السلام عليكم
في بداية حملي شبعت صدمات والله
يعني في البدايه قالوا حمل ضعيف ممكن حمل وممكن لا وعطوني دوفاستون وقالوا ترى 70% راح تنزل الدوره لانها نسبة حمل ضعيفه استعمليه لمدة 5 ايام وبعدها نعيد التحليل
وانا داخليا كنت فررررحانه بالبداية عند المختبر لان اول مره يطلع نسبة ضعيفه وكان عندي احساس اني حامل من اعراضي وكنت اقول لما اعيده راح يبين ويطلع حمل 100% بس لما رحت للاستشاري وعطاني الدوفاستون انصدمت وتحطمت المهم وكل يوم انتظر الدوره وكان يجيني نغزات عالمبيض الايمن غير وجع الدوره وكنت متأكده انه حمل .. المهم رحت لهم بعد 5 ايام وطبعا طووول هالخمس ايام كنت اسوي تحاليل منزليه وكان كل يوم الخط يغمق ورحت حللت دم وطلع حمل وفررررررحت وقالوا لازم اشعة نشوف عمره والخ سوووويت اشعة وانا اطالع الجهاز فجأه فاضي كل شي فاضي مافي شي ماشوف شي انصدمت قال الدكتور طبيعي لان توه تعالي بعد اسبوعين نشوف .. المهم رجعت للدكتوره اللي اتابع عندها قالت اززززاي مابنش فالاشعه ده احتمال خارج الرحم او انه حمل في أوله .. لازم نعمل تحليل رقمي حالا ونعيده بعد يومين وسويت التحليل الرقمي وطووووول هاليومين كنت على اعصابي و ادعي الله ليل ونهار ورحت قبل اكمل يومين لان بشوف يتضاعف او لا ماعاد اقدر اصبر 48 ساعه رحت لهم بعد يوم ونص والحمدلله تضاعف وطلع حمل داخل الرحم وقبل الاشعه قلت لزوجي و لأهلي المره الجايه راح يبين الكيس بس بدون جنين وراح انصدم صدمه جديده وبعدها ممكن يقولون جنين بدون نبض والخ يعني سبحان الله مستحيل الفرحه تتم بسرعه .. المهم رحت سويت الاشعه بعد الاسبوعين و بين الكيس مثل ماتوقعت بدون جنين وقالوا عمره 6 اسابيع ويومين ممكن لان توه مايبين وممكن كيس فارغ .. انا هنا خلاص احس الدنيا ظلمت علي واللي يزيد من خوفي ان للحين ماتوحمت مثل العالم بس يجيني غثيان من الاكل أي اكل قدامي و أي شي اكله اندم بعده يعني لقمه ومقدر اكل الثانيه وهالشي مايجي بشكل يومي عشان كذا ما ادري وش هو وخايفه مايكون بداية وحام وخايفه يكون جد كيس فارغ بس والله كثير مثلي و بين معاهم بعدين .. زوجي يبي يوديني اعيد الاشعة يوم الخميس يعني بإذن الله اكون خلصت 7 اسابيع و 3 ايام .. انتوا وش رايكم اروح الخميس ولا لا ؟ ومعقوله يمديه يبين !! وعدم الوحام دليل على ان مافي حمل ؟ مية سؤال براسي لاتلوموني بكريه و اول فرحه لي وماتهنيت فيها ادري طولت بس ماجاني نوم وقلت افضفض و اسألكم .. اذا اروح او لا ويمديه يبين او لا وعن الوحام والخ