مشاهدة النسخة كاملة : حبيباتى سيدات ليبيا تفضلو لأعرف ما حالكم
جوهرة ليبيا
10-11-2013, 09:50 PM
مساء الخيرات عالحلوات
نقرا ومضايقه مش قادره انقعمز متعب
اليوم كان متعب شوي عالعاده هالايام وشن بنحكي لنحكي
غدوه باذن الله شوبينق اخر طلعه هههههههه ويستر الله مرات تنقص حاجات
وغدوه انخش شهري دعواتكم ربي يسهل عليا وانكون انا والقمر بخير
امول مبروك البنوته ربي يحفظها ومتخافيش حيزيد وزنها وكولي كويس
اوشي ضلمتني بصوره الهريسه العربيه لو تعرفي كيف انحبها وانموووووووووووت فيها
سوسو وشموسه وينكم وكيف حالكم وحال الصغار
هدو كيف حالك وحال سوما العسل
ام فراس شن جو الصغار وربي يسر امور سفركم
اثري الليمونه ربي حفظك ويحفظ صغارك وامك وكل احبابك
جنوووووووووووووووووووووده وينك غياب
وكل عام حبايبي بالف الف خير
أووووووووووووووهــــــ ... امولة
كيف حالك حبيبة شخبارك واخبار فطـــــــــــــــــــومة
مبـــــــــــارك عليك الودادة ربي يقر عينك بشوفتها ويخليها لك
ان شـــــــاء اللــــــه من قسيــــــــمك
وماتخافيش عليها البيبي عموما .. لما يدخل التاسع يبدا في اكتساب الوزن بسرعة كبيرة مما عليه
في الاشهر الفائتة
أثري في مدادي
10-12-2013, 01:43 AM
السلام عليكم ورحمة الله وبركاته
كيف حالكم عويــــــــــــــــــــــــــــــلة ؟؟؟
شوية متكدرة من وضع البــــــــــــــــــــــــــــــلاد
ربي يفرج
اللهم ولي علينا خيارنااااااااااااااااااااااااااااااااااااااااااااا ااااااا
sosolibya
10-12-2013, 08:49 AM
صبااااااااااااااااااااااااح الخير
طمنيني شمووووووووووووووسة شنو صااااااااار أنا حللت في الحوش وطلعلي
........................................
.....................ز
طبعا درته الخميس ووطلع
خط واحد وكلمت دكتورتي قالتلي أصلا تعتبر مش معطلة هلبة
وماتوثقيش فيه ديري اختبار دم أحسن
sosolibya
10-12-2013, 11:35 AM
السلام عليكم
مشيت للزاوية وجيت وانتم غياااااب
sosolibya
10-12-2013, 11:36 AM
مشيت درت تحليل وقالولي يبي ساعتين روووووحنا وخلاص
sosolibya
10-12-2013, 11:37 AM
اللهم يسر لك في حملك يا أمووووووولة وإن شاء الله تقومي بالسلامة
وعلى من الاسم ياحلوة
sosolibya
10-12-2013, 11:41 AM
فروس نعم فكرة اوشي حلوة ولو في طريقة بصراحة شخصيا لاأعرفها
ولاكم هو محزن ان تكتبي أو تنقلي مووع وبعدين يطلع مكرر
sosolibya
10-12-2013, 11:43 AM
فروسة كيف حال وحال الصغار وإن شاء الله تأخير رحلتكم خير
والى متى تأخرت
sosolibya
10-12-2013, 11:47 AM
اوشي شن حالك وحال الصغار وبوهم
وقصدك ياحبي تشرو في حوايج احنا العيد الكبير مانشرولاش في حوايج ههههه
وبالنسبة للخروف ماشاء الله خدينا من خالي
sosolibya
10-12-2013, 11:49 AM
جنودة إن شاء الله غيابك خير
هدية كيف حالك زوجك توا
sosolibya
10-12-2013, 12:47 PM
غداي إن شاء الله طبيخة فاصوليا الله قداش خاري فيها وخصوصا مع خبزة نطلعها من الفريز ونحطها في الكوشة تطلع قرموشة تقول من الكوشية جية طااااازة
شموسه 88
10-12-2013, 12:52 PM
السلام عليكم ورحمة الله وبركاته
شموسه 88
10-12-2013, 12:56 PM
شن الجو سوسو .
والله مازلت مادرت تحليل زوجي مش قاعد ماشي لمدينه جالو ونا في حوش هلي وابصرحه انتحشم انقول لبابا ارفعني اندير تحليل دم بس الحمد لله اليوم في بوادر لنزول الدوره طلعتلي العلامه لي تطلع في الوجه هههههههههه اوفي الم في الظهر ان شالله ايصدقني ربي اوتطلع هيا
اوتحليل المنزلي كم مره درته مافيش حمل بس انحب انتاكد
شموسه 88
10-12-2013, 12:58 PM
اثري ابصراحه كلنا متالمين من الوضوع لي صاير في البلاد ربي يصلح حالك يا ابلادي وايفرج عليك
شموسه 88
10-12-2013, 01:12 PM
الحمد لله اني بخير وع فكرة نطل مرة مرة نشوف في اخباركم غير هذا وين سخر ربي وكتبت وحتي اني بديت زي جي جي التقعميزة بحسابها
امس درت الالترا ساوند والحمد لله اطمنت ع البيبي وأكدتلي انها بنووووووووته الحمد لله حتي شرياني في اللبس مامشاش بلاش ههههههه
وان شاء الله نديرها اوخية قبل ماتكون بنية وتونسني وتهون عليا شويا الغربه يااااارب
وان شاء الله اخترنا لها من الاسماء
فااااااااااطمة
فطومه ان شاء الله يارب تجينا بأخلاق بنت الرسول عليه الصلاة والسلام ياااارب
بس قتلي وزنها 2200غرام ومزالي اسبوع ونخش التاسع نحسها بتجيني صغيرووووووووووووونه والا شن رايكم؟هل احتمال نزيد كيلو اخر والا صعب؟للاسف الترجيع في الوحم اثر ع وزنها بس الحمد لله ع كل حال غير تجي بسسسسس
ماشالله الف الف مبروك البنوته ربي ايفرحك بيها ان شالله بلعكس الوزن مناسبه بكل تقعدي كل اسبوع اتزيدي في 100-200 جرام
تعرفوا اليوم اول مانضت حسيت سوما قالقة مسكينة حتي وقفتها عالشباك تشوف في الجو وفرحانة وجعتني انها محبوسة قلت منطلعها بعد فطرنا وغيرتلها ورضعتها قلت لراجلي استنى منطلعوا معاك نتمشوا ونسقدوك للجامعة ماهو الجامعة قريبة علينا يمشيلها على رجليه مسافة ربع ساعة بالكثير
المهم طلعنا تمشينا شوي وفي نص الطريق حسيته صقع وولينا اني وسوما وماوصلتش للحوش نين اتصل بيا قاللي تعالي بسرعة في حفل تخرج في الجامعة تفرجي عليه
الله سبحان الله عالزحمة ومع ذلك نظام وترتيب والطلبة كلهم لابسيم لبس التخرج الاسود والقبعة السوداء والدكاترة والمشرفين لابسين لبسة احمر بالازرق وقبعات زرق ورايحين منظمين والضيوف ماتلقوش كان اللي شاد باقة ورد والا هدية ودايرين الحفلة في الهواء الطلق جنب نافورة وشجر جو خيالي والدكاترة لما جو طابور ويستقبلوا فيهم بالطبول وموسيقى زي الزكرة وبعدين الطلبة قالوا النشيد كل في منهم صينيين وفي كنديين لكن بعدين راجلي قاللي تأخرت منعدي كان بتقعدي تتفرجي بروحك اقعدي قتله لا شن بيقعدني في هالزحمة تو نريح بينهم ههههههه
ربي يحفظها سومه الحلوه اكيده المرحله هذي تبي اتخالط الناس واتغير جوها
اوماشالله حلو الجو التفريج على جو حفلات التخرج
مساء الخيرات عالحلوات
نقرا ومضايقه مش قادره انقعمز متعب
اليوم كان متعب شوي عالعاده هالايام وشن بنحكي لنحكي
غدوه باذن الله شوبينق اخر طلعه هههههههه ويستر الله مرات تنقص حاجات
وغدوه انخش شهري دعواتكم ربي يسهل عليا وانكون انا والقمر بخير
امول مبروك البنوته ربي يحفظها ومتخافيش حيزيد وزنها وكولي كويس
اوشي ضلمتني بصوره الهريسه العربيه لو تعرفي كيف انحبها وانموووووووووووت فيها
سوسو وشموسه وينكم وكيف حالكم وحال الصغار
هدو كيف حالك وحال سوما العسل
ام فراس شن جو الصغار وربي يسر امور سفركم
اثري الليمونه ربي حفظك ويحفظ صغارك وامك وكل احبابك
جنوووووووووووووووووووووده وينك غياب
وكل عام حبايبي بالف الف خير
ربي اينوضك بلسلامه ان شالله جيجي هاانت خلاص ياحبيبه
قبل بنعدوا ثالت يوم لاسكتلندا
بس امس جتنا رساله من مركز الوقايه من امراض النطق والسمع
دازين يأكدو ع موعد الاء يوم الخميس ثالت العيد,,,,
عشان يديرولها تخطيـــط السمع كامــل
مشكله توا خشيت بنلغي الحجز مالقيتش ولا فندق جناح فاضي م الجمعه الا فندق اثنين فاضيات والباقي الثلاتاء
زوجي قالي كل تاخيره فيها خيــره
قبل خاطري فيه الراديسووون بلو ....
شكلي نختار واحد عريق استايل فيكتوري وخلاص بلاش من الحداثه ماعنديش حظ خخخخخخ
كل توخيره فيها خييره ان شالله عل قول زوجك اهم شي المبداء السفره مازال موجود
sosolibya
10-12-2013, 01:14 PM
شموووووووووووووسة هيا أنا على أعصابي
sosolibya
10-12-2013, 01:15 PM
هدية جووووووو مش عادي الحفلة إن شاء الله استمتعتو
sosolibya
10-12-2013, 05:53 PM
السلام عليكم ورحمة الله وبركاته..
sosolibya
10-12-2013, 05:53 PM
لماذا لايوجد أحد
dr.loly
10-12-2013, 06:05 PM
الســلآم عليكم ورحمة الله وبركاته
كيف حالكن اخواتي الغاليــات
راسي صداع صداع صداع
امس نا وابوفراس ماجانش النوووم هكي قعدنا ل 5 ونص وبعدها خشيت وسيبته ,, وقعد يبرم ف الحوش مضايق لدرجة خفنا ان في شئ صاير لهلنا بلكــي ,,\\
عمومآ زوجي مل من الروتــين ورايف ع البلاد وسيارته وسفاري اصحابه هههههه مايحبش التقيد
فتحناها ساعه صفــا وقعدنا نهدرزوا بعد صلاة الفجــر لعند 8 ونص
وبعدها رقدنا ,, ناض فروساااا ساعه 1 قعد يخبطلنا ع سرير ناض ابوفراس دارله حليب ,, ونا زي حلم نحس فيه
لان الولي عملتها الساعه 1خ عمله باهيه لكتوفها ,, غيرتلها ونا راقده تقريبآ
عمومآ قالي ماديرش فطــور توا نطلبوا وعدا للحلواني لي جنبنا جاب منه موالح جاهزة قتله به ح ندير شربه لازم
لاني عارفته وعارفه نفسي نحبوا نفطروا عليها
sosolibya
10-12-2013, 06:12 PM
راجلي طلع توا واكيد بيبتصل يقولي النتييييييييجة ربي يستر
طبعا هو سكر راسه وقالي مافيش تحليل لبعد العيد
لو جت الدورة باهي لو ماجتشس معناها بنمشو نحللو ضروري
قلتله والله مانقدر نعيش على اعصابي لبعد العيدد
وووو وبعد نقاااااش ههه وحديث استسلم ورفعني اليوم خخخخخخ
sosolibya
10-12-2013, 06:14 PM
اهلا فروسة خير لابأس
هذا السهر والصيام خليك مدروووووووووووخة وخلاص
dr.loly
10-12-2013, 06:16 PM
قتلك ام فراس ..
كيف تعرفي ان هذا الموضوع مش مكرر
عندي لك فكرة ...
ليش ما تقوليش لام ارجوان عن مستطيل للبحث عن المواضيع الموجودة في المنتدى
كيف ماهم دايرين في منتدى عالم حواء ومنتدى سيدتي
نفس طريقة البحث في قوقل
يعني تكتبي اسم الموضوع واديري بحث تطلع لك جميع المواضيع المشابهة لموضوعك
لان هكي تعب بالنسبة لي ...
الا اذا كانت في طريقة انا مش عارفتها
ومامعنى تحرير مشاركة
اهلا حبيبتي معليش سامحيني توا كيف انتبهت لكلآمكـ بعد سوسو حكت ع الموضوع وانكـ حاكيه عليه
قعدت نراجع ف الصفحات وندور ع هدرزتنا امس وصح جاي كلامك في اخر صفحة هذا عليش ما انتبهتلش,,
عموما ,,,,,
حتي في المنتدي هنا فيه صندوق السيرش او البحث وتلقيه في اعلى الصفحة الرئسيسه للمنـتــدي..
اكتبي اسم الموضوع حرفي هكي بدون اضافه زينه او سلاشات ..
وحيطلعلك اذا كان موجود اولآ ........
وتحرير مشاركه معناها شخص من الاداره وعادة ام ارجوان او المشرفات العامات ..
او مشرفه قسم انتي حاطه موضوع عندها
تقدر تدير تعديل لموضوعك .. مثلآ فيه روابط مخفيه .. او تعديل عنوان ..
وعادة ام ارجوان تحرر ف المشاركات وتضيف في ايقونه الموضوع المميز
يعني نفس بعد اتديري انتي تعديل مثلآ لمشاركتـك ..
وهالفتره مستلمه مواضيع .. العنواين المبهمه وحظر الاعضاء لي يحطوا في فايروسات
العناوين المبهمه مثل .. ساعدوني .. استفسار
يعني عنوان مش واضح ومفهوووم حتي لو مر عليك بقسمكـ
بم انك مشرفه وعندك خيارات والصلاحيه التامه بقسمكـ
تقدري تعديل للموضوع وتخشي ع الاسم وتغيره مثلا وحده تسأل
عن عدد الرضاعات الصناعيه باليوم وكاتبه اسم الموضوع ساعدوني ..
تديرلها تعديـل وتخشي ع اسم الموضوع وتكتبي .. استفسار كم عدد الرضاعات باليوم؟
وهكدا .. وهي بالتالي ح تجيها رسالة تحرير مشاركه اوتوماتيكيآ من المنتدي باسمـك
وان شاء الله انكون افدتك اي استفسار اخر تفضلي حبيبتي ..
وع فكرة ف الاداره اغلب المشرفات النشيطات ولي مركزات ع تنظيم اقسامهن والردود خصيصا ع الاستفسااارات واثراء المنتدي بكل ماهو جديد .. عارفتهن ام ارجوان ..
واكيد لاحظتي اخر فتره التقيمات والاوسمه للمشرفه النشيطه والمميزه
والقسم المميز والمشرفه المتعاونه
بس للاسف توا الاوسمــه رايحات لان في مخربين ... لاعبين بالمنتدي ..
ونحظروا فيهم رايحين كاثرين..
dr.loly
10-12-2013, 06:21 PM
الحق ياسوسو من الســهر .. كلا الصيام الحمدلله
والتحليل متاع ساعتين هذا ديجيتال يقولوله .. هرموني اسمه اتش سي جي .. يعني حددلك حتي كم صاير حمل لو في
لو اعلي من 5 الهرمون يعني في حمــل ..
بصراحه داروه ليا في الاء وتعقدت لان فيه انتظار هههههه خصيصا وقتها كنت خايفه بكل
لكن ف فراس تحليل بعد 10 دقايق يطلع
عليك لحظة ما أجملها نزلنا مع بعضنا وقالت اشويه دقايق
عدينا ركبنا السياره ونزل زوجي جاب خبزه ساخنه نذكرها ههههههه
لان درناه 10 صبح بعد غابت الدورة بيوم وكنت عروس ماسكرتش شهر
وبعد ردينا للمختبر .. قعدت خايفه ههههههه
قتله انزل انت جيب النتيجة ..
جا ركب السياره ومافش اي تعبير .. يعدها فجأه ارتسمت الفرحه ع وجه وبحث فيا وقالي مبارك حامـــــــل......
dr.loly
10-12-2013, 06:24 PM
أمولــه ,, تتربى بعزكم فطـــوم ان شاء الله ,, وربي يحفظها ونفس ماقالن اخواتنا الوزن طبيعي عارفه في التاسع تبدا الزيادة الكبيره للجنين هذا ليش يقولوا الحامل تثقل واااجد ..
وعجبتني منك كلمة اوخيه ع بنيتك بحثتت في لولي طول وقلتها لها هههه
dr.loly
10-12-2013, 06:25 PM
جيجي ان شاء الله ع خير وسلآمه .. اخترتوا اسم والا مازال ؟
dr.loly
10-12-2013, 06:29 PM
شمــوسه فكرة القديد حلوة بكــل بنعلق عليها من اول امس نسيت
خصيصا انكم ماشين لمدينه مافيهش .. اكل حلال
خصيصا العويله بسلامتهمـ .. يملوا من المعلب والاكل الخاص لهم .. لازم اكل ساخن من ايدين الماما دافئ وحانط
ههههههههه خطرتي عليا ايام الفندق هنا فروسي حسيناه نقــص وعاف اوكالهم خخخخخخخخخخخ
رايف ع رز ومكارين وكسكو امه خخخخخخخ
بس ع فكرة بوادر الدوره برضه دليل حمـــل ههههههه مانبش نفجعكـ
لان طبعي بعد نحمل اول شهر كأنها بتجيني تقعد تطلع الحبه ومفاصلي يسطرن وبطن تنتفخ اشوي وصدر يؤلم لمسه
هذا ليش ف فراس كل اللي يحقني يقولي شكلك حامل وانا مستبعده الموضوع لاني نحس بالاعراض وموعدها قرب
dr.loly
10-12-2013, 06:30 PM
هدية اجواء حلو عشت معاك فيها في التخـــرج ..
وسما اكيد تلبسي فيها ف قامجو الطلوع صح .. المبطن هذا وفي لي ضد المطر .. طبعا مع غطاء الكروسه متاع الريح والمطر
dr.loly
10-12-2013, 06:31 PM
جنوده ان شاء الله غيابها خير
حتى ام معاد وام ورد اختفن
ورغوده زعما طلعتلعم التأشيره
dr.loly
10-12-2013, 06:33 PM
http://forum.hwaml.com/t274880.html
dr.loly
10-12-2013, 06:35 PM
سوسو تقدري تنزلي مسابقتكـ توا ..
ام ارجوان امس الظهر نزلت اعلان وقالت الاستعدام لسوسو وام جوري لطرح المسابقات ابتداء من امس او اليوم
توا بنفتحلك الموضوع
dr.loly
10-12-2013, 06:39 PM
مسابقة (حقيبة العروسة) .. شاركونا..... (http://forum.hwaml.com/showthread.php?p=3406701%d8%9f%d8%9f%d8%9f%d8%9f%d 8%9f%d8%9f%d8%9f%d8%9f%d8%9f%d8%9f%d8%9f%d8%9f%d8% 9f%d8%9f%d8%9f%d8%9f%d8%9f%d8%9f%d8%9f%d8%9f%d8%9f %d8%9f%d8%9f%d8%9f%d8%9f%d8%9f%d8%9f%d8%9f%d8%9f%d 8%9f)
dr.loly
10-12-2013, 06:42 PM
سوسو الموضوع ,,, مثبت توا ومفتوح .. ثبته لكـي
والمستبقه اعتبريها ابتدت من اليوم واحسبي سبعه وبعدها تعلني النتائج ..
sosolibya
10-12-2013, 07:05 PM
فرووووووووووسة محلاها لحظة معرفة حمل وزوجك يهببببببببببل كيف قالهالك حال العرسان الجدد
sosolibya
10-12-2013, 07:07 PM
شكراااااااااااااااااااا لك فروووووووووووووسة مسابقتي فقدت فيها الأمل ههههههههههه
sosolibya
10-12-2013, 07:10 PM
كم يوم مخصص للمسابقة
dr.loly
10-12-2013, 07:11 PM
العفو ...
انتي كاتبه اسبوع
وهو اقصى مده للمسابقات 10
لو تبي تعدليها عاااااادي بس بسرعه
sosolibya
10-12-2013, 07:12 PM
مش عارفة ماهو عييييييد خايفة الناس ماتفضاش
ويه وقت للتصويت
dr.loly
10-12-2013, 07:13 PM
خلاص خليها 10 ايااام أفضــل مدة المسابقه
dr.loly
10-12-2013, 07:14 PM
والتصويت مابين 5 الي 7 ايام .. مايطولش عن هكي
dr.loly
10-12-2013, 07:14 PM
لالا توا يشاركوا بس ديرلها اعلانات هههه
sosolibya
10-12-2013, 07:14 PM
السلام عليكم ورحمة الله وبركاته
المسابقة تبدأ من اليوم بعون الله
وحتى يوم الخميس ليلا
ثم تبدأ مرحلة التصويت..
dr.loly
10-12-2013, 07:15 PM
خشي ع التجمعات خصيصا الجزائريات في منتدي تأخر الحمــل واي تجمع حطي فيه رابط المسااابقه
dr.loly
10-12-2013, 07:16 PM
http://forum.hwaml.com/t274077.html
sosolibya
10-12-2013, 07:16 PM
السلام عليكم ورحمة الله وبركاته
المسابقة تبدأ من اليوم بعون الله
وحتى يوم الخميس ليلا
ثم تبدأ مرحلة التصويت..
اااااااااااااااااااااه نسحابك 10 ايام تصويت ومشاركة مع بعض هكي فهمت
dr.loly
10-12-2013, 07:24 PM
لالالا
مدة المسابقه تكون مابين 7 الي 10 ايام .. ماتزيدش عن هكــي
وبعدها التصويــت
مابين 5 الي 7 أيام
dr.loly
10-12-2013, 07:25 PM
عدليها ياسوسو لان اشويه 6 ايام ههههههه خصيصا وقت عيد
لو خليتيها عشر ايام تقعد لعند الاثنين الاخــــــــر
sosolibya
10-12-2013, 07:30 PM
بارك الله فيك فروسة
sosolibya
10-12-2013, 07:31 PM
الله ياريت تجي جنودة وتشارك مسكينة مشاركتها قالت موتيتها من هديكا المرة
sosolibya
10-12-2013, 07:33 PM
باهي معقول بنقعد ندير موضوع في كل قسم
أمل ليبيا
10-12-2013, 08:53 PM
السلام عليكم
نحس المنتدى فيه حاجه غلط معاش نشوف في شئ ؟ومش عارفه كلامي يوصل فيكم او لا ؟
بس اكيد باركتولي الله يبارك فيكم ويسعدكم ويخليكم يااااارب
للاسف نحس روحي زي العمية معااااش شفت شئ نكتب وخلاص!
البارح زوجي مداير هو واصحابه 6 سعودين يتلاقو يوم الجمعه ودرتله طاجين بطاطا لانه كل واحد يجيب حاجه بس مظاااايقه ع خاطر يقعد قلريب للواحد واني والله نخاف صح امان بس نخاف لما الحوش يسكت ونقعد بروحي المهم شرالي مكينة رشدة اونلاين وقالي الجمعه الجايه نبيك اديرلي عشاء كامل نرفعه قتله باهي معليشي نتحمله يوم في الاسبوع
بس اليوم قالي انه حتىالليله بيمشي ويبيني نطيله اكثر من حاجه الحق كنت جوي حلو وفرحانه بالعطله حسيته انقلب؟
ااااااااه اول مافكرت في كيف بندير في اليل بروحي
المهم من الصبح وهو يتأسف ويقولي سامحيني غصب عني هما طلبو مني مانقدرش نردهم وطلعني بالسيف للاسواق وقالي خودي شن تبي باش يرضيني
لكن روحت مافيش فايده قاعد جوي مش حلو نفكر شن بنطيب وكيف بنقعد في الليل بروحي !!
الله غالب وخلاص
أثري في مدادي
10-12-2013, 10:56 PM
الســــــــــــــــــــــــــــــــــلام عليكم ورحمة الله وبركاتـــــــــــــــــــــــــــــــــــــه
يا هلا بالغواااااااااااااااااااااااااااالي
أمووووووووووووووولة ،،،
~~ الله يحفظلك أوخيتك ، وبنوتتك ، ومؤنستك ،،، بحضورها ستنقلب لحظاتك فرح ومرح وغبطة وسرور ،،،،
~~ والاســـــــــــــــــ مميز ــــــــــــــــــــــــــم وخاصة لو أصريت على نطقه بالشكل الصحيــــــــــــــــــــــح
~~ لا تشغلي بالك بالوزن ، """يجي فار ويتربى بالدار """ علاوي كان وزنه كيلوين وخمسمئة واللهم بارك الآن فاق أقرانــــــــــــــــــه
~~ وبالنسبة لبرامج زوجك ،،، أنصحك بالآتـــــــــــــــــي
وضحي له أنك منزعجة لبعده عنك ، وتقبلك لليلة بالاسبوع يُعد قمـــــــــــــ التضحية ـــــــــــــــة
وخاصة إن رافق ذلك تشحوير وتعب ؛ وأنت بحالة الترزين هذه !!
فالرجل يحتاج إلى من ينبهه لأنه عادة يتعامل مع النساء بمنطق الرجال
فأنت يتعين عليك ترجمة أحاسيسك دوما ، لأنه يحبك ولكن يحتاج إلى من يشرح له ويوضح ~~
وبالنسبة للوقت الذي تقضينه لوحدك ،،، صحيح هو ممل ولكن نعمة الأمن الآن نحن فهمنا ما تحمله من معان
فلهذا اشغلي نفسك بنشاطات عبر الشبكة أو بالمطالعة أو الحفظ "" قرآن ، أربعين نووية مثلا ""
المهم اجعلي لذلذك اليوم برنامج دوري تستفيدين منه
كي يمضي الوقت بلا شعور
وجددي النية فأنت موعودة بالأجر والثواب
طاعة للزوج وإحسان للآخرين
~~~~~~~~~~~~~~~~~~~~~~~ أعانك المولى
أثري في مدادي
10-12-2013, 11:02 PM
أم فروسي وألولي ،،،،
~~ تأجيلة السفر لعل فيها خيـــــــــــــــــــــرة ،،،، تأملي الأمر وستلمسينها ~~~
~~ كشف كامل على السمع أو تخطيط !!! أمر روتيني ؟؟؟
~~ اللهـــــــــــــــــــــــــــــم بارك
أعجبني جدا تنسيقك لنتائج مسابقة معاني الأسماء ،،، خلفيتك رائقة جدا
الحقيقة قصة الخلفية هذه بالذات تحتاج إلى ذوق عال لأنها قد تفسد أكثر مما تجمل ~~~
والكلمات والعبارات المنسابة ،،، راقت لــــــــــــــــــــــــــــــي ~~~
~~ مرارة الغربة صارت تختلط بلحظاتكم ؟؟؟
لا تجعلوا لها مكانا ،،،، فالحقيقة ............................................
لعله خيرا
كونكم خارج البلاد ................ الآن وليس دوماااااااااااااااااااااااا
~~ شن أخبار الغريانية المريــــــــــــــــــضة ؟؟؟وإن شاء الله صداعك أحسن
أثري في مدادي
10-12-2013, 11:07 PM
ســــــــــــــــــــــــــوسو
~~ صحتين الفاصولياء بالخبيزة المقرمشة ،،، ألذ الطبايخ لدي ~~~
~~ شنوووووووووووووووو صار ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ في ال...................
~~ حمودي مازال صغيرون ،،،،،،،،،،،، ما تضغطيش عليه ،،، خليه يهيج عندك ومع خواله
لاحق على الضبط والربط ،،، يامن عاش للعام الجاي
~~ اميمتك كيف حااااااااااااااااااالها ؟؟؟
~~ ما صارش شوره من الخدمــــــــــــــــــــــــــــــــــــــــة ؟؟؟
~~ حلوة المسابقة ،،، فكرتها تنتج فوائد
بس للأسف ما عنديش فيه وضع الصور !!!
~~ ما عندكش رقم جنوووووووووووووووووووووووووووووووووووووودة ؟؟؟
انشغلنا عليها الحق !!!!
أثري في مدادي
10-12-2013, 11:09 PM
شموســـــــــــــــــــــــــــــــــــــــــة
~~ طواريء أكيــــــــــــــــــــــــــــــــــــــــــــد
~~ شن أخبارك مع السواقـــــــــــــــــــــــة ؟؟
~~ صبيتك العروس كيف حالها !!!
~~ إن شاء الله مع الضغوطات حتطلعي أروع عصيــــــــــــــر
لكن إنت ممكن تطلعي عصير مانقا خخخخخخخخخخخخخ
أثري في مدادي
10-12-2013, 11:18 PM
أوشـــــــــــــــــــــــــي
~~ عين العقل تأجيلة الفرشـــــــــــــــــــــة وما تابعها ؛ فالعيد أولى
بس حوايج في العيد الكبيرة !!!!!!!!!!!!!!!!!!!!!!!
وين حوايج العيد الصغيرة !!!!!!!!!!!!!!!!!!!!!!!!!!!!!!!!!!!
جيجي
ربي يسهلك ،،، اليوم ولا غدوة بتخشي شهرك ؟؟؟
شنو الاســــــــــــــــــــــــــــــــــــــــم استقريتواااااااااااا ؟؟؟؟
مهيأة رنودة للضيفة الجديدة !!!!
ربي يعاونك و ويسهلك وكان خشيتي شهرك أبدي في المشـــــــــــــــــــــــــــــي
هديـــــــــــــــــــــــــــــــــــــة
كيف الحال ؟؟ وحال سومااااااااااااااااااا ؟؟
وشكرا على الكلمات الحلوة
والعاقبة لما تفرحي بتخرج ضناك يا ختــــــــــــــــــــــــــــــــي ~~~
آه
إنت صاحبة الرشدة المبكبكة بالخضرة
سبحان الله
في رمضان فاطرة عند حوش شيابيني بعتتلنا حماتي رشدة بهذيكا الخضرا المجمدة "" جزر وفاصولياء خضرا وذرة وبازيلياء " كانت لذيذة جدااااااااااااااااااااااا
وبعدين شريت منها ودرتها مع مكرونة الفيوكاااااااااااااات مع مكعبات دجاج وثوم وشرائح فلفل حلو ملون وبصل شرائح وجبن زي السلالالالالالالالالالالالالالالالالالاطة جت روعة ~~~~
شكرا ع التوضيح
أثري في مدادي
10-12-2013, 11:21 PM
سوما الكبيرة
كيفك ؟؟
ووينك ؟؟
عدت للحالة الغازية بعد ما فرحنا بتحولك للصلبة !!!!
أم نوزة
وينك ،،،، كيف حال حمودي ؟؟؟
هادي ولا عياااااااااااااااااااااااااااط !!!
أم أبوني
وأم ورد
ورغودة
ويقونة
كلهم غازييييييييييييييييييييييااااااااااااااااااااااااا اااااااتتتتتتتتتتتتتتتتتتتتتت
أثري في مدادي
10-12-2013, 11:30 PM
آخر أخباري
~~~ غوة بتجيني المزينة بديرلي وجهي بالشمعة وتساويلي قصة شعــــــــــــــــــــري
~~~ مشيت اليوم عربنت ع شوكولاتة بنت خوي عرسها 24 / 10
~~~ الصبح مشيت لبابل متاع الأحذية
صارلي معاهم موقـــــــــــــــــــــــــف
داروا تخفيضات 40 في المئة
مشيت خديت حذاء لعلو ألوانه متنوعة يركب علي كل شيء
وين نلبسهوله فردة تخش بسرعة والثانية تبيلك !!!
وكل يوم لازم نعلق خيرك يا ولد رجل أكبر من رجل !!!
أول أمس أخيرا فكرت نقلب الحذاء ولقيتهم غالطين كل فردة من رقــــــــــــــــــــــــــــــم !!
رفعنا الحذاء ليهم
هم ماركة ومسؤولين على أخطاء عمالهم
وطبعا ولدي ليه فوق الشهر يلبس فيها
قالولنا تعالوا بعد يومين نشوفوا المدير شن يقول
مشيت اليوم قاللي : اختاري مدام أي وحدة جديدة ومتأسفين
يا هووووووووو
خديتله نفسها بس بالرقم المظبوط
ودللت رويحتي وخديت حذاء لي أني كان بــــــــــ 125
ولـــــــــــــى بـــــــــ 63
روعة مريح جدا
كأنك مش لابسة شيء
~~ ومشيت للملاك الأبيض اخترت تايير للعرس
لونه فيروززززززززززززي
جاني حلوة هلبة وطلعلي جسمي مش عادي
لكن .................................................. .....
عذرا مؤخرتي مفصلة هلبة !!!!!!!!!!!!!!!!!!!!
مقدرتش """ خفت من ربي """
كاسيات عاريات !!!
قلت من ترك شيئا لله عوضه الله خيرا منه
بدلتها بوحدة ثانية أزرق كحلي بالأبيض
حلوة ونازكة
وجت علي حلوة
لكن .......................
هذيكا أروع
ربي يعوضني خير
دهشتتتتتتتتتتتتتتتتتتتتتتتتت
من بكري ندوي
كان نرسل الرد وما نلقى حد
حنزعل هلبة
الليلة خشيت بكري ع أساس
أثري في مدادي
10-12-2013, 11:32 PM
ما فيش حدددددددددددددددددددددددددددددددد
بنمشي نشوف قسمي
ونطل بعدييييييييييييييييييييييين
السلام عليكم ورحمة الله وبركاته
أوشـــــــــــــــــــــــــي
~~ عين العقل تأجيلة الفرشـــــــــــــــــــــة وما تابعها ؛ فالعيد أولى
بس حوايج في العيد الكبيرة !!!!!!!!!!!!!!!!!!!!!!!
وين حوايج العيد الصغيرة !!!!!!!!!!!!!!!!!!!!!!!!!!!!!!!!!!!
كيف حالك حبيبة ...
حوايج العيد الصغير صيفي ... ونحنا الجو صقع عندنا
وبسلامتهم العيال يكبرو فمشي بوهم وشرا الهم توت ولبسة عادية دافية
انا قتله حتى لو فانيلا بس لان سراويلهم في وحدات مازالن جدد
الوحيد اللي شرى له توتة ولبسة صقوعي السيد عصومي وعاركته عليها قتله حرام هكي
بس يلا مش رايحين يلاقيها في المدرسة
هل تُعانين من الإمساك بعد الولادة؟ (http://forum.hwaml.com/t274984-new-post.html)
اليوم شكله كساد .....
نمشي نبرم علي طنجرتي آآآ قصدي قسمي خخخخخخخخ
أثري في مدادي
10-13-2013, 01:30 AM
آآآآآآآآآه
أوشي
جيتي
مرحبتين
درت برمة علي طنجرتي
وجيت وراسي واجعـــــــــــــــــــــــــــني !!!
كويس مادام الحكاية تغييرة موسم معاك حق
وبالهنا يلبسها السي عصومي
جوهرة ليبيا
10-13-2013, 01:48 AM
السلام عليكم ورحمه الله وبركاته
آآآآآآآآآه
أوشي
جيتي
مرحبتين
درت برمة علي طنجرتي
وجيت وراسي واجعـــــــــــــــــــــــــــني !!!
كويس مادام الحكاية تغييرة موسم معاك حق
وبالهنا يلبسها السي عصومي
سلمك ياحبيبة ... وكل عام وانت بخير
السلام عليكم ورحمه الله وبركاته
وعليك السلام ورحمة الله وبركاته
كيف حالك ... خشيتي شهرك عاد ان شاء عي خير وسلامة
جوهرة ليبيا
10-13-2013, 01:53 AM
شموسه وام فروسه واثري ماااااااااااازال الاسم محتارين فيه بس انا عاجبني ارجوان او آزاد او ثماره او جمان هههههه شن خليت ربي يرزقني بيهم كلهم
اليوم السبت خشيت شهري
طلعت لسوق بعد المغرب لان العشيه مافيهاش خديت حاجات بسيطه ومفارش طاولات ومناشف وحاجات الصيدليه ليا
ولما بنروحوا السريع مسكر ربي يهدي ولما قدرنا كيف انخشوا من طريق تانيه الرصاص جمبنا خديت بنتي من الكرسي وجبتها جنبي
وندعي وخلاص راجلي مسكين خاف موت عليا ايد ايسوق وايد حاضنا ربي يهدي وخلاص
تصبحـــــــــــــــــــوا علــــــــــــــــــــــلي خيـــــــــــــر
جوهرة ليبيا
10-13-2013, 01:54 AM
خشيت يااوشي ياحبيبه وبدي رعب الولاده ههههههه ربي يسهل عليا وانوض انا وشمعه حوشي التانيه بالف خير
جوهرة ليبيا
10-13-2013, 02:41 AM
ذكروني البنات
في حملي بريناد عروس 20يوم او اقل خشيت للدكتوره طلبت تحليل ورجعنا عندها في الغرفه شوي خشت الممرضه وعطت النتيجه للدكتورا
باركتلنا قالت مبروك حامل
ناض راجلي باسني وضمني وانا المسكينه متت من الاحراج اصلا قاعده متعودتش عليه ومتحشمه منه
حتي هو اتحشم واتاسف من الدكتوره قالت عادي اتصير يوميا
طلعنا وشاد ايدي بقوه ويبيني نمشي بشويش
والحق حتي في حملي هذا فرحان بس انا اللي قلتله وضمني في السياره بعدت نجري هههههههه
ربي يحفظه الغالي
وربي مايرزق كل محرومه الذريه الصالحه ياااااااارب
تصبحوا علي الف خير
هدية الخالق
10-13-2013, 04:40 AM
السلام عليكم ورحمة الله وبركاته
كيف حالكم حبيباتي اليوم
طبعا اليوم عطلة وفرحااانة بنطير ديما يوم الجمعة في الليل نفرح زي الصغار لأنه صابحة عطلة هههههههه والله ماهو مني من الكساد والروتين الممل طول الأسبوع وراجلي من الصبح لليل برا الله يعاونه حاصل في القراية وضغط عليه الفترة هادي
المهم نضت الصبح التسعة ونص مالقيتش سوما في السرير طلعت للصالة لقيت راجلي مسكين حاصل فيها قاللي نايضة من الثمانية تنقنق وهو طبعا نايض من قبلها بشوي شكله طاير منا النوم هكي نوعيته مايرقدش هلبة شكله من التخميم في القراية والا مش عارفة وخالتكم سوما ترا شن دايرة اليوم من عملة؟
الصبح الساعه سبعة ماحسيتش كان بشي يشح في خيط .....(حمالة الصدر..)من وراء والمشكلة راجلي مقابلني مش وراي كان هذا شكيت فيه هههههه امشي تلفتت ونلقاها سوما ناقزة من سريرها لسريرنا انخلعت ونوضت راجلي نحسابه هو منزلها والمشكلة أول مرة تديرها قبل تصبي بس وتشد في القضبان كأنها محبوسة توا خلاااص تعلمت وعرفت الطريقة خوديها كل يوم هكي تخيلواكان قدمت خطوتين عند رجليا راهي جت على حاشية السرير ونقزت عالوطا ربي يستر وخلاص
هدية الخالق
10-13-2013, 06:34 AM
طلعنا مع الساعه 12ونص قلت لراجلي نبوا مكان قريب مانحبش نقعد فترة طويلة في الباص نزهق ومنرجع حشاكم وخصوصا يوقف كل شوية على محطة لين نقلق امشي قال في حديقة قريبة تقريبا نص ساعه تبعد علينا وجنبها سوق ومطعم قال باش ندهوروا بعدها نتغدوا وناخدوا بضاعتنا ونروحوا مشينا ادهورنا الجو في البداية كان حلو ومشمس وركبنا الدراجيح اني وسوما وتمشيت لين قلت بس بعدها الجو سبحان الله انقلب رييح وصقع قريب ثلجت وراجلي لابس نص كم بس واني تحت الجلباب بدي سيور بس قتله خلاص هي نعدوا للسوق الاول نبضعوا وبعدين نمشوا نتغدوا خدينا بضاعتنا عالسريع ومشينا لمطعم بريطاني خاص بالمأكولات البحرية بس اول ماخشينا حسيت اللية بدت تخبط نحسابها دورة خفت تجيني غادي ويصيرلي موقف محرج قلتله خود وجبات نآكلوهم في الحوش وخلاص خدينا حوت نوعين واحد مقلي سكالوب والنوع الثاني في انصاف مع سلطة ومايونيز وخدينا بطاطا مقلية وشرائح بصل مقلي وروحنا وطلع وجع الدورة عالفاضي سحنت فيا طول اليوم ومافي شي وموعدها 15لكن ديما تقدم يومين تلاتة بالريح عمرها ماجت في نفس اليوم قلت كان قعدت االية حتى غضوة ومافي شي منشك في الأمر زي سوسو وشموسة لاني من الاول شاكة انه في غلط صار ونحس في اعراض زي شراهة في الاكل والميل للنوم فترة النهار مع اني ليا شهووور معاد نعرفه نوم النهار وتوا زادت االية شككتني لانه اعراض الحمل زي الدورة ان شاء الله خير
سلامات توا سما شادتها عيااااط واني بديت نتوتر من عياطها لما تعيط يوجعي ضهري سبحان الله شكله تشنج
هدية الخالق
10-13-2013, 10:32 AM
صباح الخير شن الجو بنات
سوسو وينك غريبة مش خاشة تعرفي اني ننعس ومنرقد الساعه12ونص لكن قلت خلي نخش نشوف سوسو أكيد نايضة
وخشت قالت حامل والا هههههه فضوووول لكن نحس فيك مش حامل كان هذا راك خشيتي تجري تخبري فينا في المفاجأة
شن بيرقدني هيا خشي نبي نعرف شن صاااار ؟ههههههه
سلام منعدي نرقد نحس في روحي هلكانة كان يسمعني راجلي يقولي منين هلكانة طول اليوم مكسدة والحوش شقيقة صغيرة ماياخدش مني ساعة لكن سما سليمتها بروحها تهلك الله يهديه راجلي علمها عالطب فوق والله ماعاد تبي وطا بتهبلني والله لين نبكي مرات يارب صبرني عليها امتا بدير رجلين وتمشي يخف عليا الحمل شوي
هي سلامااات الليلة نهدرزوا غضوة
sosolibya
10-13-2013, 12:42 PM
صباااااااااااااااااااااح الخير نضتو ولامازال
نفسيتي مدمرةةةةةةةة لا إله إلا الله
التحليلي متع الدم حتى هو سالب
مش عار فة شن صارلي اضاااااااااايقت بس راجلي فرح وقاي خلي جسمك وظهرك يرتاح
بس انا مش مطمنة للتحليل علاش ماجتش الدورة اليوم 7 ايام تأخير
وزايد حالتي النفسية امس واليوم نفكر في اني وحييييييييييدة ونبي اختي
خلاص بنبكي ونبكي نشكيييييييييييي
شموسه 88
10-13-2013, 12:48 PM
السلام عليكم ورحمة الله وبركاته
شموسه 88
10-13-2013, 12:51 PM
بهي ياسوسو قلبك اطمن نا ماازلت ما حلتت واليوم نضت مزكومه اوصداع اوزوجي ابسلامته مازال ماروح"قالي نطلع في العشيه" اليوم فطرت ماقدرتش انصيم اونفس جوك جوي شييييييييين نبي انروح لحوشي انكمل باقي حوستي ادبيشاتي
sosolibya
10-13-2013, 01:08 PM
ياريت يجي حد يهدرز معي
شموسه 88
10-13-2013, 01:10 PM
شموسه وام فروسه واثري ماااااااااااازال الاسم محتارين فيه بس انا عاجبني ارجوان او آزاد او ثماره او جمان هههههه شن خليت ربي يرزقني بيهم كلهم
اليوم السبت خشيت شهري
طلعت لسوق بعد المغرب لان العشيه مافيهاش خديت حاجات بسيطه ومفارش طاولات ومناشف وحاجات الصيدليه ليا
ولما بنروحوا السريع مسكر ربي يهدي ولما قدرنا كيف انخشوا من طريق تانيه الرصاص جمبنا خديت بنتي من الكرسي وجبتها جنبي
وندعي وخلاص راجلي مسكين خاف موت عليا ايد ايسوق وايد حاضنا ربي يهدي وخلاص
ماشالله جيجي الاسامي كلهن حلوه ياربي تسلمي عليها واتفرحيي بيها
اومبررروك حاجات الجديده وان شالله ابسلامتك
شموســـــــــــــــــــــــــــــــــــــــــة
~~ طواريء أكيــــــــــــــــــــــــــــــــــــــــــــد
~~ شن أخبارك مع السواقـــــــــــــــــــــــة ؟؟
~~ صبيتك العروس كيف حالها !!!
~~ إن شاء الله مع الضغوطات حتطلعي أروع عصيــــــــــــــر
لكن إنت ممكن تطلعي عصير مانقا خخخخخخخخخخخخخ
اهلين اباثري
مش غيير طوارئ
والله لسواقه ليا مده معش سقت لاني حولت في مزرعه بعيده اوطريقها اتخوف اشويا ونا ابروحي منحسش بلامان لما انسوق
العروسه الحمدلله الكويسه ماشالله توا حامل في الثاني
آخر أخباري
~~~ غوة بتجيني المزينة بديرلي وجهي بالشمعة وتساويلي قصة شعــــــــــــــــــــري
~~~ مشيت اليوم عربنت ع شوكولاتة بنت خوي عرسها 24 / 10
~~~ الصبح مشيت لبابل متاع الأحذية
صارلي معاهم موقـــــــــــــــــــــــــف
داروا تخفيضات 40 في المئة
مشيت خديت حذاء لعلو ألوانه متنوعة يركب علي كل شيء
وين نلبسهوله فردة تخش بسرعة والثانية تبيلك !!!
وكل يوم لازم نعلق خيرك يا ولد رجل أكبر من رجل !!!
أول أمس أخيرا فكرت نقلب الحذاء ولقيتهم غالطين كل فردة من رقــــــــــــــــــــــــــــــم !!
رفعنا الحذاء ليهم
هم ماركة ومسؤولين على أخطاء عمالهم
وطبعا ولدي ليه فوق الشهر يلبس فيها
قالولنا تعالوا بعد يومين نشوفوا المدير شن يقول
مشيت اليوم قاللي : اختاري مدام أي وحدة جديدة ومتأسفين
يا هووووووووو
خديتله نفسها بس بالرقم المظبوط
ودللت رويحتي وخديت حذاء لي أني كان بــــــــــ 125
ولـــــــــــــى بـــــــــ 63
روعة مريح جدا
كأنك مش لابسة شيء
~~ ومشيت للملاك الأبيض اخترت تايير للعرس
لونه فيروززززززززززززي
جاني حلوة هلبة وطلعلي جسمي مش عادي
لكن .................................................. .....
عذرا مؤخرتي مفصلة هلبة !!!!!!!!!!!!!!!!!!!!
مقدرتش """ خفت من ربي """
كاسيات عاريات !!!
قلت من ترك شيئا لله عوضه الله خيرا منه
بدلتها بوحدة ثانية أزرق كحلي بالأبيض
حلوة ونازكة
وجت علي حلوة
لكن .......................
هذيكا أروع
ربي يعوضني خير
دهشتتتتتتتتتتتتتتتتتتتتتتتتت
من بكري ندوي
كان نرسل الرد وما نلقى حد
حنزعل هلبة
الليلة خشيت بكري ع أساس
مبررروك البدله اوهم شيء اتكوني متريحها فيها بينك اوبين نفسك اتبيديها بلهناء ان شالله
اوماشالله عللولي محظوظ لي بدلوله الحذاء امتاعه
شمــوسه فكرة القديد حلوة بكــل بنعلق عليها من اول امس نسيت
خصيصا انكم ماشين لمدينه مافيهش .. اكل حلال
خصيصا العويله بسلامتهمـ .. يملوا من المعلب والاكل الخاص لهم .. لازم اكل ساخن من ايدين الماما دافئ وحانط
ههههههههه خطرتي عليا ايام الفندق هنا فروسي حسيناه نقــص وعاف اوكالهم خخخخخخخخخخخ
رايف ع رز ومكارين وكسكو امه خخخخخخخ
بس ع فكرة بوادر الدوره برضه دليل حمـــل ههههههه مانبش نفجعكـ
لان طبعي بعد نحمل اول شهر كأنها بتجيني تقعد تطلع الحبه ومفاصلي يسطرن وبطن تنتفخ اشوي وصدر يؤلم لمسه
هذا ليش ف فراس كل اللي يحقني يقولي شكلك حامل وانا مستبعده الموضوع لاني نحس بالاعراض وموعدها قرب
ههههههههه باهي ام ام فروسي ماتبيش اتفرحيني ياربي سترك اوخلاص الحمد لله عل كل حااال
sosolibya
10-13-2013, 01:10 PM
هلا شموسة
لا ماارتحتش بصراحة بالعكس زدت تعقدت كيف سالب
تعرفي بالرغم من اني كنت مانبيش حمل بس بصراحة كنت متوقعة اني حامل ولما طلع سالب انصدمت هلللللللللبة
ومه هذا مش مصدقاته وبعد العيد لو ماجتش بنعاود التحليل
sosolibya
10-13-2013, 01:14 PM
ايه شموسة حتى انا مع فروسة الاعراض
مثلاا انا وجعني ظهري بشكل رهييييب يوم 7 وماجي شىء
وبعده طلعتلي حبة في وجهي ومهناك شىء
لو تعرفي قداش نفسيتي مضااااااايقة ودموعي في عيوني
شموسه 88
10-13-2013, 01:16 PM
خييييييير ان شالله ياسوسو
انتي زعلانه اومكتائبه معنها توا تنزل لان احد اعراضها تقعدي مكتائبه اوزعلانه
شموسه 88
10-13-2013, 01:18 PM
لا لا لا اي شي الا زعل وادموووووع سوسو
ادموعك غاليات ياسمحه
sosolibya
10-13-2013, 01:45 PM
ههههههههههه معقول أعراضها ألإكتئاب
sosolibya
10-13-2013, 01:45 PM
منو صايم اليوم
رغوده2006
10-13-2013, 02:11 PM
السلام عليكم
كيف حالكم وكل عام وانتم بألف الف خير يااااارب
واخيرا يابنات التجمع افتح معاي وك عليا عالقريب انجلطت ياحبيبتي
رغوده2006
10-13-2013, 02:12 PM
منو صايم اليوم
مش انااااااااااااااااااااااااااااااااااااااhwaml02
رغوده2006
10-13-2013, 02:17 PM
ام فراس كيف حالك وحال عويلتك
بالله عليك معليشي كثرت عليك نبي نسألك على حاجه اللي هي التأشبرة طلعتلي انا وابوالعيال سنه لكن الصغار طلعتلهم سته شهور بس كيف اتجي هده قالونا عادي تقدروا اتمددوا التأشيره كل ثلاثه شهور وهكذا لين اتم المده وفيه من قال لازم اتروحوا لليبيا باش اتجددوا التأشيره بالله قوليلي وطمنيني الله يطمنك ياااارب
sosolibya
10-13-2013, 02:47 PM
أخيييييييرا خشيتي رغودة ياهلا وينك وكيف خشيتي
sosolibya
10-13-2013, 02:50 PM
الحمد لله وإن شاء الله مشيتكم مافيها غير الخير يااااااارب يارغودة
رغوده2006
10-13-2013, 02:53 PM
أخيييييييرا خشيتي رغودة ياهلا وينك وكيف خشيتي
المفتاح راح مني مشيت كسرت القفل وهديت الباب hwaml8وهجوووووووووووووووووووم عالتجمع ههههههههههههhwaml7
رغوده2006
10-13-2013, 02:55 PM
الحمد لله وإن شاء الله مشيتكم مافيها غير الخير يااااااارب يارغودة
سلمك ياسوسو عقبالك ماتهجي من هالبلادhwaml16
شموسه 88
10-13-2013, 02:55 PM
ام فراس كيف حالك وحال عويلتك
بالله عليك معليشي كثرت عليك نبي نسألك على حاجه اللي هي التأشبرة طلعتلي انا وابوالعيال سنه لكن الصغار طلعتلهم سته شهور بس كيف اتجي هده قالونا عادي تقدروا اتمددوا التأشيره كل ثلاثه شهور وهكذا لين اتم المده وفيه من قال لازم اتروحوا لليبيا باش اتجددوا التأشيره بالله قوليلي وطمنيني الله يطمنك ياااارب
اهلين ابرغوووده مبروووك التاشيره
انجوبك بدال ام فروسه عل حسب مافهمت اتجددي غاادي مش معقوله اتروحي ليبيا اوتردي
sosolibya
10-13-2013, 02:57 PM
رغودة كيف حال حملك
وبتصيمي غودة إن شاء الله
شموسه 88
10-13-2013, 02:57 PM
امتا ماشين ان شالله واكيده تبي اتجيبي غاادي جو يا رغوووده
sosolibya
10-13-2013, 02:59 PM
سلمك ياسوسو عقبالك ماتهجي من هالبلادhwaml16
مستحيل نهج من بلادي
نحبها وقلبي معلق فيها ومانقدر نغيب عليها..
شموسه 88
10-13-2013, 03:00 PM
انا مش صايمه مريضه لوزتي منتفخات اوزكمه لعبه فيا اوخايفه ناخذ مضاد حيوي نطلع حامل شن اندير ....
شموسه 88
10-13-2013, 03:02 PM
نبي نشترك ياسوسو في ماسبقتك تو بعدين كان قعدت اكويسه انكسد عليها
شنطة العروسه قصدك بيها شنطة شهر العسل صااااح
sosolibya
10-13-2013, 03:04 PM
نفكر ندير بااااااااااااااازين طبعا أول مررررررررررررةةةةة
نديره هكي بروحي كله
يعني قبل مثلا ندير الايدام بس طبيخته يعني
أو نملسوه بس كله نديره بروحي أول مرة
خديت دقيق شعير وخاطري فيه بشدددددددددددة مش عارفة علاش
ههه الجمعة درناه عند امعيني بس بالحوت مانبيهش
نبي لحم ولا دجاج عربي مممممممممممممممممممم
sosolibya
10-13-2013, 03:06 PM
لابأس عليك شمووووووووووووسة وخوذي حاجات طبيعية وخلاص حاجات سخونة وعسل وووو
وبالنسبة للمسابقة لا نقصد بيها العروس لما تجهز نفسها يعني شن توتي للعرس
sosolibya
10-13-2013, 03:10 PM
سلاااااااااااام جي راجلي وبنمشي نقعد معاه طبعا حمود هارب عند عيالي
وأنا دموعي مش قادرة نوقفهم ولما شفت زوجي بدو ينزلو براحهم
dr.loly
10-13-2013, 04:34 PM
ام فراس كيف حالك وحال عويلتك
بالله عليك معليشي كثرت عليك نبي نسألك على حاجه اللي هي التأشبرة طلعتلي انا وابوالعيال سنه لكن الصغار طلعتلهم سته شهور بس كيف اتجي هده قالونا عادي تقدروا اتمددوا التأشيره كل ثلاثه شهور وهكذا لين اتم المده وفيه من قال لازم اتروحوا لليبيا باش اتجددوا التأشيره بالله قوليلي وطمنيني الله يطمنك ياااارب
حالنا الحمدلله تمامـ .. صيام وسهور العيال معانا ههههههههه
واجواء عيد اليوم زوجي بيجيبلي المصارين لان بعد يجيبلونا حولينا مايعطوش فيهن ...يوم عالمــي تنظيف يعني
وزيدها يازيد حوسه الفطور لاننا صايمين لنا 8 ايام والحمدلله ,,\\
وبصراحه غريــبه ليش ماعطوهم تأشسرة سنه نفسكم ,.؟؟؟؟؟؟؟
نحن كلنا نفس بعضنا ,, خصيصا انهم ف جوازي العيالـ
ومستحيل حبيبتي اتردي ليبيا تقدري تجددوها من لنـــــــــــدن موقع السفارة الليبيه
لانها غادي وخطوتين يلاكم من مانشتسر
حتي قبل ماتروحوا بفتره تجددوها طبعآ .. اذا كنتوا مش ناوين تدهورا او تنقلوا ..
والبيبي الجديد حتي هو اجراءات تسجيله ف السفاره بلندن تدزوا الاوراقـ دز طبعآ
وبعد يجي لازم تسجلوه في البوليس ستيشن قصه اخري هذه دوختك ههههههه
طبعا بعد اتجوا ح يقولولكمـ .. لازم تسجلو كلكم في اقرب مركز بوليــس ..
وبيش تجيبوا لكل واحد صورتين شمسيه ,,,
هنا كل حد بيسكن لازم يسجل عشان بعد تصير حاجه او سرقه او جريمه لا قدر الله يقعدوا عارفين سكان المنطقه ههههههههه مايدوخوش يعنــي
عمومــآ .. سفرتكم قريبه خلآص معنااااااااااااااااااااااها ..
وخشي مرة مرة .. ومعش تغيبي خصيصا النت هنا ماشاء الله عاد لقيت ونس فيك يابريطانيا ووووووه hwaml9hwaml9واخيرا هههههههههه
dr.loly
10-13-2013, 04:41 PM
لي عودة في اللــيل والتعليق ع كل مافاتني توه مستعجله ,,
ونفكر ندير موالح لبكره لان اصحاب زوجي فاطرين عندنا ... بكرة يوم عرفه .. الحمدلله يارب
صمنا اوائل ذي الحجه وهنا أفضل اياااام,,
نفكر ندير موالح لبكره للفطور ,,, لان يادوب نلهى في الباقي وبعدين يوم عظيم كيف هذا لازم نوفر وقت للدعاء و التأمل بالحجيج والتلبيه والاستغفااار ...
سبحان الله السنه لي فاتت كانت عندنا صــبه وبني يوم عالمــي تعب في تعب كان خصيصا لابوفراااس عليك فرق .......
.وسبحان الله عطلة عيد الاضحى قضيناها امشرق مابين سوسه وشحات بديناها بفندق مرحبا ف البيضا عشان ماحصلنش حجز دعاااك خصيصا م الجهة الغربيه طرابلس واجد جاااين وبنغازي ... وبعدها ف سوسه .. وشحات وختمناه بمصيف الحمامه مفاجأه زوجي كانت ف طريق نحساب روحنا مروحين نزل عليه عارفتيها الطريق يا اوشــي اكيد
والسنه هذه مقضينها في أدنبــــره اسكتلندااااااا ... العراقه والتاريخ والقلاع والكلاسيكيه
أمل ليبيا
10-13-2013, 10:24 PM
الســــــــــــــــــــــــــــــــــلام عليكم ورحمة الله وبركاتـــــــــــــــــــــــــــــــــــــه
يا هلا بالغواااااااااااااااااااااااااااالي
أمووووووووووووووولة ،،،
~~ الله يحفظلك أوخيتك ، وبنوتتك ، ومؤنستك ،،، بحضورها ستنقلب لحظاتك فرح ومرح وغبطة وسرور ،،،،
~~ والاســـــــــــــــــ مميز ــــــــــــــــــــــــــم وخاصة لو أصريت على نطقه بالشكل الصحيــــــــــــــــــــــح
~~ لا تشغلي بالك بالوزن ، """يجي فار ويتربى بالدار """ علاوي كان وزنه كيلوين وخمسمئة واللهم بارك الآن فاق أقرانــــــــــــــــــه
بارك الله فيك اختي الغاليه اثري ع كلماتك الطيبه
~~ وبالنسبة لبرامج زوجك ،،، أنصحك بالآتـــــــــــــــــي
وضحي له أنك منزعجة لبعده عنك ، وتقبلك لليلة بالاسبوع يُعد قمـــــــــــــ التضحية ـــــــــــــــة
وخاصة إن رافق ذلك تشحوير وتعب ؛ وأنت بحالة الترزين هذه !!
فالرجل يحتاج إلى من ينبهه لأنه عادة يتعامل مع النساء بمنطق الرجال
فأنت يتعين عليك ترجمة أحاسيسك دوما ، لأنه يحبك ولكن يحتاج إلى من يشرح له ويوضح ~~
وبالنسبة للوقت الذي تقضينه لوحدك ،،، صحيح هو ممل ولكن نعمة الأمن الآن نحن فهمنا ما تحمله من معان
فلهذا اشغلي نفسك بنشاطات عبر الشبكة أو بالمطالعة أو الحفظ "" قرآن ، أربعين نووية مثلا ""
المهم اجعلي لذلذك اليوم برنامج دوري تستفيدين منه
كي يمضي الوقت بلا شعور
وجددي النية فأنت موعودة بالأجر والثواب
طاعة للزوج وإحسان للآخرين
~~~~~~~~~~~~~~~~~~~~~~~ أعانك المولى
تسلمي حبيبتي ع نصائحك القيمه
المشكله لما نحكيله يتجاوب معاي ويقولي حاس بيك وفاهمك بس غصب عني لانه هما اصحابه علاقته بيهم عميقه ويحب يتواجد معاهم ويشارك بالاكل والبارح طيبت كسكسي بالبصله لحساب 8 اشخاص تقريبا ودرت سلاطه وفواكه وبسبوسه للتحلايه فقط الحق هذا الي قدرته ومشيت لجارتي قلت نقعد عندها افضل من روحي وحتي هي في شهرهاو الزوز نحبو نرقدو بكري بس من الخوف قلنا نتونسو ببعض لين 12 ونص باش روح زوجي وروحت
ومباااااااااااارك ماشريتي وتبيديهم بالهنا ان شاء الله
جوهرة ليبيا
10-13-2013, 10:45 PM
السلام عليكم
كيف حالكم يابنات كلكم ياااااارب اتمونوا بالف خير
اليوم نضت تعبانه هلبه وعندي اليومين اللي فاتوا هبوط في الضغط
كليت موالح ووووو ومنفعش الدوخه والخمول مازال قلت نمشي انعاين مادام اليوم الدكتوره موجوده في العياده
كلمتها وقالتي تعالي
المهم امشيت والضغط الممرضه قاساته قالت هذا كثير منخفظ ههههههه فلبينيه
البنوته امورها تمام وزي متوقعت دبدوبه وزنها ماشاء الله 3و800 تبارك الرحمن واكيد حتزيد ربي يحفظها
طلبت مني الراحه والمشي وكتبتلي فايتمن جديد قالتلي كويس انسيت اسمه
وقالتلي اتوقعي الولاده في اي لحظه لان عندك بوادر ولاده لما حكيتلها
بنات صدمتني قالتلي كملتي اليوم لاسبوع 37 يعني مازالي اسبوع والله اعلم
روحت نجري جهزت شنطتي انا وبنوتي مازال حاجات بسيطه
وقالتلي متصيميش اتوقعي اطيحي في اي لحظه وانا بنموت علي صيام غدوه
طول اليوم علي قناة السعوديه او المجد والاجواء الروحانيه دموعي ولا جفوا
جوهرة ليبيا
10-13-2013, 10:49 PM
وعندي شويه نواقص بس قررت انطنشها مادام مش مهمه هلبه
وعندي حوسه بسيطه في الحوش بنحاول انرتب شوي شوي اوراجلي قالي متمسي شئ تو اندير كل شئ ههههه مسكين ايزيد ايحوس ميعرفش ربي يحفظه
أمل ليبيا
10-13-2013, 11:08 PM
سوسو ياسوسو الحلوووووة خيرك زعلانه كله ولادموعه الغاليه
صحتيييييين الباااااازين
وسعي بالك وان شاء الله خير يارب بس مافهمتش من شن مظااايقه تبي تحملي؟والا خايفه يكون غياب الدورة مشكله لاسامح الله؟
عموما ان شاء الله ربي يطمن بالك انتي والحبيبه شموووووسه ويسرلكم الي فيه الخيره يااااااااارب لانه هو اعلم مننا
تستاهلو كل خير حبايبي
أمل ليبيا
10-13-2013, 11:12 PM
اهلين ياحلوة
ماشاء الله جي جي ربي يحفظها العسوله وتجي ع خير معناها ردي بالك ع روحك وتوقعي في اي لحظه زي ماقالتلك الدكتورة وان شاء الله ربي يسهلك بس اني نستنا غير امتي تجيني اعراض الولادة ههههخخ مانحيلكم ع الشجاعه الي عندي بس الحق مطمنة بأبرة الظر من بعد التسهيل من ربي
بنسألك ناويه اديري ابرة الظهر اولا؟
أثري في مدادي
10-14-2013, 12:41 AM
السلام عليكم ورحمة الله وبركاته
كفكفي دمعتك ســــــــــ سو ـــــــــــــــــــو
وتأملي الخير
فاضطراب الدورة وتلخبيط مواعيدها أمر شائع بين النساء
واحمدي الله على نعمه التي لا تعد ولا تحصى
فكم من أخت بخشونة طبعها وسوء خلقها لم تجد من شقيقاتها اهتماما ولا انسجاما
وأنت
أمدك الله بجواز سفر فعال لقلوب العباد
فصار لك بدل الأخت أخواااااااااااااااااااااات
في الواقع
وحتى عبر الشبكات
وربي يحفظلك اميمتك وريومة
وتخاويهم علي خير
أثري في مدادي
10-14-2013, 12:45 AM
جيجي
ردي بالك من هبوط الضغط
وكثري من السواااااااااااااااااائل
وبالنسبة للأسماء
كنت عازمة على تسمية جود بـــــــــــــــــ جمان
لآخر لحظة وأنا مرتدية بالطو العمليات
ولكن القلب
مال نحو جــــــــــــــ د ـــــــــــــــو
وبقوة
وأرجوان ــــ أيضا جميل ~~~
ربي يسهلك أمرك ويسخرلك أحوالك
أثري في مدادي
10-14-2013, 12:50 AM
أم فروســــــــــــــــــــــي
ربي يعاون ،،،،،،،،، مأجورة
رغودة
شارقة شرقة الصـــــــــــــــــــح ،،، ربي يسهلك
شموسة
شن صار حاااااااااااااامل ولا مازال ؟؟؟
هدية
الله يبارك الباين سوما ناشطة ،،،،
ديري بالك عليها
وربي يحفظهالك
أثري في مدادي
10-14-2013, 12:54 AM
علي قولة أوشي
بنمشي ندير برمة على طنجــــــــــــــــــــــــــرتي ~~~~
على فكرة
أني مشغوووووووووووووووووووووووووووووووووولة على جنودة
جوهرة ليبيا
10-14-2013, 01:35 AM
الله يسلمك اموله واثري بارك الله فيكم حبيباتي
لا لا لا امول مانبيش ناخد يبرة الظهر وجع ربي والدعاء والتحمل وخلاص والاجر اكبر واعظم اكيد
جوهرة ليبيا
10-14-2013, 01:42 AM
تصبحوا علي الف خير
وربي يقدرني علي الصيام والاجر غدوه
وكل عام وانتم بالف الف خير
ويااااااااارب دوم اللمه الحلوه وماتفقدوا غالي ياااااااااااااااااارب
ام معاد
10-14-2013, 12:31 PM
السﻻم عليكم كيف حالكم .وكل عام وانتم بخير وتقبل الله منا ومنكم .ﻻتنسونا من صالح دعائكم في هدا اليوم العظيم
شموسه 88
10-14-2013, 05:39 PM
السلام عليكم ورحمة الله وبركاته
كل عام وانتم بخير
ياربي هني ابلادنا
شموسه 88
10-14-2013, 05:45 PM
حبيت اندير برمه سريعه بس الباين ماجاش حد من امبارح
اليوم من ساعه 8 نايضه نبرم عل الحوش بره اوجوه لان ضيوفي يبو ايجوني بعد المغرب درت بسبوسه اوزوجي اوشموسه فاطرين في حوش عمي انا صايمه قلت نفطر أي أي شي لاني حايسه عل اخر
وسفره للاسف تاجلت ليوم 1-11 لان زوجي دارا حجز مبدي اوماثبتش عليه الحمد لله عل كل حال زوجي قالي على اقل نقعدوا امكملين الحوش قبل مانمشي علاشان الواحد يعرف يشري حاجته
شموسه 88
10-14-2013, 05:48 PM
نبي نطلع
مرات نقدرش انطل عليكم لين ماينفك الحصار ههههههههههه
توا السلام عليكم
أمل ليبيا
10-14-2013, 07:00 PM
السلام عليكم
كيف حالكم ياغاليات جميعا اكيد غاطسين في الحوسه من توا وصايميين
صيام مقبول وافطار شهي ان شاء الله
شموسه معليشي كل تأخيره فيها خيره ان شاء الله ربي يعاونك اليوم ياغاليه
جوهرة ليبيا
10-14-2013, 07:34 PM
السلام عليكم
كيف حالكم اليوم
نكتب ودايخه مش قادره بس الفرحه اني الحمد لله صايمه
درت شربه وطاجين امبطن وسكالوب وسلاطات وفاكهه بس راجلي حلفلي وشافني انشد في الرخامات باش نكمل الحمد لله علي كل حال
وعزوزتي امدايره عصبان جت القتني امريضه داراته في حوشها ربي يعطيها صحيحتها
طبعا ماصارلهاش من الحج ربي يكتبلها السنه الجايه في اخر لحظه ماصارش الحمد لله علي كل حال واهم حاجه هي نفسيتها كويسه
مع انها من نوع اللي تتخشش هلللللبه
dr.loly
10-14-2013, 11:01 PM
http://forum.hwaml.com/imgcache2/hwaml.com_1381780971_768.jpg
كــل عامـ وأنتن بخير أخواتي الغــاليات جميعآ ..
يارب ان شاء الله كلكن السنه الجايه على جبــل عرفات كيف هاليومـ ,, وصيامآ مقبولآ
وصحـــة فطوركمـ ,,
وإن شاء الله عيدكن مباركـ ,, ويكون فاتحه خير عليكن كلكن وتحقق كل امانيكن يــآرب ويرزقكن الله من حيث لآ تحتسبن ,,
مع خالص الود والمحبه لكن جميعآ..
شموسه 88
10-14-2013, 11:03 PM
شن الجو بنااات امبدري انسيت ماكتبتلكم شن صاااااار في التحليل
يابنات
طلعت
حامل
صدمه صاااح بس استقبلت الخبر بروح رياضيه لا زوجي الحق سييييعد اومبسوط
dr.loly
10-14-2013, 11:05 PM
http://forum.hwaml.com/imgcache2/hwaml.com_1381781118_247.jpg
شموسه 88
10-14-2013, 11:07 PM
كل سنه واتي طيبيه ام فروووووسه
dr.loly
10-14-2013, 11:08 PM
شن الجو بنااات امبدري انسيت ماكتبتلكم شن صاااااار في التحليل
يابنات
طلعت
حامل
صدمه صاااح بس استقبلت الخبر بروح رياضيه لا زوجي الحق سييييعد اومبسوط
ماشاء الله اللهمـ بارك .. مانعرفش نزغرد ههههههه بس خودي زغروده كيبورديه
لولولولـــــــــــي ... مبارك حبيبتي ... إن شاء الله على خير وسلآمه...يــــــــــارب
خلآص قدر الله وماشاء فعــل ,, وعبسي سكر السنه وقريب اتمي حوشكـ ماشاء الله
يعنــي البيبي وجه خير عليكم إن شاء اللــه ...
شموسه 88
10-14-2013, 11:15 PM
ماشاء الله اللهمـ بارك .. مانعرفش نزغرد ههههههه بس خودي زغره كيبورديه
لولولولـــــــــــي ... مبارك حبيبتي ... إن شاء الله على خير وسلآمه...يــــــــــارب
خلآص قدر الله وماشاء فعــل ,, وعبسي سكر السنه خلآص وقريب اتمي حوشكـ ماشاء الله
يعنــي البيبي وجه خير عليكم إن شاء اللــه ...
سلمك زغراتة ياحنه
والله برغم كنت مش متقبله الموضووووع الحمل نهائي بس سبحان الله لما طلعت نتيجة التحليل حسيت ابفرحه اوراحه مش عارفه ليش ان شالله يكون اقدوما خييير والعقبه عندك يا جنووووووده
والحق حتى زوجي فرح اول مره انشوفه هكي
انتن اول وحدات تعرفن الخبر بعد انا اوزوجي اوقررت اني منقولش اني حامل لاي واحد اندير زي مادرت في عبسي ماسمعوهاش الا وانا في الرابع
شموسه 88
10-14-2013, 11:18 PM
اهل زوجي ماجوش قالوا انجو في الصبح جاء بس عمي بات زوجي قاعد امقمز بره هو ولعيال اوزوجي
dr.loly
10-14-2013, 11:19 PM
احسن مادرتي شموووسه .. خير مايقعدوا ينقوا عليكـ ,, بجد خديت درس من حملتي بألآء قلتها طول لكل حد ع اساس نحساب الكل بيفرحلي كيف هلي وصاحباتي المقربات مثلآ .. والحق ماكنتش وقتها مقتنعه بدس خبر الحمل
بس توا العكـــــس لاسباب عدبده ..
خصيصآ لو كان الحمل مايتعبش فيك بأول شهور ياشمووووسه .....
مشكلتي في الاء حتى وجي فضحني لي يحقني يقولي حامل نفس ماصارلي ف فراس هههههه وجه فضايحي
السلام عليكم ورحمة الله وبركاته
dr.loly
10-14-2013, 11:21 PM
ربي يكون في عونكـ شموووسه ..ع المسؤوليه توا بمزرعة عربـك وسلفتك بالذات
وكل تأخيره فيها خيره بالنسبه للسفـــــر ,, حتي تريحي اشوي من حوسة وتعب العيد
كيف حالكن اليوم
وكل عام وانتن طيبات
امس خذينا رباعية وذبحنا في حوش عمي وجو كان حلو
dr.loly
10-14-2013, 11:23 PM
وعليكم السلام ورحمة الله وبركاته
يامرحبا بأوشي
مــــــــــــــــــــــــبروووووووووووووك الحمل شمـــــــــــــــووووووووسة
ان شــــــاء الله علي خير وسلامة
dr.loly
10-14-2013, 11:24 PM
دوم الاجواء الحلوة ان شاء الله اوشئ
رحبك ياحبيبة
شن اخبارك وسلم يدياتك اكيد الموالح اطلعن ايهبلن
سلمك فروستي
انا اليوم صمت بروحي ودرت فطوري كمونية وبطاطا مقلية
يابختي ...
قبل بنحكي معاكم لكن الست رويت اقريب اتشرط لي ادبشي تبي ترقد
خلني اندوشلها ونرضعها ونرقدها
نتلاقو بعدين
dr.loly
10-14-2013, 11:27 PM
اخباري مدهكله بكل هههههههه تعب باقيتني مارقدتش زين وتلخبط نومي الولي بسلامتها وعتني بدري وبعد رقدت معش جا النوووم
ماليا شئ قبل مانفتح كيف كملت حوسة المطبخ...
والحمدلله كله تمام طلع ..
جو زر صارلي .. وتحت الضغط يطلعن احلى الحاجات خخخخخخخخخ
شموسه 88
10-14-2013, 11:36 PM
شن درتيلهم فروسه في العزومه
خيييييييرات ياوشي صحه صحه
الحويلي من توا ماشالله عايشين الاجواء ربي ايهنيكم
يااهلين اباواشي صحه صحه الرباعيه
شموسه 88
10-14-2013, 11:40 PM
ربي يكون في عونكـ شموووسه ..ع المسؤوليه توا بمزرعة عربـك وسلفتك بالذات
وكل تأخيره فيها خيره بالنسبه للسفـــــر ,, حتي تريحي اشوي من حوسة وتعب العيد
والله حتى زوجي قالها قالي حتى اتشوفي دكتورتك اونطمنوا عل وضعك والاهم يكمل الحوش عل اقل انسيب ادبش فيه اوقالي لو كملت الحوش قبل مااانسافروا حننمدد مده الرحله يعني انخليها 3 اشهور
الحوسه يا فروسه مافيش منها راحه
شموسه 88
10-14-2013, 11:41 PM
فروسه نمشي اندير دوووووش سريع وانحط دبش لعيال في الغساله وانجي ان شالله
dr.loly
10-14-2013, 11:56 PM
معليش زوجي قالي حطي القهوة عديت بسرعه نوتي اوشي وشموسه... خودكن راحتكن حبيباتي.. درت القهوة
ونا موتيه معاها كاسترة بالكيكه و لقمة القاضي درتهن امبدري,, مع حلقوم تركي وزلابيه جابهن زوجي اول امس
والفطور درت شــربه ومكرونه شعيريه مبوخه بالخلطــه ,,
ومحشـــي ,, وامبطن جا مفرومي واجد درت بعقابه كيميااااء
وامس موتيه اصابع كباب فطرنا منهن وحطيت الباقي لليوم مجرد بس سخنتهن وزينتهن ..
والولي هبلتني من النق والنقيق بسلامتها الجوهرة الثمينه متعبتها ههههههه لي هي السن معش طلعــــت
هدية الخالق
10-15-2013, 01:33 AM
السلام عليكم ورحمة الله وبركاته
كل عام وأنتم بألف خير وصحة وسلامة
ويارب ينعاد عالجميع
هدية الخالق
10-15-2013, 01:44 AM
شموسة مبارك الحمل ربي يتمم على خير
اني قبل ناوية منصيم اليوم لكن نضت الصبح شرفت الدورة ليها يومين تسحن فيا ومانزلتش الا اليوم خسارة
توا عندنا الساعه 3:30درت الفطور رز بلاو وشربة وبيتزا ملفوفة والله مصبية بالسيف نحس في بطني بتتقطع اول مرة توجعني هكي
جوهرة ليبيا
10-15-2013, 01:50 AM
الف الف الف مبروووووووووووووووووك الحمل شموسه
وربي يتمملك علي خير ويحفظك ويحفظلك السنافر وبوهم
ياااااااااااااارب عقبال جنوده الغاليه مختفيه وكل يوم تشغل فينا عليها
جوهرة ليبيا
10-15-2013, 01:51 AM
لاباس عليك هدو اول يوم ديما متعب
جوهرة ليبيا
10-15-2013, 01:53 AM
تصبحوا علي خير
وكل عام وانتم بالف خير
بنحاول نرقد باش نقدر انوض للفجر مصحصحه وصلاه العيد
سلااااااام
هدية الخالق
10-15-2013, 10:52 AM
صباااح الخير
عيدكم سعيد ومبارك
كل عام والجمييييع بخير
اكيد عيدتوا احني قاعدة الساعه 12ونص كيف منخش نرقد حددت حوايج راجلي وعجنت فطيرة لانه راجلي يحبها مع الشواء متعود على اهله يديروا فيها
نحس في روحي نعسااااانة ومتكسرة ولى عليا وجع الدورة طاااااايبة فرحانة اني منخش نرقد مابعدكم كيف بتبدأ عندكم الحوسة
احني غضوة مش ذابحين منذبحوا ثاني يوم حتى السنة اللي فاتت هكي لانه المجزرة اللي منذبحوا فيها عندهم نظام اول يوم يذبحوا بروحهم للناس وثاني يوم اللي يبوا يذبحوا بروحهم في مزرعة يوم مخصص ليهم وراجلي صح مايعرفش يذبح لكن قال عالأقل نحضر ذبيحتي ونوقف على راسها تطبيقا للسنة
معناها غضوة راااااحة امس جاب لحم منشووا بيه غضوة وحتى ثاني يوم يعتبر راحة البطن مايعطوش فيها والروس شكلهم غريب منلوحوهن حتى انة اللي فاتت هكي زهقت من شكلهم ماجتش النية فيهم ومافيش كيف نشفشفوهم واللحم بيقطعوه في المجزرة قطع كبيرة والباقي منكملوه احني التقسيم في الحوش
تعرفوا السنة اللي فاتت اول يوم مرتاحين مقعمزين ناكلوا في الشواء واهل راجلي شارقين وحاسدينا بالذات سلفتي لما كلمتها واضح عليها الحمق قالت قريب نعيط عيانة والسنة هادي معاها وليد وقاعد صغير يستر الله انظني بديره سبلة وتهرب من الحوسة مرة مرة هههههههههه
هي سلامات منرقد وحتى راجلي قال منرقد مش نفطن لصلاة العيد خسااارة قبل خاطري منمشي لكن مافيش نصيب هالدورة فسدت عليا صيام عرفة وصلاة العيد وحرمتني منهم فيها خيرة ان شاء الله
dr.loly
10-15-2013, 12:37 PM
وانتي بألف خــير وصحة وسلآمه هديه وينعاد عليــــــك انتي وعائلتك الكريمه يــــارب ....
نحن نضنا 7 صلاة العيد 8 وربع ...
دوشنا انا الاول ولعدها زوجي ولبس وعدا للصلاه
طبعا جارنا عازم القروب ع الفطور جو عندنااا لان اوسع وتيت المربوعه بالكامــل ..
وطاولتها والمحبس وجو الغســل .. وفروسي ناض بدري امس دوشتله بليل لبسته ..
وجو الشباب اهو دايرين جو
والمشكله صار نقص في فناجين القهوة حطيت للبقيه طاستين شاهي بالقهوة هههههه قالي زوجي عادي عارفين الجووووووووو
عاد مش ف بلادنا ماتدققيش
dr.loly
10-15-2013, 12:39 PM
عاد اكيدة لاهيــات في الدواره والغسل انتن .. وحوسه الحولي
نحن يادوب يجينا ع العشيه قالو خخخخخخخ
لذلك جايبن كبده ولحم بالزايد وتيت قلاياااا .. وشرائح عشان الشوااا
هو الواحد الحق مافش نيه وبعيد عن اهله خصيصا عيد الاضحى جوه مع الاهل والعيله
dr.loly
10-15-2013, 12:41 PM
لكن أهو عشان انديروا جو وخلآص .. وكنت نحساااب بعد يجو الشباب يعيدوا نحطلهم بس جارنا قال لزوجي الصبح ..
طبعا جارتي فايتتني بالرسمــي طبعها غريب ربي يهديها كان قالتلي را درت حتي نا بدري وتيت ... وماقطعتش كمية كبيرهـ
أمل ليبيا
10-15-2013, 03:55 PM
السلام عليكم
وكل سنة وانتم واسرتكم الكريمة بالف خير وينعاد عليكم بالصحة والسلامة وعيدكم مباااارك ان شاء الله
أمل ليبيا
10-15-2013, 03:56 PM
شمووووووووسه مباااااااااااارك الحمل وان شاء الله ربي يتمملك ع خير ويسهلك حمله وولادته يارب توا عاد ردي بالك ع روحك وربي يعاونك ويحفظك
أمل ليبيا
10-15-2013, 03:58 PM
هدية ان شاء الله لاباس عليك وربي يكون في عونك المشكلة الدورة تزيد اتعب في النفسيه فوق من وجعها ربي يعينك وان شاء الله نيتك في الصيام اجرها حاصل صار مفتكية من البطن والراس حتي احني الراس نلوحو فيه بس البطن لا والحق اني نشد نقوله جيبهالي ع خاطر العصبان لكن غسلها مانحكيلك ان شاء الله عيدك مبارك ياحلوة
أمل ليبيا
10-15-2013, 04:03 PM
ام فروسي كل سنة وانتي طيبه ياغاليه وربي يعينك ديما حاصلة في العزايم شن جو العيد عندكم؟؟ ووين ذبحتو؟واكيد للاسف مافيشي نكهة اعياد ليبيا بكل وجو العيله واللمة مفتقدينه هلبا بس الله غالب ان شاء الله ربي يكتبلنا عمر ونرجعو لبلادنا ونعيشو هالاجواء تاني وشكله جارتك زي جارتي مع انه ازواجنا اصحاب حتي احني ونتمنو نلتمو ونديرو جو مع بعض يهون علينا الغربه حتي شويا بس كل واحد لاهي في حاله جو رسميات وخلاص
أمل ليبيا
10-15-2013, 04:06 PM
الساعه 8 توا زوجي مشا لصلاة العيد واني مكسدة بروحي والمطر ماشااااء الله البرا من البارح تصب والجو تقولي عز الشتاء نفكر بنعجن فطيرة باش نفطرو ونحط العصبان ع النار طبعا عصباني وتيته من امس وحطيته في الثلاجة ع التطييب بس مزال والباين مافيش شوا اليوم لانه مطر والبلكونه مش مسكرة من فوق معناها ماتساعدش بكل مع انه زوجي غايب اليوم لانه قراية ماعطوهمش عطله فكسااااااد والحمد لله
أمل ليبيا
10-15-2013, 04:09 PM
سيدات ليبيا الحبيبات
اوشي\اثري\شموسه\جي جي\سوسو\ام ورد\ ام معاد\ ام نوسه\
اكيد لاهيين في حوسة العيد واللمات واجواء الزيارات والماشي والجاي ربي يدوم عليكم اللمة ويهنيكم ويعاونكم وان شاء الله عيدكم مبارك يارب
هدية الخالق
10-15-2013, 06:07 PM
كل عام وانتم وعويلتكم بالف خير فروسة وامولة
مابعدك فروسة اني حصلت في فطور لاصحاب زوجي في العيد الصغير لكن المرة هادي الحمد لله مافيش بالذات اني تعبانة ونايضة بالسيف توا الساعه 8راجلي قبل شوية عدا واني نضت منطيب الفطيرة ومنوتي الشواء ومنوتي روحي اني وسوما
امولة صار حتى انتي راحة باااهي
البطن مش اني مانبيهاش هما مايعطوش فيها في لجنة متخصصة تكشف عالضحايا ومايعطوش في البطون ممنوعات والله خاطري فيه منموت من لما جينا حصلناه مرة وحدة بس
قاللي راجلي تو نحاول ندبرلك حتى من مجزرة ثانية لكن مش اكيد نحصلوا
باقي البنات اكيد غاطسييين ربي يعاون وكل عام وانتم وازواجكم وصغاركم بالف خير وان شاء الله اللي حامل ربي يتمملها وتنوض على خيروسلامة واللي تبي تحمل ربي يسخرلها
هدية الخالق
10-15-2013, 09:31 PM
شن الجو يابنات مافي حد خش كلكم غاطسيين والا كملتوا وعيانين ربي يعطيكم صحتكم نستنى فيكم تحكوا على اجواء العيد اليوم كيف كان
بالنسبة لجونا احني اليوم نضت السبعة ونص رضعت سوما ومعادش رقدت فتحتلها التلفزيون وحطتلها العاب وراجلي مشي للصلاة واني بديت في الفطيرة ماخدتش مني وقت باهي لاني ماكترتش وبعد كملتها قطعت الشواء وحطيته عالنار ولبست سوما وبدلت اني وضميت الحوش ومع التسعة ونص راجلي خش عيدنا وفطرنا وكلمنا أهله وأهلي وخلاااااص مجرد كملنا المكالمات بدي الكساد وكمل العيد بالنسبة لينا هههههه راجلي ارتاح شوية وبعدها عدى للجامعة وسوما رقدت واني ضميت سفرة الفطور وجيت منرقد حتى اني الجو هدوء
وقاعدة الساعه11ونص ماعندي ماندير غضوة ان شاء الله منذبحوا بيعدي راجلي بيحضر ااذبح وبيجيب اللحم واني منوتي الشواية والعدة باش نطلعوا نشووا في حديقة كان الجو جلو لانه حوشنا مافيشي بلكونة والا جنان والبطن اشبح يحصلها والا لا خاااااطري في عصبان يارب ان شاء الله يحصلها حتى فيها تعب لكن العصبان يستاهل التعب
وتعرفوا اني اللحم ماعنديش عليه هلبة بالذات الشواء فيسع مانزهق منا حتى الصبح ماكترتش منا
هي سلامات عيوني بيتسكروا
جوهرة ليبيا
10-15-2013, 09:34 PM
مساء الاعياد عالحلوات
كييييييف حالكم
انا من الظهر حتي مكمله ومسيقه المطبخ كل شئ عالسرييييييييع
جوهرة ليبيا
10-15-2013, 09:37 PM
امول وهدو وام فراس كل عام واتنم بالف خير
فروسه ربي يعاونك
وكل البنات
جوهرة ليبيا
10-15-2013, 09:38 PM
تو نحكيلكم
سلام توا
أثري في مدادي
10-15-2013, 11:31 PM
الســـــــــــــــــــــــــــــلام عليكم ورحمة الله وبركاته
تقبل الله منا ومنكم
وغفر الله لنا ولكم
اللهم أرزقنا الأمــــــــــــــ والأمان ـــــــــــــــــــن
وهــــــــــــــــدِّي البلاد والعبــــــــــــــــــــــــــاد
حبيباتي
المغتربات
شعرت بمشاعركــــــــــــــــــــــن
عوضكن الله خيرا
عن اللمة والأهل
والحمد لله أنتن بخير ، وأزواجكن بخير ، وذراريكن بخير
وهذا مـــــــــــــــ أعظم النعم ــــــــــــــــــــــن
أثري في مدادي
10-15-2013, 11:34 PM
شموســـــــــــــــــــــــــــــــــــــــــة
ملايين التبريكات
اللهم بارك لها في حملها
وايسر لها أمرها
وأعنها على حمله وولادته وتربيته
كما تحب وترضـــــــــــــــــــــــــى
والعاقبة لبقية المترقبات للحمل
ولعله خيرا تأجيلة السفرة
1/ 11 يوافــــــــــــــــــــق جمعة
عرس بنت أختـــــــــــــــــــــــــي
نسأل الله أن يكمل على خير
أثري في مدادي
10-15-2013, 11:37 PM
جيجي
ربي يعاونك ويسخرلك الحــــــــــــــــال
وتجي أمورتنا
وهي بتمام الصحة والعافية ~~~~~
أوشي
مبارك الرباعية ~~~~~~~~~~~~~~
بس ما فهمتش قصة الذبح ؟؟؟؟
أم فروسي
ربي يعاونك
ويعطيك صحيحتك
هدووووووووو
لاباس عليك
ديري بالك على حالك
وإن شاء الله تحصلي مصيرينات
كان قلتي راهو نحيتلك
مكدسات عندنا خخخخخخخخخخ
أمولة
ربي يسهل امرك
وشواء لذيذ
وعصبان الذ
البقية
وينكم
هدية الخالق
10-16-2013, 12:27 AM
جيجي
ربي يعاونك ويسخرلك الحــــــــــــــــال
وتجي أمورتنا
وهي بتمام الصحة والعافية ~~~~~
أوشي
مبارك الرباعية ~~~~~~~~~~~~~~
بس ما فهمتش قصة الذبح ؟؟؟؟
أم فروسي
ربي يعاونك
ويعطيك صحيحتك
هدووووووووو
لاباس عليك
ديري بالك على حالك
وإن شاء الله تحصلي مصيرينات
كان قلتي راهو نحيتلك
مكدسات عندنا خخخخخخخخخخ
أمولة
ربي يسهل امرك
وشواء لذيذ
وعصبان الذ
البقية
وينكم
كل عام وأنتي وعيلتك الكريمة بألف خير
سلمك والله لايوريك باس
اشيييي عالمصيرينات المكدسات صحتين ياارب وصحيتي كأنهم وصلوني
هدية الخالق
10-16-2013, 12:30 AM
امول وهدو وام فراس كل عام واتنم بالف خير
فروسه ربي يعاونك
وكل البنات
وانتي بألف ألف خير انتي وعويلتك وربي يسهل عليك وينوضك بالسلامة وتفرحي بشوفة أحلى بنوتة عن قريب
هدية الخالق
10-16-2013, 12:35 AM
تعرفوا امبكري لما كلمت اهلي نشكي لاختي من عمايل الدورة ضحكت وقاتلي بالبصارة انتي قالوا في الرابع
استغربت قاتلي في اشاعات مغرضة مطلعينها عليك قالوا حااامل بالرابع هههههه سبحان الله عالناس موسع بالهم ومفضاهم لدرجة يقعمزوا ويألفوا حتى زمان تعرضت للموقف هذا قبل حتى ماننخطب قعدوا يقولولي امتى عرسك قلتلهم اي عرس غير فكروا في الخطوبة قبل بعدين فكروا في العرس ههههه
السلام عليكم ورحمة الله وبركاته
وكل عام وانتم بخير وصحة وسلامة
والسنة الجاية كيف اليوم هذا تكوني ليبتي حبيبيتي في امن وامان
ودولة قائمة بجميع اركانها
فروسي وامولة وهدية ...
ان شاء ينعاد عليكن السنة الجاية وانتن وسط هلكن وحبايبكن في ليبيا
فروسة ربي يعطيك الصحة ويحفظك من كل سو
اكيد انت فخر لزوجك ماشاء الله عليك
أوشي
مبارك الرباعية ~~~~~~~~~~~~~~
بس ما فهمتش قصة الذبح ؟؟؟؟
كيف حالك ياقلبي .. ينعاد عليك بالصحة والعافية انت وراجلك وعويلتك وكل احبابك وناسك
الله يبارك يبارك فيك وفي اعمالك يارب
هذا ياحنة قبل عرفة بيوم عمي كان متعود يذبح ويلمنا كلنا علي عشوة معتبرة
بس المرة هذي لان طالع من بني شقتين ويوتي لفرح سلفي
فيحكي لزوجي ويقوله السنة مش ذابحين
فعدى السوبرمان امتاعي وشرى حويلية 270 دينار ووداها لحوش عمي وذبحنا وتعشينا
طبعا المعزومين هم اسلافي وصبياتي ونحنا يعني اولاد عمي المتزوجين كلهم من شباب وبنات
أثري في مدادي
10-16-2013, 01:06 AM
http://forum.hwaml.com/imgcache2/hwaml.com_1381874806_245.jpg
أثري في مدادي
10-16-2013, 01:10 AM
سلــــــــــــــــــــــــــــــــم سوبرمانك
هذا يبيله هديــــــــــــــــــــــــــــــــــــــة
http://forum.hwaml.com/imgcache2/hwaml.com_1381875022_688.jpg
أثري في مدادي
10-16-2013, 01:11 AM
ياهوووووووووووووووووووووووو
تعلمت نحط صوووووووووووور
معاش حد يتدلع علي
خخخخخخخخخخخخخخخخخخخ
توا معاش بنكتب شيء بنحط صور وخلالالالالالالالالالالاص
وعيدي كان
وعيت قبل الفجر لان الست روى كانت راقدة بدري
صحصحت وقعدت امعاها لين اذن الفجر صبيت صليت ونوضت راجلي
ويبعدها قعدنا لين انتهت الصلاة ومشينا لحوش عمي
وذبحنا وكان الجو حلو مشمس ودافيء
وشوينا لين شبعنا من الشوايات .. زكان النقاش السائد هو حال ليبيا
وطبعا فيه اختلاف في وجهات النظر ... وكل واحد مرة يعصب ومرة يهدا
طبعا انا وسلفي وصبيتي ضد زوجي وسلفي الثاني وعمي مرة هنا ومرة هناك
المهم جبدنا كل شي من ايام الطليان والمملكة والجماهيرية هههههه
وعمتي تبي توقف النقاش وتقول هيا وقت عالغدا يلا قطعو اللحم ومافيش حد يسمع الها خخخخخخخ
المهم كملنا حوستنا كلها عالطناش وانا طيبت الغدا ارز كالعادة ومرق وامسير وسلاطة
وبعدها انا طلعت عالروس وشفشفتهن ونظفتهن وخذيت راسي ولحيماتي ودوارتي وجيت لحوشي
دايخة ماحوتني حصلت مع روى غفيوة
تنشطت بعدها وكيست لحيماتي ودرت 3 اكياس شوي و4 كياس لحم للشربة ووتيت المصارين وكيست كل مجموعة وكبدتها
عشان لما انطلع مانقعدش اندور وحطيت لحم كبار علي حله بروحه مرات يجينا ضيف
ولحيماتي قطععتهن صغار
ودرت عشاي قلايا سندوتشات ... يوم اللحم العالمي
سلــــــــــــــــــــــــــــــــم سوبرمانك
هذا يبيله هديــــــــــــــــــــــــــــــــــــــة
http://forum.hwaml.com/imgcache2/hwaml.com_1381875022_688.jpg
سلمك ياحبيبة ... زعما انا لا عطيت هدية ولا شي
يكفيه هدية العمر ( انا ) خخخخخ
ياهوووووووووووووووووووووووو
تعلمت نحط صوووووووووووور
معاش حد يتدلع علي
خخخخخخخخخخخخخخخخخخخ
توا معاش بنكتب شيء بنحط صور وخلالالالالالالالالالالاص
ههههههههههه مبروك ياحنة
كل يوم راه نتعلمو ... حتى انا مازال لي بعض الاشياء بنتعلمها
جنودة حبيبة ينعاد عليك يارب وانت ام السنة الجاية
سوسو .. وينك نزلت عليك الدورة والا مازا
ينعاد عليك بالصحة والهنا
sosolibya
10-16-2013, 08:55 AM
السلام عليكم ورحمة الله وبركاته
صبااااااااااح الخير وكل عام وانت بخير وكل سنة وانت طيبة ومبارك عيدكم..
تي شنو حالكم وتي كيف حالكم ههههههههههه
لييييييييييكم وحشة
نضت بس ظهري نحسه مكسسسسسسسسسسسسسسسسسسسسسسر والله متعبني هلبة
والصغار قاعدين ماناضوش
شن جوووووووووكم وشن جو العيد
شن الجو بنااات امبدري انسيت ماكتبتلكم شن صاااااار في التحليل
يابنات
طلعت
حامل
صدمه صاااح بس استقبلت الخبر بروح رياضيه لا زوجي الحق سييييعد اومبسوط
اااااااااااااااااااه حامل ألف مبرووووووووووووووووكويارب يباركلك ويسهلك
ههه درتيها شموسةههه الحمد لله على كل حال
بس أكيد حتى لو ماتبيش سبحان الله لما تلقه حمل تسكني وترتاحي وتفرحييييييييييي
وأكيد زوجك بيطير من الفرح..
sosolibya
10-16-2013, 09:20 AM
هدية الله غالب راحت عليك الصلاة مش مشكلة الهم نيتك ياحلوة
وصار بتذبحو ثاني يوم إن شاء الله على خيررررر وياخساااااااااارة راجلك ماشي للجامعة بدالك الكساد من جديدصح
ومبروووووووووووك حملك في الرابع وماتبيش تقولي هههههههههههههههه نبصر عليك..
sosolibya
10-16-2013, 09:22 AM
أموووووووووولة ربي يعينك عالعصبان زاوية أصيلة يابنت ههههه تبي العصبان وخاطرك فيه
بس ياخساااااااااااارة راجلم ماحصلش عطلة عيب عليهم يللا مش مشكلة حبيبتي
لاالعام الجاي تبدأ معاك بنتك ملهياتك
وبالنسية للوزن كويس ومية مية الحمدلله توا تكبر ماتعليش
أنا جبت ريم 2900
ربي يهنيكم ونبي نذوق عصبانك
sosolibya
10-16-2013, 09:25 AM
فروووووووووووسة ماشاء الله على الجو وطيس الشاهي لقطة حلووووووة هههههه وتصير عادي
ونبي نعرف شنو الموالح يللي قلتي درت بزيادة
وماهي الكيمياءياحلوة هبلتينا بيها شنو هي
وماشاء الله صار مهناك شىء للعشية امس يللا امتى مايجي الخير...
وكيف حال السنافر وشن جو أهلك في العيد..
sosolibya
10-16-2013, 09:27 AM
ربي يعينكم يابنات يللي في الغربة بالرغم من انه رااااااااااحة بس أكيد النفسية والقلب عند ألأهل
ولكن بإختصار ياحلوات والله مرتاحات أكيد وجوكم خفيف وبسيط
والله أنا أمس قريب إلا متت معاش قادرة نمشي لبعد صلاوة العشاء باش سيقت المطبخ
بس ربي يهنيكم مع أزواجكم وأطفالكم حاسة بيكملو أنا راني هببببببببببلت مانتحملش البعد عن جو العيلة
sosolibya
10-16-2013, 09:31 AM
مانتحملش البعد عن جو العيلة
عكس هدية غريييييبة انت ياهدية من نهارها بنعلق وننسى
يعني نحس شخصيتك ااااااااااااادئة يعني بطبعك تحبي الهدوء ولاتميلي إلى الخلطة وألإجتماعيات والجو هذاصح
ومابعده راجلك قلتي مشيتهاله بكاااااااااااء السنة ألأولى صح ربي يعينك أكيد صعب التأقلم مع انت كنت عروسربي يهنيك ياحلوة
بي مرة استغربت قلتي كيف بنتعود على جو العيلة بعدين هو أكيد معاك الحق بما انك قاعدة جديدة عليهم بس خليك زي أخاك سوسو تعشقر ألأجواء
ولكن والله حتى أنا ماعاش زي زمان شورني كبرت ههههههههههههه
بديت معاش زي قبل أقل من قبل ..
sosolibya
10-16-2013, 09:34 AM
جيجي ربي يسهلك غير تعالي جاي وقوليلي كيف من الظهر مكملة ربي يحفظكم
والحمد لله على كل تأخيرة بالنسبة لعزوزتك وربي يسهلها العام الجاي وعلااااش ماصارش مسكينة
وبالنسبة لبنوتك ربي يسهلك ولادتها والحمد لله ماشاء الله وزنها كوييييييييس بس ردي بالك مرات اتعبك في الولادة فلهذا ابدي تمشي من توا وديري القرفصاء وكثري من السجود وتمشي أهم شىء
وربي يعاونك إن شاء الله على فكرة ألأسبوع 37 ثاني أسبوع من التاسع
sosolibya
10-16-2013, 09:36 AM
أثري كلماتك أثرت فيا هللللللبة وفعلا حبيبتي عندي جواز سفر وبطبعي إجتماعي ونقدر نركب مع أي خط هههههههههههههههه بس يعني عندي القدرة على التواصل مع أطباع وأشكال مختلفة من الناس
الحمد لله
بس كله مش كيف
وربي يباركلك في عويلتك ومبارك عيدكم وأكيد صليتي العيد ربي يحفظكم
وليييييييييش المصارين مكسدات عندكم الله غالب علينا ياكبدي ههههههههههههههه
sosolibya
10-16-2013, 09:39 AM
اوشي جو الذبح في الوقفة حوة جدا وكمان متعب جدا
وصار عولتي في حوشك ربي يحفظك ويحفظ زوجك ويسهله ويرقه من حيث لايعلم..
والمفروض ديما يتشاركو فيه فلوس الذبح مش ديما عمك صح
وجووو صار قلبتو العيد سياسة ومعاك الحق ديما الشيابين الكبار مايحبوش العراك والمشاكل يسايرو وخلاص
بس انت اوشي حوشك بعيد عن امتعينك ولا؟؟
sosolibya
10-16-2013, 09:39 AM
ليبيا قلبي وخوخة ووردة عيدكم مبارك وينكم غيااااااااااب
جنودة إن شاء الله ربي يطمني عليكم ياحلوة
sosolibya
10-16-2013, 10:16 AM
طبعا امس والله تعب تعب بشكل رهييييييييييييييييب
والله جسمي لتوا يوجع فياااااااا
الصبح عيدنا وكنت أنا أول وحدة نوصل للتوتة ههههههه اول مرة هههههههههه
وبعدين خشيت عيدت على جداي لقتها تضفر في شرها وطلعنا للتوتة جو الجماعة الكل مااشاء الله
وجو التريس من الصلاة (ههههههه الرجالة )
وعيدنا وكانت أجواء حلوة وطبعا حمود مشي مع باباه للجامع
وريم كانت زي الملكة تهببببببل ماشاء الله
باهي وبعدين جت متي عيدت ويعدين ركبنا أنا وأمي مع زوجي والصغار
وخوي ركب معاه ولد عمي ومشينا لخوالي عيدنا وطبعا ماشيين بنجيبو الأضاحي
صعبااااااااااات ركبوهم ورحنا
بقينا الجماعة باديين في الذبح
عشتو الجو ولامازال ههههههههههههههههه
طبعا الخبر السىءهو
إن بابا ماحضرش معنا العيد لأنه عمل في حقول سرت النفطية الله غالب من الصبح ننحاول نتصللا بيه بنعيد عليه ماحصلتاش لبعد العصر ربي يحفظه
ياااااااااااارب ارحم وال أثري وأم شموسة وإجعلهم سكان فسيح جناتك يارب
وبعدييييييين بدي الذبح والسلخ والتعليق في أغصان التووووووووت المهم
خدينا الدواوير أنا وأمي وشينا لحوشي طبعا غسلناها برا تحت الليم ومية الماجن
وانتعيني وسلفتي في سور سلفتي أنا من قبل نمشي أنا وأمي لحوشي لأان حوش أمي بعيد شوووووية على حوش جدي مسافة
كملنا اااااااااه معاش تفكروني
ومشينا كلينا القلاية داروها بنات عمي طبعا جيل جدييييييد الجيل ألأول راح خخخخخخخخخخخ
وبعدها طلعنا بقراااااااااار لأول مرة إن الغداء يؤجل ليوم الخميس عشاااااء
لأن نوووووووووووو وكل وحدة بتفضى بعوالتها ومانبوش الحمل يجي على وحدة دون الثانية لمينا الكتاااااااااااف من كل واحد كتف (طبعا حتى الكبدة ملمومة من كل خروف )
وبدو عمامي في الشواء والنساوين ولعو الحطب وبدو في التشوووووووووووووبط(سامحوني بنات ضحكتوني بكلمة نشفشفوهم خخخخخخخخخخ حنا نقوللو نشوطوووهم)
وطبعا مشيت لحوش امتعيني (وللأسف ماصارش من عصبن يوم الموسم)
ولهذا بدينا في العصبان والتشويط أجلناه للعشية لأنه نوووووو
درنا العصبااااااااااان
وبعدها بدينا في التقطيع والتقديييييييييد اه تعب مع رييييييييم تهرب لجهة عمامي خخخخخخخخ وتخافي من السيااااارت لبعد العصر قاعدين مابيناااش في الخدمة
وبعد العصر رقدت ريم
وجت عمتي ألأخرى عيدت وووووووو بدينا في الروووووووووووس
وطبعا سلفي من الظهر لما لاقاها زحمة عند عمامي روح ولعلنا الشواية وبدي يشوي ههههه وعطيته لحمة قلتله اشويهال جووو
ولبعد المغرب كملت تكييس وتقسيم وتحويل للتذويق والصدقات وووووو
ولما روحنا بديت في تمليح القديد أنا وراجلى ومالحقناش ننشروه أمس توا بيننشروه وووووووووو
وقرضت الكبدة ووو ووولبد صللاة العشاء طلعت من الكوجينا درت حماااااام أنا وواتلصغار وبوهم هههه مش مع بعض كل واحد بروحه هههههه
وتوانكتبلكم ونقلي في الكبدة في الكوجينا وراجلي يولع في النار بيدير شوي
واليوم إن شاء اللهى بنمشو لخوالي .........
وبعدين العشية ولا الليل نمشو لخوال زوجي وبسسسسسسسس
سلام
شموسه 88
10-16-2013, 11:33 AM
السلام عليكم ورحمة الله وبركاته
شموسه 88
10-16-2013, 11:34 AM
كل عام وانتم خيييييير
شموسه 88
10-16-2013, 12:10 PM
يابنات تعباااانه
ظهري يبي ايتكسر
امس تعب تعب ياربي ساعدني
هيا نحكيلكن
العيد في الصبح جو باقي العائله ماشالله اويعلم ربي اني استقبلتهم بصدر رحب اوطلعتلهم صفرة فطور حليب اوشاهي اوكعك اوجبنه اوزيتون اودحي مطبوخ اوخبزه ساخنه اوقهوه اوعصير افرش
بعدها بدو في الدبج مشيت غسلت ماعين الفطور اووتيت السفر اوليانات اكبر واصواني اوطلعت اسفر اللوح ولامواس اوطلعتلهن خضره علاشان كل وحده اتدير اسلاطتها ابروحها
كملوا الذبح اوكل وحده خذت كانون قعدت تشوي ابروحها بعد ماكملنا لشواء الصبح صبيت نغسل في دوارتي اوجن الباقيات غسل دورتهن اوكملن خشن لحوش اووعلن المكيف اورقدن الحوش بره يابنات قعد عاااار وسخ اوجرت دم لواشواء اوكبابي والخبزه معزوقه في كل مكان قلت والله ماني دويتلهن جبت اشكرة اكناسه حشاكن اوبديت انلم في الحوسه اوكنست اوسيقت السلخانه والحق ساعدني زوجي واعيال سلفي لصغار اوخشيت لحوش جوا القيته اشر من بره اورايحته ههههه خليني ساكته خير اوماتقدريش تدوي قلت لعمتي شن ايصير في الغدا عمتي نوضت سلفاتي الاثني لكبار صبن دارن الغدا درنا قلايا واشويت رز علاشان لصغار تغدينا طبعا الماعين قعدن كيف ماهنا اوسلفتي لي حكيتلكن عليها كنها حالف ماتقرب حاجه حتى السفره من قدمها ماتبي ترفعها درت براد شاهي اخضر او قهوه اوطلعنا لشباب بره اوكل وحده من سلفاتي طلعت اتكسر واتسقسم في لحمها او خشيت ضميت المطبخ او اوسيقت الحمام اونشفت الحوش بلمطهر غير الحمد لله دار نومي امسكرتها طلعت قسمت اللحم مع زوجي اوشلحته القديدي طبعا رد الجنان مقلووووووووب عل بعضا كاني مادرت شي ابصرحه اوسلفاتي خششن دارن حمامات اوغيرن دبشهن اومكيجن اونا رديت نبرم عل حوسه لي بره خشت لحوش برضوا القيته حاله والله ساخافه تخايلن يابنات البمبرس امتاع اصغارهن معزوق في وسط الحمام ولا تلقيه محطوطات عل بار المطبخ برغم دايره سطل قمامه في الحمام ليش هذي هزوه ولا شنو اودبش اعيالهن امسخ معزوق في في الحوش كلا ضميت برضو من جوه اوكلمتهن قتلهن تعالن لمن دبش اعيالكن جن لمن دبشهن اوقالي كان قلتيلنا رانا ضمنينا امعاكي هههههههههه
بعد ماجاء الليل كل وحده برضو طلعت كانون ابدت تشوي هيا واعيالها كملن اشوياتهن اوكل وحده روحت لحوشها اوخلو الدنيا حاله
مشت غسلت لصغار اورقدتهم و نا بديت انضم جوه اوزوجي يضم في الجنان بره كملت حوستي الساعه 11 اونص اوزوجي اليوم كلم سوداني من المزرعه لي احدنا سيق الجنان
يابنات والله اكثر شي وجعني انهن لما طلعن حتى بارك الله فيكي ماقالنها
استغفر الله العظيم دويت واجد لاني بس ضروري انطلع لي في خاطري
شموسه 88
10-16-2013, 12:35 PM
طبعا امس والله تعب تعب بشكل رهييييييييييييييييب
والله جسمي لتوا يوجع فياااااااا
الصبح عيدنا وكنت أنا أول وحدة نوصل للتوتة ههههههه اول مرة هههههههههه
وبعدين خشيت عيدت على جداي لقتها تضفر في شرها وطلعنا للتوتة جو الجماعة الكل مااشاء الله
وجو التريس من الصلاة (ههههههه الرجالة )
وعيدنا وكانت أجواء حلوة وطبعا حمود مشي مع باباه للجامع
وريم كانت زي الملكة تهببببببل ماشاء الله
باهي وبعدين جت متي عيدت ويعدين ركبنا أنا وأمي مع زوجي والصغار
وخوي ركب معاه ولد عمي ومشينا لخوالي عيدنا وطبعا ماشيين بنجيبو الأضاحي
صعبااااااااااات ركبوهم ورحنا
بقينا الجماعة باديين في الذبح
عشتو الجو ولامازال ههههههههههههههههه
طبعا الخبر السىءهو
إن بابا ماحضرش معنا العيد لأنه عمل في حقول سرت النفطية الله غالب من الصبح ننحاول نتصللا بيه بنعيد عليه ماحصلتاش لبعد العصر ربي يحفظه
ياااااااااااارب ارحم وال أثري وأم شموسة وإجعلهم سكان فسيح جناتك يارب
وبعدييييييين بدي الذبح والسلخ والتعليق في أغصان التووووووووت المهم
خدينا الدواوير أنا وأمي وشينا لحوشي طبعا غسلناها برا تحت الليم ومية الماجن
وانتعيني وسلفتي في سور سلفتي أنا من قبل نمشي أنا وأمي لحوشي لأان حوش أمي بعيد شوووووية على حوش جدي مسافة
كملنا اااااااااه معاش تفكروني
ومشينا كلينا القلاية داروها بنات عمي طبعا جيل جدييييييد الجيل ألأول راح خخخخخخخخخخخ
وبعدها طلعنا بقراااااااااار لأول مرة إن الغداء يؤجل ليوم الخميس عشاااااء
لأن نوووووووووووو وكل وحدة بتفضى بعوالتها ومانبوش الحمل يجي على وحدة دون الثانية لمينا الكتاااااااااااف من كل واحد كتف (طبعا حتى الكبدة ملمومة من كل خروف )
وبدو عمامي في الشواء والنساوين ولعو الحطب وبدو في التشوووووووووووووبط(سامحوني بنات ضحكتوني بكلمة نشفشفوهم خخخخخخخخخخ حنا نقوللو نشوطوووهم)
وطبعا مشيت لحوش امتعيني (وللأسف ماصارش من عصبن يوم الموسم)
ولهذا بدينا في العصبان والتشويط أجلناه للعشية لأنه نوووووو
درنا العصبااااااااااان
وبعدها بدينا في التقطيع والتقديييييييييد اه تعب مع رييييييييم تهرب لجهة عمامي خخخخخخخخ وتخافي من السيااااارت لبعد العصر قاعدين مابيناااش في الخدمة
وبعد العصر رقدت ريم
وجت عمتي ألأخرى عيدت وووووووو بدينا في الروووووووووووس
وطبعا سلفي من الظهر لما لاقاها زحمة عند عمامي روح ولعلنا الشواية وبدي يشوي ههههه وعطيته لحمة قلتله اشويهال جووو
ولبعد المغرب كملت تكييس وتقسيم وتحويل للتذويق والصدقات وووووو
ولما روحنا بديت في تمليح القديد أنا وراجلى ومالحقناش ننشروه أمس توا بيننشروه وووووووووو
وقرضت الكبدة ووو ووولبد صللاة العشاء طلعت من الكوجينا درت حماااااام أنا وواتلصغار وبوهم هههه مش مع بعض كل واحد بروحه هههههه
وتوانكتبلكم ونقلي في الكبدة في الكوجينا وراجلي يولع في النار بيدير شوي
واليوم إن شاء اللهى بنمشو لخوالي .........
وبعدين العشية ولا الليل نمشو لخوال زوجي وبسسسسسسسس
سلام
ماشالله عليكم ياسوسو يلا التعب الواحد عندك ين هاربه منه اواحلى شي عاجبتي شجرة التوته سهفتيني عليها
اااااااااااااااااااه حامل ألف مبرووووووووووووووووكويارب يباركلك ويسهلك
ههه درتيها شموسةههه الحمد لله على كل حال
بس أكيد حتى لو ماتبيش سبحان الله لما تلقه حمل تسكني وترتاحي وتفرحييييييييييي
وأكيد زوجك بيطير من الفرح..
الحمد لله ربي العالمين اكثر شي امخليني نفرح انه هو فرحان اومسكين امس كل ماايخش عليا يلقاني انحوس يقعد ايفنس فيا
وعيدي كان
وعيت قبل الفجر لان الست روى كانت راقدة بدري
صحصحت وقعدت امعاها لين اذن الفجر صبيت صليت ونوضت راجلي
ويبعدها قعدنا لين انتهت الصلاة ومشينا لحوش عمي
وذبحنا وكان الجو حلو مشمس ودافيء
وشوينا لين شبعنا من الشوايات .. زكان النقاش السائد هو حال ليبيا
وطبعا فيه اختلاف في وجهات النظر ... وكل واحد مرة يعصب ومرة يهدا
طبعا انا وسلفي وصبيتي ضد زوجي وسلفي الثاني وعمي مرة هنا ومرة هناك
المهم جبدنا كل شي من ايام الطليان والمملكة والجماهيرية هههههه
وعمتي تبي توقف النقاش وتقول هيا وقت عالغدا يلا قطعو اللحم ومافيش حد يسمع الها خخخخخخخ
المهم كملنا حوستنا كلها عالطناش وانا طيبت الغدا ارز كالعادة ومرق وامسير وسلاطة
وبعدها انا طلعت عالروس وشفشفتهن ونظفتهن وخذيت راسي ولحيماتي ودوارتي وجيت لحوشي
دايخة ماحوتني حصلت مع روى غفيوة
تنشطت بعدها وكيست لحيماتي ودرت 3 اكياس شوي و4 كياس لحم للشربة ووتيت المصارين وكيست كل مجموعة وكبدتها
عشان لما انطلع مانقعدش اندور وحطيت لحم كبار علي حله بروحه مرات يجينا ضيف
ولحيماتي قطععتهن صغار
ودرت عشاي قلايا سندوتشات ... يوم اللحم العالمي
ماشالله عل جوكم في العيد يااوشي صار مشيتوها كلا هدريز عل السياسه كل عام وانتو ابخير
شن الجو يابنات مافي حد خش كلكم غاطسيين والا كملتوا وعيانين ربي يعطيكم صحتكم نستنى فيكم تحكوا على اجواء العيد اليوم كيف كان
بالنسبة لجونا احني اليوم نضت السبعة ونص رضعت سوما ومعادش رقدت فتحتلها التلفزيون وحطتلها العاب وراجلي مشي للصلاة واني بديت في الفطيرة ماخدتش مني وقت باهي لاني ماكترتش وبعد كملتها قطعت الشواء وحطيته عالنار ولبست سوما وبدلت اني وضميت الحوش ومع التسعة ونص راجلي خش عيدنا وفطرنا وكلمنا أهله وأهلي وخلاااااص مجرد كملنا المكالمات بدي الكساد وكمل العيد بالنسبة لينا هههههه راجلي ارتاح شوية وبعدها عدى للجامعة وسوما رقدت واني ضميت سفرة الفطور وجيت منرقد حتى اني الجو هدوء
وقاعدة الساعه11ونص ماعندي ماندير غضوة ان شاء الله منذبحوا بيعدي راجلي بيحضر ااذبح وبيجيب اللحم واني منوتي الشواية والعدة باش نطلعوا نشووا في حديقة كان الجو جلو لانه حوشنا مافيشي بلكونة والا جنان والبطن اشبح يحصلها والا لا خاااااطري في عصبان يارب ان شاء الله يحصلها حتى فيها تعب لكن العصبان يستاهل التعب
وتعرفوا اني اللحم ماعنديش عليه هلبة بالذات الشواء فيسع مانزهق منا حتى الصبح ماكترتش منا
هي سلامات عيوني بيتسكروا
هديه احلى جو الهدوء ابجد امس خطرتي عليا انتي اواموله اوفروسه قالت في خاطري تحريحن من الحوسه
مساء الاعياد عالحلوات
كييييييف حالكم
انا من الظهر حتي مكمله ومسيقه المطبخ كل شئ عالسرييييييييع
ماشالله جيجي يعطيك الصحه نبو التفصيل المملل
شموســـــــــــــــــــــــــــــــــــــــــة
ملايين التبريكات
اللهم بارك لها في حملها
وايسر لها أمرها
وأعنها على حمله وولادته وتربيته
كما تحب وترضـــــــــــــــــــــــــى
والعاقبة لبقية المترقبات للحمل
ولعله خيرا تأجيلة السفرة
1/ 11 يوافــــــــــــــــــــق جمعة
عرس بنت أختـــــــــــــــــــــــــي
نسأل الله أن يكمل على خير
الحمد لله عل كل حال كل توخيره فيها خيره والله ايبارك فيك حبيبيتي اثري
الساعه 8 توا زوجي مشا لصلاة العيد واني مكسدة بروحي والمطر ماشااااء الله البرا من البارح تصب والجو تقولي عز الشتاء نفكر بنعجن فطيرة باش نفطرو ونحط العصبان ع النار طبعا عصباني وتيته من امس وحطيته في الثلاجة ع التطييب بس مزال والباين مافيش شوا اليوم لانه مطر والبلكونه مش مسكرة من فوق معناها ماتساعدش بكل مع انه زوجي غايب اليوم لانه قراية ماعطوهمش عطله فكسااااااد والحمد لله
ماشالله يعطيي الصحه اموله واماشالله عل مطر نحنا امس جونا حمو بكل
وانتي بألف خــير وصحة وسلآمه هديه وينعاد عليــــــك انتي وعائلتك الكريمه يــــارب ....
نحن نضنا 7 صلاة العيد 8 وربع ...
دوشنا انا الاول ولعدها زوجي ولبس وعدا للصلاه
طبعا جارنا عازم القروب ع الفطور جو عندنااا لان اوسع وتيت المربوعه بالكامــل ..
وطاولتها والمحبس وجو الغســل .. وفروسي ناض بدري امس دوشتله بليل لبسته ..
وجو الشباب اهو دايرين جو
والمشكله صار نقص في فناجين القهوة حطيت للبقيه طاستين شاهي بالقهوة هههههه قالي زوجي عادي عارفين الجووووووووو
عاد مش ف بلادنا ماتدققيش
كل عام وانتي بالف خير فروسه اكيد عقلك امعانا هنا فروسه بس انقولك تريحتي اوسلم ايدياتك عل القهوه يمشي الجو عادي عادي انا درتلهم امس فنجان اوكبابي الكاغط
قﺼﺔ ﺭﺍﺋﻌﺔ ﺍﻗﺮﺃﻭﻫﺎ
ﺗﻮﻓﻰ ﺻﺪﻳﻘﻪ ﻣﻦ ﻓﺘﺮﻩ ﻭﻟﻜﻨﻪ ﻟﻢ ﻳﺤﺬﻑ"
!!ﺍﺳﻤﻪ ﻣﻦ ﺍﻟﻬﺎﺗﻒ ﻭﺍﻟﺴﺒﺐ
ﻳﻘﻮﻝ ﺍﻟﺮﺟﻞ : ﻟﻘﺪ ﻣﺎﺕ ﺻﺪﻳﻘﻲ ﻣﻦ ﻓﺘﺮﺓ
ﻃﻮﻳﻠﺔ
ﻭﻟﻜﻦ ﺑﺎﻟﺮﻏﻢ ﻣﻦ ﺫﻟﻚ ﻟﻢ ﺍﺣﺬﻑ ﺍﺳﻤﻪ
ﻣﻦ ﻫﺎﺗﻔﻲ
ﻭﺣﺘﻰ ﺍﺫﺍ ﻏﻴﺮﺕ ﻫﺎﺗﻔﻲ ﻭﺳﺠﻠﺖ
ﺍﻻﺳﻤﺎﺀ
ﻣﺠﺪﺩﺍ أﺿﻌﻪ ﻓﻲ ﻗﺎﺋﻤﺔ ﺍﻻﺳﻤﺎﺀ
ﻓﺴﺄﻟﻮﺍ ﺍﻟﺮﺟﻞ ﻟﻤﺎﺫﺍ ﺗﺘﺼﺮﻑ ﻫﻜﺬﺍ
ﻭﺗﻔﻌﻞ
ﺫﻟﻚ ﺑﺎﻟﺮﻏﻢ ﻣﻦ ﺍﻧﻪ ﻣﺎﺕ ؟؟
ﻓﺄﺟﺎﺑﻬﻢ ﻗﺎﺋﻼ :ﻻ ﺍﺣﺬﻑ ﺍﺳﻤﻪ ﺣﺘﻰ ﺍﺫﺍ
ﻣﺮﺭﺕ ﻋﻠﻰ ﺍﺳﻤﻪ ﻓﻲ ﻛﻞ ﻳﻮﻡ ﺍﺩﻋﻮﺍ ﻟﻪ
ﺑﺄﻥ ﻳﺮﺣﻤﻪ ﺍﻟﻠﻪ
ﻣﺎ ﺍﺟﻤﻞ ﺍﻟﺼﺪﺍﻗﺔ ﻋﻨﺪﻣﺎ ﺗﻜﻮﻥ ﺻﺎﺩﻗﺔ ,,
ﺍﻟﻠﻬﻢ ﺍﺭﺯﻗﻨﺎ ﺍﺻﺪﻗﺎﺋﺎً ﻳﺬﻛﺮﻭﺭﻧﻨﺎ ﺑﻌﺪ ﺍﻟﻤﻮﺕ
ﺍﻟﻠﻬﻢ ﺍﻣﻴﻦ
شموسة حبيبتي
كل عام وانت بخير ... ان شاء الله في ميزان حسناتك
المفروض راهو طلبتي منهن يلمن حوستهن ...
اطلبيها وبالقوة لان من حقك حتى انت الراحة خاصة وانت حامل وهن من واجبهن يلمن حوستهن قلة ذوق بصراحة
كنتي درتيلهن جو بصارة ... وقلتيلهن ياحناتي اللي اتحوس حاجة اتلمها مش نقعد انلم وراكن
وانت طبعا عندك اسلوب وتعرفي كيف تحكي معاهن لانك عارفتهن
سوسو ماشاء الله جوكم حلو مررررررة
انحب العيد في المزرعة له جو خاص
وانا نسكن في شحات وعيت عمي يسكنو في البيضاء
لكن ماتخيليش بينا مسافة البعد بينا ربع ساعة بالسيارة انكونوا عندهم
وبالنسبة للذبح فبل العيد والوقفة سنة عمي لانه يعمل فيها كصدقة لوالديه
يعني زوجي مش معني بالامر تماما لان عمي يتصدق علي والديه من حر ماله
اما جنتلة زوجي فهو دائما متجنتل ولله الحمد وخاصة لوالديه
ولا عمري قتله ليش وكيف
وكذلك السنة اللي فاتت ساعد بوه في حق الذبيحة اللي قبل الوقفة
واشياء يقول فيهن لي واشياء اخرى يقولن فيها لي خواته
ولا عمري قتله راني نعلم في اشياء انت ماقلتهاش لي
لان للبيوت اسرار
والحمد لله كل مايعطي والديه من هنا ايردن مضاعفات من هنا
واللي ديما نقول فيه بيني وبين نفسي ربي يفرحني بعيالي ويبرو بيا وبوهم
كيف مانحنا بارين بوالدينا وبس ولله الحمد
جوهرة ليبيا
10-16-2013, 10:57 PM
السلام عليكم ورحمه الله وبركاته
جوهرة ليبيا
10-16-2013, 11:05 PM
شموسه كل عام وانتي بخير انتي واوشي وسوسو الحلوه
شموسه ربي يهدي وان شاء الله في ميزان حسناتك وربي يتمم حملك علي خير وردي بالك علي روحك
سوسو معقوله لصلاة العشاء مكملتيش ربي يعطيك صحيحتك وكل البنات
انا عيدي خفيف ومش متعب كالعاده تو نحكيلكم
هدية الخالق
10-16-2013, 11:18 PM
السلام عليكم ورحمة الله وبركاته
شن الجو اوشي وشموسة وسوسو جوكم ماشاء الله يهبل في العيد لكن تعبببببببب مابعدكم بالذات شموسة والله تتخيلتهم كأنه قدامي ان شاء الله كله باجره
سوسو منين جاك احساس اني مانحبش جو العيلة ههههههههه بالعكسسس مني مايحبش العيلة واللمة والله كل يوم قلبي يتقطع ونتحسر من الوحدة والهدوء ونستنى امتى نروحوا ونتجمعوا في حوش العيلة مع انه عيلة شيابيني مش كبيرة ونوعيتهم هاديين ومافيش احواء هلبة لكن عالاقل جو سلفتي وعزوزتي وعندهم حناهم عايشة تجيهم ديما تقعد فترة عندهم جوها يهبل
لكن شن مندير ماباليد حيلة متأقلمة مع وضعي وخديت ععالهدوءوالراحة ولاااااااااحقة على عالاجواء هدي نين يجيني يوم ونتمنى يوم من هالايام لان الهدوء باهي مرااات ههههههه
والله سلفتي قالقة بروحها وتتمنى روحها في مكاني لان جو الحوش هادي حماواتي اربعة وحدة متزوجة وجت لكندا حتى هيا واتنين يقروا في الجامعة ومن اعمارنا لكن ......وحطي ميت خط على كلمة لكن
جوهن جو قراية اربعة وعشرين ساعة محبوسين في الدار ويقروا مستواهم كوييييس وغالي عليهم القراية وطبعهم هااااادي جدا مايخالطوش فينا هلبة
والبنت الرابعة صغيرة تقرأ في الابتدائي وسلفتي جوها مش عادي انسجمت اني وياها الاسبوعين اللي قعدتهم في ليبيا بعد الزواج
المهم باختصار ياحلوة اني طبعي عادي لاني هادية وانطوائية ومانحبش الخلطة ولاني اجتماعية ليييين مفسدة بكل عادية نتخالط ونحب الجمعة والطلوع واجواء اللمة لكن مرات نفضل الهدوء حلو حتى الهدوء والراحة مرة مرة باهيات
سلامات توا سوما ناضت تعيط وراجلي ماشي من 8ونص بيذلحوا وتوا الواحد ونص ومااازال قالوا مطولين اعييت وانى نستنى وقبل شوية جونا امتاعين كشف عالحشرات في الاحياش جايبين معاهم كلب حشاكم يشمشم اذا في حشرات صغيرة ماتنشافش تلصق في الاثاث والدبش طبعا الكشف هذا دوري كل ستة شهور تقريبا
تعرفوا قمت الفرشات اللي في الصالة وحولت الورغان والشراشف امتاع السرير لان الكلبب بيدهور وبيهيج في الحوش غي باهي ماعطلوش فتحتلهم الباب وطلعت اني وسوما شوية في الممر لعدين قالولي كملنا خشيت ومنشف الارضية .الاماكن اللي هيج فيهم
سلامااااااات
جوهرة ليبيا
10-16-2013, 11:41 PM
طبعا اختكم جيجي مارقدتش ليله العيد ولا دقيقه مش عارفه خيرني مع ان الصيام تعبني وقريب متت
الحمد لله علي كل حال
صليت ركعات واذن الغجر نوضت راجلي صلي في الجامع وروح دوشنا هههههههه علي قولت سوسو كل واحد بروحه وامشينا لصلاه العيد
اجواء المسجد والصلاه روعه تلقي دموعك تنزل واللي تعرفيه او ماتعرفيه ايعيد عليك كملنا الصلاه وجمبي عزوزتي وسلفتي عيدت واستسمحت وروحنا
القينا كوشه للخبزه فاتحه وريحتها تهببببل يم اخدينا وروحنا
غيرت حوايجي انا وسننفورتي كومتشيته خفيفه فضفاضه وقطنيه
بخرت الحوش واستنيت سلفتي وعزوزتي ايجوني
فرشت لوطه فراش في الجنان الخلفي والطاوله والشوايه وووو جنبنا
جهزت القهوة والشاي الاخضر والاحمر
طبعا مفطرناش لان من السنه تفطر من الاضحيه
المهم اول خروف انااااااا لانه الكبير وعزوزتي قالت بتخليه ماهيش مضحياته ياسرنا لحم <<<اتخاف من الشحوم وخايفه علي ولادها
نادت علي عزوزتي باش نشوف اول ميذبح راجلي لبست وشفته هههههههه انخلعت من الدم مع انه بعيييييد عليا مانقدرش انقدم علي خاطر سلفي مع انه مسكين ماقاعد بيشوف
رجعت قعمزت جنب سلفتي ونهدرزوا طبعا انا بنمووووت مش قادره قله نوم والضغط منخفظ قالولي افطري بس حبيت انطبق السنه
ولعت عزوزتي الشوايه وجهزت سلفتي السلاطه المشويه
وجابوا الكبده شرحتها وملحتها وشويتها فطروا بيها الولاد بسرعه لانهم خلااااص عطشانين
وجهزت سلفتي سفرتنا ومعانا الصغار
وجابوا فخده شرحتها من الشحم البسيط الفوقي ونزلتها وسلفي شاده معي ودرتها شرائح وملحتها وشويت بدت سلفتي
3طرحات شواه بركه اكتفينا مع السلاطه المشويه ومشروب وووووووووووو
والحمد لله
شوي وجي خروفي العزيز في سفرتين كبار راجلي ربي يحفظه ويخليه ايدرير في كل شئ يقدد ويقطع ووووو
وبدي في متاع خوه لانه مايعرفش بس ايساعد فيه الحق
انا القديد فخده هبر وضلعه بسسسسس داب مناسبتي السبعه ايام ولحوشي
واللحم مقطع وجب كبير وصغير
الحمد لله بديت انملح في قديدي وخليته علي جنب وكيست لحمي بين هبرات بروحهم وووووووووووو عالسريع
وفي هالوقت سلفتي تقرض في القلايه ودير فيها
لما سلفي كمله راجلي نادا عليها قاللها حطيته في مطبخك وقديدها ملحاته عزوزتي ونشراته قعدلها تكيس اللحم بس
الظهر صلينا وطفت عالقلايه وقالتلي بنمشي انكيس وانقيل
روحت سيقت مطبخي وخشيت اندوش وبعدي سنفورتي هي علي طووول رقدت تابرني
حسيت نفسي انشطت قعمزت انا وراجلي بعد مادوش مسكين تاعب مع انه السنه زوز بس
حطيت غداي عصبان اليوم اللي قبله وجت عزوتي قسمت القلايه وعطيتها السلاطه الشويه في حفاظه وقسمت شوايات فضلوا وروحت
لان هي تفلت بالدواوير الزوز وتشويط الروس هي وسلفي
اتغدينا بدينا ننعسوا
هدرزنا قال انصلوا ونرقدوا شوي خير
رقدنا ساعتين قبل المغرب ارتحت فيهم شوي
ونضنا وهدرزنا وووووووووووووووووو
ومع 12 رقدنا وبسسسسسسسسسسسسس
أثري في مدادي
10-17-2013, 01:08 AM
الســـــــــــــــــــــــــــلام عليكم ورحمة الله وبركاته
انحدرت الموع من عيناي عندما طالعتهااااااااااااااااااااا
قصة رائعة اقرأوها
توفى صديقه من فتره ولكنه لم يحذف"
!!اسمه من الهاتف والسبب
يقول الرجل : لقد مات صديقي من فترة
طويلة
ولكن بالرغم من ذلك لم احذف اسمه
من هاتفي
وحتى اذا غيرت هاتفي وسجلت
اﻻسماء
مجددا أضعه في قائمة اﻻسماء
فسألوا الرجل لماذا تتصرف هكذا
وتفعل
ذلك بالرغم من انه مات ؟؟
فأجابهم قائﻼ :ﻻ احذف اسمه حتى اذا
مررت على اسمه في كل يوم ادعوا له
بأن يرحمه الله
ما اجمل الصداقة عندما تكون صادقة ,,
اللهم ارزقنا اصدقائاً يذكرورننا بعد الموت
اللهم امين
ذكرتنـــــــــــــــــــي
بحبيبة لي غالية
اسمها محفوظ في هاتفي مع قائـــــــــــــــــــــــــــــــــمة تطول
ولكن اسمها غيــــــــــــــر
فهي
انسانة قل أن يجود الزمان بمثلها
معطاءة بلا حدود
تبتسم وإن كانت بالقيود
نكهة منعشة بالكرم والجود
ولكنهـــــــــــــــــــــــا
اختفت
وانتقلت إلى رحمة وسعت السموات والأرض
فكلما التقت عيناي باسمها
استغفرت لها
وكلما طالعت رسائلها
دعوت لها
وكلما مررت بشارعهم وأتعمد المرور به
أترحم عليها
ومع هـــــــــــــــــــذا
فإنني مقصرة بحقك غاليتي فقد كنت لنا نعم الجرا والرفيق والصديق
اللهم
اغفر لأمتك وارحمها وأسكنها فسيح جنانك يارحمن ،،،،،،،،، بالله قولوا آميـــــــــــــــن
~~~~~~~~~~~~~~~~~~~~~~~~~~~~~~~~~~~~~
السلام عليكم ورحمه الله وبركاته
وعليكم السلام ورحمة الله وبركاته
أثري في مدادي
10-17-2013, 01:14 AM
أهلا بحبيباتــــــــــــــــــــي
سوسو ،،،،،،،،،،،
اللهم بارك ،،، عيدكم يتسم بالجمهـــــــــــــــــــــرة ،،،، وهذا يدل على ترابطكم وهو أمر رائع
وإن كان به بعض العيـــــــــــــــوب
حسبما أرى ~~~~
وأشكر لك تذكر والدي ووالدة شموسة بدعائك ،،،،،،،،،، اللهم آمين
الله يبارك علي حمودي ولى راجل يمشي مع بوه للجامع ،،، خيركم ما مشيتوش ؟؟؟
وشن صار في دورتــــــــــــــــك ؟؟؟
ومشيتي عاينتي ولا لا ؟؟؟
أثري في مدادي
10-17-2013, 01:18 AM
شموســـــــــــــــــــــة
ربي يعطيك صحيحتك ،،،ردي بالك علي روحــــــــــــــــــــــــــــكـــــ
والحــــــــــــــــــــق
المفروض ما سحنتيش روحك هكي ،،، وعلقتيلهم زي ما تفضلت أوشي ،،
ولو بالبصارة //////
المهم ما تمشيش في ضلعتك ياروحي !!!!
وأنتم مش هلبة
علاش كل واحد يشوي بروحه ؟؟؟ وحدة تقصقص
هو ممكن أحلى للعائلة الصغيرة أنها تتجمع مع بوهم وصغيويرتهم
ربي يهني ~~~~
جيجي
ربي يعاونك ويسهل أمرك
الدوواير والرؤوس تكفلت بيهم عزوزتك ؟؟؟؟
شورني فهمت غلـــــــــــــــــط ؟؟؟
في عصبان طيبتيه !!! ولا مجهزتيه من يوم الموسم !!!
هلبة اشارات استفهام ؟؟؟
أثري في مدادي
10-17-2013, 01:20 AM
أوشــــــــــــــــــــــي
حلو عيدكم
تعرفـــــــــــــــــــــــي
الوضع الليبي قصدا لم نتطرق إليه
يوم العيــــــــــــــــــــــــــــــــــــــد
لأن الحق ،،،،،،،،،،،،،
شي يوجع القلب
وبينكد علينا العيد
فاتفقنا نحكوا علي أي حاجة ،،،،،،،،،، إلا هالحاجة
على الأقل في العيد
وخاصة
أن نقاشنا لن يغير من الأمر شيء !!!!!!!!!!!!!!!!!
قددتــــــــــــــــــي ولا لا !!!
أثري في مدادي
10-17-2013, 01:23 AM
أم فروسي
مغطســــــــــــــــــة
أمولة ،،،،،،،،،، أيضا
هدهودة ،،،،،،،،
ربي يعاونك ويباركلك في صحيحتك
وإن شاء الله تروحي
وتعيشي كما تشتهين
جنودة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
السلام عليكم...
وينكن مكسدات ... فروسة مش عوايدك يالغالية
جنودة خشي طمنينا عليك وبس
جيجي ...
ماشاء الله عيدكم حلو ورايق
وسهفتيني انت واثري في المشية للجامع وحضور صلاة العيد
ذكرتنـــــــــــــــــــي
بحبيبة لي غالية
اسمها محفوظ في هاتفي مع قائـــــــــــــــــــــــــــــــــمة تطول
ولكن اسمها غيــــــــــــــر
فهي
انسانة قل أن يجود الزمان بمثلها
معطاءة بلا حدود
تبتسم وإن كانت بالقيود
نكهة منعشة بالكرم والجود
ولكنهـــــــــــــــــــــــا
اختفت
وانتقلت إلى رحمة وسعت السموات والأرض
فكلما التقت عيناي باسمها
استغفرت لها
وكلما طالعت رسائلها
دعوت لها
وكلما مررت بشارعهم وأتعمد المرور به
أترحم عليها
ومع هـــــــــــــــــــذا
فإنني مقصرة بحقك غاليتي فقد كنت لنا نعم الجرا والرفيق والصديق
اللهم
اغفر لأمتك وارحمها وأسكنها فسيح جنانك يارحمن ،،،،،،،،، بالله قولوا آميـــــــــــــــن
~~~~~~~~~~~~~~~~~~~~~~~~~~~~~~~~~~~~~
تعيشي وتتذكري ... ربي يرحمها ويسكنها فسيح جناته ومحظوظة هي بيك
وعليكم السلام ورحمة الله وبركاته [/quote]
أوشــــــــــــــــــــــي
حلو عيدكم
تعرفـــــــــــــــــــــــي
الوضع الليبي قصدا لم نتطرق إليه
يوم العيــــــــــــــــــــــــــــــــــــــد
لأن الحق ،،،،،،،،،،،،،
شي يوجع القلب
وبينكد علينا العيد
فاتفقنا نحكوا علي أي حاجة ،،،،،،،،،، إلا هالحاجة
على الأقل في العيد
وخاصة
أن نقاشنا لن يغير من الأمر شيء !!!!!!!!!!!!!!!!!
قددتــــــــــــــــــي ولا لا !!!
أكـــــــــــــــــــــــــــــــــــــــــــــــي د قددت ونمشي توة بننقذه من المطر خخخخ
الســـــــــــلام عليكـــــــم ورحمـــــة اللــــــــــه وبــــركـاتـــــــه
كيف حالكم اليوم وشن دايرين كلكم
كســــــــــــــــــــــــــــــــــــــــــــاااا ااااااااااااااااااااااااااد
أمل ليبيا
10-17-2013, 05:13 PM
السلام عليكم
كيف حالكم ياحلوات ان شاء الله التعب هذا في ميزان حسناتكم يارب
اوشي ماشاء الله ربي يدوم اللمة الحلوة وان شاء الله عيدكم مبارك يارب
شموسه ربي يكون في عونك حبيبتي وان شاء الله في ميزان حسناتك مابعدك الحق وخاصة مع الحمل وربي يهدي سلفاتك معليشي يوم وفات وان شاء الله ربي يخليلك زوجك ماشاء الله كفا ووفا معاك هذا اهم شئ
سوسو ادللي ياحلوة انتي مش غر تستاهلي عصبان بس وماشاء الله ربي يدوم اجواء العيله الحلوة ومافيش احلا من العيد مع الغاليه امك وفي وسط اهلك كلهم ربي يدوم النعمه عليكم
الغاليه اثري ان شاء الله ربي يرحم بوك و صديقتك ويسكنهم فسيح جناته فعلا الميت ع قد ماتدعيله ديما وتتصدقي عليه ومع ذلك تحسي بالتقصير
هدهد شن صار فيك ياحلوة حصلتي الكرشة والا لا وحتي انتي شكله زوجك مش عطله مش حلو بكل عيد مع قراية لكن الله غالب
جي جي ماشاء الله حوستك ع الخفيف وزوجك ماقصرش ربي يخليهولك وديما يكون سندك
وعزوزتك ماشاء الله غسلانها في الكرشه نعتبره موقف يهبل منها عندها ذوق
تعرفو اني عزوي السنة الي فاتت اول عيد معاها وقاعده عروسه ليا شهر وايامات وشن قتلي؟؟
شن رايك انتي تغسلي الكرشه متعي ومتعك ومتع خروف ولدي التاني يعني 3 واني نشوط الرووس !!
اني جتني صدمة ومش عارفه كيف جتني الشجاعه ورديت قتلها لا مانقدرهمش بروحي وكانك ع الراس متاعي لو ماتبيش اديريه امي قتلي جيبيهولي ونعطيهولك مقطع واتي
والحق لما كنت ماعمري غسلت دوارة في العيد او شوطت راس امي ربي يحفظها ديما ادير فيهم هيا لكن الله غالب
شموسه 88
10-17-2013, 06:09 PM
السلام عليكم ورحمة الله وبركاته
شموسه 88
10-17-2013, 06:17 PM
اليوم درت عصباناتي اول مره اندير عصبان العيد ابرروحي اودرت عل مرقتهن رز اودرت امسير لان عربي امس داروهن ونا مشيت لهلي او عيدت عل اجدودي اونشرت قديداتي اوشكلها توا تبي تمطر الدنيا امغيمه اوطلعت كيس لحم قلنا بعدين نشوا بره
شموسه 88
10-17-2013, 06:39 PM
الســـــــــــــــــــــــــــلام عليكم ورحمة الله وبركاته
انحدرت الموع من عيناي عندما طالعتهااااااااااااااااااااا
ذكرتنـــــــــــــــــــي
بحبيبة لي غالية
اسمها محفوظ في هاتفي مع قائـــــــــــــــــــــــــــــــــمة تطول
ولكن اسمها غيــــــــــــــر
فهي
انسانة قل أن يجود الزمان بمثلها
معطاءة بلا حدود
تبتسم وإن كانت بالقيود
نكهة منعشة بالكرم والجود
ولكنهـــــــــــــــــــــــا
اختفت
وانتقلت إلى رحمة وسعت السموات والأرض
فكلما التقت عيناي باسمها
استغفرت لها
وكلما طالعت رسائلها
دعوت لها
وكلما مررت بشارعهم وأتعمد المرور به
أترحم عليها
ومع هـــــــــــــــــــذا
فإنني مقصرة بحقك غاليتي فقد كنت لنا نعم الجرا والرفيق والصديق
اللهم
اغفر لأمتك وارحمها وأسكنها فسيح جنانك يارحمن ،،،،،،،،، بالله قولوا آميـــــــــــــــن
~~~~~~~~~~~~~~~~~~~~~~~~~~~~~~~~~~~~~
اآمين
بكايتني حتى انا امعاكي يااثري الله يرحمها اويغفرلها
شموســـــــــــــــــــــة
ربي يعطيك صحيحتك ،،،ردي بالك علي روحــــــــــــــــــــــــــــكـــــ
والحــــــــــــــــــــق
المفروض ما سحنتيش روحك هكي ،،، وعلقتيلهم زي ما تفضلت أوشي ،،
ولو بالبصارة //////
المهم ما تمشيش في ضلعتك ياروحي !!!!
وأنتم مش هلبة
علاش كل واحد يشوي بروحه ؟؟؟ وحدة تقصقص
هو ممكن أحلى للعائلة الصغيرة أنها تتجمع مع بوهم وصغيويرتهم
ربي يهني ~~~~
الله غالب يااثري الوحده مفروض تفهم ابروحها لان مكان مش غريب عليهن مهو كل سنه انجو انعيدو فيه انا امعاهده نفسي اني ماندويش امعاهن عل الحوسه علاشان كل وحده اتبان او يامسلف السبت تلقى الاحد
مش عارفه لما جيت القيت كل عائله تشوي ايروحها بس هكي احسن حتى علاشان متقيديش
شموسة حبيبتي
كل عام وانت بخير ... ان شاء الله في ميزان حسناتك
المفروض راهو طلبتي منهن يلمن حوستهن ...
اطلبيها وبالقوة لان من حقك حتى انت الراحة خاصة وانت حامل وهن من واجبهن يلمن حوستهن قلة ذوق بصراحة
كنتي درتيلهن جو بصارة ... وقلتيلهن ياحناتي اللي اتحوس حاجة اتلمها مش نقعد انلم وراكن
وانت طبعا عندك اسلوب وتعرفي كيف تحكي معاهن لانك عارفتهن
انا مازلت مافاتلهن اني حامل او مانبيش انقولها لين بطني تطلع قدامي اويعرفنها
مستحيل نطلب منهن ايظمن امعايا لانها كل وحده فيهن بلموقف هذا اتمثل نفسها انا بس بيني اوبين نفسي خذيت موقف منهن
شموسه 88
10-17-2013, 06:40 PM
جيجي الله يبارك حلو جوكم في العيد اوهم شي الراحه
جوهرة ليبيا
10-17-2013, 08:14 PM
السلام عليكم ورحمه الله وبركاته
جوهرة ليبيا
10-17-2013, 08:19 PM
الله يسلمكم حبيباتي فعلا العيد مريح جدا عندي كل عام بس اول عام منديرش الدواوير مع عزوزتي اول عام حامل في التامن ودرت 3 بروحي وبرضاي كمساعده ومانبيش انتعب عزوزتي رجليها يوجعوا فيها
اثري الله يسلمك ويخليك عزوزتي هي اللي غسلت الدواوير الزوز وشوطت الروس وسلفي معاها
والعصبان قلت درنا الموسم كلينا شويه والباقي كله قعد للعيد
جوهرة ليبيا
10-17-2013, 09:34 PM
غيااااااااااااب هلبه وينكم يابنات عيادي
أمل ليبيا
10-17-2013, 10:01 PM
السلام عليكم
يابنااااات حابه انطمنكم ع جنووووده
بالف خير ربي يحفظها وتسلم عليكم كلكم وحدة وحدة
والحمد لله ربي سخر امورها وتحقق المشروع الي كان شاغلها وان شاء الله ربي يحقق كل امانيها وتحقق احلا امنية ليها وتبدا العيد الجاي ام يارب
والمشروع هو مفاجئة
تبو تعرفو
شن نقول
جنودة قريبه مني توا اني اكثر لانها
في امريكا توا تقرا هي وزوجها ربي يوفقهم ان شاء الله ويروحو معاهم شهادات عليا واطفال زي الورد ياااااارب
جوهرة ليبيا
10-17-2013, 10:07 PM
ماشاء الله ربي يوفقها جنوده تستاهل كل خير
توقعت هالشئ 80في الميه
مفاجاه حلوه ربي يهنيها وبرزقها الذريه الصالحه يااااااااااارب
مشكوره امول
https://fbcdn-sphotos-h-a.akamaihd.net/hphotos-ak-prn2/p526x296/1391706_588879677816673_1826322379_n.jpg
الحمد لله انها بخير ..
وتستاهل كل خير حبيبتي جنودة ربي يوفقها
https://fbcdn-sphotos-b-a.akamaihd.net/hphotos-ak-prn1/s526x395/29577_635719106449351_1925593951_n.jpg
شموسه 88
10-17-2013, 11:12 PM
السلام عليكم
يابنااااات حابه انطمنكم ع جنووووده
بالف خير ربي يحفظها وتسلم عليكم كلكم وحدة وحدة
والحمد لله ربي سخر امورها وتحقق المشروع الي كان شاغلها وان شاء الله ربي يحقق كل امانيها وتحقق احلا امنية ليها وتبدا العيد الجاي ام يارب
والمشروع هو مفاجئة
تبو تعرفو
شن نقول
جنودة قريبه مني توا اني اكثر لانها
في امريكا توا تقرا هي وزوجها ربي يوفقهم ان شاء الله ويروحو معاهم شهادات عليا واطفال زي الورد ياااااارب
الله ايطمنك اموله زي ماطمنتينا عليها وايفرحك بابنيتك ان شالله
جنوده تستاهلي كل خير او موقفه ان شالله
واتروحي مجبورة الخاطر
كيف تواصلتي امعاها اوخليها اتوصل امعانا راهي تنسانا ؟؟
هذا عنوان متجر مكياج وعطورات ماركة مخفضة والشحن مجاني
StrawberryNET.com - حسومات على العطور والعناية بالبشرة والمكياج (http://arabic.strawberrynet.com/main.aspx)
جوهرة ليبيا
10-18-2013, 12:00 AM
اهلا شموسه واوشي
منووووووووو موجوده توه ؟؟؟؟؟
هدية الخالق
10-18-2013, 12:45 AM
السلام عليكم ورحمة الله وبركاته
كيف حالكم يا بنات
تعرفوا أني معيدة اليوم خروفنا وصلنا اليوم بس أهي أهي أهي hwaml4
أمس يوم عالمي ذبحنا وعلي أساس بيقطعه الجزار ويكون واتي الستة العشية
روح رجلي من الذبح الساعة 4قال كملنا الساعة واحد الذبح وباقي الوقت للساعة أربعة وهوا يلود مسكين يدورلي في مصارين قتله كان نعلم بيك راه قتلك خلاص مش لازم قالي لا كيف خاطرك في عصبان المهم حصل مصارين غلاظ وجونا نظاف ماشاء الله وراشين عليهم ملح زدت غسلتهم ونقعتهم في خل وليم من أمس واليوم لما شرف الخروف الصبح درتهم واهم عالنار قريب يطيبوا
المهم شن صار شن سبب التأخير؟
قال زحمة مالحقوش يكملوا التقطيع عندهم 46ضحية تبي التقطيع وهما يسكروا بكري الساعة 7ونص
لما مشالهم ولقاه مش واتي رقاله الحق بعتلي رسالة قالي مصارش قتله باهي شن ندير عشي قالي حرجان وطارت النية مانبي شي ههههههه
قتله باهي ندير شواء من اللحم اللي شريناه شري وخلاص قالي أبدا داير اضراب عالشواء لين يجي الخروف وطبعا بما إنه هو خبير في الطبخ ويعرف أكتر مني قريب قالي ماتديري شي تو نجي لما جي خدي افخاد دجاج وتبلهم ودارهم في شواية الضي ودار رز بطريقته الخاصة عالسريع وكل شي تمام ولما قرب يوتى العشي جارنا فلسطيني بعتله رسالة قاله جايين بعذ شوي منعيدوا أني خلاااص زاد رقالي قريب عيطت مش وقتهم بكل الساعة تسعة ونص في الليل وراجلى عيان وجيعان والحوش سوما سلامتها قالبه الألعاب ضميت ألعابها وغيرت حوايجي وضميت حوسة العشي وفتحت الرواشن عالاخر علشان صنة الدجاج المشوي وبعد كملت قعمزنا نستنوا مشوااااار بعدين جو وقعمزوا مشواااار روحوا قريب ال11ومنتعشوا سما علقت ورأجلي قالي منعرفش ناكل وهيا تعيط قتله كلا أني بالنسبة ليا عادي ههههه قالي ويقولو حنان الام وينه ؟طبعا كلينا بالدور اللي يتعشى الأول يجي يشدها والثاني ياخد دوره في العشي ههههههههه
واليوم الصبح جاب الخروف وعدا طول عنده قراية قبل منحاول نقسم اللحم بروحي لكن ماعرفتش قلت نخليه لين يجي والمشكله هوا معزوم عند أصحابه مصريين معناها بيروح متأخر لكن قالي ماتمسيشي لين نجي أني لأنه يعرف يقسم اتلات تلت صدقه وتلت هدية وتلت امتاعنا
وهااادي قصتي الحزينة هههههه
هدية الخالق
10-18-2013, 12:52 AM
ماشاء الله علي جنوده الحمد لله أنه صار منا مشروعهم فرحتلها هلبة ربي يوفقها ويعطيها علي قيس نيتها
لكن ماشاء الله عندها صبر وتعرف تدس الخبر وتديره مفاجاة أني والله مانصبر ولا تنبل في فمي فولة هههههه
سلمي عليها أموله وتعالوا أنتي وياها زوروني هههه كندا وأمريكا أقراب من بعض يفصل بينهم نهر بس
sosolibya
10-18-2013, 05:06 PM
السلام عليكم كيف حاااااالكم كلكم
امس مشيت لبيان أخت صديقتي نفس صديقتي متع يللي مشيتيلها المدة الفاتت في بيان ختها
وماشاء الله توا نحكيلكم
واليوم لمة أهل خالي نافس
ووووو ثاني يوم العيد مشينا لخوالي والمغرب مشينا بنيدو على السوريين حلفولنا نقعدو للعشاء...
جوهرة ليبيا
10-18-2013, 08:55 PM
السلام عليكم ورحمه الله وبركاته
جوهرة ليبيا
10-18-2013, 09:12 PM
وينكم يابنات غياااااااااااب هلبه ربي يسعدكم
انا صليت المغرب وروحت من الظهر في حوش بوي حبيبتي امي الغاليه طيبتلي قديدي وجبته لحوشي قاعد دافي
المفاجاه الحلوه اليوم كانت
بوي تاج راسي امشي خطوات هلبه برووووووحه اللهم لك الحمد يااااااارب
جانا من دارة لوسط الحوش بالقيله طبعا والله ماعرفت شن انقول تمتمت بالحمد ونضت تغمرت بوي الغالي وقعدت نبكي وبكيته معاي ربي يهديني
الله لايحرمني من شوفته يمشي بيناتنا وهو بتمام صحته ويحفظلي امي وخواتي وخوتي يااااارب
sosolibya
10-18-2013, 11:36 PM
السلام عليكم ورحمة الله وبركاته
الحمد لله جيجي فرحتيني الحمد لله يللي تحرك بوك بروحه الحمدلله
sosolibya
10-18-2013, 11:42 PM
الحمد لله يللي اطمنا على جنودة
الحمد لله
إن شاء الله ربي يهنيها ويناولها يللي في بالها
بس بصراحة زعلت ليش مااحكتلنا وصدقت هدية كيف صبرت ماتقولش
أنا كنت متوقعة غيابها مثلا انها بادية في علاج أو شىء..
ومشروعها توقعته مشروع محل أو شىء هكي..
بس لا امولة بدت تتكلم زبطت الموضوع
امولة تعالي جاي احكيلنا بالتفصيل
جوهرة ليبيا
10-18-2013, 11:46 PM
اهلين سوسو ياغاليه
مشكوره لانك فرحتي لفرحتي الله لايحرمني منك ولامنكم كلكم
جوهرة ليبيا
10-18-2013, 11:48 PM
حتي انا زيك سوسو وهديه مانقدرش نصبر منقوللكم شئ لانكم زي وخياتي وعارفه دعواتكم الحلوه
ربي يوفقها جنوده يااااااارب
أمل ليبيا
10-18-2013, 11:50 PM
السلام عليكم
كيف حالكم ياحلوات
جي جي واوشي وشموسه وهدية وسوسو
تسلمو وما تنشغلو ع غالي ان شاء الله
جنودة ضايفتني ليها فترة ع الفيس بس الحق ماقدرتش نقولكم ع اخبارها الا بعد اذنها هي
وماقالتش ليكم مانعرفش ؟يمكن عندها اسباب خاصة
ان شاء الله تنور التجمع من جديد وتحكيلكم كل شئ
جوهرة ليبيا
10-18-2013, 11:50 PM
سوسو وينك قاعده او طلعتي ؟؟؟
شن تقولوا للقديد لما يكون جاهز للاكل ...؟؟؟
تعالي هدرزي عليا شوي وبيجئ راجلي
جوهرة ليبيا
10-18-2013, 11:51 PM
اهلا امول
كيف حالك اليوم وحال الحمل معاك
امتي تخشي شهرك علي خير يارب
sosolibya
10-18-2013, 11:53 PM
جت زحمة للمة وكان الجو حلو ..
وتوا الصغار رقدو وراجلي جو بعض ألأصدقاء وياناري هو مضايق لأنه عنده شغل مفروض يسلمه غدوة..
أمل ليبيا
10-18-2013, 11:53 PM
هدية صار صارت فيك حوسة باهيه في العيد معليشي المهم درتي عصبان ان شاء الله صحتين وخلاص ان شاء الله جاية لعندك ع قولتك هما خطوتين ههههه استنينا
أمل ليبيا
10-18-2013, 11:56 PM
اهلين جي جي الحمد لله الي ناض بوك بالسلامةان شاء الله ربي يدومه فوق روسكم ويخليكم لبعض
وغدوا ا شاء الله بنخش شهري حسب حساب الدكتورة لكن تعرفي نحس بطني مش متع وحدة في التاسع صغييييره تعتبر وماعنديش اي اعراض ولادة نهائي قصدي ع الطلق الكاذب ومش عارف شن ماجاني منه شئ!
أمل ليبيا
10-18-2013, 11:59 PM
ام فروسه مخليا مكان كبيييييييير وينك ياغاليه في شن غاطسه ان شاء الله خير
اوشي الحبيبه حتي هي مش عادتها تغيب ان شاء الله تكوني بخير
وشموسه واثري ان شاء الله تكونو بخير
جوهرة ليبيا
10-19-2013, 12:01 AM
الله يحفظك اموله
عادي حتي اني في رنوده بطني صغيرونه وجبتها 3,200
تاني اسبوع في شهري جبتها
يستر الله في الحلوه هادي كان زي اختها معناها السبوع الجاي
جوهرة ليبيا
10-19-2013, 12:04 AM
والبكره تختلف عاللي جايبه قبل
بالنسبه ليا حمل رنوده خفيف وولادتها صعبه
وهادي حملها واعر وديما تاعبه ويستر الله في الولاده
جوهرة ليبيا
10-19-2013, 12:05 AM
والبكره تختلف عاللي جايبه قبل
بالنسبه ليا حمل رنوده خفيف وولادتها صعبه
وهادي حملها واعر وديما تاعبه ويستر الله في الولاده
vBulletin® v3.8.8, Copyright ©2000-2025, TranZ by Almuhajir