حبيباتى سيدات ليبيا تفضلو لأعرف ما حالكم

[أثري في مدادي]

نحكيلكم موقف

اليوم صار مع الوالــــــــــــــــــــــــــدة

تشتكي هذه الأيام من معدتها
وهي عندها معاها قصة طويلة

المهم
وصفولها دكتور حاذق
وأنااااااااااااا شجعتها وبقوة أنها تمشيله
رفعها خوي ومشت
هم جالسين
هررررررررررررررررب النوووووووووووووووووووووور

القصة مش هنايا
القصة
أن المصحة علي كبرها وفيها قداش تخصص وتخصص
ما عندهمش مولــــــــــــــــــــــــــد
لا ،،،،،،،،،،،،
القصة مش هنايا
القصة أنه ما عندهمش حتى لامباااااااااااااااااااات شحن
قعدوا مقعمزين في الظلام
بنور النقالات
ولما خشت للطبيب
عاينها
على ضوووووووووووء الشموووووووووووووووع
جو رومانســــــــــــــــــــــــــــــــــــــــــــ ي
خخخخخخخخخخخخخخخخخ

توا هنايا
شن دخل الحكوووووووووووووووووووووووووومة
هذا قطاع خاص
وياخدوا على الكشف الواحد
30 ديناااااااااااااااااااااااااااااااار

بدون تعليــــــــــــــــــــــــــــــــــــــــــــــ ـق
~~~~~~~~~~~~~~~~~~~~

[جوهرة ليبيا]

اثوره الف الف لاباس عالوالده ربي يشفيها

اثوره امشي خودي مولد وريحي راسك

والله اليوم الحمد لله ركبوه الصبح ولما هرب مع العصر اشتغل تومتك وكل شئ يشتغل زي ماهو

والحق احني يهرب بالكثير 4ساعات ونص انتم زي اماليا بيهبلوا منه

وخصوصا ان الغالي وتاج راسي بوي عنده علاج طبيعي واجهزه كهربائيه بياخدو مولد وخلاص

والمولدات مش اي مولد تاخديه زي امتاعي الاول يخدم لامبات وبالكثير تلاجه ويبدا يرعش كرهته باهي اقنعت راجلي

باش اخدي واحد كبير وحتي سلفي خدي منه خيط يعني ايخدم حوشين ماشاء الله صح مكلف لكن مانقعدش علي اعصابي خصوصا مع نونو صغيره

جمونه مش راضيه ترقد حبيبتي تاني ليله والله ماعد قادره

مره مره انصبر روحي نتصفح النت ونقرا كتاب وخلاص

ربي يحفظها حتي دوشتلها لااااااا يوجد نوم رنوده دوشتلها ورقدت حبيبتي ربي يحفظها تبيني انحنيها قلتلها من عنووووووني

[جوهرة ليبيا]

جنوده ديري زيني لاعاد تشوفي ولاتتصفحي اخبار ونتوكلوا علي ربي وللي بيصير الحمد لله علي كل حال


ربي يحفظ بلادنا الغاليه يااااارب

تصبحوا علي الف خير

[حبيبة حاتم]

السلام عليكم كيف حالكم كلكم

[أمل ليبيا]

امل ربي يخليلك فطفط وتشوفيها عروسه الله شهتيني ف البيبي نتمني يمرو بسرعه هالشهور ونشوفه ونحس بهالاحساس بالله عندي استفسار امس مشيت للدكتوره دارتلي سونار شافت كيس الجنين لكن الجنين مابانش قاتلي مازال صغير عباره علي خيوط رفيعه بانلها قاتلي انتي ف الاسبوع الخامس ارجعي الاسبوع الجاي يكون بان الجنين وتسمع حتي النبض قاتلي اذا نديرلك جهاز مهبلي نشوفوه ونسمعو النبض لكن انا خفت رفضت هل كلامها صح ان مايبانش توا الجنين
اهلين ومرحبتين بيك حبيبة حاتم ماتخافيش اوخيتي كلام الدكتورة صح احتمال مايبانش توا ومدابيك المهبلي مااديريشي الا لو اطريتي وان شاء الله ربي يتمملك حملك ع خير ويفرحك بسماع نبضات البيبي وتشوفيه يارب

ههههههه اكيد امولة مش زي ماكنتي بروحك زي معاك بيبي
بيقلب كل روتينك بس كله يستاهل ومش خسارة
لو مااهتميتي انتي من بيهتم
واحمدي ربي انك ماتقري ومتفرغة لزوجك وبنتك بس
وفعلا في هالاوقات هذه بتكوني حساسة جدا
وبتتفكري كل احبابك اللي كانوا راح يقفوا معاك ومش راح يخلوك
مش معقولة الليبيات ماجوكش ولا حتي طيبولك حاجة
والله لما سمعت بيك
تمنيت نكون جنبك
لكنت ماروحت من عندك حتي انا مانعرف شي بس اقل شي نسايرك
ونساعدك
حبيبتي معادش اتعدلي اللي حسبك احسبيه وكان هدا معادش ادوري
منبيش انقولك عاملي بالمثل بس والله الا توجع الحماوات مايتصلوش شن بتكلف 20 او 30 دينار شن المشكلة علي مرة في السنة وانتي بكرية وبروحك وصغيرة
يالله ان شاء الله ربي يخليلك زوجك وبنيتك

الله يبارك فيك جنودة ع الكلمات الحلوة زيك هذا من ذوقك وعارفاتك ياغاليه ماتقصريش ويااااريتك جارتي تونسيني ونونسك لكن ان شاء الله يارب تجيبي بيبي حلو هنا في امريكا ونسافرلك مخصوص لعيونك وناكل عصيدة عندك امييييييييين ياااااارب
ماشاء الله عليك رغم صغر سنك ربي عطاك كبر العقل ووسعة البال
والله انا كل يوم نتعلم منكم يابنات
الكل من دون استثناء
ام فراس
اوشي
اثري
وحبيباتنا الغاليات
رغم صغر سنكم بس تبارك الرحمن عليكم
جيجي
وسوسو
هدية
امولة

امولة مش معقولة يتصلوا علي خاطر ألة ومايتصلوا يسالوا عليك
انتي مرة مرة قولي لزوجك انه خاطرك واجعك يعني قوليها بأسلوب
وبهدوء انهم كيف ماسالوا عليك
حتي يعرف انهم غالطين ماتسكتيش علي الغلط
ومع هدا ماتخلي هالشي يبين لزوجك انك مضايقة هلبة منهم لدرجة كبيرة
واكيد زوجك متعود من قبل هكي يطلبوا منه وهوا يجيب بما انه الكبير في العيلة

بس بنقولك انك لما بتروحي الي ليبيا الناس مش راح ترحمك
والمشكلة هذه اكثر من وحده من المغتربات متخوفة منها

بتروحي بديري عزومة وبتزيدي تأثثي حوشك يعني كله يبي
فماتخليش زوجك يصرف هلبة مش راح يرحمك ولا شخص
واول ماتوصلي راح يجوك الناس

والله عارفه ياجنودة لكن الناس للاسف مصالح كل حد يفكر في نفسه وبس والاهل اقرب الناس حتي لو فيهم طباع مش حلوة للاسف مظطرة تسايريهم وان شاء الله ربي يعطينا ع قد نيتنا بس
يا مرحبا بأأموووله وبنيتها الاموووره خلاص توا ام فطووومي انقولك مش اموله
مليوووووون مرحبا بام فروسي الحلوة


وشن قصة ام زوجك واسمها لاحول ولاقوة الا بالله..

انا توقعت ان فاطمة ع اسمهـــا .. الحق

بس معليش حبيبتي اهم شئ قناعتكم انتم خصيصا لو كان الاسم من الاسماء القديمة زي فتحية..رجعة .. فوزيه.. وهكدا انحس فيه ظلم طفله ف الالفيه تسمي ب هالاساااامي


لكن زي عائشه .. فاطمة .. خديجة .. هذين اسامي اروع نساء الارض وناهيك عن معناهن الجمييل ..

المشكله شن بيفهم الامهااات هكي ..؟؟


وليش لازم يسمووا ع الاب او الام



تعرفي صديقتي سلفاتها ال 3 مسميااات ع ام زوجهن


ومع ذلك زعلت ودااارت قصه كبيره عشان سموا بنتهم نماااارق


وبعدها جابت توأم ولد وبنت دارتلهم قصه يسموهم ع باته وعليها


بم ان مافش ذكر ف عيله سمو العيل ابوبكر ع باته وقعدت تبس اسمهاا


فسموها ابتهال طبعا هي لي اختااارت الاسم من بين 5 اسماء عشان يرضوها

مع انه نحسه الناس اطورت واثقفت ومفروض الامهات يحترمو خصوصية صغارهم ومن حقهم يفرحو ويسمو ع ذوقهم بس الي عندي اني ربي يهديها معاش فهمتها شن هدفها ؟؟؟؟؟الله غالب وخلاص




بالنسبـــــة للرضاعه هي اول ايام صعبه شوي حبيبتي تحملي ..

لانها بجد صعبه ..وفي نفس الوقت ضروريه لان اللبأ غني بالمضادات المناعيه

لي يعتطي بنتك مناعة 6 اشهور ..



طبعا اول ايااام كل ماترضعي كل ما رحمك ينقبض ويرد لمكانه تحسي زي ليه

بس الحق نا حسيتهااا ف الاء اكثر لدرجة ثاني يوم عديت لمصحة من المها بعد طلعت

وقالتلي دكتوره ف الثالت تزيج اكثر ..
\

عموما هي صعبة رضاعه بس بعدها تخف بتدريج

نا كنت كل ما يلتقم الحلمة فراس تعيط عياااط بدموعي نبقي



ورضاعات أفـــنت احسن رضاعة من فيلبس هنا طبعا
كويسات بكل حتي عنق الحلمة يقلل دخول الهواء لفم الرضيع بالتالي-مغص اقل..


ننصحك بها دائمآ هي وماركة تشيكووو بالنسبه لمستلزمات بنوتك..


واحسن حاجه هنا حتى ف بريطانيا بانيو الاستحمام فيه كيف تحطي المولود يعني ح تساعدك هالحاجه اشوي ..

ولاي استفسار تفضلي عزيزتي بحكم خبرتي وكذلك قرائتي الكثيره للمواضيع الخاصه بكل مايهم الرضع والاطفااال


شوفي هالموضوع يمكن يساعدك مع استحمام بنوتك خصيصا بعد تربعن

http://forum.hwaml.com/t277558.html




بااااااارك الله فيك ام فروسي الغاليه ماقصرتيش والحمد لله غير اني نعطي فيهاطبيعي وان شاء الله مع الوقت نتوعد

ويسلمو ايديك ع الموضوع الحلو استفدت منه

[أمل ليبيا]

جي جي الغاليه الف الحمد لله ع سلامتك ومأجورة ع كل التعب ان شاء الله الحمد لله انك شفتي جمونه بخير اكيد نساتك الوجع كله وان شاء الله ربي يحفظلك بنياتك وبوهم واهلك وديما يقفو جنبك يارب الله غالب الطب في ليبيا يخوف!


عزيزتي الغاليه اثري كيف حالك وحال اطفالك الحلوين وربي يعينكم ع هروب الضي وخاصة مع الصقع
وان شاء الله الف لاباس ع الوالدة
صار عاينت في جو رومانسي الله غالب وخلاص !!!

صح معقولة عيادة مافيهاش مولد وهما عارفين هروب الضي؟ وهما تلقي ايجار شهر يشريلهم مولد !


الغالية الحبيبة اوشي كيف حالك وحال صغارك ربي يحفظهم ان شاء الله تكوني بالف خير


شموسه طمنينا كيف حالك وحال سنافرك والبيبي الحلو وان شاء الله تكوني وصلتي بالسلامة كويس غيرتي جو في الطبيعه الحلوة في ماليزا ربي يدوم عليك نعيمة ويخليلك عويلتك يارب

هدوشه الحلوة وين مغطسه انتي وسومة ان شاء الله تكوني بخير


سوسو اختفاء تام ان شاء الله خير



ام نوزة الله يبارك فيك كيف حالك تنتي وحال سنافرك ربي يحفظهم


ام معاد وام ورد ان شاء الله تكونو بالف خير

[أمل ليبيا]

ام فروسي كيف حالك وحال الولي وفروسي وربي يعينك ع السهر توا بديت نحس بيك هههه

بدا الثلج عندكم ينزل والا مزال؟

واكيد عنكم عطلة في نهاية السنه وين حابين تمشو ان شاء الله؟


امس شريت عطر ايلي صعب من كثر ماشكرتيه شوقتيني نجربه شريته اونلاين 50مل ب53 دولار حسيته رخيص خفت يطلع مش اصلي مع نفس الصورة الي نزلتيها بالزبط ومن نييورك

ومرة حكيتي ع عطر للرجال212 شريتيه والا لا؟
لاني ندور في عطر رجالي يكون حلو وقوي مش عارفه تنصحيني بيه او لا






جنودة ماشاء الله ولايتكم حلوة وفرصة للتدهوير ربي يهنيكم بس وين ناوييين تمشو اخر السنه؟؟

احني ان شاء الله بنمشو لنييورك وويست فرجينيا مانعرفش قراب منكم او لا؟

[اوشي]

السلام عليكم ورحمة الله وبركاته

كيف حالكم احبابي وشن دايرين

[اوشي]

امولة ياقلبي ..

كيف حالك وحال فطومة الحلوة ...

وربي يعينك علي عمتك ونصيحة اي شي يزعلك احكيه لزوجك بطريقة

ماتكونيش فيها فضة

[اوشي]

هدهد ...

حبيبتي كيف حالك وحال السوما وشن جو الصقع عندك

[اوشي]

اثورة فراشة العاصمة

كيف حالك ياحبة القلب انت وعيالك .. ولاباس عالوالدة ربي يشفيها ويطول عمرها

[اوشي]

حبيبة حاتم ..

شن اخبارك واخبار البيبي وربي يسهل ولادتك

[dr.loly]

السلام عليكم ورحمة الله وبركااته


يا مساء الثلوووج البيضاء

[dr.loly]

فروسة ..

معليش ياقلبي كل شي باجره

فروسي ممكن يطلع في سنون نفس رويتا حتى هي الايام هذي

حارمتني من النوم ربي يهديهم ويصبرنا


اي حتي نا توقعتها دهنتلها كريم دينتينوكس هذكي اليله وعطيته شريط باندول يحتوي 5مل

تي عطيته حتى اميه غريب بيش يهدي خخخخخخخخhwaml02hwaml9


لان الانياااب صعبات شووي اذا كانن هنا الكورنر اوف ذا ماوث اي زاويات الفم

يعني ممكن صعبات اكثر..

وكم عمرها رويتا الحلوة توا..؟

[dr.loly]

صبااااااحو ع الحلوين كيف حالكم ان شالله تكونو كويسين تبو الحقو قداش يسهفو فيا الاخوات اللي عايشات برا ماشالله نقرا ف قصصكم ووين تطلعو وتدهورو الحق نتمني اني ف مكانكم والله فدييييييييت من لييبيا نتمني نطلع نعيش البرا بالاخص البيبي اللي بيجي قداش نتمناله يعيش ويتعلم البرا وماينحرم من شي لانكم عارفين ان هنا ف ليبيا لا عندنا ملاهي ولا مولات ولا وين نطلعو وندهورو الحق انا لما كنت صغيره بابا ربي يخليه لينا ماحرمنا من شي ديما كان يسفر فينا الحمد لله عشنا طفوله حلوا لكن توا نخمم ف البيبي حرام ماعنداش وين يلعب ولا يدهور انا زوجي يشتغل مهندس ف شركة الليبيانا عطلاته مش هلبا مره وحده بس في السنه نسافرو الحق والله ماتسد بكلللللللللللللل يارب تتحسن البلاد قبل ماجي البيبي يااااارب


مرحبا حبيبه شخبارك توا واخبار البيببي..

بالنسبه للنبض يبان عادة من الاسبوع السابع وفي ناس يطول اسبوع زياده عادي
ماننصحكش بالسونار المهبلي اصبري شوي وان شاء اللخ خير
هو قلب الجنين يبدأ في التكون ع اسبوع 6 الي 7..




ومن وين انتي اختـي..؟


حتى ليبيا فيها بعض الاماااكن يعني لكن ممكن توا من قلة الامان hwaml4 والفوضه لي صايره
الواحد ممكن يقلل تدهوير وربي يهدي العباد ويريح البلاد..


توا مثلا في بنغازي وين ماندهورا فيه منتزهات واماكن عائليه وكذلك جبلنا وامشرق
احلى جو مع الطبيعه والهواء النقي نقصد البيضاء وسوسه شحات راس الهلال

[dr.loly]

ومايمنعنش ان الواحد سنويا يجمع مبلغ ع طول السنه يخصصه لسفره بالخاارج ترتوي بها الروح وتخفف اشوي من التعب

هذا نظامنا زوجي ونا بعد مانروحوا ان
شاء الله

[dr.loly]

السلام عليكم كيف حالكم
فروسه صندوق الرسايل الخاصة امتاعي تعبا كيف نمسح بعض الرسايل معرفتش


تعالي جنب الرسائل تلقي مربع صغير ديري تحديدد عليه تطلعلك علامة صح
واختاري الرسائل لي تبي تمسحيهن ف الوارد
وخشي ع الصادر تلقيه في خيار فوق صندوق الرسائل الخاصه واتبعي نفس الطريقه


يااريت تمسحي بسسرعه لاني نحاول نراسلك من يومين

[dr.loly]

نحكيلكم موقف

اليوم صار مع الوالــــــــــــــــــــــــــدة

تشتكي هذه الأيام من معدتها
وهي عندها معاها قصة طويلة

المهم
وصفولها دكتور حاذق
وأنااااااااااااا شجعتها وبقوة أنها تمشيله
رفعها خوي ومشت
هم جالسين
هررررررررررررررررب النوووووووووووووووووووووور

القصة مش هنايا
القصة
أن المصحة علي كبرها وفيها قداش تخصص وتخصص
ما عندهمش مولــــــــــــــــــــــــــد
لا ،،،،،،،،،،،،
القصة مش هنايا
القصة أنه ما عندهمش حتى لامباااااااااااااااااااات شحن
قعدوا مقعمزين في الظلام
بنور النقالات
ولما خشت للطبيب
عاينها
على ضوووووووووووء الشموووووووووووووووع
جو رومانســــــــــــــــــــــــــــــــــــــــــــ ي
خخخخخخخخخخخخخخخخخ

توا هنايا
شن دخل الحكوووووووووووووووووووووووووومة
هذا قطاع خاص
وياخدوا على الكشف الواحد
30 ديناااااااااااااااااااااااااااااااار

بدون تعليــــــــــــــــــــــــــــــــــــــــــــــ ـق
~~~~~~~~~~~~~~~~~~~~

الف لاباس ع الوالده اولآ..
وثانيآ ربي يكون بعونك يا بلادي يجروووا ورا الفلووس واستغلالين اما الامور هذه مايديوروش فيهااا .. ولاحول ولاقوة الا بالله حتي لامبات شحن مافي
فعلا شئ يفدد

[dr.loly]

ام فروسي كيف حالك وحال الولي وفروسي وربي يعينك ع السهر توا بديت نحس بيك هههه

بدا الثلج عندكم ينزل والا مزال؟

واكيد عنكم عطلة في نهاية السنه وين حابين تمشو ان شاء الله؟


امس شريت عطر ايلي صعب من كثر ماشكرتيه شوقتيني نجربه شريته اونلاين 50مل ب53 دولار حسيته رخيص خفت يطلع مش اصلي مع نفس الصورة الي نزلتيها بالزبط ومن نييورك

ومرة حكيتي ع عطر للرجال212 شريتيه والا لا؟
لاني ندور في عطر رجالي يكون حلو وقوي مش عارفه تنصحيني بيه او لا











ربي يعينا أجمعـــين ..هههه انا الحق ماجربتش السهور في فروسي كان اهويدي بس توا
ماشاء الله انعكس بكل مايرقد لين خلاص وبسلامته يرقد متأخر والولي تنوض بدري



بالنسبه للثلج اليوم نزل بكثافه جو مش عادي هههه

طبعآ اول مرة نشوف ثلج لايــف,,\ ع الطبيعه



بجد شعور حلو انتابني وكعادتي صورته للذكرى .. ك اول مرة لتساقط الثلج

ومن امس ابوفروسي يقولي الاساتده قالو بكره بتتلج نقوله مانظني\


لان قالوا السنه هذه تأخر الثلج..



بالنسبه لعطر إيــلي صعب ..
اهم شئ خديتيه بيرفيوم مش لي تواليت

طبعا كل عطر فيه منه تواليت وبيرفيوم \\\


البيرفيوم بيكون اقوي واحلى


التواليت يكون اخف واقل شوي بالسعر بس مش هذك الفرق واجد بسعر



شوفي هو فيه منه 3 عبوات 30.. 50 .. 90

اعتقد ان اصلي لان ماقلدوووش مازال


هي بريطانيا بالعاده غااااليه


اختي شراته من بنغازي


وقالتلي في عبوتين ب 75 دينار و 120 دينار ليبي


معناها هذا سعررره





وفي الامازون بريطانيا عبوة 54 متاع 50 مل

شفته توااا

وزوجي جابه ليا بي 60 باوند بس من ديبناهمز يعني اغلي

وتوا حسيت مدايرين تخفيض بسيط عليه حتي ف اي بي وامازون لاحظته بجد


تخفيض قلت يمكن لان قريب بينزل ايلي صعب 2014 ثاني عطر لهالمصمم











http://forum.hwaml.com/imgcache2/hwaml.com_1386267580_238.jpg

Sorry, this item is not available in
Image not available for
Colour:
Image not available





Share your own customer images (http://forum.hwaml.com/redirector.php?url=%68%74%74%70%3a%2f%2f%77%77%77% 2e%61%6d%61%7a%6f%6e%2e%63%6f%2e%75%6b%2f%67%70%2f %63%75%73%74%6f%6d%65%72%2d%6d%65%64%69%61%2f%75%7 0%6c%6f%61%64%2f%42%30%30%39%52%4a%57%5a%56%43%2f% 72%65%66%3d%63%6d%5f%63%69%75%5f%70%64%70%5f%64%61 %76%3f%69%65%3d%55%54%46%38%26%61%6d%70%3b%72%6e%6 4%3d%31%33%38%36%32%36%37%34%32%38)




Elie Saab Le Parfum FOR WOMEN by Elie Saab - 50 ml EDP Spray

by Elie Saab (http://forum.hwaml.com/redirector.php?url=%68%74%74%70%3a%2f%2f%77%77%77% 2e%61%6d%61%7a%6f%6e%2e%63%6f%2e%75%6b%2f%73%3f%69 %65%3d%55%54%46%38%26%61%6d%70%3b%66%69%65%6c%64%2 d%6b%65%79%77%6f%72%64%73%3d%45%6c%69%65%25%32%30% 53%61%61%62%26%61%6d%70%3b%69%6e%64%65%78%3d%62%65 %61%75%74%79%26%61%6d%70%3b%73%65%61%72%63%68%2d%7 4%79%70%65%3d%73%73)
5.0 out of 5 stars (http://forum.hwaml.com/redirector.php?url=%68%74%74%70%3a%2f%2f%77%77%77% 2e%61%6d%61%7a%6f%6e%2e%63%6f%2e%75%6b%2f%70%72%6f %64%75%63%74%2d%72%65%76%69%65%77%73%2f%42%30%30%3 9%52%4a%57%5a%56%43%2f%72%65%66%3d%64%70%5f%74%6f% 70%5f%63%6d%5f%63%72%5f%61%63%72%5f%69%6d%67%3f%69 %65%3d%55%54%46%38%26%61%6d%70%3b%73%68%6f%77%56%6 9%65%77%70%6f%69%6e%74%73%3d%31)See all reviews (http://forum.hwaml.com/redirector.php?url=%68%74%74%70%3a%2f%2f%77%77%77% 2e%61%6d%61%7a%6f%6e%2e%63%6f%2e%75%6b%2f%70%72%6f %64%75%63%74%2d%72%65%76%69%65%77%73%2f%42%30%30%3 9%52%4a%57%5a%56%43%2f%72%65%66%3d%64%70%5f%74%6f% 70%5f%63%6d%5f%63%72%5f%61%63%72%5f%69%6d%67%3f%69 %65%3d%55%54%46%38%26%61%6d%70%3b%73%68%6f%77%56%6 9%65%77%70%6f%69%6e%74%73%3d%31)(1 customer review (http://forum.hwaml.com/redirector.php?url=%68%74%74%70%3a%2f%2f%77%77%77% 2e%61%6d%61%7a%6f%6e%2e%63%6f%2e%75%6b%2f%70%72%6f %64%75%63%74%2d%72%65%76%69%65%77%73%2f%42%30%30%3 9%52%4a%57%5a%56%43%2f%72%65%66%3d%64%70%5f%74%6f% 70%5f%63%6d%5f%63%72%5f%61%63%72%5f%74%78%74%3f%69 %65%3d%55%54%46%38%26%61%6d%70%3b%73%68%6f%77%56%6 9%65%77%70%6f%69%6e%74%73%3d%31))
1 Review
5 star (http://forum.hwaml.com/redirector.php?url=%68%74%74%70%3a%2f%2f%77%77%77% 2e%61%6d%61%7a%6f%6e%2e%63%6f%2e%75%6b%2f%70%72%6f %64%75%63%74%2d%72%65%76%69%65%77%73%2f%42%30%30%3 9%52%4a%57%5a%56%43%2f%72%65%66%3d%64%70%5f%74%6f% 70%5f%63%6d%5f%63%72%5f%61%63%72%5f%70%6f%70%5f%68 %69%73%74%5f%35%3f%69%65%3d%55%54%46%38%26%61%6d%7 0%3b%66%69%6c%74%65%72%42%79%3d%61%64%64%46%69%76% 65%53%74%61%72%26%61%6d%70%3b%73%68%6f%77%56%69%65 %77%70%6f%69%6e%74%73%3d%30):



Price: £54.95 Deal Price: o o o o o Dispatched


http://forum.hwaml.com/imgcache2/hwaml.com_1386267838_809.jpg



وهذا العطر نفسه بس تواليت
90 مل بي 54 باوند


اكيد ارخص بالدولار شوفي الباوند يساوي 2 دينار ليبي ومعاها



ركزي ع الشيشه من تحت وكذلك طويله

http://forum.hwaml.com/imgcache2/hwaml.com_1386267838_162.jpg

[dr.loly]

بالنسبه للعطور الرجاليه
212 حلو بكل عندك اوريجنال الرصاصي
والسكسي حلووو بكل زوجي يستخدم ف الكولونيا منه 212 سكسي



العطوور ون ميليون جدآ راقي .. ونحب بنته عن نفسي هكي عنده لحظات خاصه عن قرب تقوي بنته..

يومتها لقينا عليه ديسكاوونت 10 باوند عبوة 100 مل قت لزوجي خوده لاني بجد نحبه مع ان عنده عبوة ف الحووش وهو هالفتره جايته ع عطر لونه اسود وعليه نجمه حتي هو خياااااااال م الاخير




http://forum.hwaml.com/imgcache2/hwaml.com_1386268494_734.jpg






وهذا 212 من كارولاينا هيريرا يعني شوركم امريكاااا




http://forum.hwaml.com/imgcache2/hwaml.com_1386268494_429.jpg





وع فكرة تخفيضات ف امازون ع العطور حسيتهن بكل اقل سعر


خصيصا العطور الرجااااليه

[dr.loly]

بالنسبه لعطلة الكريسمس بأذن الله ماشين باريس

قدمنا في تأشيرة الشنقل هذه تأشيره اوربية موحده..


واحتمال من باريس بنزوروا هولندا و اسبانيا كل وحده بنديرولهااا يومين

و5 ايااام في فرنسااا

طبعا الرحله في اليورو ستار


اصحاب زوجي العزابة قالو خش بين تحت البحر حتى هههههههههه توا خفت



اذكرت الباخره ايامات زمان والسفر لاسطنبوول


ماما كانت تقولي كنتي شجاعه بكل

لكن توا قعدت دلاله ع الاخير سوا من طيران او ع بحر يابال تحته ؟؟؟ خخخخخخخخخخخ

[dr.loly]

http://forum.hwaml.com/t277430-3.html


موضوع رائع للغاليه اثري

[جوهرة ليبيا]

مررررررررحبا

كيف حالكم يابنات كلكم ياارب اتكونوا بالف خير

امول ربي يحفظك انتي وفاتي وزوجك وكل احبابك ويااااارب ترجعي بالف خير واتكون حياتك هاديه ومرتاحه يااااااارب والله نفكر

فيك لانك واضح هاديه واي مشكله اتاثر عليك هلبه

ربي يهدي ام زوجك وحماواتك وتعيشي في استقرار وسعاده


فروووسه رحله موفقه وكيف حال فروسي اليوم مسكين السنون واعرات <<ايقولوا

لاني الحق رنوده لين نلقي السن علي برا ويارب اتكون جمونه زيها

[جوهرة ليبيا]

اوشي شلونك ياعسل

كيف حال الصغار وبوهم

شموووووسه وين الغيبه تعالي احكيلنا ويارب اتكوني بخير

جنوده كيف حالك وشن جو القرايه

هدهد ويييييييينك وشن اخبارك انتي وسوما الحلوه

اثري كيف حالك وحال الكتاكيت بالله جود قداش عمرها ديما بنسالك وننسي وكيف حال اميمتك ربي يحفظها

[جوهرة ليبيا]

اليوم غدانا عصبان او خلي انقولوا عشانا لان بعد المغرب كليناه

طبعا انا نضت بعععد الظهر ماغيرت انا والصغار وهويت الحوش وضميت لين اذن العصر

امشيت نجري حطيت الدجاج اللي امتبلاته من الليل في طنجره البرديم ووتيت السلايط

ودرت شربه خضار بالدجاج <<راجلي قال سمنت نبي اكل صحي


وجت عزوزتي جابت بضاعه العصبان الحق هي امقرضه الخضره انا غسلتها وكل شئ هي امجهزاته بروحها بم ان سلفتي ماتكلش

فيه فمش حدير فيه شئ !!!

خلطناه ودرت الدباير وحشيناه انا وياها باش انكملو بسرعه

حطيناه وجي راجلي حطيت الغدي اتغدينا وماتقلناش هلبه ليل ودرت شاهي خليتهم يشربوا قمت السفره وبديت في الماعين بشوي

وسيقت المطبخ وكل اموره تمام

خشيت دوشت وجففت عمليتي كويس وبنداويها اكتشفت في حاجه زي الخيط الغليض طالع واتضحلي انه بونتو آآآخ لين دخت تي هذا منين طلع

لان الدكتوره نحتهم كلهم يااااارب الصبر وخلاص حاولت نجبده حار واصلا طالع منه شوي يبي زي الملقاط

بنمشي السبت ان شاء الله للدكتوره وبندير جهاز انشوف الرحم انضاف او مازال مع اني قاعده مطهرتش غير بنطمن

[جوهرة ليبيا]

دوشت مع 12 لجمونه توقعتها ترقد لاااااااااا يوجد نوم ربي يحفظها

دويت هلبه

تصبحوا علي الف الف خير

[dr.loly]

صباااااااااااااحوووو


اليوم نضت ع دقة عمي الشايب ههههههههههه

كالعاده نضت مفجووعه



جايبلي عطــر من لندن هو امس بليل طلبه زوجي امتي وصل ههههههه

اصلآ وريته له وهو عطور رجاليه قتله عليهن تخفيض بسيط يحسابه جاااي في خاطري وطلبه ودار خاصية هدية جاني ملفوف ويهبل الحق ماشميتش\
وعرفته طول ان العطر ..

وهو عطر دوت من مارك يعقووووب


ساد المفتوحات قريب نفتح محل ههههه

والحق جايتني ع 2 بس طول هالفتره عطر ايلي صعب ونينا ريتشي ( تفاحه)\

قبلها كانت جايتني ع ألــــــــــــــــــــــــــــين... ودوتشي اند قابانا






وجايتني زائرة الاطفال الهيلت فيزيتور الساعه 1 ونص امس اتصلت خدت معايا موعد


وين نلقوه هالدلال ف ليبيا خخخخخخ



عموما الخدمه هذه في بريطانياااا فقط



وهي من اقتراح وتطويرات ملكتهم واهتمامها بالاطفاااال

[dr.loly]

اليوم غدانا عصبان او خلي انقولوا عشانا لان بعد المغرب كليناه

طبعا انا نضت بعععد الظهر ماغيرت انا والصغار وهويت الحوش وضميت لين اذن العصر

امشيت نجري حطيت الدجاج اللي امتبلاته من الليل في طنجره البرديم ووتيت السلايط

ودرت شربه خضار بالدجاج <<راجلي قال سمنت نبي اكل صحي


وجت عزوزتي جابت بضاعه العصبان الحق هي امقرضه الخضره انا غسلتها وكل شئ هي امجهزاته بروحها بم ان سلفتي ماتكلش

فيه فمش حدير فيه شئ !!!

خلطناه ودرت الدباير وحشيناه انا وياها باش انكملو بسرعه

حطيناه وجي راجلي حطيت الغدي اتغدينا وماتقلناش هلبه ليل ودرت شاهي خليتهم يشربوا قمت السفره وبديت في الماعين بشوي

وسيقت المطبخ وكل اموره تمام

خشيت دوشت وجففت عمليتي كويس وبنداويها اكتشفت في حاجه زي الخيط الغليض طالع واتضحلي انه بونتو آآآخ لين دخت تي هذا منين طلع

لان الدكتوره نحتهم كلهم يااااارب الصبر وخلاص حاولت نجبده حار واصلا طالع منه شوي يبي زي الملقاط

بنمشي السبت ان شاء الله للدكتوره وبندير جهاز انشوف الرحم انضاف او مازال مع اني قاعده مطهرتش غير بنطمن




جيجي اهلا شن اخبارك وربي يعينك ع السهر هههه انضميتي لقائمة السهرانااات دائمآ خخخ


عمومآ انا حاولت ننصحك من قبل ع كثر التعب ف الحوووش

بصراحه نا توا لا عمليه نفسك بس سهور وصغار ومثلا مع كثر خدمة المطبخ
مثلا زي اخر عزومه ليليه ونتعب بصراااحه مانيش امراه حديديه

لدرجة ثاني يوم ناخد فيه رااحه وندير مثلا بكبوكي غداء باقيتها ساهله او نطلبوا ديليفري




بس انتي ياعزيزتي نحس فيك اتعبي في روحك اشوي او واجد وانتي مدايره عمليه

وتلزمي الراحه مفرووض..

شوفي نا مع ان طبيعي جيباتي لكن هلي مايخلوش فيا ندير في شئ

صح ف فراس تعبتني الخياطه والرضاعه صدري تعبني وغير الارهاق وتعب الولاده

يعني قولي 9 ايام حشاك خاطي الحمام ودار المقعد ماتحركت كانت ماما واختي معايا


وفي الاء قعدت ماما معايا هي لي اتدير ف كل شئ بعد الاسبوع بعد روحن خواتي وخالتي

وخشيت نساعد فيها اشوي اشوي بعد اسبوع من جيبتي ف الاء




لكن ننصحك ديري بالك شوي شوي

نفس ماقالت اختنا اثري يبان لاقدااام مش توا ...



نحن الليبيات اسم الله علينا وقتنا يمر اغلبه ف المطبخ مابين فطوور وغدا وعصريه وعشاااا

تحضير طعام وحوسه وغسل اماعين فلذلك دكتور جراح اعصاب من كثر ماكثرن امراض المفاصل والغضاريف


قال السبب ان المراه الليبيه كادحه في بيتها هذا غير لي كادحه برا وجوااا


وان شاء الله ربي يعطينا صحتنا دائمآ يارب

[اوشي]

السلام عليكم ورحمة الله وبركاته

[اوشي]

كيف حالكن خياتي نفرة نفرة

احبكم كلكم في الله

[اوشي]

جيجي ..

الله يسلمك انا والاولاد بخير

انت كيقك ولاباس عليك وشن اخبار اميراتك

وكل الكلام اللي قالته فروستي صح مية بالمية وكل تعبنا يبان لقدام

في الاخير اللي انديرو فيه وبالذات مجهود فوق الخيال اسم الله علينا ربنا يكون في عونا

[اوشي]

اشويـا ونـرد

[اوشي]

فروسة ...

هذي وصفتك اللي جربتها وطلعت اهبل كيف ماقتلك




http://forum.hwaml.com/imgcache2/hwaml.com_1386355952_897.jpg (http://www.gulfup.com/?wgLdOT)

[جوهرة ليبيا]

السلام عليكم ورحمة الله وبركاته

[جوهرة ليبيا]

اليوم امشيت لاختي النافس الاجواء حلوه ومغيره حوشها كله روووووعه ماشاء الله

بس تعرفوا شكلي تعودت عالهدوء ليا قريب شهر في الحوش راسي حسيته بينفجر من دوشة الصغار سلامتهم

[جوهرة ليبيا]

السلام عليكم ورحمه الله وبركاته

[جوهرة ليبيا]

معقووووووووووووووووووووووووووووووووله ولاوحده خشت اليوم

ان شاء الله اتكونوا بخير كلكم

التجمع بدي كساد والكل معادش ايخش

[ليبياقلبي]

هلا جيجي شن اخبارك تبارك الرحمن عليك وعلا روعة اسلوبك وعلا وسعة بالك متتكلميش علا بنياتك الا ماتقولي الحلوة انا ميسهريش فيا ومنقوليش اللو ههههههههههههه انا زمان لما بنت نموت في الصغار تو فديت رسمي
حمودي منلعبيش فيه ابدا ولا نشبحلا لاشي
هههههههههههههههههههههههههههههه انا ام مش متاالية
اتري حبيبي الف سلامة عالوالدة خيرها
ام فروسي شن اخبارك امتى مروحة ولا لسه
اوشي وام ورد وام معاد ويويو وجنةدة ويكن
حبيبة حاتم تو تسافري وتجيك طلعة شكلك زي نحب ندهور بي صغاري برا
امولة يالغلا قوللي مقتليش عزوزتك شن اسمها لي تبيكم تسموا عليها

[ليبياقلبي]

انا طبعا حنيت لانا عندي لمة مرة خالي جايبة دارتها في صالة واهو ماشية اموري حمودي الحمد لله كويس ونوزة حال الشطانة

[أم أجنادين 80]

جيجي ربي يعطيك صحيحتك بس احبيبة روفي علي نفسك حتي شوية وزي ماقالوا البنات كله ماتحسيه توا ...


اوشي سهفتيني بالصورة الحلوة ممكن الطريقة ...



هدهودة وينك ان شاء الله خير معادش طلتيي علينا


الغاليه اثري شن اخبارك واخبار كل حبايبك
ان شاء الله الف لاباس علي الوالدة ,, الله غالب فعلا نحطوا في اللوم علي الدولة وهوا اللوم حتي علي الشعب ..


شموسه ان شاء الله تكونوا وصلتوا بالسلامة ..

سوسو اختفاء تام ان شاء الله خير



ام نوزة شن اخبارك مش معقولة انتي مش ام مثالية ..

ام معاد وام ورد ان شاء الله تكونو بالف خير

[اوشي]

السلام عليكم ورحمة الله وبركاته

صباحكم فل وياسمين بالصلاة عالنبي الامين

[اوشي]

كيف حالكم كلكم ...

وين الكساد هذا ... خشو وديرو بعــــــــــــــــــــــي

[اوشي]

جنودة ..

شن اخبارك ... هذه طريقة فروسي وبصراحة اتهبل ديريها


http://forum.hwaml.com/t278521.html

[dr.loly]

السلام عليكم ورحمة الله وبركاااته



كيف حالكم اخواتي الغاليات جميعاااا







وين شمووووووووووووووووووووووسه؟؟؟

[dr.loly]

هههههههه أم نوزة ضحكتيني بعد قتي مانشبحلا ع حمودي..
يعجب فيا انك ديما صريحه في اسلوبك

بس عارفه اكيد انتي ام ولا أرووع بس انتي ماتشوفيش في نفسك هكـي يمكن ..مافش ام ومادايره كبيده وع صغارهاا هذا شئ أكــيد ..

هم ربي يحفظهم من مشاغبتهم مرات يعصبوا فينا بس نا تعلمت وسعة البال فوق مانا واسع بااالي معاهم هههه ..

انقول حتي نا اكيد كنت هكــي نا وبعمرهم خليهم يعيشوا طفولتهم أهم شئ التربيه ع اساسيات صح ,, والباقي زس المشاغبات يهونن



بالنسبه للترويحه عزيزتي نفس ماقتلك قبــل ان شاء الله اواخر 6 السنة الجايه

[dr.loly]

أوشتي صحة الشـــيش ,,
ماشاء الله يهبل منك اكيد..

شن اخر التطورات عندكم قالو طالعين مظاهرات في الجبل صح؟؟؟

[حبيبة حاتم]

كيف حالكم ياغاليات انا اليومين هادو جوي بلهون نحس فراسي بيطربق ودايخه هلبا شكله الوحم بيبدا فيا والله كارها روحي وجاي علي بالي نقعد ف حوش اهلي معاش نروح منه طول اليوم نبكي نفكر ف البيبي اللي بيجي واني بنولي ام وخلاص بابا وماما بيشوفولي ع اساس اني ام ومعاش حيدلعوني زي قبل والله نفسيتي جدا تعبانه وخايفه هلباااااااااااااااااا كل شوي نبكي نبكي ونقول ياريتني ماتزوجت راه توا قاعده مع بابا وماما وخوتي وجونا الحلو في الشتا نفكر فيهم كيف كسد عليهم الحوش والله بنهبل ليا سنه ونص متزوجه توا لما حملت بدي الشعور هدا ملاحقني ديما مش عارفه خيرني

[أم أجنادين 80]

السلام عليكم

كيف حالكم

خييركم مكسدين

شكرا ام فروسي علي وصفتك الرائعة

وشكرا اوشي لانك حطتيها

[أم أجنادين 80]

حبيبة حاتم اكيد هدا كله نتيجة للحمل

لخبطة هرمونات وتغيرات جديدة عليك

ام فراس ليش ماتحطي الصور اللي بتوقيعك بالوسط انحس فيها راح تكون احلي

[جوهرة ليبيا]

السلام عليكم ورحمه الله وبركاته

[جوهرة ليبيا]

كيف حالكم كلكم حبيباتي


ام نوزه ضحكتيني ربي يحفظ صغارك وبوهم ويحفظك ليهم انتي قداش عمرك ؟؟


وكلام ام فروسي كله صح وربي يقدرك علي تربيه صغارك باحسن تربيه يارب

جنوده كيف حالك وشن جو قرايتك وربي يحقق كل امنياتكم

[جوهرة ليبيا]

حبوبه حاتم ربي يهون عليك حملك وولادتك يادلوعه وربي يحفظلك اميمتك ووبيك وعويلتك كلهم يارب

[ام وسونة]

واخيرا قدرت نخشله المنتدى المهم كيف حالكم وشن اخر اخباركم طبعا للناس اللي ماتعرفنيش

اني ام وسونة عندي بنوتة عمرها 5 سنوات وبنت عمرها 6 شهور ومن قبل ولادتي ماخشيتش للقروب

[جوهرة ليبيا]

اهلااا وسهلا بام وسونه

البنات ديما يسالوا عليك فاقدينك

الحق مانعرفكش ونتشرف بمعرفتك وربي يحفظ بنوتاتك وبوهم وكل احبابك


حتي اني من شهر وليت ام للمره التانيه لاحلي بنوتات

رنوده الكبيره 3سنين الا شهر هههه وجمان العسل اللي ماترقدش ربي يحفظها شهر


انتي من وين يارب اتكوني من طرابلس انا واثري بس منها

[ام معاد]

السﻻم عليكم واﻷه فرحت لما طليت ولقيت ام وسونة.كيف حالك جارتي والف نبروك البنوتة وحتي اني جبت ولد وماشي في العشرة شهور .شن دايرة فيك البنوتة اني اليوم نضت قلبي يطلع من مكانه
ونرعش صارت فيا حالة الحلو ابان طول الليل يرضع.

[sosolibya]

السلام عليكم ورحمة الله وبركاته.. كيف حالكم جميعا..

ليكم وححححححححشة

[dr.loly]

السلام عليكم ورحمة الله وبركااته

[dr.loly]

كيف حالكم ياغاليات انا اليومين هادو جوي بلهون نحس فراسي بيطربق ودايخه هلبا شكله الوحم بيبدا فيا والله كارها روحي وجاي علي بالي نقعد ف حوش اهلي معاش نروح منه طول اليوم نبكي نفكر ف البيبي اللي بيجي واني بنولي ام وخلاص بابا وماما بيشوفولي ع اساس اني ام ومعاش حيدلعوني زي قبل والله نفسيتي جدا تعبانه وخايفه هلباااااااااااااااااا كل شوي نبكي نبكي ونقول ياريتني ماتزوجت راه توا قاعده مع بابا وماما وخوتي وجونا الحلو في الشتا نفكر فيهم كيف كسد عليهم الحوش والله بنهبل ليا سنه ونص متزوجه توا لما حملت بدي الشعور هدا ملاحقني ديما مش عارفه خيرني

اهلا حبيبة ,,شن اخر اخبارك..
شكله وحمك بدااا وجايك للحنين الى الماااضــــــــي
عادي اختي راهي نفسيه الحــامل خصيصا ف 3 أشهر اولى عادة تكتئب
واسئلي مجرب خخخخ,,, ان شاء الله تجيبي وليدك ع بنيتك وتديري احلى جو عيله
مع عيلتك الصغيره..


وأهلكـ دام قراب منك وتشوفي فيهم هذا أهم ـشــئ

صحيح أن الذكريات وايام الزمن الجميل التي مضت لا تتعوض

بس مع ذلكـ .. حاولي تتطلعي من مود الكآبه اشويه..

اذكري ان في بيبي بداخلك حرام يتأثر بنفسيتك

كثري من الاستماع للقرآن وقرآته وكثري استغفار واذكار
...
والاهم حاولي تشغلي تفكيرك بأن بداخلك بيبي جينور دنيتك ويغيرها بعد شهوور


وربي يحفظه لك وتفرحي بشوفته بأحسن حــال

[dr.loly]

السلام عليكم

كيف حالكم

خييركم مكسدين

شكرا ام فروسي علي وصفتك الرائعة

وشكرا اوشي لانك حطتيها


اهلا جنوده شن اخر اخباارك

والعفــو عزيزتي انا حاطتها من فتره هنا

وشافنها اوشي واثري وسوسو بعد خشت...

قصه التوقيع مافهمتش قصدك شن لي نحطها في الوسط لان اربع صور..؟



شن الجو عندكم كم درجة الحراره ف كاليفورنيا ..؟

[dr.loly]

أم وسونه نورتينا من جديد ...
والحمدلله ع سلآمتك .. كان تخشي طلات ع السريع نذكــر
بس البنات ديما في بالهن ...

انتمنى انك تستمري معانااا ومش طلات ابعــي وتعدي خخخخخ


وربي يحفظلك ابنياتك





ام معـــــاد نورتي وين هالغيبــه ...؟؟؟؟؟ شخبار سنافرك.. اه يا أبوووني شكله نفس جو لولي بالضبط ربي يحفظهم

لاحس لا خبر ولا سألتي علينا هنااا ... شخبار ام ورد ان شاء الله بخير

[dr.loly]

السلام عليكم ورحمة الله وبركاته.. كيف حالكم جميعا..

ليكم وححححححححشة



وعليكم السلام ورحمه الله وبركاته

وينك يا سوووووووووووووسو

قعدتي زي هـــلال العيــــد حتى انتــي...؟



والا انضميتي لجماعة ابعـــي hwaml02


عمومآ ان شاء الله خــير وعويلتك كلهم بأفضل حــال

[dr.loly]

امس صارت فيا ليلة

نحسابها الا الزايده من قوو الالم .. قعدت خايفه ان نخش المستشفى
ومن بيرضع الولي و و و قعدت ل 3 وزوجي معايا

الم في الجنب اليمين ونازل لرجلي ,,,



شكيت بس مع ان كان احساسي ان مسالك بس ابوفراس قالي كيف بيجنك وانتي مهتمه بكل

صح نشرب واجد وديما نطيب بورق الغار(الرند) ,, ومافش اعراض



اخرتها قلت برد يمكن من يوم طلعتي للحديقة الخلفيه يوم نزل الثــلج اول مره

وكانت -3 درجة الحراره

[dr.loly]

بس الحمدلله الحمدلله

نضت وخاف الالم واااجد وكنت ناوية صيام وقررت انصيم..اليوم ان شاء الله

[dr.loly]

http://forum.hwaml.com/t279314.html

[أم ورد]

السلام عليكم كيف حالكم كلكم

[أم ورد]

امولة الحمد لله على سلامتك وبارك الله لك في الموهوبة ورزقتي برها
أثري ان شاء الله لا باس على الوالدة وطهورا ان شاء الله
أم فراس ان شاء الله لا باس عليك وطهورا ان شاء الله
جنودة وشموسة واوشي وسوسو و أم نوزة هدية ان شاء الله اتكونوا بالف خير

[ام وسونة]

السلام عليكم

وشكرا ليكم وخياتي على ترحيبكم

وخيه جوهرة يتربوا في عزكم ودلالكم يارب واني من سكان طرابلس تحيدا الخلة وانتي وين

وخيه ام ورد يتربى في عزك العزري وتفرحي بيه والله بالنسبة لزهاء سلامتها متعبه علاخر

تعرفي نرفع فيها معاي للمدرسة نشرح وهي في غمري ربي يعاوني

وخيه ام فراس صحيتي ياغالية باذن الله نحاول مانغيبش عليكم بس الفترة اللي فاتت كلها نحاول نخش

بس المنتدى يرفض في دخولي وقبلها جبت بالعملية وتوا الحمدلله اموري تمام

[جوهرة ليبيا]

السلام عليكم

آآآآآىىه تعب مش راقده ليلتين واليوم كانت لمه اختي جتني المزينه مع العصر وامشيت انا وعزوزتي واميراتي

كل شئ تمام ولله الحمد

روحت غسلت وتبلت 20فخده دجاج كامله مع انه والله مافيا طميعه قاعده عمليتي تووووجع لكن شن بندير

عزوزتي عندها عزومه لعروسه وقالتلي نبيك اديريه ايهبل اديري فيه البورديم

[جوهرة ليبيا]

ام وسونه حتي انا انجيب بالعمليه

من سكان سوق الجمعه عمري 23

وربي يحفظلك العرايس يااارب

[هدية الخالق]

السلام عليكم ورحمة الله وبركاته

[ام معاد]

السﻻم عليكم.كيف حالكم جميعا.سامحوني بنات واباﻷخص ام فراس والله العظيم امس كنت نكتب في الرد التاني ونسأل عليكم بالوحدة لين الضي هرب ومعاه النت ومعاش جي طلعت العشية انعاي علي أيدي ورجلي حرقتهملي الحنة وروحت وزوزجي ماسك في المستشفي حطنا مع المغرب ومش للعمل قعدت مع الصغار ياماما نبي ويا ماما ديريلي.عشيتهم ورقدوا وبعدين اقعدت نقرا في وردي اليومي من القران لين نعست .وتوقعت انه وحدة منكم حاتقولي خيركما سالتيش علينا لكن والله مش مقصودة.وطبعا قلة خشوشي الحق زوجي يقرا .واني راسب وراس تلسنافر والحوش.لي عودة

ع

[dr.loly]

امولة الحمد لله على سلامتك وبارك الله لك في الموهوبة ورزقتي برها
أثري ان شاء الله لا باس على الوالدة وطهورا ان شاء الله
أم فراس ان شاء الله لا باس عليك وطهورا ان شاء الله
جنودة وشموسة واوشي وسوسو و أم نوزة هدية ان شاء الله اتكونوا بالف خير



يا ألف مرحــبا بأم ورد .. وينك اختفيتي بكل وعش خشيتي والا متفقات انتي وام معاد خخخخخخخ .. انبصر

والله لايوريك باس عزيزتي

وكيف حالك وحال البيبــي .. عرفتي جنسه والا مازال ..
اكيد متشوووقه كان مازااال

[dr.loly]

مرحباااا ام معاد ..
اووه عليك لقطة لقطة الضــي ليا زمان مفتكيه من جو قطع الضي لنقانه يقهر
كان صيف نحمووو .. وكان شتا الجو يصقع ونلجأوو للكانون ههه

ياااه ايامات وحمي ب الاة قدااش تعبت من قطع الضــي وفي عز الحمووو


ولاباس ان شاء الله .. ع ايديك ورجلك ..

رايحه كاثره هالفتره حروقات الحنــه


لان امس نهدرز مع صاحبتي تحكيلي قالتلي عرووسين بنفس الاسبوع صاريتلهم حاله من الحنه ف بنغازي

مش عارفه شن القصه بالضبط \،،؟؟




وربي يحفظلك السنافر وبوهم ... هم ياخدو الوقت ويدوخوا هههه انا مازال مايفهموش ومايطلبوش يعني ويديو

بس مهبليني ههه بعراكهم خخخخ ع ابسط شئ كل واحد يبي حاجة الاخر

[dr.loly]

السلام عليكم

وشكرا ليكم وخياتي على ترحيبكم



وخيه ام فراس صحيتي ياغالية باذن الله نحاول مانغيبش عليكم بس الفترة اللي فاتت كلها نحاول نخش

بس المنتدى يرفض في دخولي وقبلها جبت بالعملية وتوا الحمدلله اموري تمام


مرحبا ام وسوونه .. ان شاء الله اخر الغيباات وتطلي عليناا ديما ..
اي نذكر قبل ماتجيبي دخلتي وقتيلنا قريبه ع عمليتك
وبعدها وحده من البناااات قالت انك جبتي بنووته وسميتها زهاء..
ان شاء الله تتربي بعزكم وتزهي كل ايامك ,,,وحمدلله ع سلامتك مجددآ

وشكلها متعبتك الاموره وااو بصراحه تعب تشرحي وماسكتها ,,
ربي يكون في عونك عزيزتي

[dr.loly]

يا مرحبااا ب هدوووو

وينك رايفنا ع هداريزك ومغامرات السموحه سوما.

شن الجو عندكم نزل ثلج والا مازال؟

[dr.loly]

ربي يكون في العون جيجــي,,
ومباارك علي اختك ,,

[أم ورد]

السلام عليكم و رحمة الله وبركاته
كيف حالكم ان شاء الله انكونوا بخير

[أم ورد]

يا ألف مرحــبا بأم ورد .. وينك اختفيتي بكل وعش خشيتي والا متفقات انتي وام معاد خخخخخخخ .. انبصر

والله لايوريك باس عزيزتي

وكيف حالك وحال البيبــي .. عرفتي جنسه والا مازال ..
اكيد متشوووقه كان مازااال

الحمد لله فروسة البيبي أموره تمام امتعبني وجاع الظهر هلية
وبالنسبة لجنس البيبي عرفته لكن بنخليه مفاجأة

[حبيبة حاتم]

السلام عليكم كيف حالكم ياحلوات شن جوكم انا اموري تمام اليوم جيت لحوشنا ليا من الجمعه ماكليتش ماكله طايبه كارها حوشي جايتني علي حوشنا نبي نقعد فيه المهم من كتر الجوع مستاحشه الماكله الطايبه درنا الغدي عصبان ومحاشي وطاجين جبن وكرنب مقلي وامبطن وفليفله وخبزة كسكاس وبيتزا ودجاج مشوي بورديم وبازيلا ههههه بابا نخلع قالي خيرك من عازمه ههههههه هما مدايرين ريجيم ف الحوش ماياكلوش هههههه خليتهم يدوقو الكل فسدو ريجيمهم هههههه وتوا وتيت العاله والحليوات عصرت مالقي عصير برتقال وجهزت الفاكه وقليت قسطل وكاكاويه كل شي جاهز نستني في خوتي وبابا يروحو والله مافي احلي من حوشنا في الدنيا ^_^حقا وصيت خوي قتله جيبلي همبورقا من مكسيكانو خاطري فيها وزوزجي مانع عليا الاكل الجاهز علشان البيبي لكن قلت فرصتي الليله هههههههه

[ام معاد]

الس
ﻻم عليكم ام فراس حتي الدكتورة قتلي ان الحنة ابدت مغشوشة وخجونا حاﻻت ونومناهم في المستشفي .وزوجي قلي مرة عروس جابوها عاجنتها بالبنزين.المهم اعطتني حبوب متاع الحكة.ومرهم الاسد.وفازلين متا زبدة الكاكاو.والمراهجعة بعد اسبوع وبتعطيني كريم اﻷتر .عدرا ﻻخطاء من النقال المهم انت ترجمي.

[ام معاد]

حبيبة حاتم ربي يديم اللمة يارب

[أم ورد]

ام معاذ كيف حالك وكيف حال عبدو وميمي وأبوني واالدكتور
حبيبة حاتم ما شاء الله ربي ايدوم عليكم اللمة يارب

[هدية الخالق]

السلام عليكم كيف حالكم ليكم وحشة كلكم
اني باهية الحمد لله االايام هادي تعبانه شوية وجوي متعكر معاش عندي نية للهدرزة
واليوم كلمت اهلي قالولي جدي توفى وجعني نين خلاص مسكين مرض شوية بردة ماعطلش

[هدية الخالق]

صحيتوا عالنشدة وخياتي فقدتوني ان شاء الله ماتفقدوا غالي
والله قديش ليا جوي ونفسيتي صفر كرهت كندا باللي فيها وكرهت الدنيا كلها كان نلقى روحي عند اهلي وجنب اوبيي وميمتي

[هدية الخالق]

ليا فترة دايرتها عالبكي وبس مرعشة راجلي في جرتي وخلاص

[أثري في مدادي]

الســـــــــــــــــــــــــــــــــلام عليكم ورحمة الله وبركاته

أهلا بالغاليات الليبيات المستوطنات والمغتربات

بارك الله في كل من نشدت وسألت علي ضي الحوش ومناره
أمــــــــــــــــــــــي الحبيبـــــــــــــــــــــــــــــة

والله طلبوا عليها منظار وقصــــــــــــــــــــــــــة
وهي في السن لاباس بيها ،،،، فقررنا سفرها لتونـــــــــــــــــــس أفضل
** مش انعدام ثقة ولكن الواقع يجبرك ،،،

اتصل أخي بالممرضة المكلفة بتجهيز المريض للمنظار
لتصف له كمية الدواء المسهل التي يجب أن تأخذها الوالدة قبيل المنظار
قالتله وبكل ثقة ::::
تخيلوا قداش حبـــــــــــــــــــــــــــــــة في اليوم ؟؟؟




16 حبة مسهل في اليوم لإمرأة تجاوزت السبعين بسنواااااااااااااااااااااااات !!!!!!!!!!!

وعندما اطلع عليهم دكتور آخر قالله : هذه الحبوب أربعة كااااااااااااااااااافية جدا مش 16!!!!!!!!!!!!!
قاللها خوي مالينا بعد الله إلا بتونس ~~~
وربي يسهل وخلاص


عندكم بنزين بنااااااااااااااااااااااااااااااااااات ؟؟؟؟

[حبيبة حاتم]

هدية الخالق عظم الله اجرك حبيبتي الله يرحمه وويوسع عليه صبري بالك ماتغشيش روحك وزوجك ان شالله ترجعي لاهلك واحبابك وتقعدي بينهم اتري في مدادي لاباس علي امك والله الطب يخوف هنايا ياوخيتي ماتاخدوش اي حاجه الا لما تتاكدو من اكتر من دكتور يقولكم نفس الكلام والله بو سلفتي مرض فجاه عنده القلب رفعوه للمصحه ضربوله ابره تنزل الضغط و هو ضغطه نازل مسكين توفي الله يرحمه حرام هكي يديرو والبنزين هدا خلوهبروحه والله حاله البلاد هنا جيهت اماليا قرقارش كلها الشيوله مصكره والشعب واقف يستني ماسااااااااااااااا والله حال يبكي بلاد النفط ومواطن ماعنداش باش يحرك سيارته والله حال يقطع القلب اقسم بالله بنهبل علي البلاد ان شالله ربي يستر وخلاص

[أثري في مدادي]

هدهوووووووووووووود

وسعي بالك وتأملي النعم من حولك
ولا تضعي شمس اليوم تحت غيوم الغد ~~~~~~

والكآبة تزداد كلما ارتخيت معها
قاوميهابأي برنامج

[أثري في مدادي]

وعظم الله اجركم في الجد ،،، اللهم اغفر له وارحمه ~~~~

[جوهرة ليبيا]

السلام عليكم

كيف حالكم بنات كلكم

البنزين وآآآآآه من البنزين مش عارفه شن صاير

احني سياره تمت والتانيه مازال فيها شويه

لكن غدوه بتوصل سياره جديده قاله الراجل اللي بيوصلهالنا تو انعبيهالك بارك الله فيه


الف لاباس عالوالده اثوره ربي يحفظها ويطول في عمرها

هدهد عظم الله اجرك وربي يغفرله ويرحمه وان شاء الله مثواه الجنه يارب

ام فراس الله يبارك فيه ياغاليه


حبيبه حاتم صحتين علي قلبك وعالنونو الحلو

حاولي تقنعي راجلك انتك تقعدي تتوحمي في حوش بوك يومين تلاته في الاسبوع مادامك مرتاحه وربي يحفظ عويلتك

جنوده غلاتي وينك

سوسو وين تختفي يامراه وكيف حالك وحال العصافير

شموسه العسل يارب اتكون بخير ومستمتعه بوقتها

امول كيف حالك وحال فطوم اكيد حايسه معاها وشن جو نومها مانحكيلكش علي جمان تعرفوا نرقد ممكن ساعتين بس ومتقطعات


اوشي اونشي اوشي ياحبيبه شن جوك واخبارك وحال الكتاكيت نفر نفر ههههههه وكيف حال عروسه اوخيك وجوها مع العيله

[اوشي]

السلام عليكم ورحمة الله وبركاته


كيف حالكن ياغاليات .. ان شاء الله كلكن طيبات وبصحة وهنا












أوشتي صحة الشـــيش ,,
ماشاء الله يهبل منك اكيد..

شن اخر التطورات عندكم قالو طالعين مظاهرات في الجبل صح؟؟؟



هلا حبيبتي...

الله يسلمك بما ان مصدره ايهبل اكيد طلع ايهبل واليوم اخرى دره مع الغدا

در غجاي عصبان ورز بالخلطة وشربة وسلاطة الجزرية مع امخلل

صوره توة انزل لكن الصورة


ومافيش عندنا مظاهرات الجو امكسد




كيف حالكم ياغاليات انا اليومين هادو جوي بلهون نحس فراسي بيطربق ودايخه هلبا شكله الوحم بيبدا فيا والله كارها روحي وجاي علي بالي نقعد ف حوش اهلي معاش نروح منه طول اليوم نبكي نفكر ف البيبي اللي بيجي واني بنولي ام وخلاص بابا وماما بيشوفولي ع اساس اني ام ومعاش حيدلعوني زي قبل والله نفسيتي جدا تعبانه وخايفه هلباااااااااااااااااا كل شوي نبكي نبكي ونقول ياريتني ماتزوجت راه توا قاعده مع بابا وماما وخوتي وجونا الحلو في الشتا نفكر فيهم كيف كسد عليهم الحوش والله بنهبل ليا سنه ونص متزوجه توا لما حملت بدي الشعور هدا ملاحقني ديما مش عارفه خيرني


هلا حبيبة حاتم ..


نحنا بخير اهم حاجة انت ...

مرحلة وتعدي والاغلبية مر بيها تعوذي من الشيطان واستغفري

وربي يقومك بالسلامة



السلام عليكم

كيف حالكم

خييركم مكسدين

شكرا ام فروسي علي وصفتك الرائعة

وشكرا اوشي لانك حطتيها


مرجبا جنودة ..

العفو يافلبي الشكر لفروستي الحلوة




السلام عليكم كيف حالكم ليكم وحشة كلكم
اني باهية الحمد لله االايام هادي تعبانه شوية وجوي متعكر معاش عندي نية للهدرزة
واليوم كلمت اهلي قالولي جدي توفى وجعني نين خلاص مسكين مرض شوية بردة ماعطلش


عظم الله اجرك هدو ..

ورحم الله جدك واسكنه فسيح جناته

وبشويش علي روحك راك تمرضي



الســـــــــــــــــــــــــــــــــلام عليكم ورحمة الله وبركاته

أهلا بالغاليات الليبيات المستوطنات والمغتربات

بارك الله في كل من نشدت وسألت علي ضي الحوش ومناره
أمــــــــــــــــــــــي الحبيبـــــــــــــــــــــــــــــة

والله طلبوا عليها منظار وقصــــــــــــــــــــــــــة
وهي في السن لاباس بيها ،،،، فقررنا سفرها لتونـــــــــــــــــــس أفضل
** مش انعدام ثقة ولكن الواقع يجبرك ،،،

اتصل أخي بالممرضة المكلفة بتجهيز المريض للمنظار
لتصف له كمية الدواء المسهل التي يجب أن تأخذها الوالدة قبيل المنظار
قالتله وبكل ثقة ::::
تخيلوا قداش حبـــــــــــــــــــــــــــــــة في اليوم ؟؟؟




16 حبة مسهل في اليوم لإمرأة تجاوزت السبعين بسنواااااااااااااااااااااااات !!!!!!!!!!!

وعندما اطلع عليهم دكتور آخر قالله : هذه الحبوب أربعة كااااااااااااااااااافية جدا مش 16!!!!!!!!!!!!!
قاللها خوي مالينا بعد الله إلا بتونس ~~~
وربي يسهل وخلاص


عندكم بنزين بنااااااااااااااااااااااااااااااااااات ؟؟؟؟




هلا اثورة ...

باهي اللي خوك سئل معقولة 16 حبة

احسن شي انكم تبو تاخذوها لتونس ... والف لا باس عليها

نحنا ولله الحمد متوفرة البنزين

[اوشي]

السلام عليكم

كيف حالكم بنات كلكم


اوشي اونشي اوشي ياحبيبه شن جوك واخبارك وحال الكتاكيت نفر نفر ههههههه وكيف حال عروسه اوخيك وجوها مع العيله

هلا ياحبيبة ..

الله يسلمك ويسلم اميراتك وبوهم .. ومبروك السيارة ان شاء الله قدومها خير

وانا والكتاكيت بالف خير ونعمة من رب العالمين اللهم لك الحمد والشكر

ومراة خوي والله حالها باهي وامي قاعدة تشكر فيها

[اوشي]

خوخـــــــــــة ...

لاباس عليك ياحلوة طهور ن شاء الله

[اوشي]

ام ورد كيف حالك ياحبيبة

ربي يقومك بالسلامة وتشوفي البيبي بصحته

[dr.loly]

السلام عليكم ورحمة الله وبركاته

[dr.loly]

ام ورد ربي يقومك بالسلامة ان شاء الله عزيزتي..

ومعليش ع السؤاال ع جنس البيبي ,, وربي يرزقك كيف ماتتمني واكثر .. وان شاء الله يكونوا احلى توأم

بطبعي مانحبش نسأل ف الحياه الواقعيه الا اذا المراه حكت بروحها

ما عدا صديقتين مقربتين ,,

[dr.loly]

السلام عليكم كيف حالكم ليكم وحشة كلكم
اني باهية الحمد لله االايام هادي تعبانه شوية وجوي متعكر معاش عندي نية للهدرزة
واليوم كلمت اهلي قالولي جدي توفى وجعني نين خلاص مسكين مرض شوية بردة ماعطلش

عظم الله أجرك عزيزتي ,, واسكنه الله فسيح جناته

وحاولي تغيري جوك اشوي ,, وضع الكآبه اذا خش كان ماتغلبتيش عليه يزيد

خودي فترة نقاااهة ,, من كل شئ يمكن نفسك ترتاح شوي

اهي قربت عطلة الكرسمس بالك تسافرو تغيروا جووو
حتي كان مش عشانك عشان سومااا فكري فيها اكيد نفسيتها تتأثر بيك

[dr.loly]

الســـــــــــــــــــــــــــــــــلام عليكم ورحمة الله وبركاته

أهلا بالغاليات الليبيات المستوطنات والمغتربات

بارك الله في كل من نشدت وسألت علي ضي الحوش ومناره
أمــــــــــــــــــــــي الحبيبـــــــــــــــــــــــــــــة

والله طلبوا عليها منظار وقصــــــــــــــــــــــــــة
وهي في السن لاباس بيها ،،،، فقررنا سفرها لتونـــــــــــــــــــس أفضل
** مش انعدام ثقة ولكن الواقع يجبرك ،،،

اتصل أخي بالممرضة المكلفة بتجهيز المريض للمنظار
لتصف له كمية الدواء المسهل التي يجب أن تأخذها الوالدة قبيل المنظار
قالتله وبكل ثقة ::::
تخيلوا قداش حبـــــــــــــــــــــــــــــــة في اليوم ؟؟؟




16 حبة مسهل في اليوم لإمرأة تجاوزت السبعين بسنواااااااااااااااااااااااات !!!!!!!!!!!

وعندما اطلع عليهم دكتور آخر قالله : هذه الحبوب أربعة كااااااااااااااااااافية جدا مش 16!!!!!!!!!!!!!
قاللها خوي مالينا بعد الله إلا بتونس ~~~
وربي يسهل وخلاص


عندكم بنزين بنااااااااااااااااااااااااااااااااااات ؟؟؟؟

وعليكم السلام ورحمة الله وبركاته

لاحول ولاقوة الا بالله اي 16 حبة حرااام عليهم ,,؟؟

بس مع ذلك نقووول يمكن الحبه جرعتها مخففه بالجرام..
ويمكن الممرضه اخطأت ربي يهون الحال وخلاص بلادنا راحت بكـــل ...

وان شاء الله ربي يشفيهاااا ..


تونس بقت ملاذ للعلاج لاغلب بل معظم الليبين عايشين ع فلوسنا ع قولة صاحبتي خخخخ



بس وينك اختفيتي اختي اثري ...؟؟

وشن جو المدرسه وسنافرك الحلوين ..؟؟


وحشتنا هداريزك

[dr.loly]

اوشي صحة غداااك
نا اول امس درت عصبان ,, وحست حوسه هههههههه


لان نحشي بالقلفز والمصارين فتحتهن مش كبيره تعبني اخر مصرااان سلحت وحشيت بصبعي

خصيصا الاء تزحف وتجي تبكي لكرعيا قطعتلي قلبي

[سوسهs]

يعطيكم الف عافيا سيدات ليبيا

بما ان تجمعكم تعدات ال 400 صفحه والردوود قريب توصل ال التسعه الف رد

اعذروني راح نغلق هل التجمع

وبامكانكم فتح تجمع لكم من جديد

والله يجمعكم لما يحبه ويرضى وعلى خير ان شاء الله

واتمنى لكم التوفيق في حياتكم

___