كل واحدة تخبرنا كيف ترتب وتنظم بيتها

[سندس سندس]

بيتي نظيف وما فيه ريحة كتمه مع أني ابخره مره بالأسبوع تدرون وين السر التهويه وقسم بالله سحر انا نظامي تنظيف يومي والحمد لله أحس مافي ضغط شغل أقوم من النوم افتح شبابيك البيت كلها وباب ألبلكونه من عشره الصباح لثلاث العصر لان زوجي المغرب يجئ البيت بعدين أقفل كل الشبابيك أخلي بس الي ما يدخل أتربه وأبدا مسح الطاولات والتلفزيون بد يتول لا فندر البنفسجي ريحه عجيبه واكنس السيراميك بعدها امسحه بمويه وكلوريكس والفوط تكون نظيفة حطو تحتها خطين وبعدين بفوطه نظيفه ناشفه انشق السيراميك وشوفي النظافة مافي ريحه واهم شئ ابو الشباب الزبالة معه الصباح يشيلها والغسيل كل يوم راح يكون قطعتين ثلاث ماتاخذوقت بالتطبيق بكذا نضمن دولاب مرتب أما الحمامات اول ما أقوم من النوم أصب كلوريكس بالبالوعات كلها المغسلة ألبانيو والمرحاض والبالوعه وأشطفه بمويه وشوية ديتول لا فندر وافتح الشفاط والشباك نجي للنقطة المهمة وهي تنشيف الحمام بفوطه نظيفه الجدران كل شئ رطب فيه والأرضيات لان الرطوبة تطلع ريحه مزفره وربي بيتي نظيف ومافيه ريحة كتمه واحيانا يجئ يوم أكسل اقسم بالله ما يحتاج انظف إيه وفيه نقطه بعد مشطي شعرك قبل لاتنظفين البيت تطلعي منه الشعر المتساقط ولميه على فوق علشان ما تلاقينه على الأرض وبث أتمنى أكون أفدتكم

[أم بذرة]

بالنسبة لي صعبة انظف صراحة يوميا بيتي صغير مرة بس بشكل دبلوكس فقط ال يوميا المطبخ وسراير النوم،، ولكن بيوم الويكند اصحي
افطر وابدا تنظيف عميق جدا اكنس الدورين وامسحهم و امسح الاثاث والتحف وابدل المفارش ،،وامسح الفرشات واجلي الحمامات
بديتول وكلوركس واصب باللبولوعات الي يجريها واهوي المكان كله بما اني بمنطقة الحمدلله مافيها نقطة غبرة ،،واليوم الثاني يوم الغسيل
والتجفيف والكوي وتطبيق الملابس بالدولاب وكذلك اتقضي واقطع واخزن بالثلاجة ،، وباقي ايام الاسبوع ارتاح ماغير الي قلت بالبداية وتعطير
وتنظيف مكان جلوسنا قبل النوم وبس