خكري يسولف

[كاتمة الاحزان]

مساء الورد هذا الله يسلمكم يوميه من يوميات خكري ...
ــــــــــــــــــــــــــــــــــــــــــــــــــ ـــــــــــــــــــــــــــــــــــ
في يوم من ايام

دخل الولد الخكري البيت ويقـــــول:
رطوبه
رطوبه
حررر تفشش
خلاص تعبانه
يؤ قصدي تعبان

العجيز .. اقول ياجعل عيني ماتبكيك ورا ماتتمرجل مع الرياجيل
وتصير ذيب
لعن ابوك انت طالع على من؟
انا يوم اني بسنك كنت اقود قطيع من الغنم واقود قبيله مثلك

yay: ماما اش معنا غنم .. اييه قصدك الخروفه

العجيز:اييييييييييييييييه ياروحي تقول خروفه ها
ياحره قلبي
ابوك يوم كان بسنك كان يطارد ورا الاسود يبي يصلخ
جلدها ومن ثمن يبيعها ..يدور ورا رزقه
انت لو يطب في حظنك عنكبوت انكسر حوضك

yay: ماما يعني بابا كان زي ماوكلى؟

العجيز :لعن ابوابوك الى يسمع سوالفك يقول
عمرك ثلاث سنوات وانت ترا جالس تبحر بالعشرين
اقول تقلع من قدامي لا تخليني اتخلى عن انوثتي وارتكب فيك جريمه
ترا مو ماسكني عنك الا صله القرابه
..
yay :خلاص ماما بروح انام

العجيز: نم ياجعل تنام فوق ظهرك تريله .. ربها تقسي عظمك يالرخله


yay:ماما ؟ ليش انتي عدوتي ليش انتي دايم تحاولين تحطمين مشاعري
ليش انا مو دلوعتك يؤ قصدي دلوعك انا مو ضناكي الى تخافين
عليه

العجيز: تصدق احرجتني بكلامك تصدق حمرو
خدودي وبجلس ادق راسي اسفا للى سويته فيك
وراك والله ماذقت عقال ابوك وهو على ظهرك

yay: ماما تدرين وش اتمني ..

العجيز: وش تتمني يا هيفا

yay: اتمني بس تشوفين حليمه وتاخذينها قدوتك

العجيز: وش انتي ياحليمه ؟

yay: بنت بولند ياماما

العجيز: اقول ليت والله تاخذ اخوك خلف قدوت(ن) لك مع انك اكبر منه بسنه
هذاك والله الى شعر شنبه اكثر من الشعر الى بجسمك
هذاك عزوتي .. وسندي

العجيز: يااي

yay: يس مام
العجيز: وش يس ذا جعل تيس ينطح ذنبك .. يالسفنجه
انت من الى علمك الهرج هذا
قل لبيه يمه سمي يمه

لو طب علينا حرامي وش بتسوي ياروح ماما
yay: بشد شعره وبقوله عيب عليك<<<<<ههه حلوة

العجيز: لاتكفى ارحمه مسكين
وانت تفكر الحرامي مخلي شعره مثلك ياباربي????
الحرامي يجيك في وجهه جرح سكين اعرض من يدك


yay: يووه لا تخوفيني ماما اجل بقوله حوحو خذ كل شي الا
السكيتن حقتي واغراضي من بدي شوب خلها لى الله يخليك
العجيز: الله... وانت منت بمسويله شي ؟

yay: وش اسويله ياماما بقوله لا تسرق ترا السرقه حرام

العجيز: بس

yay: يس

العجيز: الله يخلف على امن جابتك بس
((على دخلت خلف من الشارع ))

العجيز: تعال خلف تعال

خلف: سمي يمه لبيه

العجيز: هلا بعزوتي وبسند ظهري هلا
لو دخل علينا حرامي ياخلف وش بتسوي فيه.. امتعني سمعني اطربني

خلف: بكسر ظهره بعدين بدعس على رقبته واقطع يده وافك ركبته...
واعلقها على باب الشارع عضه وعبره لغيره

yay: يووء بتسوي فيه مثل ماسوو في بطل فلم الحريه مسكين

خلف : سكين والله تقطع اذنك ذي الى كنها كليه فار

yay: يو ترا ما استحمل الكلام ذا ترا ما اعرف انام اخاف..
بروح انام احسلى من الجلسه معاكم يا عيال دراكولا؟

العجيز: دراكولا يمص دمك هذا لو عندك دم ماطلع الى بجسمك عصير دناو
احد يقول عن امه كذا؟


yay: خلاص ماما سوري

العجيز : سوري يهابدبك بجدران دمشق قول امين

yay: ماما ترا بروح بعد ما الشمس يخف زعلها محل نكتار
بشتري لى بعض الحاجات مخلصه من عندي

العجيز: وش يخف زعل الشمس ماخبرت الشمس تزعل ؟

yay: يعني يماما لمن تبرد اشعه الشمس يعني بعد المغرب

العجيز: وراك ماتطلع بالضحى ياجعلي اضحي فيك العيد الجاي...
قصدي والشمس زعلانه

yay: لاماما اخاف على بشرتي تتعور

العجيز: لاعاد تقول ماما ياجعل مومياء تحضنك ...ياللأنثى
وبتروح مع من ؟

yay: بروح مع اصحابي وائل ولؤى وهيثم

خلف يطمر من بعيد ويقول :على فكره حبيبي جااي اخبار وائل وشلونه هو

yay: وليش تسئل عنه؟

خلف : بس اسئل عن حاله

yay: زين تمام وتوه ماخذ شهاده في رقص الباليه

خلف: والله انا الى برقص من الفرحه

yay: وشو ماسمعتك

خلف: لالا سلامتك توكل بس

yay: ثانكس بباي

العجيز: اقول خلف وش جالس تثرثر به انت وخوك المايع مهيب عوايدك

خلف: لا ..بس اخوي واشوفه لايكون يمشي مع ناس صايعه ولا شي خايف عليه

العجيز: ليته يمشي مع هالصايعين ولاهو جالس يتمكيج قدام التسريحه كل يوم

خلف: والله يايما كان سمعتي عن قصه برجس ثانيه

العجيز: وشو

خلف: سلامتك يالغاليه..

العجيز: اقول ياوليدي ورا ما ندخل اخوك ياي العسكريه ربه يترجل

خلف: انسي انسي الموضوع هذولا عسكر جياعه والله ليشوفونه
يحسبونه اليسا تتمشي قدامهم بلبس عسكري
((وبعد ان خف زعل الشمس وجا وقت المغرب))

yay: مامي انا طالع

العجيز: وين رايح يا سالى ؟
yay: يؤ مامي نسيتي بروح نكتار

العجيز: ايه ذكرتني طيب وانت راجع جب معك خبز

yay:ليش مام

العجيز: .. بتعشي ياجعلى اتعشي يوم عرسك...... مهما كنت ولدي وابي افرح بك
مدري انت الى بتخطب ولا هم الى بيخطبونك ياحسرتي بس

yay: لامام بجبلك كلوب هاوس

العجيز: كلاب والله تعض خصرك ذا الى كأنه خاتم

yay: وبعدين مام انا بتزوج تشلسي

العجيز: وشو هذا

yay: بنت كلنتون

العجيز:وش لبتن هذا

yay: هههه مام ضحكتيني لا بنت رئيس الولايات المتحده الامريكيه السابق
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
مو ينفع يكون بنوته؟؟؟

[شمس الشموس]

[ام تميم 66]

يعطيك العاافية ومااقصرتي,,,

[أمول6]

يسلموووووو

[حنونه]

خخخ ياحليله هالخكري
ابداعتي

[كاتمة الاحزان]

منووورييييين

[حمرة الورررد]

نو نو نو ايش دا كانو بنت من جد الله يهدي عيالنا واخواننا بس

[((ام ليان))]

والله انا من جد عصبت منه كيف امه المسكينة
الله لا تبلانا