حبيباتى سيدات ليبيا تفضلو لأعرف ما حالكم

[اوشي]

كيف حالكن خواتي الطيبات يا احلى صحبة

[اوشي]

جنودة باهي اللي طمنتينا علي امولة ...

العاقبة عندك ياحبيبة تفرحينا بخبر بحملك في القريب العاجل

[اوشي]

أمـــــــــــووووووووووووولـــــــــــهـ


مبروك عليك البنوتة والحمد لله علي سلامتكم ... ربي يجعلها من قسمك ونصيبك

ويفرحك بيها في اخلاقها ودينها وجعلها من حملة كتابه الكريم

[اوشي]

شمـــــــــوووووووســـــة

ربي يسهل امورك وتمشي وتجي بالسلامة

في حفظ الرحمن يالغلا

[اوشي]

فـــــــــروووووووووســــتي

ربي يزيدك من نعيمه.. صاحبة ذوق وراعية واجب ربي يحفظك يالحلوة

[اوشي]

اوشي حبيبتي شن اخبارك واخبار الصغار صحيتي ياغالية علي الرقية وطريقة العسل والحرير قلت عليهم لمرت خالي لكن هيا مسكينة مشكلتها مش في النزيف بس لكن الحمل ضعيف قالتلها الدكتورة الكيس صغير هلبة ومشنشف شوية شاكه انه تشوه لاسمح الله وقالتلها استني عشرة ايام ووليلي كان الوضع زي ماهوا منديرلك تنظيف وربي يعوض عليك
شموسة

الله يسلمك ياحبيبة نحنا بخير ونعمة ولله الحمد ..

انت شن اخبارك واخبار سوما ربي يحفظها لك ... احسن شي درتيه انك بدخليها روضة والفكرة حلوة انك تقعدي معاها

مراة خلك ياناري اكيد عايشة في رعب ... ربي يجعله من قسمها ونصيبها ويكون سليم ومعافي

تعرفي خليها شهر كل يوم تاخذ كوب حلبة مع اميتها تكبر الجنين ويبان

صار مع اختي اللي زمان حكيتلكم عليها طولت وما ضنت .. قالو الها كيس بس والجنين كان هو فيه ضعيف جدا وماشفناش اي نبض

خذت الحلبة بعد شهر ردت عالدكتورة قالت الها اهو بان الجنين وجابت اوليد وسماته محمد

بس ملحوظة فيه اللي لما تاخذ الحلبة تسبب الها لية ويمكن تنزل الجنين

لو الرحم امسكر وماصارش لية خليها تاخذها وبحذر لاني مانبيش يصير معاها شي

بس انا حكيت لك التجربة ... ومعروف من زمان ان الحلبة تكبر الجنين في بطن امه

ربي يفرحه بيه ان شاء الله

[اوشي]

أثــــــــــري ::

وينك يالحلوة وشن اخبارك والاولاد وبوهم

[اوشي]

همــــــــــــوووووســــــة


وينك يا وحشة من زمان ماخشيتي للتججمع شن اخبارك واخبار درنة

وانستينا ونورتي التجمع من جديد بس راك تغطسي مرة اخرى

[اوشي]

جيجي شن درتي توة انت والحلوة جمان وشخبار ريناد معاها

[اوشي]

اوشي شكرآ ع الغناوة الجميله لي ترفع المعناويات وسلم ماما خخخخخ


بس هذه طريقتي المفضله والخاااصه من خالتي يراءة الاختراااع زمان ع فكره هههه

بس متأكده بالطعم مش نفسها


ومتاع الكوشه نعرفها طريقه بس انفضل هذه





وانفضل كذلك الطريقه المشويه دايركتلي ع شواية الكهربيه


عموما نورتي موضوعي وكل وصفاااتي حبيبتي
h,


سلمك ياقلبي ..

وتستاهلي الغناوة واحلى من هاغناوة

واكيد وواثقة ان اي شي من تحت يديك رووووووووووعة وابداع

واكيد هانجرب طريقتك

[dr.loly]

مرحبا باوشي
شخبار السنااافر وجبلنا الاشم


الطريقه را نكهتها مميزه خصيصا بالهريسه العربيه مع زبادي وبصل وثوم تنكه ف الدجاااج



طبعا ف ناس يضفيو ف بادنجال وبصل

بس نحبه بقلفل حلو وبطاطا مع دجاج بس

[dr.loly]

,وماتنسيش التفحيم طبعا تعطي نكهة رهيبه التفحيمه

[أم أجنادين 80]

بنات بنستشيركم

في موضوع

الولاية اللي قاعدين فيها غالية حاليا مأجرين استيديو

ب1200 دولار من غير نت ولا كهرباء ولا مياه

واحني جبنا معنا فوق 10 الآلاف وكل اثاثي بعناه بالكامل

وجديد وكويس كله حاجة كويسة

ورواتبنا في ليبيا يخصموا منهم

والمنحة هنايا يادوب مع الإيجار والغلاء

وزوجي من النوعية اللي مايعرفش يقتصد يعني مثلا

انا كم مرة بنجي لامريكا مايحبش يبخل علي نفسه

بس انا نفكر في المستقبل لما بنروحوا نبي أثاث جديد

وصيانه وطبعا عزومة كبيرة وحوشي صغير مرات نضطر لصالة

المهم الوضع مش عاجيني نبي نحوشوا ونروحوا بمبلغ لو حتي بسيط

وتوا حكيتوا عالهدايا تبي ميزانية خاصة

بجد نفكر ننتقلوا لولاية ثانية إيجارها والمعيشة فيها رخيصة

وبما ان الجامعات كلها كويسة مقارنة بجامعات ليبيا

حتي لو كانت الجامعات في ولايات بعيدة او رخيصة فليش

نقعدوا في الولاية هذه

قصدي في ليبيا مش راح يعاملوني معاملة خاصة لو قريت في جامعة قوية

يعني مافيش فرق بيني وبين غيري نفس المرتب ونفس كل شي

وفعلا هدا اللي يصير يعني هلبة عندهم أفاد للدراسة

سواء كلية او معهد باكالوريوس او دبلوم

مفيش فرق

والله احترت نبي نقرا ونروح بماجستير وشوية فلوس ههههه

أكيد تقولوا تفكير ام اجنادين زي الليبين تفكير سطحي

بس تعرفوا الولاية غالية ولحد الان صرفنا هلبة وزياده الناس في ليبيا

يسألوا في زوجي كم المنحه متاعكم بالتفصيل هههههه

والناس مش راح ترحمني لما نروح عزومة ضروري منها رغم

ان راح تكون عندي أوليات زي الأثاث والصيانة والسيارة لأننا بعناها

ومفيش من يقدر وزوجي مع أهله مش مقصر

وزيادة يابنات تقريبا الزرع هنايا مش تبع التامين ينحط في بالي مرات بندفعوا من حسابنا

شن تنصحوني

[أم أجنادين 80]

هلا اوشي حبيبتي

ان شاء الله دعواتكم ليا بنات

نفكر في كلمة خوي اللي اصغر مني علي طول قالي ماتروحيش الا بينتك او ولدك في أيدك

[أم أجنادين 80]

مشيت لدكتورة راح نحكيلكم بعد الكلاس

[هدية الخالق]

مساء الخيرات شن اخباركم
فروسة سلمك يارب صار فروسي اللي يشاغب حاليا ولولي بسم الله ماشاء الله ربي يحفظها شكلها هويديه هههههههه مقارنة ببنتي طبعا
والهدايا ماشااء الله مكثرة ربي يبارك فيك لكن والله نحس فيه هلبة بالنسبة ليا وخصوصا زي ماقالت جنودة عندي اولويات لما منروح حتى اني حوشي مش مأثث كله لانه قعدنا فيه اسبوعين بس وجينا طول فلما نروح نبي نأثثه كله ان شاء الله اني الحمد لله عيلة زوجي مش هلبة عندي سلفة وحدة وحماواتي وحدة اهني هادي برا الحسبة ههههههه واثنين يقروا في الجامعة ووحدة صغيرة في الٱعدادي وعمامه حتى هما مش هلبة اثنين بس وعمة وحدة لكن اني عيلتي هللللبة ماشاء الله ربي يحفظهم وخوالي هلبة حتى هما ومتعلقين بيهم ضروري تحسبيهم كلهم بنساوينهم وصعارهم يستر الله ربي يسهل والمشكلة الغلاء الحاجة الباهية اكيد غالية وماتقدريش تآخدي حاجة نص نص
تعرفي اهني عندنا محل اسمها دولار ستور يعني الحاجات اللي فيهم من الدولار للعشرة فقط وحدة جارتي ليبية قالت عويلتنا هلبة سلامتهم منآخدلهم من السوق هدا وخلاص ههههههههه
اوشي حبيبتي الله يبارك فيك ديما تفيدي فينا بنصايحك وخبرتك ربي يحفظك لعويلتك والوصفه ان شاء الله تو نقوللها تجربها بحذر لاني حتى اني زيك خايفة تسقط من وراها والا حاجة
جنودة ياغالية ربي يسهل اموركم انتي مازال كيف قلتي بسم الله وحاليا اكيد مازلتوا مش مروحين مازال ماتخمميش في الهدايا من تو عندك في التخفيضات استغلي ومرة مرة خودي حاجة لكن في الوقت العادي ماتضغطيش على روحك مازال
وفكري في الاساسيات اولا زي الدراسة وعملية الزرع وبعديييييين خممي في الهدايا والناس والله الناس على قد ماتحاولي ترضيهم مش حيرضيهم شي فلهذا ديري الحاجات الاوليات اللي في مصلحتكم بعد تكملي قرايتك وتتسهل كل امورك ان شاء الله خودي ومش لازم كل واحد هدية معتبرة اهم شي احسبي اهلك بحاجة باهية واهله امه وبوه بالذات والباقي هدايا رمزية تدل انك حسبتيهم ومانسيتهمش وخلاص الواحد قداش منا فلوسه مش بيحسب كل من هب ودب بحاجة راقية وغالية
وياناري انتم غالي هلبة السكن بالك واخدين حوش كبير تو احني صح المدينة اللي قاعدين فيها غالية هلبة لانها مدينة سياحية وجوها معتدل مقارنة بالباقي لكن السكن على حسب الكبر مثلا احني نسكنوا في الجامعة سكن داخلي وشقتنا دار وصالة ومطبه وحمام و800دولار لكن في الاحياش الارضية والشقق الكبيرة غاااالية اكثر من اللازم
والله المنحة قديش منها السكن والنت وفواتير التليفونات ومصاريف القراية والمصروف العادي ووووووووو....
بالذات العيل يبي ميزانية بروحه حليب الصغار اهني االعلبة ب25 ومرات 28دولار والبامبرز الباكو ب40دولار مش عارفة كيف اللي عنده هلبة صغار ربي يسهل وخلاص
الخلاصة ماتفكري في شي حاليا غير مصلحتك وبعدين فكري في الناس لان الناس ديما عندهم انه اللي مسافر كأنه ماشي شهر عسل وكأنه قاعد علي بنك !!!!!

[هدية الخالق]

https://fbcdn-sphotos-c-a.akamaihd.net/hphotos-ak-ash3/1465146_557440001002329_1295042293_n.jpg

[هدية الخالق]

https://fbcdn-sphotos-e-a.akamaihd.net/hphotos-ak-prn2/p480x480/1463624_557438764335786_1130729289_n.jpg

[هدية الخالق]

https://fbcdn-sphotos-g-a.akamaihd.net/hphotos-ak-frc3/p480x480/1472912_557433547669641_769864156_n.jpg

[هدية الخالق]

https://scontent-a.xx.fbcdn.net/hphotos-frc3/p480x480/1473019_557433287669667_242806157_n.jpg

[هدية الخالق]

https://scontent-b.xx.fbcdn.net/hphotos-prn2/p480x480/1454826_557424291003900_1109245399_n.jpg

[هدية الخالق]

https://fbcdn-sphotos-a-a.akamaihd.net/hphotos-ak-ash3/1441400_557422354337427_201923763_n.jpg

[هدية الخالق]

https://scontent-a.xx.fbcdn.net/hphotos-prn2/p480x480/1459922_557420784337584_785532454_n.jpg

[هدية الخالق]

https://fbcdn-sphotos-e-a.akamaihd.net/hphotos-ak-prn2/p480x480/1453490_555790341167295_1583655310_n.jpg

[هدية الخالق]

https://scontent-b.xx.fbcdn.net/hphotos-frc3/p480x480/1460222_554445571301772_1605342211_n.jpg

[هدية الخالق]

https://fbcdn-sphotos-e-a.akamaihd.net/hphotos-ak-ash3/p480x480/1456029_554443277968668_1622649975_n.jpg

[أم أجنادين 80]

احني في استيديواااا يعني المطبخ ميني بار علي دار المعيشه بس
وتواليت وغرفة للملابس والغسالة

ومازلنا مش مستقرين حتي لروحي ماخديت شي كل مانبي ناخد
نفكر لو تحولنا لولاية ثانية او حوش ثاني كيف بندير
واحني جبنا شنطتين مافيش وين نحط إبرة فيهم ههههه
كله ملابس
بس الاثات ومعدات المطبخ كلهم شريناهم من هنايا
يعني حتي لو تحولنا ممكن نبيعهم
والهدايا بصراحة ممكن لحوش عمي وحوش اهلي
وعندي خالاتي زي خواتي ويحسبوا فيا في كل شي
في الصغيرة والكبيرة خصوصا وحدة من خالاتي هداياها
ديمة حاجة مميزة وغالية او فلوس
ويتصلوا بيا وينصحوا ويخافوا عليا انا عارفة انهم مايبوا شي
بس لو بنرفع وبن هدي نفكر نحسبهم
باهي بنحسي خالاتي وخالات زوجي مانحسبهم
هكي راح تكبر دائرة الحسبة
نخيلها اهلي واهله

[أم أجنادين 80]

علي قولتك هدية مش ماشية شهل عسل او ماشية للحج
رغم ان في من مشي للحج من أقارب زوجي وماحسبوني
بالنسبه ليا عادي جدا
بس لما انتي تجئ تحسبي من يحسب فيك بس يقولوا كيف
وخصوصا في ناس ديمة تلقح في الدوة ويحبوا غير يلوموا
رغم أني نسمع ومانرد ولانعلق وتبدأ واضحة الدوة عليا بس زي العبيطة مانفهمها الا بعدين
نقول ربي يحبني حتي مانكون زيهم وننزل لها المستوي
وفي من يدخل يقولوا ليش ما دارت لمة لما كانت عروسة هدا شي يخصني ندير لمة او كان يرش
كل واحد يساير في ظروفه فهدا ليش يابنات قلت مش راح يرحموني لما نروح ومانديرش لمة
رغم أني قاطعة العلاقات باقارب زوجي الدرجة الثانية
وزيادة يقولوا خيرها جوها صاحباتها مش شي يكسر الرقبة
مش ضروري نمشي لكل اقترب زوجي عماته وخالاته ساديني
عارفة انهم يقولوا معقدة ومش اجتماعية
بس مش مدورة
الحمد لله عماته وخالاته في الصغيرة والكبيرة نمشي ونعول زيادة
وعندي عماتي وعمامي هلبة حتي هما
تحسي بان أهل الزوج يديروا في الفرق
رغم ان واجبي وصلة رحمي عماتي مش عماته
صح هكي ياثري

[هدية الخالق]

https://scontent-a.xx.fbcdn.net/hphotos-ash3/1460138_554035674676095_2066256890_n.jpg

[هدية الخالق]

والله حتي أني يا جنوده نفكر في مشكله توسيع الدائرة قصدي كان بتطلعي من دائرة أهلك واهله في الهدايا معاش تحز بتحسبي حتي المعارف الأبعاد حالة وخلاص

[هدية الخالق]

https://scontent-b.xx.fbcdn.net/hphotos-prn2/p480x480/1461054_554034314676231_1158996481_n.jpg

[هدية الخالق]

https://fbcdn-sphotos-e-a.akamaihd.net/hphotos-ak-frc3/p480x480/1472047_554017631344566_549269545_n.jpg

[جوهرة ليبيا]

مساء الورد حبيباتي

الف الف شكر ليكم كلكم

انا وبنوتاتي بخير

ونبشركم طاحت توه سرتها الاموره


اليوم الاجواء حلوه عندي عويلتي كلهم والصغار

ربي لايحرمني منهم

وكل مغتربه ترجع بالف خير

ام فراس مشكوره عالنصائح انتي وهدو وجنوده واوشي ربي يحفظكم


جنوده ربي يكتبلك الحمل عاجل غير اجل

[هدية الخالق]

صباح الخير
بنات باركولي إني رجعت عضوة مميزة هههههه
والله أريح ااااااه حمل. انزاح من عليا ممكن تقولي تبالغ والله الا صعب الإشراف يبي ضروري تكوني متواجدة بشكل شبه يومي وتردي على كل الإستفسارات ونزلي مواضيع جديدة واحدفي وانقلي لالالالا خليني هكي اخفيفة وعلى راحتي احسن امتى مانحب نخش ونطلع ونغيب على راحتي بدون تخميم في حاجة وراي hwaml02

[هدية الخالق]

الساعه 11ونص نعساااانة وسما قاعدة في قمة نشاطها كيف ندير hwaml4

[هدية الخالق]

سوما بدت تقول بابا شوي شوي مشي قلت لبوها خلاص مادام قالت بابا معناها انت بتسهر معاها خخخخخخ
كان تقولي ماما ماعنديش مشكلة نسهر اني
قاللي ماهو عارفتها ماتقولهاش توا

[هدية الخالق]

اثري ياغالية سامحيني لقيتك قداش مرة سائلتني عالضيوف شن صار فيهم والمشكلة اني ميت علامة استفهام على راسي قلت اما ضيوف تحكي عليهم اثري نسيت بكل اندهبت شيرتي حشاك
عالعموم كان قصدك على امي وخالي احتمال مايصيرلهمش لانه امي عندها اختي بتجيب قريب واختي الثانية عرسها قريب وخالي مرته اللي حكيتلكم عليها حامل وتعبانة اليومين هدين فاحتمال كبير مش حيجوا الله غالب معليشي اهي هانت قريب نروحوا احني وخلاص

[dr.loly]

صباااحووووووووووو

[dr.loly]

ههههه هدووو نفس الجو امس السيد فراس نشط نشطة بعد 12 والله يلعب ف صلبه ونا ننعس ونطيح وانوووض


وبعد رقد واخيرآآآ




اتنوض السيده لولي دارتها فيا ليله آآآآآآآآه ياربي لدرجة قريب فقدت اعصابي خخخخ

[dr.loly]

جنوده حتى نحن مش جايبين للاقارب الدرجه الثانيه وهك


بس اهل زوجي ماشاء الله واجدين يعني شوفي 6 رجاله متزوجين بعيالهم وصبايهم كلهم هدااايا



و3 عزابا وبنت مش متزوجه وعمي وعمتي هوما ف الحوووش


وبنتين متزوجات وبعيالهن

والكبيره بناتها كبار وعنده وحده متزوحه


وزوجي بيهدي ع اصدقائه لي يحسبوا فيه




ام عائلتي هلي وخوتي بس
بالاضافه لخالتي العروس ذبعا مثل اختي هي بحكم اني متربيه مع اجدودي هل ماما


وخالتي الكبيره وكنتها الوحيده وبنوتاتها الزغيرونات هذوما ف مصراته

والحق خالتي هطه نفس ماما وديما حاسبتني ف كل عمرة للسعوديه


وبعد جبت هي وكنتها جابولي اجمل هدايا هب وغيره


وخلاص عندي معاها خال وحيد وعنده مراته وبنتين وولد كبير
وهو ديما يهديلي ف هدايا حلوة مع ان مراته ف فرحي جابتلي ذقم مناشف خخخخ

بس ع عيون خالي بنهديله حاجة وسط بس خالي وبنياته هدايا حلووووة


وباقي اخوالي الله يرحمهم ويغفرلهم خالي الكبير ياما جابلي من بريذانيا وايطاليا والتشيك و المانيا

[dr.loly]

بس هي الهديه بقيمتها ان الشخص اذكرك وجابلك حاجه بسيطه لها قيمة معنةيه حلوه

في صديقات 2 بنحسبهم ف هدايا وممرضتي الخاصه لي تمسك معايا ف العياده بنحسبها

بس مثلا ساعه هكي وشوكولاته بريطانيه ..







وع فكرة ياجنوده حتى نا معاك انتي مش مجبورة تواصلي الاقارب درجة 2 اهم شئ اهل زوجك مثلا كان صارت مناسبه ما
لخواله او اعمامه بسسس.. ها ما دايره نا


بصراحه هل زوجي واجد كان بنمشي للكل معش تكمل خصيصا اني نخدم وعيال وزوجي اسبوعين بعيد علياط


يعني بعد ايجي اسبوعين يادوب نقضوا مشاورينا وهكي




وبعدين عندي صديقات الحمدلله حتي ف اجدابيا تعرفت ف الي تعرفيها بروحك مثلآ وتعجبك شخصيتها وتنسجمي معاها وادير عليك ذريق وتواصلوا افضل من اقارب البعاد مثلآ

[dr.loly]

مساء الورد حبيباتي

الف الف شكر ليكم كلكم

انا وبنوتاتي بخير

ونبشركم طاحت توه سرتها الاموره


اليوم الاجواء حلوه عندي عويلتي كلهم والصغار

ربي لايحرمني منهم

وكل مغتربه ترجع بالف خير

ام فراس مشكوره عالنصائح انتي وهدو وجنوده واوشي ربي يحفظكم


جنوده ربي يكتبلك الحمل عاجل غير اجل



ماشاء الله ربي يدوم الاجواء الحلوة ويحفظلك عيلتك كلهااا

وبه الحمدلله لي ذاحت سرتها الامووره تحسي براحه نفسيه هكي صح

وان شاء الله عمليتك حالها باهي وافضل من قبل

[dr.loly]

بنات بنستشيركم

في موضوع

الولاية اللي قاعدين فيها غالية حاليا مأجرين استيديو

ب1200 دولار من غير نت ولا كهرباء ولا مياه

واحني جبنا معنا فوق 10 الآلاف وكل اثاثي بعناه بالكامل

وجديد وكويس كله حاجة كويسة

ورواتبنا في ليبيا يخصموا منهم

والمنحة هنايا يادوب مع الإيجار والغلاء

وزوجي من النوعية اللي مايعرفش يقتصد يعني مثلا

انا كم مرة بنجي لامريكا مايحبش يبخل علي نفسه

بس انا نفكر في المستقبل لما بنروحوا نبي أثاث جديد

وصيانه وطبعا عزومة كبيرة وحوشي صغير مرات نضطر لصالة

المهم الوضع مش عاجيني نبي نحوشوا ونروحوا بمبلغ لو حتي بسيط

وتوا حكيتوا عالهدايا تبي ميزانية خاصة

بجد نفكر ننتقلوا لولاية ثانية إيجارها والمعيشة فيها رخيصة

وبما ان الجامعات كلها كويسة مقارنة بجامعات ليبيا

حتي لو كانت الجامعات في ولايات بعيدة او رخيصة فليش

نقعدوا في الولاية هذه

قصدي في ليبيا مش راح يعاملوني معاملة خاصة لو قريت في جامعة قوية

يعني مافيش فرق بيني وبين غيري نفس المرتب ونفس كل شي

وفعلا هدا اللي يصير يعني هلبة عندهم أفاد للدراسة

سواء كلية او معهد باكالوريوس او دبلوم

مفيش فرق

والله احترت نبي نقرا ونروح بماجستير وشوية فلوس ههههه

أكيد تقولوا تفكير ام اجنادين زي الليبين تفكير سطحي

بس تعرفوا الولاية غالية ولحد الان صرفنا هلبة وزياده الناس في ليبيا

يسألوا في زوجي كم المنحه متاعكم بالتفصيل هههههه

والناس مش راح ترحمني لما نروح عزومة ضروري منها رغم

ان راح تكون عندي أوليات زي الأثاث والصيانة والسيارة لأننا بعناها

ومفيش من يقدر وزوجي مع أهله مش مقصر

وزيادة يابنات تقريبا الزرع هنايا مش تبع التامين ينحط في بالي مرات بندفعوا من حسابنا

شن تنصحوني


اول نصيحه ياجنوده .. لو كان تقدروا تنقلوا لولايه اسعارها اقل مثلآ ف الدراسه والمعيشه
فننصحكم بقووووة.. وهي ع قولتك اهم شئ تروحي بماجستير من امريكا لا ح يقولو من جامعه كذا او كذا

اهم شئ ماجستير من امريكا..




ثاني شئ بالنسبه للتوفير عندك حق ف كلامك خصيصا عندك اشياء بتديروها بعد تروحوا


بس ضحكت ع كلام زوجك سبحان الله نفس جملة زوجي بالضبط مرة قالها ليا كم مرة بنجوا لبريطانيا

مع العلم ان زوجي لي في جيبه مش له زي مايقولوا وصباااي مع هله لابعد الحدود
والحمدلله نا نعده بار لوالديه .. وربي ح يرزقنا اكثر ..




ورا يا جنوده كان بتفكري ف توفير ولي انصرف واجد ح تتعبي نصيحه من مجربه

خصيصا ان احنا الباوند اي الاسترليني يساوي 2 ونصف ليبي

يعني لو كنا وفرنا من اول ماجينا وقفصنا خخخ والله بلا مبالغه را عندنا قريب 40 الف ليبي توا


الموضوع نصيحه شيليه من راسك حاليا لان ياجنوده لو تخلطت عليك المواضيع ح تتعب نفسيتك بالاخر

مثلا انتي قرايه توا وضغط نفسي اكيد وتفكري ف موضوع الزرع .. وتفكري ف توفير
وممكن مواضيع غيرها ح تتعب نفسيه حراام





خلاص بعد حولت موضوع التوفير من راسي تريحت اشوي ومعش قعدت نقارن ف روحنا باللي جاين معانا قعدو يدزو حتي ف فلوس لحسباتهم وهك


فيه لي سيب حتي من المبلغ لي مداته الشركه لهم ف ايديهم تقريبا خلو فوق من نصه يعني 20 الف ليبي وخاطي التوفير لي هنا





بس نحن والله ماقعد منا جنيه بس الحق ماعدش ف حاجات فاضيه كله صرف ع الاكل والمستلزمات والحاجات الكويسه والعزايم


خصيصا رمضان كنا كل يوم عزومه .. والحمل جا ع زوجي اكثر من جارنا ف الجيب المصروف بحكم ان الطبخ ف بيتنا و زوجي مستحيل يعدي ويتحساب وهك




واهو ماشيه والحمدلله


ربي ح يرزقكم اكيد ووفروا مثلآ مايجيبلكم حق سياره اهم شئ لانها ضروريه اهم ماتروحوا

واكيد ح تقدروا تديروا عزومتكم..



واهم شئ موضوع الزرع .. وميزانيته..


في امريكا ع فكرة تقدري تختاري حتي نوع الجنين وناجح جدآ ع الفكرة
وحسب ماقريت عليها مش حرام..

هم يسألو لو ماكنش عندك صغار قبل . وقالو الشعب الامريكي والبريطاني يرجحوا ف جنس البنت اكثر ..




عمومآ ربي يوفقكم ويسهلكم اموركم


ونستنوا فيك ع احر من الجمر عشان تحكيلنا الموضوع لي قلتي عليه

وعشان نعرفوا شن قالتلك الدكتوره..

[أم أجنادين 80]

صباح الخيرات
لي عودة للتعليق
شكرًا ام فراس وهدية علي النصيحة
وراح ناخد بتصائحكم
توا ساعه 6 بنوض أندير فطورنا

راح نرجع ونرد عليكم
وتحكي لكم علي الدكتورة علي فكرة مش علي خاطر الحمل
وراح نحكيلكم علي التقرير التيتشر متاعي عليا
شن كاتب فيه عليا
سلامات

[جوهرة ليبيا]

السلام عليكم ورحمه الله وبركاته

ام فراس مشكوره حبيبتي عمليتي الحمد لله بس قاعده انداوي فيها اتصدقي ؟؟؟؟!!!!

المفروض من السبت نحيت اللصقه وخلاص بس شن بندير نصيبي عاينت عند دكتورتين اللي اتشوفها اتقولي خيرها هكي مدايرتها

عندي فضول نشوفها كيف والله حاله وخلاص الحمد لله علي كل حال

عمليتي الاولي لحام تجميلي والله متبان ابدا الا لو مسيتها انحس بمكانها وين بالزبط

الحمد لله وخلاص هذا نصيبي

علي فكره اثري ماجبتش في السرور ماحصلتش عندهم جبت في مصحه الفتح كان تزبطيها طريق الشط وماننصح بيها حد وللاسف

[أم أجنادين 80]

والله حتي أني يا جنوده نفكر في مشكله توسيع الدائرة قصدي كان بتطلعي من دائرة أهلك واهله في الهدايا معاش تحز بتحسبي حتي المعارف الأبعاد حالة وخلاص

هيا هذه المشكلة هدية لو بتوسعي معادش بتكملي
والشخص بديهي اول مابيفكر في احبابه والناس اللي يحسبوا فيه
زي الخالات والاصدقاء

طبيعي أتحسي انك لازم تحسبي هم
مثلا انا بنت خالت زوجي حاسبتها في عيد ميلادها لانها كنا تعرفوا بعض قبل زواجي
وحسبتها لما مشيت لتونس وحافظة تاريخ ميلادها
بس هيا وللمرة حسبتني
وفي الأخير قالت عليا دوة
انا حتي معاملتي زي ماهيا ولا حسستها أني سمعت شن قالت
بس نقول في نفسي ليش
ولما تحسبي شخص ومايحسبك بناخد موقف

[هدية الخالق]

السلام عليكم ورحمة الله وبركاته
مساء الخيرات
فروسة صار ليلتك ماتفرقش على ليلتي امبارح مش قلتلكم الساعه ١١ونص ونعسانة وسوما قاعدة ناشطة ؟
ايييييييه قعدت للساعه ١ونص وحتى الواحد ونص بالسيف طفينا عليها التلفزيون ورضعتها بيش رقدت تصوري مدمنة على رسوم التيليتابيز امبارح ساهرة عليهم واليوم ناضت عياطات من السبعه نين انخلعنا منها قريب قلبت الدنيا خديت قريت عليها شوية لانه خالي امس قاللي حطيت صورتها عالفيس بوك وكلهم علقوا عليها راجلي قاللي معاش تحطوا صورها للي يجي الناس في اللي عينه حارة وفي اللي مايسميش ولايذكر في الله وبعد ماقريت عليها ورقدت مجرد حطيتها ناضت طول مرة ثانية مشي فتحتلها التيليتابيز وعطيتها بسكويت في ايدها وحطيتلها العاب والله منسجمة وجوها مليح ماشاء الله ولاكأنه اللي قلبت علينا قبل ساعه
لما راجلي ناض وشافها قاللي ابتداءا من العشرة في الليل مع تعبا عالتفريج يسهر فيها وتنوض تعيط علشانه هههههههههه
قتله طالعه لامهاوالله اني مدمنةتفريج من زمان لما بنت كانوا يقولولي لما تتزوجي تو تبطليه والله كان مازدت هههههه شكله من الكساد والفضوة كان في ليبيا ماحصل فرصة

[جوهرة ليبيا]

آآآه ايام الراحه الليليه تمت الحلوه جمان سلاممتها ماتفرقش علي سوما العسل والولي القمر

ديما نايضه وتبي ترضع وتعيط بس الحمد لله هي قاعده صغيرره المشوار طويل وكله باجره ربي يحفظهم

جنوده احسبي اللي يحسبك وخلاص وربي يوفقكم ويحقق امنياتكم

[جوهرة ليبيا]

سوسو وينها ان شاء الله خير

اثري شن الاجواء عندك

ام نوزه مختفيه

اوشي وينك اليوم

شموووووووسه ربي يوفقك في سفرك ويسر اموركم وتمشوا وترجعوا بالف خير

[أم أجنادين 80]

بس هي الهديه بقيمتها ان الشخص اذكرك وجابلك حاجه بسيطه لها قيمة معنةيه حلوه

في صديقات 2 بنحسبهم ف هدايا وممرضتي الخاصه لي تمسك معايا ف العياده بنحسبها

بس مثلا ساعه هكي وشوكولاته بريطانيه ..







وع فكرة ياجنوده حتى نا معاك انتي مش مجبورة تواصلي الاقارب درجة 2 اهم شئ اهل زوجك مثلا كان صارت مناسبه ما
لخواله او اعمامه بسسس.. ها ما دايره نا


بصراحه هل زوجي واجد كان بنمشي للكل معش تكمل خصيصا اني نخدم وعيال وزوجي اسبوعين بعيد علياط


يعني بعد ايجي اسبوعين يادوب نقضوا مشاورينا وهكي




وبعدين عندي صديقات الحمدلله حتي ف اجدابيا تعرفت ف الي تعرفيها بروحك مثلآ وتعجبك شخصيتها وتنسجمي معاها وادير عليك ذريق وتواصلوا افضل من اقارب البعاد مثلآ




فعلا الهدية حتي لو بسيطة تعبر ان في من مهتم بيك
بس مشكلتي لو بنهدي لخالاتي زوجي راح يقولي وخالاتي
وهكي بتكبر
بالله لما يجي الوقت ربي يستر
وأحسن شي اهله وأهلي شوية انا ماعنديش سلفة بس سلفي
خاطب بنت عمته فكرت نحسبها
وممكن حتي بعد مانروحوا ان شاء الله يكون عريهم
حتي انا زيك ام فراس الدرجة الأولي
بس نمشي لصاحباتي زوجي ماعنده مشكلة

[أم أجنادين 80]

اول نصيحه ياجنوده .. لو كان تقدروا تنقلوا لولايه اسعارها اقل مثلآ ف الدراسه والمعيشه
فننصحكم بقووووة.. وهي ع قولتك اهم شئ تروحي بماجستير من امريكا لا ح يقولو من جامعه كذا او كذا

اهم شئ ماجستير من امريكا..




ثاني شئ بالنسبه للتوفير عندك حق ف كلامك خصيصا عندك اشياء بتديروها بعد تروحوا


بس ضحكت ع كلام زوجك سبحان الله نفس جملة زوجي بالضبط مرة قالها ليا كم مرة بنجوا لبريطانيا

مع العلم ان زوجي لي في جيبه مش له زي مايقولوا وصباااي مع هله لابعد الحدود
والحمدلله نا نعده بار لوالديه .. وربي ح يرزقنا اكثر ..




ورا يا جنوده كان بتفكري ف توفير ولي انصرف واجد ح تتعبي نصيحه من مجربه

خصيصا ان احنا الباوند اي الاسترليني يساوي 2 ونصف ليبي

يعني لو كنا وفرنا من اول ماجينا وقفصنا خخخ والله بلا مبالغه را عندنا قريب 40 الف ليبي توا


الموضوع نصيحه شيليه من راسك حاليا لان ياجنوده لو تخلطت عليك المواضيع ح تتعب نفسيتك بالاخر

مثلا انتي قرايه توا وضغط نفسي اكيد وتفكري ف موضوع الزرع .. وتفكري ف توفير
وممكن مواضيع غيرها ح تتعب نفسيه حراام





خلاص بعد حولت موضوع التوفير من راسي تريحت اشوي ومعش قعدت نقارن ف روحنا باللي جاين معانا قعدو يدزو حتي ف فلوس لحسباتهم وهك


فيه لي سيب حتي من المبلغ لي مداته الشركه لهم ف ايديهم تقريبا خلو فوق من نصه يعني 20 الف ليبي وخاطي التوفير لي هنا





بس نحن والله ماقعد منا جنيه بس الحق ماعدش ف حاجات فاضيه كله صرف ع الاكل والمستلزمات والحاجات الكويسه والعزايم


خصيصا رمضان كنا كل يوم عزومه .. والحمل جا ع زوجي اكثر من جارنا ف الجيب المصروف بحكم ان الطبخ ف بيتنا و زوجي مستحيل يعدي ويتحساب وهك




واهو ماشيه والحمدلله


ربي ح يرزقكم اكيد ووفروا مثلآ مايجيبلكم حق سياره اهم شئ لانها ضروريه اهم ماتروحوا

واكيد ح تقدروا تديروا عزومتكم..



واهم شئ موضوع الزرع .. وميزانيته..


في امريكا ع فكرة تقدري تختاري حتي نوع الجنين وناجح جدآ ع الفكرة
وحسب ماقريت عليها مش حرام..

هم يسألو لو ماكنش عندك صغار قبل . وقالو الشعب الامريكي والبريطاني يرجحوا ف جنس البنت اكثر ..




عمومآ ربي يوفقكم ويسهلكم اموركم


ونستنوا فيك ع احر من الجمر عشان تحكيلنا الموضوع لي قلتي عليه

وعشان نعرفوا شن قالتلك الدكتوره..

ان شاء الله أكيد القبول راح يحكم فينا وانتي ادري فروسية

بس علي قولتك مش مهم اما جامعة مهم ماجستير

وفي الشك تروحوا بمبلغ زوجي ونعرفه

اللي خلاني نفكر عندنا مبلغ في ليبيا قال اخوه

خوده كمل بيه حوشك

رغم انه بعناه السيارة وما أعطانا كل المبلغ

ومش اول مرة يصير هدا نكونوا محتاجين ومايبخل

عندي رأي فيه الموضع بس نسكت وخلاص

[sosolibya]

السلام عليكم ورحمة الله وبركاته

[sosolibya]

كيف حالكم جميعا طبعا على قولة أثري عندي واجب من صفحة 800

كيف خالكم كلكم ليييييييييييكم وحشة

مانقوللكمش قبي بيتقطططططططططططططططططع بنفطم ريم..

[sosolibya]

كيف حالك جنووووووودة

[هدية الخالق]

شن الجوووووو
سوسو انتي اهني ياهرابة واني مادة وجهي ونستنى فيك غادي hwaml15

[هدية الخالق]

ليش سوسو حرام عليك ريومة قاعدة صغيرة خليها تسكر عامين بالزبط

[هدية الخالق]

جنودة معاش تشغلي بالك بالامور هادي كل شي في وقته حلو
وبالنسبة للاقتصاد انتم قاعدين في البداية تو شوي شوي وتلقيه يقتصد راجلك بروحه بلا قول

[هدية الخالق]

ااااااخ يابنات منجمد درجة الحرارة عندنا -3

[dr.loly]

آآآه ايام الراحه الليليه تمت الحلوه جمان سلاممتها ماتفرقش علي سوما العسل والولي القمر

ديما نايضه وتبي ترضع وتعيط بس الحمد لله هي قاعده صغيرره المشوار طويل وكله باجره ربي يحفظهم

جنوده احسبي اللي يحسبك وخلاص وربي يوفقكم ويحقق امنياتكم

ههههه ضحكتتيني ياجيجي ..
صار انضمت جمان ل لولي وسوما ههه

به نتونسوا مع بعضنا توا


بس نصيحه بجد حاولي تعطيها مرة مرة رضااااعه صناعيه..

قبل ماتربعن عشان تعود عليها ..

يبقي اعتمادها ع صدرك بس برضه اتعود عليها وتاخدها نفس ماكنت امدايره لفراس



وربي يحفظها ان شاء الله

[هدية الخالق]

والتدفئة والعه على اعلي حاجة لكن الحوش تقول فريز قبل منولع الدفايه امتاع الضي لكن سما ماتخليش فيها تجيها

[dr.loly]

نحن عندنا -2 درجة الحراره ثلج رسمي


بس الحق الحوش دافئ جدآ ولابسة برمودا وكات لدرجة خخخخخخ

بس عشان جتني الدورة .. دفيت كرعيا ولبست بيجاما كم كويل ..



عاجبتني التدفئة طريقتها بس قالي زوجي تخدم بالغاز موصله كله اي تعدلي نفس درجة الحراره للحوش كله

اي ماتجيش ف ليبيا

[اوشي]

السلام عليكم ورحمة الله وبركاته

[dr.loly]

جنودة كل مرة تخشي وتقولي توا نحكيلكم قصدي اتضيفي ف موضوع اخر هههه77امتي بتحكيهن كلهن تراكمن واجباتك خخخخ

امتي يجي الويك اند واحكي

[اوشي]

كيف حالكم جميعا وشن دايرين

[dr.loly]

هدية بالك فيها عطل تدفئتكم ..؟


قصدي لي تعدل ديجيتال وتخلي الحراره نفس ماتبي وبعدها اوتوماتيكي تأقلم وتزيد ع حسب بروده الجو بالخااارج


توا لقيتها 45 واصله ههههه

[dr.loly]

سوسو مرحبا وين كنتي غياااااااااب


اه ما اوعرها الفطمة جربتها ف فراس بس ياروحي كان 5 شهور مش فاطن فطمته عشان حملت بالاء


بس الاء يستر الله من فطمتها مستقلآ خخخخخخخ





لنقانه شعور شين بجد


ربي يكون ف عونك

[اوشي]

شن الجو حبايب قلبي

[dr.loly]

وعليكم السلام ورحمة الله وبركاته


يامرحبا بغزالة الجبل

[dr.loly]

أين أثـــري ....؟؟؟

[dr.loly]

تفضلن يبرق هههه ورق عنب


خاطري ف براك بس السلك متاعم مر ..

معش عرفت

زوجي جابلي ورق عنب جاهز وقالي كولي وتخيلي براك خخخ

بس طلع يهبل محشئ برز ومتبل بليمون وثوم ونعناع وحفوظ بزيت زيتون




وغدايا مقلووووبه فلسطينه


يعني جوووو شاميات

[dr.loly]

طبعآ ليا زمان مادرتها المقلوبه وفتحت باب المطبخ متاع الحديقة الخلفيه عشان بنة القلي كانك فاتحه مكيفه ع 16 وااااو

[dr.loly]

اوشي وين رحتي انتي وهدووو



والا شكلك تبرمي ع طنجرتك قصدي قسمك خخخ

[هدية الخالق]

لا والله فروسة التدفئة كانا ماتخدمش راه ولينا قوالب ثلج من بكري ههههه
والله اني مش عارفة خيرني مادفيتش بكل راجلي قواها عالاخر قاللي نين نحس في روحي سخنت واني قاعدة صقعانه ؟؟؟

[اوشي]

رحبك يا فروسة

كيفك ياعالية

[اوشي]

رحبك يا فروسة

كيفك ياعالية

[اوشي]

ياني جيت يافروسة

لا والله مابرمت عليها طنجرتي خخخخ

هظا ياحنة السيد المحترم بعلي يبيني انعبيله رصيد

والست روى تبي ترضع ....

حتى انفكر نفطمها عالسنة ونص هكي احسن لاني عصومي فطمته عالعامين

مانحكيلك توة عمره 5 سنوات ومازال متعلق بي ويداعك في اخته

وبالاضافة لتسكيرة الراس اللي عنده ... قالو من الرضاعة والتعلق بالام

[اوشي]

الفطمة واعرة لما تكون مرة وحدة لكن ضروري من تعويد الطفل علي

شيء اخر وتنقص الام من كمية الرضعات باليوم

انا درت هكي في عصومي خذيت شهرين وانا نمهد ليوم الفطمة النهائي

[dr.loly]

هدووو يانا عليا ع الاخر ومازلتي مسقعه نحن حاطينها اقل م نص حتى وحوش دافئ بكل كله ع بعضه

[dr.loly]

ومنك نستفيد اوشــي ... وحتي نا سمعتها واااجد تسكيرة الراس هذه
حتي ولد سلفتي نفس الشئ بشكل لايوصف عنيد..

والتعلق بالام وتسكير الراس والعناد عندي خويا الوسطي مجتمعه فيه كلهن خخخ

[dr.loly]

http://forum.hwaml.com/imgcache2/hwaml.com_1384984429_830.jpg

[dr.loly]

عصيدة ومثرودة اموووله

http://forum.hwaml.com/imgcache2/hwaml.com_1384984791_449.jpg


http://www.nawasreh.com/vb/imgcache/10718nawasreh.bmp

[dr.loly]

ع سيرة العصيدة قعدت محترفه ف بازين خخخخ

[اوشي]

فروسة سامحيني ياقلبي ..

النت ضعيف بكل ...


وشابطة في روى ... شكله خوك الوسطي مفطوم عالعامين

وشكلك خوتك 3 ربي يخليهم لك

[اوشي]

ماشاء الله ...

صار تميتي مبدعة في البازين ..

بكرة ندز علي جارتي انجيب منها لبن لبنها ايهبل وندير عصيدة في العشية بعد مانجي من المرسة

[اوشي]

فروسة عشاك خس وطماطم وزيتون

امالة امريجمة خيتك

[اوشي]

انا عشاي طباهج وشكشوكة بالقديد

وطلعت باقي سليقة وسخنتها وحتى انا حطيت ورق خس

وشرائح خيار وجزر وليمون واشوية امخلل

[جوهرة ليبيا]

حتي انا رنوده فطمتها عالعامين الا5 ايام ههههههه

العام اللي فات كنت زي هالوقت انرضع فيها

ام فراس نعطي فيها جمونه الشيشه بس الزلباحه لاااااا مابتش تاخدها

[جوهرة ليبيا]

رااااقده سلامتها طول النهار ياااارب ترقد حتي ساعتين انعدل بيهم راسي

[جوهرة ليبيا]

اثري احتمال غدوه انداوي عمليتي وبنخطم نذوق حاجات من بنات الفقي كلمتها

شن تقترحي عليا ناخد منهم



تصبحوا علي طاعه الرحمن

[أم أجنادين 80]

السلام عليكم

هدية الباين صقاعة أحرف مني رغم ان جو كاليفورنيا زي ليبيا بس نصقع

لو كنت عايشة في الثلج اكيد بنجمد

اوشي شن اخبارك تخدمي في مدرسة

اوشي شن هيا سليقة

وليش اللبن والعصيدة

انا درت العصيدة مرة والسفنز والفطيرة اكثر من 4 مرات

سوسو خيرك بديتي اطلي شوية وتطلعي وين هدرزتك وقصصك الحلوة

جيجي درتي اسبوعك او مزال

الله يابنات انا نحب ريحة حوش النافس يكون حلو واتحسي بالدفئ فيه ههههههه

[أم أجنادين 80]

امس التيتشر طلب منا نكتبوا باراقراف عن قصة حياتنا

ويخلي فينا نبدلوا في الاوراق ونصلحوا لبعض

انا كتبت صحتين وشوية طبعا مش تفاصيل خاصة بس تعتبر تفاصيل

قلتله انا كتبت تفاصيل خاصة ممكن تصلحها انت قال اوكي

وطبعا تفهم وقاللهم من مايبي حد يشوف ورقته سكتوا

بعدها تكلم سعودي قال ليش ام اجنادين انت بتصلحلها سبيشيال يعني

هههههه

بصراحة بكل في الكلاس يتكلموا عربي

علي العموم

امس خديت التقرير الشهري متاعي في السكول

وكان 93% التيتشر ان السبيكنج والريدنق والفوكابلري والقرامير كلهم يتجاوزوا المطلوب في هذا المستوي

والله فرحت

وكاتب اني نكتب كويس

بس كاتب ملاحظات عن بعض الاخطاء واني خجوووووووووووووووووووووووووولة جدا

رغم اني نشارك لاني لازم نثبت نفسي من خلال المحادثة

مشكلتي في البريك يابنات نقعد بروحي نقرا

وكل وحدة ياكورية ياصينية مع صاحباتها

مفيش ليبيات

حسيت ضروري نلقي مع من نتكلم مهم جدا نتكلم لان هذه اسرع طريقة للتعلم

..............................

من يومين مشيت للفاملي براكتس

عندي الم في فم المعدة من قبل الزواج بشوية عاينت في ليبيا

وكل واحد يقول شي

والفترة الاخيرة من شهرين بديت نحس كل مانكل في شي يحصل في رقبتي احيانا

مش ديمة

الدكتورة مااعطتني الا حبوب

واعطتني نصائح زي الاكل 6 مرات ههههههههههههه في اليوم

والاهتمام بالفواكه والخضروات

وقالت ان المعدة لما تكون فاضية الاحماض اللي فيها هيا ادير في الألم هذا

يعني معقولة هكي من غير تحاليل اتشخص

[جوهرة ليبيا]

السلام عليكم ورحمه الله وبركاته

ربي يوفقك في حياتك كلها جنوده

مازال مادرتش سبوعي احتمال الثلاتاء باذن الله

وغدوه بيذبح زوجي العقيقه لان يوم سبوعها مالحقش كنت مريضه فخليناها حسب السنه يوم 14

ان شاء الله ربي يسر الامور كلها

ويهدي البلاد والعباد

الحمد لله الامور كويسه حاليا في البلاد ولله الحمد

[اوشي]

السلام عليكم ورحمة الله وبركاته

[اوشي]

كيف حال الجميع بدون استثناء

وشن دايرين ان شاء الله اموركم طيبة

[اوشي]

السلام عليكم

هدية الباين صقاعة أحرف مني رغم ان جو كاليفورنيا زي ليبيا بس نصقع

لو كنت عايشة في الثلج اكيد بنجمد

اوشي شن اخبارك تخدمي في مدرسة

اوشي شن هيا سليقة

وليش اللبن والعصيدة

انا درت العصيدة مرة والسفنز والفطيرة اكثر من 4 مرات

سوسو خيرك بديتي اطلي شوية وتطلعي وين هدرزتك وقصصك الحلوة

جيجي درتي اسبوعك او مزال

الله يابنات انا نحب ريحة حوش النافس يكون حلو واتحسي بالدفئ فيه ههههههه


اولا حبيبتي ..

ان شاء الله ماتجي لليبيا الا ومعاك توم يارب وليد وبنية وتبخري حوشك وتقعد

ريحته كيف ماتبي قولي امين

وانا عارفتك ماشاء الله عليك شاطرة وبنيهة وان شاء الله تاخذي الاول عالكلاس متاعك

بالنسبة للبن والعصيدة عندنا شينان متلازمان زي التوم ..

يعني تاكلي غصيدة ضروري وراها جغيمة البينة ههههههههههه


وبالنسبة للسليقة ... هي اللي يديرو فيها في عاشوراء بس انا نهلب في يوم عاشوراء

وندير فيها لاني نحبها موت

[dr.loly]

ماشاء الله جنوده ان شاء الله ديما م المتفوقين

وهم هك الغرب .. مايلجأووش ف التحاليل الا ضرورة القصوى .. حتي مايهتموش بدقة الا بالحالات الاخطر او الاطقال او حامل كانت او مريض سكررر

[dr.loly]

جيجي مبارك عقيقة الامورة

وشن بتديري في اللمات نقصد الضيافه من اكل وعلب وجو هذا عارفتيه

[dr.loly]

اوشي صحة صحة سهفتيني ع اللبن ..

ديما لبن الجبل له نكهة خاااااصه عارفتيه اكيد متاع العرعار والحلبه بس اهم شئ طشه تكون خخخ بس الحق تنكه ف اللبن




والسليقه شن هي بالضبط مادام تندار بعاشوراء اكيد فيها شئ امقدد

زي ضلوع الخروف مثلا

[اوشي]

السلام عليكم ورحمة الله وبركاته

[اوشي]

كيف حالكن توة ياحلوات ...


جيجي مبارك عقيقة جمان بطولة عمرها ان شاء الله

[اوشي]

اوشي صحة صحة سهفتيني ع اللبن ..

ديما لبن الجبل له نكهة خاااااصه عارفتيه اكيد متاع العرعار والحلبه بس اهم شئ طشه تكون خخخ بس الحق تنكه ف اللبن




والسليقه شن هي بالضبط مادام تندار بعاشوراء اكيد فيها شئ امقدد

زي ضلوع الخروف مثلا



سلمك ياحبيبة ... علي قلبك الصحة

اه حتى انا نموت فيه خاصة امتاع العرعار ...


والسليقة هي كالاتي

تسلقي حمص بروحه وتسلقي قمح بروحه وتسلقي فول كبير بروحه


وبعدها اتصفيهن من اميتهن وتخلطيبهن مع بعضهن وتحطيهن في طنجرة علي نار في مية

جديدة وبعد ماتفور انحط الها القديد وانا قديدي امخلط صوابع علي قطع لحم وهن اكثر شي

ولية والشحم

ونخليها لف=ترة تطبخ مع القديد لين تختلط النكهات مع بعض وفي الاخير انحط اشوية ملح

لو القيته باسل وشوية نشا بيش يعطية شوية خثرة

وتقدم بالهنا والشفا

[اوشي]

انشرت هذه الصورة على مواقع التواصل الاجتماعي لرجل كان برفقة زوجته بمشوار في يوم ماطر وهم في الطريق انقطع حذائها فقام الرجل دون تردد بخلع حذائه والبسه لزوجته وبقي هو حافيا القدمين في تضحية تندر ان تحصل وبالاخص في مجتماعتنا الشرقية التي يكون فيها الزوج هو السلطة العليا وهو الشيء العظيم الذي لا يناقش .. مع الاخذ بالاعتبار انه لم يعرف متى واين التقطت هذه الصورة ولكن دون الحاجة الى ذاك من الواضح انها تنم عن اخلاقيات عالية وعن شراكة حقيقية بين الزوجين ..


http://forum.hwaml.com/imgcache2/hwaml.com_1385053541_373.jpg

[اوشي]

https://fbcdn-sphotos-h-a.akamaihd.net/hphotos-ak-frc3/s526x395/1460295_10152034668069642_762777844_n.jpg

[هدية الخالق]

السلام عليكم ورحمة الله وبركاته

[dr.loly]

اوشي انموت ف حاجات القديد ..روعه طريقة هذه بجد اول بنعرفها تشهييييييييييييي



وذكرت كسكو الضلوع المقدادات واااو نكهة غير نكهه



وبم اني نخترع بعد زواج جربته حتي بشرائح لحم قديد وبعصبان شمس اخري خخخخخخ77بصراحه نكهة خيال القديد مع خضرة الكسكو واو تنكه فيهن بشكل مميز

[هدية الخالق]

امس التيتشر طلب منا نكتبوا باراقراف عن قصة حياتنا

ويخلي فينا نبدلوا في الاوراق ونصلحوا لبعض

انا كتبت صحتين وشوية طبعا مش تفاصيل خاصة بس تعتبر تفاصيل

قلتله انا كتبت تفاصيل خاصة ممكن تصلحها انت قال اوكي

وطبعا تفهم وقاللهم من مايبي حد يشوف ورقته سكتوا

بعدها تكلم سعودي قال ليش ام اجنادين انت بتصلحلها سبيشيال يعني

هههههه

بصراحة بكل في الكلاس يتكلموا عربي

علي العموم

امس خديت التقرير الشهري متاعي في السكول

وكان 93% التيتشر ان السبيكنج والريدنق والفوكابلري والقرامير كلهم يتجاوزوا المطلوب في هذا المستوي

والله فرحت

وكاتب اني نكتب كويس

بس كاتب ملاحظات عن بعض الاخطاء واني خجوووووووووووووووووووووووووولة جدا

رغم اني نشارك لاني لازم نثبت نفسي من خلال المحادثة

مشكلتي في البريك يابنات نقعد بروحي نقرا

وكل وحدة ياكورية ياصينية مع صاحباتها

مفيش ليبيات

حسيت ضروري نلقي مع من نتكلم مهم جدا نتكلم لان هذه اسرع طريقة للتعلم

..............................

من يومين مشيت للفاملي براكتس

عندي الم في فم المعدة من قبل الزواج بشوية عاينت في ليبيا

وكل واحد يقول شي

والفترة الاخيرة من شهرين بديت نحس كل مانكل في شي يحصل في رقبتي احيانا

مش ديمة

الدكتورة مااعطتني الا حبوب

واعطتني نصائح زي الاكل 6 مرات ههههههههههههه في اليوم

والاهتمام بالفواكه والخضروات

وقالت ان المعدة لما تكون فاضية الاحماض اللي فيها هيا ادير في الألم هذا

يعني معقولة هكي من غير تحاليل اتشخص

ماشماشاءالله جنودة بالتوفيق ان شاء الله يارب
بس غريبة عادي يتكلموا بالعربي في المعهد احني اهني ممنوع تعرفي راجل حماتي كان ياخد في كورس كيف كمل قال العرب مايحطوش فيهم في نفس المجموعات وقال مرة نهدرز اني وصاحبي ليبي ف الممر مش حتي في القاعه داخل قال سمعتنا وحدة من التيتشرز قالت سبيك انجليش يعطوا تنبيهات في الاول وكان استمريت يفصلوك وحتي راجلي قال زمان اني هكي ممنوع تقول حتي حرف عربي في الجامعه
ومشكلة التشخيص من برا برا نعاني منها حتي اني لين كرهت المعاينة اهني كنت وعندي زي مشكلتك حموضة من لما حملت لليوم قاعدة معاي تعرفي اول ماانوض والا بعد الماكلة نحس في روحي منرجع حشاك ونار في رقبتي وكان ركبت سيارة احرف واحرف ولما عاينت شخصتني بدون صورة والا تحاليل قاتلي هدا ارتجاع غفي المعدة وعطتني نصايح قاتلي ديري رياضه تو شن دخل الرياضه في الحموضة ههههههههه وقاتلي ماترقديش بعد الاكل طول وماترقديش عاليسار ولما تنوضي نوضي ببطئ وكولي خضروات ورقية زي الخس والملفوف وعطتني حبوب زي قلتهم مادارولي شي
كلا المدة اللي فاتت وجعوني اجنابي وبطني من لوطا تقول امواس وطبعا زدت اعراض من عندي وكدبت شوية مش تديرلي صورة هههههههه وفعلا نجحت الخطة وعطتني موعد بديرلي سونار الاسبوع الجاي ان شاء الله
والله هكي يبوا تحت الامر الواقع تخيلي لاسمح الله فيا حاجة خطيرة معقولة بتشخص من برا وخلاص
وراجلي حتي هوا حصل ضربة علي صدره من الكورة والله قعد وين توجع فيه وولما عاين قالوله عادية تاخد فترة وتصح !!!!""
باهي كان في كسور لا سمح الله معقولة هكي
بكل هما يعتموا عالطبيعه اغلب الاحيان قليييل مايلجؤا لعلاج
عموما ان شاء الله لاباس عليك آسفه طولت عليك

[أم أجنادين 80]

مساء الخيرات

مبروك العقيقة جيجي

احكيلنا شنو تجهيزاتك لاسبوع

[dr.loly]

http://forum.hwaml.com/imgcache2/hwaml.com_1385070592_222.jpg

[dr.loly]

http://forum.hwaml.com/imgcache2/hwaml.com_1385070724_952.jpg

[dr.loly]

http://forum.hwaml.com/imgcache2/hwaml.com_1385070768_859.jpg

[dr.loly]

شجاعة عمر المختـــار

هل حاربت الدولةالايطالية ...؟
- نعم
وهل شجعت الناس على حربها؟
- نعم
وهل انت مدرك عقوبة مافعلت؟

- نعم
وهل تقر بماتقول؟
- نعم
منذ كم سنه وأنت تحارب السلطات الايطالية؟
- منذ 20 سنه
هل انت نادم علي مافعلت؟
- لا
هل تدرك أنك ستعدم؟
- نعم -
فيقول له القاضي بالمحكمة: أنا حزين بأن تكون هذه نهايتك !

- فيرد عمر المختار : بل هذه أفضل طريقة أختم بهاحياتي ...

فيحاول القاضي أن يغريه فيحكم عليه بالعفو العام مقابل أن يكتب للمجاهدين أن يتوقفوا عن جهاد الأيطاليين - فينظر له عمر ويقول كلمته المشهورة:
(ان السبابة التي تشهد في كل صلاة أن لا اله الا الله وأن محمدا رسول الله،لايمكن أن تكتب كلمة باطل).

[اوشي]

جربيها يافروسة ...

راح تحبيها وتدمنيها اتهبل

[اوشي]

نمشي نبرم علي طنجرتي ههههههههه

[أثري في مدادي]

اهلين اثري طمنيني عل الوضع ياربي خير ان شالله

بارك الله فيك
للآن الأمور طيبة ننتظر الغــــــــــــــــــــــــــــد
ولندعوا أن تسير الأمور بهدوء
يااااااااااارب

معرض خير عليك
هيا طمنينا

أين موقعك على الخارطة الجغرافيــــــــــــــــــــة ؟؟؟

تكبري الصفحه شوفي فوق عل اليسار تلقي نجمة اصغيره في جنبها كيف الورده اضغطي عليها تطلعلك قائمه اختاري كلمت تكبير او اختاري الحجم لي تبيه

عزيزتي اثري ان شاء الله كبرت معاك الصفحه واتبعي نفس خطوات شموسه

للأسف ،،،،،،،،،
لم أعرف أي نجمة تقصدين شموسة
هل هي بصفحة المنتدى أم بشريطي الخاص بي ؟؟؟
هل هي نجمة المفضلــــــــــــــــــــة ؟؟؟
بجوارها أيقونة كالوردة !!!!

ماوجدت وردة ،،، إهيء إهيء
وعويناتي
حتى هما بيريحوا
خخخخخخخخخخخخخخ

السلام عليكم ورحمة الله وبركاته
انحب انطمنكم علي امولة انزادت عليها بنوته
ان شاء الله من حفظة القرآن

اللهم بـــــــــــــــــــــــــــــــــــارك
آنست
طاطو الحبوبـــــــــــــــــــــــــة
بتونس
جموووووووووووووووووووووووووونة

حمدا لله على سلامتك
وتعالي أحكيلنا عن تجربتك الأولى للأمومة
خلاص
سيختفى الكساد والفراغ

والشكر موصول لجنوووووووووووووووودة
ويارب تبشرينا ياأمولة بحملها عن قريـــــــــــــــــــــــــــب


رغم ان واجبي وصلة رحمي عماتي مش عماته
صح هكي ياثري

أكيد صح أعمامك وعماتك صلة رحمك إنت
وهو إعمامه وعماته

وأما
الواجب فهذا يختلف باختلاف العرف
فنحن مثلا عندنا عم وعمة الزوج
تعامل معاملة خاصة والخال والخالة أيضا
وأني نادي فيهم خالي وعمي وعمتي وخالتي
وتواصلي معاهم يعتبر وافي وكافي
لكن
مانوصلش في كل بناتهم وكناينهم ~~~~
وإنما نواصل اللي يمشي معاي
معقولة نواصل وحدة أني مش هاضمتها علي خاطر هي كنة عم راجلي = وين ودنك يا جحي

اثري ياغالية سامحيني لقيتك قداش مرة سائلتني عالضيوف شن صار فيهم والمشكلة اني ميت علامة استفهام على راسي قلت اما ضيوف تحكي عليهم اثري نسيت بكل اندهبت شيرتي حشاك
عالعموم كان قصدك على امي وخالي احتمال مايصيرلهمش لانه امي عندها اختي بتجيب قريب واختي الثانية عرسها قريب وخالي مرته اللي حكيتلكم عليها حامل وتعبانة اليومين هدين فاحتمال كبير مش حيجوا الله غالب معليشي اهي هانت قريب نروحوا احني وخلاص

هههههههههههه
لامش مشكلة
فيها خيرة يا حبيبة

أمتى المرواحــــــــــــــــــــــــــة ؟؟
هي كانت فرصة لأمك تغير جوها
لكن فيها خيرة



ههههه هدووو نفس الجو امس السيد فراس نشط نشطة بعد 12 والله يلعب ف صلبه ونا ننعس ونطيح وانوووض


وبعد رقد واخيرآآآ




اتنوض السيده لولي دارتها فيا ليله آآآآآآآآه ياربي لدرجة قريب فقدت اعصابي خخخخ

آآآآآآآآآآآآآآآآآآآآآآآه معاش تحكولي ع النووووووووووووووووم
دودي
على رأس القائمة
محرومة من نومة معقولة المعنى
أهو الساعة 2 وربع
وهي صابحلها صبببببببببببببببببح
خاشة للمطبخ وجابدة علبة ذرة حلوة
وتعيط تبيها
علما بأنها مش ضايقتها قبل
قلت خلي نفتحها وتوا ذوقها مش حتعجبها
الله يبارك
من بكري وهي تمضغ
خخخخخخخخخخخخخخخ

اثري احتمال غدوه انداوي عمليتي وبنخطم نذوق حاجات من بنات الفقي كلمتها

شن تقترحي عليا ناخد منهم



تصبحوا علي طاعه الرحمن

إن شاء الله لاباس عليك
والله المفروض تمشيلها هالدكتورة
أو على ألأقل يمشي زوجك للمصحة
معقووووووووووولة
ادير فيك هالعملة !!!!!!!!!!!!!!

ربي ينوضك بالعافية ويحفظك لصغيويرتك

توا نكتبلك شن خدينا مرفقا بتعليقاتي عليهم
طيب

نمشي نبرم علي طنجرتي ههههههههه

الله يحفظ غزالة الجبل السمحة

ماليشي نكهة التجمع من غيرك
ياااااااااااااااااسمح ~~~~~

[أثري في مدادي]

أم فروسي

الله يبارك
هداياك ذووووق
ربي يرجعك لبلادك ممنونة ومجبورة الخاطر

سوسو
ويييييييييييييييييييييييييينك
مش عوايدك ؟؟؟؟؟؟؟؟؟؟؟؟
علاش بتفطمي ريووووووم ؟؟؟
حامل شورك وتتوحمي !!!!

أم معاذ وأم ورد
وينكم ؟؟؟؟

أم نوزة مختفية ،،،، كيفك ؟؟؟

[أثري في مدادي]

جيجــــــــــــــــــــــــــي

أني ذايقة منهم
السيـــــــــــــــــــــخ والساندوتش
وهذوما الزوز أغلى حاجتين عندهم
والحقيقة السيـــــــــــــــــــــــــــــــــخ هائل
أعجبني هلبة هلبة
وننصحك بيه
وحتى السادتوش لذيذ
وهو عبارة عن اسكالوب دجاج مطبق علي زوزه وحشوته من النص زيتون وجبن ومخلالات
وطري بنته حلوة

وذايقة سلة الخضروات أعتقد اسمها ،،،، روووووووووووووووعة
عبارة عن سلة حجم كبير ومحترم مش بالعجينة وإنما بمفروم الدجاج
ومحشية خضار مقلية ومعاها هريسة عربية وممكن جبنة ولا مايونيز المهم حاجة مخلي الحشوة رطبة ومتماسكة
نالت على إعجابي

مبطنهم ،،،، عادي ~~~

طاجين الجبن بالدجاج ومن النص جبنة شرائح
قنين وخفيف

باي اللحـــــــــــــــــــــــم
خفيف ونكهته مميزة

المخيدة
عبارة عن ورقة كاللوني حجم كبير ومحشوة بدجاج وبطاطس مقلية وإممموممكن بصل مشوح ومتبلة تتبيلة قنينة
وبعدين مطبقينها زي المخدة
معاش نتفكر شن فوقها والراجح مكرونة فيوكة وزيتونة أعتقـــــــــــــــد

الأرز
يستاهل أربع نجوم ،،،،،، وحتى خمسة مش خسارة

السلايط
ذايقة
المشوية حلووووووة لكن حاااااااااااااااااااارة مفلفلة

الكرنب والمايونيز قنينة

الجزر والزيتون عااااااااااادية

وممكن تلقي خيارات ثانية عندهم

وربي يسهلك أمرك
ونقولك مش حترتاحي

نين اديري لمتك
بعدها تستقر أحوالك هلبة
وإن شاء الله يواتيك وضع البلاد خااااااااااااصة

[أثري في مدادي]

أني غطست

لعدة أسباب

أهمها

توااااااااااااااجد أبو العيال
لأن الحكاية عصيان وحداد ومش عارفة شني !!!!!
فالحق معطانيش قلبي
نفتح اللاب توب
وهوموجود وبكثــــــــــــــــــــــــــرة

والسبب الآخر
أني كنت مريضة
ناضت علي الأرتيكاريا
وتنفخت
وتحمرت
وحالتي ولت حالة ~~~~~~~~~~~~~~~
والحمد لله

قاعدة ناخذ في حقن للحالة
وربي يستر إن شاء الله ما نوضش غدوة زايدة متبلبلة

[أثري في مدادي]

http://forum.hwaml.com/imgcache2/hwaml.com_1385080990_895.jpg

[أثري في مدادي]

http://forum.hwaml.com/imgcache2/hwaml.com_1385081247_458.jpg


إنني عاشقة لكـــــــــــــــــــــــــــــــــــــــ

يمي يمي أحب السلطااااااااااااااااااااااااااااااااااااااااات

ممكن علي خاطر نيتي مسدوووووووووووووووووووودة

خخخخخخخخخخخخخخخخخخخخخ

[أثري في مدادي]

http://forum.hwaml.com/imgcache2/hwaml.com_1385081962_420.jpg

[أثري في مدادي]

http://forum.hwaml.com/imgcache2/hwaml.com_1385082394_747.png

[أم أجنادين 80]

السلام عليكم

سهفيني في اللبن اوشي

وانتي فروسة في القديد اااااااااااااااااااااااااااااااااااااااااااااااااا اااااااااه يمي يمي

هدية والله معادش عارفة شن اندير المشكلة قبل كان الالم اول ماانوض او نكون جعانة او متنرفزة توا

حتي لو مافي شي وكيف واكلة شن الحــــــــــــــــــــــــــــــــل

صورت الدواء اللي عطاته ليا توا نحط صورته شن تنصحوني نمشي لطبيبة غيرها

انا مافهمتش قالتي حتي علي الحمل نقدر نساعدك وتحملي بسهولة

رفعتلها تحاليلي القديمة حتي تاخد صورة منهم وقالت بنعاودلك

بس انا مافهمتش هيا فاملي براكتس يعني مش تخصصها حمل وولادة

شن الفرق

[أم أجنادين 80]

بالنسبة ليا هدية

امعبي سعودين ثلاث ارباعه سعوديين

وحتي في الكلاس هدرزة بالعربي وضرب وعراك وحركات باسلة مع البنات


بصراحة ينبهوا فيهم بس مش مدورين

ياريت يكون فيه هكي انضباط

[أم أجنادين 80]

زوجي خدي بلو دي شانيل بعد الحلاقة ماتقعدش ريحتها

وانا اعطوني فري سامبل شانيل بكل ماتقعدش استغربت هيا اهكي ولا شن القصة

في الفترة هذه تخفيضات عندنا

[أم أجنادين 80]

شنو هالسلطات اثري روعه هذه من عمايل ايديك ؟؟؟؟؟؟؟؟؟؟؟؟؟؟؟؟؟

معقولة نواصل وحدة أني مش هاضمتها علي خاطر هي كنة عم راجلي = وين ودنك يا جحي

هههههههههههههه هدا اللي صاير معاي

مش لاني مش هاضمتها مش هاضمتها يعني علاقتي بيها مش زي صاحبتي نمشي وانا فرحانة ومتشوقة

يعني نقعمز وكل شي نكون حذرة فيه

بس شن بندير علي خاطر عيون تهون عدة اشياء

وانا اهل زوجي يواصلوا في كل اقاربهم بدرجة ماتصدقيها

وفي كل شي يحسبوا في اقاربهم وخالاتهم وعماتهم رغم في من اللي مايدور فيهم ومايلوموا علي حد

وفي من يلوم عليهم لو نقصوا اهتمامهم شوية

بصراحة ماشاء الله حوش عمي وحماواتي الاخلاق والمعاملة الحسنة نشوف فيها حتي مع اقاربهم مايزعلوا حد

ويخدموا بضمير بس زي ماقلت مش الكل يعامل فيهم بالمثل

وانا من الاول مابيت نمشي لحد حتي مانلقاش نفسي مجبروة بالاقارب من الدرجة الثانية

حتي لو مش عاجبهم او اقاربهم يعلقوا عيا

بما ان زوجي مش فارض عليا المشي لاقاربه من الدرجة الثانية نتحمل ونساير مثلا في المشي لكنة عمته او عمه

[أم أجنادين 80]

بنات متحان اانا قررت مبدئيا ندير امتحان التوفل بعد ثلاث شهور من توااا

سالت التيشر قلته

تتوقع اني نقدر ندير امتحان قالي

لو انتي تسالي فيا انتي جاهزة تنتقلي للمستوي الاعلي من توا

فكل الطبة قعدوا يكلموا فيا قالولي ليش انتي تقري معانا

لازم تنتقلي وانا صراحة مازلت نبي نتعلم خطوة بخطوة ومزال معانا وقت

انا وزوجي بنديروا الامتحان مع بعض

[أم أجنادين 80]

الحمد لله قصة حياتي اللي كتبتها مافيها الا ثلاثة اخطاء والله قريب طرت من الفرحة

بس مشكلتي السبيكنج مزال نبي وقت

[dr.loly]

صباحوووو

نهاركم سعيد

وجمعتكم جوها حلووو ان شاء الله


طبعآ الاء ليلة تاريخيه خخخخ

وكل شئ بأجره



نضت مع زوجي وقت نصبح عليكم



ونديرله فطور وجو حشيشتي جو الفطور معاه خخخخخ ناقصنا غل كانون هههه


ردولهم يوم الجمعه قراااااااية ...

[dr.loly]

جنوده مازال ماخديتي التوفــل نحسابكم خديتوها .. عليك دايخه حتى نا



هنا لي بيقرا لازم ياخد الايلس وهي اصعب م توفل

وامتحانها ضروري بالسفاره البريطانيه





زمان بعد تخرجت درت امتحان تجريبي للتوفل جبت 16 من 20 وقالولي خشي ع وقدمي طلب امتحان طول بس انشغلت وسافرت مع خالتي .. وبعدها انسيت الموضوع بكل





وهنا يجو يقروا طووول


بس في جماعة التعليم وغيرهم ياخدو ف سنة لغه

[dr.loly]

جنودة السبيكنق اتعلميه بالمخالطة


زمان ايام قرايتي بحكم ان دراستنا بالانجليزي كلها والمحاضرات واصلا عندي رغبة ف الانجلش بصغري

كنت قوية في كونفيرسيشن بس الحق بعد تسيبه كلية نقصت اشوي قصدي مش نفس ذلاقه قبل



قبل نتقن فيها وبطريقة الامريكان لا نقوج زي مايقولولها ستريت لانقوج


بس بعد جيت هنا ومثلا انخش لدكتورة او تجيني زائرة الاطفال نلقى روحي تمام

ونعرف نهدرز ونفهم ونكلم ..

[dr.loly]

الجمعه لي فاتت درت عصيده قبل الجمعه هذه بدير سفنز


اه نا وصغيره ياحبي لسفنزة بدحي خخخخ


http://forum.hwaml.com/imgcache2/hwaml.com_1385107339_173.jpg

[dr.loly]

http://forum.hwaml.com/imgcache2/hwaml.com_1385081247_458.jpg


إنني عاشقة لكـــــــــــــــــــــــــــــــــــــــ

يمي يمي أحب السلطااااااااااااااااااااااااااااااااااااااااات

ممكن علي خاطر نيتي مسدوووووووووووووووووووودة

خخخخخخخخخخخخخخخخخخخخخ


واااااااااااو عجبتني فكرة جاري التجريب ف اقرب بابا غنووج او سلطة يونانيه نديرها خخخخخ



السلطات بجد روعه وحتي نا نفسك نعشقهن اثري ..


وهنا فاتح الشهية للاكل لذلك نقصت منهن هههه



حي كان يسمعني ابو فروسي ع نقص وزن .. يفقولي سادك جسمك حلو hwaml02

[اوشي]

السلام عليكم

صباحكم فل وياسمين

ومعطر بالصلاة على افضل خلق الله اجمعين

محمد صلى الله عليه وسلم

[اوشي]

اثورة الحلوة ...

الحمد لله اللي اخبارك اكويسة وربي يشفيك ان شاء الله

وماشاء الله عليك صار دالحتيما وقاعدة مع ابو الشباب

ربي يخليكم لبعض

[اوشي]

جنودة ...

راهو السبيكنج ضروري ضروري من الاختلاط والحكايات مع الامريكان بالذات

[اوشي]

فروسة ...

صدقتي والله انا ايامات نشتغل في المستشفى حطو امعاي انا وصاحبتي

واحد فلبيني فقلنا له نبو نحكو امعاك انجلش بس واتفقنا


واخذيتش شهر لين تميت لبلبة علي قولة المصرية خخخخخخ

بس للاسف من لما نقلت للتعليم 2002 لحد الان ماحكيش انجلش بكل

لذلك تم عمل ديلايت فسيولوجي اجباري ههههههه

لكن برضك مازال عندي اشوية يعني نعرف انخلص روحي

[dr.loly]

المنتدي اطرشق رسمي معايا ليا ساعه بنكتب ردود لاثري يدير ف تحديث للصفحه وماخلاني نكمل تعليقاتي



فتحت من زوجي




اثري لاباس عليك ع ارتيكاريا


شن سببها شن خديتي يعني بيش تطلعلك


وضحكتني الاموروة دودي ههههه ربي يحفظها



عندي لولي مدايرتني لهاية اهئ اهئ طول الليل بالعاده

[dr.loly]

اوشي شن دايره غداك

[اوشي]

اوشي شن دايره غداك

هلا فروستي الحبيبة ...

اليوم رتوأم روحي ماسك في التحلية


درت طبيخة بطاطا علي اخر قطع من عيدنا ... بس مازال فيه كيس شوي ودورة عصبان


وتوة النسة رودي بدير كيكة نمشي نشرف عليها الحصلة

المرة اللي فاتت نسيت bb


مع فواكة مشكلة ... مندلين وموز وتفاح وانجاص

[اوشي]

وانت فروسة شن درتي

[أم أجنادين 80]

السلام عليكم
هلا فروسة يمي حتي محب السفنز بالدحي
ماشاء الله عليك خبرة في السلطات
حتي انا نحبهم
ياريت اتصوريلنا اي سلطة اديريها وتجمعيهملنا في موضوع

اليوم الصبح نابضة 6 درت سفنز خبزة هنايا ما عجبتني بكل

ناخدوا من محل عراقي بس بعيد تكمل قبل الويكند

اوشي عندك الحق بس الله غالب كلها سعوديين هما في الكلاس وعربي

وكلهم شباب سعودي معاي

ومعاي بنتين من كوريا ووحدة من أنبوبا
نحكي معاهم بس مانستفيد هلبة
وان شاء الله خير مدايرة جهدي


هدية الشامبو والبلسم نستخدم في زيت زيروا معاهم كويس

ام فراس اما افضل حاجات من البدي شوب

[أم أجنادين 80]

حتي احني ام فراس ساعدني دراستي في الكلية
بالانجلش ومن صغري قريت أنجلش من 4 سنوات
في مدرسه خاصة وحتي فرنسي بس نسيته لانه مااستمرش معانا في الدراسة
والحمد لله نطقي كويس والكتابة كويسة بس مهما كان مش زي اللغة الام

ايه عارفة في فترة في بريطانيا لازم اديري امتحان ايلس قبل ماتسافري
حتي احني عندنا توفل وايلس بس قبل ما تدخلي للجامعة
والاختلاط هنايا صعب جدا يابنات اختلاف ثقافات وديانات
بصراحة نخاف
واللي بنصاحبها مانقدرش نربط نفسي بيها او نربطها بيا
يطلعوا للقهوة في البريك وانا هدا كله مانقدره

[اوشي]

السلام عليكم ورحمة الله وبركاته

hwaml7هذا الرابطhwaml7

[اوشي]

كيف حال الجميع بدون استثناء


hwaml7هذا الرابطhwaml7

[أم أجنادين 80]

هلا اوشي شن اخبارك
أين الجميع

[جوهرة ليبيا]

السلام عليكم ورحمه الله وبركاته

كيف حالكم كلكم


مشكورات وخياتي لكل من باركلي علي عقيقة جمان ربي يحفظكم ويحقق ماتتمنوا يارب


اثري بارك الله فيك عالتوضيح والف لاباس عليك ان شاء الله اليوم احسن

اتفقت معاها علي سيخ مشوي لاني ذقته وفعلا روووعه
والسندوتش
وكباب بالفطيره
والسله المفتوحه

ورز وزوزو سلاطات باذن الله

وبندير عصير فرش وشكلاته بالشنطه امتاعها

ورزاطه اكثر من نوع وعبمبر العسل في الباكو امتاعه

ونسكافيه وكب كيك طلبته من وحده اسمها ام بدر ايهبل القطعه ب3ونص ومع العلبه امتاعها حلوه وزدتها في السعر


وبعده الوجبه مع مشروب

وفي الاخير باكو فيه تحفه ورديه حلوه ومكسرات وشكلاته وبكلاوه ومن فوق كونفيتي من اختيار راجلي اليوم جابه والحق عجبني

وربي يسخر الامور ويتم علي خير

انا شريت لبسه من قبل منجيب كويتيه ومزينتي طبعا معزومه فبديرلي مكياج خفيف وبنقيم شعري علي فوق

وبنوتاتي عالابيض بيلبسو ربي يحفظهم ياااااارب

[أثري في مدادي]

السلام عليكم ورحمة الله وبركاتـــــــــــــــــــــــــــــــــــــــه

أهلا ليبياتنا الغاليــــــــــــــــــــــــــــــــــــــاتــــ ـــــــــــــــــــــ

جنــــــــــــــــــــــــــــــــودة ،،،،

ربي يسهلك أموركـــــــــــــــــ

ويعينك

وعليك دوما بالدعاء أن يقيك شر لفتن ما ظهر منها وما بطن ~~~~
وأن يرزقك الرفقــــــــــــــــــــة الصالحة النافعة دنيا وآخــــــــــــــــرة

وبالنسبة للشامبو اللي صورتيه
شريته من صديقة لي تجيب في منظفات من بريطانيا
ما مشاش مع شعري بكللللللللللللل
جففه ع الآخـــــــــــــــــــــــــــــــر !!!!
وخاصة لما استعملت معاه البلسم متاعه!!!!!!!!!!!!!!!!!


أم فروسي ،،،،

آآآآآآآآآآآآه من بنة السفنز الفاااااااااااااااااااااايحة
يعطيك الصحة ،،،،

الأرتيكاريا ،،،والله مش عارفة شن نوضها علي ؟؟؟؟؟؟؟؟؟؟؟
ممكن
يومها بعثولي هلي """مدمس بكيوة """
وكانت أختي قالية حوووووووت ،،،وأنا الحوت يديرلي في الآرتيكاريا
ممكن استعملت نفس الملعقة !!!!
اللي فيها زيت القلي أو الصلصة متاع الحوت
علما بأنهم حريصون جداااااااااااااا
بخصوص هذا الموضوع ،،،لكن السهو يحصل
وخلاياي شديدة الحساسية اتجاه هذه الممنوعاااااااااااااااااااات

والحمد لله الآن اختفت تماما ،،،،
وربي يستر فيما يستقبل
وشكرااااااااااااااااا
ع الاهتمام


غزالة جبلنا الشرقـــــــــــــــــــــي
مرحبتين ،،،،
وصحتين الكيكة اللي بالفواكـــــــــــــــــــــه
شن أمورها جت كويسة ؟؟؟
وسلمك نشادة يا ودادة ~~~


جيجي
الله يبااااااااااااااااارك
ترتيبات موفقـــــــــــــــــــــــة
بس ليش عصير فرش ورزاطة ؟؟؟

وهذه اللي خديتي منها الكب كيك عندها صفحة ؟؟؟

واختياراتك حلوة في العشي ،،، صحتين مقدمااااااااااااااااااا
وإن شاء الله
تمشي الأمور كيف ماتبي وأكثر
ويجوك ضيوووووووفك كلهم
ويروحو ممنونين

موعدها مازال الثلاثاء ؟؟؟
بالله ماتنسيش الرقية لنفسك ولبنوتتاتك ~~~~

سوسو
تغطيستك مش عاجبتني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

شموووووووووووووووووووووسة
غارقـــــــــــــــــــــة في العســـــــــــــــــــــــل الماليزي !!!!!!!!!!

[جوهرة ليبيا]

ربي يحفظك اثري

فعلا كنت نتناقش الموضوع فيه انا وراجلي وهو كان توه بيمشي يحجز العصير

فقررت نلغيه وخلاص مع انه منعش ونحبه في المناسبه

[جوهرة ليبيا]

ومانعرفش عندها صفحه او لا لان سلفي زوجه صاحبه

والسبوع الثلاثاء باذن الله

[شموسه 88]

االسلام عليكم ورحمة الله وبركاته

[شموسه 88]

اواخيررر جمعت بسورد امتاعي واذكرته

[شموسه 88]

ماشالله جيجي مبروك عقيقه جمان ان شالله بسلامتها
اثري لاباس عليك واعوينه اوطارت
فروسه صحه السفنزات سهفتيني عليه عطك الهنا
اوشي كيف حالك بنت عمي او شن جو جبلنا
جنوده الامور ان شالله تكوني ابخير

[شموسه 88]

توه عندنا الساعه 2الاربع في ليل بس مازلت ماتاقلمتش مع الوضع النوم

[شموسه 88]

نحكيلكم تفصيل الرحله المتعبه
يوم الثلاث الصبح نضت من الفجر صليت اوقريت اذكرا اوفطرت انا اوزوجي اونوضت لصغار اوفطرتهم وساعه 9 صبح مشينا مطار وساعه 11اونص الرحله الحمد لله رحله كانت هايه وضيافه الطائر اروع مايكون وصلنا لاسطنبول ساعه 2 طبعا لان رحله الثانيه الساعه واحد ليل عطونا هوتيل في مطار طبعا وصلنا لهوتيل وحمد لله مبسوطين انا مافيش شحوره ولا تعب تحريحنا غادي اوساعه 11 طلعنا من هوتيل اومشينا لمطار تطلع الرحله تاجلت 6 ساعات يعني 6اونص الصبح شن ايمشيهن مع لعيال او بدات مع عبسي سلامته متعب لغايه مشيت اغرفه الحضانه عشيت لعيال اورقدتهم او لقيت كنبه في غرفة الحضانه قعدت مره انغفي مره انط تنشوف الساعه والوقت معش يبي يمشي وحمد لله جت ساعه 6 اومشينا لبوبه اوركبنا اوشهاده او ماركبت رقدت دعري ولما نضت قلت اكيد الوقت مشا طلعت ساعه 9اونص يعني رقدت ثلاث ساعات اوناض عبسي يبكيلي في طياره وناس كلهم راقدين ناضو منزعجين منا هههه ايحشم قعدت انتعانى انا وياه لين مارقد اخرة طفو ضي طائره اوبديت انغفي اشويا وطائره يركب فيها جو مطبات جنا مظيفات يجرن ايقولن عدلو الكرسي او حطو لحزام اومعش بدت اتوقف تخبيط ونا انكبر ونشهد اوقعدت انفكر في اعيالي اوزوجي اوزوجي ايقولي ماتنفجعيش ههههههه عليك رعب عشته بس الحمد لله وصلنا لكولا لمبور ساعه 12 في ليل وحق معاملتهم اكويسه يعني ماتعبناش في مطار

[شموسه 88]

توه قاعدين في فندق دي بلام يعتبر فندق اكويس اومشالله الله يبارك ديما حاطين قران بصوت ماهر لمعقلي في مسجد في هوتيل حمدلله ااغلب وقت انصلي فيه جماعه انا اوزوجي في مسجد ابصرحه عجبني تمسكهم بلاسلام تلقي عيل عمره 6 سنوات والله تلقيه ماسك مصحف اويقر في قران طبعا خاطي من طبيعه الخلابه لي عندهم حنزل الصور بس لابتوبي خارب معش يبي يفتح معرفتش شنو مشكله بس درجة حراره حمووووةوة بكل لين تنزعجي من حمووو

[شموسه 88]

من بدري ونا انهدرز ابروحي

[أثري في مدادي]

أهلا شمووووووووووووووووووووووسة

وحمدا لله على سلامتك

والله انفكر فيك من بدري ~~~~~

نورتوا

ماليزيا

وربي يمتعكم بهاالسفـــــــــــــــــــــــــــرة


جيجي
أحسن حاجة قرار إلغاء العصيـــــــــــــــــــــــر

ملتنسيش
كثرة السوائل
تأثر على الاقبال علي العشااااااااااااااااااااا

ربي يسهل أمرك

[أثري في مدادي]

. وسئل فضيلة الشيخ: العثيمين عن قول الإنسان أنا حرّ ؟ .
فأجاب بقوله: إذا قال ذلك رجل حر وأراد أنه حر من رق العبودية لله – عز وجل – فقد أساء في فهم العبودية ، ولم يعرف معنى الحرية ، لأن العبودية لغير الله هي الرق ، أما عبودية المرء لربه – عز وجل – فهي الحرية، فإنه إن لم يذل لله ذل لغير الله ، فيكون هنا خادعاً نفسه إذا قال: إنه حر يعني إنه متجرد من طاعة الله ، ولن يقوم بها .
~~~~~~~~~~~~~~~~~~~~~~~~~~~~~~~~~~~~~~~~~~

[اوشي]

السلام عليكم ورحمة الله

[اوشي]

كيف حالكن اليوم ياحلوات

ان شاء الله اموركن طيبة

[اوشي]

تضحكن علي ياصبايا لو قلت الكن شن صار امعاي

1- العصيدة ماصارش منها اول امس لان توأم روحي يحبها موت وهو كان ماشي لدرنة فقلت انأجلها

2- الكيكة ماصارش منها لان الانسة رودي دارت عركة مع خوتها وعافبتهم بانهالن تصنع الكيك

3- امس جيت بندير طريقتك يافروستي في اسياخ الدجاج مع محشي مشكل وشربة ماصارش منها


خخخخخخخخخخخخخ

الظروف كلها جن عكس تخطيطاتي

[dr.loly]

نحكيلكم تفصيل الرحله المتعبه
يوم الثلاث الصبح نضت من الفجر صليت اوقريت اذكرا اوفطرت انا اوزوجي اونوضت لصغار اوفطرتهم وساعه 9 صبح مشينا مطار وساعه 11اونص الرحله الحمد لله رحله كانت هايه وضيافه الطائر اروع مايكون وصلنا لاسطنبول ساعه 2 طبعا لان رحله الثانيه الساعه واحد ليل عطونا هوتيل في مطار طبعا وصلنا لهوتيل وحمد لله مبسوطين انا مافيش شحوره ولا تعب تحريحنا غادي اوساعه 11 طلعنا من هوتيل اومشينا لمطار تطلع الرحله تاجلت 6 ساعات يعني 6اونص الصبح شن ايمشيهن مع لعيال او بدات مع عبسي سلامته متعب لغايه مشيت اغرفه الحضانه عشيت لعيال اورقدتهم او لقيت كنبه في غرفة الحضانه قعدت مره انغفي مره انط تنشوف الساعه والوقت معش يبي يمشي وحمد لله جت ساعه 6 اومشينا لبوبه اوركبنا اوشهاده او ماركبت رقدت دعري ولما نضت قلت اكيد الوقت مشا طلعت ساعه 9اونص يعني رقدت ثلاث ساعات اوناض عبسي يبكيلي في طياره وناس كلهم راقدين ناضو منزعجين منا هههه ايحشم قعدت انتعانى انا وياه لين مارقد اخرة طفو ضي طائره اوبديت انغفي اشويا وطائره يركب فيها جو مطبات جنا مظيفات يجرن ايقولن عدلو الكرسي او حطو لحزام اومعش بدت اتوقف تخبيط ونا انكبر ونشهد اوقعدت انفكر في اعيالي اوزوجي اوزوجي ايقولي ماتنفجعيش ههههههه عليك رعب عشته بس الحمد لله وصلنا لكولا لمبور ساعه 12 في ليل وحق معاملتهم اكويسه يعني ماتعبناش في مطار




يامرحبا بشموستنا والحمدلله ع سلامتك يااارب .. واهم شئ انكم طيبين وعدت ع خير لقطة المطبات عشت معاك اللحظه ههههههه حتي نا لنقني مانحبهن نخاااف منهن


من نا وصغيره خالي مرة قالي بيستا بيستا هذه يعلق بم ان من مصطلحات زمان يقول للطريق المكسرة هكي فقعدت نقولوها بيتزا مش بيستا هههه



ذكرتيني ف مشية طرابلس تأشيرة صارتلنا وقتها لزوجي بيستا خخخ




عمومآ الحمدلله ع سلامتكم ..


وماشاء الله ع الاجواء فندق ف ماليزيا الله مسجد ف الفندق


ع كثر ماقعدت ف قنادق ماعمري شفت مسجد ف فندق..


عجبتني بكل بكل


عليك اجواء ماشاء الله..



كم قاعدين فيها وامتي بتعدو منها للصــين

[dr.loly]

جيجي حلو ضيافتك عجبتتني

كان عندي تعقيب ع العصير كيف يجي مع روزاتا ..

بننصحك قبل ام تختاري نوع واحد بينهن افضل وتديري حاجه راقيه بدل ماتحطو سعره ع 2 اي تحطوه ع وحده منهن السعر وتختارو شئ مميز



لقيت اثري تاركه نفس التعقيب\\\


وبعدها لقيتك تقريبا لاغية الفكرة



عجبتني فكرة الكب كيك .. انتمني نشوفوا صورته ولو تقريبه بس عارفه ان ماعندكش ع صور


اي والله افضل من اكثر من نوع حلويات

[dr.loly]

اوشي ماشاء الله تعلمتي تنسيق المواضيع

وليش مخططاتك صارلهم هك ضحكتني دودو خخخ

[dr.loly]

طبعا امس قضيناه كله براااا ف مترو سنتر اكبر مجمع اسواق في اوربا

من الفطور للعشاااا غادي وجوه حلو بس زحمـــــــــــة بشكل لايوصف



عموما اول مرة مانديروش شوينق واجد خخخخ



بس شرينا شالات شبابيه كهدايا خدينا 15 شال


وعجبتني طقية كروشية ل الولي ب قفازتها وكيبها


وشريت عقد نفس ساعتي البوووس ستايله حاجة استايلش بكل



وخدينا اشوي حاجات



للحوش معطرات انجلش متاع العيدان ف عطر..


ومعطرات مطبخ



وحاجات للجسم

[dr.loly]

جنودة سألتيني ع مستلزمات الجسم اعتقد...صح
لاني ماعاودتش الصفاحي قاريتهم امس ع سريع





بس ننصحك اول شئ بمنتجات لوريال للشعر


بجد حاجة روووعه



ونستخدم ف اللون الاحمر توا الخاص بالعناية للشعر مصبووغ


ايامات زواجي بودريات وابيض كانن



بالنسبه لغسول الجسم او بادي شاور



نعشق جونسون .. جل شاور..


وعندك نيفيا كريم شاوور


وتوا لقيت هنا من نيفيا منتج جديد لي هو كونديشن او بلسم جسم


بس يومتها شفت دعايته ف ام بي سي


هذا قبل ماتطلعي من تحت دوش خلاص كملتي ديري منه وبعدها خشي تحت دوس واطلعي تحسي بنفسك بشرتك كأنك حاطة عليه زيت ناعم


زي بسره الاطفال هكي

[dr.loly]

وعندك عطر بعد الاستحمام للجسم..

هنا نستخدم ف نينا ريتشي لوشن وعطر بعد الاستحمام...




مع بودرة زبدة الكاكاو واللوز

[dr.loly]

مستحضرات الجسم عندي واجد قبل بنزل عليهم موضوع من كثرهن خخخخ

ونقول وظيفة و فائدة كل وحده



سمحه هكي بعد تطلعي من الحمام منعنشه متعطرة



بس عندي مانحطهنش كلهن مرة هكي ومرة مجموعه اخري

[اوشي]

ماشاء الله عالهدرزة فروستي ...

وانت تحكي عالعطور واللوشن حسك سهفتيني

انا نستخدم في نيفيا للجسم

وعندي من لوريال مستحضرات عناية للبشرة بصراحة روعة

خاصة امتاع الكولاجين ايهبل

واول امس جابلي ابو الشباب لوشن للجسم بالكولاجين بس توة اسمه مش حاضرني

[اوشي]

شموسة قلبوتي ...

معليش الليبيين ضروري يلفتو الانتباه حتى بالشطانة ههههههه

نجيه عبسي


بس انا نخاف من الطيارة انفكر كيف نبي نركب فيها

وانت من كثر الرعب صار لك مطبات هوائية ياماااااااااااما

الحمد لله عالسلامة

[اوشي]

اوشي ماشاء الله تعلمتي تنسيق المواضيع

وليش مخططاتك صارلهم هك ضحكتني دودو خخخ



اها .. شفتيني وانا بنسق خخخخخخخ

بس شن رايك في التلميذة المجدة

في الاول تعبت خاصة ان الست روى شابطة فيا واتخبط في اللاب توب تبي تكتب

بسلامتها بعد مارقدت تعلمتها عالسريع


+++++++++++++++++++++++++++++


وبالنسبة للتخطيطات الفاشلة

يوم العصيدة .. مشا توأم روحي لدرنة وقلت حرام انديرها وهو مش قاعد


وبالنسبة للكيكة القيت ردينة دايرة عركة مع خوتها لانهم خاشين دارها وقالبينها الها

وهي كانت متفقة معاهم انها هي اللي اديرها فلما خربو دارها

عاقبتهم فمحبيتش نكسر كلمتها

وبالنسبة للغداء اتفقت مع حبي انه يجيب لي دجاج وفلفل اكحل حب لاني انحب نطحنه طازج

وقتله جيب لي معاك ثوم وبصل بودرة واحرارات وكان عندي بمبة الغاز فاضية ركبها امعاه

في السيارة تمشور بيهن وماجاب لي شي والبمبة امتاع الكوشة مازال امعاه في السيارة لهذه اللحظة

وهذا واصار

[شموسه 88]

https://fbcdn-sphotos-h-a.akamaihd.net/hphotos-ak-prn2/v/1420590_329852873824166_1539902294_n.jpg?oh=39c759 8fe2418dfb75b5a0e43b60fcb7&oe=52941A7B&__gda__=1385454255_c850004b57dcc85f2906b8371630934 7
https://fbcdn-sphotos-h-a.akamaihd.net/hphotos-ak-prn2/v/1474952_329853250490795_740141319_n.jpg?oh=b4a4c6b 5037d924d3266e652f013173d&oe=5294544C&__gda__=1385482720_7bbea5627bfbc2f02ca5e181b1bc221 c
https://fbcdn-sphotos-h-a.akamaihd.net/hphotos-ak-prn2/v/1481256_329853280490792_1708855906_n.jpg?oh=d3ba4e 9f94d5ad871285c398a284e97f&oe=5293E4BF&__gda__=1385501547_425e7db34382dc422ab13bfaf3756a9 9

[شموسه 88]

https://fbcdn-sphotos-e-a.akamaihd.net/hphotos-ak-frc1/1454931_329432953866158_1666623496_n.jpg

[شموسه 88]

https://fbcdn-sphotos-g-a.akamaihd.net/hphotos-ak-frc1/581852_225780110930049_635756963_n.jpg

[شموسه 88]

https://fbcdn-sphotos-c-a.akamaihd.net/hphotos-ak-prn2/1468600_225780020930058_1204528626_n.jpg

[شموسه 88]

https://fbcdn-sphotos-a-a.akamaihd.net/hphotos-ak-ash3/1453376_225780054263388_1337847704_n.jpg

[شموسه 88]

هذينا بعض من الصور صوره لي فيها شموسه هذي في مطار اسطنبول في غرفة الحضانه

[شموسه 88]

اوصور الاكل هذي صيافه في الطائره ههههههههههه بس بعد الفجعه

[شموسه 88]

اليوم مشينا لبرج كي تي سي سي لهوا البرجين التوامين وفي الدور الارضي دايرن مدينه اسماك مناظر فوق الخيال لين اتعجبي من الروعه بس صور مابنش ينزل عن طريق برنامج التحميل ايقولي حجم الصوه غير مناسب

http://forum.hwaml.com/attachment.php?attachmentid=9284&stc=1&d=1385307454
http://forum.hwaml.com/attachment.php?attachmentid=9285&stc=1&d=1385307454

[شموسه 88]

صااااااااار اوشي مخطاطاتك فاشلات

ام فروسه ان شالله قاعدين 10 ايام اخرى زياده او بعدها منطلقين لصين كان ربي سخرلنا

[dr.loly]

ماشاء الله عالهدرزة فروستي ...

وانت تحكي عالعطور واللوشن حسك سهفتيني

انا نستخدم في نيفيا للجسم

وعندي من لوريال مستحضرات عناية للبشرة بصراحة روعة

خاصة امتاع الكولاجين ايهبل

واول امس جابلي ابو الشباب لوشن للجسم بالكولاجين بس توة اسمه مش حاضرني

اه روعه لوريــال حاجة م الاخير بصراحه ..

وربي يخليلكم توأم روحك ويعيش ويجيبلك..



نا مانتحملهنش هههه هووس كان تجيني الحمام تلقيهن طوابير

خصيصا الشاور جل ومعطرات بعد الحمام اكثر شئ

شعور منعش انك تطلعي منعنشه


بعد خشيت الحمام اكرمك الله امبدري اذكرت حاجات اخري ماقتهنش خخخخ

والله ساد هك

[dr.loly]

شمووووسه ماشاء الله ع شموسه وعبسي ..
والصور روعه زيدي اتحفينا ..
وماشاء الله 10 ايام عندك فرصه تدهوري في كوالالمبوور

خصيصا انها روووعه ..


الصور حمليهن من عرب شير بالنسبه للي احجامهن كبيره

[dr.loly]

اوشي حتي نا قلت ح تعلمهم طووول تنسيق المواضيع بعد الشروحات لي قتلك عليهن


وقتلك اهم شئ تقعدي مركزة وهدوووء جنبك خخخخ واهو ماشاء الله جبتيها



10 ع 10

[dr.loly]

وين باقي البنااااات

هدهد وجنودة غيااااب


سوسو منقطعة بكل رايحه...؟

[أم أجنادين 80]

السلام عليكم

الحمد لله علي السلامة شموسة

وان شاء الله سفرة ممتعة استمتعي علي قد ماتقدري ايام لاتعوض وردي بالك من حملك

صور جميلة جدا

بس عندي سؤال الأكل هدا صيني

وهل هوا حلال

بنات عندي سؤال بخصوص الاكل من المطاعم

طبعا والحمد لله الي غاية الان ماكليتش الا في مطاعم عربية لوما نسالوا يقولوا حلال

ففي بعض من البنات نعرفهم قالولي اننا ناكلوا في الدجاج عادي من اي مكان

وانا زوجي قالي مش راح ناكلوا منه الا لما نتاكدوا

دخلت علي اليويتيوب وفعلا انه حرام

شني رايك اثري

[أم أجنادين 80]

جيجي تنسيقات وتقديمات رائعة وفعلا افضل شي الغيتي العصير

ام فراس في عدة صفحات عالفيس لتطلبيات الكب الكيك

ونتمني منك تنزلي صور خاصة بكل اللي ذكرتيه نستني فيك اكثر من مرة تنزلي شي خاص بيهم

ونبي موضوعك الخاص بالروائح دورته وماالقيتش

اوشي يلا العصيدة ديريها الما يروح زوجك

انا اليوم درتها حتي انا زوجي يحبها بالعسل

[dr.loly]

مرحبا جنوده


معليش من البنات لي قالولك الدجاج عادي من اي مكان تاكليه ...؟؟



لاحول ولاقوة الا بالله اكيد حراااااااااااااام وماتحتاج فتوة اول حاجة هم مايذبحوش وحتي وولو ذبحوا مثلا مع ان مستحيل مش ع طريقة الامية يقتلو قتل ف الحيوانات بالخبط ع راس وغيرها ع البقر والخرفان والدجاج


لازم يكون مذبوح ع الطريقة الاسلاميه..

وا آآآآآآآآآآآسفاه ع الناس هذه لي قتي ياكلو ف دجاج ف اي مكان ؟؟؟؟؟؟؟؟؟؟؟؟؟؟


ما اكثر المطاعم الحلاااااااااااااااااااااااااااال ..
حتي لو مثلا جن ف مدينه مافيهش مطاعم حلال واجد نجتهد .. ونطيع ربي ونديره بروحي بعد نجيبوه من محل حلال

او نبحث ع اي اكل مافش محرمات وناكل عادي


وكذلك ماتاكلي الا من مطاعم الحلال والحمدلله من كثر المسلمين في كل مكان اصبحن متوفرات بكثرة



عندنا ف نيوكاسل واجد بكل خصيصا مطاعم الديكسي روووعه نفس جو الكنتاكي دجاج وبسسسس



وع كل شكل




حتي الانجليز والصينين يحبو ياكلوا منه وغيرهن من الحلال


سبحان الله الاكل الحلال طعمه طيب

[dr.loly]

بالنسبه للاكل اللي حاطه شمووسه اكيد حلااااال لان الخطوط التركيه عادة يراعو ف الاكل الحلال


اذا كان نحن ع خطوط البريطانيه وقدمولنا سندويتشات خاصه بالنباتين جبن موزاريلا بزيتون وجرجير وطماطم

وعلبة تشيبس وعصائر وبسكويت زبده و كافي بعدها مع مكسرااات

[dr.loly]

جنودة اي موضوع متاح روائح بالضبط..

ورح نصورلك منتجات الحمام متاعي حاضر

نا اول مرة نحكي عليهم ىنك قلتي نستني فيك تصويرهم اكثر من مرة

[dr.loly]

جنوده هم يبيعوا ف سندويتشات جاهزة واجد

كان مرة كنتوا ف مكان واضطريتوا للاكل

عليهن حرف ال في

بالاخضر تلقيه


معناها فيجيتيرن اي خاصات بالنباتين فقط



مثلا جبن بطماطم وزيتون وهكدا

[اوشي]

جنودة خوذي بالك وتحرصي واجد وتاكدي من الاكل الحلال

[اوشي]

فعلا هدهد غياب


شكلها حتى هي تتعب في الروضة مع سوما عشان هكي ترقد معاها ههههههههه

[اوشي]

سوسو مش غير غياب

زعما واخذة اذن وشن صار في مسابقتها

[اوشي]

جيجي الله يبارك تجهيزات ماالاخر

اعزمينا بيش انجوك خخخخخ

[اوشي]

اثورة كيف حالك ياحبيبة وعويلتك وبوهم عساكم طيبين

[اوشي]

شموسة ...

ماشاء الله علي سنافرك ربي يخليهم لك

والصور روعة ايهبلوووووو

سلم يدياتك

واستمتعي علي قد ماتقدري واصحي عالبيبي

[dr.loly]

درت عشايا مقطع لاول مرة بدون قديد خخخخ

درتله قطع بطاطا وجزر وحمص وفوحته بالثوم والزعتر وطشة حلبة ..

[dr.loly]

شكلي بنشري الة التجفيف وخلاص معش فيها

جاي خاطري في حساااااااااء

[dr.loly]

مرحبا اوشـــي

[dr.loly]

ام نوزه معش خشت حتي هي

واموووله خدتها الامومه رسمي

[جوهرة ليبيا]

السلام عليكم

كيف حالكم اليوم حبيباتي

ربي يحفظكم ويخليكم

والله لو انقوللكم نتمناكم كلكم اول الناس معازيمي ربي يشهد عليا زي اوخياتي وفرحتي اكيد اتم بيكم

ربي يجمعنا في يوم عالخير ياااااارب او في جنات الفردوس يااااااااااااااااااااارب


تنسيقاتي الحمد لله

رتبنا كل شئ كانوا اليوم عندي اهلي وحتي غدوه بيجوا ان شاء الله

دعواتكم ربي يتمم السبوع عالخير

فرحت هلبه ان التنسيقات عجبتكم لان بجد متعب الاختيار مع ان زوجي يعتبر اختار كل شئ ايجيبلي انذوق ونختار

اتفقت مع بنات الفقي ودفعت العربون اليوم

اثري سالتني من وين تعرفينا قعدت نبتسم وقلتلها وحده في النت من حي الاندلس قالتلي لقبكم مانعرفش انتم او لا

وحبيت نشكرك هللللللبه وان شاء الله يطلع العشئ زي مانبي

اليوم ذقت السله يمممم حاااااااره بصراحه بنقوللها تنقص اشويه حاره هلبه وزي ماقلتي سلاطتهم حاره يتفللفلوا الناس خخخخخخخ

تعرفوا مزينتي مش حتجي عندها عزومه في حوشها مش عارفه نمشي لمزين او نمكيج بروحي شئ ناعم وشعري مش مشكله


لاني تعبت والكل عارف مش حابه اندير شئ اوفر ايقولوا مش تاعبه !!!!!

وتعرفوا كلام الناس

هدرزت هلبه

والحلوه جمان في حضني مش ناويه ترقد كاعادة

[جوهرة ليبيا]

شموسه رحله موفقه وربي يحفظلك صغارك ويتمم حملك عالخير يارب

فروسه كيف حالك وحال الصغار وبوهم ان شاء الله تمااااااام يارب

جنوده ربي يوفقك لما يحبه ويرضاه وردي بالك من كل شئ في الغربه وخصوصا في البدايه

اوشي عجبني تصرف ردينه ربي يحفظها وخلي ديما كلمتها مسموعه عند خوتها ويحترموها وربي يحفظهم كلهم وامهم العسل وبوهم

اثري وينك اليوم وكيف حال الصغار وبوهم

حتي اليوم مقروش الصغار مش عارفه علاش !!!!
هدهد وينك ياعسل وكيف حال سومه

امول ربي يحفظك انتي وفطوم نستنوا فيك تحكيلنا كل شئ بالتفصيل وربي يعاونك الايام او الشهور الاولي صععععععععبه عالام وان شاء الله تطلع بنوتك هويديه ومش عياطه واهم حاجه ترقد في الليل هههههه


سوسو !!!!!!!!!!!!!!!!!!!!!!!!!!!!!

[جوهرة ليبيا]

تصبحوا علي الللللللف خير

[dr.loly]

اهئ اهئ

فرااااس دايرها ليلة فينا وتوا اجديت زوجي بيش يرقد وخليه معايا حرام ديما ماشئ متأخر او نعسان للكليه



العيل جايته حالة نشاط ومايبيش يرقد

ومرات يبدي ينق

رقاه باته وان شاء الله خير

المشكله ربي يحفظهم يرقد هو تنوض الاء...

[هدية الخالق]

السلام عليكم ورحمة الله وبركاته
كيف حالكم ياحبوبات وحشتوني وصحيتوا مشكورات اللي فقدتوني ان شاء الله ماتفقدوا غالي اني تعب هاليومين الجمعه رفعت سما للروضة وبعد كملنا مشيت لسوق قريب عالروضة لدت لين رجليا طاحو واني مروحة قلبت عليا الدنيا سما في الباص عياطات حشاكم وماتبيش العربة اضطريت شديتها شوية في ايدي مع انه غلط خطر عالعيل والباص يوقف كل شوي في المحطات
المهم روحت مادة لساني وقلت توووووبة معاد نبي روضات ههههههه
ويوم السبت طلعنا كالعادة مع راجلي جبنا النواقص وتغدينا برا وكان الجو صقع مووووووت والمطعم الي مشينالها بعيداجلنا الغدي لبعد الشوبنق لكن بعدين حسيت روحي منمووت من الجوع والطريق بعيدة قالي راجلي تخيلي نوصلوا ونلقوا المحل مصكر انضني بتقتليني ههههههه لأني جيعانه وهو اللي أجل الغدي ماليها في الفطور وشبعان وطبعا روحنا الدنيا مظلمة يادوب صلينا وكلينا فواكه ودرت دورة علي سما وللنوم فورا
واليوم صابحة عيانة وصاحب راجلي جي بيتغدا درت كسكسي بالبصلة وامبطن وقبل منزيد معاهم بطاطا مقلية وخلاص لاني واقفة بالسيف امشي راجلي قاللي ساد معاش تديري شي وبعدها ضميت المطبخ وموعد ازالة الشعر درت بالماكينة عالسريع ودوشت وصليت العشي وكيف قعمزت اااااخ نحس في رقبتي تقول مجروحة ونبلع في ريقي بالسيف شكلي منمرض الايام هادي بكل الجو صقععع واني مهملة من ناحية اللبس الثقيل مانحبش نلبس هلبة نضايق ويولي عليا بعدين
المهم كيف حالكم كلكم كلكم
جيجي ربي يسهل امورك ويكمل اسبوعك علي خير
جنودة ديري بالك من كل شي تصوري اكتشفنا حاجات مش حلال عمرهم مايخطروا علي بالك
زوجي مسكين اول سنة جي اهني مايعرف شي مايعرفش محلات الحلال ياكل في حوت وخضروات بس وقال كان واحد اردني ساكن معاي ياكل في خنزير حشاكم !!!!ويبرر في التصرف متاعه بأنه هوا مضطر وعادي قاله زوجي ليش انت مضطر تاكل لحم وكان ماكليتش لحم بتموت ؟؟
واني للأسف صارتلي غلطة حبوب الفيتامينات اللي ناخد فيهم طول الحمل طلع فيهم ومش كاتبين عليه لين صاحب زوجي اكتشفه قال ولدي يلعب بشيشة الدواء مشي تحول الكاغط من عليه اكتشف انه مكتوب تحت الكاغط hwaml4
فروسة حتي اني زيك نستغرب اللي يفتوا ويقولوا الدجاج عادي
وحتي في الروضة عطوا للصغار زبادي مابيتش نعطي لسما مشي وحدة لبنانية استغربت قلتلها مرات فيه جيلاتين قاتلي والله بتدققي في كل تتعبي قالت اهم حاجة اللحم حلال والباقي مو مشكلة
وقالت الجيلاتين قالوا الشيوخ عادي لانه مكرر قلتلها لا خليني في السليم اضمنلي
وجارتي الليبية ماتعلم بيها من وين زارقة تشري في شوكلاته ومستكة بدون ماتشوف قالت مانعلمش انه حتي هدوما فيهم
والله اني الحمد لله راجلي حريص بكل ضروري يقرأ علي كل شي وكان حاجة مالقاش عليه شي ماياخدهاش وخلاص

[هدية الخالق]

علامة الحلال ياجنودة U هيا في الاصل المنتجات الحلال دايرينهم علي خاطر اليهود لانه حتي هما ماياكلوش في الخنزير سبحان الله
راجلي قاللي لولا اليهود احني مش محصلين شي هنا قاللي تحسابي دايرينه للعرب والا ملزومين بيهم hwaml03

[dr.loly]

السلام عليكم ورحمة الله وبركاته

[dr.loly]

ااااه يابنغازي

ربي يهدي البلاد


ياااارب


والله مقهورة ع لي صاااار

المشكله نضت نعسانه بعد سهرتي مع فراااس


لقيت خواتي دازتلي ع فايبر ع لي صاير


قالني من 2 بليل دنيا منقلبه والضرب مش بعيد ع هلي لان هلي ف وسط البلاد



وماما رعشت لان خويا عدا قدام مستشفي الجلاء


طبعا ضد انصار الزريعة لان خساره فيهم اسم سانصار الشريعه اي شريعة لي ينصرو فيها هالتكفرين..


ايام معمر ماكانوا بس يفكروا انهم يطلعوا او يخطوا خطوة






عموما ماما رقا عليها السكــر وشالوها المستشفي وبعدها خويا رد



وكلمته قال بنحارب لوجه الله


قتله بلاد حايسه وربي ياخد الحق حتي رضا والديك

[dr.loly]

المشكله انهم ه التكفيرين منتشرين ف بنغازي واجد


وبم ان خويا سلفي هو وجماعته ديما تصير بيناتهم مشادات كلاميه ويستر الله




طبعا هم من فكر القاعده واسامه بن لادن


ومحللين دم وقتل الجيش والشرطه


لذلك ديما يهاجموا ف قوات الصاعقه ف بنغازي وينابشوا فيهم



المشكله يا بنات ان ف شباب صغار ف الصاعقه مساكين من الفقر منظمين عشان رواتب

وفي لي بحمية وطنيه ودمه حااامي وفيه لي نفس خويا يلبس نفسهم ويعدي لنية خالصة لله\


وهذوما كلهم ديما يرموا عليهم انصار الزريعه

[جوهرة ليبيا]

ياااااااااااااااااااااارب احقن دماء المسلمين

يارب احفظ اهل بنغازي وربي ينتقم من هالظالمين

حسبي الله ونعم الوكيل فيهم يقتلوا في ابرياء وشباب بلادي الغالين

والله مانعرف شن بنقول غير ربي يحفظ شبابنا واهالينا في كل مكان وربي ينتقم من الظالم يااااارب

الف لاباس علي اميمتك فروسه

وربي يحفظ وخيك و جماعته ويسحق كل من يبي في اهل بنغازي وكل بلادي الضرر والقتل


حسبنا الله ونعم الوكيل


يااااااااااااااااااااااااااااارب احفظ بلادي الغاليه في كل مكان

[شموسه 88]

السلام عليكم ورحمة الله وبركاته

[شموسه 88]

ياربي احفظ بنغازي
والله قلبي متقطع عليها
حسبي الله ونعم الوكيل

[شموسه 88]

جنوووده بلنسبه لصور الاكل لي حاطه هظا تبع الخطوط التركيه يعني ميه في ميه حلال
وبلنسبه لااكل المطاعم هنا في ماليزيا الحمد لله كلها اسلام ماشالله يعني اكل حلال ميه ميه او ماتدخلي في مطعم تلقي مكتوب كلمة حلال اوحاطين صور قران عل الحائط واذكار ابجد عاجبني التمسك بيدينهم اواغلبيه ملتزمين بلحجاب الكامل
بس في الصين بذات الحي لي نسكنو فيه لاسف مافيش مطاعم حلال يعني لو ناخذو من بره ناخذو سمك او بيتز او شبش او حاجه بلتن"زي مطعم مكدونلز عند همبرقر بلسمط او كنتاكي بلسمك اوانواع البيتز بلجمبري وفواكه البحر بس الداجاج حلال هذي بعيده جدا لانه شرط لحم الحلال هو الذبح اوهما مايذبجوش او عل فكره اليهود صاح يذبحو بس ماايكبروش عليه

[شموسه 88]

دودو عليش اتحطي في سمو في الروضه مش مازالت اصغيرونه خليها تقعد في الحوش ترقد اوترتاحي انتي وايها خير

[شموسه 88]

جيجي ان شالله ابسلامتك اوسلامته عروستنا لصغير وان شالله ايجيك كل شي زي مااتحبي

[شموسه 88]

فروسه لاباس عل الوالده
فعلا شي يقهر وايقطع القلب

[سوما ليبيا]

السلام عليكم

[هدية الخالق]

السلام عليكم
يارب فرج عالبلاد واهدي شبابنا
حسبي الله ونعم الوكيل
فروسة لاباس على ميمتك وربي يحفظ وخيك

[هدية الخالق]

شموسة نرفع في سوما بيش تلعب وتتعود عالخلطة والصغار حرام ديما قالقة في الخوش وتشوب من الناس لما يجينا حد تديرلنا في حالة
عموما اني ماخاطريش نمشي اليوم انضني منغير منمشي مرة في الاسبوع بدل مرتين واعر بصراحة

[أثري في مدادي]

السلام عليكم ورحمة الله

كتبت رددددددددددددددددددددددددددد
طويييييييييييييييييييييييييييييييييل

خبطت دودي خبطة واااااااااااااااااااااااحدة

ألغت كل شيء !!!!!!!!!!!!!!

[أثري في مدادي]

اللهم احفظ بنغاااااااااااااااااااااااااازي
وهلها

ولا حول ولا قوة إلا بالله العلي العظيم

حسبي الله ونعم الوكيل

اللهم أهلك أعداء الشريعة
واجعل تدبيرهم تدميرهم

وافضح حالهم
واهتك أسرارهم

ولابأس طهورا على الوالـــــــــــــــــــــــــــــدة
أم فروسي

والله وجعتني ،،، خلاص معاش تتحمل ~~~~
طمنينا إن شاء الله أحسن توا ؟؟؟

والله الوالدة
ما قلنالها حتى حاجة

وبالنصيب اليوم هي لاهية تدير في "" عصبان لشمس ""
فمحستش بشيء !!!!

لأن عمتي في شارع عشرين
من غير عمتي الثانية وخالتي وعيت عمي ،،،،، ولا حول ولا قوة إلاا بالله

[أثري في مدادي]

قال الشيخ أبو الفضل الليبي -وفقه الله- عن فرقة (أنصار الشريعة):

"هؤلاء هدَمَة للشريعة، هؤلاء جماعة التكفير أو القاعدة، عندما عرف الناس حقيقة هؤلاء جنحوا إلى تغيير أسماءهم فسموا أنفسهم (أنصار الشريعة)، ففي أمثالهم يقول شيخ الإسلام -رحمه الله-: لا الإسلام نصروا، ولا لعدوه كسروا، بل هؤلاء الإفساد والفساد الذي يقومون به أكثر، ما علمنا أن لهم صلاحا إلا الفساد والإرهاب، والإساءة إلى الإسلام، وتشويه أهل السنة وأنهم مرجئة ويتهمونهم بالقبائح، فلا علاقة لهم بهذا الاسم لا من قريب ولا من بعيد".

[أثري في مدادي]

هدهــــــــــــــــــــــــــد

رحلة مرهقة ،،،،،،،،،،،، إذن ؟؟؟

مقترح جعلها مرة بالأسبوع فكرة طيبة أيضا ~~~~

وحاولي
أن تجعلي منها صديقة لك ،،،
نعم
حاوريها
وتحدثي معها
بل واستشيريها في غداء اليوم ؟؟؟
نعم
هي لاتفقه أغلب كلامك
ولكنها تتواصل معك بلغة جسدها
كما أنها تزداد ثروتها اللغوية ،،،وهذا هو المهم في سنها

فحينما
ينطلق لسانها
ستصبح نسخة منك في
عباراتها
وحتى
إيماءاتها

فعندما تجتهدين في بناء هذا الجسر التواصلي معها
ستربحين
حميمية في العلاقة بينكما
وثروة لغوية رائعة ،،، وخاصة إن طعمت عباراتك بكلمات عربية فصحى فتصبح لديها تشكيلة طيبة
يمر الوقت بروعة لدوام الهدرزة بينكما

ورعاك الله
وحفظ زوجك المتقي الله في أكله وشرابه
فمن موانع استجابة الدعاء أكل الحرام
ناهيك
عن العقاب الآخروي

[اوشي]

السلام عليكم ورحمة الله وبركاته

[اوشي]

كيف حالكن اليوم ان شاء طيبات واموركن هانية

[اوشي]

لا حول ولا قوة الا بالله ..

ربي ينتقم من كل جبار ظالم الله يجعل تدبيرهم في تدميرهم

انصار الجريمة ... المجرمين المحبين للدماء والفساد والدمار


الله يقهرهم كيف ماقهرونا في خيرة شبابنا

[اوشي]

فروسة لاباس عالوالدة ربي مايوريها سو ان شاء الله

وربي يخليلك خيك ويحفظه

طمنينا علي جدة فروسي

[اوشي]

جيجي مشكورة علي كلامك العسل

وحتى انا نفس تفكيرك قلت خلي عندها اشوية استقلالية وتعرف كيف تنتعامل مع خوتها

خاصة انها هي الكبيرة


ربي يحفظلك بنياتك وتفرحي بيها

[أثري في مدادي]

لفضيلة الشيخ محمد بن عمر بازمول حفظه الله:

علمني ديني : أن أتجنب إراقة الدم المحرم، وأن حرمة الدماء المؤمنة أشد من حرمة الكعبة، بل زوال الدنيا أهون عند الله من قتل رجل مسلم.

عَنْ ابْنِ عُمَرَ -رَضِيَ اللَّهُ عَنْهُمَا- قَالَ: قَالَ رَسُولُ اللَّهِ - صلى الله عليه وسلم -:

"لَنْ يَزَالَ الْمُؤْمِنُ فِي فُسْحَةٍ مِنْ دِينِهِ مَا لَمْ يُصِبْ دَمًا حَرَامًا" (أخرجه البخاري في كتاب الديات، باب: قول الله تعالى: {من يقتل مؤمنًا متعمدًا}، حديث رقم (6862)).

عَنْ عَبْدِ اللَّهِ بْنِ عُمَرَ قَالَ:

"إِنَّ مِنْ وَرْطَاتِ الْأُمُورِ الَّتِي لَا مَخْرَجَ لِمَنْ أَوْقَعَ نَفْسَهُ فِيهَا سَفْكَ الدَّمِ الْحَرَامِ بِغَيْرِ حِلِّهِ" (أخرجه البخاري في كتاب الديات، باب: قول الله تعالى: {من يقتل مؤمنًا متعمدًا}، حديث رقم (6863).).

وَعَنْ عَبْدِ اللَّهِ بْنِ عَمْرٍو -رَضِيَ اللَّه ُعَنْهُمَا- أَنَّ النَّبِيَّ - صلى الله عليه وسلم - قَالَ:

لَزَوَالُ الدُّنْيَا أَهْوَنُ عِنْدَ اللَّهِ مِنْ قَتْلِ رَجُلٍ مُسْلِمٍ.

رَوَاهُ مُسْلِمٌ وَالنَّسَائِيُّ، وَالتِّرْمِذِيُّ مَرْفُوعًا وَمَوْقُوفًا وَرَجَّحَ الْمَوْقُوفَ، وهو في حكم المرفوع.

وَرَوَى النَّسَائِيُّ وَالْبَيْهَقِيُّ -أَيْضًا- مِنْ حَدِيثِ بُرَيْدَةَ قَالَ:

قَالَ رَسُولُ اللَّهِ - صلى الله عليه وسلم -: قَتْلُ الْمُؤْمِنِ أَعْظَمُ عِنْدَ اللَّهِ مِنْ زَوَالِ الدُّنْيَا.

قال الألباني في صحيح الترغيب والترهيب: "حسن صحيح"اهـ

وَرَوَى ابْنُ مَاجَهْ عَنْ عَبْدِ اللَّهِ بْنِ عَمْرٍو قَالَ:

رَأَيْتُ رَسُولَ اللَّهِ - صلى الله عليه وسلم - يَطُوفُ بِالْكَعْبَةِ وَيَقُولُ: مَا أَطْيَبَكِ! وَمَا أَطَيْبَ رِيحَكِ! مَا أَعْظَمَكِ! وَمَا أَعْظَمَ حُرْمَتَكِ! وَالَّذِي نَفْسُ مُحَمَّدٍ بِيَدِهِ لَحُرْمَةُ الْمُؤْمِنِ عِنْدَ اللَّهِ أَعْظَمُ مِنْ حُرْمَتِكِ؛ مَالِهِ وَدَمِهِ.

اللَّفْظُ لابْنِ مَاجَهْ.

قال الألباني في صحيح الترغيب والترهيب: صحيح لغيره.اهـ

[أثري في مدادي]

أهــــــــــــــــــــــــــلا أوشي

يارمرحبتين بغزالتنا

وعوضك الله عن مشاريعك بما هو خيرا منهااااااااااااااااااااااا

[جوهرة ليبيا]

السلام عليكم ورحمه الله وبركاته

[جوهرة ليبيا]

فروسه طمنينا علي اميمتك وعويلتك ان شاء الله تمام ويكونوا بالف خير

اوشي انتي العسل

اهلين اثري كيف حالك

هدهد ربي يحفظها العياطه سوما وحاولي ترفعيها مره مره

شموسه ربي يحفظ اهلك واهلنا في بنغازي وربي يسخر امور سفرتكم بكل خير

جنوده وينك اليوم

سوسو غطست مره وحده ان شاء الله خير

[أثري في مدادي]

أهلا جيجي

شن أخبار حوســــــــــــــــــــــــــتك ؟؟؟

إن شاء الله تمام ،،،،

ولا يهمك
حيجي عشاكـــــــــــــ مميز صدقيني ~~~~

إممممممممممم

قالتلك لقبنااااااااااااااااااا

خخخخخخخخخخخخخخخ

ممكن ،،، وممكن !!!

[جوهرة ليبيا]

اليوم رتبنا كل شئ خواتي ربي يحفظهم

حاجات ببسيطه بس باذن الله تندار غدوه
دوشت لرنو توه ورقدت

ودوشت اني واستشورت شعري عالخفيف

والصبح باذن الله

بنهوي الحوش بكري وبنكنس ونلمع عالخفيف

حمام الضيوف نضفاته اختي ولمعاته

المطبخ ميه ميه حتي فطور قالي راجلي تو انجيب من برا ههههههه حفاظا عالريحه والترتيب

اندوش للقمر جمان الظهريه ربي يحفظها ونلبسها بدلتها قبل المغرب

وحندوش جسمي مع العصر ونبدا انرتب روحي انا والعرايس الحلوات بنوتاتي

وخواتي ايعاونوني

ونبدا نستقبل ضيوفي

وياااااااااااارب يتمم علي خير كل شئ

دعواتكم

وربي يحفظ كل مدينه في بلادي الحبيبه

[جوهرة ليبيا]

هههههههههههههههه ريتي اثري كيف جمعتنا نقطه عالواقع

سبحان الله

تعرفي السله مفلفله كلمتها اليوم قلتلها ديريهالي ناشطه بس مش هلبه زي ماضقت امس

بصراحه هما بشوشات وهدرازات مجرد انكلمها تسال عليا وعلي بناتي وعمليتي

ماشاء الله عليهم

[أثري في مدادي]

http://forum.hwaml.com/imgcache2/hwaml.com_1385418119_602.jpg


http://forum.hwaml.com/imgcache2/hwaml.com_1385418119_988.jpg


هذا ما اقتنيتــــــــــــــــــــــــه

لـــــــــــــ دودي ~~~~

الأول لعــــــــــــــــرس بنت ابن خالتي في 12 عرسها ~~~

[جوهرة ليبيا]

ماشاء الله اثري تلبسهم بالهني يارب

وربي يكثر افراحكم

[أثري في مدادي]

هههههههههههههههه ريتي اثري كيف جمعتنا نقطه عالواقع

سبحان الله

تعرفي السله مفلفله كلمتها اليوم قلتلها ديريهالي ناشطه بس مش هلبه زي ماضقت امس

بصراحه هما بشوشات وهدرازات مجرد انكلمها تسال عليا وعلي بناتي وعمليتي

ماشاء الله عليهم

تعرفــــــــــــــــــــــــــــي

جيجي

توقعت أنها تكون نقطـــــــــــــــــــة على أرض الواقع ،،،،،
علما أنني لازلت غير متيقنة من وجودهــــــــــــــــــــا
المهم
متيقنة
من وجود الحب في أعماقـــــــــــــــــــــــــنا

ولو أردت أن أثبت النقطة الواقعية
اتصل
بهم
وأسألهم
عندكم طلبية عشي الثلاثاء لسبوع وحدة ـــــ
هي واخدة ولـــــــــــــــــــــد ؟؟؟؟؟؟؟؟؟؟
ونبدا نعصر في مخي
فتمشي هي تجاوبني
باش تأكد المعلومة

شن رأيك ؟؟؟

نمازحك
هذه الأمور بالذات مخليتها بالظروف
علما
أن الزوج عنده نظرة أكثر تحفظ بخصوص هذا الموضــــــــــــــــــــــوع ~~~~

[جوهرة ليبيا]

بنوتي جمونه راقده بس انا مش قادره نرقد

طبعا من التخميم

ربي يسر كل اموري ويتمم السبوع علي خير

[أثري في مدادي]

إن شـــــــــــــــــــــــــــــــــــاء الله

غدوة إن شاء الله

زي تواااااااااااااااااااااااا

تكوني

خفيفة زي الريييييييييييييشة
وفرحانة وممنونة

[أثري في مدادي]

http://forum.hwaml.com/imgcache2/hwaml.com_1385418783_329.jpg

وجعتني هلببببببببببببببببببببة هذه الحقيقة

المـــــــــــــــــــــــــــــــــــــــــــــــ ــرة

[أثري في مدادي]

http://forum.hwaml.com/imgcache2/hwaml.com_1385419040_226.jpg

[أثري في مدادي]

http://forum.hwaml.com/imgcache2/hwaml.com_1385419360_249.jpg

[أثري في مدادي]

http://forum.hwaml.com/imgcache2/hwaml.com_1385419548_929.jpg

[أثري في مدادي]

أستأذنكن الآن

علما أن دووووووووووووووووودي

كسرت نومها
توااااااااااااااا

ونايضة تتنطط وامورها راااااااااااااااااايقة

فلهذا
بنوض نجيب كتاباتي
ونقعمز نقرا مشوار

غدوة عندي درسي الاسبوعي بالمسجد
خلي نتجهزلـــــــــــــــــــــــــــه

ناخذ في شرح
العقيدة الواســـــــــــــــــــــــــطية


ســـــــــــــــــــــــــــــــــــــــــــــــــ ـــــــــو ســـــــــــــــــــــــــــــــــــــــــــــــــ ــو
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[جوهرة ليبيا]

نتمني نرقد بدون سابق انذار

اثري صقع صحححح

انحس نفسي صقعانه

خايفه انكون اخديت برده من الدوش ربك يستر وخلاص

[جوهرة ليبيا]

تصبحوا علي الف خير

ويارب غدوه انخش هالوقت وانطمنكم علي امور السبوع


دعواااااااااااااااااااااااااااااتكم


سلاااااااااااام

[ليبياقلبي]

ههههههههههههههههههههههههههههههههههلا والله الف الف الف مبروك جيجي والحمد لله عالسلامتك انت والكتكتوتة جمان ربي يحفظها ويخلهولك وخيرك حبيتي تعبتي منين التعب والله تحكي علا عمليتك دقولي انا في مضاد وكحة البنج حاجة وحدة انا عمليتي مش ملبض بس انا تعبني الالتصاقات ونقص البروتين خيرك انت منين تعبتي احكيلنا علا ولادتك يالغلا

[ليبياقلبي]

جيجي انت بديري لمة وحدة في حوشك نظامك لناسك كلهم ولالالا وجوك في الحوش ولالا وديرتي عوزمة للرجالة ولالالا
قوللي حبيبيتي الحاجات الحارة منين خديتهم

[ليبياقلبي]

امولة الف الحمد لله عالسلامتك طبعا انا قعدت نخش عالفيس شوية ونطلع معاش نفضى الحق