آه .. يا قلبي لا تحزن ... ارجوكم بنات محتاجه لكم

[حبيبة جاسم]

يسعد ايامكم يا بنات ... و كل عام وانتوا بالف خير
عندي كلام في خاطري وودي افضفض لكم لاني ما اقدر اشكي زوجي الي المفروض انه اقرب الناس لي لاي احد من صديقاتي اواهلي عشان بس ما اشوة صورته قدامهم
اعطيكم نبذه عنه .. اهو طيب و خلوق لكن مع الناس وعندي كل يصارخ علي و يهاوشني لاتفه الاسباب .. اعطيكم مثال واحد .. مرة قال عطيني احبوبي جبتها وكانت يده مشغوله بالاكل و حطيتها على الصحن والصحن نظيف ما فيه شي تصدقون انه قلبها هوشه و قالي يالوصخه شلون تحطين الحبوب على الصحن اللحين اشلون باكلها قلت الصحن نظيف وانت تاكل وين احطها لك .. المهم ما تغديت ذاك اليوم وكنت ابيه يطلعني السوق و مارحت الظاهر مفتعل الهوشه عشان ما يوديني ...
وهذا حالنا ... يهاوش على اتفه شي .. اذا كنت تعبانه او مريضه يسوي نفسه انه اهو اللي تعبان و مريض اذا ظهري يعورني (مع اني ما اشكي لكن يبين علي ) يتظاهر انه ظهره يعوره ويقعد يتشكى من ظهرة ...وهكذا اذا صدعت يقول انا مصدع و يتشكى اذا بطني يعورني يسوي نفسي و يتشكى ...
مع انه انا اللي احتاج اهتمامه لو بكلمه حلوة ...لكن يقلب الموضوع في صالحه اهو ...
عند اهله .. ما يتعذر عني او يدافع عني عندهم يعني اذا عندي ظرف و مارحت يقولهم ما تبي تجيكم ما يتعذر عني و يشرح لهم انه عندي ظرف معين ... اذا انا معاه عند امه يقعد يتشكى مني و يتدلع على امه اني ما اكله مع اني انا اللي اسوي له كل اللي يبيه و ما اخلي الخدامه تسوي له شي .. يعني ما يمدحني عند اهله و دوم يشوة صورتي عندهم مع اني ما قصر عند اهله وامه بالذات...
اخر سالفه صارت امس ...جوالي اخترب و( قلت في خاطري خل اتجرأ و اطلب منه يشتري لي جوال ) لانه خاطري ياخذ لي شي عشان احس ان زوجي اهداني في يوم من الايام ... مع العلم انه عمرة ما اهداني حتى وردة مع اني ما انساة اهديه في كل مناسبه ...تصدقون انه ذلني و لووع كبدي وقلت له خلاص مشكور انا ما ابي شي انا بشتري لنفسي ... ثاني يوم شراة لي ... لكن والله ما له حلاه ما احس انه من خاطره انا عفت الجوال ما عاد ابيه عقب ما منه وذلني عليه استخدمته امس و اليوم قبل ما اطلع للدوام حطيته عالطاوله احس اني انذليت عشان يجيبه لي ما عاد تقبلته ... و غير انه يا بنات دوووووم يهددني انه يتزوج علي بمزح ثقيل دم عشان بس يقهرني ...
حاز في خاطري اشياء كثيرة ...انا مرة صالحه احاول اني ما اقصر مع زوجي في اي شي .. دوم متعدله له و دوم الكلمه الحلوة على لساني ... اهتم بكل شي يخصه من اكل و لبس ... مو مقصرة معاه ابد ... لكن اهو ... ما اعرف يا بنات احسه مرات ما يدانيني بدون سبب ...
بنات ابي اسمع رايكم و ابي مشورتكم ... و سامحوني طولت عليكم

[أسميه]

والله حبيبتي ... مادري ايش اقول لكن عليك بالدعاء
الظاهر الرجال المفروض ما ينعطون وجه من يحسوم الوحده تسنع له وتحبه فكر انه ملاك وان هذا اقل حقوقه ...
الله يسخر لك زوجك ويصلح مابينكم

[اجاتا]

اثقلي عليه وطنشيه

واحكيلنا شو صار؟؟

[احلى من العسل]

حبيبتي الرجال كل مادلعتيه كلمازادجفاواعتبر اهتمامك له واجب غيري معاملتك معاه قومي بواجبك ناحيته وبس واتركي عنك المثاليه الزايده وانشالله يحس على دمه وانشالله يارب يسخره لك

[حبيبة جاسم]

اشكركم يا بنات عالردود ...
بس والله حاسه بالقهر و الظلم ...

[عقد لؤلؤ]

أدعيله ربي يصلحه ويسخره لك ما بغيره غير الدعاء لكن أدعي وأنتي موقنة بأن الله حيغير منه إن شاء الله وأكثري بين الأذان والإقامة فهو وقت استجابة

[سيدة الغرام]

الله يهدي يارب ويحنن قلبه عليكي اختي ماعليكي بدعاء

[دلوعة حبيبها]

ادعي ربي يسخره لك وطنشيييييييييييييييه عشان يعقل...

[بيتشي]

عليك بالدعاء هدا الحل الوحيد