حبيباتى سيدات ليبيا تفضلو لأعرف ما حالكم

[sosolibya]

http://t3.gstatic.com/images?q=tbn:ANd9GcQ31IHM_fv_MxxZl_tmBk4j1WvZZDVRo fDVaUVooGY4nhUfrygm4g

[أم أجنادين 80]

الحمد لله علي سلامته

بس ضحكني يبي السرير والمكيف ياعيني عليه ربي يحفظه العسول

[dr.loly]

الله لايوريك باس عزيزتي سوسو
الموضوع متاع حرقتني تعبني بكل ممكن تقولي مانبيش نذكره حتي..

لكن حمودي وحرقته خلني نحكي ... وجعني بجد لانها واااااااااااعرة

[dr.loly]

مش عارف من خاش ع موضوعي مثلتات البشاميل وعاطيه تقييم نجمة واحده اي سئ جدآ ..؟
مع ان التعليقات اللي جايات عليه ماشاء الله تشجيع بكل ..

هههههه خسارة التعب والتصوير والحط بس شكلها العكس ومش قادرة تعبر من الاعجاب اللي دارتها هههههههه


عدلتها الي 3 نجمات اقل شئ ..

http://forum.hwaml.com/t268384.html

[dr.loly]

نستأذن حبيباتي توا ... بندير الغدا

[أم أجنادين 80]

ان شاء الله ربي يرحم الجميع
واي كان السبب
ان شاء الله ربي يهدي النفوس

والله تعبنا وعلي اعصابنا

[أم أجنادين 80]

تعالي ام فراس

شن هيا مشاركتك بنصوتلك انتي وسوسو

[أم أجنادين 80]

نفجار سيارة في قرقوزة يسفر عن مقتل شخص و صابة اثنين موجودين الآن في مستشفى الزهرة .

[أم أجنادين 80]

لاحول ولا قوة الا بالله العلي العظيم

امته صار هدا

[sosolibya]

العبمبر..نوع رااااائع من الحلويات الليبية.. (http://forum.hwaml.com/t268480.html)

[sosolibya]

كور الشوكلاطة المقلية.. (http://forum.hwaml.com/showthread.php?t=268467)
http://forum.hwaml.com/hwaml/buttons/firstnew.gif (http://forum.hwaml.com/showthread.php?t=268450&goto=newpost) أجمل وصفات للمعجنات ..(وصفات وأفكار رااااائعة).. (http://forum.hwaml.com/showthread.php?t=268450)
http://forum.hwaml.com/hwaml/buttons/firstnew.gif (http://forum.hwaml.com/showthread.php?t=268449&goto=newpost) نوع فاخر وسهل من المعجنات.. (http://forum.hwaml.com/showthread.php?t=268449)

[sosolibya]

الله يسلمكم بنات ولا يوريكم باس


وماتعقديش روحك فروسة توا نخش ونديره ممتااااااااااااااااااز

[dr.loly]

تعالي ام فراس

شن هيا مشاركتك بنصوتلك انتي وسوسو


لا جنوودة انا مش مشاركة في مسابقة ان مع العسر يسر

بس مشاركات سوسو واثــري و اوشي وهدية ..

[dr.loly]

الله يسلمكم بنات ولا يوريكم باس


وماتعقديش روحك فروسة توا نخش ونديره ممتااااااااااااااااااز

تسلمي حبيبتي ولا مش متعقدة بس موقف يخلي الواحد يستغرب بس هههه


وراك تنسي كريم ميبــــــــــــــو لحموووووودي...

وكريم الاسد فيوسيدين هي مضاد حيوي تعتبر تمنع التهاب البكتري للحرق مع المحافظة معش ح تلتهب ان شاء الله

[dr.loly]

انعدي انرد للغدا وانحط خضرة الكسكسو..


وين اثري ؟...........؟؟

وشن صار في فــــــــــــــــآرهــــــــآ زعمك .........................؟

[sosolibya]

أجمل وصفات للمعجنات ..(وصفات وأفكار رااااائعة).. (http://forum.hwaml.com/t268450.html)

[أم أجنادين 80]

باهي اما وحده مشاركات هدية واثري واوشي

[أم أجنادين 80]

والله مشاركة اثري عرفتها من العنوان

[sosolibya]

الفركسى.من مطبخى وبطريقتى الخاصة.نوع من المقليات الليبية..طيب وسهل جداا.. (http://forum.hwaml.com/t268495.html)

[sosolibya]

جنودة مشاركتى رقم 2 وأثرى 1 والباقى مش عارفة

لكن اوشى ممكن فيها للمس والعين ...

وهدية .. بعد حسن تربيتها لأولاد زوجها لو مش غالطة

[sosolibya]

صحة الغداء فروسة

[sosolibya]

همسة تخص مسابقة (إن مع العسر يسرا).. (http://forum.hwaml.com/t268497.html)

[sosolibya]

جنودة سلمت على هذا الرد الراقى كصاحبته

http://forum.hwaml.com/imgcache2/hwaml.com_1377873065_376.jpg

[أم أجنادين 80]

الله يسلمك

[أم أجنادين 80]

واخيرا بنمشي للبحر

صايمة اليوم

علي اساس بنطيب كسكسي يتغدي منه راجلي ويقعدلي شوية

مخاطريش انطيب

اتصلت حماتي قالت تعالوا اتغدوا

مشي راجلي وانا قعدت

وتوا جهزت حاجات جاهزة فواكه وعصير والشاهي بنمشوا

[أم أجنادين 80]

واخيرا بنمشي للبحر

صايمة اليوم

علي اساس بنطيب كسكسي يتغدي منه راجلي ويقعدلي شوية

مخاطريش انطيب

اتصلت حماتي قالت تعالوا اتغدوا

مشي راجلي وانا قعدت

وتوا جهزت حاجات جاهزة فواكه وعصير والشاهي بنمشوا

[أم أجنادين 80]

تعالي سوسو قولي وين تمشوا للبحر اما مكان

[dr.loly]

الله يسلمك سوسو


جنودة حلوة الفطرة ع شط البحر تغيير

[أمل ليبيا]

السلام عليكم
حبايبي
سوسو\جنودة\ام فراس\اوشي\هداية\جي جي\اثري


كيف حالكم ان شاء الله تكونو بالف خير


وجمعتكم مباركة يارب
http://forum.hwaml.com/imgcache2/hwaml.com_1377881865_483.gif (http://www.gulfup.com/?4w9JJL)

[اوشي]

السلام عليكم ورحمة الله

[اوشي]

كيف حالكن يا بنتة

[اوشي]

فروستي ... طهور ان شاء الله ياحبيبة

وكنك ما حكيتيلنا بيش انخففو عليك..........

ايش اخبار العويلة وبوهم ..

ومن اللي دايرتلك سيء جدا عديمة الذوق اصلا انا انموت فيها موت البشاميل

غير وريها لي بس نمسح لك بيها المنتدى ... جالطة صاحبتك خخخخخخخخخخخ







راااااااني نقعد انا اللي دايرتها ههههههههههههه

[اوشي]

توة بنمشي ونردعليكن بعدين ياحبيبات

[اوشي]

للي تبي اصوتلي في المسابقة ان مع العسر يسر

اهو ياجنودة الرابط

http://forum.hwaml.com/t267442.html

[هدية الخالق]

السلام عليكم ورحمة الله وبركاته

[هدية الخالق]

http://forum.hwaml.com/imgcache2/hwaml.com_1377886512_907.jpg (http://www.0zz0.com)

[sosolibya]

مساء الورد

[sosolibya]

غير عدلى اوشى


هدية مشكورة عالمعلومة القيمة

جنودة إن شاء الله تستمتعى..

[dr.loly]

http://forum.hwaml.com/t268510.html

[dr.loly]

فروستي ... طهور ان شاء الله ياحبيبة

وكنك ما حكيتيلنا بيش انخففو عليك..........

ايش اخبار العويلة وبوهم ..

ومن اللي دايرتلك سيء جدا عديمة الذوق اصلا انا انموت فيها موت البشاميل

غير وريها لي بس نمسح لك بيها المنتدى ... جالطة صاحبتك خخخخخخخخخخخ







راااااااني نقعد انا اللي دايرتها ههههههههههههه

ههههههههههه والله ضحكتيني من وسط قلبي ربي يسعدك ان شاء الله دنيا واخره ..
وحاشاك حبيبتي عارفتك مش انتي ولا وحده من البنات هنا ...
نقصد من برا التجمع نا يا احبيبه

والعويله وبوهم تمام ولله الحمد ..
وعجبتني يا بنــته هههههههه
http://forum.hwaml.com/imgcache2/hwaml.com_1377887884_973.jpg

[dr.loly]

بارك الله فيك هدية ع الافاده


وين جيجـــــــــــــي

[dr.loly]

ســوســو كيف حال حمودي توا ...؟ ان شاء الله احسن

http://forum.hwaml.com/imgcache2/hwaml.com_1377887966_390.jpg

[هدية الخالق]

كيف حالكم جميعا
سوسو ألف لاباس علي حمودي والله وجعني مسكين

[dr.loly]

جنودة ... بيش تحكيلنا ع رحلتك اليوم للبحر بعد تجي بالتفصيل

[هدية الخالق]

مني موجودة؟

[sosolibya]

شنج يافروووسة


شراب الحب ..... لكل ألأعمار... (http://forum.hwaml.com/t268547.html)




عصير البطيخ البارد فى الصيف الحار.. (http://forum.hwaml.com/t268533.html)




كوكتيل الموز والفريز... راااائع.. (http://forum.hwaml.com/t268535.html)

[sosolibya]

إن شاء الله توا أحسن بس تبلقش

جيجيى فقدنااااااك

[sosolibya]

مدفونة اللحم بالفخار.. رهييييبة.... (http://forum.hwaml.com/t268551.html)

[هدية الخالق]

غير عدلى اوشى


هدية مشكورة عالمعلومة القيمة

جنودة إن شاء الله تستمتعى..

عفوا حبيبتي واجبنا انبهوا بعضنا

[هدية الخالق]

بارك الله فيك هدية ع الافاده


وين جيجـــــــــــــي

وفيك بارك الله يا غالية

[هدية الخالق]

ماشاء الله امبارح عندنا مطر قوييية ورعد وبرق
قريب الدنيا انقلبت من المطر والريح سبحان الله hwaml75

[هدية الخالق]

جيجي وينك إن شاء الله خير

[sosolibya]

السلام عليكم ورحمة الله وبركاته صباااااح الورد

[sosolibya]

كيف حالكم اليوم

حمود ركبته ادير فى بلاقيش مية احححححححححح

ولما يفتحوهم مشوارويتكونو ثانى

[sosolibya]

أسلوبي الخاص فى تقديم الضيافة.. فما أسلوبك أنت.. (http://forum.hwaml.com/t268604.html)



طريقتى الخاصة لتحضير السفر قبل مجىء الضيوف..فما طريقتك أنت؟؟...... (http://forum.hwaml.com/t268596.html)

[أم أجنادين 80]

صباح الخير

كيف الحال

ان شاء الله الف لاباس ام فروسي

بصراحه انا عجبتني مكرونة الباشميل اي وصفة تحطيها تعجبني وواضح الجهد المبذول فيها

كيف حال حمودي اليوم سووسو

[أم أجنادين 80]

ماشاء الله عليكم

سوسو وام فراس ناشطات في المنتدي

معادش لحقت علي مواضيعكم

[أم أجنادين 80]

جيجي واثري غياب ملحوظ

امولة شن اخبارك واخبار زوجك

هدية ماشاء الله علي الأمطار

ابعثولنا منها شوية

[sosolibya]

توا توا توا

نبى شوكلاطة

http://t0.gstatic.com/images?q=tbn:ANd9GcS49-9G-EShj0Dcspc45NDbh9hbV7XXn-K91l-GIBlxEr_1llDq

[sosolibya]

شنج جنودة كيف حالك


ايه حتى أنا مشغولة عالبنات الغيااااااب

[اوشي]

اتلسلام عليكم ورحمة الله وبركاته

[اوشي]

كيف حال الجميع ...

ان شاء الله كلكم طيبين

[أم أجنادين 80]

امس مادرتش غداء

وفكرت حتي فطوري اندير حاجات جافة وسريعة
زبادي وكيك وتوست

بس لما صار من المشي للبحر

قلت ياريتيني درت حتي حاجات حارة

المهم جهزت السلة الخاصة بالزرادي وفيها شاهي وعصير وزبادي وجبنة وهريسة عربية وخبزة

وفاكهة

ومشينا للمطرد ياسوسو زحمة دورنا مكان مش زحمة هلبة وفيه عائلات قعمزنا ولما اذن المغرب هلبة عائلات صايمين

يفطروا علي البحر ...

فطرت ومعاي زوجي سايرني وبعدها دخل للبحر ورجع قالي تعالي ادخلي بس مش مجهزة روحي بصراحه

افضل وقت للدخول هوا في الليل من ناحية الزحمة والملابس كيف يلصقوا

بالرغم اني نصقع هلبة بس هكي افضل

قررنا نمشوا مرة ثانية مع المغرب حتي تقدر ندخل للبحر

تصدقوا ولا مرة دخلت للبحر انا وزوجي مع بعض

[اوشي]

جيجي واثري .....


ان شاء الله خير


ياخوفي جيجي تقعد مريضة من المجهود اللي تبذل فيه وتعبها في حوش سلفتها



وان شاء الله بوك بخير ياجيجي


اثري ... زعما الفأرون امشيلك ادبشك ونزحتي لحوش اهلك خخخخخخخخ


ديريله لصقة وخبزة مشوية اتجيبه من وين مايقدرش يقاومها

[sosolibya]

تاكوس السيزر سلاد.. (http://forum.hwaml.com/t268522.html)

سلطة الخبز الفرنسى اللذيذة... (http://forum.hwaml.com/t268524.html)


سلطة الذرة المكسيكية.... (http://forum.hwaml.com/t268525.html)


طبقات السلطة اللذيذة..... (http://forum.hwaml.com/t268518.html)







سلطة التورتليني.. (http://forum.hwaml.com/t268521.html)


سلطة الشيف الكلاسيكية... (http://forum.hwaml.com/t268519.html)

[أم أجنادين 80]

شن اخبارك اشوشي

ام فراس استغربت قلتي راعة كريم ميبوا معاي

معقولة مش موجود في بريطانيا او غالي

يرايت تحكيلنا علي اهم الأشياء التي جهزتيها في حقيبة سفرك

واللي توقعتي ماتلقيها في بلد الغربة وفعلا مش موجودة

بنسالك الحنة والفاسوخ والزميتة والبزار والفلفل الأحمر موجود

[sosolibya]

أهلين اوشى كيف حالكم

جنودة مجنونة
أنا مرتين ممكن ولا ثلاثة خشيت مع راجلى وبصراحة وحدة من المرات مننساهاش طول عمر كانت روووووووووووعة

[اوشي]

غير عدلى اوشى


هدية مشكورة عالمعلومة القيمة

جنودة إن شاء الله تستمتعى..


سوسو ... تي خيرك يابنت والله انا ديما نسال عنك وعن اخبارك

قمعزي توة راهو انجيك هههههههه

حبيبتي واختي الغالية كاني مقصرة في السؤال عليك او شفتي اني

ماشية ماعدلتش راهو ذهاب شيرة


ههههههههههه والله ضحكتيني من وسط قلبي ربي يسعدك ان شاء الله دنيا واخره ..
وحاشاك حبيبتي عارفتك مش انتي ولا وحده من البنات هنا ...
نقصد من برا التجمع نا يا احبيبه

والعويله وبوهم تمام ولله الحمد ..
وعجبتني يا بنــته هههههههه
http://forum.hwaml.com/imgcache2/hwaml.com_1377887884_973.jpg

ان شاء الله دوم تضحكي ومبسوطة يارب ...

وربي يخليلك العويلة وبوهم

امس مادرتش غداء

وفكرت حتي فطوري اندير حاجات جافة وسريعة
زبادي وكيك وتوست

بس لما صار من المشي للبحر

قلت ياريتيني درت حتي حاجات حارة

المهم جهزت السلة الخاصة بالزرادي وفيها شاهي وعصير وزبادي وجبنة وهريسة عربية وخبزة

وفاكهة

ومشينا للمطرد ياسوسو زحمة دورنا مكان مش زحمة هلبة وفيه عائلات قعمزنا ولما اذن المغرب هلبة عائلات صايمين

يفطروا علي البحر ...

فطرت ومعاي زوجي سايرني وبعدها دخل للبحر ورجع قالي تعالي ادخلي بس مش مجهزة روحي بصراحه

افضل وقت للدخول هوا في الليل من ناحية الزحمة والملابس كيف يلصقوا

بالرغم اني نصقع هلبة بس هكي افضل

قررنا نمشوا مرة ثانية مع المغرب حتي تقدر ندخل للبحر

تصدقوا ولا مرة دخلت للبحر انا وزوجي مع بعض


جنودة الله يبارك جو سمح .. المهم غيرتي جو حتى لو ماعمتيش

انا اخر مرة عمت فيها مع راجلي في مصيف سوسة يافروسة قبل الثورة

وكان وقت الشروق وماكان فيه حد الا انا وياه درنا جو صياعة ههههه

[اوشي]

توة نبي نمشي نقرى مواضيعكم ...

فروستي وسوسو

[أم أجنادين 80]

حوار مند الصباح الباكر بين وفد المؤتمر لأهالي ورشفانة بشكل ودي وطالبت فرصة للحوار مع ابنائها واهاليهم

قال احد اعضاء الوفد ان ورشفانة اعطيت مهلة هي 72 ساعة تلاتة ايام على ان تبدأ غدا السبت لتسليم 1108 مجرم طالبت بهم اجهزة الشرطة في طرابلس وغريان والزاوية .

وتوقع رئيس الوفد المكلف التعاون لأن يوم الاربعاء القادم ستكون العواقب وخيمة لو لم يتم تسليم المجموعة كاملة .

وافاد صالح كعيمة رئيس وفد المؤتمر بان منطقة ورشفانة محاصرة الان لضمان عدم خروج المجرمين والقبض عليهم فور خروجهم .

ومن جهة اخرى قال عبدالعاطي البربار منسق الحوار بين الطرفين ان اهالي ورشفانة متعاونين ولكن يبدوا انهم تحت ضغط وخوف العصابات الخارجة عن القانون .

رئيس الدراع الغربي بالقاسم الفطيسي من كثيبة شهداء غريان تقفل الطريق بين الزنتان و ورشفانة بالكامل في تصعيد لبدء العمليات

أسامة نصيرة / المكتب الاعلامي لجمعية الحوار الوطني

[أم أجنادين 80]

هههههههههههههه ضحكتيني

يا اوشي وليش خصيتي ام فراس بقصتك البحر

[اوشي]

يارب ان شاء الله يتم السلام ويعم الامان

[اوشي]

هههههههههههههه ضحكتيني

يا اوشي وليش خصيتي ام فراس بقصتك البحر


ربي يدوم الضحكة ...


لان ام فراس عارفته المصيف ..

[sosolibya]

شن درتو غداكم أنا درت بكبوكى فاااااااااايحة ب سحفيانة هههههههه

وطلعت شوية حاجات حارة معاها وتوا بندير سندويشات الجبن

ولقيت فى الفريز فازو معجونة عربية من يدياتى رووووووووووووعة فرحت بها

[sosolibya]

جنودة زى لما انت قلتى (مصيف المطرد ياسوسو)

[اوشي]

حتى نحنا اخبارنا طيبة في درنة ...

مشو للمجموعات اللي كانو في تنظيم القاعدة زمان وتفاهمو معاهم وقالو لهم

شن هي مطالبكم ... قالو مانبو شي غير تفعيل القضلء الشرعي

قالو لهم حاضر وتوة انديرولك حتى معاهذ شرعية للقضاء

بيش يتخرجو منهن قضاة شرعيين

[sosolibya]

مسكين إبن أدم....... (http://forum.hwaml.com/t268625.html)

[اوشي]

سوسو ...سووووووووووووووووسو

توة تعالي هنا من اللي مش معدل توة

قريتي ردي وماعلقتيش

توة شن اندير فيك قولي

[اوشي]

توة بنمشي ... رويتا زعمت لي كبدي تنق تبي ترقد

[أم أجنادين 80]

فهمت

انا عارفة انها خصت بيها ام فراس لانها عارفاته

انا غداي رز بالكبدة والزبيب والللوز والكاجو مع سلاطة مشوية وسلاطة مايونيز ودجاج في الكوشة

بس زوجي لسة ماروحش

[اوشي]

هههههههههههههه ضحكتيني

يا اوشي وليش خصيتي ام فراس بقصتك البحر

جنودة زى لما انت قلتى (مصيف المطرد ياسوسو)

فهمت

انا عارفة انها خصت بيها ام فراس لانها عارفاته

انا غداي رز بالكبدة والزبيب والللوز والكاجو مع سلاطة مشوية وسلاطة مايونيز ودجاج في الكوشة

بس زوجي لسة ماروحش


لا والله مش كيف مافهمتو انتو ...

لاني انا قات لفروستي لانها ديما غالي عليها جو الجبل وجايه هي للمصيف

فقصدي اني انخلي فروستي تحن للجبل اكثر

والا اذا كان قصدكن اني قلتها عشان جنودة قالت مصيف مطرد انا قلت مصيف

سوسة ... هذا قصدي وهذه نيتي اللي عالم بيها ربي

[أم أجنادين 80]

مش مشكلة

اوشي ممكن احني فهمنا قصدك غلط

وفي الحالتين عادي بس مجرد تعليقات

[sosolibya]

سوسو ...سووووووووووووووووسو

توة تعالي هنا من اللي مش معدل توة

قريتي ردي وماعلقتيش

توة شن اندير فيك قولي

هههههههههه تعالى أعطينى طريحة ههههههههههههه

فهمت

انا عارفة انها خصت بيها ام فراس لانها عارفاته

انا غداي رز بالكبدة والزبيب والللوز والكاجو مع سلاطة مشوية وسلاطة مايونيز ودجاج في الكوشة

بس زوجي لسة ماروحش


صحتين غداء شهييييييييييييييييي

[sosolibya]

مافيش حد علق على مشيتى للبحر اولامس الخميس
مشينا من الضحى للعشية
احنا وعيالى

وإن شاء الله بإذن الله اليوم بنمشو بعد العصر

[sosolibya]

زوجى ماشاء الله جاب هللللللبة لحم هخهههههههههههههههههههههه خاطره الشوى

وتبلته وكتبت رسالة لماما(وتو الشواية والبياض)


جنودة شنو رايك تلحقونا خخخخ صدقينى نتكلم جد

[اوشي]

السلام عليكم ورحمة الله وبركاته

[اوشي]

مش مشكلة

اوشي ممكن احني فهمنا قصدك غلط

وفي الحالتين عادي بس مجرد تعليقات


لا حبيبتي مافيش مشكلة ... ومجرد تعليق كيف ماقلتي

بس حبيت نعرفكم ان نيتي وقصدي مش كيف مافهمتو


[QUOTE=sosolibya;3363811]هههههههههه تعالى أعطينى طريحة ههههههههههههه



كان نطقك بس .. نعضك عضة واااعرة بكل بيش تقعد لك ذكرى

[اوشي]

http://forum.hwaml.com/t268649.html

[أم أجنادين 80]

الله يسلمك هدا من ذوقك سوسو

والله ماركزت علي مشيتكم للبحر

ماشا ءالله حاسدتكم فيها

قولي ليش لانها انتي واهلك بصراحة مشتاقة لهيك اجواء

وين تمشوا ياسوسو اما مصيف

انقولك شي رغم اني نحب نمشي بس مانحملش نقعد فترة طويلة في البحر مثلا من الصبح الي العشية

رغم اننا قبل مع اهلي نمشوا مع حوش خالتي حتي يومين

بس جو رطوبة وشمس نقلق منه

بس مع الأحباب يهون كله

[أم أجنادين 80]

بنات

لما وحده تقولك

ياريت تتكرمي واديري هديكا الحاجة

هل الكلام او الاسلوب تحسوا انه فيه نوع من الأمر او غيره

[dr.loly]

صباح الخير

كيف الحال

ان شاء الله الف لاباس ام فروسي

بصراحه انا عجبتني مكرونة الباشميل اي وصفة تحطيها تعجبني وواضح الجهد المبذول فيها

كيف حال حمودي اليوم سووسو


الله لايوريك باس حبيبتي .. وبارك الله فيكـ
وربي يعطيك مثل ماتمني واكثر كيف نيتك الطيبة

[dr.loly]

بنات

لما وحده تقولك

ياريت تتكرمي واديري هديكا الحاجة

هل الكلام او الاسلوب تحسوا انه فيه نوع من الأمر او غيره


والله ياجنودة علي حسب الطريقه اللي انقالت بها مثلآ انقولك بوجه مبتسم والا بطريقه عفوية ياجنووودة ديري الشاهي والا معليش جنوده ديري السلطة انحسها عادي...

بس ياريــــــــــت تتكرمـــــــــــي ... معليشي انحس فيه من وجهة نظري كأنه اسلوب استهزاء انك ماتكرمتيش ودرتيها بروحك خخخخخخ ...طبعا باسلوب لي قايلها وانحس مايقولهش حد الا يدور في شئ مشكله او تلقيح دوة
وع حسب اللي قالها وطريقة اللي انقالت بها شوفي انتي عاد

[dr.loly]

شن درتو غداكم أنا درت بكبوكى فاااااااااايحة ب سحفيانة هههههههه

وطلعت شوية حاجات حارة معاها وتوا بندير سندويشات الجبن

ولقيت فى الفريز فازو معجونة عربية من يدياتى رووووووووووووعة فرحت بها

صحة صحة ,,, يافأرونة الجبنه هههههه امممممم محلاهم مع الهريسه العربيه وخبزة شامية يمي يمي..

انا من اول ماجيت هنا ديما ندير فيها ودرت حتي لصحاب زوجي طلبوها منه


بس شن معني سحفيانــة؟؟




اه ونحن اليوم بم ان طلعنا كالعادة بس هالمرة مكان جديد وخياااال اسمه ميترو سنتر و تغدينا في مطعــم هندي كباب تيكا ما تيكا .. داجاج تندوري ماتندوري
رز بكاري ما كاري ههههه وشوربة وخبزة بثوم

وفروسي وجبة اطفال اصابع سمك وبطاطا وسلطة ..

[dr.loly]

مع ان الهريسه متوفرة في محل نيوكاسل حلال سنتر .. خصيصا التونسيه هريسة القبلي بس انحب العربيه

[dr.loly]

تاكوس السيزر سلاد.. (http://forum.hwaml.com/t268522.html)

سلطة الخبز الفرنسى اللذيذة... (http://forum.hwaml.com/t268524.html)


سلطة الذرة المكسيكية.... (http://forum.hwaml.com/t268525.html)


طبقات السلطة اللذيذة..... (http://forum.hwaml.com/t268518.html)







سلطة التورتليني.. (http://forum.hwaml.com/t268521.html)


سلطة الشيف الكلاسيكية... (http://forum.hwaml.com/t268519.html)


سوسو كنها جايتك ع قسم بوفيه حوامل خخخخخ
مرة سألتيني هكي ههههه هالمرة عاودته ليك

[dr.loly]

سوسو ... تي خيرك يابنت والله انا ديما نسال عنك وعن اخبارك

قمعزي توة راهو انجيك هههههههه

حبيبتي واختي الغالية كاني مقصرة في السؤال عليك او شفتي اني

ماشية ماعدلتش راهو ذهاب شيرة




ان شاء الله دوم تضحكي ومبسوطة يارب ...

وربي يخليلك العويلة وبوهم




جنودة الله يبارك جو سمح .. المهم غيرتي جو حتى لو ماعمتيش

انا اخر مرة عمت فيها مع راجلي في مصيف سوسة يافروسة قبل الثورة

وكان وقت الشروق وماكان فيه حد الا انا وياه درنا جو صياعة ههههه


مصيف سوسة بعد الثورة ادمر بكل عديناله ايامات عيد الفطر لي فااات حتي امية مافيهن الشاليهات
وهذا ليش زوجي فاجأني بالحمامة اللي في البيضاء بس بعيد اشوية والشاليه ليلة ب 90 وماعجبنيش الحق بحره حيط ومش نظيف
هو كنا بنروحو بعد قضينا اسبوع في فندق المنااااااااااارة اللي غالي عليااااااااااااا

خصيصا تقعميزة ف بلكونة ترد الروووووووح
وقدامك شاطئ سوسة ومقابله الجبل رروووووووعه


ف مشينا عشيتين كسدنا ع الشط ومعانا فروسي ب قعاده ..
ونا كنت في الثالت بألولي وعاد خاطري نعوم خخخخخ وزوجي مايحبش الجو م الاخير ف البحر وتعومي ماتعومي الا في وقت فاضي وحتي نفس الجو لذلك كان لازم نحجزوا بس فضيحة مصيف سوسه خساره خربوه بجد ... فحصلنا الحمامه اهو قعدنا 3 ايام وخشيت اشوي البحر اخر يوم في الصبح عشان نجبر بخاطره وشوينا 3 ليلات في برويطه ههههه قاعدات صورها بم ان جالالكسي نوت جايبته وكان قاعد من وقتها ..


بس خسلرة ان 95 او كيف ما مسميته مكتبتي سيبته في حوشي ..
هو لي معبي صووووووووور واجد من الجبل رحلاتي ايام هلي و ف شهر العسل بم ان احداث ماطلعنش المطار مسكر ... ومصر مش امان قالو ف مشيناها امشرق ماشي جاي ههههه

وبنغازي طبعا بوسكو وتكسيدات في المول او ملاهي السندبااااد او شوبنق

[أم أجنادين 80]

نورتي ان فروسي

سالتك شوية اسئلة في الصفحات اللي قبل هذه ارجعي اقريها

والله حتي انا حسيت انها كأنها بتقولي ماتكرمتيش ودرتيها بروحك ......

وشني هالأكل كباب تيكا ما تيكا شن يطلع هدا

دجاج تندوري سامعة بيه

نسمع ان سوسة حلوة ولا مرة مشيت

[dr.loly]

شن اخبارك اشوشي

ام فراس استغربت قلتي راعة كريم ميبوا معاي

معقولة مش موجود في بريطانيا او غالي

يرايت تحكيلنا علي اهم الأشياء التي جهزتيها في حقيبة سفرك

واللي توقعتي ماتلقيها في بلد الغربة وفعلا مش موجودة

بنسالك الحنة والفاسوخ والزميتة والبزار والفلفل الأحمر موجود

مش قصة غالي او مافيش ف بريطانيا

بس نا ياجنودتي اي مكان نمشيله لازم تكون صيدليتي معاي خصيصا بعد درت اعويله .. زادت الصيدليه .. وحتي زوجي نفس التفكير صيدلية ف سياره عنده شنطة اسعافات اولية


توقعي تصير اي حاجه تصير جرح ..كدمه ..حرق ..صداع..تزعيم كبد .. برد كحة

عموما جايبتهن تحسبآ للطوارئ في المطار واول ايام
دواء حرارة وكحة ومزيل احتقان انف قطره للعيال
وحبوب بانادول للصداع.. وحبوب للبرد..ولصقة جروح وكريم ميبو
وكلهن طرف طرف ..

وهذي ترافق فيا حتي في المشية لهلي .. والسفر للجبل الاخضر


وهنا قريب نفتحوا صيدليه من الادويه هههههه


وفي حوشي عندي صيدلية معلقه واخده عليها من ايامات حوش هلي وجدي حاطين فيها الادويه ومستلزمات الجروح والشاش ولاصقات ..



وحتي هنا شرينا وحده لان ادويتنا كثرن هههههه
شئ كريم اكزيما وكريمات ترطيب ل الولي وحماية التهاب الحفاظ وكريمات بيبانثين .. وادويتهم والاسعافات الاوليه
وادويتنا ولاصقات وشاش وقطن


وبالنسبة لكريم ميبو هو خليط اعشاب وسمسم .. وانتاج شركة جلفار ... الامارتيه
ولايوجد اصلآ في بريطانـــيآ ...

[dr.loly]

اهو جاتك الاجابه كنت نكتب فيها ههههه

التيكا كباب بالخلطه الهندية بهارات هندية .. زوجي ماعجبش

طبعآ لان تعود ع كباب السلطان ... لبناني لا يعلي عليه

[dr.loly]

الزميتة مافيش ونحن عادة ماندوروش فيها بس نا هلي وجدودي يحبوها طبعآ لانهم غرب
وزوجي هله يديرو فيهااا مرات بس نا وياه الحق مانشروش فيها

وطبعا مش موجوده هنـــــــــآ



الفلفل الاحمــر متوفر بكثره وع كل انواع نحن لي ماعندنش فلفل احمر لا بهارات طلع في ليبيا ههههههه


الكركم متوفر بكثــــــــــــــــــــــــرة



الفاسوخ لآ .....

ومازالي 6 اشكيرات بس وكملنا 14 هههههههه بم اني نا وزوجي من عشاقه\


البخوووور متوفر بس مش نفس بخورنا الليبي خصيصا المعسل متاع الجنوووب

بس بخور فاخر امارتي شرينا من بيت العود والعنبر حاجات صح مع بخار اقنين

في نوع اسمه المغربي حلو
وفي بخور مكه يهبل

بس اللي يجنن بخور جبل علي توا طلقت منه

[dr.loly]

الحنه الليبية متاعنا مافش في حنة التوبو الهندية ... متوفرة بكثرة بمحلات الباكستان نفس البهارت

ونا ماندورش فيهااا لان زوجي يكرهها

مش حكيتلكم مرة ع بوتيك باكستانيه اتدير فيها روعه سهفتني في العيد

[أم أجنادين 80]

ياريت لو تكتبي هذه المعلومات في موضوع

حاسة انك راح تفيدي بيه هلبة

ولان معلوماتك ماشاء الله

راح تفيدي هلبة بتجربتك

واحكي شن جهزتي في شنطتك وشن الاشياء اللي مارفعتيها معاك ومش موجوده عندهم وندمتي انك مارفعتيها

وفي المطار مافيش مشكلة لو رفعتي البخور والفاسوخ

في وحده مرة نتكلم معاها ضحتني قالت صاحبتها رفعت صندوق تن استغربت شن مافيش تن ولا هدا نوع من الاقتصاد

[اوشي]

السلام عليكم

فروستي وجنودة شن الجو

[اوشي]

كيف حالكم بنات كلكن

هدية اليوم غياب

واثري وجيجي غياااااااااااب

[اوشي]

http://forum.hwaml.com/t268628.html


وهذه مشاركتي


http://forum.hwaml.com/t268649.html

[اوشي]

وين مشيتم ...

[dr.loly]

اهلآ اوشي نورتي..\
ياحنة نا فروسي عملها مشيت نغسله ونغيرله..
وبالمرة رتبت اكياس المطبخ اللي جايبهن زوجي بعد حطنا التاكسي عدا لمحل جنبنا جاب نواقص بم ان كررنا واجد من الميترو سنتر خخخخخ وجا لقا الحاجات ماتنظمنش ومقمعزة ع لاب توب فهمت نظرته طول خخخخخخخخ وعنده الحق

رتبت حاجات العيال واكسسوارتي جدد وشريت بلوزة ازرق ملكبي لياااااااا زمان مالبست اللون هذااا

[أم أجنادين 80]

هنا

موجوده

[dr.loly]

ياريت لو تكتبي هذه المعلومات في موضوع

حاسة انك راح تفيدي بيه هلبة

ولان معلوماتك ماشاء الله

راح تفيدي هلبة بتجربتك

واحكي شن جهزتي في شنطتك وشن الاشياء اللي مارفعتيها معاك ومش موجوده عندهم وندمتي انك مارفعتيها

وفي المطار مافيش مشكلة لو رفعتي البخور والفاسوخ

في وحده مرة نتكلم معاها ضحتني قالت صاحبتها رفعت صندوق تن استغربت شن مافيش تن ولا هدا نوع من الاقتصاد


صندوق تن؟؟ واو متوفر بكثرة التن وكيف ماتبي حتي تن محفوظ ف امية فيه هههه

والفاسوخ حطيته ف وسط الدبش... ومافيش فاسوخ هنا مش متوفر اكيد ومايعرفوشي

,,,والحق كان تفكيرنا ف حاجات بسيطة لي جبناهن عشان جو رمضان وهكي
مثلآ مع ريحة الفاسوخ جو مش عادي .. وجبنا نص كيلو حرارات و 6 كيلو قهوة عربية بالكسبر والحبهاااان وعارفين ان في قهوة هنا زي التركية والبرازيليه بس مش نفس نكهتنا والله وجبت كسكاس والقروب كله جابن معاهن كسككاس..
وهذينا ع جو رمضان


بالنسبة لجو الاقتصاد ياجنودتنا فنحن مافكرنش فيه ابدآ ولا عندنا فيه الحق اصلآو زوجي مايحبش لدرجة مبالغ فيهااا..
ونا نفسه بس مش لدرجته خخخخ

يحب يعيش اللحظة حتي بي ليبيا .. ديما تدهوير وجو


والله مرات يحط فاتورة مبلغ كبير في ديلفري مطعم انتعقد ولو بينت يتعصب

نفس موقف مرة صار ف فندق المنارة ,, سوسة تعاركنا

وشكيت لماما وخواتي أنبني ضميري قالني عيشي حياتك مادام هو يبي هكي


وقالتلي ماما تقعد ذكري حلوة ونصحتني واجد
قالت عشتهن زمان مع باتك مادمتوا ف بداية حياتكم اتدهورا وعيشوا لحظاتكم بعد يكبروا العيال ويكثرن المسؤليات وماعش فيه فضوة للاجواء هذينا واجد تقعدي اتمني فيهن


ومن يومهااااا اقتنعت بكلآم ماما ,, وقلت معش بنحكي ع التوفير,,لان كنا في بدااية بني وقتهاااا
وكان تذكري الفين مصطفي عبدالجليل هذينا حاطينهن ف رحلة وقتها


وبالنسبة لسوسه .. والجبل الاخضر راهو جوهن يهبل وننصحك اتديرو رحلة انتي وزوجك
حتي خميس وجمعة وبعد عيد الاضحي فيها جووو

ولاي استفسار عندك نا خبرة باغلب الفنادق والمنتجعات غادي واسعارهن وعندك اوشي غزالة الجبل برضه

تغيري جو والله في اثار شحات واثار سوسة وبحرها وراس الهلال وشلال درنة
ناهيكي عن الطريق بروحها روعه ... بعد اتجو ف البر

[أم أجنادين 80]

من مشتركة غير اوشي

[اوشي]

اهلآ اوشي نورتي..\
ياحنة نا فروسي عملها مشيت نغسله ونغيرله..
وبالمرة رتبت اكياس المطبخ اللي جايبهن زوجي بعد حطنا التاكسي عدا لمحل جنبنا جاب نواقص بم ان كررنا واجد من الميترو سنتر خخخخخ وجا لقا الحاجات ماتنظمنش ومقمعزة ع لاب توب فهمت نظرته طول خخخخخخخخ وعنده الحق

رتبت حاجات العيال واكسسوارتي جدد وشريت بلوزة ازرق ملكبي لياااااااا زمان مالبست اللون هذااا

هههههههههههههه .. حتى انا مرات تصير معاي

ومرات نتلافى روحي ونصبي نجري للكوجينة لما نسمع الباب الخارجي فتح


هنا

موجوده

ان شاء ديما موجودة ..
من مشتركة غير اوشي


ام فراس وسوسو

[أم أجنادين 80]

ضروروي نصوت ل 5

اما مشاركة ام فراس وسوسو

[اوشي]

سوسو 8

وفروستي 21

وانا 35

[اوشي]

http://forum.hwaml.com/t268685.html

[اوشي]

الى اللقاء غدا

في حفظ الرحمن

[sosolibya]

صباح الورد

http://forum.hwaml.com/imgcache2/hwaml.com_1378012501_727.jpg


كيف حالكم ياقمرات
نايضة
7 إلا
الساعة وتوا 7ربع

[sosolibya]

جنودة وانا نقوووووو من حسدنى فى المشية ههههههههه أصلا ماصارش أمس


ومشيت لجداى مريييييييييييضة ربى يشفيها


وبالنسبة للتن بصراة حتى سافرت ألأردن وسوريا مالقيتش زى طن يلللى هنا فمعها الحق رافعة صندوق

[هدية الخالق]

السلام عليكم

[هدية الخالق]

صباح الخير عالجميع
كيف حالكم ؟
وحشتوني موووت
اليوم ماخشيتش لاني طالعة من الصبح عندي موعد اسنان وبعدها تسوقنا وروحنا متأخر
روحت تعباااانة من سني وقاعدة لا توا تعبانة
مش عارفة ليش المرة هادي غيير وجهي منفووخ ومانقدرش نتكلم
الا بالسيف وحتي نتكلم كلامي مش مفهوم زين والله حتي المآكلة ماقدرت خديت شربة بالكاشيك وخلاص
غضوة ان شاء الله كان قعدت هكي منتصل بالدكتورة منسألها

[هدية الخالق]

المشكلة حتي الادوية امتاعهم خفيييفة نحس فيها مااديرش في مفعول
توا احني عندنا بندول مسكن وكويس
لكن هما المسكن امتاعهم اسمه تيلينول والله زي الحلوة خديت حبتين مادارولي حاجة

[هدية الخالق]

سوسو لاباس علي حناك ربي يشفيها إن شاء الله
كيف حال حمودي اليوم ؟
إن شاء الله تحسن شوي

[هدية الخالق]

حاااااسدتكم علي المشي للبحر
والله خاطري فيه ومحرومة منا والسبب ؟؟
المناظر اللي عالشط والعياذ بالله
مشيت مرة وحده لما حامل في الشتي باهي ربي ستر وكانو لابسين مستور علشان
الصقع كلا توا مستحييييييل نفكرو حتي التفكير فيه
تي هوا حتي في الشوارع والأسواق الواحد مايقدرش يمشي من المناظر فما بالك بالشواطي .......
مأساة

[sosolibya]

انتفاضة 17 فبراير 2011 - في ليبيا (https://www.facebook.com/17feb11?ref=stream&hc_location=stream)‎


بمناسبة اليوم العالمي للقمامة .. ذكرهم و نكد عليهم

عزيزي المُتعاطف مع معمر القذافي.. أمرك طبيعي فلم تكن من ضمن المراهقين الذين جروهم جراً من مدارسهم الثانوية إلى حرب لاناقة لهم فيها ولاجمل، هي حرب تشاد والتي مات فيها خيرة شباب ليبيا إرضاءً لمجنون واحد.. كذب عليهم القذافي وأخبرهم أن التشاديين يريدون إحتلال ليبيا..

يؤتي الملك من يشاء

بالتأكيد لم تسمع بحرب أوغندا أيضاً والثلاثة آلاف ليبي المرسلون إلى هناك كرهاً.. مات من مات هناك وجاف من جاف وعاد من عاد ليحكي لنا قصة المجزرة.. وأنا متأكد أن أمُّك ليست من اغتصبها ذوو القبعات الصفراء.. وليس أبوك من أقبر حيّا مع الجيف.. وأبداً ليس أخوك من سُجن عشرات السنين ومات تعفناً ثم دُفن بمقابر جماعية.. ولم تكُن أختك حارسة مُجبرة لأحد أبناء الطاغية تقتل بالأمر وتُغتصب عشرات المرّات كلّ يوم..

ليس ابنك من أقفل عليه حياً بثلَاجات نقل اللُّحوم حتى انتفخ كالجيَف واكتشف أمره بعد شهور.. ولم يكن أحد ذويك قضى في السجون الألفية الأكثر اكتظاظاً بالعالم.. وأيضاً ليست أسرتك من رُصّ باب بيتها بالقرميد وتركت لتموت فرداً فرداً.. عادي جداً.. وطبيعي جداً.. فلست أنت من أولئك.. لم يقتص القذافي من كرامتك وشرفك ودينك.. لم يتم القبض عليك للتحقيق وأنت خارج من الجامع وقد أديت لتوك صلاة الفجر فتم ضربك وإهانتك ونعتك بأبشع الأوصاف أقلها (مقمّل) أي مصاب بالقمل كنوع من السخرية لسنّة إطالة اللحية..

طبعاً لم يحدث لك كل هذا فكيف ستفهم سبب ثورة الليبيين؟؟ إن ماجعلك تشعر بالتعاطف مع القذافي هو غياب حميتك الإسلَامية.. ما دام الليبيين ليسوا من دمك.. فأنت ترى أن القذافي وزمرته يستحقون الشفقة.. وتنسى أننا طالبنا القذافي بالتنحي والتراجع عن كل مافعله، وكنا سنحاول نسيان مافعله، لكنه خرج وتحدى ستة مليون مسلم بل وجلب لنا مرتزقة مدججين بأعتى الأسلحة وبأموالنا ليقتل رجالنا ونسائنا وأطفالنا ويغتصب بناتنا.. ويدمر منازلنا بالسلاح البري والجوي والبحري وبكافة انواع المعدات الثقيلة والخفيفة..

كيف لك أن تفهم وتقرّ أن القذافي مجرم سفاح، و مجرد وجوده في هذه الدنيا على كرسي الحكم هو عار على كل إنسان، كيف لك ان تفهم وأنت لم تعش كل هذه المآسي؟؟

إلا لو كان قلبك قد مات.. وآدميتك قد ماتت وحميتك على دينك قد ماتت. حينها فقط سأتفهم موقفك
See Translation (https://www.facebook.com/#)




https://fbcdn-sphotos-h-a.akamaihd.net/hphotos-ak-prn1/1234930_649613615057980_1995718254_n.jpg
(https://www.facebook.com/photo.php?fbid=649613615057980&set=a.200916436594369.50776.200913763261303&type=1&relevant_count=1&ref=nf)

[sosolibya]

جداى أم أمي مشت لتونس بتراجع على ركابها يوم واح وبدى الدق هنا روحو طووووووووووول وخالى نخطف وتخلطت على جداى يانارى إسهااااااااااال شديييييييييييد ويبرة التغدية دارهالها خالى وهى نازحة فى دار فى حوازتهم فى النووووووووووووووووووووووو


وامس لما مشيت كانت ناشطة شوية الحمد الله

[dr.loly]

سوسو كان فكيتينا من صورته المقبووور تزعم في كبدي نا استغفر الله

[sosolibya]

اتيكيت الضيف والمضيف عند تناول الطعام ..

*********************************


لا شك أنه لتقديم وتناول الطعام أصول وآداب، ويمكننا التعرف عليها فيما يلي :


- إذا كنت أنت المضيف :

1- تذكر دائما أن ضيفك في ضيافتك للاستمتاع بمنزلك وبصحبتك وضيافتك قبل طعامك، لذا فلا تقضي وقت ضيافتك له في


المطبخ على إعداد واجبات الضيافة من الطعام والشراب وخلافه، بل يجب أن يكون إعداد ذلك مسبقا لموعد الاستضافة.

2- اعمل دائما على فتح موضوعات شيقة لإيناس ضيفك، وابتعد عن الموضوعات الجدلية .

3- عند ترتيب المائدة يجب تجنب قطع نظر الضيف بالزهور والشموع وخلافه على المائدة مما يحجب رؤية الطعام أو الجالسين.

4- لابد أن يبدأ ضيوفك أولا بتناول الطعام ثم أنت بعدهم .

5- لا تلحي على الضيف في تناول اكثر من طاقته من الطعام .

6- الحلويات أو الفاكهة يمكن أن تقدم على مائدة الطعام إن أمكن، بشرط كونها معدة ومنظفة ومجهزة، كما يمكن إرجاؤها


وتقديمها فيما بعد عند الجلوس.





أما إذا كنت أنت ضيفا فلا تنس ما يلي:

1- إن كنت تتبع نظاما غذائيا معينا أو حمية خاصة؛ فلابد من إخبار مضيفك بذلك بدلا من ترك الطعام دون تناوله.

2- لابد من وجود باقة ورد أو حلويات آو هدية ما لصاحب البيت وصاحب دعوتك على الطعام.

3- إذا تم فتح نقاش وجدال حول موضوع ما، لابد من تجنبك الجدال والخلاف والتملص من الحوار الجدلي بلطف ودبلوماسية


دون حدة أو تبارز في إتلاف وجهات النظر؛ فلكل مقام مقال .

4- لابد من شكر المضيف والثناء على جودة الأطعمة من حين لآخر أثناء وبعد تناول الطعام .

5- لا تدفع طبق الطعام بعد انتهاءك منه بعيدا بل انتظر النادل أو المضيف لحمله من أمامك .

6- لا تعتمد بمرفقيك على طاولة الطعام .

7- لابد من تداول الحديث اللطيف الشيق أثناء تناول الطعام .

[sosolibya]

كيف حالك فروسة


اليوم الجو كان حلو الصبح بارد وريح وجو يجننننننننننننننننننننننن

لدرجة انى ماطقتش نقعد فى الحوش جو رحلات ياخسارة

المهم قررت نمشى لأهلى حطنا زوجى 8 قيناهم كيف ناضو

المهم تغدينا غادى وروحنا


ذبحنا فروج عربى وشوطناه ودارت ماما بازين رووووووووووووووووووووووووووووووعة

[sosolibya]

حبيبتى أم فراس

طريقتنا نحط الحلبة لأن ليها طعم راااااااااائع وخصوصا لو كان اللحم المستخدم دجاج

طعمها يكون رهييييييييييييبة

بس جربيا وحتدعيلى..

ناهيك عن الفوائد..

وبالنسبة للخضروات مفيدة رهيييييييييبة وخصوصا البطاطا والمعدنوس

أفضل من لما تكون بس صوص ومكرونة

وقيمة غذائية أعلى

جربيها البوم أو بكرة زى طريقتى وحتشوفى

ضرووووووووورى
هههه

[sosolibya]

أصول تعطير المنزل والطرق المثالية لذلك.. بقلمي..... (http://forum.hwaml.com/t268620.html)

[sosolibya]

http://forum.hwaml.com/imgcache2/hwaml.com_1378046546_242.jpg

[sosolibya]

http://forum.hwaml.com/imgcache2/hwaml.com_1378046556_149.jpg















http://t0.gstatic.com/images?q=tbn:ANd9GcQoWIVU27xvmrireeShqdNl1jq0siKmF ljbGz3f-TpVioFguHj_

[sosolibya]

ياحلوين توا ماشيين للبحر بالله عليكم ماتحسدونيش المرة هذه سلااااااااااااام

هههههههههه


السيارة والعة



صح الجو انقلب شوية ريح وشوووووووية غبرة بس عشان رجلين حمود

[أم أجنادين 80]

السلام عليكم ورحمة الله وبركاته

خيرها في غيرها سوسو

والف لاباس علي حناك

هدية الف لاباس عليك

معقولة التن متاعنا احسن ؟؟؟

[اوشي]

https://fbcdn-sphotos-e-a.akamaihd.net/hphotos-ak-prn2/p480x480/1231685_568964869808154_2023682608_n.jpg

[اوشي]

اليوم 1-9 يابنات واهم جو القادمون

هههههههههههههههههههههاي

https://fbcdn-sphotos-c-a.akamaihd.net/hphotos-ak-frc1/p480x480/1184928_568955363142438_1384921095_n.jpg

[هدية الخالق]

مساء الخييير والوردhttp://forum.hwaml.com/imgcache2/hwaml.com_1378056687_395.jpg (http://www.0zz0.com)

[هدية الخالق]

السلام عليكم ورحمة الله وبركاته

خيرها في غيرها سوسو

والف لاباس علي حناك

هدية الف لاباس عليك

معقولة التن متاعنا احسن ؟؟؟

الله لا يوريك باس جنودة
بارك الله فيك

[هدية الخالق]

اليوم 1-9 يابنات واهم جو القادمون

هههههههههههههههههههههاي

https://fbcdn-sphotos-c-a.akamaihd.net/hphotos-ak-frc1/p480x480/1184928_568955363142438_1384921095_n.jpg

هههههههههه
عطك السلامة يا أوشي ضحكتيني علي هالصبح

[اوشي]

https://fbcdn-sphotos-b-a.akamaihd.net/hphotos-ak-prn2/p480x480/1098343_426912714094355_1912521721_n.jpg

[اوشي]

ايش اخبارك هذية لاباس عليك ..

شن دايرة توة واخبار سوما

[هدية الخالق]

ايش اخبارك هذية لاباس عليك ..

شن دايرة توة واخبار سوما

الله يسلمك حبيبة كويسين الحمد لله شن اخباركم أنتم

[اوشي]

https://fbcdn-sphotos-g-a.akamaihd.net/hphotos-ak-ash3/11184_207168159448843_1486853217_n.jpg

[اوشي]

هدية الصورة الرمزية صورة سوما

[هدية الخالق]

https://fbcdn-sphotos-g-a.akamaihd.net/hphotos-ak-ash3/11184_207168159448843_1486853217_n.jpg

ههههههه
فكرتيني بالطفولة

[اوشي]

يابنات جيجي مش عوايدها تغيب هذا كله

ياخوفي يكون صاير فيها او هلها شي

ربي يطمنا عليك

[هدية الخالق]

هدية الصورة الرمزية صورة سوما

إيه أوشي هادي سوما

[اوشي]

ماهو حتى انا لما شفتها ضحكت وقلت انجيبها للبنات

بيش يذكرو طفولتهم وضحكو شوية

[اوشي]

نجيها وسلمها يارب

اللهم بارك ماشاء الله تبارك الرحمن .. اتهبل

ربي يحفظها

[هدية الخالق]

يابنات جيجي مش عوايدها تغيب هذا كله

ياخوفي يكون صاير فيها او هلها شي

ربي يطمنا عليك

والله يا خوفي تكون جابت في السابع من كثر التعب والوقوف لا سمح الله
لان كثر الوقوف والتعب يسبب ولادة مبكرة مرات

[اوشي]

شن داير فمك توة خف الانتفاخ وكليتي والا مازلتي

[هدية الخالق]

نجيها وسلمها يارب

اللهم بارك ماشاء الله تبارك الرحمن .. اتهبل

ربي يحفظها

إن شاء الله
الله يسلمك بارك الله فيك

[اوشي]

والله حتى انا فكرت انها جابت ربي .. يطمنا عليها

[اوشي]

توة عندك صبح انت صح ..

انا عندي قريب ياذن العشاء ومش عارفة ايش اندير عشاء

[اوشي]

وبصراحة امتبلة نمشي

اندي انصاص وخلاص

[هدية الخالق]

أوشي والله فمي أحسن شويه مايوجعش فيا لكن مازال منفوخ
ايه توا عندنا 11الصبح

[هدية الخالق]

وبصراحة امتبلة نمشي

اندي انصاص وخلاص

إيه والله خفيف أحسن العشي

[اوشي]

نمشي انحط الكفتة في الكوشة ونقلي شوية بطاطا وندير

شوية طحينة وعصير وقلعاوي علي قولتكم هههههههه

[هدية الخالق]

نمشي انحط الكفتة في الكوشة ونقلي شوية بطاطا وندير

شوية طحينة وعصير وقلعاوي علي قولتكم هههههههه

صحتين مقدما
حتي أني منوض سوما عاملتها حشاك تبي التغيير
ومنوتي الفطور لان رجلي طالع يحلق من الصبح بكري وقريب يجي
سلام توا

[اوشي]

باهي كان مافيشي وجع ..

الانتفاخ توة يمشي ...


حبيبتي تو ة اعذريني بنمشي انعشيهم وتوة نرد بعدين


وهدية لو سامحتي قوليلي علي طريقة الرز البلاو بالتفصيل

لو مافيهاش ثقلة عليك وفاضية

[اوشي]

شكلنا طلعنا مع بعض ..احسن هكي

يلا كل وحدة تشوف حالها

بالسلامة ياعيني

[اوشي]

https://fbcdn-sphotos-f-a.akamaihd.net/hphotos-ak-ash3/p480x480/1005657_148439422020277_1039298307_n.jpg

[هدية الخالق]

أوشي حبيبتي حاااااااضر تو نكتبلك الطريقة بس اعذريني توا حبيبتي مش فاضية
بعدين نخش ونكتبهلك بالتفصيل الممل

[هدية الخالق]

السلام عليكم
اوشي طريقة الرز اول حاجة تطبخي دجاج في امية وملح وفلفل اسود وتحطي معاهم بصلة
ولما يطيب الدجاج فتتيه واقليه وحطيه علي جنب وقطعي بطاطا مربعات صغييرة واقليها وحطيها مع الدجاج علي جنب وخودي لوز مزلط اقليه وحطيه معاهم وكبدة طيبيها وحطيها معاهم وزبيب اقليهم كلهم وخليهم علي جنب
وخودي المرقة اللي طيبتي فيها الدجاج صفيها وطيبي فيها الرز
ولما يطيب خلطي معاه الحاجات اللي قليتيهم وخلطيهم مع بعض كويس وخلاص
صحتين مقدما
وكان مافهمتيش حاجة اسأليني عليها
وعلي فكرة تقدري تستغني عالكبدة او عالدجاج لكن اني نفضل يكونوا الاتنين مع بعض احلي

[جوهرة ليبيا]

السلام عليكم ورحمة الله وبركاته

[هدية الخالق]

وعليكم السلااااام ورحمة الله وبركاته
اهلين جيجي نورتي تي وين كنتي شغلتينا عليك
كيف حالك وحال عويلتك واهلك ان شاء الله كلكم بخير

[اوشي]

خيرات ياصبايا

[اوشي]

مرحباااااااااااااااا ..

جيجي وينك ياودة .. اخبارك ياحلوة وبنيتك وبوك واهلك كلهم

[اوشي]

جيجي شكلك مشيتي تقري في اللي فاتك


نمشي انا اندير برمة في المنتدى

[أمل ليبيا]

السلام عليكم
كيف حالكم ياحلوات كلكم ان شاء الله تكونو بالف خير

سوسو الحمد لله ع سلامة حمودة ان شاء الله توا احسن

ام فروسي الحمد لله ع سلامتك وبعيد السؤ عليك


هداية الف لاباس عليك ان شاء الله توا سنك احسن

[أمل ليبيا]

سوسو حرام عليك ارحميني والله كل مانقرا حكاياتك وجوك في الحوش والحوازة تسهفيييييييييييني وتزيدي الحنين فيا لبلادي ماشاء الله عليك ان شاء الله ربي يحفظك والله نعمة الزوجه والمراة الفالحه زي مايقولو تعجبني طريقة حياتك ربي يهنيك ياغاليه

[جوهرة ليبيا]

والله مقدرت نقرا الصفحات 30صفحه تقريبا ماشاء الله


انا راجلي مسافر وفي حوشي معاي عزوزتي


بس الاثلاتاء ان شاء الله بنمشي لحوش بوي لبدايه الاسبوع الجاي والله اعلم




استاحشتكم مووووووووووووت

الضئ كان هارب قريب 5ساعات

[أمل ليبيا]

جي جي مش بالعادة تغيبي ان شاء الله تكوني انتي وكل احبابك وعيلتك بالف خير يارب

اوشي ماشاء الله الجو الحلو عندك يسهف ربي يدووووم عليك هالنعمه ويدوم اللمة


ام اجنادين ماشاء الله نحس علاقتك بخالاتك كويسه زي خواتك ربي يخليهملك كويس يعوضوك ع الاخت للاسف خالاتي يتحسسو مني لدرجة لاتوصف وكل شئ ع المكشوف الله غالب خليتها رسميات بيننا وخلاص وان شاء الله ربي يسهلك مشروعك وتبشرينا بنجاحه قريب


اثري الغاليه كيف حالك وحال سنافرك ان شاء الله تكونو بخير وشن صار في الفرونه الي مرعبك


ام فراس كيف حالك وحال الولي وفروسه وشن جو بريطانيا احني نوووو الايام هذه هلبا


هداية كيف حالك وحال سوما ربي يحفظها وشن جو كندا

[جوهرة ليبيا]

اموووووول كيف حالك وحال النونو انا تعبانه وداهشه والحمد لله علي كل حال

سوسو شن اخبارك ولاباس عالحلو

ام فراس لاباس عليك وكيف حال السنافر

هدايه كيف حال سنك ان شاء الله احسن وحال البنوته

اثري واشي استاحشتكم وكيف حالكم وحال الصغار

شموووووووووووووسه مبارك الشقه وعقبال الحوش لما تخشيه كيف حالك وحال الصغار


جنووووووووووووووووووووووووووووووووووووووووووووده كيف حالك مشتاقتلك ياغاليه

[أمل ليبيا]

الحمد لله المهم جي جي ياحلوة انتي بخير وان شاء الله زوجك يرجعلك بالسلامة يارب اكيد فقدتيه لكن احلا شعور لما تتلاقو بعد غياب ^^

[أمل ليبيا]

ان شاء الله ربي يسهل عليك جي جي ردي بالك من روحك اني عندي الارق الليالي هذه مانقدرش نرقد ونحلم في كوابيس قريب نهبل ماعرفتش السبب لكن الليله عندي حبوب كنت ناخد فيهم فترة الوحم للغثيان تقولي منوم نفكر بناخد حبة قبل مانرقد

[أمل ليبيا]

ام اجاندين وسوسو سهفتوني بالبحر لكن وين تمشو لاي بحر ؟؟الزاويه من لما صغيييره مامشيتلاش ديما نمشو لصبراته يهببببل
هداية تعرفي قريب نهبل ع البحر الولايه الي اني فيها جايه في الوسط مافيهاش الاانهار وبحيرات بس مش زي البحر صح هو مناظر لبسهم مقرفة لكن لو في مكانك ندور مكان فاضي ع الشط ونمشي لانه موجات ونسمات البحر ترد الرووووح تهبل

[أمل ليبيا]

مش عارفه جايتني حالة الايام هذه مشيت شريت كدس لبس للحوش وشريت يرغان كبير وجديد حلوووو وناخد ونغير ونفتلك في روحي مش عارفه توا كيف سكرت سنة وحسيتها ضاااعت ونبي نسترجع ايام لما عروسه
طبعا مانقتنعش بحفلة عيد الزواج لانه حرام بس خاطري نغير روحي ونفاجئ زوجي بلوك جديد وجو رومنسي ومش عارفه

[أمل ليبيا]

شكلي نهدرز بروحي وخلاص ههههه

[هدية الخالق]

السلام عليكم ورحمة الله وبركاته
صباح الخير

[أم أجنادين 80]

السلام عليكم

[أم أجنادين 80]

الحمد لله طمنتينا عليك جيجي

هدية شن اخبار فمك وسنونك

اوشي طريقة هدية نفس طريقتي نطبخ الدجاج بكل التوابل ملح وفلفل اسود وحتي قرفة وورق الغار او الرند مع بصل مع توابل دجاج

مع حبهان وزنجبيل وهدوا كلهم ممكن تشريهم من العطرية تقولي نبي خلوط الرز

وبعدين اتصفي المية وتاخدي طنجرتك تقلي فيها شوية رز انا نحبه هكي حبات ذهبيات وحبات بيض

وبعدين اضيفي الرز وطبعا لو انتي مبتدئة علي طريقة الطنجرة ديري كوب رز وزيه كوب مرقة الددجاج

وخليها في الاول تغلي وبعدين هدي عليها النار

ومادا بيك تكون عندك مرقة زياده لانك لو حسيتي انها نشفت ومزال مش طايب اضيفي

وانا اخر مرة قليت الكبدة مع الرز وبعدين ضفت رزي والمرقة خليتها طابت معاه ضافت نكهة حلوة

وتزلطي اللوز وتقليه وزبيب وكاجو واي شي عندك

وتقدري اديريه بالخضرة

تطبخي بازيليا وجزر وتقلي بطاطا وبعدين تخليطهم مع الرز بدل الللوز والزبيب حتي هوا حلو

ولاتنسي اتحطي الكليل في امياه الدجاج حتي هيا حلوة

[أم أجنادين 80]

امولة شن اخبارك
وليش لا ديري لوك جديد والبسي وغيري جو

اكيد في ليبيا ماخديتي راحتك هلبة

وماتخليش عين زوجك تطلع برا مع المغريات الموجوده حاليا

وعادي تقدري اديري احتفال انتي وزوجك من غير مناسبة شن الحرام اللي فيها

علاقتي الحمد لله كويسة مع خالاتي ومن وين جاك هدا الاحساس ؟؟؟؟

حكيت عليهم انا ولا نسيت

[أم أجنادين 80]

اثري غياب

سوسو وينك اليوم ان شاء الله حناك كويسة

شموسة ربي يعاونكم في البني وعاوني ويصير من مشروعنا اللي بوادره باينة من توا عل يالحال هدا

مش راح يصير

ادعولي يابنات ...

ام نوزة ان شاء الله تكوني بخير

ام وسن نستنا ولهت في البنوتة الجديدة

وطبعا للهلوبة جت لهلبتنا وطلعت ههههههه

[أم أجنادين 80]

http://forum.hwaml.com/imgcache2/hwaml.com_1378121312_215.gif

[اوشي]

السلام عليكم ورحمة الله وبركاته

[أم أجنادين 80]

هلا اوشي

من بكري نستني في من تدخل

[اوشي]

كيف حالكم اليوم .. انشاء الله طيبين

[اوشي]

هلا جنودة شن اخبارك

[اوشي]

https://encrypted-tbn2.gstatic.com/images?q=tbn:ANd9GcRPiCGnVOuI77HYtrbH8xDzfaaA0xgHb GJ46cEgRtR5lU2yYq87


هذه لك هداية مشكورة ياقلبي تعبت معاي

[اوشي]

[SIZE="5"][COLOR="RoyalBlue"]جنودة ياحبيبة ...

شكرا على الاضافة الدسمة وماتخفيش علي صاحبتك اسطي في الرز
https://encrypted-tbn2.gstatic.com/images?q=tbn:ANd9GcRo3YvfSrdB9d4bCy9Y7A-SMs0tEuQz3osoOyLpl6PhonU2F9nv

[اوشي]

وين عديتي جنودة

[اوشي]

ماشي توة ناخذ برمة عالمنتدى ونرد بعدين

[أم أجنادين 80]

حتي انا استغربت
هدا شوركم الرز اوشي عاد

[جوهرة ليبيا]

السلام عليكم ورحمه الله وبركاته

البارح نكتب ومش عارفه حتي شن كتبت هههههه من التعب والنوم

كيف حالكم وشن اخباركم

انا ورنوده والعيله الحمد لله

[اوشي]

حتي انا استغربت
هدا شوركم الرز اوشي عاد

هههههههههههه .. فعلا نحنا اكثر ماكلتنا واللي نحبوه الرز بجميع الوانه

غير هاذيك اليوم هدية حكت عالكبسة السعودية فطلبت منها تشرحها ليا

ولما شرحتها لي القيتها نفس الرز الاحمر اللي نديرو فيه

وانا قلت الها اه هذه نفس طريقة الرز البلاو ههههههه.. كنت نحسابكم تقولو

للرز الاحمر بلاو فصححت لي المعلومة بارك الله فيها

وعلى فكرة اليوم غداي رز بالمرق واللبن ايهبل هو عنده اسم بس مزعج شوي

بس بصراحة غاية في الروعة ومشهورين بيه عرب طبرق وايديروه للاحباب



السلام عليكم ورحمه الله وبركاته

البارح نكتب ومش عارفه حتي شن كتبت هههههه من التعب والنوم

كيف حالكم وشن اخباركم

انا ورنوده والعيله الحمد لله


باهي الحمد لله انكم بخير ...

تعرفي انا وهدية قلنا هذي جابت في السابع من كثر التعب ههههههههه

[اوشي]

توة بنسأذن ونجي بعدين ... حان وقت الغداء

[اوشي]

بالسلامة توة

[أم أجنادين 80]

يلا احكيلنا علي طريقته الرز باللبن

[أمل ليبيا]

السلام عليكم
كيف حالكم ياحلوات اليوم؟


امولة شن اخبارك
وليش لا ديري لوك جديد والبسي وغيري جو

اكيد في ليبيا ماخديتي راحتك هلبة
اهلين جنودة ايه هذا السبب ماحسيتش روحي عروس بكل
وماتخليش عين زوجك تطلع برا مع المغريات الموجوده حاليا
وعادي تقدري اديري احتفال انتي وزوجك من غير مناسبة شن الحرام اللي فيها
لا اني قصدت عيد الزواج حرام
علاقتي الحمد لله كويسة مع خالاتي ومن وين جاك هدا الاحساس ؟؟؟؟

حكيت عليهم انا ولا نسيت
هكي ياحلوة حسيتك من كلامك مثلا تقولي التميت مع خالاتي او حنيت عندهم او بنمشي نمكيج خالتي وهكدا




عموما في سبب تاني لانه خالاتك حتى هما الباين يحبوك ويقدروك هلبا بس برأيك كيف عرفت؟؟

[جوهرة ليبيا]

مسااااااااء الجوري

[أم أجنادين 80]

حبيبتي امول انقولك
وخوديها نصيحة

عيـــــــــــــــشي حياتك بماان الفرصة مناسبة بجد

اطلعي واشري وتغندري وعلي حسب ماحكيتي هدا كله مش راح تلقيه في ليبيا او تاخدي راحتك فيه

لذلك اغتنمي الفرصة

صح خالاتي بصراحه زي خواتي واكثر

[dr.loly]

السلام عليكم ورحمة الله وبركاته

[dr.loly]

جيجي به اللي طمنتينا عليك ...
وتعالي هنا قوليلي مشيتي البحر والا مازال ههههه

[dr.loly]

امولة عزيزتي .. ليش انحس فيك حزينة هالفتره مش عارف ليش احساس هكي جاني..
عمومآ عزيزتي الحمل ديماااا يحبط في النفسية .. وغيري جو واشري وحتي نا نفسك عدن عليا سنتين الحق اهملت نفسي اشوي مش كيف اول شهرين زواج لان الحمل تعبني ورا بعض ونفسيه تعبانه..

وتوا تجيبي ع خير وسلآمه واتردي احلي عروسه اهو انا كيف بديت نبرم ع نفسي من فتره ... قص وصبغه واهتمامات وملابس للحوش وللنوم جديدة... اشري وعيشي حياتك ع قولة ماما .. احلي ايام العمر اول سنوات .. قبل ما تكثر المسؤليات ويكبروا العيال .. وبصراحة وجعتني ان جوك تمام مع خالاتك عادة اغلب البنات جوهن سمح مع خالاتهن اكثر حتي من عماتهن
ونا عندي خالتي اللي ف مصراته نفس امي انحسهااا هذي لي حصلت عندها ايام الحرب والصغيره زي اختي...

[dr.loly]

سوسو اليوم درت مكرونتك .. وقعدت انمهد لزوجي اول ماجا بشويه مرة انقوله حطيتلها بطاطا خخخخخخخ
مرة واشوي حمص ...... ومرة درت جزر اشوية عشان فروسي ههههههههههههه
اخرتها قتله اشوي حلبه ........ وكان ماعجبتكش دايرتلك محشي واجد معاها

قالي جيعان ناكل اي حاااااااااااااجة ههههههه بعد جا من الجامعه

[هدية الخالق]

مساء الخير

[dr.loly]

هدية وجنووودة واوشــــــــــــــــي شخباركن ياحلواااات


وين اثـــــــــــــــــــــري زعمك قلة خشتها من الفااااااااااااااااار.؟؟؟؟؟؟؟؟؟؟؟؟

[dr.loly]

مساء النور

نورتي هدية

كيف حال سوما

وشن الجو عندكم

[هدية الخالق]

كيف حالكم جميعا شن الجو فروسة شن اخبارك

[هدية الخالق]

الحمد لله فروسه كيف حالك وحال الصغار

[dr.loly]

الحمدلله بخير...
والصغار كويسين ... والولي تبي ترضع وخلاص تعبتني مش متقبله الاكل

[dr.loly]

سوما بديتي توكلي فيها؟؟؟

[هدية الخالق]

الله يعينك عالرضاعة صعب والله
أني الحمد لله ترضع مني لما تنوض في الليل بس
مع إني قبل تمنيتها ترضع مني بس لكن فيها خيره أحسن ما تتعود ولما نفطمها يقعد صعب عليا

[هدية الخالق]

سوما بديتي توكلي فيها؟؟؟

والله بديت نعطي فيها فازووات الفواكه والخضرة
ومرااات رز مبشور لكن ماكله الحوش ما بتش تقبلها
قاعدة الشيشة هيا الأساس وفي المرتبة الأولي

[dr.loly]

ربي يعينك حتي انتي بس الرضاعه الصناعية جربتها مع فروسي لنقانها ريحتني مع الطبيعي

مش كيف طبيعي بروحه صعب .. ويخلي العيل عصبي ومتطلب

حتي بعد تقعد اتنق وتاعبه بترقد نمسكها ونقعد مرضعتها وشابعه تقعد تشم ف صدري

وتعيط تبيه اخري

[هدية الخالق]

الحمد لله طمنتينا عليك جيجي

هدية شن اخبار فمك وسنونك

اوشي طريقة هدية نفس طريقتي نطبخ الدجاج بكل التوابل ملح وفلفل اسود وحتي قرفة وورق الغار او الرند مع بصل مع توابل دجاج

مع حبهان وزنجبيل وهدوا كلهم ممكن تشريهم من العطرية تقولي نبي خلوط الرز

وبعدين اتصفي المية وتاخدي طنجرتك تقلي فيها شوية رز انا نحبه هكي حبات ذهبيات وحبات بيض

وبعدين اضيفي الرز وطبعا لو انتي مبتدئة علي طريقة الطنجرة ديري كوب رز وزيه كوب مرقة الددجاج

وخليها في الاول تغلي وبعدين هدي عليها النار

ومادا بيك تكون عندك مرقة زياده لانك لو حسيتي انها نشفت ومزال مش طايب اضيفي

وانا اخر مرة قليت الكبدة مع الرز وبعدين ضفت رزي والمرقة خليتها طابت معاه ضافت نكهة حلوة

وتزلطي اللوز وتقليه وزبيب وكاجو واي شي عندك

وتقدري اديريه بالخضرة

تطبخي بازيليا وجزر وتقلي بطاطا وبعدين تخليطهم مع الرز بدل الللوز والزبيب حتي هوا حلو

ولاتنسي اتحطي الكليل في امياه الدجاج حتي هيا حلوة
الله يسلمك جنوده والله الحمد لله اليوم أحسن لكن خدي أزرق مكان سني من برا مش عارفة علاش والمشكلة اليوم عطلة رسمية عندنا حتي المصحة مسكرة كان هذا كلمتها الدكتورة
حتي أني جنوده ندير في البهارات اللي قلتي عليهم لكن أني ما حبيتش نقيدها ببهارات معينة
قلت نخليها تدير علي راحتها بهاراتها الخاصة

[هدية الخالق]

ربي يعينك حتي انتي بس الرضاعه الصناعية جربتها مع فروسي لنقانها ريحتني مع الطبيعي

مش كيف طبيعي بروحه صعب .. ويخلي العيل عصبي ومتطلب

حتي بعد تقعد اتنق وتاعبه بترقد نمسكها ونقعد مرضعتها وشابعه تقعد تشم ف صدري

وتعيط تبيه اخري

إيه والله إلا صعبة لما يكون العيل معتمد عالطبيعي بس
تعرفي حماتي اللي جت معنا اهني هكي بنتها تصوري لما نطلعوا للسوق او اي مكان
يا تمشي ترضعها في الحمام يا اما تخش لحجرة القياس في السوق ههههه

[هدية الخالق]

https://encrypted-tbn2.gstatic.com/images?q=tbn:and9gcrpicgnvoui77hytrbh8xdzfaaa0xghb gj46cegrtr5lu2yyq87


هذه لك هداية مشكورة ياقلبي تعبت معاي

عفوا حبيبتي شكرا عالوردات الحلوات زيك
بالعكس حبيبتي مافيهاش تعب مادابيا نفيد ونستفيد

[dr.loly]

كل طرق الرز تؤذي الي روما يا اوشي هههههه

جنودة هذه طريقتي حتي نا نحبه بحرارات العيدان متاع الرز..

وورق الغار نشري فيه بروحه

لان مره في المستشفي ايام العملي لقيت مريضه طلعت طبيبة عرب او شعبيه ..بالاعشاب
وشكيتله من الم المسالك قالتلي عليك بورق الغار او الرند

وفعلآ مية مية لقيته لعند توا ف بريطانيا شريناه يومها من محل باكستاني كبير كيس كبير بروحه ورق الرند...


وانحط فيه في كل طبخه انديره .. حماية من الم المسالك الحق ونكهه حلوة ف الاكل يعطي



وطبعا عيدان القرفه .. والزنجبيل .. والفلفل الاسود مش مطحون ... والهيــــــــــل اللي نكهته روووعه .. وجوزة الطيب

وحبات الكسبر ... كل حاجة بروحها هنا لميتهن وشكلتهن في حفاظة كبيره عشان طبخ الرز ..

[dr.loly]

هههههههههههه نفس المعاناة والله ياهدية نفس حماتك

اخر طلعة قلبتها صريخ في المطعم الهندي واجواءه هادية ومن البخت كان معبي انجليز ياكلو بهدوء ويوشوشو بشويش

انحرجت بكل ...

مع ان قعدنا ف طاوله بعيدة لكن صوتها قلب الدنياااااا وفوق هذا كله مابتش ترضع بعد زوجي دارلي الارابيسك


عشان من البخت برضه ... استغربتني نا ولا بسة محرمه تخاف مني ههههههه

[هدية الخالق]

وينكم بنات
اليوم عطلة وفرحااانة بنطير ديما نستنى في العطلة زي الصغار علشان يقعد راجلي في الحوش
حتي هوا لاحظني قالي نحس فيك تفرحي بالعطلة أكتر مني هههههه

[sosolibya]

السلام عليكم ورحمة الله وبركاته

كيف حااااااااااااااااااالكم


سوسو حرام عليك ارحميني والله كل مانقرا حكاياتك وجوك في الحوش والحوازة تسهفيييييييييييني وتزيدي الحنين فيا لبلادي ماشاء الله عليك ان شاء الله ربي يحفظك والله نعمة الزوجه والمراة الفالحه زي مايقولو تعجبني طريقة حياتك ربي يهنيك ياغاليه



علاش شنو أخر حاجة قريتيها

ويااااااااااارب رجعى سالمة لبلادك وتعيشي هاااااااااانية


أمولة علاشش ماتخشيش ديمة


وبنسألك سكنتك وين بالزبط فى الزاوية الداخل ولا فى الضواحى

او مافيش مانع ..

[اوشي]

السلام عليكم ورحمة الله وبركاته

[اوشي]

هلا سوسو كيفك ياقمرهم


فروستي ضحكتيني .. كل الطرق تؤدي الى الرز هههههههههههه

جنودة وهدية هتى انا جميع انواع البهارات قاعدة عندى مستحيل الرز من غير البهارات

[اوشي]

جنودة بالنسبة لطريقة الرز...

اتحطي لحم وطني ضروري في امية علي النار وملح وبزار بعد ما تحولي الريم

واتخليه يطبخ فيهم لين حسيتي خلاص اللحم قريب يطيب اتحطي اللبن الرايب

وتخليه يفور باللحم 5 دقايق وتتحطي الرز بكمية معينة لين ايجي معاك الرز كيف الجاري

وتقدميه مع داقرة سمن اوزبد وطني وصفرة كاس لبن مع كبابيه

جربنه يابنات بس راكم تدمنو عليه خخخخخخخخ

[اوشي]

توة اشوي ونرد

[اوشي]

عزيزاتي بناخذ رايكن في موضوع ...

بدون مقدمات القصة ومافيها زوجي جايته دورة لبريطانيا لمدة 3 شهور

انا قتله عدي ..

بس هو قال لا مانقدرش انسيبكم ونعدي وهي علي اساس لغة بس وقالي انه امطلعين فتوة انه فيها نهي

خاصة انها بس لغة ويمكن تعلمها هنا

وقال في دورة اخرى لمدة 6 شهور في دبي هذي فيها الاسرة قال بنمشي لهذه عشان انتو تكونومعاي

ايش رايكن في الموضوع

[جوهرة ليبيا]

اوشي ربي يوفق زوجك

يستني امتاع دبي ومع العيله احلي وافضل وربي يسر جمييييييع اموركم يارب

[dr.loly]

اوشـــي ... عاد نحن هله الرز ههههه

[dr.loly]

وع قولة جيجي استني متاع دبي ( احلي وافضل) ..

بم ان 6 شهــور

بس اللغه وفي بريطانيا و3 شهور ... بصراحه حراااااام

وبريطانيا معيشتهاا غاليه ومن الاخير تبي حد جاي وعنده لغه نحن اللي بلغتنا وانصدمنا ف الاول ههههه


والا انقولك تعالي ونسيني خير ههههههه

[أم أجنادين 80]

استنوا مشية دبي

ومش عارفة لغة 3 شهور كيف بيستفيد منها الا اذا كان مكثفة

لغة 3 شهور نعرف ديمة 6 شهور او اكثر

[جوهرة ليبيا]

ههههههه فروسه


البحر


والله




















والله












































































مشييييييييييييييييييييييييييييييييييييييييييت خخخخخخخخخخخخ واخيرا


امشيت السبت بعد ماصلينا الفجر جهزت نفسي ولبست بيجامه شرت جينز خفيف وناعم وبدي سيور



ههههههههههههه



مش تحسابوني امشيت هكي حي حي



لبست فوقهم بدله الصلاة الخليجيه اللي قطعه وحده وكبييييييرة وفوق عبايتي وخماري ووو


وصلنا كان الجو رووووووووووووووعه ومافيش حتي مخلوق قالي راجلي هادي فرصتك كان بتعومي شوي نحيت

عبايتي وقعدت ببدله الصلاة


بنتي طبعا نايضه وبما انها متحبش البحر قعدت اتعيط واتقولي لالالا ماما تعالي كخ بحل


طبعا قلب الام كله رقه وحنان

دخلت رجليه شويييييه ورجعت بحدا راجلي وبنوتي الحلوه ولبست عبايتي وقعمزت انا وبنوتي في حضن حياتي الغالي

كان الجو روعه اعطيت لراجلي النسكافيه امتاعه وكيكه درتها اليوم اللي قبله ورنوده سن توبها وانا مسحوره بالجو الروعه


كانت جلسه رومنسيه تهببببببببل


تعرفوا ساعتين ماحسيتش بيهم انا وراجلي من الجو الحلو ومافيش حتي واحد


مع التمانيه وشوي جو عيله اكتفينا وخليناهم علي راحتهم مع انهم بعااااد علينا


امشينا فطرنا في مطعم عالبحر وروحنا

شوي ورقدنا ل12 ونفس اليوم كنت بندير العصبان لعزوزتي وسلفي جت عزوزتي عاونتي وتعب في تعب للعصر وانا فيه

وسيقت الحوش وراجلي طلع يتريض وسهر وروح ارتاح ورقدنا لان رحلته كانت بعد الفجر


مشتاقتله موووت الله لايحرمني منه مع انه طول الوقت ايكلم فيا

[أم أجنادين 80]

الباين حلو الرز

بس غريب شوي

مااعتقدش نخاطر ونديره

ممكن لو ذقته نفكر نجربه

ياريتك جارتي تبعثيلي منه اوشي

[أمل ليبيا]

حبيبتي امول انقولك
وخوديها نصيحة

عيـــــــــــــــشي حياتك بماان الفرصة مناسبة بجد

اطلعي واشري وتغندري وعلي حسب ماحكيتي هدا كله مش راح تلقيه في ليبيا او تاخدي راحتك فيه

لذلك اغتنمي الفرصة

صح خالاتي بصراحه زي خواتي واكثر
فعلا جنودة مش ح نلقاه في ليبيا تسلمي بارك الله فيك ياغاليه وربي يحفظلك خلاتك ويسعدك ويهنيك


امولة عزيزتي .. ليش انحس فيك حزينة هالفتره مش عارف ليش احساس هكي جاني..
عمومآ عزيزتي الحمل ديماااا يحبط في النفسية .. وغيري جو واشري وحتي نا نفسك عدن عليا سنتين الحق اهملت نفسي اشوي مش كيف اول شهرين زواج لان الحمل تعبني ورا بعض ونفسيه تعبانه..
والله فعلا للاسف من لما حملت نفسيتي تعبببببت من الوحم الي ماتمش وديما واني مظايقه والله لدرجة نخاف نقول بلكي ربي يعاقبني لانه عطاني نعم كل وحدة تتمناها وةمع ذلك ديما محبطه
وتوا تجيبي ع خير وسلآمه واتردي احلي عروسه اهو انا كيف بديت نبرم ع نفسي من فتره ... قص وصبغه واهتمامات وملابس للحوش وللنوم جديدة... اشري وعيشي حياتك ع قولة ماما .. احلي ايام العمر اول سنوات .. قبل ما تكثر المسؤليات ويكبروا العيال .. وبصراحة وجعتني ان جوك تمام مع خالاتك عادة اغلب البنات جوهن سمح مع خالاتهن اكثر حتي من عماتهن
ونا عندي خالتي اللي ف مصراته نفس امي انحسهااا هذي لي حصلت عندها ايام الحرب والصغيره زي اختي...
ان شاء الله يارب نجيب ع خير وترجعلي حيوتي ونتغير ونرتاح يارب بارك الله فيك ام فروسي ع النصائح الحلوة زيك ربي يسعدك ويهنيك وبالنسبه لخالاتي ان شاء الله لما نفضى نحكيلك علاش علاقتي بيهم مش حلوة
السلام عليكم ورحمة الله وبركاته

كيف حااااااااااااااااااالكم






علاش شنو أخر حاجة قريتيها

ويااااااااااارب رجعى سالمة لبلادك وتعيشي هاااااااااانية

بصفة عامة نحب حكياتك لانك عفوية ربي يحفظك
أمولة علاشش ماتخشيش ديمة

الحق ياسوسو نستعمل في الفيس اكثر لانه سهل في التواصل والمنتدى ندخل ع خاطركم بس واول ماسجلت فيه علشان الاستفسارات البنات هبلتهم ولما حملت معاش دخلت الحق
وبنسألك سكنتك وين بالزبط فى الزاوية الداخل ولا فى الضواحى
أ ب ي ع ي س ى
مش عارفه تعرفيها او لا؟؟؟
او مافيش مانع ..

[أمل ليبيا]

اوشي اني مع رأي البنات 6 اشهر لدبي لمة عائليه حلوة وتغيير جو وولا اروع ودبي حتي هي تهبل وبلاد عربيه ح ترتاحي اكثر ربي يوفقكم ان شاء الله

[أمل ليبيا]

اليوم طيبت الهريسه العربيه سهفتني فيها سوسو وام اجنادين حكيتو عليها امس شريت فلفل احمر وطماطم مجفف واني عندي بصلة من ليبيا بس للاسف جتني مش حارة لانه فلفلهم بااااااارد

[أمل ليبيا]

عندي جارتي بنت جديدة ساكنة شقتها محولتها لديسكو!!!

حاليا نسمع في الضحكات والموسيقى وجووو

وطبعا سيارات اصحابها وحدة ماشيه وحدة جايه


والله ناقصتها اني
الله غالب

[أمل ليبيا]

جي جي ماشاء الله شكله جو حلووو ربي يهنيك ويدوم هاللمة والطلعات الحلوة ويرجعلك غاليك بالسلامه يارب


هداية ربي يدوم العطلات ويفرحك بقرب زوجك احني اليوم عطلت عيد العمال

[هدية الخالق]

جي جي ماشاء الله شكله جو حلووو ربي يهنيك ويدوم هاللمة والطلعات الحلوة ويرجعلك غاليك بالسلامه يارب


هداية ربي يدوم العطلات ويفرحك بقرب زوجك احني اليوم عطلت عيد العمال


الله يسلمك امولة اجمعين ان شاء الله وربي يخليلك زوجك حتي انتي
ويفرح قلبك
حتي احني اليوم عطلة عيد العمال
امريكا وكندا متشابهين في هلبة قوانين

[dr.loly]

صباحووووووو

ليا زمان عليها خخخخ عقلت عاد توا هههههه

تخطر عليا ايامات الخطبة والجامعه

[dr.loly]

بم ان السيدة الاء هانـــــم وعتني مرتين وتوا سلمت رقدت ورفعت يدياتها الاثنين وذهبت الي نوم عميق بعد ان شفطتني هههههههههه
معش جاني النوم وتوا ساعه 6 صباحآ ......

[dr.loly]

ههههههه فروسه


البحر


والله




















والله












































































مشييييييييييييييييييييييييييييييييييييييييييت خخخخخخخخخخخخ واخيرا


امشيت السبت بعد ماصلينا الفجر جهزت نفسي ولبست بيجامه شرت جينز خفيف وناعم وبدي سيور



ههههههههههههه



مش تحسابوني امشيت هكي حي حي



لبست فوقهم بدله الصلاة الخليجيه اللي قطعه وحده وكبييييييرة وفوق عبايتي وخماري ووو


وصلنا كان الجو رووووووووووووووعه ومافيش حتي مخلوق قالي راجلي هادي فرصتك كان بتعومي شوي نحيت

عبايتي وقعدت ببدله الصلاة


بنتي طبعا نايضه وبما انها متحبش البحر قعدت اتعيط واتقولي لالالا ماما تعالي كخ بحل


طبعا قلب الام كله رقه وحنان

دخلت رجليه شويييييه ورجعت بحدا راجلي وبنوتي الحلوه ولبست عبايتي وقعمزت انا وبنوتي في حضن حياتي الغالي

كان الجو روعه اعطيت لراجلي النسكافيه امتاعه وكيكه درتها اليوم اللي قبله ورنوده سن توبها وانا مسحوره بالجو الروعه


كانت جلسه رومنسيه تهببببببببل


تعرفوا ساعتين ماحسيتش بيهم انا وراجلي من الجو الحلو ومافيش حتي واحد


مع التمانيه وشوي جو عيله اكتفينا وخليناهم علي راحتهم مع انهم بعااااد علينا


امشينا فطرنا في مطعم عالبحر وروحنا

شوي ورقدنا ل12 ونفس اليوم كنت بندير العصبان لعزوزتي وسلفي جت عزوزتي عاونتي وتعب في تعب للعصر وانا فيه

وسيقت الحوش وراجلي طلع يتريض وسهر وروح ارتاح ورقدنا لان رحلته كانت بعد الفجر


مشتاقتله موووت الله لايحرمني منه مع انه طول الوقت ايكلم فيا



باهي واخيرآ كان نعرف انزغرد را زغردت hwaml02 هههههههه

وماشاء الله اللهم بارك تخيلت جوكم مرة حلو ع قولة الخليجين ...
ونجك لي رنوو خافت عليك ... ديما العيال يخافو ع امهاتهم من البحر تقول ليحسابوه بياكلهم
او انظر شن يقوللهم عقلهم عليه هههههه

واسفهت ع النسكافيه من يوم ماحرقتني الميه متاع الكيتل كرهت انديره ....


بس يوم بدايتها حلوة وراقه الحق ماكنش المفروض ختامه عصبان لانه حوسه وتعب ....
وان شاء الله ديما ايامكم حلوة

[dr.loly]

اوشي اني مع رأي البنات 6 اشهر لدبي لمة عائليه حلوة وتغيير جو وولا اروع ودبي حتي هي تهبل وبلاد عربيه ح ترتاحي اكثر ربي يوفقكم ان شاء الله

صح صدقتي اموله بلآد عربية وترتاح اكثر .....
اهم شئ بلاد من الاسلآم,,,
انا وزوجي ننقرفوا من الانجليز قعدنا بكل نقصد المهووسوين هذوما اكيد مارين عليكم حتي انتم غادي ..

متاعين الوشم الواجد والحلق الكبير ف الخشم والودن والفم والشعر الازرق او الاحمر


وناهيك عن بنة الخنزير استغفر الله


بم ان مأجرين حوش وفيه حديقة خلفية ... بيني وبين جيراني سور وقصير يعني باب مطبخهم الخلفي ...مقابلاني وديما طبعا وكالهم سريع جاهز زي اغلب الاجانب
هذكا اليوم انشم بنته خلاص بكل قريب رجعت...
لان انشم فيه في جهات المطعم وايامات الفندق

وناهيك عن كلابهم حاشاكم

ومش حتي جيرانا عندهم واحد امسخط واسمه برنس اعوذ بالله منه ديما يفجع فيااا ومحرم عليا الحديقه

[dr.loly]

سوسو تعالي هنا صوتنا كلنا وين صوتك خخخخخ


http://forum.hwaml.com/t268628-4.html

[dr.loly]

وهذه مسابقة بدت توا اللي تحب اتشارك

http://forum.hwaml.com/t268916.html

[sosolibya]

صباح الورد لأحلى وردات


http://forum.hwaml.com/imgcache2/hwaml.com_1378196945_578.jpg

[أم أجنادين 80]

صباح الخير

ان شاء الله ربي يخليلك زوجك جيجي
ويخليلنتا ازواجنا

والله من غيره نحس في روحي نتخبط

اليوم طالع من الصبح وعندي حاجات ناقصيني معادش عرفت كيف ندير

[أم أجنادين 80]

كيف المسابقة فهميني فيها ام فراس

صورة لتسريحة

وصورة لمكياج

وصورة لفستان

قصدك كل صورة بروحها مش مع بعض

[اوشي]

السلام عليكم ورحمة الله وبركاته

كيف حالكم اليوم خواتي الغاليات

مشكورات جدا ياعويناتي ...

حتى نحنا اتخذنا قرار انخلوها لين اتجي دورة دبي افضل ... وكيف ماقلتن انتن قال زوجي بلاد مسلمين وعرب

افضل ... فروستي الحق قرفتيني من المناضر اللي حكيتي عليهن ربي يصبركم

امولة ... وسعي بالك ياحبيبة وربي يعينك علي جارتك

وجيجي وجنودة فعلا اللمة مع بعضنا احسن

[اوشي]

جيجي ماشاء الله ربي يباركلك في زوجك حسك سهفتيني يابنت