قصة ولادتي بأحلى( يزيد )..

[دلوعة سمو]

كيفكم بنات حابه احكيلكم قصة ولادتي بولدي يزيد
انا عندي بنت وجبتها قيصري بسبب اختناقها وكانت ولادتي بيزيد على اساس انها طبيعي وكنت مقرره اشد حيلي واجتهد قد ما اقدر عشان اولد طبيعي بس قدر الله وما شاء فعل ولدت قيصري ...
السالفه من اولها اني دخلت التاسع ورحت لدكتورتي شافت وضع الجنين انه مايل على فخذي اليسار قالت لي امشي قدما تقدرين عشان يتعدل وينزل الحوض وكنت اروح الكورنيش وامشي مع زوجي بس على خفيف لاني ببنتي هلكت نفسي مشي وفي الآخر قيصري مانسيت الم رجولي والعمليه فمو حابه اتعب نفسي
وكل يوم امشي حق نص ساعه مشي قوي وبعدها آخذ شور وارتاح
رحت بعد ماعدى اسبوع قالت باقي نفس وضعه وعدى الاسبوع الثاني والثالث نفس الشئ ما تعدل لما خلصت الاسبوع الرابع رحت وكانت المفاجأه قالت الدكتوره انه مو بس مايل على اليسار هذا مررره ارتفع وبدأ يستعرض<<يعني يروح بلعرض
هنا انا خفت ونزلت من المستشفى سيده على الممشى وزوجي يشجعني ونمشي نمشي نمشي وكل يوم امشي لمدة ساعتين يتخللها راحه مصحوبه بقهوة ميكاتو اللي اموت عليها وعصير وكاكاو
الموهيم خلص التاسع ورحت لها اول يوم بلعاشر برضو ماتغير قالت هنا احنا لازم نسوي عمليه بس بتركك يومين اذا ما تعدل بنسويها السبت
ويوم الثلثاء في الليل استخرت ربي ان اللي فيه خير يصير ونمت وكنت بس ابكي وزوجي يهديني (لاني بصراحه وددددي اجرب الطبيعي احس له متعه كبيره وتجربه رائعه)بس الحمد لله
نمت وعلى الساعه 9ونص الصبح جاتني مغصه قووووويه صحتني من النوم وخلتني اوقف وقتها فرصعت عيوني (فرصعت<<تعني فكيت عيني اقوى شئ)
قمت وصحيت زوجي قلت مغصه طلقه قوم قال لا تمزحين قلت والله قال يلا عاد انا خفت قلت لا خليني شوي رجعت انسدحت وشفت ساعة الجوال وغمضت عيني الا وتجيني طلقه ثانيه زيها واقوم اشوف الجوال الا بينها 10 دقايق سكت ما صحيت زوجي شوي وتجي الثالثه بعد 9 دقايق هنا انا قلت لا لا قوم بولد ورحت جري عند ماما حتى ما دقيت الباب وابكي واقول ماما بولدقالت معاكي مغص قلت جاتني 3طلقات بينهم 10 دقايق قالت خذي دوش واستني قلت لها لا احس البيبي بينزل هنا ماما طالعت فيه باستنكار قالت يلا بلا دلع وش ينزله توك يلا روحي خذي دوش عبال ما اسوي لك شئ دافي
نزلت واخذت دوش ولبست وطلعت عبايتي وشنطة الولاده وكانت المغصات تيجي وانا استغفر واجلس وقت المغصه جات ماما وقت طلقه سرت اقول لها ما ابغى اشرب شئ بين الطلق 5 دقايق يلا بموت وسرت اصرخ ويهدوني والشغالات يبكون ويمشوني للسياره وانا مافيني طلق بس من الخوف يخالطه دلع يخالطه رهبه الموهيم رحنا وفي السياره كنت اتلوى ورى وابكي لما تيجي الطلقه وصلنا دخلت الطوارئ قاسو الضغط وزنوني شافو حرارتي جات القابله تبي تقيس وقت الطلقه وانا احلفها ما تعورني واترجاها وقاست لي قال2س واتصلو على دكتورتي جات وقاست لي وقتها كان الطلق يشتد وحااااامي قالت البيبي يدف على الفخذ اليسار وهيه تتألمعلى الفاضي قمت وصرخت على الفاضي لالالالالالالا وابكي ويجي زوجي يضمني ويهديني وانا سويت فلم هندي اقول لي 4 ساعات عذاب وعلى الفاضي وابكي واقول ياربي ارحمني ياربي ساعدني بسرعه الدكتوره انفجعت وحزنت على لان الطلق قوي وفي الظهر وتقول لو النونو في الحوض كان ساعه بلكثير وولدت..
وانا اسمعها مع انها موطيه صوتها وتقول لماما هذا الكلام وابككككي ...
عدمت صدر زوجي دموع واشياء ثانيه <<<ماعلينا
وجو عقموني ولبسوني لبس العمليات ونزلوني وكان الطلق مستمرفي المصعد حتى وهم ينقلوني من سريري لسرير العمليات بدأو يعدون ون تو جات طلقه قلت ون منيت ون منيت وعلقت على الكلمه دقيقه كامله يمكن قلتها 20 مره زوجي يقول كنت ميت ضحك رجيتي المستشفى...
دكتور التخدير حبوب خلاني اتشهد وخدرني بسرعه يقول بريحك من الالم..
وما صحيت الافي غرفتي وماما وزوجي على راسي يهنوني ووقت الافاقه مرررره مقرف طعم البنج والم العمليه وكنت اهلوس بس انادي باسم زوجي كانت امي تسكر فمي عشان لا ينشف حلقي من كثر الهرج..
صحيت اسأل عن ولدي قالو بخير طيب بكايه شفناه طلبه زوجي لاني ابكي واحلفهم هو بخير هو سليم
جا يزيدي وبسته وشميته بعدين نمت وصحيت بعد ساعتين طبعا اللي مجربين القيصري دارين ان ما فيه اكل ولا شرب وكنت هفتانه وودي اشرب مويه بس ممنوع شربني زوجي بالدس عصير<<فديته يقول مصه وحده أخذت مصه عن 5 مصات سار يقول زودتيها
والحمد لله قعدت في المستشفى 4 ايام مرررررره صعبه الحمد لله يا ربي..
ولي الآن 20 يوم من ولدت الحمد لله الجرح الداخلي والخارجي طابو بس بخلص اربعيني عند ماما ..
معاناتي الآن مع بنتي مو راضيه تتقبل اخوها حتى ما تبي تبوسه جاري توطيد العلاقه بينهم والله الميسر ...
الله يخليهم لي ولا يحرمني منهم على رأسهم زوجي الغالي فديته تعب معاي وقت حملي وبولادتي وما بعد ولادتي الله يخليه لي
عمري ما انسى وقفته معاي فديت قلبه...
وبس..
عقبالكم كروشات والف مبروك للي ولدو ,,,
وبعرض صور صورتها للذكرى وحابه تشاركوني ذكرياتي..

[راجيتن الله]

ألف ألف مبرووووووووووووووووووووك

ياالله أن شاء الله المره الجايه طبيعي

بس ليه القيصري ماتاكل ولاتشرب .؟ يعني وش بيصير اذا كلت

وكم يوم تجلسي ماكلتي ولاشربتي

[بنت الجامعي]

الحمدلله على سلامتك انتي والبيبي وألف مبرووووووووووووووووووووك

[فديت روحك]

حمدالله ع سلامتك والف مبروووك

[دلوعة سمو]

المشاركة الأصلية كتبت بواسطة راجيتن الله

ألف ألف مبرووووووووووووووووووووك

ياالله أن شاء الله المره الجايه طبيعي

بس ليه القيصري ماتاكل ولاتشرب .؟ يعني وش بيصير اذا كلت

وكم يوم تجلسي ماكلتي ولاشربتي

هلا حبيبتي
القيصري ما تاكل لان الجرح توه وحركة الامعاء تأثر على العمليه ويزيد الالم
والغازات تأثر عليه فأول يوم ممنوع الاكل والشرب
ثاني يوم سوائل دافيه مو حاره
بعدين ثالث يوم يبدأ الاكل على خفيف يعني اكل موجامد شوربه وخضار مسلوقه ..
رابع يوم خلاص على كيفك....

[دلوعة سمو]

هلا فديت وبنت الجامعي نورتو موضوعي...

[فروووحـــــه]

الف الحمدلله على سلامتك وسلامة يزيد ويتربى بعزكم ان شاء الله

[روحي تهواك]

مبروووووك ألف مبررروك وحمدالله ع سلامتك وسلامة يزيد
وعقبااااالناااا يااارب...وعقبال ماتجيبي الثالث طبيعي انشاءالله

[مهتويه]

يا الله الحمـــــــــــــــــد لله على ســــــــــــــــــــــــــــــلامتك .. دمعت عيوني )":

[شمايل بنت الدمام]