محتاجه رايكم اخواتي بخصوص الربط

[وردة الفل]

هلا اخواتي انا الحمدلله حامل وبالشهر الرابع بس مشكلتي ان قبل هالمره كنت حامل وبالشهر السادس ربيت والبيبي ما عاش المهم بعد ولادتي راجعت كذا دكتوره وقالولي ما عندج شي ابدا ولما اسالهم ش سبب الولاده المبكره يقولون ما في شي من الله وانا الصراحه لما كنت حامل المره الاول ف نفس اليوم الي ربيت فيه كان قبل بيوم راجعه من سفر ف سياره طريج مسافة اربع ساعات وفي اليوم الي بعده كان عندي موعد ورحت الموعد والدكتوره قالت كل شي اوك يعني ما قالتلي ان عندي شي وف اليوم الثالث طلعت رحله عند الاهل مسافة ثلاث ساعات وبعدين رحنا مكان ثاني بعد ساعتين وتقريبا مشينا ساعه في طريج رمله كله مطبات طالعه نازله طالعه نازله وبعد ما رجعنا البيت بعد ساعه ياني الم ف بطني وع طول المستشف قالولي. ولاده وربيت ف نفس اليوم المهم بعد معاودات ع كم دكتوره في دكتوره لما خبرتها موضوع الولاده قالتلي الحمل الياي تسوين عملية ربط طبعا من دون ماا تفحص علي بس لما عرفت اني. ربيت ف السادس ع طول قالت يبالج ربط وانا محتاره لان كل الدكتورات الي رحتلههم قالو ان الرحم عندي مسكر ما يباله ربط وحتا الحين لما اراجع الدكتوره تقولي كل شي عندي تمام والاهل يقولي انتي ربيتي من مسافة الطريج والمطبات الي رحنا فيها لان الولاده صارت بسرعه بعد ما رجعنا انتو شو تنصحوني انا محتاره

[حكاية حلم]

ياقلبي الله يعينك ويتمم حملك خير ويرزقك الذريه الصالحه
والله حبيبتي ماعندي خلفيه ان شاءالله البنات يقدرون يساعدونك
الله يتمملك ويفرح قلبك ويطمنك

[hnen]

الله يتمم حملك يااارب
حبيبتي أنتي ولدتي في المرة الأولى بسبب السفر والطريق لازم تنتبهي على نفسك المرة هذي لا تسافري ولا تروحي طرق صعبة

وما دام أن الرحم عندك مسكر ماله داعي تعملي ربط
أنتي روحي عند دكتورة ثانية وشوفي وش تقوول وأستخيري قبل ما تعملي أي شيء
بالتوفيق يا غلا

[نسيم الطفوله]

مثل ماقالت لك الاخت راجعي عند دكتوره غير
والله يتمم حملك وتقومين بالسلامه

[طبيبة القلوب]

فعلا ارهقتي نفسك جدا بالطريق يا اختي ...غالبا هي السبب
حاولي بهذا الحمل انك تخففي حملك وروحي عند اشطر طبيب خليه يعطيكي رايه ...بموضوع الربط ....




والف سلامة عليكي

[الملاك]

استخيري ربك قبل كل شي وانتبهي من الحركه لان هي الي تنزل المشيمه والطفل تحت انا الحين لان ساكنه بالدور الثاني المشيمه عندي ناااااااازله الله يستر يارب....وبخصوص الربط الرحم افضل شي انك تعرفي احسن دكتوره عندك بالمنطقه واستشيريها مع ان الرحم عندك مسكر بس يمكن الدكتوره قالت لك كذا تاخذ الاحتياطات....والله يرزقك بالولد الصالح يارب وتقر عينك فيه

[وردة الفل]

مشكورين ع الرد بس الدكتوره الي اراجع معاها وايد شاطره وع فكره راجعت دكتوره ثانيه قالت نفس الكلام رحمي مسكر ماله داعي ربط

[ام دحوم]

السلام عليكم
هلا اختي انا الحين حامل وجتني ولاده مبكره في الشهر الخامس وجلس في المستشفي 3 ايام قالتي الدكتوره بسويلك ربط عشان الرحم كان مفتوح عندي 2سانتي ورفضتها وانا عندي ولاده مبكره قبل هاذا الحمل ولا سويت لا هاذا ولا الاول توكلت على الي ماتنام عينه وانتي شوفي اذا عندك اجهاض من قبل بدون اي مجهود سويه بس انا اتوقع انك اجهتي نفسك بحملك الاول اسأل الله العلي العظيم انه يعوضك في الاول وتمم حملك على خير