الي تطمني بدعي لها من قلبي.....!

[الملاك]

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

اخوااااتي انا بالشهر السابع الحين بكرريه عمري 18 سنه خاااايفه حييييييل من الولاده دايم انام وانا دمعي على خدي من التفكير وانا معي هبوط بالضغط والسكر ودايم ينزل من كثر التفكير لدرجة ترقدت اربع مرات بالمستشفى لان اغمى علي .... وكل ماسالت وحده من قرايبي ابيها تهون علي يزيدووني خووف الي تقول تحسين الموت والي تقول 99 ملك يسحب روحك غير واحد يرجعها والي تقول يدخلون بك حديده عشان تنفقع المووويه من جد احس تعبببببببببببببببببت

الحمد الله اقرا قران واحصن نفسي ودايم اشغل سورة البقره بالبيت احس برااحه بس يرجع كابوس الولاده يلاحقني ........الحين وربي اكتب ودمعي على خدي معقوووله الولاده للدرجه ذي صعبه طيب وشلون امهاتنا جااابووو انا لما اسال امي تقول لاتفكرين وبوقتها ربي يسهلها بس.....

انا افكر اطلبهم يسوون لي قيصري عشان مااحس بشي...!!؟ بس اخاف انه حرااام ..؟
ايش رايكم وتتوقعون الدكتور بيوافق ...!!؟
والي جربت الولاده تحكي لي بالتفصيل عن الام وبكل اماااانه عادي حتى لو تعور تقول اصلا تعودت اسمع بس ابي اعرف زيااده..

دعواتكـــــــــــم لي جزاكم الله خيييييييييير............

[دافئة المشاعر]

ياقلبي عليك
ترى كلامهم مزودينها
كل وحده تختلف عن الثانيه بدرجه آلم الولاده
ياعيوني انتي التعب لابد منه بآي شي بهدنيا مو ولاده وبس صح معاي بهشي؟؟
والولاده صح وضعها يختلف بس ماتدرين ربك راح يسهل لك ان شاء الله
وصدقيني مكبرين الموضوع زياده عن الزوم ربك يسهلها بوقتها
وانا قدامك مو اول مره وانتي قلتي امهاتنا
لاتتعبين نفسك ولا شي وتوكلي ع ربك
ولاتسوييييييين قيصري وربي الطبيعي احسن بمليون مره
ربي يبعد عنك العمليات
وان شاء الله بس تولدين بسلامه تقولين لنا عكس ماتوقعت

ربي يحفظك

[ساهرة]

بكون صريحه معاك الولاده تساهيل من ربنافي نساء يولودون ولا كان صاير شي معهم نهائيا
وناس تتوجع وتتالم بس انصحك لاتخافي ولا تتوتري حطي ابالك انك بتشوفي طفل جديد بحياتك وبتكوني ام وهلاحساس يخفف عليك يعني الي خوفونك يمكن ولادتهم عسره وانتي تكون يسره من الي مايحسون بها
وفي طرق كثيرة تسهل الولاده
اولا الطلق يصير سهل حيل اذا تنفستي صح
عن طريق اخذ نفس وزفير
اما الالم فقط هو خروج الراس
والطلق مثل الام الدوره بضبط بس اقوى بشويه
يعني مابه خوف ابداا توكلي على ربك وادعي بصلاتك ان تكون
ولادتك سهله ويسيره
ولاتفكرين بلقيصري نهائيا
وربي يقومك بسلامه

[الملاك]

اخواتي الي ردوو علي ربي يجزاكم خييييير ويعطيكم العافيه ويكتب لكم الاجر وجعلها في موازين حسناتكم...طمنتووني شوووي ربي يسعدكم دنياااا واخرررره وتفرج عنكم همومكم وكل من ردت علي او بترد علي!!!!

[شـامـخه رغـم الظروف]

حبيبتي لاتخافي توكلي على ربك ربي يسهلها ان شاءالله
انا مثلك بكريه وبالسابع ع 19مااحب اسمع عن الولاده منشان مااخاف
انا افكر اخذ ابره الظهرماتحسي بالالم بس ماادري لها اضرار او لا

[سموةالجرح]

ياعمري طنشي هالحكي اصلا سبحان الله ربي يسهلها

ادعي دائما

اللهم هون الطلق واحسن الخلق

[الملاك]

جــــــــــــزاكم الله خير ربي يعطيكم العافيه ويهون عليكم يارب...

[ام صويلح]

يابنات ما انصحكم بابرة الظهرلان له اضرار اكثر من فوايده والام الولاده الطبيعيه تختلف من وحده للثانيه مثلا انا خالتي تحس بمغص عادي وعلطول تولد وبدون الم
وانا ولادتي الاولى صحيح تعبتني بس تصدقين والله اني نسيت الم الولاده وما اذكره ابدا والحين انا في الشهر التاسع وناسيه الم الطلق صدقيني بعد الولاده مباشره تنسين الالم كله و
الله يسهل عليج وعلي وعلى المسلمين

[الملاك]

امييييييين يارب العالمين.........ربي يطمن قلبك وجزاك الله كل خير

ايش الي يسكن الالم ابرة الفخذ او الظهر من غير ضرر...!!!؟

انا ماابي اسوي شي اندم عليه طول عمري ....ياليت الي جربت تفيدني وتفيد غيري لان فيه كثير مثلي بكريات ومافي خوات اكبر منهم يتعلمون منهم مالنا غير الله ثم انتم.......اللـــــــــــه أكـــــــــــبر
سبحــــــــان الله وبحمده
سبحـــان الله العظيم
استغفر الله

[اميرةفى امانيها]

حبيبتى اذا خايفةدورى على مستشفى خاص كمامة تخدير اوابرة ظهر انا اخذتها بولدى الكامة تنامى وماتحسى بس اطلبى مستشفى ممتاز واذا انفكت الموية تطلبى مسكن واللة يسهلك انتى باى مدينة