ابفهم وش سويت ومن الغلطان ساعدونى

[اميرةفى امانيها]

سلام عليكم خواتى ابيكم تساعدونى بقد ماتقدرروا انا ضايقة فينى الدنيا وتفكير وقلق وضايقة فينى الدنيا ولا عاد حطيت بفمى اكل ولا حتى موية المشكلة تكمن بزوجى انا حامل وبالخااااامس وفى حملى هاذا حبيت زوجى متل المجنونة ومتعلقة فية واسلوبى معاه حلو وبحنية واذا تضايقت علمتة انى ابى اطلع ابى اسافر اغير جو ويقول ابشرى من عيونى كلام بكلام المهم انا من الاربعاء فات والحين اكمل اسبوع عند اهلى ودانى على اساس ياخدنى بعديومين انا فى نفس المدينة اان اللى فيها اهلى وضحك على وسحب على وهواصلا متغير ولااشك فية لانى اثق فية واللة اعلم بديت اشك المهم هو بالدوام وهو مفهمنى انة بجدة عنداهلة واخذ اجازة وراجع ياخذنى ولا يرد على ابد واذا رد قال اناتعبان بكلمك كلمتة اليوم قال انا كنت عندك بالطائف وبالبيت ولا اخذتك لانى مابغاك وعدد اشياء ياناس ماتعد اغلاط من حساسية الحمل يعنى يدور اعذار ويخاصم وعصبى يقول ماريحتينى ابد ابد وانا واللة كارهة الطبخ اطبخ لة وكل اللى نفسة فية وادلعة ولسانى حبيبى وعمرى واتكشخ واجى عندة ومطنشنى واحنا اصلا لقربنا من بعض نتعب يعنى العلاقة مانفكر فيها ونقول بنروح شيخ ونطنش وهو حاس بنقص لما يقرب ويتعب معاااى عشان كذا مومهتم وانا احاول اقربة منى عشان العلاقة تقربنا وانجح لانى اعرف انى سيطرت علية بالحب فما يقدر يزعلنى والفترة ذى بعدنا بالحيل اكملكم السالفة مريحتة لدرجة يطلع بشكل يومى من المغرب الى 1او2 وعندة دوام واذا قلت طلعنا قال بكرة واذا طلعنابسرعة بسهر ماكان كذا ابد وزملائة متزوجين ويعلمنى وين جالس ويسمعنى سهراتة فين يعنى موخايفة واثقة فية جدا المهم مايمدينى اتناقش معاه ابدا ولا اقول انت مقصر بس يلقانى متضايقة من الحمل واكل مابغاة واقول ابى اسافر ابى اغير جوابشرى يقول انتى تناقشين انتى وانتى كلام كذب المهم رداليوم وقال انة اخذ اجازة شهر وعنداهلة وانا ولا شئ ويعرف ان نفسيتى صفر يعنى كل نقطة ضعف استغلها فينى وبشدة وكانها ضربة على الراس وباخذك متى ماابغى انا انصدمت قمت ابكى عاد ابوة مايقصر كانة حماتى امة مطلقة والاجازات لازم ماشوف الراتب ولاحتى اقدر احط شئ بالبيت اثاث ماعندى ساكنين مفروش وتطلقنا بالثلاث ورجعنا من مفتى المملكة وباع الاثاث والراتب يادووب وش رايكم بالحركات اللى تزعل اللى عملها يعرف انى من حقى الاجازات والراتب ولااحرم نفسى شئ ابد واهلة مومحتاجين بس كذا يبون يدمرونى وهو يقول ياعمرى بعوضك وكلام يبردالقلب ومدلعنى معاة ومايزعلنى الا اذا بعد وقمت ابكى من بعد العشاء الى الان ابكى واسكت اتصلت وقلت تعال خذنا وسالتة ابوة واهلة شاكين بشئ من اللى سواة قال لا يعنى اهلة يفكرواانى معاه وجيت اهلى امس بس قلت لة وانا مابى احديحس من عندى قال خلاص اتفقنا وعلمتة انى مشتاقة لة وانى نفسيتى تعبانة من الحمل وهو عارف وقلبة حجر يااخواتى يقول مابى اسمع صوتك وانا اتمنى انى اطلع اللى فى نفسى من الزعل علية وانا متضايقة الراتب يطير ولا فكر يغير لى جو ابدومراجعات مستشفى هذة خلاص ماتعنى شئ اللى يعنى انة بعيدعنى وانا ماتحمل خلاص بس ابكى ولا دخلت بفمى شئ ومطنشنى بقوة ولاارتاح الا بقربة هو يقول لاتكلمين بجى من كيفى وهذانى اتصبر وبتجنن مع الحمل واو زفت فى زفت واخاف يبعدكثير وارسلت لة تعال خذنى ولا رد ولا بيرد بمووت قهر اللى ابغاااة يكون جمبى واشوفة وارتاح من جيت عند اهلى مو مرتاحة حبيتة بالحمل وتعلقت ابى حل لانى مخنوقة جدا حل يرضيةويريحنى كيف بنام بعد اللى سواةواكل ساعدونى حل سريع لانى ابكى وقلقانة وظلمنى بتصرفاتى اللى كلها حنيةولا قسيت الى على نفسى وبكيت من الوحم واطلبة الحل ويستغلنى يعنى ماازعجة الا ابى حضنك وينبسط حنون ويحسدنى الكل علية من معاملتة لى بس اذا قسى يقسى خواتى خليكم معااى ووجهونى بس ابى ارتاح لوكم ساعةبتجنن كلامى مو مرتب من النفسية اعتذر ردودكم

[امنيه تتحقق]

ياحبيبتي ترى الامر عادي وانتي مكبره السالفه يمكن زوجك يحس بنقص عشان العلاقه
بس وضحي له انك انتي ماتحبين العلاقه متوحمه عليها هههههه
بفترة حملك وانك بس تبين تجلسين معاه وانك اشتقتي للجلسه وزادت محبة لك فترة الحمل ولاتزوديهاعشان كذه بيتغلى عليك ويبدا مايفكر فيك لانه عارف انك متعلقه فيه بفترة الحمل

[اميرةفى امانيها]

مشكورة حبيبتى على ردك اللى مزعلنى زيادة جالسة عنداهلى اسبوع ويزيدشهر ولاشاورنى ويكلمنى بانتصاروانا تعباااانة ولا راع شعورى ويصيح ويقول مابغاك شكلة متوحم على يعنى يفكر بنفسة انانى العلاقة ماتهمنى يقد مايهمنى اشوفة وارتاح تغير على بسبب الاجازة دوم يقلب على ليتة ياخذنى معاة عند اهلةبس هو يقول عشان مايزعلونك اهلى ببيتى مدلعنى ويتغير بالاجازات وانا مع الحمل ماهمنى الا انى اشوفة وبس فهمتينى يااختى

[سكـره]

حبيبتي . . .
عليك بالرقية الشرعية ياقلبي , والله يحنن قلب زوجك
ويهديه ويحفظه لك ويصونه

[سيدة الغرام]

هلا حبيبتي انتي حاولي تتقربين منه ياقلبي المهم حبيبتي اسمعي مني انا شغلي القران في بيتك وتاعوذي من ابليس يمكن عين فيكم الله يكفينا شرها

[ريــوف]

ااكثري من الاستغفار والرقية وادعي ان ربي يسخره لك ويرده لك ردا جميلا
اقري سورة الواقعة ويس كل ليلة قبل لا تنامين فوائدها عظيمة وفيه ادعية في النت لتسخير الزوج حبيبتي مافي احد خالي سوي الي عليك والله يكون بعونك ويسخر لك زوجي

[اميرةفى امانيها]

مشكووووورة لكل من ردت اخت سكرة واختى سيدة الغرام اتصلت خاصمنى اشغل سورة البقرة انا منى فبيتى انا عند اهلى واخت ريوووف بقراسورة الواقعة وان شاء اللة خير مشكووورين بس يانا س محروووقة مادور فينى وبالاخير طنشتةمقدريبعدشهر عنى

[أم ميوري]

حبيبتي يمكن شافك متعلقه فيه عشان كذا يسوي هالحركات صدقيني انا مجربه ودامه يحبك ومتاكده خلاص
لاتتعبي نفسك واجلسي يوم او يومين لاتدقين وشوفي هو بيدق والله نفس حركات زوجي اذا بعدت عنه وصرت ما عاد ادق عليه مسكت نفسي وتصبرت ولهيت نفسي مع اهلي واخواني ومالقيته الايدق علي طبعا كانت مكالمته معي رسميه وانا والله سويت مثله وبعدها يرسل لي رسايل الحب وصار هو اللي يركض وراي اهم لا تبينين انك ماتقدرين تعيشين من غيره فتره وبس \\ وقولي ايش صار معاك\\\\\\

[قطعة سُكر]

ياااااارب يسخر لك زوووووووجك ويقربه منك وترتاح نفسيييتك ويتمم لك حملك وتعيشون بسعادده

[حـــــرف]

نصيحة أخت لك ومحبه ووالله أني مجربتها

أثقلي عليه ولا تصيرين تتصلين عليه أصبري ودوسي على قلبك شوي

وحاولي تسلين نفسك مع أهلك يوم يومين إن شاء الله عشر صدقيني بيرجع يتصل

وبيسأل عنك وبينجن بعد من طناشك هو عارف إنك ميته عليه ويتغلى ويتدلع

خليه يذوق من الي ذوقك إياه وإذا أتصل ردي على قد سؤاله وبس لا تكثرين سواليف

والله يوفقكم ويرده لك مشتاق وولهان .. خلي ثقتك بالله كبيره