اسباب الاجهاض وتوقف نمو الجنين .. لنستفيد منها قريبا باذن الله ..

[عشقي الاطفال]

بسم الله الرحمن الرحيم
السلام عليكم ورحمة الله وبركاته ..
____
اخواتي حبيباتي في هذا الموضوع نبغى نكتب كل شيء ممكن يوقف نمو الجنين وبالتالي يسبب اجهاض اما بنزول دم ثم نزول الكيس او عن طريق تحاميل الطلق ..
____________
المهم ببدء انا بقصتي + ( دروسي اللي اخدتها من تجربتي ) ..
وكل وحدة تكتب عن تجربتها او تجربة غيرها سمعت فيها عشان نستفيد كلنا ومايسيرلكم اللي سارلي ومايتكرر معايا ومعاكم ..

انا ياحلوات حملت اول حمل ليا قبل 4 شهور .. وماكنت ادري اني حامل ..
المهم كونت وقتها بماليزيا سياحه .. طبعا اعراض الحمل مااظهرت معايا الا بعد مارجعت الى السعودية ..
حللت طلعت حامل مرره فرحت لدرجة سرت اقضي للنونو من بدري << ام الرجه والاستعجال ..
وقررت ايش اسمي النونو سواءا بنت او ولد ..
المهم .. ويوممنم الايام كنت حامل بنهاية الشهر التاني كان عندي موعد تصوير سونار اسمع نبض الجنين ..
وهنا عرفت انو جنيني راح .. توقف نموه ماصدقت اسبوع بس ابكي ..
قلت لا يمكن مابان وسرت ابرر كتير روحت لاكتر من دكتورة اكدبهم كلهم واصدق قلبي .. احس انو قطعة مني ..
انتظرت اسبوعين كمان صورت برضو كيس فاضي ماسار واضح اي شيء لا جنين ولا نبض .. قلت بصبر كمان .. اخر شيء قلتلي الدكتورة التحليل الرقمي هوا يبين ازا نقص معناتو مافي امل لانو ادق شيء..
سويت تحليل رقمي 3 مرات وكل مره بينزل اعداد كبيره ..
والغريب انو مانزل عليا دم تنومت اعطوني تحاميل طلق وسويت عملية تنظيف ..

الخلاصة ///
ليش توقف نموه ايش هيا الاسباب ؟؟هدا الشيء اللي يدور براسي ومرره خايفة يتكرر ..
سويت تحليل التورش والفايروسات والحمدالله سليم ..
ماسويت تحاليل تانية ..
المهم سرت افكر انا ايش سويت فين روحت .. لانو الدكتوره تقولي مستحيل نعرف السبب ليه الف سبب وماحيبان الا ازا تكرر ..
اعطتني اسباب من ضمنها التلوث البيئي .. قلت يمكن من سفرتي لماليزيا لاني روحت حدائق وخاصة حديقة الحيوانات ممكن كان هناك التلوث .. هدا سبب اول ..

السبب التاني /المواد الكيميائية زي الكلوركس الحاجات اللي فيها كحول مزيل مناكير الديزل ...الخ حتى العطورة القوية .. موقفي مع المواد الكيميائية ..
وانا حامل .. غسلت ببلايز زوجي حقت العمل كلها مره وحدة وفي بلوزة من البلايز فيها قلم خربتلي كل البلايز ..
قومت الله يهدين جبت 4 علب مزيل مناكير ونقعت البلايز فيها وافرك ابغى الاثار تروح مرره انكتمت وسرت اكح كتير ..

السبب الثالث // كنت ارجع كتير الله يكرمكم كان جدا وحامي صعب وروحت الصيدلية جبت حبوب الغثيان من صيدلي بدون وصفة طبيب بس مكتوب انو للحامل وماعرف ازا كان هذا السبب او لا .. لانو دكتور علي الجندي بمستشفى بخش حذر اختي من اي حبوب غثيان ..

السبب الرابع// الصبغه - التشقير .. تشوه الجنين وبالتالي بيتوقف نموه رحمة من الله ونادرا اللي بيتم حملهم بس بيطلعو متشوهين .. انا شقرت وممكن يكون التشقير هوا السبب ..

السبب الخامس يابنات // عين - حسد ازا حملتو لاتقولو لاحد بس يثبت الحمل ..
لا تقولو لا مو معاكي .. العين جات باحاديث الرسول
الرسول صلى الله عليه وسلم قال ( اقضو اموركم بالكتمان ) لو مافي شيء اسمو عين ماكان قال هدا الكلام صح ولا لا ؟
وحديث فيما معناه قال الرسول صلى الله عليه وسلم ( اكتر امواتي عين ) شوفو العين كيف تموت الانسان فما بالك حمل مواضيع بسيطة .. مو الكل يقول ماشاء الله ..
مع التحصين والايمان بالله والتوكل على الله واستودعو نفسكم الله ..

ممكن هدي الاسباب ماتكون هيا سببي الله حده اعلم بس برضو الحذر ..
_____________________

الحمدالله على كل شيء انا عارفة اللي سارلي خير ليا وفضل من ربي .. بس كلها دروس للمره الجاية ازا ربي راد ..

يللا كل وحدة تحطلنا تجاربها .. عشان نستفيد..

[قره عين]

الله يعوضك باحسن يمكن فيها خيرلك الله يرزقك بالذريه الصالحه واستمري على الاستغفار

[وسناء]

عشقي الأطفال الف شكر لج اختي وربي يكتب لنا ونعمل أحتياطنا من تجربتك انا الي اعرفه بس مواد النتظيف شاكرة لج حبيبتي ع التنبيه
وربي يرزقج عاااجل يارب ويعوضك

[يمكـ دروبي]

الله يعوضك خير يا الغلا ..
موضوع حلو مره ..

انا راح اكتب قصتي لما اجهضت بكري
طبعا حملت بعد الزواج على طول كنت وقتها بشهر العسل بـ دبي
وما كنت عارفه اني حامل لان ماجاء في بالي اني باحمل على طول
المهم انبسطت واغلب رحلتنا كانت مشي ولعبت في الملاهي وجبت العيد
لما رجعت الرياض برضو ما عندي اعراض حمل ولا اي شيء
بس لما جاء وقت دورتي كنت اتالم من بطني مرررررره
وعرفت انو هذي اعراض الدوره استنيت يوم يومين ماجت
قلت لزوجي باحلل اشك اني حامل وحللت تحليل منزلي واتفاجأت اني خطين
عرفت اني حامل فرحت وفي نفس الوقت ما كنت ابغى احمل على طول
بس عاد الحمد لله الله كاتب لي .. واليوم الثاني رحت المستشفى وحللت دم عشان اتاكد وطلع فيه حمل كمان زووجي كان فرحان مررره ويبغى يبشر اهله
بس انا رفضت قلت له شوي اخاف ...
قالي بس اقل لامي وابوي بس قلت اذا كذا اوكي وراحوا اهلي قالوا لكل الناس اني حامل
ما الومهم فرحانين بما ان زوجي اكبر الاولاد
تفاجأت اليوم الثاني الاتصالات جايه الناس يباركون خفت مره
وزعلت قلت له انا مو قلت لك ما ابغى احد يعرف
على الاقل اخلص 3 شهور ...........
وبعدها لما صرت في شهرين رحت المستشفى باصلح سونار اتطمن على الجنين
وكان في نبض الحمد لله فرحت مررره لما سمعت نبضه
وكان بعدها باسبوع باسافر باروح عند اهلي سالت الدكتوره وقتها عادي اسافر
قالت لي انا ما باقولك سافري او لا تسافرين هذا الشيء بارادة الله
وانتي براحتك خفت من كلامها وقلت لزوجي ما ابغى اسافر طياره خايفه
بنمشي بر وخلاص اتفقنا نمشي بر وكان يسوق على اقل من مهله ومريحني للاخر
المهم : وصلنا وجلست عند اهلي تقريبا اسبوعين والناس اكلوني بالكلام حملتي على طول ليش حملتي اللحين بدري ومن ذا الكلام
وبعدها رجعت طياره وكنت خايفه بس وكلة امري لربي وجلست ادعي ووصلت الحمدلله بالسلامه
وجلست بعد سفرتي يمكن يومين كنت برا مع زوجي فجاه احس بالم واخلاقي قافله
قلت له رجعني البيت احس بتعب رجعنا على صلاة المغرب لما دخلت ابغى اتوضأ تفاجاة بالدم قمت ابكي في الحمام من الرعب ....
جاء زوجي مفجوع واخذني ورحت المستشفى كان عندي موعد بعد اسبوع لاني باكمل 3 شهور .. لاكن الحمد لله عللى كل حال دخلت الطوارى وصلحت لي سونار طلع النبض متوقف من شهرين .. كشفت عليه وقالت الرحم مقفل ..........
وكلمت الاستشاريه دكتورتي
وحكت لها كل شيء
وبعدها كلمتني الدكتوره وقالت لي الحمد لله الجنين اللحين في مرحلة نزول
تبغين تنظيف او ينزل لحاله انا خفت قلت لا ينزل لحاله وكنت ابكي كثير
طلعتني التنويم وجلست يومين لا اكل ولا شيء على المغذي بس
المشكله ما عندي الم وعندي نزيف مررررررره قوي
الدكتوره انجنت الرحم مقفل ولا فتح الا واحد سانتي اعطتني طلق صناعي حبه
ماصار شيء حتى الم ماحسيت واعطتني مره ثانيه في المغذي برضو ما حسيت
ولا شيء جات تكشف عليه قالت الرحم مفتوح من جوا ومن برا مسكر
لما تعبت من الكشف قلت خلاص صلحي لي تنظيف والحمد لله على كل حال

اسباب الاجهاض بالنسبه لكلام الدكتوره :
انو الدم ما كان يوصل للمشيمه زين فتوقف نبض الجنين
اما انا :
عندي شكوك ... مدري من السفر .. او كلام الناس .. او لان الدم ماكان يوصل
للجنين زين لكن الحمد لله ربي مو كاتبه لي ...

هذي قصتي بالتفصيل ..... اتمنى ما اكون طولت عليكم
ادعولي ربي يتمم حملي هذا على خير

[عشقي الاطفال]

المشاركة الأصلية كتبت بواسطة يمكـ دروبي

الله يعوضك خير يا الغلا ..

موضوع حلو مره ..

انا راح اكتب قصتي لما اجهضت بكري
طبعا حملت بعد الزواج على طول كنت وقتها بشهر العسل بـ دبي
وما كنت عارفه اني حامل لان ماجاء في بالي اني باحمل على طول
المهم انبسطت واغلب رحلتنا كانت مشي ولعبت في الملاهي وجبت العيد
لما رجعت الرياض برضو ما عندي اعراض حمل ولا اي شيء
بس لما جاء وقت دورتي كنت اتالم من بطني مرررررره
وعرفت انو هذي اعراض الدوره استنيت يوم يومين ماجت
قلت لزوجي باحلل اشك اني حامل وحللت تحليل منزلي واتفاجأت اني خطين
عرفت اني حامل فرحت وفي نفس الوقت ما كنت ابغى احمل على طول
بس عاد الحمد لله الله كاتب لي .. واليوم الثاني رحت المستشفى وحللت دم عشان اتاكد وطلع فيه حمل كمان زووجي كان فرحان مررره ويبغى يبشر اهله
بس انا رفضت قلت له شوي اخاف ...
قالي بس اقل لامي وابوي بس قلت اذا كذا اوكي وراحوا اهلي قالوا لكل الناس اني حامل
ما الومهم فرحانين بما ان زوجي اكبر الاولاد
تفاجأت اليوم الثاني الاتصالات جايه الناس يباركون خفت مره
وزعلت قلت له انا مو قلت لك ما ابغى احد يعرف
على الاقل اخلص 3 شهور ...........
وبعدها لما صرت في شهرين رحت المستشفى باصلح سونار اتطمن على الجنين
وكان في نبض الحمد لله فرحت مررره لما سمعت نبضه
وكان بعدها باسبوع باسافر باروح عند اهلي سالت الدكتوره وقتها عادي اسافر
قالت لي انا ما باقولك سافري او لا تسافرين هذا الشيء بارادة الله
وانتي براحتك خفت من كلامها وقلت لزوجي ما ابغى اسافر طياره خايفه
بنمشي بر وخلاص اتفقنا نمشي بر وكان يسوق على اقل من مهله ومريحني للاخر
المهم : وصلنا وجلست عند اهلي تقريبا اسبوعين والناس اكلوني بالكلام حملتي على طول ليش حملتي اللحين بدري ومن ذا الكلام
وبعدها رجعت طياره وكنت خايفه بس وكلة امري لربي وجلست ادعي ووصلت الحمدلله بالسلامه
وجلست بعد سفرتي يمكن يومين كنت برا مع زوجي فجاه احس بالم واخلاقي قافله
قلت له رجعني البيت احس بتعب رجعنا على صلاة المغرب لما دخلت ابغى اتوضأ تفاجاة بالدم قمت ابكي في الحمام من الرعب ....
جاء زوجي مفجوع واخذني ورحت المستشفى كان عندي موعد بعد اسبوع لاني باكمل 3 شهور .. لاكن الحمد لله عللى كل حال دخلت الطوارى وصلحت لي سونار طلع النبض متوقف من شهرين .. كشفت عليه وقالت الرحم مقفل ..........
وكلمت الاستشاريه دكتورتي
وحكت لها كل شيء
وبعدها كلمتني الدكتوره وقالت لي الحمد لله الجنين اللحين في مرحلة نزول
تبغين تنظيف او ينزل لحاله انا خفت قلت لا ينزل لحاله وكنت ابكي كثير
طلعتني التنويم وجلست يومين لا اكل ولا شيء على المغذي بس
المشكله ما عندي الم وعندي نزيف مررررررره قوي
الدكتوره انجنت الرحم مقفل ولا فتح الا واحد سانتي اعطتني طلق صناعي حبه
ماصار شيء حتى الم ماحسيت واعطتني مره ثانيه في المغذي برضو ما حسيت
ولا شيء جات تكشف عليه قالت الرحم مفتوح من جوا ومن برا مسكر
لما تعبت من الكشف قلت خلاص صلحي لي تنظيف والحمد لله على كل حال

اسباب الاجهاض بالنسبه لكلام الدكتوره :
انو الدم ما كان يوصل للمشيمه زين فتوقف نبض الجنين
اما انا :
عندي شكوك ... مدري من السفر .. او كلام الناس .. او لان الدم ماكان يوصل
للجنين زين لكن الحمد لله ربي مو كاتبه لي ...

هذي قصتي بالتفصيل ..... اتمنى ما اكون طولت عليكم
ادعولي ربي يتمم حملي هذا على خير

احسك بتحكي عني .. انا كمان سافرت المدينة بالسياره قبل لاعرف انو توقف نمو الجنين ب 3 ايام بس برضو للان ماادري ايش السبب ..

تسلمي ياعسل على قصتك بس بسئلك بعد التنظيف كم شهر ماحملتي ..؟
الله يتمملك يااارب ويسهلك ولادتك يااارب وتجيبي احلى بيبي ..

[حوريه السعوديه]

حلو الموضوع وان شالله نستفييييييييد

[يمكـ دروبي]

عشقي الاطفال :

حملت بعد اجهاضي بـ 4 شهور
والحمد لله كل شيء لحد الان تمااام
الله يتمم على خير

وان شاء الله يارب قريب تفرحينا بخبر حملك حبيبتي ..

[دلع الأحساء]

انا بقولك قصتي
بحملي الاول كنت توني عروس ومبسوطه وفي شهر العسل ويوم قرب موعد الدوره حسيت بالام واحس انها راح تنزل وكله ع بالي الدوره واجا الموعد وانتظر تنزل ولا انزلت لين اخذت اسبوع تأخرت علي لان ماجا ع بالي اني حامل ورحت المستشفى عندي موعد لأسناني و ودي احلل دم لان عندهم مختبر بس مستحيه اقول لزوجي وبعدها قلت له خل احلل دام احنا في المستشفى لان اول مره تتأخر علي الدوره اسبوع كامل و وافق اني احلل بس قال ما اخذ انا النتيجه لان استحي انتي اخذيها
المهم انا سرت وخذت النتيجه وقالت الممرضه الف مبروك حامل انبسطة وزعلت نفس الوقت لان تو متزوجه وع طول جا عبالي ملابسي واقول في داخلي يوه ابتضوق وتوها جديده بس لما قلت لزوجي اني حامل انبسط حييل وانبسطة انا وبس رجعنا البيت سرت الحمام إلا اشوف دم خفت حيل واتضايقت حيييل وقلت خلاص اجهاض من اول يوم عرفت اني حامل
وسرت ع المستشفى ع طول وقالو مافي كيس ولا جنين بس التحاليل حامل وقالو لي تعالي بعد اسبوع عشان نتأكد واجيهم بعد اسبوع يقلو مو باين لاكيس ولا جنين وخواتي يهدوني ويقلون يمكن صغير وتو تلقحة البويضه إلا عرفتي انك حامل
وطبعا كان صادف اختبارات شهرية للجامعه فاضطريت اروح الجامعه وانا انزف
المهم بعد اسبوعين من عرفت اني حامل قالو لو لي في كيس بس مافي جنين وبما انو انزف فا اكيد اجهاض
وتنيمت وحصل اجهاض ونزل لوحدو لان صغير مرره

وعاد النفسية كانت زفت لان في البداية مابي الحمل بس يوم اجهضت فخت حييل وتمنيت اني ما اجهضت بس الحمدلله كتبته سبحانه
وبعد شهرين ونص من الاجهاض الاول حملت الحمدلله
وانبسطة حيييل وخاصه مانزل علي دم لان كان الدم عقدتي
واروح الكلية وانا مبسوطه اني حامل وامشي مشيت الحوامل
بس لما رحت للموعد قالت الكتوره عمر الكييس 7 اسابيع والجنين عمره 4 اسابيع وقالت يابنتي الجنين ميت في بطنك وهنا تحطمت وصحت لين قلت بس وبعدها حصل اجهاض
وبعد شهر من الاجهاض حملت وكنت خايفه لان حملت بالخطء وانا امانع ولان جاتني عقده من الحمل
ورحت مستشفى ع طول اول ماعرفت اني حامل واخذت اسبرين وحبوب الملكة وفوليك وسويت تحليل هرمون الحمل وكان الحمدلله يرتفع وكمان رحت الجامعه لان صادف اختبارت نهائيه
ومنعتني الدكتوره من المشي والجماع بس شسوي مضطره اروح الجامعه
ولما صار عمر الحمل 6 اسابيع اشتقت لزوجي وزوجي اشتاقلي وجا الشيطان بينا وصارت علاقة واناا اتروش قام ينزل دم ورحت المستشفى ونيموني وحصل اجهاض

بس الحمدلله لا اعتراض وهذي كتبته سبحانه
ولما افكر بكلام الشيخ واهو يقول انو حتى الجنين لمات وحتى لو كان نطفه فيوم القيامه يوقف الجنين عند باب الجنه ويقوله ربي ادخل الجنه ومايرضى الجنين يدخل إلا بأمه وابوه فيحن الله ع الجنين ويدخل امه وابوه الجنه عشان الجنين

الحمدلله ربي كريم اكيد يبي يدخلني الجنه

المهم بعد اجهاضي الثالث سويت تحاليل اسباب الاجهاض وكلها سليمه

وقالت الدكتوره لي مافي سبب طبي للإجهاض والسبب مجهول

وسرت لمراخه لان يوم رجعت لزوجي قامت تجيني الام قويه اثناء الجماع وظهري يعورني طول الوقت
قالت لي المراخه رحمك مايل حيل من الاجهاض والحمدلله سوته لي والحين الحمدلله الحين خفت الالم بس لسى باقي اشوي


والحين من اخر اجهاض 4 اشهر

وطبعا بقولكم احتياطاتي للحمله الجايه عشان تثبت بأردت ربي
1_ احلل عن اسباب الاجهاض >>الحمدلله حللت
2_ اروح مراخه <<الحمدلله رحت بس بروح مره ثانيه
3_ اشوف نفسي عند شيخ عشان يقراء علي عشان لو في عين تروح
4_ ما احمل وقت دراسه
5_ اريح نفسي من الحمل 6 اشهر وطالع


ويلا دعواتكم لي بالحمل السليم

[أستغفر الله]

[COLOR="Teal"]عشقي الأطفال,دلع الأحساء,يمكـ دروبي, الله يرزقكي الحمل السليم الثابت إنتي وكل وحده محرومه يارب[/COLOR]

بحكلك قصتي أنا حملت بعد 6 شهور من زواجي طبعن ماكنت أعرف إني حامل
طبعن كانت بأوله جامعه وكان عندي إختبارات بالجامعه وكان عندي أول إسبوع ماده وحده بس رحت رتبت البيت إيشي شطف المطبخ والحمامات وتكنيس المهم لما تأخرة الدوره 5 أيام
جبت تحليل البيت وكانت النتيجه سالب ورحة حللت دم وطلعت حامل طبعن
بدء الإسبوع الثاني حق الإمتحان وتعرفي مذاكره ومشي كثير وطلوع الدرج
والنزول وأنا ماكنت أنتبه لحال أبدا وكان زوجي مرى مبسوط
وبعد ا الكل عرف إني حامل ضحكو علي مرى قلو شكلك مرى مو ضابط
المهم ماما سوةت عمليه بعينها كان يوم السبت و بنفس اليوم جدي الله يرحمو
دخل المستشفى ومات الأربعاء بنفس الإسبوع
طبعن زوجي إشوي إنشغل بوفات جدي وبعدين خبر أبو إني حامل
وأبو خبر مرتو الثانيه ونتشر الخبر على طول أنا حس إنو عين جتني
والشهر الثالث كان عندي موعد وقالتلي الدكتوره إن الجنين ميت
والله ما تتخيلو قديش زعلت وبكيت بس ربي يعوضني إنشاءالله
وعلى فكره أنا ماسوية عملية تنضيف والحين صارلي سنتين من زواجي
وماحملت والكثير يقولي روحي سوي عملية تنضيف إنشاءالله راح أسويها
يمكن هي سبب التأخر الحمل الله يكتب إلى فيه الخير

[عشقي الاطفال]

المشاركة الأصلية كتبت بواسطة حوريه السعوديه

حلو الموضوع وان شالله نستفييييييييد

نورتي ياعسل وان شاء الله تستفيدي منو الشهر دا يااارب