مثل ماوعدتكم قصة ولادتي بالتفصيل الممل

[باربي كيوت]

السلام عليكم ورحمة الله وبركاته
كيفكم بنات ادري اني طولت عليكم

بس هذاي جيت مثل ماوعدتكم وبكتب لكم قصة ولادتي بكل التفاصيل
وعشان البكريات اللي مثلي يكون عندهم خلفيه بكل شي


بسم الله أبدأ
أول شي مثل ماانتو عارفين كنت مييييييييته ودي أولد بأي طريقه وجربت تقريبا كل شي ولا أراد الله



وكل مارحت قالولي الرحم مسكر
المهم
رحت لدكتورتي عشان تكتب لي طلق صناعي لأني دحلت بالعاشر
يوم دخلت قلتلها معليش تدخليني بكرا قالت اوكي بكرا تجين بعد الساعه 12 بالليل ونعطيك طلق صناعي
أنا كنت أبغى بكرى لأن أهلي اللي يعرفونه ان موعد الطلق بعد بكرى
وأنا طلبت من الدكتوره بكرى عشان اهلي مايدرون


لأن امي مسكييينه مرررررره حايفه علي واخواتي بعد
عشان كذا
والله يابنات ماتدرون وشلون قظيت ذاك اليوم أنواع الصياح وضيقة الصدر لأني ماأدري وش بيصيرلي

وزياده ماأحد يصبرني اللا زوجي وتعرفون الرجال مايعرفون
لا وبعد أكلم امي وأقولها ان الدكتوره قالتلي موعدك بعد بكرى وهو بكري بس ماابغى اضيق صدرها


وبعدين نظفت البيت وولمت شنطتي وشنطة النونو
وحطيت لي موية زمزم مقري فيها ايات تسهيل الولاده
وكف مريم
وسبحه
وكتاب ادعية تسهيل الولاده.....الخ
مشينا للمستشفى وكانت الساعه 1 بالليل وضااااااااااااااااااااااااااااااااااااايق صدري

بشكل ماتتصورون
وكان الجو غبار وهوااااااا وفاضيه الشوارع

دخلنا المستشفى <الحبيب بالعليا> وكان فاضي ومسكر كل شي جلست وشفت وحده توها طالعه هي وزوجها قالولها مافيه ولاده قلت ياحظها ماشاء الله ماوراها طلق
عمل زوجي الاجرائات

وأحذتنا سستر فوق بغرف الولاده دحلت ولقيت سرير الولاده والكشاف الكبير عشان اذا جاء بيطلع الراس وفيه سرير البيبي
بالعربي كل شي قلت للسستر أنا بقعد هنا حتى اولد قالت ايوه انا صارت عيوني كذاT0"
جابتلي لبس المستشفى وقلت لزوجي خلاص روح اذا بدى فيني الوجع راح ادق عليك ونزل وغيرت ملابسي
وكنت شاربه خروع طبعا الدكتوره هي اللي طلبت مني
يوم طلعت عطتني السسستر حقنه شرجيه عشان بطني ينظف


المهم وانسدح وتجيني الدكتوره مو دكتورتي هذي بس تعطي الطلق

قالت راح اكشف يوم كشفت علي قالت الرحم مسكر يوم جايت شي طويل ودخلته انا انهبلت وشو قالت هذي التحميله طلق صناعي قلت الحين قالت ايه
بس كانت يدها خفيفه الحمد لله
وكانو حاطين جهاز لنبض الجنين وجهاز لقياس الطلق مررررررره ضايقوني

هالجهازين
قالتلي لاتقومين لمدة ساعتين
والله يهديها الدكتوره ماطمنتني قالت راح اعطيك الجرعه الأولى واحتمال ماتستجيبين
للطلق وتجيك الام من دون لايفتح الرحم والساعه 9 نعطيك الجرعه الثانيه وأنا ادعي ربي دائما ان يسهل ولادتي


ومن يوم حطت التحميله بدأ الألم وجاي على اخر ظهري احس انه بينكسر
ومشكلت الصناعي م
الطلق ورا بعض مافيه فترة راحه عجزت اسوي شي من اللي جبتهم
المهم ويأذن الفجر وأنا مااقدر اقوم من التحميله

والسستر اللي عندي فاضيه تقول اني مدام بيوتفل وانا امشيها اقول ثانكيو
يوم عدها طلعت الشمس قلت للسستر بقوم اصلي لعلها اخر صلاة اصليها فكت الأجهزه ورحت للحمام الله يكرمكم


وانا كل ماجت طلقه اركع واللم رجولي وتوضيت وصليت وتجيني الطلقه وانا اصلي واطووول بالركوع والحمد لله خلصت


تحسفت بالأغراض اللي جبتهم رحت وشربت شوي زمزم ورشيت على بطني
بس كف مريم ماشربت منه ولادعيت من الكتاب واستغفرت شوي ماقدرت من الطلوق

يوم زاد قلت للسستر جيبيلي مسكن راحت وجابتلي الأكسجين
دقيت على زوجي وانا اتوجع واكلمه واذا جت الطلقه اسكت واحت الجوال واذا راحت ارجع واشتكي له قلت مااتحمل الوجع أبغى عمليه
قال اللي يريحك اطلبي رحمني
وقال بجي لك بعد شوي


قلت للسستر نادي الدكتوره خلاااااص ابغى عمليه
نادت الدكتوره ودخلت وهي مبتسمه تقول يوم اجيلك المره الأولى تضحكين والحين تبكين أو تتوجعين <<رايقه الأخت
قلت خلاص ابغى عمليه قالت لا مايصلح لو من قبل مانعطيكي الطلق طلبتيها كان اوكي بس الحين لا
بس خليني اكشف عليك


وانا اتأوه جتني طلقه وهي بتكشف السستر تفتح رجولي وانا اسكرهم بالقوه أقول استني شوي
يوم راحت الطلقه قلت يالله بسررعه اكشفي يوم كشفت قالت انتي اخر مره سويتي سونار كان البيبي راسه تحت قلت ايه


قالت أنا مااشوف راس الجنين واذا كان كلامي صح ضروري نعمل لك عمليه
أنا من الوجع قلت ياارب يكون راسه فوق عشان يسوون لي عمليه يوم سمعتني قعدت تضحك

شافت بالسونار قالت الراس تحت بس مرررره بعيد راح افجر المويه عشان ينزل
قلت طيب الرحم مفتوح وللا لسا قالت لا ماشاء الله الرحم مفتوح عندك خمسه أو سته
هنا انا كان شعوري مختلط خاااااااااايفه مره من الوجع اللي بيجيني لأن كل البنات يقولو ان الطلق يحمى اذا انفجرت المويه


قلت لا اخاف يزيد الوجع قالت معليش اتحملي
والشعور الثاني فرحت لأنه انفتح يعني ان شاء الله قرب الفرج
دخلت حديده طويله فجرت المويه وبدت تضغط على راس الجنين على تحت علشان ينزل


ونسيت اقولكم انه مع الأكسجين المخدر جت مساعده اردنيه اسمها مريم الله يوفقها ويسعدها مررررره طيبه وحنونه
وتقوللي انا زي امك وعادي اضغطي على يدي اذا جاك وجع <أنا طبعا استحيت ولا ضغطت أحط كل حرتي ووجعي بممسك السرير أضغط عليه وهي تحط الأكسجين بفمي وتقول حوذي نفس قوي عشان يريحك شوي

جاء زوجي وأنا مو حاسه فيه من الوجع والأكسجين لأنه يدوخ شوي

زوجي جالس بالكرسي اللي جنبي ولا يعرف وش يسوي بس أشوف بعيونه الرحمه
يوم بدأمعي الدفع سبحان الله غصب عني ادفع قالتلي مريم عادي اذا جاك الدفع ادفعي
وهنا بدأت الكرب يعني الدفع جت الدكتوره وكشفت قالت ماشاء الله تسعه ونص يعني خلاص راح ننادي دكتورتك

راحو نادوها ومريم معاي تهون علي بعد الله
وجت ممرضتين زياده يوم جت الدكتوره طلعو زوجي وعطوه جوالي

هنا كنت بس ابغى افتك وارتاح رفعو رجولي وفتحو النور وجلست الدكتوره عند رجولي
قالتلي اذا جاك الطلق ادفعي بأقوى ماعندك
تصدقون حتى وأنا ادفع اعقد وجهي من قوة الدفع تقوللي مريم لا خلي وجهك عادي خلي كل الطاقه تحت ادفعيها

والدكتوره من تحت ومريم وممرضه يضغطون على بطني عشان يساعدون الجنين على الطلوع بعد اذن الله
وممرضه واقفه قدامي ومبتسمه وتشجعني يالله يالله كلهم يحمسوني يقولو خوذي نفس وادفعي ولا تقطعين نفسك حليه متواصل عشان مايرجع الجنين
دفعت ودفعت وكل مره ادفع اكثر من الثانيه لحد ماقالت الدكتوره راح اعملك توسيعه بسيطه عشان تساعدك


طبعا عطوني ابره مع الفحذ عشان كذا ماحسيت بالشق
وتصدقون الدكتوره مو اللي ولدتني الثانيه تقوللي ماتبغين ابرة ظهر قلت لا وحتى السستر اللي كانت معاي تنصحني تقول خوذيها عشان ماتحسي بشي وأنا الحمد لله أعطاني ربي قوه اني أرفض


لأني أنا من أصلي ظهري أحيانا يعورني كيف لو اخذها والجمد لله اني مااخذتها
نرجع للأكشن
دفعت بقووووووووووووه لحد ماحسيت ان روحي بتطلع وأنا مغمضه من الدوخه والتعب فجأه
سمعت اوااااااااااااااااااااااا اواااااااااااااااا
وطلعت حياتي نوني للدنيا


حطوها فوق صدري حسيتها حاااره فتحت عين وحده وشفتها عشان مايغيرونها لي <الله من الوسوسه هههه
وانا من الفرحه أقول بصوت عالي الحمد لله الحمد لله
قالت يالله بأعطيك ابره وتنامين عشان اخيطك قلت لا لازم أبشر زوجي وامي
قالولي جوالك مع زوجك وزجك مو برى جابولي تحويله بالتيلفون اقدر اكلم جوال دقيت على زوجي وبشرته فرح وتحمدلي على السلامه قلت له جب جوالي
أنا كنت محذرته انه يدق على امي لأني ودي انا اللي ابشرها


يوم طول قلت يالله بس خيطيني خاطتني والحمد لله ماحسيت
دقيت عليه واثاريه داق على امي ومبشرها بس من الفرحه اني ولدت ماقلتله شي
عجزت انام من الفرحه دخلت علي امي واختي وانا كشرتي مفتوووووووحه مبسوطه سلمت عليهم وامي انبسطت مرررررررره وقالت والله لو تدرين وشلون انا كنت زمله من بكرى عشانه موعدك وضايق صدري بس الله يجزاك خير اللي ماعلمتيني
وتدعيلي

شالوني للسرير الثاني وتغطيت لحد ماوصلنا الغرفه وأنا مررره فرحانه جاء اخوي وفرحان بعد
قلت لهم روحو الحين وتعالو العصر عشان انام
وتوته توته حلصت الحتوته


بس مررررره تعاملهم راقي ونظيف وتدخل معاي للحمام وتغير لي وتلبسني الفوطه يعني ماشاء الله عليهم روعه
بس يوم راح البنج بدأت معاناتي من الخيوط مرررره تعبوني
طول النفاس وهم يوجعوني بس الحمد لله
والحين عمرها شهرين الله يخليها ويصلحها ويشفيها
مررره متعبتني لأن معاها ماغص
تصيح كثير مو هاديه الله يهديها
التربيه صعبه صعبه بس يالله يوم لك يوم عليك
تصدقون أستغرب من اللي يصيحون ويصارخون بالولاده كيف ؟؟؟؟؟
أنا مانزلت مني الدمعه من الوجع عجزت ولا ارفع صوتي غريبه
حتى الدعاء مادعيت عجزت مالي فرصه
مو مثل الطبيعي فيه فترة راحه بين كل طلقه وطلقه
الله يجعله كفاره لذنوبنا يارب العالمين
تصدقون حتى السسترات يقولون لي انتي سعوديه <مدري ليش اخذين فكره ان بنات السعوديه شينات
قلت ايه سعوديه شكلها استغربت


وبس ادري اني لق لق لق كثيييييييييييييير بس اهم شي طلعت كل اللي بخاطري
وعشان البكريات ياحذو فكره عن الولاده
سبحانك اللهم وبحمدك اشهد ان لااله اللا انت استغفرك وأتوب اليك
تراي تعبت وأنا اكتب يعني لو سمحتو ردوووووووووود واي استفسار انا حاضره

[لماااار]

الحمدلله على سلامتك وسلامة البنوته
الف الف مبروووووووووووووك وتتربى بعزكم انشاءالله
وعقبالنا ياااااارب ..

[عطور فرنسيهے]

مبروووووووووووك وتتربى بعزكم
وعقبااااااااالنا يااارب

[عشق الطفولة]

الحمد لله على سلامتك و الف مبرووووك البنوته تتربى بعزكم

[فليك]

يا قلبي عليكي - ذكرتيني بلحظات الولاده - من جد طلوع الروح الحمدلله بس
اهم شي قيامك بالسلامه - تفرحوا فيهااا يارب .
تحياتي لكي

[Amoorh_770]

الف الحمد لله على سلامتك وعقبالي وعقبال كل حامل دخلت التاسع يااااااااااارب

[Um Dana]

الحمد لله ع سلامتك حبيبتي وتتربى بعزك ..

[الصمت عشقي]

الحمدلله ع سلامتك يالغلا
وتتربى بعزكم يارب
وان شاء الله تكون باره فيكم
وعقبالي وعقبال جميع الحوامل ان شاء الله بالولاده الطبيعيه السهله الميسره من رب العباد

[عبوره الاموره]

الحمد لله على سلامتك والله ياجرك

والله ذكرتيني بالذي مضى والحمد لله أنااا في الاخير عمليه فتح الرحم عندي الي 7 سم بس اللي صار البنوتة اتبرزت الله يكرمك وقالوا عملييييه بس والله ما رفعت صوتي وصارخت ابد ابد

الله لا يحرمنا الاجر

[Baby doll]

الف الحمدلله ع سلامتك وتتربى بعزك ودلالك