كل وحده لها طريقتها في تنظيف وترتيب بيتها كل وحده تدخل وتكتب جدولها الاسبوعي

[يمكـ دروبي]

السلام عليكم ورحمة الله وبركاته
مساء الخير يا حلوات

يابنات انا تو متزوجه من خمس شهور تقريبا والى الان احس نفسي ملخبطه يعني كل الاسبوع احس اني اشتغل
ولا يوم ارتاح
يعني من غسيل الى كوي الى تنظيف
عاد تعرفون اجواء الرياض والغبره
فـ اتمنى القى طريقه اكون فيها مرتبه وقتي
والقى وقت اهتم فيه بنفسي
كل وحده لها طريقة في تنظيم وترتيب وتعطير منزلها
كل وحده تسدح ترتيبها الاسبوووعي ليستفييد الكل

يلا صبايا نشوف تفاعلكم للموضوع ,,.

[cute poison]

مافي احد ينظم بيته هنا ههه
اول شي طبيعي اللخبطه الي انتي فيها
ثاني شي انا لانو عندي دوام احب اخلي اغلب الشغل زي تنظيف الثلاجة والفرن والحمامات والكوي فالويك اند
لكن خلي تنظيف المجالس قبل الويك اند اذا عندك ضيوف والغسيل طبعا قبل الكوي بيومين او يوم حسب طريقتك
والشغل اليومي طبخ وتنظيف المطبخ وكنيس وترتيب الغرف اذا احتاج الموضوع

بالنسبة للتعطير حطي في كل غرفه فواحه والصبح مثلا وضروري بعد الطبخ ولعيها فالبيت
ومره فالاسبوع بخري بيتك انا احبه كل يوم بعد الطبخ بس مش متوفر عندي كثير اكتفي بالفواحه عشان التوفير

[يمكـ دروبي]

مشكوره غلاتي

[ضوى العتمة]

بصراحه انا مالي جدول معين .. احاول اخلص كل شي بنفس اليوم يعني احط الغسيل

بالغساله .. بعدين اكنس وامسح .. بعدين اشر الغسيل واذا نشف اكويه ..

واحاول بهذاك اليوم ماعندي طبخ عشان ما ارهق نفسي .. الله يكون بعون الجميع

[كل الحلى]

أنا بقول لك جدولي اللي مريحني ولي عليه تقريبا سنة
لأني كنت مثلك بداية زواجي مره ملخبطة كل يوم أشتغل وأرهق نفسي

المهم جدولي كالتالي:

الحمامات طبعا أغسلها كل يوم الصباح بدري ,, وغرفة النوم أرتبها يوميا إذا صحيت..

السبت :يكون غسيل الملابس كلها وتنظيف المطبخ.
الأحد : أكوي الملابس كلها طبعا لأنها تكون كثيرة فأخلي لها يوم كامل
الأثنين: أكنس الأرضيات والغرف كلها بعدين أمسحهم وأمسح الأثاث اللي فيهم.
ويكون عندي الثلاثاء والأربعاء مع الويك إند فاضية ماأسوي شيء
إلا إذا إضطريت يعني ..

أما الثلاجة ودواليب المطبخ كل شهر أعزلهم وأنظفهم وأرتبهم من جديد
وبعد نفس الشيء الشبابيك كل شهر أنظفها وأمسحها

والبيت أبخره كل يومين

وكذا دايما بيتي نظيف وريحته حلوة


وهذا جدولي مريحني مره وأتمنى إذا عجبك تجربيه وأكيد راح ترتاحين

[يمكـ دروبي]

يسلمو حبيباتي

كل الحلا مره اعجبني يعطيك العافيه

[عشق الطفولة]

كنت مسوية لي جدول و معلقته عالثلاجه
هههههههههههههههههه بس ما طبقته ضيوفي كثير و الشغل يومي
فاستعين بشغالة الوالده اللي يحفظها من كل شر

بس فيه شغل يومي مثل غسيل الحمامات و المغاسل و مسح المرايا و التحف و الماسات و كنس غرفة جلوسك انتي و زوجك بالاضافه الى شغل المطبخ اللي ما ينقطع << هذا الشغل يومي

اذا كانوا ضيوفك قليل و ما في الا انت وزوجك خلي كنيس البيت و مسح السيراميك كل يومين


فيه شغل اسبوعي مثل تنفيض البيت و الكنبات و الاثاث بصفه عامه عشان الغبار لا يتراكم و يصير صعب تنظيفها بالاضافه الى غسيل الملابس خليه يوم واحد بالاسبوع عشان ترتاحي الا للضروره و الكوي نفس الشيء يوم واحد بالاسبوع

اما الشغل الشهري فيكون تنظيف الشبابيك و مسحها تنظيف دواليب المطبخ و الثلاجه و مسح الجدران

و الله يكون بعوننا الاشغال ما تنقطع ابدا

[يمكـ دروبي]

يا بعد روحي والله عشوقه
تسلمين يا الغاليه

[Almasah]

:)
ماعندي جدول معين
لكن
غسيل الحمامات وفركها كل اسبوع اختر بيوم السبت او الاحد تقريبا بمنظف جف احط جف واروح اسوي لي شغله وارجع افركه واغسله واتحمم مره وحده
يوم امسح الارضيات وانفض الغبار اختار يوم بالاسبوع واوقات مع الغبار يومين
غرفة النوم كل يوم ترتيبها وتعطير السرير بمعطر مفارش وارش من عطري تطلع ريحة الغرفه تجنن
الملابس تقريباً اغسل يومين ورا بعض ويوم لا يومين ورا بعض ويوم لا
لأني مااحبهم يتراكمون بالغساله يطلعون ريحه وخصوصا زوجي مايرجع من العمل الا حده عرقان والمغرب او الفجر بيطلع يجري فملابس الجري برضوا تكون معرقه
يعني اغسل السبت والاحد والاثنين لا واغسل الثلاثا والاربعا والخميس لا وهكذا
وترتيب الملابس كل يوم بصفط وبحطهم بدولاب بالنسبه للكوي اكوي الشيء اللي بلبسه قبل ماالبسه بنفس اليوم او قبل بيوم
اغسل ملابسي انا وزوجي بيوم ويوم ثاني ملابس بنتي وهكذا
المطبخ غسيل المواعين هذا هم كل مااستخدمت مواعين اغسلهم
الفرن امسح متى مااحتاج الأمر امسحه
والثلاجه يمكن بالشهر مره امسحها ومن داخل دايم ارتبها اذا بحط الاغراض فيها بالترتيب فتبقى مرتبه على طول والدواليب كذلك دايم مرتبين

ونصيحتي لك رتبي بيتك اول بأول مايتراكم الشغل
اذا تحبين ارتب لك جدول من عيوني

[يمكـ دروبي]

يابعد قلبي والله ..
انا اللي موهقني دوام زوجي والسهر ..
يعني يداوم 8 او 9 وارجع انام لين الظهر ..
وبعدها اقوم ولا اعرف وش اسوي وش اخلي ..
ويجي المغرب ينام شوي وبعدها نطلع او نسهر بالبيت لحد الساعه 3
وعلى هالحال .............................................