ملل ...كيف تقضين يومك ,,وقت فراغك وش تتمنين تسوين فيه

[حنونه]

مرحبا



نعمتان مغبون فيهما كثير من الناس الصحه والفراغ
.................


اخباركم
ملل ايه نعم ملل ماليت من الفراغ بعد مااجلت من الجامعه بسبب حملي واوقات فراغي كثيره واتحسف على الوقت اللي يروح بالفاضي ودي استغله
بحفظ شي من القران
ادرس تجويد
ادرس ترجمه
ودي بس مادري وش اللي يمنع
هالفراغ يسبب لي اكتئاب
بسالكم انتم كيف تقضين يومك؟
وقت فراغك وين تهدرين؟اكيد على النت جوابت خخخ
وش تتمنين ؟
انا قلت لكم وش اتمنى
يومي يروح نوم ونت وتسدح وبس
عاد الدور عليكم وشلون تقضين يومك
لعلنا نستفيد من بعض ونشجع بعض
لو اسمع ان احد يحفظ قران او يسوي اي شي يفيده على طول اتشجع وترتفع معنويات
هذا الهدف خلونا نستفيد من بعض
انتظركم
حنونه

[الباندى]

أهلين حبيبتي بالنسبه ع الفراغ أقضيه بالتفصيل
النوم لازم أكون شابعه نوم علشان أعرف أمشي يومي
أصحى أساعد أمي بالغداء وأتغداء معها وبعدين أرجع أنام
العصر ع البيت ترتبيب وغسيل وكنيس ووووووو.....
والمغرب أصلي وأخذ القرآن سورة البقره أقرئها
وبعد العشاء أسوي عشاء ونسولف مع الماما ولما
تنام أخر شي النت أجلس عليه

[حنونه]

منوره والله يخليلك امك يارب
انتظر المزيد

[asoma]

انا خلقتي امل من كل شي حتى ابوي وزوجي يقولون لو نوديك القمر مانبسطتي

وانا ماانبسط بالمكان انبسط باللي معاي من تزوجت وحملت وانا وقتي اتشيك وارتب البيت وانسدح على التلفزيون ولا النت

والمشكله انا ساكنه بمدينه مااااعرف فيها احد لا اهلي ولا اهله

وانا باقيلي شوي وانفجر

[**سماسم**]

حلو وقت الفراغ إذا أستثمر بالمفيد ..
بعد ماخلصت الجامعه فجاء الوقت فضاء علي عقب ماكنت أتمنى ألاقي وقت لو ثانيه لنفسي ..
الحين فراغي أقضيه بالنت ومقسمه وقتي بين قراءة بعض الكتب على النت وبين تصفح المنتديات ..
كنت أتمنى ولازلت ألاقي مركز لتحفيظ القراءن ويكون قريب مني وإن شاء الله ربي يكتب لنا تيسير حفظ كتابه الكريم ..
موضوع حلو حنونه
,,

[العاااالي مستواها]

اليوم جبت لكم ورقه من يومياتي






اصحى الصباح للفجر هذا اذا نمت اصلا






اصحي هباش والعيال للصلاه






اروح بعدالصلاه للمطبخ اسوي الفطور والقهوه والشاهي هذا وقت الدراسه






اغير ملابسي واللبس لبس للبيت






احضرالفطوروالقهوه والشاهي وانادي العيال للفطور





وطبعا ما يحتاج اقولكم عن الصوت يسمعه الي في اخر الحاره خخخخخخخخخخخخخ






خلاص كلهم افطرو وتقهوو وراحو لمدارسهم






اول شي افتح النت على المنتدى لين يصحى هباش للقهوه والفطور






الساعه تسعه اكون خلصت من هباش والفطور والقهوه






اخلص كم شغله في الطبخ واطلع الدجاج اواللحم للغداء






اجلس على المنتدى لين الساعه 11قبل الظهر
بعدها على المطبخ ابدى في الغداء واسوي لي كاس نسكافيه لانه بدى النوم يغزي عيوني






احضر الغداء كل يوم الساعه وحده ونص بالضبط الي يفوته يحلم يلقى غداء بعدها هذا نظام






بعد الغداء يروحون العيال للنوم شوي قبل العصر






اسوي لهباش كاس شاهي رشاقه اذا فلل في الغداء يخاف على وزنه خخخخخخخ






اروح اجهز للعصر ابريق نعناع علشان يروقون ويبدون في الدراسه






بين هذا وهذاك ادخل اسولف في المنتدى واتابع بعض المواضيع






المغرب اذا فيه جمعه عند الجيران اطلع وأتقهوى للعشاء






على طول من الشارع للمطبخ اسوي لهم عشاء قبل هباش يشتط ويسوي لي سالفه
خخخخخخخخخخخخخخخ






اخلص العشاء ومع ذالك ادخل المنتدى اسلم على البنات واشوف من الي فيه منهم






اذاخلصو الاكل كل واحد يحضر اغراضه للمدرسه واشوف كل شي جاهز وبعدها على النوم






بعدها افضى لنفسي شوي اشوف التلفزون اشوف النت






اهتم في غرفتي اتروش وابخر البيت واذا هباش طالع انتظره لين يجي من برى






وقت النوم عندي مو منتظم احيانا اجلس يومين ما انام بس اذا نمت ساعتين بدون ازعاج تكفيني






وهكذا اليوم العادي اللي بدون عزايم او طلعات يعني ايام الدوام



ان شاءالله قلت لكم شي يبسطكم عني




الف-الف-الف-شكرررررر على الموضوع

[جنا المدينة]

ااااااااااااااااه من الفراغ بصرااااااحة زي ما قلتي اغلبو على النت احاول اخلي كل يوم وقت لقراءة القران بس برضو احس اني مقصرة يارييت نشجع بعضنا ونحفظ شي من القران ونحفظ اولادنا كمان.

[سموة الشوق]

حلو فكرتك وموضعك ياحنووونة القلب والعين

أنا بصراحة

ماأحب وقت للفراغ

حاولي تشغلي نفسك بالمفيد

بصراحه يوم أروح المطبخ لازم أشغل الراديو ببرنامج مفيد خاصة الظهر

في برامج حلوة تفيد وتمتع

وكمان الصبح أحب أقرأ الجرايد يوميا

وبرامج الصباح بالتلفزيون

أحب القراءة والثقافة العامة وقراءة الكتب اللي تستهويني مواضيعها والمجلات

وطبعا لازم الورد اليومي للقرآن عالأقل جزء باليوم قراءة وربع حزب حفظ يوميا

ومراجعة ماحفظ طبعا بكثرة تشغيل الراديو والشريط أو الجوال عالسورة اللي أراجع حفظها وبسماعات الأذن وأكمل شغل البيت

وأوقات الملل

أنزل للحوش أسقي الزرع وأتأمل النخل والزرع والنجوم بالسما

الله

تعيشين راحة وصفاء


رووووعه

والله يملي أوقاتنا دائما بطاعته وذكره..

[ام تميم 66]

انا كنت ادرس بس ماكملت دراسة بسبب الحاله النفسية عندي زفت ولله الحمد تعب كتير وما قدرت اكمل وتركت جامعه انا طول الوقت جالسه لوحدي بالبيت لا ام ولا ابو بس الله يخليلي اخواني وخواتي ياارب وزوجي واولادي ياارب,,,,ابقولك من الصبح,,,بسم الله,,,
في الفجر احفض ما تيسر من كتاب الله واقراء سورة البقرة كل يوووم اصلي بعدين ارارجع ارقد لية حزت صلاة الضحى وبعدين اقوم واصلى واستغفر وبعدين فريرة على المطبخ اولم الغداء,,,وبعدين نتغداء ونخلس نسولف ونتفرج على التلفزيوون وبعدين اغسل المواعين وبعدين اقراء الجريدة وبعدين ادخل نت وبعض الاحياان ما ادخل نت وبعدين اذن العصر اصحي ابو هبااش ويطلع لم الاستراحه اذا ماعندة استلام وانا من مكان لمكان ,,,وانظف البيت كاني مكنسة من غرفة لغرفة,,بس الحمد لله الفرج قريب يجيون الورعين ويكسرون البيت يااارب ياارب ,,,

لما يرجع زوجي في الليل نتعشاء واجلس شوي عالنت قبل لا اناام اصلي قياام الليل وارقد وهذا يوومي كله,,,
بس لما يشرفالورعاان يكون نظاامي غييييير ياارب افرح بشوفتهم ياارب ياارب رح تختلف اشياء كتيرة

[نبع الكوثر]

خليه يجو وقت فراغ اصلا الى امسكه بيديني ورجليني بعد
الحمد لله
انا حتى النوم مالي وقت انام
مزحومه قد شعر راسي<<<طيب وش جابك هنا؟؟
ههههههههههه

بس قبل ماجيب بنوتاتي كنت اختم القران 3 مرات في الشهر واحيانا اكثر
واحس اني حفضته من كثر ماعيده بس للاسف ولدت وحملت وولدت وعندي بنوتتين الحين ماخدين وقتي كله واتحسر على القران مايمديني اقراه بس اشغل صوت في الابتوب طول مانا احوس هنا وهناك
واشتغل اعمال يدويه ورسم في البيت
روعه ومسلي
واسوي حلى وعصيرات
بس الحين راح الفن كله
هههههههههههههههه