ابشركم جبت اللي طلعت الدلع من عيوني

[دلوعه حامل]

السلام عليكم ورحمة الله وبركاته

كيفكم ؟ ان شاء الله بخير

باحكي لكم القصه بالتفصيل

كنت عند اهلي من اسبوع وجا زوجي اخذني اخر الليل وطبعا لعبنا عروس وعريس

وانا كذا اكون اخذت من التاسع 20 يوم واول حمل لي

هو نام وانا بقيت صاحيه الى الساعه تقريبا 8 الصبح ودخلت الحمام الله يكرمكم الا نازل مني دم مرررررره فاتح وفيني الم دوره خفيف

المهم حسيت انه الموضوع فيه انا ورحت جهزت اغراضي وملابسي وتاكدت من بطايقي واخذت دش اهبل وسرررريع

ورجعت نمت الى الساعه 11 وصحيت من الالم وقعدت الى الساعه 1 الظهر صحيت زوجي اقوله قوم انا تعبانه قال بتموتين ؟ قلت لا قال خلاص مو مشكله

المهم قلت بالله قوم ينزل مني دم قال روحي اسالي امي لانه قلت له ماني سائله امي

المهم صحي وداني المستشفى الجامعي الا مافيه الا دكتور مناوب وشوي بيخلص دوامي وانا الالم خفيف وفيه بنت مسكينه فيها ولاده تبكي في السيب بس شافها زوجي قال والله ما استنى لين تصيرين تبكين في السيب تعالي نشووف مستشفى ثاني

قلت له خلنا ندخل مستشى خاص بس نكشف يمكن مافيه ولاده
وبس دخلنا قالت مفتوووح 2 سم
قال زوجي خلاص يالله معد بنرجع البيت وسوى ملف وطلعني تنويم حدود الساعه 4 العصر وبدائنا رحله الطلق وامي مسافره والحاله حاله

وجوعاااانه بس زوجي راح جاب لي حليب دافي وشربته وكل شوي يزيد الالم وتكشف وتقول زاد سم

لين الساعه 10 الليل وصار الالم متووواصل ولولا الله ثم الكمامه المسكنه والا كان مت من الالم

ودخلوني غرفه الولاده وانا مفتوحه 8 سم وطلقت طلقتين والثالثه ولدت زوجي يقول بقيت في غرفه الولاده نصف ساعه

طبعا انا من بدايه حملي حاطه في بالي انه ولد والصدمه الحلوووووه انها طلعت بنت

انا اغمى علي وصحيت الساعه 12 ولقيت زوجي وامه عندي وسلامتكم

اللي خايفه من الولاده بس تستغفر و تبشر بولاده سهله وعلى مسئوليتي

[برود احساس]

مشاء الله تبارك الله

الف الف الف الف ممبرررررروك

حلوه المفاجاه كنتي تحسبينه ولد وتطلع بنت والله صدممه حلوه

الله يخليها لكم يارب وتتربى بعزك والحمدالله على سلامتك

[احلى من العسل]

الف الف مبرووووووووووووك والحمدلله على السلامه
كيف كنتي تحسبينه ولد وطلع بنت ماكشفتي سونار
الله يستر اناحامل قالولي بنت وقضيت ملابس بنت اخايف يطلع ولد ههههههههههههههه

[Fuoonkh]

الف الف الف مبروك ياعمري
وليه كنتي تحسبينه ولد ؟؟
هم قالوا لك ولد بالسونار وجبتي بنت؟ ولا بس حاطه في بالك؟

[روضه]

اااالف مبروووك دلوعه حامل االله يخليها لكم وتفرحي فيها

[ريتاج2009]

مبروووووووك ماجاك

[متغربه]

ألف مبروك والحمد لله على سلامتك

[شهرزاااد]

الف مبروووووووووووك
والحمد لله على السلاااااااااااامة
ياريت تجاوبينا انتي كشفتي على نوع البيبي والا هذا توقع منك

[ياشمس عمري]

الحمد لله على سلامتك اولا ومبروك ماجبتي ثانيا ...بس من جد كيف متوقعه ولد وصارت بنت يااااالهوي كل الاغراض اللي قضيتها حق ولد وي وي في الاخر تطلع بنت الله يستر.؟؟؟؟

[fufualmoon]

الحمد لله على سلامتك
وتتربى بعزكم ان شاء الله
عسى بس ما قضيتي للاولاد !!:)
يلا عقبالنا