القصيم :مستشفي الحبيب!

[أم بذرة]

"- السلام عليكم -"
بنات كروشات القصيم *بسألكم وربي من ترد علي لها دعوة قلبية *
مستشفي الدكتور سليمان الحبيب بإذن الله ناوية اولد فيه لكن عندي استفسارات الى عندها خلفية تجاوبني الله يخليكم:
....
1- مستوي الولادة عندة "كويسة*ولا سيئة"؟
2-رايكم بالدكتورة انصاف السودانية ولادة وخياط والى جرب غيرها تخبرني كيف كانت تجربتها؟!
3- ابره الظهر عندهم كويسة ولالا؟!
....
دعواتي القلبية لمن بتجاوبني **ممنونة الجميع

[ام تالا ولانا]

هلابك نت ديرتي
انا حاليا اراجع بالحبيب وان شاء الله اولد عندهم وجربت قبل ترقدت عندهم لكن ماولدت لاني سقطت
الله يعوضني بحملي هذا يارب
يعني اجاوبك ع سؤالك الاول العنايه ممتازه وراحه نفسيه غير المستشفيات الاهليه الثانيه ببريده
واراجع عند الدكتره مهجه سودانيه لاباس به لانه جديده حاولت ادخل ع انصاف بس دايم زحمه عنده وسمعت كثير يمدحونه لكن ماجربته
وسمعت يقولون اذا تبي تطلبين دكتوره معينه وقت الولاده لازم تكونين تراجعين عنده لو مراجعه وحده
ابره الظهر ماجربته سويت عندهم عمليه الربط بس طلبت تنويم كامل لاني كنت خايفه من ابره الظهر تكون له مضاعفات بعدين وحنا موب ناقصين حمل ووجع ظهر وتعب يارب لك الحمد ع كل حال والله يتمم علي وعليك وبنات المنتدي جميع
معليش قلت قصه حياتي بس حبيت افيدك
دعواتك الله يثبت مافي رحمي

[أم بذرة]

المشاركة الأصلية كتبت بواسطة ام تالا ولانا

هلابك نت ديرتي
انا حاليا اراجع بالحبيب وان شاء الله اولد عندهم وجربت قبل ترقدت عندهم لكن ماولدت لاني سقطت
الله يعوضني بحملي هذا يارب
يعني اجاوبك ع سؤالك الاول العنايه ممتازه وراحه نفسيه غير المستشفيات الاهليه الثانيه ببريده
واراجع عند الدكتره مهجه سودانيه لاباس به لانه جديده حاولت ادخل ع انصاف بس دايم زحمه عنده وسمعت كثير يمدحونه لكن ماجربته
وسمعت يقولون اذا تبي تطلبين دكتوره معينه وقت الولاده لازم تكونين تراجعين عنده لو مراجعه وحده
ابره الظهر ماجربته سويت عندهم عمليه الربط بس طلبت تنويم كامل لاني كنت خايفه من ابره الظهر تكون له مضاعفات بعدين وحنا موب ناقصين حمل ووجع ظهر وتعب يارب لك الحمد ع كل حال والله يتمم علي وعليك وبنات المنتدي جميع
معليش قلت قصه حياتي بس حبيت افيدك
دعواتك الله يثبت مافي رحمي

هلا بك غلاتي نورتي ياعرقي
اللهم آ مين **الله يجزاك جنة الفردوس بإفادتك
واسأل الله بمنة فضلة وحدة ربي الذي اذا اراد شيء قال له كن فيكون ..أن يحفظ مافي بطنك وأن يقر عينك به وأن يجعلة كامل الخلقة بلازيادة اونقص سبحانة
ممنونتك.

[أم بذرة]

مازلت استني المزيييييييييد لاتبخلو علي بنات ديرتي وينكمممممم

[جود الملاك]

السلام عليكم ورحمة الله ..
اختي انا والله سجلت ع شان اكسب دعووتك .. والله يشهد ع ماقووله لك ..
انا ممرضة بالحبيب الي بالقصيم ..
واشهد لك بالعناية والاهتمام ..
واحسن مستشفى هو الحبيب .. وانصحك تولدي فية ..
والدكتورة انصاف دكتوورة شاطررة .ومممتازة .. وخياطتها ممتازة يعني ماحصل مشاكل بقدرت الله ثم بشطارتها ..
وفي دكتورات ممتازات الدكتورة عايششة صبووورة ودكتورة دانية ممتازة .. والدكتور السموال .. وكثير يططلبوون الدكتورة عايشة
والله يششهد انهم دكاتررة مممتازين ودكتورة ندى بررضوو ممتازة ..
والعناية : اذا الي يوولدون بالحكوومي يجون عندنا ع شان العناية والرعاية والاهتمام ..
وكثيرر يجوون من الحكومي معهم مشاكل من الاخطاء الطبيية ...
الي عامله قيصررية ومتجمع الدم عندها وحصل انفجار ببطنها والي الخياطة مو كويسة ووحاصل بكتريا عندها ..
اختي يشهد ربي اني ماني كاسبة من الحبيب ششي ولاهم معطيني ريال من الي بتدفعينة ..بس حبيت انصحك
ولاني مسوية له دعاية ع شان شي .. بس يششهد ان ع شانك وع شان دعاء ان الله يررزقني بوظيفة حكوومية ..
وخلي بالك ان ناس يجون من الجوف والقريات وحائل وجده ع شان الحبيب ويوولدون هناا .. عندنا بمستشفى سليمان الحبيب ..
وانا ممرضة تخصص ولادة اشتغل هناك بسس رحت بقسم مابعد الولاده الي ان شاالله بعد ماتوولدين تكونين فية ..
انا ممرضة سسعودية الوحيده بالقسسم اول ماتجين هنا وتولدين اسسالي عني تلقيني وقولي نادو لي الممرضة السعودية واجيك ..
وبالنسبة لابرة الظهر كثير ياخذوونهاا .. وماحصل مشاكل منها .. بس يجيك صداع خفيف والم وبعدها بفترة يروح ..
بس انا ماقول انصحك او مانصحك .. بس لو انا بمممكانك راح اخذها ع شان ارتاح من الالم ... بس من اسئلتي للحريم .. يقولوون حلووة ومن بنات عنيزة يجون ع شان ابرة الظهر ولا يرووحون للوفاء لان ماعندهم ابرة الظهر

وابراه الظهر ماحد يعطيها الا اخصائي فاهم ...
وهذا الي اقدر افيدك واذا عندك اسئلة ابششري
واسال الله ان يرززقك ويسسهل امررك بالولادة ..

[أم بذرة]

عسى ربي يفرج لك ويحقق مناك وستر عليك ..ويعطيك ماتتمنين ..
اللهم ارزقها راحة البال والطمأنينه اللهم سهل جميع امورها ووارزقها من حيث لاتحتسب اللهم ارزقها مايتمنى واكتب لها الخيره من امرها في جميع امور حياتها...
وعد اختي مابنساك من دعواتي يالطيبة في قيام الليل **
طمنتيني الله يطمن قلبك
فقط عندي تسائل كم اسعار الولادة اذا عندك خلفية ...
ممننننننننننننننننننننونتك جود

[جود الملاك]

اختي .. الولادة تقريباً 6300 .. الولادة الطبيعييه .. والتامين الف ريال يعني ع شان لو تحتاجين دكتورة ثانية ياخذون التامين اذا ماستخدمتية يرجعونه لك ..
وابراه الظهر قيمتها الفين ريال **
مع ابراه الظهر 8000 تقريباً ..
هذا دايمن اشوف اسعارهم بالملف حق المرضى **
واهم شي تجين قبل الولادة ع شان تمرين ع العيادة ع شان ياخذون التاريخ حقك .* ويعرفون كل شي عنك ووفصلية الدم .. وكل حاجة
لان مرات يكوون المستشفى مززحووم .. وع شان تحجزين لك غرفة ..
متى ولادك ان شاءالله ..؟

[أم بذرة]

الله يجزاك جنة الفردوس ويحقق امانيك يارب

[Tho0og]

حبيبتي انا جربته وكنت ابي انصاف تولدني وولدتني وخاطتني دكتوره ثانيه ع ان مراجعاتي مع انصاف وانا طالبه انصاف

ومن ناحية الاخطااءالطبيه تراها بكل مكان اعرف حالتين عندهم من الخطاا الطبي بغوا يموتون بسبته خصوصا الي ولدن قيصري

وانتبهي من ابرة الظهر نصيحه لوجه الله تراها ماتخليك تقدرين تدفعين وممكن توقف طلوقك وحده صارلها كذا وولدوها قيصري

من ناحيه العنايه والاهتمام ماكذب عليك يجنن اهتمامهم فيك بس الولاده تساهيل من رب العالمين ولا انا جادعيني ماعندي الا ممرضه وتقولي توك توك مانتي والده الحين لعلني ولدت وابتلشت عشان كذا نادوا غير انصاف

نصيحه روحي للوفااء كثيييير مره يمدحونه لان دكتوراتهم خبره ع 20 سنه حوريه وفيه غيرها كثير خبره
اوما الحبيب اغلبهم مالهم الا فتره بسيطه خصوصا مهجه انتبهي


وبس حبيت افيدك

[Tho0og]

نسيت اقولك شي

ترا الولاده ب6000 بس تطلعين وانتي دافعه حول 10

يا يعطونك طلق صناعي ياتحاليل وانتي ماتدرين ويسوون كشف للبيبي بدون علمك ثم فجأه يطلبونك فلوس

والبيبي مافيه احد ولد عندهم الاقايليله ترا ولدكم فيه ثقب عشان ياخذون اشعه ويكسبون واخرتها مافيهم الا العافيه


فاذا ودك تولدين اولدي وخوذي ولدك لمستوصف ثاني يفحصه تراهم يعشقون شي اسمه اشعه يطلعولك عذاريب عشان تسوينها

مانسا انهم كدروا فرحتي لما قالوا طفلي فيه ثقب ومدري ايش والحمدلله مافيه الا العافيه بس بما اني مادريت ان كثير قايليلهم كذا خليتهم يسوون اشعه من الخوف

لو اني داريه كان اخذت طفلي ووديته اي مكان ثاني يفحصه ولايقعدون يكذبون عشان الاستغلال