مشاهدة النسخة كاملة : حبيباتى سيدات ليبيا تفضلو لأعرف ما حالكم
sosolibya
08-08-2013, 03:12 PM
أثرى
أكيد مشيتو لحوش العيلة
وملنمين ماشاء الله
إن شاء الله عيدكم مبارك وبالصحة والعافية عليكم
sosolibya
08-08-2013, 03:15 PM
أوشى ماشاء الله صغارك شباب وصبايا وأكيد عيدك فى حوشك ولا زعمة مشيتو لحش إمتعينك
إن شاء الله كل عام حيين وملتمين بالصحة والعافية
sosolibya
08-08-2013, 03:17 PM
جيجي الغالية
إن شاء الله العام الجاى بنتك فى حضنك وتجرى بينها وبين أختها فى العيد وندعولك حتى تكونى مثقلة ثانى
ولا ترتاحى شوية
مبارك عيدكم ومعيدين فايزين إن شاء الله
sosolibya
08-08-2013, 03:18 PM
جنودة الغالية
إن شاء الله العام الجاى وليدك فى حجرك وتعيدى بالخير والصحة والعافية إن شاء الله
sosolibya
08-08-2013, 03:22 PM
أمولة الحلوة
ربى يسهل عليك إن شاء الله
وتكونى العام الجاى مرتاحة ووليدك قدامك
وياااااااارب ربى يهون عليك غربتك ويفرحك بشوفة أهلك
sosolibya
08-08-2013, 03:27 PM
طبعا اليوم عيد
كل عام وانتم بخير
وطلع المقروض يمممممممممممممممممممم روعة خيااااااااااااااااااااال رهييييييييييييب
عجبهم وظلو يسألونى عليه وتخيلو حتى النكهة ممممممم طعمها غير طعمة المقوض ألأصلى العتيق
sosolibya
08-08-2013, 03:38 PM
أم فراااااااس يافروستى الغالية
كل عام وانت بخير وأسرتك الكريمة الصغيرونة بصحة وعافية
ويارب ديما ملمومين بالخير والهناء
sosolibya
08-08-2013, 03:39 PM
أم فراس مافهمتش انتى صرتى مرفة وةلا شنو على العموم ألف مبروووووووووووووك
حتى أنا الفترة متع الامتحانا طلبونى وماقدرتش
sosolibya
08-08-2013, 04:20 PM
أم معاد معقولة
هكى بس طليتى من فوق الصور وهربتى
كل عام وانت بخير ويارب يحفظلك زوجك وصغويرتك
السلام عليكم ورحمة الله وبركاته
وكل عام وانتن بخير وصحة وسلامة
وتقبل الله صيامكن وقيامكن وان شاء الله من العايدين والفايزين
اثري ... ام فراس .. جنودة .. جيجي سوسو
انحبكن في الله ونتمنا الكن كل خير
وربي يحقق امانيكن وينولكن اللي في بالكن
ام معاذ هلا بالطلة الحلوة ينعاد عليك رمضان بالصحة والسلامة
شموسة وينك ياحبيبة عساك بخير وينعاد عليك الشهر بصحة وسلامة
ماشاء الله يا اوشي ذكرتيني باحلي ايام مع غريبة القرنفل لا يعلي عليها بصراحة
شكلي بنديرها.....مع امس مانحبش اندير حلويات لكن هنا لا في ماما لا خالات ف نيوكاسل يعطني ههههههههه
هههههههههه ياعازة المينا والخالات .... يلا ياحبيبة وشمري علي ذرعانك وديري بروحك
اوشي كوب زبده وسمن مخلطات او كيف
كوب زبدة وكوب اخر سمن ... الحق انا اسفة تاخرت عليك
مش عارفة خيرني اليوم
يلي انديره يطلع مش كويس
درت خبيزة الظفيرة جت تلصف
وكيكة الكريم كراميل مش عارفة كيف بتطلع
اللي نمسه يطيح ولا تبزع آآآآآآآآآآآآآآآآآآآآآآآآآآآآآآآآآآه
فداك ياحبيبة ... عوينة ..
اوشـــــــــــي...
كل عام وانتي بخير وصحة وسلامة عزيزتي انتي وعائلتك الكريمة ...
وربي يحفظلك اعيالك وان شاء الله تشوفيهم عرسان وناجحين في الحياة وكيف ماتحبي واكثر...
http://ts3.mm.bing.net/th?id=h.4990250547413106&pid=1.7
http://forum.hwaml.com/imgcache2/hwaml.com_1375934183_100.gif
وانت طيبة وبصحة وسلامة .... الله عالعذوق تسلمي يالغالية
وربي يفرحك باعيالك وتشوفيهم كيف ما تتمني الله يحفظهم لك
أوشى ماشاء الله صغارك شباب وصبايا وأكيد عيدك فى حوشك ولا زعمة مشيتو لحش إمتعينك
إن شاء الله كل عام حيين وملتمين بالصحة والعافية
الله يسلمك ياعزيزتي وتفرحي باولادك واتشوفيهم صبايا وشباب
ردينة بكريتي توة خشت 12 سنة واشبوب محمد خش 11 سنة
اما عليوة 8 سنوات وعصومي 5 سنوات وروي 9 شهوررررررر
وبالرغم من هذا مااااااااااااازل انعيدو في حوش امتاعيني علي قولتك
درت الغدا ارز وبرودو وسلاطة وحمرت الدجاج
وخذيتلهم امعاي من الحلو اللي درته
ام فراس مبارك حبيبتي الاوسيمة والاشراف
توة غير شفتهن كنت صايمة الايام اللي فاتن
ههههههههههه
dr.loly
08-09-2013, 12:58 AM
السلام عليكم ورحمة الله وبركاته
dr.loly
08-09-2013, 01:00 AM
الله يبارك فيك اوشي حبيبتي
ههههههههههه الصيام دوخنا رسمي
بس الاشراف امس الصبح اظن او قبله بلبل كيف منحوه ليا من ام ارجوووووواااااان دزتلي مسج قالت بنحطوك في الاشراف نا ومجموعه اخري نظرا لتميزهم ونشاطهم ومواضيعهم الهادفه
وحتي اخر اوسمه جدد وعقبالك يا عسسسسسسسسل
أمل ليبيا
08-09-2013, 01:09 AM
جيجي وامولة ان شاء الله ربي يكمل حملكم علي خير
ويفرحكم بشوفت قرة أعينكم يارب
وان شاء الله لما يكبروا يردولكم كل التعب هدا
احني ومش مثقلين وتعبنا
ربي يكون في عونكم
امولة ياغالية فترة واتعدي علي خاطر زوجك
ماتخليشي يحس انه جايبك بالغصب كله في سبيل دراسته
ولاحقة عليها الحنه
لو كنت في مكانك راني خديت نقشات حلوات وحنه متاع الصبغة الحمراء عشر دقائق وحولي
حتي العيد هدا هكي بندير حنه بناتيه ايديا بس
عندنا اعراس بعد العيد مباشرة نبي نحني حنه كويسة بعدين
ياريتك جنبي انحنيك احلي حنه
باااارك الله فيك ياجنودة ع كلامك الطيب والذوووق بجد والله كأنك حنيتيني تسلميلي يارب وكل سنة وانتي طيبه وينعاد عليك بالصحة والسلامه انتي وكل احبابك وعائلتك وان شاء الله ربي يسعدك ويهنيك مع زوجك وتاج راسك ويطول في عمره ويرزقكم الذريه الصالحة عاجلا غير اجلا يارب وتعم الفرحة والسعادة قلبك الطيب الي يستاهل كل خير يااااارب اميييييين
امل ليبيا
كل عام وانتي بخير عزيزتي اانتي وكل ناسك واحبابك وعائلتك الكريمة....
وان شاء الله ربي يتمم حملك علي خير وسلامة
وتفرحي بشوفة اوليدك او بنيتك بين ايديك..
يهون عليك غربتك ويونسك في غياب والده...
عيدك مبارك
http://forum.hwaml.com/imgcache2/hwaml.com_1375936225_667.jpg
http://ts3.mm.bing.net/th?id=h.4887738303448638&pid=1.7
كل سنة وانتي طيبه ام فروسي الغاليه وان شاء الله عيدك مبارك وينعاد عليك بالصحة والسلامة يارب وان شاء الله ربي يهنيك ويحفظك حبيبتي ويحفظ اميرتك واميرك الصغار وزوجك وكل احبابك يارب كل سنة معيدين معاك بخير
وسعى بالك حبيبتى أمولة والله انتى متعبة نفسيتك هلبة وحاسة بيك ياعمرى حتى أنا الفترة هذه على سبلة
وربى يهديك وينزل عليك السكينة إن شاء الله
الله ياريت نقدر نجى نحنيك ياغالية
الله ياسوسو غير كلمتك هذه سادة والله كأنك حنيتيني ياغاليه
أمولة الحلوة
ربى يسهل عليك إن شاء الله
وتكونى العام الجاى مرتاحة ووليدك قدامك
وياااااااارب ربى يهون عليك غربتك ويفرحك بشوفة أهلك
كل سنة وانتي طيبه وان شاء الله عيدك مبارك وان شاء الله ربي يهنيك ويحفظلك احبابك واهلك ويدوم عليك هاللمات الحلوة ويخليلهم دلوعتهم سوسو الي مايحلاش العيد والفرح الا بطلتها وروحها الحلوة وربي يحفظلك غزالك وعسولتك ريم ويسعدك دنيا واخرة تستاهلي كل خير
dr.loly
08-09-2013, 01:10 AM
اليوم طبعا كالكل وممكن اكثر دااااااااااااااااايخه والدنيا تلف وزيدها يا زايد جتني الدوره الصبح بدري.....
امس رقدنا بدري نحن والعيال ع اساس واحد الاء ماكملتش ساعة ونص وناضت
طبعا علقت معاها للصبح
وقعدت خارج السيطره راسي داخ والدنيا بيا تبرم
ناض زوجي ... وقلت لازم انديرله جو العيد حسب ما متعود عند هله طبعا ايديروا في مقطع
ونحن نديروا ب عصيدة نقصد سبر هلي طبعا
هو كان يبي عصيده بس القيت الزبدة اشويه عندي و طبعا مافش رب تمر
فدرتلها امقطع وجا حانط ويهبل وجا صاحبه العازب كلاه معاه بم ان حتي هو متعود عليه عند هله
وانا بعدها رقدت ساعتين....
ونضت تغدينا خفيف لان كنا عابين انتعشوا برااااااا في مطعم السلطان ... لبناني
خلاص طلعنا وكانت بطني اتلوي ودايخه
ولبسنا العيال وانطلقنا للحديقه اللي جنبنا... الحق ما انسجمتش كيف قبل بطني وجو شين وليا زمان ع منظر الانجليزيات المتعريات خصيصا المراهقات يقززن فيا ........ استغفر الله
درجح فروسي ولعبه بعد قتله معش نقدر قالي ماتبيش المطعم قتله والله مانقدر خلاص روحنا وطلبنا ديلفري
وقالي اختاري انتي ع ذوقك
اخترت مشاوي مشكل ... وشيش طاووق مشوي ..
وكبة... وجتني ع الفلافل ... وفتوش وطحينيه وبطاطس مقليه و خبزة بالبارميزان
كلينا وزوجي كل شوي ران شاب يعيد ماتهنش ع وكلته اخرتها جونا اثنين بالحوش
عدوا بعدها جا واحد قالي معش عندي نيه...
وكلت فروستنا عند داخ ونعسسس
ولميت حوسه الاكل وجهزت القهوة والحلويات لزوجي عشااان اصحابه...
وطلقت بخور وفاسوخ وسلامتكم ههههههه وجيتكم
وهذا ملخص اول يوم بالعيد........
وكل عام وانتم بألف خير وصحة وسلامة
أمل ليبيا
08-09-2013, 01:15 AM
اختي اثري كل سنة وانتي طيبه وعيدك مباااارك وينعاد عليك بالصحة انتي وكل اهلك واحبابك يارب
-------------------------------
اوشي
كل سنة وانتي طيبه وينعاد عليك بالصحة والسلامه وربي يحفظلك صغارك ويسعدك ويهنيك يارب
------------------------------
جي جي كل سنة وانتي طيبه وينعاد عليك بالصحة والسلامه وان شاء الله العيد الجاي تعيدي مع اميرتك التانيه ربي يخليهملك الحلوات
--------------------------
ام معاد\ام نوسه\شموسه
كل سنة وانتم طيبين وعيدكم مبارك وينعاد عليكم بالصحة والسلامه مع احبابكم واهلكم يارب
dr.loly
08-09-2013, 01:15 AM
اموله قصدك ماعندكمش محلات وحلوانيات شرقيه ...
نحن في حلواني بصراحه حاجته احلي حتي من ليبيا هههههههه
البقلاوة والكنافه والبسوسه وبلح الشام والزلابيه والمعمول ايدير فيهن خيال
لبنانين
جبنا مشكل بقلاوة ومشكل حلويات منه ...
مع شوكلت وانواع اخري
ح نحطلكن صورهن بكره ان شاء الله...
الظاهر ان بريطانيا افضل من امريكا في الناحية هذه...
وشن جو اول ايام العيد عندك؟؟؟؟؟
أمل ليبيا
08-09-2013, 01:29 AM
ام فروسي ماشاءالله ربي يعطيك الصحة صاحبة واجب ديما ربي يدوم التفاهم والود بينك وبين زوجك و ان شاء الله لاباس عليك فعلا لما تجي الدورة اتعب نفسيا قبل جسديا ربي يعينك
أمل ليبيا
08-09-2013, 01:37 AM
[qu
اموله قصدك ماعندكمش محلات وحلوانيات شرقيه ...
نحن في حلواني بصراحه حاجته احلي حتي من ليبيا هههههههه
البقلاوة والكنافه والبسوسه وبلح الشام والزلابيه والمعمول ايدير فيهن خيال
لبنانين
جبنا مشكل بقلاوة ومشكل حلويات منه ...
مع شوكلت وانواع اخري
ح نحطلكن صورهن بكره ان شاء الله...
الظاهر ان بريطانيا افضل من امريكا في الناحية هذه...
وشن جو اول ايام العيد عندك؟؟؟؟؟
صحتين ع قلبكم ياغاليه
لا طبعا حتي امريكا فيها محلات ماشاء الله مشهورة بس القصة عشان ماتستغربيش اني في مدينة صغيره جدا مقارنة بالمدن الكبيرة بأمكانك تقولي قريه هي طبيعتها تهبل وامان واسعارها معقوله وجامعتها مستواها قوي لذلك ماشاء الله فيها غير الليبين بس قريب 70 عائلة غير العرب الاخرين لانها مناسبه جدا في المعيشه لكن الاسواق موجودة بس فروع يعني مش مولات كبيرة واسواق ومطاعم عربيه هدوما كلهم لما نبوهم نمشو للمدن القريبه منها تبعد حوالي 1 الي 2 ساعتين نجيبو بضاعتنا الي ناقصتنا ونروحو
وان شاء الله ناويين نمشو بمناسبة العيد لكانساس سيتي اكبر مدينة في ولايتنا
وطبعا ولايتنا تعتبر من افقر الولايات اسمها ميزوري
بس تعرفي رغم ذلك نقول ياريت عاصمة ليبيا طرابلس تجي في ربع نظام وطبيعة رولا مدينتي حاليا!!
أمل ليبيا
08-09-2013, 01:45 AM
بالنسبه لاجواء العيد اليوم نضت بكري عجنت السفنز طبعا من عاداتنا في ليبيا نفطرو عليه وبعتت منه لجارتي واحني خدينا شويا بس ومشينا للجامع لقيت ماشاء الله الليبيات والعرب زحمة عيدنا وصلينا صلاة العيد بعدين نزلنا تحت في صالة مداير فيها الجامع بوفيه فطور ماشاء الله فيه كل شئ والليبيات الله يبارك فيهم دارو بوفيه زيادة من اكلاتهم وحلوياتهم وفطرنا كلنا وهدرزنا وبعدها وزع الجامه العاب حلوة للصغار كلهم ودار مسابقه قرأن كريم حضرناهم وهدرزت مع صديقاتي اهني وبعدين روحت طبعا النساء مفصولين ع الرجال في الجامع كل حد\ بروحه وبعدها روحنا دزتلي جارتي قلايا تغداها زوجي واني خلاص من الحلويات زهقت وماخاطري في شئ والحمد لله طلعت الجامع غيرتلي جوي شويا حسيت بأجواء العيد
جوهرة ليبيا
08-09-2013, 03:21 AM
السلام عليكم ورحمه الله وبركاته
حبيباتي الغاليات ربي يحفظكم )اثري,سوسو,اموله,ام فروسي ,جنووووده,,شموسه,اوشي,ام معاذ,ام نوزه,,,,,,
كل عام وانتم بالف خير وربي يتقبل منا اجمعين ويحفظ صغارنا ويحقق جميع امنياتنا يااااااارب ويرزق نجمه تجمعنا جنوده الذريه الصالحه ياااااااااااااارب
جوهرة ليبيا
08-09-2013, 03:44 AM
من ساعه بس كيف روحت من حوش سلفتي آآآآآه تعبانه موت
بعد معطيتهم الغداء وتغدينا وغسلت الماعين وروحت رقدت ساعه ونضت العصر صليت ومشيت لحوش بوي
ربي يحفظه ويشفيه طبعا مانحكيلكمش كيف نفسيته والله نكتب وعيني بروحها ادمع يكفي ان مايقدرش ايمد يده ويعيد عليك
خشيت بوسته وبست راسه وطلعت خلاااااص مقدرتش بعد ساعه ونص باهي شوي تغير جوه مع الصغار واللمه والماشي والجاي
احني عاداتنا غدانا فاصوليا وامبطن واغلب الطرابلسيه وعصيده وسفنز وفطيره علي حسب
بعد المغرب روحت درت دوره في حوشي وغيرت حوايجي ورنوده اللي طلعت ملكه اليوم عمها قريب زمطها وزياده كحلتلها عيونها وهي الاخت فرحانه موووووت
ومشيت لحوش سلفتي القيت امها وخواتها جايين الزوز ومرت خوها
بس والله ماشكرانيه في روحي حاطين لحم يطبخ في الميه وخلاص وميه العصيده تغلي
وامقعمزين عالعاله والعشاء ياذن انا انصدمت نحساب روحي جايه عالعشاء ومتحشمه قلت ان شاء الله تو نغسل الحوسه
سلمت وطيبت الحلبه او الخلوط اللحم كان طايب ساعه وكانت جاهزه وامها مسكينه دارت العصيده
وجهزوا معاي السفر
طبعا عزوزتي مولعه كيف لين جيت ماداروا شئ وكله درته اني
بس تعرفوا وين المشكله ان تعشوا
وروحوا!!!!!!!
قريب متت في المطبخ وجايبين حاجات شن ستفهملي والتلاجه حايسه والمطبخ كله حوسه رمضان ماضمتاش ملحقتش ووووووووو وعزوزتي بتهبل والحق سلفتي متحشمه قالتلي سامحيني
والله انا درت كل شئ وباجره لكن الحق خواتي حتي وحده متروحش لين ترتب كل شئ هكي متعودين
انا صار عليا ضغط من ناحيه اولا تعبانه وحامل وبنتي تنقنق وصغار هلبه ودوشه وعزوزتي واقفه علي راسي وماتبنيش اندير تبيهم يقعدوا ايديروا وهما اصلا لبسوا وطالعين ربي يهديها
وغدوه كان احيانا ربي مايبوش ايجوا وغدوه الزحمه الرسمي خوات عزوزتي ونساوين خوها وووو ربي يعطيني صحتي وبندير الغدي
من امبكري نستني في الغساله توقف لان سلامه حياتو مجهزتله البارح خمسه سواري عربيه الطوال وكلهم لابسهم قالي رطوبه وحق الجو كان ضغط هلبه سبحان الله
توه ياغاليات سلام وادعولي ربي ايعاوني والله حتي حوش بوي معتقدش نقدر نمشي وخواتي مش كلهم لحقت عيدت عليهم بالتلفون بس
ادعوا لولد اختي انصاب بعين ربي يحفظه هو الولد اشقر ماشاء الله ابييييييييض وعيونه كبار وزق وشعر اميه ذهبيه تبارك الرحمن
حراره وطفح في جسمه كله وطول الوقت يبكي مع ان رقاته هو واخته بس سبحان الله العين حق وكل واحد شن كاتبله ربي هو الحق طالع لبوه اشقر احني عالعسلي نص ونص التاني عالاكحل خوي الكبير ووحده من خواتي بس عيونهم خضر لجدي بو بوي
سلااااااااام
أم أجنادين 80
08-09-2013, 12:59 PM
السلام عليكم ورحمة الله وبركاته
كل عام وانتم بخير حبيباتي
ينعاد عليكم بالخير
أم فراس مبروك الإشراف احبيبة استغربت اسمك ازرق بعدها ركزت علي الإشراف تستاهلي
جيجي مبروك علي سلفتك
حبيبتي ماتبالغيش في الحركة هدا كله من واجب الخوات مش السلفة
ومع هدا انتي ماقصرتيش قمتي بالواجب لاتنسي انك حامل ومحتاجه لصحتك
أم أجنادين 80
08-09-2013, 01:00 PM
وان شاء الله الف لاباس علي ولد اختك جيجي
dr.loly
08-09-2013, 01:46 PM
صحتين ع قلبكم ياغاليه
لا طبعا حتي امريكا فيها محلات ماشاء الله مشهورة بس القصة عشان ماتستغربيش اني في مدينة صغيره جدا مقارنة بالمدن الكبيرة بأمكانك تقولي قريه هي طبيعتها تهبل وامان واسعارها معقوله وجامعتها مستواها قوي لذلك ماشاء الله فيها غير الليبين بس قريب 70 عائلة غير العرب الاخرين لانها مناسبه جدا في المعيشه لكن الاسواق موجودة بس فروع يعني مش مولات كبيرة واسواق ومطاعم عربيه هدوما كلهم لما نبوهم نمشو للمدن القريبه منها تبعد حوالي 1 الي 2 ساعتين نجيبو بضاعتنا الي ناقصتنا ونروحو
وان شاء الله ناويين نمشو بمناسبة العيد لكانساس سيتي اكبر مدينة في ولايتنا
وطبعا ولايتنا تعتبر من افقر الولايات اسمها ميزوري
بس تعرفي رغم ذلك نقول ياريت عاصمة ليبيا طرابلس تجي في ربع نظام وطبيعة رولا مدينتي حاليا!!
اها حتي نا توقعت انكم في قرية لان صاحباتي اللي طلعن للدراسه بامريكا كلهن يقولن اغلب الاشياء منوفره...
حتي القري هنا ممكن نفس الشئ بس بريذانيا كثرة الباكستان فيها هي لي خلت اللحم الحلال ومنتجات الحلال متوفره بشكل رهيب حتي في القري....
نحن في نيوكاسل طبعا زي ماعرفه وساكنين في منطقة فيها مسلمين واجد ...
لذلك المسجد قريب جدا ...
والشارع الرئيسي للمنطقه ا ذ كان مش كله تقريبا اغلبه مطاعم ومتاجر حلال... وحلواني وفي متجر كبير اسمه نيوكاسل حلآل كل مايخطر ببالك فيه ... من حاجات نفس لي عندنا بليبيا واحلي الحق اي المنتجات العربية زي القشذة والاجبان والعجينات الواتيه باف باستري وبروريك وحتي قمر الدين لقيناه والكاسترد والسحلب والمهلبيه واتي كله وغيره ...
وفيه قسم للحوم والدواجن...
وفي متجر اخر اسمه الحاج مصطفي وواحد اسمه ناجي هذا باكستاني وفيه كل حاجة حتي هو جميع انوااااااااع الكسكسو
وبهارته خيال هههههههههه ذلع نحن لي ماعندنا بهارات بليبيا بم انه متجر باكستاني غاليات عليهم البهات
في اللي تلقيهن عيدان وفي لي نص طحن وفي اللي مطحون ناعم...
زي جوزة الطيب والهيل والقرفه والزنجبيل فيه هكي وهكي
والاوريجانو والبابريكا تهبل متاعهم وخاطيهن حاجات بهارات خيااااااااال بصراحة
وعجبني يومك بالعيد ماشاء اللله ... فعلآ اجواء عيد صح الحق هنا مافيش هذكا الجو او نحن منطوين ع انفسنا ماعرفتش
امس جت عيدت جارتي وماشين يعيدوا ع بعض العائلات اللي معانا نحن مانعرفوهمش نفسنا حتي هم ف ماحبينش الفكره ان نمشوا ع ناس هكي فجأه خصيصا ان اول يوم ودايخين كلهم...
ع سيرة باكستان امس نحن مروحين حصلت صالون تجميل ورانا بخطوة ههههههه باكستان
برمت ع وجي اشويه...عندهم والحق تسعيرتهم كويسه وعطوني كتالوج متاعهم وقالتلي اندير في ميكاج هندي واستايل انجلش واسيوي... وتدير في حنه ومحنيه يدها بصرااااااااااحه خياااااااااااااااااااااااااااااااااااااااااال لكن زوجي يكرهها للاسف
النقش متاعها خيال ور روعه كان تحصلها جيجـــي بس هذه ح تعجبها واجد متاكده
اللي ماعندهمش هو قص الشعر طبعا صالون بروحه القص عندهم بالك انحصلي واحد بالصدفه لان شعريخلاص ماعش ينفع م الاخير ذهب مع الريح ياخساره ايطيح ومتقصف بكل وزاده الجياب والحمل وتوا الرضاعه الطبيعيه
امتعبني ف المشط بم ان طووووووويل خلاص حتي زوجي قال قصي عادي
dr.loly
08-09-2013, 01:52 PM
من ساعه بس كيف روحت من حوش سلفتي آآآآآه تعبانه موت
بعد معطيتهم الغداء وتغدينا وغسلت الماعين وروحت رقدت ساعه ونضت العصر صليت ومشيت لحوش بوي
ربي يحفظه ويشفيه طبعا مانحكيلكمش كيف نفسيته والله نكتب وعيني بروحها ادمع يكفي ان مايقدرش ايمد يده ويعيد عليك
خشيت بوسته وبست راسه وطلعت خلاااااص مقدرتش بعد ساعه ونص باهي شوي تغير جوه مع الصغار واللمه والماشي والجاي
احني عاداتنا غدانا فاصوليا وامبطن واغلب الطرابلسيه وعصيده وسفنز وفطيره علي حسب
بعد المغرب روحت درت دوره في حوشي وغيرت حوايجي ورنوده اللي طلعت ملكه اليوم عمها قريب زمطها وزياده كحلتلها عيونها وهي الاخت فرحانه موووووت
ومشيت لحوش سلفتي القيت امها وخواتها جايين الزوز ومرت خوها
بس والله ماشكرانيه في روحي حاطين لحم يطبخ في الميه وخلاص وميه العصيده تغلي
وامقعمزين عالعاله والعشاء ياذن انا انصدمت نحساب روحي جايه عالعشاء ومتحشمه قلت ان شاء الله تو نغسل الحوسه
سلمت وطيبت الحلبه او الخلوط اللحم كان طايب ساعه وكانت جاهزه وامها مسكينه دارت العصيده
وجهزوا معاي السفر
طبعا عزوزتي مولعه كيف لين جيت ماداروا شئ وكله درته اني
بس تعرفوا وين المشكله ان تعشوا
وروحوا!!!!!!!
قريب متت في المطبخ وجايبين حاجات شن ستفهملي والتلاجه حايسه والمطبخ كله حوسه رمضان ماضمتاش ملحقتش ووووووووو وعزوزتي بتهبل والحق سلفتي متحشمه قالتلي سامحيني
والله انا درت كل شئ وباجره لكن الحق خواتي حتي وحده متروحش لين ترتب كل شئ هكي متعودين
انا صار عليا ضغط من ناحيه اولا تعبانه وحامل وبنتي تنقنق وصغار هلبه ودوشه وعزوزتي واقفه علي راسي وماتبنيش اندير تبيهم يقعدوا ايديروا وهما اصلا لبسوا وطالعين ربي يهديها
وغدوه كان احيانا ربي مايبوش ايجوا وغدوه الزحمه الرسمي خوات عزوزتي ونساوين خوها وووو ربي يعطيني صحتي وبندير الغدي
من امبكري نستني في الغساله توقف لان سلامه حياتو مجهزتله البارح خمسه سواري عربيه الطوال وكلهم لابسهم قالي رطوبه وحق الجو كان ضغط هلبه سبحان الله
توه ياغاليات سلام وادعولي ربي ايعاوني والله حتي حوش بوي معتقدش نقدر نمشي وخواتي مش كلهم لحقت عيدت عليهم بالتلفون بس
ادعوا لولد اختي انصاب بعين ربي يحفظه هو الولد اشقر ماشاء الله ابييييييييض وعيونه كبار وزق وشعر اميه ذهبيه تبارك الرحمن
حراره وطفح في جسمه كله وطول الوقت يبكي مع ان رقاته هو واخته بس سبحان الله العين حق وكل واحد شن كاتبله ربي هو الحق طالع لبوه اشقر احني عالعسلي نص ونص التاني عالاكحل خوي الكبير ووحده من خواتي بس عيونهم خضر لجدي بو بوي
سلااااااااام
جيجي ربي يعطيك الصحة ... بصراحة قلة ذوق انهم يسيبوا بنتهم هكي...
انا في جياباتي الاثنين اهلي وخواتي هم اللي يصبولي من جميع النواحي ...
وخصيصا الحمل متعب وزيدها يا زايد تنقنيق الصغار بعد ينقوا خلاص معش نقدر نتلخبط ومعش انركز
dr.loly
08-09-2013, 01:56 PM
جنوووودة الله يبارك فيك ياغاليه...
نذكر حكيتي ع ان مافيش شئ زبط معك يوم الكبيره حتي نا نفسك هههههههه درت كيكة ماطبتش من النص وقعدت نستني ونعلي وانوطي ف كوشه اخرتها عزقتها واول مرة تصير معاي ..... ودرت كريب كل مانحط طرف يتكسر عقدني عزقته تعب ع الفاضي اخرته درت امبطن ورز بخلطة وسندويتشات عليك يوم كان ...
وما حكيتلنش شن لبستي بالعيد رداء او لا؟
أم أجنادين 80
08-09-2013, 01:57 PM
كل عام وانتي بخير ام فروسي احبيبة
شكرا علي المعايدة الراقية
هلا ام معاد شن اخبارك وكل عام وانتي بخير
أم أجنادين 80
08-09-2013, 02:01 PM
لا ام فروسي لبست جلبابي او جبتي اللي خديتيها
والكل اعجب بيها لونها عسكري هادي قماشها حلو والتفصيلة حلوة
وخديتلها وشاح نفس اللون بس علي درجة اهدي
وفيه نقوش بالبرتقالي مع حذاء كاكي
أم أجنادين 80
08-09-2013, 02:05 PM
ســـوســـــو شكرا علي الدعوة
طبعا حاصلة في حوش العيلة ههههههههههه
بس قبل العصر مشيت لحوش بوي كل خالاتي ملتمات عند ماما وكان جو مش عااااااادي
أم أجنادين 80
08-09-2013, 02:24 PM
اليوم غداي مكرونة بكبوكي
ياالله خاطري فيها
أثري في مدادي
08-09-2013, 02:40 PM
الســـــــــــــــــــــــــــــــــــــ عليكم ورحمة الله وبركاته ـــــــــــــــــــــــــــــــــــــــــــــلام
تقبــــــــــــــــــــــــــــــ الله منا ومنكم ــــــــــــــــــــــــــــــــــــــــل ~~~~~~~~~~~~~~~
و
غفـــــــــــــــــــــــــــ الله لنا ولكم ـــــــــــــــــــــــــــــــــــــــــــــر~~~~ ~~~~~~~~~~~
أتعلموووووووووووووون
أن للأعياد بهج ـــــــــــــــــــــــــــة ؟؟؟
لكنكم بكل تأكيد ................... لا تعلمون
أنكم
أنتم
بهج ـــــــــــــــــــــــــة جميع الأعيـــــــــــــــــــــــــــاد
حفظكم الرحمن
دوماً
محبتكن عبر الشبكة العنكبوتية
أثـــــــــــــــــــــــــــــــــــري ~~~~
أم أجنادين 80
08-09-2013, 03:17 PM
يلا كل وحده تحكيلنا علي عيدها شون لبست ووين مشت
أثري في مدادي
08-09-2013, 04:02 PM
أم فروســـــــــــــــــــــــــــي ،،،،،،،،،،،،،،،
تميزت كالعادة بــــــــــــــــــمعايدة متميـــــــــــــــــــــــــــــزة
معطرة بصور رائــــــــــــــــــــــــعة
وبإهتمام شخصي أروع
مباركــــــــــــــــــــ
عيدك
وعقد قران أوخياتك
وتحصلك على مرتبة الإشراف والأوسمة المتنوعة
فأنت أهلا لهاااااااااااااااااا
قبلاتــــــــــــــــي
لأحبتي الغاليــــــــــــــــــــــــــين
أم أجناديـــــــــــــــــــــــــن
عيد مبارك وجعله الله فاتحة خيــــــــــــــــــــر عليك
وإن شاء الله العام الجاي تديري طريق علي محلالالالالالالالالات الأطفال
آميــــــــــــــــــــــــــــــــــــــــــن
يعطيك صحيحتك ،،، ويرزقك الله ثواب البر بالوالديـــــــــــــــــن
فهو ثواب عظيم جداااااااااااااااا
*** شكرا على طريقة البصمة شكلها حلووووووووووة
ســـــــ سو ــــــــــو
اللهم باركـــــــــــــــ
لمة رووووووووووووووووعة
وترابط أسري مميز
حفظكم الله ن كل سوء
تقبل الله منا ومنكم
وربي يعطيك اصحيحتك علـــــــــــى ::: الغريبة والمقروض والجيرسي ~~~~
ومشكورة وايد على وضعك للطرق
نتفرغوا شويـــــــــــــــة ونجربوا
لأنــــــــــــــــــــــي
ولله الحمد عندي بعض المهارات في الحلو
اشتغلت فترة ندير في طلبيات بس بشكل محدود نوعا ماااااااااااااا
جـــــــــــــ جي ــــــــــــــــــي
مبارك عيدك ،،، وإن شاء الله كل أيامك أعياااااااااااااااااااد
وربي يكمل فرحتك بتمام حملك على خير
ياااااااااااااارب
ومبارك علــــــــــــــــــــى
سلفتك العزري
راهو خاطرها في بنووووووووووووووتة ؟؟؟
وربي يعطيك صحيحتك ،،، ويباركلك فيها
بـــــــــــــــــــــــــــــــــــــــــــــــــ س
*** انتبهي شوية لنفسك ،،، وماتحمليش روحك فوووووووووووق طاقتها
تعرفي علاش
لأنك وين تقدمي هلــــــــــــــــــــــــــــبة معونات
وتفزعي هلــــــــــــــــــــــــــبة فزعات
وتكون علي حساب صحتك وبيتك وزوجك وبنوتتك
لماااااااااااااااااا
تصيرلك مناسبة أو تحتاجي لمعونة
وتلقي الجانب الآخــــــــــــــــــــر متقاعس
تصابي بإحباط وخيبة أمل
لأنك قدمت الكثير فلم تجدي شيء
وينتج عن ذلــــــــــــــــــــك
** كوكتيل من المشاعر البايخة
فلهذاااااااااااا
عاوني وافزعي لكـــــــــــــــــــــــــــــن برفــــــــــــــــــــــق
نصيحة من أوخية محبة لكـ
أوشـــــــــــــــــــــــــــي
عيد طيب معطر بنكهة الشرق الأبية
ربي يحفظ اعويلتك ويباركلك فيهم
وإن انشاء الله نقعدوما ملتمين نين نشوفوا أحفادك ياااااااااااااااارب
وتشوفي أحفادنا كمااااااااااااااااان
وصحتين حلويات العيد الزمنيـــــــــــــــة الروعة
وزادك الله علما بالطرق اللي حطيتيها
أمولــــــــــــــــــــــــــــة
مبارك عليك أول عيد
له نكهة خاصة ومكان محفوظ في الذاكـــــــــــــــــــــــــــــرة
ولا يهمك توا
يولي كله ذكريات ،،،تبتسمين حينما تتذكرينها
أول عيد لي بعد الزواج
قضيته في حوووووووووووشنا
وأني نبكي ونرجع """حاشاكم ""
ونقول ::: هذا عيد الناس مش عيدييييييييي خخخخخخخخخخ
كنت نتوووووووووووووووحم
ببنتي اللي توفت
لو عاشت لكان عمرها 12 سنـــــــــــــــــــــــــــــة
الحمد لله
ربي يعينك ويسهلك أمرك
ويوفق زوجك
وتروحي لبلادك مجبورة الخاطر ممنونة
وتعرفـــــــــــــــــــــــــي
اللي في وسط البلاد يتمنى يكون براااااااااااااااااا منهااااااااااااا "" بسبب أحداثها الأخيرة """"
واللي برا منها يتمنى يكون داخلهااااااااااااااااااااا
والحمد لله
وصحة حنينة إيديتكـــــــــــــــــــــــ
إن شاء الله بالعافية والسلامة
~~~~~~~~~~~~~~~~~~~~~~~~~~~~~~~~~~~~~~~
الحبيبات
الغائبات
عن التجمع
الباقيات
في القلب
*** أم معاذ
*** أم نوزة
*** شموسة
مبارك عيدكن وإن شاء الله بالصحة عليكن
يتبع موجــــــــــــــــــــز عيدي
بعد قليل
أثري في مدادي
08-09-2013, 04:21 PM
ليلـــــــــــــــــــــــــــــــــــة العيـــــــــــــــــــــــــــــــــد
قضيتها في تجهيزات العيد
كوي ملابس
نفخ بالونات
تغليف هدايا
تغيير مفارش البيت "" عندي مفارش وإكسسوارات خاصة بالأعياد والأيام الخاااااااااصة """
نمت شوييييييييية قبل الفجر
وبعد الفجر
جهزت نفسي وبنوتتي ووليدي
وتوكلنا لصلاة العيد
ما نتخيلش في روحي نعيد بلا صلاة عيد !!!!
جوها مش عادي
روحنا
خديت تشكيلة الحلوات وأكياس الهدايا
ومشينا لحوش شيابيني """ هل داري """
قعمزنا شوية لقيت سلفتي غادي
وبعدين طلعنا باش نديروا جولتنا حول العائلة
""" خال متوفية زوجته أول عيــــــــــــــــد
خال ولده داير حادث في آخر رمضان مامشنالاش
ووووووووووو
المهم وصلنا للحوش مع آذان الظهر
لقينا حماتي جاية
درنا بكبوكي
""" أهلي لازم فاصولياء ومبطن وخبزة حوووووووووش من إيدين الماما الغالية، وتقيملي حصتي من الغدي """""
بعد العصر درنا براد شاهي وحطينا من الحلوات وجت حماتي الثانية
قريب المغرب
طلعنا مشينا لحوش اموالي خطوووووووووووم بس
وبعدين عندنا صحابنا مشينا عيدنا عليهم
وطبعا النحلــــــــــــــــة دودي تلقـــــــــــــــــط في العيديا هي وأخوها
مجمل العيادي 115 د ل
~~~~~~~~~~~~~~~~~~~~~~~
وبعدين روحنا بنطيحواااااااااا علي وجوهنا
رقدنااااااااااااااااااااا
وباهي دودي
داخت ن الخشوش والطلوع
رقدت للفجــــــــــــــــــــــــر إنجاز يعتبر !!!!
اليوم
حوش موالــــــــــــــــــــــــــي
طلعنالهم قبل صلاة الجمعة
وتغدينا رز امسقي
وزوزي توا مشي بيعيد علي باقي أقاربه
وأني تلاقيت مع أوخياتي الحبيبات جدااااااااااااااااا على قلبي
..................................
أمس لبست لباس شرعي منزلينه جديد يشبه لحد ما عباية الراس
لونه أسود
يتكون من قطعتين """ زي بدلة الصلاة ""
بس الطرحة الفوقية طولها تحت الركبة وبها فتحتين لإخراج اليدين منها والفتحة بـــ" ياقة وبطمة ""
ما نعرفش أحسنت الوصف أم لا ؟؟؟
طبعا أني مختمرة
فلبست تحت من الطرحة وشاح ألوانه "" تركواز ورمادي ""
ومكيجت ودرت ظلال تركواز ورمادي
ولبست خواتم فضة بفصوص تركواز
وحذائي أسود ممسوح على الأرض
وحقيبتي هي صاكوا دودي بس نزووووووووووكي
خديته من بريماما بــــــــــ 70 د
..............................................
علو
لبــــــــــــــــــس أمس أربع بدلات بسبب """ الشكولاتة والحلوى والبقلاوة والتورتة ووووو
دودي
حافظت علي ملابسها لأنها تحت السيطرة
وبـــــــــــــــــــــــــــــس
أم أجنادين 80
08-09-2013, 04:34 PM
يومك رائه اثري
وخصوصا صلاة العيد كم نتمني نمشي
بس مفيش جامع جنبنا تمشي النساء
ماشاء الله عالهدايا
وشن كانت هداياك ولمن بالضبط
أثري في مدادي
08-09-2013, 07:28 PM
شكــــــــــــــــــــــــــرا جنودة
أنت الأروع ............. بكل تأكيد
هداياي
كانت ــــــــــــــــــــــــــ
لــــــــــ والد زوجي : عطر "" سألتني عن أنواع روائح أنصحك بها ؛ الحقيقة أنا معتمدة في شرائي للروائح على صديقة أختها تشتغل في محل روائح فثقافتها في هذا العالم أوسع وبالتالي فهي التي تختار لي على ذوقها بالنســــــــــــبة للرجال ،،، أما النساء فتعطيني وأنا أختااااااار بذوقي """
لـــــــ والدة زوجي : شبشب طبـــــــــــــي لونه كريما
لــــــ خالة زوزي : في مثابة أمه ،،، هي أيضا شبشب طبي بس لونه أزرق كحلي
لـــــ صغار سلفي : ألعاب
ما كنتش نرفعلهم الحق لأن الغالب يتلاقوا مع صغار حمواتي ويصبح العدد لا يمكن إحتوائه ، لكن رفعت هالمرة لأن ولد سلفي طاح في الأواخر وتكسرت ايده فرفعتله ألعاب هو وخوته
**** درت للعجيزات كويسة صغيرونة حطيتلهم فيهاااااااااااااااااااااااااااااا
حاجة يحبوها العجايز
ويستعملوا فيها هلبة
وديما رايحة منهم
خلالاااااااااااااااااااااات """ ذهبيات وفضيات كبار وصغار """ كل هدية حطيت معاها هذيكا الكويسة وربطتها بشريط ستان
وطبعا ...........
هدية الحبيبة والغالية أمـــــــــــــــــــــــــــــــــــــــي
درتلها تشكيلة كاملة من """ كريم اليدين وشامبو الشعر واللحم وعطر وصابون اليدين ولوشن الجسم بالفازلين وبودرة فرشاة ليفة حمام
حطيتهم في لفة من التول الفضي والذهبي وحطيت معاهم برضو كيسة الخلالات """
أصلا بالنسبة لهدية الوالدة نتفاهموا حني وخوتي وخواتي باش ما حد يجيب حاجة متكررة ،،، كل واحد يستلم حاجة فتجيها هديــــــــــــــــة متكاملــــــــــــــــة
الله يحفظها ويرعاها ويباركلنا فيها
~~~~~~~~~~~~~~~~~~~~~~~~~~~~~~
الوالد الرائع ـــ رحمه الله وغفر له وأسكنه فردوسه الأعلى ــــــــ
معنــــــــــــــــــــــــــا
دومــــــــــــــــــــــــــا
بعباراته ، وتعليقاته ، ولمسات إحسانه ، ونفحات عطفه
معنا
دوما
بتربيته لنا على الترابط والتكافل والود والتواصل
معنا
دوما
بتعليمه إيانا أهميــــــــــــــــــــــة الوقت
والانتباه لضرورة التنظيم والترتيب
والـــــــــــــــــــــــــــــــــدي الذي لم ولن يكرره الزمن
أدعوا الله أن يجمعني بكـــــــــــــــــــــــــــــــــ
في دار لا كدر فيها ولا غدر
لا مرض فيها ولا موت
نتسامر ونتذكـــــــــــــــــــــــر حلو أيامنا في الدنيا ونعلمك بأننا
قـــــــــــــــــــــــــــــــــــــــــــــــــ ــــــــد
افتقدناااااااااااااااااااااااااااااااااااك
ولا حول ولا قوة إلا بالله العلي العظيم
أثري في مدادي
08-09-2013, 09:47 PM
ﻘﻮﻝ ﺍﺑﻦ ﺭﺟﺐ ﻓﻲ ﻟﻄﺎﺋﻒ ﺍﻟﻤﻌﺎﺭﻑ
ﻭﺇﻧﻤﺎ ﻛﺎﻥ ﺻﻴﺎﻡ ﺭﻣﻀﺎﻥ ﻭﺍﺗﺒﺎﻋﻪ ﺑﺴﺖ ﻣﻦ ﺷﻮﺍﻝ ﻳﻌﺪﻝ ﺻﻴﺎﻡ
ﺍﻟﺪﻫﺮ ﻷﻥ ﺍﻟﺤﺴﻨﺔ ﺑﻌﺸﺮ ﺃﻣﺜﺎﻟﻬﺎ ﻭﻗﺪ ﺟﺎﺀ ﺫﻟﻚ ﻣﻔﺴﺮﺍ ﻣﻦ ﺣﺪﻳﺚ
ﺛﻮﺑﺎﻥ ﺭﺿﻲ ﺍﻟﻠﻪ ﻋﻨﻪ ﻋﻦ ﺍﻟﻨﺒﻲ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﻗﺎﻝ:
" ﺻﻴﺎﻡ ﺭﻣﻀﺎﻥ ﺑﻌﺸﺮﺓ ﺃﺷﻬﺮ ﻭﺻﻴﺎﻡ ﺳﺘﺔ ﺃﻳﺎﻡ ﺑﺸﻬﺮﻳﻦ ﻓﺬﻟﻚ
ﺻﻴﺎﻡ ﺳﻨﺔ " ﻳﻌﻨﻲ ﺭﻣﻀﺎﻥ ﻭﺳﺘﺔ ﺃﻳﺎﻡ ﻣﻦ ﺷﻮﺍﻝ ﺑﻌﺪﻩ ﺧﺮﺟﻪ
ﺍﻹﻣﺎﻡ ﺃﺣﻤﺪ ﻭﺍﻟﻨﺴﺎﺋﻲ ﻭﻫﺬﺍ ﻟﻔﻈﻪ ﻭﺍﺑﻦ ﺣﺒﺎﻥ ﻓﻲ ﺻﺤﻴﺤﻪ
ﻭﺻﺤﺤﻪ ﺃﺑﻮ ﺣﺎﺗﻢ ﺍﻟﺮﺍﺯﻱ
أثري في مدادي
08-09-2013, 09:53 PM
ﻗﻠﺖ ﻟﺼﺪﻳﻖ : ﺇﻧﻲ ﻧﻤﺖ ﻟﻤﺪﺓ 22 ﺳﺎﻋﺔ ﻣﺘﻮﺍﺻﻠﺔ
ﻓﻘﺎﻝ : ﺑﺪﻭﻥ ﺃﻛﻞ !!!... ؟
ﻭﻗﻠﺖ ﻟﺼﺪﻳﻖ ﺃﺧﺮ : ﺃﻧﻲ ﻧﻤﺖ ﻟﻤﺪﺓ22 ﺳﺎﻋﺔ ﻣﺘﻮﺁﺻﻠﺔ
ﻓﻘﺎﻝ : ﺑﺪﻭﻥ ﺻﻼﺓ !!!...؟
...
ﺃﺣﻴﺎﻧﺎ ... ﺭﺩﺓ ﻓﻌﻞ ﺃﺣﺪﻫﻢ ﺗﺸﺮﺡ ﻟﻚ .... ﻣﻔﻬﻮﻡ
ﺃﻭﻟﻮﻳﺎﺕ ﺣﻴﺎﺗك
dr.loly
08-09-2013, 10:27 PM
السلام عليكم ورحمة الله وبركاته
dr.loly
08-09-2013, 10:30 PM
جنووودة حلوات اللونين الاورانج ع الجيشي الهادي ديما يعكسن ويعطن طله حلوة زمان ايام الجامعه عندي اكثر من لبسه ع هاللونين .. لين لاحظت ان دبشي كله جيشي هههه
وصحة البكبوكي حتي نا جاي خاطري فيها كان ماطلعنش بكره توا انديرها غدا
dr.loly
08-09-2013, 10:33 PM
اثري الله يبارك فيك ويسلمك...وعيدك ويومك كان حلووو جدآ...
وعجبتني فكرة المفارش والاكسسورات الخاصه بالاعياد ... اتحسسي عيلتك الصغيرة وخصيصا الاطفال بجو العيد يبدا من الداخل ...وربي يحفظلك اميمتك ويخاليها ليكم يارب ...
وربي يرحم والدك ويسكنه فسيح جناته
sosolibya
08-10-2013, 12:37 AM
السلام عليكم رحمة الله وبركاته
كيف حااااااااااالكم
sosolibya
08-10-2013, 12:39 AM
أنا خلااااااااااااص تعبانة وبنرقد
طبعا اليوم متغدين عند خوالى ماما وخالاتى وبنت خالتى المتزوجة وكل الكناينعند خالتهم
وامس طلعنا العشية عيدنا وفتنا على السوريين
وحتى اليوم مشينا عيدنا
عييااااااااااااااااانة
أم أجنادين 80
08-10-2013, 01:44 AM
السلام عليكم ورحمة الله وبركاته
بارك الله فيك علي هاللفتة الحلوة منك اثري
افكار بسيطة ولكنها تفرح قلب من يتلقاها
وحتي انا عجبتني فكرة المفارش الخاصة بالعيد
ياريت تشرحيلنا كيف شكلهم
ربي يرحم والدك ويجعل مثواه الجنه
sosolibya
08-10-2013, 02:24 AM
السلام عليكم
اااااااه قريب نهبل ماباش يجينى النوم قلت خلى نطل
تعرفو من طويسة شاهى شربتها بكرى فى حوش عمى
خلاص تعقدت عنى الجو خلاص معاش زى رمضان نبو نرقدو وننوضو بكرى
جوهرة ليبيا
08-10-2013, 02:24 AM
السلام عليكم ورحمة الله وبركاته
sosolibya
08-10-2013, 02:28 AM
ماشاء الله أثرى يومك مميز وحلو والله يبارك فيكم
ويرحم أبوكم ونلتقى جميعا فى جنان الرحمان
sosolibya
08-10-2013, 02:33 AM
مشكورة أثرى وبارك الله فيك
لأنك الوحيدة يللى علقتى على يوم عيدى
لأنى بصراحة زعلت مافيش حد علق
sosolibya
08-10-2013, 02:35 AM
جيجي ربى يعطيك صحيحتك
وكله بأجره
بس بعد لا شفت وعانيت
رقم 1 الصحة ماتتعوضش
رقم2 يوم يللى تطيحى مايعبرك ولايقدرك واحد
الله غالب
sosolibya
08-10-2013, 02:36 AM
خلااااااااااااااااااص نبى نرقد
شكله النوم حالف مايجبنيش
شنو بينوضنى الصبح
جوهرة ليبيا
08-10-2013, 02:38 AM
سوسو ياغاليه قولي اذكارك وكرريهم وتو يجئ النوم حاسه بيك وحتي انتي زيني كان شربت شاهي بعد الغرب خلااااص يطير النوم
sosolibya
08-10-2013, 02:39 AM
بالنسبة ليوم العيد عيدن فى كابى يللى لونه زهرى أو مايشبه ذلك
وشاربة كبيرة
عمتكم الشيخة مانا كيف
ولما بنطلعو طبعا لبست الخمار
والحمد لله يابنات بديت نلبس فيه رسمى............
وبالنسبة لليوم عند خوالى
قبل نلبس فى قفاطين
بس هالعام لبس سروال وبلوزة حلوة كيف شريتها قبل النجاح
ماهو قلتلكم توا ماشريت شىء
لا إله إلا الله محمد رسول الله
sosolibya
08-10-2013, 02:42 AM
اوووووووووووووووووووووو الحلوة ججي
هذه تبيلها تقعميزة شنجو يالغالية
ومن بكرى نفكر فيك بنسألك على اللبسة الهندية
sosolibya
08-10-2013, 02:44 AM
عندى هلبة حكى توا نحكيلكم غدوة
sosolibya
08-10-2013, 02:45 AM
شكرا جيجي سيبتينى
ريم حنيتها فى أخر لحظة فجر العيد وبالحنة السريعة متع البوماطة......................
جوهرة ليبيا
08-10-2013, 02:48 AM
قريت الردود وهلبه كلام نتمي نعلق عليه بس معادش
نقدر انقعمز وقت طويل انحس في روحي تقيييييييله
نضت قبل الظهر بساعه صليت ركعات ودرت فطوري <<<قصدك غداك ياكسوله
وفطرنا وراجلي امشي لللجامع
كملت حوستي وصليت وبديت في غداي او غدانا درت بكبوكي سلفي يبي مكرونه سبيقه حاره وجاريه شوي
ودرت سلاطه وفاكهه ودلاع وقلعاوي فقط ولله الحمد
بعتت سفرتهم ودوشت انا ورنوده وجهزنا روحنا امشينا لحوش بوي حبيبي ونور عيوني
الجو كان حلو مع ان بوي اليوم ايده منفوخه مش عارفين علاش واتصلنا باكثر من مصحه
لاااايوجد دكتور وللاسف
حطيناها في اميه وملح وبعدين دهناها بالزيت ودلكناها باهي شوي
وعشيته بايدياتي ربي يعطيه صحته ويبدا ياكل بروحه يااااااااارب
روحت قبل صلاه العشاء خطمت علي حوش سلفي ماعندهم حد اليوم امها واختها بس وامدايرين العشي مكرونه انا استغربت لان
سلفي عنده ضيوف في المربوعه لكن شن بتقولي
واختها روحت وكالعاده الماعين قاعدين بس الحق اليوم سفرتين بس وماحوستش اختها هلبه واضطريت اني غسلتهم ورتبتهم وحطيت الفط والبخشات في الغساله وسيقت المطبخ وروحت خليت امها بايته اليوم
sosolibya
08-10-2013, 02:52 AM
اللهم صل وسلم وبارك على سيدنا محمد
sosolibya
08-10-2013, 02:55 AM
لا جيجي الحق نضت 9 الا وحاساته موخر
شيت لحوش عمى روحو من العمرة هاظم يللى ماشيين قبل الرمضان وامتعينى لسة ماروحوش
وكنت بنطيب لسلافى بس سلفتى يللى جايبة قالتلى لا برى عيدى وانا مكسدة توا نطيلهم مكرونة
جوهرة ليبيا
08-10-2013, 02:55 AM
يومك ياغاليه ياسوسو حلو ولبستك وجوكم احلي واحلي
وماسيبتكش نكتب في الرد الطووووووووويل مانبطلش دوه هلبه ههههه
وصحه الحنه عالعروسه الصغيره ربي يحفظها
سفهتني ام فراس في الحنايه البكستانيه ربي يرزقني بوحده امراتيه وبكستانيه خاطري فيهم
علي سيره خاطري استغربت سلفتي لما خشيت القيتها تاكل في قلايه لحم وماقلتليش حتي بالكذب خودي وعارفتني انموت فيها
وحتي لما غسلت الماعين حطتلي الصونيه في الحوض فاضيه قدام عيوني آآآآآآىه فعلا علي قوله اثري تنصدمي
جوهرة ليبيا
08-10-2013, 03:00 AM
جـــــــــــــ جي ــــــــــــــــــي
مبارك عيدك ،،، وإن شاء الله كل أيامك أعياااااااااااااااااااد
وربي يكمل فرحتك بتمام حملك على خير
ياااااااااااااارب
ومبارك علــــــــــــــــــــى
سلفتك العزري
راهو خاطرها في بنووووووووووووووتة ؟؟؟
وربي يعطيك صحيحتك ،،، ويباركلك فيها
بـــــــــــــــــــــــــــــــــــــــــــــــــ س
*** انتبهي شوية لنفسك ،،، وماتحمليش روحك فوووووووووووق طاقتها
تعرفي علاش
لأنك وين تقدمي هلــــــــــــــــــــــــــــبة معونات
وتفزعي هلــــــــــــــــــــــــــبة فزعات
وتكون علي حساب صحتك وبيتك وزوجك وبنوتتك
لماااااااااااااااااا
تصيرلك مناسبة أو تحتاجي لمعونة
وتلقي الجانب الآخــــــــــــــــــــر متقاعس
تصابي بإحباط وخيبة أمل
لأنك قدمت الكثير فلم تجدي شيء
وينتج عن ذلــــــــــــــــــــك
** كوكتيل من المشاعر البايخة
فلهذاااااااااااا
عاوني وافزعي لكـــــــــــــــــــــــــــــن برفــــــــــــــــــــــق
نصيحة من أوخية محبة لكـ
والله كلامك يااثري انتي وجنوده وام فراس وسوسو جئ عالجرح ومانشعفش بس طبعي نفزع لقريب وبعيد هي ماديرليش في هذا كله اتجي هي وصغارها اتقعمز وتلتهي فيهم وكان دارت حاجه وسلام وحتي في وحمي حكيتلككم هي 3شهور انطيبلها وهي مره طيبت ومرتين هكي ماتبيش تبعد راجلي قريب هبل وحلف لامه حتي لو بتقوليلها والله ماخاش لحوشي حاجه من ماكلتها وقعدنا ناكلوا شوي من بري وشوي نغصب علي روحي ونطيب بالكمامه
ربي يهدي انا اندير فيه لوجه الله ومانتكلم الا ليكم حتي خواتي مانشغلهمش بيا وعلي خاطر عزوزتي وعيون راجلي حبيبي بسسس
sosolibya
08-10-2013, 03:00 AM
عفوا جيجي سلفتك ليش ماانطيبش بروحها خلاص 3 أيام فاتو صح
مدامه الواحد الحمد لله مجيبة طبيعى تحسى روحك من أول يوم ناشطة
مش عارفة بس من أخت محببببببببببببببببببة
يعنى أنا معاك أقار وأحباب ونعول وعاند ونوقف بس
نقولك لو بالطريقة هذه ويوميا يعنى مش بس تطييب أو غسيل لا حتى تنظيم ثلاجة
حتى لو كانت زى أخك إحساسى انهم هكى بيهزو وبيحرثو عليك ويقولو يالله كيفه توا جيجيى تجى وتخدم
بالله عليك ماتحرجيش منى ونقولك حتى لو أنا فى مكانك ندير هكى وأكثر
بس أكيد سلفتى مش رح تكثر عليا أو على ألأقل حتحاول تمنعنى حتى بالبصارة
بس مش عارفة حسيتكم الوضع أكثر من اللازم ولا شن رايك
يارب سامحينى والله مانمحش فيك ولاحاجة بس
أكيد انت أدرى بناسك حبيبتى
جوهرة ليبيا
08-10-2013, 03:08 AM
اثري تو الراجل بطبعه يرضي بقضاء الله ومش كلهم طبعا بس يحبوا الاولاد والله اعلم
بس سلفي يبي بنيه وحكيتلكم لما قالولها مره بنيه جي كلاكس وبقلاوه ورزاته ومشروب وفرحان
ولما رجوا قالولها ولد محبط ويقول الحمد لله وخلاص لان من بكره وهو يبي بنت تحكي عليه امه
بس تعرفوا
سلفتي تبي ولد وفرحانه ولاعمرها قالت حتي يارب اتكون بنت
اتقول عادي زي زوز زي تلاته مع انها اتشوف في عزوزتي وكيف محرومه من حنان البنت وطلتها ووووقاعده بين كناينها مهما ايمونوا والله مستحيل حيكونوا زي بناويتها والله اعلم اصلا ام الاولاد ديما في البلاد موضع شفقه علي حسب اللي نعرفهم ايقوالو مسكينه قاعده بين كناينها وووووووووالولد تاخده المرا والله اعلم تطلع باهيه اولا اما البنت بالعكس اتجيبلها ولد
والله ماشاء الله امي اتقول عندها 9ولاد لان رجالتنا غير شن تبي هي وبوي مع خوتي الولاد الزوز الله لايحرمنا منهم ياااارب مش مقصرين
الناس اراء بس راى علي راي يفرق
جوهرة ليبيا
08-10-2013, 03:16 AM
لاا سوسو حبيبتي والله انتي وكلكم زي وخياتي بس تعرفي انا هذا طبع الشين فيا حاميه ومانحبش حد مستحقني ومنديرش سلفتي او جارتي بس صدقيني في ناس اتقدر وتحطك في عيونها وتمسح التعب بكلمه حلوه وتودك وتحترمك
بس شن بتقولي !!!!
وبالنسبه لسلفتي هذا حتي تنزكم مافيش غدي من لماعزوزتي اتشرين علي واتجي عالغدي نعرفها وطبعا عزوزتي مش عاجبها الوضع وياما اتجي وتقعد عندنا وتحرج بس لاحياة لمن تنادي
تعرفي الماكله ماشاء الله تاكل وتنوض وتقعممز وتضحك ووووحاله باحسن مايكون ربي يزيده بس ماتبيش وهي سمييييييييييينه ياربي سامحني وحتي الحمل والمجيبه متبينش عليها لاحملت لاجابت
وكان ربي حيانا غدوه مانيش ماشيه بنمشي لحوش بوي فكان امها بطيب اوعزوزتي اللي تشبح بعين وحده بتخليهم ايطيبوا وماتبيش تتحشم خلاااااص معادش معناها في احترام حتي لامها
تعرفي اني عمليه ومن بعد خمسه ايام حتي الصبح نفس السانيه متجيش اطل عليا وراجلي كان يخدم في شركه اجنيبيه ماكلتهم مشاوي حلوه فقعد ياكل غادي ويقدموله وجبه قبل ميروح ايجيبهالي اتخيليييييييي
خواتي حتي العصيده ايعصدوها كان اضطروا
والله بدون مبالغه امجيبتها في 3سعات فقط تبارك الرحمن وساهله وحتي خياطه مخيطوهاش مش عارفه علاش خلتهم كيف
عارفين كيف بتولي الحكايه نعرف ميخيطوش بعد البيبي الخامس تقريبا
جوهرة ليبيا
08-10-2013, 03:20 AM
سوسو رقدتي ؟؟؟؟؟؟؟؟؟؟؟؟؟
نوم العاوفي ياعثثثثثثثل
جوهرة ليبيا
08-10-2013, 03:33 AM
بالنسبه للبلس كان بنحكيلكم مانكملش زيي ماقلت الحق شريت هلبه عارفه سلفتي بتجيب وعيد واختي خشت شهرها ربي يتمملها علي خير بكره
اليوم الاول سروال جينز ناعم امتاع حوامل ومش حنحكي عالاسعار مادامه راجلي راضي ومسكر راسه وعلي قد منقوله لاااااا يبي محل راقي وفااااااااااااض ومش زحمه والسعر مش مشكله
والله خواتي غير سعر لبسي بس ماشاء الله شروا هما وصغارهم وبوهم لكن شن بديري !!!!
المهم سروال وركبت عليه بلوزه لركبه بالزيط شيفون لون السنه هو زي الاخضر الهادي او التركواز قاعده مانعرفش شن ايقولوله
وركبتله اكسسوار شيشخان فصوصوه بين درجه البلوزه والسروال وكرونه ناااعمه نفس لون البلوزه والكندره والشنطه نفسهم
وكومتشيته بس مش امتاع حوامل لونها بزاري وفيها قلوب صغيرات ازرق ملكي وحزامها ازرق ومنقرشه من الخلف وصدرها طايح
ونفس الشي ركبتلها خراص فيهم جلد طوال شوي وحديده جلد وخاتم وكندره بزاريه وشنطه زرقا شمواه
وقفطان لتحت الركبه امتاع حوامل لونه لون السنه اللي فاتت الياجوري الفاتح وفيه شوي ابيض ومن فوق علي جنب فيه 3وردات بيضا وقهويه وبيج وركبتله نفس الشي اكسسوار فخم شوي لان الحق نازك ويمشي حتي لسبوع اولمه
وكومتشيتات تانين اللي بالتجاكيت واللي بدي علي حسب واكسسوار ملون للكل
بس كل هذا اخديته في زمن والله قياسي والحظ كان معاي خواتي اليوم قالولي بالله هذا كله امته شريتيه !!!
ويبصروا علي انا الصغيره وعارفيني انحب الموضه واللبس والمكياج ويعلقوا عليا وانا انبصر امدايره جو المغروره هههههه كان اليوم حلو هلبه
حتي بوي ايقولي فلسيه الراجل علي الخربشش امتاعك ههههه ربي يحفظه
جوهرة ليبيا
08-10-2013, 03:38 AM
تصبحوا علي طاعه الرحمن
بنرقد باش نقدر انوض للفجر والله البارح ماعارفه حتي كيف صليت استغفر الله ربي يسامحني ويغفرلي
السلاااااااااااااااااااااااااااااااام عليكم ورحمه الله وبركاته
sosolibya
08-10-2013, 03:42 AM
لا ياحلوة
تخيلو قاعدة مارقدتش
لاياحبيبتى جيجى انا ماقلتش ماتعوليش حتى انا زيك ونحب نعاند مع أحبابى
بس الواضح معاش فيه لا احترام لا تقدير والله لقطة السونية باااااااااايخة وقوية بكل والمفروض درتى بالجو وين حصتى شفتيها شن ترد
أستغفر الله أستغفر الله العظيم
sosolibya
08-10-2013, 03:52 AM
لبساتك حلواااااااااااااااااااات جيجيى ماشاء لله تلبسى بالهناء
بس من أألأخير فضووووووووووووووووووول نبى نعرف الفاتورة لوين وصلت هههههههههههههههههه طبعا عراحتك ياحلوة
واللهون يللى حكيتى عليه حتى بنت خالتى لابساته
وردة سورية
08-10-2013, 03:56 AM
http://forum.hwaml.com/t266463.html#post3325395
sosolibya
08-10-2013, 03:58 AM
اااااااااه معقولة الساعة 3 اااااااه بنهبل
فطورى كان يوم ثانى العيد 0باش ماتتلخبطوش)
همبرغر من يديا
sosolibya
08-10-2013, 04:01 AM
فروسة مبروك ألإشراف حتى أنا عرضو عليا الفترة الماضية بس كنت فترة امتحانات ورفضت
sosolibya
08-10-2013, 04:05 AM
حلوووووووووووووو
اللون جنودة
تناسق رائع
حتى كان عندى زمان لما كنت بنت
وأكيد طلع عليك جنااااااااان ياقمر
ليبياقلبي
08-10-2013, 06:02 AM
يسعد مساكم شن أخباركم كل سنة وانتم طيبين وعيد سعيد للكل وربي يدوم عليكم الصحة والعافية وانا خشيت شهري ليا 7ايام ادعوني بس الدكتور طمني انو ان شاء الله طبيعي
جوهرة ليبيا
08-10-2013, 12:42 PM
صباااااااااااااااااااااااح الخيرات عالحلوين
آآآآآآآآآآآآآآآآآآآآآه ياسوسو ادعيتيني والله النوم ولا قال انجي قريب هبلت قلت اذكاري كثر من مره
وقعدت نتقلب في مكاني حتي راجلي اضايق من حركتي مع انها نومه ثقيييييل عكسي خفيف
وسوسو حركه السونيه لو عارفه بتفهم وبينفع معاها انا عصبيه ممكن حتي اخديت لوحتها لوطه بس هي من الاخير باااارده حتي مع صغارها تعرفوا والله مشماته بس ولدها صوابعه لاصقين في بعض انا قريب انموت عليه ومتاثره وهي لاااااا انحير فيها زي منقولوا بالعاميه متحسش يعني حنحرق دمي عالدوه الفاضيه ونعرف اللقطه امته انردهالها مش انفخفخ لكن عارفه انا راجلي شن ايجيبلي وغير ادللي في جيابي مش غير قلايه واللحم جمل لا والله حتي التمر وصالي عليه من دبي لما قالوله كويس للنافس
سلامتها
ادويت عليها هلبه ناخد غير في ذنوبها
اليوم بنتغدي في حوش بوي وراجلي معاي وهي تشوف امورها
والا تقعمز
جوهرة ليبيا
08-10-2013, 12:44 PM
اللون زي لون الخط هذا او قريب منه
جوهرة ليبيا
08-10-2013, 12:46 PM
ويييييينكم
جوهرة ليبيا
08-10-2013, 12:51 PM
سوسو الفاتوره مابتش نحسب في البدايه بس المحلات اللي واخده منها كلها تعطي فاتوره مطبوعه
لكن متعلقوش بالله عليكم
وفضولك حناخد بيه وانقولك
870 من غير كسور من هون وهون
أم أجنادين 80
08-10-2013, 01:33 PM
ياسلام علي الهدرزة حتي انا الي الفجر نايضة استنيت استنيتكم
وبعدها مليت فتحت التلفزيون
وحاولت نرقد مافيش فايده
أم أجنادين 80
08-10-2013, 01:39 PM
الا زعلك ياسوسو
بصراحه بصراحه انا علقت في نفسي
ورديت عليك وقلتلك ايه انا حاصلة عند العيلة
وفي نفسي قلت الباين سوسو روتينهم زينا
وقلت لاا لاا هيا واخده في اقاربها في نوع من الراحه
لاني بصراحه حسيت بشوية ملل من ناحية كل يوم في رمضان غاديكاي
وزياده عطلت مامشيتش لحوش بوي قعد قلبي وفكري عندهم وخصوصا خالاتي عند ماما
لهذا ماعلقتش
وقلت في نفسي الله ياريت سوسو قريبتي لكنا نفضفضوا لبعض
أم أجنادين 80
08-10-2013, 01:55 PM
طبعا زي ماحكيتلكم الايام الأخيرة طوارئ
والحمد لله لبست العيد ماتعبتش فيها محل واحد منه الجلباب ومحل واحد منه
الوشاح واللي نفسه خديت من قفطان لماما في نفس الوقت
الاربعه الايام الاخيرة يوم بعد يوم حوش عمي وحوش بوي
يوم في حوش عمي سيقنا المربوعه وحولنا غلافات الجلسة
ودرنا جلسة جديدة ويوم اللي بعده في حوش بوي حتي هوا تنظيفات
واخر ليلة في حوش عمي ردينا خلافات الجلسة حتي بنديروها في الصالة وكان عندي تحليل
فعطلت عندهم وانا مزلت ماحنيتش مع 12 مشيت درت تحليل 21 الدورة عرفتوه
وبعدين رفعت لماما قفطانها عالسريع
فاتصلت عمت راجلي قالت تعالي خود السفنز طبعا الي الساعه 2 قعدنا
بصراحه تعفلقت مش لاننا مشينا بس لاني ماحنيتش
وامتة بنروح بنكمل حوستي ونبدا في حنتي
المهم حنيت حنه بناتيه صويبعات وعليهم زخرفة بسيطة
ورجليا ماحنيتش
عندي عرس بنت عمتي واخدها ولد عمتي الثانية هدا ليش ماحنيتش رجليا
والصبح المنبه مااشتغلش متاع التلفون نضت علي صوت التكبير وصلاة العيد
مع 7 وعشرة علي السريع حولت الحنه وراجلي هيا هيا هيا هيا
تخايلي انتي مش واتيه وشخص يبدا يقول هيا
والله حتي لبس ماكملت رفعتهم في كيسة ولبست عبايتي وطلعت
ووصلت حوش عمي كملت لبسي وقعدنا نستنوا من يجينا
جووو اولاد خال زوجي طبعا ماطلعتش حتي مانسلمش
وجت جارتهم وبناتها بس وانا نبي نطلع لعماته وخالاته بكري حتي نلحق علي خالاتي عند امي
عطلنا وجت حماتي زادت عطلتنا
انا الاعياد الماضية انكمل في مشاوير مع حوش عمي في اليوم الاول
حتي لو مشيت لاهلي وخوالي وخاطري نبات نقعد
لان الحق جوي مع خالاتي مش عادي زي خواتي وصغارهم يحبوني وناخد في راحتي
لما عطلنا في داخلي نغلي غلي هههههههههه
وزياده عمتي قالت فلانه مش لازم تمشي لعيالها ليوم عليا تقصد
مش عارفة بصارة ولا شنو ؟؟؟؟؟؟
تخايلوا مشينا بعد الظهر لعمته وخاله وخالته والحوش اللي نخشولها راقدين
زدت تعصبت والله حشمة مش وقت مشي
وحتي من خوتي القيناهم راقدين .......
أم أجنادين 80
08-10-2013, 02:03 PM
انا متخده اسلوب السكوت اللي يقولوا ديريه انقول حاضر
وعمتي مش كبيرة هلبة بس مش متعلمة
مرات في اشايء غير ملائمة نسكت عليها
زي مشية العيد هذه وزي هلبة اشياء
لانهم الحق عيلة هادية جدا جدا
سلافي وحماواتي
وحماواتي بالذات ديمة كلمة حاضر في لسانهم
لخوتهم ولامهم وبوهم
وحتي مع اقاربهم يمشوا يعولوا وكل شي يديروا فيه
ومرتبطين هلبة مع عمامهم وخالاتهم
وانا مش اجتماعيه شن الحل يابنات
وحتي لما مشينا وعيدنا الرجاله مانسلمش عليهم
الا لما يجوا ويسلموا كيف اندير
قولولي
حتي في رمضان لما نعول في المطبخ مرات يخشوا سلافي
فهمتوني هما يبونا نجوهم وراجنهم اللي يبي يكون مع اهله باهي لو انا بنقول معادش يخشوا ولا كيف
رغم انهم الحق الحق سلافي محترمين جدا جدا
وكان طلبوا شي مني بادب واحترام
بنجي انا بنعقدهم في الدخول والخروج
عارفة روحي لو لبست خمار والعباية الشرسعة مش عارفة شن بيصير
اكثر من مرة نفكر معادش نمشي للاعراس والمناسبات بس اهل زوجي مرتبطين هلبة
ولازم يبوني نمشي
شن الحل ؟؟؟؟؟؟؟
أم أجنادين 80
08-10-2013, 02:05 PM
سامحوني كل كلامي مش مرتب
وافكار داخلة وطالعة
بنقعد حايرة بين زوجي واهله
يبيني نواصل وفي نفس الوقت انا مش اجتماعيه
بالاضافة الي ان المواصلة بيصير فيها هلبة مواقف زي السلام زي يدخلوا ولاد ويطلعوا
أم أجنادين 80
08-10-2013, 02:10 PM
ان شاء الله الف لاباس علي بوك حبيبتي جيجي
حتي عمتي تعبانه
حاشاكم عندها جهاز في راسها مدايره دكتور اجنبي كبير في البيعة من فترة سنين
لانها كانت ديمة ترقد بطريقة غريبة القوا عندها ورم او كيس يطلع في ماده
الدكتور دارلها عملية ودخل جهاز يمص الماده وكل فترة لازم يسحبوا منه الماده
بس توا حتي مع السحب بدت تتعب
وعمتي الكبيرة مشت معاها امس قالت ماعرفوش كيف يتصرفوا والجهاز نزل لتحت ودار حفرة
والله وجعني حالها شديت روحي قدامها حتي مانبكيش
وتوا يجروا يبوا يطلعوها لالمانيا ماحصلوش ناس علي قد حالنا لاواسطه ولاغيره
ربي يشفيها ويخليها لصغارها يتاما بوهم متوفي
وراس بنيه عندها كيف متزوجه
أم أجنادين 80
08-10-2013, 02:12 PM
طبعا نفس الحالة جيجي امس ولا دكتور موجود
أم أجنادين 80
08-10-2013, 02:13 PM
جيجي سلفتك ماعندها خوات بنات
يباتوا عندها
وهيا معقولة ماتقدرش تتحرك
أم أجنادين 80
08-10-2013, 02:14 PM
صحة الحنه سوسو لريومة اكيد طلعت حلوة علي رجيلاتها
عجبتني لبستك بجد هنيئا لك
تعجبيني
بس سؤال
هل فيه تعليقات علي لبستك ؟؟؟؟
أم أجنادين 80
08-10-2013, 02:15 PM
مـــــــعقولة جيجي سلفتك مقالتش تفضلي
والله المفروض محولتلك منها لاني اتجي وتنظفي واتطيبي تحسبك في ابسط شي
أم أجنادين 80
08-10-2013, 02:17 PM
والله ياجيجي مايحسك الا اهلك وخواتك
صدقيني
هوا صح كله احتسبيه عند ربي
بس حتس زوجك عنده حق عليك والباقي مش مفروض عليك
وانتي حامل كيف حتي يخلوا فيك تتحركي وهما يتفرجوا عليك
والله والله كان نحمل الا لما نقعمز طول الوقت وندلع ههههههههههه " هدا ليش ربي مارزقني " من كلامي البايخ
أم أجنادين 80
08-10-2013, 02:32 PM
حتي انا زيك جيجي غير هكي انقول
بس والله مانقدر نلقي اي شخص ينظف ونقعد نتفرج عليه
لما نمشي لحوش عمي ونلقاهم هكي
نبدا تعبانه وانظف في حوشي ومع هدا لازم انعاون
رغم ان اخر مرة مشيت لحوش قريبتهم اللي سيقنا معاها الحوش
الايام اللي بعدها جاني وجع في ظهري قوي
واكثر من مرة انقيم معاهم في حاجات ثقيلة ومانعدلش رغم ان حناي ام امي
نقوللها ماما كبيرة
تقولي معادش ترفعي الثقيل مش راح ينفعك حد
مانقدرش غير ليلة الموسم رافعه مع حماتي البساطات
أم أجنادين 80
08-10-2013, 02:35 PM
حتي انا مانحبش من يتجمل عليا
رغم اني عارفة حماواتي راح يقفولي لو صارتلي مناسبة بجد بجد
خصوصا حماتي الكبيرة نويرة نويرة تبارك الرحمن
بس كان سخر ربي وحملت ودرت لمه بنجيب من ينظف ويغسل
أم أجنادين 80
08-10-2013, 02:36 PM
انا هدا اللي نعرفه سلفتك المفروض موتيه روحها بكري
واخده حار وفي الفريز حاطاته ووموتيه فاصوليا في الفريز
حتي ماتعب حد معاها
اللي مايبيش يتعب عليه وعلي فلوسه كل شي واتي
أم أجنادين 80
08-10-2013, 02:39 PM
المهم راجلك راضي ومقتدر ماتعدلي علي حد
طبع راجلك زي راجلي مش مهم الفلوس لما يقارنهم بتعبه
يقولي زياده دينار اثنين عشرين ولا تعب والشحورة والزحمة
أم أجنادين 80
08-10-2013, 02:42 PM
حالك من حالي جيجي
منعرفش نتكلم ولا نرد ونلقح في الدوه
والله واخدين عليا فكرة اني ساكته
خلي نحكيلكم موقف في عرس حماتي في الليل بعد ماروحت حماتي لحوش راجلها
كلهم ملتمين في الصالة البنات والعمات والخالات وبناتهم
تحكي عمتهم علي شي معين والله نسيته اعطتني انا كمثل
وقالت زي مانقولوا ام اجنادين ساكته وهادية
ونست اني مقعمزة جنبهم
لين كلهم شافولها
وناضوا يضحكوا
طبعا داروها بالجو وهيا ماقالت شي غلط عليا
بس حسيت ان غلط الوحده تكون ساكته ولا كيف
أم أجنادين 80
08-10-2013, 02:43 PM
الله يسلمك سوسو
هدا من دوقك حبيبتي
أم أجنادين 80
08-10-2013, 02:54 PM
وخليكم عاد اللي تعيد علينا تقولي ان شاء الله بالعمار عليك
هيا والله مازعلت منها دعوة ان شاء الله تستجاب
وعارفة انها انقالت علي حسن نية بس انا فتحت عليا المواجع
أم أجنادين 80
08-10-2013, 02:55 PM
كيف حالك ام نوزة
كل عام وانتي بخير
ربي يكملك حملك علي خير
أم أجنادين 80
08-10-2013, 03:14 PM
بنات امته بتصميوا
نقدر نبدا من غدوة
sosolibya
08-10-2013, 04:48 PM
السلام عليكم ورحمة الله وبركاته
كيف حالكم
sosolibya
08-10-2013, 04:49 PM
بالنسبة ليا مازال شوية الصيام خلى نرتاحو شوية
فيه يللى بادى من ثانى يوم بالرغم من انه مكروه
sosolibya
08-10-2013, 04:51 PM
ربى يهديك حبيبتى جنودة
مش ضرورى نكونو أقارب باش نفضفضو لبعض
قداش مرة نطلب منك أننا نكونوا أصدقاء بجد بس انت ييللى ماتبش
تضيعى عليك فى الفرصة مش كل يوم بتلقى سوسو هههههههههههههههه
انت عارفتنى قداش نحب الناس وقداش أنا إجتماعية
sosolibya
08-10-2013, 04:53 PM
حاسة بيك حبيبتى جنودة بس متخليش هالموضوع يأثر عليك هلبة ربى يرزقك ماتتمنى وشنو ماشيين على العلاج توا ولا كيف
وفعلا يارب يارب بالعمار عليك
وفعلا هى تقال على صفاء نية وحتى أنا قلتها ووديتها لقريباتى
sosolibya
08-10-2013, 05:06 PM
لا خلاص حبيبتى جنودة ناسى تعودو على اللبسة
أكيد طبعا الفترة الأولى ويللى هيا بدأت من العام الفات
كانت بمثابة زوبعة وكثير من ناسى أستغربو من التغيير وحكيتلكم عليه الموضوع هذا
يعنى سوسو المرحة اللبيسة الحلوه ههههه
تتغير وتغير طريقة لبسها بس الحمد لله أنا فرحانة بالتغيير
لأنه كان للأحسن والحمد لله
وبالنسبة للخمار ألأكثرية يلبسو فيه لمايطلعو
بس يالنسبة للبسة حتى العام الفات الحمد لله عيدت فى كاب بس كان وشاح ولما طلعت للعيادة لبس شاربة بس الحق فى حوش عمامى قعدت فيه
وحتى أنا هلببببببببببببببببة حاجات نادمة عليها
sosolibya
08-10-2013, 05:25 PM
حتى أنا زيك جنودة هذا الموضوع ديما نفكر فيه
ومتمنية هذا الشىء يعنى مثلا جيجي ماتطلعش حتى لسلفها وحتى أثرى
باهى ناخدو أنا مثال
يعنى أنا واخدة ولد عمى
وامتعينى مترابطين وعيلتهم قاعدة يعنى ملتمة يعنى قاعد شباب وصبايا
يعنى مش كلهم متزوجين ومتفرقين
يعنى حتى لما نقعمزو حكم فى نفس المكان مع بعض
وهما أكيد واخدين راحتهم بزيادة
لأأننا مش برانيات
يعنى حكم زى الخوت ومعتبرينة من العيلىة
باهى معقولة بنجى أنا وبنحتجب
وبنجى نقوللهم انقسمو باش نقعمزو كل واحد فى تركنة وبنقسم اهل عمى على عمى وأولادها ووووو
أو بنقعد فى حوشى ومعاش نمشيلهم وهما أبسط مثال الجمعة نتغدو مع بعض
الله غالب الواحد يلبس المستور والواسع وخلاص
sosolibya
08-10-2013, 05:30 PM
عمامى نفس الحوازة والحمد لله فيه ترابط
يعنى ديما العشية تلقينا نتلاقو ونهدرزو
طبعا إن شاء الله منو جاى نشبع فى الهدرزة بما ان القراية كانت حابستنى
ههههههههههه
المهمبنطلع فى الحوازة بعباية شرعية
نحسها ماتجيش
والحمد لله ليا فترة ملازمة الطرحة الدائرية ومعاش سيبتها بكل بعد ماقطعت عليها فترة أستغفر الله
والحمد لله لبسى صار عبايات أو فستان واسع مع المحرمة (الطرحة الدائرية)
طبعا جنودة أكيد الفترة ألأولى تسترزنيه شوية بس بعدين لو تلبسى غيره تحسى روحك زى العريانة وماترتاحى إلا فيه
السلام عليكم ورحمة الله وبركاته
دهشتوني وتعبتوني هاه هاه هاه
نغيب امس بس نلقى قريب 10 صفاحي هالبيني
الله يبارك عليكن هدرازات
اثري .. كيف حالك مع اني مامرتش علي نوعية عباتك بس انحس فيها
حلوة ومستورة زيك ... تبيدي بالصحة والعافية
ويومك في العيد كان ايهبل ربي يحفظك راعية واجب وكلك ذوق وحنان
واول مرة نعلم انه عندك بنت متوفية ... اهو ربي عوضك بالامورة جودي وربي يعينك علي تربيتها
تربية اسلامية وتفرحي بيها هي وخوها عليوة
وحتى انا عندي بنية متوفية ترتيبها كانت الثالثة كان هذا راهو عمرها 9 سنوات يعني في سنة
ثالثة ابتدائي .... ان شاء الله يدخلونا الجنة
سوسو ... راك تزعلي حبيبة عشان ما علقتش علي يوم العيد امتاعك
لاني والله دخلت عالسريع وعيدت وطلعت وحتى بنزلك صورة حلوياتي مالقيتش وقت
بس اكيد جوك ديما حلو ماشاء الله تبارك الرحمن عيلتك مترابطة وقوية وانحس جوكم ايهبل
ومبارك حنة ريومي ان شاء الله تحنيها وهي عروس
ومشكورة سوسو ... علي طريقة الجرسي ديما انحس فيها واعرة
بس توة انجربها بطريقتك ..
جنودة .... اه لون لبستك تقريبا نفس لون لبستي
طبعا اللون الجيشي مع البرتقالي والكاكي ينور ويفتح البشرة
ويعطيك رونق مميز ...
عمتك اوشي تمت تشكر في اللون لانه حتى هي لابسته ههههههههههه
وبالنسبة للاجتماعيات والمناسبات... انا كنت كيفك مش اجتماعية ومازلت
بس درت لنفسي دائرة مازدتش عليها سواء في اقارب امتاعيني او جيراني
وبالنسية لاقاربي عماتي 2 وعمامي 2 فقط لا غير
والصديقات 2 فقط اللي مازلت نتواصل معاهن
وكان علي جو حوش عمك كيف ما قالت سوسو البسي واسع وحتى محرمة الصلاة انا هكي ما اندير
ومانحسسهمش اني متزمتة واجد ------ نسلم عليهم عادي لكن الحكايات في حدود بسيطة جدا
فروسة ... كيف حالك وحال عويلتك
كان عالدوخة كلنا دايخين يالله بيش مشيت لحوش عمي وروحت بعد الغدا تالفة من النعاس
بس يالله ارقدي اليومين هاذين طبعا كان حصلتي غفيوة مع الولي هههههههههه وبعدين تلحقي
عالمطعم اللبناني
امولة حبيبة شن دايرة توة
والله حتى انت كنت بنرد عليك في موضع الحنة بس كانت دخاتي سريعة
نصيحة اختك الكبيرة ... لو تعرفي انك بديري موضوع بينرفزك وتتعقدي منه وعندكش له امكانية
حاليا وخريه اشوية لين الظروف تسمح لك
كيف الحنة مثلا انت حامل وبطنك قدامك وفي غربة هذي كلها عوامل تخليك تبكي اكيد
بس ماشاء الله علي زوجك ربي يحفظه لك ويجعله قرة عينك ويجعلك قرة عينه .. هداك وماخلاش
الحنة اتجي في خاطرك
جيجي كيف حالك وحال الوالد
بالنسبة للتعب واجد واجد مع سلفة كيف هذي راهو مش في صالحك
لا جسديا ولا معنويا ... شوفي روحك كيف تعاملي فيها وهي كيف تعامل فيك
في المواضيع هذي جيجي الرسميات احسن
خشي طيبي واغسلي الماعين بس
وبعدين خواتها حتى لو متزوجات المفروض ايديرو جدول وكل يوم اتجي وحدة وتمسكها
وتمسك حوشها واعيالها ... اما السلفة تقعد هي اللي كل يوم تجي وتشتغل مش حلوة
لا في حقها هي سلفتك ولا في حق خواتها ولا حتى في حقك انت
وصدقيني قلة النوم راهي من كثرة التعب
انا هكي يصير معاي لما انتعب روحي ماعتش نرقد
لذلك خفي علي روحك احسن لك يابنت
وبالنسبة لوليد خيتك ربي يحفظه ويسلمه ويشفيه
لو كنتو عارفين اللي امعطيه عين خوذي من اثره وسبحيه بيه وتوة يبرى باذن الله
ولو مش عارفة اللي عطاه عين قولي لي بيش نعطيك
طريقة معالجة ...
وماتهزيش عالعين راهي مرات تكون اقوى من السحر
وكيف ما قالو عن الرسول عليه صلوات الله وتسليمه
العين تدخل البعير القدور وتدخل الرجال القبور
قوليلي بس وانا في الخدمة ... طهور ان شاء الله
وبالنسبة ليا انا .....
اخر يوم في رمضان علقت ما رقدتش ليوم العيد
حنيت ردينة وروى طلعت الحنة اتهبل وانا حنيت السباببة ودرت وردة في كف ايدي الاثنين
الاولاد طبعا كساهم بوهم وشرالهم لبس حلو لان هو ماشاء الله ذوقه ايهبل والدليل
ذوقه فيا انا هههههههههه
وبالنسبة لي وللبنات خذيت 1100 دينار ومشيت للسوق وشريتلهم من روسهم لكرعيهم وعطوراتهم
واكسسوارتهم والعاب للاولاد والبنات
وانا شريت لروحي فسنان لونه طوبي غامق قصير تحت الركبة مع غطاء شيفون فوق الصدر تايقر
وشريت قونة وبلوزة .. القونة سمني والبلوزة مزركشة اسود في سمني واشوية طوبي
وشؤيت عطورات وحلوى وكندرة وشبشب
بس مالبستهمش في العيد لان عمتي مريضة وخفت ايقولو لابسة جديد وامنا مريضة فلبست لبسة
تعتبر جديدة القونة شريتها من البيضاء وكانت معاي اخت زوجي يومتها والبلوزة شريتها من طبرق
ماهمش شايفينها
وفعلا كما توقعت القيت البنات ماهمش شاريين دبش جديد وحتى الحلو ماداروشي الا قريب الفجر
وسألوني لبستك جديدة والا هذي نفس القونه اللي شريتها من هنا
فقلت الهم لا هي نفسها والبلوزة شريتها من طبرق من قبل رمضان ... فقلت الحمد لله مالبستش
قونتي اللي بستها كاكي غامق مطعمة باللون البرتقالي وبلوزتي جيشية
وسلفتي جايه ولابسة جديد في جديد ومكياج على سنقة عشرة خخخخخخخخخخخخ
طبعا انا طلعت العاقلة والمراعية لظروف العائلة هههههههههههه
وتوة نحكي الكم شن صار يوم العيد مع سلفتي اللي قعدت اتهزب فينا انا وحماواتي بطريقة بايخة بكل
بس توة عااااااااااااد تشويق اشوية لاني بجد
تعبت من الجلوس وفي نفس الوقت بنقرى اذكار المساء ونشوف رويتا
هيا توة بالسلامة
dr.loly
08-10-2013, 08:51 PM
السلام عليكم ورحمة الله وبركاته
dr.loly
08-10-2013, 09:07 PM
اثري تو الراجل بطبعه يرضي بقضاء الله ومش كلهم طبعا بس يحبوا الاولاد والله اعلم
بس سلفي يبي بنيه وحكيتلكم لما قالولها مره بنيه جي كلاكس وبقلاوه ورزاته ومشروب وفرحان
ولما رجوا قالولها ولد محبط ويقول الحمد لله وخلاص لان من بكره وهو يبي بنت تحكي عليه امه
بس تعرفوا
سلفتي تبي ولد وفرحانه ولاعمرها قالت حتي يارب اتكون بنت
اتقول عادي زي زوز زي تلاته مع انها اتشوف في عزوزتي وكيف محرومه من حنان البنت وطلتها ووووقاعده بين كناينها مهما ايمونوا والله مستحيل حيكونوا زي بناويتها والله اعلم اصلا ام الاولاد ديما في البلاد موضع شفقه علي حسب اللي نعرفهم ايقوالو مسكينه قاعده بين كناينها وووووووووالولد تاخده المرا والله اعلم تطلع باهيه اولا اما البنت بالعكس اتجيبلها ولد
والله ماشاء الله امي اتقول عندها 9ولاد لان رجالتنا غير شن تبي هي وبوي مع خوتي الولاد الزوز الله لايحرمنا منهم ياااارب مش مقصرين
الناس اراء بس راى علي راي يفرق
صح جيجي انا معاك في الراي ... ام الاولاد ممكن تفرح توا بهم دامهم صغار بس بعد يكبروا وبيزوجوا من بيخدمها ويحن عليها ويونسها بنت كبدك مش كيف مهما كان وخصيصا ان مجتمعنا الليبي والشرقي بصفة عامه يحب الذكور مش عارفه ليش ؟
هي كلها نعمة من ربي وياما من اللي محروم منها...
في صبايا واجد يعشقن الذكور بس نعرف وحده عندها وليدين الثالت قالولها بنت تعقدت من جدها
قتلها ليش قالت لا الذكر له هيبه هكي في جيبته تقولي جبت ولد بجد انصدمت.........
انا كنت انتمني بكري بنت ههههههه عكسهم
بعد قالولي ولد فرحت الحق بس مش كيف فرحتي بعد قالولي بنت ....
طلعت طول لميت كل شئ بودري قابلني وشريتلها حتي ذهب طاقم اطفال وخاتمين واساور ازغنونه...
ولعند توا كل مانطلعوا انكثر ل الولي اكثرههههههه مع انها مهبلتني بس الحق دبش البنات رووووعه والعابهن واكسسوارتهن هنا...
بس في الغلا هم ال2 نفس المحبة مافش فررررق توا
وربي يحفظ اطفالنا ...
ولايحرمنا منهم ويعطي كل واحد كيف مايتمني واكثر
dr.loly
08-10-2013, 09:16 PM
فروسة مبروك ألإشراف حتى أنا عرضو عليا الفترة الماضية بس كنت فترة امتحانات ورفضت
الله يبارك فيك حبيتي ... انا من فترة ايام ماكنت ف ليبيا انعرض عليا بس مش من ام ارجوان كانوا مرشحيني.. يعني هداريز عليا
بس هالمرة كانت من ام ارجوااان نفسها بسبب نشاطنا وتميزنا دزتلنا انا واحسساس امراه وام جمال ان شاء الله وغصن البان+ وقالت اختاروا الاقسااام ...
وصحة ع حنة ريومي ... ان شاء الله تفرحي بحنة عرسها..
وماشاء الله عيدك كان روعه خصيصا مع العيلة احلي عيد
وعجبتني لمة الخالات مافيش زيهاااااااااااااااا
وسهفتيني الحق ع مقرووووووووووووضك
دزي طرف توا انوتي القهوة ههههههههههه
dr.loly
08-10-2013, 09:22 PM
يسعد مساكم شن أخباركم كل سنة وانتم طيبين وعيد سعيد للكل وربي يدوم عليكم الصحة والعافية وانا خشيت شهري ليا 7ايام ادعوني بس الدكتور طمني انو ان شاء الله طبيعي
ان شاء الله علي خير وسلامة ام نوووووووزة ...
ربي يهون عليك يااااااااااارب
ودام كل شئ طبيعي ماتخافيش ...
dr.loly
08-10-2013, 10:40 PM
اوشي اسلوب جديد هضا التشويق هههههههههه
هي خشي بسرعه واحكيلنا ....
انا عندي مواقف معقداتني من جارتي مانبيش نحكي وكاتمه ... بس ماعندي لمن نشكي الا ليكن حبيباتي حاليا.....
dr.loly
08-10-2013, 10:45 PM
مبارك ماشريتوا اوشي وتبيدوا بالهنا..... وصحة حنة البنيات... ان شالله ف فرحهن
بالك اندزلك الولي تحنيها هههههه بم ان زوجي عدو الحنة
وكان في ليبيا را جيت خطمت عليك بم ان ديما ثالت عيد الفطر او الاضحي نقضوا فيه الجبل سوسه .. راس الهلال.. شحات..
أثري في مدادي
08-11-2013, 12:26 AM
السلام عليكم ورحمة الله وبركاته
أثري في مدادي
08-11-2013, 12:39 AM
انا متخده اسلوب السكوت اللي يقولوا ديريه انقول حاضر
وعمتي مش كبيرة هلبة بس مش متعلمة
مرات في اشايء غير ملائمة نسكت عليها
زي مشية العيد هذه وزي هلبة اشياء
لانهم الحق عيلة هادية جدا جدا
سلافي وحماواتي
وحماواتي بالذات ديمة كلمة حاضر في لسانهم
لخوتهم ولامهم وبوهم
وحتي مع اقاربهم يمشوا يعولوا وكل شي يديروا فيه
ومرتبطين هلبة مع عمامهم وخالاتهم
وانا مش اجتماعيه شن الحل يابنات
وحتي لما مشينا وعيدنا الرجاله مانسلمش عليهم
الا لما يجوا ويسلموا كيف اندير
قولولي
حتي في رمضان لما نعول في المطبخ مرات يخشوا سلافي
فهمتوني هما يبونا نجوهم وراجنهم اللي يبي يكون مع اهله باهي لو انا بنقول معادش يخشوا ولا كيف
رغم انهم الحق الحق سلافي محترمين جدا جدا
وكان طلبوا شي مني بادب واحترام
بنجي انا بنعقدهم في الدخول والخروج
عارفة روحي لو لبست خمار والعباية الشرسعة مش عارفة شن بيصير
اكثر من مرة نفكر معادش نمشي للاعراس والمناسبات بس اهل زوجي مرتبطين هلبة
ولازم يبوني نمشي
شن الحل ؟؟؟؟؟؟؟
أهلاً جنـــــــــــــــــــــــــــــــــودة
شوفي يا غالية
** رضا النـــــــــــــــــاس غاية لا تدرك
** من التمس رضا الناس بسخط الله سخط الله عليه وأسخط عليه الناس "" حديث
فلهذا ............
لابد من استراتيجيـــــــــــــة ترتيب الأولويات
رضا الله
وطاعته
والامتثال لأمره
واجتناب نهيه
هــــــــــــــــــــــــــــــــــو الهدف الأول
والغاية العظمــــــــــــــــــــــــــــــــــــى
مــــــــــــــــع مراعاة خواطر العباد حواليك دوما
ولكن بما لا يخالف الشــــــــــــــــــــــــــــــــــرع
وأغلب ما تعتقدين أنه سيفسد العلاقة بينك وبين أهل زوجك
إنما هو من وساوس الشيطان ليعرقل مسيرتك نحو الجنان
فلهذا
أعقدي العزم على الطـــــــــــــــــاعة سواء كانت فعلا أو تركا
ودعي عنك :"" زعما شن بيقولوا ؟؟ وزعما شن رايهم ؟؟
وهذه الأسئلة إقصائها
مفتاح السعادة لك حتى في الأمور الإجتماعية
فما بالك بأمور دينك وطوق نجاتك دنيا وآخرة
مـــــــعقولة جيجي سلفتك مقالتش تفضلي
والله المفروض محولتلك منها لاني اتجي وتنظفي واتطيبي تحسبك في ابسط شي
تعليقي على موقف الصونــــــــــــــــــــية :::
لعلها سهت أو غفلت !!!
الإنسان معرض لـــــــــــــــــذهاب الشيرة
حتي انا زيك جيجي غير هكي انقول
بس والله مانقدر نلقي اي شخص ينظف ونقعد نتفرج عليه
لما نمشي لحوش عمي ونلقاهم هكي
نبدا تعبانه وانظف في حوشي ومع هدا لازم انعاون
رغم ان اخر مرة مشيت لحوش قريبتهم اللي سيقنا معاها الحوش
الايام اللي بعدها جاني وجع في ظهري قوي
واكثر من مرة انقيم معاهم في حاجات ثقيلة ومانعدلش رغم ان حناي ام امي
نقوللها ماما كبيرة
تقولي معادش ترفعي الثقيل مش راح ينفعك حد
مانقدرش غير ليلة الموسم رافعه مع حماتي البساطات
والله يا حبيبة
كنت """"""""" مغفلة """"""""""""""
بس
بعدين فقت
ومن يستيقظ متأخرا خير من الذي لم يستيقظ أبدا
صحتي نوزنها بميزان الذهـــــــــــــــــــــــــــــــــــب
حالك من حالي جيجي
منعرفش نتكلم ولا نرد ونلقح في الدوه
والله واخدين عليا فكرة اني ساكته
خلي نحكيلكم موقف في عرس حماتي في الليل بعد ماروحت حماتي لحوش راجلها
كلهم ملتمين في الصالة البنات والعمات والخالات وبناتهم
تحكي عمتهم علي شي معين والله نسيته اعطتني انا كمثل
وقالت زي مانقولوا ام اجنادين ساكته وهادية
ونست اني مقعمزة جنبهم
لين كلهم شافولها
وناضوا يضحكوا
طبعا داروها بالجو وهيا ماقالت شي غلط عليا
بس حسيت ان غلط الوحده تكون ساكته ولا كيف
الاعتدال طيــــــــــــــــــــــــــــــــــــــــــــــــ ــــــــــــب
فلا تكوني لينة إلى أن تعصري
ولا
قاسية إلى أن تكسري
بالنسبة ليا مازال شوية الصيام خلى نرتاحو شوية
فيه يللى بادى من ثانى يوم بالرغم من انه مكروه
لماذا مكروه ؟؟؟
اوشي اسلوب جديد هضا التشويق هههههههههه
هي خشي بسرعه واحكيلنا ....
انا عندي مواقف معقداتني من جارتي مانبيش نحكي وكاتمه ... بس ماعندي لمن نشكي الا ليكن حبيباتي حاليا.....
أهلا أم فروسي
كيفك وكيف ألـــــــــــــولي وفروسي
؟؟؟؟
واسمعي
زي ما تعرفي
ما يتعاشروا اثنين نين يجي الكيد علي واحد
لكن إن لم نكن راغبين في إلقاء الكيد والثقل على الآخرين
فعلى الأقل لا نجعله يقع بالكامل علينا
وهذا يحتاج منا إلى حكمـــــــــــــــــــــة
ومن أوتي الحكمة فقد أوتي خيرا كثيرا
sosolibya
08-11-2013, 12:42 AM
السلام عليكم ورحمة الله وبركاته
كيف حالكم توا......................
العشية التمينا تحت توتة جدى الله يرحمه...........................
عماتى ونساوين عمى
وتوا بالليل
مشيت لخالة راجلى مروحة من العمرة كانت شهر غادى
تسخف كيف تشكى عندها أولاد بس
أبسط شىء قالت الصور لقيته يابس
أثري في مدادي
08-11-2013, 12:42 AM
أوشــــــــــــــــــــــــي
مبارك ما شريتي
وصحة ليك
استعملت السياسة
محرمتيش روحك وخديت بخاطر هل دااااارك
ربي يهنيك
ويجعل بنيتك المتوفاة فرطك على الحوض
آخذة بيدك للجنة
أثري في مدادي
08-11-2013, 12:44 AM
إذا توكلــت علـى الله فـلا تستعجــل :✿:
قال تعالى : { ومن يتوكل على الله فهو حسبه إن الله بالغ أمره قد جعل الله لكل شيء قدرا } .
فلا يستعجل المتوكل ويقول : قد توكلت ودعوت فلم أر شيئاً ولم تحصل لي الكفاية ، فالله بالغ أمره في وقته الذي قدر.
[ابن القيم ـ إعلام الموقعين] .
أثري في مدادي
08-11-2013, 12:46 AM
السؤال
هل هناك أفضلية لصيام ست من شوال؟ وهل تصام متفرقة أم متوالية؟
الجواب
نعم، هناك أفضلية لصيام ستة أيام من شهر شوال، كما جاء في حديث رسول الله –صلى الله عليه وسلم-:"من صام رمضان ثم أتبعه بست من شوال كان كصيام الدهر" رواه مسلم في كتاب الصيام بشرح النووي (8/56)، يعني: صيام سنة كاملة.
وينبغي أن يتنبه الإنسان إلى أن هذه الفضيلة لا تتحقق إلا إذا انتهى رمضان كله، ولهذا إذا كان على الإنسان قضاء من رمضان صامه أولاً ثم صام ستاً من شوال، وإن صام الأيام الستة من شوال ولم يقض ما عليه من رمضان فلا يحصل هذا الثواب سواء قلنا بصحة صوم التطوع قبل القضاء أم لم نقل، وذلك لأن النبي –صلى الله عليه وسلم- قال:"من صام رمضان ثم أتبعه..." والذي عليه قضاء من رمضان يقال صام بعض رمضان ولا يقال صام رمضان، ويجوز أن تكون متفرقة أو متتابعة، لكن التتابع أفضل؛ لما فيه من المبادرة إلى الخير وعدم الوقوع في التسويف الذي قد يؤدي إلى عدم الصيام.
[فتاوى ابن عثيمين –رحمه الله- كتاب الدعوة (1/52-53)
أثري في مدادي
08-11-2013, 12:57 AM
سوسو فرحت هلبة بلباسك الشرعـــــــــــــــــــــــــي
الطرحة والجلباب
فهنيئا لـــــــــــــــــــــــــك
ولعلك تكونين فاتحة خير في جهتكم
وينتشر هذا الأمـــــــــــــــــــــــــــــــر
ويختفي هذا البلاء المسمى بالوشاح
فهو
يريح ضمير من ارتدته ، لأنها تعتقد أنها محجبة وممثلة لأمر ربها
وحقيقة ألأمر
أنها متبرجة
لأنه زينة في حد ذاته
ولأنه لاينزل على الجيوب
التي قال الله تعالى فيه :" وليضربن بخمرهن على جيوبهن ""
والخمار في اللغة العربية غطاء الرأس لا غطاء الوجه
أي يجب أن يغطي غطاء رأسك جيبوبك
وهو الشق الذي بين الصدر وما تحت الإبطين
ويجب أن يكن جلبابك واااااااااااع لا يصف
وهنا نجد هذه العباءات التي تظهر من جمال جسد المرأة أكثر مما تخفي
فالحجاب ما سمي حجاب إلا
................. لأنه يحجب جمالك أيتها اللؤلؤة عن أعين المتطفلين
وحجابنا اليوووووووووووووووووم
فتنة تمشي على قدميـــــــــــــــــــــــــن
فلا نتغافل
ونحسب أنفسنا من المحجبات ونحن متبرجات
~~~~~~~~~~~~~~~~~~~~~~~~~~~~~~~~~~~
أثري في مدادي
08-11-2013, 01:05 AM
ما حكم الاختلاط العائلي مثل ابن العم وابن الخال وأخو الزوج وما أشبه ذلك، وهل يجوز للمرأة أن تصافح الرجل مثل ابن العم وابن الخال وأخو الزوج وغير ذلك، ومن هم الذين تجوز مصافحتهم، وما صحة الحديث الذي يقول ما معناه: (خير لأحدكم أن يُطعن في رأسه بمخيط من حديد ولا يمس امرأة لا تحل له)؟!
الاختلاط العائلي فيه تفصيل: أما بين المرأة وأبي زوجها وجد زوجها وأولاد زوجها فلا بأس لأنهم محارم. أما اختلاطها مع إخوته وبني عمه يرونها ولا تحتجب عنهم أو تصافحهم فهذا لا يجوز، ليس لها الكشف لهم وليس لها مصافحتهم وإنما تصافح المحارم فقط كأخيها وعمها وخالها وأبي زوجها وابن زوجها، أما أن تصافح أخا زوجها أو عم زوجها أو خال زوجها فلا، وهكذا ابن عمها وابن خالها وابن خالتها لا، لا تصافحهم ولا تكشف له أيضاً، بل تحتجب تحجب وجهها وبدنها ولا تصافحه، ولكن تكلمه ترد عليه السلام وتسلم عليه، تسأل عن حاله وحال أولاده لا بأس، لكن لا تصافحه ولا تكشف له بل تحتجب عنه تحجب وجهها وبدنها كله عن هذا الذي هو ابن عمها أو ابن خالها أو أخو زوجها أو زوج أختها، أو ما أشبه ذلك، وهذا كثير من الناس يفرطون فيه، كثير من العوائل يتساهلون في هذا وهذا غلط كبير يجب الحذر وعدم التساهل. وأما ما يروى عنه -صلى الله عليه وسلم-: أنه (لأن يطعن بالحديدة في رأسه خير من أن يصافح امرأة..) حديث معروف، لكن لا أذكر الآن حال سنده، وهو معروف، وهو يدل على شدة الإنكار في هذا وشدة الإثم في هذا، وأنه ينبغي للمؤمن أن يحذر أن يصافح امرأة لا تحل له؛ لأنه وسيلة إلى التساهل وإلى وقوع ما حرم الله، وقد قال – عليه الصلاة والسلام- لما بايع النساء قال: (إني لا أصافح النساء) وقالت عائشة - رضي الله عنه- كما جاء في الصحيحين: (ما مست يد رسول الله يد امرأة قط، ما كان يبايعهن إلا بالكلام). فالحاصل أنه -صلى الله عليه وسلم- كان يبايع النساء بالكلام لا بالمصافحة، فالواجب الحذر مما حذر منه - صلى الله عليه وسلم – والتأسي به؛ ولأن المصافحة قد تكون وسيلة إلى ما حرم الله -عز وجل-
sosolibya
08-11-2013, 01:11 AM
حبيبتى أثرى نتوقع لقطة السونية لو مثلا أنا نسيت نتحشم نجى نحطها فى اللاوندينو باش تغسلها
أستغفر الله أستغفر الله
أثري في مدادي
08-11-2013, 01:15 AM
~~~~~~~~~~~~~~~~
تأملن مقدار الكلام الجائز{{{ ولكن تكلمه ترد عليه السلام وتسلم عليه، تسأل عن حاله وحال أولاده لا بأس}}}
مش بصارة وهدرزة ودق حنــــــــــــــــــــــــك !!!!
فهذا غير جائز بتاتا
سلفي على العين والراس
لكنني أتحجب عنه
وألقي عليه السلام
وأسأله عن حاله بكل احترام واختصار
سبحـــــــــــــــــــــــــــــان الله
تلقى عليك السكينةوالوقار وتزدادين هيبة
ويصبح يحسب لك ألــــــــــــــــــــــــــــــــــف حساب
جارتنا
إمرأة طيبة وودودة ولكنهـــــــــــــــــــا متحررة نوعا ما
عندها أربع كناين
من نفس طرازهااااااااااااااااا
ولكن
إحداهن حادت عن طريقهن
وبدأت تسير نحو الاستقامة بخطى ثابتة وواثقة
فصارت نشازا
وأمست محل التفكه
وهـــــــــــــــــــــي لا تبالي ولا تلتفت لهم
فرسانها الثلاث
انشغلت بحسن تربيتهم
علما بأن زوجها لازال كما كان
توقظ بكرها وعمره تسع سنوات لصلاة الفجر
وينطلق للمسجد
ووالدها يغط في نوم عميق !!!
يخشى الظلام
ترتدي جلبابها وتقف له أمام الباب
حتى يلتحق بالجار السائر نحو الصلاة
وهكذا.................
تزغردت بيوتهم بالأفراح
وأفسدوها بمزامير الشيطان
اعتزلتهم واعتزلت مناسباتهم
حوربت
ولكنها
لم تبالي
فهي ترثى لغفلتهم وسباتهم
دااااااااااااااااااااااااااارت الأيام
ونطقت ""عزوزتها """اليوم
مسيت بنعيد عليها
جابت سيرة ولادها
وقتلي
مسكت فلان ـــ زوج صاحبة القصة ــ وقتله ياوليدي ،، الدنيا فيها كل شيء ـــ هي قاربت على الأربع والثمانين عام الله يحفظها ـــ
نوصيك علي مرتك راهي """ ألماسة "" ـــ بهذا اللفظ ـــ أمثالها قلال
ربتلك ولادك وانت غافل ماتندري علي شيء
حطها في عيونك
وإن شاء الله تسامحنااااااااااااا """
وين سمعت كلامه لحمي ناض شوك شوك !!!!
والعزة لله ولرسوله وللمؤمنين
sosolibya
08-11-2013, 01:23 AM
بارك الله فيك أثرى على هالإيفادات الحلوة
وشوفى شنو درت
متى ؟؟؟
يختفي هذا البلاء المسمى بالوشاح
فهو
يريح ضمير من ارتدته ، لأنها تعتقد أنها محجبة وممثلة لأمر ربها
وحقيقة ألأمر
أنها متبرجة
لأنه زينة في حد ذاته
ولأنه لاينزل على الجيوب
التي قال الله تعالى فيه :" وليضربن بخمرهن على جيوبهن ""
والخمار في اللغة العربية غطاء الرأس لا غطاء الوجه
أي يجب أن يغطي غطاء رأسك جيبوبك
وهو الشق الذي بين الصدر وما تحت الإبطين
ويجب أن يكن جلبابك واااااااااااع لا يصف
وهنا نجد هذه العباءات التي تظهر من جمال جسد المرأة أكثر مما تخفي
فالحجاب ما سمي حجاب إلا
................. لأنه يحجب جمالك أيتها اللؤلؤة عن أعين المتطفلين
وحجابنا اليوووووووووووووووووم
فتنة تمشي على قدميـــــــــــــــــــــــــن
فلا نتغافل
ونحسب أنفسنا من المحجبات ونحن متبرجات
~~~~~~~~~~~~~~~~~~~~~~~~~~~~~~~~~~~
ونسخته على صفحتى فى الفيسباهى أثرى
أثري في مدادي
08-11-2013, 01:27 AM
حبيبتى أثرى نتوقع لقطة السونية لو مثلا أنا نسيت نتحشم نجى نحطها فى اللاوندينو باش تغسلها
أستغفر الله أستغفر الله
أحبك الله الذي أحببتنا فيه
الحقيقة .............
تعليقي كان لتخفيف حدة الموجة التي وجهت نحو السلفة
وما وجهت لها إلا نتيجة أفعالها
ولكننا مأمورون بالنصح """ ولهذا نصحته بالاعتدال في العلاقة وعممت النصيحة كي لا تكون خاصة بالسلفة فقط """
ومأمورون أيضا بعدم السعي بالغيبة
وإشعال القلب نحو أخونا المسلم
بل أجاز لنا الشرع الكــــــــــــــــــــــــــــــــــــذبـــــــــ ــــــ
في سبيل إصلاح ذات البين
لأن
جيجي
عائلة زوجها قليلة الأفراد
عجوزة
سلف
سلفة
وبـــــــــــــــــــــــــــــس
لو سااااااااااااااااااااءت علاقتها مع سلفتها
وامتلاء قلبها غيظا عليها
لظهر ذلك على تصرفاتها
وبان على محياها """ الجميل """
فلهذا ناصحناها بالاعتدال
كي لا تتفاجأ بردود فعل سلبية
فهي أعطت باعتدال
مع تدريب النفس على عدم توقع أي شيــــــــــــــــء
وهذه سياسة زوجي
دائما يقول لي
لا تبني أحلامك على الآخرين
فحينما يتقاعسون أنت تتذمرين
حــــــــــــــــــــــــــــــــتى أطفالي
نبدا نهدرز لوليدي وانقوله توا بتكبر وبترفع أمك للحج وتتدهور بيها
ووووو
يقولي
ماتطمعيش بشي
باش ما تتعبش نفسيتك !!!!
ولقيتها طريقة مـــــــــــــــئة بالمــــــــــــــــــــئة
كان جاتك حاجة حلوة ماكش كارهتها
وكان ماجاكش شيء
إنت في الأصل مش متوقعة شيء
أثري في مدادي
08-11-2013, 01:31 AM
أكيد
باهـــــــــــــــــــــــــــي وملـــــــــــــــــــــــــــيح
شن اسمك في الفيس ؟؟؟
كان مافيش مانع ؟؟؟
أثري في مدادي
08-11-2013, 01:33 AM
في الأفراح كفرح الزفاف مثلاً: هل يجوز الغناء والتزين له، وهناك رقصة أحياناً عندنا تمسى بـ: (الدبكة) كانت تجرى سابقاً للرجال فقط بمعزلٍ عن النساء، لكن في الوقت الحاضر تطور الأمر، فأصبحت هذه الرقصة يختلط فيها الرجال والنساء في مناسبات الزواج، فما حكم الشرع في ذلك؟
أما الغناء المعروف الذي ليس فيه تعدٍ لحرمات الله, فالغناء في مدح أهل الزوجة أو أهل الزوج مع الدف فلا بأس مثل ما جاء في حديث عائشة لما زاروهم قالوا: أتيناكم أتيناكم فحيانا وحياكم ولولا الذهب الأحمر ما حلت بواديكم ولولا الحنطة الحمراء ما سمنت عذاريكم وما أشبه ذلك من الأشعار والغناء يتعلق بمدح الزوج, مدح الزوجة مدح أهلهم الزوج أو الزوجة أو أشياء له هذا ليس فيها ظلم لأحد, وليس فيها غيبة لأحد, فهذا لا بأس به مع الدف بين النساء خاصة هذا مشروع من باب إعلان النكاح كما أمر النبي بإعلان النكاح- عليه الصلاة والسلام- وأمر بضرب الدف فيه؛ لأن إعلانه أمر مطلوب حتى يعرف أن فلانة تزوجت فلاناً وحتى لا يظن بهم السوء, فإن السفاح والزنا يكون بالسر, أما الزواج يكون بالعلن أما الدبكة التي يفعلها الرجال فلا يجوز وإذا فعلوها مع النساء كان أشر وأقبح, فلا يجوز فعل ذلك من الرجال مع النساء المختلطين لما فيه من الفتنة والفساد الكبير, أما الرجال فليس لهم دخل بهذا إنما هذا للنساء وإذا فعل الرجال شيئاً يوافق الشرع مثل التدرب بالسلاح, وحمل الأثقال مثل اللعب بالحراب, والتروس, والرمي هذا هو شأن الرجال وحدهم في أي مناسبة أما اختلاط الرجال بالنساء في الأعراس أو في غير الأعراس هذا منكر لا يجوز لما فيه من الفتنة, وقد قال- عليه الصلاة والسلام-: (ما أدركتم بعدي فتنة أضر من الرجال على النساء), واختلاط الرجال بالنساء في كل مناسبة ينبني عليه شر كثير ويفضي إلى فتنة عظيمة فيجب الحذر من ذلك. بارك الله فيكم
من موقع الشيخ عبد العزيز بن باز رحمه الله
وكذلك الفتوى التي قبل هذه
عذرا نسيت أن أكتب المصدر ~~~~
أثري في مدادي
08-11-2013, 01:40 AM
****
لاحظن معي هذه أيضا
مع الدف ......
فهو آلة الطرب الوحيـــــــــــــــــــــــــــــــــــــــــــــ ــــــــــــــدة الجائز استعماله
واستعماله محدد
بالأفراح والأعياد
والإنشاد بالدف في الأعياد من السنن المهجورة
بالأمس قعمزنا أني ووخياتي ونساوين خوتي وحفيداتنا حبيباتنا
وضربنا بالدف
وغنينا نين دهشنا
فهي فرصة لاتتعوض
أيام العيد والأفراح لإشهار النكاح
يجوز الضرب والغناء بالدف
وأما باقي المعااااااااااااااااااازف
فهي حرااااااااااااااااااااااااام
وإن
شاعت
وانتشرت
واشتهرت
فعليك بطريق الحق وإياك وطرق الضلال وإن كثر الهالكيــــــــــــــــــــــــــــن !!!!!
قال تعالى :" ومن الناس من يشتري لهو الحديث ليضل عن سبيل الله ""
قال ابن مسعود لهو الحديث هو الغنـــــــــــــــــــــــــاء
وقال عليه الصلاة والسلام كما جاء في صحيح البخاري
"ليكونن من أمتي أقوام يستحلون الحر والحرير والخمر والمعازف ""
والله المستعان
وعليه التكلان
ولا يظن الظان أن هذه النواهي
تضيق على العبد عيشه
لا والله
إنما تشرح له نفسه
وتريح له أمره
وأبواب المباح مفتوحة متوفرة ....................
فطيبي يا أيتها النفس بما أبيح لكــــ
من مِـــــــــــن عاشقات الميوزك ...استمتعت كما استمتعنا بالأمس بدفنا وإنشادنا الشرعي ؟؟؟
فها هو المباح المعرض عنه إلى ما سوااااااااااااااااااااه
!!!!!!!!!!!!!
جوهرة ليبيا
08-11-2013, 01:51 AM
السلام عليكم ورحمه الله وبركاته
نقرا الصفحات ونجيكم
أثري في مدادي
08-11-2013, 01:53 AM
من كل بستان زهرة ~~~~
قـــﺎﻝ ﺍﺑﻦ ﺭﺟﺐ ": ﻛﻴﻒ ﻻﺗﺠﺮﻱ ﻟﻠﻤﺆﻣﻦ ﻋﻠﻰ ﻓﺮﺍﻕ ﺭﻣﻀﺎﻥ ﺩﻣﻮﻉ ﻭﻫﻮ ﻻﻳﺪﺭﻱ ﻫﻞ
ﺑﻘﻲ ﻟﻪ ﻓﻲ ﻋﻤﺮﻩ ﺇﻟﻴﻪ ﺭﺟﻮﻉ " ﻟﻄﺎﺋﻒ ﺍﻟﻤﻌﺎﺭﻑ ' 1/217 '
~~~~~~~~~~~~~~~~~~~~~~~~~~~~~~~~~~
قـــﺎﻝ ﺍﻟﺤﺎﻓﻆ ﺍﺑﻦ ﺣﺠﺮ ﺭﺣﻤﻪ ﺍﻟﻠﻪ : " ﺇﻇﻬﺎﺭ ﺍﻟﺴﺮﻭﺭ ﻓﻲ ﺍﻷﻋﻴﺎﺩ ﻣﻦ ﺷﻌﺎﺭ ﺍﻟﺪﻳﻦ "
ﻓﺘﺢ ﺍﻟﺒﺎﺭﻱ
~~~~~~~~~~~~~~~~~~~~~~~~~~~~~~~~~~
ﻗﺎﻝ ﺑﻌﺾ ﺍﻟﺴﻠﻒ : ﻛﻴﻒ ﻳﻔﺮﺡ ﺑﺎﻟﺪﻧﻴﺎ ﻣﻦ ﻳﻮﻣﻪ ﻳﻬﺪﻡ ﺷﻬﺮﻩ ﻭﺷﻬﺮﻩ ﻳﻬﺪﻡ ﺳﻨﺘﻪ
ﻭﺳﻨﺘﻪ ﺗﻬﺪﻡ ﻋﻤﺮﻩ !!! ﻛﻴﻒ ﻳﻔﺮﺡ ﻣﻦ ﻳﻘﻮﺩﻩ ﻋﻤﺮﻩ ﺇﻟﻰ ﺃﺟﻠﻪ ﻭﺗﻘﻮﺩﻩ ﺣﻴﺎﺗﻪ ﺇﻟﻰ
ﻣﻮﺗﻪ !!
~~~~~~~~~~~~~~~~~~~~~~~~~~~~~~~~~~~~
ﻗﺎﻝ ﺍﻟﻌﻼﻣﺔ ﺍﻟﺸﻴﺦ ﻋﺒﺪﺍﻟﻌﺰﻳﺰ ﺑﻦ ﺑﺎﺯ ﺭﺣﻤﻪ ﺍﻟﻠﻪ -: "ﺍﻹﺳﺘﻐﺎﺛﺔ ﺑﺎﻟﻘﺒﻮﺭ ﺷﺮﻙ ﺃﻛﺒﺮ
ﻭﻫﻮ ﺩﻳﻦ ﺃﺑﻲ ﺟﻬﻞ ﻭﺃﺷﺒﺎﻫﻪ ﻣﻦ ﻋﺒﺪﺓ ﺍﻷﻭﺛﺎﻥ " ☑ ﺍﻟﻔﺘﺎﻭﻯ ﺍﻟﺒﺎﺯﻳﺔ ) ٣٢٢/٥ (
أثري في مدادي
08-11-2013, 01:55 AM
وعليكم السلام ورحمة الله وبركاته
آنست وشرفت
ولكن..........................................
عيوني بيتغمضوااااااااااااااااااااااااا
ودودي سلامتها نامت
بالك نحصل غفضـــــــــــــــــة
تصبحوا علي خير ~~~~~
السلام عليكم
جوهرة ليبيا
08-11-2013, 03:02 AM
تصبحي علي الف خير اثري
ومشكوره كل من حست بيا وواستني وصبرتني
وانا مكتبتش الا لاني اضايقت وبالنسبه للقطه السونيه كانت مقصوده جو انا نافس ولازم ناكل انتي شن دخلك انست اني حامل وممكن تقعد في خاطري
ومستحيل نكتب موقف شاكه فيه او مش مضايقني او مر وفته وماقعدش في خاطري انا كتبت لاني مضايقه بسسس
وانا فضفضت وربي يسامحني ويهدي الجميع
وكش لازم نحكي اكثر وشن صار اليوم لان اصلا ماعندي منقول مصدوووومه ربي يهنيني ونقوم بواجباتي في حوشي ولسلفتي واللي نقدر عليه وبنحتسب الاجر عند ربي وبندير الخير باش ربي يكتبلي الاجر والله والله ماقلت لواحد علي هالشئ الا ليكم
وراجلي اتعاودله امه ومعادش يبيني نمشي الا اندير واجبي ونهدرز سويعتين ونروح
وربي يسرلي حملي وولادتي ويحفظلي بوي وامي وبنوتاتي وراجلي وخواتي حبيباتي وخوتي الاولاد الغالين
اوشي
ولد اختي قاعد عنده طفح في جسمه احممممررررر والحمد لله بطل عياط وحرارته اعتدلت
وبارك الله فيك ياغاليه
جوهرة ليبيا
08-11-2013, 03:07 AM
لاباس علي عمتك جنوده وربي يشفيها ويعافيها ياااااارب
جوهرة ليبيا
08-11-2013, 03:10 AM
غدوه باذن الله راجلي صابح عمل وبيصيم خايفه عليه لان يتعب من العمل ولابال وهو صايم واول يوم صعب
ربي ايعاونه
وانا الاثنين بنبدا كان قدرت
تصبحوا علي الف الف خيييييييييير
sosolibya
08-11-2013, 12:42 PM
السلام عليكم ورحمة الله وبركاته
كيف حالكم اليوم
ذبحنا فروج عربى وتوا على النار مدايرة رز مبوخ بإذن الله
مطيبة حتى لسلافى
منو موجودة
sosolibya
08-11-2013, 01:01 PM
شنجو بنات
ربى يهدى جيجي الله غالب الواحد يدير يللى عليه وخلاص
فى حاجة بنحكيهالكم من رمضان وماصارش ماحكيتهاش توا بنحكيها اليوم
sosolibya
08-11-2013, 01:32 PM
صديقتى وفى نفس الوقت قريبتنا وقاريين مع بعض
المهم
خذاها ولد عمى وهى تكون أصلا بنت خالته
بشوية بشوية باش ماتتلخبطوش
وولد عمى يللى خذاها خو سلفتى
يعنى هى توا أهل خو سلفتى
المهم وراجلها يللى هو ولد عمنا صديق راجلى هللللللللللبة
وأقترحت على زوجى إن نعزموهم فى رمضان سهرية
بس ماواتاش
وإن شاء الله قررنا غدوة انادوهم عشااء بإذن الله
لأن امتعينى بيروحو قريب الخميس ممكن
إن شاء الله
فقلنا انادوهم قبل مانلهو فى مرواحة امتعينى
ووووووووووووووووو
وتوا درت بسبوسة وصبيتلها عسلها وغطيتها وخليتها لغدوة إن شاء الله
وعاملة فى بالى بندير رشدة إن شاء الله
ونبى ندير كمان بيتزا مليحة و معبية حاجات
وكمان عندى امبطن
وووووووووووو وبوريك
وووووووو نبى ندير هذيكا يللى حطيتلكم طريقتها(عجين حشو عجين)
شنو رايكم
لو فيه أى اقتراحات تفضلوا
وتعرفو مش متضاااااااايقة بكل أو واكلة هم
لأن هما بس يعنى كله عالخفيف شوية شوية يعنى مش حيكيدنى مثلا البيتزا طاجينين الفطيرة طاجين وهكذا
ممكن الرشدة نكثر باش ندز سونية لإمتعينى
sosolibya
08-11-2013, 01:48 PM
تعرفو لأنى قبل لما انادى ح أو نعزمو حد يعنى زحمممممممممة
يجو عيالى وأمتعينى
أو نحنا يعنى انادو فيهم
وبعدين باللل يجو الأغلبية فى الحوازة مثلا نساوين عمى وهكى يجو يهدرزو بس المرة هذه لااااااااااااااااااا
ماخاطرى نقول لحد احنا وهما بس ونقول لأمى تجى تهدرز بالليل وبالك أحسنلى نخليلها ريم العشية باش نخدم على راحتى
لأنى كله نبيه طازة إن شاء الله
صح أحسن وله
sosolibya
08-11-2013, 01:49 PM
أنا مش مانبيش اللمة بس والله كايدنى نكثر هكى وإن شاء الله نصقم روحى
لأنى قبل أخر مرة لما عزمت خالتى درت فقط كسكسى عرس
على سيرة كسكسى عرس تذكرو قداش كنت مهبلتكم بيه
sosolibya
08-11-2013, 01:51 PM
راحت عيون مع الريح
واستاحشت يقييييييييييين
فروسة كيف يعنى ناشطين لما قلتى أختارونا
sosolibya
08-11-2013, 02:09 PM
تعرفو نفكر الرشدة نعاندها توا اليوم باش غدوة نلهى بباقى الحاجات مانبيش غدوة نقعد قبوضة ونجرى
جوهرة ليبيا
08-11-2013, 02:51 PM
السلام عليكم ورحمه الله وبركاته
ربي ايعاونك سوسو وان شاء الله ربي يعطيك صحتك وعزومتك اتجيك زي ماتبي
خشيت نطمن عليكم توا سلام بنمشي انخش انطيب غدي سلفي وسلفتي وامها لان راجلي واعزوزتي صايمين
سلااااااام
جوهرة ليبيا
08-11-2013, 02:53 PM
لالالالالالالا اتفاجأت في الشريط خشيت السابع ياااااااااارب تمملي وكل حامل علي خير وارزق كل وحده محرومه يااااااارب
السلام عليكم ورحمة الله وبركاته
ام فراس شكرا حبيبتي عاللايك ديمة تحرجي في بكرمك ياعسولة
جيجي .. باهي الحمد لله اللي خف اشويىة
بس لازم من اثر اللي عاينه ولو ماعرفتوش ضروري رقية شرعية
راهو العين مش ساهلة
وهل تعلمي ان العين يخدمها جان ويدخل لجسم الانسان بيش يمرضه
انا قتلك بيش ما انخوفكش عليه ... لكن عشان تعرفي ان الجن لما يدخل جسم الانسان
يبدا يفسد فيه معنويا وعضويا وروحيا ونفسيا
فخلي بالك اكويس علي وليد خيتك وضروري ضروري من الرقية لو ما عرفتوش اللي عانه
والله المستعان وربي يشفيه
اسألي مجرب ولا تسأل طبيب
اوشي اسلوب جديد هضا التشويق هههههههههه
هي خشي بسرعه واحكيلنا ....
انا عندي مواقف معقداتني من جارتي مانبيش نحكي وكاتمه ... بس ماعندي لمن نشكي الا ليكن حبيباتي حاليا.....
هههههههههه ... والله جت صدفة حركة التشويق
لكن قبل كل شي انا بنقول الموقف بس مش قرمة فيها بنحكي لانها قهرتني
هضا ياحنة في رمضان انا كيف ماقلتلكن عزمت هل داري وانا اصلا كل سنة في رمضان
نعزم فيهم وكل ما نعزمهم انكلم فيها حتى هي بيش اتجيب عويلتها وايجو يفطرو عندنا
بس رمضان هضا ما عزمتهمش لان صار موقف وحكيته الكم حتى هو بين الاولاد وشاطت
وعيطت وقالت ان اولادي انا يعلمو في ولدها كلام ماهوش كويس
مع العلم ان ولدها هضا ديما قاعد عندنا يعني كل ما تمشي مشوار للسوق او زيارة
اتجي اتحطه عندنا وعادي انا ماعمريش تكلمت مع العلم ايضا انها شبه يوميا راكبة السيارة
وماشية ربي يهنيها ...
المهم الوليد شبه كبر مع عيالي ولا عمره قال كلمة مش كويسة بالعكس الوليد لما ايجينا
اتحسيه يتحشم مني بس لما قال الكلمة هذي قالت اه هذي من عيالك علموها له
طبعا هذي كلمة شكرا لاني شايلة عليها هم اوليدها بس يالله
المهم فقلت انا مش هانعزمهم مع عيت عمي توة نعزمهم بروحهم
وللعلم ايضا هي ما عمرهش عزمتني في رمضان ولا في غير رمضان يعني الها 10 سنين
ولا كلفت نفسها حتى تعزم عيت عمي
المهم .... علمت اني انا عزمت هل داري زعلت وقلبت علي اكثر ماهي قالبة اصلا
ويوم العيد في حوش عمي قاعدين في الكوجينة وهي حامل في السابع
وقعدت تخطب انا اللي ايدير في حركات ويوريني انه هو كارهني حتى انا ما عتش نبيه
والمعاملة بالمثل (ياريت والله) وانا قلت لراجلي بعد ما انجيب مانيش طالعة علي حوش عمي
طالعة لحوشي علي طول ومش قايلة لحد اني اني انا جبت ونذبحو ونشوو وناكلو وما نكلمو حد
( اصلا شهوة الشواية )
وطبعا فيه كلام واجد بس هذا يكفي وانا ياغافل لك الله مانحسبهاش تحكي علي الشي الوحيد
اللي لاحظته انها تحكي وعيونها ما يبهتنش فيا على الرغم من اني مصادرتها
فانتابني الشك ان الكلام مقصود فسألتها قلت الها انت زعلانة مني درت فيك شبي قول لي
مابتش تعطي اجابة واضحة
قالت المهم انا ماعتش نبي انجي لحد بس اللي نمشيله بوي وامي وعمي وعمتي
طبعا انا ماكنتش عارفة في اللحظة هاذيك انها تقصدني انا بالذات
كنت نحساب صاير معاها موقف مع حد اخر لانها دايما ادير وتشيل للقريب والبعيد
وانا ديمة ننصح فيها وانقول الها مش كل حد راهو نتعبله بس هي تحسابني منقهرة منها
اعتقادا منها انه اللي ادير فيه يحبب الناس فيها
بينما العكس هو الصحيح ... فقلت انا اخيرا عرفت
بس انا امس كنت انكلم في صبيتي المتزوجة وحكيتلها فقالت لي نقولك بس راك تزعلي
قلت الها قولي انا خلاص ماعتش نزعل .. فقالت لي ان صبياتي الشبابات اللي قاعدات
في الحوش قالن الها يومتها عزومنا عيت اوشي للفطور قالن وجها قعد اسود زي الفحمة
وتغيرت على طول ...
ولما سكرت من صبيتي القيت فعلا كل الكلام كان موجه لي بالدرجة الاولى وحتى صبياتي
صابهم من الحب جانب بس انا حكيتلكن اللي يخصني
وانا طبعا واخذة قاعدة انا الدنيا فانية واخرتها قبر شبر في شبر فما نزعلش حد ولا حد يزعل مني
ولا نزعل من حد ولله الحمد مافهمتش القصة كاملة الا بعد ثالث يوم العيد ومامشتش لين
هديتها من ناحيتيي وبينت الها اني انا لانكرهها ولا نتمنى الها الشر
بس هي مشكلتها ان قلبها اسود وشيالة
وتوتة توتة وخلصت الحدوتة
مبارك ماشريتوا اوشي وتبيدوا بالهنا..... وصحة حنة البنيات... ان شالله ف فرحهن
بالك اندزلك الولي تحنيها هههههه بم ان زوجي عدو الحنة
وكان في ليبيا را جيت خطمت عليك بم ان ديما ثالت عيد الفطر او الاضحي نقضوا فيه الجبل سوسه .. راس الهلال.. شحات..
ياريت والله .. الولي بعد ماتحني بتخليها عندي لين تطير الحنة زعما
لا ياحنة راني انحنيها وندزها لك دغري العياطة اللي ماترقد فيك خخخخخخخ
ربي ينجيها لك هي بسلامتها عمرها كم توة
أوشــــــــــــــــــــــــي
مبارك ما شريتي
وصحة ليك
استعملت السياسة
محرمتيش روحك وخديت بخاطر هل دااااارك
ربي يهنيك
ويجعل بنيتك المتوفاة فرطك على الحوض
آخذة بيدك للجنة
آمين يارب نحنا وانت ان شاء الله
ضروري منه الواحد يحس بمشاعر الاخر
السلام عليكم ورحمة الله وبركاته
كيف حالكم توا......................
العشية التمينا تحت توتة جدى الله يرحمه...........................
عماتى ونساوين عمى
وتوا بالليل
مشيت لخالة راجلى مروحة من العمرة كانت شهر غادى
تسخف كيف تشكى عندها أولاد بس
أبسط شىء قالت الصور لقيته يابس
ماشاء الله تبارك الرحمن لمتكم ديما تعجب فيا ربي مايفرقكم علي بعضكم
ما حكم الاختلاط العائلي مثل ابن العم وابن الخال وأخو الزوج وما أشبه ذلك، وهل يجوز للمرأة أن تصافح الرجل مثل ابن العم وابن الخال وأخو الزوج وغير ذلك، ومن هم الذين تجوز مصافحتهم، وما صحة الحديث الذي يقول ما معناه: (خير لأحدكم أن يُطعن في رأسه بمخيط من حديد ولا يمس امرأة لا تحل له)؟!
الاختلاط العائلي فيه تفصيل: أما بين المرأة وأبي زوجها وجد زوجها وأولاد زوجها فلا بأس لأنهم محارم. أما اختلاطها مع إخوته وبني عمه يرونها ولا تحتجب عنهم أو تصافحهم فهذا لا يجوز، ليس لها الكشف لهم وليس لها مصافحتهم وإنما تصافح المحارم فقط كأخيها وعمها وخالها وأبي زوجها وابن زوجها، أما أن تصافح أخا زوجها أو عم زوجها أو خال زوجها فلا، وهكذا ابن عمها وابن خالها وابن خالتها لا، لا تصافحهم ولا تكشف له أيضاً، بل تحتجب تحجب وجهها وبدنها ولا تصافحه، ولكن تكلمه ترد عليه السلام وتسلم عليه، تسأل عن حاله وحال أولاده لا بأس، لكن لا تصافحه ولا تكشف له بل تحتجب عنه تحجب وجهها وبدنها كله عن هذا الذي هو ابن عمها أو ابن خالها أو أخو زوجها أو زوج أختها، أو ما أشبه ذلك، وهذا كثير من الناس يفرطون فيه، كثير من العوائل يتساهلون في هذا وهذا غلط كبير يجب الحذر وعدم التساهل. وأما ما يروى عنه -صلى الله عليه وسلم-: أنه (لأن يطعن بالحديدة في رأسه خير من أن يصافح امرأة..) حديث معروف، لكن لا أذكر الآن حال سنده، وهو معروف، وهو يدل على شدة الإنكار في هذا وشدة الإثم في هذا، وأنه ينبغي للمؤمن أن يحذر أن يصافح امرأة لا تحل له؛ لأنه وسيلة إلى التساهل وإلى وقوع ما حرم الله، وقد قال – عليه الصلاة والسلام- لما بايع النساء قال: (إني لا أصافح النساء) وقالت عائشة - رضي الله عنه- كما جاء في الصحيحين: (ما مست يد رسول الله يد امرأة قط، ما كان يبايعهن إلا بالكلام). فالحاصل أنه -صلى الله عليه وسلم- كان يبايع النساء بالكلام لا بالمصافحة، فالواجب الحذر مما حذر منه - صلى الله عليه وسلم – والتأسي به؛ ولأن المصافحة قد تكون وسيلة إلى ما حرم الله -عز وجل-
اثري بارك الله فيك وزاد الله من نعيمه وعلمه ... ماشاء الله عليك ربي يحفظك وفي ميزان حسناتك
انا ولله الحمد لباسي شرعي
وما نسلمش باليد لا انا ولا حتى اسلافي .. سلامنا بالكلام
بس فيه سؤال .. شن رايك في اللي يقول ان السلف محرم مؤقت
هذي صورة الحلو اللي درته في العيد
تفضلو حبيباتيhttp://jpg.gif 002.jpg (92.5 ظƒظŠظ„ظˆط¨ط§ظŠطھ)
http://jpg.gif 002.jpg (92.5 ظƒظŠظ„ظˆط¨ط§ظŠطھ)
وهذا طقمي البيكو الايطالي اللي قلت لكم عليه
في موضوعنا الاول قبل ما يتسكر وقلت كيف مشت عليكم حاجة شريتها
وماقلتوليش حطي صورتها
هذا هو شن رايكم فيهhttp://http://forum.hwaml.com/attachment.php?attachmentid=8775&stc=1&d=1376228120
وتوة اكيد بنتعبكم في القراية
بالسلامة نتلاقو
sosolibya
08-11-2013, 04:49 PM
سلام كيفكم توا
الحمد لله الرز جى روووووووووووووووووووووووووووووووووووووووووعة
ودزيت لأمتعينى الطنجرة والكسكاس باش يسقو براحهم
لأن فيه من الشباب قاع ماجاش مانقدرش نسقى
وحماتى كانت بتطيب قالت مادامنى اليوم جيت
لقتنى مطيبة ماصارش
sosolibya
08-11-2013, 04:53 PM
http://forum.hwaml.com/attachment.php?attachmentid=8775&d=1376228120
أهو نزلتلك الصورة اوشى أكيييييييييييييييد فرحانة ههههههههههههه
حلو ماشاء الله تلبسى بالهناء
sosolibya
08-11-2013, 04:54 PM
وهذه حلويات أوشى يابنات
سلم يديك يا اوشى
http://forum.hwaml.com/attachment.php?attachmentid=8774&d=1376227774
sosolibya
08-11-2013, 04:54 PM
غريبتك ساحت صح زى ماصار معى
وهذا مقروض اوشى ولا شنو
sosolibya
08-11-2013, 05:01 PM
إن شاء الله العشية طوارىء
بنظف ونظم المربوعة والحمام البرانى
وووووووو الساحة يللى قدامهم
ونمشى نجيب خضرة من الشراك بإذن الله
ووووووووو وتوا حطيت حوايج فى الغسالة ووووووووووووووووووو
وعيانة وعيونى بيتغمضو بس القايلة تمت معاش نلحق نرقد
dr.loly
08-11-2013, 07:13 PM
السلام عليكم ورحمة الله وبركاته
dr.loly
08-11-2013, 07:14 PM
كيف حالكن ياحلواااااااااات نفرة نفرة ههههه
dr.loly
08-11-2013, 07:14 PM
سوسو ماشاء الله ربي يعطيك الصحة ... وكسكسي الاعراس قصدك اللي بالبصلة ؟صح
جوهرة ليبيا
08-11-2013, 07:21 PM
كيف حالك ام فراس
انا قاعده اندير في فطور راجلي وعزوزتي قاعده ممشيتش لحوش سلفتي
اصلا معتقدش ايجيها حد اليوم
غدوه ان شاء الله اعتقد زحمه خواتها مروحين اليوم من بره واكيده حيجوها غدوه
درت رشده كسكاس من بعد الظهر وسلاطه وفاكهه بعتها لحوش سلفي وخليت منها لعزوزتي وراجلي وتوه درت كيمه بوريك الجبده بالسبانخ والجبنه وكيمه للسمبوسه بالعجينه المنتفخه
طلعت العجينتين وبنوض انلفهم و بيتزا بالخضرا بس ولله الحمد وكان جئ حد بنمشي ونعول عليها والا بنمشي انشوف الوليد شوي ونروح
,,,,,,,
dr.loly
08-11-2013, 07:34 PM
حالي الحمدلله تمام ...
وربي يعطيك الصحة ولك الاجر بأذن الله تعالي ...
وصحة غداك وفطوركم
dr.loly
08-11-2013, 07:37 PM
وهذا طقمي البيكو الايطالي اللي قلت لكم عليه
في موضوعنا الاول قبل ما يتسكر وقلت كيف مشت عليكم حاجة شريتها
وماقلتوليش حطي صورتها
هذا هو شن رايكم فيهhttp://http://forum.hwaml.com/attachment.php?attachmentid=8775&stc=1&d=1376228120
ماشاء الله حلو.. وتلبسيه بالعافية ان شاء الله
وصحة ايدياتك ع حلويات العيد... وان شاء الله كل عام بيتك معمور بهاااا
وبالنسبه لسلفتك حسيت ان موضوعها موضوع غيرة وااااااااضح بم انك تعزمي في عيت عمك وهي لا ومقدرتيهم ... النوعية هذي ربي يصبرك عليها وخلاص شن بنقول.......
أم أجنادين 80
08-11-2013, 08:04 PM
ربى يهديك حبيبتى جنودة
مش ضرورى نكونو أقارب باش نفضفضو لبعض
قداش مرة نطلب منك أننا نكونوا أصدقاء بجد بس انت ييللى ماتبش
تضيعى عليك فى الفرصة مش كل يوم بتلقى سوسو هههههههههههههههه
انت عارفتنى قداش نحب الناس وقداش أنا إجتماعية
سوسو والله حبيتك في الله انتي وكل البنات
بس انا علي عكسك تماما مش اجتماعية
بس مع اصحابي والناس اللي نحبهم هدرازة هلبة
أم أجنادين 80
08-11-2013, 08:08 PM
حتى أنا زيك جنودة هذا الموضوع ديما نفكر فيه
ومتمنية هذا الشىء يعنى مثلا جيجي ماتطلعش حتى لسلفها وحتى أثرى
باهى ناخدو أنا مثال
يعنى أنا واخدة ولد عمى
وامتعينى مترابطين وعيلتهم قاعدة يعنى ملتمة يعنى قاعد شباب وصبايا
يعنى مش كلهم متزوجين ومتفرقين
يعنى حتى لما نقعمزو حكم فى نفس المكان مع بعض
وهما أكيد واخدين راحتهم بزيادة
لأأننا مش برانيات
يعنى حكم زى الخوت ومعتبرينة من العيلىة
باهى معقولة بنجى أنا وبنحتجب
وبنجى نقوللهم انقسمو باش نقعمزو كل واحد فى تركنة وبنقسم اهل عمى على عمى وأولادها ووووو
أو بنقعد فى حوشى ومعاش نمشيلهم وهما أبسط مثال الجمعة نتغدو مع بعض
الله غالب الواحد يلبس المستور والواسع وخلاص
انتي عذرك كبير وهوا صلة القرابة بس انا مفيش ولا صلة
بالاضافة اني مانتكلمش وسطهم ولا نعلق يعني ساكته
فليش ناخد في ذنب السلام والتواجد وسطهم وانا اصلا مش اجتماعية
بس زوجي يبي لمة خوته بنجي بنقول منبيش نسلم وخلي يطلعوا لما انا انجي
يعني هيا هيا
أم أجنادين 80
08-11-2013, 08:12 PM
حتي انا عندي الطرحه الدائرية
يقولوا الملاية متاع الصلاة كلهم جايبينها من العمرة اكثر من مرة نلبس فيها
حسيت براحه مش عادية
أم أجنادين 80
08-11-2013, 08:14 PM
مرحبتين بااوشي الحبيبة
حتي انا لاول مرة نسمع بيك وباثري عندكم بنوتات متوفيات
ربي يجعل مثواهم الجنه
أم أجنادين 80
08-11-2013, 08:20 PM
حتي انا اوشي حاليا زياراتي مقصورة في دائرة معينة
عماتي خالاتي عمامي وخوالي في المناسبات والظروف
وعمام زوجي وخواله وخالاته وعماته في كل شي
ومنبيش نفوت الدائرة هذه
بس ديمة في محاولات من اهل زوجي اني نمشي لغيرهم
رغم انهم عارفين طبعي
هما يحاولوا بس مايضغطوش عليا ويوقولوا علي راحتك بس ديمة عندي احساس
يتمنوا اني نطلع اكثر
بس والله مانقدر
عمتي اتجيها مرات في الاسبوع تطلع ثلاث ايام وراء بعض وانا مانقدرش
رغم اني نواصل في عمات زوجي وخالاته اكثر من عماتي
ونشوف فيهم اكثر مانشوف في حناي اللي مربيتني
قصدي هما مش صلة رحم ليا زي حناي خالاتي عماتي
مش هكي ولا انا غالطة
نبي رايك اثري في هالموضوع بالذات
وطبعا الفترة الاخيرة بديت نمشي حتي في المناسبات اقارب زوجي نعول معاهم
أم أجنادين 80
08-11-2013, 08:25 PM
حتي انا حنيت زيك اوشي
وفكرت في الاعراس اللي جاية انجيب حناية
بس قلت ليش خسارة 45 دينار والحمد لله
النقشات والشريط متوفر واغلي واحد ب 7
وانا اتجيني صابغة وقنينة
غير صرف فلوس زايد
http://http://www.hwaml.com/up/uploads/1376241723341.jpg
مرحبا جنودة
ماتعقديش روحك .. اهم شي ماتقصريش وديري اللي مقتنعة بيه
وحاولي انك تقولي لعمتك ان شاء الله بعد مانكبرونقعد كيفك نمشي ونجي عالناس
ولوماتقدريش اتقولي مشي الموضوع بضحكة وقوليلها الحق انك مش متعودة عالمشي
أم أجنادين 80
08-11-2013, 08:29 PM
جـــــــــــو تشويق اوشي
عمتك ام زوجك
الصراحه هذه من غير كلام المفروض ماتلبسش سلفتك جديد
الا اذا كان مرضها مش مزمن ومش تاعبة هلبة
الله يبارك فيكن سوسو وام فراس
ومشكورة سوسو لتنزيل الصور
والله ياجنودة عمتي حالها يسخف
مسكينة ربي يشفيها ويردلها عافيتها امين
توة الها مايقارب 3 سنوات مريضة .. عضويا ماتحسش في شي
بس راقدة وتندب في حظها ودايرة جو شين لبناتها وعيالها
متازمين نفسيا خاصة ان سلفي عرسه قريب
ياناري قاعد بين نارين
توة اذن المغرب بنمشي نصلي ونغير لروى تبي ترقد
http://http://www.hwaml.com/up/uploads/thumbs/1376241723341.jpg (http://www.hwaml.com/up/uploads/1376241723341.jpg)
http://http://www.hwaml.com/up/uploads/1376241723341.jpg (http://www.hwaml.com/up/)
أم أجنادين 80
08-11-2013, 08:41 PM
حتي انا نسكت وبس هدا شن مدايرة وكل مرة نعطي عذر
لو جت في مشية او اثنين ممكن نساير بس لو مشيت لوحده وخليت الثانية
بيزيد اللوم عليا لذلك من اولها
الاقارب الدرجة الثانية مافيش داعي للمواصلة الا في حالات الوفاة
أم أجنادين 80
08-11-2013, 08:44 PM
مش طالعات الصور اوشي
أم أجنادين 80
08-11-2013, 08:59 PM
بارك الله فيك اثري علي كل نصائحك
وتوضيحاتك
ومحاولتك الدائمة لتصحيح مسارنا ولتوعيتنا
وفعلا كلامك صحيح في مايخص موضوع جيجي وسلفتها
عليها بالإعتدال
فحتي لو كانت متضايقة من الموضوع لاتبين التضايق هدا
وانا عن نفسي كنت راح ندير هكي نضايق ونجي نفضفضلكم
بس لما نمشي ونلقي حوسة قدامي انوض ونتعوذ من الشيطان ونساعد
واهم شي هوا الصمت حتي مايشد حد عليك كلمة وخصوصا في لحظات الغضب
تقول الوحده كلمة تندم عليها
ومع هدا عليك بماراعاة صحتك جيجي
sosolibya
08-11-2013, 09:00 PM
السلام عليكم
خيركم مهناك حد
كيف روحت من الشراك جبت خضرة
وطبعا قلتلكم بكرى درت بسبوسة رفعت منهات سونية لسلفتى,,,
وتوا كيف روح راجلى فرشنا البرا وقعمزنا البرا
أم أجنادين 80
08-11-2013, 09:01 PM
الباين الكل عنده ملاحظات علي العيد هدا
والحمد لله القيت لمن نحكي ونشكي وينصحني نصيحة محايده
ونصيحة صادقة
أم أجنادين 80
08-11-2013, 09:02 PM
كيف مفيش حد سوسو
ماتشوفيش فيا نحكي بروحي
أم أجنادين 80
08-11-2013, 09:03 PM
بارك الله فيك جيجي علي سؤالك علي عمتي
ان شاء الله ربي يشفيها ويشفي والدك
اوشي ماحكيتيش شن صار
وحتي انتي ام فراس
أم أجنادين 80
08-11-2013, 09:04 PM
فهمت سوسو
بنت خالت ولد عمك اللي هوا اخو سلفتك
يعني البينه بدت مرت خو سلفتك اللي هيا بنت عمك
أم أجنادين 80
08-11-2013, 09:07 PM
فكرت انصيم اليوم او غدوة
بس الهانم شرفت
أم أجنادين 80
08-11-2013, 09:10 PM
هههههههههههههه
تفكرت كم هبلتينا بيه الكسكسي
أم أجنادين 80
08-11-2013, 09:15 PM
اوشي حبيبتي
انا علي حد علمي ان السلف مش محرم مؤقت ؟؟؟؟
وان شاء الله تزيد اثري توضحلنا
أم أجنادين 80
08-11-2013, 09:18 PM
تسلم ايديك علي الحلو اللي زيك اوشي
ماشاء الله علي التاكم تلبسيه بالهناء
حسيت بيه عملي روعة
dr.loly
08-11-2013, 09:24 PM
اهلا جنوووووووووودة
أم أجنادين 80
08-11-2013, 09:36 PM
انا من طبعي هادية جدا
ومانحبش نعلق
حتي لما يلتموا اهل زوجي نقعد ساكته شن بنحكي
لو هما يحكوا علي مواقفهم وعلي فلان او فلانه يعرفوهم
لين نتعقد من الصمت
او يتكلموا موضوع عام نتكلم
اما علي سكوتي علي اشياء ماتعجبنيش من طبعي مانردش في الكلام
وفعلا طبعي نفعني في حياتي مع اخل زوجي
حتي مفيش من يحفظ عليا كلمة
بس في نفسي مانحبش من يمشي كلمته عليا
نسكت صح بسس اندير يلي نشوفه مناسب ليا
ومرات وحده تعلق اوشي ماتسعفنيش بديهتي نرد عليها بكلمة تسكتها
لوما نروح انقول خيرني ماردتيش وخديت حقي
dr.loly
08-11-2013, 09:40 PM
حتي نا يا جنودة طبعي هادئ جدا ..
مش مرة حكيتلكن ع سلفاتي ال 2 كدبن عليا عمتي قالت هادية مرات فلان مستحيل تقولها ومعندهش ع الدوة اصلا
سلفتي لي صاحبتي وصلتلي الدوة
sosolibya
08-11-2013, 09:53 PM
سوسو والله حبيتك في الله انتي وكل البنات
بس انا علي عكسك تماما مش اجتماعية
بس مع اصحابي والناس اللي نحبهم هدرازة هلبة
باهى باهى خلاص واضحة توزيعة يللا مش مشكلة
حتي انا عندي الطرحه الدائرية
يقولوا الملاية متاع الصلاة كلهم جايبينها من العمرة اكثر من مرة نلبس فيها
حسيت براحه مش عادية
واااااااااااااااو كويس والله فرحتينى اهو مدايرة خطوة حلوة بدون ماتقولى يامنزومة ههههه
ايه حتى انا حصلت وحدة من ماما ووحدة من حجاج عمتى العام الفات
وفعلا مريحة
بالنسبة ليا أول مرة نلبسها
ومشيت لحوش امتعينى وكان يوم جمعة وطبا سألت راجلى قبل مانطلع شنووووو
قالى تهبلىىىىىىىى
ولما مشيت بصدق الكل انصدم حتى سلافى وعجبتهم بالزى الجديد
مانقصدش حاجة الا كل خير
نقصد حسيت ان الجميع مافيش حد علق تعليق بايخ مثلا وارتاحو لهذا المظهر والحمد لله
وحماتى قعدت تقولى حلووووووووة
حتي انا حنيت زيك اوشي
وفكرت في الاعراس اللي جاية انجيب حناية
بس قلت ليش خسارة 45 دينار والحمد لله
النقشات والشريط متوفر واغلي واحد ب 7
وانا اتجيني صابغة وقنينة
غير صرف فلوس زايد
سلمها الفالحة
أللإقتصاد نصف المعيشة
أم أجنادين 80
08-11-2013, 10:06 PM
ههههههههههه سوسو ضحكتيني مش توزيعه حبيبتي بس نشرحلك علي شخصيتي وطبعي
طــــــــبعا
مدايرة انجاز عظيم
اكثر من مرة بنقول عليه وننسي
sosolibya
08-11-2013, 10:14 PM
فهمت سوسو
بنت خالت ولد عمك اللي هوا اخو سلفتك
يعني البينه بدت مرت خو سلفتك اللي هيا بنت عمك
اها شطووووووووووووورة صح الصح
فكرت انصيم اليوم او غدوة
بس الهانم شرفت
يللا مش مشكلة امتى ماتبدى باهى
هههههههههههههه
تفكرت كم هبلتينا بيه الكسكسي
خخهههههههههههههههههههههخخخخخخخخخخخخههههههههههههههه هههههه
حق تفكرتى هههه أيامات
أم أجنادين 80
08-11-2013, 10:48 PM
غدوة بنمشوا لطرابلس وخايفة
dr.loly
08-11-2013, 11:03 PM
امس مشينا لسيتي سنتر .. وكان جو خيالي وعالمي
خصيصا مع الديناصورات فاتن فروسي رقد و انسجمت الولي معاهن ... وصورناها احداهن
وكالعادة خدينالهم العاب ماعنديش معاهن روووح من مدينة خاصة بالالعاب اسمه هكي المتجر
ذكرني بالعاب الطفولة لي يجبولي فيهن خوالي من ايطاليا
وروحنا تعبانين وطلبنا ديلفري من السلطان
dr.loly
08-11-2013, 11:05 PM
توا طلبنا ديلفري سالمون وقريدس مشاوووي زوجي جاي خاطره في سي فود .. اقنعته اندير نا عشا مابش
ونا في حاجه بنعرفها شنو شالشاليك هههههههه طلبته بدجاج
قالي سادك تعب رمضاااان ولتوا كله ديلفري من السلطان الجمعه بس درتله كسكسو ومحشي مع صاحبه ومازلت كارهة المطبخ ....
sosolibya
08-12-2013, 12:47 AM
كانو عندنا عيالى وصلولناا حمودة
نفرح بيهم هللللللللللللللبة لما يجو
sosolibya
08-12-2013, 12:47 AM
صحة أم فراس
شنو الشاشاليك هذا
ومبروك اللعبات وييلا الصور ياحلوة
sosolibya
08-12-2013, 12:50 AM
لا عادى أثرى نعطيك اسمى عالفيس
بس قوليلى عندك صفحة
فرووووووووووووسة عندك صفحة عالفيس
sosolibya
08-12-2013, 12:52 AM
مايبى يجى حدددددددددددددددددد
أم أجنادين 80
08-12-2013, 01:03 AM
ان شاء الله ربي يخليلك زوجك
ام فروسي
وديمة يريحك
dr.loly
08-12-2013, 01:42 AM
السلام عليكم ورحمة الله وبركاته
بارك الله فيك جيجي علي سؤالك علي عمتي
ان شاء الله ربي يشفيها ويشفي والدك
اوشي ماحكيتيش شن صار
وحتي انتي ام فراس
اقتباس:
المشاركة الأصلية كتبت بواسطة *ام فراس*
اوشي اسلوب جديد هضا التشويق هههههههههه
هي خشي بسرعه واحكيلنا ....
انا عندي مواقف معقداتني من جارتي مانبيش نحكي وكاتمه ... بس ماعندي لمن نشكي الا ليكن حبيباتي حاليا.....
هههههههههه ... والله جت صدفة حركة التشويق
لكن قبل كل شي انا بنقول الموقف بس مش قرمة فيها بنحكي لانها قهرتني
هضا ياحنة في رمضان انا كيف ماقلتلكن عزمت هل داري وانا اصلا كل سنة في رمضان
نعزم فيهم وكل ما نعزمهم انكلم فيها حتى هي بيش اتجيب عويلتها وايجو يفطرو عندنا
بس رمضان هضا ما عزمتهمش لان صار موقف وحكيته الكم حتى هو بين الاولاد وشاطت
وعيطت وقالت ان اولادي انا يعلمو في ولدها كلام ماهوش كويس
مع العلم ان ولدها هضا ديما قاعد عندنا يعني كل ما تمشي مشوار للسوق او زيارة
اتجي اتحطه عندنا وعادي انا ماعمريش تكلمت مع العلم ايضا انها شبه يوميا راكبة السيارة
وماشية ربي يهنيها ...
المهم الوليد شبه كبر مع عيالي ولا عمره قال كلمة مش كويسة بالعكس الوليد لما ايجينا
اتحسيه يتحشم مني بس لما قال الكلمة هذي قالت اه هذي من عيالك علموها له
طبعا هذي كلمة شكرا لاني شايلة عليها هم اوليدها بس يالله
المهم فقلت انا مش هانعزمهم مع عيت عمي توة نعزمهم بروحهم
وللعلم ايضا هي ما عمرهش عزمتني في رمضان ولا في غير رمضان يعني الها 10 سنين
ولا كلفت نفسها حتى تعزم عيت عمي
المهم .... علمت اني انا عزمت هل داري زعلت وقلبت علي اكثر ماهي قالبة اصلا
ويوم العيد في حوش عمي قاعدين في الكوجينة وهي حامل في السابع
وقعدت تخطب انا اللي ايدير في حركات ويوريني انه هو كارهني حتى انا ما عتش نبيه
والمعاملة بالمثل (ياريت والله) وانا قلت لراجلي بعد ما انجيب مانيش طالعة علي حوش عمي
طالعة لحوشي علي طول ومش قايلة لحد اني اني انا جبت ونذبحو ونشوو وناكلو وما نكلمو حد
( اصلا شهوة الشواية )
وطبعا فيه كلام واجد بس هذا يكفي وانا ياغافل لك الله مانحسبهاش تحكي علي الشي الوحيد
اللي لاحظته انها تحكي وعيونها ما يبهتنش فيا على الرغم من اني مصادرتها
فانتابني الشك ان الكلام مقصود فسألتها قلت الها انت زعلانة مني درت فيك شبي قول لي
مابتش تعطي اجابة واضحة
قالت المهم انا ماعتش نبي انجي لحد بس اللي نمشيله بوي وامي وعمي وعمتي
طبعا انا ماكنتش عارفة في اللحظة هاذيك انها تقصدني انا بالذات
كنت نحساب صاير معاها موقف مع حد اخر لانها دايما ادير وتشيل للقريب والبعيد
وانا ديمة ننصح فيها وانقول الها مش كل حد راهو نتعبله بس هي تحسابني منقهرة منها
اعتقادا منها انه اللي ادير فيه يحبب الناس فيها
بينما العكس هو الصحيح ... فقلت انا اخيرا عرفت
بس انا امس كنت انكلم في صبيتي المتزوجة وحكيتلها فقالت لي نقولك بس راك تزعلي
قلت الها قولي انا خلاص ماعتش نزعل .. فقالت لي ان صبياتي الشبابات اللي قاعدات
في الحوش قالن الها يومتها عزومنا عيت اوشي للفطور قالن وجها قعد اسود زي الفحمة
وتغيرت على طول ...
ولما سكرت من صبيتي القيت فعلا كل الكلام كان موجه لي بالدرجة الاولى وحتى صبياتي
صابهم من الحب جانب بس انا حكيتلكن اللي يخصني
وانا طبعا واخذة قاعدة انا الدنيا فانية واخرتها قبر شبر في شبر فما نزعلش حد ولا حد يزعل مني
ولا نزعل من حد ولله الحمد مافهمتش القصة كاملة الا بعد ثالث يوم العيد ومامشتش لين
هديتها من ناحيتيي وبينت الها اني انا لانكرهها ولا نتمنى الها الشر
بس هي مشكلتها ان قلبها اسود وشيالة
وتوتة توتة وخلصت الحدوتة
تسلم ايديك علي الحلو اللي زيك اوشي
ماشاء الله علي التاكم تلبسيه بالهناء
حسيت بيه عملي روعة
سلمك ياحبيبة
انا من طبعي هادية جدا
ومانحبش نعلق
حتي لما يلتموا اهل زوجي نقعد ساكته شن بنحكي
لو هما يحكوا علي مواقفهم وعلي فلان او فلانه يعرفوهم
لين نتعقد من الصمت
او يتكلموا موضوع عام نتكلم
اما علي سكوتي علي اشياء ماتعجبنيش من طبعي مانردش في الكلام
وفعلا طبعي نفعني في حياتي مع اخل زوجي
حتي مفيش من يحفظ عليا كلمة
بس في نفسي مانحبش من يمشي كلمته عليا
نسكت صح بسس اندير يلي نشوفه مناسب ليا
ومرات وحده تعلق اوشي ماتسعفنيش بديهتي نرد عليها بكلمة تسكتها
لوما نروح انقول خيرني ماردتيش وخديت حقي
سبحان الله حتى انا مرات يسير معاي موقف نفسك ونتحسر ونقول ياريتني
قلت وقلت بس بعدها نحمد ربي .. نقول مرات هذي نعمة عدم سرعة البديهة
خاصة في مواقف زي هاذين .. بس للحق انا صديقاتي في الجامعة دائما يقولو
لي اني سريعة البديهة بس في الشلش والعرايك لا والله وكيف ماقتلك راهي نعمة
لان الانسان اللي متربي في بيئة معينة واخذ علي اطباع معينة صدقيني لو حتى حاول انه
يغير نفسه كنوع من الحماية زينا مثلا .. صدقيني مانقدروش لان الطبع يغلب التطبع
لذلك خليك علي طبيعتك
امس مشينا لسيتي سنتر .. وكان جو خيالي وعالمي
خصيصا مع الديناصورات فاتن فروسي رقد و انسجمت الولي معاهن ... وصورناها احداهن
وكالعادة خدينالهم العاب ماعنديش معاهن روووح من مدينة خاصة بالالعاب اسمه هكي المتجر
ذكرني بالعاب الطفولة لي يجبولي فيهن خوالي من ايطاليا
وروحنا تعبانين وطلبنا ديلفري من السلطان
ايوى حبيبتي امشي وادهوري راهو سنة فيسع ما اتعدي
مبروك الالعاب وصحتين السي فود
dr.loly
08-12-2013, 01:44 AM
سوسو ان شاء الله ديما فرحاااااااااااااااااااانه وبحداك اعيالك اللي هم هلك صح؟
http://forum.hwaml.com/attachment.php?attachmentid=8774&d=1376227774http://
ايوة ياسوسو هذا مقروض
والغريبة ساحت مني شوية بس سيبتها اشوية جمد السمن والزبدة تحكمت فيها
والطرف الثالث معمول
dr.loly
08-12-2013, 01:52 AM
ايوى حبيبتي امشي وادهوري راهو سنة فيسع ما اتعدي
مبروك الالعاب وصحتين السي فود
اللله يبارك فيك حبيبتي ويسلمك..
وحتي نحن مش مدايرين جهد في التدهوير اليوم قالي ابو فراس يلا وتوا ارواحكم انعدوا لحديقة اسمها ميلآ
قالنا عليها صاحب التاكسي امس
قتله خلاص معش فيه جهد خليها الويك اند الجاي
والحق العيال ع قولة زوجي جو ف سن حرجة قالي كان هضا كل ويك اند نطلعوا مثلا مرة مانشستر ومرة ليفربول ومرة لندن
وهكدا...
بس نراجوا لعند ينشط فراس اشوي اقل شئ
ونأجلوا مشية اسكتلندا ولندن لقبل مانروحوا ليبيا
انا ماخاطري الا نحضر مبارة لايف في ملعب نيوكاسل خصيصا لما يجو المانشستر او تشيلسي او ارسنال ........ غاوية كوووووووورة ههههههههههههه ... حاجة مايحبنهش البنات وانا عكسهم نحبها ونفهم فيها اكثر حتي م الشباب خخخخخخخ
بس قالي عادي بعد الفريق يلعب هنا في ارضه ضد فريق قوي نشوفوا بيبي سيتر ......
dr.loly
08-12-2013, 01:55 AM
صحة أم فراس
شنو الشاشاليك هذا
ومبروك اللعبات وييلا الصور ياحلوة
الله يسلمك ياحلوووة
الشالشاليك طلع مش بعيد من الشيش طاووق اذا كان نفسه بس مع فلفل حلو وبصل وطماطم مشويااات
قلت انغير اليوم قبل طالبه مشكل و ريش غنم ولحم مشوي ...هذينا المشاوي
بس السي فود الحق ماعجبش زوجي
عندي فيليه سمك انفكر انديره له بكرة مفاجاه بعد يروح م الجامعه يلقااه خصيصا ان بكرة اول يوم جامعه بعد اسبوع عطلة والعيد
dr.loly
08-12-2013, 01:59 AM
http://forum.hwaml.com/attachment.php?attachmentid=8774&d=1376227774http://
ايوة ياسوسو هذا مقروض
والغريبة ساحت مني شوية بس سيبتها اشوية جمد السمن والزبدة تحكمت فيها
والطرف الثالث معمول
سلم يدياتك مرة اخري...
كلاسيكيات الحلويات الليبية لايعلي عليها...
انكلم ف خالتي اللي بمصراته قتلها دسيلي مقروضك قالتلي غل روحي بس انديرلك مقروض ومعمول وغرربية مخصوصين ليك ...
خالتي هذي انعز عليها واااجد
وايامات الحرب بمصراااته كنت عندها ف الاحداث طبعا حصلت غادي عليك ايام والحمدلله ع كل حال
dr.loly
08-12-2013, 02:01 AM
بالنسبة للصور انصور بس مشكله في التحميل والتنزيل امتنبله مازلت
dr.loly
08-12-2013, 02:14 AM
http://forum.hwaml.com/http://www.ii1i.com/uploads8/0ea3e14c09.jpg (http://www.ii1i.com)
dr.loly
08-12-2013, 02:16 AM
عليك بخت الصور لي مصورتهن من نقالي قالي حجمهن كبير واللي من الكاميرا كدلك
نحاول نصغر حجمهن بكرة لو صار منهن ونزلهن
قبل انصور بالكام الاماميه عشان حجم الصورة يصغر
sosolibya
08-12-2013, 01:05 PM
السلام عليكم ورحمة الله وبركاته
ليوم ماعنديش نية نطيب خصوصا عندى عزومة بالليل
قالتلى حماتى توا ندير مكرونة وخلاص.............
كيف حالكم........
sosolibya
08-12-2013, 01:13 PM
السويسرول فى الكوشة والمفروم عالنار
إن شاء الله خير
سلم يدياتك مرة اخري..
كلاسيكيات الحلويات الليبية لايعلي عليها...
انكلم ف خالتي اللي بمصراته قتلها دسيلي مقروضك قالتلي غل روحي بس انديرلك مقروض ومعمول وغرربية مخصوصين ليك ...
خالتي هذي انعز عليها واااجد
وايامات الحرب بمصراااته كنت عندها ف الاحداث طبعا حصلت غادي عليك ايام والحمدلله ع كل حال
الله يسلمك ياحبيبة ... طبعا انا بصراحة كلاسيكية للنخاع في كل شي ...
طبعا هذين الحلويات اللي كنت متعودة عليهن وادير فيهن امي الله يعطيها الصحة
بس امي المعمول ادير فيه كعك واكيد اكعك الليبي الحلو اللي بالسمسم والكمون الحلو
_____________________________________
باهي الحمد الله علي سلامتك صار انزريتي في مصراتة غادي .. اكيد رعب وخوف
السويسرول فى الكوشة والمفروم عالنار
إن شاء الله خير
كيف حالك سوسو ربي يعطيك الصحة
كيف حالكم بنات اليوم ان شاء الله طيبين
غداي اليوم فاصوليا وارز بالشعيرية وسلاطة ومخلل مشكل
مع مخلل بذنجان
dr.loly
08-12-2013, 01:57 PM
السلام عليكم ورحمة الله وبركاته
http://img.al-wlid.com/imgcache/222490.jpghttp://
dr.loly
08-12-2013, 01:59 PM
ربي يخليلك امك ويعذيها الصحة وكل عيد اتدير حلويات وكعك العيد
الله الله ع الكعك الليبي انحس ف الناس كلها تشري فيه واتي توااا
زمان له نكهة في الاعياد والافرااااح نقصد دورته
الله يخليك ويسلملك احبابك والماما والبابا بالذات
بيبي فروسي عطيني نص ساعة ونرد نبرم علي طناجي
dr.loly
08-12-2013, 02:02 PM
وعليكم السلام اوشي
حالي دايخة الانسة الاء لخبطتني ليلة امس وع صبح نااااااااااااااقصة نوم بكل
قلت انوض وخلاص ... درت قهوتي بلا سكر وتيت مق وحذيت الحليب وبشكوذ دايجستف عيووووووني
مغلف بالشوكلاته خديت
لقيت روحي سرحت توا كليت نصف العيوة ههههههه قالك دايت
ونفكر ف الغداء بندير حوت قبل بم ان زوجي امس ماعجبش الديلفري بس الحق سريبه طويل ندير معاه ف طباهج وشربة عدس وارز بالشعيريه ...
dr.loly
08-12-2013, 02:04 PM
خودي راحتك ع الاخر عزيزتي...
محتارة انطلع شرائح السمك ولا دجاج انمشيها بكبوكي سريعه ههههههه
dr.loly
08-12-2013, 02:21 PM
_____________________________________
باهي الحمد الله علي سلامتك صار انزريتي في مصراتة غادي .. اكيد رعب وخوف
اي والله انزريت غادي...
طبعا خالتي جت بنغازي وقتها عشان عملية خالتي الصغيرة ع الغضروف عموما وقتها كان ليا 3شهور ع بياني
وفرحي كان ع الصيف وكنت بنبتت ونا عارفه ان مصراته فيها حاجات سماح خصيصا ف الحرير والبدالي العربيه
والذهب وعندهم حاجات مميزة ف بعض الاشياء
عديت روحت مع عيت خالتي كان التاريخ وقتها 25.1.2011
اول ايام جن افراح ولمات ومناسبات عليك جووو ماطعنش محلات
وبعدها جا المولد ندكر في يوم الحب ههههه وكانوا خايفين من الثورة الناس ف مصراته نقصد تقول كانوا حاسين انها بتحاااصر
العرب غادي قعدت اتلم في المواد الغدائيه وخلاص
لدرجة راجل خالتي حتي هو قال نديروا نفسهم جاب صناديق طماطم وزيت وتن وجبنه وصابون وحاجات هك واحيين حرب بجد
وطلعنا قبل المولد بيومين هك نتفرجو نذكر عجبتني بدلة عربيه متاع فجرة وذهب يقولولها ب 1700 ووحده تركواز بي 600
كنت بنرد جو زمان ببنغازي انطلع بدلة كبيرة وصغيرة
هههههههه جت عاد الحرب ولا شريت هذه ولا هذه
بس ايام ماننساهنش طوووول عمري
كان دعائنا انا وخالتي وكنتها ان يطيح علينا صارووخ ولا يخشوا علينا جماعه الطاغية
وبعد نفقد الامل كانت خالتي تبعث فيا التفاؤل تقولي توا يقعد كله خراف ونحكوا به في ايام فرحك وليلة حنتك وتجيبي عيال وتحكيلهم هالقصص وقتها كنت متوقعه النهاية مانحسابش ان ننجوا من هالحرب
قصص واجد صارنلي غادي نا وعيت خالتي والحمدلله صمدنا في بيتهم الصامد ع قولة المقبور
لعند ما جا خويا وروح بيا ف جرافه بحريه وعليك ترويحة كانت قمة العداب الحرب كوووووووم واللي صارلي بها الجرافه كوووم اخر تبيله قصة بروحه... خاذي قصص الحرب
والحمدلله وصلنا بنغازي سالمين طبعا عيت خالتي ماجوش مابوش يسيبوا بلادهم ...ونا ماكنش خاطري انسيبهم بس خويا تعب بيش ما حصل وجا وقالي ان ماما مشغوله وديما تبكي علينا فروحت وانا مكسورة الخاطر
اول اسبوعين نفسيتي تعبانه وماناكلش الحق كنت نبي علاج نفسي من اللي صارلنا من رعب واصوات تفجير قويه وجماعة الطاغية خشوا منطقتنا حدودها بس مرتين ... حسيت ان بنغازي كلها جتنا تحمد ع السلامة وقتها
بعدها بديت نتأقلم... وماطقيتش شهرين لين طلع فرحي والحمدلله ع كل حال
dr.loly
08-12-2013, 02:37 PM
http://forum.hwaml.com/t266618.html#post3328030
انا جيت فروسي
بس مانيش امطولة .. غزالي جا واكيد بنشوف الغدا ونحطه
بس اكيد راح تحكيلنا علي قعدتك في مصراتة واكيد مع هالرعب صارن مواقف مضحكة
احكيهن لنا ارجووووووووووووووووووووك
عاد انت تخيليني وانا انقولك ارجوك نفس الرسوم العيون مرقرقات بيش تروفي في حالي
ههههههههههههههههههههه
http://img.al-wlid.com/imgcache/222490.jpghttp://
وتوة ياقلبي بنستأذن الى الملتقى
dr.loly
08-12-2013, 02:55 PM
هههههههههههههههههههههههههههههههههه
صار مرقرقة العينين
http://forum.hwaml.com/imgcache2/hwaml.com_1376308512_557.gif
dr.loly
08-12-2013, 02:58 PM
اذنك معاك حبيبتي
حتي انا عسولي الصغير نااض نسمع فيه ينشد دبدي بيبي دبدي هههههههه
ح نحكيلك القصص ذكريني بسسسسسس لاني زهايمر
جوهرة ليبيا
08-12-2013, 03:23 PM
السلام عليكم ورحمه الله وبركاته
dr.loly
08-12-2013, 05:54 PM
http://forum.hwaml.com/t266626.html#post3328081
أم أجنادين 80
08-12-2013, 09:15 PM
السلام عليكم ورحمة الله وبركاته
اليوم طلعنا لطرابلس من الصبح وصلنا الحوش العصر
وغدانا كان في مطعم الفروج
ومشيت لمحل ابو دراع كل فساتينه ب 100
وحلوات ,,
عجبني فستان مستور لماما واحترت في رقمها خفت ناخده نفس رقمها يجيها صغير
والرقم اللي اكبر منه مش موجود اقل شي حتي لو واسع تقدر تنقصه
أم أجنادين 80
08-12-2013, 09:16 PM
سوسو شن صار في عزومتك
اوشي صحتين غداكم
تسلم ايديك علي الحلو ام فروسي
dr.loly
08-12-2013, 09:25 PM
الله يسلمك جنوووودة... نحسايهش فتحت الصورة ....
لانها مافتحتش عندي
dr.loly
08-12-2013, 09:26 PM
http://forum.hwaml.com/t266629.html
vBulletin® v3.8.8, Copyright ©2000-2025, TranZ by Almuhajir