حبيباتى سيدات ليبيا تفضلو لأعرف ما حالكم

[أم أجنادين 80]

السلام عليكم

اكيد راقدين

[sosolibya]

صبااااااااااااااااااااح الخير
كيف حالكم

هبلتينا يافروسة بلبس البنات قلبي الصغير لا يتحمل.....

[sosolibya]

مبرووووووووووووووووووووووووووووط الهدية الحلوة جنودة وسامحيني انها جت متأخرة بس انشغلت وفكري ملخبط والبرامج هللللللللللللبة راجلي حاطهم فيه

ألعاب
برامج ديية
برامج طبخ
برامج همسات زوجية ووووووو

عن الصحة والأذان هلبة هلبة حاجات

[رغوده2006]

السلام عليكم
كيف حالكم والله ليكم وحشه كلكم من غير ذكر اسامي اوقات ننسى حد يزعل مني وشنو اخر اخباركم هيا تعالوا هدرزوا عليا مستاحشتكم مووووووووووووووت

[رغوده2006]

سوسو اهلا كيف حالك وحال الصغار وشنو تخرجتي اكيد تعالى احكيلي الحكايات السمحات امتعك وشنو قاعده فالحه زي قبل اكيد زدتي ربي يحفظك

[رغوده2006]

واخير فتح معاي الرابط في الاول مش عارفه خيره وبعدين هداه ربي

[sosolibya]

أمي ... أمي ... أمي ... أمي ......
كبرنا ....واكتشفنا أن الدواء ليس عصيرا ..
كبرنا ....واكتشفنا أن جدي لن يعود ثانية كما قالت أمي ..
كبرنا ....واكتشفنا أن هناك أمور تخيف أكثر من الظلام ..
كبرنا .....لدرجة شعورنا بأن وراء ضحكة أمي ألف دمعة ..ووراء قوة أبي ألف مرض ..
كبرنا ....لنجد أن مشاكلنا ما عادت تحل بقطعة حلوى أو فستان أو حقيبة..
وأن والدينا لن يمسكا أيدينا دائما لعبور الشارع أو منعطفات الحياة ..
كبرنا ....واكتشفنا أننا لم نكبر وحدنا فقط بل كبر أبوينا معنا وأوشكوا على الرحيل أو رحلوا فعلا ..
كبرنا جدا ......
وعرفنا أن قسوة أمي كانت حب وغضبها حب وعقابها حب ..
يالها من حياة وما أغربها من دنيا وما أقصر العمر ..
عذرا فيثاغورس-أمي هي المعادلة الأصعب
عذرا نيوتن -فأمي هي سر الجاذبية
عذرا أديسون -فأمي هي أول مصباح في حياتي
عذرا أفلاطون -فأمي هي البقعة الفاضلة في قلبي
عذرا روما-فكل الطرق تؤدي إلي حب أمي
عذرا جولييت -فأمي هي حبيبتي
وعذرا للجميع فهي امرأة لن تتكرر في هذه الحياة


حاجة روووووووووووووعة

كلمات راااااااقية وجميلة جدا كلمات في قمة الرقي والروعة

بصدق لامستني بقوة ومست قلبي ..


شكرا لك هدية على هذه الكلمات الحلوة وأستأذنك لوضعها على حائطي في الفيس


بصدق أعجبتني..

[sosolibya]

اوووووووووووووووووووووووووووه رغودة امواه امواه ليك وحححححححححححححشة ياعافنة هكي مشيتي ونسيتينا

[رغوده2006]

سوسو احكيلي عالبنات شن صار فيهم ومنو متواجد في المنتدى ومنو حامل ومنو جابت وبالذات ام ورد شن صار فيها ربي يرزقها وام اجنادين حتى هي حامل والا لا ربي يسمعنا خبر حملها يااااارب

[sosolibya]

لا ياحلوة أنا قاعدة فالحة وأفلح من قبل ههههههههههههههههههههههههه

استاحشتك يامنجوهة نشم عليك في صنة الناس ألأولى ربي يحفظهم..

[sosolibya]

ألأخبار كالتالي ياحلوة


الحمد لله أم ورد ربي رزقها وحامل في الثالث بس هي مش تواجدة ديما

وسالي بعد ماجابت ماشاء الله 4 بيبيات رااااااااحت ومعاش شفناها بكل

ويقين زاد ولد على بنتها ونستنا والمدة الفاتت باعثتلي ادور فينا ويييين

وأثري في مدادي زادت بنوتة على ولدها

وأم معاد حتى هي جابت ولد وسماته أبان

[ام معاد]

صباح الخير ماشاء الله التجمع بدي ينور ربي يجعلنا ديمة ملتمين ويرجع القروب الاول ونلتموا مع بعض رغودة ويقين عودا حميدا حبيباتي.

[sosolibya]

وأم أجنادين الغالية الحلوة جوها ملح وعايشة أحلى أيامها بين أعراس وطلوعات وياااااااااااااااااااااارب يرزقها وهالشهر ماتشوف الدورة إلا بعد 9 شهور يارب يارب

الهم ارزقها بالذرية الصالحة يارب

[sosolibya]

اووووووووووووه خوخة هلبة علينا هكي ماشاء الله الحبايب اجتمعو في نفس الوقت جووووووووو


ليكم وحشة

[ام معاد]

سوسو كيف الحال اسمعي يقين البارح خشت قالت تي وطلعت

[ام معاد]

احلي فطور علي الخوخ ياسوسو بالله كولي لخوخة يلي في توقيعي قداش ليا حاطتها ومافيش من كﻻها شكلها كبيرة ماقدرهاش حد خههههههه

[ام معاد]

رغودة تعالي هدرزي وقوليلنا شن أخبارك وينك وقاعدة في العمل

[رغوده2006]

سوسو ياحبيبه اتبوسي الكعبه ان شاءالله
انتم العافنين مشيتوا وخليتوني انحوس بروحي الباب هلي انطق عليه نلقاه امشمع بالاحمر ومشيتوا وماخليتوش حتى عنوانكم اخص عليكم

[رغوده2006]

الله ام معاد مش امصدقه اني انا في التجمع من اجديد ربي يخليكم ويحفظكم والله العظيم نكتب ونبكي من فؤحتي بيكم ربي مايحرمني منكم

[رغوده2006]

ام معاد كيف حالك وحال صغارك ومبروك ماانزاد عليك ويتربى في عزكم ياااارب ومبروك على ام ورد الحمل والله العظيم افرحتلها من وسط خاطري وربي يتمم عليها بالخير والفال لام اجنادين يااااارب

[sosolibya]

وينها يقين ماشفتهاش ياخوخة

[sosolibya]

الخوخة ياخوخة كبيييييرة وشرفت ههههههههههههههههه

[sosolibya]

نعم يارغودة انا تخرجت والحمد لله العام الفات 2012 2013

وماخاطريش نخدم بس راجلي مشجعني هللللللللبة

[رغوده2006]

وانا اخباري الحمد لله لكن مريت بشوية ظروف ماعالم بيها كان ربي بس بنتي رغد انحرقت بالزيت في ايدها ورجلها وشويه في خدها وجبهتا لكن توه الحمد لله حتى الدكتولر طمنا قال مش مستحقه عملية تجميل بالنسبه لليد والرجل معاش فيهم شي لكن الوجه قعد لون بس مختلف لكن قالي مع الوقت يختفي والحمد لله
وشنو تاني ايوا نسيت انقوللكم انا حامل بنهاية الشهر التاني ومازالي شويه وانخش الثالث فادعولي بوليد ان شاءالله
واخر خبر هو انا بنمشي سنه لبريطانيا ونستنى في التأشيره

[رغوده2006]

باهي كويس ياسوسو مبروك عليك وان شاءالله بطول عمرك يااااارب
ام معاد انهار احرف عالهاخوخه قاعده تي هي انداهدها من الطلح باد هههههههههههه

[sosolibya]

اليوم حمود مايبيش يمشي للروضة مشي بالسيف ولما وصل غادي ماباش ينزل

مش عارفة علاش

اولامس أول يوم ومتحمس هلبببببببببة حتى الشنطة يرقد بيها وحتى لما يخش الحمام بالسيف ينحيها..



ام معاد يمشو للروضة صغارك صحح

انا حمود صغير بس قلنا يغير جو لأنه حاس بالفراغ يولي عليا وعلى اخته يضربها وخلاص

ومتعلم شوية كلام عافن حاشاكم حالة

[رغوده2006]

وين مشيتو العفو تعالوا هدرزوا عليا ليا هللللللللللللللللللللللللبه على هالميعاد السمح ياسمحات

[sosolibya]

ألف الحمد لله على سلامتها ألأمورة يارب

كيف حالها رغودة توا

يارب يحفظهالك ويخف عليها الوجع واللون وترجع أمورة أحلى من قبل

لابأس عليا


بنت عمتي نفس الشيء نحرقت وجها وكتفها ويدها كلها

وتوا الحمد لله

[رغوده2006]

سوسو كويس خلي يتعود بالمشي عالاقل لما يبدا يقرا تبدا حاجه مش اجديده عليه

[sosolibya]

عيون زوجي غابت علينا سنة ولا أكثر وبعدين خشت مرتين وراحت

وام وسونة جابت بنت ووووووو شن تبي ثاني تعرفي

[رغوده2006]

الله يسلمك يا سوسو هي توه عالقريب ليها سنه محروقه واول ماانحرقت طرت بيها طول لتونس ومافيش دكتور ماعرضتها عليه ويطمن فيا قالي اللون يرجع بس حافظي عليها من الشمس والحمد لله على كل حال

[sosolibya]

بالعكس والله يارغودة

لكما لقيتهامتحمس هكي قلت ياريتها مدرسة حقانية

لأنه مايجي وقتها توا لن يمشي الحماس هذا فهمتيني

[sosolibya]

كويس الحمد لله

صح حتى قريبتي يقولوها ردي بالك من الشمس والعسل أهم شىء مايخليش ألأثار تقعد

وشنو حرقها كيف قصدي

[رغوده2006]

الله استاحشتها عيون زوجي وام وسونه وام فراس وسالي ويقين واوشي واثري وام اجنادين والله كلكم استاحشتكم الحق

[رغوده2006]

بالعكس ياسوسو والله انا صغاري انحط فيهم في حضانه من عمرهم شهور وبعدها روضه يقروا مش غير لعب وبعده اندخلهم يقروا في المدرسه سنه تمهيدي وبطلعوا عندهم رغبه في القرايه بشكل حتى من يوم الجمعه ينوضوا من الفجر يحارفولي في بختي وقت ياماما عالمدرسه ههههههههههههه

[رغوده2006]

حرقها ياسوسو شويه في الخد وشويه فوق العين من جهة اليمين وتوه اللون بس مش معكرش لا اختلاف لون بس

[رغوده2006]

وينكم العفو تعااااااااااااااااالوووووووووووو

[شموسه 88]

السلام عليكم ورحمة الله وبركاته

[شموسه 88]

رغوووووووده الحلو انستينا ماشالله مبروووك الحمل ياربي اتفرجينا بوليد ان شالله
والف لاباس عل رغوده وحمدلله عل سلامتها بس ان شالله اتغير الجلده ويتحولن الاثار لانها مازلت صغيره اوجلدتها رقيقيه
اكيد مريتي باايام مايعلم بين فيت ربي ربي ايساعدك ان شالله

[شموسه 88]

يقوووووونه درتي بعي اوطلعتي تعالي نورينا من جديد والله استحشنا هدرزتك

[شموسه 88]

سوسو اوجنوده اواثري ام ابوني امووله ام فروسي اوشي ام ورد جيجي ام نوزه هديه ان شالله اخباركم تمام

[شموسه 88]

نمشي نفطر حليب اوشاهي وانجي

[شموسه 88]

امس مشيت حفلت صاحبتي ماشالله عليك حفله حلوه اوهدايه ربي ايهنيها وايبارلكها ان شالله لبست فستان لونه اسود بلاخضر كم اودنتيل اودرت مكياج عل اسود بلذهبي وروج احمر اوشلت امعايا شموسه سلامتها تعبتي

[شموسه 88]

http://forum.hwaml.com/imgcache2/hwaml.com_1380705872_447.gif (http://www.google.com.ly/url?sa=i&rct=j&q=&esrc=s&frm=1&source=images&cd=&cad=rja&docid=JRSd8Wy0OgXvVM&tbnid=e1ZRC0HNfDMWoM:&ved=0CAUQjRw&url=http%3A%2F%2Fforum.muslimh.net%2Ft7903.html&ei=KuZLUpKsGu6o0AXOyYGQBQ&bvm=bv.53371865,d.bGE&psig=AFQjCNGGcQ51YYRENIlcgEFq-aUZIaBy5g&ust=1380792217903805)

[شموسه 88]

http://forum.hwaml.com/t273377.html
سوسو عارفت مشاركتك رقم 12 صاااااااااااح

[dr.loly]

السلام عليكم ورحمة الله وبركاته

شخباركم يا احلى تجمــع ...


ويا مية هلا ومرحبا بي يقين ورغوده ..

ان شاء الله دخولكم دائمآ مش طلة والسلام اخواتي ...


رغوده مبارك الحمل وان شاء الله على خير وسلآمه ...

والحمدلله ع سلامة رغودة وان شاء الله يحول باقي الاثر مازلت صغيره وجلدتها ح تجدد وتقعد ماشاء الله..
ومرحبا بك بالمملكه المتحده (بريطانيا) لقيت من يونسني وأخيرآ هههههه بس راك تنقطعي ..
ووين جاين ع أي منطقة في بريطانيا إن شاء الله ..
والتأشيره ماتعطلش اقل شئ 3 اسابيع ووتي روحك من توا وماتكثروش دبش غل يتعبكم التكركير في المطارات.. الدبش واجد وحلو هناااا
بس خودو معاكم جاكيتات ف يد بالطياره لان الجو هنا سقع شوي .. طبعا طقسنا حار بعد تطلعوا من غادي ..
واي استفسار جاهزة اختي ان شاء الله ...

[dr.loly]

شموسه مراحب شخبارك ..
صار شمووسه تعباتك هذا حالهم العيال ف الافراح بالذات ربي يحفظهم ..

[dr.loly]

مسابقة معاني الاسماء العربية ..حياكم الله (http://forum.hwaml.com/t273466.html)

يوميآ الساعه 8 بتوقيت ليبياااااااااااااااااااااا
بيش تفضلن عاد انتن مفروض بلا عزومه
ونبيكن من الاوائل وكلكن لبنات سريعات خخخخخخخخخخخخخخخخخخخ...جو انا لبني لبني السريعه هههه

[رغوده2006]

ام فراس اهلين بيك كيف حالك وحال عويلتك وصحيتي عالمعلومات وربي يحفظك ويبارك فيك ياااارب
وانا ماشيه لمنطقة منشستر بأذن اللله وانت وين قاعده ؟

[رغوده2006]

الجماعه كلها بدوا مشرفين قعدت غير انا عضوه مميزه ههههههههههههههههه

[sosolibya]

السلام عليكم كيف حالكم توا بكري طلعت فجأة انشغلت الحق


ومشيت طلعت فلوس المنحة جووووووووووو م عادي من الصراف ألألي جو هههههه

[dr.loly]

ام فراس اهلين بيك كيف حالك وحال عويلتك وصحيتي عالمعلومات وربي يحفظك ويبارك فيك ياااارب
وانا ماشيه لمنطقة منشستر بأذن اللله وانت وين قاعده ؟


اهلين رغودة ..كيف حالك تواا اختي..

انا في نيوكاســـــــل (منطقه في الشمال جيران اسكتلندا بالضبط) مدينة جبليه حلوة تطل على
نهــر التــاين ... جيتوا في مانشستر تعتبر اكثر ازدحام طبعآ .. ويكثر فيها الليبيـــــــــــــــــن
صح حتى نيوكاسل في بس مانشستر واااااااااااااااجد ليبين بكـــل ...
وتعتبرر أدفى طبعآ من نيوكاســـــــــــل

[dr.loly]

السلام عليكم كيف حالكم توا بكري طلعت فجأة انشغلت الحق


ومشيت طلعت فلوس المنحة جووووووووووو م عادي من الصراف ألألي جو هههههه

ماشاء الله ربي يبارك فيهن ..
مش غير جو نحن جربناها هنا زوجي بعد يسحب منها ههههه
لان ف مطاعم مافيش فيزا كاش تدفع ..
كلا المصرف هذا نساه خخخخخ

[ام معاد]

السﻻم عليكم

[ام معاد]

حتي اني الصبح انشغلت وتيت الفطور وطلعت اني زوجي وابان.عندي خمار يمني اخديتله جلباب وشاربة.وخديت لميمي بدلة.سروال وقرمبيول لعبدو .وخديت توتة حلوة وممم مازال حوايج تانيات .

[sosolibya]

مشااااء الخير من الصبح وانا ندور في يقين يللي قلتو خشت وباهي لقستها

[sosolibya]

خيركم مكسدين

تعالي جنودة ليك وحشة


واثري معاش تلاقيت معاك بكل


هدية نضتي ولامازال


شمووووووسة تعالي احكيلي عالعرس بالتفصيل


اوشي شنو صار قربتو تكملو غدوة خميس إن شاء الله


جيجي ربي يعاونك شنو مازال بتشري


فرووووووووووووووووووسة امتى مروحة لليبيا


رغودة قاعدة في العمل

[dr.loly]

نهاية شهر 6 2014 اي السنة الجاية ان شاء الله مروحين سوسو

اوشي مش عوايدها الغياااب

وين باقي البنااااااااااااااااااااااااااات كسدتونا

[هدية الخالق]

السلام عليكم ورحمة الله وبركاته
كيف حااااااااالكم.....؟

[هدية الخالق]

سوسو نضت من بكري توا ظهر غير لهيت كلمت اهلي وكلمت حماتي قريب ساعتين اااااه نين نحس في يدي من التليفون
فروسة تقريبا نفس التوقيت اللي منروحوا فيه 5أو6ان شاء الله

[هدية الخالق]

حاجة روووووووووووووعة

كلمات راااااااقية وجميلة جدا كلمات في قمة الرقي والروعة

بصدق لامستني بقوة ومست قلبي ..


شكرا لك هدية على هذه الكلمات الحلوة وأستأذنك لوضعها على حائطي في الفيس


بصدق أعجبتني..


العفو سوسو هذا من ذوقك الحلو ياحلوة
وأكيييييد خودي راحتك وانشريهاعلى الرحب والسعة
اني جتني عالواتس وارسلتها لكل المضافين عندي

[أم أجنادين 80]

كيف الحال يابنات ليكم وحشه
والله مالحقت علي صفحاتكم

[أثري في مدادي]

الســـــــــــــــــــــــــلام عليكم ورحمة الله وبركاته

أهلا بالحبايب !!!!

أهلا جنـــــــــــــــــــــــودة ~~~

[أثري في مدادي]

يقيـــــــــــــــــــــــــــــــــــــــــــــــ ــــن

مرحبتين بنور العيـــــــــــــــــــــــــــــــــــــن

أم رغووووووووووووودة

ياهلا وغلا بالحبايــــــــــــــــــــــــــــــــــــــب

تي وينكم نسيتوا العشرة
وهانت عليكم الرفقة
تي مازال تختفوا تشوفوا نهاركـــــــــــــــــــــــــــــــم

[هدية الخالق]

http://forum.hwaml.com/t273609.html

[هدية الخالق]

http://forum.hwaml.com/t273617.html

[ام معاد]

السﻻم عليكم .صبحكم الله بخير

[sosolibya]

صبااااااااااااااااح الخيرمنو موجود

منو ناض ومنو قاعد راقدد


اثري بديتي في الخدمة ولامازال

رغودة وينك اليوم

[sosolibya]

انا فطرنا وغسلنل ماعين وحوايج وضميت ماشاء الله علياهههه

ومشيت لعيالي هدرزت مشوار وروحت... وتوا 11

[sosolibya]

شموسة كيف عرفتي مشاركتي صح على يديك

[شموسه 88]

السلام عليكم ورحمة الله وبركاته

[ميرنا]

السلام عليكم

[شموسه 88]

حتى انا من بدري نايضه طلعت غسلت اقطع فرشات مطبخ والديار اوتوا خشيت من تعب اتصلت بي اوبو شباب قتلا تعبانه مافيش غداء ههههههههههههه اليوم عندي راحه من التطيب بس اشويا نبي انخش انسيق الحوش

[شموسه 88]

ميرنا اهلين بيكي انستي اوشرفتي كيف حالك اوحال عموري "كاني مش غالطانه"
اوشن دايره في الحمل اوشن قالوك هههههههههه ضروري 5 قصقصه

[شموسه 88]

شموسة كيف عرفتي مشاركتي صح على يديك


اصلا من قبل قاريه قصة ولاتك في حمودي اوسبحان الله ديما في بالي علاشان هكي اول ماقريتها عرفتك انتي

[ام معاد]

اييييي حتي نايضة بكري وتوا اندير في الغدي رز مسقي وسﻻطة وبطاطا مقلية .والحمدلله

[شموسه 88]

حي يابنات من منكم شرت اضحيت العيد نحنا مازال قال الاحد نمشوا انجيبوهن نحنا انعيدوا في حوش عمي"هل داري" ماشالله نذبحوا في 9 اضاحي السنه لي فاتت قسمناهن عل يومين جت شينه بكل بس السنه قلنا نذبحوهن في يوم واحد "عل فكره انا نسلخ مع زوجي "هههههههههه ديما في العيد يعلقوا عليا

[شموسه 88]

ام ابوني كيف حالك اوحال لعيااال اوشن دايرين فيكي في القريا

[شموسه 88]

هييييي وينكم من بدري وانا انهدرز ابروحي

[ام معاد]

الحمد لله شموسة .كيف حالك انت وحال السنافر والصغار ماشية معاهم القراية ومعاي ابوني ردع خوته هههه ربي يحفظه عياط الايام هدي

[شموسه 88]

ماشالله ربي يحفظه سلامته.....

[sosolibya]

ام معاد نحسك تحبيه الرز المبوخ ديما اديري فيه صح

هو حلو بس لو الواحد شاطر فيه

أنا امي ادير فيه زي العسل وأنا ندير فيه يهبل ونحطله في بهارات تقول عرس بس مع هذا زوجي يحب رز ماما أكثر هههههههههه

[أم ورد]

السلام عليكم ورحمة الله وبركاته
كيف حالكم كلكم
رغوووووووووووووووووووودة كيف الحال ونورتي بجد إستاحشتك هلبة والحمد لله على سلامة رغودة والحمد لله مازال صغيرة والجلد يتغير
يقوووووووووووووونة كيف الحال وكيف حال فروتي وهيمو استاحشتك واستاحشت خشات الصبح

[ام معاد]

رغودة الحمد لله علي سﻻمة بنتك طهورا ان شاء الله

[ام معاد]

شن الجو ام ورد.ما شاء الل الله خشيتي الخامس الله يبارك

[جوهرة ليبيا]

السلام عليكم ورحمه الله وبركاته

[ام معاد]

ام ورد وين غطستي

[جوهرة ليبيا]

آآآآآآآه تعبانه من بعد الظهر شوبينق رجلي خلاص لكن المهم قطعت مشوار كبييييير في المشتريات

صلينا وطلعنا امشيت لسوق الاتات خديت طاوله لصاله الضيوف في البدايه ولاااا وحده عجبتني لين طحت في وحده عجبتني هللللبه

وخديت مخاد طبيه ويرغان جانبي وفردي لسرير رنو كيوت وحلو ماشي مع دار نومنا

ومشيت المنزليه سلتين معبين ناخد ونحط هههههههه بس مازال حاجات بسييييييطه باقي السرفيز بس مش مهمات في المجيبه حتي بعدها

ومترد حلويات قاعده ملقيتش اللي في مخيلتي

ومشيت لمحل ارواب النفاس اخديت 3 حلوات وناعمات و2قفاطين للمستشفي وشباشب للمصحه واحد وللحوش نفس الوان الارواب وملابس داخليه شويه


وهجمنا علي روبين ولميس امتاع الاطفال كلها ماركه اتشيكو عجبوني فيها هلبه حاجات وحاجات الصيدليه كلهم


وحصلت لرنو لبستين قطنيات وبجامه شتويه حمراء تلبسها بالهني

مازال القفطان اللي بنلبسه في السبوع لما انوض انا وبنوتي بالف سلامه

شريتلها بدله اسبوع يانااااااس اتهبل حليلها بس كان لحقت بنخيطلها هي واختها وانا زي بعض نفس في سبوع رنوده

وخديت عبايه شرعيه وخمار ووووو

وخديت شوي مواد تنظيف بس مازال نبي حاجات تانيه راجلي تو ايجيبهم ربي يحفظه

[جوهرة ليبيا]

اذن العشاء بنصلي وبنرتاااااااح

[أم ورد]

أهو جيت يا أم معاد كيف حال عبدو وميمي وأبوني وبتجي السبت ولا

[هدية الخالق]

مساء الخيرات
شن اخباركم

[أم ورد]

أهلين هدية كيف حالك وكيف حال العروسة

[ام معاد]

السبت ما اضنش يا ام ورد .شن تعشيتي

[ام معاد]

هدهودة كيف حالك وحال السنفورة ما شاء الله ابدت اتمرد اني ولدي ﻻ سنون وﻻ مريد.ههههه بنتي لما كانت تمانية شهور تمشي ما شاء الله.اليوم بوه جابله قطرة متاع الحديد.ﻻحظته ايشد ويعظ

[أم ورد]

حتى أني مرات ما يصيرش لأنه عندى لمة
والعشي مازال قتله عندي نية في كباب ومشي بيجيبه

[هدية الخالق]

أهلين هدية كيف حالك وكيف حال العروسة

الله يسلمك الحمد لله كيف حالك انت وحال الحمل ان شاء الله ماشي الحال

[هدية الخالق]

هدهودة كيف حالك وحال السنفورة ما شاء الله ابدت اتمرد اني ولدي ﻻ سنون وﻻ مريد.ههههه بنتي لما كانت تمانية شهور تمشي ما شاء الله.اليوم بوه جابله قطرة متاع الحديد.ﻻحظته ايشد ويعظ

الله يسلمك يارب شن أخبارك انتي واخبار الصغار
لا بالشوي تو ان شاءالله يسنن ويمرد ويجري نين تقلقلي هههههه
اني متعبتني الحق بدت حتي تصبي لكن مسكينة حصلت قداش طيحة علي راسها بوها قاللي معليشي خليها تتعلم ضروري من الطيحات في البداية بعدين تقدر تشد روحها

[هدية الخالق]

وين باقي البنات مكسدين اليوم
لا أم فراس لا أم أجنادين لاأوشي مش عوايدهم
وسوسو النشاط ماشاء الله دارت طلة وهربت وشموسة حتى هيا
وإثري وجيجي معروفات ديما يطلوا متأخر
وأمولة تطل في الشهر مرة ليها وحششششة
يقين ورغودة للأسف مانعرفهمش لكن نتشرف بمعرفتهم
حتى هما داروا طلة وهربوا

[هدية الخالق]

والوخيات الحلوات ام ورد وام معاذ وين مشيتوا؟
شكلي ماقعدت كان اني حتي اني منهرب
سلامااااات
منمشي ندير رياضتي اليوم ماعنديش جو مرخية ومزكومة وألواز لكن بالسيف


Good night

[اوشي]

السلام عليكم ورحمة الله وبركاته

[اوشي]

كيف حالكن ياغوالي ...

امس غبت عليكم ونهار اليوم ... كاني لي سنة

وحشتــــــــــــــــــــــــوني وحشتـــــــــــــــــــــــــوني وحشتــــــــــــــــــــــــوني

[اوشي]

انا غبت عليكم ... القيت الحبايب كلهم جايين

رغودة انستي ياحلوة ..

يقين .. انستينا ياعسل ...

[اوشي]

ام فراس الغالية ...

جنودة الحبيبة ....

وسوسو العزيزة ....


كيف حالكم كلكم وهلكم وحبايبكم

[اوشي]

ام فراس الغالية ...

جنودة الحبيبة ....

وسوسو العزيزة ....


كيف حالكم كلكم وهلكم وحبايبكم

[اوشي]

شموسة بنت عمي شخبارك ياقمر وشخبار العيال وبوهم

[اوشي]

هدية ... غاليتي شن درتي توة وشن حال سما الله يعينك عليها الشيطانه ههههههه

[اوشي]

امولة .. عزيزتي شن حالك وشن حال البيبي وشن دايرة ان شاء الله امورك تمام

[اوشي]

ام معاد اختي ... كيف حالك وحال صغارك وبوهم ان شاء بخير كلكم


ام ورد ... شن اخبارك واخبار الحمل وربي يسهل عليك ان شاء الله

[اوشي]

جيجي الحلوة ...

كيف حالك ... صار جاتك الكحة ..بس ان شاء الله ماتستمرش معاك للولادة

كيف ماصار لي بعليوة

[اوشي]

ونستنى فيك في الربيع اتجي لشحات ياجيجي

[اوشي]

أثــــــــــــــــــــــري ....

اختي الغالية ... شخبارك واخبار عويلتك وبوهم

شخبار اهلك اهلك كلهم ان شاء طيبن

[ام معاد]

اهﻻ اوشي الحمدلله كيفك انت والعيال

[اوشي]

رغودة ... الحمد لله علي سلامة رغودة الحلوة طهور ان شاء الله

[اوشي]

هلا خوخة ... انا بخير والعيال الحمدلله

شن تحكيلنا

[اوشي]

انا اليوم تميت كل شي

نظفت وسيقت وفرشت وبخرت الحوش وشعنا بالدفء خخخخخخخ

[اوشي]

مازال بس المربوعة ...

لاني بنشري الها فرشة جديدة وثريا ونعلق ستاراتها ..لان فيها شباكين واحد بحري والثاني شرقي

[ام معاد]

اتري كيف حالك وحال سنافرك بالله بنطلب منك طلب قوليلي علي لبرنامج يلي درتيه لشعرك اني من سنتين فاتو درت لشعري صبغة كستنائي وخصﻻت صبغة اصفر تقصف شعري وتوا
مع الرضاعة ايطيح ولي ابصر كيف .وةوجي ما يبينيش نصبغ قلي مواد كييائية ومش كويسة خلي لين شعرك يتساوي وقعدة انقنع فيه

[اوشي]

مازال بس المربوعة ...

لاني بنشري الها فرشة جديدة وثريا ونعلق ستاراتها ..لان فيها شباكين واحد بحري والثاني شرقي

[ام معاد]

مبارك ما شاءالله ان شاء الله غير جاك كيف ما تبدي ؟

[اوشي]

وتوة الى اللقاء غدا

في حفظ الرحمن

نمشي نشوف قسمي شن الجديد فيه ونطلع

تصبحن علي خير

[ام معاد]

توا نستادن تصبحوا علي خير

[اوشي]

الله يبارك فيك خوخة الحمد لله كله تمام

خاصة المربوعة جت اتهبل

قبل بنطلع شفتك ...

اسمحيلي توة بنطل علي قسمي لي يومين غايبة عليه

[اوشي]

الله يبارك فيك خوخة الحمد لله كله تمام

خاصة المربوعة جت اتهبل

قبل بنطلع شفتك ...

اسمحيلي توة بنطل علي قسمي لي يومين غايبة عليه

[شموسه 88]

السلام عليكم ورحمة الله وبركاته

[شموسه 88]

اوشي مبرووك توضيب حوشك ان شالله ابسلامتك

[شموسه 88]

جيجي لاباس عليك ان شالله ربي يتمملك حملك عل خييير
مبرووك حاجتك الجدد ديما الحوامل في التاسع يقعدن كيف النمله يبن كل شي جديد
ههههههههههه
راكي تزعلي مني انبصر امعاك ربي يحفظلك زوجك اوتااج راسك

[شموسه 88]

جنوووووووه الحلوه وينك مش باينه علينا

[شموسه 88]

فرووووووسه مش بلعااده وين طلتك الحلوه

[شموسه 88]

هديه كيف حال العسوله سوما ربي يحفظها هذا وقت شيطانتها

[شموسه 88]

هيا كل وحده سؤال اجباري شن برنامجكم في عيد الاضحى بلتفصيل الممل؟

[أثري في مدادي]

الســــــــــــــــــــــــــــــلام عليــــــــــــــــــــــــــــــــكم
ورحمة الله وبركاته

يا هلا
بكل من طل ،،،،،،،،،،،،،،، واختفى
وبكل من سلم وقعد ،،،،،،،،،،،،،،،،،،يهدرز
وبكل من خش وهدرز ويبي ،،،،،،،،،،،،،،،،،،،،، يروح

كيفكم كلكم ؟؟؟

[أثري في مدادي]

أوشي،،،،،،،،،،،،،،، سلمك نشادة والله لا يحرمنا من حنانكـــــــــــــــــــ الفياض
يا سعدوده زوزك ~~~~ نحس فيه غارق في الحنان والاهتمام ،،، صـــــــــــــــــــــــــــــح ؟؟؟

أم أبووووووووون ،،،
بالنسبة لشعري الحقيقة بما أن الضيف الثقيل المسمى بـــــــ " الشيب "
لم يغزو شعري بعد
فأنا أعشــــــــــــــــــــــــق الحناء
لون شعري بني غامق مائل للسواد
مع تكرار الحناء أخذ اللون يعطي إنكسارة """دميـــــــــــــــــــــة " " دم غزال "
الآن
أعطي لشعري يوم من شهري
أعجن الحناء من الليل ، وهي عبارة عن حنة ورق مرحية ، نغربلها ونحط المقدار اللي نبيه
وبعدين نعجنها بـــــــــــــــــــــكل ما يخطر على بالك
""" بيضة ، زبدة عربية ، مايونيز ، عسل ، زبادي ، مغلي كركدية غااااااااااااااااامق "
في الصباح الباكر أضعها على رأســــــــــــــــــــــي
تبقى لمدة ساعتين
ثم :: أحتحتها :: نحتحتها ،،، مفهومة !!!!
ونعبي راسي بخليط الزيوت
زيت زيتون وزيت السمسم وزيت جوز الهند وزيت الجرجير
وأدعه على رأســـــــــــــــــي لمدة ساعــــــــــــــة أو أزيد بقليل
ثم أدخللللللللللللللللللل
للحمام
بعد الحمام أضع بلسمي أو كريمتي المعتمدة
ونغسل شعري ونمصمصه التمصميصة ألخيرة
وبعد ما نمسحه كويس ندهنه بشوية كريمة """ هذيكا الصفرا اللي غطاؤها أسود """
وما نستعملش الاستشوار بعد الكورس العلاجي لأطول مدة ممكنة
ويحتاج للدهن بعد الحناء لأنها صحيح تصلح الشعرة ولكن تحتاج رعاية زايدة للشعر لأنها تجفــــــــــــــــــــــفه

رونق ولمعان وصحة والشعر يتعبى ، ورائحته بالحناء زكية ،
ولازم تهتمي بيه لأنه دليل صحة المرأة

[شموسه 88]

انا برنامجي
هل داري عندهم مزرعه "لي توه قاعده فيها انا" انجو من يوم الكبيره كل وحده من سلفاتي اتجيب امعاها فطور نفطروا معا بعضنا اوفي لي ايبات في المزرعه اوفي لي ايروح بلنسبه ليا انا انروح في الصبح يمشي زوجي لجامع ايصلي العيد ايجي يلقانى واتين انعيدوا اونمشو لمزرعه انعيد عل باقي العايله نبدو بلذبج طبعا انا انساعد في زوجي نسلخ امعاه في الكبش بعدها كل وحده تمشي اتوتي كانونها واتوتي لسلاطه او عائله تشوي ابروحها بعدها نمشي تغسل الدوره اهي اهي اهي اوعمتي اطيب الغد ل هو طبيخة قلايا اوفي العيشه نبدوا انا اوزوجي انكسروا في الحم وانقسموا منااوهم شي انطلع منا القدييد امممممممم انا حولي ربع لحوش عمي اوربع لحوش هلي اوربع مشاوي اوربع قديد ههههههههههه كمل طبعا في العشيه يقعدو ايجو الناس ايعيدوا وفي ليل نشووا اوانروحوا اوفي الصبح نمشوا يوم العصبان ولحم الراس العالمي برغم مانكلكش في لحم الراس بس له جو خااص انا انجي انساعد عمتي انتغدوا وفي العشيه نمشي لحوش هلي برضوا انديروا اشويا غااادي وانروحوا لحوشنا اوثالث يوم نمشي العشيه لمزرعه انكملواباقي لحم الشوي اونمشي نقلي القديد امتاعي
اوخلاص كل سنه وانتوا طيبين

بس السنه هذي غيييييير لاني حنقعد انا المضيفه لاني قاعده في مزرعتهم ربي يستر ان شالله ربي يعطيني وسعت البال والصبر


اكيد اتقولن عليا امكسده اوفاضيه ماعندها مااتهدرز

[شموسه 88]

وعليكم السلام ورحمة الله وبركاته


يااااااااا اهلين بااثري

[أثري في مدادي]

بالعكس ،،،،،،،،،،،،،،،،،
علاش دوتك ممتعة
عيشتيني الجووووووووووووووو

أيه
المرة هذه عليك ثقل وشوية مسؤولية
لكن تمشي بجووووووووووها

وخليها تكون ذكريات حلوة
يقعدوا يقولوا
محلالالالالالالالالاه هذكي العيد اللي فيه أم شموسة بالمزرعــــــــــــــــــــــــــــة
وجددي النية لتؤجري
فالإحسان لأهل الزوج من أعظم الوسائل لكسب قلب الزوج
وفي هالمواقف تبان بنت الأصول
وزي ما يقولوا
عليك ببنت الأصول والزمان يطووووووووووووووووووووووول

توا نحكيلكم علي روتيني ،،،،
يتبع

[شموسه 88]

اليوم كنت مضايقه اشويه اوزعلانه من وضعنا والبهدله اوكنت انفكر في العيد
بس زوجي الغالي انعاشني بهدا الخبر كان يبي اييخليه مفاجاة بس لاني كنت نبكي او زعلانه قالي..........

يوم 19 -10 امسافرين لصين عندا شهر شغل اوبلمره ناخذوا الاثاث من غاااادي
طلع امطلعلي الفيزا انا ولعيال اوحاجز حجز مبدئء وانا هههه راقده عل اوذاني
الحمد لله الخبر عطاني طاقه اوخلاني انتفال اشويه "عليش الكذب انتفال واجد" ياربي ايسخرلنا واتصير منها السفره لاني ابجد خاطري انغير نفسيتي اشويا

[شموسه 88]

بالعكس ،،،،،،،،،،،،،،،،،
علاش دوتك ممتعة
عيشتيني الجووووووووووووووو

أيه
المرة هذه عليك ثقل وشوية مسؤولية
لكن تمشي بجووووووووووها

وخليها تكون ذكريات حلوة
يقعدوا يقولوا
محلالالالالالالالالاه هذكي العيد اللي فيه أم شموسة بالمزرعــــــــــــــــــــــــــــة
وجددي النية لتؤجري
فالإحسان لأهل الزوج من أعظم الوسائل لكسب قلب الزوج
وفي هالمواقف تبان بنت الأصول
وزي ما يقولوا
عليك ببنت الأصول والزمان يطووووووووووووووووووووووول

توا نحكيلكم علي روتيني ،،،،
يتبع


ان شالله ياربي يسترني الواحد ايحاول يضبط نفسه اشويا لاني اي حاجه حتكون في وجي وان شالله اتكون ذكرى حلوه زي ماقلتيلي.....
في انتظار اطلاع عل روتينكي يا اثري

[أثري في مدادي]

يوم الموســــــــــــــــــــــم "" الكبيرة ""
نفطروا عند حوش شيابيني
كلنا السلفات
ونقرضوا خضرة العصبان ونوتوا المواعين
والأغراض اللي بحنتاجوها ثاني يوم
لأننا بنعيدوا في مزرعة شيابيني
ونضموا الحوش ونسيقوا الجنانات
ونمسحوا الغبرة
ونروح
ثاني يوم
أروووووووووووووووووووووووووووع حاجة صلاة العيــــــــــــــــــــــــــــــــــــــــــد
***
والله يابنات ذوقوا حلاوتها راهو شعور مش عادي
تحسي روحك عيد
تحسي بروح الجماعة
تحسي بعزة الإسلام
تفرحي بإظهار شرائع دينك
تحمدين الله أنك مسلمـــــــــــــــــــــــــــــــــة
يا الله
إن شاء الله نستشعروه رفقة في بيت الله الحرام

نكمـــــــــــــــــل
بعد الصلاة نروح نغيروا حوايجنا
ونمشوا للمزرعة
وبوسعـــــــــــــــــــــــــــــــــة البااااااااااااااااااااااااااااااااااااااااااااااا اااال
باش يذبحوا
باش يسلخوا
باش يجيبوا الدواااااااااااااارة
في ذلك الوقت نستغلوه في ضمان الاستراحة وتنظيف الحمام والمطبخ
وتبدأ الأشغال مع أول دوارة تجـــــــــــــــــــي
ويديروا الرجال شواء بروحهم
وحني نديروا قلايـــــــــــــــــــــــة
ونبدوا بعد ما نكملوا الدوواير
طبعا إحم إحم أني الفنيات في غسلهم
في تجهيز العصبان
ووحدة منا السلفات تحط امبكبكة فوق النار
بعد ما نحطوا العصبان فوق النار ديما مع العصر
ناكلوا المبكبكة
وبعدها كل وحدة تتوجه للحمها تكيس وتقدد وتشوف شغلها في خروفها
طبعا أخذنا من كل خروف لحم للشواء والمبكبة
والدوواير والمعاليق خليطة في العصبان

بعدين نغيروا حويجاتنا مع المغرب ونحطوا صفرة شاي وقهوة وحلويات
وفي آخر المطاف لما يطيب العصبان
تقسمه عزوزتي الله يحفظها ويسخرلها بحجة
علينا
كل واحد يروح بحصته يتعشى في حوشه
أو يدسه أو يذوق منه لأهله
الروووووووووووووووس
الحق ماحدش ياكل فيهم بدينا نعطوا فيهم
وكنت أيام النشاط ناخذ في الجلود ونخدم فيهم """ ماأكبر هبالي """
توا خلاص ،،، اللزم اللازم وبــــــــــــــــــــــــــــــــــــــس

ثاني يوم
لأهلي
وثالث يوم
زيارات لأقارب زوزي
وخلالالالالالالالالالالالالالالالالالالالالالالاص

ســـــــــــــــوســـــــــــــــــــــو
أيه
بديت في الخدمة
نمشي من 12 ونصف إلى الأربعة ونصف

الحق مستمتعة هلبة
بالرغم من الخنقة والجري والصغار
لكن
أني أقرب حاجة لليمونة
ترى من يقول علالالالالالالالالالالالالالالالالالاش
؟؟؟؟؟؟؟؟؟؟؟؟؟؟؟

[أثري في مدادي]

اليوم كنت مضايقه اشويه اوزعلانه من وضعنا والبهدله اوكنت انفكر في العيد
بس زوجي الغالي انعاشني بهدا الخبر كان يبي اييخليه مفاجاة بس لاني كنت نبكي او زعلانه قالي..........

يوم 19 -10 امسافرين لصين عندا شهر شغل اوبلمره ناخذوا الاثاث من غاااادي
طلع امطلعلي الفيزا انا ولعيال اوحاجز حجز مبدئء وانا هههه راقده عل اوذاني
الحمد لله الخبر عطاني طاقه اوخلاني انتفال اشويه "عليش الكذب انتفال واجد" ياربي ايسخرلنا واتصير منها السفره لاني ابجد خاطري انغير نفسيتي اشويا

الله يبــــــــــــــــــــــــــــــــــــــــــــــــ ــــــــــــــــــــــــارك

مفاجأة أكثر من رائــــــــــــــــــــــــــــــــعة

تعرفي زوزك حطيه في عيونك

لكم أحب الرجل الذي .................... يشعر بالمرأة
الرجـــــــــــــل الذي .................... يعلمك فن العطاء
الرجل العاشـــــــــق .................... للمسؤولية
الرجل المهتـــــــــــم ..................... بزوجه وأم أطفاله

ذاكـــ الرجل صار من الكائنات الخرافية
فإن كان لديك
مثله
ليس بالضرورة أن تخبريني
المهــــــــــــــــــــــــــــــــم
أن تكوني لــــــــــــه نعما الأنثــــــــــــــــــــــــى
لأنه وبكل بساطة .......................... يستحق !!!!

[شموسه 88]

يوم الموســــــــــــــــــــــم "" الكبيرة ""
نفطروا عند حوش شيابيني
كلنا السلفات
ونقرضوا خضرة العصبان ونوتوا المواعين
والأغراض اللي بحنتاجوها ثاني يوم
لأننا بنعيدوا في مزرعة شيابيني
ونضموا الحوش ونسيقوا الجنانات
ونمسحوا الغبرة
ونروح
ثاني يوم
أروووووووووووووووووووووووووووع حاجة صلاة العيــــــــــــــــــــــــــــــــــــــــــد
***
والله يابنات ذوقوا حلاوتها راهو شعور مش عادي
تحسي روحك عيد
تحسي بروح الجماعة
تحسي بعزة الإسلام
تفرحي بإظهار شرائع دينك
تحمدين الله أنك مسلمـــــــــــــــــــــــــــــــــة
يا الله
إن شاء الله نستشعروه رفقة في بيت الله الحرام

نكمـــــــــــــــــل
بعد الصلاة نروح نغيروا حوايجنا
ونمشوا للمزرعة
وبوسعـــــــــــــــــــــــــــــــــة البااااااااااااااااااااااااااااااااااااااااااااااا اااال
باش يذبحوا
باش يسلخوا
باش يجيبوا الدواااااااااااااارة
في ذلك الوقت نستغلوه في ضمان الاستراحة وتنظيف الحمام والمطبخ
وتبدأ الأشغال مع أول دوارة تجـــــــــــــــــــي
ويديروا الرجال شواء بروحهم
وحني نديروا قلايـــــــــــــــــــــــة
ونبدوا بعد ما نكملوا الدوواير
طبعا إحم إحم أني الفنيات في غسلهم
في تجهيز العصبان
ووحدة منا السلفات تحط امبكبكة فوق النار
بعد ما نحطوا العصبان فوق النار ديما مع العصر
ناكلوا المبكبكة
وبعدها كل وحدة تتوجه للحمها تكيس وتقدد وتشوف شغلها في خروفها
طبعا أخذنا من كل خروف لحم للشواء والمبكبة
والدوواير والمعاليق خليطة في العصبان

بعدين نغيروا حويجاتنا مع المغرب ونحطوا صفرة شاي وقهوة وحلويات
وفي آخر المطاف لما يطيب العصبان
تقسمه عزوزتي الله يحفظها ويسخرلها بحجة
علينا
كل واحد يروح بحصته يتعشى في حوشه
أو يدسه أو يذوق منه لأهله
الروووووووووووووووس
الحق ماحدش ياكل فيهم بدينا نعطوا فيهم
وكنت أيام النشاط ناخذ في الجلود ونخدم فيهم """ ماأكبر هبالي """
توا خلاص ،،، اللزم اللازم وبــــــــــــــــــــــــــــــــــــــس

ثاني يوم
لأهلي
وثالث يوم
زيارات لأقارب زوزي
وخلالالالالالالالالالالالالالالالالالالالالالالاص

ســـــــــــــــوســـــــــــــــــــــو
أيه
بديت في الخدمة
نمشي من 12 ونصف إلى الأربعة ونصف

الحق مستمتعة هلبة
بالرغم من الخنقة والجري والصغار
لكن
أني أقرب حاجة لليمونة
ترى من يقول علالالالالالالالالالالالالالالالالالاش
؟؟؟؟؟؟؟؟؟؟؟؟؟؟؟

ماشالله عليكم نقرى فيها ونا مبتسمه وانتخايل في الموقف وضحكتيني لما قلتي نخدم حتى في الجلود ابجد موسع بالك انامعمريش بحتت فيهم

في شن تخدمي يااثري
انتي اقرب شي ليمونه
اممممممممممم شنو لغز
لان بالك واسع اوكلامك حلو اوماشالله راكزه او رايقه ربي ايكمل عليكي

[شموسه 88]

نستااذن منك يااثري
تصبحبو على خير

[شموسه 88]

اخواتي"اثري سوسو جيجي جنوده ام ابوني اوشي ام فروسي هديه اموله ام نوزه ام ورد "
احبكم في الله

[أثري في مدادي]

أحبك الله الذي أحببتنا فيـــــــــــــــــــــه
شموسة
أنا أيضا سأنااااااااااااااااااااااااااااااااااااااااااااااا ااام

ياروحي """دودي"" عندها سعااااااااااااااااال
صوته مش مريح بكل !!!

والله مسخفتني وبكرة جمعة دكتورها مش حنحصله !!
ربي يسهل للسبت
الله المستعان

سؤال الليمونــــــــــــــــــــــة لازال قائم ؟؟؟

شكرا شموسة على الكلام الروووووووعة يا روووووووووووعة

من يجيب سأعطيه .................................................. درهم

السلام عليكم

[هدية الخالق]

السلام عليكم ورحمة الله وبركاته
ماشاااااء الله عالأجواء الحلوة ياشموسة وإثري سفهتوني في العيد
اني للأسف قاعدة ماعشتش العيد مع العيلة السنة اللي فاتت كان اولي عيد قضيته اهني غير باهي كانت معانا حماتي وبناويتها غيرنا جو معاهم شوية لكن السنة هاذي اني وزوجي وبنيتي فقط اهئ اهئ اهئ
والشتي خش الجو صقع وأمطار مش مشجع للشوي برا بكل
راجلي خدي شواية بالضي لأنه حوشنا مافيشي بلكونة ولاجنان منشووا في الحوش وخلاص الحمد لله أهم حاجة الصحة وعويلتي ملتمة حواليه بالله في ناس مش حاسين بطعم العيد بسبب فقدان غالي زي جيران أهلي عندهم عرس بنتهم الأسبوع هذا بس للأسف فجأة العرس انقلب عزاء ومات راجل أخت العروس دار حادث وتوفى شوفوا الدنيا أكيد مرته ماكنتش تتوقع إنه مش حيكون معاها في العيد اللهم ارحمه وارحم جميع موتى المسلمين وبلغنا عيد الأضحى ونحن وأحبابنا بألف خير
كل عام وآنتم بألف خير أخواتي

[شموسه 88]

السلام عليكم ورحمة الله وبركاته

[شموسه 88]

كيف الحال بنات كيف ماخش حد غيير هديه
هديه صدقتي اهم شي الصحه وانعيدوا مع احبابنا اوناسنا ربي ايطولنا في عمرهم اويحفظهم لنا
والحمد لله ربي العالمين
يوم الاحد الجاي 1 ذي الحجه اللهم اني نويت صيام ال9 ايام من ذي الحجه فتقبله منا

[dr.loly]

السلام عليكم ورحمة الله وبركاته

[dr.loly]

]السلام عليكم ورحمة الله وبركاته
خاشه للسريع

عزوووومه اليوم وامس .زرت مراه زوجة راجل مع زوجي بالقروب من الجفره وهي غريانيه فجأه جاها مغص وشالوها باسعاف طلعت عندها اميه بالظهر والبطن؟؟؟ وسحبوها لها ؟؟ توا نحكيلكن ع تفاصيل بعدين
وبعدها جيت. يادوب لهيت ببرمه عالمنتدي وحذف مواضيع فيروسات و مواضيع مخالفه بم اني قعدت مشرفة عامه الله يعين
حسيتها مسؤولية كبيره بجد وان شاء الله نكون قدها وقد ثقة الاداره .. خفت المره هذه مش نفس ما قعدت مشرفة قسم الاطقال


عموما وحشتوووووووووني كلكن كلكن


ما قريتش لي فات انكمل عزومتي .. وانرد ..

ان شاء الله نتلاقو
[/

[جوهرة ليبيا]

السلام عليكم ورحمه الله وبركاته


مساء الورد لكل حبيباتي الغاليات

كيف حالكم كوووووولكم يارب اتكونوا بالف خير

[جوهرة ليبيا]

اسفه لاني منردش علي كل وحده او نكتب تعليق لاني معادش نقدر انقعمز هلبه بس نقرا في الصفحات وتهدريزكم العسل

[هدية الخالق]

السلام عليكم ورحمة الله وبركاته
مساء الخير عالجميع

[هدية الخالق]

كيف حالكم وشن اخباركم وكيف حال أزواجكم وصغاركم
وينكم اليوم ماهناك حد
زعما أمتى أول يوم في العشرة السبت والا الأحد

[dr.loly]

كسد التجمــع يا بنات

[dr.loly]

أهلا هدية كيف حالك وحال سومااا

[dr.loly]

اليوم عزومة لشخصين من الجنوب و واحد من اجدابيا
درت كسكسو بالخضره كان مخططي غــير .. مع محشــي .. وشيش طاووق .. وسلاطات وامسير وفواكه ومكسرات والجو الاخر وتيته ع طاوله المربوعه قبل مايجوا..


اليوم عندي شد عضلي قوي ف رقبتي وكتفي وتوااا زاد ...
لنقاني مانحبه الشد هذا استغفر الله ..

[dr.loly]

ماشاء الله اوشي .. وأخيرا تميتو .. ما احلاه الحوش بعد التجديد حسيت به بعد قلتي دفى ..


شموووسه مفاجأه روعه من زوجكـ .. ماشاء الله .. ومادام طلع التأشيرات خلاص تفائلي خــير وماتعقديش من جو العيد صح حسيته مسؤليه عليك وخصيصا سلفتك التي لاتطاق .. ماتعدليش وحطي في بالك انك اكبر عقل منها وان ايام وتطلعي وتغيري جووو.. وكم قاعدين ان شاء الله بالصين؟؟



اثري ماشاء الله ع اجواااء العيد... بالنسبه للنطع خالتي لي فرحها بعد 3 ايام تدير فيهن .. وسعه بال .. وجديدتي الله يرحمها تصف بأنه من اعمال المراه الحره .. قديمآ الاهتمام بالنطوع(جلود الخروف)...جوكم سمــح ربي يحفظكم


أم معــاد .. أبوني خطر عليا فروسي في عمره بس طلع سن لكن تخيلي ززحف ع السنه هههههههه ومشى بعدها بأسبوع ماشاء الله .. قطرة فيتامين د ان شاء الله ح تفيده .. ومبارك ماشريتي..

أم ورد .. منورتينا .. وصحتين مؤخرآ مش مقدمآ خخخخ ع قلبك الكبــاب..

جيجــي .. مبارك ماشريتي .. وربي يقومك بالسلامة ان شاء الله .. مازلتي محتاره باسم البنوته ...؟


أموله .. ان شاء الله امورك تمام .. وشن مخططك بالعيد؟؟ مع هالغربه


سوسو .. وجنوده .. غيــاب .. أين أنتن ..؟

[dr.loly]

هديه وينك؟؟؟؟؟شن مخططكم بالعيد كيف بتمشوووه مع هالغربه

[هدية الخالق]

http://forum.hwaml.com/imgcache2/hwaml.com_1380916085_639.jpg

[dr.loly]

بالنسبه لجونا بالعيد يا شموسه ..
ليا عيدين مع عربي طبعآ .. نفس الاجواء يلتموا سلوفايا المتزوجين كلهم بعد صلاة العيد طـــول ..
ويبدوا بالدبح قبل قالوا عمــي يدبح يجر على الخرفان كلهن ..
توا بعد مرض والعمليات .. كل واحد يدبح حوليا بروحه ويسلخ ويساعدوه الشباب العزابى..
نظام حوش عيت عمي كبير الى مالا نهايه ههههه فيه قطع سفرتح كبيره جانبيه يذبحوا فيها... ومطبخ خارجي كبير
يلتمن فيه الصبايا طبعآ..
يذبحوا وبعدها كل وحده تجيها دوارتها تنظفها .. وخلآص يبدوا في الشواء وياخدوا من المعاليق كلهن يشوا في كبده وجو هذا .. ويقطعوا في العشيه الحواله ..
سلفتي الكبيره اتدير الفطور حاجة بالكبده والريه والكلاوي واللحم زي الشربه بس خاثره .. قصدي يضفولها ف حبوب شربه..
هذه عرب اجدابيا يقدموا فيها حتي لعرب اللي يجيبوا في سياق الفرح يجن صبايا ورجاله مش نفس نظامنا ببنغازي ويقدمولها هالاكله مع حاجات م السياق تن جبن زيتون خشيت ف موضوع اخري هههه
عموما بنديرها صبح العيد الجاي بنحسس زوجي بجو هله ..
وخلآص اول عيد ماداروش العصبان اول يوم .. ثاني يوم داروه عشاء ع رز


اه طبعا عمتي توتي خبزة التنور تهبــل قبل الدبح تبدا ترمي في التنــور ..
ونحن موتين ومفتلكين السلطات .. بس نظام عربي الصبايا بروحهن والرجاله بروحهم مافيش اختلاط ..


واول عيد نبكي وخلاص لان جو هلي احلى عندي ههههههههههههههههههههههه
افتقدتهم بعيد الاضحي ماحسيتش الجو هذا بعيد الفطر

[dr.loly]

عموما سبحان الله بنزل موضوع عن عادتنا بعيد الاضحي تعبت فيه ونزلت صور خاصه باكلاتنا وجونا يجي عمك فرااااس
يخبط يده ع لاب توب مسحه كله تخيلن بعد نقرشته وبندير اعتمد الموضوع خلاص

[هدية الخالق]

أهلا فروسة كيف حالك وحال الصغار
ربي يعطيك صحتك عالعزومة إن شاء الله كله بأجره كثروا من العزايم في هالعشرة بالذات الشباب العزابة أني ليا فترة مرتاحة من العزايم من لما روح صاحب راجلي الاماراتي كسدنا هههههه
قبل أسبوعيا ومرات مرتين تلاته في الاسبوع يجي حتي بدون علم ولى من العيلة يعني ياكل حتي من عشانا العادي أمس قلت لراجلي معاش في عزايم مكسده الحكاية قالي كان تبي تو نجيبلك في هلبة قتله في العشرة ان شاء الله نديروا عزومة والا اثنين لكن بشرط يوم عطلة هههه مش تشد سما مني هههههه

[هدية الخالق]

ام فراس ماشاء الله جوكم يهبل في العيد تخيلتكم
وحتي أني بكيت السنه اللي فاتت لان أولي عيد وفي غربة
تعرفي من قبل العيد بشوية لما قرب جوي تغير وكئيبة لكن مابيتش نوضح قدام راجلي
لكن مرة مقعمزين الصبح نتفرجو عالاخبار جابوا أجواء الحجاج ويوم عرفة والعيد خنقتني العبرة طوول ونضت نجري للدار بكيت نين عييت وراجلي مسكين معرفش مايقول حاس بوضعي قعد يمسح على راسي ويقولي معليشي هههههه عليك أيام أول سنة جيت اهني قضيتها كلها بكي ونكد بعد جبت بس تأقلمت وانسجمت ممكن قبل حتي من الكساد والفضوة

[هدية الخالق]

والله يافروسه برنامجنا في العيد عاااادي لانه بروحنا مفيش لمة وأجواء عيلة
والليبيين اللي نعرفوهم اهني عيلتين مقربين لينا هلبة لكن بعاد علينا شوية في السكن وحتي نظامهم مايمشيش معأنا
رجالتهم الحق مش ناشطين هلبة في العيد يرقدو للظهر مايمشوش لصلاة العيد والذبح يوصوا في المجزرة بعدين يعدوا ياخدوا في لحمهم
لكن راجلي وصى على خروف من واحد سعودي عنده مزرعة قال عالأقل نحضر ذبح ضحيتي ومش نحصلوا المصارين لأنه السنة اللي فاتت في لجنة كندية أشرفت على الذبح وفحصوا الضحية ومابوش يعطونه عدة العصبان أهي أهي أهي قالوا لا مش صحي اكلهن
لكن السنه هادي بما ان بيدبحوا في مزرعة واحد سعودي فأكيد ح يحصلهن

[هدية الخالق]

فروسة شكلك طلعتي حتي أني نستأذن منصلي الظهر

[شموسه 88]

السلام عليكم ورحمة الله وبركاته

[هدية الخالق]

http://forum.hwaml.com/imgcache2/hwaml.com_1380919889_633.jpg

[هدية الخالق]

https://encrypted-tbn0.gstatic.com/images?q=tbn:ANd9GcTyiRRd7lYqGfN01BfMHPMyNUPDALf-e74ikQFuvR2n4vSm3s11

[هدية الخالق]

https://encrypted-tbn1.gstatic.com/images?q=tbn:ANd9GcQPHswoGLi-ImtIYKLOpP82LwihsxpiOG9gGfe2I2Vwcdi1nmhH

[شموسه 88]

الف الف مبروك الاشراف العام ام فروسه تستاهلي اوتستحقي وعقبال الاداره
ماشالله على اجواكم الحلوه في العيد واكثر شي عجبني خبزة التنور ماشالله ربي يعطي عمتك صحتها "بس اكيييد حوش الهل غيير عل حوش هل الدار"
ان شالله ربي يسترني في العيد اكثر شي خايفة من استفزاز سلفتي لا نها مستفزززه بس حنمشيها تفنيص او خلاص اوبلنسبه لسفرة الصين شهراو 40 يوم مش امطولين لانه يبي ياخذ ابضاعه لشغل او اثاث لحوش اوسياحه بلمره ربي ايسخرلنا الحال ان شالله

[هدية الخالق]

اهلين شموسة شن الجو
ايه حقه فروسة مبروك الإشراف العام https://encrypted-tbn1.gstatic.com/images?q=tbn:ANd9GcQQDUZYt59KcpVP5n6L9503hK8wRaWFV L4EgM-FOZDCcSRL9CFfyg

[هدية الخالق]

شموسة سفرة ممتعة إن شاء الله أحسن حاجة مش مطولين تغييرة جو وشمة هوا وفي نفس الوقت ما تقلقوش

[أثري في مدادي]

السلام عليكم ورحمة الله وبركاته

~~~ ياهلا بالحلوات
أمهات الحلوات
والحلوين

~~~~~~~

[أثري في مدادي]

أم فروسي
حسيت بإحســــــــــــــــــــــــــــاسكــــ
الله يحفظه فروســـــــــــــــــــي ،،، لخبط الموضوع المتعوب عليه
لعله خيراً

مبااااااااااااااااااااااااارك """ الإشراف العام """"
أعانك الله مسؤولية كبيرة
مأجورة إن شاء الله
دوما ضعي بصمات تشهد لك بالخير يوم لا ينفع مال ولا بنون إلا من أتى الله بقلب سليم

مسكينة الغريانية ،،،، شن قصة مية في الظهر والبطن ؟؟؟؟ يا ستير !!!

شموســـــــــــــــــــــــــــــــــــــــــــــة
كيفك !!!
والأطفال !!!

هدية
كيف حالها سوما ؟؟
علي قولتك الهنا والصحة وسلامة الدين
كنوز لا يستشعرها إلا من ابتلي بفقدانها
وإن شاء الله تروحي
وتغطسي لركابك في الحوووووووووووسة
وتقولي يوم من أيامات برااااااااااااااااااا

[أثري في مدادي]

بنات
عندكم
غياااااااااااااااااااااااب


أم فروسي
مبارك إكمال حفظ جزء عم
واصلي وصلك الله بطاعته ~~~~

[هدية الخالق]

أم فروسي
حسيت بإحســــــــــــــــــــــــــــاسكــــ
الله يحفظه فروســـــــــــــــــــي ،،، لخبط الموضوع المتعوب عليه
لعله خيراً

مبااااااااااااااااااااااااارك """ الإشراف العام """"
أعانك الله مسؤولية كبيرة
مأجورة إن شاء الله
دوما ضعي بصمات تشهد لك بالخير يوم لا ينفع مال ولا بنون إلا من أتى الله بقلب سليم

مسكينة الغريانية ،،،، شن قصة مية في الظهر والبطن ؟؟؟؟ يا ستير !!!

شموســـــــــــــــــــــــــــــــــــــــــــــة
كيفك !!!
والأطفال !!!

هدية
كيف حالها سوما ؟؟
علي قولتك الهنا والصحة وسلامة الدين
كنوز لا يستشعرها إلا من ابتلي بفقدانها
وإن شاء الله تروحي
وتغطسي لركابك في الحوووووووووووسة
وتقولي يوم من أيامات برااااااااااااااااااا

أهلا إثري الحمد لله سوما كويسة لكن خلاص سلامتها هدتلي حيلي اليوم كان نقولك طاحت عشر مرات شوية الله يعيني علي هالمرحلة وتمر بسلااااام
كيف حالك إنتي وهل زوجك والصغار
وفعلا زي ما قلتي اكيد ح يجي يوم نتحسر على أيام الهدوء والراحة
والحق لما قلبتها في راسي قلت فيها خيرة أحسن أني ورويجلي وبنيتي نعيدوا في هدوء وروق وما نحوسش ونأخذ راحتي في اللبس لا غمي لا تغطي وزي ما قلتي السنه الجاية إن شاء الله نقعد حاصلة ونتمني في يوم من هالايام

[هدية الخالق]

صباح الخير كيف حالكم اليوم
الساعه 12إلا ثلث ليلا تعبااااانة مزكومة وألواز نتكلم بالسيف وعيوني يدمعوا من الزكمة ومنفوخات
اخييييي حشاكم منحباش الشعور هذا امتاع لما تكوني لا تشمي ولا تتبنني في شي والدنيا تدور بيك ومرة تسخني ومرة تصقعي
وسوما الله يهديها ماسدهاش اللي تدير فيه زادتني على حالي قلبت مالقي الامية وبلتني وخبطتني بالتليفون على عيني نين حسيت الدنيا دارت بيا هههههههه
وتوا رقدت أخيرا بعد شوط عياط خطيتها في الكرسي الهزاز وفتحتلها رسوم التيليتابيز نين رقدت
توا مندخلها لسريرها ومنلحقها حتى اني كان قدرت نرقد من الحالة اللي فيا مضايقتني الله المعين وخلاص

[هدية الخالق]

سوسو وينك شكلك مش نايضة بكري اليوم
أم نوزة معادش خشت مغطسة
عجنت فطيرة خلها ترتاح للصبح منديرها فطور ان شاء الله
بما إنه غدوة عطلة عندي فرصة الصبح وفي نفس الوقت الخبزة كملت والسوق بعيد شوي علينا ديما نجيبوا في بضاعتنا في العطلة كمية تسدنا طول الاسبوع والخبزة نجيبوا في الفرادي الصغيرات والتوست علشان الفطور
ااااااه ياخبزة ليبيا اللي تجي سخونه كل صبح .............مستاحشاااااتك
هي سلام تصبحوا على خير
قصدي نصبح على خير ههههههه إنتم صبحتوا

[اوشي]

السلام عليكم ورحمة الله وبركاته

[اوشي]

كيف حالكن اليوم ياحبيبات

[dr.loly]

صباحووووووووووووووو

[dr.loly]

وعليكم السلام ورحمة الله وبركاته
مرااحب اوشي

[اوشي]

اثري ... حبيبتي شكرا لاستشعارك الحن فيا ...

ايه الحمد لله انا حنونة وعطوفة وفي نفس الوقت نعذر كل حد مهما كان

ودائما ندفع بالتي هي احسن ابتغاء لوجه الله

[اوشي]

مرحبتين بغلاتي ...

كيفك ياحلوة مبروك الاشراف العام

[اوشي]

امس جوني باتي وامي ...


باتو عندي واسقدو الساعة 8 الصبح لبنغازي ..


امي ماشية اتعزي علي خالها توفى

[dr.loly]

أهلا فروسة كيف حالك وحال الصغار
ربي يعطيك صحتك عالعزومة إن شاء الله كله بأجره كثروا من العزايم في هالعشرة بالذات الشباب العزابة أني ليا فترة مرتاحة من العزايم من لما روح صاحب راجلي الاماراتي كسدنا هههههه
قبل أسبوعيا ومرات مرتين تلاته في الاسبوع يجي حتي بدون علم ولى من العيلة يعني ياكل حتي من عشانا العادي أمس قلت لراجلي معاش في عزايم مكسده الحكاية قالي كان تبي تو نجيبلك في هلبة قتله في العشرة ان شاء الله نديروا عزومة والا اثنين لكن بشرط يوم عطلة هههه مش تشد سما مني هههههه
تسلمي يا احبيبه .. امس كنت حابه نهدرز معك بس بعد مارديتيش طول قلت اكيد عدت تشوف ف قسمها او سكــرت ,, وبيني و بينك الشد متعبني بكل متاع رقبتي وكتفي مانقدرش نطول ع لاب توب حتي نا وراقده ,, والعزايم بيني وبين نفسي نحبهن ههههههه وامس خفيفة عدت الحــق .. بعدت تنويها بنيه صافيه بقلبك تمشي ..بخير
عندي فروسي بسلامته ينط يلايا ف المطبخ امس حطيناله الحبااس ف صاله وخلاص ههههه
خير لاقدر الله تصير شئ حاجه له اصلا نقعد طناجر وقلي وهو بسلامته يصبي ع طروف صوابعه ويكر وخلاص ويفرغ في هالدولايب ..

[اوشي]

درت الهم عشاهم امس

فاصوليا باللحم الوطني ... وحشي كوسة وفلفل وتحتهم لحم دجاح امتبل وبطاطا امبطنة وسلاطة

وخبزة حوش .. وسلاطة ومشروب زبرتقال ومندلينا وموز وبلح وعنب

[dr.loly]

الله يبارك فيك .. وعظم الله أجركم في خال أمك ... نسأل الله له الرحمه..
وربي يصبر أهله

[اوشي]

الله يبارك فروسة .. ربي يعطيك الصحة

معليش نسالك اسئلة ... بنشخص حالتك ...خخخخخخخ

[اوشي]

اجرك عظيم فروسة ...

[dr.loly]

اوشــي انتي مشرفه النفاس والرضاعه صح؟؟
توا مراسلتني ام ارجوان .. تبيني نهتم بموضوع وحده مشرفه اسمها ام تالين تبي تغير من قسم المواليد والاطفال للنفااااس

نبو بديل ..هههههه

لو كان ببالك تغيري مثلآ من القســم لللاخر..

والمواليد والاطفال يبي خبره أكثر الحق باستفسارات الامهات

[اوشي]

وين عديتي فروسة

[dr.loly]

شن بتشخصي بالضبط ؟؟.. ههههههههههه.
تفضلي .. صوابعي مستعدااات خخخخخ

[اوشي]

انا مشرفة الولادة والنفاس والرضاعة

[dr.loly]

قاعده ماتحقيش فيا

[اوشي]

يعني نبدا نسالك في الاسئله ..

طبعا علي حسب ماقال جدك انك معيونة

[dr.loly]

بتصيمي اوائل ذي الحجه ..؟
انا ناويه عليك بخت .. مازال الدم ............

[dr.loly]

تفضلي ..........

[اوشي]

هل ترين في منامك ..

قطط او حشرات .. او اناس ينظرون اليك او ترين من اصابك بسهم او عيار ناري

او رئيتي المقبور في حلمك

وهل تشعرين ببعض الضيقة ( ضيقة العلم) وقصر النفس

والام في الظهر والاكتاف والرجلين

[اوشي]

ان شاء الله نصيم ...

بس عزيزتي لو الدم هلب الايام المعتاد عليها في النزول مثلا هلب 6 او 7 ايام تعتبر استحاضة

وهنا يجوز الصيام عادي وممكن اثري تفيدك اكثر

[dr.loly]

هل ترين في منامك ..

قطط او حشرات .. او اناس ينظرون اليك او ترين من اصابك بسهم او عيار ناري

او رئيتي المقبور في حلمك

لا ... اغلب منامتي بناس تعز عليا متوفيه ..
او احلام غريبه .. مثلا عندي امتحان ومش مستعدتله او بنعدي لمدرسه ومالقيتش فرده كندرتي خخخخخخ
وهل تشعرين ببعض الضيقة ( ضيقة العلم) وقصر النفس

ضيقه العلم تجيني بس عاده قبل موعد الدورة نرجح في الامر نتيجه ل لخبطة الهرموناااات ..
بس في حملي بفراااس ديما ضايق عليا علمي وحتي في الاء بس مش اغلب الوقت... قصر النفس ندهش مرات بسرعه
بس عشان نتفس من فمــي للاسف يمكن.. تصيرلي بعد نرقي دروووج واجد مثلآ
والام في الظهر والاكتاف والرجلين

الحمدلله نادرآ .. بس ألم الظهر ف دورة والحمل الاشهر الاخيره..
والاكتاف عندي شد رهيب من امس هههههه

[dr.loly]

ان شاء الله نصيم ...

بس عزيزتي لو الدم هلب الايام المعتاد عليها في النزول مثلا هلب 6 او 7 ايام تعتبر استحاضة

وهنا يجوز الصيام عادي وممكن اثري تفيدك اكثر

هو مش دم دورة .. دم حبوب منع الحمل وقفتهن بكل ومازال نزول كل شوي حمام عشان الصلاه
وانضني الشد جاني كضربة برد ..
اصدقت ماما قالتلي فكيك منهن ... دام دورتك منظمه ماتلخبطيش روحكـ..
توا معش فهمت امتي انتنظم ..

[اوشي]

لا ... اغلب منامتي بناس تعز عليا متوفيه ..
او احلام غريبه .. مثلا عندي امتحان ومش مستعدتله او بنعدي لمدرسه ومالقيتش فرده كندرتي خخخخخخ

نفس احلامي من قبل دائما نحلم بمدرستي الابتدائية والاعدادية ودائما نبي نمتحن وما نعرفش انحل وديما امودرة كندرتي

على فكرة هذه من علامات الحسد ... وازيد من الشعر بيت

رؤية الاماكن القديمة كذلك ورؤيا من يتباوعك او من يجري خلفك

وانت اثناء الصلاة تتثاءبي من بداية الصلاة لنهايتها

[اوشي]

فروسة .............

[اوشي]

وينك حبيبة عديتي

[dr.loly]

التثاؤب في الصلاه .. لا من النادر الحق الا اذا كنت تعبانه وناقصه نووووووم

بس الحسد .. ثقي وتأكدي اني نشوف فيه في وجوه النــاس لحد مانستغرب ..؟ ليش نفوسهم هكــي...؟؟؟

[dr.loly]

معااااااك,,

[اوشي]

ماشي حتى انا نمشي نبرم علي قسمي...



به فروسة راك اتخافي من اسألتي ههههههه

[اوشي]

فروسة .. الحسد راك تهزي عليه راهو وااااااااعر

لذلك ننصحك برقية متخصصة وستشعرين بالفرق

وتقولي انا كيف كنت عايشة

وحتى النظر يتجلى ويصبح وااااااااضح

[اوشي]

توة انا عندي موضوع نبي انزله من 3 ايام مافضيتش بكل

هو عاللهاية ومص الاصبع والفرق بينهما

[dr.loly]

كيف شنو اوشــي..

[اوشي]

توة عاد فروسة فجعتك عالصبح ههههههه

نمشي نزل الموضوع

[dr.loly]

والله حسني خفت ههههههههه

[اوشي]

شنو اللي كيف شنو ....هههههههه

[dr.loly]

عمومآ هدية واوشــي لي حابه تنقل للاشراف علي منتديات الاطفال والمواليد تقولــي ..
لو هذا نشوف باقي مشرفات الولاد والنفاس

[اوشي]

كان خفتي جد .. هذا دليل اخر حبيبتي

وراك تقعدي تكذبي في روحك وتقولي لا هذا اكيد راجع لاسباب علمية وهكذا

ولو حبيتي ممكن نساعدك جدا

[dr.loly]

الرقيه المتخصصه قريتها علاج مخصص من فجعه هههههههه
هذا عليش كتبتلك كيف شنو

[اوشي]

توة قصدك ان مندى الرضع يختلف عن منتدى الاطفال

[dr.loly]

كان خفتي جد .. هذا دليل اخر حبيبتي

وراك تقعدي تكذبي في روحك وتقولي لا هذا اكيد راجع لاسباب علمية وهكذا

ولو حبيتي ممكن نساعدك جدا

حي عليا حتى هذا دلــيل ههههههههههههههههههه





hwaml73hwaml73hwaml73hwaml73

[dr.loly]

http://forum.hwaml.com/images/smilies/TR%20(69).gifhttp://forum.hwaml.com/images/smilies/TR%20(69).gifhttp://forum.hwaml.com/images/smilies/TR%20(69).gifhttp://forum.hwaml.com/images/smilies/TR%20(69).gif

[dr.loly]

بارك الله فيك اوشي على اهتمامك وحرصك رح ننتبه هالمره اكثر ممكن يكون سبب صح..؟؟؟؟؟؟؟؟؟؟

را حتى زوجي ديما ينبه فيا ع هالاشياااء.. وديما حاس بالعين والحسد ناحيتي


ونا حاسته ناحيته

[اوشي]

فروسة بجد ما تاخذيش الامور ببساطة

لاني انا زمان نفسك العيون الصغيرة ما اثرتش فيا واجد بس

لما جتني العين القوية طحت لين كرهت حتى حوشي قبل حتى بعته وهو مايتعوضش بكل

[dr.loly]

ماما توا كنت نحلم بها طبعآ اليوم تفريشه خالتي وواجعتني نفسي بعيده عليهم..

عمومآ .. قالتلي الناس يدوا واجد عليكم وعلى زوجك قريب كتبت اسمه خخخخ

[اوشي]

شن رايك ياقلبي

[dr.loly]

اوشي يختلفن الاقسام اكيد

[اوشي]

مبروك علي خالتك ياقلبي

وان شاء الله بسلامتها ... عادي عادي اكتبيه

حتى مرة جيجي والا هي هدية كتبت اسم زوجها نفس اسم واحد من عيالي هههههههه

[dr.loly]

http://forum.hwaml.com/t273386.html

هالموضوع حبيت انقولك ان مكانه المواليد والاطفاااال

[اوشي]

شخبار اللولي ايش دايرة توة

[dr.loly]

المواليد والاطفال ..
يضم الاتي..

اسماء المواليد

منتدي الختان

رعايه مولودك وهنا 5 اقسم

0_3
4_6
7_9
10_11
من سنة الي ست سنوااات

منتدي تجهيزات وهدايا الاطفال والمواليد

[اوشي]

يعني مش شوري صح

معناها موضوع الفرق بين اللهاية ومص الاصبع حتى هو للاطفال

والا يمكنني عادي نحط مواضيع

[sosolibya]

السلام عليكم

كيف حالكم

شن اديرو

وشن غداكم

ليكم وححححححححححشة

[dr.loly]

الحمدلله كويسه باديه بتزحف حي عليااا ههه
مانحبش الزحف خصيصا ف السقع

[dr.loly]

لا حطيه في الاطفال افضل عشان يستفادن الامهاااات

[dr.loly]

لا حطي وين ماتبي تنزلي في المنتدي ... مواضيع مش لازم في اقسامكـ بس..

[dr.loly]

السلام عليكم

كيف حالكم

شن اديرو

وشن غداكم

ليكم وححححححححححشة

حتي انتي وحشتينا
وين كنتي مختفيــــــــــــــــــــــه.؟؟؟؟؟؟؟؟؟؟؟؟؟؟؟

[اوشي]

كيف حالك سوسو انستي

[اوشي]

انا طلعت اشوية ... عشان الحلوة رويت وعيت وتوة قاعدة في كتري

[dr.loly]

أم فروسي
حسيت بإحســــــــــــــــــــــــــــاسكــــ
الله يحفظه فروســـــــــــــــــــي ،،، لخبط الموضوع المتعوب عليه
لعله خيراً

مبااااااااااااااااااااااااارك """ الإشراف العام """"
أعانك الله مسؤولية كبيرة
مأجورة إن شاء الله
دوما ضعي بصمات تشهد لك بالخير يوم لا ينفع مال ولا بنون إلا من أتى الله بقلب سليم

مسكينة الغريانية ،،،، شن قصة مية في الظهر والبطن ؟؟؟؟ يا ستير !!!


الله يبارك في عزيزتي .. وإن شاء الله خــير..
الغيريانيه فجأه جاها مغص قوي اتصلوا بالاسعااااف 911
جوهم شالهو طول ع اساس اعراض زائده دوديه
دارولها تحاليلها قالو سليمه الزائده .. اميه ف الظهر؟؟؟؟؟؟
نا بروحي استغربت قتلها بالك لها اسم اخر مصطلح طبي قالتلي لالا قالو لزوجي بحرف الواحد اميه
وسحبوها لها سحب؟؟ تحت بنج كااااامل..

بالنسبه لموضوع العيد كنت منزله فيه قلايا وعصبان وجو هههههه
وخبزة تنور عمتي .. وكاتبه واجد ومراجعه الكتابه وبديت بنزل خلاص جا فروسا خبط الكي بورد طاااااااااار كله ومش اول مره ايديرها ليا حتي موضوع العقيقه
وكلام الناااس هههههههههه كنت نعاود بس هالمره رقتلي حتي بعد بنعاوده ع سريع

[اوشي]

انا اليوم توأم روحي ماسك في التحلية

وغداي اللي زايد من غشا امس

[dr.loly]

ياناري خطرت عليا اختي لي بعدي .. شالولها الزايده وهي سليمه زايدتها ..
عشان مغص ف جنبها جاها .. وشوي خلايا دم بيضا..

وبعد العمليه فتره قعد فيها الالم ..
عند دكتور اخصائي قاللها عندك كيس وظيفي ع مبيض بعد يصير تبويض منه الالم ... بس بسيط

وسبب الم قوي مسالك

انا شخصتها هكي برضه مسالك م الاول
بس تعبت بالليل وشالوها قالو زايده ولعبوا فيها لاحول ولا قوة الا بالله

[dr.loly]

ماما قالتلي خودي حبوب فولتارين كويسات للشد .. ورد بالك من الدهن بزيت لان مش كويسه احتمال يدير تمزق ..
نفس ماصار لجارتنا وخالتي

انقاني قتله ادهني امس بليل واليوم بكل حسني شكله الا تمزق ..


انسيت حتي اطباء الاعصاب ماينصحوش بالدهن بكريمات اازاله لالم


امس بخاخ بخيت واجد منه بعدك
واخرتها زيت زيتوون

[اوشي]

معليش فروسة حتى انا رويت ادير فيها لي

بس لما انحقها جت شوري انكلم الها واحد من العيال

[اوشي]

التدليك هو اللي مش كويس والكريمات ...

بس زيت الزيتون لو دافي ومرقي يكون احسن

[اوشي]

وخيتك اسم الله عليها شالولها الزايدة

باهي اللي ماشالو حاجة اخرى خخخخخخخ

ربي يستر وخلاص ...

الطب هنا حالة مانحكيلك

[اوشي]

فروسة اعذريني هذي رويت بدت اتنق وتضرب في الكيبورد بكرعيها

[sosolibya]

بنات انا نقرا في الصفحات يلي فايتيني ومش ملحقة نشوف من موجود

والحمد لله راجلي اليوم بيرد البضاعة شغلة والله بالرغم من انه خدينا عالهدرزة


غداي بكبكوكي بفروج عربي ذبحناه الصبح فااااااااااايحة صنة الغداء حلبة ووووو

[جوهرة ليبيا]

السلام عليكم ورحمه الله وبركاته


كيف حالكم اليوم ماشاء الله عالهدرزه


اوووووووووووووووووووووووشي الاعراض اللي سالتيها لام فراس عندي كلها


قالولي حتي من سحر التصفيح لاني كنت مصفحه مع اني فكيته بالطرق الشرعيه من حجامه وماء سدر وزيت زيتون مرقي ووووووو


وانا نقرا في القران وحافضه وقالوا ان اللي يقرا في القران ويصلي في وقته معناها جان التصفيح مش متمكن منها والله اعلم


وعندي حتي حوشي يكثر فيه النمل بشكل غير طبيعي قالولي عين وحسد وديما تفسد حاجات في حوشي هللللللبه


ووووو ناسيه توه


بس ديما نتوكل علي الله ونقرا في البقره ونفتح فيها يوميا في الحوش ونشرب في ميه زمزم مرقيه وربي يحفظ الجميع

[جوهرة ليبيا]

اوشي صار انا شكلي قلت اسم راجلي


باهي قوليلي اسماء ولادك باش نعرف انا او لا اللي قلت ههههههههه

[جوهرة ليبيا]

بنطلع العشيه لمحل اطفال بنكمل باقي حاجات رنو والحلوه

وبنمشي لاختي النافس اليوم سبوع ولدها ذبحوله وحلقوه وامي وخواتي غادي بنمشي حتي المغرب لان بنتي سلامتها


بتجنني افضل شئ انريح راسي نمشي موخر ساعتين تلاته نستمتع ونهدرز علي امي ووخياتي الغاليات ربي يحفظهم

[جوهرة ليبيا]

العيد في حوش بوي شئ تاني مع انه لاعندنا عم ولاشئ عيلتنا بس

ومع ذالك جو العيد يهبل


بس في حوشي من غير صلاه العيد الباقي منحس بشئ لاني اول عيد حامل في التامن زي توه والتاني والتالت روتين وتعب كله عليا


مع انه راجلي ايدير شبه في كل شئ

نقعمز انا وسلفتي في حوشي طبعا كانها ضيفه نوتي الفطور والسلاطات وووووو


والرجاله يذبحوا ويعولوا في الجنان بين الحوشي فيه زي الاستراحه حمام ومزلز وعشب ومظله والميه لاوندينو ورخامات

والغداء شواه مع فاصوليا


العصبان اندير فيه انا وعزوزتي في الموسم

[اوشي]

السلام عليكم ورحمة الله