تقدر تدخل من هناك
بس

[صدفة عمر]

::

تولين مبروك ويتربى بعزكم

اهم شيء تكون صحتة زينة وليش ولدتي بدري اش السبب ؟

زين قدرتي توصلي المستشفى والناس غرقانة

الحمد لله ع سلامتكم ي رب وعقبال نبض ووردة ودمعة ومبسم بالولادة اليسرة


::

[صدفة عمر]

::


كابتشينو كيفك وكيف الكتكوت وولدك ان شاء الله كلكم بخير ي رب

ريحي نفسك ولاتجري وراة انتي باقي دوبك نفاس ارتاحي

والله يكتب لنا اجر التعب والتربية


,


نبض كيفك ي قلبي اليوم وكيف حمودي والطلق

الله يعينك ي قلبي بنتك ماتبغى تنزل بالشتاء تبغى الدفى ^_*

انا مرررررة محتارة اولد قيصري او طبيعي

واذا قيصري مرة ما ابغى بنج كلي ابغى موضعي بس خايفة اتوتر

ما اعرف ي رب ييسهرها لي اخاف اغامر وطبيعي اخسر النونو او يسير فية شيء :(

مررررررررررررة طفشانة ومتوترة

الله يختار لي الطيب ويسهلة لي

,

ام ماهر كيفك ي قلبي وكيف ماهر والنونو

راجية ووردة الله يسهل لكم الولادة ويفرحكم بشوفة النونو وهو بخير

,

ابتسم ي دوبا وحشتينا طلي علينا بس

,

غزالة ودمعة ان شاء الله تكونوا بخير ي رب لكم فقدة


::

[غزاله شقرا]

اهلين وسهلين بالغايبين اخبارك ياعسل ياصدفه خليتينا نحاتيكي نقول ان شاء الله تكون البنت بخير
ـ توووووولين مبروك الف الف الف الف مبروك والحمد الله على سلامتك وسلامة البيبي بس بلييييييز إكتبي القصه
ـ نبوضه خلاص هانت دخلنا ربيع الله يسهل عليكي يارب ويسهل على الجميع
ـ فقيره احسك احسن وحده فيهم مطنشه الولاده ومبسوطه بعمرك والله انا زيك بالظبط اقول متى ما جات جات ابوووووو التطنيش والله اقوله انا مو مستعجله اطلع وقت اللي تبي
ـ ام ماهر أخبارك
ـ دمووووعه حبيبتي إشتقت لك كثيييير ادري انتي قلتي راح تنزلين لأهلك وتتابعين اخبارنا الله يسهل عليكي ياااارب
ابتسم والله وحشتينا طيب ادخلي طمنينا عليكي وعلى المجهول إيش سميتوه وعلى بنتك والعمليه الله يصبرك يارب

[*الجوري*]

اهلين بنوووتات اخباركم ؟؟؟

حبيت اسئلكم يجيني الم تحت في منطقه عااادي في نهاية السابع كان يجيني في المنطقه بس فوق اما الحين يجيني تحت المنطقه ؟؟ <<<<< انشالله فهمتووو علي

وطلق كيف المه وين يكوون؟؟

[صدفة عمر]

::


اهلين غزالة اخيرا قابلتك سايرة خفاش ماتطلعي الا بالليول ^_^

اخبارك واخبار النونو .....

مبروك دخولك التاسع ان شاء الله نبارك لك بالولادة اليسرة

كيف رؤى والنونو ان شاء الله بخير


::

[وردة ينبع]

بنات دكتورة تقول تعالى ضروررري الجنين وزنه 4 كليو واشرب زيت خروع في اليل و سوي جماع وامشي وبكره تعالى ويش رايكم

[صدفة عمر]

::

جوري ي قلبي حسب مافهمت الالم تحت عشان راس الجنين خلاص توجه لتحت

وهذا من ضغط راسة والطلق مغص بالبطن والم في الظهر

بس عادي ممكن يجي طلق في الثامن وتحجر في البطن

بس اذا طلق ولادة لازم ينزل دم وافرازات بنية او موية الجنين

وربي يسهل ولادتك بس باقي بدري جوري ع الولادة


::

[غزاله شقرا]

الحمد الله تمام اما خفاش خخخخخخخخخ
بس مبروك لي ولك على التاسع يالغلا هااانت خلصنا الحمل باقي الولاده الله يسهل وييسر على الجميع يارب
ـ إنتي اخبارك مع الشقه والتعب وإنتي وين الحين بمكه ولا بجده
الله اعلم يالجوري انا هذا بسبب ضغط البيبي عليكي من تحت على شان كذا تحسين بهذا الإحساس الله يعينك ويسهل عليكي ياااااب

[صدفة عمر]

::


وردة روحي بس سوي سونار اللي هو 3 دي بقسم الاشعة تاكدي من وزنة

لانو انا بنتي قالوا لي وزنها 3,70 واخرها نزلت 3 وشيء بسيط

وتحريض الولادة مرررررررة شين الله يعينك ي قلبي

استخيري انتي بس لو انا منك ماراح اروح يعملوا تحريض

انتي ماعندك سكر ليش يستعجلوك بالتحريض ؟


::

[غزاله شقرا]

اهلين ورده
ـ حبيبتي اتوقع كلام الدكتوره صح لأن البيبي ماشاء الله وزنه كبير يخافون يأجلونك اكثر من كذا وبعدين ماراح يطلع إلا بعمليه لا سمح الله
ـ انصحك إسمعي كلامها الله يهون عليكي يارب

[صدفة عمر]

::


رجعت امس لجدة واليوم الجو مغيم ويدي ع قلبي وربي سرت اكره المطر :(

وشقتي مررررررررة معدومة ي رب الاقي خدامة تنظفها تعبت


::

[غزاله شقرا]

الله يعينك يا صدفه على تنظيف الشقه بس والله صعب

[صدفة عمر]

::


الله يعين اليوم بالقوة صحيت من النوم ما ابغى اشوف بيتي خخخخخخخ

بحاول اجيب خدامة اهل زوجي اذا مرة مالقيت احد يساعدني

كيف الحمل معاك متى روحتي اخر مرة موعدك وكيف اوضاع الجنين

انا المفروض اروح بداية التاسع عشان تشوف الحوض وتقرر عملية

بس خايفة شكلي بطنشها لين اخلص اسبوعين في التاسع

اخاف كيف الكشف ع الحوض اخاف تدخل يدها


::

[غزاله شقرا]

انا الحمد الله كان آخر موعد من إسبوعين قالت لي الدكتوره ان البيبي راسه تحت والمشيمه الجزء المفصول رجع إلتحم من جديد والأوضاع تمام أحمدك يارب على هذي النعمه
ـ والموعد الجاي عندي بكره ان شاء الله راح اروح واتطمن على البيبي وراح ادخل اطمنكم
ـ بالنسبه لمعرفة قياس الحوض ما اعتقد باليد ممكن بالسونار او الكشف الخارجي مو الداخلي بس انتي روحي احسن واذا حسيتيها تبي تكشف من داخل قولي لهالأ وتطمني على السكر والبيبي ماراح تخسرين شيئ والدكتوره ماراح تسوي حاجه غصب عنك

[صدفة عمر]

::


اكيد بس زوجي راح يصر تكشف عشان مصر ع القيصري

لازم اعرف قد ايش الحوض ضيق وكمان تحدد متى اولد اذا قيصري

امس قراءت تجارب بنات للقيصري مرة تشائمت ماتوقعتة مرة سيء لهذي الدرجة

وغير البنج وخاصة اذا موضعي ابرة تجلس بجسمك يومين مرة تحطمت


الله يكتب لي اللي فية خير

وان شاء الله تطمني ع نونتك وتطمنينا


::

[غزاله شقرا]

ان شاء الله تروحين موعدك ويطونونك على البيبي والحوض ويحددون لك موعد للولاده طبيعي موقيصري يارب

[غزاله شقرا]

اوكي انا بطلع الحين اشوفك على خير ولاتقطعين خليكينا نعرف اخبارك ونتطمن عليكي طيب

[صدفة عمر]

::


الله ييسرها لي ي رب ويختار الطيب

كيف خلاص جهزتي للنونو وخلصتي كل حاجة ولا باقي


::

[*الجوري*]

الله يعطيكم العافيه طمنتوووني كنت خايفه من الم الي تحت قلت يمكن ولاده <<<<بكريه ماتعرف شي خخخخ

[سعودية الهوى]

سلامووووووووووو
حد هووووووون

[مبسم الروح]

اهلييين سعوودية الهوى كيفك

الله ييعيين ولدي وزوجي فيهم كحه آخــآف يعدوني والولآده قرربت

آمس قآعده احط لهم فكس هع هع

يآالله صــآيره مآآمشي ولآآتحرك وي احد يحمسني+_+

[نبض الشوووق]

هلا بنات اخباركم
اما انا تمام الحمدالله بس اليوم طول وانا نايمه احلم انى في الستشفى ومع دكتوره هلوسه

[مبسم الروح]

نبض ههههههههههههه مآآلومك

الله يعييين والله اني قريت قصه ولآده وحده هنــآ

يحليلهآ كلش قآيلتة بالتفصييل وكآنت ولآدتهآ تخووووف تعكررر مزآآآجي حييل

آالله يستر آخآف اصييير مثلهـــآ

تكفون خلونــآ ندعي بسهييل الولآده


يآالله يآكريم تسهل ولآدآتنــآ

[أم الشيخ خلودي]

كيف الحال حوامل

[أم الشيخ خلودي]

بنات حامت كبدي من سؤال ماولدتي *_* يعني ماينفع يقولون مشتاقين لك شي ماشيات

[نبض الشوووق]

هلا اخباركم واخبارك ام الشيخه
ما بقووول ماولدتي

[نبض الشوووق]

ام الشيخه تونى اكتشف انك معاي اخر الدوره

[أم الشيخ خلودي]

جد نبض كم اخر دوره لك بالهجري *_*

[نبض الشوووق]

انا اخر دوره لى كانت تاريخ 25-5
وانتى كم

[أم الشيخ خلودي]

اي والله نفس الشي 25-5*_* ومتى قالوا ولادتك<<<توها تتعرف

[نبض الشوووق]

قالو لى تاريخ 10-3
بس سونار لا
انتى كم قالو لج

[همس الكلام]

السلام عليكم كروشات
اخباركم
في احد موجود؟

[نبض الشوووق]

هلا بيج همس اخبارك بشري عنج

[صدفة عمر]

:::


كيفك نبض وام الشيخ وهمس وكيف الكتاكيت

انا اليوم قررت احاول اولد طبيعي بس اذا تعب النونو احول قيصري

الله يعيني اذا بولد ولادتين بنفس الوقت :(


نبوضة كيفك اليوم ان شاء الله بخير


::

[صدفة عمر]

::


بنات ماتعرفوا حلا فينها وكيفها زمان عنها الدوبا


::

[نبض الشوووق]

هلا صدفه اخبارج اذ تبقين نصيحتى لاتحاولين طبيعي لانه قايلين لج عندك الحوض ضيق لانه فيه خطر ترى على البيبي

[نبض الشوووق]

انا تمام الحمدالله
بس انتظر الولاده

[غزاله شقرا]

اهلين بالكروشات اخباركم ؟
ـ انا عندي موعد بكره المغرب ان شاء الله تطمني الدكتوره على وضعي وراح ادخل واكتب لكم موجز الأخبار
ـ همووووووسه اخبارك ان شاء الله البيبي عدل وضعه؟

[صدفة عمر]

::


نبوضة ريحي نفسك اذا ربي كاتب الولادة قريب راح تولدي

اهم شيء انتي انبسطي بالايام هذي وتدلعي ونامي

لانة بس تولدي راح تتمني ترجعية ببطنك عشان النوم والراحة ^_*

انا مرة مو مستعجلة اتدلع شوي مصيرة يخرج ويبكي ويصيح ع راسي

بس اهم شيء ادعي انو ربي يسهل ولادتك متى ماجات

ويفرحك بشوفة الكتكوتة وهي بصحتها ي رب


::

[صدفة عمر]

::


غزولة ان شاء الله تطمني بكرا ي قلبي ع صحتة وتطمنينا


::

[نبض الشوووق]

انا عندى بكره موعد بس مو رايحه لانه بيعطينى موعد للعمليه وانا ما ابقي
هلا غزواله اخبارك

[همس الكلام]

هلا والله نبض وصدفه وغزوووله
انا تمام الحمد لله جالسه اناضل مع التعب الله يعين بس
ابشرك غزوله اتعدل وضع الجنين ولله الحمد بس لسا مانزل الحوض
يارب ان شاء الله ينزل وتتسهل الولاده
وياااارب تتسهل ولاداتنا كلنا يارب ونفرح بشوفه اطفالنا اللهم اااامين

[غزاله شقرا]

الحمد الله ياهمس كنت افكر فيكي كثير بس امشي كثير وإن شاء الله راح ينزل الحوض الله يسهل علينا وعلى الجميع يااااارب

[همس الكلام]

نبض لسا باقي ماكملتي التاسع لاتستعجلي عالعمليه بس ليش الدكتور مصمم تسوي عمليه ؟
غزوله ان شاء الله تطمنينا عليك بكرا ان شاء الله
صدفه استخيري وربي يسهلك ان شاء الله

[همس الكلام]

الله يسلمك غزوله ان شاء الله يارب ينزل الله كرييييييم

[غزاله شقرا]

انا الحمد الله تمام بس كيف اعرف ان البيبي نزل الحووووض؟
مين يعرف ويقول لي؟

[نبض الشوووق]

شدرانى عنه من دخلت عليه من شهر صفر وهو عمليه عمليه بس مو رايحه

[همس الكلام]

مادام مافي سبب واضح للعمليه خليها ع ربك نبض وبتتسهل ان شاء الله عليكي بالدعاااااء والاستغفار وربي يفرجها عليك وعلينا اللهم اااامين
غزوله والله زيك مااعرف بس يمكن يكون الثقل من تحت اكثروالمنطقه اللي فوق تكبر يعني تحت الصدر يعني الطفل يكون نازل لتحت اكثر بس برضوو مو متاكده

[غزاله شقرا]

نبوضه ياقلبي إذا الدكتور راح يتعبك نفسيا لاتروحين له

[نبض الشوووق]

اكيد غزواله

[كآبتشينو]

السلام علييييكم

[همس الكلام]

عليكم السلام
هلا كبتشينووو
كيفك وكيف غيث ان شاء الله تمااام

[نبض الشوووق]

وعليكم السلام كابتشينو
اخبارج واخبار غيث

[غزاله شقرا]

اهلين كابتشينوووووووووو
ـ اخبارك يا ام غيث ؟
ـ والله انك وفيه حتى لما ولدتي مانسيتينا

[غزاله شقرا]

اوكي بنات بطلع على شان انام بكره موعدي باي تصبحون على الف خير وان شاء الله بكره راح ادخل اطمنكم

[همس الكلام]

يلا بنات بروح انام
تصبحووووووووووووووا على خير
^_^

[نبض الشوووق]

بنات بسئلكم
انا نمت مع زوجي ومن نمت انا احس بالم في بطني كانى منحصره واذ مشيت يزيد
اذ لمست تحت بطني صاير عص

[نبض الشوووق]

وانتى من اهل الخير همس

[نبض الشوووق]

الله معاج غزواله وان شالله خير

[كآبتشينو]

ياهلآ والله

انا بخير وغيث بخير يسلم عليكم ..

انتو آخباركم ؟ واخباركم مع التعب والثقل .. ؟!

نبض اتوقع اذا لمستي تحت وتشوفينه عص لان الجنين نآزل تحت

ان شاء الله قريب ولآدتك :)

[كآبتشينو]

تصبحون ع خير .. اشوفكم ع خير

[وردة ينبع]

نبض انتى موجوده

[نبض الشوووق]

اي موجوده هلا بيج

[نبض الشوووق]

اي كابتشينو مثل ما قلتى عص

[وردة ينبع]

نبض ايش رايك في الموضوع تحريض

[نبض الشوووق]

بصراحه انا من زهقت من الحمل وطولت في التاسع قلت خلاص بسوووي تحريض بس انتى تقولين الدكتوره قالت بتسوي لج لانه البيبي وزنه كبير روحي كشفى عند دكتوره ثانيه يمكن بس كذا تبقي اتسوي لج نفس دكتوري يبقي يسوي لى عمليه

[أم الشيخ خلودي]

هلاووات
نبوضه معليش امس فصل النت معي
اقولك بالنسبه للولاده قالوا لي ب 9/3
ومره قالت لي دكتوره رحت لها بالقصيم 13 /3 وكنت مسويه سونار وقتها مدري هي حاسبته ع السونار

[صدفة عمر]

::


كيفكم حوامل اليوم انا من امس بس نايمة بالقوة صحيت

نبض كم باقي وتخلصي التاسع اسبوع


::

[om feesal]

مساء الخيرات

اخباركم ان شالله بخير


كيف التاسع معكم ؟

[صدفة عمر]

::


هلا ام فيصل ما شاء الله ماباقي لك غير اسبوع

الله يهونها عليك ويسهل ولادتك ويفرحك بشوفة النونو

انا دوبي دخلت التاسع بس احس بنوم يعني حلو :)


::

[TooLeeN]

كيفك صدفه ان شاء الله طيبه الله يسهل عليكي وتولدي بالسلامه انا اليوم دخلت الاسبوع السادس والثلانين خخخخخخخخخخ
بس ولدت في الرابع وثلاثين بالثامن يعني يوم السيول
ولحمد لله الولاده طبيعيه بس وزن البيبي كيلو 700جرام
وعقبال ماربي يتمم لكم التاسع على خير وتولدو عيالكم كاملين الخلقه يارب

[om feesal]

الله يسمع منك ياصدفة وإياك يارب

[أم الشيخ خلودي]

الف مبرووووووووووووووك تولين والحمدلله ع سلامتك وسلامة الولد
قرة عينك وعقبالنا انا باقي لي خمس ايام واكمل التاسع :(

[صدفة عمر]

::


الله يشفية ي رب ويطلعة بالسلامة ويقر عينك بشوفتة

تولين ليش جاك طلق بدري اش السبب ماقلتي لنا

وكمان ننتظر قصة ولادتك بالتفصيل نزليها


::

[om feesal]

بنات وش ينفع للفلونزا

تعبت مررره منها :(

[غزاله شقرا]

هاي يا حبيباتي ياكروشات التاسع والثامن
ـ رحت اليوم موعدي وقاست لي الضغط والوزن ونبض الجنين بس والحمد الله كل حاجه تمام اللهم لك الحمد
ـ وقلت لها عن الحبوب اللي بوجي قالت هذي حساسيه روحي لدكتور جلديه ورحت وقال لي الدكتور هذي ممكن بسبب الحمل وعطاني مرهم ادهن منه مرتين وعطاني حبوب للحساسيه بس قالي هذي ماراح تعالجه راح تخفف عليكي بسhwaml15
هذا موجز اخباري يعني الحبوب ماراح تروح إلا بعد الولاده الله يعيني

[كآبتشينو]

مبروك تولين .. وان شاء الله يطلع بالسلآمه ويتربى بحضنك :)

بس وش سبب الولآده المبكره ؟

غزاله : الحمدلله كل امورك تمام .. عقبال مآتولدين وترتاحين ..

هآ بنات اخباركم وش جديدكم .. للحين مآجات دمعه ..؟!

[صدفة عمر]

::


غزالة الحمد لله تطمنتي وربي يقر عينك بشوفتة سليم ي رب

كابتشينو يسعد اللي كل يوم تسئل عنا فديتك ي قلبوا

انتي كيفك وكيف الخياطة معك والمها وكيف غيث واخوه

مابدئت الغيرة ولا باقي فرحان باخوة

نبض ان شاء الله تكوني ولدتي اول مرة تغيبي علينا كثير



::

[غزاله شقرا]

اهلين صدفه اخبارك؟
ـ الله يسلمك على هالدعوات الحلوه لاخلا ولاعدم
ـ كابتشينو اخبارك مع النوم تنيمين فيحضنك مين غيث ولا اخوه ؟

[كآبتشينو]

هلا والله فيكم ..
انا الحمدلله وولدي بخير والحمدلله خف عنه الصفار ..
اما ع الغيره لازم يا صدفه ,,احيان يقول انا احبه واحيان يقول مااحبه انا خخخخ
والخياطه والله تألمني ,, نغزات وحكه وعضلاتي للحين تألمني والله
يلا ان شاء الله تخف وتتحسن ..
غزاله هههههه لا اللي ينام جنبي ولدي البكر اما النونو ينام بسريره ..

وينها نبض ماشفناها ؟ ان شاء الله انها ولدت وتجي تبشرنااااا

[نبض الشوووق]

هلا بنات اخباركم
انا قايله لكم قبل ما اروح المستشفى بعطيكم خبر
بس اليوووم رحت مستشفى خاص وقالت لى كل شي تمام والبيبي تمام وزنه كويس 3 كيلووو وقالت لى الراس خلاص نزل في الحوض وباقي لي 5 ايام وخلاص اخلص فترة الحمل
وعطتنى مهله قالت اذ جاء الاحد وما ولدتى تعالى لى
وسوت لى كشف قالت عندك مفتوح واحد بس طبيعي

[كآبتشينو]

يلا نبض هانت .. ان شاء الله كلها كم يوم الا وانتي والد ..

الله يهون عليك يارب

[حلا المدينه]

هلا كابتشينو اخبارك وكيف غيت وعبوودي

[كآبتشينو]

هلا والله فيك

انا بخير والعيال بخير

انتي اخبارك من زمان عنك ؟
عسى الالم اللي فيك رآح ؟

[أم الشيخ خلودي]

صباحكم سكر

[وردة ينبع]

صباح الخير يابنات انا خايفه لن دكتوره عطتني لن الا ربعاء يارب يسره

[نبض الشوووق]

هلا بنات اخباركم
هلا ورده بشري عنك شنو سوويتي مع الدكتوره الثانيه شنو قالت لج
اما انتى ام الشيخه شخبارك ما ولدتى ههههههههههههه امزح وياك
ام ماهر ما لها علم
كابتشينو اخبارك

[om feesal]

الله يسهلها عليك وردة

بس ليه عطتك سبوع واحد مو يقولون يعطون اسبوعين ؟

[om feesal]

هلابك نبض

اخبارك ان شالله بخير؟

[نبض الشوووق]

بخير الحمدالله انتى اخبارك
واخبار الحمل وياك مافيه بوادر طلق بحطمك

[نبض الشوووق]

رحت مستشفى خاص وقالت لى كل شي تمام والبيبي تمام وزنه كويس 3 كيلووو وقالت لى الراس خلاص نزل في الحوض وباقي لي 5 ايام وخلاص اخلص فترة الحمل
وعطتنى مهله قالت اذ جاء الاحد وما ولدتى تعالى لى
وسوت لى كشف قالت عندك مفتوح واحد بس طبيعي

[نبض الشوووق]

وعندى من البارح نغزات من تحت واليوووم الصباح

[™ روحــي فــــدٱٱٱهـ« ||]

بشروا مااحد ولد..|||~

[سعودية الهوى]

سلاموووووووو
حد هوون

[كرميلا]

صباح الخير لاحلى كروشات

انا احس نفسي حايسه

بين تجمع اللي بيلدوا في ربيع اول وثاني

لانو على حساب السونار بولد في نهايه ربيع اول يعني على26
وعلى حساب الدكتوره 6 ربيع تاني ..

الله يعيننا يارب ويهون علينا الولاده ويفرحنا باحلى بيبيهات...

قولو ا امين يابنات احس العد التنازلي بدا وانا حالتي النفسيه حيل صعبه
بس من اقل شي ابغ ابكي...

[أم الشيخ خلودي]

نبض ان ولدتي ان شاء الله ولدت أنا خخخخخ
والله جاني تبلد مره عادي خلاص متى مابغى يشرف يشرف وبروح بكره اراجع اخر مره راجعت الاربعاء الماضي
والرحم ماانفتح ولاسانتي فشسمه ليش اضيق صدري متى ماأراد الله يطلع بيطلع ...
بعيش حياتي بكل شسمه اممممم بكل مرح هيااااه <<< عاش مصرف

[ღॐ آية ღॐ]

السلام عليكم نبض الله يسهل عليك
انا ولدت ولله الحمد...
بعملية قيصرية
وجبت احلى بنوته في الدنيا ربنا يحفضهالي
وعقبالكم يااااااااااااارب

[نبض الشوووق]

حمدالله على السلامه ايه

[سعودية الهوى]

الف الحمدلله عالسلامه ايه\
عقبال ماتشوفينها عروس
الله يعينج على العمليه وليه ولدتي بعمليه؟

[om feesal]

هلا بك نبض انا الحمدالله بخير

والله من امس ونا احس بألم يجي كل ساعة تقريبا بس للحين مازاد معي وللحين كل ساعة

مدري متى الله بيعجل به




ام الشيخ

ذكرتيني بنفسي كل يوم العب على نفسي اقول عادي ومتى ماولدت ولدت ولين حسيت بألم قلت عساه الطلق ورحت امشي خخخ

ربك يعين

[صدفة عمر]

::


مبروك اية تتربى بعزكم والله يصلحها لكم

بس ليش قيصري

,

نبض ام فيصل ام الشيخ وراجية

ي رب يسهل عليكم ويعجل الولادة ويسرها

ويفرحكم بشوفة الكتاكيت ع خير ي رب

دمعة وحشتينا ... اتوقع ولدت ي رب تقر عينها بشوفتة معافى


::

[نبض الشوووق]

هلا بنات اخباركم
انا تمام
عال فوق العال

[أم الشيخ خلودي]

كيفك نبوضه هاه ماحسيتي بشي
يختي احس تاريخ ولادتي مو صحيح :/

[أم الشيخ خلودي]

أبدولاجيش أبدولاجيش. أبدولاجيش أبدولاجيش أبدولاجيش أبدولاجيش أبدولاجيش أبدولاجيش أبدولاجيش أبدولاجيش أبدولاجيش أبدولاجيش أبدولاجيش. أبدولاجيش أبدولاجيش أبدولاجيش أبدولاجيش أبدولاجيش أبدولاجيش أبدولاجيش أبدولاجيش أبدولاجيش أبدولاجيش أبدولاجيش. أبدولاجيش أبدولاجيش أبدولاجيش أبدولاجيش أبدولاجيش أبدولاجيش

اندونيسية تنادي عبدالعزيز


تغير جو

[أم الشيخ خلودي]

احد موجود فيني النوم وطفشانه

[سعودية الهوى]

هلووووووووووووووو
حد هووووون

[غزاله شقرا]

يس أهلين سعوديه اخبارك ؟

[غزاله شقرا]

مبرووووووك الف الف الف مبروك يا ايه وان شاء الله تفرحين فيها عروس يارب
والحمد الله على سلامتك وسلامة البيبي

[غزاله شقرا]

بنات ابتسم دموعه ام ماهر صدفه فقيره خلوني حلا نبوضه ام الشيخ وباقي حوامل ربيع اول اشتقت لكم مووووووووت

[سعودية الهوى]

هلا غزوله
اخباركـ؟

[نبض الشوووق]

هلا بنات اخبارك
بدء عندي طلق بس خفيف حيل

[أم الشيخ خلودي]

يالبى قلبك غزوله واحنا مشتاقين لك يختشي
الحمدلله على سلامتك آيه مبروووووك الف مبروووووووووووووووووك
نبوضه ان شاء الله تباشير بقرب الشسمه يارب تهون عليك انا للحين لم اشعر بشي خلال هذا الاسبوع شي غريب

[أم الشيخ خلودي]

احس بس بحركتها وبطني احس بوه متحجر *_*

[om feesal]

اخباركم كروشات

ان شالله بخير


انا اليوم كان عندي موعد لمقاسات الحوض ومره ضاق صدري :(

قالت لي لو زاد وزن الجنين راح نولدك قيصري لان في شوية ضيق بالحوض ومانقدر محدد قيصري او طبيعي الا بوقت الولادة بناءا على وزن الجنن في ذاك الوقت :(


ادعولي اولد طبيعي

[نبض الشوووق]

هلا بنات للاسف راح الطلق
هع هع

[حلا المدينه]

هلا نبوضه اخبارك لسه تحاربي ماولدتي
ربي يسهلك يارب وتولدي

[نبض الشوووق]

هلا
اخبارج انا تمام الحمدالله ولسه نحارب
اتوقع خلاص اولد بعمليه ما اتوقع يجيني طلق

[ام طبوش]

الله يسهل ع الجميع ياااارب

[نبض الشوووق]

يااااااااااااااااررررب

[حلا المدينه]

نبوضه لا تستعجلي الله يسهلك ايش قالك الدكتوره باخر زياره

[نبض الشوووق]

قالت خلاص راس البيبي نزل في الحوض باقي لج بس 5 ايام وتخلصين فترة الحمل واذ ماولدتي الين يوم الاحد اروح لها وزم عميه لانه فترة الحمل منتهيه ويخافون على البيبي

[Om KHaled]

كروشات ربيع الاول , اهلا وسهلا فيكم شحالكم عساكم طيبين, كيف الحمل معاكم بهالشهر الاخير
انا عن نفسي خلاص ثقلت وماعاد فيني اقدر اتحرك
قولولي كيف باتقضوو هالايام هل من حركات رياضية ,ايش باتشربو ؟ ايش باتاكلو...؟؟
خبروني ايش اهم شيء الوحدة تساويه بهالشهر الاخير ..؟؟؟

[نبض الشوووق]

الله يساعدك
ويساعدنا

[حلا المدينه]

الله يكتب لك الي فيه الخير
انت تمشي كثير

[نبض الشوووق]

اوك بنات استاذن الله وياكم
وتصبحون على خير

[غزاله شقرا]

صباح الخير حوامل التاسع والثامن الله يسهل علينا يارب
في احد موجوووووود؟

[غزاله شقرا]

ام فيصل ماتشوفين شر حبيبتي وان شاء الله تتحسن أمورك وتولدين طبيعي ياااارب
حلا كيفك مع الطلق والالتهابات ؟اخذتي علاج لها ولا لا

[كآبتشينو]

هلآ بناااااات

مين موجود ؟

[غيومه]

صباح الخيرات....... انا جديده ولاني جديده,,,<<<براا
عموما اخباركم؟ هاه مستعدين للشنقله؟؟ّ!!<<<فيس ركبه تتصاكع خخخخ

[غيومه]

احد موجود الحين والا ؟؟؟؟؟؟
الحين الساعه 4:16 فجرا......<<<<<تقولكم انها بانتظار احد يعطيها فيس سلف

[غيومه]

..............................<<<<تسدحت ومدت ظهرها وعندها سوعال يدغدغها ودها تسألكم:(

[نبض الشوووق]

هلا بنات اخباركم
هل من احد

[أم الشيخ خلودي]

نبوضه خفت والله يعني الي تطوف التاسع تولد بعمليه :...( طيب مايعطونك طلق صناعي
ياربي والله شايله هم :...( المشكله معد حسيت بطلق مره خمول مب عاده بروح اليوم الدكتوره لازم اروح :..(

[نبض الشوووق]

هلا ام الشيخه لا تولد طبيعي بطلق صناعي بس انا ما يعطونى طلق

[خلوني على صبري]

صباح الخير على الجميع ويامررحبا بالاخت غيومه اخبارك ياغزاله واخبار الجدول بس حبيت ادخل واقولكم اني الحمدلله \\\\\\\لسه ماولدت \\\\ استناكم طابوووووووور

[نبض الشوووق]

هلا خلوني اخبارج مافيه يعني بوادر طلق عندك

[أم الشيخ خلودي]

مساء الخير هل من احد

[أم الشيخ خلودي]

نبووضه ليش مايعطونك صناعي ؟

[صدفة عمر]

::


غزالة ي قلبي فديتك وانتي لك وحشة وكل بنات التجمع

بس التاسع ثقيل وخمول حتى مالي حيل اتروش :(

بس ما ابغى اولد ذحين ي رب بعد اسبوعين اولد

,


ام فيصل كيف قاسوا لك الحوض ؟>>خايفة اروح اقيسة

واذا وزن البيبي فوق 3 ونص لاتغامري وتولدي طبيعي

انا بنتي كانت 3 وشيء بسيط بس بالقوة طلعت وتعبنا عشان الحوض ضيق

الله يسهل عليك الطيب ي رب


,

نبض ام الشيخ دمعة وفقيرة وخلوني ي رب تتسهل وتولدوا عاجلا

نبض ان شاء الله تولدي طبيعي وماتاخذي لين الاحد

ي رب تفرحنا اليوم بولادة نبض الولادة اليسرة وطبيعي

,

كابتشينو اخبارك ي قلبي ان شاء الله بخير واخبار غيث واخوة

ابتسم وحشتينا ي وحشة كيفك وكيف النونو المجهول


ام ماهر وحلا ليش دخلتكم خفت بس طمنونا عليكم وعن الكتاكيت

::

[أم الشيخ خلودي]

هلاوغلا صدفه انا موعد ولادتي السبت :...( يختي مافيه اعراض ولاده اقول يمكن غلط بالتاريخ
لكن ارجع اقول مستحيل يكون غلط انا اول دورة جتني عقب زواجي واخرها هي 25/5 ومعد جتني
كيف يكون غلط :...( الله العالم ان شاء الله كل تأخيره خيره

[صدفة عمر]

::


ام الشيخ ي قلبي اكيد التاريخ صحيح

بس عادي حتى لو اخذتي اسبوع في العاشر خاصة لو كنتي بكرية

لاتروحي المستشفى وتحرضي الولادة راح يتعبوك اكثر

لازم النونو يطلع مستحيل يجلس ببطنك ووقت مابيطلع حياة الله

ونبض ماتقدر تاخذ طلق لانها ولدت قيصري بحمودي

واللي تولد قيصري الطلق وتحريض الولادة رحمها مايقدر علية

وربي يسهل ولادتكم باقي لكم كم يوم ماتعرفوا امكن بكرة او اليوم تولدوا


::

[أم الشيخ خلودي]

صدفه قلت لرجلي خل اروح يكشفون علي قال بيتعبونك متى ماكتب الله يطلع بيطلع رفض يخليني اروح
حتى امي تقول انتي بكر لاتستعجلين
ياعمري ريحتيني صرت اشكك لي يومين خايفه اتحسس حركتها من كثر مااقرا قصص الولادة

[صدفة عمر]

::

ي قلبي انتي لا تقرئي قصص ومو كل الولادات زي بعض

وبصراحة في بنات تبالغ في الولادة وذحين الالم اللي نحسة اخف من الم امهاتنا

هم اللي يتعبوا وعليها كل سنة وهم حوامل لا بنج وابرة راس ولا ابر طلق

ومن ثاني يوم تقوم وتشتغل ... وكل شيء باجرة ي قلبي

انتي ادعي ربي يسهلها لك

وبعدين كثير في المنتدى ياخذوا اسبوع في العاشر وولادتهم سهالة وربي

الله يسهلها عليكم ي رب ولاتستعجلي ع عمرك بينزل اليوم او بكرة

وغالبا راح يمكن تعدي يوم ع التاسع وتولدي ^_*


::

[نبض الشوووق]

هلا بنات اخباركم
واخبار الحمل وياكم

[ابي بنوته خدودها مليانه]

السلام عليكم يابطات
وش اخباركم مع الثقل
ياقلبي عليك يانبوضه لسى مغرزه ماولدتي

الله يفرح الجميع بشوفه النونو

[صدفة عمر]

::


هلا نبض كيفك ي قلبي

ابي كيفك مع التاسع ان شاء الله بخير


::

[ابي بنوته خدودها مليانه]

بخير ياعمري بس احس ان المنطقه عندي مبلله وزي المويا وكل ماامسحها ترجع تتبلل
ربنا يستر

[om feesal]

مساء الخير بنات

بنات مادري احس النونو حركته قليله

يعني من الصبح ماتحرك يمكن الا ثلاث مرات او اربع

:(

انتو كذا والا اراجع الدكتورة

[صدفة عمر]

::


ابي عادي ي قلبي حتى انا المنطقة مرطبة وخاصة اذا مشيت كل شوي بلل

الله يعين خلاص هانت


,

ام فيصل اهم شيء انو يتحرك انا ماسار يتحرك الا في الليل ساير خفاش

ي رب تمم حملنا وفرحنا بشوفتهم وهم بصحتهم ي رب



::

[ابي بنوته خدودها مليانه]

طمنتيني ياقلبي
يارب هون علينا الطلق وفرحنا بشوفتهم

[om feesal]

صدفة عمر

سوت لي اشعة مقطعية

وقالت لي مدخل الحوض ومخرجة كويسة بس من الوسط ضيق وبتحدد لي اذا طبيعي او قيصري وقت الولادة :(

ومادري كم وزن الجنين الحين

الله يستر ويهونها علينا اجمعين

[صدفة عمر]

::


اها يعني مو بيدها القياس اجل راح اعملها عشان تتاكد من الحوض

انا الحوض ضيق بس ولدت طبيعي بس اذا اكثر من 3 ونص لاتغامري ي قلبي

ان شاء الله قبل الولادة يبين معك الوزن مع انو كل اسبوع النونو يكبر ربع كيلو


::

[صدفة عمر]

::


اللهم امين زوزو احس احيان اوسوس عشان النونو وصحتة

والقصص اللي البنات تكتبها عن موت اجنتهم في الولادة

ي رب فرحنا بشوفتهم وهم باتم الصحة والعافية ي رب

زوزو تعرفي ملاك اللي معانا بالقروب ولدت قبل يومين

اخذت في التاسع اسبوع وولدت ما شاء الله

::

[ابي بنوته خدودها مليانه]

ماشاء الله يابختها عقبالنا ونفتك من الثقل
والوسواس انا مثلك ياقلبي وقررت ماعدا اقرا قصص تخوف
والله اني احرك في بطني ابيه يتحرك من كثر الخوف
ان شاء الله انا مااطول في التاسع بس بجد بديت اخاف من الولاده
كنت بموت وادخل التاسع ولما دخلت قلت ماعاد ابغاه يخرج خايفه

[ابي بنوته خدودها مليانه]

والحين معاي زكام واحس ان حيلي مهدود مره وظهري تعبني
امس مشيت نص ساعه وماعاد قدرت اكمل قلت لزوجي جيب السياره وانا جلست عالارض
كاني اشحت بس الحمدلله الشارع كان فاضي

[أم الشيخ خلودي]

ياحبي لك صدفدف ع الكلام الحلو

[أم الشيخ خلودي]

شخباركم بنات نبوضه كيفك قليبي معك والله

[نبض الشوووق]

هلا بنات اخباركم
انا تمام

[غزاله شقرا]

صباح الخير حوامل
أخباركم؟
في احد اسولف معه موجود

[om feesal]

صباح الانوار

كيفك غزاله ان شالله بخير؟

[غزاله شقرا]

الحمد الله تمام بس اليوم طبخت الغدا وتعبت مسكني الم في ظهري بقوه

[غزاله شقرا]

انتي اخبارك مع الحمل ؟ان شاء الله تمام؟

[نبض الشوووق]

هلا اخباركم انا تمام
الحمدالله

[غزاله شقرا]

أهلين نبوضه أنا تمام بس اخبارك ومتى موعدك الجاي؟

[om feesal]

ماتشوفين شر

انا والله ظهري طول اليوم وهو يآلمني جالسه قايمه نايمه


ربك يعين

اخبارك نبض ان شالله طيبه


تهقون بنعوشر :(

[نبض الشوووق]

انا تمام موعدي يوم الاحد في الخاص في الموساه علشان انى عشرت
ههههههههههههه

[غزاله شقرا]

والله ما ادري بس أنا حاسني قلبي أني راح أطول ما ادري ليه

[نبض الشوووق]

هلا ام فيصل اخبارج حتى انتى من العواشر

[غزاله شقرا]

الله يعينك وان شاء الله تولدين قبل يوم الأحد

[نبض الشوووق]

ان شالله ياغزواله
اليوووم تبخرت بي كمون
يقلووون يجيب الطلق

[غزاله شقرا]

احس اي احد يكلمني من اهلي دايم يسال ها ماولدتي خخخخخخخ
اقول لهم لا احس أني مطوله

[om feesal]

لا للحين ماعشرت بس على وشك

والله جايني طفش هالاسبوع بزيااااااااااادة

[غزاله شقرا]

ياقلبي الله يهون عليكم كلكم وتولدون يارب ولاده طبيعيه

[غزاله شقرا]

ام فيصل بكريه انتي

[om feesal]

امين يارب
وإياك


كيف الكمون يانبض جاب مفعول والا لسى

[om feesal]

ايه بكريه
ومتحمسه ودي اشيل ولدي ^_^

[صدفة عمر]

::


الله يفرحك بشوفتة وهو بحضنك ام فيصل


كيفكم غزالة وام فيصل


::

[غزاله شقرا]

مادامك بكريه يا ام فيصل لاتستعجلين على نفسك

[om feesal]

امين تسلمين ياصدفة

اخبارك انتي؟


والله ماستعجلت على نفسي بس مره تعبت من دخلت التاسع وانا كل يوم اتعب اكثر من اللي قبله
احس مارح يجي وقت الولادة الا وانا معد فيني حيل

[صدفة عمر]

::


الله يقويك ام فيصل

بس اهم شيء كلي كويس عشان اذا جات الولادة يكون لك حيل

انا الحمد لله منيحة نفسي اطلع اتمشى طفشت من البيت


::

[غزاله شقرا]

أهلين صدفه اخبارك في طلوق هنا او هنا

[صدفة عمر]

::



نبض وام فيصل انتو باي اسبوع شريطكم صح او معلق


::

[صدفة عمر]

::


هلا غزولة لا الطلق دخلت التاسع مافية مع انو الطلق والتحجر جاني من السادس

وذحين الاخ مريح شكلي بطول معاك اصلا ما كاني في التاسع بس ثقل والم ظهر



::

[غزاله شقرا]

والله الحال من بعضو ياصدفه

[صدفة عمر]

::


اهم شيء ينزلوا وهمة بصحتهم ي رب وقت مابيطلع حياة ربي

بس ليش غزاله توقيعك الفلاشي 35 باقي اش مخربط

او انا اللي جهازي مخربط ؟

حتى انا مو راضي يحسب التاريخ صح يقول باقي لي 40 يوم


::

[نبض الشوووق]

هلا بنات اخباركم لا ياصدفه مو معلق الى على السونار انتهت مدة الحمل بس على تاريخ الدوره لا باقي لى
بنات ما تعرفون شنو صار على ورده لانه اليوووم له موعد توليد

[حلا المدينه]

صباح الخير كروشات اشتقت لكم

[غزاله شقرا]

الله يسهل لها يارب وتولد بالسلامة وعقبالنا لما نولد ونقوم بالسلامة ونفرح بسلامة البيبيات يارب

[صدفة عمر]

::


دوبي بسئل عن وردة اعتقد ولدت ي رب سهلها عليها اذا ماولدت

اها باقي لك اسبوع يعني .... ما اعرف ساير اشوف في المنتدى كثير يعشروا

واقصى حد 4 ايام ع حساب الدورة وقريب الاسبوعين ع حساب السونار

انا من ذحين مريحة نفسي بعطيها تعوشر خخخخخ

مصيرة بينزل بس اهم شيء الصحة وقت مابيخرج يخرج

فقيرة اعتقد خلاص خلصت التاسع ان شاء الله ولدت ع خير ي رب وسهاله



::

[نبض الشوووق]

ياااااارب غزواله متى موعد عندك
هلا حلا اخبارج واخبار الحمل

[غزاله شقرا]

بنات خلاص مو قادره أتحمل الم ظهري بروح أريح شوي على السرير اه احس ظهري راح ينقسم نصفين

[صدفة عمر]

::


حلا ي دوبا تتغلي كيفك ي قلبي وكيف التاسع معاك وناااسة مو ^_*

الله يسهلها علينا من جد الايام بسرعة خلصت

دوبي قلت لزوجي انا حامل وذحين في التاسع


::

[نبض الشوووق]

انا لو يعطونى طلق شان عادي عندي متى ماولدت بس مشكلتي عمليه هذا الى ذابحني

[غزاله شقرا]

أنا موعدي الأحد معك يانبض

[نبض الشوووق]

الله يسهل عليك
انا كل البيت يقول لى صبري واخذي من العاشر عشر ايام بس انا وحده خوافه اخاف يبرز او يصير شي

[صدفة عمر]

::


ربي يسهلها عليك نبض وتولدي طبيعي

نفس حالتي مو عارفة راح اولد طبيعي او قيصري

ربي يسهلها انتي استخيري ربك وادخلي طبيعي

بس اذا ماتسهلت اش تسوي غير قيصري واجرك ع ربك

انا ما ابغى اروح مستشفى لين الولادة او قبلها باسبوع وربي يخير ويشير ويسهل


::

[نبض الشوووق]

انا يا صدفه كيف ادخل طبيعي وانا ما جانى الطلق
اخاف تنتهي فترة الحمل والطلق ما جانى عرفتي

[صدفة عمر]

::


نبض ان شاء الله ماتاخذي في العاشر شيء

انتي باقي لك 9 ايام ع حسب الدورة يعني بيوم وليلة تولدي

وليش يتبرز ي قلبي مو كل من دخلت العاشر تبرز

وفية ناس من بداية التاسع نونتها يتبرز وتولد قيصري

انتي دايم استودعية ربك وادعي والدعاء يرد القدر

وربي يفرحك بشوفتة سليم معافى بس انتي لاتوتري نفسك وريحيها

عشان اذا جات الولادة ماتتعبي وربي يسهلها لك


::

[صدفة عمر]

::


اليوم قرئت قصة وحدة ولدت قيصري ومثل حالتك


في الثاني خلصت التاسع وجاها طلق وجلست يوم تطلق وفتح الرحم 10 سم

وربي سهلها لها مع انها كانت في الثاني تبغى قيصري

بس ربي كتب لها طبيعي ويسرها انتي ماعندك الا تجربي الطبيعي

واذا تعسرت قيصري وربي يختار لك الطيب

يمكن ع قولك تنزل موية الراس ومافتح الرحم وتولدي قيصري

ويمكن يفتح انتي لاتعملي حملك هذا زي البكرية لانو البكرية ضعيف وولد بدري


::

[نبض الشوووق]

لا ياصدفه باقي لى اقل من 9 باقي لي بس 4 ايام بس

[صدفة عمر]

::


اها الشريط معلق اجل لانو مكتوب باقي 9 ايام

ان شاء الله ي قلبي تولدي قبل تخلص وربي يسهل لك ويختار لك الطيب

سواء طبيعي او قيصري اهم شيء صحتك انتي والنونو تكونوا بخير ي رب


::

[نبض الشوووق]

مو فاهمه على صدفه انتى
عرفتي انا عطيني مهله بس يوم الجمعه تنتهي فترة الحمل وعطونى زياده ليوم الاحد وبعدها يقلووون لزم عمليه يعني كيف ادخل في طبيعي وطلق ماجانى

[صدفة عمر]

::


اها يعني خلاص قالوا لك الاحد قيصري الله يعينك ي قلبي

بس اذا جاك طلق اليوم ربوع باقي لك 4 ايام ربي يسهلها لك ي قلبي

ويقومك انتي والنونو بالسلامة .... بس اذا عملتي قيصري

راح تاخذي البنج نصفي او كلي ؟

::

[نبض الشوووق]

لا مو يوم الاحد العمليه القيصريه يعطونى موعد لها
انا ابقي نصفي ابقي اشوووف البيبي اول ما يطلع

[صدفة عمر]

::


يلا ظهري تعبني من الجلسة بروح اتمدد امكن انام

اشوفك بكرا ي قلبي ع خير


::

[صدفة عمر]

::


اية حتى النصفي ماتهلوسي منة وتطلعي الفضايح

وكمان عشان ماتصدعي الكلي يخوف

انا اذا بولد قيصري باخذة نصفي وان شاء الله ما اتوتر


::

[نبض الشوووق]

الله يهون عليك وعلي
يارب

[أم ماهر]

صبآآآح الخيــــــر000
والله لكـــم وحشـــه000
وحشتووونـــي000
بشروووونـــي مافيه احد ولد ؟؟

[وردة ينبع]

صباح الخير يابنات

[وردة ينبع]

بنات والله طفشت حدي حتى الموعد رحت بس لى دكتورة ثانيه وتقول نعطيك فرصة لن السبت وبعده نسوي لك تحريض

[نبض الشوووق]

خلاص ورده لا تعبين روحك ولاشي سلمي امرك لله نفسي انا عادي عندى
اخبارك واخبار النفسيه